Il-Ġurnal Uffiċjali |
MT Serje L |
2023/2736 |
8.12.2023 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/2736
tas-7 ta’ Diċembru 2023
dwar l-awtorizzazzjoni ta’ preparat ta’ Bacillus velezensis NITE BP-01844 bħala addittiv tal-għalf għall-ispeċijiet kollha ta’ pollam tas-simna, għat-tiġieġ imrobbija għall-bajd, għad-dundjani mrobbija għat-tnissil, għall-ispeċijiet minuri ta’ pollam imrobbija għall-bajd jew għat-tnissil u għall-għasafar ornamentali (detentur tal-awtorizzazzjoni: Toa Biopharma Co., Ltd)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti ta’ tali awtorizzazzjoni. |
(2) |
F’konformità mal-Artikolu 7 tar-Regolament (KE) Nru 1831/2003, tressqet applikazzjoni għall-awtorizzazzjoni ta’ preparat ta’ Bacillus velezensis NITE BP-01844 bħala addittiv tal-għalf. Flimkien ma’ dik l-applikazzjoni ntbagħtu d-dettalji u d-dokumenti meħtieġa skont l-Artikolu 7(3) tar-Regolament (KE) Nru 1831/2003. |
(3) |
L-applikazzjoni tikkonċerna l-awtorizzazzjoni ta’ preparat ta’ Bacillus velezensis NITE BP-01844 bħala addittiv tal-għalf għat-tiġieġ tas-simna, għad-dundjani tas-simna, għat-tiġieġ imrobbija għall-bajd, għad-dundjani mrobbija għat-tnissil u għall-ispeċijiet tat-tjur minuri kollha (inklużi wkoll l-għasafar tal-isports, ornamentali u eżotiċi) għall-iskarnar jew meta jibdew ibidu (“l-ispeċi fil-mira”), bit-talba li dak l-addittiv jiġi kklassifikat fil-kategorija “addittivi żootekniċi” u fil-grupp funzjonali “stabbilizzaturi tal-flora intestinali”. |
(4) |
Fl-opinjonijiet tagħha tas-26 ta’ Jannar 2022 (2) u tat-12 ta’ Mejju 2023 (3), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li, fil-kundizzjonijiet proposti tal-użu, il-preparat ta’ Bacillus velezensis NITE BP-01844 huwa sikur għall-ispeċijiet fil-mira, għall-konsumaturi u għall-ambjent. Ikkonkludiet ukoll li l-preparat ta’ Bacillus velezensis NITE BP-01844 mhuwiex irritanti għall-ġilda iżda potenzjalment irritanti għall-għajnejn, u li jenħtieġ li jitqies bħala sensitizzatur respiratorju. Peress li ma ġie pprovdut l-ebda test tas-sensitizzazzjoni tal-ġilda, l-Awtorità ma setgħetx tasal għal konklużjonijiet dwar il-potenzjal ta’ sensitizzazzjoni tal-ġilda ta’ dak il-preparat. L-Awtorità kkonkludiet ukoll li l-preparat ta’ Bacillus velezensis NITE BP-01844, għandu l-potenzjal li jkun effikaċi għall-ispeċijiet fil-mira meta jiġi ssupplimentat b’2,0 x 108 CFU/kg ta’ għalf komplet, u huwa kompatibbli mal-koċċidjostati diklażuril, dekokinat, alofuġinon, monensina, salinomiċina, narasin, robenidina u maduramiċina. Hija ma qisitx li hemm ħtieġa għal rekwiżiti speċifiċi ta’ monitoraġġ ta’ wara t-tqegħid fis-suq. L-Awtorità vverifikat ukoll ir-rapport dwar il-metodi ta’ analiżi tal-addittiv tal-għalf fl-għalf, li ġie ppreżentat mil-Laboratorju ta’ Referenza stabbilit bir-Regolament (KE) Nru 1831/2003. |
(5) |
Fid-dawl ta’ dan ta’ hawn fuq, il-Kummissjoni tqis li l-preparat ta’ Bacillus velezensis NITE BP-01844 jissodisfa l-kundizzjonijiet għall-awtorizzazzjoni previsti fl-Artikolu 5 tar-Regolament (KE) Nru 1831/2003. Barra minn hekk, f’konformità mal-gwida tal-Awtorità dwar il-valutazzjoni tal-effikaċja tal-addittivi tal-għalf (4), jenħtieġ li jitqies li dak il-preparat għandu l-potenzjali li jkun effikaċi għall-ispeċijiet fil-mira meta jiġi ssupplimentat b’1,0 × 108 CFU/l ta’ ilma tax-xorb. Għaldaqstant, l-użu tal-preparat ta’ Bacillus velezensis NITE BP-01844 jenħtieġ li jiġi awtorizzat għall-ispeċijiet kollha ta’ pollam tas-simna, għat-tiġieġ imrobbija għall-bajd, għad-dundjani mrobbija għat-tnissil, għall-ispeċijiet minuri ta’ pollam imrobbija għall-bajd jew għat-tnissil u għall-għasafar ornamentali inkluż meta jiġi ssupplimentat fl-ilma tax-xorb. Barra minn hekk, il-Kummissjoni hija tal-fehma li jenħtieġ li jittieħdu miżuri protettivi xierqa sabiex jiġu evitati effetti avversi fuq is-saħħa tal-utenti tal-addittiv. |
(6) |
Il-miżuri previsti f’dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Awtorizzazzjoni
Il-preparat speċifikat fl-Anness, li huwa parti mill-kategorija ta’ addittivi “addittivi żootekniċi” u mill-grupp funzjonali “stabbilizzaturi tal-flora intestinali”, huwa awtorizzat bħala addittiv fin-nutrizzjoni tal-annimali, soġġett għall-kundizzjonijiet stipulati f’dak l-Anness.
Artikolu 2
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-7 ta’ Diċembru 2023.
Għall-Kummissjoni
Il-President
Ursula VON DER LEYEN
(1) ĠU L 268, 18.10.2003, p. 29.
(2) EFSA Journal 2022;20(2):7152.
(3) EFSA Journal 2023;21(6):8053.
(4) EFSA Journal 2018;16(5):5274.
ANNESS
Numru ta’ identifikazzjoni tal-addittiv |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku |
Speċi jew kategorija ta’ annimal |
Età massima |
Kontenut minimu |
Kontenut massimu |
Kontenut minimu |
Kontenut massimu |
Dispożizzjonijiet oħra |
Tmiem il-perjodu ta’ awtorizzazzjoni |
||||||||||
CFU/kg ta’ għalf komplet b’kontenut ta’ ndewwa ta’ 12 % |
CFU/l ta’ ilma tax-xorb |
||||||||||||||||||||
Kategorija ta’ addittivi żootekniċi. Grupp funzjonali: stabbilizzaturi tal-flora intestinali |
|||||||||||||||||||||
4b1903 |
Toa Biopharma Co., Ltd., il-Ġappun, irrappreżentata minn Toa Biopharma Co., Ltd., Uffiċċju Rappreżentanti fl-Ewropa |
Bacillus velezensis NITE BP-01844 |
Kompożizzjoni tal-addittiv: Preparat ta’ spori vijabbli ta’ Bacillus velezensis NITE BP-01844 b’konċentrazzjoni minima ta’ 1 × 108 CFU/g ta’ addittiv Forma solida Karatterizzazzjoni tas-sustanza attiva: Spori vijabbli ta’ Bacillus velezensis NITE BP-01844 Metodu analitiku (1): Identifikazzjoni:
Enumerazzjoni fl-addittiv tal-għalf, fit-taħlitiet lesti minn qabel, fl-għalf u fl-ilma: metodu tat-tifrix fuq it-tryptone soya agar (EN 15784). |
L-ispeċijiet kollha tal-pollam tas-simna Tiġieġ imrobbija għall-bajd Dundjani mrobbija għat-tnissil Speċijiet minuri tal-pollam imrobbija għall-bajd jew għat-tnissil Għasafar ornamentali |
— |
2 × 108 |
— |
1 × 108 |
— |
|
It-28 ta’ Diċembru 2033 |
(1) Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-auth1orisation/eurl-fa-evaluation-reports_en
ELI: http://data.europa.eu/eli/reg_impl/2023/2736/oj
ISSN 1977-074X (electronic edition)