DEĊIŻJONI TAL-KUMITAT KONĠUNT TAŻ-ŻEE Nru 112/2021

tad-19 ta’ Marzu 2021

li temenda l-Anness II (Regolamenti tekniċi, standards, testijiet u ċertifikazzjoni) tal-Ftehim dwar iż-ŻEE [2024/117]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (‘il-Ftehim dwar iż-ŻEE’), u b’mod partikolari l-Artikolu 98 tiegħu,

Billi:

(1)

Ir-Regolament ta’ Implimentazzjoni tal-Kummissjoni (UE) 2020/1093 tal-24 ta’ Lulju 2020 li jemenda r-Regolament ta’ Implimentazzjoni (UE) Nru 686/2012 li jalloka lill-Istati Membri, għall-finijiet tal-proċedura ta’ tiġdid, l-evalwazzjoni tas-sustanzi attivi li l-approvazzjoni tagħhom tiskadi bejn il-31 ta’ Marzu 2025 u s-27 ta’ Diċembru 2028 (1) għandu jiġi inkorporat fil-Ftehim dwar iż-ŻEE.

(2)	Jenħtieġ għalhekk, li l-Anness II tal-Ftehim dwar iż-ŻEE jiġi emendat skont dan,

ADOTTA DIN ID-DEĊIŻJONI:

Artikolu 1

L-inċiż li ġej jiżdied fil-punt 13zzze (ir-Regolament ta’ Implimentazzjoni tal-Kummissjoni (UE) Nru 686/2012) tal-Kapitolu XV tal-Anness II tal-Ftehim dwar iż-ŻEE:

“-	32020 R 1093: Ir-Regolament ta’ Implimentazzjoni tal-Kummissjoni (UE) 2020/1093 tal-24 ta’ Lulju 2020 (ĠU L 241, 27.7.2020, p. 13).”

Artikolu 2

It-test tar-Regolament ta’ Implimentazzjoni (UE) 2020/1093 bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fl-20 ta’ Marzu 2021, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.

Magħmul fi Brussell, id-19 ta’ Marzu 2021.

Għall-Kumitat Konġunt taż-ŻEE

Il-President

Clara GANSLANDT

(1) ĠU L 241, 27.7.2020, p. 13.

(*1) Ma huwa indikat l-ebda rekwiżit kostituzzjonali.