ISSN 1977-074X

Il-Ġurnal Uffiċjali

tal-Unjoni Ewropea

L 109I
European flag  

Edizzjoni bil-Malti

Leġiżlazzjoni

Volum 66
24 ta' April 2023

Werrej

 

II   Atti mhux leġiżlattivi

Paġna

 

 

REGOLAMENTI

 

*

Regolament ta’ Implimentazzjoni tal-Kunsill (UE) 2023/844 tal-24 ta’ April 2023 li jimplimenta r-Regolament (UE) Nru 36/2012 dwar miżuri restrittivi fid-dawl tas-sitwazzjoni fis-Sirja

1

 

*

Regolament ta’ Implimentazzjoni tal-Kunsill (UE) 2023/845 tal-24 ta’ April 2023 li jimplimenta r-Regolament (UE) 2016/1686 li jimponi miżuri restrittivi addizzjonali kontra ISIL (Da’esh) u Al-Qaida u persuni fiżiċi u ġuridiċi, entitajiet jew korpi assoċjati magħhom

13

 

*

Regolament ta’ Implimentazzjoni tal-Kunsill (UE) 2023/846 tal-24 ta’ April 2023 li jimplimenta r-Regolament (UE) Nru 359/2011 dwar miżuri restrittivi diretti kontra ċerti persuni, entitajiet u korpi fil-kuntest tas-sitwazzjoni fl-Iran

15

 

 

DEĊIŻJONIJIET

 

*

Deċiżjoni ta’ Implimentazzjoni tal-Kunsill (PESK) 2023/847 tal-24 ta’ April 2023 li timplimenta d-Deċiżjoni 2013/255/PESK dwar miżuri restrittivi fid-dawl tas-sitwazzjoni fis-Sirja

26

 

*

Deċiżjoni tal-Kunsill (PESK) 2023/848 tal-24 ta’ April 2023 li temenda d-Deċiżjoni (PESK) 2016/1693 dwar miżuri restrittivi kontra ISIL (Da’esh) u Al-Qaida, u persuni, gruppi, impriżi u entitajiet assoċjati magħhom

38

 

*

Deċiżjoni ta’ Implimentazzjoni tal-Kunsill (PESK) 2023/849 tal-24 ta’ April 2023 li timplimenta d-Deċiżjoni 2011/235/PESK dwar miżuri restrittivi diretti kontra ċerti persuni u entitajiet fil-kuntest tas-sitwazzjoni fl-Iran

40

MT

L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat.

It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom.

II Atti mhux leġiżlattivi

REGOLAMENTI

24.4.2023   

MT

Il-Ġurnal Uffiċjali tal-Unjoni Ewropea

LI 109/1

REGOLAMENT TA’ IMPLIMENTAZZJONI TAL-KUNSILL (UE) 2023/844

tal-24 ta’ April 2023

li jimplimenta r-Regolament (UE) Nru 36/2012 dwar miżuri restrittivi fid-dawl tas-sitwazzjoni fis-Sirja

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament tal-Kunsill (UE) Nru 36/2012 tat-18 ta’ Jannar 2012 dwar miżuri restrittivi fid-dawl tas-sitwazzjoni fis-Sirja u li jħassar ir-Regolament (UE) Nru 442/2011 (1), u b’mod partikolari l-Artikolu 32(1) tiegħu,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

Billi:

(1)

Fit-18 ta’ Jannar 2012, il-Kunsill adotta r-Regolament (UE) Nru 36/2012.

(2)

Il-Kunsill jibqa’ mħasseb ħafna dwar is-sitwazzjoni fis-Sirja. Wara aktar minn deċennju, il-kunflitt fis-Sirja għadu ’l bogħod milli jintemm u għadu sors ta’ tbatija u instabbiltà.

(3)

Il-Kunsill jinnota li r-reġim Sirjan qed ikompli jsegwi l-politika ta’ repressjoni tiegħu. Fid-dawl tal-gravità tas-sitwazzjoni li għadha tippersisti, il-Kunsill iqis li hu meħtieġ li jżomm u jiżgura l-effettività tal-miżuri restrittivi stabbiliti, billi jkompli jiżviluppahom waqt li jżomm l-approċċ immirat u differenzjat tagħhom, filwaqt li jqis il-kundizzjonijiet umanitarji tal-popolazzjoni Sirjana. Il-Kunsill iqis li ċerti kategoriji ta’ persuni u entitajiet huma ta’ rilevanza partikolari għall-effettività ta’ dawk il-miżuri restrittivi, minħabba l-kuntest speċifiku dominanti fis-Sirja.

(4)

Il-Kunsill ivvaluta li l-milizzji affiljati mar-reġim jappoġġaw lir-reġim Sirjan fil-politiki ta’ repressjoni tiegħu, iwettqu abbużi tad-drittijiet tal-bniedem u ksur tad-dritt umanitarju internazzjonali f’isem ir-reġim Sirjan u li l-membri tagħhom joħolqu riskju serju ta’ twettiq ta’ aktar ksur bħal dan. F’dawn l-aħħar snin kien hemm żieda fil-kumpanniji tas-sigurtà privati li joperaw fis-Sirja, li jaġixxu bħala kumpanniji fittizji għal milizzji affiljati mar-reġim u jappoġġawhom permezz ta’ attivitajiet bħar-reklutaġġ ta’ membri. Għalhekk, il-Kunsill iqis li huma meħtieġa aktar miżuri restrittivi biex jiġu ffriżati l-fondi u r-riżorsi ekonomiċi kollha li jappartjenu lil, huma proprjetà ta’, miżmuma jew ikkontrollati minn membri ta’ milizzji affiljati mar-reġim Sirjan, kif ukoll persuni u entitajiet marbuta ma’ ċerti kumpanniji tas-sigurtà privati li jappoġġaw tali milizzji affiljati mar-reġim, u biex jiġu imposti restrizzjonijiet fuq l-ammissjoni għal tali persuni, kif identifikati mill-Kunsill u elenkati fl-Anness II għar-Regolament (UE) Nru 36/2012.

(5)

Il-Kunsill huwa mħasseb ħafna dwar iż-żieda fil-kummerċ tan-narkotiċi li joriġinaw fis-Sirja. Il-Kunsill ivvaluta b’mod partikolari li l-kummerċ fl-amfetamini sar mudell ta’ negozju mmexxi mir-reġim, li jarrikkixxi ċ-ċirku intern tar-reġim, u jipprovdilu dħul li jikkontribwixxi għall-kapaċità tiegħu li jżomm il-politiki ta’ repressjoni tiegħu. Il-Kunsill iqis li hu għandu jipprevedi miżuri restrittivi għall-iffriżar tal-fondi u r-riżorsi ekonomiċi kollha li jappartjenu lil, huma proprjetà ta’, miżmuma jew ikkontrollati minn ċerti persuni u entitajiet involuti fil-produzzjoni jew it-traffikar ta’ narkotiċi li joriġinaw fis-Sirja, kif identifikati mill-Kunsill u elenkati fl-Anness II għar-Regolament (UE) Nru 36/2012, u biex jimponi restrizzjonijiet fuq l-ammissjoni għal tali persuni, sabiex ma jħallihomx jipprovdu appoġġ lir-reġim u biex tiżdied il-pressjoni fuq ir-reġim biex jibdel il-politiki ta’ repressjoni tiegħu. Dawn il-miżuri għandhom ukoll l-għan li jnaqqsu r-riskju li tiġi mminata l-effettività tal-miżuri restrittivi billi jimmiraw il-kapaċità tar-reġim li jirrikorri għal rikavati mill-kummerċ tan-narkotiċi biex ikompli bil-politika ta’ repressjoni tiegħu.

(6)

Fid-dawl tal-gravità tas-sitwazzjoni, il-Kunsill iqis li 25 persuna u 8 entitajiet jenħtieġ li jiżdiedu mal-lista ta’ persuni fiżiċi u ġuridiċi, entitajiet jew korpi soġġetti għall-miżuri restrittivi stabbiliti fl-Anness II għar-Regolament (UE) Nru 36/2012.

(7)

Għaldaqstant, ir-Regolament (UE) Nru 36/2012 jenħtieġ li jiġi emendat skont dan,

ADOTTA DAN IR-REGOLAMENT:

Artikolu 1

L-Anness II għar-Regolament (UE) Nru 36/2012 huwa emendat kif jinsab fl-Anness għal dan ir-Regolament.

Artikolu 2

Dan ir-Regolament għandu jidħol fis-seħħ fid-data tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fil-Lussemburgu, l-24 ta’ April 2023.

Għall-Kunsill

Il-President

J. BORRELL FONTELLES

(1)   ĠU L 16, 19.1.2012, p. 1.

ANNESS

L-Anness II għar-Regolament (UE) Nru 36/2012 huwa emendat kif ġej:

(1)

l-entrati li ġejjin jiżdiedu mal-lista li tinsab fit-Taqsima A (Persuni):

 

Isem

Informazzjoni ta’ identifikazzjoni

Raġunijiet

Data tal-elenkar

“327.

Wasim Badia AL-ASSAD

وسيم بديع الأسد

Data tat-twelid: 18.7.1980;

Post tat-twelid: Qardaha/Syria;

Nazzjonalità: Sirjana;

Sess: raġel

Wasim Badia al-Assad huwa l-kuġin ta’ Bashar al-Assad; għalhekk huwa membru tal-familja Assad.

Wasim Badia al-Assad huwa involut ukoll fil-produzzjoni u fit-traffikar ta’ Captagon. B’mod partikolari, huwa kien involut fil-produzzjoni ta’ Captagon u huwa responsabbli għall-konsenji tad-droga. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

328.

Samer Kamal AL-ASSAD

magħruf ukoll bħala ‘Samir’

سامر كمال الأسد

Data tat-twelid: 19.5.1973;

Post tat-twelid: Qardaha, Syria;

Nazzjonalità: Sirjana;

Sess: raġel

Samer Kamal al-Assad huwa membru tal-familja Assad.

Huwa jopera fil-kuntest tal-kummerċ tan-narkotiċi, b’mod partikolari fil-produzzjoni tagħhom. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

329.

Mudar Rifaat AL-ASSAD

magħruf ukoll bħala ‘Rifa’at’

مضر رفعت الأسد

Data tat-twelid: 1964;

Post tat-twelid: Syria;

Nazzjonalità: Sirjana;

Sess: raġel

Mudar Rifaat al-Assad huwa l-kuġin ta’ Bashar al-Assad; għalhekk huwa membru tal-familja Assad.

24.4.2023

330.

Mohammad SHALISH

محمد شاليش

Nazzjonalità: Sirjana;

Sess: raġel

Mohammad Shalish għandu rabtiet mill-qrib mar-reġim.

Huwa marbut ma’ operazzjonijiet tad-droga u b’mod aktar speċifiku mal-kummerċ ta’ Captagon fir-reġjun ta’ Lattakia. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

331.

Waseem Omar AL-MASALMA

وسيم عمر المسالمة

Data tat-twelid: 27.8.1981

Post tat-twelid: Bosra Al-Sham/Syria;

Nazzjonalità: Sirjana;

Sess: raġel

Waseem Omar al-Masalma huwa mexxej ta’ milizzja affiljata mar-reġim.

Waseem Omar al-Masalma huwa involut fil-kummerċ ta’ Captagon immexxi mir-reġim fin-Nofsinhar tas-Sirja, speċjalment f’Deraa. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

332.

Amer Tayseer KHITI

عامرتيسير خيتي

Data tat-twelid: 31.7.1980;

Post tat-twelid: Douma/Rif Dimashq Governorate/Syria;

Nazzjonalità: Sirjana;

Sess: raġel

Amer Tayseer Khiti huwa negozjant ewlieni li jopera fis-Sirja b’interessi fil-proprjetà immobbli, fil-kostruzzjoni u fl-industrija. Għandu rabtiet mill-qrib mal-familja Assad. Huwa sostenitur tal-president al-Assad u organizza dimostrazzjonijiet għalih.

Amer Tayseer Khiti huwa involut ukoll f’operazzjonijiet ta’ kuntrabandu ta’ Captagon u xtara proprjetajiet immobbli sabiex jinvesti f’faċilitajiet ta’ imballaġġ li jintużaw għall-kuntrabandu tad-droga. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

333.

Abdellatif HAMID

magħruf ukoll bħala ‘Hamida’

عبد اللطيف حميدة

Data tat-twelid: 1.12.1977;

Post tat-twelid: Aleppo, Syria;

Nazzjonalità: Sirjana;

Sess: raġel

Abdellatif Hamid għandu rabtiet mill-qrib mal-familja Assad.

Abdellatif Hamid huwa s-sid ta’ fabbrika f’Aleppo li ġiet implikata fil-produzzjoni u fit-traffikar ta’ Captagon. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

334.

Nouh ZAITER

Noah ZAITER

Noah ZAYTAR

نوح زعيتر

Data tat-twelid: 1977;

Post tat-twelid: Zahle, Lebanon;

Nazzjonalità: Libaniża;

Sess: raġel

Nouh Zaiter huwa assoċjat mal-membri tal-familja Assad.

Huwa involut fit-traffikar ta’ Captagon fil-Libanu u fis-Sirja. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

335.

Taher AL-KAYALI

طاهر الكيالي

Data tat-twelid: 13.12.1959;

Nazzjonalità: Sirjana;

Sess: raġel.

Taher Al-Kayali huwa negozjant Sirjan li għandu diversi kumpaniji fosthom Neptunus LLC.

Permezz tal-kumpaniji tiegħu, huwa involut fil-produzzjoni u fit-traffikar ta’ Captagon, speċjalment f’termini ta’ trasport mill-port ta’ Latakia. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

336.

Imad Abu ZUREIQ

Emad Abu ZURAIQ

Imad Abu ZREIK

عماد أبو زريق

Data tat-twelid: 1982;

Post tat-twelid: Nasib, Daraa (Syria);

Nazzjonalità: Sirjana;

Post suspettat: Daraa, Syria;

Sess: raġel

Imad Abu Zureiq huwa membru ewlieni ta’ milizzja affiljata mar-reġim fil-Lbiċ tas-Sirja li tirrapporta direttament lill-fergħa tas-Sigurtà Militari tar-reġim Sirjan.

Bħalissa l-milizzja tiegħu tapprofitta mill-ekonomija tal-gwerra, inkluż it-traffikar ta’ Captagon. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

337.

Mustafa AL-MASALMAH

magħruf ukoll bħala Mustafa AL-KASAM/QASIM

مصطفى المسالمة/الكسم

Nazzjonalità: Sirjana;

Post suspettat: Daraa Al-Balad, Syria

Sess: raġel

Mustafa al-Masalmah imexxi milizzja affiljata mar-reġim li tirrapporta direttament lill-fergħa tas-Sigurtà Militari tar-reġim Sirjan.

Bħalissa l-milizzja tiegħu tapprofitta mill-ekonomija tal-gwerra, inkluż it-traffikar tad-droga sintetika Captagon. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu.

Għalhekk jibbenefika mir-reġim u jappoġġah, u huwa assoċjat miegħu.

24.4.2023

338.

Hassan Muhammad DAQQOU

حسن محمد دقو

Data tat-twelid: 1.2.1985;

Post tat-twelid: Tfail, Lebanon;

Nazzjonalità: Sirjana/Libaniża;

Sess: raġel

Hassan Muhammad Daqqou għandu rabtiet mill-qrib mar-Raba’ Diviżjoni tal-Armata Sirjana. Daqqou stabbilixxa network wiesa’ tat-traffikar tad-droga fil-Libanu u fis-Sirja u bena impjanti tal-manifattura ta’ Captagon qrib il-fruntiera Sirjana-Libaniża. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

339.

Jihad BARAKAT

جهاد بركات

Data tat-twelid: 1964;

Post tat-twelid: Qardahah/Syria;

Nazzjonalità: Sirjana;

Sess: raġel

Jihad Barakat huwa, permezz taż-żwieġ, assoċjat mal-familja Assad.

Huwa wkoll mexxej ta’ milizzja affiljata mar-reġim u għad għandu funzjonijiet differenti militari u ta’ intelligence għar-reġim.

24.4.2023

340.

Raji FALHOUT

راجي فلحوط

Data tat-twelid: 3.10.1985;

Post tat-twelid: Atil, Syria;

Pożizzjoni: Mexxej tal-milizzja affiljata mar-reġim Sirjan;

Nazzjonalità: Sirjana;

Sess: raġel

Raji Falhout imexxi milizzja li hija assoċjata mal-Intelligence Militari Sirjana.

Raji Falhout huwa involut ukoll fit-traffikar tad-droga marbut ma’ Captagon. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

341.

Muhammad ABDO ASSAAD

magħruf ukoll bħala Asa’ad

محمد عبده أسعد

Data tat-twelid: 19.7.1975;

Post tat-twelid: Ain Tineh, Damascus Countryside, Syria;

Nazzjonalità: Sirjana;

Indirizz: Assaad Building, Main Street, Ain Tineh, Damascus Countryside;

Informazzjoni oħra għall-identifikazzjoni: Missier: Abdo Assaad

Sess: raġel

Muhammad Abdo Assaad huwa l-mexxej tal-milizzja Hosn al-Watan, li ġġieldet f’isem ir-reġim Sirjan.

Dan l-aħħar, waqqaf l-Aman for Protection and Security LLC, li toffri servizzi tas-sigurtà privati u topera bħala kumpannija fittizja għall-milizzja Hosn al-Watan. Għalhekk jibbenefika mir-reġim u jappoġġah.

24.4.2023

342.

Samer AL-DIBIS

سامر الدبس

(magħruf ukoll bħala Samer AL-DIBS, Samir)

Data tat-twelid: 30.3.1962;

Post tat-twelid: Damascus, Syria;

Nazzjonalità: Sirjana;

Indirizz: Naher Street, Rawda, Damascus, Syria;

Sess: raġel;

Samer al-Dibis huwa negozjant ewlieni li jopera fis-Sirja, attiv f’diversi setturi tal-ekonomija, speċjalment fl-industrija tal-kimika u fil-proprjetà immobbli. Huwa membru tal-Bord tad-Diretturi tal-Kunsill tan-Negozju Sirjan-Ċiniż u l-president tal-Kamra tal-Industrija ta’ Damasku u taż-Żona Rurali ta’ Damasku. Huwa wkoll membru tal-Parlament u assoċjat mill-qrib ta’ Maher al-Assad. F’dawn il-funzjonijiet Samer al-Dibis jibbenefika mir-reġim u jappoġġah.

24.4.2023

343.

Ali Najib IBRAHIM

علي نجيب إبراهيم

(magħruf ukoll bħala Ali Najeeb IBRAHIM)

Data tat-twelid: 1991;

Pożizzjoni: negozjant;

Nazzjonalità: Sirjana;

Indirizz: Al-Malki, Damascus, Syria;

Sess: raġel

Ali Najib Ibrahim huwa negozjant ewlieni li jopera fis-Sirja, attiv ukoll fis-settur tat-telekomunikazzjoni. Huwa s-sid ta’ diversi kumpaniji fittizji, li ġew marbuta mar-reġim Sirjan f’tentattivi biex jiġu evitati s-sanzjonijiet. Huwa għalhekk jibbenefika mir-reġim u jappoġġah.

24.4.2023

344.

Jamal ISMAIL

magħruf ukoll bħala Ismael

جمال إسماعيل

Nazzjonalità: Sirjana;

Entitajiet assoċjati: Military Intelligence Directorate;

Sess: raġel

Jamal al-Ismail kien il-kmandant tal-Branch 227 tal-Military Intelligence Directorate tar-reġim Sirjan fit-13 ta’ April 2013, meta l-unità tiegħu qatlet mill-inqas 41 persuna ċivili fil-belt ta’ Tadamon (il-“massakru ta’ Tadamon”). Huwa għalhekk responsabbli għar-repressjoni vjolenti tal-popolazzjoni ċivili fis-Sirja.

24.4.2023

345.

Jamal AL-KHATIB

جمال الخطيب

Entitajiet assoċjati: Military Intelligence Directorate

Jamal al-Khatib kien uffiċjal kmandant tal-Branch 227 tal-Military Intelligence Directorate tar-reġim Sirjan fit-13 ta’ April 2013, meta pparteċipa fil-qtil ta’ mill-inqas 41 persuna ċivili fil-belt ta’ Tadamon (il-“massakru ta’ Tadamon”). Huwa għalhekk responsabbli għar-repressjoni vjolenti tal-popolazzjoni ċivili fis-Sirja.

24.4.2023

346.

Osama AL-MALIKI

magħruf ukoll bħala Usama

أسامة المالكي

Data tat-twelid: 1963;

Post tat-twelid: Damascus, Syria;

Nazzjonalità: Sirjana;

Indirizz: Villa 98, Sharqiyyat, Jazira al-Khamisa, Qura al-Assad, Damascus Coutryside, Syria;

Informazzjoni oħra għall-identifikazzjoni: Missier: Mohammad al-Maliki – محمد المالكي

Sess: raġel

Osama al-Maliki huwa sid maġġoritarju ta’ Al-Jabal Security and Protection LLC. Al-Jabal Security and Protection LLC taġixxi bħala kumpannija fittizja biex ikunu jistgħu jitkomplew l-attivitajiet tal-milizzja Saraya al-Areen 313, milizzja affiljata mar-reġim. Għalhekk, Osama al-Maliki jibbenefika mir-reġim u jappoġġah.

24.4.2023

347.

Fadi SAQR

فادي أحمد

(magħruf ukoll bħala Fady SAKR, Fadi SAQER, Fadi SAQIR)

Data tat-twelid: 1975

Post tat-twelid: Jablah, Syria;

Nazzjonalità: Sirjana;

Sess: raġel

Fadi Saqr huwa mexxej tal-milizzja tan-“National Defense Forces” (NDF) f’Damasku li ilha tiġġieled f’isem ir-reġim sa minn tal-inqas l-2012. Għalhekk, Fadi Saqr huwa membru ta’ milizzja affiljata ma’ reġim.

Fadi Saqr kien parti mil-linja ta’ kmand fil-massakru ta’ mill-inqas 41 persuna ċivili fil-belt ta’ Tadamon fit-13 ta’ April 2013 (il-“massakru ta’ Tadamon”). Huwa għalhekk responsabbli għar-repressjoni vjolenti tal-popolazzjoni ċivili fis-Sirja.

24.4.2023

348.

Ahmad Ali TAHER

احمد علي طاهر

Data tat-twelid: 1982;

Nazzjonalità: Sirjana;

Indirizz: Damascus, Mazze, Western Villas, Saraya 36 Building, 3rd Floor;

Individwi assoċjati: Ħu: Khodr Taher;

Entitajiet assoċjati: Castle Security and Protection LLC;

Informazzjoni oħra għall-identifikazzjoni: Missier: Ali Taher;

Sess: raġel

Ahmad Ali Taher għandu ishma f’Castle Security and Protection LLC, li topera bħala kumpannija fittizja għar-Raba’ Diviżjoni tal-Armata Għarbija Sirjana, immexxija minn Maher al-Assad. Għalhekk jibbenefika mir-reġim u jappoġġah.

24.4.2023

349.

Amjad YOUSSEF

magħruf ukoll bħala Yusuf, Yousef

أمجد يوسف

Nazzjonalità: Sirjana

Sess: raġel

Amjad Youssef huwa Uffiċjal tal-Mandat fid-Direttorat tal-Intelligence Militari Sirjana.

Huwa kien membru tal-Branch 227 tad-Direttorat tal-Intelligence Militari tar-reġim Sirjan fit-13 ta’ April 2013, meta pparteċipa fil-qtil ta’ mill-inqas 41 persuna ċivili fil-belt ta’ Tadamon (il-“massakru ta’ Tadamon”). Huwa għalhekk responsabbli għar-repressjoni vjolenti tal-popolazzjoni ċivili fis-Sirja.

24.4.2023

350.

Osama RAMADAN

magħruf ukoll bħala Usama

أسامة رمضان

Data tat-twelid: 1973;

Nazzjonalità: Sirjana;

Indirizz: Damascus, Mazze, Western Villas, Saraya 36 Building, 3rd Floor;

Soċju tan-Negozju:: Ahmad Ali Taher;

Entitajiet assoċjati: Castle Security and Protection LLC;

Informazzjoni oħra għall-identifikazzjoni: Missier: Hassan Ramadan;

Sess: raġel

Osama Ramadan għandu ishma f’Castle Security and Protection LLC, li topera bħala kumpannija fittizja għar-Raba’ Diviżjoni tal-Armata Għarbija Sirjana, immexxija mill-Maher al-Assad. Huwa għalhekk jibbenefika mir-reġim u jappoġġah.

24.4.2023

351.

Ali Mhanna SULEIMAN

علي مهنا سليمان

Data tat-twelid: 1987;

Post tat-twelid: Al-Raml, Kherbet Maaza, Tartus, Syria;

Nazzjonalità: Sirjana;

Indirizz: Tartus, Khirbit Maaza, 36th Estate, Ghaya Estate Area;

Numru tal-identità nazzjonali: 10040018920;

Isem il-missier: Mhanna;

Isem l-omm: Insaf;

Sess: raġel

Ali Suleiman kien il-mexxej tas-Sahab Regiment, diviżjoni tal-Armata Għarbija Sirjana magħrufa bħala “Tiger Forces”. Huwa assoċjat mill-qrib ma’ Suhayl Hassan. Huwa kien involut fil-finanzjament tar-reġim, inkluż permezz tal-kuntrabandu tal-fjuwil. Huwa jibbenefika wkoll mill-assoċjazzjoni tiegħu mar-reġim, bħal pereżempju minn opportunitajiet fl-iżvilupp tal-proprjetà immobbli. Huwa għalhekk jibbenefika mir-reġim u jappoġġah.

24.4.2023”

(2)

l-entrati li ġejjin jiżdiedu mal-lista li tinsab fit-Taqsima B (entitajiet):

 

Isem

Informazzjoni ta’identifikazzjoni

Raġunijiet

Data tal-elenkar

“83.

Fourth Armoured Division of the Syrian Army

الفرقة الرابع

Post tar-reġistrazzjoni: Damascus;

Post prinċipali tan-negozju: Syrian regime territory in Syria;

Individwi assoċjati: Maher al-Assad, Ghassan Belal

Ir-Raba’ Diviżjoni Armata hija waħda mill-aktar unitajiet militari prominenti tal-armata Sirjana mmexxija minn Maher al-Assad u kkmandata minn Ghassan Bilal.

Ir-Raba’ Diviżjoni Armata hija responsabbli għar-repressjoni vjolenti tal-popolazzjoni ċivili.

Ir-Raba’ Diviżjoni Armata tagħmel profitt ukoll mill-ekonomija tal-gwerra, speċjalment it-traffikar ta’Captagon. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk, ir-Raba’ Diviżjoni Armata tibbenefika mir-reġim u tappoġġah.

24.4.2023

84.

Neptunus LLC/Neptune LLC company

شركة نبتونوس المحدودة المسؤولية

نبتونس أوفرسيز المحدودة

Post tar-reġistrazzjoni: Lattakia, Syria;

Data tar-reġistrazzjoni: 2017

Neptunus LLC hija involuta f’operazzjonijiet ta’ drogi fil-port ta’ Latakia. Għalhekk, Neptunus LLC tibbenefika mir-reġim u tappoġġah.

Neptunus LLC twaqqfet b’mod konġunt minn Taher Al-Kayali.

24.4.2023

85.

Areen foundation/مؤسسة العرين

Post tar-reġistrazzjoni: Syria;

Data tar-reġistrazzjoni: 1999;

Post prinċipali tan-negozju: Syria;

Individwi assoċjati: Asma al-Assad (mart Bashar al-Assad u Direttur)

Il-fondazzjoni al-Areen tippreżenta ruħha bħala fondazzjoni tal-karità, iżda hija affiljata mill-qrib mal-milizzji tar-reġim Sirjan.

Il-fondazzjoni al-Areen hija mmexxija minn mart il-President, Asma Al-Assad.

Il-fondazzjoni qed twassal l-għajnuna f’konformità mal-politiki u l-prijoritajiet tar-reġim, u għalhekk tibbenefika mir-reġim u tappoġġah.

24.4.2023

86.

Stroytransgaz/Стройтрансгаз

Informazzjoni oħra:

Stroytransgaz Group

Stroytransgaz (STG) Logistic,

Stroytransgaz (STG) Engineering,

STG Engineering

Stroytransgaz hija kumpannija Russa tal-inġinerija u tal-kostruzzjoni li topera fis-Sirja, li fost affarijiet oħra ħadet il-kontroll tal-akbar minjieri tal-fosfat fis-Sirja.

Għalhekk Stroytransgaza tibbenefika mir-reġim Sirjan u tappoġġah.

24.4.2023

87.

Gecopham, the General Company for Phosphate and Mines

الشركة العامة للفوسفات و المناجم

Indirizz: Palmyra Road, Homs, Syrian Arabic Republic;

Telefown: 00963312751122;

Email: info@gecopham.sy;

Maniġer Ġenerali: Younes Ramadan

Gecopham hija kkontrollata mill-Ministeru Sirjan għaż-Żejt Petroleum u r-Riżorsi Minerali u tipprovdi appoġġ finanzjarju lir-reġim. Għalhekk tappoġġa r-reġim.

24.4.2023

88.

Al-Jabal Security and Protection LLC

شركة الجبل لخدمات الحماية والحراسة

Indirizz: F6XR+495, Malek Bin Rabeaa, Damascus, Syria;

Tip ta’ entità: Kumpannija b’Responsabbiltà Limitata;

Post tar-reġistrazzjoni: Damascus;

Data tar-reġistrazzjoni: 19.10.2017;

Post prinċipali tan-negozju: Damascus, Syria;

Individwi assoċjati: Osama Mohammad al-Maliki

Al-Jabal Security and Protection LLC hija proprjetà ta’ u ġestita minn Osama al-Maliki.

Al-Jabal Security and Protection LLC taġixxi bħala kumpannija fittizja biex tippermetti li jitkomplew l-attivitajiet tal-milizzja Saraya al-Areen 313, milizzja affiljata mar-reġim. Għalhekk Al-Jabal Security and Protection LLC tibbenefika mir-reġim u tappoġġah.

24.4.2023

89.

Castle for Security and Protection LLC

شركة القلعة للحماية والحراسة والخدمات الأمني

magħrufa wkoll bħala Castle Security and Protection LLC, Citadel for Security and Protection

Indirizz:Saraya Roundabout, Western Villas, Mazze, Damascus, Syria;

Tip ta’ entità: Kumpannija b’Responsabbiltà Limitata;

Post tar-reġistrazzjoni: Damascus, Syria;

Data tar-reġistrazzjoni: 18.10.2017;

Numru tar-reġistrazzjoni:

Post prinċipali tan-negozju: Damascus, Syria;

Informazzjoni oħra: Settur: Militia turned Security Company;

Nru tat-telefown: +963116119331; +963943800808

Castle for Security and Protection LLC hija kumpannija privata, li taġixxi bħala kumpannija fittizja għar-Raba’ Diviżjoni tal-Armata Għarbija Sirjana, immexxija minn Maher al-Assad.

Castle for Security hija involuta wkoll fit-traffikar tan-narkotiċi. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk tibbenefika mir-reġim u tappoġġah.

24.4.2023

90.

Aman for Protection and Security LLC

شركة أمان للحماية والحراسة الأمنية

Indirizz: Damascus Countryside;

Tip ta’ entità: Kumpannija b’Responsabbiltà Limitata;

Post tar-reġistrazzjoni: Damascus Countryside;

Data tar-reġistrazzjoni: 10.10.2018;

Numru tar-reġistrazzjoni: 2906;

Post prinċipali tan-negozju: Damascus Countryside, Syria;

Individwi assoċjati: Muhammad Abdo Assad

Aman for Protection and Security LLC hija kumpannija tas-sigurtà privata, li taġixxi bħala kumpannija fittizja għall-milizzja Hosn al-Watan, imwaqqfa minn Muhammad Abdo Assaad. Għalhekk tibbenefika mir-reġim u tappoġġah.

24.4.2023”

24.4.2023   

MT

Il-Ġurnal Uffiċjali tal-Unjoni Ewropea

LI 109/13

REGOLAMENT TA’ IMPLIMENTAZZJONI TAL-KUNSILL (UE) 2023/845

tal-24 ta’ April 2023

li jimplimenta r-Regolament (UE) 2016/1686 li jimponi miżuri restrittivi addizzjonali kontra ISIL (Da’esh) u Al-Qaida u persuni fiżiċi u ġuridiċi, entitajiet jew korpi assoċjati magħhom

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament tal-Kunsill (UE) 2016/1686 tal-20 ta’ Settembru 2016 li jimponi miżuri restrittivi addizzjonali kontra ISIL (Da’esh) u Al-Qaida u persuni fiżiċi u ġuridiċi, entitajiet jew korpi assoċjati magħhom (1), u b’mod partikolari l-Artikolu 4(1) tiegħu,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

Billi:

(1)

Fl-20 ta’ Settembru 2016, il-Kunsill adotta r-Regolament (UE) 2016/1686.

(2)

Fid-dawl tat-theddida kontinwa mill-ISIL (Da’esh) u Al-Qaida, u minn persuni fiżiċi u ġuridiċi, entitajiet jew korpi assoċjati magħhom, żewġ persuni u grupp wieħed jenħtieġ li jinżdiedu mal-lista ta’ persuni fiżiċi u ġuridiċi, entitajiet u korpi li tinsab fl-Anness I tar-Regolament (UE) 2016/1686.

(3)

Għalhekk ir-Regolament (UE) 2016/1686 jenħtieġ li jiġi emendat skont dan,

ADOTTA DAN IR-REGOLAMENT:

Artikolu 1

L-Anness I tar-Regolament (UE) 2016/1686 huwa emendat skont l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fid-data tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fil-Lussemburgu, l-24 ta’ April 2023.

Għall-Kunsill

Il-President

J. BORRELL FONTELLES

(1)   ĠU L 255, 21.9.2016, p. 1.

ANNESS

L-Anness I tar-Regolament (UE) 2016/1686 huwa emendat kif ġej:

(1)

l-entrati li ġejjin jinżdiedu taħt l-intestatura “A. Persuni fiżiċi msemmija fl-Artikolu 3”:

“15.

Abu Yasir HASSAN (magħruf ukoll bħala Sheikh Hassan, Ahmed Mahmoud Hassan, Yaseer Hassan, Abu Qasim); data tat-twelid: mill-1981 sal-1983; post tat-twelid: Pwani Region, Tanzania; sess: raġel; nazzjonalità: Tanzanija.

16.

Bonomade Machude OMAR (magħruf ukoll bħala Ibn Omar, Abu Sulayfa Muhammad, Abu Sorraca, Abu Surakha, Abu Suraqa Suraqa Filho, Omar Saide, Sheikh Omar); data tat-twelid: 15 ta’ Ġunju 1988; post tat-twelid: Palma district, Cabo Delgado province, Mozambique; sess: raġel; nazzjonalità: Mozambiquejana.”;

(2)

l-entrata li ġejja tinżdied taħt l-intestatura “B. Persuni ġuridiċi, entitajiet u korpi msemmija fl-Artikolu 3”:

“5.

ISIS-Mozambique (magħruf ukoll bħala Islamic State of Iraq and Syria — Mozambique, Islamic State — Mozambique, ISIL-M, Ansar Al-Sunna, Al-Shabaab, Al-Shabaab in Mozambique, Mozambique Wilaya of the Islamic State, Ahlu Sunna wa Jamaah (ASwJ), Ahl al-Sunna wa al-Jamaa, Ahlu al-Sunnah wal-Jamaah, Ahlu Sunnah Wajamo, Swahili Sunna).”.

24.4.2023   

MT

Il-Ġurnal Uffiċjali tal-Unjoni Ewropea

LI 109/15

REGOLAMENT TA’ IMPLIMENTAZZJONI TAL-KUNSILL (UE) 2023/846

tal-24 ta’ April 2023

li jimplimenta r-Regolament (UE) Nru 359/2011 dwar miżuri restrittivi diretti kontra ċerti persuni, entitajiet u korpi fil-kuntest tas-sitwazzjoni fl-Iran

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea,

Wara li kkunsidra r-Regolament tal-Kunsill (UE) Nru 359/2011 tat-12 ta’ April 2011 dwar miżuri restrittivi diretti kontra ċerti persuni, entitajiet u korpi fil-kuntest tas-sitwazzjoni fl-Iran (1), u b’mod partikolari l-Artikolu 12(1) tiegħu,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

Billi:

(1)

Fit-12 ta’ April 2011, il-Kunsill adotta r-Regolament (UE) Nru 359/2011.

(2)

Fil-25 ta’ Settembru 2022, ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà ħareġ dikjarazzjoni f’isem l-Unjoni li tikkundanna l-użu mifrux u sproporzjonat tal-forza mill-forzi tas-sigurtà Iranjani kontra dimostranti mhux vjolenti, filwaqt li tinnota li dan kien wassal imwiet u għadd kbir ta’ persuni midruba. Id-dikjarazzjoni stqarret ukoll li dawk responsabbli għall-qtil ta’ Mahsa Amini jridu jinżammu responsabbli, u appellat lill-awtoritajiet Iranjani biex jiżguraw investigazzjonijiet trasparenti u kredibbli biex jiċċaraw l-għadd ta’ persuni mejta u arrestati, biex jeħilsu lid-dimostranti mhux vjolenti kollha u biex jipprovdu proċess xieraq lid-detenuti kollha. Barra minn hekk, id-dikjarazzjoni enfasizzat li d-deċiżjoni tal-Iran li jirrestrinġi severament l-aċċess għall-Internet u jimblokka pjattaformi ta’ messaġġi istantanji tikser b’mod sfaċċat il-libertà tal-espressjoni. Fl-aħħar nett, id-dikjarazzjoni stqarret li l-Unjoni ser tikkunsidra l-għażliet kollha għad-dispożizzjoni tagħha biex tindirizza l-qtil ta’ Mahsa Amini u l-mod kif il-forzi tas-sigurtà Iranjani wieġbu għad-dimostrazzjonijiet li segwew.

(3)

F’dan il-kuntest, u f’konformità mal-impenn tal-Unjoni li tindirizza l-kwistjonijiet kollha ta’ tħassib mal-Iran, fosthom is-sitwazzjoni tad-drittijiet tal-bniedem, kif ikkonfermata fil-Konklużjonijiet tal-Kunsill tat-12 ta’ Diċembru 2022, jenħtieġ li tmien persuni u entità waħda jiġu inklużi fil-lista ta’ persuni fiżiċi u ġuridiċi, entitajiet u korpi soġġetti għal miżuri restrittivi li jinsabu fl-Anness I għar-Regolament (UE) Nru 359/2011.

(4)

Għalhekk ir-Regolament (UE) Nru 359/2011 jenħtieġ li jiġi emendat skont dan,

ADOTTA DAN IR-REGOLAMENT:

Artikolu 1

L-Anness I tar-Regolament (UE) Nru 359/2011 huwa emendat f’konformità mal-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fil-Lussemburgu, l-24 ta’ April 2023.

Għall-Kunsill

Il-President

J. BORRELL FONTELLES

(1)   ĠU L 100, 14.4.2011, p. 1.

ANNESS

It-tmien persuni u l-entità li ġejjin jinżdiedu mal-lista ta’ persuni fiżiċi u ġuridiċi, entitajiet u korpi li tinsab fl-Anness I tar-Regolament (UE) Nru 359/2011:

 

Persuni

 

Isem

Informazzjoni identifikattiva

Raġunijiet

Data tal-elenkar

“214.

NOBAVEHVATAN Bijan

بیژن نوباوه وطن

Data tat-twelid: 1959/1960

Post tat-twelid: Tehran, Iran

Nazzjonalità: Iranjana

Sess: raġel

Funzjoni: Membru tal-Parlament Iranjan; l-Ewwel Viċi President tal-Kummissjoni għall-Kultura tal-Parlament Iranjan

Bijan Nobaveh Vatan huwa leġiżlatur u estremist Iranjan kif ukoll l-Ewwel Viċi President tal-Kummissjoni għall-Kultura tal-Parlament Iranjan.

Huwa wieħed mill-227 membru tal-Parlament li ffirmaw dikjarazzjoni fis-6 ta’ Novembru 2022 li faħħret lill-forzi tas-sigurtà għall-qtil tad-dimostranti u ħeġġet lill-ġudikatura biex tħaffef il-proċessi u tikkundanna lid-dimostranti għall-mewt billi tiddikjarahom “Muharebeh”, jew “mibegħda kontra Alla”.

Barra minn hekk, huwa forza li tixpruna l-leġiżlazzjoni li tinforza r-regoli restrittivi tal-ilbies fuq in-nisa billi tippromulga penali għall-istituzzjonijiet, in-negozji u l-individwi li jinteraġixxu ma’ nisa li ma jikkonformawx, u b’hekk jinħoloq bojkott kontrihom.

Bħala Membru tal-Parlament Iranjan, Nobaveh Vatan appoġġa l-qtil, id-detenzjoni u t-tortura ta’ persuni matul il-protesti tal-2022/2023 fil-pajjiż kollu fl-Iran. Huwa jappoġġa wkoll il-leġiżlazzjoni li tirrevoka sostanzjalment id-drittijiet soċjali u ekonomiċi tan-nisa fl-Iran.

Għalhekk iġorr responsabbiltà għal ksur serju tad-drittijiet tal-bniedem fl-Iran.

24.4.2023

215.

YAZDIKHAH Ali

علی یزدی خواه

Nazzjonalità: Iranjana

Sess: raġel

Funzjoni: Membru tal-Parlament Iranjan; Membru tal-Kummissjoni għall-Kultura tal-Parlament Iranjan

Ali Yazdikhah huwa leġiżlatur u estremist Iranjan kif ukoll Membru tal-Kummissjoni għall-Kultura tal-Parlament Iranjan.

Huwa wieħed mill-227 membru tal-Parlament li ffirmaw dikjarazzjoni fis-6 ta’ Novembru 2022 li faħħret lill-forzi tas-sigurtà għall-qtil tad-dimostranti u ħeġġet lill-ġudikatura biex tħaffef il-proċessi u tikkundanna lid-dimostranti għall-mewt billi tiddikjarahom “Muharebeh”, jew “mibegħda kontra Alla”.

Barra minn hekk, huwa forza li tixpruna l-leġiżlazzjoni li tinforza r-regoli restrittivi tal-ilbies fuq in-nisa billi tippromulga penali għall-istituzzjonijiet, in-negozji u l-individwi li jinteraġixxu ma’ nisa li ma jikkonformawx, u b’hekk jinħoloq bojkott kontrihom.

Bħala Membru tal-Parlament Iranjan, Yazdikhah appoġġa l-qtil, id-detenzjoni u t-tortura ta’ persuni matul il-protesti tal-2022/2023 fil-pajjiż kollu fl-Iran. Huwa jappoġġa wkoll il-leġiżlazzjoni li tirrevoka sostanzjalment id-drittijiet soċjali u ekonomiċi tan-nisa fl-Iran.

Għalhekk iġorr responsabbiltà għal ksur serju tad-drittijiet tal-bniedem fl-Iran.

24.4.2023

216.

ALIBABAEI Mehdi

محدی علی بابایی

(magħruf ukoll bħala ALI BABAEI Mehdi, BABAEI Ali Mehdi)

Nazzjonalità: Iranjana

Sess: raġel

Grad: Maġġur

Funzjoni: deputat provinċjali tal-Korp tal-Gwardjani tar-Rivoluzzjoni Iżlamika (IRGC) f’Qom

Il-Maġġur Mehdi Alibabaei huwa d-deputat provinċjali tal-Korp tal-Gwardjani tar-Rivoluzzjoni Iżlamika (IRGC) f’Qom. Huwa jidderieġi l-forzi tal-IRGC u tal-Basij fil-belt ta’ Qom.

Wara l-mewt ta’ Mahsa Amini f’Settembru 2022, kien hemm uħud mill-aktar protesti intensi fil-belt ta’ Qom. Il-forzi tas-sigurtà, inkluż l-IRGC u l-milizzja tal-Basij ġew skjerati biex irażżnu b’mod vjolenti dawn il-protesti. Minn Marzu 2023, il-milizzja tal-IRGC u tal-Basij ingħataw struzzjonijiet ukoll biex jinfurzaw il-liġi obbligatorja tal-ħiġab permezz ta’ metodi ġodda ta’ oppressjoni.

Alibabaei żvela skema ġdida biex jiġu skjerati membri tal-milizzja tal-Basij f’kull viċinat ta’ Qom biex tiġi infurzata l-liġi tal-ħiġab. L-iskema l-ġdida tinkludi l-installazzjoni ta’ programmi bħal “Kun mexxej famuż fil-viċinat tagħna”, li jordnaw lill-forzi tal-IRGC/tal-Basij biex iwettqu pattulji tal-viċinat, l-użu ta’ intelligence, intimidazzjoni, u jinfurzaw ir-responsabbiltà ta’ ċittadini regolari (pereżempju bl-appell għar-responsabbiltà tal-maniġers ta’ bini u residenzi għal residenti “bil-velu milbus ħażin”). Din l-iskema tirrappreżenta livell ġdid ta’ denunzja u ġbir ta’ informazzjoni mill-popolazzjoni ġenerali biex jiġu oppressi n-nisa.

Taħt il-kmand ta’ Alibabaei, il-forzi lokali tal-IRGC u tal-Basij f’Qom huma ordnati jinfurzaw ċerti liġijiet magħżula, b’mezzi u metodi li jintimidaw liċ-ċittadini u jiksru d-drittijiet fundamentali tagħhom.

Bħala deputat provinċjali tal-IRGC f’Qom, il-Maġġur Mehdi Alibabaei huwa responsabbli mill-atti ta’ oppressjoni mwettqa mill-forzi lokali tal-IRGC u tal-Basij u l-ksur min-naħa tagħhom tad-drittijiet għal-libertà tal-espressjoni u l-privatezza.

Għalhekk iġorr responsabbiltà għal ksur serju tad-drittijiet tal-bniedem fl-Iran.

24.4.2023

217.

NOUROUZI Ali Asghar

(magħruf ukoll bħala NOROUZI Ali Asghar)

Data tat-twelid: 11.11.1962

Post tat-twelid: Dashtestan, Bushehr province, Iran

Indirizz: Unit 29, 5th Floor, Talaieh Block- B1, Elahiyeh Complex 1, Number 0, Alley 2-Shahid Sajjad Rushanai, Rabbaninejad Street, Zein Aldin Municipality, Qom 3739144673, Iran

Nazzjonalità: Iranjana

Sess: raġel

Numru tal-passaport: Y53914915 (Iran) li jiskadi fil-11.5.2026

Numru tal-identità nazzjonali Iranjan: 4591967573

Funzjoni: president tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)

Individwi assoċjati: Seyyed Aminollah; Emami Tabatabai; Yahya Alaoddini; Jamal Babamoradi; Ahmad Karimi

Entitajiet assoċjati: Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)/Bonyad Taavon Sepah

IRGC

Ali Asghar Nourouzi huwa l-president tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC) elenkata mill-UE.

L-IRGC kien minn ta’ quddiem fir-repressjoni tal-protesti tal-2022/2023 fl-Iran li raw aktar minn 520 persuna maqtula, li aktar minn 70 minnhom kienu minorenni, u aktar minn 22 000 arrest/priġunerija.

Il-Fondazzjoni Kooperattiva tal-IRGC hija l-korp responsabbli għall-ġestjoni tal-investimenti tal-IRGC u f’dak il-qafas hija responsabbli li għaddiet il-flus għar-repressjoni brutali tar-reġim.

Bħala president tal-bord tad-diretturi tal-Fondazzjoni Kooperattiva tal-IRGC, Ali Asghar Nourouzi huwa għalhekk responsabbli li pprovda volontarjament u konxjament l-istrumenti li bihom twettqet u għada ssir ir-repressjoni brutali.

Għalhekk iġorr responsabbiltà għal ksur serju tad-drittijiet tal-bniedem fl-Iran.

24.4.2023

218.

TABATABAI Seyyed Amin Ala Emami

(magħruf ukoll bħala TABATBAYI Aminallah Imami)

Data tat-twelid: 26.8.1963

Post tat-twelid: Meybod, Iran

Indirizz: Tehran, Iran

Nazzjonalità: Iranjana

Sess: raġel

Numru tal-identità nazzjonali Iranjan: 4489260229

Funzjoni: viċi president tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC); direttur maniġerjali tal-Fondazzjoni Kooperattiva tal-IRGC

Individwi assoċjati: Ali Asghar Nourouzi; Yahya Alaoddini; Jamal Babamoradi; Ahmad Karimi

Seyyed Amin Ala Emami Tabatabai huwa l-viċi president tal-bord tad-diretturi kif ukoll id-direttur maniġerjali tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC) elenkata mill-UE.

L-IRGC kien minn ta’ quddiem fir-repressjoni tal-protesti tal-2022/2023 fl-Iran li raw aktar minn 520 persuna maqtula, li aktar minn 70 minnhom kienu minorenni, u aktar minn 22 000 arrest/priġunerija.

Il-Fondazzjoni Kooperattiva tal-IRGC hija l-korp responsabbli għall-ġestjoni tal-investimenti tal-IRGC u f’dak il-qafas hija responsabbli li għaddiet il-flus għar-repressjoni brutali tar-reġim.

Bħala viċi president tal-bord tad-diretturi u direttur maniġerjali tal-Fondazzjoni Kooperattiva tal-IRGC, Seyyed Amin Ala Emami Tabatabai huwa għalhekk responsabbli li pprovda volontarjament u konxjament l-istrumenti li bihom twettqet u għada ssir ir-repressjoni brutali.

24.4.2023

 

 

Entitajiet assoċjati: Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)/Bonyad Taavon Sepah

IRGC

Għalhekk iġorr responsabbiltà għal ksur serju tad-drittijiet tal-bniedem fl-Iran.

 

219.

ALAODDINI Yahya

(magħruf ukoll bħala ALA’ODDINI Yahya; ALAEDDINI Yahya)

Data tat-twelid: 21.5.1965

Post tat-twelid: Tehran, Iran

Nazzjonalità: Iranjana

Sess: raġel

Numru tal-passaport: K47201906 (Iran), jiskadi fid-19.10.2023

Numru tal-identità nazzjonali Iranjan: 0036732958

Funzjoni: membru tal-Bord tad-Diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)

Yahya Alaoddini huwa membru tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC) elenkata mill-UE.

L-IRGC kien minn ta’ quddiem fir-repressjoni tal-protesti tal-2022/2023 fl-Iran li raw aktar minn 520 persuna maqtula, li aktar minn 70 minnhom kienu minorenni, u aktar minn 22 000 arrest/priġunerija.

Il-Fondazzjoni Kooperattiva tal-IRGC hija l-korp responsabbli għall-ġestjoni tal-investimenti tal-IRGC u f’dak il-qafas hija responsabbli li għaddiet il-flus għar-repressjoni brutali tar-reġim.

24.4.2023

 

 

Individwi assoċjati: Ali Asghar Nourouzi; Jamal Babamoradi; Ahmad Karimi; Seyyed Amin Ala Emami Tabatabai

Entitajiet assoċjati: Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)/Bonyad Taavon Sepah

IRGC

Bħala membru tal-bord tad-diretturi tal-Fondazzjoni Kooperattiva tal-IRGC, Yahya Alaoddini huwa għalhekk responsabbli li pprovda volontarjament u konxjament l-istrumenti li bihom twettqet u għada ssir ir-repressjoni brutali.

Għalhekk iġorr responsabbiltà għal ksur serju tad-drittijiet tal-bniedem fl-Iran.

 

220.

BABAMORADI Jamal Ali

Data tat-twelid: 24.5.1960

Post tat-twelid: Tehran, Iran

Indirizz: Tehran, Iran

Nazzjonalità: Iranjana

Sess: raġel

Numru tal-identità nazzjonali Iranjana: 0036824240

Funzjoni: membru tal-Bord tad-Diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)

Individwi assoċjati: Ali Asghar Nourouzi; Ahmad Karimi; Yahya Alaoddini; Seyyed Amin Ala Emami Tabatabai

Jamal Ali Babamoradi huwa membru tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC) elenkata mill-UE.

L-IRGC kien minn ta’ quddiem fir-repressjoni tal-protesti tal-2022/2023 fl-Iran li raw aktar minn 520 persuna maqtula, li aktar minn 70 minnhom kienu minorenni, u aktar minn 22 000 arrest/priġunerija.

Il-Fondazzjoni Kooperattiva tal-IRGC hija l-korp responsabbli għall-ġestjoni tal-investimenti tal-IRGC u f’dak il-qafas hija responsabbli li għaddiet il-flus għar-repressjoni brutali tar-reġim.

Bħala membru tal-bord tad-diretturi tal-Fondazzjoni Kooperattiva tal-IRGC, Jamal Ali Babamoradi huwa għalhekk responsabbli li pprovda volontarjament u konxjament l-istrumenti li bihom twettqet u għada ssir ir-repressjoni brutali.

24.4.2023

 

 

Entitajiet assoċjati: Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)/Bonyad Taavon Sepah

IRGC

Għalhekk iġorr responsabbiltà għal ksur serju tad-drittijiet tal-bniedem fl-Iran.

 

221.

KARIMI Ahmad Hasan

Data tat-twelid: 11.12.1962

Post tat-twelid: Qom, Iran

Indirizz: Tehran, Iran

Nazzjonalità: Iranjana

Sess: raġel

Numru tal-identità nazzjonali Iranjan: 0382947983

Funzjoni: membru tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)

Ahmad Hasan Karimi huwa membru tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC) elenkata mill-UE.

L-IRGC kien minn ta’ quddiem fir-repressjoni tal-protesti tal-2022/2023 fl-Iran li raw aktar minn 520 persuna maqtula, li aktar minn 70 minnhom kienu minorenni, u aktar minn 22 000 arrest/priġunerija.

Il-Fondazzjoni Kooperattiva tal-IRGC hija l-korp responsabbli għall-ġestjoni tal-investimenti tal-IRGC u f’dak il-qafas responsabbli li għaddiet il-flus għar-repressjoni brutali tar-reġim.

24.4.2023”

 

 

Individwi assoċjati: Ali Asghar Nourouzi; Yahya Alaoddini; Seyyed Amin Ala Emami Tabatabai; Jamal Ali Babamoradi

Entitajiet assoċjati: Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)/Bonyad Taavon Sepah

IRGC

Bħala membru tal-bord tad-diretturi tal-Fondazzjoni Kooperattiva tal-IRGC, Ahmad Hasan Karimi huwa għalhekk responsabbli li pprovda volontarjament u konxjament l-istrumenti li bihom twettqet u għada ssir ir-repressjoni brutali.

Għalhekk iġorr responsabbiltà għal ksur serju tad-drittijiet tal-bniedem fl-Iran.

 

 

Entitajiet

 

Isem

Informazzjoni identifikattiva

Raġunijiet

Data tal-elenkar

“35.

Ariantel

Indirizz: Ariantel Head Office, No. 15, 15th alley, South Gandhi Street, Tehran, Iran

Sit web: http://www.ariantel.ir

Tip ta’ entità: kumpanija privata

Ariantel hija fornitur tas-servizzi mobbli Iranjan, li kien minn ta’ quddiem nett fit-tnedija tal-arkitettura komprensiva tas-sorveljanza tat-telekomunikazzjoni mmappjata mill-Gvern Iranjan biex trażżan id-dissens u l-ilħna kritiċi fl-Iran.

Ariantel fittxet u tagħmel użu b’mod attiv minn prodotti ta’ cyberware użati għall-monitoraġġ, il-ġeolokalizzazzjoni u l-interċettazzjoni ta’ telefonati u attivitajiet ta’ komunikazzjoni mobbli oħra tal-utenti tagħha fuq talba tal-Gvern Iranjan. Sussegwentement, din l-informazzjoni ntużat biex jiġu mrażżna u sfrattati l-protesti u biex jiġu identifikati, immirati u arrestati dimostranti u attivisti paċifiċi.

Għalhekk, Ariantel hija responsabbli għal ksur serju tad-drittijiet tal-bniedem fl-Iran.

24.4.2023”

DEĊIŻJONIJIET

24.4.2023   

MT

Il-Ġurnal Uffiċjali tal-Unjoni Ewropea

LI 109/26

DEĊIŻJONI TA’ IMPLIMENTAZZJONI TAL-KUNSILL (PESK) 2023/847

tal-24 ta’ April 2023

li timplimenta d-Deċiżjoni 2013/255/PESK dwar miżuri restrittivi fid-dawl tas-sitwazzjoni fis-Sirja

IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea, u b’mod partikolari l-Artikolu 31(2) tiegħu,

Wara li kkunsidra d-Deċiżjoni tal-Kunsill 2013/255/PESK tal-31 ta’ Mejju 2013 dwar miżuri restrittivi fid-dawl tas-sitwazzjoni fis-Sirja (1), u b’mod partikolari l-Artikolu 30(1) tagħha,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

Billi:

(1)

Fil-31 ta’ Mejju 2013, il-Kunsill adotta d-Deċiżjoni 2013/255/PESK.

(2)

Il-Kunsill jibqa’ mħasseb ħafna dwar is-sitwazzjoni fis-Sirja. Wara aktar minn deċennju, il-kunflitt fis-Sirja għadu ’l bogħod milli jintemm u għadu sors ta’ tbatija u instabbiltà.

(3)

Il-Kunsill jinnota li r-reġim Sirjan qed ikompli jsegwi l-politika ta’ repressjoni tiegħu. Fid-dawl tal-gravità tas-sitwazzjoni li għadha tippersisti, il-Kunsill iqis li hu meħtieġ li jżomm u jiżgura l-effettività tal-miżuri restrittivi stabbiliti billi jkompli jiżviluppahom waqt li jżomm l-approċċ immirat u differenzjat tagħhom, filwaqt li jqis il-kundizzjonijiet umanitarji tal-popolazzjoni Sirjana. Il-Kunsill iqis li ċerti kategoriji ta’ persuni u entitajiet huma ta’ rilevanza partikolari għall-effettività ta’ dawk il-miżuri restrittivi, minħabba l-kuntest speċifiku dominanti fis-Sirja.

(4)

Il-Kunsill ivvaluta li l-milizzji affiljati mar-reġim jappoġġaw lir-reġim Sirjan fil-politiki ta’ repressjoni tiegħu, iwettqu abbużi tad-drittijiet tal-bniedem u ksur tad-dritt umanitarju internazzjonali f’isem ir-reġim Sirjan u li l-membri tagħhom joħolqu riskju serju ta’ twettiq ta’ aktar ksur bħal dan. F’dawn l-aħħar snin kien hemm żieda fil-kumpanniji tas-sigurtà privati li joperaw fis-Sirja, li jaġixxu bħala kumpaniji fittizji għal milizzji affiljati mar-reġim u jappoġġawhom permezz ta’ attivitajiet bħar-reklutaġġ ta’ membri. Għalhekk, il-Kunsill iqis li huma meħtieġa aktar miżuri restrittivi biex jiġu ffriżati l-fondi u r-riżorsi ekonomiċi kollha li jappartjenu lil, huma proprjetà ta’, miżmuma jew ikkontrollati minn membri ta’ milizzji affiljati mar-reġim Sirjan, kif ukoll persuni u entitajiet marbuta ma’ ċerti kumpanniji tas-sigurtà privati li jappoġġaw tali milizzji affiljati mar-reġim, u biex jiġu imposti restrizzjonijiet fuq l-ammissjoni għal tali persuni, kif identifikati mill-Kunsill u elenkati fl-Anness I għad-Deċiżjoni 2013/255/PESK.

(5)

Il-Kunsill huwa mħasseb ħafna dwar iż-żieda fil-kummerċ tan-narkotiċi li joriġinaw fis-Sirja. Il-Kunsill ivvaluta b’mod partikolari li l-kummerċ fl-amfetamini sar mudell ta’ negozju mmexxi mir-reġim, li jarrikkixxi ċ-ċirku intern tar-reġim, u jipprovdilu dħul li jikkontribwixxi għall-kapaċità tiegħu li jżomm il-politiki ta’ repressjoni tiegħu. Il-Kunsill iqis li hu għandu jipprevedi miżuri restrittivi għall-iffriżar tal-fondi u r-riżorsi ekonomiċi kollha li jappartjenu lil, huma proprjetà ta’, miżmuma jew ikkontrollati minn ċerti persuni u entitajiet involuti fil-produzzjoni jew it-traffikar ta’ narkotiċi li joriġinaw fis-Sirja, kif identifikati mill-Kunsill u elenkati fl-Anness I għad-Deċiżjoni 2013/255/PESK, u biex jimponi restrizzjonijiet fuq l-ammissjoni għal tali persuni, sabiex ma jħallihomx jipprovdu appoġġ lir-reġim u biex tiżdied il-pressjoni fuq ir-reġim biex jibdel il-politiki ta’ repressjoni tiegħu. Dawn il-miżuri għandhom ukoll l-għan li jnaqqsu r-riskju li tiġi mminata l-effettività tal-miżuri restrittivi billi jimmiraw il-kapaċità tar-reġim li jirrikorri għal rikavati mill-kummerċ tan-narkotiċi biex ikompli bil-politika ta’ repressjoni tiegħu.

(6)

Fid-dawl tal-gravità tas-sitwazzjoni, il-Kunsill iqis li 25 persuna u 8 entitajiet jenħtieġ li jiżdiedu mal-lista ta’ persuni fiżiċi u ġuridiċi, entitajiet jew korpi soġġetti għall-miżuri restrittivi stabbiliti fl-Anness I għad-Deċiżjoni 2013/255/PESK.

(7)

Għalhekk jenħtieġ li d-Deċiżjoni 2013/255/PESK tiġi emendata skont dan,

ADOTTA DIN ID-DEĊIŻJONI:

Artikolu 1

L-Anness I għad-Deċiżjoni 2013/255/PESK huwa emendat kif jinsab fl-Anness għal din id-Deċiżjoni.

Artikolu 2

Din id-Deċiżjoni għandha tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fil-Lussemburgu, l-24 ta’ April 2023.

Għall-Kunsill

Il-President

J. BORRELL FONTELLES

(1)   ĠU L 147, 1.6.2013, p. 14.

ANNESS

L-Anness I għad-Deċiżjoni 2013/255/PESK huwa emendat kif ġej:

(1)

l-entrati li ġejjin jiżdiedu mal-lista li tinsab fit-Taqsima A (Persuni):

 

Isem

Informazzjoni ta’ identifikazzjoni

Raġunijiet

Data tal-elenkar

“327.

Wasim Badia AL-ASSAD

وسيم بديع الأسد

Data tat-twelid: 18.7.1980;

Post tat-twelid: Qardaha/Syria;

Nazzjonalità: Sirjana;

Sess: raġel

Wasim Badia al-Assad huwa l-kuġin ta’ Bashar al-Assad; għalhekk huwa membru tal-familja Assad.

Wasim Badia al-Assad huwa involut ukoll fil-produzzjoni u fit-traffikar ta’ Captagon. B’mod partikolari, huwa kien involut fil-produzzjoni ta’ Captagon u huwa responsabbli għall-konsenji tad-droga. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

328.

Samer Kamal AL-ASSAD

magħruf ukoll bħala ‘Samir’

سامر كمال الأسد

Data tat-twelid: 19.5.1973;

Post tat-twelid: Qardaha, Syria;

Nazzjonalità: Sirjana;

Sess: raġel

Samer Kamal al-Assad huwa membru tal-familja Assad.

Huwa jopera fil-kuntest tal-kummerċ tan-narkotiċi, b’mod partikolari fil-produzzjoni tagħhom. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

329.

Mudar Rifaat AL-ASSAD

magħruf ukoll bħala ‘Rifa’at’

مضر رفعت الأسد

Data tat-twelid: 1964;

Post tat-twelid: Syria;

Nazzjonalità: Sirjana;

Sess: raġel

Mudar Rifaat al-Assad huwa l-kuġin ta’ Bashar al-Assad; għalhekk huwa membru tal-familja Assad.

24.4.2023

330.

Mohammad SHALISH

محمد شاليش

Nazzjonalità: Sirjana;

Sess: raġel

Mohammad Shalish għandu rabtiet mill-qrib mar-reġim.

Huwa marbut ma’ operazzjonijiet tad-droga u b’mod aktar speċifiku mal-kummerċ ta’ Captagon fir-reġjun ta’ Lattakia. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

331.

Waseem Omar AL-MASALMA

وسيم عمر المسالمة

Data tat-twelid: 27.8.1981

Post tat-twelid: Bosra Al-Sham/Syria;

Nazzjonalità: Sirjana;

Sess: raġel

Waseem Omar al-Masalma huwa mexxej ta’ milizzja affiljata mar-reġim.

Waseem Omar al-Masalma huwa involut fil-kummerċ ta’ Captagon immexxi mir-reġim fin-Nofsinhar tas-Sirja, speċjalment f’Deraa. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

332.

Amer Tayseer KHITI

عامرتيسير خيتي

Data tat-twelid: 31.7.1980;

Post tat-twelid: Douma/Rif Dimashq Governorate/Syria;

Nazzjonalità: Sirjana;

Sess: raġel

Amer Tayseer Khiti huwa negozjant ewlieni li jopera fis-Sirja b’interessi fil-proprjetà immobbli, fil-kostruzzjoni u fl-industrija. Għandu rabtiet mill-qrib mal-familja Assad. Huwa sostenitur tal-president al-Assad u organizza dimostrazzjonijiet għalih.

Amer Tayseer Khiti huwa involut ukoll f’operazzjonijiet ta’ kuntrabandu ta’ Captagon u xtara proprjetajiet immobbli sabiex jinvesti f’faċilitajiet ta’ imballaġġ li jintużaw għall-kuntrabandu tad-droga. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

333.

Abdellatif HAMID

magħruf ukoll bħala ‘Hamida’

عبد اللطيف حميدة

Data tat-twelid: 1.12.1977;

Post tat-twelid: Aleppo, Syria;

Nazzjonalità: Sirjana;

Sess: raġel

Abdellatif Hamid għandu rabtiet mill-qrib mal-familja Assad.

Abdellatif Hamid huwa s-sid ta’ fabbrika f’Aleppo li ġiet implikata fil-produzzjoni u fit-traffikar ta’ Captagon. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

334.

Nouh ZAITER

Noah ZAITER

Noah ZAYTAR

نوح زعيتر

Data tat-twelid: 1977;

Post tat-twelid: Zahle, Lebanon;

Nazzjonalità: Libaniża;

Sess: raġel

Nouh Zaiter huwa assoċjat mal-membri tal-familja Assad.

Huwa involut fit-traffikar ta’ Captagon fil-Libanu u fis-Sirja. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

335.

Taher AL-KAYALI

طاهر الكيالي

Data tat-twelid: 13.12.1959;

Nazzjonalità: Sirjana;

Sess: raġel.

Taher Al-Kayali huwa negozjant Sirjan li għandu diversi kumpaniji fosthom Neptunus LLC.

Permezz tal-kumpaniji tiegħu, huwa involut fil-produzzjoni u fit-traffikar ta’ Captagon, speċjalment f’termini ta’ trasport mill-port ta’ Latakia. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

336.

Imad Abu ZUREIQ

Emad Abu ZURAIQ

Imad Abu ZREIK

عماد أبو زريق

Data tat-twelid: 1982;

Post tat-twelid: Nasib, Daraa (Syria);

Nazzjonalità: Sirjana;

Post suspettat: Daraa, Syria;

Sess: raġel

Imad Abu Zureiq huwa membru ewlieni ta’ milizzja affiljata mar-reġim fil-Lbiċ tas-Sirja li tirrapporta direttament lill-fergħa tas-Sigurtà Militari tar-reġim Sirjan.

Bħalissa l-milizzja tiegħu tapprofitta mill-ekonomija tal-gwerra, inkluż it-traffikar ta’ Captagon. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

337.

Mustafa AL-MASALMAH

magħruf ukoll bħala Mustafa AL-KASAM/QASIM

مصطفى المسالمة/الكسم

Nazzjonalità: Sirjana;

Post suspettat: Daraa Al-Balad, Syria

Sess: raġel

Mustafa al-Masalmah imexxi milizzja affiljata mar-reġim li tirrapporta direttament lill-fergħa tas-Sigurtà Militari tar-reġim Sirjan.

Bħalissa l-milizzja tiegħu tapprofitta mill-ekonomija tal-gwerra, inkluż it-traffikar tad-droga sintetika Captagon. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu.

Għalhekk jibbenefika mir-reġim u jappoġġah, u huwa assoċjat miegħu.

24.4.2023

338.

Hassan Muhammad DAQQOU

حسن محمد دقو

Data tat-twelid: 1.2.1985;

Post tat-twelid: Tfail, Lebanon;

Nazzjonalità: Sirjana/Libaniża;

Sess: raġel

Hassan Muhammad Daqqou għandu rabtiet mill-qrib mar-Raba’ Diviżjoni tal-Armata Sirjana. Daqqou stabbilixxa network wiesa’ tat-traffikar tad-droga fil-Libanu u fis-Sirja u bena impjanti tal-manifattura ta’ Captagon qrib il-fruntiera Sirjana-Libaniża. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

339.

Jihad BARAKAT

جهاد بركات

Data tat-twelid: 1964;

Post tat-twelid: Qardahah/Syria;

Nazzjonalità: Sirjana;

Sess: raġel

Jihad Barakat huwa, permezz taż-żwieġ, assoċjat mal-familja Assad.

Huwa wkoll mexxej ta’ milizzja affiljata mar-reġim u għad għandu funzjonijiet differenti militari u ta’ intelligence għar-reġim.

24.4.2023

340.

Raji FALHOUT

راجي فلحوط

Data tat-twelid: 3.10.1985;

Post tat-twelid: Atil, Syria;

Pożizzjoni: Mexxej tal-milizzja affiljata mar-reġim Sirjan;

Nazzjonalità: Sirjana;

Sess: raġel

Raji Falhout imexxi milizzja li hija assoċjata mal-Intelligence Militari Sirjana.

Raji Falhout huwa involut ukoll fit-traffikar tad-droga marbut ma’ Captagon. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk jibbenefika mir-reġim u jappoġġah.

24.4.2023

341.

Muhammad ABDO ASSAAD

magħruf ukoll bħala Asa’ad

محمد عبده أسعد

Data tat-twelid: 19.7.1975;

Post tat-twelid: Ain Tineh, Damascus Countryside, Syria;

Nazzjonalità: Sirjana;

Indirizz: Assaad Building, Main Street, Ain Tineh, Damascus Countryside;

Informazzjoni oħra għall-identifikazzjoni: Missier: Abdo Assaad

Sess: raġel

Muhammad Abdo Assaad huwa l-mexxej tal-milizzja Hosn al-Watan, li ġġieldet f’isem ir-reġim Sirjan.

Dan l-aħħar, waqqaf l-Aman for Protection and Security LLC, li toffri servizzi tas-sigurtà privati u topera bħala kumpannija fittizja għall-milizzja Hosn al-Watan. Għalhekk jibbenefika mir-reġim u jappoġġah.

24.4.2023

342.

Samer AL-DIBIS

سامر الدبس

(magħruf ukoll bħala Samer AL-DIBS, Samir)

Data tat-twelid: 30.3.1962;

Post tat-twelid: Damascus, Syria;

Nazzjonalità: Sirjana;

Indirizz: Naher Street, Rawda, Damascus, Syria;

Sess: raġel;

Samer al-Dibis huwa negozjant ewlieni li jopera fis-Sirja, attiv f’diversi setturi tal-ekonomija, speċjalment fl-industrija tal-kimika u fil-proprjetà immobbli. Huwa membru tal-Bord tad-Diretturi tal-Kunsill tan-Negozju Sirjan-Ċiniż u l-president tal-Kamra tal-Industrija ta’ Damasku u taż-Żona Rurali ta’ Damasku. Huwa wkoll membru tal-Parlament u assoċjat mill-qrib ta’ Maher al-Assad. F’dawn il-funzjonijiet Samer al-Dibis jibbenefika mir-reġim u jappoġġah.

24.4.2023

343.

Ali Najib IBRAHIM

علي نجيب إبراهيم

(magħruf ukoll bħala Ali Najeeb IBRAHIM)

Data tat-twelid: 1991;

Pożizzjoni: negozjant;

Nazzjonalità: Sirjana;

Indirizz: Al-Malki, Damascus, Syria;

Sess: raġel

Ali Najib Ibrahim huwa negozjant ewlieni li jopera fis-Sirja, attiv ukoll fis-settur tat-telekomunikazzjoni. Huwa s-sid ta’ diversi kumpaniji fittizji, li ġew marbuta mar-reġim Sirjan f’tentattivi biex jiġu evitati s-sanzjonijiet. Huwa għalhekk jibbenefika mir-reġim u jappoġġah.

24.4.2023

344.

Jamal ISMAIL

magħruf ukoll bħala Ismael

جمال إسماعيل

Nazzjonalità: Sirjana;

Entitajiet assoċjati: Military Intelligence Directorate;

Sess: raġel

Jamal al-Ismail kien il-kmandant tal-Branch 227 tal-Military Intelligence Directorate tar-reġim Sirjan fit-13 ta’ April 2013, meta l-unità tiegħu qatlet mill-inqas 41 persuna ċivili fil-belt ta’ Tadamon (il-“massakru ta’ Tadamon”). Huwa għalhekk responsabbli għar-repressjoni vjolenti tal-popolazzjoni ċivili fis-Sirja.

24.4.2023

345.

Jamal AL-KHATIB

جمال الخطيب

Entitajiet assoċjati: Military Intelligence Directorate

Jamal al-Khatib kien uffiċjal kmandant tal-Branch 227 tal-Military Intelligence Directorate tar-reġim Sirjan fit-13 ta’ April 2013, meta pparteċipa fil-qtil ta’ mill-inqas 41 persuna ċivili fil-belt ta’ Tadamon (il-“massakru ta’ Tadamon”). Huwa għalhekk responsabbli għar-repressjoni vjolenti tal-popolazzjoni ċivili fis-Sirja.

24.4.2023

346.

Osama AL-MALIKI

magħruf ukoll bħala Usama

أسامة المالكي

Data tat-twelid: 1963;

Post tat-twelid: Damascus, Syria;

Nazzjonalità: Sirjana;

Indirizz: Villa 98, Sharqiyyat, Jazira al-Khamisa, Qura al-Assad, Damascus Coutryside, Syria;

Informazzjoni oħra għall-identifikazzjoni: Missier: Mohammad al-Maliki – محمد المالكي

Sess: raġel

Osama al-Maliki huwa sid maġġoritarju ta’ Al-Jabal Security and Protection LLC. Al-Jabal Security and Protection LLC taġixxi bħala kumpannija fittizja biex ikunu jistgħu jitkomplew l-attivitajiet tal-milizzja Saraya al-Areen 313, milizzja affiljata mar-reġim. Għalhekk, Osama al-Maliki jibbenefika mir-reġim u jappoġġah.

24.4.2023

347.

Fadi SAQR

فادي أحمد

(magħruf ukoll bħala Fady SAKR, Fadi SAQER, Fadi SAQIR)

Data tat-twelid: 1975

Post tat-twelid: Jablah, Syria;

Nazzjonalità: Sirjana;

Sess: raġel

Fadi Saqr huwa mexxej tal-milizzja tan-“National Defense Forces” (NDF) f’Damasku li ilha tiġġieled f’isem ir-reġim sa minn tal-inqas l-2012. Għalhekk, Fadi Saqr huwa membru ta’ milizzja affiljata ma’ reġim.

Fadi Saqr kien parti mil-linja ta’ kmand fil-massakru ta’ mill-inqas 41 persuna ċivili fil-belt ta’ Tadamon fit-13 ta’ April 2013 (il-“massakru ta’ Tadamon”). Huwa għalhekk responsabbli għar-repressjoni vjolenti tal-popolazzjoni ċivili fis-Sirja.

24.4.2023

348.

Ahmad Ali TAHER

احمد علي طاهر

Data tat-twelid: 1982;

Nazzjonalità: Sirjana;

Indirizz: Damascus, Mazze, Western Villas, Saraya 36 Building, 3rd Floor;

Individwi assoċjati: Ħu: Khodr Taher;

Entitajiet assoċjati: Castle Security and Protection LLC;

Informazzjoni oħra għall-identifikazzjoni: Missier: Ali Taher;

Sess: raġel

Ahmad Ali Taher għandu ishma f’Castle Security and Protection LLC, li topera bħala kumpannija fittizja għar-Raba’ Diviżjoni tal-Armata Għarbija Sirjana, immexxija minn Maher al-Assad. Għalhekk jibbenefika mir-reġim u jappoġġah.

24.4.2023

349.

Amjad YOUSSEF

magħruf ukoll bħala Yusuf, Yousef

أمجد يوسف

Nazzjonalità: Sirjana

Sess: raġel

Amjad Youssef huwa Uffiċjal tal-Mandat fid-Direttorat tal-Intelligence Militari Sirjana.

Huwa kien membru tal-Branch 227 tad-Direttorat tal-Intelligence Militari tar-reġim Sirjan fit-13 ta’ April 2013, meta pparteċipa fil-qtil ta’ mill-inqas 41 persuna ċivili fil-belt ta’ Tadamon (il-“massakru ta’ Tadamon”). Huwa għalhekk responsabbli għar-repressjoni vjolenti tal-popolazzjoni ċivili fis-Sirja.

24.4.2023

350.

Osama RAMADAN

magħruf ukoll bħala Usama

أسامة رمضان

Data tat-twelid: 1973;

Nazzjonalità: Sirjana;

Indirizz: Damascus, Mazze, Western Villas, Saraya 36 Building, 3rd Floor;

Soċju tan-Negozju:: Ahmad Ali Taher;

Entitajiet assoċjati: Castle Security and Protection LLC;

Informazzjoni oħra għall-identifikazzjoni: Missier: Hassan Ramadan;

Sess: raġel

Osama Ramadan għandu ishma f’Castle Security and Protection LLC, li topera bħala kumpannija fittizja għar-Raba’ Diviżjoni tal-Armata Għarbija Sirjana, immexxija mill-Maher al-Assad. Huwa għalhekk jibbenefika mir-reġim u jappoġġah.

24.4.2023

351.

Ali Mhanna SULEIMAN

علي مهنا سليمان

Data tat-twelid: 1987;

Post tat-twelid: Al-Raml, Kherbet Maaza, Tartus, Syria;

Nazzjonalità: Sirjana;

Indirizz: Tartus, Khirbit Maaza, 36th Estate, Ghaya Estate Area;

Numru tal-identità nazzjonali: 10040018920;

Isem il-missier: Mhanna;

Isem l-omm: Insaf;

Sess: raġel

Ali Suleiman kien il-mexxej tas-Sahab Regiment, diviżjoni tal-Armata Għarbija Sirjana magħrufa bħala “Tiger Forces”. Huwa assoċjat mill-qrib ma’ Suhayl Hassan. Huwa kien involut fil-finanzjament tar-reġim, inkluż permezz tal-kuntrabandu tal-fjuwil. Huwa jibbenefika wkoll mill-assoċjazzjoni tiegħu mar-reġim, bħal pereżempju minn opportunitajiet fl-iżvilupp tal-proprjetà immobbli. Huwa għalhekk jibbenefika mir-reġim u jappoġġah.

24.4.2023”

(2)

l-entrati li ġejjin jiżdiedu mal-lista li tinsab fit-Taqsima B (entitajiet):

 

Isem

Informazzjoni ta’identifikazzjoni

Raġunijiet

Data tal-elenkar

“83.

Fourth Armoured Division of the Syrian Army

الفرقة الرابع

Post tar-reġistrazzjoni: Damascus;

Post prinċipali tan-negozju: Syrian regime territory in Syria;

Individwi assoċjati: Maher al-Assad, Ghassan Belal

Ir-Raba’ Diviżjoni Armata hija waħda mill-aktar unitajiet militari prominenti tal-armata Sirjana mmexxija minn Maher al-Assad u kkmandata minn Ghassan Bilal.

Ir-Raba’ Diviżjoni Armata hija responsabbli għar-repressjoni vjolenti tal-popolazzjoni ċivili.

Ir-Raba’ Diviżjoni Armata tagħmel profitt ukoll mill-ekonomija tal-gwerra, speċjalment it-traffikar ta’Captagon. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk, ir-Raba’ Diviżjoni Armata tibbenefika mir-reġim u tappoġġah.

24.4.2023

84.

Neptunus LLC/Neptune LLC company

شركة نبتونوس المحدودة المسؤولية

نبتونس أوفرسيز المحدودة

Post tar-reġistrazzjoni: Lattakia, Syria;

Data tar-reġistrazzjoni: 2017

Neptunus LLC hija involuta f’operazzjonijiet ta’ drogi fil-port ta’ Latakia. Għalhekk, Neptunus LLC tibbenefika mir-reġim u tappoġġah.

Neptunus LLC twaqqfet b’mod konġunt minn Taher Al-Kayali.

24.4.2023

85.

Areen foundation/مؤسسة العرين

Post tar-reġistrazzjoni: Syria;

Data tar-reġistrazzjoni: 1999;

Post prinċipali tan-negozju: Syria;

Individwi assoċjati: Asma al-Assad (mart Bashar al-Assad u Direttur)

Il-fondazzjoni al-Areen tippreżenta ruħha bħala fondazzjoni tal-karità, iżda hija affiljata mill-qrib mal-milizzji tar-reġim Sirjan.

Il-fondazzjoni al-Areen hija mmexxija minn mart il-President, Asma Al-Assad.

Il-fondazzjoni qed twassal l-għajnuna f’konformità mal-politiki u l-prijoritajiet tar-reġim, u għalhekk tibbenefika mir-reġim u tappoġġah.

24.4.2023

86.

Stroytransgaz/Стройтрансгаз

Informazzjoni oħra:

Stroytransgaz Group

Stroytransgaz (STG) Logistic,

Stroytransgaz (STG) Engineering,

STG Engineering

Stroytransgaz hija kumpannija Russa tal-inġinerija u tal-kostruzzjoni li topera fis-Sirja, li fost affarijiet oħra ħadet il-kontroll tal-akbar minjieri tal-fosfat fis-Sirja.

Għalhekk Stroytransgaza tibbenefika mir-reġim Sirjan u tappoġġah.

24.4.2023

87.

Gecopham, the General Company for Phosphate and Mines

الشركة العامة للفوسفات و المناجم

Indirizz: Palmyra Road, Homs, Syrian Arabic Republic;

Telefown: 00963312751122;

Email: info@gecopham.sy;

Maniġer Ġenerali: Younes Ramadan

Gecopham hija kkontrollata mill-Ministeru Sirjan għaż-Żejt Petroleum u r-Riżorsi Minerali u tipprovdi appoġġ finanzjarju lir-reġim. Għalhekk tappoġġa r-reġim.

24.4.2023

88.

Al-Jabal Security and Protection LLC

شركة الجبل لخدمات الحماية والحراسة

Indirizz: F6XR+495, Malek Bin Rabeaa, Damascus, Syria;

Tip ta’ entità: Kumpannija b’Responsabbiltà Limitata;

Post tar-reġistrazzjoni: Damascus;

Data tar-reġistrazzjoni: 19.10.2017;

Post prinċipali tan-negozju: Damascus, Syria;

Individwi assoċjati: Osama Mohammad al-Maliki

Al-Jabal Security and Protection LLC hija proprjetà ta’ u ġestita minn Osama al-Maliki.

Al-Jabal Security and Protection LLC taġixxi bħala kumpannija fittizja biex tippermetti li jitkomplew l-attivitajiet tal-milizzja Saraya al-Areen 313, milizzja affiljata mar-reġim. Għalhekk Al-Jabal Security and Protection LLC tibbenefika mir-reġim u tappoġġah.

24.4.2023

89.

Castle for Security and Protection LLC

شركة القلعة للحماية والحراسة والخدمات الأمني

magħrufa wkoll bħala Castle Security and Protection LLC, Citadel for Security and Protection

Indirizz:Saraya Roundabout, Western Villas, Mazze, Damascus, Syria;

Tip ta’ entità: Kumpannija b’Responsabbiltà Limitata;

Post tar-reġistrazzjoni: Damascus, Syria;

Data tar-reġistrazzjoni: 18.10.2017;

Numru tar-reġistrazzjoni: /

Post prinċipali tan-negozju: Damascus, Syria;

Informazzjoni oħra: Settur: Militia turned Security Company;

Nru tat-telefown: +963116119331; +963943800808

Castle for Security and Protection LLC hija kumpannija privata, li taġixxi bħala kumpannija fittizja għar-Raba’ Diviżjoni tal-Armata Għarbija Sirjana, immexxija minn Maher al-Assad.

Castle for Security hija involuta wkoll fit-traffikar tan-narkotiċi. Il-kummerċ ta’ Captagon sar mudell ta’ negozju mmexxi mir-reġim, li jarrikkixxi ċ-ċirku intern tar-reġim u jifforma l-ankra ta’ salvataġġ tiegħu. Għalhekk tibbenefika mir-reġim u tappoġġah.

24.4.2023

90.

Aman for Protection and Security LLC

شركة أمان للحماية والحراسة الأمنية

Indirizz: Damascus Countryside;

Tip ta’ entità: Kumpannija b’Responsabbiltà Limitata;

Post tar-reġistrazzjoni: Damascus Countryside;

Data tar-reġistrazzjoni: 10.10.2018;

Numru tar-reġistrazzjoni: 2906;

Post prinċipali tan-negozju: Damascus Countryside, Syria;

Individwi assoċjati: Muhammad Abdo Assad

Aman for Protection and Security LLC hija kumpannija tas-sigurtà privata, li taġixxi bħala kumpannija fittizja għall-milizzja Hosn al-Watan, imwaqqfa minn Muhammad Abdo Assaad. Għalhekk tibbenefika mir-reġim u tappoġġah.

24.4.2023”

24.4.2023   

MT

Il-Ġurnal Uffiċjali tal-Unjoni Ewropea

LI 109/38

DEĊIŻJONI TAL-KUNSILL (PESK) 2023/848

tal-24 ta’ April 2023

li temenda d-Deċiżjoni (PESK) 2016/1693 dwar miżuri restrittivi kontra ISIL (Da’esh) u Al-Qaida, u persuni, gruppi, impriżi u entitajiet assoċjati magħhom

IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

Billi:

(1)

Fl-20 ta’ Settembru 2016, il-Kunsill adotta d-Deċiżjoni (PESK) 2016/1693 (1).

(2)

Fid-dawl tat-theddida kontinwa mill-ISIL (Da’esh) u Al-Qaida, u minn persuni, gruppi, impriżi u entitajiet assoċjati magħhom, żewġ persuni u grupp wieħed jenħtieġ li jinżdiedu mal-lista ta’ persuni, gruppi, impriżi u entitajiet li tinsab fl-Anness tad-Deċiżjoni (PESK) 2016/1693.

(3)

Għalhekk id-Deċiżjoni (PESK) 2016/1693 jenħtieġ li tiġi emendata skont dan,

ADOTTA DIN ID-DEĊIŻJONI:

Artikolu 1

L-Anness tad-Deċiżjoni (PESK) 2016/1693 huwa emendat f’konformità mal-Anness ta’ din id-Deċiżjoni.

Artikolu 2

Din id-Deċiżjoni għandha tidħol fis-seħħ fid-data tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fil-Lussemburgu, l-24 ta’ April 2023.

Għall-Kunsill

Il-President

J. BORRELL FONTELLES

(1)  Id-Deċiżjoni tal-Kunsill (PESK) 2016/1693 tal-20 ta’ Settembru 2016 dwar miżuri restrittivi kontra ISIL (Da’esh) u Al-Qaida, u persuni, gruppi, impriżi u entitajiet assoċjati magħhom u li tħassar il-Pożizzjoni Komuni 2002/402/PESK (ĠU L 255, 21.9.2016, p. 25).

ANNESS

L-Anness tad-Deċiżjoni (PESK) 2016/1693 huwa emendat kif ġej:

(1)

l-entrati li ġejjin jinżdiedu taħt l-intestatura “A. Persuni msemmija fl-Artikoli 2 u 3”:

“15.

Abu Yasir HASSAN (magħruf ukoll bħala Sheikh Hassan, Ahmed Mahmoud Hassan, Yaseer Hassan, Abu Qasim); data tat-twelid: mill-1981 sal-1983; post tat-twelid: Pwani Region, Tanzania; sess: raġel; nazzjonalità: Tanzanija.

16.

Bonomade Machude OMAR (magħruf ukoll bħala Ibn Omar, Abu Sulayfa Muhammad, Abu Sorraca, Abu Surakha, Abu Suraqa Suraqa Filho, Omar Saide, Sheikh Omar); data tat-twelid: 15 ta’ Ġunju 1988; post tat-twelid: Palma district, Cabo Delgado province, Mozambique; sess: raġel; nazzjonalità: Mozambiquejana.”;

(2)

l-entrata li ġejja tinżdied taħt l-intestatura “B. Gruppi, impriżi u entitajiet imsemmija fl-Artikolu 3”:

“5.

ISIS-Mozambique (magħruf ukoll bħala Islamic State of Iraq and Syria - Mozambique, Islamic State - Mozambique, ISIL-M, Ansar Al-Sunna, Al-Shabaab, Al-Shabaab in Mozambique, Mozambique Wilaya of the Islamic State, Ahlu Sunna wa Jamaah (ASwJ), Ahl al-Sunna wa al-Jamaa, Ahlu al-Sunnah wal-Jamaah, Ahlu Sunnah Wajamo, Swahili Sunna).”.

24.4.2023   

MT

Il-Ġurnal Uffiċjali tal-Unjoni Ewropea

LI 109/40

DEĊIŻJONI TA’ IMPLIMENTAZZJONI TAL-KUNSILL (PESK) 2023/849

tal-24 ta’ April 2023

li timplimenta d-Deċiżjoni 2011/235/PESK dwar miżuri restrittivi diretti kontra ċerti persuni u entitajiet fil-kuntest tas-sitwazzjoni fl-Iran

IL-KUNSILL TAL-UNJONI EWROPEA,

Wara li kkunsidra t-Trattat dwar l-Unjoni Ewropea, u b’mod partikolari l-Artikolu 31(2) tiegħu,

Wara li kkunsidra d-Deċiżjoni tal-Kunsill 2011/235/PESK tat-12 ta’ April 2011 dwar miżuri restrittivi diretti kontra ċerti persuni u entitajiet fil-kuntest tas-sitwazzjoni fl-Iran (1), u b’mod partikolari l-Artikolu 3(1) tagħha,

Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,

Billi:

(1)

Fit-12 ta’ April 2011, il-Kunsill adotta d-Deċiżjoni 2011/235/PESK.

(2)

Fil-25 ta’ Settembru 2022, ir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà ħareġ dikjarazzjoni f’isem l-Unjoni li tikkundanna l-użu mifrux u sproporzjonat tal-forza mill-forzi tas-sigurtà Iranjani kontra dimostranti mhux vjolenti, filwaqt li tinnota li dan kien wassal imwiet u għadd kbir ta’ persuni midruba. Id-dikjarazzjoni stqarret ukoll li dawk responsabbli għall-qtil ta’ Mahsa Amini jridu jinżammu responsabbli, u appellat lill-awtoritajiet Iranjani biex jiżguraw investigazzjonijiet trasparenti u kredibbli biex jiċċaraw l-għadd ta’ persuni mejta u arrestati, biex jeħilsu lid-dimostranti mhux vjolenti kollha u biex jipprovdu proċess xieraq lid-detenuti kollha. Barra minn hekk, id-dikjarazzjoni enfasizzat li d-deċiżjoni tal-Iran li jirrestrinġi severament l-aċċess għall-Internet u jimblokka pjattaformi ta’ messaġġi istantanji tikser b’mod sfaċċat il-libertà tal-espressjoni. Fl-aħħar nett, id-dikjarazzjoni stqarret li l-Unjoni ser tikkunsidra l-għażliet kollha għad-dispożizzjoni tagħha biex tindirizza l-qtil ta’ Mahsa Amini u l-mod kif il-forzi tas-sigurtà Iranjani wieġbu għad-dimostrazzjonijiet li segwew.

(3)

F’dan il-kuntest, u f’konformità mal-impenn tal-Unjoni li tindirizza l-kwistjonijiet kollha ta’ tħassib mal-Iran, fosthom is-sitwazzjoni tad-drittijiet tal-bniedem, kif ikkonfermat fil-Konklużjonijiet tal-Kunsill tat-12 ta’ Diċembru 2022, jenħtieġ li tmien persuni u entità waħda jiġu inklużi fil-lista ta’ persuni u entitajiet soġġetti għal miżuri restrittivi li tinsab fl-Anness għad-Deċiżjoni 2011/235/PESK.

(4)

Għalhekk id-Deċiżjoni 2011/235/PESK jenħtieġ li tiġi emendata skont dan,

ADOTTA DIN ID-DEĊIŻJONI:

Artikolu 1

L-Anness tad-Deċiżjoni 2011/235/PESK huwa emendat f’konformità mal-Anness ta’ din id-Deċiżjoni.

Artikolu 2

Din id-Deċiżjoni għandha tidħol fis-seħħ fid-data tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Magħmul fil-Lussemburgu, l-24 ta’ April 2023.

Għall-Kunsill

Il-President

J. BORRELL FONTELLES

(1)   ĠU L 100, 14.4.2011, p. 51.

ANNESS

It-tmien persuni u l-entità li ġejjin jinżdiedu mal-lista ta’ persuni u entitajiet li tinsab fl-Anness tad-Deċiżjoni 2011/235/PESK:

Persuni

 

Isem

Informazzjoni identifikattiva

Raġunijiet

Data tal-elenkar

“214.

NOBAVEHVATAN Bijan

بیژن نوباوه وطن

Data tat-twelid: 1959/1960

Post tat-twelid: Tehran, Iran

Nazzjonalità: Iranjana

Sess: raġel

Funzjoni: Membru tal-Parlament Iranjan; l-Ewwel Viċi President tal-Kummissjoni għall-Kultura tal-Parlament Iranjan

Bijan Nobaveh Vatan huwa leġiżlatur u estremist Iranjan kif ukoll l-Ewwel Viċi President tal-Kummissjoni għall-Kultura tal-Parlament Iranjan.

Huwa wieħed mill-227 membru tal-Parlament li ffirmaw dikjarazzjoni fis-6 ta’ Novembru 2022 li faħħret lill-forzi tas-sigurtà għall-qtil tad-dimostranti u ħeġġet lill-ġudikatura biex tħaffef il-proċessi u tikkundanna lid-dimostranti għall-mewt billi tiddikjarahom “Muharebeh”, jew “mibegħda kontra Alla”.

Barra minn hekk, huwa forza li tixpruna l-leġiżlazzjoni li tinforza r-regoli restrittivi tal-ilbies fuq in-nisa billi tippromulga penali għall-istituzzjonijiet, in-negozji u l-individwi li jinteraġixxu ma’ nisa li ma jikkonformawx, u b’hekk jinħoloq bojkott kontrihom.

Bħala Membru tal-Parlament Iranjan, Nobaveh Vatan appoġġa l-qtil, id-detenzjoni u t-tortura ta’ persuni matul il-protesti tal-2022/2023 fil-pajjiż kollu fl-Iran. Huwa jappoġġa wkoll il-leġiżlazzjoni li tirrevoka sostanzjalment id-drittijiet soċjali u ekonomiċi tan-nisa fl-Iran.

Għalhekk iġorr responsabbiltà għal ksur serju tad-drittijiet tal-bniedem fl-Iran.

24.4.2023

215.

YAZDIKHAH Ali

علی یزدی خواه

Nazzjonalità: Iranjana

Sess: raġel

Funzjoni: Membru tal-Parlament Iranjan; Membru tal-Kummissjoni għall-Kultura tal-Parlament Iranjan

Ali Yazdikhah huwa leġiżlatur u estremist Iranjan kif ukoll Membru tal-Kummissjoni għall-Kultura tal-Parlament Iranjan.

Huwa wieħed mill-227 membru tal-Parlament li ffirmaw dikjarazzjoni fis-6 ta’ Novembru 2022 li faħħret lill-forzi tas-sigurtà għall-qtil tad-dimostranti u ħeġġet lill-ġudikatura biex tħaffef il-proċessi u tikkundanna lid-dimostranti għall-mewt billi tiddikjarahom “Muharebeh”, jew “mibegħda kontra Alla”.

Barra minn hekk, huwa forza li tixpruna l-leġiżlazzjoni li tinforza r-regoli restrittivi tal-ilbies fuq in-nisa billi tippromulga penali għall-istituzzjonijiet, in-negozji u l-individwi li jinteraġixxu ma’ nisa li ma jikkonformawx, u b’hekk jinħoloq bojkott kontrihom.

Bħala Membru tal-Parlament Iranjan, Yazdikhah appoġġa l-qtil, id-detenzjoni u t-tortura ta’ persuni matul il-protesti tal-2022/2023 fil-pajjiż kollu fl-Iran. Huwa jappoġġa wkoll il-leġiżlazzjoni li tirrevoka sostanzjalment id-drittijiet soċjali u ekonomiċi tan-nisa fl-Iran.

Għalhekk iġorr responsabbiltà għal ksur serju tad-drittijiet tal-bniedem fl-Iran.

24.4.2023

216.

ALIBABAEI Mehdi

محدی علی بابایی

(magħruf ukoll bħala ALI BABAEI Mehdi, BABAEI Ali Mehdi)

Nazzjonalità: Iranjana

Sess: raġel

Grad: Maġġur

Funzjoni: deputat provinċjali tal-Korp tal-Gwardjani tar-Rivoluzzjoni Iżlamika (IRGC) f’Qom

Il-Maġġur Mehdi Alibabaei huwa d-deputat provinċjali tal-Korp tal-Gwardjani tar-Rivoluzzjoni Iżlamika (IRGC) f’Qom. Huwa jidderieġi l-forzi tal-IRGC u tal-Basij fil-belt ta’ Qom.

Wara l-mewt ta’ Mahsa Amini f’Settembru 2022, kien hemm uħud mill-aktar protesti intensi fil-belt ta’ Qom. Il-forzi tas-sigurtà, inkluż l-IRGC u l-milizzja tal-Basij ġew skjerati biex irażżnu b’mod vjolenti dawn il-protesti. Minn Marzu 2023, il-milizzja tal-IRGC u tal-Basij ingħataw struzzjonijiet ukoll biex jinfurzaw il-liġi obbligatorja tal-ħiġab permezz ta’ metodi ġodda ta’ oppressjoni.

Alibabaei żvela skema ġdida biex jiġu skjerati membri tal-milizzja tal-Basij f’kull viċinat ta’ Qom biex tiġi infurzata l-liġi tal-ħiġab. L-iskema l-ġdida tinkludi l-installazzjoni ta’ programmi bħal “Kun mexxej famuż fil-viċinat tagħna”, li jordnaw lill-forzi tal-IRGC/tal-Basij biex iwettqu pattulji tal-viċinat, l-użu ta’ intelligence, intimidazzjoni, u jinfurzaw ir-responsabbiltà ta’ ċittadini regolari (pereżempju bl-appell għar-responsabbiltà tal-maniġers ta’ bini u residenzi għal residenti “bil-velu milbus ħażin”). Din l-iskema tirrappreżenta livell ġdid ta’ denunzja u ġbir ta’ informazzjoni mill-popolazzjoni ġenerali biex jiġu oppressi n-nisa.

Taħt il-kmand ta’ Alibabaei, il-forzi lokali tal-IRGC u tal-Basij f’Qom huma ordnati jinfurzaw ċerti liġijiet magħżula, b’mezzi u metodi li jintimidaw liċ-ċittadini u jiksru d-drittijiet fundamentali tagħhom.

Bħala deputat provinċjali tal-IRGC f’Qom, il-Maġġur Mehdi Alibabaei huwa responsabbli mill-atti ta’ oppressjoni mwettqa mill-forzi lokali tal-IRGC u tal-Basij u l-ksur min-naħa tagħhom tad-drittijiet għal-libertà tal-espressjoni u l-privatezza.

Għalhekk iġorr responsabbiltà għal ksur serju tad-drittijiet tal-bniedem fl-Iran.

24.4.2023

217.

NOUROUZI Ali Asghar

(magħruf ukoll bħala NOROUZI Ali Asghar)

Data tat-twelid: 11.11.1962

Post tat-twelid: Dashtestan, Bushehr province, Iran

Indirizz: Unit 29, 5th Floor, Talaieh Block- B1, Elahiyeh Complex 1, Number 0, Alley 2-Shahid Sajjad Rushanai, Rabbaninejad Street, Zein Aldin Municipality, Qom 3739144673, Iran

Nazzjonalità: Iranjana

Sess: raġel

Numru tal-passaport: Y53914915 (Iran) li jiskadi fil-11.5.2026

Numru tal-identità nazzjonali Iranjan: 4591967573

Funzjoni: president tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)

Individwi assoċjati: Seyyed Aminollah; Emami Tabatabai; Yahya Alaoddini; Jamal Babamoradi; Ahmad Karimi

Entitajiet assoċjati: Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)/Bonyad Taavon Sepah

IRGC

Ali Asghar Nourouzi huwa l-president tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC) elenkata mill-UE.

L-IRGC kien minn ta’ quddiem fir-repressjoni tal-protesti tal-2022/2023 fl-Iran li raw aktar minn 520 persuna maqtula, li aktar minn 70 minnhom kienu minorenni, u aktar minn 22 000 arrest/priġunerija.

Il-Fondazzjoni Kooperattiva tal-IRGC hija l-korp responsabbli għall-ġestjoni tal-investimenti tal-IRGC u f’dak il-qafas hija responsabbli li għaddiet il-flus għar-repressjoni brutali tar-reġim.

Bħala president tal-bord tad-diretturi tal-Fondazzjoni Kooperattiva tal-IRGC, Ali Asghar Nourouzi huwa għalhekk responsabbli li pprovda volontarjament u konxjament l-istrumenti li bihom twettqet u għada ssir ir-repressjoni brutali.

Għalhekk iġorr responsabbiltà għal ksur serju tad-drittijiet tal-bniedem fl-Iran.

24.4.2023

218.

TABATABAI Seyyed Amin Ala Emami

(magħruf ukoll bħala TABATBAYI Aminallah Imami)

Data tat-twelid: 26.8.1963

Post tat-twelid: Meybod, Iran

Indirizz: Tehran, Iran

Nazzjonalità: Iranjana

Sess: raġel

Numru tal-identità nazzjonali Iranjan: 4489260229

Funzjoni: viċi president tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC); direttur maniġerjali tal-Fondazzjoni Kooperattiva tal-IRGC

Individwi assoċjati: Ali Asghar Nourouzi; Yahya Alaoddini; Jamal Babamoradi; Ahmad Karimi

Entitajiet assoċjati: Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)/Bonyad Taavon Sepah

IRGC

Seyyed Amin Ala Emami Tabatabai huwa l-viċi president tal-bord tad-diretturi kif ukoll id-direttur maniġerjali tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC) elenkata mill-UE.

L-IRGC kien minn ta’ quddiem fir-repressjoni tal-protesti tal-2022/2023 fl-Iran li raw aktar minn 520 persuna maqtula, li aktar minn 70 minnhom kienu minorenni, u aktar minn 22 000 arrest/priġunerija.

Il-Fondazzjoni Kooperattiva tal-IRGC hija l-korp responsabbli għall-ġestjoni tal-investimenti tal-IRGC u f’dak il-qafas hija responsabbli li għaddiet il-flus għar-repressjoni brutali tar-reġim.

Bħala viċi president tal-bord tad-diretturi u direttur maniġerjali tal-Fondazzjoni Kooperattiva tal-IRGC, Seyyed Amin Ala Emami Tabatabai huwa għalhekk responsabbli li pprovda volontarjament u konxjament l-istrumenti li bihom twettqet u għada ssir ir-repressjoni brutali.

Għalhekk iġorr responsabbiltà għal ksur serju tad-drittijiet tal-bniedem fl-Iran.

24.4.2023

219.

ALAODDINI Yahya

(magħruf ukoll bħala ALA’ODDINI Yahya; ALAEDDINI Yahya)

Data tat-twelid: 21.5.1965

Post tat-twelid: Tehran, Iran

Nazzjonalità: Iranjana

Sess: raġel

Numru tal-passaport: K47201906 (Iran), jiskadi fid-19.10.2023

Numru tal-identità nazzjonali Iranjan: 0036732958

Funzjoni: membru tal-Bord tad-Diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)

Individwi assoċjati: Ali Asghar Nourouzi; Jamal Babamoradi; Ahmad Karimi; Seyyed Amin Ala Emami Tabatabai

Entitajiet assoċjati: Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)/Bonyad Taavon Sepah

IRGC

Yahya Alaoddini huwa membru tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC) elenkata mill-UE.

L-IRGC kien minn ta’ quddiem fir-repressjoni tal-protesti tal-2022/2023 fl-Iran li raw aktar minn 520 persuna maqtula, li aktar minn 70 minnhom kienu minorenni, u aktar minn 22 000 arrest/priġunerija.

Il-Fondazzjoni Kooperattiva tal-IRGC hija l-korp responsabbli għall-ġestjoni tal-investimenti tal-IRGC u f’dak il-qafas hija responsabbli li għaddiet il-flus għar-repressjoni brutali tar-reġim.

Bħala membru tal-bord tad-diretturi tal-Fondazzjoni Kooperattiva tal-IRGC, Yahya Alaoddini huwa għalhekk responsabbli li pprovda volontarjament u konxjament l-istrumenti li bihom twettqet u għada ssir ir-repressjoni brutali.

Għalhekk iġorr responsabbiltà għal ksur serju tad-drittijiet tal-bniedem fl-Iran.

24.4.2023

220.

BABAMORADI Jamal Ali

Data tat-twelid: 24.5.1960

Post tat-twelid: Tehran, Iran

Indirizz: Tehran, Iran

Nazzjonalità: Iranjana

Sess: raġel

Numru tal-identità nazzjonali Iranjana: 0036824240

Funzjoni: membru tal-Bord tad-Diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)

Individwi assoċjati: Ali Asghar Nourouzi; Ahmad Karimi; Yahya Alaoddini; Seyyed Amin Ala Emami Tabatabai

Entitajiet assoċjati: Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)/Bonyad Taavon Sepah

IRGC

Jamal Ali Babamoradi huwa membru tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC) elenkata mill-UE.

L-IRGC kien minn ta’ quddiem fir-repressjoni tal-protesti tal-2022/2023 fl-Iran li raw aktar minn 520 persuna maqtula, li aktar minn 70 minnhom kienu minorenni, u aktar minn 22 000 arrest/priġunerija.

Il-Fondazzjoni Kooperattiva tal-IRGC hija l-korp responsabbli għall-ġestjoni tal-investimenti tal-IRGC u f’dak il-qafas hija responsabbli li għaddiet il-flus għar-repressjoni brutali tar-reġim.

Bħala membru tal-bord tad-diretturi tal-Fondazzjoni Kooperattiva tal-IRGC, Jamal Ali Babamoradi huwa għalhekk responsabbli li pprovda volontarjament u konxjament l-istrumenti li bihom twettqet u għada ssir ir-repressjoni brutali.

Għalhekk iġorr responsabbiltà għal ksur serju tad-drittijiet tal-bniedem fl-Iran.

24.4.2023

221.

KARIMI Ahmad Hasan

Data tat-twelid: 11.12.1962

Post tat-twelid: Qom, Iran

Indirizz: Tehran, Iran

Nazzjonalità: Iranjana

Sess: raġel

Numru tal-identità nazzjonali Iranjan: 0382947983

Funzjoni: membru tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)

Individwi assoċjati: Ali Asghar Nourouzi; Yahya Alaoddini; Seyyed Amin Ala Emami Tabatabai; Jamal Ali Babamoradi

Entitajiet assoċjati: Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC)/Bonyad Taavon Sepah

IRGC

Ahmad Hasan Karimi huwa membru tal-bord tad-diretturi tal-Fondazzjoni Kooperattiva tal-Korp tal-Gwardjani tar-Rivoluzzjoni Iżlamika (IRGC) elenkata mill-UE.

L-IRGC kien minn ta’ quddiem fir-repressjoni tal-protesti tal-2022/2023 fl-Iran li raw aktar minn 520 persuna maqtula, li aktar minn 70 minnhom kienu minorenni, u aktar minn 22 000 arrest/priġunerija.

Il-Fondazzjoni Kooperattiva tal-IRGC hija l-korp responsabbli għall-ġestjoni tal-investimenti tal-IRGC u f’dak il-qafas responsabbli li għaddiet il-flus għar-repressjoni brutali tar-reġim.

Bħala membru tal-bord tad-diretturi tal-Fondazzjoni Kooperattiva tal-IRGC, Ahmad Hasan Karimi huwa għalhekk responsabbli li pprovda volontarjament u konxjament l-istrumenti li bihom twettqet u għada ssir ir-repressjoni brutali.

Għalhekk iġorr responsabbiltà għal ksur serju tad-drittijiet tal-bniedem fl-Iran.

24.4.2023

Entitajiet

 

Isem

Informazzjoni identifikattiva

Raġunijiet

Data tal-elenkar

“35.

Ariantel

Indirizz: Ariantel Head Office, No. 15, 15th alley, South Gandhi Street, Tehran, Iran

Sit web: http://www.ariantel.ir

Tip ta’ entità: kumpanija privata

Ariantel hija fornitur tas-servizzi mobbli Iranjan, li kien minn ta’ quddiem nett fit-tnedija tal-arkitettura komprensiva tas-sorveljanza tat-telekomunikazzjoni mmappjata mill-Gvern Iranjan biex trażżan id-dissens u l-ilħna kritiċi fl-Iran.

Ariantel fittxet u tagħmel użu b’mod attiv minn prodotti ta’ cyberware użati għall-monitoraġġ, il-ġeolokalizzazzjoni u l-interċettazzjoni ta’ telefonati u attivitajiet ta’ komunikazzjoni mobbli oħra tal-utenti tagħha fuq talba tal-Gvern Iranjan. Sussegwentement, din l-informazzjoni ntużat biex jiġu mrażżna u sfrattati l-protesti u biex jiġu identifikati, immirati u arrestati dimostranti u attivisti paċifiċi.

Għalhekk, Ariantel hija responsabbli għal ksur serju tad-drittijiet tal-bniedem fl-Iran.

24.4.2023”