(1)

Fl-24 ta' Frar 2023, il-Kunsill adotta r-Regolament ta' Implimentazzjoni (UE) 2023/420 (2), li jistabbilixxi lista aġġornata ta' persuni, gruppi u entitajiet li għalihom japplika r-Regolament (KE) Nru 2580/2001 (il-“lista”).

(2)

Il-Kunsill ipprovda, fejn kien possibbli fil-prattika, dikjarazzjonijiet tar-raġunijiet lill-persuni, lill-gruppi u lill-entitajiet kollha bi spjegazzjoni għaliex iddaħħlu fil-lista.

(3)

B'avviż ippubblikat f'Il-Ġurnal Uffiċjali tal-Unjoni Ewropea, il-Kunsill informa lill-persuni, lill-gruppi u lill-entitajiet fuq il-lista li kien iddeċieda li jżommhom fuqha. Il-Kunsill informa wkoll lil dawk il-persuni, il-gruppi u l-entitajiet li kien possibbli li tintalab dikjarazzjoni tar-raġunijiet tal-Kunsill talli ddaħħlu fil-lista fejn tali dikjarazzjoni ma kinitx diġà ġiet ikkomunikata lilhom.

(4)

Il-Kunsill għamel rieżami tal-lista kif meħtieġ mill-Artikolu 2(3) tar-Regolament (KE) Nru 2580/2001. Meta għamel dak ir-rieżami, il-Kunsill qis l-osservazzjonijiet ippreżentati lilu minn dawk ikkonċernati kif ukoll l-informazzjoni aġġornata li waslet mingħand l-awtoritajiet nazzjonali kompetenti dwar l-istatus tal-individwi u l-entitajiet elenkati fil-livell nazzjonali.

(5)

Il-Kunsill ivverifika li l-awtoritajiet kompetenti, kif imsemmi fl-Artikolu 1(4) tal-Pożizzjoni Komuni tal-Kunsill 2001/931/PESK (3), ħadu deċiżjonijiet fir-rigward tal-persuni, il-gruppi u l-entitajiet kollha fil-lista fejn irriżulta li huma kienu involuti f'atti terroristiċi skont it-tifsira tal-Artikolu 1(2) u (3) tal-Pożizzjoni Komuni 2001/931/PESK. Il-Kunsill ikkonkluda wkoll li jenħtieġ li l-persuni, il-gruppi u l-entitajiet li għalihom japplikaw l-Artikoli 2, 3 u 4 tal-Pożizzjoni Komuni 2001/931/PESK jibqgħu soġġetti għall-miżuri restrittivi speċifiċi previsti fir-Regolament (KE) Nru 2580/2001.

(6)

Jenħtieġ li l-lista tiġi aġġornata skont dan, u jenħtieġ li r-Regolament ta' Implimentazzjoni (UE) 2023/420 jitħassar,

(1)

Ir-Regolament tal-Kunsill (UE) 2023/194 (1) jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għall-bastimenti tas-sajd tal-Unjoni, f’ċerti ilmijiet mhux tal-Unjoni. Jenħtieġ li l-qabdiet totali permissibbli (TACs) stabbiliti bir-Regolament (UE) 2023/194 jiġu emendati biex jitqiesu l-pubblikazzjoni tal-parir xjentifiku kif ukoll l-eżiti tal-konsultazzjonijiet ma’ pajjiżi terzi.

(2)

Ir-Regolament (UE) 2023/194 jistabbilixxi TAC proviżorja għall-gamblu tat-Tramuntana (Pandalus borealis) fl-ilmijiet tal-Unjoni u f’dawk Norveġiżi tad-diviżjoni 3a tal-ICES għall-2023. L-Unjoni u n-Norveġja kellhom konsultazzjonijiet fuq il-livell tat-TAC għall-gamblu tat-Tramuntana fid-diviżjonijiet 3a u 4a tal-ICES fil-Lvant għall-perjodu mill-1 ta’ Lulju 2023 sat-30 ta’ Ġunju 2024. Dawk il-konsultazzjonijiet saru abbażi tal-pożizzjoni tal-Unjoni approvata mill-Kunsill fit-12 ta’ Ġunju 2023. Fid-29 ta’ Ġunju 2023, l-Unjoni u n-Norveġja qablu dwar TAC fid-diviżjonijiet 3a u 4a tal-ICES fil-Lvant ta’ 6 076 tunnellata, li minnhom 4 253 tunnellata għandhom jiġu allokati lid-diviżjoni 3a tal-ICES. Dak il-livell tat-TAC jikkorrispondi għal dak li kien ikun il-livell tal-parir tal-ICES għal dak l-istokk għall-perjodu mill-1 ta’ Lulju 2023 sat-30 ta’ Ġunju 2024 li kieku l-parir kien ibbażat fuq is-suppożizzjoni li l-opportunitajiet tas-sajd ma ntużawx kompletament fl-ewwel nofs tal-2023 u li 900 tunnellata baqgħu ma nqabdux fl-1 ta’ Lulju 2023. Skont iċ-ċifri tal-qbid ipprovduti mill-Unjoni u min-Norveġja, dik is-suppożizzjoni sussegwenti taqbel mal-livell ta’ użu tal-opportunitajiet tas-sajd fl-1 ta’ Lulju 2023. Sabiex issir tranżizzjoni mill-istabbiliment ta’ TAC għall-gamblu tat-Tramuntana fid-diviżjoni 3a tal-ICES darbtejn fis-sena għal tali stabbiliment darba fis-sena jenħtieġ li: (i) it-TAC proviżorja għal dak l-istokk għall-2023 tiġi sostitwita b’TAC definittiva għall-perjodu mill-1 ta’ Jannar sat-30 ta’ Ġunju 2023 fil-livell maqbul man-Norveġja fis-17 ta’ Marzu 2023, u (ii) it-TAC għal dak l-istokk għall-perjodu mill-1 ta’ Lulju 2023 sat-30 ta’ Ġunju 2024 tiġi stabbilita fil-livell maqbul man-Norveġja fid-29 ta’ Ġunju 2023.

(3)

Għaldaqstant, jenħtieġ li r-Regolament (UE) 2023/194 jiġi emendat skont dan.

(4)

Sabiex is-sajd ikun jista’ jkompli, jenħtieġ li dan ir-Regolament jidħol fis-seħħ mingħajr dewmien.

(5)

Jenħtieġ li d-dispożizzjonijiet ta’ dan ir-Regolament dwar l-opportunitajiet tas-sajd għall-gamblu tat-Tramuntana japplikaw mill-1 ta’ Jannar 2023 u mill-1 ta’ Lulju 2023 rispettivament. Tali applikazzjoni retroattiva ma taffettwax il-prinċipji taċ-ċertezza ġuridika u tal-protezzjoni tal-aspettattivi leġittimi, billi l-opportunitajiet tas-sajd ikkonċernati jew żdiedu nkella għadhom ma ġewx eżawriti,

(1)

Is-suġġett “użu tal-ICT u kummerċ elettroniku” jipprovdi d-data meħtieġa mill-Kumpass Diġitali għad-Deċennju Diġitali tal-UE biex jiġu mmonitorjati l-miri diġitali tal-UE għall-2030, bħall-Indikatur tal-Intensità Diġitali li jirrifletti t-trasformazzjoni diġitali tan-negozji. Jipprovdi wkoll informazzjoni għal diversi politiki oħra tal-Unjoni relatati mal-prestazzjoni diġitali tal-Ewropa u mal-prijorità tal-Kummissjoni Ewropea – Ewropa Lesta għall-Era Diġitali.

(2)

Sabiex tkun tista’ tiġi vvalutata l-kwalità tad-data u jiġi żgurat li d-data dwar l-użu tal-ICT u l-kummerċ elettroniku tkun komparabbli u armonizzata, jeħtieġ li jiġu pprovduti metadata u rapporti tal-kwalità qabel ma tiġi rilaxxata d-data.

(3)

Il-miżuri previsti f’dan ir-Regolament huma f’konformità mal-opinjoni tal-Kumitat tas-Sistema Ewropea tal-Istatistika,

(1)

Skont l-Artikolu 44(2), t-tieni subparagrafu, tar-Regolament (UE) 2021/2116, mis-16 ta’ Ottubru sat-30 ta’ Novembru, l-Istati Membri jistgħu jħallsu bil-quddiem sa 50 % għall-interventi fil-forma ta’ pagamenti diretti u qabel l-1 ta’ Diċembru, jistgħu jħallsu bil-quddiem sa 75 % għall-interventi għall-iżvilupp rurali bbażati fuq iż-żoni u fuq l-annimali skont ir-Regolament (UE) 2021/2115 tal-Parlament Ewropew u tal-Kunsill (2).

(2)

Il-pandemija tal-COVID-19, l-impatt tagħha fuq il-ktajjen tal-provvista tal-ikel, u ż-żieda fil-prezzijiet tal-enerġija u tal-inputs agrikoli mill-ħarifa tal-2021 qed ipoġġu s-settur agrikolu taħt pressjoni. Barra minn hekk, l-invażjoni tal-Ukrajna mir-Russja aggravat is-sitwazzjoni u kellha impatt negattiv ulterjuri fuq is-settur agrikolu. Il-prezzijiet tal-input, bħall-kostijiet tal-enerġija, tal-fertilizzanti u tal-għalf żdiedu b’mod sinifikanti fis-setturi agrikoli kollha.

(3)

B’riżultat ta’ dan, is-sehem tal-kostijiet tal-enerġija u tal-fertilizzanti fil-konsum intermedju totali kien żdied b’mod sinifikanti fl-2022, bl-akbar żieda osservata għall-farms tal-għelejjel tar-raba’ u tal-għelejjel permanenti, fiż-żewġ każijiet minħabba l-esponiment tagħhom għall-kostijiet tal-fertilizzanti. Il-prezzijiet tal-fertilizzanti għadhom f’livelli storikament għoljin ħafna. Id-data tissuġġerixxi li l-bdiewa rreaġixxew billi naqqsu l-użu tagħhom tal-fertilizzanti b’konsegwenzi negattivi, sa issa inċerti, fuq ir-rendimenti u l-kwalità tal-komoditajiet tal-ikel u tal-għalf.

(4)

Il-prezzijiet tal-inputs l-oħra għall-bdiewa u għall-operaturi tal-katina alimentari fl-Unjoni bħal pereżempju l-prodotti għall-protezzjoni tal-pjanti u t-trattamenti tas-saħħa tal-annimali, il-makkinarju u l-imballaġġ żdiedu f’konformità mal-inflazzjoni ġenerali.

(5)

Dan l-aħħar, il-prezzijiet għall-biċċa l-kbira tal-komoditajiet agrikoli bħaċ-ċereali, iż-żrieragħ żejtnin u l-prodotti tal-ħalib qed jonqsu b’mod sinifikanti. F’xi Stati Membri, is-sitwazzjoni saret partikolarment diffiċli peress li l-proporzjon bejn il-prezzijiet tal-input u l-prezzijiet tal-komoditajiet iddeterjora.

(6)

Dawn iċ-ċirkostanzi, minbarra l-avvenimenti meteoroloġiċi avversi reċenti f’ċerti reġjuni, bħan-nixfa estrema u l-għargħar, jistgħu jikkawżaw problemi ta’ likwidità għall-produtturi agrikoli. Sabiex dawn il-problemi ta’ likwidità jiġu indirizzati, jenħtieġ li l-Istati Membri jitħallew iħallsu aktar pagamenti bil-quddiem fir-rigward tas-sena tat-talba 2023.

(7)

Il-miżuri previsti f’dan ir-Regolament huma f’konformità mal-opinjoni tal-Kumitat dwar il-Fondi Agrikoli u tal-Kumitat dwar il-Politika Agrikola Komuni,

(1)

Skont l-Artikolu 104(1), it-tieni subparagrafu, il-punt (a)(iv), tar-Regolament (UE) 2021/2116 tal-Parlament Ewropew u tal-Kunsill (2), l-Artikolu 75 tar-Regolament (UE) Nru 1306/2013 jibqa’ japplika fir-rigward tal-FAEŻR, b’rabta man-nefqa mġarrba mill-benefiċjarji u mal-pagamenti magħmula mill-aġenzija tal-pagamenti fil-qafas tal-implimentazzjoni tal-programmi tal-iżvilupp rurali skont ir-Regolament (UE) Nru 1305/2013 tal-Parlament Ewropew u tal-Kunsill (3).

(2)

Skont l-Artikolu 75(1), it-tielet subparagrafu, tar-Regolament (UE) Nru 1306/2013, l-Istati Membri jistgħu jħallsu bil-quddiem sa 75 % għall-miżuri ta’ appoġġ għall-iżvilupp rurali relatati maż-żoni u mal-annimali skont ir-Regolament (UE) Nru 1305/2013.

(3)

Il-pandemija tal-COVID-19, l-impatt tagħha fuq il-ktajjen tal-provvista tal-ikel, u ż-żieda fil-prezzijiet tal-enerġija u tal-inputs agrikoli mill-ħarifa tal-2021 qed ipoġġu s-settur agrikolu taħt pressjoni. Barra minn hekk, l-invażjoni tal-Ukrajna mir-Russja aggravat is-sitwazzjoni u kellha impatt negattiv ulterjuri fuq is-settur agrikolu. Il-prezzijiet tal-input, bħall-kostijiet tal-enerġija, tal-fertilizzanti u tal-għalf żdiedu b’mod sinifikanti fis-setturi agrikoli kollha.

(4)

B’riżultat ta’ dan, is-sehem tal-kostijiet tal-enerġija u tal-fertilizzanti fil-konsum intermedju totali kien żdied b’mod sinifikanti fl-2022, bl-akbar żieda osservata għall-farms tal-għelejjel tar-raba’ u tal-għelejjel permanenti, fiż-żewġ każijiet minħabba l-esponiment tagħhom għall-kostijiet tal-fertilizzanti. Il-prezzijiet tal-fertilizzanti għadhom f’livelli storikament għoljin ħafna. Id-data tissuġġerixxi li l-bdiewa rreaġixxew billi naqqsu l-użu tagħhom tal-fertilizzanti b’konsegwenzi negattivi, sa issa inċerti, fuq ir-rendimenti u l-kwalità tal-komoditajiet tal-ikel u tal-għalf.

(5)

Il-prezzijiet tal-inputs l-oħra għall-bdiewa u għall-operaturi tal-katina alimentari fl-Unjoni bħal pereżempju l-prodotti għall-protezzjoni tal-pjanti u t-trattamenti tas-saħħa tal-annimali, il-makkinarju u l-imballaġġ żdiedu f’konformità mal-inflazzjoni ġenerali.

(6)

Dan l-aħħar, il-prezzijiet għall-biċċa l-kbira tal-komoditajiet agrikoli bħaċ-ċereali, iż-żrieragħ żejtnin u l-prodotti tal-ħalib qed jonqsu b’mod sinifikanti. F’xi Stati Membri, is-sitwazzjoni saret partikolarment diffiċli peress li l-proporzjon bejn il-prezzijiet tal-input u l-prezzijiet tal-komoditajiet iddeterjora.

(7)

Dawn iċ-ċirkostanzi, minbarra l-avvenimenti meteoroloġiċi avversi reċenti f’ċerti reġjuni, bħan-nixfa estrema u l-għargħar, jistgħu jikkawżaw problemi ta’ likwidità għall-produtturi agrikoli. Sabiex dawn il-problemi ta’ likwidità jiġu indirizzati, jenħtieġ li l-Istati Membri jitħallew iħallsu aktar pagamenti bil-quddiem fir-rigward tas-sena tat-talba 2023 għall-miżuri għall-iżvilupp rurali relatati maż-żoni u mal-annimali.

(8)

Il-miżuri previsti f’dan ir-Regolament huma f’konformità mal-opinjoni tal-Kumitat dwar il-Fondi Agrikoli u tal-Kumitat dwar il-Politika Agrikola Komuni,

(1)

Ir-Regolament tal-Kummissjoni (UE) 2023/915 (2) jistabbilixxi l-livelli massimi għall-kadmju f’għadd ta’ oġġetti tal-ikel.

(2)

Fit-30 ta’ Jannar 2009, l-Awtorità Ewropea dwar is-Sigurtà fl-Ikel (“l-Awtorità”) adottat opinjoni xjentifika dwar il-kadmju fl-ikel (3). L-Awtorità kkonkludiet li l-kadmju huwa tossiku b’mod ewlieni għall-kliewi, speċjalment għaċ-ċelloli tubulari prossimali fejn jakkumula maż-żmien u jista’ jikkawża disfunzjoni renali. Minħabba l-effetti tossiċi tal-kadmju fuq il-kliewi, l-Awtorità stabbiliet doża tollerabbli ta’ konsum kull ġimgħa ta’ 2,5 μg għal kull kilogramma ta’ piż tal-ġisem. L-Awtorità kkonkludiet ukoll li l-esponiment medju għall-adulti madwar l-Unjoni huwa qrib id-doża tollerabbli fil-ġimgħa, jew jaqbiżha bi ftit. Ikkonkludiet ukoll li jista’ jkun li xi sottogruppi, bħall-veġetarjani, it-tfal, il-pejjiepa u nies li jgħixu f’żoni kkontaminati ħafna jaqbżu d-doża tollerabbli fil-ġimgħa b’madwar darbtejn. Għaldaqstant, l-Awtorità kkonkludiet li l-esponiment attwali għall-kadmju fil-livell tal-popolazzjoni jeħtieġ jitnaqqas. Wara dik l-opinjoni xjentifika, fis-17 ta’ Jannar 2012, l-Awtorità ħarġet rapport xjentifiku li jikkonferma li t-tfal u l-adulti fil-95 perċentil tal-esponiment jistgħu jaqbżu l-valuri gwida bbażati fuq is-saħħa (4).

(3)

Ġew stabbiliti livelli massimi ġodda għall-kadmju fl-ikel tat-trabi u fiċ-ċikkulata/fil-prodotti tal-kawkaw fir-Regolament tal-Kummissjoni (UE) Nru 488/2014 (5) wara li tqiesu l-opinjoni xjentifika u r-rapport xjentifiku tal-Awtorità. Ġiet adottata r-Rakkomandazzjoni tal-Kummissjoni 2014/193/UE (6), li għamlet appell lill-Istati Membri biex jiżguraw li l-metodi ta’ mitigazzjoni diġà disponibbli jiġu kkomunikati lill-bdiewa u promossi magħhom, u biex jibdew jiġu implimentati jew jibqgħu jiġu implimentati, biex jimmonitorjaw il-progress tal-miżuri ta’ mitigazzjoni b’mod regolari billi jiġbru d-data dwar il-livelli tal-kadmju li jokkorru fl-oġġetti tal-ikel, u biex sa Frar tal-2018 jirrappurtaw id-data, b’mod partikolari dwar il-livelli tal-kadmju li jkunu qrib il-livelli massimi, jew dwar dawk li jaqbżu dawn il-livelli.

(4)

Abbażi tad-data dwar l-okkorrenza, li nġabret wara l-implimentazzjoni tal-miżuri ta’ mitigazzjoni, il-livelli massimi għall-kadmju tnaqqsu f’firxa wiesgħa ta’ oġġetti tal-ikel permezz tar-Regolament tal-Kummissjoni (UE) 2021/1323 (7).

(5)

Sadanittant, wara li ġie ppubblikat ir-Regolament (UE) 2021/1323, ħarġet data ġdida dwar l-okkorrenza fil-ħabb għażiż u f’xi speċijiet ta’ faqqiegħ ikkultivat li ma tantx huma kkunsmati.

(6)

Il-livell massimu għall-kadmju fir-ravanell, li bir-Regolament (UE) 2021/1323, tnaqqas minn 0,10 għal 0,020 mg/kg japplika għall-ħabb għażiż. Dan il-livell massimu tnaqqas abbażi tad-data li kienet disponibbli dak iż-żmien dwar l-okkorrenza fl-ispeċijiet li huma kkunsmati l-iżjed fil-grupp ta’ komoditajiet tar-ravanell (Raphanus sativus var. sativus). Madankollu, sadanittant saret disponibbli data aktar riċenti speċifikament dwar l-okkorrenzi fil-ħabb għażiż, li turi li l-ħabb għażiż fih konċentrazzjonijiet ogħla ta’ kadmju minn tipi oħra ta’ ravanell. Għalhekk, jidher ċar li l-livell massimu stabbilit għall-kadmju fil-ħabb għażiż mhuwiex konformi mal-prinċipju “l-aktar baxx li jista’ raġonevolment jintlaħaq (ALARA)”. Barra minn hekk, billi ma tantx huwa kkunsmat il-ħabb għażiż, l-esponiment tal-konsumaturi għall-kadmju minnu huwa limitat.

(7)

Il-livelli massimi għall-faqqiegħ ikkultivat tbaxxew bir-Regolament (UE) 2021/1323 minn 0,20 mg/kg għall-Agaricus bisporus, għal-Lentinula edodes u għall-Pleurotus ostreatus, u minn 1,0 mg/kg għall-faqqiegħ ikkultivat l-ieħor għal 0,15 mg/kg għal-Lentinula edodes u għall-Pleurotus ostreatus, u 0,050 mg/kg għall-faqqiegħ ikkultivat l-ieħor kollu, fosthom l-Agaricus bisporus. Il-livell massimu għall-faqqiegħ ikkultivat għajr il-Lentinula edodes u l-Pleurotus ostreatus tnaqqas abbażi tad-data dwar l-okkorrenza li kienet disponibbli f’dak iż-żmien għall-ispeċijiet li l-aktar huma kkunsmati minn dan il-grupp ta’ komoditajiet (Agaricus bisporus). Iżda sadanittant ħarġet data aktar riċenti dwar l-okkorrenza f’xi speċijiet speċifiċi ta’ faqqiegħ ikkultivat li huma kkunsmati inqas mill-Agaricus bisporus, mill-Lentinula edodes u mill-Pleurotus ostreatus, li turi li dawn fihom konċentrazzjonijiet ta’ kadmju ogħla minn tal-Agaricus bisporus. B’hekk, jidher ċar li l-livell massimu stabbilit għall-kadmju fil-faqqiegħ ikkultivat għajr l-Agaricus bisporus, il-Lentinula edodes u l-Pleurotus ostreatus mhuwiex konformi mal-prinċipju “ALARA”. Barra minn hekk, peress li l-ispeċijiet Agaricus bisporus, Lentinula edodes u Pleurotus ostreatus jirrappreżentaw is-sehem ewlieni tal-volum totali tal-faqqiegħ ikkunsmat fl-Unjoni, il-kontribuzzjoni għall-esponiment tal-konsumaturi għall-kadmju mill-faqqiegħ ikkultivat l-ieħor hija limitata.

(8)

Sabiex jitqies il-prinċipju “ALARA” u ma jkunx hemm rati sproporzjonati ta’ nuqqas ta’ konformità għall-ħabb għażiż u għall-faqqiegħ ikkultivat għajr l-Agaricus bisporus, il-Lentinula edodes u l-Pleurotus ostreatus, filwaqt li jinżamm livell għoli ta’ sikurezza tal-ikel, jenħtieġ li jiżdiedu l-livelli massimi għall-kadmju f’dawk l-ispeċijiet.

(9)

Għaldaqstant jenħtieġ li r-Regolament (UE) 2023/915 jiġi emendat skont dan.

(10)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Abbażi ta’ valutazzjoni preliminari tar-riskji, ir-Regolament ta’ Implimentazzjoni tal-Kummissjoni (UE) 2018/2019 (2) jistabbilixxi lista ta’ pjanti, prodotti tal-pjanti u oġġetti oħra ta’ riskju għoli.

(2)

Wara valutazzjoni preliminari, fir-Regolament ta’ Implimentazzjoni (UE) 2018/2019 ġew elenkati b’mod proviżorju 34 ġeneru u speċi waħda ta’ pjanti għat-tħawwil li joriġinaw minn pajjiżi terzi, bħala pjanti ta’ riskju għoli. Wieħed mill-ġeneri elenkati huwa l-Malus Mill.

(3)

Ir-Regolament ta’ Implimentazzjoni tal-Kummissjoni (UE) 2020/1213 (3) jistabbilixxi l-miżuri fitosanitarji għall-introduzzjoni fit-territorju tal-Unjoni ta’ ċerti pjanti, prodotti mill-pjanti u oġġetti oħra li tneħħew mill-Anness tar-Regolament ta’ Implimentazzjoni (UE) 2018/2019, iżda r-riskji fitosanitarji tagħhom għadhom ma ġewx ivvalutati bis-sħiħ. Dan għaliex wieħed jew aktar mill-pesti li jgħixu f’dawk il-pjanti għadhom mhumiex inklużi fil-lista tal-pesti tal-kwarantina fl-Unjoni tar-Regolament ta’ Implimentazzjoni tal-Kummissjoni (UE) 2019/2072 (4), iżda jistgħu jissodisfaw il-kundizzjonijiet biex jiġu inklużi wara valutazzjoni tar-riskji sħiħa oħra.

(4)

Fl-4 ta’ Marzu 2022, ir-Renju Unit (5) ressaq talba lill-Kummissjoni għall-esportazzjoni lejn l-Unjoni ta’ dan li ġej: pjanti għat-tħawwil bl-għeruq mikxufin ta’ mhux aktar minn seba’ snin tal-Malus sylvestris b’dijametru massimu ta’ 40 mm fil-bażi taz-zokk; u pjanti għat-tħawwil ta’ mhux aktar minn seba’ snin tal-Malus sylvestris f’materjal għat-tkabbir, b’dijametru massimu ta’ 40 mm fil-bażi taz-zokk (“il-pjanti rilevanti”). Dik it-talba kienet sostnuta mid-dossier tekniku rilevanti.

(5)

Fl-24 ta’ Mejju 2023, l-Awtorità Ewropea dwar is-Sigurtà fl-Ikel (“l-Awtorità”) adottat opinjoni xjentifika fir-rigward tal-valutazzjoni tar-riskju tal-pjanti rilevanti li joriġinaw mir-Renju Unit (6). L-Awtorità identifikat il-Colletotrichum aenigma, il-Meloidogyne mali, l-Eulecanium excrescens, it-Takahashia japonica, il-virus tar-ringspot tat-tabakk, il-virus tar-ringspot tat-tadam u l-Erwinia amylovora bħala pesti rilevanti għal dawn il-pjanti.

(6)

L-Awtorità evalwat il-miżuri ta’ mitigazzjoni tar-riskji deskritti fid-dossier għall-Colletotrichum aenigma, il-Meloidogyne mali, l-Eulecanium excrescens, it-Takahashia japonica, il-virus tar-ringspot tat-tabakk, u l-virus tar-ringspot tat-tadam, u stmat il-probabbiltà li l-pjanti rilevanti jkunu ħielsa minn dawk il-pesti. Ikkonkludiet li l-probabbiltà li l-pjanti rilevanti jkunu ħielsa minn dawk il-pesti hija għolja. Fir-rigward tal-Erwinia amylovora, l-Awtorità evalwat jekk ir-rekwiżiti speċjali għall-introduzzjoni u l-moviment fiż-żoni protetti speċifikati, elenkati fil-punt 9 tal-Anness X tar-Regolament ta’ Implimentazzjoni tal-Kummissjoni (UE) 2019/2072, tal-pjanti tal-Malus Mill., għajr il-frott u ż-żrieragħ, humiex issodisfati. Ikkonkludiet li r-Renju Unit jissodisfa dawk ir-rekwiżiti speċjali.

(7)

Abbażi ta’ dik l-opinjoni, huwa kkunsidrat li r-riskju fitosanitarju mill-introduzzjoni tal-pjanti rilevanti fit-territorju tal-Unjoni jitnaqqas għal livell aċċettabbli, dment li jiġu applikati miżuri xierqa li jindirizzaw ir-riskju tal-pesti relatati ma’ dawk il-pjanti.

(8)

Il-miżuri deskritti mir-Renju Unit fid-dossier tekniku huma kkunsidrati suffiċjenti biex ir-riskju mill-introduzzjoni tal-pjanti rilevanti fit-territorju tal-Unjoni jitnaqqas għal livell aċċettabbli. Għalhekk, jenħtieġ li dawk il-miżuri jiġu adottati bħala rekwiżiti fitosanitarji għall-importazzjoni biex tiġi żgurata l-protezzjoni fitosanitarja tat-territorju tal-Unjoni mill-introduzzjoni tal-pjanti rilevanti fih.

(9)

Konsegwentement, il-pjanti rilevanti jenħtieġ li ma jibqgħux jitqiesu bħala pjanti ta’ riskju għoli.

(10)

Għalhekk, jenħtieġ li r-Regolament ta’ Implimentazzjoni (UE) 2018/2019 jiġi emendat skont dan.

(11)

L-Erwinia amylovora hu elenkat bħala pest tal-kwarantina f’żona protetta, għal ċerti żoni protetti, u bħala pest irregolat mhux tal-kwarantina fl-Unjoni għall-bqija tat-territorju tal-Unjoni, fl-Annessi III u IV tar-Regolament ta’ Implimentazzjoni (UE) 2019/2072 rispettivament. Għall-prevenzjoni tad-dħul u tat-tixrid tal-pest fiż-żoni protetti speċifikati, hemm fis-seħħ rekwiżiti speċjali fil-punt 9 tal-Anness X ta’ dak ir-Regolament. Fl-Anness II tar-Regolament ta’ Implimentazzjoni (UE) 2019/2072, il-virus tar-ringspot tat-tabakk u l-virus tar-ringspot tat-tadam huma elenkati bħala pesti tal-kwarantina fl-Unjoni.

(12)

Il-Colletotrichum aenigma, l-Eulecanium excrescens u t-Takahashia japonica għadhom mhumiex inklużi fil-lista tal-pesti tal-kwarantina fl-Unjoni tar-Regolament ta’ Implimentazzjoni (UE) 2019/2072. Jeħtieġ li ssir disponibbli l-valutazzjoni tar-riskju kompluta dwar dawk il-pesti sabiex jiġi stabbilit jekk il-pesti jissodisfawx il-kundizzjonijiet biex jiġu elenkati fl-Anness II tar-Regolament ta’ Implimentazzjoni (UE) 2019/2072 u jekk il-pjanti rilevanti, li joriġinaw mir-Renju Unit, għandhomx jiġu elenkati fl-Anness VII ta’ dak ir-Regolament, flimkien mal-miżuri rispettivi.

(13)

Għalhekk, jenħtieġ li r-Regolament ta’ Implimentazzjoni (UE) 2020/1213 jiġi emendat skont dan.

(14)

Il-Meloidogyne mali mhuwiex inkluż fil-lista tal-pesti tal-kwarantina fl-Unjoni. Analiżi tar-riskju tal-pesti għal dak il-pest ġiet ippubblikata mill-Organizzazzjoni Ewropea u Mediterranja għall-Protezzjoni tal-Pjanti (EPPO) f’Settembru 2017 (7). Abbażi tad-diskussjonijiet mal-Istati Membri, ġie konkluż li l-pest ma jenħtieġx li jiġi rregolat bħala pest tal-kwarantina fl-Unjoni u lanqas bħala pest irregolat mhux tal-kwarantina fl-Unjoni, minħabba li għalkemm ilu preżenti f’ċerti Stati Membri għal żmien twil mingħajr miżuri ta’ kontroll uffiċjali, ir-riskju fitosanitarju tiegħu f’dawk l-Istati Membri huwa meqjus baxx. Għal din ir-raġuni, ma huma meħtieġa l-ebda rekwiżiti tal-importazzjoni fir-rigward ta’ dak il-pest.

(15)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Skont l-Artikolu 8(1) tad-Deċiżjoni (PESK) 2019/2110, il-Kumitat Politiku u ta’ Sigurtà (KPS) huwa awtorizzat, f’konformità mal-Artikolu 38 tat-Trattat, li jieħu d-deċiżjonijiet rilevanti bl-għan li jeżerċita l-kontroll politiku u d-direzzjoni strateġika tal-Missjoni Konsultattiva tal-PSDK tal-Unjoni Ewropea fir-Repubblika Ċentru-Afrikana (EUAM RCA), inkluż id-deċiżjoni tal-ħatra ta’ Kap tal-Missjoni.

(2)

Fil-25 ta’ Awwissu 2022, il-KPS adotta d-Deċiżjoni (PESK) 2022/1436 (2), li taħtar is-Sur José Manuel MARQUES DIAS bħala Kap tal-Missjoni ta’ EUAM RCA mill-1 ta’ Settembru 2022 sal-31 ta’ Awwissu 2023.

(3)

Fit-28 ta’ Lulju 2022, il-Kunsill adotta d-Deċiżjoni (PESK) 2022/1333 (3) li temenda d-Deċiżjoni (PESK) 2019/2110 u li testendi l-mandat ta’ EUAM RCA sad-9 ta’ Awwissu 2024.

(4)

Ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà ppropona li jiġi estiż il-mandat tas-Sur José Manuel MARQUES DIAS bħala Kap tal-Missjoni ta’ EUAM RCA mill-1 ta’ Settembru 2023 sad-9 ta’ Awwissu 2024,

(1)

Skont l-Artikolu 9(3) tad-Deċiżjoni (PESK) 2023/162, il-Kunsill awtorizza lill-Kumitat Politiku u ta' Sigurtà (KPS) jieħu d-deċiżjonijiet rilevanti dwar l-aċċettazzjoni tal-kontributi proposti għall-EUMA minn Stati terzi.

(2)

B'segwitu għar-rakkomandazzjoni tal- Kmandant tal-Operazzjonijiet Ċivili dwar il-kontribut propost tal-Kanada għall-EUMA, jenħtieġ li l-kontribut mill-Kanada jiġi aċċettat u kkunsidrat bħala sinifikanti,

(1)

Fis-27 ta’ Diċembru 2001, il-Kunsill adotta l-Pożizzjoni Komuni 2001/931/PESK (1).

(2)

Fl-24 ta’ Frar 2023, il-Kunsill adotta d-Deċiżjoni (PESK) 2023/422 (2), li taġġorna l-lista ta’ persuni, gruppi u entitajiet soġġetti għall-Artikoli 2, 3 u 4 tal-Pożizzjoni Komuni 2001/931/PESK (il-“lista”).

(3)

F’konformità mal-Artikolu 1(6) tal-Pożizzjoni Komuni 2001/931/PESK, huwa neċessarju li jsir rieżami f’intervalli regolari tal-ismijiet tal-persuni, il-gruppi u l-entitajiet fil-lista biex jiġi żgurat li jkun hemm raġunijiet sabiex dawn jinżammu fiha.

(4)

Din id-Deċiżjoni tistabbilixxi r-riżultat tar-rieżami li l-Kunsill wettaq fir-rigward tal-persuni, il-gruppi u l-entitajiet li għalihom japplikaw l-Artikoli 2, 3 u 4 tal-Pożizzjoni Komuni 2001/931/PESK.

(5)

Il-Kunsill ivverifika li l-awtoritajiet kompetenti, kif imsemmi fl-Artikolu 1(4) tal-Pożizzjoni Komuni 2001/931/PESK, ħadu deċiżjonijiet fir-rigward tal-persuni, il-gruppi u l-entitajiet kollha fil-lista fejn irriżulta li huma kienu involuti f’atti terroristiċi skont it-tifsira tal-Artikolu 1(2) u (3) tal-Pożizzjoni Komuni 2001/931/PESK. Il-Kunsill ikkonkluda wkoll li jenħtieġ li l-persuni, il-gruppi u l-entitajiet li għalihom japplikaw l-Artikoli 2, 3 u 4 tal-Pożizzjoni Komuni 2001/931/PESK jibqgħu soġġetti għall-miżuri restrittivi speċifiċi previsti fil-Pożizzjoni Komuni 2001/931/PESK.

(6)

Jenħtieġ li l-lista tiġi aġġornata skont dan, u jenħtieġ li d-Deċiżjoni (PESK) 2023/422 titħassar,

(1)

Fil-21 ta’ Ġunju 2021, il-Kunsill adotta d-Deċiżjoni (PESK) 2021/1026 (1).

(2)

Fit-18 ta’ Mejju 2023, l-Organizzazzjoni għall-Projbizzjoni ta’ Armi Kimiċi, li hija responsabbli għall-implimentazzjoni teknika tal-attivitajiet imsemmija fl-Artikolu 1 tad-Deċiżjoni (PESK) 2021/1026, talbet estensjoni ta’ 12-il xahar, sat-30 ta’ Awwissu 2024, għall-implimentazzjoni ta’ dik id-Deċiżjoni.

(3)

L-implimentazzjoni li għaddejja tad-Deċiżjoni (PESK) 2021/1026 ma għandha ebda implikazzjoni finanzjarja addizzjonali għall-perjodu sat-30 ta’ Awwissu 2024.

(4)

Għalhekk jenħtieġ li d-Deċiżjoni (PESK) 2021/1026 jiġi emendat skont dan,

(1)

Fil-11 ta’ Marzu 2002, il-Kunsill qabel li jaħtar Rappreżentant Speċjali tal-Unjoni Ewropea (RSUE) fil-Bożnija-Ħerzegovina.

(2)

Fit-8 ta’ Awwissu 2019, il-Kunsill adotta d-Deċiżjoni (PESK) 2019/1340 (1) li taħtar lis-Sur Johann SATTLER bħala r-RSUE fil-Bożnija-Ħerzegovina. Il-mandat tar-RSUE ġie estiż suċċessivament, l-aktar reċentement bid-Deċiżjoni tal-Kunsill (PESK) 2021/1193 (2), u ser jiskadi fil-31 ta’ Awwissu 2023.

(3)

Jenħtieġ li l-mandat tar-RSUE jiġi estiż għal perjodu ulterjuri ta’ 12-il xahar u li jiġi stabbilit ammont ta’ referenza finanzjarja ġdid għall-perjodu mill-1 ta’ Settembru 2023 sal-31 ta’ Awwissu 2024.

(4)

Ir-RSUE ser jimplimenta l-mandat fil-kuntest ta’ sitwazzjoni li tista’ tiddeterjora u li tista’ timpedixxi l-ksib tal-objettivi tal-azzjoni esterna tal-Unjoni kif jinsabu fl-Artikolu 21 tat-Trattat,

(1)

Fil-31 ta’ Lulju 2014, il-Kunsill adotta d-Deċiżjoni 2014/512/PESK (1).

(2)

Il-Kunsill Ewropew, fil-Konklużjonijiet tiegħu adottati fid-29-30 ta’ Ġunju 2023, tenna l-kundanna tiegħu għall-gwerra ta’ aggressjoni tar-Russja kontra l-Ukrajna, li tikkostitwixxi ksur ċar tal-Karta tan-NU, u fakkar fl-appoġġ sod tal-Unjoni għall-indipendenza, is-sovranità u l-integrità territorjali tal-Ukrajna fil-fruntieri rikonoxxuti internazzjonalment tagħha u għad-dritt inerenti tagħha ta’ awtodifiża kontra l-aggressjoni Russa. Il-Kunsill Ewropew ikkundanna bil-qawwa wkoll il-qerda intenzjonata tad-diga fl-impjant tal-enerġija idroelettrika ta’ Kakhovka, kif ukoll id-deportazzjoni illegali tar-Russja u t-trasferiment lejn ir-Russja u l-Belarussja ta’ tfal Ukreni u ta’ ċivili oħra.

(3)

Sakemm l-azzjonijiet illegali mill-Federazzjoni Russa jkomplu jiksru l-projbizzjoni fuq l-użu tal-forza, li hija regola perentorja tal-liġi internazzjonali, huwa xieraq li jinżammu fis-seħħ il-miżuri kollha imposti mill-Unjoni u li jittieħdu miżuri addizzjonali, jekk ikun meħtieġ. Konsegwentement, jenħtieġ li d-Deċiżjoni 2014/512/PESK tiġġedded għal sitt xhur oħra.

(4)

Għalhekk id-Deċiżjoni 2014/512/PESK jenħtieġ li tiġi emendata skont dan,

(1)

Id-Deċiżjoni tal-Kunsill (PESK) 2021/509 (1) tistabbilixxi l-Faċilità Ewropea għall-Paċi (EPF) għall-finanzjament mill-Istati Membri tal-azzjonijiet tal-Unjoni fil-qafas tal-Politika Estera u ta’ Sigurtà Komuni (PESK) biex tinżamm il-paċi, jiġu prevenuti l-konflitti u tissaħħaħ is-sigurtà internazzjonali f’konformità mal-Artikolu 21(2), punt (c), tat-Trattat. B’mod partikolari, skont l-Artikolu 1(2) tad-Deċiżjoni (PESK) 2021/509, l-EPF għandha tintuża biex tiffinanzja azzjonijiet ta’ assistenza bħal azzjonijiet biex jissaħħu l-kapaċitajiet ta’ stati terzi u organizzazzjonijiet reġjonali u internazzjonali b’rabta ma’ kwistjonijiet militari u ta’ difiża.

(2)

Il-kriżi attwali fil-provinċji tal-lvant tar-Repubblika Demokratika tal-Kongo turi l-prezz traġiku uman li ser ikompli jitħallas jekk ma tinkisibx paċi dejjiema u komprensiva. L-instabbiltà kontinwa rriżultat f’waħda mill-agħar u l-itwal kriżijiet umanitarja fid-dinja u ħalliet lir-reġjun f’riskju li jsir fortizza tat-terroriżmu u networks kriminali tranżnazzjonali.

(3)

L-iżgurar tal-paċi, is-sigurtà u l-istabbiltà u r-rispett għad-drittijiet tal-bniedem fit-tul fil-provinċji tal-Lvant tar-Repubblika Demokratika tal-Kongo u fir-reġjun b’mod aktar ġenerali, f’konformità ma’ approċċ integrat, huwa prijorità ewlenija għall-Unjoni. L-Unjoni hija konxja tal-importanza tal-elezzjonijiet ġenerali msejħa għal Diċembru 2023.

(4)

Fit-13 ta’ Frar 2023, ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà ("ir-Rappreżentant Għoli") irċieva talba mir-Repubblika Demokratika tal-Kongo biex l-Unjoni tassisti lill-Forzi Armati tar-Repubblika Demokratika tal-Kongo bl-akkwist ta’ tagħmir importanti u l-kostruzzjoni ta’ infrastruttura bażika fil-qafas tal-EPF.

(5)

Il-miżuri ta’ assistenza għandhom jiġu implimentati b’kunsiderazzjoni tal-prinċipji u r-rekwiżiti stipulati fid-Deċiżjoni (PESK) 2021/509, b’mod partikolari l-konformità mal-Pożizzjoni Komuni tal-Kunsill 2008/944/PESK (2), u f’konformità mar-regoli għall-implimentazzjoni tad-dħul u tan-nefqa ffinanzjati fil-qafas tal-EPF.

(6)

L-implimentazzjoni ser tkun soġġetta wkoll għall-valutazzjoni regolari tal-iżviluppi politiċi fir-Repubblika Demokratika tal-Kongo, f’konformità mal-qafas metodoloġiku integrat għall-valutazzjoni u l-identifikazzjoni tal-miżuri ta’ mitigazzjoni u l-kontrolli meħtieġa għal miżuri ta’ assistenza taħt il-FEP.

(7)

Il-Kunsill jafferma mill-ġdid id-determinazzjoni tiegħu li jipproteġi, jippromwovi u jiddefendi d-drittijiet tal-bniedem, il-libertajiet fundamentali u l-prinċipji demokratiċi u li jsaħħaħ l-istat tad-dritt u l-governanza tajba, f’konformità mal-Karta tan-Nazzjonijiet Uniti, mad-Dikjarazzjoni Universali tad-Drittijiet tal-Bniedem u mad-dritt internazzjonali, b’mod partikolari d-dritt internazzjonali dwar id-drittijiet tal-bniedem u d-dritt umanitarju internazzjonali,

(1)

Fit-30 ta’ Lulju 2021, il-Kunsill adotta d-Deċiżjoni (PESK) 2021/1277 (1), li tikkonċerna miżuri restrittivi fid-dawl tas-sitwazzjoni fil-Libanu.

(2)

Id-Deċiżjoni (PESK) 2021/1277 tapplika sal-31 ta’ Lulju 2023. Abbażi ta’ rieżami ta’ dik id-Deċiżjoni, jenħtieġ li l-miżuri restrittivi stabbiliti fiha jiġu mġedda sal-31 ta’ Lulju 2024.

(3)

Għaldaqstant, jenħtieġ li d-Deċiżjoni (PESK) 2021/1277 tiġi emendata skont dan,

(1)

L-influwenza tat-tjur b’livell patoġeniku għoli (HPAI) hija marda virali infettiva fl-għasafar u tista’ tħalli impatt serju fuq il-profittabbiltà tat-trobbija tal-pollam li jikkawża tfixkil fil-kummerċ fl-Unjoni u tfixkil fl-esportazzjoni lejn il-pajjiżi terzi. Il-viruses tal-HPAI jistgħu jinfettaw lill-għasafar migratorji, li mbagħad jistgħu jxerrdu dawn il-viruses fuq distanzi twal waqt il-migrazzjonijiet tagħhom fil-ħarifa u fir-rebbiegħa. Għalhekk, il-preżenza tal-viruses tal-HPAI fl-għasafar selvaġġi hi theddida kontinwa għall-introduzzjoni diretta u indiretta ta’ dawn il-viruses fl-istabbilimenti li jżommu l-pollam jew l-għasafar tat-trobbija. Fil-każ ta’ tifqigħa tal-HPAI, hemm riskju li l-aġent tal-marda jinfirex fi stabbilimenti oħra li jżommu l-pollam jew l-għasafar tat-trobbija.

(2)

Ir-Regolament (UE) 2016/429 jistabbilixxi qafas leġiżlattiv ġdid għall-prevenzjoni u l-kontroll tal-mard li hu trażmissibbli lill-annimali jew lill-bnedmin. F’dak ir-Regolament, l-HPAI tidħol fid-definizzjoni ta’ marda elenkata u hi soġġetta għar-regoli dwar il-prevenzjoni u l-kontroll tal-mard stabbiliti fih. Barra minn hekk, ir-Regolament Delegat tal-Kummissjoni (UE) 2020/687 (2) jissupplimenta r-Regolament (UE) 2016/429 fir-rigward tar-regoli dwar il-prevenzjoni u l-kontroll ta’ ċertu mard elenkat, inkluż il-miżuri għall-kontroll tal-mard tal-HPAI.

(3)

Id-Deċiżjoni ta’ Implimentazzjoni tal-Kummissjoni (UE) 2021/641 (3) ġiet adottata fil-qafas tar-Regolament (UE) 2016/429 u tistabbilixxi l-miżuri ta’ emerġenza fil-livell tal-Unjoni b’rabta mat-tifqigħat tal-HPAI.

(4)

B’mod aktar partikolari, id-Deċiżjoni ta’ Implimentazzjoni (UE) 2021/641 tipprevedi li ż-żoni ta’ protezzjoni, iż-żoni ta’ sorveljanza u żoni ristretti oħrajn stabbiliti mill-Istati Membri wara t-tifqigħat tal-HPAI, f’konformità mar-Regolament Delegat (UE) 2020/687, iridu jinkludu mill-inqas iż-żoni elenkati bħala żoni ta’ protezzjoni, żoni ta’ sorveljanza u żoni ristretti oħrajn fl-Anness ta’ dik id-Deċiżjoni ta’ Implimentazzjoni.

(5)

L-Anness tad-Deċiżjoni ta’ Implimentazzjoni (UE) 2021/641 ġie emendat dan l-aħħar bid-Deċiżjoni ta’ Implimentazzjoni tal-Kummissjoni (UE) 2023/1337 (4) wara t-tifqigħat tal-HPAI fil-pollam jew fl-għasafar tat-trobbija fi Franza li kien jeħtieġ jiġu riflessi f’dak l-Anness.

(6)

Mid-data tal-adozzjoni tad-Deċiżjoni ta’ Implimentazzjoni (UE) 2023/1337, id-Danimarka, il-Ġermanja, Franza, l-Italja, il-Polonja u l-Iżvezja nnotifikaw lill-Kummissjoni dwar tifqigħat tal-HPAI fi stabbilimenti li jżommu l-pollam jew l-għasafar tat-trobbija, li jinsabu fil-Muniċipalità ta’ Nyborg fid-Danimarka, fil-Land ta’ Schleswig-Holstein fil-Ġermanja, fid-dipartimenti ta’ Pas-de-Calais, Landes u La Réunion fi Franza, fir-Reġjun tal-Lombardia fl-Italja, fil-voivodeship ta’ Małopolskie fil-Polonja u fil-muniċipalità ta’ Gotland fl-Iżvezja.

(7)

L-awtoritajiet kompetenti tad-Danimarka, tal-Ġermanja, ta’ Franza, tal-Italja, tal-Polonja u tal-Iżvezja ħadu l-miżuri meħtieġa għall-kontroll tal-mard f’konformità mar-Regolament Delegat (UE) 2020/687, inkluż l-istabbiliment ta’ żoni ta’ protezzjoni u żoni ta’ sorveljanza madwar dawk it-tifqigħat.

(8)

Barra minn hekk, it-tifqigħa kkonfermata fil-Ġermanja tinsab qrib ħafna l-fruntiera mad-Danimarka. Għaldaqstant, l-awtoritajiet kompetenti tal-Ġermanja u tad-Danimarka kkollaboraw kif xieraq rigward l-istabbiliment taż-żona ta’ sorveljanza meħtieġa f’konformità mar-Regolament Delegat (UE) 2020/687, billi ż-żona ta’ sorveljanza testendi fit-territorju tad-Danimarka.

(9)

Il-Kummissjoni eżaminat il-miżuri tal-kontroll tal-mard li ħadu d-Danimarka, il-Ġermanja, Franza, l-Italja, il-Polonja u l-Iżvezja b’kollaborazzjoni ma’ dawk l-Istati Membri, u hija sodisfatta li l-konfini taż-żoni ta’ protezzjoni u ta’ sorveljanza stabbiliti mill-awtoritajiet kompetenti ta’ dawk l-Istati Membri jinsabu ’l bogħod biżżejjed mill-istabbilimenti fejn ġew ikkonfermati t-tifqigħat riċenti tal-HPAI.

(10)

Fl-Anness tad-Deċiżjoni ta’ Implimentazzjoni (UE) 2021/641, bħalissa m’hemm l-ebda żona elenkata bħala żona ta’ protezzjoni għall-Ġermanja u għall-Polonja, u l-ebda żona elenkata bħala żona ta’ protezzjoni jew żona ta’ sorveljanza għad-Danimarka, għall-Italja u għall-Iżvezja.

(11)

Biex ikun evitat it-tfixkil bla bżonn fil-kummerċ fl-Unjoni u tkun evitata l-impożizzjoni ta’ ostakli mhux ġustifikati għall-kummerċ mill-pajjiżi terzi, jeħtieġ li fil-livell tal-Unjoni, b’kollaborazzjoni mad-Danimarka, mal-Ġermanja, ma’ Franza, mal-Italja, mal-Polonja u mal-Iżvezja, jiġu deskritti malajr iż-żoni ta’ protezzjoni u ż-żoni ta’ sorveljanza stabbiliti kif xieraq minn dawk l-Istati Membri f’konformità mar-Regolament Delegat (UE) 2020/687.

(12)

Għaldaqstant, fl-Anness tad-Deċiżjoni ta’ Implimentazzjoni (UE) 2021/641 jenħtieġ li jiġu emendati ż-żoni elenkati bħala żoni ta’ protezzjoni u ta’ sorveljanza għal Franza u ż-żoni elenkati bħala żoni ta’ sorveljanza għall-Ġermanja u għall-Polonja.

(13)

Barra minn hekk, fl-Anness tad-Deċiżjoni ta’ Implimentazzjoni (UE) 2021/641 jenħtieġ li jiġu elenkati ż-żoni ta’ protezzjoni għall-Ġermanja u għall-Polonja u jenħtieġ li jiġu elenkati ż-żoni ta’ protezzjoni u ta’ sorveljanza għad-Danimarka, għall-Italja u għall-Iżvezja.

(14)

Għaldaqstant, l-Anness tad-Deċiżjoni ta’ Implimentazzjoni (UE) 2021/641 jenħtieġ li jiġi emendat biex tiġi aġġornata r-reġjonalizzazzjoni fil-livell tal-Unjoni biex jitqiesu ż-żoni ta’ protezzjoni u ta’ sorveljanza stabbiliti kif xieraq mid-Danimarka, mill-Ġermanja, minn Franza, mill-Italja, mill-Polonja u mill-Iżvezja, u ż-żona ta’ sorveljanza stabbilita kif xieraq mid-Danimarka, f’konformità mar-Regolament Delegat (UE) 2020/687, u t-tul tal-miżuri applikabbli fihom.

(15)

Għalhekk, id-Deċiżjoni ta’ Implimentazzjoni (UE) 2021/641 jenħtieġ li tiġi emendata skont dan.

(16)

Minħabba l-urġenza tas-sitwazzjoni epidemjoloġika fl-Unjoni rigward it-tixrid tal-HPAI, hu importanti li l-emendi li jridu jsiru fid-Deċiżjoni ta’ Implimentazzjoni (UE) 2021/641 b’din id-Deċiżjoni, isiru effettivi kemm jista’ jkun malajr.

(17)

Il-miżuri previsti f’din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

L-infezzjoni bil-virus tal-marda tal-infafet fil-ġilda (LSD), ikkawżata mill-virus tal-marda tal-infafet fil-ġilda (LSDV), hija marda li tinġarr minn vettur tal-annimali bovini li tikkawża telf ekonomiku sostanzjali, tnaqqas ir-rendiment tal-ħalib, tikkawża għelubija serja, ħsara permanenti lill-ġlud, diversi kumplikazzjonijiet sekondarji, debbulizza kronika li ddum xhur sħaħ, u ġġarrab projbizzjonijiet kummerċjali. Il-marda hija endemika fl-Afrika u hija inkluża fil-lista tal-mard notifikabbli tal-Organizzazzjoni Dinjija għas-Saħħa tal-Annimali.

(2)

Fl-Unjoni, l-LSD seħħet għall-ewwel darba fl-2015 fil-Greċja. Fl-2016, il-marda nfirxet malajr f’ħafna pajjiżi tax-Xlokk tal-Ewropa inklużi l-Albanija, il-Bulgarija, il-Greċja, il-Kosovo (*1), il-Maċedonja ta’ Fuq, il-Montenegro u s-Serbja. Fil-pajjiżi kollha affettwati, il-marda tqiegħdet taħt kontroll effettivament permezz tat-tilqim tal-massa tal-annimali bovini, b’vaċċini omologi ħajjin, ripetuti fuq bażi annwali, f’konformità mal-ispeċifikazzjonijiet tal-vaċċin. Barra minn hekk, il-Kroazja u l-Bożnija-Ħerzegovina, li ma kinux affettwati mil-LSD, implimentaw it-tilqim bħala miżura preventiva, fid-dawl tal-okkorrenza tal-marda fil-pajjiżi ġirien.

(3)

Ir-Regolament ta’ Implimentazzjoni tal-Kummissjoni (UE) 2021/1070 (2) ġie adottat fil-qafas tar-Regolament (UE) 2016/429, u jistabbilixxi miżuri ta’ kontroll speċjali kontra l-LSD għal perjodu limitat ta’ żmien. Dak ir-Regolament ta’ Implimentazzjoni kien japplika sal-21 ta’ April 2023.

(4)

B’mod partikolari, ir-Regolament ta’ Implimentazzjoni (UE) 2021/1070 jiddefinixxi ż-żoni ta’ Stat Membru, fejn jitwettaq it-tilqim kontra l-LSD, u r-regoli ta’ kontroll speċjali tal-mard f’kull żona. Dawn iż-żoni huma kklassifikati bħala ż-żona ristretta I, li tinsab ’il barra minn żona fejn ġiet ikkonfermata tifqigħa ta’ infezzjoni bl-LSDV, u ż-żona ristretta II, li tinkludi żona fejn ġiet ikkonfermata tifqigħa ta’ infezzjoni bl-LSDV.

(5)

Barra minn hekk, ir-Regolament ta’ Implimentazzjoni (UE) 2021/1070, ippreveda restrizzjonijiet rigward il-movimenti tal-annimali bovini u tal-prodotti tagħhom, tal-prodotti ġerminali, u tal-prodotti sekondarji tal-annimali miż-żoni ristretti I u II, u derogi fir-rigward ta’ dawn ir-restrizzjonijiet. Barra minn hekk, ir-Regolament ipprovda regoli għall-obbligi fuq l-operaturi fir-rigward taċ-ċertifikati tas-saħħa tal-annimali għall-movimenti tal-annimali bovini, tal-prodotti ġerminali u tal-prodotti sekondarji mhux ipproċessati tal-annimali tagħhom, miż-żoni ristretti I u II, ’il barra minn dawn iż-żoni.

(6)

Ir-Regolament Delegat tal-Kummissjoni (UE) 2023/361 (3), daħal fis-seħħ fit-12 ta’ Marzu 2023 u jistabbilixxi regoli għall-użu ta’ ċerti prodotti mediċinali veterinarji għall-finijiet tal-prevenzjoni u l-kontroll ta’ ċertu mard elenkat, inklużi r-regoli għat-tilqim kontra l-LSD. Barra minn hekk, l-Artikolu 9 ta’ dak ir-Regolament Delegat u l-Anness IX tiegħu jipprevedu l-istabbiliment taż-żoni tat-tilqim I u II li jikkorrispondu għaż-żoni ristretti I u II tar-Regolament ta’ Implimentazzjoni (UE) 2021/1070.

(7)

Barra minn hekk, ir-Regolament Delegat (UE) 2023/361 jistabbilixxi regoli u restrizzjonijiet fir-rigward tal-annimali bovini mlaqqma għal-LSD, tal-prodotti ġerminali tagħhom u tal-prodotti sekondarji mhux ipproċessati tal-annimali tagħhom li jikkorrispondu mar-regoli u mar-restrizzjonijiet stabbiliti fir-Regolament ta’ Implimentazzjoni (UE) 2021/1070, ħlief għal dawk relatati mal-obbligi tal-operaturi fir-rigward taċ-ċertifikati tas-saħħa tal-annimali.

(8)

Ir-Regolament Delegat (UE) 2023/361 jipprevedi wkoll perjodi ta’ rkupru għal-LSD, wara tilqim protettiv ta’ emerġenza, li jvarjaw bejn 8 xhur u 26 xahar, skont it-tip ta’ sorveljanza, iż-żona tat-tilqim, u l-ħin tal-iskarnar jew tal-qtil tal-aħħar każ tal-LSD u/jew il-ħin tal-aħħar tilqim.

(9)

Mill-2017 ’l hawn, ma ġiet irrapportata l-ebda tifqigħa tal-LSD fl-Ewropa għalkemm l-LSD ġiet irreġistrata sal-2021 f’partijiet ta’ Anatolia, it-Turkija u għadha preżenti fir-Russja filwaqt li qed tkompli tinfirex fl-Asja, u taffettwa l-pajjiżi tas-subkontinent Indjan, tal-Asja tal-Lvant u tal-Asja tax-Xlokk. Fid-dawl tas-sitwazzjoni epidemjoloġika favorevoli fl-Ewropa, il-pajjiżi kollha fix-Xlokk tal-Ewropa li implimentaw it-tilqim kontra l-LSD issa waqfu, ħlief għall-Bulgarija, il-Greċja u t-Turkija.

(10)

Il-Bulgarija u l-Greċja diġà ppreżentaw il-programmi tagħhom tat-tilqim kontra l-LSD tal-2023 lill-Kummissjoni, u dawn diġà ġew evalwati u approvati, fil-qafas tar-Regolament (UE) 2021/690 tal-Parlament Ewropew u tal-Kunsill (4). In-natura u l-kontenut tal-evalwazzjoni teknika u tal-approvazzjoni ta’ dawk il-programmi tat-tilqim jissodisfaw ukoll ir-rekwiżiti tal-pjan uffiċjali tat-tilqim għall-prevenzjoni u l-kontroll tal-mard tal-kategorija A fl-annimali terrestri stabbiliti fl-Artikolu 6 tar-Regolament Delegat (UE) 2023/361.

(11)

Fid-dawl tal-iskadenza tar-Regolament ta’ Implimentazzjoni (UE) 2021/1070, huwa essenzjali li jiġu elenkati ż-żoni definiti bħala ż-żoni tat-tilqim I u II b’rabta mal-LSD, fil-Bulgarija u fil-Greċja, li jikkorrispondu għaż-żoni ristretti I u II tar-Regolament ta’ Implimentazzjoni (UE) 2021/1070, u li jiġu stabbiliti regoli addizzjonali dwar l-obbligi tal-operaturi fir-rigward taċ-ċertifikati tas-saħħa tal-annimali għall-moviment tal-annimali bovini, kif ukoll dawk għall-prodotti ġerminali u l-prodotti sekondarji mhux ipproċessati tal-annimali tagħhom, miż-żoni tat-tilqim I u II, ’il barra minn dawn iż-żoni, biex jiġi żgurat li dawn iċ-ċertifikati tas-saħħa tal-annimali jipprovdu informazzjoni adegwata u preċiża dwar is-saħħa u li jkun hemm kontinwità mal-miżuri li qabel kienu fis-seħħ.

(12)

Filwaqt li jitqiesu l-pjanijiet tat-tilqim kontra l-LSD tal-Bulgarija u tal-Greċja għall-2023, is-sitwazzjoni epidemjoloġika fir-rigward ta’ dik il-marda fl-Unjoni, u l-perjodu ta’ rkupru għal-LSD, kif stabbilit fir-Regolament Delegat (UE) 2023/361, jenħtieġ li din id-Deċiżjoni tapplika sal-31 ta’ Awwissu 2024,

(13)

Il-miżuri previsti f’din id-Deċiżjoni huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

1.

2.

1.

2.

3.

4.

5.

1.

2.

3.

4.

5.

6.

7.

1.

2.

3.

1.

2.

3.

4.

5.

6.

7.

1.

2.

(a)

li tadotta opinjonijiet, rapporti u riżoluzzjonijiet;

(b)

li tadotta l-abbozzi tal-estimi preliminari tad-dħul u l-infiq tal-Kumitat;

(c)

li tadotta l-prijoritajiet politiċi tal-Kumitat;

(d)

li teleġġi l-President, l-ewwel Viċi President u l-bqija tal-membri tal-Bureau;

(e)

li twaqqaf kummissjonijiet;

(f)

li tadotta u tirrevedi r-Regoli ta’ Proċedura tal-Kumitat;

(g)

li tadotta u tirrevedi kodiċijiet ta’ kondotta għall-membri;

(h)

li, wara verifika tal-kworum preżenti, kif stabbilit fl-ewwel sentenza tal-Artikolu 22(1) tar-Regoli ta’ Proċedura, tieħu deċiżjoni, b’maġġoranza tal-voti mixħuta, fuq proposta tal-President tal-Kumitat jew tal-kummissjoni rilevanti li taġixxi b’konformità mal-Artikoli 57 u 58, dwar l-introduzzjoni ta’ rikors jew talba għal intervent quddiem il-Qorti tal-Ġustizzja tal-Unjoni Ewropea. Ladarba tiġi adottata din id-deċiżjoni, ir-rikors għandu jitressaq mill-President f’isem il-Kumitat.

1.

2.

1.

2.

3.

4.

5.

6.

7.

Din id-dispożizzjoni ma tapplikax f’każijiet meta, minħabba d-data tal-għeluq stabbilita mill-Kunsill, mill-Kummissjoni jew mill-Parlament Ewropew, ikun impossibbli li tiġi posposta l-adozzjoni ta’ dokument għal deċiżjoni.

Id-dokument għal deċiżjoni li jiġi pospost għal sessjoni futura tal-assemblea plenarja għandu jinkludi l-emendi kollha mressqa b’mod validu li huma marbuta miegħu. Kwalunkwe aġġornament tal-votazzjoni jagħti lok ukoll għal data tal-għeluq ġdida għat-tressiq tal-emendi.

1.

2.

3.

1.

2.

3.