DEĊIŻJONI TAL-KUMITAT KONĠUNT TAŻ-ŻEE Nru 181/2021

tal-11 ta’ Ġunju 2021

li temenda l-Anness XX (Ambjent) tal-Ftehim dwar iż-ŻEE [2024/173]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (‘il-Ftehim dwar iż-ŻEE’), u b’mod partikolari l-Artikolu 98 tiegħu,

Billi:

(1)

Ir-Rakkomandazzjoni tal-Kummissjoni (UE) 2017/948 tal-31 ta’ Mejju 2017 dwar l-użu tal-valuri tal-konsum tal-fuel u tal-emissjonijiet tas-CO2 approvati għat-tip u mkejla f’konformità mal-Proċedura tat-Test Dinji Armonizzat għall-Vetturi Ħfief meta din l-informazzjoni tingħata lill-konsumaturi f’konformità mad-Direttiva 1999/94/KE tal-Parlament Ewropew u tal-Kunsill (1) għandha tiġi inkorporata fil-Ftehim dwar iż-ŻEE.

(2)	Jenħtieġ għalhekk, li l-Anness XX tal-Ftehim dwar iż-ŻEE jiġi emendat skont dan,

ADOTTA DIN ID-DEĊIŻJONI:

Artikolu 1

Il-punt li ġej jiddaħħal wara l-punt 21ac (id-Direttiva 1999/94/KE tal-Parlament Ewropew u tal-Kunsill) tal-Anness XX tal-Ftehim dwar iż-ŻEE:

“21aca.

32017 H 0948: Ir-Rakkomandazzjoni tal-Kummissjoni (UE) 2017/948 tal-31 ta’ Mejju 2017 dwar l-użu tal-valuri tal-konsum tal-fuel u tal-emissjonijiet tad-CO2 approvati għat-tip u mkejla f’konformità mal-Proċedura tat-Test Dinji Armonizzat għall-Vetturi Ħfief meta din l-informazzjoni tingħata lill-konsumaturi f’konformità mad-Direttiva 1999/94/KE tal-Parlament Ewropew u tal-Kunsill (ĠU L 142, 2.6.2017, p. 100).”

Artikolu 2

It-test tar-Rakkomandazzjoni (UE) 2017/948 bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fit-12 ta’ Ġunju 2021, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.

Magħmul fi Brussell, il-11 ta’ Ġunju 2021.

Għall-Kumitat Konġunt taż-ŻEE

Il-President

Clara GANSLANDT

(1) ĠU L 142, 2.6.2017, p. 100.

(*1) Ma huwa indikat l-ebda rekwiżit kostituzzjonali.