![]() |
Il-Ġurnal Uffiċjali |
MT Serje L |
2023/2576 |
14.11.2023 |
REGOLAMENT TA’ IMPLIMENTAZZJONI TAL-KUNSILL (UE) 2023/2576
tat-13 ta' Novembru 2023
li jimplimenta r-Regolament (UE) 2017/1509 dwar miżuri restrittivi kontra r-Repubblika Demokratika tal-Poplu tal-Korea
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) 2017/1509 tat-30 ta' Awwissu 2017 dwar miżuri restrittivi kontra r-Repubblika Demokratika tal-Poplu tal-Korea u li jħassar ir-Regolament (KE) Nru 329/2007 (1), u b'mod partikolari l-Artikoli 47(2), 47(5) u 47a tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta' Sigurtà,
Billi:
(1) |
Fit-30 ta' Awwissu 2017, il-Kunsill adotta r-Regolament (UE) 2017/1509. |
(2) |
F'konformità mal-Artikolu 47a(1) tar-Regolament (UE) 2017/1509, il-Kunsill irrieżamina l-listi ta' persuni u entitajiet deżinjati li jinsabu fl-Annessi XV, XVI, XVII u XVIII għal dak ir-Regolament. |
(3) |
Jenħtieġ li jinżammu l-miżuri restrittivi kontra l-persuni u l-entitajiet kollha fil-listi li jinsabu fl-Annessi XV u XVI għar-Regolament (UE) 2017/1509, bl-eċċezzjoni ta' persuna deċeduta waħda deżinjata fl-Anness XV ta’ dak ir-Regolament li l-entrata tagħha jenħtieġ li titneħħa. Jenħtieġ li l-entrati għal 16-il persuna u erba' entitajiet f’dawk l-Annessi jiġu aġġornati. |
(4) |
Fid-29 ta' Ġunju 2023 u s-16 ta' Awwissu 2023, il-Kumitat tal-Kunsill tas-Sigurtà tan-Nazzjonijiet Uniti ("KSNU") stabbilit skont ir-Riżoluzzjoni 1718 (2006) tal-KSNU aġġorna l-informazzjoni relatata ma' 23 persuna u entità waħda fil-lista li tinsab fl-Anness XIII għar-Regolament (UE) 2017/1509. L-entrati għal 23 persuna u entità waħda fl-Anness XIII għandhom għalhekk jiġu aġġornati. |
(5) |
Għadaqstant jenħtieġ li r-Regolament (UE) 2017/1509 jiġi emendat skont dan, |
ADOTTA DAN IR-REGOLAMENT:
Artikolu 1
L-Annessi XIII, XV u XVI għar-Regolament (UE) 2017/1509 huma emendati skont l-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-13 ta’ Novembru 2023.
Għall-Kunsill
Il-President
J. BORRELL FONTELLES
ANNESS
(1)
L-Anness XIII għar-Regolament (UE) 2017/1509 huwa emendat kif ġej:
(a) |
taħt l-intestatura "Lista ta' persuni, entitajiet u korpi msemmijin fl-Artikolu 34(1) u 34(3)", is-subintestatura "(a) Persuni fiżiċi", l-entrati 2, 3, 4, 8, 12, 19, 20, 25, 26, 36, 43, 50, 51, 53, 55, 58, 63, 64, 65, 68, 74, 77 u 79 huma sostitwiti b'dan li ġej:
|
(b) |
taħt l-intestatura ‘Lista ta’ persuni, entitajiet u korpi msemmija fl-Artikolu 34(1) u 34(3), subintestatura “(b) Persuni legali, entitajiet u korpi”, l-entrata 28 hija sostitwita b’dan li ġej:
|
(2)
L-Anness XV tar-Regolament (UE) 2017/1509 huwa emendat kif ġej:
(a) |
taħt l-intestatura 'Lista ta' persuni, entitajiet u korpi msemmija fl-Artikolu 34(1) u 34(3)', subintestatura '(a) Persuni naturali nominati skont il-punt (a) tal-Artikolu 34(4) “, l-entrata 3 titħassar u l-entrati 4, 7, 10, 11, 17, 28, 29 u 31 huma sostitwiti b’dan li ġej:
|
(b) |
taħt l-intestatura “Lista ta’ persuni, entitajiet u korpi msemmija fl-Artikolu 34(1) u 34(3)”, subintestatura “(b) Persuni legali, entitajiet u korpi nominati skont il-punt (a) tal-Artikolu 34(4)”, l-entrata 4 tinbidel b’dan li ġej:
|
(3)
L-Anness XVI tar-Regolament 1509/2017 huwa emendat kif ġej:
(a) |
taħt l-intestatura 'Lista ta' persuni, entitajiet jew korpi msemmija fl-Artikolu 34(1) u 34(3)', subintestatura '(a) Persuni fiżiċi', entrati 8, 10, 11, 12, 13, 14 , 15 u 31 huma sostitwiti b'dan li ġej:
|
(b) |
taħt l-intestatura 'Lista ta' persuni, entitajiet jew korpi msemmija fl-Artikolu 34(1) u 34(3)', is-subintestatura '(b) Persuni legali, entitajiet u korpi', l-entrati 4, 5 u 6 huma sostitwiti minn dan li ġej:
|
ELI: http://data.europa.eu/eli/reg_impl/2023/2576/oj
ISSN 1977-074X (electronic edition)