1.   Fl-implimentazzjoni tar-Regolament BMVI, l-Iżvizzera għandha tieħu l-miżuri meħtieġa sabiex tiżgura konformità mad-dispożizzjonijiet rilevanti għall-ġestjoni u l-kontroll finanzjarji li huma stipulati fit-Trattat dwar il-Funzjonament tal-Unjoni Ewropea (“TFUE”) u fid-dritt tal-Unjoni li l-bażi ġuridika tiegħu joħroġ mit-TFUE.

Id-dispożizzjonijiet imsemmijin fl-ewwel subparagrafu huma dawn li ġejjin:

2.   Fil-każ ta’ kwalunkwe emenda, tħassir, sostituzzjoni jew riformulazzjoni tar-Regolament Finanzjarju rilevanti għall-BMVI:

3.   L-Iżvizzera għandha tapplika u, fejn meħtieġ, timplimenta;

Sabiex l-Iżvizzera tkun tista’ tagħmel dan, il-Kummissjoni Ewropea għandha

L-Iżvizzera tista’ tinforma lill-Unjoni bil-pożizzjoni tagħha dwar il-proposti mill-aktar fis possibbli, u dan għandu jingħata l-konsiderazzjoni dovuta mill-Unjoni.

L-Iżvizzera għandha, mill-aktar fis possibbli u fi kwalunkwe każ mhux aktar tard minn 90 jum wara n-notifika, tinnotifika lill-Unjoni bid-deċiżjoni tagħha li taċċetta l-atti nnotifikati mill-Unjoni lill-Iżvizzera skont l-ewwel subparagrafu, il-punt (a) jew (b).

4.   L-entitajiet ġuridiċi stabbiliti fl-Iżvizzera jistgħu jipparteċipaw f’attivitajiet iffinanzjati mill-istrument taħt kundizzjonijiet ekwivalenti għal dawk applikabbli għall-entitajiet ġuridiċi stabbiliti fl-Unjoni.

1.   Il-Kummissjoni għandha talloka lill-Iżvizzera ammont addizzjonali msemmi fl-Artikolu 10(1)(b) tar-Regolament BMVI dment li jkun hemm konformità mal-kundizzjonijiet tal-Artikolu 14(2) tar-Regolament BMVI fi żmien sentejn mill-bidu tal-parteċipazzjoni tal-Iżvizzera fl-Istrument.

2.   L-iskadenzi li jirreferu għad-dħul fis-seħħ tar-Regolament BMVI għandhom jinftiehmu li jirreferu għad-data li fiha jidħol fis-seħħ dan il-Ftehim.

1.   Id-Deċiżjonijiet meħuda mill-Kummissjoni li jimponu obbligu pekunjarju fuq persuni apparti mill-Istati, għandhom ikunu eżegwibbli fit-territorju tal-Iżvizzera.

L-infurzar ta’ tali deċiżjonijiet għandha tkun regolata bir-regoli tal-proċedura ċivili fis-seħħ fl-Iżvizzera. L-ordni għall-infurzar tagħha għandha tkun annessa mad-deċiżjoni rilevanti mill-awtorità kompetenti msemmija fit-tielet subparagrafu mingħajr ebda formalità għajr il-verifika tal-awtentiċità tad-deċiżjoni.

Il-Gvern tal-Iżvizzera għandu jaħtar awtorità kompetenti għal dan l-għan u għandu jgħarraf lill-Kummissjoni b’din il-ħatra, li min-naħa tagħha għandha tinforma lill-Qorti tal-Ġustizzja tal-Unjoni Ewropea.

Ladarba jitlestew dawn il-formalitajiet fuq applikazzjoni mill-Kummissjoni, il-Kummissjoni tkun tista’ tipproċedi bl-infurzar f’konformità mal-liġi Żvizzera billi tressaq il-kwistjoni direttament quddiem l-awtorità kompetenti.

L-infurzar jista’ jiġi sospiż biss b’deċiżjoni tal-Qorti tal-Ġustizzja tal-Unjoni Ewropea. Madankollu, il-qrati tal-Iżvizzera għandu jkollhom ġuriżdizzjoni rigward ilmenti li l-infurzar qed issir b’mod irregolari.

2.   Is-sentenzi tal-Qorti tal-Ġustizzja tal-Unjoni Ewropea mogħtija fir-rigward tal-applikazzjoni ta’ klawżola ta’ arbitraġġ li tinsab f’kuntratt jew fi ftehim ta’ għotja fil-kamp ta’ applikazzjoni ta’ dan il-Ftehim għandhom ikunu eżegwibbli fl-Iżvizzera bl-istess mod bħad-deċiżjonijiet tal-Kummissjoni Ewropea msemmija fil-paragrafu 1.

1.   L-Iżvizzera għandha:

2.   L-awtoritajiet kompetenti tal-Iżvizzera għandhom jinformaw lill-Kummissjoni Ewropea jew lill-Uffiċċju Ewropew ta’ Kontra l-Frodi (“OLAF”) mingħajr dewmien ta’ kwalunkwe fatt jew suspett li jkunu saru jafu bihom dwar irregolarità, frodi jew attività illegali oħra li taffettwa l-interessi finanzjarji tal-Unjoni. Dawn għandhom jinfurmaw ukoll lill-Uffiċċju tal-Prosekutur Pubbliku Ewropew (“UPPE”) meta dawk il-fatti jew is-suspetti jikkonċernaw kawża li tista’ taqa’ taħt il-kompetenza tal-UPPE.

L-Iżvizzera u l-Unjoni għandhom jiżguraw assistenza reċiproka effettiva f’każijiet fejn ikun hemm investigazzjonijiet jew proċedimenti ġudizzjarji mill-awtoritajiet kompetenti tal-Unjoni jew tal-Iżvizzera, f’konformità mal-qafas legali applikabbli, dwar il-protezzjoni tal-interessi finanzjarji ta’ xulxin fil-kamp ta’ applikazzjoni ta’ dan il-Ftehim.

3.   L-Iżvizzera għandha tadotta miżuri ekwivalenti għal dawk adottati mill-Unjoni f’konformità mal-Artikolu 325(4) TFUE li jkunu fis-seħħ fid-data tal-firma ta’ dan il-Ftehim.

4.   L-iskambju ta’ informazzjoni bejn il-Kummissjoni Ewropea, l-OLAF, l-UPPE, il-Qorti tal-Awdituri u l-awtoritajiet kompetenti tal-Iżvizzera għandu jsir b’kunsiderazzjoni xierqa għar-rekwiżiti ta’ kunfidenzjalità. Id-data personali inkluża fl-iskambju ta' informazzjoni għandha tiġi protetta f’konformità mar-regoli applikabbli.

1.   L-Unjoni għandu jkollha d-dritt li twettaq rieżamijiet u awditi tekniċi, finanzjarji jew tipi oħra ta’ rieżamijiet u awditi fil-bini ta’ kwalunkwe persuna fiżika residenti fl-Iżvizzera jew ta’ kwalunkwe entità ġuridika stabbilita fl-Iżvizzera u li tirċievi finanzjament mill-Unjoni mill-BMVI, kif ukoll kwalunkwe parti terza involuta fl-implimentazzjoni tal-finanzjament tal-Unjoni mill-BMVI residenti jew stabbilita fl-Iżvizzera. Tali rieżami u awditi jistgħu jitwettqu mill-Kummissjoni Ewropea, l-OLAF, u l-Qorti tal-Awdituri.

2.   L-awtoritajiet tal-Iżvizzera għandhom jiffaċilitaw ir-rieżamijiet u l-verifiki li jistgħu, jekk l-awtoritajiet jixtiequ dan, jitwettqu b’mod konġunt magħhom.

3.   Ir-rieżamijiet u l-awditi jistgħu jitwettqu, anki wara s-sospensjoni tad-drittijiet tal-entitajiet ġuridiċi stabbiliti fl-Iżvizzera derivati mill-applikazzjoni ta’ dan il-Ftehim, jew it-terminazzjoni ta’ dan il-Ftehim, fuq kwalunkwe impenn legali li jimplimenta l-baġit tal-Unjoni li jkun daħal fis-seħħ qabel id-data li fiha tidħol fis-seħħ is-sospensjoni jew it-terminazzjoni.

1.   L-Iżvizzera għandha tagħmel pagamenti annwali għall-baġit tal-BMVI f’konformità mal-formula deskritta fl-Anness I.

2.   Kull sena, il-Kummissjoni tista’ tuża sa 0,75 % mill-pagamenti li jsiru mill-Iżvizzera biex tiffinanzja n-nefqa amministrattiva għall-persunal jew il-persunal estern meħtieġ għall-appoġġ tal-implimentazzjoni mill-Iżvizzera tar-Regolament BMVI u ta’ dan il-Ftehim.

3.   Wara t-tnaqqis tan-nefqa amministrattiva msemmija fil-paragrafu 2, l-ammont li jifdal tal-pagamenti annwali għandu jiġi assenjat kif ġej:

4.   Ammont ekwivalenti għall-pagamenti annwali Żvizzeri għandu jintuża biex jikkontribwixxi għal ġestjoni integrata Ewropea tal-fruntieri b’saħħitha u effettiva fil-fruntieri esterni.

5.   L-Unjoni għandha tipprovdi lill-Iżvizzera b’informazzjoni fir-rigward tal-parteċipazzjoni finanzjarja tagħha kif inkluża fl-informazzjoni relatata mal-baġit, mal-kontabbiltà, mal-prestazzjoni u mal-evalwazzjoni pprovduta lill-awtoritajiet baġitarji u tal-kwittanza tal-Unjoni dwar l-Istrument.

1.   Ir-referenzi għal-leġiżlazzjoni tal-Unjoni dwar l-akkwist pubbliku fir-Regolament BMVI u r-RDK għandhom jinftiehmu bħala referenzi għal-liġi nazzjonali Żvizzera dwar l-akkwist pubbliku u l-Anness 4 tal-Ftehim li Jistabbilixxi l-Organizzazzjoni Dinjija tal-Kummerċ (il-“Ftehim dwar l-Akkwisti Pubbliċi”) (9) u l-Ftehim bejn il-Komunità Ewropea u l-Konfederazzjoni Żvizzera dwar ċerti aspetti tal-akkwist pubbliku (10).

2.   L-Iżvizzera għandha tagħmel il-proċeduri tal-akkwist pubbliku użati tagħha disponibbli għall-Kummissjoni.

1.   Il-Partijiet għandhom japprovaw dan il-Ftehim f’konformità mal-proċeduri tagħhom. Dawn għandhom jinnotifikaw lil xulxin bit-tlestija ta’ dawk il-proċeduri. In-notifiki bil-miktub għandhom jintbagħatu lis-Segretarju Ġenerali tal-Kunsill tal-Unjoni Ewropea u lill-Missjoni tal-Iżvizzera għall-Unjoni Ewropea, rispettivament.

2.   Dan il-Ftehim għandu jidħol fis-seħħ fl-ewwel jum tal-ewwel xahar wara l-jum tal-aħħar notifika msemmija fil-paragrafu 1.

3.   Biex tiġi żgurata l-kontinwità fl-għoti ta’ appoġġ fil-qasam ta’ politika rilevanti u biex l-implimentazzjoni tkun tista’ tibda mill-bidu tal-qafas finanzjarju pluriennali 2021-2027, il-miżuri koperti mir-Regolament BMVI jistgħu jibdew qabel id-dħul fis-seħħ tal-Ftehim u mhux qabel l-1 ta’ Jannar 2021.

4.   Dan il-Ftehim jista’ jiġi emendat biss bil-miktub u bil-kunsens komuni tal-Partijiet. Id-dħul fis-seħħ tal-emendi se jsegwi l-istess proċedura bħal dik applikabbli għad-dħul fis-seħħ ta’ dan il-Ftehim.

5.   Minkejja l-paragrafu 4 ta’ dan l-Artikolu, il-Kumitat Imħallat stabbilit taħt l-Artikolu 3 tal-Ftehim ta’ Assoċjazzjoni mal-Iżvizzera għandu jingħata s-setgħa li jinnegozja u jadotta l-emendi meħtieġa tat-tieni subparagrafu, il-punt (a), tal-paragrafu 1tal-Artikolu 2 ta’ dan il-Ftehim fil-każ ta’ notifika f’konformità mal-Artikolu 16(2) f’ċirkostanzi li fihom ma jkun intlaħaq l-ebda ftehim skont l-Artikolu 2(2) ta’ dan il-Ftehim.

1.   Id-drittijiet tal-entitajiet ġuridiċi stabbiliti fl-Iżvizzera derivati mill-applikazzjoni ta’ dan il-Ftehim jistgħu jiġu sospiżi f’konformità mal-paragrafi 5 sa 7 ta’ dan l-Artikolu mill-Unjoni, f’każ li ma jsirx pagament sħiħ jew parzjali tal-kontribuzzjoni finanzjarja dovuta mill-Iżvizzera; f’każ ta’ nuqqas ta’ konformità mal-Artikolu 2(3), inkluża deċiżjoni li ma jiġix aċċettat att innotifikat skont dik id-dispożizzjoni jew f'ċirkostanzi li fihom i r-Regolament Finanzjarju jkun soġġett għal emenda, tħassir, sostituzzjoni jew riformulazzjoni rilevanti għall-BMVI u ma jkun intlaħaq l-ebda ftehim skont l-Artikolu 2(2) fi żmien 30 jum mid-dħul fis-seħħ ta’ tali emenda, tħassir, sostituzzjoni jew riformulazzjoni tar-Regolament Finanzjarju.

2.   L-Unjoni għandha tinnotifika lill-Iżvizzera bl-intenzjoni tagħha li tissospendi d-drittijiet tal-entitajiet ġuridiċi stabbiliti fl-Iżvizzera derivati mill-applikazzjoni ta’ dan il-Ftehim u, f’dan il-każ, il-kwistjoni għandha tiddaħħal uffiċjalment fl-aġenda tal-Kumitat Imħallat stabbilit skont l-Artikolu 3 tal-Ftehim ta’ Assoċjazzjoni mal-Iżvizzera.

3.   Il-Kumitat Imħallat għandu jissejjaħ u l-laqgħa għandha ssir fi żmien 30 jum min-notifika msemmija fil-paragrafu 2. Il-Kumitat Imħallat għandu jkollu 90 jum biex isolvi l-kwistjoni, li jibdew jgħoddu mid-data tal-adozzjoni tal-aġenda li fuqha tpoġġiet il-kwistjoni skont il-paragrafu 2. Meta l-kwistjoni ma tkunx tista’ tiġi solvuta mill-Kumitat Imħallat fi żmien l-iskadenza ta’ 90 jum, din l-iskadenza għandha tiġi estiża bi 30 jum bil-ħsieb li tinstab soluzzjoni finali.

4.   Meta l-kwistjoni ma tkunx tista’ tiġi solvuta mill-Kumitat Imħallat sal-iskadenza prevista fil-paragrafu 3, l-Unjoni tista’ tissospendi d-drittijiet tal-entitajiet ġuridiċi stabbiliti fl-Iżvizzera derivati mill-applikazzjoni ta’ dan il-Ftehim kif imsemmi fil-paragrafi 5 sa 7.

5.   F’każ ta’ sospensjoni, l-entitajiet ġuridiċi stabbiliti fl-Iżvizzera ma għandhomx ikunu eliġibbli biex jipparteċipaw fi proċeduri ta’ għoti li jkunu għadhom ma tlestewx meta tidħol fis-seħħ is-sospensjoni. Proċedura ta’ għoti għandha tiġi kkunsidrata li tlestiet meta jkunu ttieħdu impenji legali b’riżultat ta’ dik il-proċedura.

6.   Is-sospensjoni ma taffettwax l-impenji legali konklużi mal-entitajiet ġuridiċi stabbiliti fl-Iżvizzera qabel ma tkun daħlet fis-seħħ is-sospensjoni. Dan il-Ftehim għandu jkompli japplika għal tali impenji legali.

7.   Kwalunkwe operazzjoni meħtieġa għall-protezzjoni tal-interess finanzjarju tal-Unjoni u għall-iżgurar tal-issodisfar tal-obbligi finanzjarji li jirriżultaw minn impenji li jkunu daħlu għalihom skont dan il-Ftehim qabel is-sospensjoni, tista’ titwettaq ukoll wara s-sospensjoni.

8.   L-Unjoni għandha tinnotifika minnufih lill-Iżvizzera ladarba l-ammont tal-kontribuzzjoni finanzjarja jew operazzjonali dovuta jkun ġie riċevut minnha, meta n-nuqqas ta’ konformità mal-Artikolu 2(3) ikun intemm jew meta l-kwistjoni relatata mar-Regolament Finanzjarju tiġi solvuta. Is-sospensjoni għandha titneħħa b’effett immedjat malli ssir din in-notifika.

9.   Mid-data meta titneħħa s-sospensjoni, l-entitajiet ġuridiċi tal-Iżvizzera għandhom jerġgħu jkunu eliġibbli fi proċeduri ta’ għoti mnedija wara din id-data u fi proċeduri ta’ għoti mnedija qabel din id-data, li għalihom l-iskadenzi għas-sottomissjoni tal-applikazzjonijiet ma jkunux skadew.

1.   Kemm l-Unjoni kif ukoll l-Iżvizzera jistgħu jitterminaw dan il-Ftehim billi jinnotifikaw lill-Parti l-oħra bid-deċiżjoni tagħhom. Il-Ftehim għandu jieqaf japplika tliet xhur wara d-data ta’ din in-notifika. In-notifiki bil-miktub għandhom jintbagħatu lis-Segretarju Ġenerali tal-Kunsill tal-Unjoni Ewropea u lill-Missjoni tal-Iżvizzera għall-Unjoni Ewropea, rispettivament.

2.   Dan il-Ftehim għandu jiġi tterminat b’mod awtomatiku meta l-Ftehim ta’ Assoċjazzjoni mal-Iżvizzera jiġi tterminat f’konformità mal-Artikolu 7(4), l-Artikolu 10(3) jew l-Artikolu 17 tal-Ftehim ta’ Assoċjazzjoni mal-Iżvizzera.

3.   Meta dan il-Ftehim jiġi tterminat f’konformità mal-paragrafu 1 jew il-paragrafu 2, il-Partijiet jaqblu li l-operazzjonijiet fejn l-impenji legali jkunu daħlu għalihom wara d-dħul fis-seħħ ta’ dan il-Ftehim, u qabel ma dan il-Ftehim jiġi tterminat, għandhom ikomplu sakemm jitlestew skont il-kundizzjonijiet stabbiliti f’dan il-Ftehim.

4.   Kwalunkwe operazzjoni meħtieġa għall-protezzjoni tal-interess finanzjarju tal-Unjoni u għall-iżgurar tal-issodisfar tal-obbligi finanzjarji li jirriżultaw minn impenji li jkunu daħlu għalihom skont dan il-Ftehim qabel it-terminazzjoni tiegħu, tista’ titwettaq ukoll wara t-terminazzjoni ta’ dan il-Ftehim.

5.   Il-Partijiet għandhom isolvu b’kunsens komuni kwalunkwe konsegwenza oħra tat-terminazzjoni ta’ dan il-Ftehim.