(1)

Ir-Regolament (KE) Nru 1069/2009 jistabbilixxi r-regoli dwar is-saħħa pubblika u dik tal-annimali għall-prodotti derivati biex jiġu milqugħa minn qabel u mminimizzati r-riskji għas-saħħa pubblika u dik tal-annimali li ġejjin minn dawn il-prodotti, u b’mod partikolari biex titħares is-sikurezza tal-katina tal-ikel u tal-għalf. B’mod aktar speċifiku, dan jistabbilixxi regoli fir-rigward tat-trattament sikur, u l-ipproċessar jew it-trasformazzjoni ta’ prodotti sekondarji tal-annimali fi prodotti derivati, inklużi regoli għat-tqegħid fis-suq u l-użu ta’ fertilizzanti organiċi u materjali li jtejbu l-ħamrija. Barra minn hekk, ir-Regolament (KE) Nru 1069/2009, kif emendat bir-Regolament (UE) 2019/1009 tal-Parlament Ewropew u tal-Kunsill (2), jipprevedi li l-Kummissjoni għandha s-setgħa li tadotta atti delegati biex tiddetermina l-punti ta’ tmiem fil-katina tal-manifattura, li lil hinn minnhom ċerti prodotti derivati ma jibqgħux aktar soġġetti għar-rekwiżiti tar-Regolament (KE) Nru 1069/2009.

(2)

Ir-Regolament (UE) 2019/1009 jistabbilixxi regoli dwar it-tpoġġija għad-dispożizzjoni fis-suq ta’ prodotti fertilizzanti tal-UE. Dak ir-Regolament ma japplikax għal prodotti derivati li huma soġġetti għar-rekwiżiti tar-Regolament (KE) Nru 1069/2009 meta jsiru disponibbli fis-suq. Skont ir-Regolament (UE) 2019/1009, ċerti prodotti derivati jistgħu jsiru, jew ikunu parti minn, prodott fertilizzanti tal-UE dment li jintlaħaq punt ta’ tmiem fil-katina tal-manifattura tal-prodott derivat, u b’hekk tiġi żgurata s-sikurezza tas-saħħa pubblika u tal-annimali. Dawk il-prodotti derivati, li laħqu punt ta’ tmiem fil-katina tal-manifattura ta’ ċerti fertilizzanti organiċi u materjali li jtejbu l-ħamrija, mhux se jibqgħu soġġetti għar-rekwiżiti tar-Regolament (KE) Nru 1069/2009 u se jaqgħu biss fil-kamp ta’ applikazzjoni tar-Regolament (UE) 2019/1009.

(3)

Fit-2 ta’ Diċembru 2021, l-Awtorità Ewropea dwar is-Sigurtà fl-Ikel (EFSA) ppubblikat Opinjoni Xjentifika “Inactivation of indicator microorganisms and biological hazards by standard and/or alternative processing methods in Category 2 and 3 animal by-products and derived products to be used as organic fertilisers and/or soil improvers” (3) (l-Opinjoni Xjentifika tal-EFSA tat-2 ta’ Diċembru 2021). Skont dik l-Opinjoni Xjentifika, l-irmied tal-materjali tal-Kategoriji 2 u 3 li jissodisfaw ir-rekwiżiti stabbiliti fl-Anness III tar-Regolament tal-Kummissjoni (UE) Nru 142/2011 (4), il-gliċerina tal-materjali tal-Kategoriji 2 u 3, u l-materjali oħra tal-Kategorija 2 derivati mill-produzzjoni tal-bijodiżil f’konformità ma’ metodi alternattivi għall-produzzjoni tal-bijodiżil jew tal-fjuwils rinnovabbli stipulati fl-Anness IV ta’ dak ir-Regolament, jirrappreżentaw riskju baxx għas-saħħa pubblika u tal-annimali minħabba pproċessar sikur. Jista’ jiġi ddeterminat punt ta’ tmiem fil-katina tal-manifattura ta’ dawk il-prodotti derivati. Dawk il-prodotti derivati jenħtieġ li jilħqu l-punt ta’ tmiem jekk jintużaw bħala materjal komponent f’konformità mar-Regolament (UE) 2019/1009.

(4)

Ċerti prodotti derivati mhumiex inklużi fl-Opinjoni Xjentifika tal-EFSA tat-2 ta’ Diċembru 2021 peress li dan l-aħħar ġew ivvalutati minn Opinjonijiet Xjentifiċi oħra tal-EFSA. Fl-2015, ir-residwi tad-diġestjoni tal-kompost u tal-bijogass soġġetti għall-parametri standard tat-trasformazzjoni ġew ivvalutati bħala sikuri fl-Opinjoni Xjentifika tal-EFSA tat-13 ta’ Novembru, 2015“Risk to public and/or animal health of the treatment of dead-in-shell chicks (Category 2 material) to be used as raw material for the production of biogas or compost with Category 3 approved method” (5). Opinjoni Xjentifika tal-EFSA dwar ir-reviżjoni tal-valutazzjoni kwantitattiva tar-riskju (QRA) tar-riskju tal-BSE ppreżentat mill-proteini pproċessati tal-annimali (PAP) (6) ġiet adottata fis-17 ta’ Lulju 2018 għall-fini tar-reviżjoni parzjali tal-projbizzjoni tal-għalf stabbilita fir-Regolament (KE) Nru 999/2001 tal-Parlament Ewropew u tal-Kunsill (7). Id-demel ipproċessat ġie vvalutat mill-Opinjoni Xjentifika tal-EFSA tas-27 ta’ April 2021“Ability of different matrices to transmit African swine fever virus” (8) li tinkludi valutazzjoni tas-sikurezza tas-saħħa tal-annimali tat-trattament bis-sħana għad-demel ipproċessat.

(5)

Ċerti fertilizzanti organiċi u materjali li jtejbu l-ħamrija jeħtieġu miżuri ta’ mitigazzjoni tar-riskju biex jintlaħaq punt ta’ tmiem fil-katina tal-manifattura biex tiġi żgurata l-konformità mal-projbizzjoni tal-għalf stabbilita fir-Regolament (KE) Nru 999/2001. Skont ir-Regolament (UE) Nru 142/2011, uħud minn dawk il-fertilizzanti organiċi u materjali li jtejbu l-ħamrija huma meħtieġa li jitħalltu ma’ komponent li jeskludi l-użu sussegwenti tat-taħlita għal skopijiet ta’ għalf biex tiġi evitata l-introduzzjoni ta’ ċerti enċefalopatiji sponġiformi li jinxterdu permezz ta’ fertilizzanti fil-katina tal-għalf għall-annimali mrobbija fl-irziezet. Huwa xieraq li tiġi introdotta kombinazzjoni tal-miżuri eżistenti ta’ mitigazzjoni tar-riskju stabbiliti fir-Regolament (UE) Nru 142/2011, abbażi tal-imballaġġ, it-tikkettar u l-kompożizzjoni.

(6)

Jenħtieġ li l-prodotti derivati jitqiesu li jkunu laħqu l-punt ta’ tmiem biss jekk jiġu manifatturati f’impjant tal-fertilizzanti fl-Unjoni li jkun approvat f’konformità mal-Artikolu 24(1)(f) tar-Regolament (KE) Nru 1069/2009. L-impjant tal-fertilizzanti approvat huwa l-aħħar punt fil-katina tal-manifattura fejn il-prodotti derivati huma soġġetti għar-rekwiżiti stabbiliti fir-Regolament (KE) Nru 1069/2009 u l-post fejn isiru, wara li jilħqu punt ta’ tmiem, soġġetti biss għal dawk stabbiliti fir-Regolament (UE) 2019/1009,

1.

“ prodott fertilizzanti tal-UE” tfisser prodott fertilizzanti kif definit fl-Artikolu 2(2) tar-Regolament (UE) 2019/1009;

2.

“punt ta’ tmiem” tfisser punt ta’ tmiem fil-katina tal-manifattura, li lil hinn minnu prodott derivat ma jibqax soġġett għar-rekwiżiti tar-Regolament (KE) Nru 1069/2009.

(a)

irmied miksub minn materjali tal-Kategoriji 2 u 3 li jissodisfaw ir-rekwiżiti ġenerali u speċifiċi stabbiliti fl-Anness III tar-Regolament (UE) Nru 142/2011;

(b)

residwi li jirriżultaw mit-trasformazzjoni ta’ prodotti sekondarji tal-annimali f’impjant tal-bijogass li jissodisfaw ir-rekwiżiti stabbiliti fid-dispożizzjonijiet li ġejjin tal-Anness V tar-Regolament (UE) Nru 142/2011:

(c)

kompost, li jissodisfa r-rekwiżiti, li jissodisfa r-rekwiżiti stabbiliti fid-dispożizzjonijiet li ġejjin tal-Anness V tar-Regolament (UE) Nru 142/2011:

(d)

demel ipproċessat u frass ipproċessat li jissodisfaw ir-rekwiżiti stabbiliti fil-Kapitolu I, it-Taqsima 2, il-punti (a), (b), (d) u (e), tal-Anness XI tar-Regolament (UE) Nru 142/2011.

(1)

Ir-Regolament (UE) 2021/2117 tal-Parlament Ewropew u tal-Kunsill (2) emenda r-Regolament (UE) Nru 1308/2013.

(2)

Fil-kuntest ta’ dik l-emenda, id-dispożizzjonijiet tal-Artikoli 6, 10, 12, 14, 15, 20 u 22 tar-Regolament Delegat tal-Kummissjoni (UE) 2019/33 (3) iddaħħlu fl-Artikolu 96(5) u (6), fl-Artikolu 97(2), fl-Artikolu 98(2), (3), (4) u (5), U l-Artikoli 105, 106 u 106a tar-Regolament (UE) Nru 1308/2013.

(3)

B’mod partikolari, l-Artikolu 15 tar-Regolament Delegat (UE) 2019/33 ma għadux utli peress li jistabbilixxi proċedura speċifika għall-approvazzjoni ta’ emendi tal-Unjoni għal Speċifikazzjoni ta’ Prodott — li tippermetti l-approvazzjonijiet tagħhom mingħajr vot tal-Kumitat f’każ li ma tiġi ppreżentata l-ebda oppożizzjoni kontra dik l-emenda wara l-pubblikazzjoni f’Il-Ġurnal Uffiċjali tal-Unjoni Ewropea — li issa saret il-proċedura standard għar-reġistrazzjoni ta’ denominazzjoni ta’ oriġini protetta jew ta’ indikazzjoni ġeografika protetta skont l-Artikolu 99 tar-Regolament (UE) Nru 1308/2013, iżda wkoll għall-approvazzjoni tal-emendi tal-Unjoni għall-Ispeċifikazzjonijiet tal-Prodott skont l-Artikolu 105(3), l-ewwel subparagrafu, tar-Regolament (UE) Nru 1308/2013.

(4)

Għal raġunijiet ta’ ċarezza u faċilità tal-użu għall-operaturi, l-Artikoli 6, 10, 12, 14, 15, 20 u 22 tar-Regolament Delegat (UE) 2019/33 jenħtieġ li jitħassru u jenħtieġ li r-referenzi għal dawk l-Artikoli jinbidlu.

(5)

Wara ż-żieda ta’ paragrafu 3 ġdid fl-Artikolu 97 tar-Regolament (UE) Nru 1308/2013 bir-Regolament (UE) 2021/2117, il-paragrafu 3 eżistenti ta’ dak l-Artikolu sar il-paragrafu 4. Wara ż-żieda ta’ punti ġodda, il-punti (a)(iii) u (b)(iii) tal-Artikolu 93(1) tar-Regolament (UE) Nru 1308/2013 saru l-punti (a)(iv) u (b)(iv) ta’ dak l-Artikolu rispettivament. Ir-referenzi fl-Artikolu 5(1), (2) u (3) tar-Regolament Delegat (UE) 2019/33 għall-punti (a)(iii) u (b)(iii) tal-Artikolu 93(1) tar-Regolament (UE) Nru 1308/2013 u r-referenzi fil-punt (c)(iii) tal-Artikolu 11(1) u fil-punt (b) tat-tieni subparagrafu tal-Artikolu 13(1) tar-Regolament Delegat (UE) 2019/33 għall-Artikolu 97(3) tar-Regolament (UE) Nru 1308/2013 jenħtieġ li jiġu aġġustati kif xieraq.

(6)

L-Anness III, it-Taqsima B, il-punt 3, it-tieni paragrafu tar-Regolament Delegat tal-Kummissjoni (UE) 2019/934 (4) jipprevedi li fir-rigward tal-inbejjed likuri bid-denominazzjoni ta’ oriġini protetta “Condado de Huelva”, “Malaga” u “Jerez-Xérès-Sherry”, il-most ta’ għeneb imqadded li miegħu jkun ġie miżjud alkoħol newtrali li joriġina mid-dwieli biex tiġi evitata l-fermentazzjoni, miksub mill-varjetà ta’ dwieli Pedro Ximénez, jista’ jiġi mir-reġjun “Montilla-Moriles”. Madankollu, l-Artikolu 5(3) tar-Regolament Delegat (UE) 2019/33 attwalment jiddikjara li din id-deroga tapplika biss għall-inbejjed likuri bid-denominazzjoni ta’ oriġini protetta “Malaga” u “Jerez-Xérès-Sherry”. Biex tiġi żgurata l-konsistenza mad-dispożizzjonijiet tar-Regolament Delegat (UE) 2019/934 u mal-ispeċifikazzjonijiet tal-inbejjed likuri li għandhom id-denominazzjoni ta’ oriġini protetta “Condado de Huelva”, huwa meħtieġ li jiġi emendat l-Artikolu 5(3) tar-Regolament Delegat (UE) 2019/33 u li jiġi ċċarat li d-deroga dwar il-provenjenza tal-most ta’ għeneb imqadded li miegħu jkun żdied alkoħol newtrali ta’ oriġini mid-dwieli biex tiġi evitata l-fermentazzjoni tapplika wkoll għall-inbejjed likuri bid-denominazzjoni ta’ oriġini protetta “Condado de Huelva”.

(7)

Għall-prodotti tad-dwieli kollha li għaddew minn trattament ta’ dealkoħolizzazzjoni u li għandhom qawwa alkoħolika proprja skont il-volum ta’ inqas minn 10 %, ir-Regolament (UE) 2021/2117 introduċa d-data tad-durabbiltà minima bħala obbligatorja, b’mod partikolari fl-Artikolu 119(1) tar-Regolament (UE) Nru 1308/2013. Madankollu, f’konformità mar-rekwiżiti tar-Regolament (UE) Nru 1169/2011 tal-Parlament Ewropew u tal-Kunsill (5) li huma applikabbli għall-oġġetti tal-ikel kollha, huwa xieraq li jiġi stabbilit li d-data ta’ durabbiltà minima, kull meta tkun tidher fuq il-kontenitur, ma hemmx bżonn li tidher fl-istess kamp viżiv kif meħtieġ għal dettalji obbligatorji oħra msemmija fl-Artikolu 119 tar-Regolament (UE) Nru 1308/2013.

(8)

Ir-Regolament (UE) 2021/2117 żied ukoll il-lista ta’ ingredjenti u d-dikjarazzjoni dwar in-nutrizzjoni skont l-Artikolu 9(1), il-punti (b) u (l), rispettivament, tar-Regolament (UE) Nru 1169/2011, mal-lista ta’ dettalji obbligatorji stabbilita fl-Artikolu 119(1) tar-Regolament (UE) Nru 1308/2013. Ir-Regolament (UE) 2021/2117, billi emenda l-Artikolu 122 tar-Regolament (UE) Nru 1308/2013, ta wkoll is-setgħa lill-Kummissjoni li tadotta regoli speċifiċi dwar l-indikazzjoni u d-denominazzjoni ta’ ingredjenti għall-applikazzjoni tar-rekwiżit il-ġdid stabbilit fl-Artikolu 119(1), il-punt (i), tar-Regolament (UE) Nru 1308/2013. Għalhekk, huwa xieraq li jiġu previsti r-regoli meħtieġa biex jitqiesu l-karatteristiċi speċifiċi tal-prodotti tad-dwieli u l-proċessi speċifiċi u ż-żmien tal-produzzjoni tagħhom, filwaqt li l-konsumaturi jingħataw informazzjoni komprensiva u akkurata. Dawn ir-regoli jenħtieġ li japplikaw meta tiġi pprovduta l-lista ta’ ingredjenti fuq it-tikketta tal-inbid, iżda wkoll meta l-lista ta’ ingredjenti tiġi pprovduta b’mezzi elettroniċi identifikati fuq il-pakkett jew fuq tikketta mehmuża miegħu, f’konformità mal-Artikolu 119(5) tar-Regolament (UE) Nru 1308/2013.

(9)

L-Artikolu 119(5), il-punt (c), tar-Regolament (UE) Nru 1308/2013, moqri flimkien mal-Artikolu 9, il-paragrafu 1, il-punt (c) tar-Regolament (UE) Nru 1169/2011, jistabbilixxi li, meta l-lista ta’ ingredjenti tiġi pprovduta b’mezzi elettroniċi, l-indikazzjoni tas-sustanzi li jikkawżaw allerġiji jew intolleranzi għandha tidher direttament fuq il-pakkett jew fuq tikketta mwaħħla miegħu. Għal raġunijiet ta’ konsistenza mar-rekwiżiti tar-Regolament (UE) Nru 1169/2011, li diġà japplikaw għall-inbid, huwa xieraq li d-deroga prevista fl-Artikolu 40(2) tar-Regolament Delegat (UE) 2019/33 li tippermetti li jiġu indikati dawk is-sustanzi barra mill-istess linji viżivi tkompli tapplika f’dawk il-każijiet. Madankollu, meta l-lista ta’ ingredjenti tiġi ppreżentata fuq il-pakkett jew fuq tikketta mwaħħla miegħu, għandha tidher fl-istess linji viżivi fuq il-kontenitur u s-sustanzi allerġeniċi jridu jiġu indikati f’din il-lista, f’konformità mal-Artikolu 21(1)(a), tar-Regolament (UE) Nru 1169/2011.

(10)

Peress li l-prodotti tad-dwieli dejjem jiġu prodotti mill-għeneb, huwa xieraq li jkun permess l-użu ta’ terminu wieħed biex tiġi indikata l-materja prima bażika fil-lista ta’ ingredjenti, irrispettivament minn jekk min jagħsar l-għeneb ikunx uża għeneb frisk jew most tal-għeneb. Fil-fatt, l-użu konsistenti tat-terminu “għeneb” fil-lista ta’ ingredjenti għall-prodotti tad-dwieli jippermetti informazzjoni armonizzata, li tinftiehem, u ċara għall-konsumaturi.

(11)

Is-sustanzi awtorizzati skont id-dritt tal-Unjoni għal finijiet enoloġiċi differenti bħall-arrikkiment u t-taħlil, inkluż is-sukrożju, il-most tal-għeneb ikkonċentrat u l-most tal-għeneb ikkonċentrat rettifikat huma ingredjenti u għalhekk parti mil-lista ta’ ingredjenti. Sabiex jiġi ffaċilitat il-fehim tal-konsumaturi u l-ġestjoni minn min jagħsar l-għeneb tal-elenkar ta’ sustanzi bbażati fuq il-most tal-għeneb, huwa xieraq li jiġi permess l-użu tat-terminu “most tal-għeneb ikkonċentrat” biex jiġu denominati kemm il-most tal-għeneb ikkonċentrat kif ukoll il-most tal-għeneb ikkonċentrat rettifikat.

(12)

Minbarra l-indikazzjoni tal-għeneb, sustanzi ta’ taħlil u ta’ arrikkiment, u possibbilment likur zokkri u likur tad-dożaġġ, jenħtieġ li l-lista ta’ ingredjenti titlesta b’indikazzjoni tal-addittivi użati fil-produzzjoni ta’ prodotti tad-dwieli, kif ukoll l-għajnuniet għall-ipproċessar li jistgħu jikkawżaw allerġiji jew intolleranzi. Huwa xieraq li jiġi speċifikat li l-lista sħiħa ta’ dawn il-komposti enoloġiċi li jistgħu jkunu fil-lista ta’ ingredjenti jkunu dawk imsemmija fl-Anness I, il-Parti A, it-Tabella 2, tar-Regolament Delegat (UE) 2019/934, li fih ukoll it-termini biex dawn jiġu denominati u n-numri E li jistgħu jintużaw bħala alternattivi biex jippreżentawhom bħala ingredjenti.

(13)

L-inbid huwa prodott li jibqa’ bijokimikament attiv, u l-karatteristiċi intrinsiċi tiegħu jistgħu jvarjaw ħafna tul il-ħajja kollha tiegħu, anki fl-istess lott. L-għeneb użat għall-produzzjoni ta’ nbid wieħed huwa differenti, minħabba fatturi bħall-maturità tal-frott, il-kundizzjonijiet tal-ħsad, jew il-ħamrija u t-temp lokali. Il-kundizzjonijiet esterni matul il-vinifikazzjoni u l-maturazzjoni qabel l-ibbottiljar, fi btieti jew f’kontenituri speċjali oħra, jinfluwenzaw ukoll il-prodott finali. L-addittivi jintużaw f’diversi stadji tal-produzzjoni, mill-ewwel fermentazzjoni sal-ibbottiljar; għal ċerti funzjonijiet enoloġiċi, l-aktar addittivi xierqa jistgħu jvarjaw minħabba l-interazzjoni bejn il-karatteristiċi tal-inbid u l-fatturi esterni, u l-ħtieġa frekwenti li jitħalltu nbejjed differenti. Id-Deċiżjoni li jintużaw ċerti addittivi spiss tittieħed fuq il-post mill-enoloġisti responsabbli abbażi ta’ analiżi ad hoc imwettqa f’mumenti differenti tal-produzzjoni biex tiġi żgurata l-integrità tal-inbid (eż. dwar l-aċidità, il-freskezza) u l-istabbiltà tiegħu. Deċiżjoni bħal din ħafna drabi tittieħed tard fil-proċess, meta t-tikketti jkunu diġà stampati. Barra minn hekk, ħafna drabi tkun meħtieġa flessibbiltà tal-aħħar minuta biex jiġu ssodisfati l-ħtiġijiet tas-suq tal-inbid, skont id-destinazzjoni finali u x-xerrejja tal-inbid. Dan huwa, b’mod partikolari, il-każ għall-addittivi li jaqgħu taħt il-kategoriji “regolaturi tal-aċidità” u “aġenti stabbilizzanti”. F’konformità ma’ dan ta’ hawn fuq, sabiex tkun permessa l-flessibbiltà meħtieġa għal finijiet enoloġiċi, ta’ tikkettar u kummerċjali, filwaqt li jiġi żgurat l-għoti meħtieġ ta’ informazzjoni suffiċjenti lill-konsumaturi, u filwaqt li jitqies l-ammont limitat ta’ komposti enoloġiċi awtorizzati, li huma strettament regolati mir-Regolament Delegat (UE) 2019/934, huwa xieraq li l-operaturi jitħallew jippreżentaw, fil-lista ta’ ingredjenti, ir-“regolaturi tal-aċidità” u l-“aġenti stabbilizzanti” permezz ta’ mhux aktar minn tliet ingredjenti alternattivi, fejn ikunu simili jew reċiprokament sostitwibbli fil-funzjoni tagħhom, bil-kundizzjoni li mill-inqas wieħed minn dawk l-addittivi jkun preżenti fil-prodott finali.

(14)

L-Artikolu 41 tar-Regolament Delegat (UE) 2019/33 jipprevedi t-termini li għandhom jintużaw għat-tikkettar ta’ ċerti sustanzi jew prodotti li jikkawżaw allerġiji jew intolleranzi, kif imsemmi fl-Artikolu 21 tar-Regolament (UE) Nru 1169/2011, dwar is-sulfiti, il-bajd u l-prodotti bbażati fuq il-bajd u l-ħalib u l-prodotti bbażati fuq il-ħalib. Jenħtieġ li dawk it-termini jkomplu jintużaw, anke fil-lista ta’ ingredjenti meta jiġu ppreżentati fuq il-pakkett jew fuq tikketta, għal raġunijiet ta’ konsistenza u filwaqt li jitqies li l-konsumaturi huma familjari magħhom.

(15)

Ċerti addittivi użati bħala gassijiet tal-ippakkjar (id-diossidu tal-karbonju, l-argon u n-nitroġenu) għandhom bħala objettiv ewlieni l-ispostament tal-ossiġenu matul l-ibbottiljar tal-prodotti tad-dwieli, iżda ma jsirux parti mill-prodott li jiġi kkunsmat. Barra minn hekk, hija wkoll speċifiċità tas-suq tal-inbid li dawn il-gassijiet xi drabi jiġu deċiżi fuq bażi ad hoc fil-mument tal-ibbottiljar wara li jkunu ġew prodotti t-tikketti, skont fatturi kummerċjali bħas-suq tad-destinazzjoni, il-mezzi tat-trasport jew il-ħtiġijiet tax-xerrejja. Għalhekk, jidher xieraq li l-operaturi jitħallew jissostitwixxu l-elenkar tal-gassijiet tal-imballaġġ b’partikolarità speċifika li tiddeskrivi l-funzjoni tagħhom billi jużaw id-dikjarazzjoni “Ibbottiljat f’atmosfera protettiva” jew “L-ibbottiljar jista’ jseħħ f’atmosfera protettiva”.

(16)

Ċerti prattiki enoloġiċi għall-produzzjoni ta’ nbejjed frizzanti jikkonsistu miż-żieda ta’ “likur zokkri” mal-cuvée, biex tiġi pprovokata l-fermentazzjoni sekondarja, u ż-żieda ta’ “likur tad-dożaġġ” biex dawk l-inbejjed jingħataw il-karatteristiċi organolettiċi speċifiċi tagħhom. Il-kostitwenti possibbli kollha kemm tal-likur zokkri kif ukoll tal-likur tad-dożaġġ huma regolati fl-Anness II tar-Regolament Delegat (UE) 2019/934, u jikkonsistu minn sukrożju, most tal-għeneb, most tal-għeneb ikkonċentrat u/jew inbid, iżda dawn ma jintużawx għat-taħlil jew għall-arrikkiment. Minħabba l-funzjonijiet enoloġiċi speċifiċi ħafna tagħhom, l-indikazzjoni sempliċi tal-komponenti individwali tal-likur zokkri u l-likur tad-dożaġġ flimkien mal-ingredjenti l-oħrajn jistgħu jkunu qarrieqa għall-konsumaturi, sakemm ma jkunux miġbura taħt it-termini speċifiċi rilevanti. Għalhekk, jenħtieġ li fil-lista ta’ ingredjenti jkun permess li jintwerew it-termini “likur zokkri” u “likur tad-dożaġġ”, jew waħedhom jew akkumpanjati minn lista tal-kostitwenti proprji tagħhom.

(17)

Ċerti dispożizzjonijiet tar-Regolament Delegat (UE) 2019/33 speċifiċi għar-Renju Unit, bħall-Artikolu 45(3) jew l-Artikolu 51, ir-raba’ paragrafu, saru obsoleti peress li dak il-pajjiż ma għadux Stat Membru tal-Unjoni. Għalhekk, dawk id-dispożizzjonijiet jenħtieġ li jitħassru.

(18)

F’konformità mal-Artikolu 57(1)(a) tar-Regolament Delegat (UE) 2019/33, il-kisi bil-fojl tal-irbit tal-flixkun tal-inbid frizzanti ġeneralment huwa riżervat bħala karatteristika distintiva obbligatorja tal-inbejjed frizzanti, tal-inbejjed frizzanti ta’ kwalità u tal-inbejjed frizzanti aromatiċi ta’ kwalità. Għalhekk, jenħtieġ li l-użu tal-fojl ikompli jiġi riżervat bħala karatteristika distintiva għal dawn l-inbejjed, bl-eċċezzjonijiet definiti fl-Artikolu 57(2) ta’ dak ir-Regolament Delegat. Madankollu, il-produtturi u l-bottiljaturi jenħtieġ li jkunu liberi li ma jużawx il-fojl għal raġunijiet operazzjonali bħall-iffrankar tal-kostijiet, l-evitar tal-iskart jew it-titjib tal-kummerċjalizzazzjoni, dment li jkun żgurat li ma jkun hemm l-ebda riskju ta’ sikurezza għall-prodott ikkawżat mill-manipulazzjoni jew il-ftuħ mhux intenzjonat tal-qfil.

(19)

L-Anness III, il-Parti B, tar-Regolament Delegat (UE) 2019/33, li jiddefinixxi l-kundizzjonijiet tal-użu tat-termini msemmija fl-Artikolu 52(1) ta’ dak ir-Regolament Delegat li għandhom jintużaw għal prodotti oħrajn għajr dawk elenkati fil-Parti A, jenħtieġ li jiġi emendat biex jiġu ċċarati b’mod ulterjuri l-kundizzjonijiet tal-użu ta’ dawk it-termini.

(20)

Il-lista ta’ ingredjenti u d-dikjarazzjoni dwar in-nutrizzjoni, bħala dettalji obbligatorji, isiru parti integrali mid-“deskrizzjoni tal-prodott” fid-dokumenti ta’ akkumpanjament imsemmija fl-Artikolu 10 f’konformità mar-rekwiżiti għall-użu tad-dokumenti ta’ akkumpanjament, dwar id-deskrizzjoni tal-prodott, kif stabbilit fl-Anness V, it-taqsima A, tar-Regolament Delegat tal-Kummissjoni (UE) 2018/273 (6), mid-data tad-dħul fis-seħħ tad-dispożizzjonijiet rilevanti, u għandhom japplikaw kemm għall-inbid ittrasportat bl-ingrossa kif ukoll għall-prodotti tal-inbid imballati bit-tikketta. Min-naħa l-oħra, sabiex jiġi żgurat li l-inbid importat fl-Unjoni jkun ittikkettat f’konformità mar-regoli tal-Unjoni, ir-rekwiżiti għad-dokument VI-1 u għall-estratti VI-2 stabbiliti fl-Anness VII ta’ dak ir-Regolament Delegat jenħtieġ li jiġu emendati biex jiġi żgurat li l-lista ta’ ingredjenti tkun parti integrali mid-deskrizzjoni tal-prodott importat.

(21)

Għalhekk, ir-Regolamenti Delegati (UE) 2019/33 u (UE) 2018/273 jenħtieġ li jiġu emendati skont dan.

(22)

F’konformità mal-Artikolu 6, il-ħames subparagrafu tar-Regolament (UE) 2021/2117, l-obbligu li jiġu elenkati l-ingredjenti u li tiġi indikata d-data tad-durabbiltà minima tal-prodotti tad-dwieli parzjalment dealkoħolizzati u dealkoħolizzati b’qawwa alkoħolika proprja skont il-volum ta’ inqas minn 10 % għandu japplika mit-8 ta’ Diċembru 2023. Konsegwentement, l-emendi relatati ma’ dawk l-obbligi jenħtieġ li japplikaw minn dik l-istess data,

(1)

L-Artikolu 5 huwa sostitwit b’dan li ġej:

(2)

L-Artikolu 6 tħassar;

(3)

L-Artikolu 10 tħassar;

(4)

fl-Artikolu 11(1), l-ewwel subparagrafu, il-punt (c), il-punt (iii) huwa sostitwit b’dan li ġej:

(5)

L-Artikolu 12 jitħassar;

(6)

fl-Artikolu 13(1), it-tieni subparagrafu, il-punt (b) huwa sostitwit b’dan li ġej:

(7)

L-Artikolu 14 jitħassar;

(8)

L-Artikolu 15 jitħassar;

(9)

fl-Artikolu 17(1), it-tielet subparagrafu huwa sostitwit b’dan li ġej:

“L-applikazzjoni għal emenda standard għandha tipprovdi deskrizzjoni tal-emendi standard, tagħti sommarju tar-raġunijiet għalfejn l-emendi huma meħtieġa, u turi li l-emendi proposti jikkwalifikaw bħala standard f’konformità mal-Artikolu 105(2), it-tielet subparagrafu, tar-Regolament (UE) Nru 1308/2013.”;

(10)

L-Artikolu 20 jitħassar;

(11)

L-Artikolu 22 jitħassar;

(12)

fl-Artikolu 40, il-paragrafu 2 huwa sostitwit b’dan li ġej:

(13)

fl-Artikolu 45, il-paragrafu 3 jitħassar;

(14)

jiddaħħal l-Artikolu li ġej:

(15)

fl-Artikolu 51, ir-raba’ paragrafu jitħassar;

(16)

fl-Artikolu 57(1) jiżdied it-tielet subparagrafu li ġej:

“B’deroga mill-ewwel subparagrafu, il-punt (a), il-produtturi tal-inbid frizzanti, tal-inbid frizzanti ta’ kwalità u tal-inbid frizzanti aromatiku ta’ kwalità jistgħu jiddeċiedu li ma jiksux l-irbit bil-fojl.”;

(17)

fl-Artikolu 58, il-paragrafu 1 huwa sostitwit b’dan li ġej:

(*1)  Ir-Regolament ta’ Implimentazzjoni tal-Kummissjoni (UE) 2019/34 tas-17 ta’ Ottubru 2018 li jistabbilixxi regoli għall-applikazzjoni tar-Regolament (UE) Nru 1308/2013 tal-Parlament Ewropew u tal-Kunsill rigward l-applikazzjonijiet għall-protezzjoni ta’ denominazzjonijiet ta’ oriġini, ta’ indikazzjonijiet ġeografiċi u ta’ termini tradizzjonali fis-settur tal-inbid, il-proċedura ta’ oġġezzjoni, l-emendi għall-ispeċifikazzjonijiet tal-prodotti, ir-reġistru ta’ ismijiet protetti, it-tħassir tal-protezzjoni u l-użu ta’ simboli, u tar-Regolament (UE) Nru 1306/2013 tal-Parlament Ewropew u tal-Kunsill rigward sistema xierqa ta’ kontrolli (ĠU L 9, 11.1.2019, p. 46).”;"

(18)

fl-Anness III, il-Parti B, it-tabella hija sostitwita b’dan li ġej:

“—

Lista ta’ ingredjenti.”.

(1)

Ir-Regolament (UE) 2021/2117 tal-Parlament Ewropew u tal-Kunsill (2) emenda r-Regolament (UE) Nru 1308/2013. L-Artikoli 96, 97, 98, 105 u 106 tar-Regolament (UE) Nru 1308/2013 ġew emendati biex jinkludu dispożizzjonijiet meħuda mill-Artikoli 6, 10, 12, 14, 15 u 20 tar-Regolament Delegat tal-Kummissjoni (UE) 2019/33 (3), li mbagħad tħassru mir-Regolament Delegat tal-Kummissjoni (UE) 2023/1606 (4). Barra minn hekk, wara l-emendi tal-Artikolu 97 tar-Regolament (UE) Nru 1308/2013 bir-Regolament (UE) 2021/2117, id-dispożizzjonijiet stabbiliti fil-paragrafu 3 ta’ dak l-Artikolu tmexxew għall-paragrafu 4.

(2)

Għal finijiet ta’ ċarezza u ta’ użu faċli mill-operaturi, jenħtieġ li fir-Regolament ta’ Implimentazzjoni tal-Kummissjoni (UE) 2019/34 (5) u fl-Annessi tiegħu jiġu aġġustati r-referenzi għall-Artikolu 97(3) tar-Regolament (UE) Nru 1308/2013 u għall-Artikolu 12(1), (3) u (4), l-Artikolu 14(1) u (2) u l-Artikolu 20 tar-Regolament Delegat (UE) 2019/33.

(3)

Ir-Regolament (UE) 2021/2117 emenda wkoll ir-Regolament (UE) Nru 1308/2013 fir-rigward tal-kontenut tal-ispeċifikazzjoni tal-prodotti u r-raġunijiet għat-tħassir. Fl-Artikolu 94(2)(g) tar-Regolament (UE) Nru 1308/2013 iddaħħlu rekwiżiti dettaljati dwar id-deskrizzjoni tad-dettalji li juru r-rabta fl-ispeċifikazzjoni tal-prodotti. Iddaħħlu raġunijiet addizzjonali għat-tħassir fl-Artikolu 106 tar-Regolament (UE) Nru 1308/2013.

(4)

B’konsegwenza ta’ dan, għal raġunijiet ta’ ċarezza u ċertezza legali, jenħtieġ li jitħassru r-rekwiżiti għad-deskrizzjoni tad-dettalji li juru r-rabta fl-ispeċifikazzjoni tal-prodott previsti fl-ewwel subparagrafu tal-Artikolu 5(2) tar-Regolament ta’ Implimentazzjoni (UE) 2019/34. Barra minn hekk, l-Anness VII ta’ dak ir-Regolament ta’ Implimentazzjoni, li jistabbilixxi l-formola tat-talba għat-tħassir, jenħtieġ li jiġi allinjat mal-Artikolu 106 tar-Regolament (UE) Nru 1308/2013 fir-rigward tal-kontenut tat-Taqsima 4, “Raġunijiet għat-tħassir”.

(5)

Għaldaqstant, jenħtieġ li r-Regolament ta’ Implimentazzjoni (UE) 2019/34 jiġi emendat skont dan.

(6)

Il-miżuri previsti f’dan ir-Regolament huma f’konformità mal-opinjoni tal-Kumitat għall-Organizzazzjoni Komuni tas-Swieq Agrikoli,

(1)

l-Artikolu 2 huwa sostitwit b’dan li ġej:

(2)

fl-Artikolu 5, il-paragrafu 2 huwa sostitwit b’dan li ġej:

(3)

fl-Artikolu 8, il-paragrafi 2 u 3 huma ssostitwiti b’dawn li ġejjin:

(4)

l-Artikolu 9 huwa emendat kif ġej:

(5)

fl-Artikolu 11(1), il-punt (b) huwa sostitwit b’dan li ġej:

(6)

l-Annessi II sa VII huma emendati f’konformità mal-Anness ta’ dan ir-Regolament.

(1)

Ir-Regolament (UE) 2019/1021 jimplimenta l-impenji tal-Unjoni skont il-Konvenzjoni ta’ Stokkolma tal-2001 dwar il-Pollutanti Organiċi Persistenti (2) (“il-Konvenzjoni”) u skont il-Protokoll għall-Konvenzjoni tal-1979 dwar it-Tniġġis Transkonfini u fit-Tul tal-Arja fuq Pollutanti Organiċi Persistenti (3) (“il-Protokoll”).

(2)

L-Anness A tal-Konvenzjoni fih lista ta’ sustanzi kimiċi. Kull Parti għall-Konvenzjoni għandha tipprojbixxi s-sustanzi kimiċi fil-lista u/jew tieħu l-miżuri legali u amministrattivi meħtieġa biex telimina l-produzzjoni, l-użu, l-importazzjoni u l-esportazzjoni tagħhom.

(3)

Skont l-Artikolu 8(9) tal-Konvenzjoni, waqt l-għaxar laqgħa tagħha mis-6 sas-17 ta’ Ġunju 2022, il-Konferenza tal-Partijiet għall-Konvenzjoni ddeċidiet li temenda l-Anness A tal-Konvenzjoni biex f’dak l-Anness jiddaħħlu l-aċidu perfluworoeżan sulfoniku (PFHxS), l-imlieħi tiegħu u l-komposti relatati mal-PHFxS mingħajr eżenzjoni speċifika.

(4)

Għaldaqstant, jenħtieġ li tiġi emendata wkoll l-Parti A tal-Anness I tar-Regolament (UE) 2019/1021, li fiha lista tas-sustanzi elenkati fil-Konvenzjoni u fil-Protokoll, kif ukoll is-sustanzi li huma elenkati biss fil-Konvenzjoni, biex tkun tinkludi l-PFHxS, l-imlieħi tiegħu u l-komposti relatati mal-PFHxS.

(5)

Sabiex jissaħħu l-applikazzjoni u l-infurzar tal-Artikolu 3 tar-Regolament (UE) 2019/1021 fl-Unjoni, jenħtieġ li jiġi stabbilit valur ta’ limitu għall-PFHxS, għall-imlieħi tiegħu u għall-komposti relatati mal-PFHxS li jokkorru f’sustanzi, f’taħlitiet u f’oġġetti bħala kontaminant f’ammonti traċċa mhux intenzjonat. Dak il-valur ta’ limitu jenħtieġ li jigi stabbilit għal 0,025 mg/kg għall-PFHxS u għall-imlieħi tiegħu, u għal 1 mg/kg għall-komposti individwali relatati mal-PFHxS jew għal kombinament ta’ dawk il-komposti. Għall-użu fil-fowms tat-tifi tan-nar fejn dawk il-valuri ta’ limitu bħalissa ma jistgħux jintlaħqu, jenħtieġ li jiġu stabbiliti limiti ta’ konċentrazzjoni ogħla, soġġetti għal rieżami tal-Kummissjoni li trid issir fi żmien tliet snin wara d-dħul fis-seħħ bil-għan li jitnaqqsu l-limiti.

(6)

Għaldaqstant, jenħtieġ li r-Regolament (UE) 2019/1021 jiġi emendat skont dan,

(1)

Ir-Regolament Delegat tal-Kummissjoni (UE) 2017/118 (2) jistabbilixxi miżuri ta’ konservazzjoni għall-protezzjoni tal-ambjent marittimu f’ċerti żoni tal-Baħar tat-Tramuntana. Dan ir-Regolament ġie emendat l-aħħar bir-Regolament Delegat tal-Kummissjoni (UE) 2023/340 (3).

(2)

Fit-22 ta’ Frar 2023, il-Ġermanja infurmat lill-Kummissjoni bi żball fir-Regolament Delegat (UE) 2023/340. Dan jikkonċerna sentenza li tinsab fir-rakkomandazzjoni konġunta li ma ġietx trasposta fir-Regolament Delegat (UE) 2023/340, jiġifieri l-fatt li l-miżuri ta’ konservazzjoni tas-sajd fiż-żoni ċentrali u tal-Lvant tas-Sylter Aussenriff [iż-żoni 1(10)] għandhom jkunu effettivi fl-1 ta’ Mejju 2023.

(3)

Fit-28 ta’ Frar 2023, il-Ġermanja infurmat lill-Kummissjoni dwar żbalji tekniċi addizzjonali fl-Anness tar-Regolament Delegat (UE) 2023/340, fir-rigward tad-deżinjazzjoni taż-Żona Ekonomika Esklużiva tan-Netherlands u l-koordinati ġeografiċi tal-linja ta’ separazzjoni marittima bejn iż-Żoni Ekonomiċi Esklużivi tal-Ġermanja u tan-Netherlands.

(4)

Għalhekk, jenħtieġ li l-Artikolu 3(1) u l-Annessi I u VI tar-Regolament Delegat (UE) 2017/118 jiġu kkoreġuti skont dan.

(5)

Billi l-korrezzjonijiet previsti f’dan l-att għandhom impatt dirett fuq l-attivitajiet tas-sajd fiż-żoni soġġetti għal miżuri ta’ konservazzjoni tas-sajd, jenħtieġ li dan ir-Regolament jidħol fis-seħħ immedjatament mal-pubblikazzjoni tiegħu,

1.

fl-Artikolu 3(1), tiżdied l-ittra (d):

2.

L-Annessi I u VI huma kkoreġuti kif stabbilit fl-Anness ta’ dan ir-Regolament.

(1)

Ir-Regolament (KEE, Euratom) Nru 354/83 għandu l-għan li jiżgura li d-dokumenti ta’ valur storiku jew amministrattiv jiġu ppreservati u jkunu disponibbli għall-pubbliku kull fejn ikun possibbli. Għal dan l-għan, dan jistabbilixxi l-obbligu għal kull istituzzjoni tal-Unjoni, inkluż il-Bank Ċentrali Ewropew (BĊE), li twaqqaf l-arkivji storiċi tagħha u li tiftaħhom għall-pubbliku skont it-termini previsti fir-Regolament wara l-iskadenza ta’ perijodu ta’ 30 sena li jibda mid-data tal-ħolqien ta’ dokument.

(2)

Bl-adozzjoni ta’ din id-Deċiżjoni, il-BĊE jeżerċita d-dritt tiegħu li jżomm u jiġġestixxi l-arkivji storiċi tiegħu mingħajr ma jiddepożitahom fl-Istitut Universitarju Ewropew (EUI) u jistabbilixxi r-regoli interni meħtieġa għall-applikazzjoni tar-Regolament (KEE, Euratom) Nru 354/83. L-għan ta’ dawn ir-regoli interni huwa li joperazzjonalizzaw il-preservazzjoni u l-ftuħ għall-pubbliku tal-arkivji storiċi tal-BĊE filwaqt li jqisu kif xieraq il-partikolaritajiet istituzzjonali tal-BĊE.

(3)

Il-punt (a) tal-Artikolu 1(2) tar-Regolament (KEE, Euratom) Nru 354/83 jiddefinixxi l-kunċett ta’ ‘arkivji tal-istituzjonijiet tal-Komunitajiet Ewropej’. Fid-dawl kemm tal-istrutturi integrati ħafna li fihom jopera l-BĊE, jiġifieri s-Sistema Ewropea ta’ Banek Ċentrali (SEBĊ) u l-Eurosistema, kif ukoll tat-trasferiment tal-funzjonijiet lill-BĊE minn korpi li ħadmu lejn t-tlestija tal-Unjoni Ekonomika u Monetarja (UEM), l-arkivji tal-BĊE għandhom jinftiehmu bħala li għandhom ambitu usa’ minn dak iddefinit fil-punt (a) tal-Artikolu 1(2) tar-Regolament (KEE, Euratom) Nru 354/83. L-ewwel nett, skont il-ġurisprudenza stabbilita tal-Qorti tal-Ġustizzja tal-Unjoni Ewropea, dawn jinkludu d-dokumenti kollha ta’ kwalunkwe tip u fi kwalunkwe mezz li oriġinaw fi jew ġew riċevuti mill-BĊE jew mill-banek ċentrali nazzjonali (BĊNi) b’rabta mat-twettiq tal-kompiti tas-SEBĊ u tal-Eurosistema, irrispettivament minn jekk humiex miżmuma mill-BĊE jew mill-BĊNi (2). It-tieni nett, dawn jinkludu d-dokumenti kollha ta’ kwalunkwe tip u kwalunkwe mezz li oriġinaw fi jew li ġew riċevuti mill-Kumitat għall-Istudju tal-Unjoni Ekonomika u Monetarja (minn hawn ’il quddiem il-‘Kumitat Delors’), il-Kumitat tal-Gvernaturi tal-Banek Ċentrali tal-Istati Membri tal-Komunità Ekonomika Ewropea (minn hawn ’il quddiem il-‘COG’), il-Fond Ewropew ta’ Kooperazzjoni Monetarja (l-EMCF) u l-Istitut Monetarju Ewropew (l-EMI), u huma miżmuma mill-BĊE.

(4)

It-tieni sentenza tal-Artikolu 23.3 tad-Deċiżjoni BĊE/2004/2 tal-Bank Ċentrali Ewropew (3) tawtorizza lill-korpi responsabbli għat-teħid tad-deċiżjonijiet tal-BĊE biex jagħmlu aċċessibbli għall-pubbliku d-dokumenti li jappartjenu lill-arkivji tal-BĊE qabel l-iskadenza tal-perijodu ta’ 30 sena. Fis-7 ta’ Mejju 2019, il-Kunsill Governattiv tal-BĊE ddeċieda li jagħmel aċċessibbli għall-pubbliku dokumenti li oriġinaw minn jew li ġew riċevuti mill-Kumitat Delors u li ġew ittrasferiti mill-Bank għall-Ħlasijiet Internazzjonali, li ospita l-parti l-kbira tal-laqgħat ta’ dak il-Kumitat, lill-BĊE fl-2005. Fit-23 ta’ Jannar 2020, il-Kunsill Governattiv tal-BĊE ddeċieda li jagħmel aċċessibbli għall-pubbliku d-dokumenti li oriġinaw minn jew li ġew riċevuti mill-COG, mill-EMCF u mill-EMI, u li huma miżmuma mill-BĊE. Din id-Deċiżjoni timplimenta dawk id-deċiżjonijiet tal-Kunsill Governattiv u d-dokumenti kkonċernati se jkunu disponibbli għall-pubbliku wara d-deklassifikazzjoni tagħhom għal ‘ECB-PUBLIC’, irrispettivament mill-iskadenza tal-perijodu ta’ 30 sena.

(5)

L-Artikolu 2 tar-Regolament (KEE, Euratom) Nru 354/83 jirrikonoxxi li jistgħu japplikaw eċċezzjonijiet għar-regola li dokumenti ta’ valur storiku jew amministrattiv ikunu disponibbli għall-pubbliku kull fejn ikun possibbli u jirreferi f’dan il-kuntest għar-Regolament (KE) Nru 1049/2001 tal-Parlament Ewropewu tal-Kunsill (4). Peress li r-Regolament (KE) Nru 1049/2001 ma japplikax għall-BĊE, eċċezzjonijiet għar-regola li dokumenti ta’ valur storiku jew amministrattiv ikunu disponibbli għall-pubbliku jirriżultaw mid-Deċiżjoni BĊE/2004/3 tal-Bank Ċentrali Ewropew (5). L-Artikolu 4(6) tad-Deċiżjoni BĊE/2004/3 jistipula li għad-dokumenti koperti mill-eċċezzjonijiet relatati mal-privatezza jew mal-interessi kummerċjali, l-eċċezzjonijiet jistgħu jkomplu japplikaw wara l-perijodu massimu ta’ 30 sena. Għal dokumenti koperti minn eċċezzjonijiet oħra stabbiliti fl-Artikolu 4 tad-Deċiżjoni BĊE/2004/3, l-eċċezzjonijiet jistgħu japplikaw għal perijodu massimu ta’ 30 sena sakemm ma jkunx speċifikament provdut mod ieħor mill-Kunsill Governattiv tal-BĊE.

(6)

Peress li d-dokumenti li jappartjenu għall-arkivji tal-BĊE u relatati mat-twettiq tal-kompiti tas-SEBĊ u tal-Eurosistema huma miżmuma wkoll mill-BĊNi, li jistgħu jkunu jridu jagħmlu dawn id-dokumenti disponibbli għall-pubbliku bħala parti mill-arkivji storiċi tagħhom stess jew jintalbu jittrasferuhom lil parti terza, bħal arkivju storiku nazzjonali, ir-regoli interni meħtieġa għall-applikazzjoni tar-Regolament (KEE, Euratom) Nru 354/83 għandhom ukoll jindirizzaw lill-BĊNi. Peress li l-BĊNi huma parti integrali mis-SEBĊ u mill-Eurosistema, la jikkwalifikaw bħala Stati Membri skont it-tifsira tal-Artikolu 6 tar-Regolament (KEE, Euratom) Nru 354/83 u lanqas bħala parti terzi skont it-tifsira ta’ din id-Deċiżjoni. Huwa xieraq li l-BĊE u l-BĊNi jikkooperaw mill-qrib biex jiżguraw li l-arkivji storiċi tal-BĊE jiġu pproċessati b’mod konsistenti u bl-attenzjoni xierqa fis-SEBĊ u fl-Eurosistema kollha.

(7)

Dokumenti li jappartjenu għall-arkivji tal-BĊE jistgħu jkunu ġew trasferiti lil parti terza, bħal arkivju storiku nazzjonali, mill-BĊNi qabel id-dħul fis-seħħ ta’ din id-Deċiżjoni. F’każijiet bħal dawn, huwa xieraq li l-BĊNi jiżguraw li dawk il-parti terzi ma jkunux jistgħu jagħmlu dawn id-dokumenti disponibbli għall-pubbliku qabel l-iskadenza tal-perijodu ta’ 30 sena. Barra minn hekk, meta l-BĊE jżomm l-istess dokumenti bħal dawk ittrasferiti lil dawn il-parti terzi, il-BĊNi għandhom jiżguraw li dawn il-parti terzi jqiegħdu għad-dispożizzjoni tal-pubbliku wara 30 sena dawk id-dokumenti biss li jkunu ġew deklassifikati għal ‘ECB-PUBLIC’ mill-BĊE. L-arkivji storiċi nazzjonali u awtoritajiet pubbliċi nazzjonali oħra huma obbligati, skont il-prinċipju ta’ kooperazzjoni leali sanċit fl-Artikolu 4(3) tat-Trattat dwar l-Unjoni Ewropea u fl-Artikolu 18 tal-Protokoll dwar il-privileġġi u l-immunitajiet tal-Unjoni Ewropea, li jaġixxu in bona fede sabiex jipprekludu r-rilaxx prematur ta’ dokumenti tal-arkivji tal-BĊE jew ir-rilaxx ta’ dokumenti klassifikati.

(8)

Skont ir-Regolament (UE) 2018/1725 tal-Parlament Ewropew u tal-Kunsill (6), il-BĊE huwa meħtieġ jipprovdi informazzjoni lis-suġġetti tad-data dwar l-ipproċessar ta’ data personali li tikkonċernahom u jirrispetta d-drittijiet tagħhom bħala suġġetti tad-data. Madankollu, il-BĊE għandu jibbilanċja dawn id-drittijiet mal-għanijiet tal-arkivjar fl-interess pubbliku skont il-liġi dwar il-protezzjoni tad-data.

(9)

L-Artikolu 16(5), il-punt (b), u l-Artikolu 19(3), il-punt (d), tar-Regolament (UE) 2018/1725 jipprevedu eċċezzjonijiet, rispettivament, għad-dritt ta’ suġġett tad-data għall-informazzjoni u d-dritt għat-tħassir għall-ipproċessar tad-data għal finijiet ta’ arkivjar fl-interess pubbliku, sa fejn dawk id-drittijiet x’aktarx jagħmlu impossibbli jew ifixklu serjament il-kisba tal-għanijiet ta’ dak l-ipproċessar. Id-dritt għall-informazzjoni bħala prinċipju ma għandux japplika fil-kuntest partikolari tal-arkivji storiċi tal-BĊE, peress li l-BĊE jkun meħtieġ jagħmel sforz sproporzjonat biex jipprovdi informazzjoni dwar l-ipproċessar ladarba l-arkivji storiċi tiegħu jkunu saru disponibbli għall-pubbliku. Madankollu, huwa xieraq li s-suġġetti tad-data jiġu infurmati dwar il-possibbiltà li d-data personali tagħhom tista’ ssir disponibbli għall-pubbliku bħala parti mill-arkivji storiċi tal-BĊE fl-istess ħin li jiġu infurmati dwar l-operazzjonijiet ta’ pproċessar li għalihom id-data personali tagħhom tkun inġabret inizjalment. Barra minn hekk, id-dritt għat-tħassir bħala prinċipju ma għandux japplika fil-kuntest partikolari tal-arkivji storiċi tal-BĊE, b’kont meħud tad-daqs u parzjalment tan-natura fiżika tal-arkivji tal-BĊE u n-natura tal-arkivjar fl-interess pubbliku, sa fejn it-tħassir tad-data personali li tinsab fl-arkivji tal-BĊE jimmina l-validità, l-integrità u l-awtentiċità tal-arkivji storiċi tal-BĊE u għalhekk x’aktarx ifixkel serjament il-kisba tal-għanijiet tal-arkivjar fl-interess pubbliku.

(10)

L-Artikolu 25(4) tar-Regolament (UE) 2018/1725 jippermetti lill-BĊE l-possibbiltà li jipprevedi derogi mid-drittijiet imsemmija fl-Artikoli 17, 18, 20, 21 u 23 ta’ dak ir-Regolament, sa fejn dawk id-drittijiet x’aktarx jagħmlu impossibbli jew ifixklu serjament il-kisba tal-għan ta’ arkivjar fl-interess pubbliku u jkunu meħtieġa derogi għat-twettiq ta’ tali fini. Fl-adozzjoni ta’ din id-Deċiżjoni, il-BĊE jipprevedi derogi mid-drittijiet imsemmija fl-Artikoli 17, 18, 20, 21 u 23 tar-Regolament (UE) 2018/1725 soġġett għal salvagwardji organizzattivi u tekniċi meħtieġa mill-Artikolu 13 ta’ dak ir-Regolament. L-għoti ta’ aċċess għal data personali jekk talba tas-suġġett tad-data ma tipprovdix informazzjoni speċifika dwar l-ipproċessar li għalih tirreferi t-talba jista’ jinvolvi sforz sproporzjonat jew ikun prattikament impossibbli, minħabba d-daqs tal-arkivji storiċi tal-BĊE. Ir-rettifika, it-tħassir jew ir-restrizzjoni tal-ipproċessar ta’ data personali jimminaw l-integrità u l-awtentiċità tal-arkivji storiċi tal-BĊE u jegħlbu l-għan tal-arkivjar fl-interess pubbliku. Madankollu, f’każijiet debitament ġustifikati ta’ data personali mhux preċiża, il-BĊE jista’ jiddeċiedi li jinkludi dikjarazzjoni supplimentari jew annotazzjoni fid-dokument rilevanti. Il-komunikazzjoni ta’ kwalunkwe rettifika, tħassir jew restrizzjoni tal-ipproċessar ta’ data personali tista’ tinvolvi sforz sproporzjonat jew tkun prattikament impossibbli. Peress li d-data personali tifforma parti integrali u indispensabbli mill-arkivji storiċi tal-BĊE, l-għoti tad-dritt ta’ oġġezzjoni għall-ipproċessar ta’ data personali li tinsab fl-arkivji tal-BĊE jagħmel il-ksib tal-għan ta’ arkivjar fl-interess pubbliku impossibbli.

(11)

Il-BĊE ma għandux iqiegħed għad-dispożizzjoni tal-pubbliku dokumenti li fihom kategoriji speċjali ta’ data personali msemmija fl-Artikolu 10 tar-Regolament (UE) 2018/1725, data personali relatata ma’ kundanni kriminali u reati msemmija fl-Artikolu 11 tar-Regolament (UE) 2018/1725 jew data personali ta’ tfal taħt it-13-il sena. Minħabba l-volum kbir ta’ dokumenti u l-improbabbiltà ta’ dokumenti li jkun fihom data personali sensittiva li jkollhom valur amministrattiv jew storiku, it-tqegħid ta’ tali dokumenti għad-dispożizzjoni tal-pubbliku jwassal għal dewmien konsiderevoli u għalhekk ifixkel serjament il-proċess tal-arkivjar. Il-Premessa 6 tar-Regolament (UE) 2018/1725 tiddikjara li r-Regolament ma għandux japplika għall-ipproċessar ta’ data personali ta’ persuni deċeduti. Peress li fil-biċċa l-kbira tal-każijiet il-BĊE ma jistax jistabbilixxi jekk is-suġġett tad-data huwiex mejjet, huwa xieraq bħala salvagwardja addizzjonali li l-perijodu għall-ftuħ ta’ dokument tal-arkivji storiċi tal-BĊE li jkun fih tali data personali sensittiva skont l-Artikoli 10 u 11 tar-Regolament (UE) 2018/1725 jew data relatata mal-privatezza u l-integrità tal-individwu skont l-Artikolu 4 tad-Deċiżjoni BĊE/2004/3 jiġi stabbilit għal mitt sena wara l-ħolqien ta’ dak id-dokument.

(12)

Il-Kontrollur Ewropew għall-Protezzjoni tad-Data ġie kkonsultat skont l-Artikolu 41(2) tar-Regolament (UE) Nru 2018/1725 u ta opinjoni fil-5 ta’ Ottubru 2022. Il-BĊE implimenta r-rakkomandazzjonijiet tal-Kontrollur Ewropew għall-Protezzjoni tad-Data.

(13)

It-tieni sentenza tal-Artikolu 23.3 tad-Deċiżjoni BĊE/2004/2 hija emendata biex tiċċara li dokumenti li jappartjenu għall-arkivji tal-BĊE huma aċċessibbli liberament biss wara l-iskadenza tal-perijodu ta’ 30 sena skont din id-Deċiżjoni sakemm il-korpi tat-teħid tad-deċiżjonijiet ma jiddeċidux li jqassru dak il-perijodu, bħal fil-każ tad-dokumenti li oriġinaw fi jew ġew riċevuti mill-Kumitat Delors, is-COG, l-EMCF u l-EMI, u huma miżmuma mill-BĊE, jew itawwlu, bħal fil-każ potenzjali ta’ proċedimenti individwali tal-laqgħat tal-Kunsill Governattiv, jekk valutazzjoni każ b’każ tikkonfuta s-suppożizzjoni li l-indipendenza tal-proċess tat-teħid tad-deċiżjonijiet tal-Kunsill Governattiv ma għadhiex mhedda wara 30 sena,

(1)

“predeċessuri tal-BĊE” tfisser il-Kumitat għall-Istudju tal-Unjoni Ekonomika u Monetarja, il-Kumitat tal-Gvernaturi tal-Banek Ċentrali tal-Istati Membri tal-Komunità Ekonomika Ewropea, il-Fond Ewropew ta’ Kooperazzjoni Monetarja u l-Istitut Monetarju Ewropew;

(2)

“arkivji tal-BĊE” tfisser:

(3)

“arkivji storiċi tal-BĊE” tfisser id-dokumenti kollha ta’ valur storiku jew amministrattiv li huma parti mill-arkivji tal-BĊE u li ntgħażlu għall-preservazzjoni permanenti;

(4)

“data tal-ħolqien” tfisser:

(5)

“bank ċentrali nazzjonali” jew “BĊN” tfisser bank ċentrali ta’ Stat Membru;

(6)

“parti terza” tfisser kull persuna naturali jew ġuridika jew kwalunkwe entità barra s-SEBĊ;

(7)

“valutazzjoni” tfisser proċess ta’ tqassim kontinwu tal-arkivji tal-BĊE biex jiġu identifikati dokumenti li għandhom jiġu ppreservati għal finijiet ta’ arkivjar storiku;

(8)

“preservazzjoni” tfisser is-sett ta’ attivitajiet meħtieġa biex jiġi żgurat aċċess kontinwu għal, u biex jiġi mminimizzat it-telf ta’ kontenut ta’ informazzjoni fi, dokumenti magħżula biex ikunu parti mill-arkivji storiċi tal-BĊE;

(9)

“dokument klassifikat” tfisser dokument tal-arkivji storiċi tal-BĊE li ġie assenjat waħda mill-erba’ klassifikazzjonijiet ta’ sigurtà li ġejjin taħt ir-reġim ta’ kunfidenzjalità tal-BĊE (7) li ma jawtorizzax ir-rilaxx tiegħu lill-pubbliku, jiġifieri: “ECB-SECRET”, “ECB-CONFIDENTIAL”, “ECB-RESTRICTED” u “ECB-UNRESTRICTED”;

(10)

“dokument deklassifikat” tfisser dokument tal-arkivji storiċi tal-BĊE li ġie assenjat il-klassifikazzjoni tas-sigurtà “ECB-PUBLIC” taħt ir-reġim ta’ kunfidenzjalità tal-BĊE;

(11)

“data personali” tfisser data personali skont it-tifsira tal-punt (1) tal-Artikolu 3 tar-Regolament (UE) 2018/1725;

(12)

“data personali tat-tfal” tfisser data personali ta’ tfal taħt l-età ta’ 13-il sena;

(13)

“data personali sensittiva” tfisser kategoriji speċjali ta’ data personali msemmija fl-Artikolu 10 tar-Regolament (UE) 2018/1725, data personali relatata ma’ kundanni kriminali u reati msemmija fl-Artikolu 11 tar-Regolament (UE) 2018/1725 u data personali tat-tfal;

(14)

“kontrollur” tfisser kontrollur skont it-tifsira tal-punt (1) tal-Artikolu 2 tad-Deċiżjoni (UE) 2020/655 tal-Bank Ċentrali Ewropew (BĊE/2020/28) (8).

(a)

fejn il-BĊE jkollu l-istess dokumenti bħal dawk trasferiti lil dik il-parti terza u dik il-parti terza twettaq valutazzjoni ta’ dawk id-dokumenti, il-valutazzjoni ta’ dik il-parti terza għandha tkun allinjata mar-riżultat tal-valutazzjoni mwettqa mill-BĊE taħt l-Artikolu 3;

(b)

fejn il-BĊE jkollu l-istess dokumenti bħal dawk trasferiti lil dik il-parti terza u dik il-parti terza teżamina l-klassifikazzjonijiet tas-sigurtà ta’ dawk id-dokumenti, deċiżjoni dwar id-deklassifikazzjoni ta’ dik il-parti terza għandha tkun allinjata mar-riżultat tad-deċiżjoni dwar id-deklassifikazzjoni meħuda mill-BĊE f'konformità mal-Artikolu 4(1); u

(c)

il-parti terza m'għandhiex tagħmel dokumenti deklassifikati disponibbli għall-pubbliku qabel l-iskadenza tal-perijodu ta' 30 sena li jibda mid-data tal-ħolqien tad-dokumenti.

(1)

L-Artikolu 498(8) tal-Ftehim jipprevedi li r-Renju Unit u l-Unjoni (kull waħda minnhom “Parti”, flimkien “il-Partijiet”) jistabbilixxu mekkaniżmu għat-trasferimenti volontarji matul is-sena tal-opportunitajiet tas-sajd bejn il-Partijiet.

(2)

L-Artikolu 508 tal-Ftehim jistabbilixxi, b’mod mhux eżawrjenti, il-funzjonijit u s-setgħat tal-Kumitat Speċjalizzat għas-Sajd.

(3)

L-Artikolu 508(1)(m) tal-Ftehim jipprevedi li l-Kumitat Speċjalizzat għas-Sajd jista’ jiżviluppa mekkaniżmu għal trasferimenti volontarji matul is-sena tal-opportunitajiet tas-sajd bejn il-Partijiet, kif imsemmi fl-Artikolu 498(8). L-Artikolu 508(2)(b) tal-Ftehim jipprevedi li l-Kumitat Speċjalizzat għas-Sajd jista’ jadotta miżuri, inklużi deċiżjonijiet u rakkomandazzjonijiet fir-rigward tal-kwistjonijiet imsemmija fl-Artikolu 508(1)(m) tal-Ftehim.

(4)

Kif stipulat fir-reġistri bil-miktub tal-konsultazzjonijiet dwar is-sajd bejn il-Partijiet għall-2021 u l-2022, il-Partijiet operaw mekkaniżmu interim għal trasferimenti volontarji matul is-sena tal-opportunitajiet tas-sajd għall-2021 u l-2022 rispettivament sakemm jiġi stabbilit il-mekkaniżmu kif imsemmi fl-Artikolu 498(8).

(5)

Matul it-tielet laqgħa tal-Kumitat Speċjalizzat għas-Sajd fis-27 ta’ April 2022, il-Partijiet approvaw il-prinċipji għat-tħaddim tal-mekkaniżmu kif imsemmi fl-Artikolu 498(8).

(6)

Kif stipulat fir-reġistru bil-miktub tal-konsultazzjonijiet dwar is-sajd bejn il-Partijiet għall-2023, il-mekkaniżmu interim għall-2021 u għall-2022 ġie estiż għall-opportunitajiet tas-sajd għall-2023 sakemm jiġi stabbilit il-mekkaniżmu kif imsemmi fl-Artikolu 498(8).

(7)

Huwa xieraq li l-Kumitat Speċjalizzat għas-Sajd jiddeċiedi dwar id-dettalji tal-mekkaniżmu għat-trasferimenti volontarji matul is-sena tal-opportunitajiet tas-sajd kif imsemmi fl-Artikolu 498(8),

1.

Se jkun mekkaniżmu għal trasferimenti volontarji ta’ matul is-sena tal-opportunitajiet tas-sajd bejn il-Partijiet.

2.

Il-mekkaniżmu se jopera kull sena permezz ta’ serje ta’ sessjonijiet individwali regolari bejn il-Partijiet bejn l-1 ta’ April u l-31 ta’ Jannar tas-sena ta’ wara, normalment b’distakk ta’ 4 ġimgħat bejn is-sessjonijiet. Il-Partijiet se jaqblu dwar skeda għal dawn is-sessjonijiet bil-quddiem, inklużi d-dati sa meta l-Partijiet, jekk it-tnejn jixtiequ jipproponu trasferimenti, se jiskambjaw listi ta’ trasferimenti proposti.

3.

Il-proposti ta’ skambju individwali se jinkludu l-identifikaturi u t-tunnellaġġ tal-istokk li l-Partijiet jipproponu li jittrasferixxu f’kull direzzjoni (lejn ir-Renju Unit u lejn Stat Membru tal-Unjoni).

4.

Se jiġu eżegwiti proposti identiċi li huma inklużi fil-listi skambjati taż-żewġ Partijiet.

5.

Perjodikament jista’ jsir rieżami tal-mekkaniżmu, permezz tal-Kumitat Speċjalizzat għas-Sajd.

(1)

L-Artikolu 496(1) tal-Ftehim jipprevedi li kull Parti għandha tiddeċiedi dwar kwalunkwe miżura applikabbli għall-ilmijiet tagħha biex jintlaħqu l-objettivi stabbiliti fl-Artikolu 494(1) u (2), u fir-rigward tal-prinċipji msemmija fl-Artikolu 494(3).

(2)

L-Artikolu 496(3) tal-Ftehim jipprevedi li r-Renju Unit u l-Unjoni (kull “Parti”, flimkien “il-Partijiet”) għandhom jinnotifikaw lill-Parti l-oħra dwar miżuri ġodda kif imsemmi fl-Artikolu 496(1) li x’aktarx jaffettwaw il-bastimenti tal-Parti l-oħra qabel ma jiġu applikati dawk il-miżuri, filwaqt li jippermettu biżżejjed żmien għall-Parti l-oħra biex tipprovdi kummenti jew tfittex kjarifika.

(3)

Fil-laqgħa tal-Kumitat Speċjalizzat għas-Sajd tas-27 ta’ Ottubru 2021, il-Partijiet qablu li jkomplu d-diskussjonijiet dwar kif il-proċess ta’ skambju ta’ notifiki jista’ jittejjeb, bil-ħsieb li jiġi żviluppat protokoll ta’ notifiki. Fil-laqgħa tal-Kumitat Speċjalizzat għas-Sajd tal-21 ta’ Ottubru 2022, il-Partijiet innotaw l-importanza li jintlaħaq qbil dwar protokoll għall-iskambju ta’ notifiki.

(4)

L-Artikolu 508(2)(b) tal-Ftehim jipprevedi li l-Kumitat Speċjalizzat għas-Sajd jista’ jadotta rakkomandazzjonijiet fir-rigward tal-kwistjonijiet imsemmija fl-Artikolu 508(1) tal-Ftehim.

(5)

L-Artikolu 10 tal-Ftehim jipprevedi li r-rakkomandazzjonijiet ma għandhomx saħħa vinkolanti.

(1)

L-Artikolu 504(1) tal-Ftehim jipprevedi li r-Renju Unit u l-Unjoni (kull waħda minnhom il-“Parti”, flimkien “il-Partijiet”) għandhom jitolbu parir mill-Kunsill Internazzjonali għall-Esplorazzjoni tal-Baħar (“ICES”) dwar l-allinjament taż-żoni ta’ ġestjoni u l-unitajiet ta’ valutazzjoni użati mill-ICES għall-istokkijiet immarkati b’asterisk fl-Anness 35.

(2)

Dawk l-istokkijiet huma: (i) il-lingwata ta’ ħalq żgħir u barbun ilsien il-kelb (il-Baħar tat-Tramuntana) L/W/2AC4-C; (ii) il-barbun tat-tbajja’ (il-Kanal Ingliż), PLE/7DE; (iii) il-barbun imperjali u l-barbun lixx (il-Baħar tat-Tramuntana), T/B/2AC4-C; u (iv) il-merlangu (il-Baħar Ċeltiku), WHG/7X7A-C.

(3)

L-Artikolu 504(2) tal-Ftehim jipprevedi li fi żmien 6 xhur minn meta jirċievu l-parir, il-Partijiet għandhom jirrevedu b’mod konġunt dak il-parir u għandhom jikkunsidraw b’mod konġunt l-aġġustamenti għaż-żoni ta’ ġestjoni tal-istokkijiet ikkonċernati, bil-ħsieb li jaqblu fuq bidliet konsegwenzjali fil-lista tal-istokkijiet u l-ishma stabbiliti fl-Anness 35.

(4)

Il-Partijiet innotaw il-konklużjoni ta’ tali talbiet konġunti lill-ICES għall-erba’ stokkijiet fil-laqgħa tal-Kumitat Speċjalizzat għas-Sajd tal-20 ta’ Lulju 2022. Barra minn hekk, fis-16 ta’ Diċembru 2022, l-ICES ta l-parir tiegħu għal tnejn mill-erba’ stokkijiet: (i) il-lingwata ta’ ħalq żgħir u l-barbun ilsien il-kelb (il-Baħar tat-Tramuntana); u (ii) il-barbun imperjali u l-barbun lixx (il-Baħar tat-Tramuntana).

(5)

Fil-preżent, il-lingwata ta’ ħalq żgħir u l-barbun ilsien il-kelb, L/W/2AC4-C, u l-barbun imperjali u l-barbun lixx, T/B/2AC4-C, it-tnejn huma ġestiti skont it-TAC kombinata filwaqt li l-ICES jipprovdi parir dwar livell ta’ speċijiet, u l-ambitu ġeografiku ta’ dawn iż-żoni ta’ ġestjoni għal-lingwata ta’ ħalq żgħir, il-barbun ilsien il-kelb u l-barbun lixx skont il-Ftehim li huwa aktar ristrett miż-żoni skont il-parir tal-ICES:

(6)

Fil-parir tiegħu tas-16 ta’ Diċembru 2022, l-ICES ta parir li għall-erba’ stokkijiet kollha (il-lingwata ta’ ħalq żgħir, il-barbun ilsien il-kelb, il-barbun imperjali u l-barbun lixx), il-ġestjoni jenħtieġ li tuża TAC għal speċi waħda li tkopri ż-żona ta’ distribuzzjoni tal-istokk.

(7)

Fil-parir annwali tiegħu tat-30 ta’ Ġunju 2022 dwar l-istokkijiet għal-lingwata ta’ ħalq żgħir, il-barbun ilsien il-kelb, il-barbun imperjali u l-barbun lixx, l-ICES bl-istess mod ta’ parir li l-ġestjoni jenħtieġ li tiġi implimentata fil-livell tal-ispeċijiet fiż-żona kollha ta’ distribuzzjoni tal-istokk. L-ICES ta parir li l-ġestjoni ta’ dawn l-ispeċijiet skont it-TAC ta’ speċi kkombinata tipprevjeni l-kontroll effettiv tar-rati ta’ sfruttament ta’ speċi waħda u tista’ twassal għall-isfruttament żejjed ta’ kwalunkwe waħda mill-ispeċijiet.

(8)

L-Artikolu 508(2)(d) tal-Ftehim jipprevedi li l-Kumitat Speċjalizzat għas-Sajd jista’ jadotta rakkomandazzjonijiet fir-rigward ta’ kooperazzjoni fil-ġestjoni sostenibbli tas-sajd skont l-Intestatura Ħamsa (Sajd) tal-Ftehim.

(9)

Il-Partijiet jirrikonoxxu li jista’ jkun xieraq li jkun hemm aktar minn TAC waħda għal kull speċi sabiex jiġu stabbiliti opportunitajiet tas-sajd sostenibbli.

(10)

Il-Partijiet jirrikonoxxu wkoll l-importanza ta’ ġestjoni tas-sajd internazzjonali responsabbli, inkluż li t-TACs jenħtieġ li jqisu qabdiet oħra tal-istat kostali.

(11)

Il-Partijiet jinnotaw l-isfidi potenzjali għall-ġestjoni ta’ dawn l-istokkijiet li jistgħu jirriżultaw miċ-ċaqliq lejn TACs ta’ speċi waħda li jsegwu ż-żona skont il-parir tal-ICES, inkluża l-applikazzjoni tal-obbligu ta’ ħatt l-art, u jirrikonoxxu r-rwol potenzjali tal-flessibbiltà bejn iż-żoni bejn it-TACs għall-istess speċi u l-użu ta’ skambji ta’ kwoti għall-mitigazzjoni ta’ tali riskji.