ISSN 1977-074X |
||
Il-Ġurnal Uffiċjali tal-Unjoni Ewropea |
L 220 |
|
![]() |
||
Edizzjoni bil-Malti |
Leġiżlazzjoni |
Volum 66 |
|
|
Rettifika |
|
|
* |
|
|
|
(1) Test b'rilevanza għaż-ŻEE. |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
7.9.2023 |
MT |
Il-Ġurnal Uffiċjali tal-Unjoni Ewropea |
L 220/1 |
REGOLAMENT DELEGAT TAL-KUMMISSJONI (UE) 2023/1697
tad-19 ta’ Ġunju 2023
dwar l-implimentazzjoni tal-obbligi internazzjonali tal-Unjoni, kif imsemmija fl-Artikolu 15(2) tar-Regolament (UE) Nru 1380/2013 tal-Parlament Ewropew u tal-Kunsill, skont il-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, dwar il-mazzola griża
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (1), u b’mod partikolari l-Artikolu 15(2) tagħha,
Billi:
(1) |
Fid-29 ta’ April 2021, il-Kunsill adotta d-Deċiżjoni (UE) 2021/689 dwar il-konklużjoni tal-Ftehim dwar il- Kummerċ u Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (il-“Ftehim dwar il-Kummerċ u l-Kooperazzjoni”) (2). Il-Ftehim dwar il-Kummerċ u l-Kooperazzjoni daħal fis-seħħ fl-1 ta’ Mejju 2021. |
(2) |
L-Artikolu 498(2) tal-Ftehim dwar il-Kummerċ u l-Kooperazzjoni jipprevedi li l-Partijiet għandhom jorganizzaw konsultazzjonijiet annwali biex jaqblu, sal-10 ta’ Diċembru ta’ kull sena, dwar il-qabdiet totali permissibbli (TACs) għas-sena ta’ wara għall-istokkijiet elenkati fl-Anness 35 tal-Ftehim. Dawn il-konsultazzjonijiet jistgħu jkopru wkoll il-kwistjonijiet addizzjonali msemmija fl-Artikolu 498(4) tal-Ftehim inkluża lista ta’ stokkijiet li għalihom huwa pprojbit is-sajd, id-determinazzjoni tat-TAC għal kwalunkwe stokk li ma huwiex elenkat fl-Anness 35 jew fl-Anness 36 u l-ishma rispettivi tal-Partijiet ta’ dawk l-istokkijiet, miżuri għall-ġestjoni tas-sajd. |
(3) |
L-Unjoni twettaq il-konsultazzjonijiet annwali f’konformità mal-objettivi u l-prinċipji stabbiliti fl-Artikoli 2, 3, 28 u 33 tar-Regolament (UE) Nru 1380/2013, l-Artikoli 4 u 5 tal-pjanijiet pluriennali tal-Ilmijiet tal-Punent (3) u tal-Baħar tat-Tramuntana (4), u d-Deċiżjoni tal-Kunsill (UE) 2021/1875 (5). |
(4) |
Il-pożizzjoni tal-Unjoni matul il-konsultazzjonijiet annwali hija bbażata fuq l-aqwa parir xjentifiku disponibbli, jiġifieri prinċipalment dak mogħti mill-Kunsill Internazzjonali għall-Esplorazzjoni tal-Baħar (ICES) f’konformità mal-Artikolu 494(3)(c) tal-Ftehim dwar il-Kummerċ u l-Kooperazzjoni. |
(5) |
Ir-Rekord bil-Miktub li jiddokumenta l-arranġamenti magħmula bejn il-Partijiet bħala riżultat ta’ dawk il-konsultazzjonijiet għandu jiġi prodott u ffirmat mill-Kapijiet ta’ Delegazzjoni tal-Partijiet f’konformità mal-obbligu stabbilit fl-Artikolu 498(6) ta’ dak il-Ftehim. |
(6) |
Fis-16 ta’ Diċembru 2022, l-Unjoni qablet mar-Renju Unit dwar l-istabbiliment ta’ għadd sostanzjali ta’ TACs għall-2022 għall-istokkijiet elenkati fl-Anness 35 tal-Ftehim dwar il-Kummerċ u l-Kooperazzjoni. L-eżitu tal-konsultazzjonijiet ġie ddokumentat fir-Rekord bil-Miktub (6), li ġie approvat mill-Kunsill fl-20 ta’ Diċembru 2022 u ffirmat mill-Kap tad-Delegazzjoni tar-Renju Unit u mir-rappreżentant tal-Kummissjoni f’isem l-Unjoni, f’konformità mal-Artikolu 498(6) tal-Ftehim dwar il-Kummerċ u l-Kooperazzjoni u d-Deċiżjoni (UE) 2021/1875. |
(7) |
Il-mazzola griża (Squalus acanthias) hija stokk taħt ġestjoni kondiviża mill-Unjoni u mir-Renju Unit. Matul il-konsultazzjonijiet annwali, l-Unjoni u r-Renju Unit qablu li, minħabba t-titjib ivvalutat tal-istatus tal-istokk tal-mazzola griża, jenħtieġ li l-mazzola griża ma tibqax speċi pprojbita. Il-livelli rilevanti tat-TAC stabbiliti f’dak ir-Rekord bil-Miktub ġew sussegwentement implimentati fir-Regolament tal-Kunsill (UE) 2023/194 (7). |
(8) |
L-Unjoni u r-Renju Unit qablu wkoll li, sabiex jiġi protett komponent ta’ dan l-istokk li huwa partikolarment vulnerabbli għall-mortalità mis-sajd, huwa xieraq li jiġi skoraġġut is-sajd dirett immirat lejn aggregazzjonijiet ta’ ħut nisa maturi. Għal dan il-għan, l-Unjoni u r-Renju Unit qablu li d-daqs massimu tal-qbid ta’ 100 cm jenħtieġ li jiġi rrispettat. |
(9) |
Sakemm jiġi adottat tali daqs massimu tal-qbid fid-dritt tal-Unjoni f’konformità mal-Artikolu 15(2) tar-Regolament (UE) Nru 1380/2013, il-miżura miftiehma mar-Renju Unit ġiet stabbilita fl-Anness IA tar-Regolament (UE) 2023/194. Il-miżura kienet marbuta b’mod funzjonali mat-TAC għall-mazzola griża, peress li mingħajr miżura bħal din, il-livell tat-TAC waħdu ma jiżgurax protezzjoni suffiċjenti għall-ħut nisa li jbid, li jikkostitwixxi grupp partikolarment vulnerabbli tal-popolazzjoni. |
(10) |
Ir-Regolament attwali għandu l-għan li jeskludi mazzola griża akbar minn 100 cm mill-obbligu ta’ ħatt l-art, u b’hekk jiżgura li meta jinqabad b’mod aċċidentali, dan il-kampjun jenħtieġ li ma ssirlux ħsara u li jinħeles minnufih lura fil-baħar. |
(11) |
Ir-Regolament jipprovdi qafas legali aktar stabbli, minħabba n-natura temporanja tal-miżuri adottati mill-Kunsill li, f’konformità mal-Artikolu 59(k) tar-Regolament (UE) 2023/194, mhux se jibqa’ japplika fid-data li fiha jsir applikabbli att delegat li jintroduċi miżuri korrispondenti u li jirregola t-trattament tal-qabdiet ta’ dawk l-istokkijiet ta’ aktar minn 100 cm. |
(12) |
Ir-Regolament attwali jiżgura l-konformità mill-Unjoni mal-obbligi internazzjonali tagħha u joħloq ċertezza legali u kundizzjonijiet ekwi għas-sajjieda tal-Unjoni. |
(13) |
Billi l-miżuri previsti f’dan ir-Regolament għandhom impatt dirett fuq il-konservazzjoni tal-istokk, dan ir-Regolament jenħtieġ li jidħol fis-seħħ immedjatament wara l-pubblikazzjoni tiegħu. |
(14) |
Peress li l-miżuri maqbula fir-Rekord bil-Miktub bejn l-Unjoni u r-Renju Unit jiskadu fil-31 ta’ Diċembru 2023, dan ir-Regolament jenħtieġ li jieqaf japplika wkoll f’dik id-data, |
ADOTTA DAN IR-REGOLAMENT:
Artikolu 1
Suġġett u kamp ta’ applikazzjoni
Dan ir-Regolament jistabbilixxi deroga mill-obbligu ta’ ħatt l-art stabbilit fl-Artikolu 15 tar-Regolament (UE) Nru 1380/2013 għall-fini tal-implimentazzjoni tal-obbligi internazzjonali tal-Unjoni fir-rigward ta’ stokkijiet kondiviżi soġġetti għall-konsultazzjonijiet dwar is-sajd bejn ir-Renju Unit u l-Unjoni Ewropea skont il-Ftehim dwar il-Kummerċ u l-Kooperazzjoni.
Dan ir-Regolament japplika għal attivitajiet tas-sajd fl-ilmijiet tal-Unjoni jew minn bastimenti tas-sajd tal-Unjoni barra l-ilmijiet tal-Unjoni f’ilmijiet li ma humiex soġġetti għas-sovranità jew il-ġurisdizzjoni ta’ pajjiżi terzi.
Artikolu 2
Mazzola griża ( Squalus acanthias)
B’deroga mill-Artikolu 15(1) tar-Regolament (UE) Nru 1380/2013, għandu jkun ipprojbit li jiġu mmirati, li jinżammu abbord jew li jiġu ttrasbordati, li jinħattu l-art, li jiġu ttrasportati, li jinħażnu, li jintwerew jew li jiġu offruti għall-bejgħ, li jinbiegħu jew li jitqiegħdu fis-suq mazzoli griżi ta’ aktar minn 100 cm.
Kwalunkwe mazzola griża ta’ aktar minn dak id-daqs meta tinqabad b’mod aċċidentali ma għandhiex issirilha ħsara u l-kampjuni għandhom jinħelsu minnufih lura fil-baħar.
Artikolu 3
Dħul fis-seħħ
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu japplika sal-31 ta’ Diċembru 2023.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-19 ta’ Ġunju 2023.
Għall-Kummissjoni
Il-President
Ursula VON DER LEYEN
(1) ĠU L 354, 28.12.2013, p. 22.
(2) ĠU L 149, 30.4.2021, p. 10.
(3) Ir-Regolament (UE) 2019/472 tal-Parlament Ewropew u tal-Kunsill tad-19 ta’ Marzu 2019 li jistabbilixxi pjan pluriennali għall-istokkijiet mistada fl-Ilmijiet tal-Punent u fl-ilmijiet tal-madwar, u għas-sajd li jisfrutta dawk l-istokkijiet, u li jemenda r-Regolamenti (UE) 2016/1139 u (UE) 2018/973, u li jħassar ir-Regolamenti tal-Kunsill (KE) Nru 811/2004, (KE) Nru 2166/2005, (KE) Nru 388/2006, (KE) Nru 509/2007 u (KE) Nru 1300/2008 (ĠU L 83, 25.3.2019, p. 1).
(4) Ir-Regolament (UE) 2018/973 tal-Parlament Ewropew u tal-Kunsill tal-4 ta’ Lulju 2018 li jistabbilixxi pjan pluriennali għall-istokkijiet demersali fil-Baħar tat-Tramuntana u s-sajd li jisfrutta dawk l-istokkijiet, li jispeċifika d-dettalji tal-implimentazzjoni tal-obbligu ta’ ħatt l-art fil-Baħar tat-Tramuntana u li jħassar ir-Regolamenti tal-Kunsill (KE) Nru 676/2007 u (KE) Nru 1342/2008 (ĠU L 179, 16.7.2018, p. 1).
(5) Id-Deċiżjoni tal-Kunsill (UE) 2021/1875 tat-22 ta’ Ottubru 2021 dwar il-pożizzjoni li għandha tiġi adottata f’isem l-Unjoni fil-konsultazzjonijiet annwali mar-Renju Unit biex jintlaħaq ftehim dwar il-qabdiet totali permissibbli (ĠU L 378, 26.10.2021, p. 6).
(6) Written Record of fisheries consultations between the United Kingdom and the European Union for 2023: EU-UK for 2023 (europa.eu).
(7) Ir-Regolament tal-Kunsill (UE) 2023/194 tat-30 ta’ Jannar 2023 li jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għal bastimenti tas-sajd tal-Unjoni, f’ċerti ilmijiet mhux tal-Unjoni, kif ukoll li jistabbilixxi għall-2023 u għall-2024 tali opportunitajiet tas-sajd għal ċerti stokkijiet ta’ ħut tal-baħar fond (ĠU L 28, 31.1.2023, p. 1).
7.9.2023 |
MT |
Il-Ġurnal Uffiċjali tal-Unjoni Ewropea |
L 220/4 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/1698
tas-6 ta’ Settembru 2023
dwar it-tiġdid tal-awtorizzazzjoni ta’ preparat ta’ diformat tal-potassju bħala addittiv tal-għalf għall-ħnieżer nisa (detentur tal-awtorizzazzjoni: ADDCON Europe GmbH) u li jħassar ir-Regolament (UE) Nru 104/2010
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 9(2) tiegħu,
Billi:
(1) |
Ir-Regolament (KE) Nru 1831/2003 jipprevedi l-awtorizzazzjoni ta’ addittivi għall-użu fin-nutrizzjoni tal-annimali u r-raġunijiet u l-proċeduri għall-għoti u għat-tiġdid ta’ din l-awtorizzazzjoni. |
(2) |
Preparat ta’ diformat tal-potassju kien ġie awtorizzat għal 10 snin bħala addittiv tal-għalf għall-ħnieżer nisa bir-Regolament ta’ tal-Kummissjoni (UE) Nru 104/2010 (2). |
(3) |
F’konformità mal-Artikolu 14 tar-Regolament (KE) Nru 1831/2003, tressqet applikazzjoni għat-tiġdid tal-awtorizzazzjoni tal-preparat ta’ diformat tal-potassju bħala addittiv tal-għalf għall-ħnieżer nisa fil-kategorija tal-addittivi “addittivi żootekniċi” u fil-grupp funzjonali “addittivi żootekniċi oħra (titjib tal-parametri żootekniċi)”. Ma’ din l-applikazzjoni ntbagħtu d-dettalji u d-dokumenti meħtieġa skont l-Artikolu 14(2) ta’ dak ir-Regolament. |
(4) |
Fl-opinjonijiet tagħha tad-29 ta’ Jannar 2020 (3) u tat-18 ta’ Novembru 2020 (4), l-Awtorità Ewropea dwar is-Sigurtà fl-Ikel (“l-Awtorità”) ikkonkludiet li l-preparat ta’ diformat tal-potassju għadu sikur għall-ħnieżer nisa, għall-konsumaturi u għall-ambjent skont il-kundizzjonijiet tal-użu awtorizzati bħalissa. Hija tenniet ukoll li ħlief għall-potenzjal ta’ irritazzjoni okulari, ma nstab l-ebda effett li jeħtieġ miżuri speċifiċi ta’ protezzjoni tal-utent. |
(5) |
F’konformità mal-punt (c) tal-Artikolu 5(4) tar-Regolament tal-Kummissjoni (KE) Nru 378/2005 (5), il-Laboratorju ta’ Referenza stabbilit bir-Regolament (KE) Nru 1831/2003 qies li l-konklużjonijiet u r-rakkomandazzjonijiet milħuqa fil-valutazzjoni preċedenti huma validi u applikabbli għall-applikazzjoni attwali. Barra minn hekk, fit-28 ta’ April 2023, il-Laboratorju ta’ Referenza ppubblika addendum għar-rapport ta’ evalwazzjoni tiegħu, li jaġġorna r-rakkomandazzjonijiet tiegħu għall-metodi analitiċi għad-determinazzjoni tad-diformat tal-potassju (bħala aċidu formiku totali) fl-addittiv tal-għalf, fit-taħlitiet lesti minn qabel u fl-għalf kompost, u għad-determinazzjoni tal-potassju totali fl-addittiv tal-għalf. |
(6) |
L-Anness tar-Regolament (UE) Nru 104/2010 jipprevedi d-deskrizzjoni tal-grupp funzjonali “addittivi żootekniċi oħra (titjib tal-parametri żootekniċi)”. Madankollu, sabiex tiġi żgurata l-konsistenza mal-approċċ attwali dwar l-awtorizzazzjoni ta’ addittivi tal-grupp funzjonali ta’ addittivi żootekniċi oħra, jixraq li tiġi speċifikata aktar il-funzjoni mwettqa mill-addittiv, li hija li jittejbu l-parametri tal-prestazzjoni tal-ħnieżer nisa. |
(7) |
Il-valutazzjoni tal-preparat ta’ diformat tal-potassju turi li l-kundizzjonijiet għall-awtorizzazzjoni, kif previsti fl-Artikolu 5 tar-Regolament (KE) Nru 1831/2003, huma ssodisfati. Għaldaqstant, jenħtieġ li l-awtorizzazzjoni ta’ dan l-addittiv tiġġedded. |
(8) |
Il-Kummissjoni hija tal-fehma li jenħtieġ li jittieħdu miżuri protettivi xierqa sabiex jiġu evitati effetti avversi fuq is-saħħa tal-bniedem, b’mod partikolari fir-rigward tal-utenti tal-addittiv. Dawk il-miżuri protettivi jenħtieġ li jkunu mingħajr preġudizzju għal rekwiżiti oħra tas-sikurezza tal-ħaddiema skont id-dritt tal-Unjoni. |
(9) |
Peress li r-raġunijiet ta’ sikurezza ma jirrikjedux l-applikazzjoni immedjata tal-modifiki fil-kundizzjonijiet tal-awtorizzazzjoni għall-preparat ikkonċernat, jixraq li jiġi previst perjodu ta’ tranżizzjoni biex il-partijiet interessati jħejju ruħhom biex jissodisfaw ir-rekwiżiti l-ġodda li jirriżultaw mill-awtorizzazzjoni. |
(10) |
B’konsegwenza tat-tiġdid tal-awtorizzazzjoni tal-preparat ta’ diformat tal-potassju bħala addittiv tal-għalf, jenħtieġ li jitħassar ir-Regolament (UE) Nru 104/2010. |
(11) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Tiġdid tal-awtorizzazzjoni
L-awtorizzazzjoni tal-preparat ta’ diformat tal-potassju tal-kategorija tal-addittivi “addittivi żootekniċi” u tal-grupp funzjonali “addittivi żootekniċi oħra (titjib tal-parametri tal-prestazzjoni)”, hija mġedda soġġetta għall-kundizzjonijiet stabbiliti f’dak l-Anness.
Artikolu 2
Tħassir tar-Regolament (UE) Nru 104/2010
Ir-Regolament (UE) Nru 104/2010 jitħassar.
Artikolu 3
Miżuri tranżizzjonali
1. Il-preparat speċifikat fl-Anness u t-taħlitiet lesti minn qabel li jkun fihom dak il-preparat, li jkunu ġew prodotti u ttikkettati qabel is-27 ta’ Marzu 2024 f’konformità mar-regoli applikabbli qabel is-27 ta’ Settembru 2023 jistgħu jibqgħu jiġu introdotti fis-suq u jintużaw sakemm jispiċċaw l-istokkijiet eżistenti.
2. Il-materjali tal-għalf u l-għalf kompost li jkun fihom il-preparat imsemmi fl-Anness, li jkunu prodotti u ttikkettati qabel is-27 ta’ Settembru 2024 f’konformità mar-regoli applikabbli qabel is-27 ta’ Settembru 2023 jistgħu jibqgħu jiġu introdotti fis-suq u jintużaw sakemm jispiċċaw l-istokkijiet eżistenti.
Artikolu 4
Dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-6 ta’ Settembru 2023.
Għall-Kummissjoni
Il-President
Ursula VON DER LEYEN
(1) ĠU L 268, 18.10.2003, p. 29.
(2) Ir-Regolament tal-Kummissjoni (UE) Nru 104/2010 tal-5 ta’ Frar 2010 li jikkonċerna l-awtorizzazzjoni ta’ diformat tal-potassju bħala addittiv fl-ikel għall-ħnieżer ta’ sess femminil (id-detentur tal-awtorizzazzjoni BASF SE) u li jemenda r-Regolament (KE) Nru 1200/2005 (ĠU L 35, 6.2.2010, p. 4).
(3) EFSA Journal 2020;18(2):6024.
(4) EFSA Journal 2020;18(12):6339.
(5) Ir-Regolament tal-Kummissjoni (KE) Nru 378/2005 tal-4 ta’ Marzu 2005 regoli dettaljati għall-implimentazzjoni tar-Regolament (KE) Nru 1831/2003 tal-Parlament Ewropew u tal-Kunsill dwar id-dmirijiet u l-ħidmiet tal-Laboratorju ta’ Referenza Komunitarju fil-kuntest tal-applikazzjoni għall-awtorizzazzjoni għall-użu ta’ addittivi fl-għalf tal-annimali (ĠU L 59, 5.3.2005, p. 8).
ANNESS
Numru ta’ identifikazzjoni tal-addittiv |
Isem id-detentur tal-awtorizzazzjoni |
Addittiv |
Kompożizzjoni, formula kimika, deskrizzjoni, metodu analitiku |
Speċi jew kategorija tal-annimal |
Età massima |
Kontenut minimu |
Kontenut massimu |
Dispożizzjonijiet oħra |
Tmiem il-perjodu ta’ awtorizzazzjoni |
||||||||||||||||
mg ta’ sustanza attiva/kg ta’ għalf komplet b’kontenut ta’ ndewwa ta’ 12 % |
|||||||||||||||||||||||||
Kategorija ta’ addittivi żootekniċi. Grupp funzjonali: addittivi żootekniċi oħra (titjib tal-parametri tal-prestazzjoni) |
|||||||||||||||||||||||||
4d800 |
ADDCON Europe GmbH |
Diformat tal-potassju |
Kompożizzjoni tal-addittiv Preparat ta’ diformat tal-potassju, minimu ta’ 98 %, Silikat massimu 1,5 % Ilma massimu 0,5 % Forma solida Karatterizzazzjoni tas-sustanza attiva Diformat tal-potassju, solidu KH(COOH)2 Nru CAS 20642-05-1 Metodu analitiku (1) Għad-determinazzjoni tal-potassju tal-potassju (bħala aċidu formiku totali) fl-addittiv tal-għalf, fit-taħlitiet lesti minn qabel u fl-għalf kompost: kromatografija jonika b’detezzjoni tal-konduttività (IC-CD) — EN 17294. Għad-determinazzjoni tal-potassju totali fl-addittiv tal-għalf:
|
Ħnieżer nisa |
— |
10 000 (2) |
12 000 (3) |
|
is-27 ta’ Settembru 2033 |
(1) Id-dettalji tal-metodi analitiċi huma disponibbli fl-indirizz tal-Laboratorju ta’ Referenza li ġej: https://joint-research-centre.ec.europa.eu/eurl-fa-eurl-feed-additives/eurl-fa-authorisation/eurl-fa-evaluation-reports_mt
(2) 10 000 mg/kg ta’ diformat tal-potassju huwa ekwivalenti għal 6 993 mg/kg bħala aċidu formiku.
(3) 12 000 mg/kg ta’ diformat tal-potassju huwa ekwivalenti għal 8 391 mg/kg bħala aċidu formiku.
7.9.2023 |
MT |
Il-Ġurnal Uffiċjali tal-Unjoni Ewropea |
L 220/9 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/1699
tas-6 ta’ Settembru 2023
dwar l-istatus tal-attapulġit bħala addittiv tal-għalf fil-kamp ta’ applikazzjoni tar-Regolament (KE) Nru 1831/2003 tal-Parlament Ewropew u tal-Kunsill
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1831/2003 tal-Parlament Ewropew u tal-Kunsill tat-22 ta’ Settembru 2003 fuq l-addittivi għall-użu fl-għalf tal-annimali (1), u b’mod partikolari l-Artikolu 2(3) tiegħu,
Billi:
(1) |
Għas-sustanza attapulġit, hemm inċertezza dwar jekk hijiex addittiv tal-għalf fil-kamp ta’ applikazzjoni tar-Regolament (KE) Nru 1831/2003. Din l-inċertezza tirriżulta minn diversi mistoqsijiet jew dubji espressi mill-awtoritajiet kompetenti nazzjonali responsabbli għall-kontrolli uffiċjali jew mill-operaturi ekonomiċi dwar il-klassifikazzjoni ta’ dik is-sustanza li bħalissa hija inkluża fil-Katalgu tal-materjali tal-għalf stabbilit bir-Regolament tal-Kummissjoni (UE) Nru 68/2013 (2). |
(2) |
Inċertezza bħal din dwar l-istatus ta’ prodotti fir-rigward tal-addittivi tal-għalf tista’ xxekkel il-kummerċjalizzazzjoni tal-prodotti tal-għalf fl-Unjoni, peress li d-distinzjoni bejn l-addittivi tal-għalf u prodotti oħra tal-għalf għandha rwol ewlieni fir-rigward tal-kundizzjonijiet tal-introduzzjoni tagħhom fis-suq, skont il-leġiżlazzjoni applikabbli rilevanti. |
(3) |
Sabiex titnaqqas l-inċertezza rigward l-istatus tal-attapulġit bħala addittiv tal-għalf, huwa xieraq li tiġi adottata miżura rilevanti skont ir-Regolament (KE) Nru 1831/2003, li tiddetermina dak l-istatus. Miżura bħal din twassal għal konsistenza fit-trattament tal-prodott ikkonċernati u tiffaċilita l-ħidma tal-awtoritajiet nazzjonali kompetenti responsabbli għall-kontrolli uffiċjali, filwaqt li tgħin lill-operaturi ekonomiċi interessati biex jaġixxu f’qafas li jipprevedi livell xieraq ta’ ċertezza tad-dritt. |
(4) |
Biex jiġi ddeterminat jekk prodott huwiex addittiv tal-għalf fil-kamp ta’ applikazzjoni tar-Regolament (KE) Nru 1831/2003, huwa xieraq li ssir referenza għal-linji gwida għad-distinzjoni bejn l-addittivi tal-għalf, il-materjali tal-għalf u prodotti oħra, stabbiliti bir-Rakkomandazzjoni tal-Kummissjoni 2011/25/UE (3). B’mod partikolari, dawk il-linji gwida jipprevedu diversi kriterji li għandhom jiġu kkunsidrati fl-istess waqt f’evalwazzjoni każ b’każ sabiex jinħoloq profil ta’ kull prodott speċifiku, filwaqt li jitqiesu l-karatteristiċi kollha tiegħu. Il-kriterji għad-divrenzjar bejn l-addittivi tal-għalf u l-materjali tal-għalf jinkludu l-metodu tal-produzzjoni u tal-ipproċessar, id-definizzjoni kimika u l-livell ta’ standardizzazzjoni jew purifikazzjoni, is-sikurezza u l-modalità tal-użu u l-funzjonalità tal-prodott ikkonċernat. Barra minn hekk, għall-finijiet tal-konsistenza, jenħtieġ li prodotti bi proprjetajiet simili jiġu kklassifikati b’analoġija. |
(5) |
Abbażi ta’ eżami tal-kriterji li jinsabu fir-Rakkomandazzjoni 2011/25/UE, ġie konkluż li l-attapulġit jenħtieġ li jiġi kkunsidrat bħala addittiv tal-għalf fil-kamp ta’ applikazzjoni tar-Regolament (KE) Nru 1831/2003. L-attapulġit jintuża essenzjalment sabiex iwettaq il-funzjonijiet teknoloġiċi fl-għalf bħala legant, antiagglomerant jew riduċent tal-kontaminazzjoni tal-għalf mill-mikotossini, jew saħansitra l-funzjonijiet żootekniċi billi jaffettwa l-flora gastrointestinali tal-annimali jew id-diġestibbiltà tal-għalf, li huma tipiċi tal-funzjonalità tal-addittivi tal-għalf. Barra minn hekk, il-karatteristiċi u l-proprjetajiet tal-attapulġit huma simili ħafna għal dawk ta’ minerali tat-tafal oħrajn li jitqiesu bħala addittivi tal-għalf. Għalhekk, il-klassifikazzjoni b’analoġija tal-attapulġit bħala addittiv tal-għalf twassal għal konsistenza fit-trattament ta’ dawk il-prodotti simili. |
(6) |
Bħala riżultat tal-klassifikazzjoni tal-attapulġit bħala addittiv tal-għalf fil-kamp ta’ applikazzjoni tar-Regolament (KE) Nru 1831/2003, huwa xieraq li jiġi previst perjodu ta’ tranżizzjoni li jippermetti lill-partijiet interessati jadattaw għall-istatus ta’ dik is-sustanza, inkluż għall-finijiet tas-sottomissjoni ta’ applikazzjoni biex jiġi awtorizzat bħala addittiv tal-għalf u l-ipproċessar ulterjuri ta’ applikazzjoni bħal din f’konformità mar-Regolament (KE) Nru 1831/2003. |
(7) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-attapulġit huwa addittiv tal-għalf fil-kamp ta’ applikazzjoni tar-Regolament (KE) Nru 1831/2003.
Artikolu 2
Is-sustanza msemmija fl-Artikolu 1 tista’ tkompli tiġi introdotta fis-suq u tintuża f’konformità mar-regoli applikabbli għall-materjali tal-għalf sas-27 ta’ Settembru 2030.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-6 ta’ Settembru 2023.
Għall-Kummissjoni
Il-President
Ursula VON DER LEYEN
(1) ĠU L 268, 18.10.2003, p. 29.
(2) Ir-Regolament tal-Kummissjoni (UE) Nru 68/2013 tas-16 ta’ Jannar 2013 dwar il-Katalgu tal-materjali tal-għalf (ĠU L 29, 30.1.2013, p. 1).
(3) Ir-Rakkomandazzjoni tal-Kummissjoni 2011/25/UE tal-14 ta’ Jannar 2011 li tistabbilixxi linji gwida għad-distinzjoni bejn il-materjali tal-għalf, il-prodotti bijoċidali u l-prodotti mediċinali veterinarji (ĠU L 11, 15.1.2011, p. 75).
7.9.2023 |
MT |
Il-Ġurnal Uffiċjali tal-Unjoni Ewropea |
L 220/11 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/1700
tas-6 ta' Settembru 2023
li jemenda l-Annessi V u XIV tar-Regolament ta’ Implimentazzjoni (UE) 2021/404 fir-rigward tal-entrati għall-Kanada, għaċ-Ċilì, għar-Renju Unit u għall-Istati Uniti fil-listi tal-pajjiżi terzi awtorizzati għad-dħul fl-Unjoni ta’ konsenji tal-pollam, tal-prodotti ġerminali tal-pollam u tal-laħam frisk tal-pollam u tal-għasafar tal-kaċċa
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (1), u b’mod partikolari l-Artikoli 230(1) u 232(1) u (3) tiegħu.
Billi:
(1) |
Ir-Regolament (UE) 2016/429 jipprevedi li biex jidħlu fl-Unjoni, il-konsenji tal-annimali, tal-prodotti ġerminali u tal-prodotti li joriġinaw mill-annimali jridu jkunu ġejjin minn pajjiż terz jew minn territorju, jew minn żona jew kompartiment tiegħu, elenkati f’konformità mal-Artikolu 230(1) ta’ dak ir-Regolament. |
(2) |
Ir-Regolament Delegat tal-Kummissjoni (UE) 2020/692 (2) jistabbilixxi r-rekwiżiti tas-saħħa tal-annimali li l-konsenji ta’ ċerti speċijiet u kategoriji tal-annimali, tal-prodotti ġerminali u tal-prodotti li joriġinaw mill-annimali li jkunu ġejjin minn pajjiżi terzi jew territorji, jew żoni tagħhom, jew minn kompartimenti tagħhom fil-każ tal-annimali tal-akkwakultura, iridu jkunu konformi magħhom għad-dħul fl-Unjoni. |
(3) |
Ir-Regolament ta’ Implimentazzjoni tal-Kummissjoni (UE) (3) 2021/404 jistabbilixxi l-listi tal-pajjiżi terzi, it-territorji, iż-żoni jew il-kompartimenti tagħhom, li minnhom hu permess id-dħul fl-Unjoni tal-ispeċijiet u l-kategoriji tal-annimali, tal-prodotti ġerminali u tal-prodotti li joriġinaw mill-annimali li jaqgħu fil-kamp ta’ applikazzjoni tar-Regolament Delegat (UE) 2020/692. |
(4) |
B’mod aktar partikolari, l-Annessi V u XIV tar-Regolament ta’ Implimentazzjoni (UE) 2021/404 jistabbilixxu l-listi tal-pajjiżi terzi, tat-territorji, jew taż-żoni tagħhom awtorizzati għad-dħul fl-Unjoni rispettivament ta’ konsenji tal-pollam, tal-prodotti ġerminali tal-pollam, u tal-laħam frisk u l-prodotti tal-laħam tal-pollam u tal-għasafar tal-kaċċa. |
(5) |
Ir-Renju Unit innotifika lill-Kummissjoni dwar tliet tifqigħat tal-influwenza avjarja b’patoġeniċità għolja (HPAI) fil-pollam fl-Iskozja, fiż-żoni amministrattivi ta’ Angus (1), Dumfries & Galloway (1), u l-Isle of Lewis (1) li ġew ikkonfermati fit-18 ta’ Awwissu 2023, fis-17 ta’ Awwissu 2023 u fit-22 ta’ Awwissu 2023 rispettivament b’analiżi tal-laboratorju (RT-PCR). |
(6) |
Wara dawk it-tifqigħat riċenti tal-HPAI, l-awtoritajiet veterinarji tar-Renju Unit stabbilew żoni ristretti ta’ mill-anqas 10km madwar l-azjendi affettwati u implimentaw politika tal-qerda biex jikkontrollaw il-preżenza tal-HPAI u jillimitaw it-tixrid ta’ dik il-marda. |
(7) |
Ir-Renju Unit ta informazzjoni lill-Kummissjoni dwar is-sitwazzjoni epidemjoloġika fit-territorju tiegħu u dwar il-miżuri li ħa biex jipprevjeni aktar tixrid tal-HPAI. |
(8) |
Dik l-informazzjoni ġiet evalwata mill-Kummissjoni. Il-Kummissjoni jidhrilha li, fid-dawl tas-sitwazzjoni tas-saħħa tal-annimali fiż-żoni bir-restrizzjonijiet stabbiliti mill-awtoritajiet veterinarji tar-Renju Unit, id-dħul fl-Unjoni ta’ konsenji tal-pollam, tal-prodotti ġerminali tal-pollam, u ta’ laħam frisk tal-pollam u tal-għasafar tal-kaċċa minn dawk iż-żoni jenħtieġ li jiġi sospiż, biex jiġi protett l-istatus tas-saħħa tal-annimali tal-Unjoni. |
(9) |
Il-Kanada, iċ-Ċilì, ir-Renju Unit u l-Istati Uniti taw informazzjoni aġġornata lill-Kummissjoni dwar is-sitwazzjonijiet epidemjoloġiċi fit-territorji tagħhom b’rabta mal-HPAI li wasslu għas-sospensjoni tad-dħul fl-Unjoni ta’ ċerti prodotti, kif stabbilit fl-Annessi V u XIV tar-Regolament ta’ Implimentazzjoni (UE) 2021/404. |
(10) |
Il-Kanada tat informazzjoni aġġornata dwar is-sitwazzjoni epidemjoloġika fit-territorju tagħha b’rabta ma’ tifqigħa tal-HPAI fi stabbiliment tal-pollam fil-provinċja ta’ British Colombia li ġiet ikkonfermata fl-20 ta’ Settembru 2022. |
(11) |
Iċ-Ċilì tat informazzjoni aġġornata dwar is-sitwazzjoni epidemjoloġika fit-territorju tagħha b’rabta ma’ ħames tifqigħat tal-HPAI fi stabbilimenti tal-pollam fir-reġjuni ta’ Biobío (3) u Maule (2), li ġew ikkonfermati bejn id-19 ta’ Marzu 2023 u l-20 ta’ April 2023. |
(12) |
Ir-Renju Unit ta informazzjoni aġġornata dwar is-sitwazzjoni epidemjoloġika fit-territorju tiegħu b’rabta ma’ tifqigħa tal-HPAI fi stabbiliment tal-pollam fil-kontea ta’ Kent, l-Ingilterra, li ġiet ikkonfermata fl-20 ta’ Lulju 2023. |
(13) |
Finalment, l-Istati Uniti taw informazzjoni aġġornata dwar is-sitwazzjoni epidemjoloġika fit-territorju tagħhom b’rabta ma’ 21 tifqigħa tal-HPAI fi stabbilimenti tal-pollam fl-istati ta’ Colorado (1) u Pennsylvania (20), li ġew konfermati fl-1 ta’ Frar 2023 u fit-28 ta’ Marzu 2023. |
(14) |
Il-Kanada, iċ-Ċilì, ir-Renju Unit u l-Istati Uniti taw wkoll informazzjoni dwar il-miżuri li ħadu biex jevitaw aktar tixrid tal-HPAI. B’mod partikolari, wara dawk it-tifqigħat ta’ dik il-marda, il-Kanada, iċ-Ċilì, ir-Renju Unit u l-Istati Uniti implimentaw politika ta’ qerda biex jikkontrollaw u jillimitaw it-tixrid ta’ dik il-marda, u lestew ukoll ir-rekwiżit tat-tindif u tad-diżinfettar wara l-implimentazzjoni tal-politika ta’ qerda fl-istabbilimenti tal-pollam infettati fit-territorji tagħhom. |
(15) |
Il-Kummissjoni evalwat l-informazzjoni ppreżentata mill-Kanada, miċ-Ċilì, mir-Renju Unit u mill-Istati Uniti. Il-Kummissjoni jidhrilha li l-Kanada, iċ-Ċilì, ir-Renju Unit u l-Istati Uniti pprovdew garanziji xierqa li s-sitwazzjoni tas-saħħa tal-annimali li wasslet għas-sospensjonijiet ma għadhiex toħloq theddida għas-saħħa tal-annimali jew għas-saħħa pubblika fl-Unjoni u li, għaldaqstant, jenħtieġ li jiġi awtorizzat mill-ġdid id-dħul fl-Unjoni tal-prodotti tal-pollam miż-żoni kkonċernati tal-Kanada, taċ-Ċilì, tar-Renju Unit u tal-Istati Uniti li minnhom kien ġie sospiż id-dħul fl-Unjoni. |
(16) |
Għalhekk, jenħtieġ li l-Annessi V u XIV tar-Regolament ta’ Implimentazzjoni (UE) 2021/404 jiġu emendati biex titqies is-sitwazzjoni epidemjoloġika attwali fir-rigward tal-HPAI fil-Kanada, fiċ-Ċilì, fir-Renju Unit u fl-Istati Uniti. |
(17) |
Filwaqt li titqies is-sitwazzjoni epidemjoloġika attwali fir-Renju Unit b’rabta mal-HPAI u biex ikun evitat tfixkil bla bżonn fil-kummerċ mal-Kanada, maċ-Ċilì, mar-Renju Unit u mal-Istati Uniti, l-emendi li jenħtieġ li jsiru fl-Annessi V u XIV tar-Regolament ta’ Implimentazzjoni (UE) 2021/404 b’dan ir-Regolament jenħtieġ li jsiru effettivi b’urġenza. |
(18) |
Il-miżuri previsti f’dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Annessi V u XIV tar-Regolament ta’ Implimentazzjoni (UE) 2021/404 huma emendati f’konformità mal-Anness ta’ dan ir-Regolament.
Artikolu 2
Dħul fis-seħħ u applikabbiltà
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-6 ta' Settembru 203
Għall-Kummissjoni
Il-President
Ursula VON DER LEYEN
(2) Ir-Regolament Delegat tal-Kummissjoni (UE) 2020/692 tat-30 ta’ Jannar 2020 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għad-dħul fl-Unjoni, u l-moviment u l-immaniġġjar wara d-dħul ta’ konsenji ta’ ċerti annimali, prodotti ġerminali u prodotti li joriġinaw mill-annimali (ĠU L 174, 3.6.2020, p. 379).
(3) Ir-Regolament ta’ Implimentazzjoni tal-Kummissjoni (UE) 2021/404 tal-24 ta’ Marzu 2021 li jistabbilixxi l-listi ta’ pajjiżi terzi, territorji jew żoni tagħhom li minnhom huwa permess id-dħul fl-Unjoni ta’ annimali, prodotti ġerminali u prodotti li joriġinaw mill-annimali f’konformità mar-Regolament (UE) 2016/429 tal-Parlament Ewropew u tal-Kunsill (ĠU L 114, 31.3.2021, p. 1).
ANNESS
L-Annessi V u XIV tar-Regolament ta’ Implimentazzjoni (UE) 2021/404 huma emendati kif ġej:
(1) |
L-Anness V huwa emendat kif ġej:
|
(2) |
fl-Anness XIV, fil-Parti 1, it-Taqsima B hija emendata kif ġej:
|
7.9.2023 |
MT |
Il-Ġurnal Uffiċjali tal-Unjoni Ewropea |
L 220/20 |
REGOLAMENT TA’ IMPLIMENTAZZJONI TAL-KUMMISSJONI (UE) 2023/1701
tas-6 ta’ Settembru 2023
li jiffissa d-dazji tal-importazzjoni għal ċerti tipi ta’ ross meħluf applikabbli mis-7 ta’ Settembru 2023
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (1), u b’mod partikolari l-Artikolu 183, il-punt (a), l-ewwel subparagrafu tiegħu,
Billi:
(1) |
Il-Ftehim fil-forma ta’ skambju ta’ ittri bejn il-Komunità Ewropea u l-Istati Uniti tal-Amerika dwar il-metodu għall-kalkolu tad-dazji applikati għar-ross meħluf, approvat bid-Deċiżjoni tal-Kunsill 2005/476/KE (2), jistabbilixxi metodu għall-kalkolu tad-dazji applikati għall-importazzjonijiet tar-ross meħluf. |
(2) |
Abbażi tal-informazzjoni mibgħuta mill-awtoritajiet kompetenti, il-Kummissjoni tinnota li ċ-ċertifikati ta’ importazzjoni għar-ross meħluf tal-Kodiċi NM 1006 20, għajr iċ-ċertifikati ta’ importazzjoni tar-ross Basmati, inħarġu għal kwantità ta’ 476 971 tunnellata għall-perjodu mill-1 ta’ Settembru 2022 sal-31 ta’ Awwissu 2023. Għalhekk jenħtieġ li d-dazju tal-importazzjoni għar-ross meħluf tal-kodiċi NM 1006 20, għajr ir-ross Basmati, iffissat bir-Regolament ta’ Implimentazzjoni tal-Kummissjoni (UE) 2023/507, jiġi emendat (3). |
(3) |
Għalhekk jenħtieġ li r-Regolament ta’ Implimentazzjoni (UE) 2023/507 jitħassar. |
(4) |
Id-dazju applikabbli jenħtieġ li jiġi ffissat fi żmien għaxart ijiem minn tmiem il-perjodu referenzjarju. Għalhekk, jenħtieġ li dan ir-Regolament jidħol fis-seħħ minnufih, |
ADOTTAT DAN IR-REGOLAMENT:
Artikolu 1
Għal kull tunnellata ta’ ross meħluf tal-kodiċi NM 1006 20, għajr il-varjetajiet tar-ross meħluf Basmati msemmija fl-Artikolu 1 tar-Regolament tal-Kummissjoni (KE) Nru 972/2006 (4), id-dazju tal-importazzjoni għandu jkun ta’ EUR 42.50.
Artikolu 2
Ir-Regolament ta’ Implimentazzjoni (UE) 2023/507 jitħassar.
Artikolu 3
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-6 ta’ Settembru 2023.
Għall-Kummissjoni
F’isem il-President,
Wolfgang BURTSCHER
Direttur Ġenerali
Direttorat Ġenerali tal-Agrikoltura u l-Iżvilupp Rurali
(1) ĠU L 347, 20.12.2013, p. 671.
(2) Id-Deċiżjoni tal-Kunsill 2005/476/KE tal-21 ta’ Ġunju 2005 rigward il-konklużjoni ta’ Ftehim fil-forma ta’ Skambju ta’ Ittri bejn il-Komunità Ewropea u l-Istati Uniti tal-Amerka rigward il-metodu ta’ kalkolu tad-dazji applikati għar-ross meħluf u li temenda d-Deċiżjonijiet 2004/617/KE, 2004/618/KE u 2004/619/KE (ĠU L 170, 1.7.2005, p. 67).
(3) Ir-Regolament ta’ Implimentazzjoni (UE) 2023/507 tal-Kummissjoni (UE) tas-7 ta’ Marzu 2023 li jiffissa d-dazji tal-importazzjoni għal ċerti tipi ta’ ross meħluf, applikabbli mit-8 ta’ Marzu 2023, (ĠU L 70, 8.3.2023, p. 47).
(4) Ir-Regolament tal-Kummissjoni (KE) Nru 972/2006 tad- 29 ta’ Ġunju 2006 li jistabbilixxi regoli speċjali għal importazzjonijiet ta’ ross Basmati u sistema tranżitorja ta’ kontroll biex ikun determinat l-oriġini tagħhom (ĠU L 176, 30.6.2006, p. 53).
Rettifika
7.9.2023 |
MT |
Il-Ġurnal Uffiċjali tal-Unjoni Ewropea |
L 220/22 |
Rettifika għad-Deċiżjoni tal-Kummissjoni (UE) 2023/1313 tat-22 ta’ Ġunju 2023 li tapprova, f’isem l-Unjoni Ewropea, l-emendi għall-Anness 14-B tal-Ftehim bejn l-Unjoni Ewropea u l-Ġappun għal Sħubija Ekonomika
( Il-Ġurnal Uffiċjali tal-Unjoni Ewropea L 162 tat-28 ta’ Ġunju 2023 )
Fil-paġna 63, fl-Anness 2, l-ewwel kolonna,
minflok:
“Sanuki shiro miso”,
aqra:
“sanuki shiro miso”.