(1)

Skont l-Artikolu 8(1) tar-Regolament (UE) Nru 978/2012, il-preferenzi tariffarji tal-arranġament ġenerali tal-iskema ġeneralizzata ta’ preferenzi (SĠP) għandhom jiġu sospiżi fir-rigward ta’ prodotti ta’ taqsima tas-SĠP li joriġinaw f’pajjiż benefiċjarju tas-SĠP meta l-valur medju tal-importazzjonijiet mill-Unjoni ta’ dawn il-prodotti għal 3 snin konsekuttivi minn dak il-pajjiż benefiċjarju tas-SĠP jaqbeż il-limiti elenkati fl-Anness VI ta’ dak ir-Regolament.

(2)

Skont l-Artikolu 8(3) tar-Regolament (UE) Nru 978/2012, kull 3 snin il-Kummissjoni għandha tirrieżamina dik il-lista u tadotta att ta’ implimentazzjoni li jissospendi jew jistabbilixxi mill-ġdid il-preferenzi tariffarji.

(3)

F’konformità mal-Artikolu 8(2) tar-Regolament (UE) Nru 978/2012, abbażi tal-istatistika kummerċjali li tikkonċerna s-snin kalendarji 2018-2020 kif disponibbli fl-1 ta’ Settembru 2021 u filwaqt li jitqiesu l-importazzjonijiet mill-pajjiżi benefiċjarji tas-SĠP elenkati fl-Anness II tar-Regolament (UE) Nru 978/2012 kif applikabbli f’dik id-data, ir-Regolament ta’ Implimentazzjoni tal-Kummissjoni (UE) 2022/1039 (2) jistabbilixxi l-lista ta’ taqsimiet ta’ prodotti li għalihom il-preferenzi tariffarji ġew sospiżi mill-1 ta’ Jannar 2023 sal-31 ta’ Diċembru 2023.

(4)

Fiż-żmien tal-adozzjoni tar-Regolament ta’ Implimentazzjoni (UE) 2022/1039, ir-Regolament (UE) Nru 978/2012 kellu jiskadi fil-31 ta’ Diċembru 2023. Għaldaqstant, il-preferenzi tariffarji ġew sospiżi fir-rigward tal-pajjiżi benefiċjarji tas-SĠP ikkonċernati għal-lista riveduta ta’ prodotti tat-taqsimiet SĠP stabbilita fl-Anness ta’ dak ir-Regolament mill-1 ta’ Jannar 2023 sal-31 ta’ Diċembru 2023.

(5)

Sabiex tiġi żgurata l-kontinwità tal-applikazzjoni tal-iskema sakemm tiġi konkluża l-proċedura leġiżlattiva b’segwitu għall-proposta tal-Kummissjoni għal Regolament SĠP rivedut adottata fit-22 ta’ Settembru 2021, bir-Regolament (UE) 2023/2663 tal-Parlament Ewropew u tal-Kunsill (3),il-perjodu ta’ applikazzjoni tar-Regolament (UE) Nru 978/2012 ġie estiż sal-31 ta’ Diċembru 2027.

(6)

Għaldaqstant, jenħtieġ li s-sospensjoni ta’ ċerti preferenzi tariffarji previsti fir-Regolament ta’ Implimentazzjoni (UE) 2022/1039 tiġi estiża għall-perjodu standard ta’ 3 snin stabbilit fl-Artikolu 8, il-paragrafu 3 tar-Regolament (UE) Nru 978/2012.

(7)

Sabiex tiġi żgurata l-applikazzjoni kontinwa tar-Regolament (UE) Nru 978/2012, jekk il-pubblikazzjoni ta’ dan ir-Regolament issir wara l-31 ta’ Diċembru 2023, jenħtieġ li dan japplika b’mod retroattiv mill-1 ta’ Jannar 2024,