DEĊIŻJONI TAL-KUMITAT KONĠUNT TAŻ-ŻEE Nru 123/2023

tat-28 ta’ April 2023

li temenda l-Anness XIII (Trasport) tal-Ftehim dwar iż-ŻEE [2023/2403]

IL-KUMITAT KONĠUNT TAŻ-ŻEE,

Wara li kkunsidra l-Ftehim dwar iż-Żona Ekonomika Ewropea (‘il-Ftehim dwar iż-ŻEE’), u b’mod partikolari l-Artikolu 98 tiegħu,

Billi:

(1)	Ir-Regolament tal-Kummissjoni (UE) 2022/2074 tal-20 ta’ Lulju 2022 li jemenda r-Regolament (UE) Nru 139/2014, fir-rigward tad-definizzjoni ta’ SNOWTAM (1) għandu jiġi inkorporat fil-Ftehim dwar iż-ŻEE.

(2)	Jenħtieġ għalhekk, li l-Anness XIII tal-Ftehim dwar iż-ŻEE jiġi emendat skont dan,

ADOTTA DIN ID-DEĊIŻJONI:

Artikolu 1

L-inċiż li ġej għandu jiżdied fil-punt 66nh (ir-Regolament tal-Kummissjoni (UE) Nru 139/2014) tal-Anness XIII tal-Ftehim dwar iż-ŻEE:

“-	32022 R 2074: Ir-Regolament Delegat tal-Kummissjoni (UE) 2022/2074 tal-20 ta’ Lulju 2022 (ĠU L 280, 28.10.2022, p. 4).”

Artikolu 2

It-test tar-Regolament Delegat (UE) 2022/2074 bil-lingwa Iżlandiża u b’dik Norveġiża, li se jiġi ppubblikat fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandu jkun awtentiku.

Artikolu 3

Din id-Deċiżjoni għandha tidħol fis-seħħ fid-29 ta’ April 2023, dment li jkunu saru n-notifiki kollha skont l-Artikolu 103(1) tal-Ftehim dwar iż-ŻEE (*1).

Artikolu 4

Din id-Deċiżjoni għandha tiġi ppubblikata fit-Taqsima taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.

Magħmul fi Brussell, it-28 ta’ April 2023.

Għall-Kumitat Konġunt taż-ŻEE

Il-President

Nicolas VON LINGEN

(1) ĠU L 280, 28.10.2022, p. 4.

(*1) Ma huwa indikat l-ebda rekwiżit kostituzzjonali.