(1)

L-Unjoni għandha tiżgura l-protezzjoni effettiva tal-integrità u l-funzjonament xieraq tas-sistema finanzjarja tagħha u tas-suq intern mill-ħasil tal-flus u l-finanzjament tat-terroriżmu. Għaldaqstant, id-Direttiva (UE) 2015/849 tipprevedi li l-Kummissjoni għandha tidentifika l-ġuriżdizzjonijiet ta’ pajjiżi terzi li għandhom nuqqasijiet strateġiċi fir-reġimi tagħhom dwar il-ġlieda kontra l-ħasil tal-flus u l-finanzjament tat-terroriżmu (anti-money laundering and countering financing of terrorism, AML/CFT) li joħolqu theddid serju għas-sistema finanzjarja tal-Unjoni (“pajjiżi terzi b’riskju kbir”).

(2)

Ir-Regolament Delegat tal-Kummissjoni (UE) 2016/1675 (2) jidentifika l-pajjiżi terzi b’riskju kbir b’nuqqasijiet strateġiċi.

(3)

Minħabba l-livell għoli ta’ integrazzjoni tas-sistema finanzjarja internazzjonali, ir-rabta stretta tal-operaturi tas-suq, il-volum għoli ta’ tranżazzjonijiet transfruntiera lejn jew mill-Unjoni, u l-livell ta’ ftuħ tas-suq, kwalunkwe theddida tal-AML/CFT fuq is-sistema finanzjarja internazzjonali hija wkoll theddida għas-sistema finanzjarja tal-Unjoni.

(4)

Skont l-Artikolu 9(4) tad-Direttiva (UE) 2015/849, meta tidentifika pajjiżi terzi b’riskju kbir, il-Kummissjoni għandha tqis l-evalwazzjonijiet, il-valutazzjonijiet jew ir-rapporti rilevanti mfassla minn organizzazzjonijiet internazzjonali u minn dawk li jistabbilixxu l-istandards b’kompetenza fil-qasam tal-prevenzjoni tal-ħasil tal-flus u tal-ġlieda kontra l-finanzjament tat-terroriżmu. Tali informazzjoni tinkludi dikjarazzjonijiet pubbliċi mit-Task Force ta’ Azzjoni Finanzjarja (Financial Action Task Force, FATF), il-lista tal-FATF ta’ “Ġurisdizzjonijiet soġġetti għal Monitoraġġ Miżjud”, u rapporti tal-FATF tal-Grupp ta’ Analiżi tal-Kooperazzjoni Internazzjonali fir-rigward tar-riskji maħluqa minn pajjiżi terzi individwali.

(5)

Mill-aħħar emendi għar-Regolament Delegat (UE) 2016/1675, il-FATF aġġornat il-lista tagħha ta’ “Ġuriżdizzjonijiet soġġetti għal Monitoraġġ Miżjud”. Fil-laqgħa plenarja tagħha bejn il-21 u t-23 ta’ Ġunju 2023, il-FATF aġġornat il-lista tagħha ta’ “Ġuriżdizzjonijiet soġġetti għal Monitoraġġ Miżjud” billi żiedet il-Kamerun u l-Vjetnam ma’ dik il-lista. Fid-dawl ta’ dawn il-bidliet, il-Kummissjoni wettqet valutazzjoni biex tidentifika l-pajjiżi terzi b’riskju kbir f’konformità mal-Artikolu 9 tad-Direttiva (UE) 2015/849.

(6)

F’Ġunju 2023, il-Kamerun ħa impenn politiku ta’ livell għoli biex jaħdem mal-FATF u mal-“Groupe d’Action Contre le Blanchiment d’Argent en Afrique Centrale” (GABAC), li huwa l-korp reġjonali tat-tip tal-FATF tagħha (FATF-style regional body, FSRB), biex isaħħaħ l-effettività tar-reġim tal-AML/CFT tiegħu. Sa mill-adozzjoni tar-rapport ta’ evalwazzjoni reċiproka tiegħu f’Ottubru 2021, il-Kamerun għamel progress fuq uħud mill-azzjonijiet rakkomandati fir-rapport ta’ evalwazzjoni reċiproka billi żied ir-riżorsi tal-unità tal-intelligence finanzjarja (UIF) u billi bena l-kapaċità tal-awtoritajiet investigattivi u tal-korpi ġudizzjarji biex iwettqu b’mod effettiv każijiet ta’ ħasil tal-flus/finanzjament tat-terroriżmu. Il-Kamerun se jaħdem biex jimplimenta l-pjan ta’ azzjoni tiegħu tal-FATF billi: (1) jallinja l-istrateġiji u l-politiki nazzjonali tal-AML/CFT mas-sejbiet tal-valutazzjoni tar-riskju nazzjonali u l-monitoraġġ tal-implimentazzjoni tagħhom, u juri l-kooperazzjoni u l-koordinazzjoni tal-AML/CFT bejn l-awtoritajiet kompetenti; (2) jiżgura prijoritizzazzjoni bbażata fuq ir-riskju ta’ talbiet li jidħlu għal kooperazzjoni internazzjonali f’konformità mar-riskji u jwieġeb b’mod effettiv; (3) isaħħaħ is-superviżjoni bbażata fuq ir-riskju tal-banek u jimplimenta superviżjoni effettiva bbażata fuq ir-riskju għal istituzzjonijiet finanzjarji mhux bankarji u negozji u professjonijiet mhux finanzjarji deżinjati, u jwettaq ħidma xierqa biex jintlaħqu istituzzjonijiet finanzjarji ta’ riskju għoli u negozji u professjonijiet mhux finanzjarji deżinjati; (4) iżomm u jiżgura aċċess f’waqtu mill-awtoritajiet kompetenti għal informazzjoni adegwata u aġġornata dwar is-sjieda benefiċjarja dwar persuni ġuridiċi, u jistabbilixxi reġim ta’ sanzjonijiet għall-ksur tal-obbligi ta’ trasparenza applikabbli għall-persuni ġuridiċi; (5) isaħħaħ l-iskambju sigur ta’ informazzjoni bejn l-UIF, l-entitajiet relaturi u l-awtoritajiet kompetenti u juri żieda fid-disseminazzjoni ta’ rapporti ta’ intelligence biex jappoġġa l-ħtiġijiet operazzjonali tal-awtoritajiet kompetenti; (6) juri li l-awtoritajiet huma kapaċi jwettqu firxa ta’ investigazzjonijiet dwar il-ħasil tal-flus, u jipproċedu kontra każijiet tal-ħasil tal-flus f’konformità mar-riskji; (7) jimplimenta politiki u proċeduri għas-sekwestru u l-konfiska tar-rikavati u l-istrumenti tal-kriminalità u l-ġestjoni ta’ proprjetà ffriżata, maqbuda u kkonfiskata, u jipprijoritizza l-qbid u l-konfiska tal-assi fil-fruntiera; (8) juri li l-investigazzjonijiet u l-prosekuzzjonijiet tal-finanzjament tat-terroriżmu huma segwiti f’konformità mar-riskju; u (9) juri implimentazzjoni effettiva tar-reġimi ta’ sanzjonijiet finanzjarji mmirati (targeted financial sanctions, TFS) għall-finanzjament tat-terroriżmu u l-finanzjament tal-proliferazzjoni u jimplimenta approċċ ibbażat fuq ir-riskju għall-organizzazzjonijiet mingħajr skop ta’ qligħ mingħajr ma jfixkel attivitajiet leġittimi ta’ organizzazzjonijiet mingħajr skop ta’ qligħ. Minkejja dak l-impenn u l-progress, il-Kamerun għadu ma indirizzax bis-sħiħ it-tħassib li wassal biex il-Kamerun jiżdied mal-lista tal-FATF ta’ “Ġuriżdizzjonijiet soġġetti għal Monitoraġġ Miżjud”. Għaldaqstant, jenħtieġ li l-Kamerun jitqies bħala ġuriżdizzjoni ta’ pajjiż terz li għandha nuqqasijiet strateġiċi fir-reġim tal-AML/CFT tagħha li joħolqu theddid sinifikanti għas-sistema finanzjarja tal-Unjoni kif imsemmi fl-Artikolu 9(1) tad-Direttiva (UE) 2015/849.

(7)

F’Ġunju 2023, il-Vjetnam ħa impenn politiku ta’ livell għoli biex jaħdem mal-FATF u mal-Grupp tal-Asja/Paċifiku (Asia Pacific Group, APG), li huwa l-FSRB tiegħu, biex isaħħaħ l-effettività tar-reġim tal-AML/CFT tiegħu. Sa mill-adozzjoni tar-rapport ta’ evalwazzjoni reċiproka tiegħu f’Novembru 2021, il-Vjetnam għamel progress fuq xi wħud mill-azzjonijiet rakkomandati fir-rapport ta’ evalwazzjoni reċiproka billi ngħaqad man-Network tal-Interaġenziji għall-Irkupru tal-Assi tal-Asja u tal-Paċifiku u billi adotta pjan ta’ azzjoni nazzjonali dwar l-AML/CTF/il-ġlieda kontra l-finanzjament tal-proliferazzjoni. Il-Vjetnam se jaħdem biex jimplimenta l-pjan ta’ azzjoni tiegħu tal-FATF billi: (1) iżid il-fehim tar-riskju, il-koordinazzjoni domestika u l-kooperazzjoni fil-ġlieda kontra l-ħasil tal-flus/il-finanzjament tat-terroriżmu; (2) isaħħaħ il-kooperazzjoni internazzjonali; (3) jimplimenta s-superviżjoni effettiva bbażata fuq ir-riskju għall-istituzzjonijiet finanzjarji u għan-negozji u l-professjonijiet mhux finanzjarji deżinjati; (4) jieħu azzjoni biex jirregola l-assi virtwali u l-fornituri ta’ servizzi tal-assi virtwali; (5) jindirizza n-nuqqasijiet tekniċi fil-konformità, inkluż fir-rigward tar-reat tal-ħasil tal-flus, it-TFS, id-diliġenza dovuta tal-klijenti u r-rapportar ta’ tranżazzjonijiet suspettużi; (6) iwettaq attivitajiet ta’ ħidma biex jintlaħaq is-settur privat; (7) jistabbilixxi reġim li jipprovdi lill-awtoritajiet kompetenti b’informazzjoni adegwata, preċiża u aġġornata dwar is-sjieda benefiċjarja; (8) jiżgura l-indipendenza tal-UIF u jtejjeb il-kwalità u l-kwantità tal-analiżi u d-disseminazzjonijiet tal-intelligence finanzjarja; (9) jipprijoritizza investigazzjonijiet finanzjarji paralleli u juri żieda fl-għadd ta’ investigazzjonijiet u prosekuzzjonijiet dwar il-ħasil tal-flus imwettqa; u (10) juri li hemm monitoraġġ tal-istituzzjonijiet finanzjarji u tan-negozji u l-professjonijiet mhux finanzjarji deżinjati għall-konformità mal-obbligi tat-TFS għall-finanzjament tal-proliferazzjoni u li hemm kooperazzjoni u koordinazzjoni bejn l-awtoritajiet għall-prevenzjoni li jiġu evitati TFS għall-finanzjament tal-proliferazzjoni. Minkejja dan l-impenn u l-progress, il-Vjetnam għadu ma indirizzax bis-sħiħ it-tħassib li wassal biex il-Vjetnam jiżdied mal-lista tal-FATF ta’ “Ġuriżdizzjonijiet soġġetti għal Monitoraġġ Miżjud”. Għaldaqstant, jenħtieġ li l-Vjetnam jitqies bħala ġuriżdizzjoni ta’ pajjiż terz li għandha nuqqasijiet strateġiċi fir-reġim tal-AML/CFT tagħha li joħolqu theddid sinifikanti għas-sistema finanzjarja tal-Unjoni kif imsemmi fl-Artikolu 9(1) tad-Direttiva (UE) 2015/849.

(8)

Għaldaqstant, il-Kummissjoni tikkonkludi li jenħtieġ li l-Kamerun u l-Vjetnam jitqiesu bħala ġuriżdizzjonijiet ta’ pajjiżi terzi li għandhom nuqqasijiet strateġiċi fir-reġimi tal-AML/CFT tagħhom li joħolqu theddid sinifikanti għas-sistema finanzjarja tal-Unjoni. Għaldaqstant jenħtieġ li l-Kamerun u l-Vjetnam jiżdiedu mat-tabella fil-punt I tal-Anness tar-Regolament Delegat (UE) 2016/1675.

(9)

Għaldaqstant jenħtieġ li r-Regolament Delegat (UE) 2016/1675 jiġi emendat skont dan,

(1)

Ir-Regolament FSE+ jirrikjedi li l-awtoritajiet maniġerjali jirrapportaw darbtejn lill-Kummissjoni r-riżultati ta’ stħarriġ strutturat tar-riċevituri aħħarin rigward l-appoġġ riċevut mill-FSE+ skont l-objettiv speċifiku stabbilit fil-punt (m) tal-Artikolu 4(1) tar-Regolament FSE+ u li jiffoka wkoll fuq il-kundizzjonijiet tal-għajxien tagħhom u n-natura tal-privazzjoni materjali tagħhom, imwettaq matul is-sena preċedenti. L-ewwel tali rappurtar għandu jsir sat-30 ta’ Ġunju 2025 u t-tieni sat-30 ta’ Ġunju 2028.

(2)

Dan l-istħarriġ strutturat dwar ir-riċevituri aħħarin huwa wieħed mill-istrumenti li għandhom jintużaw għall-evalwazzjoni tal-Fond Soċjali Ewropew Plus (FSE+). Sabiex jiġi żgurat li l-istħarriġ jipproduċi riżultati ta’ kwalità għolja u jagħti kontribut utli għall-evalwazzjoni tal-FSE+, huwa meħtieġ li jiġi stabbilit mudell li jippermetti l-aggregazzjoni tad-data fil-livell tal-Unjoni Ewropea,

(1)

Bir-Regolament Implimentazzjoni (UE) Nru 1194/2013 il-Kunsill jimponi dazju anti-dumping provviżorju fuq l-importazzjonijiet ta’ bijodiżil li joriġinaw mill-Arġentina u mill-Indoneżja (2) (“ir-Regolament oriġinali”). Dan ir-Regolament daħal fis-seħħ fl-27 ta’ Novembru 2013.

(2)

Fil-15 ta’ Settembru 2016, il-Qorti Ġenerali tal-Unjoni Ewropea (“il-Qorti Ġenerali”) tat sentenzi fil-kawżi T-80/14 (3), T-111/14 sa T-121/14 (4) u T-139/14 (5) (iktar ’il quddiem “is-sentenzi”) li annullaw l-Artikoli 1 u 2 tar-Regolament oriġinali safejn applikaw għar-rikorrenti f’dawk il-kawżi (iktar ’il quddiem “il-produtturi esportaturi kkonċernati”) (6). Il-Kunsill tal-Unjoni Ewropea kien inizjalment appella s-sentenzi iżda wara d-deċiżjoni tal-Kunsill fl-2018 li jirtira l-appelli tiegħu, is-sentenzi saru definittivi u vinkolanti mid-data tal-għoti tagħhom.

(3)

Fis-26 ta’ Ottubru 2016 il-Korp għas-Soluzzjoni tat-Tilwim tad-WTO (DSB - Dispute Settlement Body) adotta r-rapport tal-bord, kif immodifikat mir-rapport tal-Korp tal-Appell (“ir-Rapporti tal-Arġentina”), fit-tilwima tal-Unjoni Ewropea — il-Miżuri Antidumping fuq il-Bijodiżil mill-Arġentina (DS473) (7). Fost affarijiet oħra, ir-rapporti sabu li l-aġġustament tal-kost imwettaq mill-UE meta imponiet dazji anti-dumping fuq il-bijodiżil li joriġina mill-Arġentina kien inkompatibbli mal-liġi tad-WTO.

(4)

Fit-18 ta’ Settembru 2017, il-Kummissjoni adottat ir-Regolament ta’ Implimentazzjoni (UE) 2017/1578 li jimplimenta s-sejbiet tad-DSB f’DS473 u li jemenda r-Regolament oriġinali f’dak li għandu x’jaqsam mal-importazzjonijiet mill-Arġentina (8) (“ir-Regolament emendatorju”).

(5)

Fit-28 ta’ Frar 2018, id-DSB adotta wkoll ir-rapport tal-bord fil-Kawża l-Unjoni Ewropea — il-Miżuri Anti-dumping fit-tilwima dwar il-bijodiżil mill-Indoneżja (DS480), (“ir-Rapport tal-Indoneżja”) (9). La l-Indoneżja u lanqas l-UE ma appellaw dak ir-rapport li s-sejba ewlenija tiegħu kienet simili għal dik fid-DS473, b’mod partikolari li l-aġġustament tal-kost imwettaq mill-UE fir-rigward tal-importazzjonijiet Indoneżjani kien inkompatibbli mal-liġi tad-WTO.

(6)

Permezz tar-Regolament ta’ Implimentazzjoni (UE) 2018/1570 (10), il-Kummissjoni temmet il-proċedimenti li jikkonċernaw l-importazzjonijiet tal-bijodiżil li joriġinaw mill-Arġentina u l-Indoneżja u ħassret ir-Regolament ta’ Implimentazzjoni (UE) Nru 1194/2013.

(7)

Permezz tar-Regolament ta’ Implimentazzjoni (UE) 2018/1570, il-Kummissjoni ordnat lill-awtoritajiet doganali li d-dazji anti-dumping definittivi mħallsa skont ir-Regolament ta’ Implimentazzjoni (UE) Nru 1194/2013 dwar importazzjonijiet ta’ bijodiżil mill-Arġentina u mill-Indoneżja u d-dazji provviżorji miġbura definittivament skont l-Artikolu 2 ta’ dak ir-Regolament, għandhom jiġu rrimborżati jew jitnaqqsu minħabba li jirrelataw ma’ importazzjonijiet ta’ bijodiżil mibjugħ għal esportazzjoni lejn l-Unjoni mill-produtturi esportaturi fl-Arġentina u fl-Indoneżja li kienu kkontestaw b’suċċess ir-regolament oriġinali quddiem il-Qorti (11). Min-naħa l-oħra, il-Kummissjoni sabet li d-dazji anti-dumping li kienu ġew imposti fuq kumpaniji oħra kienu nġabru legalment skont id-dritt tal-Unjoni u jenħtieġ li ma jitħallsux lura jew jiġu rimessi. Ir-rimborż jew tnaqqis kellu jintalab mill-awtoritajiet doganali nazzjonali skont il-leġiżlazzjoni doganali applikabbli.

(8)

Fit-22 ta’ Ġunju 2023, il-Qorti tal-Ġustizzja ddeċidiet fil-Kawża C-268/22, Vitol vs Belgische Staat, (12) dwar talba għal deċiżjoni preliminari skont l-Artikolu 267 tat-Trattat dwar il-Funzjonament tal-Unjoni Ewropea (“TFUE”) min-Nederlandstalige rechtbank eerste aanleg Brussel, li r-Regolament ta’ Implimentazzjoni (UE) Nru 1194/2013, kif emendat bir-Regolament ta’ Implimentazzjoni (UE) 2017/1578, huwa invalidu. B’mod partikolari, il-Qorti tal-Ġustizzja nnotat li l-konklużjonijiet xierqa kollha jridu jinsiltu mis-sejbiet magħmula kemm mill-Qorti Ġenerali kif ukoll mill-Kummissjoni nnifisha wara l-ftuħ mill-ġdid, f’Mejju 2018, tal-investigazzjoni anti-dumping fir-rigward tal-importazzjonijiet tal-bijodiżil li joriġinaw mill-Arġentina u mill-Indoneżja (13).

(9)

Skont l-Artikolu 266 tat-TFUE, l-istituzzjonijiet tal-Unjoni huma meħtieġa jieħdu l-passi meħtieġa biex jikkonformaw mas-sentenzi tal-Qorti.

(10)

Il-Kummissjoni fakkret li r-Regolament ta’ Implimentazzjoni (UE) Nru 1194/2013, kif emendat, tħassar mill-20 ta’ Ottubru 2018 bir-Regolament ta’ Implimentazzjoni (UE) 2018/1570. Madankollu, is-sentenza fil-kawża C-268/22 għandha l-effett li tinvalida r-Regolament oriġinali, kif emendat fl-2017, erga omnes u ex-tunc. Fi kliem ieħor, id-deċiżjoni hija applikabbli għall-partijiet kollha u r-Regolament ta’ Implimentazzjoni (UE) Nru 1194/2013, kif emendat, jitqies bħala invalidu mill-jum li fih daħal fis-seħħ fir-rigward tal-partijiet kollha.

(11)

Il-Kummissjoni qieset li l-iżbalji misjuba mill-Qorti ma jistgħux jiġu rrimedjati b’tali mod li l-applikazzjoni korretta tar-regoli ma setgħetx tiġġustifika l-impożizzjoni mill-ġdid tal-miżuri. Għaldaqstant, ir-Regolament ta’ Implimentazzjoni (UE) Nru 1194/2013, kif emendat bir-Regolament ta’ Implimentazzjoni (UE) 2017/1578, għandu jitħassar fl-intier tiegħu b’effett mis-27 ta’ Novembru 2013. Barra minn hekk, kwalunkwe dazju definittiv imħallas, u dazju provviżorju miġbur skont ir-Regolament ta’ Implimentazzjoni (UE) Nru 1194/2013, kif emendat, għandhom jitħallsu lura jew jinħafru skont il-leġiżlazzjoni doganali applikabbli. Minn dan jirriżulta, b’mod partikolari, li kull operatur li jkun ħallas dawn id-dazji jista’, bħala prinċipju, jitlob ir-rimbors tagħhom biss jekk u sa fejn il-perijodu ta’ tliet snin previst għal dan il-għan fl-Artikolu 121(1)(a) tal-Kodiċi Doganali tal-Unjoni ma jkunx skada. Il-fatt li r-Regolament (UE) Nru 1194/2013 ġie ddikjarat invalidu (inkluż b’effett erga omnes) ma jirrappreżentax ċirkostanza imprevedibbli jew force majeure li tippermetti estensjoni ta’ dan il-perjodu skont it-tieni subparagrafu tal-Artikolu 121(1) tal-Kodiċi Doganali tal-Unjoni.

(12)

Fid-dawl tal-Artikolu 109 tar-Regolament (UE, Euratom) 2018/1046 tal-Parlament Ewropew u tal-Kunsill (14) meta jkollu jiġi rrimborżat ammont wara sentenza tal-Qorti tal-Ġustizzja tal-Unjoni Ewropea, l-imgħax li għandu jitħallas jenħtieġ li jkun ir-rata applikata mill-Bank Ċentrali Ewropew għall-operazzjonijiet ta’ rifinanzjament tal-kapital tiegħu, kif ippubblikata fis-serje C ta’ Il-Ġurnal Uffiċjali tal-Unjoni Ewropea fl-ewwel jum kalendarju ta’ kull xahar.

(13)

Il-miżuri stipulati f’dan ir-Regolament huma f’konformità mal-opinjoni tal-Kumitat stabbilit mill-Artikolu 15(1) tar-Regolament (UE) 2016/1036,

(1)

Permezz tad-Deċiżjoni 98/591/KE (2), il-Kunsill approva l-konklużjoni tal-Ftehim dwar kooperazzjoni xjentifika u teknoloġika bejn il-Komunità Ewropea u l-Gvern tal-Istati Uniti tal-Amerka (3) (“il-Ftehim”). Il-Ftehim ġie ffirmat f’Washington, DC, fil-5 ta’ Diċembru 1997 u daħal fis-seħħ fl-14 ta’ Ottubru 1998.

(2)

F’konformità mal-Artikolu 12, il-punt (b), tal-Ftehim, il-Ftehim ġie konkluż għal perjodu inizjali ta’ ħames snin. Suġġett għar-rieżami mill-Partijiet fl-aħħar sena ta’ kull perjodu suċċessiv, il-Ftehim jista’ jiġi estiż, b’emendi possibbli, għal perjodi addizzjonali ta’ ħames snin bi ftehim komuni bil-miktub bejn il-Partijiet.

(3)

Permezz tad-Deċiżjonijiet 2004/756/KE (4), 2009/306/KE (5), 2014/240/UE (6) u (UE) 2018/1578 (7), il-Kunsill approva l-estensjoni tal-Ftehim għal perjodi addizzjonali suċċessivi ta’ ħames snin. Il-Ftehim ser jiskadi fl-14 ta’ Ottubru 2023.

(4)

Il-valutazzjoni li wettqet il-Kummissjoni turi li l-Ftehim jipprovdi qafas importanti biex tiġi ffaċilitata l-kooperazzjoni bejn l-Unjoni u l-Istati Uniti tal-Amerka f’oqsma ta’ prijorità komuni għax-xjenza u t-teknoloġija, li jwassal għal benefiċċji reċiproki. Għalhekk huwa fl-interess tal-Unjoni li l-Ftehim jiġi estiż għal perjodu addizzjonali ta’ ħames snin.

(5)

L-iskambju ta’ ittri bejn il-Partijiet, datati s-7 ta’ Novembru 2022 u t-13 ta’ Diċembru 2022, ikkonferma l-interess tagħhom li jestendu l-Ftehim għal perjodu addizzjonali ta’ ħames snin.

(6)

Għalhekk jenħtieġ li l-estensjoni tal-Ftehim tiġi approvata f’isem l-Unjoni,

(1)

Skont l-Artikolu 300(2) tat-Trattat, il-Kumitat Ekonomiku u Soċjali għandu jikkonsisti minn rappreżentanti ta’ organizzazzjonijiet ta’ min iħaddem, tal-impjegati, u ta’ partijiet oħra li jirrappreżentaw is-soċjetà ċivili, b’mod partikolari fl-oqsma soċjoekonomiċi, ċiviċi, professjonali u kulturali.

(2)

Fit-2 ta’ Ottubru 2020, il-Kunsill adotta d-Deċiżjoni (UE) 2020/1392 (2), li taħtar il-membri tal-Kumitat Ekonomiku u Soċjali Ewropew għall-perjodu mill-21 ta’ Settembru 2020 sal-20 ta’ Settembru 2025.

(3)

Konsegwentement għar-riżenja tas-Sur Thord Stefan BACK, sar vakanti s-siġġu ta’ membru fil-Kumitat Ekonomiku u Soċjali Ewropew.

(4)

Il-Gvern Żvediż ippropona lis-Sur Tomas ARVIDSSON, Direktör, Transportindustriförbundet (Transportföretagen), Svenskt Näringslivs allmänna avdelning (Direttur, Konfederazzjoni Żvediża tal-Intrapriżi tat-Trasport, id-Dipartiment Ġenerali tal-Konfederazzjoni tal-Intrapriżi Żvediżi), bħala membru fil-Kumitat Ekonomiku u Soċjali Ewropew għall-bqija tal-mandat attwali, li jintemm fl-20 ta’ Settembru 2025,

(1)

Skont l-Artikolu 300(2) tat-Trattat, il-Kumitat Ekonomiku u Soċjali għandu jikkonsisti minn rappreżentanti ta’ organizzazzjonijiet ta’ min iħaddem, tal-impjegati, u ta’ partijiet oħra li jirrappreżentaw is-soċjetà ċivili, b’mod partikolari fl-oqsma soċjoekonomiċi, ċiviċi, professjonali u kulturali.

(2)

Fit-2 ta’ Ottubru 2020, il-Kunsill adotta d-Deċiżjoni (UE) 2020/1392 (2), li taħtar il-membri tal-Kumitat Ekonomiku u Soċjali Ewropew għall-perjodu mill-21 ta’ Settembru 2020 sal-20 ta’ Settembru 2025.

(3)

Konsegwentement għar-riżenja tas-Sur Timo VUORI u tas-Sa Janica YLIKARJULA saru vakanti s-siġġijiet ta’ żewġ membri fil-Kumitat Ekonomiku u Soċjali Ewropew.

(4)

Il-Gvern Finlandiż ippropona lis-Sur Teppo SÄKKINEN, Elinkeino- ja ilmastoasiantuntija, Keskuskauppakamari (Espert dwar il-klima, Kamra tal-Kummerċ tal-Finlandja), u s-Sa Päivi WOOD, Johtava asiantuntija, Elinkeinoelämän keskusliitto (Konsulent ewlieni tal-politika dwar l-affarijiet tal-UE, Konfederazzjoni tal-Industriji Finlandiżi, EK) bħala membri tal-Kumitat Ekonomiku u Soċjali Ewropew għall-bqija tal-mandat attwali, li jintemm fl-20 ta’ Settembru 2025,

—

is-Sur Teppo SÄKKINEN, Elinkeino- ja ilmastoasiantuntija, Keskuskauppakamari (Espert dwar il-klima, Kamra tal-Kummerċ tal-Finlandja),

kif ukoll

—

is-Sa Päivi WOOD, Johtava asiantuntija, Elinkeinoelämän keskusliitto (Konsulent ewlieni għall-politika dwar l-affarijiet tal-UE, Konfederazzjoni tal-Industriji Finlandiżi, EK).

(1)

Skont l-Artikolu 300(2) tat-Trattat, il-Kumitat Ekonomiku u Soċjali għandu jikkonsisti minn rappreżentanti ta’ organizzazzjonijiet ta’ min iħaddem, tal-impjegati, u ta’ partijiet oħra li jirrappreżentaw is-soċjetà ċivili, b’mod partikolari fl-oqsma soċjoekonomiċi, ċiviċi, professjonali u kulturali.

(2)

Fit-2 ta’ Ottubru 2020, il-Kunsill adotta d-Deċiżjoni (UE) 2020/1392 (2), li taħtar il-membri tal-Kumitat Ekonomiku u Soċjali Ewropew għall-perjodu mill-21 ta’ Settembru 2020 sal-20 ta’ Settembru 2025.

(3)

Konsegwentement għar-riżenja tas-Sa Ulla MOTH-LUND CHRISTENSEN, sar vakanti s-siġġu ta’ membru fil-Kumitat Ekonomiku u Soċjali Ewropew.

(4)

Il-Gvern Daniż ippropona lis-Sa Juliane Marie NEIIENDAM Bestyrelsesmedlem i Kvinderådet Danmark (Membru tal-bord tal-Kunsill tan-Nisa tad-Danimarka), bħala membru fil-Kumitat Ekonomiku u Soċjali Ewropew għall-bqija tal-mandat attwali, li jintemm fl-20 ta’ Settembru 2025,

(1)

Skont l-Artikolu 300(3) tat-Trattat, il-Kumitat tar-Reġjuni għandu jkun kompost minn rappreżentanti tal-korpi reġjonali u lokali, li jew ikollhom mandat elettorali ta’ awtorità reġjonali jew lokali jew ikunu politikament responsabbli quddiem assemblea eletta.

(2)

Fl-10 ta’ Diċembru 2019, il-Kunsill adotta d-Deċiżjoni (UE) 2019/2157 (2), li taħtar il-membri u l-membri supplenti fil-Kumitat tar-Reġjuni għall-perjodu mis-26 ta’ Jannar 2020 sal-25 ta’ Jannar 2025.

(3)

Konsegwentement għar-riżenja tas-Sur Christodoulos IOANNOU, sar vakanti s-siġġu ta’ membru supplenti fil-Kumitat tar-Reġjuni.

(4)

Il-Gvern ta’ Ċipru ppropona lis-Sa Isabella TYMVIOU, rappreżentanta ta’ korp lokali li għandha mandat elettorali ta’ awtorità lokali Δημοτική Σύμβουλος-Δήμος Λευκωσίας (Kunsillier tal-Belt, Muniċipalità ta’ Nicosia), bħala membru supplenti fil-Kumitat tar-Reġjuni għall-bqija tal-mandat attwali, li jintemm fil-25 ta’ Jannar 2025,

(1)

Fil-31 ta’ Marzu 2020, il-Kunsill adotta d-Deċiżjoni (PESK) 2020/472, li stabbiliet u nediet operazzjoni militari tal-Unjoni Ewropea fil-Mediterran (EUNAVFOR MED IRINI).

(2)

Skont l-Artikolu 8(2) tad-Deċiżjoni (PESK) 2020/472, il-Kunsill awtorizza lill-Kumitat Politiku u ta’ Sigurtà (KPS) biex jieħu d-deċiżjonijiet dwar il-ħatra tal-Kmandant tal-Forza tal-UE għal EUNAVFOR MED IRINI.

(3)

Fl-4 ta’ April 2023, il-KPS adotta d-Deċiżjoni (PESK) 2023/743 (2) li taħtar lill-Viċi Ammirall Valentino RINALDI bħala Kmandant tal-Forza tal-UE għal EUNAVFOR MED IRINI mill-1 ta’ April 2023.

(4)

Fil-5 ta’ Settembru 2023, l-awtoritajiet militari Griegi pproponew il-ħatra tal-Komodor Konstantinos BAKALAKOS biex jieħu post il-Viċi Ammirall Valentino RINALDI bħala l-Kmandant tal-Forza tal-UE ta’ EUNAVFOR MED IRINI mill-1 ta’ Ottubru 2023. Il-Kmandant tal-Operazzjoni tal-UE appoġġa dik il-ħatra proposta.

(5)

Fit-12 ta’ Settembru 2023, il-Kumitat Militari tal-UE appoġġa r-rakkomandazzjoni li saret mill-awtoritajiet militari Griegi.

(6)

Jenħtieġ li tittieħed deċiżjoni dwar il-ħatra tal-Komodor Konstantinos BAKALAKOS bħala Kmandant tal-Forza tal-UE għal EUNAVFOR MED IRINI.

(7)

Jenħtieġ li d-Deċiżjoni (PESK) 2023/743 titħassar,