1.   Il-Kumitat Konġunt għandu jkun magħmul, minn naħa waħda, għall-Unjoni Ewropea, minn rappreżentanti tal-Kummissjoni Ewropea ("il-Kummissjoni") u, min-naħa l-oħra, minn rappreżentanti tal-Aġenzija għas-Sigurtà tan-Navigazzjoni bl-Ajru fl-Afrika u f'Madagascar (ASECNA").

2.   Ir-rappreżentanti tal-partijiet jistgħu jkunu akkumpanjati minn persuni li jaġixxu f'isem il-partijiet minħabba l-kompetenza speċifika tagħhom.

1.   Kull parti għandu jkollha l-presidenza tal-Kumitat Konġunt b'mod alternat, għal perjodu ta' sena kalendarja.

2.   Il-presidenza għandha tinżamm mill-ASECNA matul is-sena kalendarja li fiha jidħol fis-seħħ il-Ftehim.

3.   Il-parti li jkollha l-presidenza għandha taħtar lill-president tal-Kumitat Konġunt u lill-viċi president.

4.   Il-president għandu jmexxi l-ħidma tal-Kumitat Konġunt.

1.   Uffiċjal tal-Kummissjoni u uffiċjal tal-ASECNA għandhom jaġixxu b'mod konġunt bħala segretarji tal-Kumitat Konġunt.

2.   Is-segretarjat tal-Kumitat Konġunt għandu jkun responsabbli għall-komunikazzjoni bejn il-partijiet, inkluż it-trażmissjoni ta' dokumenti.

3.   Il-parti li jkollha l-presidenza għandha tkun responsabbli għall-kompiti segretarjali.

1.   Il-Kumitat Konġunt għandu jiltaqa' skont il-bżonn, fil-prinċipju darba fis-sena.

Wara konsultazzjonijiet mal-partijiet, il-president għandu jsejjaħ il-laqgħa tal-Kumitat Konġunt f'ħin u f'post miftiehma flimkien. Jekk il-partijiet jaqblu jistgħu jsiru wkoll awdjokonferenzi u vidjokonferenzi.

Il-president għandu jsejjaħ seduta speċjali tal-Kumitat Konġunt fuq talba l-Unjoni Ewropea jew l-ASECNA.

Il-Kumitat Konġunt għandu jiltaqa' fi żmien 15-il jum kalendarju minn meta ssir it-tali talba skont l-Artikolu 29(3) tal-Ftehim.

2.   Il-Kumitat Konġunt għandu jiltaqa' fi Brussell jew f'Dakar, skont liema parti jkollha l-presidenza, sakemm il-partijiet ma jiftehmux mod ieħor.

3.   Il-president għandu jibgħat l-avviż dwar is-sejħa tal-laqgħa, flimkien mal-abbozz tal-aġenda u d-dokumenti meħtieġa għal-laqgħa, lir-rappreżentanti tal-partijiet mill-inqas 21 jum kalendarju qabel il-laqgħa. Id-dokumenti għal-laqgħat imsejħa f'konformità mal-Artikolu 29(3) tal-Ftehim, għandhom jintbagħtu sa mhux iktar tard minn 7 ijiem kalendarji qabel il-laqgħa.

4.   Bi ftehim mal-partijiet, il-president jista' jqassar il-limiti ta' żmien stipulati fil-paragrafu 3 biex jitqiesu r-rekwiżiti ta' xi kwistjoni partikolari.

5.   Il-president għandu jiġi infurmat dwar il-kompożizzjoni tad-delegazzjoni ta' kull parti mill-inqas 7 ijiem kalendarji qabel kull laqgħa.

6.   Il-laqgħat tal-Kumitat Konġunt ma għandhomx ikunu pubbliċi sakemm il-partijiet ma jiddeċidux mod ieħor.

1.   Il-president, bl-għajnuna tas-segretarji, għandu jfassal l-aġenda proviżorja għal kull laqgħa.

2.   Kull parti tista' tipproponi li jiddaħħlu kwistjonijiet addizzjonali fl-aġenda. Din it-talba għandha tkun issostanzjata kif xieraq u tintbagħat bil-miktub lill-President mill-inqas 7 ijiem kalendarji qabel il-laqgħa.

3.   Il-Kumitat Konġunt għandu japprova l-aġenda fil-bidu tal-laqgħa.

1.   Il-kompożizzjoni u l-funzjonament tal-gruppi ta' ħidma jew tal-gruppi ta' esperti, li għandhom jiġu stabbiliti f'konformità mal-Artikolu 29(4) tal-Ftehim, għandhom jiġu miftiehma abbażi ta' mandat stabbilit mill-Kumitat Konġunt.

2.   Il-gruppi ta' ħidma jew il-gruppi ta' esperti għandhom japplikaw dawn ir-regoli ta' proċedura mutatis mutandis.

3.   Il-gruppi ta' ħidma jew il-gruppi ta' esperti għandhom jaħdmu taħt l-awtorità tal-Kumitat Konġunt u jibagħtulu rapport wara kull laqgħa li jkollhom. Dawn mhumiex awtorizzati li jieħdu deċiżjonijiet, iżda jistgħu jressqu rakkomandazzjonijiet għall-attenzjoni tal-Kumitat Konġunt.

4.   Il-Kumitat Konġunt jista' jiddeċiedi li jemenda jew li jtemm il-mandat tal-gruppi ta' ħidma jew tal-gruppi ta' esperti.

1.   Il-Kumitat Konġunt għandu jieħu d-deċiżjonijiet u jfassal ir-rakkomandazzjonijiet permezz ta' ftehim komuni bejn il-partijiet, f'konformità mal-Ftehim. It-titoli tad-deċiżjonijiet u tar-rakkomandazzjonijiet għandhom jinkludu l-kelma "Deċiżjoni" jew "Rakkomandazzjoni", skont il-każ, segwit b'numru ta' sekwenza, id-data tal-adozzjoni u referenza għas-suġġett tagħhom.

2.   Id-deċiżjonijiet u r-rakkomandazzjonijiet tal-Kumitat Konġunt għandhom jiġu ffirmati mill-president u mis-segretarji u jitqassmu lill-partijiet.

3.   Dment li jiġu osservati r-regoli dwar il-kunfidenzjalità stabbiliti fl-Artikolu 12, kwalunkwe parti tista' tiddeċiedi li tippubblika d-deċiżjoni jew ir-rakkomandazzjoni adottata mill-Kumitat Konġunt skont ir-regoli tagħha stess. Il-partijiet għandhom jinfurmaw lil xulxin bl-intenzjoni tagħhom li jippubblikaw deċiżjoni jew rakkomandazzjoni.

4.   Il-Kumitat Konġunt jista' jadotta d-deċiżjonijiet jew ir-rakkomandazzjonijiet tiegħu permezz ta' proċedura bil-miktub jekk il-partijiet jaqblu li jsir hekk. Il-proċedura bil-miktub għandha tikkonsisti minn skambju ta' noti bejn is-segretarji, li jaġixxu bi qbil mal-partijiet. Għal dak il-għan, it-test tad-deċiżjoni jew tar-rakkomandazzjoni proposta għandu jintbagħat lill-partijiet skont l-Artikolu 5, għall-adozzjoni fi żmien 21 jum kalendarju li fih għandha tiġi mgħarrfa kwalunkwe riżerva jew talba għal emenda., il-president jista' jqassar il-limitu taż-żmien, bi qbil mal-partijiet, sabiex jieħu kont ta’ ċirkostanzi speċjali. Ladarba jiġi miftiehem it-test, id-deċiżjoni jew ir-rakkomandazzjoni għandha tiġi ffirmata mill-president u mis-segretarji.

1.   Is-segretarjat għandu jħejji l-abbozz tal-minuti ta' kull laqgħa fi żmien 21 jum kalendarju minn dik il-laqgħa. L-abbozz tal-minuti għandu jindika d-deċiżjonijiet li jkunu ttieħdu u r-rakkomandazzjonijiet li jkunu tħejjew.

2.   L-abbozz tal-minuti għandu jitressaq għall-approvazzjoni tal-Kumitat Konġunt permezz ta' proċedura bil-miktub jew fil-laqgħa sussegwenti tal-Kumitat Konġunt. Ladarba jiġu adottati mill-Kumitat Konġunt, il-minuti għandhom ikunu ffirmati mill-president u mis-segretarji.

1.   Kull parti għandha tħallas kwalunkwe spiża li ġġarrab marbuta mal-parteċipazzjoni tagħha fil-laqgħat tal-Kumitat Konġunt u tal-gruppi ta' ħidma jew tal-gruppi ta' esperti.

2.   Il-Kumitat Konġunt għandu jaqbel dwar il-qsim tal-ispejjeż għal kwalunkwe missjoni assenjata lill-esperti.

3.   L-ispejjeż marbuta mal-organizzazzjoni tal-laqgħat u mar-riproduzzjoni tad-dokumenti għandhom jitħallsu mill-parti li tkun qiegħda torganizza l-laqgħa.