(1)

Ir-Regolament tal-Kunsill (UE) 2023/194 (1) jistabbilixxi għall-2023 l-opportunitajiet tas-sajd għal ċerti stokkijiet tal-ħut, applikabbli fl-ilmijiet tal-Unjoni u, għall-bastimenti tas-sajd tal-Unjoni, f’ċerti ilmijiet mhux tal-Unjoni. Il-qabdiet totali permissibbli (TACs) u l-miżuri marbuta mat-TACs b’mod funzjonali stabbiliti bir-Regolament (UE) 2023/194 jenħtieġ li jiġu emendati sabiex jitqies l-eżitu tal-konsultazzjonijiet ma’ pajjiżi terzi.

(2)

Ir-Regolament (UE) 2023/194 jistabbilixxi kwota proviżorja tal-Unjoni għall-bakkaljaw (Gadus morhua) fl-ilmijiet ta’ Svalbard u fl-ilmijiet internazzjonali tas-subżona 1 u tad-diviżjoni 2b tal-Kunsill Internazzjonali għall-Esplorazzjoni tal-Baħar (ICES) għall-perjodu mill-1 ta’ Jannar 2023 sal-31 ta’ Marzu 2023. Sabiex l-attivitajiet tas-sajd ikun jistgħu jkomplu, jeħtieġ li dik il-kwota proviżorja tal-Unjoni tiġi sostitwita bi kwota definittiva tal-Unjoni għal dak l-istokk għall-2023. Għalhekk, jenħtieġ li l-Kunsill jistabbilixxi l-kwota tal-Unjoni għall-bakkaljaw fl-ilmijiet ta’ Svalbard u fl-ilmijiet internazzjonali tas-subżona 1 u d-diviżjoni 2b tal-ICES abbażi tat-TAC ta’ referenza għall-bakkaljaw Artiku tal-Grigal u tad-drittijiet tas-sajd storiċi tal-Unjoni. Il-kwota definittiva tal-Unjoni għall-bakkaljaw fl-ilmijiet ta’ Svalbard u fl-ilmijiet internazzjonali tas-subżona 1 u tad-diviżjoni 2b tal-ICES għall-2023 jenħtieġ li tiġi stabbilita fil-livell ta’ 15 629 tunnellata, li jikkorrispondi għall-perċentwal indikat fil-paragrafu 3, il-punt (a), tal-fehim politiku bejn l-UE u n-Norveġja fir-rigward tas-sajd fis-subżoni 1 u 2 tal-ICES. Il-kwota tal-Unjoni għall-bakkaljaw fl-ilmijiet ta’ Svalbard u fl-ilmijiet internazzjonali tas-subżona 1 u tad-diviżjoni 2b tal-ICES jenħtieġ li tiġi allokata lill-Istati Membri f’konformità mad-Deċiżjoni tal-Kunsill 87/277/KEE (2), soġġetta għall-adattamenti meħtieġa minħabba l-ħruġ tar-Renju Unit mill-Unjoni kif stabbilit fl-Anness 36(E) għall-Ftehim dwar il-Kummerċ u l-Kooperazzjoni bejn l-Unjoni Ewropea u l Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (3).

(3)

Ir-Regolament (UE) 2023/194 jistabbilixxi kwota proviżorja tal-Unjoni għall-ħalibatt ta’ Greenland (Reinhardtius hippoglossoides) fl-ilmijiet internazzjonali tas-subżoni 1 u 2 tal-ICES għall-perjodu mill-1 ta’ Jannar 2023 sal-31 ta’ Marzu 2023. Sabiex l-attivitajiet tas-sajd jitħallew ikomplu, jeħtieġ li dik il-kwota proviżorja tal-Unjoni tiġi sostitwita bi kwota definittiva tal-Unjoni għal dak l-istokk għall-2023. Il-kwota definittiva tal-Unjoni għall-ħalibatt ta’ Greenland fl-ilmijiet internazzjonali tas-subżoni 1 u 2 tal-ICES għall-2023 jenħtieġ li tiġi stabbilita fil-livell ta’ 1 711-il tunnellata. Il-livell ta’ dik il-kwota tal-Unjoni jikkorrispondi għal 9,25 % tat-TAC għall-ħalibatt ta’ Greenland fis-subżoni 1 u 2 tal-ICES għall-2023, kif propost mill-Unjoni fil-Kummissjoni tas-Sajd tal-Atlantiku tal-Grigal, jiġifieri 18 494 tunnellata, f’konformità mal-parir tal-ICES.

(4)

Ir-Regolament (UE) 2023/194 ma jistabbilixxix l-opportunitajiet tas-sajd għar-redfish (Sebastes spp.) fl-ilmijiet internazzjonali tas-subżoni 1 u 2 tal-ICES għall-2023. Sabiex is-sajd għal dak l-istokk ikun jista’ jibda ladarba jibda l-istaġun tas-sajd rilevanti fl-1 ta’ Lulju 2023, il-kwota tal-Unjoni għar-redfish fl-ilmijiet internazzjonali fis-subżoni 1 u 2 tal-ICES jenħtieġ li tiġi stabbilita abbażi tal-medja tal-ogħla tliet qabdiet annwali tal-Unjoni tar-redfish fl-ilmijiet internazzjonali tas-subżoni 1 u 2 tal-ICES fil-perjodu mill-2013 sal-2022.

(5)

Għaldaqstant, jenħtieġ li r-Regolament (UE) 2023/194 jiġi emendat skont dan.

(6)

L-opportunitajiet tas-sajd previsti fir-Regolament (UE) 2023/194 japplikaw mill-1 ta’ Jannar 2023. Għalhekk, jenħtieġ li d-dispożizzjonijiet introdotti b’dan ir-Regolament li jikkonċernaw l-opportunitajiet tas-sajd japplikaw ukoll mill-1 ta’ Jannar 2023. Tali applikazzjoni retroattiva ma taffettwax il-prinċipji taċ-ċertezza ġuridika u tal-protezzjoni tal-aspettattivi leġittimi, billi l-opportunitajiet tas-sajd ikkonċernati żdiedu jew għadhom ma ġewx eżawriti. Minħabba l-urġenza li tiġi evitata kwalunkwe interruzzjoni fl-attivitajiet tas-sajd, jenħtieġ li dan ir-Regolament jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea,

(1)

F’konformità mal-Artikolu 50(2)(a), tar-Regolament (UE) Nru 1151/2012, l-applikazzjoni tat-Turkija għar-reġistrazzjoni tal-isem “Suruç Narı” ġiet ippubblikata f’Il-Ġurnal Uffiċjali tal-Unjoni Ewropea (2).

(2)

Il-Kummissjoni ma rċeviet l-ebda dikjarazzjoni motivata ta’ oppożizzjoni f’konformità mal-Artikolu 51 tar-Regolament (UE) Nru 1151/2012, u għalhekk jenħtieġ li l-isem “Suruç Narı” jiġi rreġistrat,

(1)

F’konformità mal-Artikolu 50(2)(a), tar-Regolament (UE) Nru 1151/2012, l-applikazzjoni ta’ Franza għar-reġistrazzjoni tal-isem “Haricot de Soissons” ġiet ippubblikata f’Il-Ġurnal Uffiċjali tal-Unjoni Ewropea (2).

(2)

Il-Kummissjoni ma rċeviet l-ebda dikjarazzjoni ta’ oppożizzjoni f’konformità mal-Artikolu 51 tar-Regolament (UE) Nru 1151/2012, u għalhekk jenħtieġ li l-isem “Haricot de Soissons” jiġi rreġistrat,

(1)

L-Annessi I u II tar-Regolament (KE) Nru 1925/2006 jistabbilixxu l-lista ta’ vitamini u sustanzi minerali, u għal kull waħda minnhom il-forom, li jistgħu jiżdiedu mal-ikel.

(2)

Ir-Regolament ta’ Implimentazzjoni tal-Kummissjoni (UE) 2020/16 (2) awtorizza t-tqegħid fis-suq tal-klorur tan-nikotinammidribosid bħala ikel ġdid li jintuża fis-supplimenti tal-ikel kif iddefiniti fl-Artikolu 2 tad-Direttiva 2002/46/KE tal-Parlament Ewropew u tal-Kunsill (3), għall-popolazzjoni adulta.

(3)

Billi l-awtorizzazzjoni inizjali ta’ din is-sustanza bħala ikel ġdid kif stabbilit fir-Regolament ta’ Implimentazzjoni (UE) 2020/16 kienet tikkonċerna biss is-supplimenti tal-ikel, is-sustanza ġiet inkluża fil-lista stabbilita fl-Anness II tad-Direttiva 2002/46/KE permezz tar-Regolament tal-Kummissjoni (UE) 2021/418 (4). Wara applikazzjoni għall-estensjoni tal-użu tal-klorur tan-nikotinammidribosid bħala ikel ġdid biex ikopri wkoll l-użu tiegħu għal skopijiet nutrittivi bħala sors tan-niaċina, b’mod partikolari, fis-sostituti tal-ikliet, il-Kummissjoni talbet lill-Awtorità Ewropea dwar is-Sigurtà fl-Ikel (“l-Awtorità”) tagħti opinjoni dwar din l-estensjoni tal-użu f’konformità mar-Regolament (UE) 2015/2283 tal-Parlament Ewropew u tal-Kunsill (5) u, wara l-eżitu ta’ dik il-valutazzjoni, tevalwa fil-kuntest tar-Regolament (KE) Nru 1925/2006, is-sikurezza u l-bijodisponibbiltà ta’ dik is-sustanza meta tiżdied mal-ikel inkwistjoni. Fl-14 ta’ Settembru 2021, l-Awtorità adottat opinjoni xjentifika dwar l-estensjoni tal-użu tal-klorur tan-nikotinammidribosid bħala ikel ġdid (6).

(4)

Minn dik l-opinjoni jirriżulta li l-użu tal-klorur tan-nikotinammidribosid fl-ikel mhuwiex ta’ tħassib għas-sikurezza bħala sors ta’ niaċina sakemm jiġu ssodisfati ċerti kundizzjonijiet. Dawk il-kundizzjonijiet huma stabbiliti fl-awtorizzazzjoni ta’ din is-sustanza bir-Regolament ta’ Implimentazzjoni tal-Kummissjoni (UE) 2022/1160 (7).

(5)

F’konformità mal-Artikolu 3(1) tar-Regolament (KE) Nru 1925/2006, il-vitamini u/jew il-minerali elenkati fl-Anness I, fil-forma elenkata fl-Anness II ta’ dak l-att biss jistgħu jiġu miżjuda mal-ikel. Abbażi tal-opinjoni favorevoli tal-Awtorità u tal-awtorizzazzjoni bħala ikel ġdid kif stabbilit fir-Regolament ta’ Implimentazzjoni tal-Kummissjoni (UE) 2022/1160, jenħtieġ li l-klorur tan-nikotinammidribosid jiġi inkluż fl-Anness II tar-Regolament (KE) Nru 1925/2006 bħala forma ta’ niaċina.

(6)

Ġie kkonsultat il-Grupp Konsultattiv dwar il-Katina Alimentari u s-Saħħa tal-Annimali u tal-Pjanti, u tqiesu l-kummenti tiegħu.

(7)

Għaldaqstant, jenħtieġ li r-Regolament (KE) Nru 1925/2006 jiġi emendat skont dan.

(8)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (KEE) Nru 2821/71 jagħti s-setgħa lill-Kummissjoni sabiex tapplika l-Artikolu 101(3) tat-Trattat permezz ta’ regolament għal ċerti kategoriji ta’ akkordji, deċiżjonijiet u prattiki miftiehma li jidħlu fil-kamp ta’ applikazzjoni tal-Artikolu 101(1) tat-Trattat li għandhom bħala l-objettiv tagħhom ir-riċerka u l-iżvilupp ta’ prodotti jew proċessi sal-istadju tal-applikazzjoni industrijali, u l-isfruttament tar-riżultati, inklużi dispożizzjonijiet rigward id-drittijiet tal-proprjetà intellettwali.

(2)

L-Artikolu 179(2) tat-Trattat jappella lill-Unjoni biex tħeġġeġ lill-impriżi, inklużi l-impriżi żgħar u ta’ daqs medju, fl-attivitajiet tagħhom ta’ riċerka u żvilupp teknoloġiku ta’ kwalità għolja, u biex tappoġġa l-isforzi tagħhom biex jikkoperaw flimkien. Il-koperazzjoni bejn l-impriżi dwar ir-riċerka u l-iżvilupp tista’ tikkontribwixxi biex jintlaħqu l-objettivi tal-Patt Ekoloġiku Ewropew (3).

(3)

Ir-Regolament tal-Kummissjoni (UE) Nru 1217/2010 (4) jiddefinixxi kategoriji ta’ akkordji ta’ riċerka u żvilupp li l-Kummissjoni tqis li normalment jissodisfaw il-kundizzjonijiet stabbiliti fl-Artikolu 101(3) tat-Trattat. Dak ir-Regolament jiskadi fit-30 ta’ Ġunju 2023. Fl-isfond tal-esperjenza ġenerali pożittiva fl-applikazzjoni ta’ dak ir-Regolament u r-riżultati tal-evalwazzjoni tar-Regolament, huwa xieraq li jiġi adottat regolament ta’ eżenzjoni ta’ kategorija ġdid.

(4)

Dan ir-Regolament għandu l-għan li jiffaċilita r-riċerka u l-iżvilupp filwaqt li fl-istess ħin jħares il-kompetizzjoni b’mod effettiv. Dan ir-Regolament għandu wkoll l-għan li li jipprovdi lill-impriżi certezza legali adegwata. Sabiex jintlaħqu dawk l-objettivi, jenħtieġ li titqies il-ħtieġa li s-superviżjoni amministrattiva u l-qafas leġiżlattiv jiġu ssimplifikati kemm jista’ jkun.

(5)

Sakemm ma jintlaħaqx ċertu livell ta’ saħħa fis-suq, b’mod ġenerali jista’ jiġi preżunt, għall-applikazzjoni tal-Artikolu 101(3) tat-Trattat, li l-effetti pożittivi tal-akkordji ta’ riċerka u żvilupp se jegħlbu kwalunkwe effett negattiv fuq il-kompetizzjoni.

(6)

Għall-applikazzjoni tal-Artikolu 101(3) tat-Trattat permezz ta’ regolament, mhuwiex neċessarju li jiġu definiti dawk l-akkordji li jistgħu jidħlu fil-kamp ta’ applikazzjoni tal-Artikolu 101(1) tat-Trattat. Fil-valutazzjoni individwali tal-akkordji skont l-Artikolu 101(1) tat-Trattat, għandhom jitqiesu diversi fatturi u, b’mod partikolari, l-istruttura tas-suq rilevanti.

(7)

Il-kooperazzjoni fir-riċerka u l-iżvilupp konġunti jew bi ħlas u fl-isfruttament tar-riżultati x’aktarx li tippromwovi l-progress tekniku u ekonomiku jekk il-partijiet jikkontribwixxu ħiliet, assi jew attivitajiet komplementari għall-kooperazzjoni.

(8)

Huwa ġeneralment mistenni li l-klijenti jibbenefikaw miż-żieda fil-volum u fl-effettività tar-riċerka u l-iżvilupp permezz tal-introduzzjoni ta’ prodotti, teknoloġiji jew proċessi ġodda jew imtejba, it-tnedija iktar rapida ta’ dawk il-prodotti, teknoloġiji jew proċessi, jew it-tnaqqis fil-prezzijiet li jirriżultaw minn prodotti, teknoloġiji jew proċessi ġodda jew imtejba.

(9)

L-isfruttament konġunt tar-riżultati jista’ jieħu forom differenti, bħall-produzzjoni u d-distribuzzjoni ta’ prodotti, l-applikazzjoni ta’ teknoloġiji jew proċessi, jew l-assenjazzjoni jew il-liċenzjar ta’ drittijiet tal-proprjetà intellettwali jew il-komunikazzjoni tal-għarfien espert meħtieġ għal dik il-produzzjoni jew applikazzjoni, li sostanzjalment jikkontribwixxu għall-progress tekniku jew ekonomiku.

(10)

Sabiex tiġi ġġustifikata l-eżenzjoni stabbilita minn dan ir-Regolament, jenħtieġ li l-isfruttament konġunt ikun relatat ma’ prodotti (inklużi oġġetti u servizzi), teknoloġiji jew proċessi li għalihom l-użu tar-riżultati tar-riċerka u l-iżvilupp ikun indispensabbli.

(11)

Barra minn hekk, jenħtieġ li fl-akkordju ta’ riċerka u żvilupp il-partijiet kollha jaqblu li se jkollhom aċċess sħiħ għar-riżultati finali tal-attivitajiet konġunti ta’ riċerka u żvilupp, inkluż kwalunkwe dritt ta’ proprjetà intellettwali u għarfien espert li jirriżultaw, għall-iskopijiet ta’ riċerka u żvilupp ulterjuri u għall-iskopijiet ta’(sfruttament, hekk kif ir-riżultati finali jsiru disponibbli. Jenħtieġ li l-aċċess għar-riżultati ġeneralment ma jkunx limitat fir-rigward tal-użu tar-riżultati għall-finijiet ta’ riċerka u żvilupp ulterjuri. Madankollu, l-aċċess għar-riżultati għall-finijiet ta’ sfruttament jista’ jkun limitat jekk il-partijiet, f’konformità ma’ dan ir-Regolament, jillimitaw id-drittijiet tagħhom ta’ sfruttament, b’mod partikolari meta huma jispeċjalizzaw fil-kuntest tal-isfruttament. Barra minn hekk, meta l-korpi akkademiċi, l-istituti tar-riċerka jew l-impriżi li jfornu r-riċerka u l-iżvilupp bħala servizz kummerċjali mingħajr ma normalment ikunu attivi fl-isfruttament tar-riżultati jipparteċipaw fir-riċerka u l-iżvilupp, huma jistgħu jaqblu li jużaw ir-riżultati tar-riċerka u l-iżvilupp biss għall-fini ta’ riċerka u żvilupp ulterjuri.

(12)

Il-partijiet jistgħu jagħtu kontribuzzjonijiet mhux ugwali għall-koperazzjoni tagħhom fir-riċerka u l-iżvilupp, skont il-ħiliet u l-ħtiġijiet kummerċjali tagħhom. Għalhekk, sabiex jiġu riflessi, u kkumpensati, id-differenzi fil-valur jew fin-natura tal-kontribuzzjonijiet tal-partijiet, akkordju ta’ riċerka u żvilupp li jibbenefika mill-eżenzjoni stabbilita minn dan ir-Regolament jista’ jistipula li parti waħda tikkumpensa parti oħra biex tikseb aċċess għar-riżultati għall-finijiet ta’ riċerka u żvilupp ulterjuri, jew ta’ sfruttament. Madankollu, jenħtieġ li l-kumpens ma jkunx tant għoli li effettivament jimpedixxi l-aċċess.

(13)

Meta l-akkordju ta’ riċerka u żvilupp ma jipprevedix sfruttament konġunt tar-riżultati, jenħtieġ li fl-akkordju ta’ riċerka u żvilupp il-partijiet jaqblu li jagħtu aċċess lil xulxin għall-għarfien espert preeżistenti rispettiv tagħhom, jekk dak l-għarfien espert ikun indispensabbli għall-iskop tal-isfruttament tar-riżultati mill-partijiet l-oħrajn. Jenħtieġ li kwalunkwe kumpens (pereżempju, it-tariffi tal-liċenzja) mitlub ma jkunx tant għoli li jimpedixxi b’mod effettiv l-aċċess għall-għarfien espert mill-partijiet l-oħra.

(14)

Jenħtieġ li l-eżenzjoni stabbilita minn dan ir-Regolament tkun limitata għal akkordji ta’ riċerka u żvilupp li ma jagħtux lill-impriżi l-possibbiltà li jeliminaw il-kompetizzjoni fir-rigward ta’ parti sostanzjali mill-prodotti, it-teknoloġiji jew il-proċessi kkonċernati. Għalhekk, huwa meħtieġ li jiġu esklużi mill-eżenzjoni ta’ kategorija l-akkordji bejn il-kompetituri li s-sehem ikkombinat tagħhom mis-suq għal prodotti, teknoloġiji jew proċessi li jistgħu jiġu mtejba, sostitwiti jew mibdula bir-riżultati tar-riċerka u l-iżvilupp, ikun ikbar minn ċertu livell fiż-żmien meta jiġi konkluż l-akkordju.

(15)

Meta parti waħda tiffinanzja diversi proġetti ta’ riċerka u żvilupp imwettqa minn kompetituri fir-rigward tal-istess prodotti, teknoloġiji jew proċessi, ma jistax jiġi eskluż li jistgħu jinħolqu effetti ta’ esklużjoni antikompetittiva, b’mod partikolari meta dik il-parti tikseb id-dritt esklużiv li tisfrutta r-riżultati fil-konfront ta’ partijiet terzi. Għalhekk, fir-rigward ta’ akkordji ta’ riċerka u żvilupp bi ħlas, jenħtieġ li l-benefiċċju tal-eżenzjoni stabbilita minn dan ir-Regolament tkun limitata għal akkordji li skonthom is-sehem mis-suq ikkombinat tal-partijiet kollha involuti fl-akkordji konnessi, jiġifieri l-parti li tiffinanzja u l-partijiet kollha li jwettqu r-riċerka u l-iżvilupp, ma jkunx ikbar ċertu livell.

(16)

Madankollu, jenħtieġ li l-eżenzjoni stabbilita minn dan ir-Regolament ma tkunx soġġetta għal limitu tas-sehem mis-suq jekk il-partijiet għall-akkordju ta’ riċerka u żvilupp ma jkunux impriżi kompetituri fir-rigward ta’ prodotti, teknoloġiji jew proċessi li jistgħu jiġu mtejba, sostitwiti jew mibdula bil-prodotti, teknoloġiji jew proċessi li jirriżultaw mill-akkordju. Dan jinkludi, pereżempju, akkordji relatati mal-iżvilupp ta’ prodotti, teknoloġiji jew proċessi li joħolqu domanda kompletament ġdida, jew riċerka u żvilupp li mhumiex relatati mill-qrib ma’ prodott, teknoloġija jew proċess speċifiku, jew li għadhom mhumiex immirati lejn objettiv speċifiku.

(17)

Fil-każ li jinqabeż il-livell tas-sehem mis-suq stabbilit b’dan ir-Regolament jew li ma jiġux sodisfatti kundizzjonijiet oħra ta’ dan ir-Regolament, m’għandux jiġi preżunt li l-akkordji ta’ riċerka u żvilupp jidħlu fil-kamp ta’ applikazzjoni tal-Artikolu 101(1) tat-Trattat jew jonqsu milli jissodisfaw il-kundizzjonijiet tal-Artikolu 101(3) tat-Trattat. F’każijiet bħal dawk, huwa meħtieġ li titwettaq valutazzjoni individwali tal-akkordju ta’ riċerka u żvilupp skont l-Artikolu 101 tat-Trattat.

(18)

Sabiex jiġi żgurat li tinżamm kompetizzjoni effettiva matul l-isfruttament konġunt tar-riżultati tar-riċerka u l-iżvilupp konġunti jew bi ħlas, jenħtieġ li ssir dispożizzjoni sabiex l-eżenzjoni ta’ kategorija tieqaf tapplika jekk is-sehem fis-suq ikkombinat tal-partijiet għall-prodotti, teknoloġiji jew proċessi li jirriżultaw mir-riċerka u l-iżvilupp konġunti jew bi ħlas, ikun ikbar minn ċertu livell. Madankollu, jenħtieġ li l-eżenzjoni tkompli tapplika għal ċertu perjodu wara l-bidu tal-isfruttament konġunt, irrispettivament mill-ishma mis-suq tal-partijiet, sabiex ikun hemm stabbilizzazzjoni tal-ishma mis-suq tal-partijiet, b’mod partikolari wara l-introduzzjoni ta’ prodott kompletament ġdid, u sabiex ikun garantit perjodu minimu ta’ redditu fuq l-investimenti involuti.

(19)

Jenħtieġ li l-eżenzjoni stabbilita minn dan ir-Regolament ma tapplikax għal akkordji li jkun fihom restrizzjonijiet li mhumiex indispensabbli biex jinkisbu l-effetti pożittivi ġġenerati minn akkordju ta’ riċerka u żvilupp. Bi prinċipju, jenħtieġ li akkordji li jkun fihom ċerti tipi ta’ restrizzjonijiet severi tal-kompetizzjoni, bħalma huma l-limitazzjonijiet fuq il-libertà tal-partijiet li jwettqu riċerka u żvilupp f’qasam mhux konness mal-akkordju, l-iffissar tal-prezzijiet li partijiet terzi jintalbu jħallsu, il-limitazzjonijiet fuq il-produzzjoni jew il-bejgħ, u l-limitazzjonijiet fuq it-twettiq ta’ bejgħ passiv tal-prodotti, it-teknoloġiji jew il-proċessi li jirriżultaw mir-riċerka u l-iżvilupp konġunti jew bi ħlas, jiġu esklużi mill-benefiċċju tal-eżenzjoni stabbilita minn dan ir-Regolament, irrispettivament mis-sehem mis-suq tal-partijiet. F’dak il-kuntest, ir-restrizzjonijiet fuq il-qasam tal-użu ma jikkostitwixxux limitazzjonijiet tal-produzzjoni jew tal-bejgħ u lanqas ma jikkostitwixxu restrizzjonijiet territorjali jew fuq il-klijenti.

(20)

Il-limiti tas-sehem mis-suq, in-nuqqas ta’ eżenzjoni ta’ ċerti akkordji u l-kundizzjonijiet previsti f’dan ir-Regolament ġeneralment jiżguraw li l-akkordji li għalihom tapplika l-eżenzjoni ta’ kategorija ma jippermettux li l-partijiet jeliminaw il-kompetizzjoni fir-rigward ta’ parti sostanzjali tal-prodotti, teknoloġiji jew proċessi kkonċernati.

(21)

Akkordji bejn impriżi li jipprovdu prodotti, teknoloġiji jew proċessi li jistgħu jiġu mtejba, sostitwiti, jew mibdula bir-riżultati tar-riċerka u żvilupp iżda li jikkompetux bejniethom u li jissodisfaw il-kundizzjonijiet ta’ dan ir-Regolament, jeliminaw il-kompetizzjoni effettiva tal-innovazzjoni biss f’ċirkostanzi eċċezzjonali. Għalhekk, huwa xieraq li dawk l-akkordji jitħallew jibbenefikaw mill-eżenzjoni stabbilita minn dan ir-Regolament irrispettivament mis-sehem mis-suq u li kwalunkwe każ eċċezzjonali jiġi indirizzat permezz tal-irtirar tal-benefiċċju tar-Regolament. L-eżenzjoni ta’ dawk l-akkordji skont dan ir-Regolament hija mingħajr preġudizzju għall-valutazzjoni kompetittiva ta’ akkordji ta’ riċerka u żvilupp li ma jissodisfawx il-kundizzjonijiet ta’ dan ir-Regolament jew akkordji li fir-rigward tagħhom ikun ġie rtirat il-benefiċċju tal-eżenzjoni stabbilita minn dan ir-Regolament.

(22)

Jenħtieġ li dan ir-Regolament jindika sitwazzjonijiet tipiċi li fihom jista’ jitqies xieraq li jiġi rtirat il-benefiċċju tal-eżenzjoni stabbilita minn dan ir-Regolament, skont l-Artikolu 29 tar-Regolament tal-Kunsill (KE) Nru 1/2003 (5).

(23)

Billi l-akkordji ta’ riċerka u żvilupp spiss ikunu għal żmien twil, speċjalment meta l-koperazzjoni testendi għall-isfruttament tar-riżultati, jenħtieġ li l-perjodu ta’ validità ta’ dan ir-Regolament ikun 12-il sena,

(a)

ir-restrizzjoni tal-libertà tal-partijiet li jwettqu riċerka u żvilupp b’mod indipendenti jew f’koperazzjoni ma’ partijiet terzi:

(b)

il-limitazzjoni tal-produzzjoni jew tal-bejgħ, bl-eċċezzjoni ta’:

(c)

l-iffissar tal-prezzijiet meta jinbiegħu il-prodotti tal-kuntratt jew jiġu liċenzjati t-teknoloġiji tal-kuntratt lil partijiet terzi, bl-eċċezzjoni tal-iffissar tal-prezzijiet li jintalbu lill-klijenti immedjati jew tal-iffissar tat-tariffi tal-liċenzja li jintalbu lil-liċenzjatarji immedjati meta l-isfruttament konġunt tar-riżultati:

(d)

ir-restrizzjoni tat-territorju li fih, jew tal-klijenti li lilhom, il-partijiet jistgħu jbiegħu b’mod passiv il-prodotti tal-kuntratt jew joħorġu liċenzji għat-teknoloġiji tal-kuntratt, bl-eċċezzjoni tar-rekwiżit li r-riżultati tar-riċerka u l-iżvilupp jiġu liċenzjati esklussivament lil parti oħra;

(e)

ir-restrizzjoni tal-bejgħ attiv tal-prodotti tal-kuntratt jew tat-teknoloġiji tal-kuntratt f’territorji jew lil klijenti li ma jkunux ġew allokati esklussivament lil waħda mill-partijiet permezz ta’ speċjalizzazzjoni fil-kuntest tal-isfruttament;

(f)

ir-rekwiżit li jkun hemm rifjut li tiġi ssodisfata d-domanda minn klijenti fit-territorji rispettivi tal-partijiet, jew minn klijenti allokati b’mod ieħor bejn il-partijiet permezz ta’ speċjalizzazzjoni fil-kuntest tal-isfruttament, meta tali klijenti jikkummerċjalizzaw il-prodotti tal-kuntratt f’territorji oħrajn fis-suq intern;

(g)

ir-rekwiżit li jagħmilha diffiċli għall-utenti jew għar-rivendituri biex jiksbu l-prodotti tal-kuntratt mingħand rivendituri oħra fis-suq intern.

(1)

Ir-Regolament (KEE) Nru 2821/71 jagħti s-setgħa lill-Kummissjoni sabiex tapplika l-Artikolu 101(3) tat-Trattat permezz ta’ regolament għal ċerti kategoriji ta’ akkordji, deċiżjonijiet u prattiki miftiehma li jidħlu fil-kamp ta’ applikazzjoni tal-Artikolu 101(1) tat-Trattat li l-għan tagħhom huwa l-ispeċjalizzazzjoni, inklużi l-akkordji meħtieġa biex tintlaħaq dik l-ispeċjalizzazzjoni.

(2)

Ir-Regolament tal-Kummissjoni (UE) Nru 1218/2010 (3) jiddefinixxi kategoriji ta’ akkordji ta’ speċjalizzazzjoni li fil-fehma tal-Kummissjoni normalment jissodisfaw il-kundizzjonijiet stabbiliti fl-Artikolu 101(3) tat-Trattat. Dak ir-Regolament jiskadi fil-30 ta’ Ġunju 2023. Fid-dawl tal-esperjenza ġenerali pożittiva fl-applikazzjoni ta’ dak ir-Regolament u r-riżultati tal-evalwazzjoni ta’ dak ir-Regolament, huwa xieraq li jiġi adottat regolament ġdid ta’ eżenzjoni ta’ kategorija.

(3)

Dan ir-Regolament għandu l-għan li jiżgura l-ħarsien effettif tal-kompetizzjoni u li jipprovdi lill-impriżi ċertezza legali adegwata. Sabiex jintlaħqu dawk l-objettivi jenħtieġ li jitqies kemm jista’ jkun il-bżonn li tiġi ssimplifikata s-superviżjoni amministrattiva u l-qafas leġiżlattiv.

(4)

Għall-applikazzjoni tal-Artikolu 101(3) tat-Trattat permezz ta’ regolament, mhuwiex neċessarju li jiġu ddefiniti dawk l-akkordji li jistgħu jidħlu fil-kamp ta’ applikazzjoni tal-Artikolu 101(1) tat-Trattat. Fl-evalwazzjoni individwali ta’ akkordji skont l-Artikolu 101(1) tat-Trattat, għandhom jitqiesu diversi fatturi, u b’mod partikolari l-istruttura tas-suq rilevanti.

(5)

Jenħtieġ li l-benefiċċju tal-eżenzjoni stabbilita minn dan ir-Regolament ikun limitat għal dawk l-akkordji li fir-rigward tagħom jista’ jiġi preżunt b’ċertezza suffiċjenti li jissodisfaw il-kundizzjonijiet tal-Artikolu 101(3) tat-Trattat. Taħt ċertu livell ta’ saħħa fis-suq jista’ jkun preżunt b’mod ġenerali, għall-applikazzjoni tal-Artikolu 101(3) tat-Trattat, li l-effetti pożittivi ta’ akkordji ta’ speċjalizzazzjoni jkunu akbar minn kull effett negattiv fuq il-kompetizzjoni.

(6)

Jenħtieġ li dan ir-Regolament japplika għal akkordji dwar il-manifattura ta’ oġġetti u t-tħejjija ta’ servizzi. It-tħejjija ta’ servizzi tirreferi għal attivitajiet imwettqa upstream mill-provvista ta’ servizzi lill-klijenti (pereżempju, kooperazzjoni fil-ħolqien jew fl-operat ta’ pjattaforma li permezz tagħha jkun se jingħata servizz). Il-provvista ta’ servizzi lill-klijenti jaqa’ barra mill-kamp ta’ applikazzjoni ta’ dan ir-Regolament, ħlief meta l-partijiet jaqblu li flimkien jipprovdu servizzi mħejjija skont l-akkordju ta’ speċjalizzazzjoni.

(7)

X’aktarx li l-akkordji ta’ speċjalizzazzjoni jikkontribwixxu l-aktar għat-titjib tal-manifattura ta’ oġġetti jew għat-tħejjija ta’ servizzi u d-distribuzzjoni tagħhom jekk il-partijiet ikollhom ħiliet, assi jew attivitajiet komplementari, minħabba li, f’dak il-każ, l-akkordju jippermettilhom jiffokaw fuq il-manifattura ta’ ċerti oġġetti jew it-tħejjija ta’ ċerti servizzi u b’hekk joperaw b’mod aktar effiċjenti u jfornu l-prodotti bi prezz orħos. Fil-kuntest ta’ kompetizzjoni effettiva, x’aktarx li l-konsumaturi jirċievu sehem ġust tal-benefiċċji li jirriżultaw.

(8)

Benefiċċji bħal dawk jistgħu jirriżultaw l-ewwel minn akkordji li permezz tagħhom parti waħda jew aktar iċedu kompletament jew parzjalment il-manifattura ta’ ċerti oġġetti jew it-tħejjija ta’ ċerti servizzi favur parti jew partijiet oħra (“speċjalizzazzjoni unilaterali”), it-tieni, minn akkordji li permezz tagħhom żewġ partijiet jew aktar iċedu kompletament jew parzjalment il-manifattura ta’ ċerti oġġetti differenti jew it-tħejjija ta’ ċerti servizzi differenti favur parti jew partijiet oħra (“speċjalizzazzjoni reċiproka”), u t-tielet, minn akkordji li permezz tagħhom żewġ partijiet jew aktar jimpenjaw ruħhom li jimmanifatturaw b’mod konġunt ċerti oġġetti jew iħejju ċerti servizzi (“produzzjoni konġunta”).

(9)

L-applikazzjoni ta’ dan ir-Regolament għal akkordji ta’ speċjalizzazzjoni unilaterali u reċiproka jenħtieġ li tkun limitata għal kuntesti fejn il-partijiet ikunu attivi fl-istess suq ta’ prodotti. Madankollu, ma hemmx bżonn li l-partijiet ikunu attivi fl-istess suq ġeografiku. Barra minn hekk, jenħtieġ li l-kunċetti ta’ speċjalizzazzjoni unilaterali u reċiproka ma jirrikjedux lil xi parti li tnaqqas il-kapaċità, billi jkun biżżejjed jekk hija tnaqqas il-volumi ta’ produzzjoni tagħha.

(10)

Sabiex ikun iggarantit li l-benefiċċji tal-ispeċjalizzazzjoni jimmaterjalizzaw mingħajr ma parti titlaq kompletament mill-produzzjoni downstream, jenħtieġ li l-akkordji ta’ speċjalizzazzjoni unilaterali u reċiproka jkunu koperti biss minn dan ir-Regolament fejn jipprevedu obbligi tal-provvista u tax-xiri. L-obbligi tal-provvista u x-xiri jistgħu jkunu ta’ natura esklużiva, iżda dan mhux obbligatorju.

(11)

Jenħtieġ li dan ir-Regolament ikun japplika għal akkordji ta’ produzzjoni konġunta li jiġu konklużi bejn partijiet li diġà jkunu attivi fl-istess suq ta’ prodotti kif ukoll bejn partijiet li jkunu jixtiequ jidħlu f’suq ta’ prodotti permezz tal-ftehim ta’ produzzjoni konġunta. Il-kunċett ta’ akkordju ta’ produzzjoni konġunta jenħtieġ li ma jirrikjedix li l-partijiet inaqqsu l-attivitajiet individwali tagħhom fir-rigward tal-manifattura ta’ oġġetti jew tat-tħejjija ta’ servizzi barra mill-kamp ta’ applikazzjoni tal-ftehim konġunt previst tagħhom.

(12)

Jista’ jiġi preżunt li, meta s-sehem tal-partijiet fis-suq rilevanti għall-prodotti li huma s-suġġett ta’ akkordju ta’ speċjalizzazzjoni ma jaqbiżx ċertu livell, l-akkordju, bħala regola, joħloq benefiċċji ekonomiċi fil-forma ta’ ekonomiji ta’ skala jew f’termini ta’ diversifikazzjoni jew teknoloġiji ta’ produzzjoni aħjar, filwaqt li jippermetti li l-konsumaturi jkollhom sehem ġust mill-benefiċċji li jirriżultaw.

(13)

Meta l-prodotti li jkunu koperti minn akkordju ta’ speċjalizzazzjoni jkunu prodotti intermedjarji li jkunu użati kompletament jew parzjalment, b’mod vinkolanti, minn parti waħda jew aktar bħala fattur produttiv għall-produzzjoni tagħhom stess ta’ prodotti downstream li mbagħad jbiegħu fis-suq, l-eżenzjoni mogħtija minn dan ir-Regolament jenħtieġ li tkun ukoll suġġetta għall-kundizzjoni li s-sehem mis-suq rilevanti li għandhom il-partijiet f’dawk il-prodotti downstream ma tkunx taqbeż ċertu livell. F’dak il-każ, jekk jitqies biss is-sehem fis-suq tal-partijiet fil-livell tal-prodott intermedjarju, ikun ifisser li jiġi injorat ir-riskju potenzjali ta’ esklużjoni mis-suq jew li jiżdied il-prezz tal-elementi tal-produzzjoni għal kompetituri fil-livell tal-prodotti downstream.

(14)

Ma hemm l-ebda preżunzjoni li l-akkordji ta’ speċjalizzazzjoni jinqabdu mill-Artikolu 101(1) tat-Trattat jew inkella ma jissodisfawx il-kundizzjonijiet tal-Artikolu 101(3) tat-Trattat meta jinqabeż il-limitu tas-sehem fis-suq stabbilit minn dan ir-Regolament jew ma jiġux issodisfati kundizzjonijiet oħra ta’ dan ir-Regolament. F’każijiet bħal dawk, ikun hemm bżonn li ssir valutazzjoni individwali tal-akkordju ta’ speċjalizzazzjoni skont l-Artikolu 101 tat-Trattat.

(15)

Jenħtieġ li eżenzjoni stabbilita minn dan ir-Regolament ma tapplikax għal akkordji li jkun fihom restrizzjonijiet li mhumiex indispensabbli biex jinkisbu l-effetti pożittivi ġġenerati minn akkordji ta’ speċjalizzazzjoni. Bi prinċipju, akkordji li jkun fihom ċerti tipi ta’ restrizzjonijiet kbar tal-kompetizzjoni, bħall-iffissar tal-prezzijiet li partijiet terzi jiġu mitluba jħallsu, il-limitazzjoni ta’ produzzjoni jew bejgħ, u l-allokazzjoni ta’ swieq jew klijenti, jenħtieġ li jkunu esklużi mill-benefiċċju tal-eżenzjoni stabbilita minn dan ir-Regolament irrispettivament mis-sehem fis-suq tal-partijiet.

(16)

Il-limitazzjoni tas-sehem mis-suq, in-nuqqas ta’ eżenzjoni ta’ ċerti akkordji u l-kundizzjonijiet previsti f’dan ir-Regolament ġeneralment jiżguraw li l-akkordji li għalihom tapplika l-eżenzjoni ġenerali ma jippermettux li l-partijiet jeliminaw il-kompetizzjoni fir-rigward ta’ parti sostanzjali tal-oġġetti jew servizzi inkwistjoni.

(17)

Jenħtieġ li dan ir-Regolament jindika sitwazzjonijiet tipiċi li f eżenzjoni stabbilita b’ihom jista’ jitqies xieraq li jiġi rtirat il-benefiċċju tal-eżenzjoni stabbilita minnu, skont l-Artikolu 29 tar-Regolament tal-Kunsill (KE) Nru 1/2003 (4).

(18)

Sabiex tkun iffaċilitata l-konklużjoni ta’ akkordji ta’ speċjalizzazzjoni, li jistgħu jkollhom effett fuq l-istruttura tal-partijiet, jenħtieġ li l-perjodu ta’ validità ta’ dan ir-Regolament ikun 12 il sena,

(a)

l-ishma mis-suq għandhom jiġu kkalkulati fuq il-bażi tal-valur tal-bejgħ fis-suq; jekk id-data dwar il-valur tal-bejgħ fis-suq ma tkunx disponibbli, jistgħu jintużaw stimi bbażati fuq informazzjoni affidabbli oħra tas-suq, inklużi l-volumi tal-bejgħ fis-suq;

(b)

l-ishma mis-suq għandhom jiġu kkalkulati fuq il-bażi ta’ data relatata mas-sena kalendarja preċedenti jew, fejn is-sena kalendarja preċedenti ma tkunx rappreżentattiva tal-pożizzjoni tal-partijiet fis-suq jew fis-swieq rilevanti, l-ishma mis-suq għandhom jiġu kkalkulati bħala medja tal-ishma mis-suq tal-partijiet għat-tliet snin kalendarji preċedenti;

(c)

is-sehem mis-suq li jkollhom l-impriżi previsti fl-Artikolu 1(2), il-punt (5) għandu jitqassam b’mod indaqs bejn kull impriża li għandha d-drittijijet jew is-setgħat previsti fl-Artikolu 1(2), il-punt (1);

(d)

jekk l-ishma fis-suq imsemmija fl-Artikolu 3 inizjalment ma jkunx aktar minn 20 % iżda sussegwentement jaqbżu dak il-livell f’mill-inqs wieħed mis-swieq rilevanti, l-eżenzjoni stabbilita fl-Artikolu 2 għandha tkompli tapplika għal perjodu ta’ sentejn kalendarji konsekuttivi wara s-sena li fiha jkun inqabeż għall-ewwel darba l-limitu ta’ 20 %.

(a)

l-iffissar tal-prezzijiet meta jinbiegħu l-prodotti ta’ speċjalizzazzjoni lil partijiet terzi bl-eċċezzjoni tal-iffissar tal-prezzijiet li jintalbu lill-klijenti immedjati fil-kuntest ta’ distribuzzjoni konġunta;

(b)

il-limitazzjoni tal-output jew tal-bejgħ, bl-eċċezzjoni ta’:

(c)

l-allokazzjoni ta’ swieq jew ta’ klijenti.

(1)

Il-livelli massimi ta’ residwi (“MRLs”) għaċ-ċjantraniliprol ġew stabbiliti fl-Anness II tar-Regolament (KE) Nru 396/2005.

(2)

Fir-rigward taċ-ċjantraniliprol, tressqet applikazzjoni għat-tolleranzi tal-importazzjoni skont l-Artikolu 6(2) u (4) tar-Regolament (KE) Nru 396/2005 għal dik is-sustanza użata fil-Kanada u fl-Istati Uniti fuq il-patata, il-“ħxejjex tropikali tal-għeruq u tat-tuberi”, il-“kukurbiti b’qoxra li ma tittikilx”, il-“Kaboċċi Ċiniżi/pe-tsai, brassika bil-weraq oħra”, il-“ħass u pjanti tal-insalata”, l-“ispinaċi u weraq simili” (ħlief l-ispinaċi), it-tursin u żrieragħ taż-żejt minuri (jiġifieri żerriegħa tal-kittien, żrieragħ tal-ġulġlien, żerriegħa tal-mustarda, żerriegħa tal-qara’ aħmar, żrieragħ tal-għosfor, żrieragħ tal-fidloqqom, żrieragħ tal-camelina sativa, żrieragħ tal-qannebusa u fażola tar-riġnu). L-applikant ipprovda data li turi li l-użi awtorizzati ta’ dik is-sustanza fuq dawn l-għelejjel fil-Kanada u fl-Istati Uniti jwasslu għal residwi ogħla mill-MRLs stabbiliti fir-Regolament (KE) Nru 396/2005, u li jeħtieġ li jkun hemm MRLs ogħla sabiex jiġu evitati l-ostakli kummerċjali għall-importazzjoni ta’ dawk l-għelejjel lejn l-Unjoni. Tressqet applikazzjoni oħra skont l-Artikolu 6(1) tar-Regolament (KE) Nru 396/2005 li titlob modifika tal-MRLs eżistenti għall-berquq.

(3)

F’konformità mal-Artikolu 8 tar-Regolament (KE) Nru 396/2005, dawk iż-żewġ applikazzjonijiet ġew evalwati mill-Istat Membru kkonċernat u r-rapporti ta’ evalwazzjoni ntbagħtu lill-Kummissjoni.

(4)

L-Awtorità Ewropea dwar is-Sigurtà fl-Ikel, (“l-Awtorità”) ivvalutat l-applikazzjonijiet u r-rapporti ta’ evalwazzjoni, u b’mod partikolari eżaminat ir-riskji għall-konsumaturi u, fejn kien rilevanti, għall-annimali, u tat opinjoni motivata dwar l-MRLs proposti (2). Għaddiet din l-opinjoni lill-applikant, lill-Kummissjoni u lill-Istati Membri u ppubblikatha.

(5)

Fir-rigward taċ-ċjantraniliprol fil-berquq, fil-patata, fil-“ħxejjex tropikali tal-għeruq u tat-tuberi”, fil-“kukurbiti b’qoxra li ma tittikilx”, fil-Kaboċċi Ċiniżi/pe-tsai, brassika bil-weraq oħra, fl-iskalora/indivja bil-weraq wesgħin, fl-“ispinaċi u weraq simili” (ħlief l-ispinaċi) u fit-tursin, l-Awtorità kkonkludiet li kienet meħtieġa aktar kunsiderazzjoni mill-maniġers tar-riskju peress li xi informazzjoni dwar it-tossiċità tal-prodotti ta’ degradazzjoni taċ-ċjantraniliprol fil-prodotti pproċessati ma kinitx disponibbli. Billi l-Awtorità kkonkludiet li l-esponiment tal-konsumaturi għal dawk il-prodotti ta’ degradazzjoni huwa baxx u li l-marġni ta’ sikurezza huwa wiesa’, jixraq li jiġi propost li jiġu stabbiliti l-MRLs imnissla mill-Awtorità għaċ-ċjantraniliprol f’dawk il-prodotti kollha.

(6)

Fir-rigward taċ-ċjantraniliprol fil-ħass, l-Awtorità kkonkludiet li kienet meħtieġa aktar konsiderazzjoni mill-maniġers tar-riskju fir-rigward tal-għażla tas-sett tad-data biex jitnisslu l-MRLs. Abbażi tal-informazzjoni pprovduta mill-Awtorità, jixraq li jiġi propost li l-MRL għaċ-ċjantraniliprol fil-ħass jiġi stabbilit għal 15 mg/kg abbażi tad-data dwar ir-residwi fuq il-ħass tal-weraq miftuħa.

(7)

Fir-rigward tal-modifiki l-oħra kollha lill-MRLs mitluba mill-applikanti għaċ-ċjantraniliprol, l-Awtorità kkonkludiet li r-rekwiżiti kolla fir-rigward tal-kompletezza tad-data sottomessa ġew issodisfati u li, abbażi tal-valutazzjoni tal-esponiment tal-konsumatur għal 27 grupp ta ’ konsumaturi speċifiċi Ewropej, il-modifiki tal-MRLs mitluba mill-applikanti kienu aċċettabbli mil-lat tas-sikurezza tal-konsumatur. Fil-valutazzjoni tagħha, l-Awtorità qieset l-aktar data reċenti dwar il-proprjetajiet tossikoloġiċi tas-sustanza. La l-esponiment fit-tul għal dik is-sustanza mill-konsum tal-prodotti tal-ikel kollha li jista’ jkun fihom dik is-sustanza, u lanqas l-esponiment għal perjodu qasir minħabba konsum għoli tal-prodotti rilevanti ma wera riskju li jinqabeż il-konsum aċċettabbli ta’ kuljum jew id-doża akuta ta’ referenza.

(8)

Abbażi tal-opinjoni motivata tal-Awtorità, u filwaqt li jitqiesu l-fatturi rilevanti elenkati fl-Artikolu 14(2) tar-Regolament (KE) Nru 396/2005, il-modifiki proposti lill-MRLs jissodisfaw ir-rekwiżiti ta’ dak l-Artikolu.

(9)

Għalhekk, ir-Regolament (KE) Nru 396/2005 jenħtieġ li jiġi emendat skont dan.

(10)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fit-13 ta’ Diċembru 2022, il-Kummissjoni Codex Alimentarius adottat limiti massimi ta’ residwi tal-Codex (CXLs) ġodda għall-aċetamiprid, għall-biksafen, għall-klorotalonil, għall-klofenteżina, għall-klotijanidina, għaċ-ċiprodinil, għad-difenokonażol, għall-etiprol, għal-feneżammid, għall-fenpikossammid, għall-fenpirossimat, għall-fluwensulfon, għall-fluwopiram, għall-flutjanil, għall-imażalil, għall-isoprotijolan, għall-isoksaflutol, għall-mandipropammid, għall-metkonażol, għall-metopren, għall-metossifenożid, għall-protijokonażol, għall-pidiflumetofen, għall-pirasulfotol, għall-pirażiflumid, għall-kwinossifen, għas-spinetoram, għas-spiropidion, għat-tebukonażol, għat-tijametossam, għat-trifloksistrobin u għat-trineksapak-etil (2).

(2)

Fl-Annessi II, III u V tar-Regolament (KE) Nru 396/2005 kienu ġew stabbiliti livelli massimi ta’ residwi (MRLs) għal dawk is-sustanzi, ħlief għall-etiprol, għall-fluwensulfon u għall-pidiflumetofen, li għalihom ma ġie stabbilit ebda MRL speċifiku, u li lanqas ma ġew inklużi fl-Anness IV tar-Regolament (KE) Nru 396/2005, u għaldaqstant japplika l-valur prestabbilit ta’ 0,01 mg/kg stabbilit fl-Artikolu 18(1), il-punt (b) ta’ dak ir-Regolament.

(3)

F’konformità mal-Artikolu 5(3) tar-Regolament (KE) Nru 178/2002 tal-Parlament Ewropew u tal-Kunsill (3), fejn jeżistu standards internazzjonali jew fejn it-tlestija tagħhom tkun imminenti, dawn iridu jitqiesu fl-iżvilupp jew fl-adattament tal-liġi dwar l-ikel, ħlief fejn dawn l-istandards jew partijiet rilevanti jkunu mezz ineffettiv jew mhux adattat għat-twettiq tal-objettivi leġittimi tal-liġi dwar l-ikel, jew fejn ikun hemm ġustifikazzjoni xjentifika, jew fejn dawn jirriżultaw f’livell differenti ta’ protezzjoni minn dak stabbilit bħala xieraq fl-Unjoni. Barra minn hekk, f’konformità mal-Artikolu 13, il-punt (e) ta’ dak ir-Regolament, l-Unjoni għandha tippromwovi l-konsistenza bejn l-istandards tekniċi internazzjonali u l-liġi dwar l-ikel filwaqt li tiżgura li l-livell għoli ta’ protezzjoni adottat fl-Unjoni ma jitbaxxiex.

(4)

L-Awtorità Ewropea dwar is-Sigurtà fl-Ikel (“l-Awtorità”) ivvalutat ir-riskji għall-konsumaturi u pproduċiet rapport xjentifiku (4). Fil-każijiet fejn l-Awtorità kienet identifikat riskju potenzjali għas-saħħa tal-konsumatur, l-Unjoni ppreżentat riżervi (5) , (6) lill-Kumitat Codex dwar ir-Residwi tal-Pestiċidi dwar is-CXLs proposti. Dan seħħ għall-kombinazzjonijiet ta’ pestiċidi/prodotti li ġejjin: aċetamiprid (il-prodotti kollha), klorotalonil (il-prodotti kollha), klofenteżina (il-prodotti kollha), klotijanidina (il-prodotti kollha), difenokonażol (il-prodotti kollha), etiprol (il-prodotti kollha), fenpirossimat (lumi u xkomp, pomelo u grapefruit), fluwensulfon (il-prodotti kollha), imażalil (il-prodotti kollha), isoprotijolan (il-prodotti kollha), metkonażol (il-prodotti kollha), metopren (il-prodotti kollha), protijokonażol (il-prodotti kollha), pidiflumetofen (il-prodotti kollha), pirasulfotol (il-prodotti kollha), pirażiflumid (il-prodotti kollha), kwinossifen (il-prodotti kollha), spinetoram (te, aħdar, iswed), spiropidion (il-prodotti kollha), tebukonażol (il-prodotti kollha), tijametossam (il-prodotti kollha), trifloksistrobin (il-prodotti kollha), u trineksapak-etil (il-prodotti kollha).

(5)

Għalhekk, dawk is-CXLs li għalihom l-Unjoni ma ppreżentatx riżerva lill-Kumitat Codex dwar ir-Residwi tal-Pestiċidi peress li l-Awtorità ma identifikatx riskji għall-konsumaturi fl-Unjoni, jistgħu jitqiesu sikuri. Dan huwa l-każ għal ċerti CXLs għall-biksafen, għaċ-ċiprodinil, għal-feneżammid, għall-fenpikossammid, għall-fenpirossimat, għall-flutjanil, għall-isoksaflutol, għall-mandipropammid, għall-metossifenożid u għas-spinetoram. Għalhekk dawk is-CXLs jenħtieġ li jiġu inkluż fir-Regolament (KE) Nru 396/2005, ħlief meta dawn ikunu relatati ma’ prodotti li mhumiex elenkati fl-Anness I ta’ dak ir-Regolament jew meta jkunu f’livell aktar baxx mill-MRLs attwali. Għalhekk, jenħtieġ li ma ssir l-ebda bidla fir-rigward tal-MRLs għall-fluwopiram.

(6)

Abbażi tar-rapport xjentifiku tal-Awtorità u filwaqt li jitqiesu l-fatturi rilevanti elenkati fl-Artikolu 14(2) tar-Regolament (KE) Nru 396/2005, il-modifiki xierqa lill-MRLs jissodisfaw ir-rekwiżiti ta’ dak l-Artikolu.

(7)

Għalhekk, ir-Regolament (KE) Nru 396/2005 jenħtieġ li jiġi emendat skont dan.

(8)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,