IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolament (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (1), u b’mod partikolari l-Artikolu 39(1)(a) tiegħu,

Billi:

(1)	Ir-Regolament tal-Kummissjoni (UE) Nru 139/2014 (2) jistabbilixxi rekwiżiti u proċeduri amministrattivi b’rabta mal-ajrudromi, inkluż il-ġestjoni, l-operat, iċ-ċertifikazzjoni u s-sorveljanza tagħhom.

(2)

Ċerti żviluppi reċenti li saru mill-Organizzazzjoni tal-Avjazzjoni Ċivili Internazzjonali (“ICAO”) għandhom jiġu riflessi fir-regoli tal-Unjoni. Uħud minn dawk l-aħħar żviluppi stabbiliti fl-Anness 2 “Regoli tal-Ajru” tal-Konvenzjoni ta’ Chicago huma relatati mas-sinjali li għandhom jintużaw, fil-kundizzjonijiet ta’ viżibbiltà kollha, f’każ ta’ ħsara fil-komunikazzjoni bir-radju bejn l-unità tas-servizzi tat-traffiku tal-ajru u l-vetturi jew il-persuni mexjin fiż-żona ta’ kontroll tal-ajrudromi. Huwa għalhekk meħtieġ li tiġi emendata l-parti ADR.OPS.B.031 — Komunikazzjonijiet fl-Anness IV tar-Regolament (UE) Nru 139/2014 skont dan.

(3)

Sabiex tiġi żgurata implimentazzjoni bla xkiel tal-miżuri introdotti b’dan ir-Regolament filwaqt li jiġi żgurat li s-sikurezza tal-avjazzjoni ċivili fl-Unjoni tinżamm f’livell għoli u uniformi, l-industrija u l-awtoritajiet kompetenti tal-Istati Membri jenħtieġ li jingħataw biżżejjed żmien biex jadattaw għall-miżuri introdotti b’dan ir-Regolament. Għalhekk, jenħtieġ li dan ir-Regolament japplika 12-il xahar wara d-dħul fis-seħħ tiegħu.

(4)	L-Aġenzija tas-Sikurezza tal-Avjazzjoni tal-Unjoni Ewropea assistiet lill-Kummissjoni f’konformità mal-Artikolu 75(2), il-punti (b) u (c) u l-Artikolu 76(1) tar-Regolament (UE) 2018/1139 u ppreżentat l-Opinjoni relatata Nru 02/2023 (3) lill-Kummissjoni fit-18 ta’ Awwissu 2023,

ADOTTAT DAN IR-REGOLAMENT:

(2) Ir-Regolament tal-Kummissjoni (UE) Nru 139/2014 tat-12 ta’ Frar 2014 li jistabbilixxi rekwiżiti u proċeduri amministrattivi b’rabta mal-ajrudromi skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 44, 14.2.2014, p. 1).