DEĊIŻJONI TAL-KUMITAT KONĠUNT TAŻ-ŻEE Nru 286/2023

tas-27 ta’ Ottubru 2023

li temenda l-Anness XIII (Trasport) tal-Ftehim dwar iż-ŻEE [2024/1115]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (‘il-Ftehim dwar iż-ŻEE’), u b’mod partikolari l-Artikolu 98 tiegħu,

Billi:

(1)

Id-Deċiżjoni ta’ Implimentazzjoni tal-Kummissjoni (UE) 2023/1198 tal-21 ta’ Ġunju 2023 li temenda d-Direttiva 2008/68/KE tal-Parlament Ewropew u tal-Kunsill dwar it-trasport intern ta’ oġġetti perikolużi biex jiġu awtorizzati ċerti derogi nazzjonali (1) għandha tiġi inkorporata fil-Ftehim dwar iż-ŻEE.

(2)	Jenħtieġ għalhekk, li l-Anness XIII tal-Ftehim dwar iż-ŻEE jiġi emendat skont dan,

ADOTTA DIN ID-DEĊIŻJONI:

Artikolu 1

L-inċiż li ġej jiżdied fil-punt 13c (id-Direttiva 2008/68/KE tal-Parlament Ewropew u tal-Kunsill) tal-Anness XIII tal-Ftehim dwar iż-ŻEE:

“-	32023 D 1198: Id-Deċiżjoni ta’ Implimentazzjoni tal-Kummissjoni (UE) 2023/1198 tal-21 ta’ Ġunju 2023 (ĠU L 158, 21.6.2023, p. 73).”

Artikolu 2

It-test tad-Deċiżjoni ta’ Implimentazzjoni (UE) 2023/1198 bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fit-28 ta’ Ottubru 2023, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.

Magħmul fi Brussell, is-27 ta’ Ottubru 2023.

Għall-Kumitat Konġunt taż-ŻEE

Il-President

Pascal Schafhauser

(1) ĠU L 158, 21.6.2023, p. 73.

(*1) Ma huwa indikat l-ebda rekwiżit kostituzzjonali.