(1)

Ir-Regolament (UE) Nru 1315/2013 jipprevedi l-possibilità li l-mapep indikattivi tan-network trans-Ewropew tat-trasport (TEN-T) ta’ pajjiżi ġirien speċifiċi jiġu adattati jew li jiżdiedu mapep ġodda abbażi ta’ ftehimiet ta’ livell għoli dwar in-networks tal-infrastruttura tat-trasport bejn l-Unjoni u l-pajjiżi ġirien ikkonċernati.

(2)

F’Mejju-Lulju 2023 ġew iffirmati ftehimiet ta’ livell għoli bejn l-Unjoni u l-Albanija, il-Bożnija-Ħerzegovina, il-Kosovo (*1), il-Montenegro, il-Maċedonja ta’ Fuq u s-Serbja. Il-ftehimiet dwar il-bidliet fil-mapep indikattivi tat-TEN-T jikkonċernaw it-trasport ferrovjarju, it-trasport bit-triq u t-trasport fuq passaġġi tal-ilma interni. Il-bidliet fil-mapep indikattivi għandhom jippermettu li l-Unjoni tkun tista’ timmira aħjar il-kooperazzjoni tagħha mas-sħab tal-Balkani tal-Punent.

(3)

L-ewwel nett, dawn il-bidliet se jikkontribwixxu għal prijoritizzazzjoni aħjar tal-proġetti ta’ infrastruttura li jinsabu fit-TEN-T fir-reġjun tal-Balkani tal-Punent, b’mod partikolari billi jtejbu l-konnessjoni ferrovjarja bejn Durrës u Skopje minn network ewlieni komprensiv għal wieħed estiż. It-tieni, dawn il-bidliet se jtejbu l-konnessjonijiet tat-trasport fir-reġjun u bejn ir-reġjun u l-Istati Membri tal-UE billi jżidu l-konnessjonijiet bil-ferrovija u bit-triq mat-TEN-T. It-tielet, it-TEN-T rivedut jinkludi nodi addizzjonali (ajruporti u portijiet) u b’hekk isaħħaħ il-koerenza tat-TEN-T fir-reġjun.

(4)

Għalhekk ir-Regolament (UE) Nru 1315/2013 jenħtieġ li jiġi emendat skont dan,