(1)

Ir-Regolament (UE) 2016/429 jipprevedi li biex jidħlu fl-Unjoni, il-konsenji tal-annimali, tal-prodotti ġerminali u tal-prodotti li joriġinaw mill-annimali jridu jkunu ġejjin minn pajjiż terz jew minn territorju, jew minn żona jew kompartiment tiegħu, elenkati f’konformità mal-Artikolu 230(1) ta’ dak ir-Regolament.

(2)

Ir-Regolament Delegat tal-Kummissjoni (UE) 2020/692 (2) jistabbilixxi r-rekwiżiti tas-saħħa tal-annimali li l-konsenji ta’ ċerti speċijiet u kategoriji tal-annimali, tal-prodotti ġerminali u tal-prodotti li joriġinaw mill-annimali li jkunu ġejjin minn pajjiżi terzi jew territorji, jew żoni tagħhom, jew minn kompartimenti tagħhom fil-każ tal-annimali tal-akkwakultura, iridu jkunu konformi magħhom għad-dħul fl-Unjoni.

(3)

Ir-Regolament ta’ Implimentazzjoni tal-Kummissjoni (UE) 2021/404 (3) jistabbilixxi l-listi tal-pajjiżi terzi, it-territorji, iż-żoni jew il-kompartimenti tagħhom, li minnhom hu permess id-dħul fl-Unjoni tal-ispeċijiet u l-kategoriji tal-annimali, tal-prodotti ġerminali u tal-prodotti li joriġinaw mill-annimali li jaqgħu fil-kamp ta’ applikazzjoni tar-Regolament Delegat (UE) 2020/692.

(4)

B’mod iktar partikolari, l-Annessi V u XIV tar-Regolament ta’ Implimentazzjoni (UE) 2021/404 jistabbilixxu l-listi tal-pajjiżi terzi, jew tat-territorji jew taż-żoni tagħhom awtorizzati għad-dħul fl-Unjoni, rispettivament, tal-konsenji tal-pollam, tal-prodotti ġerminali tal-pollam, u tal-laħam frisk tal-pollam u tal-għasafar tal-kaċċa.

(5)

Ir-Renju Unit innotifika lill-Kummissjoni dwar żewġ tifqigħat tal-influwenza avjarja b’patoġeniċità għolja (HPAI) fil-pollam fil-kontijiet ta’ East Sussex u Lincolnshire fl-Ingilterra, li ġew ikkonfermati fit-18 ta’ Mejju 2023 u fl-24 ta’ Mejju 2023, rispettivament, permezz ta’ analiżi tal-laboratorju (RT-PCR).

(6)

Wara dawk it-tifqigħat riċenti tal-HPAI, l-awtoritajiet veterinarji tar-Renju Unit stabbilew żoni ristretti ta’ mill-anqas 10 km madwar l-istabbilimenti affettwati u implimentaw politika ta’ qerda biex jikkontrollaw il-preżenza tal-HPAI u jillimitaw it-tixrid ta’ dik il-marda.

(7)

Ir-Renju Unit issottometta informazzjoni lill-Kummissjoni dwar is-sitwazzjoni epidemjoloġika fit-territorju tiegħu u l-miżuri li ħa biex jipprevjeni t-tixrid ulterjuri tal-HPAI.

(8)

Dik l-informazzjoni ġiet evalwata mill-Kummissjoni. Il-Kummissjoni tqis li, fid-dawl tas-sitwazzjoni tas-saħħa tal-annimali fiż-żoni taħt restrizzjonijiet stabbiliti mill-awtoritajiet veterinarji tar-Renju Unit, id-dħul fl-Unjoni ta’ konsenji tal-pollam, tal-prodotti ġerminali tal-pollam, u ta’ laħam frisk tal-pollam u tal-għasafar tal-kaċċa minn dawk iż-żoni jenħtieġ li jiġi sospiż, sabiex jiġi protett l-istatus tas-saħħa tal-annimali tal-Unjoni.

(9)

Il-Kanada, iċ-Ċilì, ir-Renju Unit u l-Istati Uniti pprovdew informazzjoni aġġornata b’rabta ma’ sitwazzjonijiet li wasslu għas-sospensjoni tad-dħul ta’ xi prodotti fl-Unjoni.

(10)

B’mod partikolari, il-Kanada ssottomettiet informazzjoni aġġornata dwar is-sitwazzjoni epidemjoloġika fit-territorju tagħha b’rabta ma’ tmien tifqigħat tal-HPAI fi stabbilimenti tal-pollam fil-provinċji ta’ Ontario (2), Quebec (5) u Saskatchewan (1) li ġew ikkonfermati bejn is-26 ta’ Settembru 2022 u t-18 ta’ April 2023.

(11)

Barra minn hekk, iċ-Ċilì ssottometta informazzjoni aġġornata dwar is-sitwazzjoni epidemjoloġika fit-territorju tagħha b’rabta ma’ ħames tifqigħat tal-HPAI fi stabbilimenti tal-pollam fir-reġjuni ta’ Valparaíso (4), u O’Higgins (1), li ġew ikkonfermati bejn it-12 ta’ Marzu 2023 u l-20 ta’ April 2023.

(12)

Barra minn hekk, ir-Renju Unit issottometta informazzjoni aġġornata dwar is-sitwazzjoni epidemjoloġika fit-territorju tiegħu b’rabta ma’ tifqigħa tal-HPAI fi stabbilimenti tal-pollam fil-kontea ta’ Yorkshire fl-Ingilterra, ir-Renju Unit, li ġiet ikkonfermata fit-13 ta’ April 2023.

(13)

Barra minn hekk, l-Istati Uniti ssottomettew informazzjoni aġġornata dwar is-sitwazzjoni epidemjoloġika fit-territorju tagħhom b’rabta ma’ 11-il tifqigħa tal-HPAI fl-istabbilimenti tal-pollam fl-istati ta’ California (1), Iowa (2), Mississippi (1), Nebraska (1), New York (1), Pennsylvania (3), South Dakota (1), Washington (1), li ġew ikkonfermati bejn it-12 ta’ Diċembru 2022 u d-19 ta’ April 2023.

(14)

Il-Kanada, iċ-Ċilì, ir-Renju Unit u l-Istati Uniti wkoll issottomettew informazzjoni dwar il-miżuri meħuda biex jevitaw aktar tixrid tal-HPAI. B’mod partikolari, wara dawk it-tifqigħat ta’ dik il-marda, il-Kanada, iċ-Ċilì, ir-Renju Unit u l-Istati Uniti implimentaw politika ta’ qerda biex jikkontrollaw u jillimitaw it-tixrid ta’ dik il-marda, u lestew ukoll ir-rekwiżit tat-tindif u tad-diżinfettar wara l-implimentazzjoni tal-politika ta’ qerda fl-istabbilimenti tal-pollam infettati fit-territorji tagħhom.

(15)

Il-Kummissjoni evalwat l-informazzjoni sottomessa mill-Kanada, miċ-Ċilì, mir-Renju Unit u mill-Istati Uniti. Il-Kummissjoni tqis li l-Kanada, iċ-Ċilì, ir-Renju Unit u l-Istati Uniti pprovdew garanziji xierqa li s-sitwazzjoni tas-saħħa tal-annimali li wasslet għas-sospensjonijiet, ma għadhiex tirrappreżenta theddida għas-saħħa tal-annimali jew għas-saħħa pubblika fl-Unjoni, u li, għaldaqstant, jenħtieġ li jiġi awtorizzat mill-ġdid id-dħul fl-Unjoni tal-prodotti tat-tjur miż-żoni ta’ dawk il-pajjiżi li minnhom kien ġie sospiż id-dħul fl-Unjoni.

(16)

Għalhekk, jenħtieġ li l-Annessi V u XIV tar-Regolament ta’ Implimentazzjoni (UE) 2021/404 jiġu emendati biex titqies is-sitwazzjoni epidemjoloġika attwali fir-rigward tal-HPAI fil-Kanada, fiċ-Ċilì, fir-Renju Unit u fl-Istati Uniti.

(17)

Filwaqt li titqies is-sitwazzjoni epidemjoloġika attwali fil-Kanada, fiċ-Ċilì, fir-Renju Unit u fl-Istati Uniti fir-rigward tal-HPAI u r-riskju serju tal-introduzzjoni tagħha fl-Unjoni, l-emendi li għandhom isiru fl-Annessi V u XIV tar-Regolament ta’ Implimentazzjoni (UE) 2021/404 b’dan ir-Regolament jenħtieġ li jsiru effettivi b’urġenza.

(18)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fl-20 ta’ Settembru 2016, il-Kunsill adotta r-Regolament (UE) 2016/1686.

(2)

Fis-26 ta’ April 2023, il-Kumitat tas-Sanzjonijiet tal-Kunsill tas-Sigurtà tan-Nazzjonijiet Uniti stabbilit skont ir-Riżoluzzjonijiet 1267(1999), 1989(2011) u 2253(2015) tal-Kunsill tas-Sigurtà tan-NU żied żewġ persuni mal-lista ta’ persuni u entitajiet soġġetti għal miżuri restrittivi.

(3)

Fit-3 ta’ Mejju 2023, dawk il-persuni ġew miżjuda mal-Anness I għar-Regolament tal-Kunsill (KE) Nru 881/2002 (2).

(4)

Peress li waħda minn dawk il-persuni kienet diġà ddeżinjata skont ir-Regolament (UE) 2016/1686, jenħtieġ li dik il-persuna titneħħa mill-Anness I għal dak ir-Regolament.

(5)

Għalhekk, jenħtieġ li r-Regolament (UE) 2016/1686 jiġi emendat skont dan,

(1)

L-Artikolu 43 tar-Regolament (UE) 2022/2065 jirrikjedi li l-Kummissjoni timponi fuq il-fornituri ta’ pjattaformi online kbar ħafna u ta’ magni tat-tiftix online kbar ħafna tariffi superviżorji annwali, li l-ammont globali tagħhom għandu jkopri l-istima tal-kostijiet kollha, kif raġonevolment iddeterminat minn qabel, li l-Kummissjoni ġġarrab fir-rigward tal-kompiti superviżorji skont dak ir-Regolament.

(2)

Il-kostijiet li għandhom jiġu stmati għat-tariffi superviżorji imposti fis-sena n jenħtieġ li jiġu ddeterminati billi jitqiesu r-riżorsi umani kollha li għandhom jiġu impjegati mill-Kummissjoni fis-sena n+1 biex jitwettqu l-kompiti msemmija fl-Artikolu 43(2) tar-Regolament (UE) 2022/2065, inklużi l-uffiċjali, l-aġenti temporanji u kuntrattwali u l-esperti nazzjonali sekondati. Filwaqt li jitqies li l-istima tirreferi għall-kostijiet futuri, din jenħtieġ li tkun ibbażata fuq il-kostijiet medji, espressi f’termini ta’ Ekwivalenti għall-Full-Time miżjuda bil-medja tal-kontribuzzjonijiet soċjali applikabbli u n-nefqa operattiva relatata ma’ dawn ir-riżorsi umani. Din in-nefqa operattiva għalhekk jenħtieġ li tinkludi l-kostijiet medji mġarrba sabiex tiġi ospitata unità ta’ persunal Ekwivalenti għall-Full-Time, u biex din tkun tista’ taħdem fl-infrastruttura tal-IT u fiżika tal-Kummissjoni, pereżempju kif iddeterminat b’mod regolari mis-servizzi tal-Kummissjoni fil-kuntest tal-kalkolu tal-kostijiet medji tal-persunal għall-finijiet ta’ rapporti finanzjarji leġiżlattivi.

(3)

Minbarra l-kostijiet imsemmija hawn fuq għar-riżorsi umani, il-Kummissjoni jeħtieġ ukoll li tistma nefqiet operazzjonali u amministrattivi oħra li huma speċifikament relatati mat-twettiq tal-kompiti msemmija fl-Artikolu 43(2) tar-Regolament (UE) 2022/2065, bħal studji, ir-reklutaġġ ta’ esperti, stħarriġiet, missjonijiet, l-organizzazzjoni ta’ laqgħat jew l-iżvilupp jew l-użu ta’ software speċifiku jew għodod jew servizzi tal-IT. Barra minn hekk, l-istima annwali tal-ammont globali tal-kostijiet jenħtieġ li tqis id-differenza bejn l-istima tal-kostijiet u l-kostijiet imġarrba tas-sena ta’ qabel kif jirriżulta mir-rapport annwali adottat mill-Kummissjoni.

(4)

L-ammont globali ta’ kostijiet stmati kull sena mill-Kummissjoni jenħtieġ li jiġġarrab mill-fornituri ta’ pjattaformi online kbar ħafna u ta’ magni tat-tiftix online kbar ħafna permezz tat-tariffi superviżorji imposti fir-rigward tas-servizzi deżinjati soġġetti għat-tariffa superviżorja f’kull sena kalendarja. Sabiex tiġi żgurata l-konsistenza mad-deċiżjonijiet ta’ deżinjazzjoni skont l-Artikolu 33(4) tar-Regolament (UE) 2022/2065, il-kunċett ta’ fornitur ta’ servizz jew ta’ servizzi deżinjati jenħtieġ li jiġi identifikat b’referenza għad-destinatarju jew għad-destinatarji tad-deċiżjoni jew tad-deċiżjonijiet ta’ deżinjazzjoni relatati skont l-Artikolu 33(4) tar-Regolament (UE) 2022/2065. Meta d-deċiżjoni adottata skont l-Artikolu 33(4) tar-Regolament (UE) 2022/2065 tkun indirizzata lil aktar minn persuna ġuridika waħda, id-destinatarji kollha ta’ dik id-deċiżjoni jenħtieġ li jkunu responsabbli b’mod konġunt u in solidum għall-pagament tat-tariffa superviżorja fir-rigward ta’ dak is-servizz jew dawn is-servizzi.

(5)

Is-servizzi li għandhom jitqiesu f’sena n partikolari jenħtieġ li jinkludu dawk li diġà huma soġġetti għall-obbligi applikabbli għal pjattaformi online kbar ħafna u għal magni tat-tiftix online kbar ħafna fil-bidu tas-sena, kif ukoll dawk li fir-rigward tagħhom deċiżjoni ta’ deżinjazzjoni jew deċiżjoni ta’ terminazzjoni tad-deżinjazzjoni tidħol fis-seħħ matul dik is-sena kalendarja, filwaqt li jitqies li d-deċiżjonijiet taż-żewġ kategoriji se jidħlu fis-seħħ 4 xhur wara n-notifika tagħhom lill-fornitur skont l-Artikolu 33(6) tar-Regolament (UE) 2022/2065. Dak il-limitu ta’ żmien jenħtieġ li jiġi kkalkulat f’konformità mar-regoli ġenerali stabbiliti fir-Regolament (KEE, Euratom) Nru 1182/71 tal-Kunsill (2) li jistabbilixxi r-regoli applikabbli għal perjodi, dati u limiti ta’ żmien.

(6)

Il-Kummissjoni jenħtieġ li tistabbilixxi l-ammont globali tat-tariffa superviżorja li għandha tiġi imposta kull sena fuq kull fornitur billi l-ewwel tiddetermina ammont bażiku għal kull servizz deżinjat. L-ammont bażiku għal kull servizz jenħtieġ li jirriżulta mid-diviżjoni tal-kostijiet annwali globali stmati għas-sena n+1 mis-servizzi deżinjati kollha kontabilizzati fis-sena n. Sabiex jiġi ddeterminat l-ammont bażiku, jenħtieġ li jitqies l-għadd ta’ jiem ta’ deżinjazzjoni fis-sena n. It-tieni, sabiex tiġi żgurata l-proporzjonalità tat-tariffi superviżorji individwali b’referenza għad-daqs tas-servizz deżinjat kif jirriżulta mill-għadd ta’ riċevituri attivi medji fix-xahar fl-Unjoni, il-Kummissjoni jenħtieġ li taġġusta l-ammont bażiku b’koeffiċjent proporzjonat għall-għadd ta’ riċevituri attivi li jirriżulta mill-informazzjoni disponibbli.

(7)

Skont l-Artikolu 43(5) tar-Regolament (UE) 2022/2065, kwalunkwe fornitur tas-servizz jew tas-servizzi deżinjati ma għandux iħallas ammont globali ta’ tariffa superviżorja li jaqbeż il-kapaċità ekonomika tiegħu, jiġifieri li jaqbeż 0,05 % tal-introjtu nett annwali dinji tiegħu. Ir-referenza għall-introjtu nett, li jinvolvi d-dħul globali nieqes il-kostijiet tal-fornitur, jenħtieġ li tiżgura li titqies il-kapaċità ta’ ħlas tal-fornitur, inkluż fil-każ ta’ fornituri li jagħmlu telf. Sabiex jiġi identifikat tali limitu f’konformità mal-istandards applikabbli tar-rapportar finanzjarju, jenħtieġ li ssir referenza għall-kunċett ta’ profitt dinji globali fis-sena finanzjarja preċedenti, li għandu jiġi ddeterminat abbażi tal-aħjar ċifri disponibbli tal-fornitur li jirriżultaw mir-rapporti finanzjarji, kif ikkomunikati lill-Kummissjoni. Għalhekk, jenħtieġ li ssir referenza għall-Istandards Internazzjonali tar-Rapportar Finanzjarju applikabbli f’konformità mar-Regolament (KE) Nru 1606/2002 tal-Parlament Ewropew u tal-Kunsill (3), meta użati mill-fornitur ikkonċernat, jew fil-każ alternattiv għad-dikjarazzjonijiet finanzjarji kkompilati f’konformità mar-rekwiżiti ta’ rapportar skont id-Direttiva 2013/34/UE tal-Parlament Ewropew u tal-Kunsill (4). Meta la l-Istandards Internazzjonali tar-Rapportar Finanzjarju u lanqas id-Direttiva 2013/34/UE ma japplikaw għall-fornitur ikkonċernat, jenħtieġ li ssir referenza għal kwalunkwe standard ta’ rapportar aċċettabbli ta’ pajjiż terz ieħor applikabbli għal tali fornitur, bħal standard ta’ rapportar ta’ pajjiż terz li jitqies ekwivalenti għall-Istandards Internazzjonali tar-Rapportar Finanzjarju jew kwalunkwe standard ta’ rapportar ta’ pajjiż terz ieħor li jista’ jitqies bħala ġeneralment aċċettabbli għall-finijiet ta’ kwalunkwe leġiżlazzjoni oħra tal-Unjoni. Meta fornitur ikollu kontijiet konsolidati, il-profitt dinji konsolidat tal-grupp li għalih jappartjeni dak il-fornitur jirrifletti bl-aħjar mod il-kapaċità ekonomika tiegħu li jħallas it-tariffa superviżorja, minħabba li r-riżorsi finanzjarji tal-grupp huma disponibbli għal dak il-fornitur sabiex iħallas l-ammont globali ta’ tariffa imposta għas-servizz jew għas-servizzi deżinjati kollha pprovduti minn dak il-fornitur.

(8)

Jekk l-ammont bażiku impost fuq fornitur partikolari, jew is-somma tal-ammonti bażiċi rilevanti meta fornitur partikolari jipprovdi aktar minn servizz deżinjat wieħed, jaqbeż il-limitu massimu globali, it-tariffa superviżorja finali imposta fuq dak il-fornitur jenħtieġ li titnaqqas kif xieraq. Sabiex jiġi żgurat li fi kwalunkwe każ il-kostijiet annwali globali jitħallsu permezz tat-tariffi superviżorji imposti fis-servizzi kollha deżinjati, l-ammont residwu mhux impost fuq il-fornituri fid-dawl tal-applikazzjoni tal-limitu massimu globali jenħtieġ li jitħallas mill-fornituri li jifdal taħt il-limitu, b’mod proporzjonali għall-formula bażika tal-allokazzjoni. L-allokazzjoni ta’ ammonti residwi fost fornituri oħra ta’ servizzi deżinjati, wara l-applikazzjoni tal-limitu massimu globali, jenħtieġ li tkompli sakemm ma jifdal l-ebda ammont residwu.

(9)

F’konformità mal-Artikolu 43(3) tar-Regolament (UE) 2022/2065, kull sena l-Kummissjoni għandha tadotta atti ta’ implimentazzjoni individwali li jistabbilixxu l-ammont individwali tat-tariffa superviżorja li għandha tiġi imposta fuq kull fornitur għas-servizz jew għas-servizzi speċifikati soġġetti għall-obbligu li titħallas it-tariffa superviżorja matul dik is-sena kalendarja. Il-proċedura annwali biex tiġi imposta t-tariffa għalhekk jenħtieġ li tiġi organizzata b’mod li dawk l-atti ta’ implimentazzjoni jiġu adottati wara li l-kostijiet annwali globali, li se jkunu l-bażi għall-kalkolu tal-ammont globali tat-tariffi superviżorji li għandhom jiġu imposti, jiġu ddeterminati kif stabbilit fid-dokument ta’ tħejjija tal-Kummissjoni mehmuż mal-abbozz tal-baġit skont l-Artikolu 41(8) tar-Regolament (UE, Euratom) 2018/1046 tal-Parlament Ewropew u tal-Kunsill (5) dwar ir-regoli finanzjarji applikabbli għall-baġit ġenerali tal-Unjoni. Barra minn hekk, l-atti ta’ implimentazzjoni individwali jistgħu jiġu adottati biss wara ċerta data, meta jkunu jistgħu jiġu stabbiliti l-għadd u d-daqs tas-servizzi deżinjati soġġetti għat-tariffi superviżorji. Il-proċedura jenħtieġ li tqis ukoll il-kapaċità ekonomika f’termini ta’ profitti tal-fornituri korrispondenti kif identifikati abbażi tal-informazzjoni pprovduta mill-fornitur ikkonċernat. Barra minn hekk, l-ammont proviżorju tat-tariffa li għandha tiġi imposta jenħtieġ li jiġi kkomunikat lill-fornitur ikkonċernat qabel l-adozzjoni ta’ kwalunkwe deċiżjoni ta’ implimentazzjoni mill-Kummissjoni, sabiex tingħata l-opportunità li jiġu ppreżentati osservazzjonijiet li għandhom jitqiesu fid-determinazzjoni finali tat-tariffa superviżorja. Wara li tqis l-osservazzjonijiet ippreżentati, jenħtieġ li l-Kummissjoni tadotta l-att ta’ implimentazzjoni korrispondenti li jistabbilixxi t-tariffa superviżorja individwali li għandha titħallas bħala l-ammont riċevibbli skont l-Artikolu 98 tar-Regolament (UE, Euratom) 2018/1046, li trid titħallas sa tmiem dik l-istess sena kalendarja, sabiex ir-riżorsi meħtieġa jkunu disponibbli biex ikopru l-kostijiet stmati għas-sena ta’ wara.

(10)

In-nuqqas ta’ pagament sal-iskadenza ddeterminata mill-atti ta’ implimentazzjoni jenħtieġ li jwassal għall-irkupru tal-ammont mhux imħallas flimkien mal-imgħax ta’ inadempjenza bir-rata ta’ rifinanzjament tal-Bank Ċentrali Ewropew miżjuda bi 3,5 %, f’konformità mal-Artikolu 99(2) tar-Regolament (UE, Euratom) 2018/1046.

(11)

Sabiex jiġu żgurati l-akkontabbiltà u t-trasparenza tal-kostijiet imġarrba u tad-dħul miġbur mill-Kummissjoni għall-kompiti superviżorji mwettqa skont ir-Regolament (UE) 2022/2065, il-Kummissjoni jenħtieġ li tirrapporta kull sena lill-Parlament Ewropew u lill-Kunsill u tagħmel dan ir-rapport disponibbli għall-pubbliku fuq is-sit web tagħha. Barra minn hekk, sabiex tiġi żgurata l-konsistenza bejn l-istima tal-kostijiet u l-kostijiet superviżorji speċifiċi effettivament imġarrba għal dik is-sena, ir-rapport jenħtieġ li jqabbel speċifikament l-ammonti rilevanti, abbażi tal-pagamenti mwettqa b’mod effettiv fil-perjodu rilevanti għal kull kategorija ta’ kostijiet ikkonċernata msemmija fl-Artikolu 43(2) tar-Regolament (UE) 2022/2065, kif ukoll kwalunkwe nefqa impenjata imwettqa matul dik is-sena, inkluż wara kwalunkwe deċiżjoni ġudizzjarja maħruġa matul dik is-sena. Kwalunkwe differenza bejn l-ammont stmat u l-kostijiet effettivament imġarrba jenħtieġ li ma taffettwax l-ammont ta’ tariffi superviżorji imposti għas-sena rilevanti, iżda din jenħtieġ li titqies fl-istima li jmiss, jew billi jitnaqqas kwalunkwe surplus mill-kostijiet totali stmati għas-sena n+2 jew billi jiżdied kwalunkwe defiċit mal-kostijiet totali stmati għas-sena n+2.

(12)

L-istima tal-kostijiet jenħtieġ li tidentifika l-kostijiet li huma ppjanati li jiġġarrbu fis-sena kalendarja ta’ wara, sabiex jiġi żgurat li jitqiegħdu riżorsi suffiċjenti minn qabel għad-dispożizzjoni tal-Kummissjoni. Fil-perjodu mid-dħul fis-seħħ tar-Regolament (UE) 2022/2065 sal-1 ta’ Jannar 2024, il-Kummissjoni diġà se tkun ġarrbet jew ippjanat kostijiet skont l-Artikolu 43(2) tar-Regolament (UE) 2022/2065 li ma setgħux jiġu koperti minn l-ebda tariffa superviżorja preċedenti u għalhekk kellhom ikunu koperti b’mod ġenerali minn approprjazzjonijiet oħra previsti fil-baġit ivvutat tal-Unjoni għall-2023. Għalhekk, għall-fini tad-determinazzjoni tat-tariffi globali li għandhom jiġu imposti fl-2023, huma biss il-kostijiet li mhumiex diġà koperti mill-approprjazzjonijiet eżistenti fil-baġit ġenerali tal-Unjoni għall-2023 li jistgħu jiżdiedu mal-kostijiet stmati għall-2024, f’konformità mal-informazzjoni prevista fil-prospett li jakkumpanja l-istima. Għaldaqstant, bl-għan li jiġi stabbilit kwalunkwe surplus jew defiċit li għandu jitqies fl-istima suċċessiva, l-ewwel rapport lill-Parlament Ewropew u lill-Kunsill għandu jqis biss dawn il-kostijiet imġarrba fl-2022 mid-dħul fis-seħħ tar-Regolament (UE) 2022/2065 u fl-2023 li ma kinux diġà koperti mill-approprjazzjonijiet eżistenti,

(1)

“servizz deżinjat” tfisser servizz intermedjarju deżinjat bħala pjattaforma online kbira ħafna jew magna tat-tiftix online kbira ħafna skont l-Artikolu 33(4) tar-Regolament (UE) 2022/2065;

(2)

“fornitur ta’ servizz jew ta’ servizzi deżinjati” tfisser kull fornitur li lilu tiġi indirizzata deċiżjoni waħda jew aktar tal-Kummissjoni li jiddeżinjaw pjattaforma online kbira ħafna jew magna tat-tiftix online kbira ħafna skont l-Artikolu 33(4) tar-Regolament (UE) 2022/2065;

(3)

“ammont bażiku” tfisser l-ammont ikkalkolat għal kull servizz deżinjat f’konformità mal-Artikolu 4 u qabel l-applikazzjoni tal-limitu massimu globali msemmi fl-Artikolu 5.

(a)

kwalunkwe servizz li, fl-1 ta’ Jannar ta’ dik is-sena, kien diġà soġġett għall-obbligi tat-Taqsima 5 tal-Kapitolu III tar-Regolament (UE) 2022/2065 f’konformità mal-Artikolu 33(6) ta’ dak ir-Regolament, inkluż kwalunkwe servizz li t-terminazzjoni tad-deżinjazzjoni tiegħu ssir applikabbli skont l-Artikolu 33(6) ta’ dak ir-Regolament wara dik id-data;

(b)

kwalunkwe servizz li jsir soġġett għall-obbligi tat-Taqsima 5 tal-Kapitolu III tar-Regolament (UE) 2022/2065 f’konformità mal-Artikolu 33(6) ta’ dak ir-Regolament bejn l-1 ta’ Jannar u l-31 ta’ Diċembru ta’ dik is-sena.

(1)

Il-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (il-“Ftehim dwar il-Ħruġ”) ġie konkluż f’isem l-Unjoni permezz tad-Deċiżjoni tal-Kunsill (UE) 2020/135 (2) u daħal fis-seħħ fl-1 ta’ Frar 2020. Il-perjodu ta’ tranżizzjoni msemmi fl-Artikolu 126 tal-Ftehim dwar il-Ħruġ, li matulu d-dritt tal-Unjoni kompla japplika għar-Renju Unit u fih, f’konformità mal-Artikolu 127 tal-Ftehim dwar il-Ħruġ (il-“perjodu ta’ tranżizzjoni”), intemm fil-31 ta’ Diċembru 2020.

(2)

Il-Protokoll dwar l-Irlanda/l-Irlanda ta’ Fuq (il-“Protokoll”) jifforma parti integrali mill-Ftehim dwar il-Ħruġ.

(3)

Skont l-Artikolu 6(3) tal-Ftehim dwar il-Ħruġ u l-Artikolu 5(3) u (4) tal-Protokoll, il-leġiżlazzjoni doganali kif iddefinita fil-punt (2) tal-Artikolu 5 tar-Regolament (UE) Nru 952/2013 u l-atti tal-Unjoni li jissupplimentawh jew jimplimentawh tapplika għar-Renju Unit u fih fir-rigward tal-Irlanda ta’ Fuq wara tmiem il-perjodu ta’ tranżizzjoni.

(4)

B’konsegwenza ta’ dan, f’konformità mar-Regolament Delegat tal-Kummissjoni (UE) 2015/2446 (3), il-merkanzija miġjuba lejn l-Irlanda ta’ Fuq minn parti oħra tar-Renju Unit trid tkun koperta minn dikjarazzjoni doganali bis-sett tad-data stabbilit għall-merkanzija rrilaxxata għaċ-ċirkolazzjoni libera fil-kolonna H1 tal-Anness B ta’ dan ir-Regolament, li tinkludi aktar minn 80 element tad-data.

(5)

Biex jitqiesu ċ-ċirkostanzi speċifiċi fl-Irlanda ta’ Fuq, il-formalitajiet doganali jenħtieġ li jiġu ffaċilitati għall-operaturi ekonomiċi (“negozjanti fdati”) awtorizzati, skont l-Artikoli 9 sa 11 tad-Deċiżjoni Nru 1/2023 tal-Kumitat Konġunt stabbilit bil-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (4) (“id-Deċiżjoni Nru 1/2023”), li jdaħħlu fl-Irlanda ta’ Fuq minn parti oħra tar-Renju Unit permezz ta’ trasport dirett, merkanzija li titqies li mhix f’riskju li sussegwentement tiġi mċaqilqa fl-Unjoni waħedha jew bħala parti minn oġġett ieħor skont it-tifsira tal-Artikolu 5(1) u (2) tal-Protokoll (“merkanzija mhux f’riskju”). Għal dak l-għan, jenħtieġ li jitfassal sett tad-data mnaqqas ħafna (H8) biex tali merkanzija tiġi rrilaxxata għaċ-ċirkolazzjoni libera.

(6)

Jeħtieġ jiġu stabbiliti l-kundizzjonijiet biex in-negozjanti fdati jkunu jistgħu jibbenefikaw mis-simplifikazzjoni doganali li tikkonsisti fid-dħul fir-rekords tad-dikjarant meta jdaħħlu merkanzija mhux f’riskju fl-Irlanda ta’ Fuq minn parti oħra tar-Renju Unit permezz ta’ trasport dirett, anke meta n-negozjanti fdati ma jissodisfawx il-kriterji kollha stabbiliti fl-Artikolu 39 tar-Regolament (UE) Nru 952/2013.

(7)

Biex jiġi ffaċilitat il-moviment ta’ merkanzija mhux f’riskju li hija ta’ natura mhux kummerċjali, mibgħuta f’pakketti permezz ta’ trasport dirett minn individwu privat minn parti oħra tar-Renju Unit lil individwu privat residenti fl-Irlanda ta’ Fuq, jew ta’ merkanzija mhux f’riskju li tintbagħat f’pakketti permezz ta’ trasport dirett permezz ta’ trasportatur irreġistrat f’konformità mal-Artikoli 12 u 13 tad-Deċiżjoni Nru 1/2023 (“trasportatur awtorizzat”) minn operatur ekonomiku stabbilit fir-Renju Unit lil individwu privat residenti fl-Irlanda ta’ Fuq, jixraq li jitneħħew ċerti formalitajiet doganali għal din il-merkanzija.

(8)

Biex jiġi ffaċilitat ukoll il-moviment tal-merkanzija mibgħuta f’pakketti li jiġu rritornati f’konformità mal-Artikolu 203 tal-Kodiċi lil operatur ekonomiku stabbilit fl-Irlanda ta’ Fuq minn individwu privat minn parti oħra tar-Renju Unit permezz ta’ trasportatur awtorizzat, jixraq li jitneħħew ċerti formalitajiet doganali għal din il-merkanzija peress li tiġi rritornata kif inhi lejn l-Irlanda ta’ Fuq.

(9)

Għaldaqstant, jenħtieġ li r-Regolament Delegat (UE) 2015/2446 jiġi emendat skont dan,

(1)

fl-Artikolu 1, jiżdiedu l-punti (55) u (56) li ġejjin:

(*1)  Id-Deċiżjoni Nru 1/2023 tal-Kumitat Konġunt stabbilit bil-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika tal-24 ta’ Marzu 2023 li tistabbilixxi l-arranġamenti relatati mal-Qafas ta’ Windsor [2023/819], ĠU L 102, 17.4.2023, p. 61."

(*2)   ĠU L 29, 31.1.2020, p. 7.”;"

(2)

fl-Artikolu 104(1), jiżdiedu l-punti (r), (s) u (t) li ġejjin:

(3)

fl-Artikolu 138, jiżdiedu dawn il-punti (k), (l) u (m):

(4)

il-paragrafu 1 tal-Artikolu 141 huwa emendat kif ġej:

(5)

fl-Artikolu 142, jiżdied il-punt (iii) li ġej wara l-punt (c):

(6)

L-Artikolu 143b jiżdied kif ġej:

(*3)  Il-Protokoll dwar l-Irlanda/l-Irlanda ta’ Fuq tal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (ĠU L 29, 31.1.2020, p. 7).”;"

(7)

fl-Artikolu 150, il-paragrafu 1a jiżdied kif ġej:

(8)

l-Anness B huwa emendat kif stabbilit fl-Anness I;

(9)

jiddaħħal Anness 52-02 ġdid kif stabbilit fl-Anness II ta’ dan ir-Regolament;

(10)

jiddaħħal Anness 52-03 ġdid kif stabbilit fl-Anness III ta’ dan ir-Regolament.

(1)

Ir-Regolament tal-Kunsill (UE) 2023/194 (2) jistabbilixxi l-kwoti għall-2023.

(2)

Skont it-tagħrif li rċeviet il-Kummissjoni, il-qabdiet tal-istokk tas-sawrell li, l-bastimenti li jtajru l-bandiera tal-Portugall jew li huma rreġistrati f’dak il-pajjiż, għamlu fiż-żona 8 c, eżawrew il-kwota allokata għalihom għall-2023.

(3)

Għalhekk jeħtieġ li jiġu pprojbiti ċerti attivitajiet tas-sajd għal dak l-istokk,

(1)

F’konformità mal-Artikolu 53(1), l-ewwel subparagrafu tar-Regolament (UE) Nru 1151/2012, il-Kummissjoni eżaminat it-talba ta’ Franza għall-approvazzjoni ta’ emenda tal-Ispeċifikazzjoni tal-Prodott tal-Indikazzjoni Ġeografika Protetta “Moutarde de Bourgogne”, irreġistrata skont ir-Regolament tal-Kummissjoni (KE) Nru 1131/2009 (2).

(2)

Billi l-emenda kkonċernata mhix minuri skont it-tifsira tal-Artikolu 53(2) tar-Regolament (UE) Nru 1151/2012, il-Kummissjoni ppubblikat it-talba biex issir emenda f’Il-Ġurnal Uffiċjali tal-Unjoni Ewropea (3), kif stipulat fl-Artikolu 50(2)(a) ta’ dak ir-Regolament.

(3)

Billi l-Kummissjoni ma rċeviet l-ebda dikjarazzjoni ta’ oppożizzjoni f’konformità mal-Artikolu 51 tar-Regolament (UE) Nru 1151/2012, għalhekk jenħtieġ li l-modifika tal-Ispeċifikazzjoni tal-Prodott tiġi approvata,

(1)

Biex tiġi żgurata l-applikazzjoni uniformi tan-Nomenklatura Magħquda annessa mar-Regolament tal-Kunsill (KEE) Nru 2658/87 (2), jeħtieġ li jiġu adottati miżuri li jikkonċernaw il-klassifikazzjoni tal-oġġetti msemmija fl-Anness ta’ dan ir-Regolament.

(2)

Ir-Regolament (KEE) Nru 2658/87 stipula r-regoli ġenerali għall-interpretazzjoni tan-Nomenklatura Magħquda. Dawn ir-regoli japplikaw ukoll għal kwalunkwe nomenklatura oħra li hija totalment jew parzjalment ibbażata fuqha jew li żżid xi suddiviżjoni addizzjonali magħha u li hija stabbilita minn dispożizzjonijiet speċifiċi tal-Unjoni, bl-għan li jkun hemm l-applikazzjoni ta’ tariffi u miżuri oħra relatati mal-kummerċ tal-oġġetti.

(3)

Skont dawk ir-regoli ġenerali, l-oġġetti deskritti fil-kolonna (1) tat-tabella stabbilita fl-Anness jenħtieġ li jiġu kklassifikati taħt il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta’ dik it-tabella.

(4)

Jixraq li jiġi previst li l-informazzjoni vinkolanti dwar it-tariffi maħruġa għall-oġġetti kkonċernati minn dan ir-Regolament li ma tikkonformax ma’ dan ir-Regolament, tkun tista’ tibqa’ tiġi invokata mid-detentur, għal ċertu perjodu, skont l-Artikolu 34(9) tar-Regolament (UE) Nru 952/2013. Dak il-perjodu jenħtieġ li jkun ta’ tliet xhur.

(5)

Il-miżuri stipulati f’dan ir-Regolament huma skont l-opinjoni tal-Kumitat tal-Kodiċi Doganali,

(1)

L-entrati 28, 29 u 30 tal-Anness XVII tar-Regolament (KE) Nru 1907/2006 jipprojbixxu t-tqegħid fis-suq u l-użu għall-forniment lill-pubbliku ġenerali ta’ sustanzi li huma kklassifikati bħala sustanzi karċinoġeniċi, mutaġeniċi jew tossiċi għar-riproduzzjoni (CMR), tal-kategoriji 1 A jew 1B, u elenkati fl-Appendiċijiet 1 sa 6 ta’ dak l-Anness, u ta’ taħlitiet li jkun fihom sustanzi bħal dawn f’konċentrazzjonijiet ogħla minn dawk speċifikati.

(2)

Is-sustanzi kklassifikati bħala CMR huma elenkati fil-Parti 3 tal-Anness VI tar-Regolament (KE) Nru 1272/2008 tal-Parlament Ewropew u tal-Kunsill (2).

(3)

L-Appendiċijiet 2 u 6 tal-Anness XVII tar-Regolament (KE) Nru 1907/2006 jenħtieġ li jiġu emendati sabiex jirriflettu l-klassifikazzjoni l-ġdida tas-sustanzi bħala CMR fir-Regolament (KE) Nru 1272/2008 kif emendat bir-Regolament Delegat tal-Kummissjoni (UE) 2022/692 (3). Għalhekk jixraq li s-sustanzi CMR tal-kategoriji 1 A jew 1B li għadhom kif ġew ikklassifikati jiddaħħlu fl-Appendiċijiet 2 u 6 tal-Anness XVII tar-Regolament (KE) Nru 1907/2006.

(4)

Il-klassifikazzjoni l-ġdida tas-sustanzi fir-Regolament (KE) Nru 1272/2008 se tapplika mill-1 ta’ Diċembru 2023. Għalhekk, ir-restrizzjoni introdotta b’dan ir-Regolament fir-rigward tas-sustanzi kklassifikati bir-Regolament (UE) 2022/692 bħala CMR tal-kategorija 1 A jew 1B jenħtieġ li tapplika mill-istess data. Id-data tal-applikazzjoni ma tipprevjenix lill-operaturi milli japplikaw ir-restrizzjonijiet relatati mas-sustanzi CMR tal-kategorija 1 A jew 1B elenkati fl-Anness tar-Regolament Delegat (UE) 2022/692 iktar kmieni.

(5)

Għadd ta’ entrati fi grupp huma inklużi fil-Parti 3 tal-Anness VI tar-Regolament (KE) Nru 1272/2008. F’ċerti każijiet, hemm rekwiżiti ta’ klassifikazzjoni għal sustanzi speċifiċi li jkunu koperti bl-entrata għal grupp. F’dawn il-każijiet entrata speċifika tiġi inkluża fil-Parti 3 tal-Anness VI tar-Regolament (KE) Nru 1272/2008 għas-sustanza u l-entrata għal grupp f’dak ir-Regolament imbagħad tiġi annotata bil-frażi “minbarra dawk speċifikati xi mkien ieħor f’dan l-Anness”. Għalhekk, l-inkorporazzjoni ta’ dawk is-sustanzi fl-Appendiċijiet 1 sa 6 tal-Anness XVII tar-Regolament (KE) Nru 1907/2006 jeħtieġ li tirrifletti dik l-annotazzjoni li tirreferi għall-Anness VI tar-Regolament (KE) Nru 1272/2008. Madankollu, it-test fl-entrati bin-numri tal-indiċi 033-005-00-1, 050-008-00-3, 082-001-00-6, 609-026-00-2 u 650-017-00-8 jidher li jirreferi għal Anness tar-Regolament (KE) Nru 1907/2006 minflok l-Anness VI tar-Regolament (KE) Nru 1272/2008. Għaldaqstant, jenħtieġ li dawk l-entrati jiġu adattati skont dan.

(6)

Għalhekk, jenħtieġ li r-Regolament (KE) Nru 1907/2006 jiġi emendat skont dan.

(7)

Il-miżuri previsti f’dan ir-Regolament huma skont l-opinjoni tal-Kumitat stabbilit bl-Artikolu 133(1) tar-Regolament (KE) Nru 1907/2006,

(1)

Fit-23 ta’ April 2019, Lysoform Dr. Hans Rosemann GmbH issottomettiet applikazzjoni lill-Aġenzija Ewropea għas-Sustanzi Kimiċi (“l-Aġenzija”) f’konformità mal-Artikolu 43(1) tar-Regolament (UE) Nru 528/2012 u l-Artikolu 4 tar-Regolament ta’ Implimentazzjoni tal-Kummissjoni (UE) Nru 414/2013 (2) għall-awtorizzazzjoni tal-Unjoni tal-istess prodott bijoċidali uniku, kif imsemmi fl-Artikolu 1 ta’ dak ir-Regolament, imsemmi “Superficid express”, tat-tipi ta’ prodott 2 u 4, kif deskritt fl-Anness V tar-Regolament (UE) Nru 528/2012. L-applikazzjoni ġiet irreġistrata bin-numru tal-każ BC-FD051101-74 fir-Reġistru tal-Prodotti Bijoċidali (“ir-Reġistru”). L-applikazzjoni indikat ukoll in-numru tal-applikazzjoni tal-familja ta’ prodotti bijoċidali ta’ referenza relatata “Knieler & Team Propanol Family”, irreġistrata fir-Reġistru bin-numru tal-każ BC-AQ050985-22.

(2)

L-istess prodott bijoċidali uniku “Superficid express” fih il-propan-1-ol u l-propan-2-ol bħala s-sustanzi attivi, li huma inklużi fil-lista tal-Unjoni ta’ sustanzi attivi approvati msemmija fl-Artikolu 9(2) tar-Regolament (UE) Nru 528/2012 għat-tipi ta’ prodott 2 u 4.

(3)

Fit-8 ta’ Diċembru 2021, f’konformità mal-Artikolu 6 tar-Regolament ta’ Implimentazzjoni (UE) Nru 414/2013, l-Aġenzija ssottomettiet lill-Kummissjoni opinjoni (3) u l-abbozz tas-sommarju tal-karatteristiċi tal-prodotti bijoċidali (“SPC”) tas-“Superficid express”.

(4)

L-opinjoni tikkonkludi li d-differenzi proposti bejn l-istess prodott bijoċidali uniku u l-prodott bijoċidali ta’ referenza relatat huma limitati għall-informazzjoni li tista’ tkun soġġetta għal bidla amministrattiva f’konformità mar-Regolament ta’ Implimentazzjoni tal-Kummissjoni (UE) Nru 354/2013 (4), u li abbażi tal-valutazzjoni tal-familja ta’ prodotti bijoċidali ta’ referenza relatata “Knieler & Team Propanol Family” u soġġett għall-konformità mal-abbozz tal-SPC, l-istess prodott bijoċidali uniku jissodisfa l-kundizzjonijiet stabbiliti fl-Artikolu 19(1) tar-Regolament (UE) Nru 528/2012.

(5)

Fl-24 ta’ Ottubru 2022, l-Aġenzija bagħtet lill-Kummissjoni l-abbozz tal-SPC fil-lingwi uffiċjali kollha tal-Unjoni f’konformità mal-Artikolu 44(4) tar-Regolament (UE) Nru 528/2012.

(6)

Il-Kummissjoni taqbel mal-opinjoni tal-Aġenzija u għalhekk tqis li jixraq li tingħata awtorizzazzjoni tal-Unjoni għall-istess prodott bijoċidali uniku “Superficid express”.

(7)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Prodotti Bijoċidali,

(1)

Spodoptera frugiperda (Smith) (“il-pest speċifikat”) huwa elenkat fil-Parti A tal-Anness II tar-Regolament ta’ Implimentazzjoni tal-Kummissjoni (UE) 2019/2072 (2) bħala pest mhux magħruf li jseħħ fit-territorju tal-Unjoni. Huwa elenkat ukoll bħala pest ta’ prijorità fl-Anness tar-Regolament Delegat tal-Kummissjoni (UE) 2019/1702 (3).

(2)

Id-Deċiżjoni ta’ Implimentazzjoni tal-Kummissjoni (UE) 2018/638 (4) tistabbilixxi miżuri ta’ emerġenza li jipprevjenu l-introduzzjoni u t-tixrid fit-territorju tal-Unjoni ta’ dak il-pest.

(3)

Mill-adozzjoni tad-Deċiżjoni ta’ Implimentazzjoni (UE) 2018/638, il-pest speċifikat kompla jinfirex malajr madwar id-dinja u lejn it-territorju tal-Unjoni. F’Jannar 2023, il-preżenza tiegħu ġiet ikkonfermata uffiċjalment f’Ċipru.

(4)

Barra minn hekk, l-għadd ta’ każijiet ta’ nuqqas ta’ konformità mal-leġiżlazzjoni tal-Unjoni fir-rigward tal-preżenza tal-pest speċifikat fuq il-komoditajiet importati baqa’ għoli, u l-għadd ta’ speċijiet ta’ pjanti li fuqhom qiegħed jiġi interċettat il-pest speċifikat, qed jiżdied.

(5)

Minħabba t-tixrid kontinwu tal-pest speċifikat, is-sejba reċenti tiegħu fit-territorju tal-Unjoni u l-każijiet ta’ nuqqas ta’ konformità mal-leġiżlazzjoni tal-Unjoni fil-kummerċ ta’ ċerti pjanti, huma meħtieġa miżuri biex l-Unjoni tiġi protetta minn dak il-pest.

(6)

Għalhekk, ċerti pjanti (“pjanti speċifikati”) jenħtieġ li jiġu elenkati f’dan ir-Regolament u jkunu soġġetti għal rekwiżiti speċifiċi. Il-lista ta’ pjanti speċifikati jenħtieġ li tinkludi speċijiet ta’ pjanti li l-introduzzjoni tagħhom fl-Unjoni kienet relatata man-nuqqas ta’ konformità mal-leġiżlazzjoni tal-Unjoni fir-rigward tal-preżenza tal-pest speċifikat.

(7)

L-Istati Membri jenħtieġ li jwettqu stħarriġ annwali għall-preżenza tal-pest speċifikat, bl-użu ta’ approċċ ibbażat fuq ir-riskju f’konformità mal-aħħar informazzjoni xjentifika u teknika u abbażi tal-Karta ta’ Stħarriġ dwar il-Pesti dwar Spodoptera frugiperda (5) ppubblikata mill-Awtorità Ewropea dwar is-Sigurtà fl-Ikel (“l-Awtorità”). Sabiex tiġi żgurata ħarsa ġenerali aħjar lejn il-preżenza tal-pest speċifikat, l-Anness I ta’ dan ir-Regolament jelenka l-pjanti ospitanti tal-pest speċifikat, li jenħtieġ li jiġu mistħarrġa.

(8)

L-Istati Membri jenħtieġ li jfasslu u jżommu aġġornat pjan ta’ kontinġenza għall-pest speċifikat f’konformità mar-Regolament (UE) 2016/2031. Sabiex jinkiseb approċċ armonizzat fost l-Istati Membri, huwa meħtieġ li jiġu adottati regoli speċifiċi li jimplimentaw l-Artikolu 25 ta’ dak ir-Regolament fir-rigward tal-pjanijiet ta’ kontinġenza għall-pest speċifikat li jiżguraw li l-pjan ikun fih l-elementi kollha meħtieġa f’każ ta’ sejbiet ġodda tal-pest speċifikat.

(9)

Sabiex jinqered il-pest speċifikat u biex jiġi pprevenut it-tixrid tiegħu fit-territorju tal-Unjoni, l-Istati Membri jenħtieġ li jistabbilixxu żoni demarkati li jikkonsistu minn żona infestata u minn żona ta’ lqugħ, u għandhom japplikaw miżuri ta’ eradikazzjoni. Iż-żona ta’ lqugħ jenħtieġ li tkun wiesa’ mill-inqas 5 km u mhux aktar minn 100 km, peress li firxa kbira bħal din hija xierqa meta jitqiesu l-kapaċità migratorja tal-pest speċifikat, il-preżenza tal-pjanti ospitanti u l-karatteristiċi ġeografiċi taż-żona.

(10)

Madankollu, f’każijiet ta’ sejbiet iżolati tal-pest speċifikat, jenħtieġ li l-istabbiliment ta’ żona demarkata ma jkunx meħtieġ jekk il-pest speċifikat ikun jista’ jiġi eliminat minn dawk il-pjanti u jekk ikun hemm evidenza li dawk il-pjanti kienu infestati qabel l-introduzzjoni tagħhom fiż-żona jew li din tkun sejba iżolata li ma hijiex mistennija twassal għall-istabbiliment tal-pest speċifikat jew sejba f’sit tal-produzzjoni b’iżolament fiżiku kontra l-pest speċifikat jew f’serra f’żoni fejn il-pest ma jistax jiġi stabbilit fuq barra. Dan huwa l-aktar approċċ proporzjonat, jekk l-istħarriġ imwettaq fiż-żona kkonċernata jikkonferma n-nuqqas tal-pest speċifikat.

(11)

Sabiex jiġi evitat aktar tixrid tal-pest speċifikat lejn il-bqija tat-territorju tal-Unjoni, jenħtieġ li l-istħarriġ taż-żoni ta’ lqugħ jitwettqu kull sena fl-aktar żmien xieraq tas-sena u b’intensità suffiċjenti. It-tneħħija tad-demarkazzjoni jenħtieġ li sseħħ wara stħarriġ għal żmien suffiċjenti biex jiġi kkonfermat in-nuqqas tal-pest speċifikat.

(12)

Jenħtieġ li jittieħdu miżuri speċifiċi ta’ eradikazzjoni mill-awtoritajiet kompetenti fiż-żoni infestati għall-eradikazzjoni tal-pest speċifikat. Dawk il-miżuri jinkludu l-miżuri ta’ kontroll biex jiġi eradikat il-pest speċifikat u l-moviment tal-ħamrija miż-żona infettata.

(13)

Peress li l-pest speċifikat instab fit-territorju tal-Unjoni, huwa ġġustifikat li jiġu stabbiliti rekwiżiti speċjali għall-moviment tal-pjanti speċifikati ’l barra miż-żoni demarkati.

(14)

Ir-rekwiżiti speċjali għall-importazzjoni fl-Unjoni ta’ frott ta’ Capsicum L., Momordica L., Solanum aethiopicum L., Solanum macrocarpon L. u Solanum melongena L. u pjanti ta’ Zea mays L., u d-dispożizzjonijiet dwar l-obbligi ta’ stħarriġ tal-Istati Membri stabbiliti fid-Deċiżjoni ta’ Implimentazzjoni (UE) 2018/638, jenħtieġ li jiġu inklużi f’dan ir-Regolament. Dan huwa meħtieġ biex jittejbu ċ-ċarezza u ċ-ċertezza legali dwar l-applikazzjoni tar-rekwiżiti temporali kollha fir-rigward tal-pest speċifikat. Għall-istess raġuni, jenħtieġ li dik id-Deċiżjoni ta’ Implimentazzjoni titħassar u tiġi sostitwita b’dan ir-Regolament.

(15)

Ir-riskju fitosanitarju tal-pest speċifikat għadu ma ġiex ivvalutat bis-sħiħ, minħabba li l-firxa tal-pjanti speċifikati tiegħu għadha inċerta. Din jeħtieġ li titlesta wara s-sejba kurrenti fit-territorju tal-Unjoni u t-tixrid u l-istabbiliment tiegħu f’pajjiżi terzi. Għalhekk, jenħtieġ li dan ir-Regolament japplika sal-31 ta’ Diċembru 2025 biex jippermetti evalwazzjoni u rieżami ulterjuri tal-firxa tal-pjanti speċifikati, il-każijiet ta’ nuqqas ta’ konformità mal-leġiżlazzjoni tal-Unjoni fir-rigward tal-pest speċifikat u l-effettività tal-miżuri meħuda fit-territorju tal-Unjoni.

(16)

Il-pjanti ta’ Asparagus officinalis L., minbarra z-zkuk mgħottija matul il-ħajja kollha tagħhom mill-ħamrija, it-trab tad-dakra ħaj, il-kulturi tat-tessuti tal-pjanti u ż-żrieragħ, jenħtieġ li jiġu elenkati fil-Parti A tal-Anness XI tar-Regolament ta’ Implimentazzjoni (UE) 2019/2072. Dan huwa meħtieġ sabiex ikun hemm konformità mal-punti (c) u (e) tal-Artikolu 72(1) tar-Regolament (UE) 2016/2031, li jistabbilixxi l-elenkar rispettiv tal-pjanti soġġetti għad-dispożizzjonijiet imsemmija f’dawk il-punti.

(17)

Sabiex ir-riskju tal-pest speċifikat jiġi indirizzat malajr kemm jista’ jkun, jenħtieġ li dan ir-Regolament jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea. Id-dispożizzjoni dwar il-pjanijiet ta’ kontinġenza jenħtieġ li tapplika mill-1 ta’ Awwissu 2023.

(18)

Ir-rekwiżiti dwar l-introduzzjoni tal-pjanti speċifikati fl-Unjoni u l-moviment tagħhom barra miż-żoni demarkati lejn il-bqija tat-territorju tal-Unjoni, jenħtieġ li japplikaw mill-1 ta’ Lulju 2023, sabiex l-awtoritajiet kompetenti, l-operaturi tan-negozju u l-pajjiżi terzi jingħataw biżżejjed żmien biex jadattaw għar-rekwiżiti li jirriżultaw minn dawk id-dispożizzjonijiet.

(19)

Ir-rekwiżiti li jikkonċernaw l-introduzzjoni fl-Unjoni ta’ pjanti ta’ Asparagus officinalis L., minbarra z-zkuk mgħottija matul il-ħajja kollha tagħhom mill-ħamrija, it-trab tad-dakra ħaj, il-kulturi tat-tessuti tal-pjanti u ż-żrieragħ, jenħtieġ li japplikaw mill-1 ta’ Settembru 2023. Dan huwa meħtieġ sabiex l-awtoritajiet kompetenti tal-pajjiżi terzi jingħataw biżżejjed żmien biex iwettqu l-istħarriġ rispettiv għall-preżenza tal-pest speċifikat fuq dawk il-pjanti.

(20)

Konsegwentement, jenħtieġ li l-Artikoli 3 u 4 tad-Deċiżjoni ta’ Implimentazzjoni (UE) 2018/638 dwar l-introduzzjoni fl-Unjoni tal-pjanti speċifikati jkomplu japplikaw sat-30 ta’ Ġunju 2023, sabiex tiġi evitata kwalunkwe lakuna legali u jiġi żgurat li l-introduzzjoni fl-Unjoni tal-pjanti rispettivi tibqa’ soġġetta għal rekwiżiti xierqa kontra l-preżenza tal-pest speċifikat.

(21)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

“pest speċifikat” tfisser Spodoptera frugiperda (Smith);

(2)

“pjanti speċifikati” tfisser:

(3)

“pjanti ospitanti” tfisser pjanti elenkati fl-Anness I.