DEĊIŻJONI TAL-KUMITAT KONĠUNT TAŻ-ŻEE Nru 348/2021

tal-10 ta’ Diċembru 2021

li temenda l-Anness II (Regolamenti tekniċi, standards, ittestjar u ċertifikazzjoni) u l-Anness IV (Enerġija) tal-Ftehim dwar iż-ŻEE [2024/666]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (‘il-Ftehim dwar iż-ŻEE’), u b’mod partikolari l-Artikolu 98 tiegħu,

Billi:

(1)

Ir-Regolament Delegat tal-Kummissjoni (UE) 2021/340 tas-17 ta’ Diċembru 2020 li jemenda r-Regolamenti Delegati (UE) 2019/2013, (UE) 2019/2014, (UE) 2019/2015, (UE) 2019/2016, (UE) 2019/2017 u (UE) 2019/2018 fir-rigward tar-rekwiżiti tat-tikkettar tal-enerġija tal-unitajiet tal-wiri elettroniċi, tal-magni tal-ħasil tal-ħwejjeġ domestiċi u tal-magni tal-ħasil u tat-tnixxif tal-ħwejjeġ domestiċi, tas-sorsi tad-dawl, tal-apparat refriġeranti, tal-magni tal-ħasil tal-platti domestiċi u ta’ apparat refriġeranti b’funzjoni ta’ bejgħ dirett (1) għandu jiġi inkorporat fil-Ftehim dwar iż-ŻEE.

(2)	Jenħieġ għalhekk, li l-Annessi II u IV tal-Ftehim dwar iż-ŻEE jiġu emendati skont dan,

ADOTTA DIN ID-DEĊIŻJONI:

Artikolu 1

Dan li ġej jiżdied fil-punt 4v (ir-Regolament Delegat tal-Kummissjoni (UE) 2019/2013), fil-punt 4w (ir-Regolament Delegat tal-Kummissjoni (UE) 2019/2014), fil-punt 4x (ir-Regolament Delegat tal-Kummissjoni (UE) 2019/2015), fil-punt 4y (ir-Regolament Delegat tal-Kummissjoni (UE) 2019/2016), fil-punt 4z (ir-Regolament Delegat tal-Kummissjoni (UE) 2019/2017) u fil-punt 4za (ir-Regolament Delegat tal-Kummissjoni (UE) 2019/2018) tal-Kapitolu IV tal-Anness II tal-Ftehim dwar iż-ŻEE:

“, kif emendat bi:

—	32021 R 0340: Ir-Regolament Delega tal-Kummissjoni (UE) 2021/340 tas-17 ta’ Diċembru 2020 (ĠU L 68, 26.2.2021, p. 62).”

Artikolu 2

Dan li ġej jiżdied fil-punt 11v (ir-Regolament Delegat tal-Kummissjoni (UE) 2019/2013), fil-punt 11w (ir-Regolament Delegat tal-Kummissjoni (UE) 2019/2014), fil-punt 11x (ir-Regolament Delegat tal-Kummissjoni (UE) 2019/2015), fil-punt 11y (ir-Regolament Delegat tal-Kummissjoni (UE) 2019/2016), fil-punt 11z (ir-Regolament Delegat tal-Kummissjoni (UE) 2019/2017) u fil-punt 11za (ir-Regolament Delegat tal-Kummissjoni (UE) 2019/2018) tal-Anness IV tal-Ftehim dwar iż-ŻEE:

“, kif emendat bi:

—	32021 R 0340: Ir-Regolament Delegat tal-Kummissjoni (UE) 2021/340 tas-17 ta’ Diċembru 2020 (ĠU L 68, 26.2.2021, p. 62). (2)

Artikolu 3

It-test tar-Regolament Delegat (UE) 2021/340 bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 4

Din id-Deċiżjoni għandha tidħol fis-seħħ fil-11 ta’ Diċembru 2021, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*1).

Artikolu 5

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.

Magħmul fi Brussell, l-10 ta’ Diċembru 2021.

Għall-Kumitat Konġunt taż-ŻEE

Il-President

Rolf Einar FIFE

(1) ĠU L 68, 26.2.2021, p. 62.

(*1) Ma huwa indikat l-ebda rekwiżit kostituzzjonali.