(1)

F’konformità mal-Artikolu 7 tad-Direttiva 2006/42/KE, il-makkinarju manifatturat f’konformità ma’ standard armonizzat, li r-referenza għalih ġiet ippubblikata f’Il-Ġurnal Uffiċjali tal-Unjoni Ewropea, għandu jkun preżunt li jikkonforma mar-rekwiżiti essenzjali tas-saħħa u tas-sikurezza koperti minn tali standard armonizzat.

(2)

Permezz tal-ittra M/396 tad-19 ta’ Diċembru 2006, il-Kummissjoni talbet (“it-talba M/396”) lill-Kumitat Ewropew għall-Istandardizzazzjoni (CEN) u lill-Kumitat Ewropew għall-Istandardizzazzjoni Elettroteknika (Cenelec) biex jabbozzaw, jirrevedu u jlestu l-ħidma fuq l-istandards armonizzati b’appoġġ għad-Direttiva 2006/42/KE biex iqisu l-bidliet introdotti b’dik id-Direttiva meta mqabbla mad-Direttiva 98/37/KE tal-Parlament Ewropew u tal-Kunsill (2).

(3)

Abbażi tat-talba M/396, CEN u Cenelec u l-istandards armonizzati abbozzati EN 12525:2000+A2:2010 dwar il-makkinarju agrikolu li jgħabbi minn quddiem, EN 15997:2011, kif ikkoreġut b’EN 15997:2011/AC:2012, dwar il-vetturi li jintużaw fuq kull xorta ta’ art u s-sikurezza tal-quads, EN 62841-1:2015, kif ikkoreġut b’EN 62841-1:2015/AC:2015 u emendat b’EN 62841-1:2015/A11:2022, dwar għodod elettriċi li jinżammu fl-idejn u jitħaddmu b’mutur, għodod li jistgħu jinġarru, u makkinarju għal lawns u ġonna, u EN 62841-2-11:2016, kif emendat b’EN 62841-2-11:2016/A1:2020, dwar għodod elettriċi li jinżammu fl-idejn u jitħaddmu b’mutur, għodod li jistgħu jinġarru, u makkinarju għal lawns u ġonna. Ir-referenzi ta’ dawk l-istandards huma ppubblikati f’Il-Ġurnal Uffiċjali tal-Unjoni Ewropea bid-Deċiżjoni ta’ Implimentazzjoni tal-Kummissjoni (UE) 2023/1586 (3).

(4)

Fis-6 ta’ Ġunju 2022, il-Ġermanja ressqet oġġezzjoni formali f’konformità mal-Artikolu 10 tad-Direttiva 2006/42/KE kontra l-istandard armonizzat EN 12525:2000+A2:2010 fejn spjegat li l-istandard armonizzat jonqos milli jissodisfa r-rekwiżiti essenzjali tas-saħħa u s-sikurezza stabbiliti fil-punti 1.1.2. u 1.7.4.2. (l) tal-Anness I tad-Direttiva 2006/42/KE. Il-Ġermanja targumenta li l-istandard dwar il-vetturi agrikoli għat-tagħbija minn quddiem jimponi miżuri organizzattivi minflok miżuri tekniċi, fir-rigward tar-rekwiżiti stabbiliti fil-punt 1.1.2. tal-Anness I ta’ dik id-Direttiva. Barra minn hekk, il-Ġermanja targumenta li l-preżenza ta’ struttura ta’ protezzjoni kontra l-qlib mhijiex meqjusa biżżejjed biex tkopri r-rekwiżiti stabbiliti fil-punt 1.7.4.2. (1) tad-Direttiva 2006/42/KE bħala struttura ta’ protezzjoni minn oġġetti li jaqgħu li tikkorrispondi għall-kodiċi 10 (4) tal-Organizzazzjoni għall-Kooperazzjoni u l-Iżvilupp Ekonomiċi (OECD) jenħtieġ li tkun preżenti minflok.

(5)

L-oġġezzjoni formali ġiet diskussa fil-Grupp ta’ Esperti tal-Kummissjoni dwar il-Makkinarju (5) fil-laqgħat tiegħu tal-10 ta’ Ottubru 2022 u tat-23 ta’ Marzu 2023. Dan ġie diskuss mill-Kumitat stabbilit bl-Artikolu 22 tar-Regolament (UE) Nru 1025/2012 tal-Parlament Ewropew u tal-Kunsill (6) dwar l-istandardizzazzjoni Ewropea fil-15 ta’ Diċembru 2023.

(6)

Wara li eżaminat l-istandard armonizzat EN 12525:2000+A2:2010 flimkien mar-rappreżentanti tal-Grupp ta’ Esperti tal-Kummissjoni dwar il-Makkinarju u r-rappreżentanti tal-kumitat stabbilit permezz tal-Artikolu 22 tar-Regolament (UE) Nru 1025/2012, il-Kummissjoni kkonkludiet li l-istandard jonqos milli jissodisfa r-rekwiżiti essenzjali tas-saħħa u s-sikurezza stabbiliti fil-punti 1.1.2. u 1.7.4.2. (1) tal-Anness I tad-Direttiva 2006/42/KE.

(7)

Fit-30 ta’ Settembru 2022, Franza ressqet oġġezzjoni formali f’konformità mal-Artikolu 10 tad-Direttiva 2006/42/KE kontra l-istandard armonizzat EN 15997:2011, kif ikkoreġut b’EN 15997:2011/AC:2012, fejn spjegat li jonqos milli jissodisfa r-rekwiżiti essenzjali tas-saħħa u s-sikurezza stabbiliti fil-punti 1.1.2., 1.3.1., u 3.4.1. tal-Anness I tad-Direttiva 2006/42/KE. Franza targumenta li l-istandard li jkopri l-vetturi u l-quads li jintużaw fuq kull xorta ta’ art, ma jindirizzax b’mod adegwat il-prinċipji tal-integrazzjoni tas-sikurezza u l-użu ħażin raġonevolment prevedibbli stabbiliti fil-punt 1.1.2 tal-Anness I tad-Direttiva 2006/42/KE. Franza targumenta wkoll li għandu wkoll nuqqasijiet serji relatati mat-telf tal-istabbiltà peress li ma għandux rekwiżiti għall-istabbiltà laterali u għall-istabbiltà lonġitudinali ’l quddiem stabbiliti fil-punt 1.3.1 tal-Anness I tad-Direttiva. Barra minn hekk, Franza targumenta li dak l-istandard armonizzat ma għandux speċifikazzjonijiet biex jipprevjeni movimenti mhux ikkontrollati stabbiliti fil-punt 3.4.1 tal-Anness I tad-Direttiva 2006/42/KE. Skont Franza, l-avvenimenti ta’ qlib u l-eġezzjoni tar-rikkieba huma meqjusa bħala l-aktar xenarji ta’ inċidenti rilevanti.

(8)

L-oġġezzjoni formali ġiet diskussa fil-Grupp ta’ Esperti tal-Kummissjoni dwar il-Makkinarju fil-laqgħa tagħha tat-23 ta’ Marzu 2023. Dan ġie diskuss mill-Kumitat stabbilit bl-Artikolu 22 tar-Regolament (UE) Nru 1025/2012 dwar l-istandardizzazzjoni Ewropea fil-15 ta’ Diċembru 2023.

(9)

Wara li eżaminat l-istandard armonizzat EN 15997:2011, kif ikkoreġut b’EN 15997:2011/AC:2012, flimkien mar-rappreżentanti tal-Grupp ta’ Esperti tal-Kummissjoni dwar il-Makkinarju u r-rappreżentanti tal-kumitat stabbilit permezz tal-Artikolu 22 tar-Regolament (UE) Nru 1025/2012, il-Kummissjoni kkonkludiet li l-istandard jonqos milli jissodisfa r-rekwiżiti essenzjali tas-saħħa u s-sikurezza stabbiliti fil-punti 1.1.2., 1.3.1., and 3.4.1 tal-Anness I tad-Direttiva 2006/42/KE.

(10)

Fl-20 ta’ Mejju 2022, il-Ġermanja ressqet oġġezzjoni formali f’konformità mal-Artikolu 10 tad-Direttiva 2006/42/KE kontra l-istandard armonizzat EN 62841-1:2015, kif ikkoreġut b’EN 62841-1:2015/AC:2015, u l-istandard armonizzat EN 62841-2-11:2016, kif emendat b’EN 62841-2-11:2016/A1:2020, fejn spjegat li dawk l-istandards armonizzati jonqsu milli jissodisfaw r-rekwiżiti essenzjali tas-saħħa u s-sikurezza stabbiliti fil-punti 1.2.3. u 2.2.1. tal-Anness I tad-Direttiva 2006/42/KE. Il-Ġermanja targumenta illi l-istandard armonizzat EN 62841-1:2015, kif ikkoreġut b’EN 62841-1:2015/AC:2015, u l-istandard armonizzat EN 62841-2-11:2016, kif emendat b’EN 62841-2-11:2016/A1:2020, bit-tnejn li huma jkopru magni elettriċi li jinżammu bl-idejn bħall-jigsaws, ma joffrux biżżejjed protezzjoni kontra t-tqabbid mhux intenzjonat wara telf fil-vultaġġ, fir-rigward tar-rekwiżiti stabbiliti fil-punt 1.2.3. (it-tieni paragrafu, l-ewwel inċiż, applikat mal-ewwel paragrafu) u l-punt 2.2.1. (L-ewwel paragrafu, it-tielet inċiż) tal-Anness I tad-Direttiva 2006/42/KE.

(11)

L-oġġezzjoni formali ġiet diskussa fil-Grupp ta’ Esperti tal-Kummissjoni dwar il-Makkinarju fil-laqgħa tiegħu tal-10 ta’ Ottubru 2022 u fil-Kumitat stabbilit bl-Artikolu 22 tar-Regolament (UE) Nru 1025/2012 dwar l-Istandardizzazzjoni Ewropea fil-15 ta’ Diċembru 2023.

(12)

Wara li eżaminat l-istandard armonizzat EN 62841-1:2015, kif ikkoreġut b’EN 62841-1:2015/AC:2015, u l-istandard armonizzat EN 62841-2-11:2016, kif emendat b’EN 62841-2-11:2016/A1:2020, flimkien mar-rappreżentanti tal-Grupp ta’ Esperti tal-Kummissjoni dwar il-Makkinarju u l-kumitat stabbilit permezz tal-Artikolu 22 tar-Regolament (UE) Nru 1025/2012, il-Kummissjoni kkonkludiet li l-istandard jonqos milli jissodisfa r-rekwiżiti essenzjali tas-saħħa u s-sikurezza stabbiliti fil-punti 1.2.3. u 2.2.1. tal-Anness I tad-Direttiva 2006/42/KE.

(13)

Peress illi r-referenza tal-emenda EN 62841-1:2015/A11:2022 kienet ippubblikata f’Il-Ġurnal Uffiċjali tal-Unjoni Ewropea, permezz tad-Deċiżjoni ta’ Implimentazzjoni (UE) 2023/1586, wara l-oġġezzjoni mressqa mill-Ġermanja, il-Kummissjoni qieset ukoll l-istandard armonizzat EN 62841-1:2015, kif ikkoreġut b’EN 62841-1:2015/AC:2015 u emendat b’EN 62841-1:2015/A11:2022, u kkonkludiet illi l-istandard għadu jonqos milli jilħaq ir-rekwiżiti essenzjali tas-saħħa u s-sikurezza stabbiliti fil-punt 1.2.3. (it-tieni paragrafu, l-ewwel inċiż, applikat mal-ewwel paragrafu) u l-punt 2.2.1. (l-ewwel paragrafu, it-tielet inċiż) tal-Anness I tad-Direttiva 2006/42/KE.

(14)

L-istandards armonizzati EN 12525:2000+A2:2010; EN 15997:2011, kif ikkoreġut b’EN 15997:2011/AC:2012; EN 62841-1:2015, kif ikkoreġut b’EN 62841-1:2015/AC:2015 u emendat b’EN 62841-1:2015/A11:2022; u EN 62841-2-11:2016, kif emendat b’EN 62841-2-11:2016/A1:2020, għaldaqstant jenħtieġ li jinżamm f’Il-Ġurnal Uffiċjali tal-Unjoni Ewropea b’restrizzjoni.

(15)

Ir-referenzi ta’ standards armonizzati EN 12525:2000+A2:2010; EN 15997:2011, kif ikkoreġut b’EN 15997:2011/AC:2012; EN 62841-1:2015, kif ikkoreġut b’EN 62841-1:2015/AC:2015 u emendat b’EN 62841-1:2015/A11:2022; u EN 62841-2-11:2016, kif emendat b’EN 62841-2-11:2016/A1:2020, huma elenkati fl-Anness I tad-Deċiżjoni ta’ Implimentazzjoni (UE) 2023/1586. Dak l-Anness jinkludi wkoll ir-referenzi tal-istandards armonizzati abbozzati b’appoġġ għad-Direttiva 2006/42/KE, iżda li huma ppubblikati f’Il-Ġurnal Uffiċjali tal-Unjoni Ewropea b’restrizzjonijiet. Għalhekk, jenħtieġ li jinżammu r-referenzi ta’ dawk l-istandards armonizzati, billi jitħassru minn dak l-Anness u jiġu introdotti mill-ġdid fih, bir-restrizzjonijiet xierqa.

(16)

Ir-referenza tal-istandard armonizzat EN 62841-1:2015, kif ikkoreġut b’EN 62841-1:2015/AC:2015, hija elenkata fl-Anness II tad-Deċiżjoni ta’ Implimentazzjoni (UE) 2023/1586, li jelenka r-referenzi tal-istandards armonizzati li jiġu rtirati wara dati speċifiċi. Dak l-Anness jinkludi wkoll ir-referenzi tal-istandards armonizzati abbozzati b’appoġġ għad-Direttiva 2006/42/KE b’restrizzjonijiet. Għalhekk, jenħtieġ li tinżamm ir-referenza ta’ dak l-istandard armonizzat, billi titħassar minn dak l-Anness u tiġi introdotta mill-ġdid fih, bir-restrizzjonijiet xierqa.

(17)

Għal raġunijiet ta’ ċarezza u ċertezza, jenħtieġ li l-Artikolu 3 tad-Deċiżjoni ta’ Implimentazzjoni (UE) 2023/1586 jipprevedi li l-applikabbiltà tal-istandards, li r-referenzi tagħhom huma elenkati f’dak l-Anness, tkun soġġetta għal kwalunkwe restrizzjoni stabbilita fl-Anness III ta’ dik id-Deċiżjoni ta’ Implimentazzjoni. L-Artikolu 3 ta’ dik id-Deċiżjoni ta’ Implimentazzjoni jenħtieġ li għalhekk jiġi emendat.

(18)

Id-Deċiżjoni ta’ Implimentazzjoni (UE) 2023/1586 jenħtieġ li għalhekk tiġi emendata u kkoreġuta skont dan.

(19)

Il-konformità ma’ standard armonizzat tagħti preżunzjoni ta’ konformità mar-rekwiżiti essenzjali korrispondenti stabbiliti fil-leġiżlazzjoni tal-Unjoni dwar l-armonizzazzjoni mid-data tal-pubblikazzjoni tar-referenza ta’ tali standard f’Il-Ġurnal Uffiċjali tal-Unjoni Ewropea. Għalhekk, jenħtieġ li din id-Deċiżjoni tidħol fis-seħħ fid-data tal-pubblikazzjoni tagħha,

(1)

L-Artikolu 1 huwa sostitwit b’dan li ġej:

(2)

fl-Artikolu 2, it-tieni paragrafu huwa sostitwit b’dan li ġej:

“Madankollu, għandha tkompli tapplika għar-referenzi tal-istandards armonizzati elenkati fl-Anness II ta’ din id-Deċiżjoni sad-dati tal-irtirar ta’ dawk ir-referenzi stabbiliti f’dak l-Anness, soġġett għal kwalunkwe restrizzjoni stabbilita f’dak l-Anness.”; kif ukoll

(3)

L-Annessi I u II huma emendati f’konformità mal-Anness ta’ din id-Deċiżjoni.