(1)   Il-missjoni tal-Kumitati Xjentifiċi għandha tkun li jipprovdu lill-Kummissjoni pariri xjentifiċi u valutazzjoni tar-riskju fl-oqsma tas-saħħa pubblika, tas-sikurezza tal-konsumatur, u tar-riskji ambjentali, inkluż, fejn rilevanti, l-identifikazzjoni tal-ħtiġijiet tar-riċerka biex jiġu indirizzati l-lakuni kritiċi fl-informazzjoni, il-valutazzjoni tal-azzjonijiet ta’ riċerka proposti fil-ġejjieni u tar-riżultati tar-riċerka.

(2)   L-oqsma ta’ kompetenza tal-Kumitati Xjentifiċi huma stabbiliti fl-Anness I.

(3)   Il-paragrafi 1 u 2 għandhom ikunu mingħajr preġudizzju għall-kompetenzi mogħtija mill-atti tal-Unjoni lil korpi oħra tal-Unjoni li jwettqu valutazzjoni tar-riskju, b’mod partikolari, l-Awtorità Ewropea dwar is-Sigurtà fl-Ikel, l-Aġenzija Ewropea għall-Mediċini, l-Aġenzija Ewropea għas-Sustanzi Kimiċi u ċ-Ċentru Ewropew għall-Prevenzjoni u l-Kontroll tal-Mard.

(1)   Il-Kumitati Xjentifiċi għandhom jipprovdu lill-Kummissjoni opinjonijiet xjentifiċi dwar il-valutazzjoni tar-riskju fil-każijiet stabbiliti mid-dritt tal-Unjoni.

(2)   Barra minn hekk, il-Kumitati Xjentifiċi għandhom jipprovdu lis-servizzi tal-Kummissjoni, fuq talba, parir xjentifiku dwar kwistjonijiet ta’ rilevanza partikolari għas-saħħa pubblika, għas-sikurezza tal-konsumatur u għar-riskji ambjentali.

(3)   Is-servizzi tal-Kummissjoni jistgħu jistiednu lill-Kumitati Xjentifiċi biex jidentifikaw il-ħtiġijiet tar-riċerka ħalli jindirizzaw il-lakuni kritiċi fl-informazzjoni, jivvalutaw ir-riċerka proposta fil-ġejjieni u jivvalutaw ir-riżultati tar-riċerka fir-rigward tal-oqsma tas-suġġetti koperti mill-oqsma ta’ kompetenza tagħhom.

(4)   Is-servizzi tal-Kummissjoni jistgħu jitolbu wkoll lill-Kumitati biex jipprovdu pariri rapidi dwar ir-riskji fuq l-istat tal-għarfien xjentifiku rigward ir-riskji speċifiċi fil-każ tal-ħtiġijiet urġenti.

(5)   Is-servizzi tal-Kummissjoni jistgħu jistiednu lill-Kumitati Xjentifiċi biex ikunu parti min-networks jew l-avvenimenti tematiċi flimkien ma’ korpi oħra tal-Unjoni jew organizzazzjonijiet xjentifiċi, biex jimmonitorjaw u jikkontribwixxu għall-iżvilupp tal-għarfien xjentifiku fl-oqsma ta’ kompetenza ddefiniti fl-Anness I.

(6)   Il-Kumitati Xjentifiċi għandhom jiġbdu l-attenzjoni tal-Kummissjoni u tas-servizzi tagħha għal xi problema speċifika jew emerġenti li hija parti mill-oqsma ta’ kompetenza tagħhom, li jqisu li tista’ tkun ta’ riskju potenzjali jew attwali għas-sikurezza tal-konsumatur, għas-saħħa pubblika jew għall-ambjent, billi jadottaw u jindirizzaw il-memoranda jew id-dikjarazzjonijiet tal-pożizzjoni tal-Kummissjoni. Is-servizzi tal-Kummissjoni jistgħu jiddeċiedu li jippubblikaw dawn il-memoranda u d-dikjarazzjonijiet u għandhom jiddeterminaw l-azzjoni li għandha tittieħed inkluż, jekk xieraq, talba għal opinjoni xjentifika dwar il-kwistjoni.

(7)   Il-Kumitati, wara li jikkonsultaw lis-Segretarjat previst fl-Artikolu 14, għandhom jadottaw il-metodoloġija tagħhom biex iwettqu u jipprovdu valutazzjoni tar-riskju u jirrieżaminawha minn żmien għal żmien biex tirrifletti l-fatturi xjentifiċi rilevanti kollha. Dawn għandhom jiżguraw li l-metodoloġija tirrifletti l-prattika attwali tal-valutazzjoni tar-riskju.

(1)   L-SCCS u l-SCHEER għandhom jikkonsistu minn massimu ta’ 19-il membru kull wieħed. Id-Direttur Ġenerali tad-Direttorat Ġenerali għas-Saħħa u s-Sikurezza Alimentari għandu jiddetermina n-numru tal-membri ta’ kull Kumitat f’konformità mal-ħtiġijiet neċessarji.

(2)   Il-membri tal-Kumitati Xjentifiċi għandhom jinħatru mid-Direttur Ġenerali tad-Direttorat Ġenerali għas-Saħħa u s-Sikurezza Alimentari abbażi tal-għarfien espert xjentifiku b’evidenza li ssostnih u tal-esperjenza li juru l-kandidati għall-firxa ddefinita ta’ dixxiplini, filwaqt li titqies il-ħtieġa li jiġu żgurati:

(3)   Il-membri tal-Kumitati Xjentifiċi għandhom jinħatru minn lista ta’ kandidati xierqa stabbilita wara li tiġi ppubblikata sejħa għall-espressjoni ta’ interess fuq is-sit web tal-Kummissjoni; se tiġi pprovduta wkoll link mir-Reġistru tal-Gruppi ta’ Esperti tal-Kummissjoni u Entitajiet Oħra Simili (minn hawn ’il quddiem “ir-Reġistru tal-gruppi ta’ esperti”).

(4)   Il-kandidati xierqa li jkunu ġew inklużi fil-lista msemmija fil-paragrafu 3, iżda li ma jkunux inħatru, għandhom jiġu inklużi f’lista ta’ riżerva. Il-lista ta’ riżerva tista’ tintuża biex jinstabu kandidati xierqa biex jissostitwixxu lill-membri li s-sħubija tagħhom fil-Kumitat tkun intemmet f’konformità mal-Artikolu 5(2) jew minħabba mewt.

(5)   Il-lista tal-membri tal-Kumitati Xjentifiċi għandha tiġi ppubblikata fir-Reġistru tal-Gruppi ta’ Esperti u tkun disponibbli wkoll fuq is-sit web rilevanti tal-Kummissjoni.

(1)   Il-membri tal-Kumitati Xjentifiċi għandhom jinħatru għal terminu ta’ 5 snin. Għandhom jibqgħu fil-kariga sakemm jiġu sostitwiti jew il-ħatra tagħhom tiġġedded.

(2)   Meta membru li ma jibqax jikkonforma mal-kundizzjoni skont l-Artikoli 16 sa 18 ta’ din id-Deċiżjoni jew skont l-Artikolu 339 tat-Trattat dwar il-Funzjonament tal-Unjoni Ewropea, ikun jixtieq jirriżenja jew ma jibqax kapaċi jikkontribwixxi b’mod effettiv għad-deliberazzjonijiet tal-Kumitat, is-servizzi tal-Kummissjoni jistgħu jtemmu s-sħubija ta’ dak il-membru.

(3)   Meta s-sħubija ta’ membru tkun intemmet f’konformità mal-paragrafu 2 jew minħabba mewt, id-Direttur Ġenerali tad-Direttorat Ġenerali għas-Saħħa u s-Sikurezza Alimentari għandu jaħtar sostitut għall-bqija tal-mandat ta’ 5 snin.

(1)   Fil-bidu ta’ kull terminu, kull Kumitat Xjentifiku għandu jeleġġi President u żewġ Viċi Presidenti minn fost il-membri tiegħu. L-elezzjoni għandha sseħħ b’maġġoranza sempliċi tan-numru totali tal-membri tal-Kumitat.

(2)   Il-mandat tal-President u dak tal-Viċi President għandu jkun ta’ 5 snin, u dan għandu jkun jista’ jiġġedded. Kwalunkwe sostituzzjoni tal-President jew tal-Viċi President matul il-mandat ta’ 5 snin għandha tkun għall-bqija ta’ dak il-mandat.

(3)   Il-proċedura għall-elezzjoni tal-President u tal-Viċi-Presidenti tal-Kumitati Xjentifiċi għandha tiġi stabbilita fir-regoli ta’ proċeduri msemmija fl-Artikolu 12.

(1)   Kull Kumitat Xjentifiku għandu jieħu deċiżjoni b’maġġoranza tan-numru totali tal-membri tiegħu.

(2)   Dawk il-membri ta’ Kumitat li jkunu rriżenjaw jew li s-sħubija tagħhom tkun intemmet f’konformità mal-Artikolu 5(2) jew minħabba mewt ma għandhomx jitqiesu għall-kalkolu tal-maġġoranza msemmi fil-paragrafu 1.

(1)   Is-servizzi tal-Kummissjoni jistgħu jeħtieġu l-adozzjoni ta’ opinjoni xjentifika minn xi Kumitat Xjentifiku f’perjodu speċifikat.

(2)   Is-servizzi tal-Kummissjoni jistgħu jeħtieġu l-adozzjoni ta’ opinjoni konġunta dwar il-kwistjonijiet li jeħtieġ jiġu kkunsidrati miż-żewġ Kumitati.

(3)   Is-servizzi tal-Kummissjoni jistgħu jorganizzaw il-konsultazzjonijiet, is-seduti ta’ smigħ jew il-kollaborazzjoni ma’ korpi xjentifiċi oħra li jqisu meħtieġa għat-tħejjija tal-opinjonijiet tal-Kumitati.

(1)   Is-servizzi tal-Kummissjoni jistgħu jistiednu l-esperti esterni, kif ukoll l-esperti minn korpi oħra tal-Unjoni b’għarfien xjentifiku u għarfien espert speċifiku u rilevanti biex jikkontribwixxu għall-ħidma tal-Kumitati Xjentifiċi, inklużi l-gruppi ta’ ħidma msemmija fl-Artikolu 10.

(2)   L-għażla tal-esperti esterni għandha tikkonforma mar-regoli ta’ proċedura msemmija fl-Artikolu 12.

(1)   Bi ftehim mas-servizzi tal-Kummissjoni, il-Kumitati Xjentifiċi jistgħu jistabbilixxu gruppi ta’ ħidma speċifiċi li l-kompitu tagħhom għandu jikkonsisti fit-tħejjija u fl-abbozzar tal-opinjonijiet xjentifiċi tal-Kumitati. Dawn il-gruppi ta’ ħidma għandhom jiġu stabbiliti b’mod partikolari meta jkun meħtieġ għarfien espert estern dwar suġġett partikolari.

(2)   Il-gruppi ta’ ħidma għandhom ikunu magħmula minn membri tal-Kumitat rilevanti, u jistgħu jinkludu wkoll l-esperti esterni. Il-gruppi ta’ ħidma għandhom ikunu ppreseduti minn membru tal-Kumitat Xjentifiku. Il-President tal-grupp ta’ ħidma għandu jkollu r-responsabbiltà li jsejjaħ il-grupp ta’ ħidma u jirrapporta lill-Kumitat, u jista’ jaħtar relatur minn fost il-parteċipanti tal-grupp ta’ ħidma. Għal kwistjonijiet partikolarment komplessi ta’ natura multidixxiplinarja, jista’ jinħatar aktar minn relatur wieħed.

(3)   Meta kwistjoni tkun komuni għal iżjed minn Kumitat Xjentifiku wieħed, għandu jitwaqqaf grupp ta’ ħidma konġunt li jinkludi l-membri miż-żewġ Kumitati, kif ukoll l-esperti esterni, kif meħtieġ.

(1)   Fuq proposta tas-servizzi tal-Kummissjoni u bi ftehim magħhom, il-Kumitati Xjentifiċi għandhom jadottaw ir-regoli komuni ta’ proċedura.

(2)   Ir-regoli ta’ proċedura għandhom jiżguraw li l-Kumitati Xjentifiċi jwettqu l-kompiti tagħhom skont il-prinċipji ta’ eċċellenza, indipendenza u trasparenza kif stabbilit fil-Kapitolu 4 u mar-regoli tal-Kummissjoni dwar il-gruppi ta’ esperti, filwaqt li jqisu t-talbiet leġittimi għall-kunfidenzjalità kummerċjali kif ukoll il-prinċipji tal-valutazzjoni tar-riskju li jistgħu jiġu stabbiliti mis-servizzi tal-Kummissjoni fid-dawl tal-esperjenza u tal-politika tagħha f’dan il-qasam.

(3)   Ir-regoli ta’ proċedura għandhom jipprevedu b’mod partikolari:

(1)   Fir-rigward tar-relazzjonijiet ma’ korpi rilevanti oħra nazzjonali, internazzjonali jew tal-Unjoni li jwettqu kompiti simili, il-Kumitati Xjentifiċi għandhom jgħinu lis-servizzi tal-Kummissjoni:

(2)   Is-servizzi tal-Kummissjoni jistgħu jitolbu u jorganizzaw ħidma konġunta, inklużi opinjonijiet konġunti, tal-Kumitati Xjentifiċi mal-korpi nazzjonali, internazzjonali jew tal-Unjoni li jwettqu kompiti simili.

(3)   Fejn tkun ġiet identifikata diverġenza sostantiva dwar kwistjonijiet xjentifiċi u l-korp inkwistjoni jkun korp tal-Unjoni, il-Kumitat Xjentifiku kkonċernat għandu, fuq talba tas-servizzi tal-Kummissjoni, jikkoopera mal-korp ikkonċernat bil-ħsieb li jew isolvi d-diverġenza jew jippreżenta dokument konġunt lis-servizzi tal-Kummissjoni fejn jiċċara l-kwistjonijiet xjentifiċi kontenzjużi u jidentifika l-inċertezzi rilevanti fid-data. Dan id-dokument għandu jiġi ppubblikat.

(1)   Id-Direttorat Ġenerali għas-Saħħa u s-Sikurezza Alimentari għandu jipprovdi segretarjat għall-Kumitati Xjentifiċi u l-gruppi ta’ ħidma tagħhom kif ukoll għall-attivitajiet l-oħra kollha marbuta mal-applikazzjoni ta’ din id-Deċiżjoni.

(2)   Is-segretarjat għandu jkun responsabbli biex jipprovdi l-appoġġ xjentifiku u amministrattiv meħtieġ biex jiġi ffaċilitat il-funzjonament effiċjenti tal-Kumitati Xjentifiċi, tiġi mmonitorjata l-konformità mar-regoli ta’ proċedura, b’mod partikolari fir-rigward tar-rekwiżiti ta’ eċċellenza, indipendenza u trasparenza, tiġi żgurata l-komunikazzjoni dwar l-attivitajiet tal-Kumitati u d-djalogu xieraq mal-partijiet ikkonċernati, inkluż b’mod partikolari l-organizzazzjoni tas-seduti ta’ smigħ dwar l-attivitajiet tal-Kumitati, u l-pubblikazzjoni tal-opinjonijiet u ta’ dokumenti oħra pubbliċi. Barra minn hekk, is-segretarjat għandu jipprovdi appoġġ lill-Kumitati u jorganizza u japplika kontroll tal-kwalità tal-opinjonijiet, kif previst fir-regoli ta’ proċedura, sa fejn għandhom x’jaqsmu l-kompletezza, il-konsistenza, iċ-ċarezza, il-korrispondenza mat-talbiet u l-livelli editorjali.

(3)   Is-segretarjat għandu jiżgura l-koordinazzjoni xjentifika u teknika tal-attivitajiet tal-Kumitati Xjentifiċi u, fejn meħtieġ, il-koordinazzjoni f’waqtha tal-attivitajiet tagħhom ma’ dawk ta’ korpi oħra nazzjonali, internazzjonali jew tal-Unjoni, biex tiġi żgurata l-konsistenza tal-valutazzjoni tar-riskju mwettqa fuq suġġetti ta’ tħassib komuni, kif ukoll l-applikazzjoni tal-proċedura ta’ djalogu mal-partijiet ikkonċernati stabbilita fir-regoli ta’ proċedura u l-komunikazzjoni dwar l-attivitajiet tal-Kumitati.

(1)   Il-membri tal-Kumitati Xjentifiċi u l-esperti esterni għandhom ikunu intitolati għal benefiċċju speċjali għax-xogħol ta’ tħejjija u l-parteċipazzjoni tagħhom, personalment jew mill-bogħod b’mezzi elettroniċi, fil-laqgħat tal-Kumitati, fil-gruppi ta’ ħidma u f’attivitajiet oħra relatati mal-applikazzjoni ta’ din id-Deċiżjoni u organizzati mis-servizzi tal-Kummissjoni, u talli jservu bħala relatur dwar kwistjoni speċifika, kif previst fl-Anness II.

(2)   L-ispejjeż tal-ivvjaġġar u, fejn xieraq, tas-sussistenza tal-membri u tal-esperti esterni b’rabta mal-attivitajiet tal-Kumitati Xjentifiċi għandhom jiġu rimborżati skont id-dispożizzjonijiet fis-seħħ tal-Kummissjoni. Dawk l-ispejjeż għandhom jiġu rrimborżati fil-limiti tal-baġit annwali allokat għall-Kumitati Xjentifiċi mis-servizzi responsabbli tal-Kummissjoni.

(1)   Il-membri tal-Kumitati Xjentifiċi u l-esperti esterni għandhom jiġu nnominati personalment. Dawn ma għandhomx jiddelegaw ir-responsabbiltajiet tagħhom lil xi persuna oħra.

(2)   Il-membri tal-Kumitati Xjentifiċi u l-esperti esterni għandhom jaġixxu b’mod indipendenti u fl-interess pubbliku. Għal dan l-għan, għandhom jagħmlu dikjarazzjoni tal-interessi li tindika kwalunkwe interess li jista’ jikkomprometti jew li b’mod raġonevoli jista’ jitqies li jikkomprometti l-indipendenza tagħhom, inkluż kwalunkwe ċirkostanza rilevanti marbuta mal-membri tal-familja qrib tagħhom.

(3)   Id-dikjarazzjonijiet tal-interessi għandhom isiru bil-miktub, qabel il-ħatra bħala membru tal-Kumitat Xjentifiku jew bħala espert estern, u kull sena. Dawn id-dikjarazzjonijiet għandhom jiġu aġġornati kull meta bidla fiċ-ċirkostanzi tirrikjedi dan.

(4)   F’kull laqgħa, il-membri tal-Kumitati Xjentifiċi u l-esperti esterni għandhom jiddikjaraw kwalunkwe interess speċifiku li jista’ jikkomprometti jew li jista’ raġonevolment jitqies li jikkomprometti l-indipendenza tagħhom fir-rigward tal-punti fuq l-aġenda. L-istess obbligu għandu japplika, mutatis mutandis, meta titnieda proċedura bil-miktub fi kwalunkwe wieħed mill-Kumitati Xjentifiċi.

(1)   Il-membri tal-Kumitati Xjentifiċi u l-esperti esterni ma għandhomx jiddivulgaw informazzjoni miksuba bħala riżultat tax-xogħol tal-Kumitati Xjentifiċi, jew gruppi ta’ ħidma jew bħala riżultat ta’ attivitajiet oħra marbuta mal-applikazzjoni ta’ din id-Deċiżjoni. Għal dan l-għan, għandhom jiffirmaw dikjarazzjoni ta’ kunfidenzjalità.

(2)   Il-membri tal-Kumitati Xjentifiċi u l-esperti esterni għandhom jikkonformaw mar-regoli tas-sigurtà tal-Kummissjoni għall-protezzjoni ta’ Informazzjoni Klassifikata tal-Unjoni Ewropea (EUCI) u ta’ informazzjoni sensittiva mhux klassifikata, kif stabbilit fid-Deċiżjonijiet tal-Kummissjoni (UE, Euratom) 2015/443 (3) u 2015/444 (4). Jekk dawn l-obbligi ma jintlaħqux, is-servizzi tal-Kummissjoni jistgħu jieħdu l-miżuri xierqa kollha.

(1)   L-attivitajiet tal-Kumitati Xjentifiċi għandhom jitwettqu b’livell għoli ta’ trasparenza. Is-servizzi tal-Kummissjoni għandhom jippubblikaw id-dokumenti rilevanti kollha, bħall-aġendi, il-minuti u s-sottomissjonijiet tal-parteċipanti, fuq sit web apposta; se tiġi pprovduta wkoll link mir-Reġistru tal-gruppi ta’ esperti għal dan is-sit web. B’mod partikolari, is-servizzi tal-Kummissjoni għandhom jagħmlu disponibbli għall-pubbliku fuq is-sit web tagħhom, mingħajr dewmien żejjed:

(2)   L-ismijiet u d-dikjarazzjonijiet tal-interess tal-membri tal-grupp ta’ ħidma għandhom ikunu disponibbli għall-pubbliku fuq is-sit web tal-Kummissjoni wara li tiġi ppubblikata l-opinjoni li jkunu kkontribwew għaliha.

L-eċċezzjonijiet għall-pubblikazzjoni għandhom ikunu possibbli meta d-divulgazzjoni ta’ dokument iddgħajjef il-protezzjoni ta’ interess pubbliku jew privat kif iddefinit fl-Artikolu 4 tar-Regolament (KE) Nru 1049/2001.

(3)   Il-paragrafi 1 u 2 għandhom jiġu applikati f’konformità mar-rekwiżiti tar-Regolament (KE) Nru 45/2001 u tar-Regolament (KE) Nru 1049/2001 tal-Parlament Ewropew u tal-Kunsill (5), speċjalment fir-rigward tal-ipproċessar tad-data personali u l-kunfidenzjalità kummerċjali.

(1)   Id-Deċiżjoni 2008/721/KE titħassar.

(2)   Ir-referenzi għad-Deċiżjoni mħassra għandhom jiġu interpretati bħala referenzi għal din id-Deċiżjoni. Ir-referenzi għall-Kumitati stabbiliti bid-deċiżjoni mħassra għandhom jiġu interpretati bħala referenzi għall-Kumitati stabbiliti b’din id-Deċiżjoni.