DEĊIŻJONI TAL-KUMITAT KONĠUNT TAŻ-ŻEE Nru 341/2023

tat-8 ta’ Diċembru 2023

li temenda l-Anness XX (Ambjent) tal-Ftehim ŻEE [2024/1463]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (“il-Ftehim ŻEE”), u b’mod partikolari l-Artikolu 98 tiegħu,

Billi:

(1)	Ir-Regolament Delegat tal-Kummissjoni (UE) 2022/2526 tat-23 ta’ Settembru 2022 li jemenda r-Regolament (UE) 2017/852 tal-Parlament Ewropew u tal-Kunsill fir-rigward tal-ħżin temporanju tal-iskart tal-merkurju f’forma likwida (1) għandu jiġi inkorporat fil-Ftehim ŻEE.

(2)	Jenħtieġ għalhekk li l-Anness XX tal-Ftehim ŻEE jiġi emendat skont dan,

ADOTTA DIN ID-DEĊIŻJONI:

Artikolu 1

Dan li ġej jiżdied fil-punt 22a (ir-Regolament (UE) 2017/852 tal-Parlament Ewropew u tal-Kunsill) tal-Anness XX tal-Ftehim ŻEE:

“, kif emendat bi:

—	32022 R 2526: Ir-Regolament Delegat tal-Kummissjoni (UE) 2022/2526 tat-23 ta’ Settembru 2022 (ĠU L 328, 22.12.2022, p. 66).”

Artikolu 2

It-test tar-Regolament Delegat (UE) 2022/2526 bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fid-9 ta’ Diċembru 2023, dment li jkunu saru n-notifiki kollha skont l-Artikolu 103(1) tal-Ftehim ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE u fis-Suppliment taż-ŻEE ta’ Il-Ġurnal Uffiċjali tal-Unjoni Ewropea.

Magħmul fi Brussell, 8 ta’ Diċembru 2023.

Għall-Kumitat Konġunt taż-ŻEE

Il-President

Pascal SCHAFHAUSER

(1) ĠU L 328, 22.12.2022, p. 66.

(*1) Ma huwa indikat l-ebda rekwiżit kostituzzjonali.