(1)

L-objettivi tal-politika komuni tas-sajd u r-rekwiżiti għall-kontroll u għall-infurzar tas-sajd huma stabbiliti fl-Artikoli 2 u 36 tar-Regolament (UE) Nru 1380/2013 tal-Parlament Ewropew u tal-Kunsill (3). L-implimentazzjoni b’suċċess tal-politika komuni tas-sajd tiddependi fuq sistema effettiva, effiċjenti, moderna u trasparenti ta’ kontroll u infurzar.

(2)

Ir-Regolament tal-Kunsill (KE) Nru 1224/2009 (4) stabbilixxa sistema ta’ kontroll tas-sajd tal-Unjoni li tipprevedi, fost l-oħrajn, ċentri ta’ monitoraġġ tas-sajd, it-traċċar ta’ bastimenti tas-sajd, obbligi ta’ rappurtar tal-qabdiet, notifiki minn qabel, awtorizzazzjonijiet għal trażbordi f’pajjiżi terzi, il-pubblikazzjoni ta’ deċiżjonijiet dwar l-għeluq tal-attivitajiet tas-sajd, il-kontroll tal-kapaċitajiet tas-sajd, programmi nazzjonali ta’ kontroll, il-kontroll tas-sajd rikreattiv, kontroll fil-katina tal-provvista ta’ prodotti tas-sajd u tal-akkwakultura, l-użin ta’ prodotti tas-sajd, dokumenti tat-trasport, dikjarazzjonijiet ta’ ħatt l-art, in-noti tal-bejgħ u d-dikjarazzjonijiet ta’ akkwiżizzjoni, spezzjonijiet u awditi, is-sanzjonar ta’ infrazzjonijiet u l-aċċess għad-data.

(3)

Madankollu, ir-Regolament (KE) Nru 1224/2009 ġie adottat qabel l-adozzjoni tar-Regolament (UE) Nru 1380/2013, għall-fini tal-kontroll u l-infurzar tar-regoli tal-politika komuni tas-sajd fis-seħħ dak iż-żmien. Għaldaqstant, jenħtieġ li jiġi emendat biex jindirizza aħjar ir-rekwiżiti għall-kontroll u għall-infurzar tal-politika komuni tas-sajd f’konformità mar-Regolament (UE) Nru 1380/2013, biex jieħu vantaġġ mit-teknoloġiji ta’ kontroll moderni u aktar kosteffiċjenti u jqis l-aktar sejbiet xjentifiċi reċenti biex jiġi żgurat li l-attivitajiet tas-sajd u tal-akkwakultura jkunu ambjentalment sostenibbli fuq medda twila ta’ żmien. Jenħtieġ li l-emendi jkunu konsistenti wkoll mal-obbligi internazzjonali tal-Unjoni, inkluż dawk skont il-Ftehim tal-2009 tal-Organizzazzjoni tal-Ikel u l-Agrikoltura dwar miżuri tal-Istat tal-port li jimpedixxu, jiskoraġġixxu u jeliminaw is-sajd illegali, mhux rappurtat u mhux regolat approvat mill-Unjoni bid-Deċiżjoni tal-Kunsill 2011/443/UE (5).

(4)

Barra minn hekk, jenħtieġ li s-sistema ta’ kontroll tas-sajd tal-Unjoni trawwem kompetizzjoni ġusta bejn l-operaturi fl-Istati Membri filwaqt li tikkontribwixxi wkoll għall-kisba tal-objettivi l-oħra tal-politika komuni tas-sajd.

(5)

Fir-Regolament (KE) Nru 1224/2009, jenħtieġ li ssir referenza għad-definizzjonijiet fir-Regolament (UE) Nru 1380/2013 u fir-Regolament (UE) Nru 1379/2013 tal-Parlament Ewropew u tal-Kunsill (6). Fl-interess taċ-ċarezza u tal-konsistenza, jenħtieġ li xi definizzjonijiet fir-Regolament (KE) Nru 1224/2009 jitħassru jew jiġu emendati u jenħtieġ li jiżdiedu definizzjonijiet ġodda.

(6)

Id-definizzjoni ta’ “regoli tal-politika komuni tas-sajd” jenħtieġ li tiġi emendata biex jiġi ċċarat li l-kamp ta’ applikazzjoni tagħha jkopri d-dritt kollu tal-Unjoni fl-oqsma tal-konservazzjoni, il-ġestjoni u l-isfruttament tar-riżorsi bijoloġiċi tal-baħar, l-akkwakultura, kif ukoll l-ipproċessar, it-trasport u l-kummerċjalizzazzjoni ta’ prodotti tas-sajd u tal-akkwakultura. Dak jinkludi regoli dwar il-miżuri tekniċi u ta’ konservazzjoni għal riżorsi bijoloġiċi tal-baħar, dwar il-ġestjoni u l-kontroll tal-flotot tal-Unjoni li jisfruttaw tali riżorsi, u dwar l-ipproċessar, it-trasport u l-kummerċjalizzazzjoni ta’ prodotti tas-sajd u tal-akkwakultura, kif ukoll is-sistema tal-Unjoni għall-prevenzjoni, l-iskoraġġiment u l-eliminazzjoni tas-sajd illegali, mhux irrappurtat u mhux irregolat (IUU). Jenħtieġ li dik id-definizzjoni tkopri wkoll l-obbligi internazzjonali f’dawk l-oqsma li huma vinkolanti fuq l-Unjoni u l-Istati Membri, inkluż, fir-rigward tal-operaturi, l-obbligi internazzjonali tal-Unjoni li jistgħu jiġu infurzati fuqhom.

(7)

Id-definizzjoni ta’ “data tas-sistema ta’ monitoraġġ tal-bastimenti” jenħtieġ li tiġi ssostitwita bit-terminu “data dwar il-pożizzjoni tal-bastimenti”, li huwa aktar preċiż. Id-definizzjoni ta’ “data dwar il-pożizzjoni tal-bastimenti” ma għandhiex tibqa’ tirreferi għat-trażmissjoni b’apparati bi traċċar satellitari, peress li hemm teknoloġiji differenti għat-traċċar tal-bastimenti u għat-trażmissjoni tad-data dwar il-pożizzjoni tal-bastimenti llum il-ġurnata.

(8)

Id-definizzjoni ta’ “lott” jenħtieġ li tiġi allinjata mad-definizzjoni ta’ “lott” stabbilita fil-liġi tal-Unjoni dwar l-ikel.

(9)

Id-definizzjoni ta’ “pjanijiet pluriennali” jenħtieġ li tiġi aġġornata biex tieħu inkunsiderazzjoni d-dispożizzjonijiet rilevanti tar-Regolament (UE) Nru 1380/2013.

(10)

Fid-definizzjonijiet ta’ “liċenzja tas-sajd”, “żona ristretta għas-sajd” u “sajd rikreattiv”, it-terminu “riżorsi akkwatiċi ħajjin” jenħtieġ li jiġi ssostitwit bit-terminu “riżorsi bijoloġiċi tal-baħar”, biex dawk id-definizzjonijiet jiġu allinjati mat-terminoloġija użata fir-Regolament (UE) Nru 1380/2013.

(11)

Sabiex tiġi żgurata l-konsistenza mar-regoli dwar il-miżuri tekniċi stabbiliti fir-Regolament (UE) 2019/1241 tal-Parlament Ewropew u tal-Kunsill (7), jenħtieġ li tiġi introdotta definizzjoni ta’ “speċijiet sensittivi”.

(12)

Sabiex jinftiehmu aħjar u jiġu evitati l-impatti negattivi tal-attivitajiet tas-sajd fuq speċijiet sensittivi, inkluż biex jitnaqqsu jew jiġu eliminati l-qabdiet inċidentali ta’ dawk l-ispeċijiet li huma mhedda bl-estinzjoni, jeħtieġ li jittejjeb il-ġbir ta’ data dwar il-qabdiet inċidentali ta’ speċijiet sensittivi. Għal dak l-għan, jenħtieġ li fil-ġurnal ta’ abbord dwar is-sajd tiġi rreġistrata informazzjoni addizzjonali dwar il-qabdiet inċidentali ta’ speċijiet sensittivi.

(13)

Filwaqt li l-biċċa l-kbira tad-dispożizzjonijiet tar-Regolament (KE) Nru 1224/2009 huma relatati ma’ bastimenti tal-qbid, sistema effettiva ta’ kontroll tas-sajd tal-Unjoni tirrikjedi li f’ċerti każijiet bastimenti oħra użati għall-isfruttament tar-riżorsi bijoloġiċi tal-baħar ikunu koperti wkoll. Għal dak l-għan, jenħtieġ li d-definizzjoni ta’ “bastiment tas-sajd” f’dak ir-Regolament tiġi ssostitwita b’definizzjoni aktar dettaljata li tispjega b’mod ċar li t-terminu jkopri bastiment tal-qbid kif ukoll kwalunkwe bastiment ieħor użat għall-isfruttament tar-riżorsi bijoloġiċi tal-baħar, li jinkludi bastimenti ta’ appoġġ, bastimenti ta’ proċessar tal-ħut, bastimenti involuti fit-trażbord, bastimenti tal-irmunkar, bastimenti awżiljarji u bastimenti trasportaturi użati għat-trasport ta’ prodotti tas-sajd, iżda li jeskludi bastimenti tal-kontejners u bastimenti użati esklużivament għall-akkwakultura. Barra minn hekk, jenħtieġ li tiġi introdotta definizzjoni ta’ “bastiment tal-qbid”.

(14)

Jenħtieġ li tiġi introdotta definizzjoni ta’ “operazzjoni tas-sajd” sabiex tiġi ċċarata t-tifsira tat-terminu u biex ikun hemm distinzjoni mit-terminu “attivitajiet tas-sajd”, li għandu ambitu usa’.

(15)

It-tħarrib hija prattika li biha l-ħut jiġi rilaxxat intenzjonalment mill-irkaptu tas-sajd qabel ma l-qabda tittella’ abbord, li tista’ tikkostitwixxi infrazzjoni tal-obbligu li speċijiet jittellgħu u jinżammu abbord soġġetti għall-obbligu ta’ ħatt. Għalhekk, jenħtieġ li tiġi introdotta definizzjoni ta’ “tħarrib”.

(16)

Jenħtieġ li d-dispożizzjonijiet dwar il-liċenzji u l-awtorizzazzjonijiet tas-sajd jiġu aġġornati u ċċarati. Sabiex jiġi żgurat kontroll komprensiv, jenħtieġ li l-bastimenti tas-sajd tal-Unjoni għajr il-bastimenti tal-qbid ma jitħallewx iwettqu attivitajiet tas-sajd sakemm ma jkunux ġew awtorizzati jagħmlu dan mill-Istat Membru tal-bandiera tagħhom. Għalhekk, jenħtieġ li tiġi introdotta dispożizzjoni ġdida dwar l-awtorizzazzjonijiet tas-sajd għall-bastimenti tas-sajd tal-Unjoni għajr il-bastimenti tal-qbid.

(17)

Irkaptu tas-sajd abbandunat, mitluf jew skartat mod ieħor, b’mod partikolari dak magħmul mill-plastik, jikkostitwixxi waħda mill-aktar forom dannużi ta’ skart fil-baħar, kif ukoll tal-iskart tal-plastik fil-baħar. Sabiex jitnaqqas l-impatt fit-tul u sinifikanti tal-irkaptu tas-sajd abbandunat, mitluf jew skartat mod ieħor fuq il-ħajja u l-ekosistemi tal-baħar, huwa essenzjali li jiġi żgurat li l-irkaptu tas-sajd, fi tmiem iċ-ċiklu tal-ħajja tiegħu, jinġieb lura fix-xatt għat-trattament fil-faċilitajiet tal-akkoljenza fil-portijiet stabbiliti għal dak l-għan skont id-Direttiva (UE) 2019/883 tal-Parlament Ewropew u tal-Kunsill (8). Dak jippermetti wkoll lill-Istati Membri jirrappurtaw lill-Kummissjoni dwar l-iskart tal-irkaptu tas-sajd, inkluż l-irkaptu fi tmiem iċ-ċiklu tal-ħajja tiegħu, li jiġbru kull sena skont id-Direttiva (UE) 2019/904 tal-Parlament Ewropew u tal-Kunsill (9). Għal dak l-għan, jenħtieġ li tiġi prevista l-possibbiltà li jiġu adottati proċeduri biex jiġi żgurat li l-kaptani tal-bastimenti tas-sajd tal-Unjoni jinnotifikaw l-irkaptu tas-sajd tagħhom fi tmiem il-ħajja lill-awtoritajiet kompetenti u jirritornawh fil-faċilitajiet tal-akkoljenza fil-portijiet jew f’sistemi ta’ ġbir ekwivalenti oħra.

(18)

Sabiex jiġi żgurat li l-attivitajiet tas-sajd ikunu sostenibbli għall-ambjent fit-tul, u biex jiġi evitat riskju serju għall-ekosistemi tal-baħar, għall-bijodiversità u għas-saħħa tal-bniedem ikkawżat mir-rimi illegali fil-baħar tal-irkaptu tas-sajd u rkaptu jew inġenji oħra użati fis-sajd, b’mod partikolari rkaptu magħmul mill-plastik, jenħtieġ li dan ir-rimi mill-bastimenti tas-sajd jitqies bħala infrazzjoni serja skont ir-Regolament (KE) Nru 1224/2009.

(19)

Is-sajd fuq skala żgħira jaqdi rwol importanti fl-Unjoni, minn perspettiva bijoloġika, ekonomika u soċjali. Fid-dawl tal-impatti possibbli tas-sajd fuq skala żgħira fuq l-istokkijiet, huwa importanti li jiġi żgurat li l-attivitajiet tas-sajd u l-isforz tas-sajd ta’ bastimenti iżgħar ikunu konformi mar-regoli tal-politika komuni tas-sajd. Għalhekk, jenħtieġ li l-Istati Membri jkunu jistgħu jittraċċaw il-bastimenti tas-sajd kollha, inkluż il-bastimenti tas-sajd b’tul totali ta’ inqas minn 12-il metru, u li jirċievu data dwar il-pożizzjoni mingħandhom f’intervalli regolari u qosra biżżejjed. Sabiex jiġi ffaċilitat aktar l-użu ta’ sistemi ta’ traċċar għal bastimenti ta’ skala żgħira, jenħtieġ li l-Kummissjoni tiżviluppa, fuq talba ta’ Stat Membru wieħed jew aktar, sistema ta’ traċċar għall-bastimenti b’tul totali ta’ inqas minn 12-il metru. Madankollu, jenħtieġ li l-Istati Membri jkunu jistgħu jeżentaw ċerti bastimenti ta’ skala żgħira mill-obbligu ta’ traċċar matul perjodu ta’ żmien limitat, sabiex ikun hemm żmien ta’ tħejjija suffiċjenti biex jintużaw għodod ġodda għal dawk il-bastimenti. Fi kwalunkwe każ, jenħtieġ li l-implimentazzjoni ta’ dawk il-miżuri tkun ibbilanċjata u proporzjonata mal-objettivi segwiti u li ma tinvolvix piż eċċessiv għall-flotta, speċjalment il-flotta fuq skala żgħira li tista’ tibbenefika minn għajnuna skont il-Fond Ewropew għall-Affarijiet Marittimi, is-Sajd u l-Akkwakultura stabbilit bir-Regolament (UE) 2021/1139 tal-Parlament Ewropew u tal-Kunsill (10).

(20)

Skont l-Artikolu 32(2) u l-Artikolu 38(1) tar-Regolament (UE) 2017/2403 tal-Parlament Ewropew u tal-Kunsill (11), bastiment tas-sajd ta’ pajjiż terz awtorizzat biex jistad fl-ilmijiet tal-Unjoni għandu jikkonforma mar-regoli ta’ kontroll li jirregolaw l-operazzjonijiet tas-sajd tal-bastimenti tal-Unjoni, inkluż ir-regoli relatati mas-sistema ta’ monitoraġġ tal-bastimenti. Sabiex jiġi żgurat kontroll komprensiv, l-obbligu li jkun hemm installat abbord apparat ta’ monitoraġġ tal-bastimenti li jaħdem għalkollox li jippermetti li bastiment jiġi lokalizzat u identifikat awtomatikament minn sistema ta’ monitoraġġ tal-bastimenti, li tagħmel parti minn dawk ir-regoli ta’ kontroll, jenħtieġ li japplika għall-bastimenti tas-sajd kollha ta’ pajjiżi terzi awtorizzati biex iwettqu attivitajiet tas-sajd fl-ilmijiet tal-Unjoni, inkluż dawk li jwettqu attivitajiet tas-sajd għajr operazzjonijiet tas-sajd u li ma jaqgħux fil-kamp ta’ applikazzjoni tar-Regolament (UE) 2017/2403.

(21)

Biex jiġi ċċarat ir-rwol taċ-ċentri ta’ monitoraġġ tas-sajd, jenħtieġ li d-dispożizzjonijiet tar-Regolament (KE) Nru 1224/2009 li jikkonċernaw dawk iċ-ċentri jitqiegħdu f’Artikolu separat.

(22)

Għall-finijiet ta’ kontroll u sorveljanza effettivi tas-sajd fl-Unjoni, jenħtieġ li ċ-ċentri ta’ monitoraġġ tas-sajd ikunu meħtieġa jkollhom biżżejjed persunal u jkunu mgħammra kif xieraq u jkollhom fis-seħħ tal-inqas sistema awtomatika ta’ twissijiet u/jew dmirijiet ta’ xogħol fuq talba matul is-sigħat mhux tax-xogħol.

(23)

Jenħtieġ li jiġu speċifikati r-regoli dwar l-użu ta’ sistemi awtomatiċi ta’ identifikazzjoni (AIS - automatic identification system) għall-bastimenti tas-sajd tal-Unjoni. Sabiex jitqiesu ċ-ċirkostanzi eċċezzjonali relatati mas-sikurezza jew mas-sigurtà tal-ekwipaġġ ta’ bastiment tas-sajd, jenħtieġ li tiġi prevista deroga mill-obbligu li l-AIS tinżamm operattiva l-ħin kollu msemmija fl-Artikolu 6a tad-Direttiva 2002/59/KE tal-Parlament Ewropew u tal-Kunsill (12), taħt ċerti kondizzjonijiet.

(24)

Ir-Regolament (KE) Nru 1224/2009 ġie emendat bir-Regolament (UE) 2015/812 tal-Parlament Ewropew u tal-Kunsill (13) sabiex uħud mid-dispożizzjonijiet tiegħu jiġu allinjati mal-obbligu ta’ ħatt l-art stabbilit fir-Regolament (UE) Nru 1380/2013. Sabiex tiġi żgurata l-effettività tas-sistema ta’ kontroll tas-sajd tal-Unjoni, b’mod partikolari fir-rigward tal-monitoraġġ tal-konformità mal-obbligu ta’ ħatt l-art, jeħtieġ li, abbażi ta’ valutazzjoni tar-riskju, ċerti bastimenti tal-qbid jiġu mgħammra b’sistemi ta’ monitoraġġ elettroniku mill-bogħod (REM - remote electronic monitoring) abbord. Jenħtieġ li dawk is-sistemi jinkludu kameras tat-televiżjoni b’ċirkwit magħluq (CCTV). Id-data tas-CCTV ma għandhiex tixxandar dirett. Sabiex jiġi ssalvagwardjat id-dritt għall-privatezza u l-protezzjoni tad-data personali, jenħtieġ li r-reġistrazzjoni ta’ materjal vidjo permezz tas-CCTV tkun permessa biss fir-rigward tal-irkaptu u ta’ dawk il-partijiet tal-bastimenti fejn il-prodotti tas-sajd jittellgħu abbord, jiġu mmaniġġjati u jinħażnu jew fejn jista’ jseħħ rimi. Jenħtieġ li l-attività tar-reġistrazzjoni tkun limitata għal dawk is-sitwazzjonijiet fejn l-irkaptu jitħaddem b’mod attiv, bħall-kalar tal-irkaptu jew l-irfigħ jew it-tneħħija tal-irkaptu mill-ilma, u fejn il-qabda tittella’ abbord u tiġi mmaniġġjata mill-ekwipaġġ jew fejn jista’ jseħħ rimi. Il-possibbiltà li jiġu identifikati persuni individwali fil-materjal vidjo rreġistrat jenħtieġ li tkun limitata kemm jista’ jkun possibbli, u fejn meħtieġ id-data jenħtieġ li tiġi anonimizzata. Sabiex jiġu żgurati ċ-ċarezza u l-konsistenza, jenħtieġ li jiġu stabbiliti regoli dwar l-aċċess mill-awtoritajiet kompetenti għad-data minn dawk is-sistemi REM. Jenħtieġ li l-filmat mis-CCTV jitqiegħed għad-dispożizzjoni esklużivament għall-finijiet ta’ kontroll u spezzjoni stabbiliti fir-Regolament (KE) Nru 1224/2009, għall-awtoritajiet speċifikati f’dak ir-Regolament.

(25)

Biex jiġi ffaċilitat l-użu tas-sistemi REM fuq bażi volontarja, jenħtieġ li l-Istati Membri jitħallew jipprovdu inċentivi għal dak l-għan.

(26)

Sabiex jintlaħqu l-objettivi tal-politika komuni tas-sajd, l-affidabbiltà u l-ġbir komprensiv tad-data dwar il-qabdiet huma ta’ importanza assoluta.

(27)

Is-sottomissjoni tad-data dwar ir-reġistrazzjoni tal-qabdiet f’format stampat wasslet għal rappurtar inkomplut u inaffidabbli u, finalment, għal rappurtar inadegwat tal-qabdiet mill-operaturi lill-Istati Membri u mill-Istati Membri lill-Kummissjoni, u xekklet l-iskambju ta’ informazzjoni bejn l-Istati Membri. Għaldaqstant, hu meqjus neċessarju li l-kaptani jirreġistraw id-data dwar il-qabdiet b’mod diġitalizzat u jissottomettuha b’mezzi elettroniċi, b’mod partikolari l-ġurnali ta’ abbord dwar is-sajd, id-dikjarazzjonijiet tat-trażbord u d-dikjarazzjonijiet ta’ ħatt l-art.

(28)

Sabiex jiġi ffaċilitat il-kontroll tal-implimentazzjoni tal-pjanijiet pluriennali, jenħtieġ li l-qabdiet tal-istokkijiet tal-ħut tal-qiegħ soġġetti għal dawn il-pjanijiet jiġu stivati separatament, sabiex l-istokkijiet differenti maqbuda jkunu jistgħu jiġu identifikati faċilment abbord il-bastiment tas-sajd għal finijiet ta’ spezzjoni. Madankollu, l-introduzzjoni ta’ aktar pjanijiet pluriennali żiedet il-każijiet fejn, f’ċerti ċirkostanzi, jista’ jkun diffiċli li l-kaptani jissodisfaw dak l-obbligu, minħabba raġunijiet bħal spazju limitat ta’ ħżin abbord, ħafna speċijiet fi kwantitajiet żgħar miżmuma abbord, qabdiet miżmuma abbord f’tankijiet tal-ilma baħar imkessħin, l-għadd ta’ stokkijiet differenti maqbuda f’ċertu sajd, jew minħabba tħassib għas-sikurezza tal-ekwipaġġ. Għal każijiet bħal dawn, jenħtieġ li jkun hemm il-possibbiltà li jiġu previsti eżenzjonijiet mill-obbligu li l-qabdiet jiġu stivati separatament.

(29)

In-nuqqas ta’ obbligi ta’ rapportar tal-qabdiet għall-kaptani ta’ bastimenti b’tul totali ta’ inqas minn 10 metri wasslet għal data inkompluta u inaffidabbli dwar ir-reġistrazzjoni tal-qabdiet għal dawn il-bastimenti, peress li l-ġbir tad-data għal dawk il-bastimenti kien prinċipalment ibbażat fuq pjanijiet ta’ kampjunar. Għalhekk, huwa importanti li jkun meħtieġ ir-rappurtar tal-qabdiet għall-bastimenti tas-sajd kollha irrispettivament mid-daqs tagħhom. B’dak il-mod, ir-regoli ser jiġu ssimplifikati wkoll, u l-konformità u l-kontroll ser jittejbu.

(30)

Bl-għan li tittejjeb l-effettività tal-kontroll, huwa importanti li l-informazzjoni fil-ġurnal ta’ abbord dwar is-sajd tkun aktar dettaljata, u li għalhekk tinkludi, fil-każ ta’ bastimenti tal-qbid b’tul totali ta’ 12-il metru jew aktar, data dwar il-qabdiet għal kull operazzjoni tas-sajd. Fil-każ ta’ bastimenti tal-qbid b’tul totali ta’ inqas minn 12-il metru, jenħtieġ li l-ġurnal elettroniku ta’ abbord dwar is-sajd u t-trażmissjoni tal-informazzjoni inkluża fih ma jwasslux għal piż sproporzjonat fuq il-kaptani ta’ dawk il-bastimenti. Għaldaqstant, fil-każ ta’ bastimenti tal-qbid b’tul totali ta’ inqas minn 12-il metru, jenħtieġ li l-kaptani jkunu meħtieġa biss jissottomettu l-informazzjoni li tinsab fil-ġurnal ta’ abbord dwar is-sajd, wara li tkun tlestiet l-aħħar operazzjoni tas-sajd u qabel ma jibda ħatt l-art.

(31)

Jenħtieġ li l-kaptani ta’ bastimenti tal-qbid tal-Unjoni b’tul totali ta’ inqas minn 12-il metru jkollhom il-possibbiltà li jimlew u jissottomettu l-ġurnal elettroniku ta’ abbord dwar is-sajd b’mezzi simplifikati.

(32)

Sabiex jiġu ffaċilitati l-implimentazzjoni u l-użu tal-ġurnali elettroniċi ta’ abbord dwar is-sajd għall-bastimenti kollha, jenħtieġ li l-Kummissjoni tiżviluppa, fuq talba ta’ Stat Membru wieħed jew aktar, sistema għar-reġistrazzjoni u r-rappurtar tal-qabdiet għall-bastimenti tal-qbid b’tul totali ta’ inqas minn 12-il metru, adattata għaċ-ċirkostanzi speċifiċi ta’ bastimenti iżgħar.

(33)

Sabiex jissaħħaħ il-kontroll tal-qabdiet ta’ speċijiet sensittivi, jenħtieġ li fil-ġurnal ta’ abbord dwar is-sajd tiġi rreġistrata informazzjoni addizzjonali dwar ir-rimi ta’ speċijiet bħal dawn.

(34)

Jenħtieġ li d-dispożizzjonijiet dwar il-marġni ta’ tolleranza fl-istimi fil-ġurnal ta’ abbord dwar is-sajd tal-kwantitajiet ta’ ħut miżmuma abbord jiġu emendati biex jiġu indirizzati l-isfidi biex tingħata stima preċiża tal-qabdiet skont l-ispeċi għal kwantitajiet iżgħar ta’ qabdiet, u għal ħatt l-art mhux imqassam minn sajd ta’ ħut pelaġiku żgħir, sajd industrijali u sajd għat-tonn tropikali bit-tartarun tal-borża. L-istess emendi jenħtieġ li jsiru għad-dispożizzjonijiet dwar il-marġni ta’ tolleranza fid-dikjarazzjoni tat-trażbord. Fir-rigward tad-derogi mogħtija għal ħatt l-art mhux imqassam minn sajd ta’ ħut pelaġiku żgħir, sajd industrijali u sajd għat-tonn tropikali bit-tartarun tal-borża, jenħtieġ li l-Kummissjoni tingħata setgħat ta’ implimentazzjoni biex tipprovdi aktar dettalji dwar kundizzjonijiet uniformi relatati ma’ ħatt l-art u l-użin ta’ prodotti tas-sajd fil-portijiet elenkati, bħall-involviment ta’ partijiet terzi indipendenti u akkreditati li jistgħu jiggarantixxu l-preċiżjoni tar-rappurtar tal-qabdiet ma’ ħatt l-art jew rekwiżiti għall-operazzjonijiet ta’ kampjunar u ta’ użin. Jenħtieġ li dawk il-kundizzjonijiet jiżguraw kontroll adegwat fuq dawn l-operazzjonijiet. Jenħtieġ li l-Kummissjoni, permezz ta’ atti ta’ implimentazzjoni, tadotta l-lista ta’ portijiet li jissodisfaw dawk il-kundizzjonijiet uniformi. L-istess jista’ japplika wkoll għall-elenkar tal-portijiet f’pajjiżi terzi, inkluż portijiet magħżula fil-qafas tal-organizzazzjonijiet reġjonali tal-ġestjoni tas-sajd, dment li l-kontroll meħtieġ mill-awtoritajiet kompetenti rilevanti tal-pajjiż terz ikkonċernat u l-kooperazzjoni magħhom jiġu żgurati.

(35)

Meta bastiment tal-qbid isalpa, jenħtieġ li dan minnufih jibda ġurnal elettroniku ta’ abbord dwar is-sajd u jenħtieġ li għal dak il-vjaġġ jiġi assenjat numru ta’ identifikazzjoni uniku tal-vjaġġ tas-sajd. Il-ġurnal ta’ abbord dwar is-sajd, id-dikjarazzjonijiet tat-trażbord u d-dikjarazzjonijiet ta’ ħatt l-art jenħtieġ li jinkludu referenza għal dak in-numru ta’ identifikazzjoni uniku tal-vjaġġ tas-sajd biex ikun jista’ jsir kontroll aħjar u titjieb il-validazzjoni tad-data mill-Istati Membri u t-traċċabilità tal-prodotti tas-sajd fil-katina ta’ provvista.

(36)

Biex tittejjeb u tiġi ssimplifikata t-trażmissjoni ta’ informazzjoni dwar l-irkaptu tas-sajd u t-telf ta’ rkaptu tas-sajd lill-awtoritajiet kompetenti tal-Istati Membri, il-ġurnal ta’ abbord dwar is-sajd jenħtieġ li jinkludi informazzjoni dwar l-irkaptu tas-sajd u l-irkaptu tas-sajd mitluf. Jenħtieġ li l-Kummissjoni tippubblika fuq is-sit web tagħha, fuq bażi annwali, ġabra ta’ informazzjoni dwar l-irkaptu tas-sajd mitluf ipprovduta mill-Istat Membru.

(37)

Ir-Regolament (UE) 2017/2403 jistabbilixxi regoli għal bastimenti tas-sajd ta’ pajjiżi terzi li jwettqu operazzjonijiet tas-sajd fl-ilmijiet tal-Unjoni. Skont l-Artikolu 38(1) ta’ dak ir-Regolament, bastimenti tas-sajd ta’ pajjiżi terzi awtorizzati li jistadu fl-ilmijiet tal-Unjoni għandhom jikkonformaw mar-regoli ta’ kontroll li jirregolaw l-operazzjonijiet tas-sajd tal-bastimenti tal-Unjoni fiż-żona tas-sajd li joperaw fiha. Biex tiġi evitata r-ripetizzjoni u tiġi żgurata ċ-ċarezza, jenħtieġ li jitħassru xi dispożizzjonijiet tar-Regolament (KE) Nru 1224/2009 li speċifikament jistabbilixxu regoli għal bastimenti tas-sajd ta’ pajjiżi terzi.

(38)

In-notifika minn qabel ta’ ħatt l-art tippermetti li jsir kontroll aħjar tal-konformità mar-regoli dwar ir-reġistrazzjoni tal-qabdiet u l-attivitajiet tas-sajd. Biex titjieb il-konformità mar-regoli dwar ir-reġistrazzjoni tal-qabdiet, jenħtieġ li d-dispożizzjonijiet dwar in-notifiki minn qabel japplikaw għall-bastimenti kollha b’tul totali ta’ 12-il metru jew aktar u mhux biss għal bastimenti tas-sajd li jistadu għall-istokkijiet skont il-pjanijiet pluriennali. Madankollu, jenħtieġ li jkun possibbli għall-Istati Membri kostali li jistabbilixxu perjodu iqsar għan-notifika minn qabel għal ċerti kategoriji ta’ bastimenti, dment li dan ma jxekkilx il-kapaċità tal-awtoritajiet kompetenti tagħhom li jispezzjonaw il-bastimenti malli jaslu.

(39)

Il-bastimenti tas-sajd tal-Unjoni li jħottu l-art prodotti tas-sajd f’pajjiżi terzi jenħtieġ li jissottomettu notifika minn qabel lill-Istati Membri tal-bandiera tagħhom. Il-bastimenti tas-sajd tal-Unjoni li jittrażbordaw prodotti tas-sajd fl-ilmijiet ta’ pajjiżi terzi jew fl-ibħra internazzjonali jenħtieġ li jiksbu awtorizzazzjoni mingħand l-Istati Membri tal-bandiera tagħhom. Tali notifiki minn qabel u awtorizzazzjonijiet huma meħtieġa, b’kont meħud tar-responsabbiltajiet tal-Istati Membri tal-bandiera relatati mal-prevenzjoni ta’ prodotti tas-sajd li joriġinaw minn sajd IUU milli jidħlu fis-swieq internazzjonali.

(40)

Jenħtieġ li d-dispożizzjonijiet dwar ir-reġistrazzjoni tad-data dwar il-qabdiet u l-isforz tas-sajd mill-Istati Membri jiġu emendati biex jinkludu data li tinsab fir-rekords tal-użin, fid-dikjarazzjonijiet ta’ akkwiżizzjoni u fid-dokumenti tat-trasport.

(41)

Jenħtieġ li r-regoli dwar is-sottomissjoni ta’ data aggregata dwar il-qabdiet u tal-isforz tas-sajd lill-Kummissjoni jiġu ssimplifikati billi tiġi prevista data waħda għas-sottomissjonijiet kollha.

(42)

Sabiex jiġi żgurat li l-Kummissjoni tingħata l-aktar data preċiża dwar il-qabdiet, jenħtieġ li l-Istati Membri jikkoreġu d-data aggregata sottomessa lill-Kummissjoni meta qabel ikunu ssottomettew biss stimi, meta jidentifikaw inkonsistenzi wara li jkunu vvalidaw id-data, jew meta l-Kummissjoni tidentifika inkonsistenzi.

(43)

Jenħtieġ li jiġi ċċarat li l-qabdiet ta’ speċi, stokk jew grupp ta’ stokkijiet li huma soġġetti għal kwota għandhom jinqatgħu mill-kwota applikabbli għall-Istati Membri kkonċernati meta dan ikun meħtieġ skont l-Artikolu 15 tar-Regolament (UE) Nru 1380/2013.

(44)

Dispożizzjonijiet li jikkonċernaw il-pubblikazzjoni mill-Kummissjoni ta’ deċiżjoni biex jingħalqu l-attivitajiet tas-sajd meta kwota tkun ġiet eżawrita jew meta jintlaħaq l-isforz tas-sajd massimu permissibbli jenħtieġ li jiġu ssimplifikati, biex dan l-għeluq ikun jista’ jiġi ppubblikat fi żmien xieraq. Barra minn hekk, jenħtieġ li dawk id-dispożizzjonijiet ikunu armonizzati mad-dispożizzjonijiet dwar l-obbligu ta’ ħatt l-art stabbilit fir-Regolament (UE) Nru 1380/2013.

(45)

Jenħtieġ li d-dispożizzjonijiet dwar il-kapaċità tas-sajd jiġu aġġornati biex jirreferu għar-Regolament (UE) Nru 1380/2013.

(46)

Jekk bastimenti tal-qbid joperaw b’magna li l-qawwa tagħha taqbeż il-qawwa ċċertifikata tal-magna kif iddikjarata fil-liċenzja tas-sajd u kif irreġistrata fir-reġistru tal-flotta tas-sajd tal-Unjoni, huwa impossibbli li tiġi żgurata l-konformità mal-limiti massimi tal-kapaċità stabbiliti fir-Regolament (UE) Nru 1380/2013. Għalhekk, jenħtieġ li d-dispożizzjonijiet li jikkonċernaw il-verifika tal-qawwa tal-magna jiġu ċċarati. Barra minn hekk, huwa importanti li tiġi prevista l-possibbiltà li tiġi kkontrollata b’mod effettiv il-qawwa tal-magna ta’ ċerti bastimenti tal-qbid li jippreżentaw riskju għoli ta’ nuqqas ta’ konformità mar-regoli tal-politika komuni tas-sajd dwar il-qawwa tal-magna jew li joperaw f’żoni speċifiċi, pereżempju permezz ta’ apparati li jimmonitorjaw il-qawwa tal-magna fuq bażi kontinwa. Barra minn hekk, jenħtieġ li jiġu ssimplifikati d-dispożizzjonijiet li jikkonċernaw il-verifika tat-tunnellaġġ tal-bastimenti tal-qbid għall-finijiet tal-kontroll tal-kapaċità.

(47)

Biex tiġi żgurata konformità mar-regoli tal-politika komuni tas-sajd, kull Stat Membru għandu jkun meħtieġ jistabbilixxi u jaġġorna b’mod regolari programm nazzjonali annwali jew pluriennali ta’ kontroll li jkopri r-regoli kollha tal-politika komuni tas-sajd. Jenħtieġ li l-Istati Membri jiżguraw li l-kontroll jitwettaq abbażi ta’ analiżi tar-riskju ta’ nuqqas ta’ konformità.

(48)

Sabiex tiġi żgurata t-trasparenza fir-rigward tal-kontroll u l-ispezzjoni tas-sajd, jenħtieġ li kull Stat Membru jippubblika rapport annwali darba fis-sena fuq is-sit web tiegħu li jinkludi ċerta informazzjoni minima kif previst fir-Regolament (KE) Nru 1224/2009, bħal data dwar ir-riżorsi disponibbli għall-kontroll u l-ispezzjonijiet, il-kontroll u l-ispezzjonijiet imwettqa, l-infrazzjonijiet identifikati u kkonfermati u s-sanzjonijiet imposti. Kull sena, jenħtieġ li l-Kummissjoni tippubblika ġabra tal-informazzjoni rilevanti rrappurtata mill-Istati Membri.

(49)

Sabiex ikun hemm aktar ċarezza, huwa xieraq li tiġi emendata d-definizzjoni ta’ “żona ristretta għas-sajd”. Jenħtieġ li dik id-definizzjoni tkopri żoni tal-baħar speċifiċi ddefiniti ġeografikament f’baċir tal-baħar wieħed jew aktar, inkluż żoni tal-baħar protetti, fejn l-attivitajiet tas-sajd kollha jew ċerti attivitajiet tas-sajd ikunu ristretti jew ipprojbiti fuq bażi temporanja jew permanenti sabiex tittejjeb il-konservazzjoni tar-riżorsi bijoloġiċi tal-baħar jew il-protezzjoni tal-ekosistemi tal-baħar skont ir-regoli tal-politika komuni tas-sajd, bħal dawk imsemmija fl-Artikoli 12, 17 u 21 u fl-Anness II, il-Parti C tal-Annessi V sa VIII, il-Parti B tal-Anness XI u l-Partijiet C u D tal-Anness XII għar-Regolament (UE) 2019/1241, u fir-Regolament (UE) 2023/2124 tal-Parlament Ewropew u tal-Kunsill (14) u żoni simili stabbiliti f’regoli oħra tal-politika komuni tas-sajd. Barra minn hekk, jenħtieġ li r-regoli dwar il-kontroll f’żoni ristretti għas-sajd jittejbu, fosthom billi tintalab il-pubblikazzjoni tal-lista taż-żoni ristretti għas-sajd u r-restrizzjonijiet korrispondenti mill-Istati Membri fuq is-siti web uffiċjali tagħhom.

(50)

Attivitajiet li jikkonsistu fl-isfruttament kummerċjali tar-riżorsi bijoloġiċi tal-baħar mingħajr l-użu ta’ bastiment tal-qbid jaqgħu fl-ambitu tal-politika komuni tas-sajd. Attivitajiet bħal dawn jinkludu, pereżempju, il-ġbir ta’ frott tal-baħar bil-qoxra, is-sajd taħt l-ilma, is-sajd fis-silġ u s-sajd mix-xatt, inkluż is-sajd tal-miexi. Għalhekk, sabiex il-kontroll ta’ dawn l-attivitajiet jiġi armonizzat madwar l-Unjoni, jenħtieġ li fir-Regolament (KE) Nru 1224/2009 tiġi introdotta definizzjoni ta’ “sajd mingħajr bastiment” u miżuri speċifiċi ta’ kontroll għal dawn l-attivitajiet, filwaqt li jitqiesu, fejn ikun meħtieġ, l-ispeċifiċitajiet ta’ dak is-sajd, inkluż l-ispeċifiċitajiet reġjonali.

(51)

Is-sajd rikreattiv għandu rwol importanti fl-Unjoni minn perspettiva bijoloġika, ekonomika u soċjali. Meta jitqiesu l-impatti sinifikanti tas-sajd rikreattiv fuq ċerti stokkijiet, hemm bżonn li jiġu stabbiliti dispożizzjonijiet speċifiċi li jippermettu li jsir kontroll effettiv tas-sajd rikreattiv mill-Istati Membri , inkluż sistema xierqa ta’ sanzjonijiet fil-każ ta’ nuqqas ta’ konformità. Il-ġbir ta’ data affidabbli dwar il-qabdiet minn ċertu sajd rikreattiv huwa meħtieġ biex l-Istati Membri u l-Kummissjoni jingħataw l-informazzjoni meħtieġa għal ġestjoni u kontroll effettivi tar-riżorsi bijoloġiċi tal-baħar. Għal dak l-għan, jenħtieġ li l-Istat Membru jkollu sistema fis-seħħ biex jikkontrolla b’mod effettiv il-qabdiet f’ċertu sajd rikreattiv, li jinkludi attivitajiet mhux kummerċjali mwettqa minn persuni individwali b’bastimenti tas-sajd jew attivitajiet organizzati minn entitajiet kummerċjali fis-setturi tat-turiżmu jew tal-kompetizzjonijiet sportivi.

(52)

Diġà ġew stabbiliti għadd ta’ miżuri ta’ konservazzjoni speċifiċi applikabbli għas-sajd rikreattiv skont il-politika komuni tas-sajd, b’mod partikolari fir-regolamenti tal-Kunsill li jistabbilixxu l-opportunitajiet tas-sajd għal ċerti stokkijiet ta’ ħut jew gruppi ta’ stokkijiet tal-ħut. Il-miżuri ta’ konservazzjoni speċifiċi diġà applikati jinkludu limiti tal-qabda u projbizzjonijiet fuq is-sajd f’ċerti perjodi jew, f’ċerti żoni jew b’ċertu rkaptu. Il-konservazzjoni ta’ speċijiet partikolari tista’ tirrikjedi l-użu ta’ miżuri oħra fil-futur minbarra dawk diġà applikati. L-infurzar tal-miżuri ta’ konservazzjoni applikabbli għas-sajd rikreattiv jirrikjedi l-istabbiliment ta’ miżuri ta’ kontroll xierqa.

(53)

Bl-eċċezzjoni tal-projbizzjoni fuq il-kummerċjalizzazzjoni jew il-bejgħ tal-qabdiet mis-sajd rikreattiv, li għandha tiġi infurzata mill-Istati Membri kollha, jenħtieġ li r-regoli dwar il-kontroll tas-sajd rikreattiv japplikaw għall-Istati Membri kostali biss.

(54)

Jenħtieġ li d-dispożizzjonijiet dwar il-kontroll fil-katina ta’ provvista jiġu ċċarati biex l-Istati Membri jwettqu kontroll u spezzjonijiet fl-istadji kollha tal-kummerċjalizzazzjoni tal-prodotti tas-sajd u tal-akkwakultura, mill-ewwel bejgħ sal-bejgħ bl-imnut, inkluż it-trasport u l-catering.

(55)

Sabiex jittejjeb il-kontroll tal-kummerċjalizzazzjoni tal-prodotti tas-sajd u tal-akkwakultura, jenħtieġ li r-regoli dwar it-tqegħid ta’ dawk il-prodotti f’lottijiet u dwar it-tgħaqqid u l-qsim tal-lottijiet jiġu ċċarati u aġġornati.

(56)

F’konformità mar-rekwiżiti ta’ traċċabilità stabbiliti fl-Artikolu 18 tar-Regolament (KE) Nru 178/2002 tal-Parlament Ewropew u tal-Kunsill (15), ir-Regolament ta’ Implimentazzjoni tal-Kummissjoni (UE) Nru 931/2011 (16) jistabbilixxi ċerti regoli dwar it-traċċabilità għas-settur speċifiku tal-ikel li joriġina mill-annimali, jiġifieri li sett speċifiku ta’ informazzjoni jrid jinżamm irreġistrat mill-operaturi, jitqiegħed għad-dispożizzjoni tal-awtoritajiet kompetenti fuq talba, u jiġi ttrasferit lill-operatur li lilu jiġi fornut il-prodott tas-sajd jew tal-akkwakultura. It-traċċabilità hija importanti mhux biss għall-finijiet ta’ sikurezza alimentari iżda anki biex ikun jista’ jsir il-kontroll, tiġi żgurata l-protezzjoni tal-interessi tal-konsumaturi, jiġi miġġieled is-sajd IUU u jingħata kontribut biex tiġi żgurata kompetizzjoni ġusta.

(57)

Għalhekk huwa xieraq li bħala bażi jintużaw ir-regoli eżistenti dwar it-traċċabilità kif stabbiliti fl-Artikolu 18 tar-Regolament (KE) Nru 178/2002 u fir-Regolament ta’ Implimentazzjoni (UE) Nru 931/2011. Sett speċifiku ta’ informazzjoni dwar il-prodotti tas-sajd u tal-akkwakultura jenħtieġ li jinżamm irreġistrat mill-operaturi, jitqiegħed għad-dispożizzjoni tal-awtoritajiet kompetenti fuq talba, u jiġi ttrasferit lill-operatur li lilu jiġu fornuti l-prodotti tas-sajd u tal-akkwakultura. Fil-każ ta’ prodotti tas-sajd li mhumiex importati, jenħtieġ li dik l-informazzjoni dwar it-traċċabilità tinkludi n-numru/i ta’ identifikazzjoni uniku/uniċi tal-vjaġġ tas-sajd peress li dan ser jagħmilha possibbli li lott speċifiku ta’ prodotti tas-sajd jintrabat ma’ ħatt l-art partikolari minn bastiment tas-sajd tal-Unjoni jew minn diversi bastimenti tas-sajd tal-Unjoni fl-istess żona ġeografika rilevanti. Fil-każ ta’ sajd mingħajr bastiment, jenħtieġ li l-informazzjoni tinkludi n-numru/i ta’ identifikazzjoni uniku/uniċi tal-jum tas-sajd.

(58)

F’konformità mar-Regolament ta’ Implimentazzjoni (UE) Nru 931/2011, jenħtieġ li l-informazzjoni dwar it-traċċabilità rilevanti għall-kontroll tal-prodotti tas-sajd u tal-akkwakultura tkun disponibbli mill-ewwel bejgħ sal-istadju tal-bejgħ bl-imnut. B’mod partikolari, din ser tagħmilha possibbli li l-informazzjoni li tingħata lill-konsumatur dwar l-ispeċi u l-oriġini tal-prodott tas-sajd jew tal-akkwakultura tkun preċiża.

(59)

L-istess regoli bħal dawk għall-prodotti tas-sajd u tal-akkwakultura li joriġinaw mill-Unjoni jenħtieġ li japplikaw għall-prodotti tas-sajd u tal-akkwakultura importati minn pajjiżi terzi. Fil-każ ta’ prodotti importati, jenħtieġ li l-informazzjoni obbligatorja dwar it-traċċabilità tinkludi referenza għan-numri taċ-ċertifikat(i) tal-qabda sottomessi f’konformità mar-Regolament tal-Kunsill (KE) Nru 1005/2008 (17).

(60)

Sabiex tiġi żgurata trażmissjoni effettiva u puntwali tal-informazzjoni dwar it-traċċabilità li tikkonċerna l-prodotti tas-sajd u tal-akkwakultura, jenħtieġ li l-operaturi jagħmlu l-informazzjoni dwar il-prodotti li jaqgħu taħt il-Kapitolu 3 tan-Nomenklatura Magħquda, stabbilita bir-Regolament tal-Kunsill (KEE) Nru 2658/87 (18), disponibbli b’mod diġitali fil-katina tal-provvista u għall-awtoritajiet kompetenti fuq talba tagħhom.

(61)

Bl-għan li tiġi żgurata traċċabilità effiċjenti għall-prodotti tas-sajd u tal-akkwakultura li jaqgħu taħt l-intestaturi 1604 u 1605 tal-Kapitolu 16 tan-Nomenklatura Magħquda, jenħtieġ li l-Kummissjoni twettaq studju li jinkludi analiżi tas-soluzzjonijiet jew tal-metodi disponibbli biex dawn il-prodotti jkunu jistgħu jiġu traċċati b’mod effettiv. Abbażi ta’ dak l-istudju, jenħtieġ li l-Kummissjoni, permezz ta’ atti delegati, tadotta regoli dettaljati dwar ir-rekwiżiti ta’ traċċabilità għal-lottijiet ta’ dawn il-prodotti tas-sajd u tal-akkwakultura.

(62)

Fil-każ ta’ prodotti tas-sajd mibjugħa direttament mill-bastimenti tas-sajd lill-konsumaturi finali, ir-regoli relatati mat-traċċabilità, ix-xerrejja rreġistrati u n-noti tal-bejgħ jenħtieġ li ma japplikawx għal kwantitajiet taħt ċerti limiti. Jenħtieġ li dawk il-limiti jkunu armonizzati u jkunu baxxi biżżejjed biex jimminimizzaw it-tqegħid fis-suq ta’ prodotti tas-sajd li ma jkunux jistgħu jiġu traċċati, u għalhekk ikkontrollati, u li jistgħu jikkontribwixxu għall-kummerċ illegali.

(63)

Sabiex jintlaħqu l-objettivi tal-politika komuni tas-sajd, l-affidabbiltà u l-ġbir komprensiv tad-data dwar il-qabdiet huma ta’ importanza assoluta. B’mod partikolari, jenħtieġ li r-reġistrazzjoni tal-qabdiet fil-mument ta’ ħatt l-art issir bl-aktar mod affidabbli possibbli. Għal dak l-għan, hemm bżonn li jissaħħu l-proċeduri li jikkonċernaw l-użin tal-prodotti tas-sajd ma’ ħatt l-art, mingħajr ma jinħoloq piż sproporzjonat fuq l-operaturi.

(64)

Jenħtieġ li l-użin isir fuq sistemi approvati mill-awtoritajiet kompetenti u mill-operaturi rreġistrati mill-Istati Membri biex iwettqu dak il-kompitu. Bħala regola ġenerali, jenħtieġ li l-prodotti kollha jintiżnu għal kull speċi ma’ ħatt l-art sabiex jiġi żgurat rappurtar preċiż tal-qabdiet. Barra minn hekk, jenħtieġ li r-rekords tal-użin jinżammu għal tliet snin.

(65)

Jenħtieġ li l-użin tal-kampjuni, l-użin abbord jew l-użin wara t-trasport jitħallew isiru biss taħt kundizzjonijiet stretti. Wara l-adozzjoni ta’ pjanijiet ta’ kampjunar, pjanijiet ta’ kontroll u programmi ta’ kontroll komuni mill-Kummissjoni, għandu jkun possibbli għall-Istati Membri li jippermettu li l-prodotti tas-sajd jintiżnu f’konformità ma’ dawk il-pjanijiet ta’ kampjunar, il-pjanijiet ta’ kontroll jew il-programmi ta’ kontroll komuni.

(66)

Sabiex jitjieb il-kontroll u tkun tista’ ssir il-validazzjoni rapida tad-data dwar ir-reġistrazzjoni tal-qabdiet u l-iskambju rapidu ta’ informazzjoni bejn l-Istati Membri, hemm bżonn li l-operaturi kollha jirreġistraw id-data b’mod diġitali u jissottomettu dik id-data b’mezzi elettroniċi lill-Istati Membri. Dak jikkonċerna, b’mod partikolari, id-dikjarazzjonijiet ta’ ħatt l-art, in-noti tal-bejgħ u d-dikjarazzjonijiet ta’ akkwiżizzjoni.

(67)

Minħabba d-disponibbiltà ta’ għodod teknoloġiċi adegwati, jenħtieġ li r-rekwiżit li d-data tiġi rreġistrata b’mod diġitali u tiġi sottomessa b’mod elettroniku lill-Istati Membri japplika għax-xerrejja rreġistrati kollha ta’ prodotti tas-sajd.

(68)

Jenħtieġ li t-trażmissjoni tad-dokumenti tat-trasport lill-Istati Membri rilevanti tiġi ssimplifikata u ssir qabel ma jibda t-trasport biex tippermetti l-kontroll u l-ispezzjonijiet mill-awtoritajiet kompetenti.

(69)

Id-dikjarazzjonijiet ta’ ħatt l-art, in-noti tal-bejgħ, id-dikjarazzjonijiet ta’ akkwiżizzjoni u d-dokumenti tat-trasport jenħtieġ li jinkludu referenza għan-numru uniku ta’ identifikazzjoni tal-vjaġġ tas-sajd sabiex ikun jista’ jsir kontroll imsaħħaħ u jittejbu l-validazzjoni tad-data mill-Istati Membri u t-traċċabilità tal-prodotti tas-sajd fil-katina tal-provvista. Fil-każ ta’ sajd mingħajr bastiment, in-noti tal-bejgħ, id-dikjarazzjonijiet ta’ akkwiżizzjoni u d-dokumenti tat-trasport jenħtieġ li jinkludu n-numru/i uniku/uniċi ta’ identifikazzjoni tal-jum tas-sajd u jenħtieġ li jsiru għadd ta’ aġġustamenti f’dispożizzjonijiet oħra biex tiġi indirizzata l-inklużjoni tas-sajd mingħajr bastiment.

(70)

Id-dispożizzjonijiet tar-Regolament (KE) Nru 1224/2009 dwar il-monitoraġġ tal-organizzazzjonijiet tal-produtturi u l-monitoraġġ tal-arranġamenti tal-prezzijiet u ta’ intervenzjoni ma għadhomx rilevanti u jenħtieġ li jitħassru, peress li dan il-monitoraġġ issa huwa previst fir-Regolament (UE) Nru 1379/2013.

(71)

Spezzjonijiet li jinvolvu uffiċjali kemm tal-Istat Membru tal-bandiera kif ukoll tal-Istat Membru kostali jiffaċilitaw il-kooperazzjoni u l-iskambju ta’ informazzjoni u ta’ għarfien espert. Għalhekk, jenħtieġ li Stat Membru kostali jkollu l-possibbiltà li jistieden uffiċjali ta’ Stat Membru tal-bandiera biex jieħdu sehem fi spezzjonijiet ta’ bastimenti tas-sajd li jtajru l-bandiera ta’ dak l-Istat Membru meta dawk il-bastimenti jkunu qed joperaw fl-ilmijiet tal-Istat kostali jew iħottu l-art fil-portijiet tiegħu jew fil-postijiet ta’ ħatt l-art tiegħu.

(72)

Sabiex jiġi żgurat li l-operaturi jikkonformaw mar-regoli tal-politika komuni tas-sajd, jenħtieġ li r-Regolament (KE) Nru 1224/2009 jistabbilixxi kif jenħtieġ li jipproċedu l-uffiċjali fil-każ ta’ infrazzjonijiet possibbli ta’ dawk ir-regoli. Dan jenħtieġ li jinkludi regoli dwar kif għandhom jiġu ttrattati infrazzjonijiet identifikati fejn l-uffiċjali jkollhom raġuni biex jemmnu, abbażi ta’ spezzjonijiet jew kwalunkwe data jew informazzjoni rilevanti, li seta’ kien hemm infrazzjoni tar-regoli tal-politika komuni tas-sajd u qabel deċiżjoni minn qorti jew awtorità kompetenti li tikkonferma jekk tali infrazzjoni tkunx seħħitx jew le.

(73)

Biex tittejjeb il-valutazzjoni tar-riskju li ssir mill-awtoritajiet nazzjonali meta jippjanaw l-attivitajiet ta’ kontroll u l-effettività tal-ispezzjonijiet, jenħtieġ li jissaħħu r-rekwiżiti li jikkonċernaw ir-reġistru nazzjonali dwar il-każijiet ta’ infrazzjoni.

(74)

Is-sanzjonijiet u l-miżuri l-oħra previsti fir-Regolamenti (KE) Nru 1224/2009 u (KE) Nru 1005/2008 jenħtieġ li jiġu applikati mill-Istati Membri b’mod li jirrispetta bis-sħiħ id-drittijiet fundamentali, inkluż id-dritt li persuna ma tiġix ipproċessata jew ikkastigata darbtejn fi proċedimenti kriminali għall-istess reat.

(75)

Jenħtieġ li jissaħħu r-regoli u l-proċeduri dwar in-notifika ta’ informazzjoni rilevanti dwar il-miżuri meħuda u s-sanzjonijiet imposti mill-Istati Membri kontra ċittadini jew bastimenti tas-sajd li jtajru l-bandiera ta’ Stati Membri oħra jew ta’ pajjiżi terzi, inkluż dawk li jikkonċernaw id-determinazzjoni tal-punti għal infrazzjoni serja tar-regoli tal-politika komuni tas-sajd, sabiex jittejbu l-kontroll u l-infurzar tas-sajd ġewwa u barra l-ilmijiet tal-Unjoni.

(76)

Biex jiġu żgurati kundizzjonijiet ekwivalenti ta’ kompetizzjoni u applikazzjoni konsistenti fl-Istati Membri rigward it-trattament ġudizzjarju u amministrattiv ta’ dawk li jiksru r-regoli tal-politika komuni tas-sajd, id-dispożizzjonijiet li jikkonċernaw id-determinazzjoni ta’ mġiba li tikkostitwixxi infrazzjoni serja ta’ dawk ir-regoli jenħtieġ li jiġu ċċarati u msaħħa.

(77)

Biex tiġi żgurata deterrenza effettiva kontra l-aktar imġiba dannuża, f’konformità mal-obbligi internazzjonali tal-Unjoni, hemm bżonn li tiġi stabbilita lista eżawrjenti ta’ infrazzjonijiet li għandhom jitqiesu bħala serji fiċ-ċirkostanzi kollha. Barra minn hekk, hemm infrazzjonijiet oħra tar-regoli tal-politika komuni tas-sajd li jenħtieġ li jitqiesu bħala serji meta jiġu ssodisfati ċerti kundizzjonijiet. Sabiex jiġu żgurati infurzar effettiv u proporzjonat kif ukoll approċċ armonizzat madwar l-Unjoni, hemm bżonn li tiġi stabbilita lista eżawrjenti ta’ kriterji li għandhom jintużaw mill-awtoritajiet nazzjonali kompetenti meta jkunu qed jiddeterminaw is-serjetà ta’ tali infrazzjonijiet.

(78)

Jenħtieġ li infrazzjonijiet serji jkunu soġġetti għal sanzjonijiet amministrattivi jew kriminali effettivi, proporzjonati u dissważivi.

(79)

Meta jkun hemm indikazzjonijiet ċari li l-kontenut ta’ kwalunkwe wieħed mill-kriterji biex infrazzjoni titqies bħala serja ma jkunx biżżejjed biex jiġi żgurat infurzar effettiv u proporzjonat tar-regoli tal-politika komuni tas-sajd mill-Istati Membri u bejniethom, jenħtieġ li l-Kummissjoni jkollha l-possibbiltà li tadatta dawk il-kriterji, permezz ta’ atti delegati. Meta tkun qed teżerċita s-setgħa mogħtija lilha biex temenda dawk il-kriterji, jenħtieġ li l-Kummissjoni tqis, b’mod partikolari, il-pariri tal-grupp ta’ esperti dwar il-konformità msemmi fl-Artikolu 37 tar-Regolament (UE) Nru 1380/2013, jew is-sejbiet tar-rapport imħejji mill-Kummissjoni skont l-Artikolu 118(2) tar-Regolament (KE) Nru 1224/2009. Jenħtieġ li ebda emenda bħal din ma żżid xi kriterju ġdid u jenħtieġ li tħassar biss kriterji f’każijiet eċċezzjonali fejn ikun hemm indikazzjonijiet ċari li dan ikun meħtieġ biex jiġi żgurat infurzar effettiv u proporzjonat tar-regoli tal-politika komuni tas-sajd mill-Istati Membri u bejniethom.

(80)

Fir-rigward ta’ ksur serju, jenħtieġ li l-Istati Membri jipprevedu penali finanzjarji amministrattivi, mingħajr preġudizzju għal sanzjonijiet xierqa oħra u miżuri ta’ akkumpanjament, u jenħtieġ li jiġu stabbiliti livelli minimi għal tali penali finanzjarji amministrattivi. Alternattivament, jenħtieġ li l-Istati Membri jitħallew jipprevedu rati standard ta’ penali finanzjarji amministrattivi, u jenħtieġ li jiġu stabbiliti livelli xierqa għal tali rati standard. Jenħtieġ li dawk il-livelli minimi u r-rati standard ikunu mingħajr preġudizzju għad-diskrezzjoni tal-awtoritajiet kompetenti li jiddevjaw minn dawk il-livelli minimi f’każijiet individwali, f’konformità mal-liġi nazzjonali, sabiex jitqiesu ċ-ċirkostanzi individwali, finanzjarji u mitiganti oħra speċifiċi tal-każ, bħall-kooperazzjoni mal-infurzar tal-liġi, l-età tat-trasgressur jew il-kapaċità mnaqqsa tat-trasgressur. Jenħtieġ li l-Istati Membri jitħallew ukoll, alternattivament, jipprevedu sanzjonijiet kriminali effettivi, proporzjonati u dissważivi filwaqt li jiżguraw li dawk is-sanzjonijiet ikollhom effett ekwivalenti għall-penali finanzjarji amministrattivi. Dak jenħtieġ li jkun mingħajr preġudizzju għad-diskrezzjoni tal-qrati li jiddeterminaw is-sanzjonijiet kriminali f’każijiet individwali, f’konformità mal-liġi nazzjonali, u li jqisu ċ-ċirkostanzi individwali, finanzjarji u mitiganti oħra speċifiċi tal-każ.

(81)

Sabiex jiżdiedu l-livelli ta’ konformità u titnaqqas il-probabbiltà li jitwettaq ksur serju, jenħtieġ li l-Istati Membri japplikaw sistema ta’ punti u jassenjaw punti lid-detenturi tal-liċenzji tas-sajd u lill-kaptani tal-bastimenti tal-qbid ikkonċernati fil-każ ta’ ksur serju kkonfermat. Jenħtieġ li l-punti ma jiġux assenjati fil-każ ta’ ksur b’bastimenti li ma jkollhomx nazzjonalità, ksur relatat mat-tqegħid fis-suq ta’ prodotti tas-sajd jew tal-akkwakultura u t-twettiq ta’ negozju marbut direttament mas-sajd IUU, u ksur li jikkonċerna attivitajiet tas-sajd rikreattiv. Il-punti ma għandhomx jiġu assenjati wkoll fil-każ ta’ ksur relatat man-nuqqas ta’ ssodisfar tal-obbligi biex tiġi rreġistrata, maħżuna u rrappurtata b’mod preċiż data relatata mal-attivitajiet tas-sajd, jekk il-ksur ikkonċernat ma jkunx applikabbli għad-detentur tal-liċenzja tas-sajd jew għall-kaptan.

(82)

Sabiex jiġi żgurat l-effett deterrenti kontinwu tas-sistema ta’ punti għad-detenturi ta’ liċenzja tas-sajd, il-punti assenjati jenħtieġ li jiġu ttrasferiti lid-detentur il-ġdid tal-liċenzja tas-sajd fil-każ li l-bastiment jew il-liċenzja tas-sajd jinbiegħu, jiġu ttrasferiti jew inkella jinbidlu s-sjieda wara d-data tal-ksur, inkluż lil operatur fi Stat Membru ieħor.

(83)

Sabiex jiġu żgurati kundizzjonijiet ekwivalenti għall-kaptani, is-sistema tal-punti għall-kaptani tiġi armonizzata u allinjata mas-sistema ta’ punti għad-detenturi tal-liċenzji. Bħala tali, jenħtieġ li l-Istati Membri tal-bandiera jassenjaw punti lill-kaptani tal-bastimenti tal-qbid li jtajru l-bandiera tagħhom meta jkunu wettqu ksur serju skont ir-Regolament (KE) Nru 1224/2009. Barra minn hekk, jenħtieġ li l-Istat Membru li tiegħu l-kaptan huwa ċittadin jiġi infurmat u jirreġistra l-punti assenjati lil dak il-kaptan, fil-każ li dawk il-punti jkunu ġew assenjati minn Stat Membru ieħor.

(84)

Bl-għan li jinkisbu aħjar kundizzjonijiet ekwivalenti u kultura ta’ konformità fl-Unjoni u barra minnha, jenħtieġ li l-kaptani li għalihom tkun ġiet attivata s-sospensjoni jew l-irtirar tad-dritt tal-kmand ta’ bastiment tas-sajd minħabba l-assenjazzjoni ta’ punti ma jitħallewx joperaw bħala kaptani ta’ bastiment tas-sajd tal-Unjoni, b’mod permanenti jew sakemm iddum is-sospensjoni. Jenħtieġ li l-Istati Membri jikkooperaw ma’ xulxin għal dak l-għan.

(85)

Jenħtieġ li l-ksur serju jinkludi l-użu ta’ rkaptu jew metodi tas-sajd ipprojbiti bħal dawk imsemmija fl-Artikolu 7 tar-Regolament (UE) 2019/1241 jew fi kwalunkwe regola ekwivalenti oħra tal-politika komuni tas-sajd li jkun fiha projbizzjonijiet ġenerali simili fuq l-użu ta’ ċertu rkaptu jew metodi tas-sajd.

(86)

Bl-għan li tiġi żgurata l-konformità mar-regoli tal-politika komuni tas-sajd dwar il-kapaċità tas-sajd, jenħtieġ li ċerti attivitajiet li jikkonsistu fil-manipulazzjoni tal-magni tal-bastimenti, għall-fini li tiżdied il-qawwa tagħhom, jew l-użu ta’ magna manipulata, jitqiesu bħala ksur serju skont il-kundizzjonijiet stabbiliti fir-Regolament (KE) Nru 1224/2009.

(87)

Sabiex tissaħħaħ il-konformità mar-regoli tal-politika komuni tas-sajd u biex jittejjeb il-ġbir tad-data, jenħtieġ li ssir distinzjoni bejn ksur serju li jikkonsisti fi ksur tar-regoli dwar il-marġni ta’ tolleranza għall-ġurnali ta’ abbord dwar is-sajd u d-dikjarazzjonijiet tat-trażbord, kif stabbilit fir-Regolament (KE) Nru 1224/2009, u bejn ksur serju ieħor li jikkonsisti f’nuqqas ta’ twettiq tal-obbligi li tiġi rreġistrata, maħżuna u rrapportata b’mod preċiż data relatata mal-attivitajiet tas-sajd, abbażi ta’ ċerti kundizzjonijiet. B’mod partikolari, jenħtieġ li n-nuqqas ta’ reġistrazzjoni u rappurtar ta’ kwalunkwe qabda ta’ speċi soġġetta għall-obbligu ta’ ħatt l-art jikkwalifika bħala serju taħt il-kategorija tal-aħħar skont is-serjetà tar-reat, li għandha tiġi ddeterminata mill-awtoritajiet kompetenti tal-Istati Membri skont iċ-ċirkostanzi ta’ kull każ, bħal, fejn applikabbli, l-ispeċifiċitajiet tas-sajd ikkonċernat. Għal dak l-għan, jenħtieġ li tingħata kunsiderazzjoni speċjali lin-natura u l-firxa tal-imġiba, inkluż il-qabdiet ġenerali, il-kwantità, it-tip u l-proporzjon tal-qabdiet mhux irrapportati, inkluż fid-dawl tal-marġni ta’ tolleranza applikabbli, u kwalunkwe indikazzjoni ta’ intenzjoni li jiġu evitati r-regoli dwar il-mili tal-ġurnali ta’ abbord dwar is-sajd jew tad-dikjarazzjonijiet tat-trażbord.

(88)

Huwa xieraq li jiġi speċifikat liema attivitajiet taċ-ċittadini tal-Istati Membri u tal-bastimenti tas-sajd tal-Unjoni fir-rigward tal-involviment f’sajd IUU jew l-appoġġ għalih jenħtieġ li jikkostitwixxu ksur serju. Minbarra l-imġiba li tikkostitwixxi ksur serju tar-regoli dwar l-attivitajiet tas-sajd, jenħtieġ li jitqies ukoll bħala ksur serju t-twettiq ta’ negozju marbut direttament mas-sajd IUU, inkluż l-importazzjoni jew il-kummerċ fi prodotti tas-sajd li ġejjin minn sajd IUU, bħax-xiri ta’ tali prodotti mwettaq mingħajr id-dokumenti kollha meħtieġa legalment.

(89)

L-Artikolu 5 tal-Karta tad-Drittijiet Fundamentali tal-Unjoni Ewropea u l-Artikolu 4 tal-Konvenzjoni Ewropea dwar id-Drittijiet tal-Bniedem jipprevedu li ħadd ma għandu jkun meħtieġ iwettaq xogħol furzat jew obbligatorju. Barra minn hekk, l-Istati Membri kollha huma partijiet għall-Konvenzjoni Nru 29 tal-Organizzazzjoni Internazzjonali tax-Xogħol (ILO) dwar ix-Xogħol Furzat, li tirrikjedi li l-eżazzjoni illegali ta’ xogħol furzat jew obbligatorju għandha tkun punibbli bħala reat penali u għandha tkun soġġetta għal penali imposti bil-liġi li huma verament adegwati u infurzati b’mod strett. Barra minn hekk, it-twettiq ta’ attivitajiet tas-sajd bl-użu ta’ xogħol furzat imur kontra l-objettivi tal-politika komuni tas-sajd, b’mod partikolari li l-attivitajiet tas-sajd għandhom jiġu ġestiti b’mod li jkun konsistenti mal-objettivi li jinkiseb benefiċċju soċjali u tal-impjieg u li jikkontribwixxu għal standard tal-għajxien ġust għal dawk li jiddependu mill-attivitajiet tas-sajd. Dan idgħajjef ukoll il-kundizzjonijiet ekwivalenti għall-prodotti tas-sajd u tal-akkwakultura kkummerċjalizzati fl-Unjoni. Għalhekk, it-twettiq ta’ attivitajiet tas-sajd bl-użu tax-xogħol furzat jenħtieġ li jitqies bħala ksur serju, mingħajr preġudizzju għal kwalunkwe sanzjoni kriminali għax-xogħol furzat f’konformità mal-obbligi tal-Istati Membri skont il-Konvenzjoni Nru 29 tal-ILO dwar ix-Xogħol Furzat.

(90)

L-entitajiet nazzjonali inkarigati mill-attivitajiet ta’ kontroll tas-sajd kif ukoll kwalunkwe korp ġudizzjarju rilevanti għandu jkollhom aċċess għar-reġistru nazzjonali dwar il-każijiet ta’ ksur. Skambju ta’ informazzjoni trasparenti għalkollox li jinsab fir-reġistri nazzjonali bejn l-Istati Membri ser itejjeb l-effettività wkoll u jiżgura kundizzjonijiet ekwi għall-attivitajiet ta’ kontroll.

(91)

Skont ftehimiet internazzjonali, is-sajd eċċessiv minn Stat Membru jista’ jwassal għal tnaqqis tal-kwota tal-Unjoni skont dak il-ftehim internazzjonali. Fil-każ ta’ tali tnaqqis, jenħtieġ li l-Kunsill, meta jalloka l-opportunitajiet tas-sajd għal dak l-istokk jew grupp ta’ stokkijiet skont l-Artikolu 43(3) tat-Trattat dwar il-Funzjonament tal-Unjoni Ewropea (TFUE) u l-Artikolu 16 tar-Regolament (UE) Nru 1380/2013, għas-sena li għaliha jsir dak it-tnaqqis u, jekk ikun meħtieġ, għas-sena ta’ wara, jaġġusta l-kwoti tal-Istati Membri b’tali mod li l-Istati Membri li ma jkunux stadu b’mod eċċessiv ma jsofrux mit-tnaqqis tal-kwota tal-Unjoni.

(92)

Pass importanti fl-iżgurar li d-data miġbura mill-Istati Membri skont ir-Regolament (KE) Nru 1224/2009 tkun affidabbli u kompluta huwa l-validazzjoni. Is-sett ta’ data li għandu jiġi vvalidat u l-obbligi tal-Istati Membri fil-każ ta’ inkonsistenzi jenħtieġ li jiġu ċċarati.

(93)

Biex tissodisfa d-dmirijiet tagħha skont ir-regoli tal-politika komuni tas-sajd, huwa meħtieġ li l-Kummissjoni jkollha aċċess għal data varja miġbura mill-Istati Membri. Jenħtieġ li jiġi ċċarat liema data jenħtieġ li tkun aċċessibbli għall-Kummissjoni u liema kompiti għandha twettaq il-Kummissjoni bl-użu ta’ dik id-data.

(94)

Id-data miġbura mill-Istati Membri huma wkoll tassew siewja għal skopijiet xjentifiċi. Għandu jiġi ċċarat li l-korpi xjentifiċi indipendenti li huma rikonoxxuti fil-livell nazzjonali, fil-livell tal-Unjoni jew fil-livell internazzjonali jistgħu jiġu pprovduti aċċess għad-data miġbura f’konformità mar-Regolament (KE) Nru 1224/2009, b’mod partikolari għal data dwar il-pożizzjoni tal-bastimenti u għal data dwar l-attivitajiet tas-sajd. Qabel ma jittrasferixxu tali data, jenħtieġ li l-Istati Membri jikkunsidraw jekk ir-riċerka xjentifika tistax titwettaq abbażi ta’ data psewdonimizzata jew anonimizzata u, jekk iva, jipprovdu lil dawk il-korpi xjentifiċi b’data li tkun tneħħietilha l-identifikazzjoni b’dak il-mod. Id-data dwar l-attività tas-sajd miġbura mill-Istati Membri hija wkoll ta’ valur għall-produzzjoni tal-istatistika, b’mod partikolari mill-Eurostat, li jenħtieġ li jkun jista’ juża dik id-data biex jipproduċi statistika dwar is-sajd.

(95)

F’konformità mad-Dikjarazzjoni Konġunta tal-Parlament Ewropew, tal-Kunsill tal-Unjoni Ewropea u tal-Kummissjoni Ewropea dwar l-aġenziji deċentralizzati tad-19 ta’ Lulju 2012, għal kull aġenzija jenħtieġ li ssir evalwazzjoni kull ħames snin ikkummissjonata mill-Kummissjoni. Minħabba li għadd ta’ sfidi tas-sajd u sfidi ambjentali huma interkonnessi sew, il-Kummissjoni, fil-kuntest tal-evalwazzjoni perjodika li jmiss tal-Aġenzija Ewropea għall-Ambjent (“EEA”), ser tikkunsidra kif tista’ ttejjeb il-kooperazzjoni u l-kondiviżjoni rilevanti tad-data bejn l-Aġenzija Ewropea għall-Kontroll tas-Sajd (l-“Aġenzija”) u l-EEA u f’liema format tista’ tiġi formalizzata tali kooperazzjoni msaħħa, inkluż, jekk ikun meħtieġ, billi tippreżenta kwalunkwe proposta leġiżlattiva rilevanti jew miżura oħra għal dak l-għan.

(96)

Peress li l-iskambju ta’ data bejn l-Istati Membri hu kruċjali għall-obbligi ta’ kontroll u ta’ infurzar skont ir-regoli tal-politika komuni tas-sajd, id-dispożizzjonijiet relatati mat-tali skambji għandhom jiġu ċċarati.

(97)

Sabiex il-Kummissjoni tkun tista’ tivvalida d-data dwar il-qabdiet ipprovduta mill-Istati Membri u tissodisfa l-obbligi tagħha fil-kuntest ta’ ftehimiet internazzjonali, jenħtieġ li l-Istati Membri jqiegħdu għad-dispożizzjoni tal-Kummissjoni, permezz ta’ skambju elettroniku dirett, data dwar l-attività tal-bastimenti tas-sajd li jtajru l-bandiera tagħhom.

(98)

Is-sett ta’ data miġbura mill-Istati Membri li għalih jenħtieġ li jkollha aċċess il-Kummissjoni, bħad-data dwar l-attivitajiet tas-sajd, id-data ta’ kontroll, u d-data dwar il-ksur, jista’ jinkludi data personali. Minħabba li n-numru uniku ta’ identifikazzjoni tal-vjaġġ tas-sajd, l-isem tal-bastiment tas-sajd jew, fil-każ ta’ sajd mingħajr bastiment, in-numru uniku ta’ identifikazzjoni tal-jum tas-sajd jistgħu jippermetti li jiġu identifikati persuni fiżiċi, bħas-sid jew il-kaptan ta’ bastiment tas-sajd, informazzjoni li fiha data bħal din tista’ wkoll, f’ċerti ċirkostanzi, tikkostitwixxi data personali.

(99)

Ir-Regolamenti (UE) 2016/679 (19) u (UE) 2018/1725 (20) tal-Parlament Ewropew u tal-Kunsill, u għal ċertu pproċessar ta’ data personali, id-dispożizzjonijiet nazzjonali li jittrasponu d-Direttiva (UE) 2016/680 tal-Parlament Ewropew u tal-Kunsill (21), huma applikabbli meta data personali tiġi pproċessata fil-kuntest tar-Regolamenti (KE) Nru 1005/2008 u (KE) Nru 1224/2009 u r-Regolament (UE) 2019/473 tal-Parlament Ewropew u tal-Kunsill (22), u jenħtieġ li jiġi żgurat li jitħarsu l-obbligi relatati mal-protezzjoni tad-data personali fi kwalunkwe ħin u fil-livelli kollha.

(100)

L-ipproċessar tad-data personali li tinsab fl-informazzjoni miġbura skont ir-Regolament (KE) Nru 1224/2009 huwa meħtieġ biex tiġi żgurata l-implimentazzjoni effettiva tar-regoli u l-objettivi tal-politika komuni tas-sajd u l-konformità magħhom. B’mod partikolari, għall-fini tal-monitoraġġ tal-opportunitajiet tas-sajd, inkluż l-użu tal-kwota, l-iżgurar tal-konformità ma’ miżuri oħra ta’ ġestjoni u konservazzjoni, il-monitoraġġ tal-attivitajiet tas-sajd, jew it-twettiq ta’ valutazzjoni li tippermetti kontroll ibbażat fuq ir-riskju, l-Istati Membri jeħtieġ li jipproċessaw id-data dwar il-pożizzjoni tal-bastimenti, il-ġurnali ta’ abbord dwar is-sajd, id-dikjarazzjonijiet tal-ħatt l-art, in-noti tal-bejgħ u data oħra dwar l-attivitajiet tas-sajd sabiex iwettqu l-validazzjoni u l-kontroverifiki. Dak huwa meħtieġ biex jiġi żgurat li d-data ppreżentata mill-operaturi tkun kompluta u preċiża u li l-operaturi jikkonformaw mar-regoli tal-politika komuni tas-sajd. Sabiex tkun tista’ tiċċekkja u tevalwa l-applikazzjoni tar-regoli tal-politika komuni tas-sajd permezz ta’ verifiki, spezzjonijiet jew awditi u biex timmonitorja l-attivitajiet ta’ kontroll tal-Istati Membri, jenħtieġ li l-Kummissjoni jew il-korp maħtur minnha jkollha aċċess u tkun tista’ tipproċessa, flimkien mad-data dwar l-attivitajiet tas-sajd, id-data li tinsab fir-rapporti tal-osservatur tal-kontroll u l-ispezzjoni u d-data relatata mal-ksur. Barra minn hekk, fil-kuntest tat-tħejjija u l-monitoraġġ ta’ konformità ma’ ftehimiet internazzjonali u ta’ miżuri ta’ konservazzjoni, jenħtieġ li l-Kummissjoni tkun tista’ tipproċessa data dwar l-attivitajiet tas-sajd tal-bastimenti tas-sajd tal-Unjoni barra mill-ibħra tal-Unjoni, inkluż in-numri ta’ identifikazzjoni tal-bastimenti, u l-ismijiet ta’ sid il-bastiment u l-kaptan tal-bastiment. L-ipproċessar tad-data dwar l-attivitajiet tas-sajd jista’ jkun meħtieġ ukoll għall-fini li jiġu ppruvati, difiżi jew stabbiliti d-drittijiet tas-sajd ta’ bastimenti tas-sajd individwali, tal-Istati Membri jew tal-Unjoni.

(101)

Jenħtieġ li l-Istati Membri, il-Kummissjoni jew il-korp maħtur minnha ma jaħżnux data personali għal aktar żmien milli jkun meħtieġ biex jintlaħqu l-finijiet li għalihom jeħtieġ li tiġi pproċessata d-data personali. Għal dak l-għan, jenħtieġ li jiġu stabbiliti perjodi massimi ta’ żamma għad-data personali pproċessata fil-qafas tar-Regolament (KE) Nru 1224/2009.

(102)

Sabiex ikunu jistgħu jwettqu l-kompiti stabbiliti fir-Regolament (KE) Nru 1224/2009, il-Kummissjoni, il-korp maħtur minnha u l-Istati Membri jenħtieġ li jkunu jistgħu jżommu, fejn meħtieġ għal ċerti skopijiet, data personali li tinsab fl-informazzjoni miġbura skont dak ir-Regolament għal perjodu ta’ mhux aktar minn ħames snin wara li jiksbu d-data rilevanti. L-Istati Membri jwettqu validazzjoni tad-data matul is-snin preċedenti sabiex jivverifikaw u jikkoreġu d-data bil-ħsieb li jiżguraw data kompluta u preċiża. L-Istati Membri jivvalutaw ukoll id-data mis-snin preċedenti biex iwettqu l-ġestjoni tar-riskju. Il-Kummissjoni għandha timmonitorja u tevalwa l-implimentazzjoni tal-politika komuni tas-sajd mill-Istati Membri, u għal dak l-għan għandha teżamina d-data miġbura skont ir-Regolament (KE) Nru 1224/2009 li tikkonċerna diversi snin preċedenti, pereżempju meta twettaq awditi u verifiki.

(103)

Madankollu, f’każ ta’ segwitu ta’ ksur, spezzjonijiet, verifiki, ilmenti jew awditi, jew f’każ ta’ proċedimenti ġudizzjarji jew amministrattivi li jkunu għaddejjin, jenħtieġ li l-Istati Membri u l-Kummissjoni jkunu jistgħu jżommu ċerta data sa tmiem il-proċedimenti amministrattivi jew ġudizzjarji kkonċernati jew iż-żmien meħtieġ għall-applikazzjoni tas-sanzjonijiet minħabba l-ħtieġa li dik id-data tintuża matul il-perjodu kollu meta tali proċedimenti jkunu għaddejjin u għall-applikazzjoni ta’ sanzjonijiet, bħas-sistema tal-punti.

(104)

Barra minn hekk, sabiex ikunu jistgħu jipprovdu evidenza tal-attivitajiet tas-sajd tal-bastimenti tal-Unjoni, pereżempju fejn meħtieġ biex juru konformità mal-obbligi tal-Unjoni u tal-Istati Membri skont ftehimiet internazzjonali jew biex jappoġġaw pretensjonijiet ta’ drittijiet storiċi jew drittijiet oħra tas-sajd, jenħtieġ li l-Istati Membri jkunu jistgħu jżommu rekords tad-data tal-attivitajiet tas-sajd għal perjodu ta’ mhux aktar minn għaxar snin.

(105)

Ċerta data relatata ma’ attivitajiet tas-sajd fl-imgħoddi hija meħtieġa għall-finijiet tal-evalwazzjonijiet tal-politika u tal-valutazzjonijiet tal-impatt kif ukoll tar-riċerka xjentifika u tal-pariri xjentifiċi, li jirfdu l-ġestjoni tal-attivitajiet tas-sajd u l-konservazzjoni tar-riżorsi bijoloġiċi tal-baħar skont il-politika komuni tas-sajd. It-tendenzi u x-xejriet fl-iżvilupp tar-riżorsi bijoloġiċi tal-baħar normalment jeħtieġu perspettiva u analiżi aktar fit-tul tad-data matul għexieren ta’ snin. Għalhekk, jenħtieġ li l-Istati Membri jkunu jistgħu jżommu ċerta data personali għal perjodu ta’ mhux aktar minn 25 sena biex tkun tista’ ssir l-analiżi tal-impatt tal-attivitajiet tas-sajd fuq ir-riżorsi bijoloġiċi tal-baħar u l-ambjent fuq perjodi itwal ta’ żmien.

(106)

F’konformità mal-Artikolu 25 tar-Regolament (UE) 2016/679, il-kontrolluri għandhom jimplimentaw miżuri tekniċi u organizzattivi xierqa li jiżguraw il-protezzjoni tad-data mid-disinn u b’mod awtomatiku. Jenħtieġ li jkun hemm konformità mal-prinċipji tal-protezzjoni tad-data meta jiġu stabbiliti r-regoli dettaljati dwar ir-rekwiżiti, l-ispeċifikazzjonijiet tekniċi, l-installazzjoni u l-funzjonament tas-sistemi ta’ monitoraġġ elettroniku mill-bogħod, inkluż is-CCTV. B’mod partikolari, dawk is-sistemi jenħtieġ li jitfasslu u jiġu implimentati b’tali mod li jeskludu, sa fejn ikun possibbli, l-immaġnijiet u l-identifikazzjoni ta’ persuni fiżiċi fuq materjal vidjo rreġistrat miksub minn sistemi elettroniċi remoti, u jenħtieġ li jiġu pprovduti salvagwardji fejn tali identifikazzjoni tiġi identifikata b’mod eċċezzjonali.

(107)

L-obbligi tal-Istati Membri u tal-Kummissjoni fir-rigward tal-informazzjoni koperta mis-segretezza professjonali u kummerċjali, miġbura, irċevuta u trażmessa fil-qafas tar-Regolament (KE) Nru 1224/2009 jenħtieġ li jiġu ċċarati. Jenħtieġ li tali informazzjoni tiġi trażmessa biss lil persuni għajr dawk fl-Istati Membri, il-Kummissjoni jew il-korp maħtur minnha li l-funzjonijiet tagħhom jirrikjedu li jkollhom tali aċċess, bil-kunsens tal-Istat Membru jew tal-istituzzjoni li tkun ipprovdiet l-informazzjoni. F’każ ta’ rifjut li jingħata tali kunsens, jenħtieġ li jiġu pprovduti r-raġunijiet għar-rifjut.

(108)

Ir-Regolament (KE) Nru 1224/2009 jagħti setgħat lill-Kummissjoni biex timplimenta xi wħud mid-dispożizzjonijiet ta’ dak ir-Regolament.

(109)

Bħala konsegwenza tad-dħul fis-seħħ tat-Trattat ta’ Lisbona, jeħtieġ li s-setgħat ikkonferiti skont ir-Regolament (KE) Nru 1224/2009 jkunu allinjati mal-Artikoli 290 u 291 TFUE.

(110)

Jenħtieġ li s-setgħa li tadotta atti f’konformità mal-Artikolu 290 TFUE tiġi delegata lill-Kummissjoni biex tissupplimenta r-Regolament (KE) Nru 1224/2009 b’regoli speċifiċi li jirregolaw il-kontroll, fir-rigward ta’:

Is-setgħa li tadotta atti f’konformità mal-Artikolu 290 TFUE jenħtieġ li tiġi ddelegata wkoll lill-Kummissjoni sabiex temenda l-lista ta’ kriterji stabbiliti fl-Anness IV għar-Regolament (KE) Nru 1224/2009.

Huwa ta’ importanza partikolari li, matul il-ħidma preparatorja tagħha, il-Kummissjoni twettaq konsultazzjonijiet adegwati, inkluż fil-livell tal-esperti, u li dawk il-konsultazzjonijiet isiru f’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (23). B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

(111)

Jenħtieġ li jingħataw setgħat ta’ implimentazzjoni lill-Kummissjoni biex tiżgura kundizzjonijiet uniformi għall-implimentazzjoni tar-Regolament (KE) Nru 1224/2009, fir-rigward ta’:

Dawk is-setgħat jenħtieġ li jiġu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill (24).

(112)

Bħala konsegwenza tad-dħul fis-seħħ tat-Trattat ta’ Lisbona, jeħtieġ li jiġu adattati xi dispożizzjonijiet li jikkonferixxu setgħat ta’ teħid ta’ deċiżjonijiet fuq il-Kunsill waħdu, sabiex jinġiebu konformi mal-proċeduri l-ġodda applikabbli għall-politika komuni tas-sajd. Għalhekk, jenħtieġ li d-dispożizzjonijiet tar-Regolament (KE) Nru 1224/2009 rigward l-elementi li ġejjin jinkitbu mill-ġdid: l-adozzjoni f’kull pjan pluriennali ta’ limitu massimu tal-qabdiet li jekk jinqabeż ikun irid jintuża port magħżul jew post ta’ ħatt l-art u l-frekwenza tal-komunikazzjoni tad-data; u l-istabbiliment ta’ skema tal-osservatur tal-kontroll.

(113)

Għalhekk, jenħtieġ li r-Regolament (KE) Nru 1224/2009 jiġi emendat skont dan.

(114)

Għal raġunijiet ta’ konsistenza mal-kamp ta’ applikazzjoni tar-Regolament (KE) Nru 1224/2009, l-objettivi tar-Regolament (UE) 2019/473 jenħtieġ li jitwessgħu. Jenħtieġ li l-missjoni tal-Aġenzija tkopri l-armonizzazzjoni tal-applikazzjoni tar-regoli tal-politika komuni tas-sajd. Jenħtieġ li tinkludi riċerka u żvilupp fil-qasam tat-tekniki ta’ kontroll u spezzjoni, inkluż, f’kooperazzjoni mal-Istati Membri, l-iżvilupp ta’ proġetti pilota, u l-għoti ta’ assistenza lill-Kummissjoni f’oqsma speċifiċi.

(115)

Għandu jiġi żgurat li jkun hemm konformità mal-obbligi li jikkonċernaw il-protezzjoni ta’ data personali stabbiliti fir-Regolament (UE) 2018/1725 jiġu rrispettati mill-Aġenzija fil-kuntest tal-ipproċessar u tal-iskambju ta’ data.

(116)

Il-Bord Amministrattiv tal-Aġenzija jenħtieġ li jkollu l-possibbiltà li jistieden rappreżentanti tal-istituzzjonijiet rilevanti tal-Unjoni biex jieħdu sehem fil-laqgħat tiegħu.

(117)

Id-dispożizzjonijiet tar-Regolament (UE) 2019/473 dwar il-kompożizzjoni tal-Bord Amministrattiv tal-Aġenzija jenħtieġ li jiġu emendati sabiex jipprevedu l-inklużjoni ta’ rappreżentant wieħed tal-Parlament Ewropew, f’konformità mal-Approċċ Komuni anness mad-Dikjarazzjoni Konġunta tal-Parlament Ewropew, tal-Kunsill u tal-Kummissjoni tad-19 ta’ Lulju 2012 dwar l-aġenziji deċentralizzati. Jenħtieġ li tali inklużjoni tkun mingħajr preġudizzju għar-rwol tal-Parlament Ewropew dwar il-kwittanza fir-rigward tal-implimentazzjoni tal-baġit tal-Aġenzija. Il-membri kollha tal-Bord Amministrattiv jenħtieġ li jinħatru abbażi tal-esperjenza u l-għarfien espert rilevanti tagħhom fil-qasam tal-kontroll u l-ispezzjoni tas-sajd, u jenħtieġ li ma jkollhom l-ebda kunflitt ta’ interess dirett jew indirett li jista’ jitqies li jippreġudika l-indipendenza tagħhom. Jenħtieġ li r-rappreżentanti tal-Istati Membri u tal-Kummissjoni biss ikollhom id-drittijiet tal-vot.

(118)

Jenħtieġ li l-Aġenzija tikkontribwixxi għall-implimentazzjoni tal-Politika Marittima Integrata tal-Unjoni. Għal dak l-għan, jenħtieġ li l-Aġenzija tkun tista’ tikkonkludi ftehimiet amministrattivi ma’ korpi oħra tal-Unjoni li huma involuti wkoll fl-implimentazzjoni ta’ dik il-politika.

(119)

Jenħtieġ li jiġi ċċarat li l-abbozz ta’ dokument uniku ta’ programmazzjoni mħejji mid-Direttur Eżekuttiv tal-Aġenzija għandu jiġi ppreżentat lill-Bord Amministrattiv .

(120)

Għall-fini li tiġi żgurata programmazzjoni konsistenti u biex ir-Regolament (UE) 2019/473 jiġi allinjat mar-Regolament Delegat tal-Kummissjoni (UE) 2019/715 (25), jenħtieġ li l-Aġenzija tfassal dokument uniku ta’ programmazzjoni li jkun fih il-programmazzjoni annwali u pluriennali.

(121)

Jenħtieġ li jiġi ċċarat li l-Aġenzija jenħtieġ li tkun tista’ tirċievi fondi fil-forma ta’ ftehimiet ta’ delega jew ta’ għotjiet ad-hoc, mingħajr preġudizzju għal tipi oħra ta’ introjtu.

(122)

Id-dispożizzjonijiet dwar l-evalwazzjoni perjodika tal-Aġenzija mill-Kummissjoni jenħtieġ li jiġu ċċarati u allinjati mal-Approċċ komuni anness mad-Dikjarazzjoni Konġunta tal-Parlament Ewropew, il-Kunsill u l-Kummissjoni tad-19 ta’ Lulju 2012 dwar l-aġenziji deċentralizzati. Jenħtieġ li l-Istati Membri u l-Aġenzija jipprovdu lill-Kummissjoni bl-informazzjoni meħtieġa biex jipproduċu dik l-evalwazzjoni. Għall-finijiet ta’ dik l-evalwazzjoni, jenħtieġ li l-Kummissjoni tfittex ukoll il-kontribut tal-partijiet ikkonċernati rilevanti kollha. Meta tistabbilixxi t-termini ta’ referenza għall-evalwazzjoni, jenħtieġ li l-Kummissjoni tikkonsulta lill-Bord Amministrattiv tal-Aġenzija.

(123)

Għaldaqstant, jenħtieġ li r-Regolament (UE) 2019/473 jiġi emendat skont dan.

(124)

Biex tiġi żgurata l-konsistenza bejn id-dispożizzjonijiet dwar il-kontroll, jenħtieġ li r-Regolament tal-Kunsill (KE) Nru 1967/2006 (26) u r-Regolament (UE) 2016/1139 tal-Parlament Ewropew u tal-Kunsill (27) jiġu emendati. B’mod partikolari, id-dispożizzjonijiet li jikkonċernaw il-kontroll tas-sajd rikreattiv, ir-reġistrazzjoni u r-rappurtar ta’ trażbordi u r-reġistrazzjonijiet tal-qabdiet stabbiliti fir-Regolament (KE) Nru 1967/2006 u d-dispożizzjonijiet li jikkonċernaw il-ġurnali ta’ abbord dwar is-sajd stabbiliti fir-Regolament (UE) 2016/1139 jenħtieġ li jitħassru u, minflok, jenħtieġ li japplikaw id-dispożizzjonijiet rilevanti tar-Regolament (KE) Nru 1224/2009. Barra minn hekk, id-dispożizzjonijiet dwar il-marġni ta’ tolleranza fl-istimi rreġistrati fil-ġurnal ta’ abbord dwar is-sajd stabbiliti fir-Regolament (UE) 2016/1139 jenħtieġ li jiġu emendati.

(125)

L-iskema ta’ ċertifikazzjoni tal-qabda, kif stabbilita fil-Kapitolu III tar-Regolament (KE) Nru 1005/2008, hi bbażata fuq il-karti u, għalhekk, mhix effiċjenti u mhix konformi ma’ sistema diġitalizzata ta’ traċċabilità għall-prodotti tas-sajd. F’konformità ma’ impenji internazzjonali u biex tiġi żgurata implimentazzjoni effettiva tal-iskema, jenħtieġ li r-Regolament (KE) Nru 1005/2008 jiġi emendat biex tiġi stabbilita bażi ta’ data għall-ġestjoni taċ-ċertifikati tal-qabda (CATCH) u dokumenti relatati abbażi ta’ TRACES imsemmija fir-Regolament (UE) 2017/625 tal-Parlament Ewropew u tal-Kunsill (28), biex ikun jista’ jsir kontroll ibbażat fuq ir-riskju, jitnaqqsu l-opportunitajiet ta’ importazzjonijiet frawdolenti u jitħaffef il-piż amministrattiv tal-Istati Membri.

(126)

Biex jiġu żgurati kundizzjonijiet uniformi għall-implimentazzjoni tar-Regolament (KE) Nru 1005/2008, b’mod partikolari biex ikunu jistgħu jsiru l-ġestjoni integrata, l-immaniġġar, il-ħżin u l-iskambju ta’ informazzjoni u ta’ dokumenti rilevanti għall-ispezzjonijiet, il-verifiki u l-kontroll uffiċjali u għal attivitajiet uffiċjali rilevanti oħra li jikkonċernaw l-importazzjoni u l-esportazzjoni ta’ prodotti tas-sajd kif previst fir-Regolament (KE) Nru 1005/2008, jenħtieġ li s-setgħat ta’ implimentazzjoni jingħataw lill-Kummissjoni b’rabta mal-funzjonament u l-iżvilupp tal-CATCH ibbażata fuq TRACES.

(127)

Jenħtieġ li s-setgħa li tadotta atti f’konformità mal-Artikolu 290 TFUE tiġi delegata lill-Kummissjoni sabiex tissupplimenta r-Regolament (KE) Nru 1005/2008 billi jiġu stabbiliti l-kundizzjonijiet għal kull eżenzjoni mill-applikazzjoni tal-CATCH.

(128)

Sabiex tiżdied it-traċċabilità tal-prodotti tas-sajd destinati għas-suq tal-Unjoni, jenħtieġ li jiġu introdotti rekwiżiti speċifiċi dwar il-kunsinni maqsuma taħt l-iskema ta’ ċertifikazzjoni tal-qabda. Jenħtieġ li s-setgħa li tadotta atti f’konformità mal-Artikolu 290 TFUE tiġi delegata lill-Kummissjoni biex tissupplimenta r-Regolament (KE) Nru 1005/2008 billi tiżviluppa mudell ta’ dokument sabiex jiġi armonizzat il-kontroll ta’ tali rekwiżiti.

(129)

Sabiex jissaħħu l-miżuri kontra pajjiżi terzi li ma jikkooperawx fil-ġlieda kontra s-sajd IUU, is-sjieda, inkluż bħala sid benefiċjarju kif definit fl-Artikolu 3, il-punt (6), tad-Direttiva (UE) 2015/849 tal-Parlament Ewropew u tal-Kunsill (29), it-tħaddim jew il-ġestjoni mill-operaturi tal-Unjoni ta’ bastimenti tas-sajd li jtajru l-bandiera ta’ tali pajjiżi terzi jenħtieġ li tkun ipprojbita. Barra minn hekk, jenħtieġ li l-aċċess għas-servizzi portwarji u t-twettiq ta’ operazzjonijiet ta’ ħatt l-art jew trażbord fil-portijiet tal-Unjoni minn bastimenti tas-sajd li jtajru l-bandiera ta’ tali pajjiżi terzi jkunu pprojbiti.

(130)

Biex tiġi żgurata l-konsistenza fost l-istrumenti legali tal-Unjoni li jirregolaw il-kontroll tas-sajd, id-dispożizzjonijiet dwar ksur serju, is-sanzjonijiet u s-sanzjonijiet li jakkumpanjawhom stabbiliti fir-Regolament (KE) Nru 1005/2008 jenħtieġ li jitħassru u, meta jkun hemm bżonn, jitmexxew għar-Regolament (KE) Nru 1224/2009, li hu l-istrument legali ewlieni fil-qasam tal-kontroll tas-sajd. Għaldaqstant, jenħtieġ li fir-Regolament (KE) Nru 1005/2008 issir referenza għad-dispożizzjonijiet dwar ksur serju, miżuri ta’ infurzar immedjati, sanzjonijiet u sanzjonijiet li jakkumpanjawhom li jinsabu fir-Regolament (KE) Nru 1224/2009.

(131)

Għaldaqstant, jenħtieġ li r-Regolament (KE) Nru 1005/2008 jiġi emendat skont dan.

(132)

Peress li r-regoli dwar it-trażbord barra mill-Unjoni huma stabbiliti fir-Regolament (KE) Nru 1224/2009, il-Kapitolu VI tat-Titolu II tar-Regolament (UE) 2017/2403, li jistabbilixxi r-regoli dwar it-trażbord fl-ibħra internazzjonali u taħt awtorizzazzjoni diretta, sar superfluwu u jenħtieġ li jitħassar. Għaldaqstant, jenħtieġ li r-Regolament (UE) 2017/2403 jiġi emendat skont dan.

(133)

L-emendi introdotti minn dan ir-Regolament ivarjaw minn emendi minuri għal bidliet kbar u huma meħtieġa perjodi differenti għat-tħejjija għall-applikazzjoni tar-regoli l-ġodda. Għalhekk, id-dati tal-applikazzjoni għal dawk l-emendi jenħtieġ li jkunu differenzjati u jenħtieġ li jkunu adegwati biex iħejju għall-applikazzjoni ta’ dawk ir-regoli. Barra minn hekk, jenħtieġ li jiġu introdotti ċerti dispożizzjonijiet tranżizzjonali meħtieġa biex tiġi żgurata tranżizzjoni bla xkiel għar-regoli l-ġodda.

(134)

Il-Kontrollur Ewropew għall-Protezzjoni tad-Data ġie kkonsultat skont l-Artikolu 42(1) tar-Regolament (UE) 2018/1725 u ta l-opinjoni tiegħu fit-18 ta’ Lulju 2018,

(1)

L-Artikolu 4 huwa emendat kif ġej:

(2)

L-Artikolu 5 huwa emendat kif ġej:

(3)

L-Artikoli 6 u 7 huma sostitwiti b’dan li ġej:

(4)

Jiddaħħal l-artikolu li ġej:

(5)

L-Artikolu 8 hu emendat kif ġej:

(6)

L-Artikolu 9 huwa sostitwit b’dan li ġej:

(*6)  Ir-Regolament (UE) 2017/2403 tal-Parlament Ewropew u tal-Kunsill tat-12 ta’ Diċembru 2017 dwar il-ġestjoni sostenibbli ta’ flotot tas-sajd esterni, u li jħassar ir-Regolament tal-Kunsill (KE) Nru 1006/2008 (ĠU L 347, 28.12.2017, p. 81).”."

(7)

Jiddaħħal l-artikolu li ġej:

(9)

L-Artikolu 12 huwa sostitwit b’dan li ġej:

(10)

L-Artikolu 13 huwa sostitwit b’dan li ġej:

(11)

L-Artikolu 14 huwa sostitwit b’dan li ġej:

(12)

L-Artikolu 15 huwa sostitwit b’dan li ġej:

(13)

Jiddaħħlu l-Artikoli li ġejjin:

(14)

Jitħassar l-Artikolu 16.

(15)

L-Artikolu 17 huwa emendat kif ġej:

(16)

Jitħassar l-Artikolu 18.

(17)

L-Artikolu 19 huwa sostitwit b’dan li ġej:

(18)

Jiddaħħal l-artikolu li ġej:

(19)

L-Artikolu 20 huwa emendat kif ġej:

(20)

L-Artikolu 21 huwa sostitwit b’dan li ġej:

(21)

L-Artikoli 22, 23 u 24 huma ssostitwiti b’dan li ġej:

(22)

Jitħassar l-Artikolu 25.

(23)

L-Artikolu 26 huwa emendat kif ġej:

(24)

Fl-Artikolu 27(1), il-kliem “bastiment tas-sajd” huwa sostitwit bil-kliem “bastiment tal-qbid tal-Unjoni”.

(25)

Jitħassar l-Artikolu 28.

(26)

L-Artikolu 29 huwa emendat kif ġej:

(27)

L-Artikolu 30 huwa emendat kif ġej:

(28)

L-Artikolu 31 huwa sostitwit b’dan li ġej:

(29)

Jitħassar l-Artikolu 32.

(30)

L-Artikolu 33 huwa sostitwit b’dan li ġej:

(*8)  Ir-Regolament (UE) 2017/1004 tal-Parlament Ewropew u tal-Kunsill tas-17 ta’ Mejju 2017 dwar l-istabbiliment ta’ qafas tal-Unjoni għall-ġbir, il-ġestjoni u l-użu ta’ data fis-settur tas-sajd u appoġġ għall-parir xjentifiku fir-rigward tal-Politika Komuni dwar is-Sajd u li jħassar ir-Regolament tal-Kunsill (KE) Nru 199/2008 (ĠU L 157, 20.6.2017, p. 1).”."

(31)

L-Artikolu 34 huwa sostitwit b’dan li ġej:

(32)

L-Artikolu 35 huwa emendat kif ġej:

(33)

Fl-Artikolu 36, il-paragrafu 2 huwa sostitwit b’dan li ġej:

(34)

l-Artikolu 37 hu emendat kif ġej:

(35)

Fit-Titolu IV, l-intestatura tal-Kapitolu II hi ssostitwita b’dan li ġej:

“ Kapitolu II

Kontroll tal-kapaċità tas-sajd ”.

(36)

L-Artikolu 38 huwa sostitwit b’dan li ġej:

(37)

Fil-Kapitolu II tat-Titolu IV, l-intestatura tat-Taqsima 2 hija sostitwita b’dan li ġej:

“TAQSIMA 2

QAWWA TAL-MAGNA U TUNNELLAĠĠ”.

(38)

L-Artikolu 39 huwa emendat kif ġej:

(39)

Jiddaħħal l-artikolu li ġej:

(40)

L-Artikolu 40 huwa emendat kif ġej:

(41)

L-Artikolu 41 huwa sostitwit b’dan li ġej:

(*9)  Id-Direttiva 2009/15/KE tal-Parlament Ewropew u tal-Kunsill tat-23 ta’ April 2009 dwar ir-regoli u l-istandards komuni għall-organizzazzjonijiet għall-ispezzjoni u l-perizji tal-vapuri u għall-attivitajiet rilevanti tal-amministrazzjonijiet marittimi (ĠU L 131, 28.5.2009, p. 47)."

(42)

Jiddaħħal l-artikolu li ġej:

(43)

L-Artikolu 42 huwa emendat kif ġej:

(44)

L-Artikolu 43 hu emendat kif ġej:

(45)

L-Artikolu 44 huwa sostitwit b’dan li ġej:

(46)

Jitħassru l-Artikoli 45 u 46.

(47)

L-Artikolu 48 hu emendat kif ġej:

(48)

L-Artikolu 49 huwa emendat kif ġej:

(49)

L-Artikolu 50 huwa sostitwit b’dan li ġej:

(50)

Il-kapitolu li ġej qed jiddaħħal wara l-Artikolu 54c:

“ Kapitolu IVa

Kontroll ta’ sajd mingħajr bastiment

(51)

L-Artikolu 55 huwa sostitwit b’dan li ġej:

(52)

L-intestatura tat-Titolu V hija sostitwita b’dan li ġej:

“ TITOLU V

KONTROLL FIL-KATINA TAL-PROVVISTA ”.

(53)

Fit-Titolu V, il-Kapitolu I huwa sostitwit b’dan li ġej:

“ Kapitolu I

Dispożizzjonijiet Ġenerali

(*10)  Ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1)."

(*11)  Ir-Regolament tal-Parlament Ewropew u tal-Kunsill (KE) Nru 178/2002 tat-28 ta’ Jannar 2002 li jistabbilixxi l-prinċipji ġenerali u l-ħtiġijiet tal-liġi dwar l-ikel, li jistabbilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta’ sigurtà tal-ikel (ĠU L 31, 1.2.2002, p. 1).”."

(54)

Fl-Artikolu 59, il-paragrafi 2 u 3 huma sostitwiti b’dan li ġej:

(55)

L-Artikolu 60 huwa sostitwit b’dan li ġej:

(56)

Jiddaħħal l-artikolu li ġej:

(57)

Jitħassar l-Artikolu 61.

(58)

L-Artikolu 62 huwa sostitwit b’dan li ġej:

(*12)  Id-Direttiva tal-Kunsill 2006/112/KE tat-28 ta’ Novembru 2006 dwar is-sistema komuni ta’ taxxa fuq il-valur miżjud (ĠU L 347, 11.12.2006, p. 1).”."

(59)

Jitħassar l-Artikolu 63.

(60)

L-Artikoli 64, 65 u 66 huma sostitwiti b’dan li ġej:

(61)

Jitħassar l-Artikolu 67.

(62)

L-Artikolu 68 huwa sostitwit b’dan li ġej:

(63)

Jitħassar il-Kapitolu III tat-Titolu V.

(64)

L-Artikolu 71 huwa emendat kif ġej:

(65)

l-Artikolu 73 hu emendat kif ġej:

(66)

Fit-Titolu VII, il-Kapitolu I huwa sostitwit b’dan li ġej:

‘ Kapitolu I

Dispożizzjonijiet Ġenerali

(67)

Fl-Artikolu 80, il-paragrafu 4 huwa sostitwit b’dan li ġej:

(68)

Fit-Titolu VII, l-intestatura tal-Kapitolu III hija sostitwita b’dan li ġej:

“Proċeduri fil-każ ta’ infrazzjoni” .

(69)

L-Artikolu 82 huwa sostitwit b’dan li ġej:

(70)

Jitħassar l-Artikolu 84.

(71)

Fit-Titolu VII, jitħassar il-kliem li ġej:

“ Kapitolu IV

Proċedimenti ta’ infrazzjonijiet mikxufa matul l-ispezzjonijiet ”.

(72)

L-Artikoli 85 u 86 huma sostitwiti b’dan li ġej:

(73)

Jitħassar l-Artikolu 87.

(74)

L-Artikolu 88 huwa sostitwit b’dan li ġej:

(75)

It-Titolu VIII huwa sostitwit b’dan li ġej:

“ TITOLU VIII

INFURZAR