REGOLAMENT (UE) 2024/1988 TAL-BANK ĊENTRALI EWROPEW

tas-27 ta’ Ġunju 2024

dwar statistika dwar fondi ta’ investiment u li jħassar id-Deċiżjoni (UE) 2015/32 (BĊE/2014/62)

(BĊE/2014/62) (BĊE/2024/17)

(riformulazzjoni)

Il-KUNSILL GOVERNATTIV TAL-BANK ĊENTRALI EWROPEW,

Wara li kkunsidra l-Istatut tas-Sistema Ewropea ta’ Banek Ċentrali u tal-Bank Ċentrali Ewropew, u b’mod partikolari l-Artikolu 5 tiegħu,

Wara li kkunsidra r-Regolament tal-Kunsill (KE) Nru 2533/98 tat-23 ta’ Novembru 1998 dwar il-ġbir ta’ tagħrif statistiku mill-Bank Ċentrali Ewropew (1), u b’mod partikolari l-Artikoli 5(1) u 6(4) tiegħu,

Billi:

(1)

Ir-Regolament (UE) Nru 1073/2013 tal-Bank Ċentrali Ewropew tat-18 ta’ Ottubru 2013 dwar statistika dwar l-attiv u l-passiv ta’ fondi ta’ investiment (BĊE/2013/38) (2) jeħtieġ li jiġi emendat b’mod sostanzjali, b’mod partikolari fid-dawl tal-ħtieġa li jinġabar tagħrif statistiku addizzjonali u aktar frekwenti dwar fondi ta’ investiment (FI). Għaldaqstant jeħtieġ li ssir riformulazzjoni tiegħu għall-finijiet ta’ ċarezza.

(2)

Ir-Regolament (KE) Nru 2533/98 jipprovdi illi, għat-twettiq tar-rekwiżiti ta’ rapportar statistiku tiegħu, il-Bank Ċentrali Ewropew (BĊE), megħjun mill-banek ċentrali nazzjonali (BĊNi), għandu d-dritt jiġbor tagħrif statistiku fil-limiti tal-popolazzjoni ta’ referenza li tirrapporta u ta’ dak li huwa neċessarju sabiex jitwettqu l-kompiti tas-Sistema Ewropea ta’ Banek Ċentrali (SEBĊ). Jingħad mill-Artikolu 2(2), il-punt (a), tar-Regolament li l-FI jagħmlu parti mill-popolazzjoni ta’ referenza li tirrapporta għall-finijiet li jiġu sodisfatti l-obbligi ta’ rapportar statistiku tal-BĊE, inter alia, fil-qasam tal-istatistika monetarja u finanzjarja.

(3)

L-Artikolu 3 tal-istess Regolament jeħtieġ li l-BĊE jispeċifika l-popolazzjoni attwali li tirrapporta fil-limiti tal-popolazzjoni ta’ referenza li tirrapporta, u jintitolah sabiex jeżenta totalment jew parzjalment klassijiet speċifiċi ta’ aġenti li jirrapportaw mir-rekwiżiti ta’ rapportar statistiku tiegħu. Il-popolazzjoni ta’ FI koperta b’dan ir-Regolament jenħtieġ li tinkludi fondi ta’ investiment alternattiv (AIFs) u impriżi ta’ investiment kollettiv f’titoli trasferibbli (UCITS) stabbiliti fit-territorji tal-Istati Membri kif definit fid-Direttiva 2011/61/UE tal-Parlament Ewropew u tal-Kunsill (3) (AIFMD) u d-Direttiva 2009/65/KE tal-Parlament Ewropew u tal-Kunsill (4) (UCITSD). Sabiex jiġu żgurati l-konsistenza u l-komparabbiltà tal-istatistika, huwa importanti li l-entitajiet kollha kklassifikati fis-subsettur “Fondi ta’ investiment mhux MMF (S.124)” tas-sistema Ewropea tal-kontijiet nazzjonali u reġjonali fl-Unjoni Ewropea (ESA 2010) stabbilita fir-Regolament (UE) Nru 549/2013 tal-Parlament Ewropew u tal-Kunsill (5) jiġu inklużi fil-popolazzjoni attwali li tirrapporta. F’xi każijiet id-definizzjoni ta’ FI tista’ għalhekk tinkludi entitajiet li ma jaqgħux fil-kamp ta’ applikazzjoni tal-oqfsa tal-AIFMD jew tal-UCITSD.

(4)

Għalkemm ir-regolamenti adottati taħt l-Artikolu 34.1 tal-Istatut tas-Sistema Ewropea ta’ Banek Ċentrali u tal-Bank Ċentrali Ewropew (minn hawn ’il quddiem l-“Istatut tas-SEBĊ”) ma jassenjawx drittijiet jew jimponu xi obbligi fuq Stati Membri li l-munita tagħhom mhijiex l-euro (minn hawn ’il quddiem “Stati Membri li mhumiex fiż-żona tal-euro”), l-Artikolu 5 tal-Istatut tas-SEBĊ japplika kemm għall-Istati Membri taż-żona tal-euro kif ukoll għal dawk li mhumiex fiż-żona tal-euro. Il-Premessa 17 tar-Regolament (KE) Nru 2533/98 tirreferi għall-fatt illi l-Artikolu 5 tal-Istatut tas-SEBĊ, flimkien mal-Artikolu 4(3) tat-Trattat dwar l-Unjoni Ewropea, jimplika li hemm obbligu biex jitfasslu u jiġu implimentati f’livell nazzjonali l-miżuri kollha li l-Istati Membri li mhumiex fiż-żona tal-euro jqisu xierqa sabiex jinġabar it-tagħrif statistiku meħtieġ biex jiġu sodisfatti l-obbligi ta’ rapportar statistiku tal-BĊE u jsiru t-tħejjijiet f’waqthom fil-qasam tal-istatistika sabiex huma jsiru Stati Membri taż-żona tal-euro.

(5)

Sabiex twettaq il-kompiti tagħha, b’mod partikolari biex tiddefinixxi u timplimenta l-politika monetarja u biex tikkontribwixxi għall-istabbiltà tas-sistema finanzjarja, is-SEBĊ teħtieġ tagħrif statistiku ta’ kwalità għoli dwar l-attivitajiet finanzjarji tal-FI. L-iskop prinċipali ta’ dan it-tagħrif huwa li l-BĊE jingħata stampa statistika komprensiva tas-subsettur tal-FI fl-Istati Membri li l-munita tagħhom hija l-euro (minn hawn ’il quddiem “Stati Membri taż-żona tal-euro”), li għandhom jitqiesu bħala territorju ekonomiku wieħed. Tagħrif minn sorsi regolatorji jew kummerċjali oħra li huwa attwalment disponibbli ma jipprovdix stampa tal-istatistika tas-subsettur tal-FI suffiċjentement komprensiva kif meħtieġa sabiex jitwettqu kompiti ta’ SEBĊ, minħabba limitazzjonijiet f’termini ta’ ambitu, kopertura u t-tip ta’ data disponibbli, il-kwalità tad-data u l-livell ta’ armonizzazzjoni tad-data disponibbli minn dawk is-sorsi.

(6)

Il-ġbir ta’ tagħrif statistiku dwar l-attivitajiet finanzjarji tal-FI huwa meħtieġ biex jissodisfa ħtiġijiet analitiċi regolari u ad hoc u biex jappoġġa lill-BĊE fit-twettiq ta’ analiżi monetarja u finanzjarja. Dak it-tagħrif statistiku jintuża wkoll mis-SEBĊ biex tiġbor statistika oħra, b’mod partikolari fir-rigward tal-kontijiet finanzjarji, il-bilanċ tal-pagamenti u l-pożizzjoni tal-investiment internazzjonali fiż-żona tal-euro. Għal dan l-għan, huwa meħtieġ tagħrif statistiku relatat mal-introjtu mill-investiment attribwibbli lill-azzjonisti tal-FI, li tista’ tinkiseb mill-informazzjoni dwar l-introjtu u t-tariffi meħtieġa skont dan ir-Regolament. Sabiex jiġi minimizzat il-piż tar-rapportar għal dawn ir-rekwiżiti, xi informazzjoni dwar l-introjtu tista’ tiġi stmata mill-BĊN rilevanti u l-informazzjoni dwar it-tariffi hija meħtieġa fuq bażi annwali biss.

(7)

Tagħrif statistiku miġbur skont dan ir-Regolament jintuża biex tinġabar statistika dwar il-FI kemm fuq bażi aggregata kif ukoll fuq bażi ta’ fond b’fond, kif ukoll biex jiġu kkumplimentati sorsi oħra ta’ tagħrif statistiku miġbur mill-BĊE, u biex jiżgura li dak it-tagħrif statistiku jkun jista’ jiġi integrat b’mod effettiv ma’ dawk is-sorsi l-oħra, inkluża statistika dwar il-parteċipazzjonijiet tat-titoli miġbura skont ir-Regolament (UE) Nru 1011/2012 tal-Bank Ċentrali Ewropew (BĊE/2012/24) (6), id-Database tar-Reġistru tal-Istituzzjonijiet u l-Affiljati (RIAD) ikkompilat skont il-Linja Gwida (UE) 2018/876 tal-Bank Ċentrali Ewropew (BĊE/2018/16) (7) u l-bażi ta’ data tat-titoli ċentralizzati (CSDB), ikkompilata skont il-Linja Gwida (UE) 2022/971 tal-Bank Ċentrali Ewropew (BĊE/2022/25) (8). Dan jippermetti l-użu effiċjenti u kosteffettiv ta’ tagħrif statistiku miġbur mill-aġenti li jirrapportaw, u b’hekk jiżdiedu l-konsistenza u l-komparabbiltà tagħhom u għalhekk ir-rilevanza u l-valur tagħhom għal skopijiet analitiċi.

(8)

Qabel ma jadotta dan ir-Regolament għad-definizzjoni u l-impożizzjoni ta’ rekwiżiti ta’ rapportar statistiku, il-BĊE vvaluta l-merti u l-ispejjeż tal-ġbir ta’ tagħrif statistiku ġdid skont l-Artikolu 3 tar-Regolament tal-Kunsill (KE) Nru 2533/98 u jqis li statistika ġdida u aktar frekwenti, inkluż tagħrif statistiku dwar introjtu ta’ kull xahar u tariffi annwali riċevuti u dividendi mħallsa mill-FI u informazzjoni dwar il-klassifikazzjoni tal-FI, hija meħtieġa biex ittejjeb il-kwalità u d-disponibbiltà tad-data għall-utenti tal-istatistika dwar il-FI meta jwettqu l-kompiti tas-SEBĊ. Il-BĊE ikkonsulta wkoll lill-Kummissjoni dwar l-abbozz tar-Regolament, u rċieva l-kummenti tagħha.

(9)

Dan ir-Regolament jistabbilixxi r-rekwiżiti primarjament fir-rigward tal-FI. Madankollu, tagħrif statistiku sħiħ dwar id-detenturi ta’ ishma tal-portatur maħruġa minn FI jista’ ma jkunx disponibbli direttament mill-FI. Għalhekk, huwa meħtieġ li jsiru arranġamenti biex il-BĊNi jkunu jistgħu jiġbru dak it-tagħrif statistiku, inkluż minn sorsi u entitajiet oħra, f’konformità mal-metodi l-aktar effettivi u preċiżi disponibbli fil-livell nazzjonali.

(10)

Sabiex jiġi limitat il-piż tar-rapportar, il-BĊNi għandhom jitħallew jiġbru t-tagħrif meħtieġ dwar il-FI mill-popolazzjoni attwali li tirrapporta bħala parti minn qafas ta’ rapportar statistiku usa’, sakemm it-twettiq tar-rekwiżiti statistiċi tal-BĊE ma jkunx imfixkel u l-ġbir tal-informazzjoni b’dan il-mod ikun konsistenti mal-prinċipji statistiċi sottostanti għall-istatistika Ewropea prodotta mis-SEBĊ, kif stipulat fl-Artikolu 3a tar-Regolament (KE) Nru 2533/98. Sabiex titkattar it-trasparenza, f’dawn il-każijiet huwa xieraq li l-aġenti li jirrapportaw jiġu mgħarrfa li tagħrif statistiku jinġabar sabiex jiġu sodisfatti skopijiet oħrajn.

(11)

Fid-dawl tat-tkabbir sinifikanti fl-importanza tas-subsettur tal-FI għat-trasmissjoni tal-politika monetarja u l-monitoraġġ u l-valutazzjoni tal-istabbiltà finanzjarja, tagħrif statistiku aktar dettaljat huma meħtieġ fuq bażi ta’ kull xahar. Dan jippermetti konsulenza politika aktar f’waqtha u kwalità aħjar ta’ analiżi, pereżempju bl-identifikazzjoni aħjar ta’ avvenimenti u kawżalità fl-ekonomija u s-swieq finanzjarji, u l-iffaċilitar sinifikanti tal-inkorporazzjoni tad-data u l-analiżi relatata fin-noti ta’ politika regolari lill-Kunsill Governattiv.

(12)

Sabiex jiġi żgurat li l-piż tar-rapportar ma jkunx eċċessiv, il-BĊNi għandhom ikunu jistgħu jagħtu derogi lill-FI skont ċerti rekwiżiti u limiti. Għandu jkun possibbli li jingħataw ċerti derogi lill-FI b’restrizzjonijiet ta’ frekwenza u ta’ żmien rigward il-valutazzjoni tal-assi tagħhom sabiex ikunu jistgħu jissodisfaw ir-rekwiżiti ta’ rapportar bi frekwenza u fi żmien li huma allinjati aħjar ma’ dawk ir-restrizzjonijiet. Barra minn dan, għandu jkun possibli li jingħataw derogi lill-FI fuq rapportar ta’ titoli fuq bażi ta’ titolu b’titolu mingħajr kodiċi ta’ identifikazzjoni, meta dawn ikollhom valur tas-suq baxx meta mqabbel mat-total tal-parteċipazzjonijiet tat-titoli fuq livell ta’ FI nazzjonali jew individwali.

(13)	Il-ġbir ta’ tagħrif ta’ titolu b’titolu skont dan ir-Regolament isir f’konformità mad-definizzjonijiet kif stabbiliti fir-Regolament (UE) Nru 1011/2012 (BĊE/2012/24).

(14)

Il-kwalità tat-tagħrif statistiku miġbur, u l-analiżi mwettqa mill-BĊE, tittejjeb jekk huwa jirċievi data mill-Awtorità Ewropea tat-Titoli u s-Swieq (ESMA) irrapportata skont l-AIFMD u l-UCITSD li huma meħtieġa biex jitwettqu l-kompiti tas-SEBĊ. Il-BĊE għandu għalhekk jikkoopera mal-ESMA fl-insegwiment tal-objettivi tiegħu skont dan ir-Regolament u jfittex li jtejjeb l-effiċjenza tal-produzzjoni tat-tagħrif statistiku użat għal dawn l-iskopijiet, inkluż bit-tnaqqis ta’ duplikazzjonijiet bla bżonn u inkonsistenzi bejn l-oqsfa ta’ rapportar għall-kompiti tas-SEBĊ u skopijiet superviżorji kif ukoll b’titjib tal-istandardizzazzjoni tad-data, il-kondiviżjoni u l-użu effiċjenti tad-data.

(15)	L-istandards għall-protezzjoni u l-użu ta’ tagħrif statistiku kunfidenzjali kif stabbilit fl-Artikolu 8 tar-Regolament (KE) Nru 2533/98 għandhom japplikaw, b’dan it-tagħrif jitħalla jkun kondiviż mal-Awtoritajiet Superviżorji Ewropej meta meħtieġ biex iwettqu l-kompiti tagħhom.

(16)	L-Artikolu 7(1) tar-Regolament (KE) Nru 2533/98 jistipula illi l-BĊE għandu l-poter jimponi sanzjonijiet fuq l-aġenti li jirrapportaw li jonqsu milli jikkonformaw mar-rekwiżiti tar-rapportar statistiku stabbiliti fir-regolamenti jew id-deċiżjonijiet tal-BĊE.

(17)	Sabiex tiġi żgurata l-kontinwità xierqa fir-rapportar tat-tagħrif statistiku relatat mal-FI, ir-rekwiżiti fis-seħħ qabel id-data tal-applikazzjoni ta’ dan ir-Regolament għandhom jingħataw anterjorità għall-perijodu ta’ tranżizzjoni kollu.

(18)

Huwa meħtieġ li tiġi stabbilita proċedura biex isiru emendi tekniċi lill-Annessi ta’ din il-Linja Gwida b’mod effettiv, sakemm dawn l-emendi la jbiddlu l-qafas kunċettwali bażiku, u lanqas ma jaffettwaw il-piż tar-rapportar. Għaldaqstant, il-Bord Eżekuttiv tal-BĊE għandu jkun jista’ jagħmel tali emendi tekniċi u għandu jittieħed kont tal-fehmiet tal-Kumitat tal-Istatistika tas-SEBĊ meta tiġi segwita din il-proċedura.

(19)

Sabiex tiġi żgurata l-kontinwità fir-rapportar tat-tagħrif statistiku dwar il-FI u sabiex l-implimentazzjoni tkun tista’ tibda mill-1 ta’ Diċembru 2025, dan ir-Regolament għandu jidħol fis-seħħ mingħajr dewmien. Madankollu, ma għandux japplika qabel l-1 ta’ Diċembru 2025 sabiex jippermetti biżżejjed żmien għall-BĊNi u l-FI biex iħejju għar-rekwiżiti tar-rapportar rilevanti. Sabiex jiġi żgurat li d-derogi skont dan ir-Regolament jingħataw mill-BĊNi fuq bażi legali soda u sabiex jiġi żgurat li dawn id-derogi jistgħu jiġu nnotifikati lill-aġenti tar-rapportar fi żmien xieraq, dawk id-dispożizzjonijiet dwar id-derogi għandhom japplikaw mid-data tad-dħul fis-seħħ ta’ dan ir-Regolament,

(20)

Fid-dawl ta’ regoli ta’ kontabbiltà li jistgħu jippermettu lil ċerti FI li jivvalutaw l-attiv tagħhom inqas ta’ spiss minn kull xahar, ma għadux meqjus neċessarju li l-Kunsill Governattiv jiddetermina dawn il-kategoriji. Kif stabbilit f’dan ir-Regolament, huma minflok meqjus xieraq għal BĊNi li jkollhom id-diskrezzjoni li jagħtu tali derogi fid-dawl tal-kategoriji limitati ta’ FI li għalihom dawn japplikaw. Deċiżjoni (UE) 2015/32 tal-Bank Ċentrali Ewropew (BĊE/2014/62) (9) għalhekk għandha titħassar,

ADOTTA DAN IR-REGOLAMENT:

Artikolu 1

Suġġett u kamp ta’ applikazzjoni

Dan ir-Regolament jistabbilixxi r-rekwiżiti ta’ rapportar għall-fondi ta’ investiment (FI), u f’ċerti każijiet intermedjarji finanzjarji oħra (OFIs) u istituzzjonijiet finanzjarji monetarji (MFIs), fir-rigward ta’ tagħrif statistiku dwar l-attiv, il-passiv, l-introjtu riċevut, id-dividendi u t-tariffi mħallsa mill-azzjonisti lill-FI.

Artikolu 2

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1)

“fond ta’ investiment (FI)” tfisser impriża ta’ investiment kollettiv li:

(a)	tinvesti f’assi finanzjarji u/jew mhux finanzjarji, deskritti fl-Anness II, sal-punt li l-għan tagħha huwa li tinvesti kapital miġbur minn investituri bl-imnut u professjonali; u

(b)

hija mwaqqfa f’konformità mal-liġi tal-Unjoni jew dik nazzjonali skont:

(i)	il-liġi tal-kuntratt, bħala fond komuni mmaniġġjat minn kumpaniji maniġerjali;

(ii)	il-liġi fiduċjarja, bħala unità fiduċjarja;

(iii)

il-liġi tal-kumpaniji, bħala kumpanija ta’ investiment;

(iv)	kwalunkwe mekkaniżmu simili jew forma legali oħra.

Dawn li ġejjin jitqiesu bħala FI għall-finijiet ta’ dan ir-Regolament:

—	impriżi ta’ investiment kollettiv li l-unitajiet jew l-ishma tagħhom huma, fuq talba tad-detenturi, mixtrija mill-ġdid jew mifdija direttament jew indirettament mill-attiv tal-impriża; u

—	impriżi ta’ investiment kollettiv li għandhom numru fiss ta’ ishma maħruġa u li l-azzjonisti tagħhom ikollhom jixtru jew ibiegħu ishma eżistenti meta jidħlu jew joħorġu mill-fond.

Dawn li ġejjin ma jitqisux bħala FI għall-finijiet ta’ dan ir-Regolament:

—	fondi tal-pensjoni kif definiti fl-Artikolu 1 tar-Regolament (UE) 2018/231 tal-Bank Ċentrali Ewropew (BĊE/2018/2) (10);

—	fondi tas-suq monetarju (MMFs) kif definit fl-Artikolu 2 tar-Regolament (UE) 2021/379 tal-Bank Ċentrali Ewropew (BĊE/2021/2) (11).

(2)

“residenti” tfisser stabbilit fit-territorju ta’ Stat Membru. Entità ġuridika hija stabbilita fit-territorju ta’ Stat Membru li fih hija awtorizzata jew irreġistrata jew għandha l-uffiċċju reġistrat tagħha. Jekk l-entità ma tkunx inkorporata, tkun stabbilita fejn tkun domiċiljata, b’kont meħud tal-Istat Membru li s-sistema legali tiegħu tirregola l-ħolqien u l-eżistenza kontinwa tal-entità;

(3)	“BĊN rilevanti” tfisser il-BĊN tal-Istat Membru parteċipanti li fih il-FI huwa residenti;

(4)	“tagħrif titolu b’titolu” tfisser tagħrif maqsum f’titoli individwali;

(5)	“ishma/unitajiet ta’ FI” tfisser ishma jew unitajiet, inkluż fil-forma ta’ kapital ta’ ekwità, maħruġa minn FI li huma inklużi fil-lista ta’ FI għal skopijiet ta’ statistika u tinkludi ishma/unitajiet reġistrati ta’ FI u ishma/unitajiet tal-portatur ta’ FI;

(6)	“Ishma/unitajiet ta’ FI irreġistrati” tfisser ishma/unitajiet ta’ FI li dwarhom, skont il-leġiżlazzjoni nazzjonali, tinżamm dokumentazzjoni li tidentifika d-detenturi tal-ishma/unitajiet tiegħu, inkluż tagħrif dwar ir-residenza u s-settur tad-detentur;

(7)

“Ishma/unitajiet ta’ FI” tfisser waħda minn dawn li ġejjin:

(a)	Ishma/unitajiet ta’ FI li fir-rigward tagħhom, skont il-leġislazzjoni nazzjonali, ma jinżammx rekord li jidentifika d-detenturi tal-ishma/unitajiet tagħhom;

(b)	Ishma/unitajiet ta’ FI li fir-rigward tagħhom, skont il-leġislazzjoni nazzjonali, jinżamm rekord li jidentifika d-detenturi tal-ishma/unitajiet tiegħu, iżda li ma jkunx fih tagħrif dwar ir-residenza u s-settur istituzzjonali tad-detentur;

(8)	“istituzzjoni finanzjarja monetarja” (MFI) tfisser “istituzzjoni finanzjarja monetarja (MFI)” kif definit fl-Artikolu 2 (1) tar-Regolament (UE) 2021/379 (BĊE/2021/2);

(9)

“intermedjarji finanzjarji oħrajn għajr korporazzjonijiet tal-assigurazzjoni u fondi tal-pensjoni” (OFIs) tfisser “intermedjarji finanzjarji oħrajn għajr korporazzjonijiet tal-assigurazzjoni u fondi tal-pensjoni” kif definit fil-paragrafi 2.86 sa 2.94 tal-Anness A tar-Regolament (UE) Nru 549/2013 tal-Parlament Ewropew u tal-Kunsill (12)u esklużi korporazzjonijiet finanzjarji vetturi involuti fi tranżazzjonijiet ta’ titolizzazzjoni (FVCs) kif definiti fil-paragrafu 2.90 ta’ dak l-Anness;

(10)

“kustodju” tfisser entità li tappartjeni għas-“settur tal-korporazzjonijiet finanzjarji” kif definit fil-paragrafu 2.55 tal-Anness A tar-Regolament (UE) Nru 549/2013 u li twettaq is-salvagwardja u l-amministrazzjoni ta’ strumenti finanzjarji f’isem il-klijenti, inklużi l-kustodja u servizzi relatati bħall-ġestjoni ta’ flus/kollateral kif speċifikat fit-Taqsima B, il-punt (1), tal-Anness I tad-Direttiva 2014/65/UE tal-Parlament Ewropew u tal-Kunsill (13);

(11)	“impriżi ta’ investiment kollettiv f’titoli trasferibbli” (UCITS) tfisser “impriżi ta’ investiment kollettiv f’titoli trasferibbli” kif imsemmi fl-Artikolu 1(2) tad-Direttiva (KE) Nru 2009/65 tal-Parlament Ewropew u tal-Kunsill (14);

(12)	“FI mhux UCITS” tfisser FI li mhumiex impriżi ta’ investiment kollettiv f’titoli trasferibbli kif definit fil-punt (11).

Artikolu 3

Popolazzjoni attwali li tirrapporta

1. Il-popolazzjoni attwali li tirrapporta għandha tikkonsisti fil-FI residenti fit-territorju tal-Istati Membri taż-żona tal-euro. Jekk il-FI innifsu jew, fil-każ ta’ FI li m’għandhomx personalità ġuridika skont il-liġi nazzjonali tagħhom, il-persuni li jirrappreżentawhom legalment jirrapportaw it-tagħrif statistiku meħtieġ skont dan ir-Regolament.

2. Għall-finijiet ta’ dan ir-Regolament, jekk xi FI jissepara l-attiv tiegħu f’subfondi differenti b’mod li l-ishma/unitajiet dwar kull subfond huma sostnuti indipendentament minn attiv differenti, kull subfond għandu jitqies bħala FI individwali.

3. Il-popolazzjoni attwali li tirrapporta għandha tinkludi wkoll dawk l-IFO u l-MFIs li huma soġġetti għar-rekwiżiti ta’ rapportar statistiku tal-BĊE minħabba l-applikazzjoni tal-punt (b) tal-Artikolu 6(3).

Artikolu 4

Lista ta’ FI għal skopijiet ta’ statistika

1. Il-Bord Eżekuttiv għandu jistabbilixxi u jżomm lista ta’ FI li jiffurmaw il-popolazzjoni attwali li tirrapporta, inkluż kull subfond li huwa kkunsidrat bħala FI individwali.

2. Il-FI għandhom jinformaw lill-BĊN rilevanti bl-eżistenza tagħhom fi żmien ġimgħa mid-data li fiha jkun beda n-negozju meta dik l-informazzjoni ma tkunx disponibbli għall-BĊN skont il-qafas superviżorju nazzjonali jew l-arranġamenti ta’ kooperazzjoni lokali, irrispettivament minn jekk il-FI jistenniex li jkun soġġett għal xi wieħed mir-rekwiżiti ta’ rapportar statistiku skont dan ir-Regolament.

3. Il-BĊE għandu jippubblika l-lista aġġornata tal-FI għal skopijiet ta’ statistika permezz ta’ mezzi elettroniċi, inkuż fuq is-sit web tal-BĊE.

4. Il-BĊNi għandhom jistabbilixxu, iżommu u jippubblikaw lista aġġornata ta’ OFIs u MFIs li huma inklużi fil-popolazzjoni attwali li tirrapporta permezz ta’ mezzi elettroniċi, inkuż fuq is-sit web tal-BĊE.

5. Meta l-aħħar verżjoni aċċessibbli tal-listi msemmija fil-paragrafu 1 jew 4 ma tkunx korretta, il-BĊE ma għandux jimponi sanzjonijiet fuq FI, FIO jew MFI li ma jissodisfax kif xieraq ir-rekwiżiti ta’ rapportar statistiku tiegħu skont dan ir-Regolament meta dak il-FI, il-FIO jew l-MFI iddipendew in bona fede fuq il-lista mhux korretta.

6. Il-FI, l-OFIs u l-MFIs għandhom jirrapportaw it-tagħrif statistiku meħtieġ skont dan ir-Regolament meta l-esklużjoni tagħhom mil-lista tkun manifestament żbaljata.

Artikolu 5

Rekwiżiti ta’ rapportar statistiku

1. Il-FI għandhom jirrapportaw it-tagħrif statistiku kollu li ġej lill-BĊN relevanti, skont l-ispeċifikazzjonijiet stabbiliti fl-Anness I u d-deskrizzjonijiet stabbiliti fl-Anness II:

(a)	data tal-istokk tal-aħħar tax-xahar dwar l-attiv u l-passiv ta’ FI speċifikati fit-Tabella 1 tal-Anness I;

(b)	data tal-fluss ta’ kull xahar jew dwar l-aġġustamenti ta’ rivalutazzjoni jew it-tranżazzjonijiet ta’ FI, jew it-tnejn, speċifikati fit-Tabella 2 tal-Anness I, skont il-metodoloġija stabbilita fl-Anness III;

(c)	introjtu riċevut fix-xahar u dividendi mħallsa għal kull klassi ta’ ishma maħruġa mill-FI u tariffi annwali mħallsa mill-azzjonisti lill-FI speċifikat fit-Tabella 4 tal-Anness I;

(d)	informazzjoni dwar il-klassifikazzjoni tal-FI speċifikat fit-Tabella 5 tal-Anness I.

2. Għall-finijiet tal-paragrafu 1, punti (a) u (b), il-FI għandu jirrapporta tagħrif titolu b’titolu fejn speċifikat fit-Tabella 1 u 2 tal-Anness I, u skont it-Tabella 3 tal-Anness I.

Artikolu 6

Rekwiżiti speċjali ta’ rapportar dwar ir-residenza u s-settur istituzzjonali tad-detenturi ta’ ishma/unitajiet ta’ FI

1. Il-FI għandhom jirrapportaw tagħrif statistiku dwar il-klassifikazzjoni tas-settur ta’ residenza u istituzzjonali tad-detenturi ta’ ishma/unitajiet irreġistrati mill-FI maħruġa minn FI stabbiliti fit-Tabella 1 u 2, taqsima 9 (ishma/unitajiet ta’ FI), tal-Anness I.

2. Meta l-kassifikazzjoni skont is-settur tar-residenza jew istituzzjonali tad-detentur tal-ishma/unitajiet reġistrati tal-FI maħruġa minn FI imsemmija fil-paragrafu 1 ma tkunx tista’ tiġi ddentifikata direttament, il-FI għandhom jirrapportaw it-tagħrif statistiku rilevanti fuq il-bażi tal-informazzjoni disponibbli.

3. Meta l-klassifikazzjoni skont is-settur tar-residenza jew istituzzjonali tad-detenturi ta’ ishma/unitajiet tal-portatur ta’ FI maħruġa minn FI stabbiliti fit-Tabelli 1 u 2, taqsima 9 (ishma/unitajiet ta’ FI), tal-Anness I ma tkunx tista’ tiġi ddentifikata direttament, it-tagħrif statistiku rilevanti għandu jiġi rrapportat skont l-istruzzjonijiet jew l-arranġamenti stabbiliti mill-BĊN rilevanti abbażi ta’ waħda jew aktar mill-opzjonijiet li ġejjin:

(a)

FI emittenti għandhom jirrapportaw tagħrif statistiku dwar il-klassifikazzjoni tas-settur tar-residenza u dak istituzzjonali tad-detenturi ta’ ishma/unitajiet tal-portatur FI, inkluż meta huwa bbaħat fuq informazzjoni pprovduta mill-aġent li jiddistribwixxi l-ishma/unitajiet tal-portatur FI, jew minn kwalunkwe entità oħra involuta fil-ħruġ, ix-xiri lura jew it-trasferiment tal-ishma/unitajiet tal-portatur FI;

(b)

Il-BĊNi jistgħu jeħtieġu li l-MFI jew il-FIO li jaġixxu bħala kustodju ta’ ishma/unitajiet tal-portatur FI, jirrapportaw tagħrif statistiku dwar il-klassifikazzjoni tas-settur tar-residenza u istituzzjonali tad-detenturi ta’ dawk l-ishma/unitajiet tal-portatur FI, maħruġa minn FI residenti u miżmuma f’kustodja f’isem id-detentur jew intermedjarju ieħor li jaġixxi wkoll bħala kustodju, meta japplikaw iż-żewġ li ġejjin:

(i)	il-kustodju jiddistingwixxi ishma/unitajiet tal-portatur FI miżmuma fil-kustodja f’isem id-detenturi minn ishma/unitajiet ta’ FI miżmuma f’isem kustodji oħra; u

(ii)	il-biċċa l-kbira tal-ishma/unitajiet ta’ FI ikunu fil-kustodja ta’ istituzzjonijiet domestiċi residenti li huma kklassifikati bħala intermedjarji finanzjarji (MFI jew FIO).

4. Il-BĊNi jistgħu jiksbu t-tagħrif statistiku meħtieġ dwar ishma/unitajiet ta’ FI maħruġa minn FI fuq il-bażi ta’ informazzjoni disponibbli, inkluż it-tagħrif statistiku miġbur skont ir-Regolament (UE) Nru 1011/2012 (BĊE/2012/24), meta dak it-tagħrif jikkonforma mar-rekwiżiti tal-puntwalità tal-Artikolu 8 ta’ dan ir-Regolament u mal-istandards minimi stabbiliti fl-Anness IV ta’ dan ir-Regolament.

Artikolu 7

Sorsi ta’ data alternattivi u stimi

1. Il-BĊNi jistgħu jiksbu t-tagħrif statistiku meħtieġ li jiġi rrapportat skont dan ir-Regolament mill-awtorità nazzjonali kompetenti, b’mod partikolari permezz ta’ data miġbura skont il-qafas stabbilit fid-Direttiva 2011/61/UE tal-Parlament Ewropew u tal-Kunsill (15), fejn dak it-tagħrif statistiku jiġi trażmess lill-BĊN skont it-termini tal-arranġamenti ta’ kooperazzjoni lokali bejn il-BĊN rilevanti u l-awtorità nazzjonali kompetenti, u sakemm jissodisfa l-kundizzjonijiet dwar il-protezzjoni u l-użu ta’ tagħrif statistiku kunfidenzjali miġbur mis-SEBĊ skont l-Artikolu 8 tar-Regolament (KE) Nru 2533/98, b’mod partikolari l-paragrafu 5 tiegħu.

2. Il-BĊNi jistgħu jistmaw it-tagħrif statistiku meħtieġ li jiġi rrapportat skont l-Artikolu 5(1), il-punt (c), dwar l-introjtu riċevut abbażi tal-attiv tal-FI, billi jużaw il-metodoloġija miftiehma minn qabel mal-BĊE.

3. Il-BĊNi jistgħu jikkompilaw it-tagħrif statistiku meħtieġ li jiġi rrapportat skont l-Artikolu 5(1), il-punt (c), dwar it-tariffi riċevuti mill-azzjonisti lill-FI, u l-punt (d), dwar l-informazzjoni dwar il-klassifikazzjoni tal-FI, minn sorsi ta’ informazzjoni li huma disponibbli għalihom, u dment li jissodisfa l-kundizzjonijiet dwar il-protezzjoni u l-użu ta’ tagħrif statistiku kunfidenzjali miġbur mis-SEBĊ skont l-Artikolu 8 tar-Regolament (KE) Nru 2533/98, b’mod partikolari l-paragrafu 5 tiegħu.

Artikolu 8

Puntwalità

1. Il-BĊNi għandhom jiddeterminaw il-frekwenza u l-puntwalità li bihom jirċievu t-tagħrif statistiku mill-FI, il-FIO jew l-MFI, skont dan ir-Regolament sabiex jissodisfaw l-iskadenzi tar-rapportar imsemmija fil-paragrafi 2 u 3, u għandhom jinformaw lill-aġenti li jirrapportaw dwarhom.

2. Il-BĊNi għandhom jittrażmettu dan kollu li ġej lill-BĊE:

(a)	tagħrif statistiku ta’ kull xahar sal-għeluq tan-negozju fit-28-il jum tax-xogħol wara l-aħħar tax-xahar li għalih jirrelata t-tagħrif statistiku;

(b)	it-tagħrif statistiku msemmi fl-Artikolu 5(1), il-punt (d), sal-għeluq tan-negozju fit-28-il jum tax-xogħol wara tmiem ix-xahar li fih jew il-FI jiġi stabbilit għall-ewwel darba jew li fih ikun hemm bidla fl-informazzjoni dwar il-klassifikazzjoni tal-FI;

(c)	tagħrif statistiku annwali sa tmiem il-ġurnata tax-xogħol fit-30 ta’ Ġunju ta’ kull sena kalendarja.

3. Meta derogi mogħtija mill-BĊNi jippermettu lil FI, FIO jew MFI jirrapportaw tagħrif statistiku lill-BĊNi fuq bażi li ma tkunx ta’ kull xahar, il-BĊN għandu jittrażmetti t-tagħrif statistiku lill-BĊE sal-għeluq tan-negozjufit-28 jum tax-xogħol wara t-tmiem tal-perijodu li għalih jirrelata t-tagħrif statistiku.

Artikolu 9

Regoli ta’ kontabilità għall-iskopijiet ta’ rapportar statistiku

Għall-finijiet ta’ rapportar skont dan ir-Regolament, għajr meta tingħata deroga skont l-Artikolu 10, FI, OFIs u MFIs għandhom:

(a)	isegwu r-regoli ta’ kontabbiltà stabbiliti fil-Direttiva tal-Kunsill 86/635/KEE (16) u fi kwalunkwe standards internazzjonali oħrajn;

(b)	japplikaw metodi ta’ valutazzjoni tas-suq, meta disponibbli;

(c)	jirrapportaw l-attiv u l-passiv finanzjarju kollu fuq bażi gross;

(d)	jirrapportaw abbażi tal-aħħar valutazzjonijiet tal-attiv disponibbli, skont il-frekwenza stabbilita fl-Artikolu 5 u l-iskadenzi stabbiliti mill-BĊNi skont l-Artiolu 8(1).

Artikolu 10

Derogi

1. Il-BĊNi jistgħu jagħtu derogi mir-rekwiżiti tar-rapportar tal-istatistika msemmija fl-Artikolu 5(1), il-punt (a), (b) u (c), lill-iżgħar FI f’termini ta’ attiv totali, kemm-il darba l-FI li jikkontribwixxu għall-kont mensili aggregat tal-karta tal-bilanċ ikunu jirrappreżentaw ta’ lanqas 95 % tat-total tal-attiv tal-FI f’termini ta’ stokks, f’kull Stat Membru taż-żona tal-euro.

2. Fi Stati Membri taż-żona tal-euro fejn l-attiv totali kkombinat ta’ FI residenti ma jeċċedux 1 % tal-attiv totali tal-FI fiż-żona tal-euro, il-BĊNi jistgħu jagħtu derogi mir-rekwiżiti tar-rapportar statistiku msemmija fl-Artikolu 5(1), il-punt (a), (b) u (c), lill-iżgħar lill-iżgħar FI f’termini ta’ attiv totali residenti fl-Istat Membru rispettiv tagħhom, kemm-il darba l-FI li jikkontribwixxu għall-kont aggregat ta’ kull xahar tal-karta tal-bilanċ jirrappreżentaw mill-inqas 80 % tat-total tal-attiv ta’ FI f’termini ta’ stokkijiet f’kull Stat Membru taż-żona tal-euro.

3. Meta l-BĊNi jagħtu derogi skont il-paragrafi 1 jew 2, il-FI għandhom jirrapportaw it-tagħrif statistiku kollu li ġej, bħala minimu, lill-BĊN rilevanti skont id-deskrizzjonijiet stabbiliti fl-Anness II:

(a)	fuq bażi trimestrali, it-tagħrif statistiku dwar data dwar l-istokk tal-aħħar tat-trimestru fuq ishma/unitajiet ta’ FI speċifikati fit-Tabella 1, taqsima 9, tal-Anness I fuq bażi aggregata jew titolu b’titolu;

(b)	fuq bażi trimestrali, it-tagħrif statistiku dwar aġġustamenti ta’ rivalutazzjoni trimestrali jew tranżazzjonijiet fuq ishma/unitajiet IF speċifikati fit-Tabella 2, taqsima 9, tal-Anness I fuq bażi aggregata jew titolu b’titolu.

4. Meta l-BĊNi jagħtu derogi skont il-paragrafi 1 jew 2, għandhom japplikaw dawn it-tnejn li ġejjin:

(a)	id-derogi ma għandhomx jingħataw għal perijodu itwal minn sena kalendarja waħda;

(b)	Il-BĊNi għandhom jivverifikaw li l-limiti msemmija fil-paragrafi 1 u 2 ma jinqabżux mill-inqas fuq bażi annwali u fi żmien xieraq sabiex jagħtu jew jirtiraw, jekk meħtieġ, kwalunkwe deroga b’effett mill-bidu tas-sena kalendarja ta’ wara.

5. Il-BĊNi jistgħu jagħtu derogi fir-rigward ta’ tagħrif statistiku li mhuwiex informazzjoni titolu b’titolu kif speċifikat fit-Tabelli 1 u 2 tal-Anness I lil FI li mhumiex UCITS li huma soġġetti għal regoli ta’ kontabbiltà nazzjonali li jippermettu l-valutazzjoni tal-attiv tagħhom inqas frekwentement minn kull xahar. Meta l-BĊNi jagħtu dawn id-derogi, FI li mhux UCITS għandhom jirrapportaw dak it-tagħrif statistiku skont il-frekwenza li biha huma meħtieġa jivvalutaw l-assi tagħhom skont ir-regoli tal-kontabbiltà nazzjonali, iżda bħala minimu fuq bażi annwali.

6. Il-BĊNi jistgħu jagħtu derogi fir-rigward ta’ informazzjoni titolu b’titolu u dwar il-klassi tal-ishma lil FI li mhumiex UCITS li huma soġġetti għal regoli ta’ kontabbiltà nazzjonali li jippermettu l-valutazzjoni tal-attiv tagħhom inqas frekwentement minn kull xahar. Meta BĊNi jagħtu tali derogi, FI li mhumiex UCITS għandhom jirrapportaw informazzjoni titolu b’titolu u dwar il-klassi tal-ishma speċifikati fit-Tabelli 3 u 4 tal-Anness I fuq bażi trimestrali.

7. Il-BĊNi jistgħu jagħtu derogi mir-rekwiżiti ta’ rapportar statistiku msemmija fl-Artikolu 5 lil FI li huma soġġetti għal regoli ta’ kontabbiltà nazzjonali li ma jeħtiġux li l-attiv tagħhom jiġi vvalutat fil-ħin biex jintlaħqu l-iskadenzi ċari ta’ rapportar stabbiliti mill-BĊNi skont l-Artikolu 8(1). Meta l-BĊNi jagħtu tali derogi, FI jistgħu jirrapportaw informazzjoni lill-BĊN bil-puntwalità li biha huma meħtieġa jivvalutaw l-attiv tagħhom skont ir-regoli tal-kontabbiltà nazzjonali.

8. BĊNi jistgħu jagħtu derogi lil FI fir-rigward ta’ tagħrif statistiku miġbur skont l-Artikolu 5(2) fuq bażi ta’ titolu b’titolu għal titoli kklassifikati taħt il-kategoriji “titoli ta’ dejn”, “ekwità” u “ishma/unitajiet ta’ FI” fit-Tabelli 1 u 2 tal-Anness 1, meta dawk it-titoli ma jkollhomx kodiċi ISIN individwali, jew kodiċi ta’ identifikazzjoni validu ieħor,u meta kwalunkwe waħda minn dawn li ġejjin tapplika:

(a)	il-valur tas-suq tal-investimenti totali f’tali titoli jammonta għal anqas minn 1 % tal-investimenti totali ta’ titoli ta’ FI fil-pajjiż; jew

(b)	il-valur tas-suq tal-investimenti totali ta’ tali titoli jammonta għal anqas minn 5 % tal-investimenti totali ta’ titoli tal-FI.

Meta BĊNi jagħtu tali derogi, FI jistgħu jirrapportaw tali informazzjoni fuq bażi aggregata, maqsuma f’kategoriji ta’ strument/maturità u kontropartijiet.

9. Il-BĊNi għandhom jagħtu derogi lil FI fir-rigward tat-tagħrif statistiku miġbur skont l-Artikolu 6(3)(b), l-Artikolu 6(4) jew l-Artikolu 7. Il-BĊNi għandhom jivverifikaw li huwa possibbli li jiġbru dak it-tagħrif statistiku fi żmien xieraq sabiex jagħtu jew jirtiraw, jekk meħtieġ, kwalunkwe deroga b’effett mill-bidu ta’ kull sena kalendarja, meta miftiehma mal-BĊE.

10. Meta FI ma jkunx ingħata deroga skont il-paragrafu 7, il-BĊNi jistgħu jagħtu derogi lil FI mir-rekwiżiti ta’ rapportar stabbiliti fl-Artikolu 6 għal perijodu ta’ sena fejn ishma/unitajiet ta’ FI irreġistrati jew ishma/unitajiet tal-portatur jinħarġu għall-ewwel darba jew fejn l-iżviluppi tas-suq jeħtieġu bidla fl-opzjoni jew taħlita ta’ opzjonijiet stipulati fl-Artikolu 6(3).

11. Il-BĊNi jistgħu jagħtu derogi lil FI biex jirrapportaw it-tagħrif statistiku msemmi fl-Artikolu 5(1), il-punti (a) u (b), fuq bażi trimestrali għall-perijodu li għalih jirrelata t-tagħrif statistiku sa u inkluż it-tieni trimestru tal-2026.

Artikolu 11

Standards minimi u arranġamenti ta’ rapportar nazzjonali

1. FI, FIO u MFI għandhom jikkonformaw mar-rekwiżiti tar-rapportar statistiku li għalihom ikunu soġġetti skont l-istandards minimi għat-trażmissjoni, l-akkuratezza, il-konformità mal-kunċetti u r-reviżjonijiet speċifikati fl-Anness IV.

2. Il-BĊNi għandhom jiddefinixxu u jimplimentaw l-arranġamenti tar-rapportar li jridu jiġu segwiti mill-popolazzjoni attwali tar-rapportar skont ir-rekwiżiti nazzjonali. Il-BĊNi jistgħu jistabbilixxu arranġamenti ta’ kooperazzjoni lokali mal-awtoritajiet kompetenti nazzjonali fejn applikabbli. Il-BĊNi għandhom jiżguraw li dawn l-arranġamenti tar-rapportar jipprovdu t-tagħrif statistiku meħtieġ u jippermettu verifika akkurata li l-istandards minimi għat-trażmissjoni, l-akkuratezza u l-konformità mal-kunċetti u r-reviżjonijiet speċifikati fl-Anness IV jkunu ssodisfati.

Artikolu 12

Għaqdiet, diviżjonijiet u riorganizzazzjonijiet

1. Il-FI għandhom jinnotifikaw lill-BĊN rilevanti dwar fużjoni, diviżjoni jew riorganizzazzjoni oħra fejn japplikaw it-tnejn li ġejjin:

(a)	dik il-fużjoni, diviżjoni jew riorganizzazzjoni oħra x’aktarx taffettwa t-twettiq ta’ FI tar-rekwiżiti ta’ rapportar statistiku skont dan ir-Regolament;

(b)	l-intenzjoni li tiġi implimentata l-operazzjoni msemmija fil-punt (a) tkun magħrufa mill-pubbliku.

2. In-notifika msemmija fil-paragrafu 1 għandha:

(a)	tingħata fi żmien raġonevoli qabel ma l-fużjoni, id-diviżjoni jew kwalunkwe riorganizzazzjoni oħra ssir effettiva; u

(b)	tispeċifika l-proċeduri li jkunu se jintużaw sabiex ir-rekwiżiti ta’ rapportar statistiku stabbiliti f’dan ir-Regolament jiġu ssodisfati.

Artikolu 13

Verifika u ġbir obbligatorju

Il-BĊNi għandhom jeżerċitaw id-dritt li jivverifikaw jew jiġbru b’mod obbligatorju l-informazzjoni li l-aġenti li jirrapportaw huma mitluba jagħtu skont dan ir-Regolament, mingħajr preġudizzju għad-dritt tal-BĊE li jeżerċità dawn id-drittijiet huwa stess. B’mod partikolari, il-BĊNi għandhom jeżerċitaw dan id-dritt meta istituzzjoni inkluża fil-popolazzjoni attwali li tirrapporta ma tissodisfax l-istandards minimi ta’ trażmissjoni, akkuratezza, konformità mal-kunċetti u reviżjonijiet speċifikati fl-Anness IV.

Artikolu 14

Anterjorità

Il-FI, l-OFIs jew l-MFI għandhom ikomplu jirrapportaw it-tagħrif statistiku kollu relatat mal-perijodu li għalih jirrelata t-tagħrif statistiku sa u inkluż Novembru 2025 kif meħtieġ skont ir-Regolament (UE) Nru 1073/2013 tal-Bank Ċentrali Ewropew (BĊE/2013/38) (17) lill-BĊN rilevanti skont l-Artikoli 5 u 9 ta’ dak ir-Regolament.

Artikolu 15

Proċedura ta’ emenda simplifikata

Wara li jqis il-fehmiet tal-Kumitat tal-Istatistika, il-Bord Eżekuttiv tal-BĊE għandu jagħmel kwalunkwe emenda teknika meħtieġa fl-Annessi, sakemm dawk l-emendi la jibdlu l-qafas kunċettwali sottostanti, u lanqas ma jaffettwaw il-piż tar-rapportar tal-aġenti li jirrapportaw fl-Istati Membri. Il-Bord Eżekuttiv għandu jinforma lill-Kunsill Governattiv bi kwalunkwe emenda bħal din mingħajr dewmien żejjed.

Artikolu 16

Tħassir tad-Deċiżjoni (UE) 2015/32 (BĊE/2014/62)

Id-Deċiżjoni (UE) 2015/32 tal-Bank Ċentrali Ewropew (BĊE/2014/62) (18) għandha titħassar b’effett mill-1 ta’ Diċembru 2025.

Artikolu 17

Revoka

1. Ir-Regolament (UE) Nru 1073/2013 tal-Bank Ċentrali Ewropew (BĊE/2013/38) għandu jitħassar b’effett mill-1 ta’ Diċembru 2025.

2. Ir-Referenzi għar-Regolament (UE) Nru 1073/2013 (BĊE/2013/38) għandhom jitqiesu bħala referenzi għal dan ir-Regolament u għandhom jinqraw skont it-tabella ta’ korrelazzjoni fl-Anness V.

Artikolu 18

Dispożizzjonijiet finali

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Huwa għandu japplika mill-1 ta’ Diċembru 2025, bl-eċċezzjoni tal-Artikolu 10, li għandu japplika mid-dħul fis-seħħ ta’ dan ir-Regolament.

Dan ir-Regolament għandu jorbot fl-intier tiegħu u japplika direttament fl-Istati Membri f’konformità mat-Trattati.

Magħmul fi Frankfurt am Main, is-27 ta’ Ġunju 2024.

Għall-Kunsill Governattiv tal-BĊE

Il-President tal-BĊE

Christine LAGARDE

(1) ĠU L 318, 27.11.1998, p. 8.

(2) ĠU L 297, 7.11.2013, p. 73.

(3) Direttiva 2011/61/UE tal-Parlament Ewropew u tal-Kunsill tat-8 ta’ Ġunju 2011 dwar Maniġers ta’ Fondi ta’ Investiment Alternattiv u li temenda d-Direttivi 2003/41/KE u 2009/65/KE u r-Regolamenti (KE) Nru 1060/2009 u (UE) Nru 1095/2010 (ĠU L 174, 1.7.2011, p. 1).

(4) Direttiva 2009/65/KE tal-Parlament Ewropew u tal-Kunsill tat-13 ta’ Lulju 2009 dwar il-koordinazzjoni ta’ liġijiet, regolamenti u dispożizzjonijiet amministrattivi fir-rigward tal-impriżi ta’ investiment kollettiv f’titoli trasferibbli (UCITS) (ĠU L 302, 17.11.2009, p. 32).

(5) Regolament (UE) Nru 549/2013 tal-Parlament Ewropew u tal-Kunsill tal-21 ta’ Mejju 2013 dwar is-sistema Ewropea ta’ kontijiet nazzjonali u reġjonali fl-Unjoni Ewropea (ĠU L 174, 26.6.2013, p. 1).

(6) Regolament (UE) Nru 1011/2012 tal-Bank Ċentrali Ewropew tas-17 ta’ Ottubru 2012 dwar statistika fuq investimenti f’titoli (BĊE/2012/24) (ĠU L 305, 1.11.2012, p. 6).

(7) Linja Gwida (UE) 2018/876 tal-Bank Ċentrali Ewropew tal-1 ta’ Ġunju 2018 dwar id-Database tar-Reġistru tal-Istituzzjonijiet u l-Affiljati (BĊE/2018/16) (ĠU L 154, 18.6.2018, p. 3).

(8) Linja Gwida (UE) 2022/971 tal-Bank Ċentrali Ewropew tad-19 ta’ Mejju 2022 dwar il-Bażi ta’ Data tat-Titoli Ċentralizzati u l-produzzjoni ta’ statistika dwar il-ħruġ ta’ titoli u li tħassar il-Linja Gwida BĊE/2012/21 u l-Linja Gwida (UE) 2021/834 (BĊE/2022/25) (ĠU L 166, 22.6.2022, p. 147).

(9) Deċiżjoni (UE) 2015/32 tal-Bank Ċentrali Ewropew tad-29 ta’ Diċembru 2014 dwar id-derogi li jistgħu jingħataw skont ir-Regolament (UE) Nru 1073/2013 dwar statistika fir-rigward tal-attiv u l-passiv ta’ fondi ta’ investiment (BĊE/2013/38) (BĊE/2014/62) (ĠU L 5, 9.1.2015, p. 17).

(10) Regolament (UE) 2018/231 tal-Bank Ċentrali Ewropew tas-26 ta’ Jannar 2018 dwar rekwiżiti ta’ rapportar statistiku għal fondi tal-pensjoni (BĊE/2018/2) (ĠU L 45, 17.2.2018, p. 3)

(11) Regolament (UE) 2021/379 tal-Bank Ċentrali Ewropew tat-22 ta’ Jannar 2021 dwar l-entrati tal-karta bilanċjali tal-istituzzjonijiet ta’ kreditu u tas-settur tal-istituzzjonijiet finanzjarji monetarji (BĊE/2021/2) (ĠU L 73, 3.3.2021, p. 16).

(12) Regolament (UE) Nru 549/2013 tal-Parlament Ewropew u tal-Kunsill tal-21 ta’ Mejju 2013 dwar is-sistema Ewropea ta’ kontijiet nazzjonali u reġjonali fl-Unjoni Ewropea (ĠU L 174, 26.6.2013, p. 1).

(13) Id-Direttiva 2014/65/UE tal-Parlament Ewropew u tal-Kunsill tal-15 ta’ Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (ĠU L 173, 12.6.2014, p. 349).

(14) Direttiva 2009/65/KE tal-Parlament Ewropew u tal-Kunsill tat-13 ta’ Lulju 2009 dwar il-koordinazzjoni ta’ liġijiet, regolamenti u dispożizzjonijiet amministrattivi fir-rigward tal-impriżi ta’ investiment kollettiv f’titoli trasferibbli (UCITS) (ĠU L 302, 17.11.2009, p. 32).

(15) Direttiva 2011/61/UE tal-Parlament Ewropew u tal-Kunsill tat-8 ta’ Ġunju 2011 dwar Maniġers ta’ Fondi ta’ Investiment Alternattivi u li temenda d-Direttivi 2003/41/KE u 2009/65/KE u r-Regolamenti (KE) Nru 1060/2009 u (UE) Nru 1095/2010 (ĠU L 174, 1.7.2011, p. 1).

(16) Direttiva tal-Kunsill 86/635/KEE tat-8 ta’ Diċembru 1986 dwar il-kontijiet annwali u l-kontijiet konsolidati tal-banek u istituzzjonijiet finanzjarji oħra (ĠU L 372, 31.12.1986, p. 1).

(17) ĠU L 297, 7.11.2013, p. 73.

(18) Deċiżjoni (UE) 2015/32 tal-Bank Ċentrali Ewropew tad-29 ta’ Diċembru 2014 dwar derogi li jistgħu jingħataw skont ir-Regolament (UE) Nru 1073/2013 dwar statistika fir-rigward tal-attiv u l-passiv ta’ fondi ta’ investiment (BĊE/2013/38) (BĊE/2014/62) (ĠU L 5, 9.1.2015, p. 17).

ANNESS I

REKWIŻITI TA’ RAPPORTAR STATISTIKU

Tabelli ta’ rapportar

Tabella 1

Stokkijiet

Data li għandha tingħata fuq bażi ta’ kull xahar

Rapport tal-FI: (I) iċ-ċelloli suwed; (ii) informazzjoni s-b-s mitluba fit-Tabella 3 għall-entrati ta’ titoli 2, 3a, 3b, 4 u 9; u (iii) iċ-ċelloli griżi għal dawk l-entrati ta’ titoli li ma jinġabrux fuq bażi s-b-s.

Totali

Iż-żona tal-euro

Il-bqija tad-dinja

Domestiċi

Stati Membri taż-żona tal-euro minbarra domestiċi

Stati Membri taż-żona tal-euro minbarra domestiċi (informazzjoni pajjiż b’pajjiż)

Totali

Stati Membri mhux parteċipanti

Stati Membri mhux parteċipanti (informazzjoni pajjiż b’pajjiż)

Kontropartijiet ewlenin barra l-Unjoni Ewropea (informazzjoni pajjiż b’pajjiż għall-Ġappun, ir-Renju Unit, l-Amerika)

ATTIV

1.	Depożiti u pretensjonijiet ta’ self

Sa sena

għall-MFIs

għall-GĠ

għall-FI

għall-IFO

għall-FAs

għas-CFIs

għall-ICs

għall-PFs

għall-NFCs

għall-HHs &NPISHs

aktar minn sena

għall-MFI s

għal GĠ

għall-FI

għall-IFO

għall-FAs

għas-CFIs

għall-ICs

għall-PFs

għall-NFCs

għall-HHs u NPISHs

li minnhom self ingranat lill-NFCs

2.	Titoli ta’ dejn

2e.

Euro

sa sena

maħruġa mill-MFIs

aktar minn sena u sa sentejn

maħruġa mill-MFIs

aktar minn sentejn

maħruġa mill-IFM

2x.	Muniti barranin

sa sena

maħruġa mill-IFM

aktar minn sena u sa sentejn

maħruġa mill-IFM

aktar minn sentejn

maħruġa mill-IFM

2t.	Total ta’ muniti

sa sena

maħruġ mill-GĠ

maħruġa mill-FI

maħruġa mill-IFO

maħruġa mill-FAs

maħruġa minn CFIs

maħruġa mill-ICs

maħruġa mill-PFs

maħruġa mill-NFCs

maħruġa mill-HHs u l-NPISHs

aktar minn sena u sa sentejn

maħruġa mill-GĠ

maħruġa mill-FI

maħruġa mill-IFO

maħruġa mill-FAs

maħruġa mis-CFIs

maħruġa mill-ICs

maħruġa mill-PFs

maħruġa mill-NFCs

maħruġa mill-HHs u l-NPISHs

aktar minn sentejn

maħruġa mill-GĠ

maħruġa mill-FI

maħruġa mill-IFO

maħruġa mill-FAs

maħruġa mis-CFIs

maħruġa mill-ICs

maħruġa mill-PFs

maħruġa mill-NFCs

maħruġa mill-HHs u l-NPISHs

Ekwità

3a.	Ekwità li minnhom ishma elenkati

maħruġa mill-IFM

maħruġa mill-IFO

maħruġa mill-FAs

maħruġa mis-CFIs

maħruġa mill-ICs

maħruġa mill-PFs

maħruġa mill-NFCs

3b.	Ekwità li minnhom ishma mhux elenkati

maħruġa mill-IFM

maħruġa mill-IFO

maħruġa mill-FAs

maħruġa minn CFIs

maħruġa mill-ICs

maħruġa mill-PFs

maħruġa mill-NFCs

3ċ.	Ekwità li minnha ekwità oħra

maħruġa mill-IFM

maħruġa mill-IFO

maħruġa mill-FAs

maħruġa mis-CFIs

maħruġa mill-ICs

maħruġa mill-PFs

maħruġa mill-NFCs

4.	Ishma/unitajiet ta’ FI

maħruġa mill-IFM

maħruġa minn mhux IFM

(2 + 3 + 4) li minnhom titoli mislufa jew mibjugħa taħt ftehimiet ta’ riakkwist

5.	Derivattivi finanzjarji

6.	Attiv mhux finanzjarji

li minnu proprjetà immobbli residenzjali

li minnu proprjetà immobbli kummerċjali

li minnu proprjetà immobbli industrijali

li minnu proprjetà immobbli oħra

li minnhom uffiċċji

7.	Bqija tal-attiv

PASSIV

8.	Self u depożiti riċevuti

sa sena

mill-MFIs

mill-GĠ

mill-FI

mill-IFO

mill-FAs

mis-CFIs

mill-ICs

mill-PFs

mill-NFCs

mill-HHs u NPISHs

aktar minn sena

mill-MFIs

mill-GĠ

mill-FI

mill-IFO

mill-FAs

mis-CFIs

mill-ICs

mill-PFs

mill-NFCs

mill-HHs u NPISHs

li minnhom self rotanti u overdrafts fuq kontijiet

mill-MFIs

minn mhux MFIs

9.	Ishma/unitajiet (1)

miżmuma mill-MFIs

miżmum mill-GĠ

miżmuma mill-FI

miżmuma mill-IFO

miżmuma mill-FAs

miżmuma mis-CFIs

miżmuma mill-ICs

miżmuma mill-PFs

miżmuma mill-NFCs

miżmuma mill-HHs u l-NPISHs

10.	Derivattivi finanzjarji

11.	Bqija tal-passiv

Abbrevjazzjonijiet użati f’din it-tabella: FI = fond ta’ investiment, MFI = istituzzjoni finanzjarja monetarja, GĠ = gvern ġenerali, IFO = intermedjarji finanzjarji oħrajn, minbarra korporazzjonijiet tal-assigurazzjoni u fondi tal-pensjoni, FA = awżiljarji finanzjarji, CFI = istituzzjonijiet finanzjarji kaptivi u selliefa tal-flus, IC = korporazzjoni tal-assigurazzjoni, PF = fond tal-pensjoni, NFC = korporazzjoni mhux finanzjarja, HH = unità domestika, NPISH = istituzzjoni mingħajr skop ta’ qligħ li sservi lill-unitajiet domestiċi

Tabella 2

Aġġustamenti jew tranżazzjonijiet ta’ rivalutazzjoni

Data li għandha tingħata fuq bażi ta’ kull xahar

Rapport tal-FI: (i) iċ-ċelloli mmarkati “‘MINIMU’”; (ii) informazzjoni s-b-s mitluba fit-Tabella 3 għal entrati tat-titoli 2, 3a, 3b, 4 u 9; u (iii) iċ-ċelloli griżi mmarkati “‘MINIMU’” għal entrati ta’ titoli li mhumiex miġbura fuq bażi s-b-s

Il-BĊNi jistgħu jestendu dawn ir-rekwiżiti għal: (i) iċ-ċelloli suwed li ma fihomx il-kelma “‘MINIMU’”; u (ii) iċ-ċelloli griżi li ma fihomx il-kelma “‘MINIMU’” għal dawk l-entrati ta’ titoli li mhumiex miġbura fuq bażi s-b-s.

Totali

Iż-żona tal-euro

Il-kumplament tad-dinja

Domestiċi

Stati Membri taż-żona tal-euro minbarra domestiċi

Stati Membri taż-żona tal-euro minbarra domestiċi (informazzjoni pajjiż b’pajjiż)

Totali

Stati Membri mhux parteċipanti

Stati Membri mhux parteċipanti (informazzjoni pajjiż b’pajjiż)

Kontropartijiet ewlenin barra l-Unjoni Ewropea (informazzjoni pajjiż b’pajjiż għall-Ġappun, ir-Renju Unit, l-Amerika)

ATTIV

1.	Depożiti u pretensjonijiet ta’ self

sa sena 1

għall-IFM

għall-GĠ

għall-FI

għall-IFO

għall-FAs

għas-CFIs

għall-ICs

għall-PFs

għall-NFCs

għall-HHs u NPISHs

aktar minn sena 1

għall-IFM

għall-GĠ

għall-FI

għall-IFO

għall-FAs

għas-CFIs

għall-ICs

għall-PFs

għall-NFCs

għall-HHs u NPISHs

li minnhom self ingranat lill-NFCs

2.	Titoli ta’ dejn

2e.

Euro

sa sena 1

maħruġa mill-IFM

aktar minn sena 1 u sa 2 snin

maħruġa mill-IFM

aktar minn 2 snin

maħruġa mill-IFM

2x.	Muniti barranin

sa sena 1

maħruġa mill-IFM

aktar minn sena 1 u sa 2 snin

maħruġa mill-IFM

aktar minn 2 snin

maħruġa mill-IFM

2t.	Total ta’ muniti

sa sena 1

MINIMU

MINIMUM

MINIMU

maħruġa mill-IFM

MINIMU

maħruġa mill-GĠ

MINIMU

maħruġa mill-FI

MINIMU

maħruġa mill-IFO

MINIMU

maħruġa mill-FAs

MINIMU

maħruġa mis-CFIs

MINIMU

maħruġa mill-ICs

MINIMU

maħruġa mill-PFs

MINIMU

maħruġa mill-NFCs

MINIMU

maħruġa mill-HHs u l-NPISHs

aktar minn sena 1 u sa 2 snin

MINIMU

MINIMUM

MINIMU

maħruġa mill-IFM

MINIMU

maħruġa mill-GĠ

MINIMU

maħruġa mill-FI

MINIMU

maħruġa mill-IFO

MINIMU

maħruġa mill-FAs

MINIMU

maħruġa mis-CFIs

MINIMU

maħruġa mill-ICs

MINIMU

maħruġa mill-PFs

MINIMU

maħruġa mill-NFCs

MINIMU

maħruġa mill-HHs u l-NPISHs

aktar minn 2 snin

MINIMU

MINIMUM

MINIMU

maħruġa mill-IFM

MINIMU

maħruġa mill-GĠ

MINIMU

maħruġa mill-FI

MINIMU

maħruġa mill-IFO

MINIMU

maħruġa mill-FAs

MINIMU

maħruġa mis-CFIs

MINIMU

maħruġa mill-ICs

MINIMU

maħruġa mill-PFs

MINIMU

maħruġa mill-NFCs

MINIMU

maħruġa mill-HHs u l-NPISHs

Ekwità

3a.	Ekwità li minnhom ishma elenkati

MINIMU

maħruġa mill-IFM

MINIMU

maħruġa mill-IFO

MINIMU

maħruġa mill-FAs

MINIMU

maħruġa mis-CFIs

MINIMU

maħruġa mill-ICs

MINIMU

maħruġa mill-PFs

MINIMU

maħruġa mill-NFCs

MINIMU

3b.	Ekwità li minnhom ishma mhux elenkati

MINIMU

maħruġa mill-IFM

MINIMU

maħruġa mill-IFO

MINIMU

maħruġa mill-FAs

MINIMU

maħruġa mis-CFIs

MINIMU

maħruġa mill-ICs

MINIMU

maħruġa mill-PFs

MINIMU

maħruġa mill-NFCs

MINIMU

3ċ.	Ekwità li minnha ekwità oħra

MINIMU

maħruġa mill-IFM

MINIMU

maħruġa mill-IFO

MINIMU

maħruġa mill-FAs

MINIMU

maħruġa mis-CFIs

MINIMU

maħruġa mill-ICs

MINIMU

maħruġa mill-PFs

MINIMU

maħruġa mill-NFCs

MINIMU

4.	Ishma/unitajiet ta’ FI

MINIMU

maħruġa mill-IFM

MINIMU

maħruġa minn mhux IFM

MINIMU

(2 + 3 + 4) li minnhom titoli mislufa jew mibjugħa taħt ftehimiet ta’ riakkwist

5.	Derivattivi finanzjarji

MINIMU(2)

6.	Attiv mhux finanzjarju

MINIMU (2)

li minnu proprjetà immobbli residenzjali

li minnu proprjetà immobbli kummerċjali

li minnu proprjetà immobbli industrijali

li minnu proprjetà immobbli oħra

li minnhom uffiċċji

7.	Bqija tal-attiv

PASSIV

8.	Self u depożiti riċevuti

sa sena 1

mill-IFM

mill-GĠ

mill-FI

mill-IFO

mill-FAs

mis-CFIs

mill-ICs

mill-PFs

mill-NFCs

mill-HHs u NPISHs

aktar minn sena 1

mill-IFM

mill-GĠ

mill-FI

mill-IFO

mill-FAs

mis-CFIs

mill-ICs

mill-PFs

mill-NFCs

mill-HHs u NPISHs

li minnhom self rotanti u bilanċi negattivi fuq kontijiet

mill-IFM

minn mhux IFM

9.	Ishma/unitajiet ta’ FI (2)

MINIMU

miżmuma mill-IFM

miżmum mill-GĠ

miżmuma mill-FI

miżmuma mill-IFO

miżmuma mill-FAs

miżmuma mis-CFIs

miżmuma mill-ICs

miżmuma mill-PFs

miżmuma mill-NFCs

miżmuma mill-HHs u l-NPISHs

Ħruġ ta' ishma/unitajiet FI (4)

MINIMU

Fidi ta' ishma/unitajiet FI (4)

MINIMU

10.	Derivattivi finanzjarji

MINIMU(2)

11.	Kumplament tal-passiv

Abbrevjazzjonijiet użati f’din it-tabella: FI = fond ta’ investiment, IFM = istituzzjoni finanzjarja monetarja, GĠ = gvern ġenerali, IFO = intermedjarji finanzjarji oħrajn, minbarra korporazzjonijiet tal-assigurazzjoni u fondi tal-pensjoni, FA = awżiljarji finanzjarji, CFI = istituzzjonijiet finanzjarji kaptivi u selliefa tal-flus, IC = korporazzjoni tal-assigurazzjoni, PF = fond tal-pensjoni, NFC = korporazzjoni mhux finanzjarja, HH = unità domestika, NPISH = istituzzjoni mingħajr skop ta’ qligħ li sservi lill-unitajiet domestiċi

TABELLA 3

Informazzjoni meħtieġa titolu b’titolu

Id-data għall-oqsma fit-tabella ta’ hawn taħt trid tiġi rrapportata għal kull titolu kklassifikat taħt il-kategoriji “titoli ta’ dejn”, “ekwità” u “ishma/unitajiet tal-FI” fit-Tabelli 1 u 2 skont ir-regoli li ġejjin.

1.	Id-data għall-kamp 1 għandha tiġi rrapportata. Jekk titolu jkollu kodiċi ISIN, irid jiġi rrapportat il-kodiċi ISIN.

2.	Jekk il-BĊN rilevanti ma jiġborx direttament data b’titolu b’titolu dwar tranżazzjonijiet, id-data għal tnejn mit-tliet kampijiet 2, 3 u 4 għandha tiġi rrapportata (jiġifieri l-kampijiet 2 u 3; il-kampijiet 2 u 4; jew il-kampijiet 3 u 4).

Jekk il-BĊN rilevanti jiġbor direttament informazzjoni titolu b’titolu dwar tranżazzjonijiet, trid tiġi rrapportata wkoll data għall-kampijiet li ġejjin:

(a)	kamp 5; jew kampijiet 6 u 7; u

(b)	kamp 4; jew kampijiet 2 u 3.

4.	Il-BĊN rilevanti jista’ jitlob ukoll lill-FI biex jirrapportaw data għall-kamp 8.

5.	Il-BĊN rilevanti jista’ jagħżel li jiġbor biss data għall-kamp 2 fil-punti (2) u (3)(b).

Barra minn hekk, għal kull titolu mingħajr kodiċi ISIN, jew kodiċi ta’ identifikazzjoni validu ieħor skont l-istruzzjonijiet tal-BĊN rilevanti, id-data għandha tiġi rrapportata skont ir-regoli li ġejjin.

(a)	Data għall-kampijiet 9 u 10 għandha tiġi rrapportata. Jekk l-emittent tat-titolu għandu Identifikatur ta’ Entità Ġuridika (LEI), il-LEI għandu jkun irrapportat.

(b)	Data għall-kampijiet 11, 12 u 13 dħandha tiġi rrapportata. Il-BĊN rilevanti jista’ jagħżel li ma jiġborx din id-data jekk id-data rrapportata għall-qasam 10 tkun LEI, kodiċi ta’ identifikazzjoni nazzjonali speċifikat fuq is-sit web tal-BĊE jew kodiċi ta’ identifikazzjoni ieħor li jqis bħala validu.

(ċ)	Għal kull titolu kklassifikat taħt il-kategorija “titoli ta’ dejn”, data għall-oqsma 14, 15 u 16 għandha tiġi rrapportata. Il-BĊN rilevanti jista’ jagħżel li ma jiġborx data għall-qasam 16 jekk ikun jista’ jiġborha minn data miġbura oħra billi juża metodoloġija miftiehma minn qabel mal-BĊE.

(d)	Fejn il-BĊN rilevanti ta deroga skont l-Artikolu 10(8), huwa jista’ jiġbor id-data fuq bażi aggregata, maqsuma f’kategoriji ta’ strument/maturità u kontropartijiet.

Kamp

Titolu

Kodiċi għall-identifikazzjoni tat-titolu

Numru ta’ unitajiet jew ammont nominali aggregat

Prezz

Ammont totali

Tranżazzjonijiet finanzjarji

Titoli mixtrija (assi) jew maħruġa (obbligazzjonijiet)

Titoli mibjugħa (assi) jew mifdija (obbligazzjonijiet)

Munita tar-reġistrazzjoni tat-titolu

Strument:

—	titoli ta’ dejn (F.3)

—	ekwità li minnhom ishma elenkati (F.511)

—	ekwità li minnhom ishma mhux elenkati (F.512)

—	ishma/unitajiet MMF (F.521)

—	Ishma/unitajiet ta’ FI mhux MMF (F.522)

Kodiċi ta’ identifikazzjoni tal-emittent

Isem tal-emittent

Pajjiż emittent

Settur jew subsettur tal-emittent:

—	bank ċentrali (S.121)

—	korporazzjonijiet li jieħdu depożiti ħlief għal bank ċentrali (S.122)

—	MMF (S.123)

—	FI mhux MMF (S.124)

—	intermedjarji finanzjarji oħrajn, ħlief għall-korporazzjonijiet ta’ assigurazzjoni u fondi ta’ pensjoni (S.125)

—	awżiljari finanzjarji (S.126)

—	istituzzjonijiet finanzjarji kaptivi u mutwanti tal-flus (S.127)

—	korporazzjonijiet tal-assigurazzjoni (S.128)

—	fondi tal-pensjoni (S.129)

—	korporazzjonijiet mhux finanzjarji (S.11)

—	gvern ċentrali (esklużi l-fondi tas-sigurtà soċjali) (S.1311)

—	gvern tal-Istat (esklużi l-fondi tas-sigurtà soċjali) (S.1312)

—	gvern lokali (esklużi l-fondi tas-sigurtà soċjali) (S.1313)

—	fondi tas-sigurtà soċjali (S.1314)

—	unitajiet domestiċi (S.14)

—	istituzzjonijiet mingħajr skop ta’ profitt li jservu lill-unitajiet domestiċi (S.15)

Data tal-ħruġ

Data tal-maturità

Imgħax akkumulat

TABELLA 4

Informazzjoni meħtieġa dwar introjtu u tariffi

Kamp

Entrata

Introjtu riċevut

Dividendi mħallsa

Tariffi mħallsa mill-azzjonisti lill-FI

Nota:

oqsma 1 u 2 huma rrapportati għal kull klassi ta’ ishma maħruġa mill-FI.

TABELLA 5

Informazzjoni meħtieġa dwar il-klassifikazzjoni tat-tagħrif

Id-data għall-kampijiet fit-tabella ta’ hawn taħt trid tiġi rrapportata għal kull FI.

Kamp

Titolu

Kodiċi ta’ identifikazzjoni

Isem

Pajjiż ta’ residenza

Data ta’ twelid

Kumpanija maniġerjali

ID tal-kumpanija maniġerjali

Politika dwar id-distribuzzjoni ta’ dividendi:

—	fond ta’ distribuzzjoni

—	fond kumulattiv

—	fond ta’ distribuzzjoni ta’ dividend imħallat

FI b’subfondi:

—	FI huwa subfond ta’ fond umbrella

—	FI ikun fond umbrella

—	identifikatur (eż. kodiċi RIAD) tal-fond umbrella (jekk applikabbli)

politika ta’ investiment:

—

bond

—

ekwità

—

imħallta

—	proprjetà immobbli

—

ħeġġ

—	self/kreditu

—

komodità

—	infrastruttura

—

oħrajn

Stil ta’ investiment:

—

attiv

—	sintetiku passiv

—	fiżiku passiv

Fokus ġeografiku:

—

domestiku

—	Ewropa (Żona Ekonomika Ewropea (ŻEE))

—	Ewropa (minbarra ż-ŻEE)

—	Amerika ta’ Fuq

—	Amerika t’Isfel

—	Asja/Paċifiku

—	Lvant Nofsani

—

Afrika

—	reġjun supranazzjonali / multiplu

Miftuħ / magħluq

Fokus tal-investimenti tal-bonds:

—	bond korporattiv

—	bond tal-gvern

—	bond imħallat korporattiv / tal-gvern

Status tal-elenkar

Konformità tal-Impriżi għal investimenti kollettivi f’titoli trasferibbli (UCITS) / Fondi ta’ Investiment Alternattiv (AIF):

—	Konformi mal-UCITS

—

mhux konformi mal-UCITS, konformi mal-AIF

—	li minnhom ishma awtorizzati biex jiġu kummerċjalizzati lil investituri fil-livell ta’ konsumatur

—	mhux konformi mal-UCITS, mhux konformi mal-AIF

Bażi tal-investituri:

—	fil-biċċa l-kbira investituri professjonali

—	fil-biċċa l-kbira investituri fil-livell tal-konsumatur

—	investituri professjonali mħallta / investituri fil-livell ta’ konsumatur

Tip ta’ fond ta’ proprjetà immobbli

—	residenzjali

—	kummerċjali

—	industrijali

—	strateġija multipla

—

oħrajn

—	mhux applikabbli

Fond negozjat fil-borża

Fond ta’ Ishma Azzjonarji Privati

Fond ta’ investiment fi proprjetà immobbli

Frekwenza ta’ fidi

—

kuljum

—	kull ġimgħa

—	kull xahar

—	kull tliet xhur

—	darbtejn fis-sena

—	ta’ kull sena

—	fl-aħħar tal-maturità biss

—	oħrajn / irregolari

Konformità ambjentali, soċjali u ta’ governanza (ESG):

—	Regolament dwar Divulgazzjoni ta’ Finanzi Sostenibbli (5) (SFDR) konformi mal-Artikolu 8

—	Regolament dwar Divulgazzjoni ta’ Finanzi Sostenibbli (SFDR) konformi mal-Artikolu 9

—

oħrajn

(1) jekk l-aġent li jirrapporta ma jkunx f’pożizzjoni li jiddentifika direttament ir-residenza u s-settur tad-detentur, huwa jirrapporta d-data rilevanti abbażi tal-informazzjoni disponibbli. Fil-każ ta’ ishma tal-portatur, l-informazzjoni tista’ tinġabar minn MFIs jew IFO (kif speċifikat fl-Artikoli 6(3) u 10(9) ta’ dan ir-Regolament).

(2) jekk l-aġent li jirrapporta ma jkunx f’pożizzjoni li jidentifika direttament ir-residenza u s-settur tad-detentur, huwa jirrapporta d-data rilevanti abbażi tal-informazzjoni disponibbli. Fil-każ ta’ ishma tal-portatur, l-informazzjoni tista’ tinġabar minn IFM jew IFO (kif speċifikat fl-Artikoli 6(3) u 10(9) ta’ dan ir-Regolament).

(3) Il-FI mhumiex meħtieġa li jirrapportaw din il-partita, jekk l-istokkijiet ta’ kull xahar elenkati fit-Tabella 1 jirrappreżentaw inqas minn 5 % ta' ishma/unitajiet ta’ FI maħruġa.

(4) Transazzjonijiet

(5) Regolament (UE) 2019/2088 tal-Parlament Ewropew u tal-Kunsill tas-27 ta’ Novembru 2019 dwar divulgazzjonijiet relatati mas-sostenibbiltà fis-settur tas-servizzi finanzjarji (ĠU L 317, 9.12.2019, p. 1).

ANNESS II

DESKRIZZJONIJIET

Parti 1

Deskrizzjonijiet ta’ kategoriji ta’ strumenti

Din it-tabella tipprovdi deskrizzjoni dettaljata standard tal-kategoriji tal-istrumenti li l-banek ċentrali nazzjonali (BĊNi) jittrasponu f’kategoriji nazzjonali skont dan ir-Regolament. It-tabella mhijiex lista ta’ strumenti finanzjarji individwali u d-deskrizzjonijiet mhumiex eżawrjenti. Id-definizzjonijiet jirreferu għas-sistema Ewropea ta’ kontijiet nazzjonali u reġjonali fl-Unjoni Ewropea (minn issa ’il quddiem l-“ESA 2010”) stabbilita fir-Regolament (UE) Nru 549/2013.

Il-maturità oriġinali, jiġifieri l-maturità mal-ħruġ, tirreferi għall-perijodu fiss tal-ħajja ta’ strument finanzjarju li qablu l-istrument finanzjarju ma jistax jiġi mifdi, eż. titoli ta’ dejn, jew li jista’ jiġi mifdi qablu biss jekk titħallas xi tip ta’ penali, eż. xi tipi ta’ depożiti. Id-diżaggregazzjonijiet tal-maturità kollha meħtieġa jirreferu għall-maturità oriġinali tal-istrument finanzjarju.

Tista’ ssir distinzjoni bejn pretensjonijiet finanzjarji skont jekk ikunux negozjabbli jew le. Pretensjoni tkun negozjabbli jekk is-sjieda tagħha tkun tista’ tiġi ttrasferita faċilment minn unità għal oħra b’konsenja jew approvazzjoni jew tkun tista’ tiġi paċuta fil-każ ta’ derivattivi finanzjarji. Filwaqt li kwalunkwe strument finanzjarju jista’ potenzjalment jiġi nnegozjat, strumenti negozjabbli huma mfassla biex ikunu nnegozjati permezz ta’ borża organizzata jew barra l-borża, minkejja li jekk attwalment ikunux innegozjati mhijiex kundizzjoni neċessarja għan-negozjabbiltà.

TABELLA A

Deskrizzjonijiet ta’ kategoriji ta’ strumenti tal-attiv u l-passiv ta’ FI

KATEGORIJI TA’ ATTIV

Kategorija

Deskrizzjoni tal-karatteristiċi prinċipali

1.	Depożiti u talbiet għal self

Għall-finijiet tal-iskema ta’ rapportar, din il-kategorija tikkonsisti f’fondi mislufa minn FI lil mutwatarji, jew self akkwistat minn FI, li tagħhom ikun hemm prova permezz ta’ dokumenti mhux negozjabbli jew inkella ma jkunx hemm prova b’dokumenti.

Din il-kategorija tinkludi:

—	depożiti mqiegħda mill-FI, bħal depożiti overnight, depożiti b’maturità miftiehma u depożiti li jinfdew b’avviż;

—

investimenti f’titoli mhux negozjabbli:

—	Investimenti f’titoli ta’ dejn li mhumiex negozjabbli u ma jistgħux jiġu nnegozjati fi swieq sekondarji;

—	self innegozjat;

—	self li de facto jkun sar negozjabbli għandu jiġi kklassifikat taħt il-kategorija “depożiti u pretensjonijiet ta’ self” kemm-il darba ma jkun hemm ebda evidenza ta’ negozjar f’suq sekondarju. Inkella jiġu kklassifikati bħala titoli ta’ dejn;

—

dejn subordinat fil-forma ta’ depożiti jew self: strumenti ta’ dejn subordinat jipprovdu pretensjoni sussidjarja kontra l-istituzzjoni emittenti li tista’ tiġi eżerċitata biss wara li jkunu ġew sodisfatti l-pretensjonijiet kollha bi status ogħla, biex b’hekk jingħatawlhom xi wħud mill-karatteristiċi ta’ ekwità. Għal finijiet ta’ statistika, dejn subordinat jiġi kklassifikat bħala “self” jew bħala “titoli ta’ dejn” skont in-natura tal-istrument finanzjarju. Fejn investimenti ta’ FI ta’ kull forma ta’ dejn subordinat ikunu identifikati attwalment bħala ċifra unika għal finijiet statistiċi, din iċ-ċifra tiġi kklassifikata taħt il-kategorija “titoli ta’ dejn”, fuq il-bażi li debitu subordinat huwa kkostitwit b’mod predominanti fil-forma ta’ titoli ta’ dejn, aktar milli self;

—

pretensjonijiet taħt riakkwisti bil-maqlub kontra kollateral fi flus:

—	kontroparti ta’ flus kontanti mħallsa bi skambju għal titoli mixtrija minn FI bi prezz iffissat b’rabta soda biex wieħed ibiegħ mill-ġdid l-istess titoli jew simili bi prezz fiss f’data futura speċifikata;

—

pretensjonijiet taħt self ta’ titoli kontra kollateral fi flus:

—	kontroparti ta’ flus imħallsa bi skambju għal titoli li jissellfu FI;

—	Is-self ingranat huwa self sindakat estiż għal korporazzjonijiet bi kwalità tal-kreditu baxxa (taħt il-grad ta’ investiment).

Għall-finijiet ta’ dan ir-Regolament, din il-kategorija tinkludi wkoll investimenti f’karti tal-flus u muniti fiċ-ċirkolazzjoni euro u ta’ valuta barranija li normalment jintużaw biex isiru ħlasijiet

2.	Titoli ta’ dejn

Investimenti f’titoli ta’ dejn, li jkunu strumenti finanzjarji negozjabbli li jservu bħala evidenza ta’ dejn, normalment ikunu nnegozjati fi swieq sekondarji jew jistgħu jiġu paċuti fis-suq, u ma jagħtu lid-detentur ebda tip ta’ dritt ta’ sjieda fuq l-istituzzjoni emittenti.

Din il-kategorija tinkludi:

—	investimenti f’titoli li jagħtu lid-detentur id-dritt mingħajr kundizzjoni għal qligħ fiss jew qligħ stabbilit b’kuntratt fil-forma ta’ pagamenti ta’ kupuni u/jew ta’ somma fissa ddikjarata f’data jew dati speċifiċi, jew li tibda minn data stabbilita fil-ħin tal-ħruġ;

—

self innegozjat li jkun saru negozjabbli f’suq organizzat, sakemm ikun hemm evidenza ta’ negozjar f’suq sekondarju, inkluża l-eżistenza ta’ ġeneraturi tas-suq, u l-kwotazzjoni frekwenti tal-attiv finanzjarju, bħal dik ipprovduta minn differenzi bejn il-prezz tat-talba u l-prezz tal-offerta. Meta dan ma jkunx il-każ, jiġu kklassifikati bħala “depożiti u pretensjonijiet ta’ self”;

—	dejn subordinat fil-forma ta’ titoli ta’ dejn.

Titoli mislufa taħt operazzjonijiet ta’ self ta’ titoli jew mibjugħa taħt ftehim ta’ riakkwist jibqgħu fuq il-karta tal-bilanċ tas-sid oriġinali (u ma għandhomx jiġu rreġistrati fuq il-karta tal-bilanċ tal-akkwirent temporanju) meta jkun hemm impenn sod biex tinqeleb l-operazzjoni, u mhux sempliċement opzjoni biex isir dan. Meta l-akkwirent temporanju ibiegħ it-titoli rċevuti, dan il-bejgħ għandu jitniżżel bħala tranżazzjoni ċara f’titoli u mdaħħla fil-karta tal-bilanċ tal-akkwirent temporanju bħala pożizzjoni negattiva fil-portafoll tat-titoli.

Ekwità

Attiv finanzjarju li jirrappreżenta drittijiet ta’ proprjetà f’korporazzjonijiet jew kważi-korporazzjonijiet. Tali attiv finanzjarju ġeneralment jagħti dritt lid-detenturi għal sehem fil-profitti tal-korporazzjonijiet jew kważi-korporazzjonijiet u għal sehem fl-attiv net tagħhom fil-każ ta’ likwidazzjoni.

Din il-kategorija tinkludi ishma kkwotati u mhux ikkwotati u ekwità oħra.

Titoli ta’ ekwità mislufa taħt operazzjonijiet ta’ self ta’ titoli jew mibjugħa taħt ftehim ta’ xiri mill-ġdid, jiġu ttrattati b’mod konformi mar-regoli fil-kategorija 2 “titoli ta’ dejn”.

3a.	Ekwità li minnha ishma elenkati

Ishma elenkati huma titoli ta’ekwità elenkati f“borża. Din il-borża tista’ tkun borża rikonoxxuta jew kwalunkwe forma oħra ta’ suq sekondarju. Ishma elenkati huma magħrufa wkoll bħala ishma kkwotati. L-eżistenza ta’ prezzijiet ikkwotati ta’ ishma elenkati f’borża tfisser li l-prezzijiet attwali tas-suq normalment ikunu faċilment disponibbli.

3b.	Ekwità li minnha ishma mhux elenkati

Ishma mhux elenkati huma titoli ta’ ekwità mhux elenkati f’borża.

3ċ.	Ekwità li minnha ekwità oħra

Ekwità oħra tinkludi l-forom kollha ta’ ekwità minbarra dawk klassifikati f’subkategoriji ishma elenkati u ishma mhux elenkati.

4.	Ishma/unitajiet ta’ FI

Din il-kategorija tinkludi investimenti f’ishma/unitajiet maħruġa minn MMFs u FI li mhumiex MMF (jiġifieri FI apparti MMFs) inklużi fil-listi ta’ MFI u FI għal finijiet ta’ statistika.

MMFs huma ddefiniti fl-Artikolu 2(5) tar-Regolament (UE) Nru 2021/379 (BĊE/2021/2).

FI minbarra MMFs huma definiti fl-Artikolu 2 ta’ dan ir-Regolament.

(2 + 3+4)a li minnhom titoli (titoli ta’ dejn, ekwità u ishma/unitajiet ta’ FI) mislufa jew mibjugħa taħt ftehim ta’ riakkwist

Din il-kategorija tinkludi dawk it-titoli, irrapportati taħt il-kategoriji 2 (titoli ta’dejn), u 3 (ekwità) u 4 (ishma/unitajiet ta’ FI), li ġew mislufa taħt operazzjonijiet ta’ self ta’ titoli jew mibjugħa taħt ftehim ta’ riakkwist (jew kull tip ieħor ta’ operazzjonijiet simili, bħal tranżazzjonijiet ta’ bejgħ u xiri lura).

5.	Derivattivi finanzjarji

Derivattivi finanzjarji huma strumenti finanzjarji li huma marbuta ma’ strument finanzjarju, indikatur jew kommodità speċifikati, li permezz tagħhom riskji finanzjarji speċifiċi jistgħu jkunu nnegozjati fi swieq finanzjarji per se.

Din il-kategorija tinkludi:

—	opzjonijiet;

—

liċenzji;

—

futuri;

—

riporti;

—

swaps;

—	derivattivi tal-kreditu.

Id-derivattivi finanzjarji huma rreġistrati bil-valur tas-suq fuq il-karta tal-bilanċ fuq bażi gross. Kuntratti individwali ta’ derivattivi b’valuri tas-suq pożittivi għandhom jitniżżlu fuq in-naħa tal-attiv tal-karta tal-bilanċ, u kuntratti b’valuri tas-suq negattivi fuq in-naħa tal-passiv tal-karta tal-bilanċ.

Rabtiet futuri gross li joħorġu minn kuntratti ta’ derivattivi m’għandhomx jiddaħħlu bħala entrati fuq il-karta tal-bilanċ.

Derivattivi finanzjarji jistgħu jiġu rreġistrati fuq bażi netta skont il-metodi ta’ valutazzjoni differenti. Fil-każ li jkunu disponibbli biss pożizzjonijiet netti, jew il-pożizzjonijiet ma jiġux irreġistrati skont il-valur tas-suq, dawn il-pożizzjonijiet għandhom jiġu rrapportati minflok.

Din il-kategorija ma tinkludix derivattivi finanzjarji li ma humiex soġġetti għal reġistrazzjoni fuq il-karta tal-bilanċ skont ir-regoli nazzjonali.

Meta l-kontroparti tkun magħrufa, l-allokazzjoni ġeografika tkun ibbażata fuq ir-residenza tal-kontroparti. Meta l-kontroparti ma tkunx magħrufa, pereżempju fi tranżazzjonijiet imwettqa f’suq organizzat, l-allokazzjoni ġeografika tkun ibbażata fuq ir-residenza tas-suq.

6.	Attiv mhux finanzjarju

Attiv tanġibbli jew intanġibbli, minbarra attiv finanzjarju.

Din il-kategorija tinkludi residenzi, binjiet u strutturi oħrajn, makkinarju u tagħmir, oġġetti prezzjużi, prodotti tal-proprjetà intellettwali bħal programmi tal-kompjuter u bażijiet ta’ data, u assi virtwali u kripto mingħajr responsabbiltà kontroparti.

Din il-katergorija tista’ tinkludi dawn li ġejjin, irrapportati wkoll bħala entrati separati “li minnhom”:

—

Proprjetà immobbli residenzjali:

—	Proprjetà immobbli residenzjali hija residenza li hija okkupata mis-sid jew mil-lokatarju tar-residenza;

—

proprjetà immobbli kummerċjali:

—	Il-proprjetà immobbli kummerċjali hija proprjetà immobbli fejn l-oġġetti jew is-servizzi jiġu pprovduti lill-klijenti (eż. lukandi, ristoranti, bejgħ bl-imnut);

—

Proprjetà immobbli industrijali:

—	Il-proprjetà immobbli industrijali hija proprjetà immobbli użata għal skopijiet industrijali, bħal dawk użati bħala fabbriki, ċentri loġistiċi u spazju għall-ħżin;

—

Proprjetà immobbli oħra:

—	Proprjetà immobbli għajr proprjetà residenzjali, kummerċjali u industrijali. Din il-kategorija tinkludi proprjetà immobbli tal-uffiċċji.

7.	Attiv li jifdal

Din hija l-kategorija residwa fuq in-naħa tal-assi tal-karta tal-bilanċ, iddefinita bħala “assi mhux inklużi x’imkien ieħor”. Il-BĊNi jistgħu jeħtieġu wkoll taħt din il-kategorija klassifikazzjonijiet individwali ta’ dawn li ġejjin:

—	imgħax akkumulat riċevibbli fuq depożiti u self;

—	imgħax akkumulat fuq investimenti f’titoli ta’ dejn;

—	imgħax akkumulat fuq kera riċevibbli;

—	ammonti riċevibbli li mhumiex relatati man-negozju prinċipali tal-FI.

KATEGORIJI TA’ PASSIV

Kategorija

Deskrizzjoni tal-karatteristiċi prinċipali

8.	Self u depożiti riċevuti

Ammonti dovuti lil kredituri mill-FI, minbarra dawk li jirriżultaw mill-ħruġ ta’ titoli negozzjabbli.

Din il-kategorija tikkonsisti f’dawn li ġejjin:

—	self mogħti lill-FI li tiegħu jkun hemm prova permezz ta’ dokumenti mhux negozjabbli jew li tiegħu ma jkunx hemm prova permezz ta’ dokumenti;

—

riakkwisti u operazzjonijiet tat-tip ta’ riakkwisti kontra kollateral fi flus kontanti: kontroparti ta’ flus kontanti rċevuti bi skambju għal titoli mibjugħa mill-FI bi prezz miftiehem taħt rabta soda biex l-istess titoli (jew simili) jerġgħu jinxtraw bi prezz fiss f’data speċifikata aktar ’il quddiem. Ammonti riċevuti mill-FI bi skambju għal titoli ttrasferiti lil parti terza (“akkwistatur temporanju”) għandhom jiġu klassifikati hawnhekk meta jkun hemm rabta soda biex jinqaleb l-operat u mhux sempliċement għażla biex isir dan. Dan jimplika li l-FI iżomm ir-riskji u l-benefiċċji kollha tat-titoli sottostanti matul l-operazzjoni;

—	kollateral fi flus kontanti riċevuti bi skambju għal self ta’ titoli: ammonti rċevuti bi skambju għal titoli trasferiti temporanjament lil parti terza fil-forma ta’ self ta’ titoli kontra kollateral fi flus kontanti,

—	kollateral fi flus kontanti riċevuti f’operazzjonijiet li jinvolvu t-trasferiment temporanju ta’ deheb kontra kollateral.

Din il-kategorija tista’ tinkludi self rotanti u overdrafts, irrapportati wkoll bħala entrati separati “li minnhom”.

Self rotanti huwa self li għandu dawn il-karatteristiċi kollha: (i) min jissellef jista’ juża jew jiġbed fondi sa limitu ta’ kreditu approvat minn qabel mingħajr ma javża minn qabel lil min isellef; (ii) l-ammont ta’ kreditu disponibbli jista’ jiżdied u jonqos hekk kif il-fondi jiġu mislufa u mħallsa lura; (iii) il-kreditu jista’ jintuża b’mod ripetut.

Self rotanti jinkludi l-ammonti akkwistati permezz ta’ linja ta’ kreditu u li jkunu għadhom ma tħallsux (ammonti pendenti). Linja ta’ kreditu hija ftehim bejn min isellef u min jissellef li tippermetti lil min jissellef jieħu flus bil-quddiem, matul perijodu definit u sa ċertu limitu, u jħallas lura fid-diskrezzjoni tiegħu l-flus bil-quddiem qabel data definita. Ammonti disponibbli permezz ta’ linja ta’ kreditu li ma jkunux inġibdu jew li jkunu diġà tħallsu lura m’għandhomx jitqiesu taħt l-ebda kategorija ta’ entrati tal-karta tal-bilanċ.

Overdrafts fuq kontijiet huma bilanċi ta’ debitu fuq kontijiet kurrenti. L-ammont totali dovut minn min jissellef għandu jiġi rrapportat, irrispettivament ta’ jekk huwiex fi jew lil hinn mil-limiti miftiehma bejn min jislef u min jissellef fir-rigward tad-daqs u/jew il-perijodu massimu tas-self.

9.	Ishma/unitajiet ta’ FI

Ishma jew unitajiet, inklużi fil-forma ta’ kapital ta’ ekwità, maħruġa minn FI li huma inklużi fil-lista ta’ FI għal finijiet statistiċi. Ishma jew unitajiet, inklużi fil-forma ta’ kapital ta’ ekwità, maħruġa minn FI li huma inklużi fil-lista ta’ FI għal finijiet statistiċi. Din il-kategorija tirrappreżenta l-passiv totali lejn l-azzjonisti tal-FI. Fondi li jirriżultaw mill-benefiċċji mhux distribwiti jew mill-fondi mwarrba mill-FI b’antiċipazzjoni ta’ ħlasijiet jew obbligi futuri huma inklużi wkoll

10.	Derivattivi finanzjarji

Ara l-kategorija 5

11.	Obbligazzjonijiet li jifdal

Din hija l-kategorija residwa fuq in-naħa tal-passiv tal-karta tal-bilanċ, iddefinita bħala “passiv mhux inkluż x’imkien ieħor”.

Il-BĊNi jistgħu jeħtieġu wkoll taħt din il-kategorija klassifikazzjonijiet individwali ta’ dawn li ġejjin:

—	titoli ta’ dejn maħruġa

—	Titoli maħruġa mill-FI, minbarra ekwità, li huma strumenti normalment negozjabbli u nnegozjati fi swieq sekondarji jew li jistgħu jiġu paċuti fis-suq u li ma jagħtu ebda drittijiet ta’ proprjetà lid-detentur fuq l-istituzzjoni emittenti.

—	imgħax akkumulat pagabbli fuq self u depożiti

—	ammonti pagabbli mhux relatati man-negozju prinċipali tal-PF, jiġifieri ammonti dovuti lil fornituri, taxxi, pagi, kontribuzzjonijiet soċjali, eċċ.;

—	dispożizzjonijiet li jirrappreżentaw responsabbiltajiet kontra partijiet terzi, jiġifieri pensjonijiet, dividendi, eċċ.;

—	pożizzjonijiet netti li joħorġu mis-self ta’ titoli mhux garantiti bi flus kontanti;

—	ammonti netti pagabbli fir-rigward tar-regolament futur ta’ tranżazzjonijiet f’titoli.

Parti 2

Deskrizzjonijiet tal-attributi tal-informazzjoni titolu b’titolu

TABELLA B

Deskrizzjonijiet tal-attributi tal-informazzjoni titolu b’titolu

Kamp	Deskrizzjoni tal-attributi ewlenin
Kodiċi għall-identifikazzjoni tat-titolu	Kodiċi li jidentifika titolu b’mod uniku. Jista’ jkun il-kodiċi ISIN jew kodiċi ieħor għall-identifikazzjoni ta’ titolu, suġġett għall-istruzzjonijiet tal-BĊN “kodiċi ISIN” tfisser in-Numru Internazzjonali ta’ Identifikazzjoni ta’ Titoli (International Securities Identification Number) mogħti lit-titoli, li jikkonsisti minn 12-il karattru alfanumeriku, li jidentifika b’mod uniku ħarġa ta’ titoli (kif iddefinit mill-ISO 6166).
Numru ta’ unitajiet jew ammont nominali aggregat	Numru ta’ unitajiet ta’ xi titolu, jew ammont nominali aggregat fil-każ li t-titolu huwa nnegozjat f’ammonti aktar milli f’unitajiet
Prezz	Prezz tas-suq għal kull unità ta’ titolu, jew perċentwal tal-ammont nominali aggregat fil-każ li t-titolu huwa nnegozjat f’ammonti aktar milli f’unitajiet. Il-BĊNi jistgħu jitolbu wkoll l-imgħax akkumulat taħt din il-pożizzjoni.
Ammont totali	Valur tas-suq totali ta’ titolu Fil-każ ta’ titoli li huma nnegozjati f’unitajiet, dan l-ammont huwa l-istess daqs in-numru ta’ titoli multiplikat bil-prezz għal kull unità. Meta t-titoli huma nnegozjati f’ammonti aktar milli f’unitajiet, dan l-ammont huwa l-istess daqs l-ammont nominali aggregat multiplikat bil-prezz imfisser bħala persentaġġ Il-BĊNi jistgħu jitolbu wkoll l-imgħax akkumulat taħt din il-pożizzjoni.
Tranżazzjonijiet finanzjarji	Is-somma tax-xiri imnaqqsa bil-bejgħ (titoli fuq in-naħa tal-assi) jew l-emissjonijiet imnaqqsa bil-fidi (titoli fuq in-naħa tal-passiv) ta’ titolu rreġistrat bil-valur tat-tranżazzjoni
Titoli mixtrija (assi) jew maħruġa (obbligazzjonijiet)	Is-somma tax-xiri (titoli fuq in-naħa tal-assi) jew emissjonijiet (titoli fuq in-naħa tal-passiv) ta’ titolu rreġistrat bil-valur tat-tranżazzjoni.
Titoli mibjugħa (assi) jew mifdija (obbligazzjonijiet)	Is-somma tal-bejgħ (titoli fuq in-naħa tal-assi) jew fidi (titoli fuq in-naħa tal-passiv) ta’ titolu rreġistrat bil-valur tat-tranżazzjoni.
Munita tar-reġistrazzjoni tat-titolu	Kodiċi ISO jew ekwivalenti tal-munita użata biex tfisser il-prezz u/jew l-ammont pendenti tat-titolu.
Strument	Kif definit fit-Tabella A, il-kategoriji 2, 3 u 4.
Kodiċi ta’ identifikazzjoni tal-emittent	Kodiċi standard, miftiehem mal-BĊN relevanti, li jidentifika b’mod uniku lil kontroparti u informazzjoni dwar it-tip ta’ identifikatur tal-kodiċi li jintuża, eż. identifikatur tal-entità tal-istrument eċċ.
Isem tal-emittent	Isem legali sħiħ tal-kontroparti
Pajjiż emittenti	Kodiċi ISO jew ekwivalenti tal-pajjiż ta’ residenza tal-emittent.
Data tal-ħruġ	Id-data li fiha t-titoli jiġu kkonsenjati lis-sottoskrittur mill-emittent kontra ħlas. Din hija d-data meta t-titoli ikunu jistgħu jiġu kkonsenjati lil investituri għall-ewwel darba.
Data tal-maturità	Data li fiha jsir il-fidi tal-istrument ta’ dejn.
Imgħax akkumulat	Imgħax akkumulat mill-aħħar pagamenti ta’ kupuni jew mid-data li fiha beda jakkumula l-imgħax.

Parti 3

Deskrizzjonijiet tas-setturi

L-ESA 2010 tipprovdi l-istandard għall-klassifikazzjoni tas-setturi fl-Istati Membri. Din it-tabella tipprovdi deskrizzjoni standard dettaljata tas-setturi li l-BĊNi għandhom jittrasponu fil-kategoriji nazzjonali b’mod konformi ma’ dan ir-Regolament. Il-kontropartijiet residenti fi Stati Membri taż-żona tal-euro huma identifikati skont is-settur tagħhom b’mod konformi mal-listi miżmuma mill-Bank Ċentrali Ewropew (BĊE) għal finijiet statistiċi u l-gwida għall-klassifikazzjoni statistika tal-kontropartijiet ipprovduta fil-“Manwal dwar is-Settur tal-Istituzzjonijiet Finanzjarji Monetarji u Statistika dwar is-Swieq: Gwida għall-klassifikazzjoni statistika tal-klijenti” tal-BĊE.

TABELLA Ċ

Deskrizzjonijiet tas-setturi

Settur

Deskrizzjonijiet

MFIs

MFIs huma ddefiniti fl-Artikolu 2, punt (1), tar-Regolament (UE) 2021/379 (BĊE/2021/2).

2.	Amministrazzjoni pubblika

Is-settur tal-gvern ġenerali (S.13) jikkonsisti fl-unitajiet istituzzjonali kollha li huma produtturi mhux għas-suq li l-output tagħhom huwa maħsub għall-konsum individwali jew kollettiv, u li huma ffinanzjati minn pagamenti obbligatorji magħmula minn unitajiet li jappartjenu lil setturi oħra, u l-unitajiet istituzzjonali li huma prinċipalment involuti fir-ridistribuzzjoni tal-introjtu u l-ġid nazzjonali (ESA 2010, paragrafi 2.111 sa 2.113)

Gvern ċentrali

Dan is-subsettur (S.1311) jinkludi d-dipartimenti amministrattivi kollha tal-Istat u aġenziji ċentrali oħrajn li l-kompetenza tagħhom normalment testendi fuq it-territorju ekonomiku kollu, għajr l-amministrazzjoni tal-fondi tas-sigurtà soċjali (ESA 2010, paragrafu 2.114) Għall-finijiet ta’ dan ir-Regolament, gvern ċentrali jinkludi wkoll l-istituzzjonijiet u l-korpi tal-Unjoni li huma kklassifikati fis-settur tal-gvern ġenerali (S.13).

Gvern statali

Dan is-subsettur (S.1312) jikkonsisti f’dawk it-tipi ta’ amministrazzjoni pubblika li huma unitajiet istituzzjonali separati li jwettqu wħud mill-funzjonijiet tal-gvern, għajr għall-amministrazzjoni tal-fondi tas-sigurtà soċjali, f’livell taħt dak ta’ gvern ċentrali u ogħla minn ta’ unitajiet istituzzjonali governattivi li jeżistu fil-livell lokali (ESA 2010, paragrafu 2.115).

Gvern lokali

Dan is-subsettur (S.1313) jinkludi dawk it-tipi ta’ amministrazzjoni pubblika li l-kompetenza tagħha testendi biss għal parti lokali mit-territorju ekonomiku, minbarra l-aġenziji lokali tal-fondi tas-sigurtà soċjali (ESA 2010, paragrafu 2.116).

Fondi tas-sigurtà soċjali

Is-subsettur tal-fondi tas-sigurtà soċjali (S.1314) jinkludi l-unitajiet istituzzjonali ċentrali, tal-istat, u lokali li l-attività prinċipali tagħhom hija li jipprovdu benefiċċji soċjali u li jissodisfaw iż-żewġ kriterji li ġejjin: (a) bil-liġi jew b’regolamentazzjoni, ċerti gruppi tal-popolazzjoni huma obbligati li jipparteċipaw fl-iskema jew li jħallsu kontribuzzjonijiet; u (b) il-gvern ġenerali huwa responsabbli għall-ġestjoni tal-istituzzjoni fejn għandhom x’jaqsmu s-saldu jew l-approvazzjoni tal-kontribuzzjonijiet u l-benefiċċji, indipendentement mir-rwol tiegħu bħala korp sorveljanti u bħala entità li tipprovdi l-impjieg (ESA 2010, paragrafu 2.117) Normalment, ma teżisti l-ebda rabta diretta bejn l-ammont tal-kontribuzzjonijiet imħallsa minn individwu u r-riskju li għalih l-individwu huwa espost.

3.	FIs mhux MMF

FI kif definiti fl-Artikolu 1 ta’ dan ir-Regolament

4.	Intermedjarji finanzjarji oħrajn, għajr għal korporazzjonjijiet tal-assigurazzjoni u fondi tal-pensjoni;

L-intermedjarji finanzjarji oħrajn, minbarra s-subsettur tal-korporazzjonijiet tal-assigurazzjoni u tal-fondi ta’ pensjonijiet (S.125) jikkonsistu fil-korporazzjonijiet finanzjarji u kważi-korporazzjonijiet kollha li huma involuti prinċipalment fl-intermedjazzjoni finanzjarja jew billi jġarrbu obbligazzjonijiet f’forma oħra minbarra valuta, depożiti (jew sostituti mill-qrib għal depożiti), ishma/unitajiet ta’ FI, jew b’rabta ma’ assigurazzjoni, pensjonijiet u skemi ta’ garanzija standardizzati minn unitajiet istituzzjonali. FVCs kif definiti fir-Regolament (UE) Nru 1075/2013 tal-Bank Ċentrali Ewropew (BĊE/2013/40) (1) huma inklużi f’dan is-subsettur (ESA 2010, paragrafi 2.86 sa 2.94).

5.	Awżiljari finanzjarji

Is-subsettur tal-awżiljari finanzjarji (S.126) jikkonsisti fil-korporazzjonijiet finanzjarji u l-kważi korporazzjonijiet kollha li huma involuti prinċipalment f’attivitajiet marbutin mill-qrib mal-intermedjazzjoni finanzjarja iżda li mhumiex huma stess intermedjarji finanzjarji. Dan is-subsettur jinkludi wkoll l-uffiċċji ċentrali li s-sussidjarji tagħhom kollha jew fil-parti l-kbira tagħhom huma korporazzjonijiet finanzjarji (ESA 2010, paragrafi 2.95 sa 2.97).

6.	istituzzjonijiet finanzjarji kaptivi u min jislef il-flus

Is-subsettur tal-istituzzjonijiet finanzjarji kaptivi u l-korporazzjonijiet tal-għoti ta’ flus b’self (S.127) jinkludi l-korporazzjonijiet u lill-entitajiet bi status kważi ta’ korporazzjoni finanzjarji kollha li la huma involuti f’intermedjazzjoni finanzjarja u lanqas ma jipprovdu servizzi awżiljarji finanzjarji, u fejn il-parti l-kbira jew tal-assi tagħhom jew il-passivi tagħhom mhumiex innegozjati fis-swieq miftuħa. Dan is-subsettur jinkludi kumpaniji holding li għandhom fil-pussess tagħhom livelli ta’ kontroll tal-ekwità ta’ grupp ta’ korporazzjonijiet sussidjarji u li l-attività prinċipali tagħhom hija s-sjieda tal-grupp mingħajr ma jipprovdu ebda servizz ieħor lin-negozji li fihom tkun qed tinżamm din l-ekwità; jiġifieri, ma jkunux jamministraw jew jiġġestixxu unitajiet oħra (ESA 2010, paragrafi 2.98 sa 2.99)

7.	Korporazzjonijiet tal-assigurazzjoni

Is-subsettur tal-korporazzjonijiet tal-assigurazzjoni (S.128) jikkonsisti fil-korporazzjonijiet u l-entitajiet bi status kważi ta’ korporazzjoni finanzjarji kollha li huma involuti prinċipalment f’intermedjazzjoni finanzjarja bħala konsegwenza tal-ippuljar tar-riskji prinċipalment fil-forma ta’ assigurazzjoni jew riassigurazzjoni diretta (ESA 2010, paragrafi 2.100 sa 2.104).Is-subsettur tal-korporazzjonijiet tal-assigurazzjoni (S.128) jikkonsisti fil-korporazzjonijiet u l-entitajiet bi status kważi ta’ korporazzjoni finanzjarji kollha li huma involuti prinċipalment f’intermedjazzjoni finanzjarja bħala konsegwenza tal-ippuljar tar-riskji prinċipalment fil-forma ta’ assigurazzjoni jew riassigurazzjoni diretta (ESA 2010, paragrafi 2.100 sa 2.104).

8.	Fondi tal-pensjoni

Is-subsettur tal-fondi tal-pensjonijiet (S.129) jikkonsisti mill-korporazzjonijiet u l-kważi korporazzjonijiet li huma involuti prinċipalment f’intermedjazzjoni finanzjarja bħala konsegwenza tal-ippuljar tar-riskji soċjali u l-ħtiġijiet tal-persuni assigurati (assigurazzjoni soċjali). Fondi tal-pensjoni bħal skemi tal-assigurazzjoni soċjali jipprovdu introjtu waqt l-irtirar, u ħafna drabi benefiċċji għal mewt u diżabbiltà (ESA 2010, paragraphs 2.105 to 2.110).

9.	Korporazzjonijet mhux finanzjarji

Is-settur tal-korporazzjonijiet mhux finanzjarji (S.11) jikkonsisti minn unitajiet istituzzjonali li huma entitajiet legali indipendenti u li huma produtturi tas-suq, u li l-attività prinċipali tagħhom hija l-produzzjoni ta’ oġġetti u servizzi mhux finanzjarji. Dan is-settur jinkludi wkoll kważi-korporazzjonijiet mhux finanzjarji (ESA 2010, paragrafi 2.45 sa 2.50).

10.	Unitajiet domestiċi

Is-settur tal-unitajiet domestiċi (S.14) jikkonsisti f’individwi jew gruppi ta’ individwi bħala konsumaturi u bħala intraprendituri li jipproduċu oġġetti għas-suq u servizzi finanzjarji u mhux finanzjarji (produtturi għas-suq) sakemm il-produzzjoni ta’ prodotti u servizzi ma tkunx minn entitajiet separati ttrattati bħala kważi-korporazzjonijiet. Jinkludi wkoll individwi jew gruppi ta’ individwi bħala produtturi ta’ oġġetti u servizzi mhux finanzjarji għal użu aħħari proprju b’mod esklużiv. Is-settur tal-unitajiet domestiċi jinkludi proprjetarji uniċi u soċjetajiet mhux inkorporati mingħajr status legali indipendenti, minbarra dawk ittrattati bħala kwai korporazzjonjiet, li huma produtturi għas-suq (ESA 2010, paragrafi 2.118 sa 2.128)

11.	Istituzzjonijiet mingħajr skop ta’ profitt li jservu bħala unitajiet domestiċi

Is-settur tal-istituzzjonijiet mingħajr skop ta’ qligħ li jservu l-unitajiet domestiċi (NPISHs) (S.15) jikkonsisti f’istituzzjonijiet mingħajr skop ta’ qligħ li huma entitajiet legali separati, li jservu lill-unitajiet domestiċi u li huma produtturi privati mhux għas-suq. Ir-riżorsi prinċipali tagħhom huma l-kontribuzzjonijiet volontarji fi flus kontanti jew in natura minn unitajiet domestiċi fil-kapaċità tagħhom bħala konsumaturi, minn pagamenti magħmula minn gvern ġenerali u minn introjtu minn proprjetà (ESA 2010, paragraphs 2.129 u 2.130).

Parti 4

Deskrizzjonijiet tal-informazzjoni dwar l-introjtu u t-tariffi

Tabella D

Deskrizzjonijiet tal-informazzjoni dwar l-introjtu u t-tariffi

Qasam	Deskrizzjoni
Dħul riċevut	Introjtu riċevut mill-FI matul il-perijodu, allokat għal kull klassi ta’ ishma maħruġa mill-FI.
Dividendi mħallsa	Fondi mħallsa mill-FI lill-azzjonisti tiegħu fil-forma ta’ dividendi, jew distribuzzjonijiet ekwivalenti oħra, matul il-perijodu, allokati għal kull klassi ta’ ishma maħruġa mill-FI.
Tariffi mħallsa mill-azzjonisti lill-FI	Tariffi mħallsa mill-azzjonisti lill-FI matul il-perijodu, f’forma ta’ pagamenti mnaqqsa mill-attiv tal-FI u bl-esklużjoni ta’ tariffi mħallsa direttament minn azzjonisti lil partijiet terzi għajr lil FI. Huma jikkonsistu minn tipi ta’ “kostijiet rikorrenti” u “kostijiet inċidentali” ta-FI kif deskkritti fl-Anness VI tar-Regolament Delegat tal-Kummissjoni (UE) 2017/653 (2) .

Parti 5

Deskrizzjonijiet tal-attributi tal-klassifikazzjoni ta’ FI

Tabella E

Deskrizzjonijiet tal-attributi tal-klassifikazzjoni tal-FI

Qasam	Deskrizzjoni tal-attributi tal-klassifikazzjoni ta’ FI
Kodiċi ta’ identifikazzjoni	“Identifikatur ta’ Entità Ġuridika” jew “LEI” tfisser kodiċi ta’ referenza alfanumeriku skont l-istandard ISO 17442 mogħti lil entità ġuridika; “Kodiċi RIAD” huwa l-identifikatur uniku għad-Data tar-Reġistru tal-Istituzzjonijiet u l-Affiljati (RIAD) maħluq mill-BĊN kompetenti jew mill-BĊE biex jidentifika entità rreġistrata. Identifikatur ieħor (eż. nazzjonali) tal-entità (tip u kodiċi) huwa kwalunkwe kodiċi ta’ identifikazzjoni ieħor għall-FI. F’ordni ta’ prijorità, il-kodiċi użat għandu jkun LEI, il-kodiċi RIAD jew identifikatur ta’ entità ieħor.
Isem	Isem legali sħiħ tal-kontroparti
Pajjiż ta’ residenza	Pajjiż fejn il-FI huwa residenti.
Data ta’ twelid	Id-data meta ġie stabbilit għall-ewwel darba l-FI.
Kumpanija maniġerjali	Kumpanija, li n-negozju regolari tagħha huwa l-ġestjoni tal-fond ta’ investiment.
Id tal-kumpanija maniġerjali	Kodiċi ta’ identifikazzjoni tal-kumpanija maniġerjali. F’ordni ta’ prijorità, il-kodiċi użat għandu jkun LEI, kodiċi RIAD jew kwalunkwe identifikatur ieħor (eż. nazzjonali) tal-entità.
Politika ta’ distribuzzjoni ta’ dividendi	Fond ta’ distribuzzjoni huwa FI li fil-biċċa l-kbira (aktar minn 50 %) iħallas l-introjtu li jirċievi lill-azzjonisti tiegħu bħala flus. Fond kumulattiv huwa FI li b’mod predominanti (aktar minn 50 %) jinvesti mill-ġdid l-introjtu li jirċievi f’konformità mal-politika ta’ investiment tiegħu. Fond ta’ distribuzzjoni ta’ dividendi mħallat huwa FI li juża l-introjtu li jirċievi kemm biex iħallas lill-azzjonisti tiegħu bħala flus kontanti kif ukoll biex jerġa’ jinvesti f’konformità mal-politika ta’ investiment tiegħu.
Fondi ta’ investiment b’sottofondi	Fond umbrella huwa entità li tissegrega l-assi tagħha f’unitajiet differenti (sottofondi) b’tali mod li l-ishma/unitajiet relatati ma’ kull unità jkunu sostnuti b’mod indipendenti minn assi differenti. Is-sottofond ta’ fond umbrella huwa unità li żżomm assi segregati ta’ fond umbrella, li jappoġġa ishma/unitajiet maħruġa mis-subfond.
Politika ta’ investiment	Fondi ta’ ekwità huma fondi ta’ investment li jinvestu primarjament f’ekwità. Fondi f’bonds huma fondi ta’ investment (FI) li jinvestu primarjament f’titoli ta’ dejn. Fondi mħallta huma fondi ta’ investiment li jinvestu kemm f’ekwità kif ukoll f’bonds mingħajr ebda politika prevalenti favur xi strument jew ieħor. Fondi ta’ proprjetà immobbli huma fondi ta’ investment li jinvestu primarjament fi proprjetà immobbli. Fondi ħeġġ, għall-iskop ta’ din il-Linja Gwida, tfisser kull impriża ta’ investiment kollettiv irrispettivament mill-istruttura legali tagħha taħt il-liġijiet nazzjonali, li tapplika strateġiji ta’ investiment relattivament mingħajr restrizzjoni sabiex tikseb redditi assoluti pożittivi, u li l-maniġers tagħhom, minbarra l-ħlasijiet għall-ġestjoni, jitħallsu skont il-prestazzjoni tal-fond. Għal dak l-iskop, il-fondi ħeġġ ftit għandhom restrizzjonijiet fir-rigward tat-tip ta’ strumenti finanzjarji li fihom jistgħu jinvestu u b’hekk jistgħu jużaw b’mod flessibbli varjetà wiesgħa ta’ tekniċi finanzjarji, li jinvolvu ingranaġġ, bejgħ ta’ pożizzjoni qasira jew kwalunkwe teknika oħra. Din id-definizzjoni tkopri wkoll fondi li jinvestu, bis-sħiħ jew parzjalment, f’fondi ħeġġ oħra sakemm altrimenti jissodisfaw id-definizzjoni. Fondi ta’ self/kreditu huma FI li primarjament jinvestu f’self. Il-fondi tal-komoditajiet huma FI li jinvestu primarjament f’komoditajiet. Il-fondi infrastrutturali huma FI li primarjament jinvestu f’infrastruttura tal-bini pubbliku bħal skejjel, sptarijiet jew ħabsijiet, infrastruttura soċjali bħall-akkomodazzjoni soċjali, infrastruttura tat-trasport bħal toroq, sistemi ta’ tranżitu tal-massa jew ajruporti, infrastruttura tal-enerġija bħal grilji tal-enerġija, proġetti ta’ adattament u mitigazzjoni tal-klima, impjanti tal-enerġija jew pipelines, infrastruttura għall-ġestjoni tal-ilma bħal sistemi tal-provvista tal-ilma, sistemi tad-drenaġġ jew tal-irrigazzjoni, infrastruttura ta’ komunikazzjoni bħal networks, u infrastruttura għall-ġestjoni tal-iskart bħal sistemi ta’ riċiklaġġ jew ġbir. Fondi oħra huma FI minbarra fondi ta’ bonds, fondi ta’ ekwità, fondi mħallta, fondi ta’ proprjetà immobbli, fondi ħeġġ, fondi ta’ self/kreditu, fondi ta’ komoditajiet jew fondi ta’ infrastruttura. Il-klassifikazzjoni ta’ FI skont il-politika ta’ investiment tagħhom tista’ tvarja bejn il-pajjiżi. F’xi pajjiżi, il-klassifikazzjoni hija soġġetta għal dispożizzjonijiet regolatorji speċifiċi.
Attiva/passiva	FI attivi huma FI li l-maniġers tagħhom għandhom għażla diskrezzjonali dwar id-deċiżjonijiet ta’ investiment tagħhom. Dawn il-FI jistgħu, iżda ma għandhomx għalfejn, jiġu ġestiti b’referenza għal parametru referenzjarju ddikjarat. FI sintetiċi passivi jsegwu objettiv ta’ traċċar tal-indiċi permezz ta’ replikazzjoni sintetika, bl-użu ta’ derivattivi finanzjarji bħal swaps biex jirreplikaw ir-redditi tal-indiċi li qed jittraċċaw. FI fiżiċi passivi jsegwu objettiv ta’ traċċar tal-indiċi permezz ta’ replikazzjoni fiżika, iż-żamma tal-assi, jew kampjun tal-assi, sottostanti għall-indiċi li qed jittraċċaw.
Fokus ġeografiku	Ir-reġjun tal-investiment huwa ddeterminat fuq il-bażi ta’ domiċilju predominanti (aktar minn 50 %) tal-assi miżmuma, f’termini tal-valur tagħhom. “Domestiku” tfisser il-FI jinvesti b’mod predominanti f’assi maħruġa minn residenti fl-istess pajjiż bħall-fond ta’ investiment. L-Ewropa (ŻEE), l-Ewropa (għajr iż-ŻEE), l-Amerika ta’ Fuq, l-Amerika t’Isfel, l-Asja/il-Paċifiku, il-Lvant Nofsani u l-Afrika għandhom l-istess tifsira bħal fil-Linji Gwida tal-Awtorità Ewropea tat-Titoli u s-Swieq (ESMA) (ESMA/2014/869EN) (3) . Reġjun supranazzjonali/multiplu tfisser li l-FI fil-biċċa l-kbira jinvesti primarjament f’assi maħruġa minn entitajiet supranazzjonali jew ma jinvesti primarjament fl-ebda reġjun ġeografiku wieħed definit hawn fuq
Miftuħ/magħluq	Fondi ta’ investiment flessibbli huma fondi ta’ investiment li l-unitajiet jew ishma tagħhom ikunu, fuq talba tad-detenturi, mixtrija mill-ġdid jew mifdija direttament jew indirettament mill-assi tal-impriża. Fondi ta’ investiment bi tmiem magħluq huma FI b’numru fiss ta’ ishma maħruġa li l-azzjonisti tagħhom ikollhom iħallsu jew ibiegħu ishma eżistenti sabiex jidħlu jew jitilqu mill-fond.
Fondi ta’ bonds korporattivi/tal-gvern	Il-fondi tal-bonds tal-gvern fil-biċċa l-kbira (aktar minn 50 %) jinvestu f’titoli ta’ dejn maħruġa mill-gvernijiet. Il-fondi tal-bonds korporattivi fil-biċċa l-kbira (aktar minn 50 %) jinvestu f’titoli ta’ dejn maħruġa minn korporazzjonijiet finanzjarji u mhux finanzjarji. Il-klassifikazzjoni tal-FI skont il-politika ta’ investiment tagħhom tista’ tvarja bejn il-pajjiżi. F’xi pajjiżi, il-klassifikazzjoni hija soġġetta għal dispożizzjonijiet regolatorji speċifiċi.
Status tal-elenkar	FI elenkati għandhom ishma elenkati f’borża jew f’suq organizzat ieħor. FI mhux elenkati ma għandhomx ishma elenkati f’borża jew f’suq organizzat ieħor.
Il-konformità tal-UCITS/AIF	Impriżi ta’ Investimenti Kollettivi f’Titoli Trasferibbli (Undertakings for Collective Investments in Transferable Securities - UCITS) huma fondi ta’ investiment li jkunu ġew stabbiliti skont id-Direttiva UCITS 2009/65/KE. Fondi ta’ investiment alternattivi (AIFs) huma FI li ġew stabbiliti skont id-Direttiva 2011/61/UE. “Mhux konformi mal-UCITS, konformi mal-AIF - li minnhom ishma huma awtorizzati biex jiġu kummerċjalizzati lil investituri fil-livell ta’ konsumatur” huwa FI li rċieva l-awtorizzazzjoni rilevanti skont l-Artikolu 43 tad-Direttiva 2011/61/UE.
Bażi tal-investituri	Il-bażi tal-investituri hija ddeterminata fuq il-bażi tat-tip predominanti (aktar minn 50 %) ta’ azzjonisti, f’termini tal-valur tagħhom. “Invevstitur professjonali” huwa entità li tissodisfa l-kriterji ta’ klijent professjonali fl-Anness II għad-Direttiva 2014/65/UE. “Investitur mhux professjonali” huwa investitur li mhuwiex klijent professjonali”.
Tip ta’ fond ta’ proprjetà immobbli	Fondi ta’ proprjetà immobbli residenzjali b’mod predominanti (aktar minn 50 %) jinvestu fi proprjetà residenzjali. Proprjetà residenzjali hija residenza li hija okkupata mis-sid jew mil-lokatarju tar-residenza. (Artikolu 4(1), il-punt (75), tar-Regolament (UE) Nru 575/2013 tal-Parlament Ewropew u tal-Kunsill (4) ) Il-fondi tal-proprjetà immobbli kummerċjali fil-biċċa l-kbira (aktar minn 50 %) jinvestu fi proprjetà immobbli użata għal skopijiet kummerċjali, bħall-bejgħ bl-imnut u l-lukandi. Il-fondi tal-proprjetà immobbli industrijali b’mod predominanti (aktar minn 50 %) jinvestu fi proprjetà immobbli użata għall-manifattura, il-produzzjoni, il-ħżin u d-distribuzzjoni tal-oġġetti. Il-fondi tal-proprjetà immobbli multi-strateġiċi jinvestu fi proprjetà immobbli residenzjali, kummerċjali u industrijali, mingħajr enfasi predominanti fuq l-ebda waħda. Fondi oħra ta’ proprjetà immobbli huma fondi ta’ proprjetà immobbli li mhumiex fondi ta’ proprjetà immobbli residenzjali, kummerċjali, industrijali jew multi-strateġiċi.
Fond negozjat fil-borża	Fond negozjat fil-borża (ETF) huwa “ETF ta’ UCITS” kif definit fil-paragrafu 3, ir-raba’ subparagrafu tal-Linji Gwida tal-ESMA (ESMA/2012/832) (5) . L-ESMA tiddefinixxi UCITS ETF bħala UCITS li ta’ mill-inqas unità jew klassi ta’ sehem waħda minnha tiġi nnegozjata matul il-ġurnata fuq ta’ mill-inqas suq irregolat wieħed jew Faċilità ta’ Negozjar Multilaterali waħda ma’ ta’ mill-inqas ġeneratur tas-suq wieħed li jieħu azzjoni biex jiżgura li l-valur tal-borża tal-ishma tal-unitajiet jew ishma tiegħu ma jvarjawx b’mod sinifikanti mill-valur nett tal-assi tiegħu u fejn applikabbli mill-Valur Nett tal-Assi Indikattiv tiegħu. IFs mhux UCITS li jikkonformaw mad-definizzjoni tal-ETF tal-ESMA għandhom jiġu inklużi hawnhekk.
Fond ta’ ishma azzjonarji privati	Fondi ta’ ekwità privata (Private equity funds - PEFs) huma fondi ta’ investiment mhux ingranati li jinvestu b’mod predominanti fi strumenti ta’ ekwità u strumenti li huma ekonomikament simili għal strumenti ta’ ekwità maħruġa minn kumpaniji mhux elenkati. Subkategorija ta’ PEFs hija fondi ta’ kapital spekulattiv (venture capital funds - VCFs), li jinvestu f’kumpaniji ġodda. PEFs (inklużi VCFs) huma normalment ikkostitwiti bħala fondi magħluqa jew bħala sħubijiet limitati ġestiti minn kumpanija ta’ ekwità privata (Private Equity Company - PEC) jew minn kumpanija ta’ kapital spekulattiv (venture capital company - VCC) fil-każ ta’ VCFs. Waqt li l-PEFs (inklużi VCFs) huma kklassifikati bħala FI f’konformità mal-Artikolu 2 ta’ dan ir-Regolament, il-PECs u l-VCCs huma kklassifikati bħala awżiljarji finanzjarji (ESA 2010 subsettur S.126) jekk jimmaniġġjaw biss l-attiv tal-PEFs u tal-VCFs; u bħala intermedjarji finanzjarji oħrajn (ESA 2010, subsettur S.125) jekk jinvestu f’isimhom stess f’ekwità privata.
Fond ta’ investiment fi proprjetà immobbli	Fond ta’ investiment fil-proprjetà immobbli (REIT) huwa entità li tippossjedi jew tiffinanzja attiv ta’ proprjetà immobbli li jipproduċu introjtu u hija soġġetta għal qafas legali nazzjonali ddedikat li jiddefinixxi l-forma ġuridika, l-attiv eliġibbli u r-reġim tat-taxxa tagħha.
Frekwenza tal-fidi	Il-frekwenza tal-fidi tispeċifika l-iskeda li fuqha l-investituri fil-FI jistgħu jifdu l-ishma/l-unitajiet tagħhom.
Tip ambjentali, soċjali u ta’ governanza (ESG)	FI konformi mal-Artikolu 8 tar-Regolament dwar Divulgazzjoni tal-Finanzi Sostenibbli (SFDR) huwa konformi mal-Artikolu 8 tar-Regolament (UE) 2019/2088, u b’hekk jippromwovi karatteristiċi ambjentali jew soċjali. FI li huma konformi mal-Artikolu 9 tar-Regolament dwar Divulgazzjoni tal-Finanzi Sostenibbli (SFDR) huma konformi mal-Artikolu 9 tar-Regolament (UE) 2019/2088, u b’hekk għandhom investiment sostenibbli bħala l-objettiv tagħhom. FI oħrajn mhumiex konformi mal-Artikolu 8 lanqas mal-Artikolu 9 tar-Regolament (UE) 2019/2088.

(1) Regolament (UE) Nru 1075/2013 tal-Bank Ċentrali Ewropew tat-18 ta’ Ottubru 2013 dwar statistika fuq l-attiv u l-passiv ta’ korporazzjonijiet finanzjarji vettura involuti fi tranżazzjonijiet ta’ titolizzazzjoni (BĊE/2013/40) (ĠU L 297, 7.11.2013, p. 107).

(2) Regolament Delegat tal-Kummissjoni (UE) 2017/653 tat-8 ta’ Marzu 2017 li jissupplimenta r-Regolament (UE) Nru 1286/2014 tal-Parlament Ew ropew u tal-Kunsill dwar dokumenti bl-informazzjoni ewlenija għal prodotti aggregati ta’ investiment għall-konsumaturi bbażati fuq l-assigurazzjoni (PRIIPs) billi jistabbilixxi standards tekniċi regolatorji dwar il-preżentazzjoni, il-kontenut, ir-rieżami u r-reviżjoni tad-dokumenti bl-informazzjoni ewlenija u l-kundizzjonijiet biex jiġi ssodisfat ir-rekwiżit li jiġu pprovduti dawn id-dokumenti (ĠU L 100, 12.4.2017, p. 1).

(3) Linji Gwida dwar l-obbligi ta’ rappOrtar skont l-Artikoli 3(3)(d) u 24(1), (2) u (4) tal-AIFMD (ESMA/2014/869EN), disponibbli fuq is-sit web ESMA fuq www.esma.europa.eu.

(4) Regolament (UE) Nru 575/2013 tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta’ kreditu u li jemenda r-Regolament (UE) Nru 648/2012 (ĠU L 176, 27.6.2013, p. 1).

(5) Linji Gwida għall-awtoritajiet kompetenti u l-kumpaniji maniġerjali tal-UCITS (ESMA/2012/832EN), disponibbli fuq is-sit web tal-ESMA fuq www.esma.europa.eu.