REGOLAMENT TA’ IMPLIMENTAZZJONI TAL-KUMMISSJONI (UE) 2024/247

tad-16 ta’ Jannar 2024

li japprova d-di(perossomonosulfat) di(sulfat) tal-pentapotassju triidroġenu bħala sustanza attiva eżistenti għall-użu fil-prodotti bijoċidali għat-tipi ta’ prodott 2, 3, 4 u 5 f’konformità mar-Regolament (UE) Nru 528/2012 tal-Parlament Ewropew u tal-Kunsill

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (1), u b’mod partikolari l-Artikolu 89(1), it-tielet subparagrafu tiegħu,

Billi:

(1)

Ir-Regolament ta’ Delega tal-Kummissjoni (UE) Nru 1062/2014 (2) jistabbilixxi lista ta’ sustanzi attivi eżistenti li jridu jiġu evalwati biex possibbilment jiġu approvati għall-użu fil-prodotti bijoċidali. Dik il-lista tinkludi l-bis(perossimonosulfat)bis(sulfat) tal-pentapotassju (Nru CAS: 70693-62-8) għat-tipi ta’ prodott 2, 3, 4 u 5.

(2)

Il-bis(perossimonosulfat)bis(sulfat) tal-pentapotassju ġie evalwat għall-użu fit-tipi ta’ prodott 2 (diżinfettanti u algaċidi li mhumiex maħsuba għall-applikazzjoni diretta fuq il-bnedmin jew l-annimali), 3 (iġjene veterinarja), 4 (żoni tal-ikel u tal-għalf) u 5 (ilma tax-xorb), kif deskritti fl-Anness V tar-Regolament (UE) Nru 528/2012.

(3)

Is-Slovenja nħatret l-Istat Membru relatur u l-awtorità kompetenti tagħha ssottomettiet ir-rapporti tal-valutazzjoni flimkien mal-konklużjonijiet tagħhom lill-Aġenzija Ewropea għas-Sustanzi Kimiċi (“l-Aġenzija”) fit-23 ta’ Settembru 2022. L-Aġenzija ddiskutiet ir-rapporti tal-valutazzjoni u l-konklużjonijiet fil-laqgħat tekniċi.

(4)	Matul l-eżami tal-bis(perossimonosulfat)bis(sulfat) tal-pentapotassju, l-isem ta’ dik is-sustanza attiva ġie kkoreġut mill-Aġenzija għal di(perossomonosulfat) di(sulfat) tal-pentapotassju triidroġenu.

(5)

F’konformità mal-Artikolu 75(1), it-tieni subparagrafu, il-punt (a), tar-Regolament (UE) Nru 528/2012, il-Kumitat dwar il-Prodotti Bijoċidali jħejji l-opinjoni tal-Aġenzija rigward l-applikazzjonijiet għall-approvazzjoni tas-sustanzi attivi. F’konformità mal-Artikolu 7(2) tar-Regolament Delegat (UE) Nru 1062/2014 meħud flimkien mal-Artikolu 75(1) u (4) tar-Regolament (UE) Nru 528/2012, il-Kumitat dwar il-Prodotti Bijoċidali adotta l-opinjonijiet tal-Aġenzija fis-6 ta’ Ġunju 2023 (3), wara li kkunsidra l-konklużjonijiet tal-awtorità kompetenti tal-evalwazzjoni. F’dawk l-opinjonijiet, l-Aġenzija kkonkludiet li l-prodotti bijoċidali tat-tipi ta’ prodott 2, 3, 4 u 5 li fihom id-di(perossomonosulfat) di(sulfat) tal-pentapotassju triidroġenu jistgħu jkunu mistennija li jissodisfaw il-kriterji stabbiliti fl-Artikolu 19(1), il-punt (b), tar-Regolament (UE) Nru 528/2012, dment li jkun hemm konformità ma’ ċerti kundizzjonijiet li jikkonċernaw l-użu tagħhom.

(6)	Filwaqt li jitqiesu l-opinjonijiet tal-Aġenzija, jixraq li d-di(perossomonosulfat) di(sulfat) tal-pentapotassju triidroġenu jiġi approvat bħala sustanza attiva għall-użu fil-prodotti bijoċidali tat-tipi ta’ prodott 2, 3, 4 u 5, soġġett għall-konformità ma’ ċerti kondizzjonijiet.

(7)	Jenħtieġ li jitħalla jgħaddi perjodu raġonevoli qabel ma tiġi approvata sustanza attiva, sabiex il-partijiet interessati jkunu jistgħu jieħdu l-miżuri ta’ tħejjija meħtieġa biex jissodisfaw ir-rekwiżiti l-ġodda.

(8)	Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Prodotti Bijoċidali,

ADOTTAT DAN IR-REGOLAMENT:

Artikolu 1

Id-di(perossomonosulfat) di(sulfat) tal-pentapotassju triidroġenu huwa approvat bħala sustanza attiva għall-użu fil-prodotti bijoċidali għat-tipi ta’ prodott 2, 3, 4 u 5, soġġett għall-kundizzjonijiet stabbiliti fl-Anness.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, id-16 ta’ Jannar 2024

Għall-Kummissjoni

Il-President

Ursula VON DER LEYEN

(1) ĠU L 167, 27.6.2012, p. 1.

(2) Ir-Regolament ta’ Delega tal-Kummissjoni (UE) Nru 1062/2014 tal-4 ta’ Awwissu 2014 dwar il-programm ta’ ħidma għall-evalwazzjoni sistematika tas-sustanzi attivi bijoċidali kollha li jeżistu fil-prodotti bijoċidali msemmijin fir-Regolament (UE) Nru 528/2012 tal-Parlament Ewropew u tal-Kunsill (ĠU L 294, 10.10.2014, p. 1).

(3) Biocidal Products Committee Opinions on the application for approval of the active substance trihydrogen pentapotassium di(peroxomonosulfate) di(sulfate), Product-types 2, 3, 4 and 5; ECHA/BPC/377/2023, ECHA/BPC/378/2023, ECHA/BPC/379/2023 u ECHA/BPC/380/2023, adottati fis-6 ta’ Ġunju 2023.

ANNESS

Isem Komuni

Isem IUPAC

Numri ta’ Identifikazzjoni

Grad minimu ta’ purità tas-sustanza attiva (1)

Data tal-approvazzjoni

Data tal-iskadenza tal-approvazzjoni

Tip ta’ prodott

Kundizzjonijiet speċifiċi

Di(perossomonosulfat) di(sulfat) tal-pentapotassju triidroġenu

Bis(idroġenusulfat bis(idroperossisolfonil)ossidanid) tal-pentapotassju

Nru KE: 274-778-7

Nru CAS: 70693-62-8

≥ 890 g/kg (≥ 89 % w/w)

perossidisulfat tad-dipotassju (impurità rilevanti): ≤ 20 g/kg (≤ 2 % w/w)

fl-1 ta’ Lulju 2025.

fit-30 ta’ Ġunju 2035.

L-awtorizzazzjoni tal-prodotti bijoċidali hija soġġetta għall-kundizzjonijiet li ġejjin:

(1)	il-valutazzjoni tal-prodott għandha tagħti attenzjoni partikolari lill-esponimenti, lir-riskji u lill-effikaċja marbuta ma’ kull użu kopert minn applikazzjoni għall-awtorizzazzjoni, iżda li mhumiex indirizzati fil-valutazzjoni tar-riskju tas-sustanza attiva fil-livell tal-Unjoni;

(2)

il-valutazzjoni tal-prodott għandha tagħti attenzjoni partikolari lil:

(i)	l-utenti professjonali;

(ii)	l-utenti mhux professjonali;

(iii)

l-ilma tal-wiċċ minħabba emissjoni kronika wara d-diżinfezzjoni tal-pixxini privati.

L-awtorizzazzjoni tal-prodotti bijoċidali hija soġġetta għall-kundizzjonijiet li ġejjin:

(1)	fil-valutazzjoni tal-prodott għandha tingħata attenzjoni partikolari lill-esponimenti, lir-riskji u lill-effikaċja marbuta ma’ kull użu kopert b’applikazzjoni għall-awtorizzazzjoni, iżda li ma jkunx indirizzat fil-valutazzjoni tar-riskji tas-sustanza attiva fil-livell tal-Unjoni;

(2)	il-valutazzjoni tal-prodott għandha tagħti attenzjoni partikolari lill-utenti professjonali.

L-awtorizzazzjoni tal-prodotti bijoċidali hija soġġetta għall-kundizzjonijiet li ġejjin:

(1)	il-valutazzjoni tal-prodott għandha tagħti attenzjoni partikolari lill-esponimenti, lir-riskji u lill-effikaċja marbuta ma’ kull użu kopert minn applikazzjoni għall-awtorizzazzjoni, iżda li mhumiex indirizzati fil-valutazzjoni tar-riskju tas-sustanza attiva fil-livell tal-Unjoni;

(2)	il-valutazzjoni tal-prodott għandha tagħti attenzjoni partikolari lill-utenti professjonali.

L-awtorizzazzjoni tal-prodotti bijoċidali hija soġġetta għall-kundizzjonijiet li ġejjin:

(1)	il-valutazzjoni tal-prodott għandha tagħti attenzjoni partikolari lill-esponimenti, lir-riskji u lill-effikaċja marbuta ma’ kull użu kopert minn applikazzjoni għall-awtorizzazzjoni, iżda li mhumiex indirizzati fil-valutazzjoni tar-riskju tas-sustanza attiva fil-livell tal-Unjoni;

(2)	il-valutazzjoni tal-prodott għandha tagħti attenzjoni partikolari lill-utenti professjonali.

(1) Il-purità indikata f’din il-kolonna kienet il-grad minimu ta’ purità tas-sustanza attiva evalwata. Is-sustanza attiva fil-prodott imqiegħed fis-suq tista’ tkun ta’ purità ugwali jew differenti jekk ikun ġie ppruvat li hija teknikament ekwivalenti għas-sustanza attiva evalwata.