(1)

Ir-Regolament ta’ Implimentazzjoni tal-Kummissjoni (UE) 2023/1698 tas-6 ta’ Settembru 2023 dwar it-tiġdid tal-awtorizzazzjoni ta’ preparat ta’ diformat tal-potassju bħala addittiv tal-għalf għall-ħnieżer nisa (detentur tal-awtorizzazzjoni: ADDCON Europe GmbH) u li jħassar ir-Regolament (UE) Nru 104/2010 (1) għandu jiġi inkorporat fil-Ftehim ŻEE.

(2)

Ir-Regolament ta’ Implimentazzjoni tal-Kummissjoni (UE) 2023/1699 tas-6 ta’ Settembru 2023 dwar l-istatus tal-attapulġit bħala addittiv tal-għalf fil-kamp ta’ applikazzjoni tar-Regolament (KE) Nru 1831/2003 tal-Parlament Ewropew u tal-Kunsill (2) għandu jiġi inkorporat fil-Ftehim ŻEE.

(3)

Ir-Regolament ta’ Implimentazzjoni tal-Kummissjoni (UE) 2023/1703 tas-7 ta’ Settembru 2023 dwar it-tiġdid tal-awtorizzazzjoni ta’ preparat ta’ endo–1,4-beta-ksilanażi prodotta minn Trichoderma reesei CBS 143953 u endo–1,3(4)-beta-glukanażi prodotta minn Trichoderma reesei CBS 143945 bħala addittiv fl-għalf għall-ispeċijiet tal-pollam, għall-qżieqeż miftuma, għall-ħnieżer għas-simna, għall-ħnieżer li qed ireddgħu u għall-ispeċijiet porċini minuri (qżieqeż miftuma, ħnieżer għas-simna u ħnieżer li qed ireddgħu), l-awtorizzazzjoni ta’ dak il-preparat għall-qżieqeż mhux miftuma u għall-ispeċijiet porċini minuri (qżieqeż mhux miftuma) (detentur tal-awtorizzazzjoni: Danisco (UK) Ltd, li topera bl-isem kummerċjali Danisco Animal Nutrition u li hija rrappreżentata minn Genencor International B.V.) u li jħassar ir-Regolament (UE) Nru 337/2011 u r-Regolament ta’ Implimentazzjoni (UE) 2016/997 (3) għandu jiġi inkorporat fil-Ftehim ŻEE.

(4)

Ir-Regolament ta’ Implimentazzjoni tal-Kummissjoni (UE) 2023/1704 tas-7 ta’ Settembru 2023 dwar it-tiġdid tal-awtorizzazzjoni ta’ preparat ta’ Pediococcus pentosaceus DSM 23376 bħala addittiv tal-għalf għall-ispeċijiet kollha tal-annimali u li jemenda r-Regolament ta’ Implimentazzjoni (UE) Nru 1119/2012 (4) għandu jiġi inkorporat fil-Ftehim ŻEE.

(5)

Ir-Regolament ta’ Implimentazzjoni tal-Kummissjoni (UE) 2023/1705 tas-7 ta’ Settembru 2023 li jikkonċerna l-awtorizzazzjoni ta’ preparat tar-riboflavina (vitamina B2) prodotta minn Bacillus subtilis CGMCC 13326 bħala addittiv fl-għalf għall-ispeċijiet kollha tal-annimali (5) għandu jiġi inkorporat fil-Ftehim ŻEE.

(6)

Ir-Regolament ta’ Implimentazzjoni tal-Kummissjoni (UE) 2023/1707 tas-7 ta’ Settembru 2023 dwar l-awtorizzazzjoni ta’ 2-aċetilfuran u 2-pentilfuran bħala addittivi tal-għalf għall-ispeċijiet tal-annimali kollha (6) għandu jiġi inkorporat fil-Ftehim ŻEE.

(7)

Ir-Regolament ta’ Implimentazzjoni tal-Kummissjoni (UE) 2023/1708 tas-7 ta’ Settembru 2023 dwar it-tiġdid tal-awtorizzazzjoni ta’ urea bħala addittiv tal-għalf għar-ruminanti b’kirxa funzjonali u li jħassar ir-Regolament ta’ Implimentazzjoni (UE) Nru 839/2012 (7) għandu jiġi inkorporat fil-Ftehim ŻEE.

(8)

Ir-Regolament ta’ Implimentazzjoni tal-Kummissjoni (UE) 2023/1709 tas-7 ta’ Settembru 2023 dwar l-awtorizzazzjoni ta’ preparat ta’ Lentilactobacillus diolivorans DSM 33625 bħala addittiv tal-għalf għall-ispeċijiet kollha tal-annimali (8) għandu jiġi inkorporat fil-Ftehim ŻEE.

(9)

Ir-Regolament ta’ Implimentazzjoni tal-Kummissjoni (UE) 2023/1710 tas-7 ta’ Settembru 2023 dwar it-tiġdid tal-awtorizzazzjoni ta’ preparat ta’ klorur tal-ammonju bħala addittiv tal-għalf għar-ruminanti, għall-qtates u għall-klieb kollha, awtorizzazzjoni ta’ preparat ta’ klorur tal-ammonju bħala addittiv tal-għalf għall-ħnieżer nisa (detentur tal-awtorizzazzjoni: Latochema Co. Ltd) u li jħassar ir-Regolamenti ta’ Implimentazzjoni (UE) Nru 832/2012 u (UE) Nru 2016/1007 (9) għandu jiġi inkorporat fil-Ftehim ŻEE.

(10)

Ir-Regolament ta’ Implimentazzjoni tal-Kummissjoni (UE) 2023/1711 tas-7 ta’ Settembru 2023 dwar it-tiġdid tal-awtorizzazzjoni ta’ preparat tal-prodott ta’ fermentazzjoni ta’ Aspergillus oryzae NRRL 458 bħala addittiv tal-għalf għall-baqar tal-ħalib u li jħassar ir-Regolament (KE) Nru 537/2007 (detentur tal-awtorizzazzjoni: Biozyme Incorporated) (10) għandu jiġi inkorporat fil-Ftehim ŻEE.

(11)

Ir-Regolament ta’ Implimentazzjoni tal-Kummissjoni (UE) 2023/1713 tas-7 ta’ Settembru 2023 dwar l-awtorizzazzjoni ta’ preparat ta’ endo–1,4-beta-ksilanażi prodotta minn Trichoderma reesei ATCC PTA-5588, proteażi prodotta minn Bacillus subtilis CBS 148232 u alfa-amilażi prodotta minn Bacillus licheniformis ATCC SD-6525 għat-tiġieġ għas-simna, għat-tiġieġ imrobbi għall-bajd u għal speċijiet minuri tal-pollam (detentur tal-awtorizzazzjoni: Danisco (UK) Ltd irrappreżentata fl-Unjoni minn Genencor international B.V.) (11) għandu jiġi inkorporat fil-Ftehim ŻEE.

(12)

Ir-Regolament ta’ Implimentazzjoni (UE) 2023/1698 iħassar ir-Regolament (UE) Nru 104/2010 (12), li huwa inkorporat fil-Ftehim ŻEE u li konsegwentement għandu jitħassar skont il-Ftehim ŻEE.

(13)

Ir-Regolament ta’ Implimentazzjoni (UE) Nru 2023/1703 iħassar ir-Regolament tal-Kummissjoni (UE) Nru 337/2011 (13) u r-Regolament ta’ Implimentazzjoni (UE) Nru 2016/997 (14), li huma inkorporati fil-Ftehim ŻEE u li konsegwentement għandhom jitħassru skont il-Ftehim ŻEE.

(14)

Ir-Regolament ta’ Implimentazzjoni (UE) 2023/1708 iħassar ir-Regolament ta’ Implimentazzjoni (UE) Nru 839/2012 (15), li huwa inkorporat fil-Ftehim ŻEE u li konsegwentement għandu jitħassar skont il-Ftehim ŻEE.

(15)

Ir-Regolament ta’ Implimentazzjoni (UE) Nru 2023/1710 iħassar ir-Regolamenti ta’ Implimentazzjoni (UE) Nru 832/2012 (16) u (UE) Nru 2016/1007 (17), li huma inkorporati fil-Ftehim ŻEE u li konsegwentement għandhom jitħassru skont il-Ftehim ŻEE.

(16)

Din id-Deċiżjoni tikkonċerna l-leġiżlazzjoni dwar l-għalf. Il-leġiżlazzjoni li tirrigwarda l-għalf ma għandhiex tapplika għal-Liechtenstein sakemm l-applikazzjoni tal-Ftehim bejn il-Komunità Ewropea u l-Konfederazzjoni Żvizzera dwar il-kummerċ fil-prodotti agrikoli tibqa’ estiża għal-Liechtenstein, kif speċifikat fl-adattamenti settorjali tal-Anness I tal-Ftehim ŻEE. Għaldaqstant, din id-Deċiżjoni ma tapplikax għal-Liechtenstein.

(17)

Jenħtieġ għalhekk li l-Anness I tal-Ftehim ŻEE jiġi emendat skont dan,