Il-Ġurnal Uffiċjali |
MT Serje L |
2023/2176 |
17.10.2023 |
DEĊIŻJONI TA’ IMPLIMENTAZZJONI TAL-KUMMISSJONI (UE) 2023/2176
tat-13 ta’ Ottubru 2023
li temenda d-Deċiżjoni ta’ Implimentazzjoni (UE) 2021/1388 fir-rigward tal-fornitur tal-materjal ta’ referenza
(notifikata bid-dokument C(2023) 6734)
(It-testi bl-Olandiż u bil-Franċiż biss huma awtentiċi)
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1829/2003 tal-Parlament Ewropew u tal-Kunsill tat-22 ta’ Settembru 2003 dwar ikel u għalf modifikat ġenetikament (1), u b’mod partikolari l-Artikoli 9(2) u 21(2) tiegħu,
Billi:
(1) |
Corteva Agriscience LLC, l-Istati Uniti, irrappreżentata fl-Unjoni minn Corteva Agriscience Belgium BV, hija d-detentur tal-awtorizzazzjoni għall-introduzzjoni fis-suq, skont ir-Regolament (KE) Nru 1829/2003, tal-qamħirrum ġenetikament modifikat li fih l-event uniku MIR 162 (l-identifikatur uniku SYN-IR162-4), kopert mid-Deċiżjoni ta’ Implimentazzjoni tal-Kummissjoni (UE) 2021/1388 (2). |
(2) |
L-Anness tad-Deċiżjoni ta’ Implimentazzjoni (UE) 2021/1388 fih indikazzjoni tal-fornitur tal-materjali ta’ referenza u link għall-paġna web li fuqha huwa disponibbli l-materjal ta’ referenza għall-metodu ta’ detezzjoni. |
(3) |
Permezz ta’ ittra bid-data tal-11 ta’ Ottubru 2022, Corteva Agriscience Belgium BV, f’isem Corteva Agriscience LLC, infurmat lill-Kummissjoni dwar bidla fil-fornitur tal-materjal ta’ referenza tal-qamħirrum ġenetikament modifikat MIR162. Għalhekk, jenħtieġ li d-Deċiżjoni ta’ Implimentazzjoni (UE) 2021/1388 tiġi emendata sabiex tiġi aġġornata l-indikazzjoni fir-rigward tal-link tas-sit web għall-aċċess għall-materjal ta’ referenza ċċertifikat. |
(4) |
Jenħtieġ li l-bidla fil-fornitur tal-materjal ta’ referenza tal-qamħirrum ġenetikament modifikat MIR162 tiddaħħal fir-reġistru Komunitarju tal-ikel u l-għalf ġenetikament modifikat imsemmi fl-Artikolu 28(1) tar-Regolament (KE) Nru 1829/2003. |
(5) |
L-emendi proposti għad-deċiżjonijiet ta’ awtorizzazzjoni huma ta’ natura purament amministrattiva u ma jinvolvux valutazzjoni ġdida tal-prodotti kkonċernati. |
(6) |
Il-miżuri previsti f’din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Emenda tad-Deċiżjoni ta’ Implimentazzjoni (UE) 2021/1388
Fl-Anness, il-punt (d)(3) huwa sostitwit b’dan li ġej:
“(3) |
Materjal ta’ Referenza: ERM®-BF418 (għal DAS-Ø15Ø7), ERM®-BF413 (għal MON-ØØ81Ø-6), ERM®-BF415 (għal MON-ØØ6Ø3-6) u ERM®-BF446 (għal SYN-IR162-4) huma aċċessibbli permezz taċ-Ċentru Konġunt tar-Riċerka (JRC) tal-Kummissjoni Ewropea fuq https://crm.jrc.ec.europa.eu/.” |
Artikolu 2
Destinatarju
Din id-Deċiżjoni hija indirizzata lil Corteva Agriscience LLC, 9330 Zionsville Road Indianapolis, Indiana 46268-1054, l-Istati Uniti, irrappreżentata fl-Unjoni minn Corteva Agriscience Belgium BV, Rue Montoyer 25, 1000 Brussell, il-Belġju.
Magħmul fi Brussell, it-13 ta’ Ottubru 2023.
Għall-Kummissjoni
Stella KYRIAKIDES
Membru tal-Kummissjoni
(1) ĠU L 268, 18.10.2003, p. 1.
(2) Id-Deċiżjoni ta’ Implimentazzjoni tal-Kummissjoni (UE) 2021/1388 tas-17 ta’ Awwissu 2021 li tawtorizza t-tqegħid fis-suq ta’ prodotti li fihom, li jikkonsistu minn, jew li jkunu magħmulin mill-qamħirrum ġenetikament modifikat 1507 × MIR162 × MON810 × NK603, u mill-qamħirrum ġenetikament modifikat li jikkombina tnejn jew tlieta mill-eventi uniċi 1507, MIR162, MON810 u NK603 skont ir-Regolament (KE) Nru 1829/2003 tal-Parlament Ewropew u tal-Kunsill (ĠU L 300, 24.8.2021, p. 22).
ELI: http://data.europa.eu/eli/dec_impl/2023/2176/oj
ISSN 1977-074X (electronic edition)