DEĊIŻJONI TAL-KUMITAT KONĠUNT TAŻ-ŻEE Nru 347/2021

tal-10 ta’ Diċembru 2021

li temenda l-Anness II (Regolamenti tekniċi, standards, testijiet u ċertifikazzjoni) tal-Ftehim dwar iż-ŻEE [2024/667]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (‘il-Ftehim dwar iż-ŻEE’), u b’mod partikolari l-Artikolu 98 tiegħu,

Billi:

(1)

Id-Direttiva Delegata tal-Kummissjoni (UE) 2021/1206 tat-30 ta’ April 2021 li temenda l-Anness III tad-Direttiva 2014/90/UE tal-Parlament Ewropew u tal-Kunsill dwar it-tagħmir tal-baħar fir-rigward tal-istandard applikabbli għal-laboratorji li jintużaw mill-korpi ta’ valutazzjoni tal-konformità għat-tagħmir tal-baħar (1) għandha tiġi inkorporata fil-Ftehim dwar iż-ŻEE.

(2)	Jenħtieġ għalhekk, li l-Anness II tal-Ftehim dwar iż-ŻEE jiġi emendat skont dan,

ADOTTA DIN ID-DEĊIŻJONI:

Artikolu 1

Dan li ġej huwa miżjud fil-punt 2 (id-Direttiva 2014/90/UE tal-Parlament Ewropew u tal-Kunsill) tal-Kapitolu XXXII tal-Anness II tal-Ftehim dwar iż-ŻEE:

“, kif emendat bi:

—	32021 L 1206: Id-Direttiva Delegata tal-Kummissjoni (UE) 2021/1206 tat-30 ta’ April 2021 (ĠU L 261, 22.7.2021, p. 45).”

Artikolu 2

It-test tad-Direttiva Delegata (UE) 2021/1206 bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fil-11 ta’ Diċembru 2021, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.

Magħmul fi Brussell, l-10 ta’ Diċembru 2021.

Għall-Kumitat Konġunt taż-ŻEE

Il-President

Rolf Einar FIFE

(1) ĠU L 261, 22.7.2021, p. 45.

(*1) Ma huwa indikat l-ebda rekwiżit kostituzzjonali.