(2)

Il-prodott soġġett għar-reġistrazzjoni (“il-prodott ikkonċernat”) huwa vetturi elettriċi ġodda bil-batterija (battery electric vehicles, “BEVs”), prinċipalment maħsuba għat-trasport ta’ disa’ persuni jew inqas, inkluż is-sewwieq, li jaħdmu (3) biss b’mutur elettriku wieħed jew aktar. Il-muturi huma esklużi mill-investigazzjoni. Il-prodott ikkonċernat huwa attwalment ikklassifikat taħt il-kodiċi NM 8703 80 10.

(3)

Skont l-Artikolu 24(5a) tar-Regolament bażiku, il-Kummissjoni tista’, fuq l-inizjattiva tagħha stess, tagħti struzzjonijiet lill-awtoritajiet doganali sabiex jieħdu l-passi adatti biex jirreġistraw l-importazzjonijiet, sabiex il-miżuri jkunu jistgħu jiġu applikati sussegwentement kontra dawk l-importazzjonijiet mid-data ta’ tali reġistrazzjoni, f’konformità mal-Artikolu 16(4) tar-Regolament bażiku.

(4)

Fir-rigward tas-sussidjar, il-Kummissjoni għandha għad-dispożizzjoni tagħha biżżejjed evidenza li għandha t-tendenza turi li l-importazzjonijiet tal-prodott ikkonċernat mir-RPĊ qed jiġu sussidjati. Is-sussidji allegati jikkonsistu, fost l-oħrajn, fi:

(5)

L-evidenza tas-sussidjar saret disponibbli fil-memorandum dwar is-suffiċjenza tal-evidenza.

(6)

Qiegħed jiġi allegat li l-miżuri deskritti fil-premessa (4) jammontaw għal sussidji billi jinvolvu kontribuzzjoni finanzjarja mill-Gvern tar-RPĊ jew minn gvernijiet reġjonali oħra (inklużi korpi pubbliċi), jew minn korpi privati diretti jew fdati mill-Gvern tar-RPĊ, u jikkonferixxu benefiċċju lill-produtturi esportaturi tal-prodott ikkonċernat. Dawn jidhru li huma speċifiċi u, għalhekk, kumpensabbli, fost l-oħrajn, peress li huma limitati għal ċerti setturi, prodotti u/jew reġjuni.

(7)

Għalhekk, f’dan l-istadju l-evidenza disponibbli għandha t-tendenza turi li l-esportazzjonijiet tal-prodott ikkonċernat qed jibbenefikaw minn sussidji kumpensabbli.

(8)

L-evidenza turi wkoll ċirkostanzi kritiċi fil-forma ta’ importazzjonijiet massivi f’perjodu relattivament qasir kif ukoll żieda sostanzjali fl-importazzjonijiet taħt il-kodiċi NM 8703 80 10 fil-perjodu minn Ottubru 2023 sa Jannar 2024. B’mod speċifiku, l-evidenza disponibbli turi li l-ammont ta’ importazzjonijiet bejn Ottubru 2023 u Jannar 2024 huwa ta’ 177 839 unità. Dan jirrappreżenta żieda ta’ 11 % meta mqabbel mal-perjodu ta’ investigazzjoni (Ottubru 2022 – Settembru 2023) f’termini tal-medja ta’ kull xahar (ara t-Tabella 1), u ta’ 14 % meta mqabbel mal-perjodu rispettiv bejn Ottubru 2022 u Jannar 2023 (ara t-Tabella 2).

Tabella 1

Importazzjonijiet mir-RPĊ fil-PI u wara l-investigazzjoni

Tabella 2

Importazzjonijiet mir-RPĊ Ottubru–Jannar Sena wara Sena

(9)

F’dan l-istadju huwa possibbli li, fuq il-bażi tad-data miġbura matul l-investigazzjoni, id-dannu, li jkun diffiċli li jiġi rimedjat, ikun beda jimmaterjalizza anki qabel it-tmiem tal-investigazzjoni.

(10)

Jeżisti wkoll ir-riskju li għadd dejjem akbar ta' produtturi tal-Unjoni se jbatu minn tnaqqis fil-bejgħ u fil-livelli ta’ produzzjoni jekk l-importazzjonijiet ikomplu fil-livelli ogħla attwali bi prezzijiet allegatament sussidjati mir-RPĊ kif muri sa issa wara li bdiet l-investigazzjoni. Huwa ċar li r-riskju se jkollu impatt negattiv fuq l-impjiegi u fuq il-prestazzjoni kumplessiva tal-produtturi tal-Unjoni. Dan ikun jikkostitwixxi dannu li jkun diffiċli li jiġi rimedjat.

(11)

Minħabba d-data u l-kunsiderazzjonijiet stabbiliti fil-premessi minn (8) sa (10), il-Kummissjoni qieset li kien hemm bżonn li tħejji l-impożizzjoni retroattiva potenzjali tal-miżuri billi timponi reġistrazzjoni sabiex tipprekludi r-rikorrenza ta’ tali dannu. Għalhekk, kieku l-Kummissjoni kellha tikkonkludi li l-industrija domestika tkun qed issofri dannu materjali fi tmiem l-investigazzjoni attwali, il-ġbir tad-dazji kumpensatorji fuq importazzjonijiet reġistrati jkun jista’ jitqies xieraq biex jipprekludi r-rikorrenza ta’ tali dannu.

(12)

Il-Kummissjoni kkonkludiet li hemm biżżejjed evidenza biex tiġġustifika li l-importazzjonijiet tal-prodott ikkonċernat isiru soġġetti għal reġistrazzjoni f’konformità mal-Artikolu 24(5) tar-Regolament bażiku.

(13)

Il-partijiet kollha interessati huma mistiedna jippreżentaw il-fehmiet tagħhom bil-miktub u jipprovdu evidenza ta’ sostenn. Il-Kummissjoni tista’ tisma’ lill-partijiet interessati, bil-kundizzjoni li dawn jagħmlu talba bil-miktub u juru li hemm raġunijiet partikolari għalfejn dawn jenħtieġ li jinstemgħu.

(14)

Skont l-Artikolu 24(5) tar-Regolament bażiku, jenħtieġ li l-importazzjonijiet tal-prodott ikkonċernat jkunu soġġetti għar-reġistrazzjoni bl-iskop li jiżguraw li, f’każ li l-investigazzjoni tirriżulta f’konklużjonijiet li jwasslu għall-impożizzjoni ta’ dazji kompensatorji, dawn id-dazji jkunu jistgħu, jekk il-kundizzjonijiet neċessarji jintlaħqu, jiġu imposti b’mod retroattiv fuq l-importazzjonijiet irreġistrati f’konformità mad-dispożizzjonijiet legali applikabbli.

(15)

Kwalunkwe obbligazzjoni fil-futur tiġi mis-sejbiet tal-investigazzjoni.

(16)

F’dan l-istadju tal-investigazzjoni għadu ma huwiex possibbli li jiġi stmat b’mod preċiż l-ammont ta’ sussidjar. Għalhekk, il-Kummissjoni ma tqisx li huwa xieraq li tipprovdi ammont stmat ta’ obbligazzjoni futura.

(17)

Kull data personali miġbura fil-kuntest ta’ din ir-reġistrazzjoni se tiġi trattata skont ir-Regolament (UE) 2018/1725 tal-Parlament Ewropew u tal-Kunsill (4),