ISSN 1977-074X |
||
Il-Ġurnal Uffiċjali tal-Unjoni Ewropea |
L 160I |
|
![]() |
||
Edizzjoni bil-Malti |
Leġiżlazzjoni |
Volum 66 |
Werrej |
|
II Atti mhux leġiżlattivi |
Paġna |
|
|
REGOLAMENTI |
|
|
* |
||
|
|
DEĊIŻJONIJIET |
|
|
* |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
26.6.2023 |
MT |
Il-Ġurnal Uffiċjali tal-Unjoni Ewropea |
LI 160/1 |
REGOLAMENT TA’ IMPLIMENTAZZJONI TAL-KUNSILL (UE) 2023/…
tas-26 ta’ Ġunju 2023
li jimplimenta r-Regolament (UE) Nru 359/2011 dwar miżuri restrittivi diretti kontra ċerti persuni, entitajiet u korpi fil-kuntest tas-sitwazzjoni fl-Iran
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) Nru 359/2011 tat-12 ta’ April 2011 dwar miżuri restrittivi diretti kontra ċerti persuni, entitajiet u korpi fil-kuntest tas-sitwazzjoni fl-Iran (1), u b’mod partikolari l-Artikolu 12(1) tiegħu,
Wara li kkunsidra l-proposta tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
(1) |
Fit-12 ta’ April 2011, il-Kunsill adotta r-Regolament (UE) Nru 359/2011. |
(2) |
Fil-25 ta’ Settembru 2022, ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà ħareġ dikjarazzjoni f’isem l-Unjoni li tikkundanna l-użu mifrux u sproporzjonat tal-forza mill-forzi tas-sigurtà Iranjani kontra dimostranti mhux vjolenti, filwaqt li tinnota li dan kien irriżulta f’imwiet u f’għadd kbir ta’ persuni midruba. Id-dikjarazzjoni stqarret ukoll li dawk responsabbli għall-qtil ta’ Mahsa Amini jridu jinżammu responsabbli, u appellat lill-awtoritajiet Iranjani biex jiżguraw investigazzjonijiet trasparenti u kredibbli biex jiċċaraw l-għadd ta’ persuni mejta u arrestati, biex jeħilsu d-dimostranti mhux vjolenti kollha u biex jipprovdu proċess xieraq lid-detenuti kollha. Barra minn hekk, id-dikjarazzjoni enfasizzat li d-deċiżjoni tal-Iran li jirrestrinġi severament l-aċċess għall-Internet u jimblokka pjattaformi ta’ messaġġi istantanji tikser b’mod sfaċċat il-libertà tal-espressjoni. Fl-aħħar nett, id-dikjarazzjoni stqarret li l-Unjoni ser tikkunsidra l-għażliet kollha għad-dispożizzjoni tagħha biex tindirizza l-qtil ta’ Mahsa Amini u l-mod kif il-forzi tas-sigurtà Iranjani wieġbu għad-dimostrazzjonijiet li segwew. |
(3) |
F’dak il-kuntest, u f’konformità mal-impenn tal-Unjoni li tindirizza l-kwistjonijiet kollha ta’ tħassib mal-Iran, fosthom is-sitwazzjoni tad-drittijiet tal-bniedem, kif ikkonfermata fil-konklużjonijiet tal-Kunsill tat-12 ta’ Diċembru 2022, jenħtieġ li seba’ persuni jiġu inklużi fil-lista ta’ persuni fiżiċi u ġuridiċi, entitajiet u korpi soġġetti għal miżuri restrittivi li tinsab fl-Anness I tar-Regolament (UE) Nru 359/2011. |
(4) |
Għalhekk jenħtieġ li r-Regolament (UE) Nru 359/2011 jiġi emendat skont dan, |
ADOTTA DAN IR-REGOLAMENT:
Artikolu 1
L-Anness I tar-Regolament (UE) Nru 359/2011 huwa emendat f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fil-Lussemburgu, is-26 ta’ Ġunju 2023.
Għall-Kunsill
Il-President
J. BORRELL FONTELLES
ANNESS
Il-persuni li ġejjin jinżdiedu mal-lista ta’ persuni fiżiċi u ġuridiċi, entitajiet u korpi li tinsab fl-Anness I tar-Regolament (UE) Nru 359/2011:
Persuni
|
Isem |
Informazzjoni ta’ identifikazzjoni |
Raġunijiet |
Data tal-elenkar |
“227. |
Seyyed Mohammad MOUSVIAN magħruf ukoll bħala Seyed Mohammad MOUSAVIYAN سید محمد موسویان |
Funzjoni: Prosekutur Pubbliku u Rivoluzzjonarju, Isfahan (Isfahan Province) Nazzjonalità: Iranjana Sess: Raġel |
Mousvian huwa l-Prosekutur Pubbliku u Rivoluzzjonarju tal-Provinċja ta’ Isfahan, l-Iran. Bħala tali huwa responsabbli għall-proċessi kontra d-dimostranti Saleh Mirhashmi, Majid Kazemi u Saeid Yaqoubi, li minn dak iż-żmien ’l hawn ġew ikkundannati għall-mewt u wara ġew iġġustizzjati f’Mejju 2023. Mousvian ħareġ ukoll l-akkuża kontra l-artist mużikali Iranjan Toomaj Salehi fuq akkużi ta’ “korruzzjoni fid-dinja” għall-parteċipazzjoni tiegħu fi protesti kontra l-gvern u attiviżmu pubbliku kontra l-gvern Iranjan f’Ottubru 2022, u li minn dak iż-żmien inżamm fil-Ħabs ta’ Dastgerd f’kundizzjonijiet krudili waqt li jistenna l-proċess tiegħu. F’Novembru 2022, il-media tal-Istat ippubblikat filmat li juri lil Salehi b’għajnejh mgħammdin fejn kien qed jammetti d-delitti allegati tiegħu u jiskuża ruħu għal kliemu. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023 |
228. |
Ali Zare NOURI سید علی زارع نوری |
Funzjoni: Viċi Mħallef u konsulent tal-Qorti Kriminali Provinċjali ta’ Isfahan Nazzjonalità: Iranjana Sess: Raġel |
Nouri huwa l-Viċi Mħallef u l-konsulent tal-Qorti Kriminali Provinċjali tal-Provinċja ta’ Isfahan, l-Iran. Bħala tali huwa responsabbli għall-proċessi kontra d-dimostranti Saleh Mirhashmi, Majid Kazemi u Saeid Yaqoubi, li minn dak iż-żmien ’l hawn ġew ikkundannati għall-mewt u wara ġew iġġustizzjati f’Mejju 2023. F’filmat ippubblikat mill-media tal-Istat Iranjana, Nouri jidher li qed jinterroga lit-tliet konvenuti fil-qorti. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023 |
229. |
Seyyed Nader SAFAVI MIRMAHALLEH magħruf ukoll bħala Seyed Nader SAFAVI MIRMAHALLEH magħruf ukoll bħala Nader SAFAVI سید نادر صفوی میرمحله |
Funzjoni: Gvernatur u kap tal-Kunsill tas-Sigurtà ta’ Rezvanshahr f’Gilan Province Nazzjonalità: Iranjana Sess: Raġel Indirizz: Rezvanshahr, Gilan Province |
Seyyed Nader Safavi Mirmahalleh huwa l-gvernatur u l-kap tal-Kunsill tas-Sigurtà ta’ Rezvanshahr fil-Provinċja ta’ Gilan. Bħala tali huwa responsabbli li ordna lill-uffiċjali jiftħu n-nar fuq id-dimostranti matul il-protesti li kienu qed isiru fl-Iran kollu bejn l-2022 u l-2023, li rriżulta f’għadd kbir ta’ persuni mejta u midruba, inkluż tfal. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023 |
230. |
Seyyed Khalil SAFAVI magħruf ukoll bħala Seyed Khalil SAFAVI سید خلیل صفوی |
Funzjoni: Kmandant tal-Pulizija ta’ Rezvanshahr, Gilan Province Nazzjonalità: Iranjana Sess: Raġel Indirizz: Rezvanshahr, Gilan Province |
Seyyed Khalil Safavi huwa l-Kmandant tal-Pulizija ta’ Rezvanshahr fil-Provinċja ta’ Gilan u kellu din il-pożizzjoni ukoll fi żmien il-protesta. Bħala tali huwa responsabbli għall-fatt li uffiċjali tal-pulizija f’Rezvanshahr fetħu n-nar fuq id-dimostranti matul il-protesti fil-belt li saru fi tmiem Settembru 2022, li rriżulta f’għadd kbir ta’ persuni mejta u midruba, inkluż tfal. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023 |
231. |
Seyyed Abbas HOSSEINI سید عباس حسینی |
Funzjoni: Gvernatur, Amol (Mazandaran Province) Nazzjonalità: Iranjana Sess: Raġel |
F’Jannar 2022, Hosseini nħatar gvernatur tal-belt ta’ Amol, Provinċja ta’ Mazandaran. Bħala tali huwa responsabbli għall-qtil ta’ mill-inqas żewġ dimostranti Iranjani żgħażagħ, Ghazaleh Chalabi u Erfan Rezaei, li t-tnejn inqatlu f’Settembru 2022 mill-forzi tal-gvern fil-belt ta’ Amol. Barra minn hekk, il-forzi tas-sigurtà f’Amol komplew jagħtu fastidju lid-dimostranti paċifiċi u lill-familji tal-mejta. F’Ġunju 2023, Hosseini ġie sostitwit bħala Gvernatur ta’ Amol, iżda nħatar bħala Gvernatur Speċjali tal-belt ta’ Amol. Fil-pożizzjoni l-ġdida tiegħu, Hosseini għad għandu rwol attiv bħala rappreżentant tal-gvern. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023 |
232. |
Mojtaba FADA مجتبی فدا |
Funzjoni: Kmandant tal-IRGC f’Isfahan Province (it-Tieni Brigadier Ġenerali) u membru tal-Kunsill tas-Sigurtà Provinċjali Nazzjonalità: Iranjana Data tat-twelid: 21 ta’ Marzu 1963 Post tat-twelid: Harsin, Iran Sess: Raġel Numru tal-passaport: F49973222 li jiskadi fis-27 ta’ Awwissu 2024 (maħruġ mill-Iran) |
Fada huwa l-kmandant tal-forzi tal-IRGC fil-provinċja ta’ Isfahan u attwalment iservi bħala membru tal-Kunsill tas-Sigurtà Provinċjali. Bħala tali ssorvelja l-azzjonijiet tat-truppi tal-IRGC u ta’ forzi tas-sigurtà oħra b’reazzjoni għall-protesti kontra l-gvern fil-ħarifa tal-2022, li rriżultaw fil-mewt ta’ diversi dimostranti, inkluż il-mewt ta’ Mahsa Mougouyi li kellha 18-il sena. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023 |
233. |
Rashid KABOUDVANDI رشید کبودوند magħruf ukoll bħala Rashid KABUDONDI رشید کبودوندی |
Funzjoni: Kmandant tal-Imam Hossein Guards Corps ta’ Karaj, Alborz Province Sess: Raġel |
Kaboudvandi ilu minn Mejju 2022 il-kmandant tal-Korp tal-Gwardjani Imam Hossein ta’ Karaj, il-Provinċja ta’ Alborz. Bħala tali huwa responsabbli għad-detenzjoni u l-qtil ta’ Mohammad Reza Ghorbani u għad-detenzjoni u l-istupru ta’ Amrita Abbassi mill-forzi tas-sigurtà ta’ Karaj. Il-ksur sfaċċat u gravi tad-drittijiet tal-bniedem mill-forzi tal-pulizija ġie dokumentat b’mod mifrux minn mindu bdew il-protesti f’nofs Settembru 2022 wara l-mewt ta’ Mahsa Amini. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023” |
DEĊIŻJONIJIET
26.6.2023 |
MT |
Il-Ġurnal Uffiċjali tal-Unjoni Ewropea |
LI 160/5 |
DEĊIŻJONI TA’ IMPLIMENTAZZJONI TAL-KUNSILL (PESK) 2023/1299
tal-26 ta’ Ġunju 2023
li timplimenta d-Deċiżjoni 2011/235/PESK dwar miżuri restrittivi diretti kontra ċerti persuni u entitajiet fil-kuntest tas-sitwazzjoni fl-Iran
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 31(2) tiegħu,
Wara li kkunsidra d-Deċiżjoni tal-Kunsill 2011/235/PESK tat-12 ta’ April 2011 dwar miżuri restrittivi diretti kontra ċerti persuni u entitajiet fil-kuntest tas-sitwazzjoni fl-Iran (1), u b’mod partikolari l-Artikolu 3(1) tagħha,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
(1) |
Fit-12 ta’ April 2011, il-Kunsill adotta d-Deċiżjoni 2011/235/PESK. |
(2) |
Fil-25 ta’ Settembru 2022, ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà ħareġ dikjarazzjoni f’isem l-Unjoni li tikkundanna l-użu mifrux u sproporzjonat tal-forza mill-forzi tas-sigurtà Iranjani kontra dimostranti mhux vjolenti, filwaqt li tinnota li dan kien wassal għal telf ta’ ħajjiet u għadd kbir ta’ persuni midruba. Id-dikjarazzjoni spjegat ukoll li dawk responsabbli għall-qtil ta’ Mahsa Amini jridu jinżammu responsabbli, u appellat lill-awtoritajiet Iranjani biex jiżguraw investigazzjonijiet trasparenti u kredibbli biex jiċċaraw l-għadd ta’ persuni mejta u arrestati, biex jeħilsu lid-dimostranti mhux vjolenti kollha u biex jipprovdu proċess xieraq lid-detenuti kollha. Barra minn hekk, id-dikjarazzjoni enfasizzat li d-deċiżjoni tal-Iran li jirrestrinġi b’mod sever l-aċċess għall-Internet u jimblokka pjattaformi ta’ messaġġi istantanji tikser il-libertà tal-espressjoni b’mod sfaċċat. Fl-aħħar nett, id-dikjarazzjoni stqarret li l-Unjoni ser tikkunsidra l-possibbiltajiet kollha għad-dispożizzjoni tagħha biex tindirizza l-qtil ta’ Mahsa Amini u l-mod kif il-forzi tas-sigurtà Iranjani wieġbu għad-dimostrazzjonijiet li segwew. |
(3) |
F’dak il-kuntest, u f’konformità mal-impenn tal-Unjoni li tindirizza l-kwistjonijiet kollha ta’ tħassib mal-Iran, fosthom is-sitwazzjoni tad-drittijiet tal-bniedem, kif ikkonfermat fil-konklużjonijiet tal-Kunsill tat-12 ta’ Diċembru 2022, jenħtieġ li seba’ persuni jiġu inklużi fil-lista ta’ persuni soġġetti għal miżuri restrittivi fl-Anness tad-Deċiżjoni 2011/235/PESK. |
(4) |
Għalhekk, jenħtieġ li d-Deċiżjoni 2011/235/PESK tiġi emendata skont dan, |
ADOTTA DIN ID-DEĊIŻJONI:
Artikolu 1
L-Anness tad-Deċiżjoni 2011/235/PESK huwa emendat f’konformità mal-Anness ta’ din id-Deċiżjoni.
Artikolu 2
Din id-Deċiżjoni għandha tidħol fis-seħħ fid-data tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fil-Lussemburgu, il-26 ta’ Ġunju 2023.
Għall-Kunsill
Il-President
J. BORRELL FONTELLES
ANNESS
Il-persuni li ġejjin jinżdiedu mal-lista ta’ persuni u entitajiet li tinsab fl-Anness tad-Deċiżjoni 2011/235/PESK:
Persuni
|
Isem |
Informazzjoni ta’ identifikazzjoni |
Raġunijiet |
Data tal-elenkar |
“227. |
Seyyed Mohammad MOUSVIAN magħruf ukoll bħala Seyed Mohammad MOUSAVIYAN سید محمد موسویان |
Funzjoni: Prosekutur Pubbliku u Rivoluzzjonarju, Isfahan (Isfahan Province) Nazzjonalità: Iranjana Sess: Raġel |
Mousvian huwa l-Prosekutur Pubbliku u Rivoluzzjonarju tal-Provinċja ta’ Isfahan, l-Iran. Bħala tali huwa responsabbli għall-proċessi kontra d-dimostranti Saleh Mirhashmi, Majid Kazemi u Saeid Yaqoubi, li minn dak iż-żmien ‘l hawn ġew ikkundannati għall-mewt u wara ġew iġġustizzjati f’Mejju 2023. Mousvian ħareġ ukoll l-akkuża kontra l-artist mużikali Iranjan Toomaj Salehi fuq akkużi ta’ “korruzzjoni fid-dinja” għall-parteċipazzjoni tiegħu fi protesti kontra l-gvern u attiviżmu pubbliku kontra l-gvern Iranjan f’Ottubru 2022, u li minn dak iż-żmien inżamm fil-Ħabs ta’ Dastgerd f’kundizzjonijiet krudili waqt li jistenna l-proċess tiegħu. F’Novembru 2022, il-media tal-Istat ippubblikat filmat li juri lil Salehi b’għajnejh mgħammdin fejn kien qed jammetti d-delitti allegati tiegħu u jiskuża ruħu għal kliemu. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023 |
228. |
Ali Zare NOURI سید علی زارع نوری |
Funzjoni: Viċi Mħallef u konsulent tal-Qorti Kriminali Provinċjali ta’ Isfahan Nazzjonalità: Iranjana Sess: Raġel |
Nouri huwa l-Viċi Mħallef u l-konsulent tal-Qorti Kriminali Provinċjali tal-Provinċja ta’ Isfahan, l-Iran. Bħala tali huwa responsabbli għall-proċessi kontra d-dimostranti Saleh Mirhashmi, Majid Kazemi u Saeid Yaqoubi, li minn dak iż-żmien ‘l hawn ġew ikkundannati għall-mewt u wara ġew iġġustizzjati f’Mejju 2023. F’filmat ippubblikat mill-media tal-Istat Iranjana, Nouri jidher li qed jinterroga lit-tliet konvenuti fil-qorti. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023 |
229. |
Seyyed Nader SAFAVI MIRMAHALLEH magħruf ukoll bħala Seyed Nader SAFAVI MIRMAHALLEH magħruf ukoll bħala Nader SAFAVI سید نادر صفوی میرمحله |
Funzjoni: Gvernatur u kap tal-Kunsill tas-Sigurtà ta’ Rezvanshahr f’Gilan Province Nazzjonalità: Iranjana Sess: Raġel Indirizz: Rezvanshahr, Gilan Province |
Seyyed Nader Safavi Mirmahalleh huwa l-gvernatur u l-kap tal-Kunsill tas-Sigurtà ta’ Rezvanshahr fil-Provinċja ta’ Gilan. Bħala tali huwa responsabbli li ordna lill-uffiċjali jiftħu n-nar fuq id-dimostranti matul il-protesti li kienu qed isiru fl-Iran kollu bejn l-2022 u l-2023, li rriżulta f’għadd kbir ta’ persuni mejta u midruba, inkluż tfal. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023 |
230. |
Seyyed Khalil SAFAVI magħruf ukoll bħala Seyed Khalil SAFAVI سید خلیل صفوی |
Funzjoni: Kmandant tal-Pulizija ta’ Rezvanshahr, Gilan Province Nazzjonalità: Iranjana Sess: Raġel Indirizz: Rezvanshahr, Gilan Province |
Seyyed Khalil Safavi huwa l-Kmandant tal-Pulizija ta’ Rezvanshahr fil-Provinċja ta’ Gilan u kellu din il-pożizzjoni ukoll fi żmien il-protesta. Bħala tali huwa responsabbli għall-fatt li uffiċjali tal-pulizija f’Rezvanshahr fetħu n-nar fuq id-dimostranti matul il-protesti fil-belt li saru fi tmiem Settembru 2022, li rriżulta f’għadd kbir ta’ persuni mejta u midruba, inkluż tfal. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023 |
231. |
Seyyed Abbas HOSSEINI سید عباس حسینی |
Funzjoni: Gvernatur, Amol (Mazandaran Province) Nazzjonalità: Iranjana Sess: Raġel |
F’Jannar 2022, Hosseini nħatar gvernatur tal-belt ta’ Amol, Provinċja ta’ Mazandaran. Bħala tali huwa responsabbli għall-qtil ta’ mill-inqas żewġ dimostranti Iranjani żgħażagħ, Ghazaleh Chalabi u Erfan Rezaei, li t-tnejn inqatlu f’Settembru 2022 mill-forzi tal-gvern fil-belt ta’ Amol. Barra minn hekk, il-forzi tas-sigurtà f’Amol komplew jagħtu fastidju lid-dimostranti paċifiċi u lill-familji tal-mejta. F’Ġunju 2023, Hosseini ġie sostitwit bħala Gvernatur ta’ Amol, iżda nħatar bħala Gvernatur Speċjali tal-belt ta’ Amol. Fil-pożizzjoni l-ġdida tiegħu, Hosseini għad għandu rwol attiv bħala rappreżentant tal-gvern. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023 |
232. |
Mojtaba FADA مجتبی فدا |
Funzjoni: Kmandant tal-IRGC f’Isfahan Province (it-Tieni Brigadier Ġenerali) u membru tal-Kunsill tas-Sigurtà Provinċjali Nazzjonalità: Iranjana Data tat-twelid: 21 ta’ Marzu 1963 Post tat-twelid: Harsin, Iran Sess: Raġel Numru tal-passaport: F49973222 li jiskadi fis-27 ta’ Awwissu 2024 (maħruġ mill-Iran) |
Fada huwa l-kmandant tal-forzi tal-IRGC fil-provinċja ta’ Isfahan u attwalment iservi bħala membru tal-Kunsill tas-Sigurtà Provinċjali. Bħala tali ssorvelja l-azzjonijiet tat-truppi tal-IRGC u ta’ forzi tas-sigurtà oħra b’reazzjoni għall-protesti kontra l-gvern fil-ħarifa tal-2022, li rriżultaw fil-mewt ta’ diversi dimostranti, inkluż il-mewt ta’ Mahsa Mougouyi li kellha 18-il sena. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023 |
233. |
Rashid KABOUDVANDI رشید کبودوند magħruf ukoll bħala Rashid KABUDONDI رشید کبودوندی |
Funzjoni: Kmandant tal-Imam Hossein Guards Corps ta’ Karaj, Alborz Province Sess: Raġel |
Kaboudvandi ilu minn Mejju 2022 il-kmandant tal-Korp tal-Gwardjani Imam Hossein ta’ Karaj, il-Provinċja ta’ Alborz. Bħala tali huwa responsabbli għad-detenzjoni u l-qtil ta’ Mohammad Reza Ghorbani u għad-detenzjoni u l-istupru ta’ Amrita Abbassi mill-forzi tas-sigurtà ta’ Karaj. Il-ksur sfaċċat u gravi tad-drittijiet tal-bniedem mill-forzi tal-pulizija ġie dokumentat b’mod mifrux minn mindu bdew il-protesti f’nofs Settembru 2022 wara l-mewt ta’ Mahsa Amini. Għalhekk iġorr responsabbiltà għal ksur serju tad-drittijiet tal-bniedem fl-Iran. |
26.6.2023” |