(1)

Ir-Regolament Delegat tal-Kummissjoni (UE) Nru 272/2012 (2) jispeċifika t-tip ta’ tariffi, il-kalkolu, u l-modalitajiet tal-ħlas fir-rigward tat-tariffi imposti mill-Awtorità Ewropea tat-Titoli u s-Swieq (ESMA) fuq l-aġenziji ta’ klassifikazzjoni tal-kreditu.

(2)

Fl-2018, kemm ir-rieżami tas-Servizz tal-Awditjar Intern tal-Kummissjoni kif ukoll l-awditu tal-Qorti Ewropea tal-Awdituri (3) kkonkludew li s-sistema ta’ finanzjament tat-tariffi tal-ESMA hija kumplessa bla bżonn. Biex jiġi simplifikat il-ġbir tat-tariffi u jitnaqqsu r-riskji b’rabta mal-kalkolu skorrett jew l-allokazzjoni ineffiċjenti tat-tariffi, huwa meħtieġ li tiġi żgurata l-konsistenza ta’ aspetti tekniċi fl-atti delegati differenti kollha dwar it-tariffi imposti mill-ESMA lil entitajiet sorveljati direttament.

(3)

Biex tiġi koperta bis-sħiħ in-nefqa tal-ESMA relatata mas-superviżjoni tal-aġenziji tal-klassifikazzjoni tal-kreditu, jenħtieġ li t-tariffi għas-superviżjoni annwali jiġu determinati fuq il-bażi tal-istima annwali tal-kostijiet diretti kollha meħtieġa għall-kompiti superviżorji mwettqa mill-ESMA u ta’ tqassim raġonevoli tal-kostijiet ġenerali fissi u varjabbli tal-ESMA.

(4)

Biex tiġi żgurata l-konsistenza fost l-atti delegati dwar it-tariffi li jitħallsu lill-ESMA, u biex l-ESMA tkun tista’ tarmi fi żmien debitu d-data tal-fatturat awditjat għall-istima tat-tariffi dovuti mill-aġenziji tal-klassifikazzjoni tal-kreditu lill-ESMA, jenħtieġ li s-sena ta’ referenza tal-kontijiet awditjati għad-determinazzjoni tal-fatturat applikabbli tkun ta’ sentejn qabel is-sena li għaliha l-ESMA timponi tariffi fuq l-aġenzija tal-klassifikazzjoni tal-kreditu.

(5)

L-ESMA jenħtieġ li tkun tista’ tistabbilixxi l-baġit annwali tagħha fil-ħin, abbażi ta’ data ċċertifikata dwar il-fatturat. Biex jiffaċilitaw il-kalkolu tat-tariffi mill-ESMA, l-aġenziji tal-klassifikazzjoni tal-kreditu jenħtieġ li jissottomettu kontijiet awditjati bi tqassim tas-servizzi ewlenin u anċillari. Jenħtieġ li tiġi stabbilita skadenza sa meta l-aġenziji tal-klassifikazzjoni tal-kreditu għandhom jissottomettu lill-ESMA l-kontijiet awditjati tagħhom.

(6)

Il-fatturat applikabbli tal-aġenziji tal-klassifikazzjoni tal-kreditu jiġi kkalkulat f’euro. Huwa għalhekk meħtieġ li jiġi speċifikat mekkaniżmu għall-konverżjoni f’euro ta’ dħul iġġenerat f’muniti oħra.

(7)

Biex tiżgura l-konsistenza fost l-atti delegati dwar it-tariffi li għandhom jitħallsu lill-ESMA, jenħtieġ li l-ESMA tikkalkula l-penali f’każ ta’ ħlas tard f’konformità mad-dispożizzjonijiet dwar l-imgħax ta’ inadempjenza stabbiliti fl-Artikolu 99 tar-Regolament (UE, Euratom) 2018/1046 tal-Parlament Ewropew u tal-Kunsill (4).

(8)

F’konformità mar-Regolament Delegat tal-Kummissjoni (UE) 2019/715 (5), jenħtieġ li t-tariffi imposti fuq l-aġenziji tal-klassifikazzjoni tal-kreditu jiġu stabbiliti f’livell li jiżgura li tkun koperta l-ispiża sħiħa tas-servizzi pprovduti mill-ESMA u li jiġi evitat defiċit, iżda fl-istess ħin jevita l-akkumulazzjoni ta’ surplus sinifikanti. Meta riżultat baġitarju pożittiv jew negattiv sinifikanti jsir rikorrenti, il-livell tat-tariffi jenħtieġ li jiġi rivedut.

(9)

Biex tiġi simplifikata aktar il-ġestjoni tat-tariffi, u jiġi żgurat li l-ESMA jkollha l-fondi meħtieġa biex twettaq l-attivitajiet superviżorji ppjanati tagħha, jenħtieġ li t-tariffi għas-superviżjoni annwali jitħallsu fi ħlas parzjali wieħed matul l-ewwel tliet xhur tas-sena kalendarja li għaliha jkunu dovuti tali tariffi. Jenħtieġ li t-tariffi annwali għas-superviżjoni ma jiġux rimborżati.

(10)

It-tariffa għar-reġistrazzjoni hija maħsuba biex tkopri l-kostijiet imġarrba mill-ESMA biex teżamina jekk l-aġenzija ta’ klassifikazzjoni tal-kreditu kkonċernata tissodisfax il-kundizzjonijiet kollha. Meta aġenzija tal-klassifikazzjoni tal-kreditu applikanti tirtira l-applikazzjoni tagħha, l-ESMA tkun diġà ġarrbet kostijiet u għalhekk jenħtieġ li ma tkun taħt l-ebda obbligu li tirrifondi tariffi relatati ma’ dawn.

(11)

Biex tevita tariffa eċċessiva għas-superviżjoni fis-sena tar-reġistrazzjoni tagħha, jenħtieġ li aġenzija tal-klassifikazzjoni tal-kreditu rreġistrata tħallas tariffa għas-superviżjoni inizjali li l-ammont tagħha jenħtieġ li jkun proporzjonali għall-perjodu ta’ żmien f’dik l-ewwel sena li matulha tkun ġiet irreġistrata l-aġenzija tal-klassifikazzjoni tal-kreditu.

(12)

Il-kost amministrattiv marbut mat-tariffa superviżorja tal-ewwel sena għal aġenzija tal-klassifikazzjoni tal-kreditu rreġistrata f’Diċembru, mhuwiex proporzjonat ma’ dik it-tariffa. Għalhekk, aġenzija tal-klassifikazzjoni tal-kreditu li tkun irreġistrata f’Diċembru jenħtieġ li jiġi eżentat mir-rekwiżit li jħallas tariffa superviżorja annwali għas-sena li fiha tkun ġiet irreġistrata dik l-aġenzija tal-klassifikazzjoni tal-kreditu.

(13)

Sabiex jiġi ssimplifikat il-ħlas tat-tariffi taċ-ċertifikazzjoni, 50 % tat-tariffa jenħtieġ li tiġi rimborżata f’każ li aġenzija tal-klassifikazzjoni tal-kreditu tirtira l-applikazzjoni tagħha qabel ma l-ESMA tkun innotifikat il-kompletezza tal-applikazzjoni. Jekk aġenzija tal-klassifikazzjoni tal-kreditu tirtira l-applikazzjoni tagħha wara li l-ESMA tkun innotifikat lill-aġenzija tal-klassifikazzjoni tal-kreditu li l-applikazzjoni hija kompluta, it-tariffa taċ-ċertifikazzjoni ma jenħtieġx li tiġi rimborżata. L-aġenziji ta’ klassifikazzjoni tal-kreditu ċċertifikati jenħtieġ li ma jħallsux tariffa superviżorja annwali skont l-Artikolu 7(1) tar-Regolament Delegat (UE) Nru 272/2012 fis-sena fejn tidħol fis-seħħ iċ-ċertifikazzjoni.

(14)

Sabiex tiġi evitata l-inċertezza legali għall-proċess ta’ ġbir ta’ tariffi li għaddej jenħtieġ li dan ir-Regolament japplika mill-1 ta’ Jannar 2025.

(15)

Għalhekk, jenħtieġ li r-Regolament Delegat (UE) Nru 272/2012 jiġi emendat skont dan,

(1)

L-Artikolu 2 jinbidel b’dan li ġej:

(2)

L-Artikolu 3 jinbidel b’dan li ġej:

(3)

fl-Artikolu 4(3), it-tieni subparagrafu huwa sostitwit b’dan li ġej:

“Kwalunkwe pagament tard għandu jġarrab l-imgħax ta’ inadempjenza stabbilit fl-Artikolu 99 tar-Regolament (UE, Euratom) 2018/1046 tal-Parlament Ewropew u tal-Kunsill (*1).

(*1)  Ir-Regolament (UE, Euratom) 2018/1046 tal-Parlament Ewropew u tal-Kunsill tat-18 ta’ Lulju 2018 dwar ir-regoli finanzjarji applikabbli għall-baġit ġenerali tal-Unjoni, li jemenda r-Regolamenti (UE) Nru 1296/2013, (UE) Nru 1301/2013, (UE) Nru 1303/2013, (UE) Nru 1304/2013, (UE) Nru 1309/2013, (UE) Nru 1316/2013, (UE) Nru 223/2014, (UE) Nru 283/2014, u d-Deċiżjoni Nru 541/2014/UE u li jħassar ir-Regolament (UE, Euratom) Nru 966/2012 (ĠU L 193, 30.7.2018, p. 1, ELI: http://data.europa.eu/eli/reg/2018/1046/oj).”;"

(4)

L-Artikolu 5 huwa emendat kif ġej:

(5)

fl-Artikolu 6, il-paragrafi 7 u 8 huma sostitwiti b’dan li ġej:

8.   B’deroga mill-Artikolu 5, aġenzija ta’ klassifikazzjoni tal-kreditu rreġistrata li hija meħtieġa tħallas tariffa superviżorja annwali skont l-Artikolu 5(1) għandha tħallas fis-sena tar-reġistrazzjoni tagħha tariffa superviżorja inizjali li tiġi kkalkulata kif ġej:

tariffa tal-ewwel sena tal-aġenzija tal-klassifikazzjoni tal-kreditu rreġistrata = tariffa tar-reġistrazzjoni * koeffiċjent

Koeffiċjent =

.

L-aġenziji tal-klassifikazzjoni tal-kreditu għandhom iħallsu t-tariffa superviżorja tal-ewwel sena wara li jkunu ġew notifikati mill-ESMA li r-reġistrazzjoni tagħhom kienet ta’ suċċess u fi żmien 30 jum kalendarju mid-data tal-ħruġ tan-nota ta’ debitu tal-ESMA.

Madankollu, meta aġenzija tal-klassifikazzjoni tal-kreditu tkun irreġistrat matul ix-xahar ta’ Diċembru, dik l-aġenzija tal-klassifikazzjoni tal-kreditu ma għandhiex tkun meħtieġa tħallas tariffa annwali għas-superviżjoni għas-sena li fiha tkun ġiet irreġistrata.”

(6)

fl-Artikolu 7, il-paragrafu 2 huwa sostitwit b’dan li ġej:

(7)

fl-Artikolu 8, il-paragrafi 3 u 4 huma sostitwiti b’dawn li ġejjin: