DEĊIŻJONI TAL-KUMITAT KONĠUNT TAŻ-ŻEE Nru 64/2024

tal-15 ta' Marzu 2024

li temenda l-Anness II (Regolamenti tekniċi, standards, testijiet u ċertifikazzjoni) tal-Ftehim ŻEE [2024/1575]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,

Billi:

(1)

Ir-Regolament ta’ Implimentazzjoni tal-Kummissjoni (UE) 2023/741 tal-5 ta’ April 2023 li jikkonċerna n-nuqqas ta’ tiġdid tal-approvazzjoni tas-sustanza attiva oksamil, f’konformità mar-Regolament (KE) Nru 1107/2009 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) Nru 540/2011 (1), kif ikkoreġut mill-ĠU L 101, 14.4.2023, p. 101, għandu jiġi inkorporat fil-Ftehim ŻEE.

(2)	Jenħtieġ għalhekk, li l-Anness II tal-Ftehim dwar iż-ŻEE jiġi emendat skont dan,

ADOTTA DIN ID-DEĊIŻJONI:

Artikolu 1

Il-Kapitolu XV tal-Anness II għall-Ftehim ŻEE għandu jiġi emendat kif ġej:

L-inċiż li ġej jiżdied mal-punt 13a (ir-Regolament ta’ Implimentazzjoni tal-Kummissjoni (UE) Nru 540/2011):

“—	32023 R 0741: Ir-Regolament ta’ Implimentazzjoni tal-Kummissjoni (UE) 2023/741 tal-5 ta’ April 2023 (ĠU L 98, 11.4.2023, p. 1), kif ikkoreġut minn ĠU L 101, 14.4.2023, p. 101.”

Il-punt li ġej jiddaħħal wara l-punt 13zzzzzzzzzzzzzw (ir-Regolament ta’ Implimentazzjoni tal-Kummissjoni (UE) 2023/1488):

“13zzzzzzzzzzzzzzzzzx.

32023 R 0741: Ir-Regolament ta’ Implimentazzjoni tal-Kummissjoni (UE) 2023/741 tal-5 ta’ April 2023 li jikkonċerna n-nuqqas ta’ tiġdid tal-approvazzjoni tas-sustanza attiva oksamil, f’konformità mar-Regolament (KE) Nru 1107/2009 tal-Parlament Ewropew u tal-Kunsill, u li jemenda r-Regolament ta’ Implimentazzjoni tal-Kummissjoni (UE) Nru 540/2011 (ĠU L 98, 11.4.2023, p. 1), kif ikkoreġut mill-ĠU L 101, 14.4.2023, p. 101.”

Artikolu 2

It-test tar-Regolament ta’ Implimentazzjoni (UE) 2023/741, kif rettifikat permezz tal-ĠU L 101, 14.4.2023, p. 101, bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fis-16 ta’ Marzu 2024, bil-kundizzjoni li jkunu saru n-notifiki kollha skont l-Artikolu 103(1) tal-Ftehim ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.

Magħmul fi Brussell, il-15 ta’ Marzu 2024.

Għall-Kumitat Konġunt taż-ŻEE

Il-President

Nicolas VON LINGEN

(1) ĠU L 98, 11.4.2023, p. 1.

(*1) Ma huwa indikat l-ebda rekwiżit kostituzzjonali.