1.   L-għan ta’ dan ir-Regolament huwa li jikkontribwixxi għall-funzjonament tajjeb tas-suq intern billi jistabbilixxi qafas armonizzat biex jindirizza d-distorsjonijiet ikkawżati, direttament jew indirettament, minn sussidji barranin, bil-ħsieb li jiġu żgurati kundizzjonijiet ekwivalenti ta’ kompetizzjoni. Dan ir-Regolament jistabbilixxi r-regoli u l-proċeduri għall-investigazzjoni ta’ sussidji barranin li joħolqu distorsjonijiet fis-suq intern u għar-rimedju ta’ tali distorsjonijiet. Tali distorsjonijiet jistgħu jinqalgħu fir-rigward ta’ kwalunkwe attività ekonomika, u b’mod partikolari f’konċentrazzjonijiet u fi proċeduri ta’ akkwist pubbliku.

2.   Dan ir-Regolament jindirizza s-sussidji barranin mogħtija lil impriża, inkluż impriża pubblika li hija kkontrollata direttament jew indirettament mill-Istat, involuta f’attività ekonomika fis-suq intern. Fost oħrajn, impriża li takkwista l-kontroll ta’ jew li tingħaqad ma’ impriża stabbilita fl-Unjoni jew impriża li tipparteċipa fi proċedura ta’ akkwist pubbliku fl-Unjoni titqies li tkun involuta f’attività ekonomika fis-suq intern.

1.   Għall-finijiet ta’ dan ir-Regolament, sussidju barrani għandu jitqies li jeżisti meta pajjiż terz jipprovdi kontribuzzjoni finanzjarja, direttament jew indirettament, li tagħti benefiċċju lil impriża involuta f’attività ekonomika fis-suq intern u li tkun limitata, fil-liġi jew fil-fatt, għal impriża jew industrija waħda jew għal aktar minn waħda.

2.   Għall-finijiet ta’ dan ir-Regolament, kontribuzzjoni finanzjarja għandha tinkludi, fost oħrajn:

Kontribuzzjoni finanzjarja pprovduta minn pajjiż terz għandha tinkludi kontribuzzjoni finanzjarja pprovduta:

1.   Distorsjoni fis-suq intern għandha titqies li teżisti meta sussidju barrani jista’ jtejjeb il-pożizzjoni kompetittiva ta’ impriża fis-suq intern u meta, b’dan il-mod, dak is-sussidju barrani effettivament jew potenzjalment jaffettwa b’mod negattiv il-kompetizzjoni fis-suq intern. Distorsjoni fis-suq intern għandu jiġi ddeterminat skont indikaturi, li jistgħu jinkludu, b’mod partikolari, dawn li ġejjin:

2.   Fejn l-ammont totali ta’ sussidju barrani lil impriża ma jaqbiżx EUR 4 miljun matul kwalunkwe perjodu konsekuttiv ta’ tliet snin, dak is-sussidju barrani għandu jitqies li x’aktarx ma joħloqx distorsjoni fis-suq intern.

3.   Fejn l-ammont totali ta’ sussidju barrani lil impriża ma jaqbiżx l-ammont ta’ għajnuna de minimis kif definit fl-Artikolu 3(2), l-ewwel subparagrafu, tar-Regolament (UE) Nru 1407/2013 għal kull pajjiż terz matul kwalunkwe perjodu konsekuttiv ta’ tliet snin, dak is-sussidju barrani ma għandux jitqies li joħloq distorsjoni fis-suq intern.

4.   Sussidju barrani jista’ jitqies li ma joħloqx distorsjoni fis-suq intern sal-punt li jkollu l-għan li jagħmel tajjeb għad-dannu kkawżat minn diżastri naturali jew minn okkorrenzi eċċezzjonali.

1.   Sussidju barrani huwa l-aktar probabbli li joħloq distorsjoni fis-suq intern meta jaqa’ f’waħda mill-kategoriji li ġejjin:

2.   Impriża taħt investigazzjoni għandha tingħata l-possibbiltà li tipprovdi informazzjoni rilevanti dwar jekk sussidju barrani li jaqa’ taħt wieħed mill-kategoriji stabbiliti fil-paragrafu 1 ma joħloqx distorsjoni fis-suq intern fiċ-ċirkostanzi speċifiċi tal-każ.

1.   Il-Kummissjoni tista’, abbażi tal-informazzjoni li tirċievi, tibbilanċja l-effetti negattivi ta’ sussidju barrani f’termini ta’ distorsjoni fis-suq intern, skont l-Artikoli 4 u 5 kontra l-effetti pożittivi fuq l-iżvilupp tal-attività ekonomika sussidjata rilevanti fis-suq intern, filwaqt li tqis effetti pożittivi oħra tas-sussidju barrani bħal pereżempju l-effetti pożittivi usa’ fir-rigward tal-objettivi ta’ politika rilevanti, b’mod partikolari dawk tal-Unjoni.

2.   Il-Kummissjoni għandha tqis il-valutazzjoni skont il-paragrafu 1 meta tiddeċiedi jekk timponix miżuri ta’ rimedju jew taċċettax impenji, u n-natura u l-livell ta’ dawk il-miżuri ta’ rimedju jew impenji.

1.   Il-Kummissjoni tista’ timponi miżuri ta’ rimedju sabiex tirrimedja d-distorsjoni fis-suq intern realment jew potenzjalment ikkawżata minn sussidju barrani, sakemm ma tkunx aċċettat impenji offruti mill-impriża taħt investigazzjoni skont il-paragrafu 2.

2.   Il-Kummissjoni tista’ taċċetta impenji offruti mill-impriża taħt investigazzjoni fejn tali impenji jirrimedjaw kompletament u b’mod effettiv id-distorsjoni fis-suq intern. Meta taċċetta dawn l-impenji, il-Kummissjoni għandha tagħmilhom vinkolanti fuq l-impriża taħt investigazzjoni f’deċiżjoni b’impenji f’konformità mal-Artikolu 11(3). Fejn ikun xieraq, il-konformità tal-impriża mal-impenji maqbula għandha tiġi mmonitorjata.

3.   L-impenji jew il-miżuri ta’ rimedju għandhom ikunu proporzjonati u jirrimedjaw kompletament u b’mod effettiv id-distorsjoni kkawżata realment jew potenzjalment minn sussidju barrani fis-suq intern.

4.   L-impenji jew il-miżuri ta’ rimedju jistgħu jikkonsistu, fost oħrajn, f’dan li ġej:

5.   Il-Kummissjoni għandha, fejn xieraq, timponi rekwiżiti ta’ rappurtar u trasparenza, inkluż rappurtar perjodiku dwar l-implimentazzjoni tal-impenji u l-miżuri ta’ rimedju elenkati fil-paragrafu 4.

6.   Fejn l-impriża taħt investigazzjoni tipproponi li tħallas lura s-sussidju barrani inkluż rata tal-imgħax xierqa, il-Kummissjoni għandha taċċetta dak il-ħlas lura bħala impenn fil-każ biss li tkun tista’ taċċerta ruħha li l-ħlas lura huwa trasparenti, verifikabbli u effettiv, filwaqt li tieħu kont tar-riskju ta’ ċirkomvenzjoni.

1.   Fuq inizjattiva tagħha stess, il-Kummissjoni tista’ teżamina informazzjoni minn kwalunkwe sors, inklużi l-Istati Membri, persuna fiżika jew ġuridika jew assoċjazzjoni, rigward allegati sussidji barranin li joħolqu distorsjoni fis-suq intern..

2.   Ir-rieżamijiet ex officio ta’ akkwisti pubbliċi għandhom ikunu limitati għal kuntratti mogħtija.

Tali rieżamijiet ma għandhomx jirriżultaw fil-kanċellazzjoni tad-deċiżjoni li jingħata kuntratt jew fit-terminazzjoni ta’ kuntratti.

1.   Meta l-Kummissjoni tqis li l-informazzjoni msemmija fl-Artikolu 9 tindika l-possibbiltà li jeżisti sussidju barrani li joħloq distorsjoni fis-suq intern, il-Kummissjoni għandha tfittex l-informazzjoni kollha li tqis neċessarja biex tivvaluta, fuq bażi preliminari, jekk il-kontribuzzjoni finanzjarja taħt eżami tikkostitwix sussidju barrani u jekk toħloqx distorsjoni fis-suq intern. Għal dak il-għan, il-Kummissjoni tista’ b’mod partikolari:

2.   Meta Stat Membru jkun informa lill-Kummissjoni li hija prevista jew infetħet proċedura nazzjonali rilevanti, il-Kummissjoni għandha tinforma lill-Istat Membru dwar il-bidu tar-rieżami preliminari. B’mod partikolari, il-Kummissjoni għandha tinforma lill-Istati Membri li jkunu nnotifikaw lill-Kummissjoni dwar proċedura nazzjonali skont ir-Regolament (UE) 2019/452 dwar il-bidu tar-rieżami preliminari. Meta r-rieżami preliminari jkun inbeda fir-rigward ta’ proċedura ta’ akkwist pubbliku, il-Kummissjoni għandha tinforma wkoll lill-awtorità kontraenti jew lill-entità kontraenti kkonċernata.

3.   Fejn il-Kummissjoni, abbażi tar-rieżami preliminari, ikollha biżżejjed indikazzjonijiet li impriża ngħatat sussidju barrani li joħloq distorsjoni fis-suq intern, hija għandha:

4.   Fejn il-Kummissjoni, matul rieżami preliminari, tikkonkludi li ma hemmx indikazzjonijiet suffiċjenti biex tinbeda l-investigazzjoni fil-fond, minħabba li ma hemm l-ebda sussidju barrani jew minħabba li ma hemmx indikazzjonijiet suffiċjenti ta’ distorsjoni reali jew potenzjali fis-suq intern, hija għandha tagħlaq ir-rieżami preliminari, u tinforma lill-impriża taħt investigazzjoni u lill-Istati Membri li kienu informati skont il-paragrafu 2, kif ukoll lill-awtorità kontraenti jew lill-entità kontraenti kkonċernata fejn ir-rieżami preliminari jkun inbeda fir-rigward ta’ proċedura ta’ akkwist pubbliku.

1.   Matul l-investigazzjoni fil-fond, il-Kummissjoni għandha tivvaluta ulterjorment is-sussidju barrani identifikat fid-deċiżjoni li tinbeda investigazzjoni fil-fond u tfittex l-informazzjoni kollha li tqis meħtieġa f’konformità mal-Artikoli 13, 14 u 15.

2.   Meta l-Kummissjoni ssib, skont l-Artikoli 4 sa 6, li sussidju barrani joħloq distorsjoni fis-suq intern, tista’ tadotta att ta’ implimentazzjoni fil-forma ta’ deċiżjoni li timponi miżuri ta’ rimedju (“deċiżjoni b’miżuri ta’ rimedju”). Dak l-att ta’ implimentazzjoni għandu jiġi adottat f’konformità mal-proċedura konsultattiva msemmija fl-Artikolu 48(2).

3.   Meta l-Kummissjoni, skont l-Artikoli 4 sa 6, issib li sussidju barrani joħloq distorsjoni fis-suq intern u l-impriża taħt investigazzjoni toffri impenji li l-Kummissjoni tqis xierqa u suffiċjenti biex tirrimedja d-distorsjoni kompletament u b’mod effettiv, hija tista’ tadotta att ta’ implimentazzjoni f’forma ta’ deċiżjoni sabiex tagħmel lil dawk l-impenji vinkolanti fuq l-impriża (“deċiżjoni b’impenji”). Deċiżjoni li taċċetta l-ħlas lura ta’ sussidju barrani f’konformità mal-Artikolu 7(6) għandha titqies bħala deċiżjoni b’impenji. Dak l-att ta’ implimentazzjoni għandu jiġi adottat f’konformità mal-proċedura konsultattiva msemmija fl-Artikolu 48(2).

4.   Il-Kummissjoni għandha tadotta att ta’ implimentazzjoni f’forma ta’ deċiżjoni biex ma tqajjem ebda oġġezzjoni (“deċiżjoni ta’ ebda oġġezzjoni”) meta ssib li:

Dak l-att ta’ implimentazzjoni għandu jiġi adottat f’konformità mal-proċedura konsultattiva msemmija fl-Artikolu 48(2).

5.   Il-Kummissjoni għandha tipprova, kemm jista’ jkun, tadotta deċiżjoni f’perjodu ta’ 18-il xahar mill-ftuħ tal-investigazzjoni fil-fond.

1.   Sabiex tiġi ppreservata l-kompetizzjoni fis-suq intern u tiġi evitata ħsara irreparabbli, il-Kummissjoni tista’ tadotta att ta’ implimentazzjoni fil-forma ta’ deċiżjoni li tordna miżuri interim, fejn:

Dak l-att ta’ implimentazzjoni għandu jiġu adottat f’konformità mal-proċedura konsultattiva msemmija fl-Artikolu 48(2).

2.   Il-miżuri interim jistgħu b’mod partikolari, iżda mhux esklużivament, jikkonsistu mill-miżuri msemmija skont l-Artikolu 7(4), il-punti (a), (c) u (d). Ma jistgħux jittieħdu miżuri interim fir-rigward tal-proċeduri ta’ akkwist pubbliku.

3.   Il-miżuri interim għandhom japplikaw għal perjodu ta’ żmien speċifiku, li jista’ jiġġedded sa fejn ikun meħtieġ u xieraq, jew inkella sakemm tittieħed id-deċiżjoni finali.

1.   Sabiex twettaq id-dmirijiet assenjati lilha b’dan ir-Regolament, il-Kummissjoni tista’ titlob informazzjoni f’konformità ma’ dan l-Artikolu.

2.   Il-Kummissjoni tista’ tirrikjedi li impriża taħt investigazzjoni tipprovdi l-informazzjoni neċessarja kollha, inkluż informazzjoni dwar l-offerta tagħha fi proċedura ta’ akkwist pubbliku.

3.   Il-Kummissjoni tista’ tirrikjedi wkoll tali informazzjoni mingħand impriżi jew assoċjazzjonijiet ta’ impriżi oħra, inkluż informazzjoni dwar l-offerti tagħhom fi proċeduri ta’ akkwist pubbliku, b’kont debitu meħud tal-prinċipju tal-proporzjonalità.

4.   Talba għal informazzjoni skont il-paragrafu 2 jew 3 għandha:

5.   Fuq talba tal-Kummissjoni, l-Istati Membri għandhom jagħtuha l-informazzjoni kollha meħtieġa biex twettaq il-kompiti assenjati lilha minn dan ir-Regolament. Il-paragrafu 4, il-punt (a) għandu japplika mutatis mutandis.

6.   Il-Kummissjoni tista’ titlob ukoll lil pajjiż terz biex jipprovdi l-informazzjoni neċessarja kollha. Il-paragrafu 4, il-punti (a) u (c) għandhom japplikaw mutatis mutandis.

7.   Il-Kummissjoni tista’ tintervista lil persuna fiżika jew ġuridika li tagħti l-kunsens li tiġi intervistata għall-iskop li tinġabar informazzjoni relatata mas-suġġett ta’ investigazzjoni. Fejn intervista ma ssirx fil-bini tal-Kummissjoni jew bit-telefown jew b’mezzi elettroniċi oħra, qabel l-intervista l-Kummissjoni għandha:

1.   Sabiex taqdi d-dmirijiet assenjati lilha b’dan ir-Regolament, il-Kummissjoni tista’ twettaq l-ispezzjonijiet neċessarji tal-impriżi u tal-assoċjazzjonijiet ta’ impriżi.

2.   Meta l-Kummissjoni twettaq tali spezzjoni, l-uffiċjali awtorizzati mill-Kummissjoni biex iwettqu spezzjoni għandu jkollhom is-setgħa li:

3.   L-impriża jew l-assoċjazzjoni ta’ impriżi għandha tissottometti ruħha għall-ispezzjonijiet ordnati b’deċiżjoni tal-Kummissjoni. L-uffiċjali u persuni oħra li jakkumpanjawhom awtorizzati mill-Kummissjoni biex iwettqu spezzjoni għandhom jeżerċitaw is-setgħat tagħhom wara li jippreżentaw deċiżjoni tal-Kummissjoni li:

4.   Fi żmien li jkun twil biżżejjed qabel l-ispezzjoni, il-Kummissjoni għandha tavża lill-Istat Membru li fit-territorju tiegħu tkun ser issir l-ispezzjoni dwar din l-ispezzjoni u dwar id-data meta tkun ser tibda.

5.   L-uffiċjali u persuni oħrajn awtorizzati jew maħtura mill-Istat Membru li fit-territorju tiegħu tkun ser issir l-ispezzjoni għandhom, fuq talba tal-Istat Membru jew tal-Kummissjoni, jassistu attivament lill-uffiċjali jew akkumpanjaturi oħra awtorizzati mill-Kummissjoni. Għal dak il-għan, huma għandhom jingħataw is-setgħat speċifikati fil-paragrafu 2.

6.   Meta l-uffiċjali jew akkumpanjaturi oħra awtorizzati mill-Kummissjoni jsibu li impriża jew assoċjazzjoni ta’ impriżi topponi spezzjoni skont it-tifsira ta’ dan l-Artikolu, l-Istat Membru li fit-territorju tiegħu ssir l-ispezzjoni għandu jipprovdilhom l-assistenza neċessarja u għandu jitlob, fejn xieraq, l-assistenza tal-pulizija jew ta’ awtorità tal-infurzar ekwivalenti sabiex ikunu jistgħu jwettqu l-ispezzjoni tagħhom. Jekk skont ir-regoli nazzjonali l-assistenza msemmija f’dan il-paragrafu teħtieġ awtorizzazzjoni minn awtorità ġuridika, għandha ssir applikazzjoni għal din l-awtorizzazzjoni. Tista’ wkoll issir applikazzjoni għal din l-awtorizzazzjoni bħala miżura ta’ prekawzjoni.

7.   Fuq talba tal-Kummissjoni, Stat Membru għandu jwettaq fit-territorju tiegħu kwalunkwe spezzjoni jew miżura ta’ ġbir ta’ informazzjoni skont il-liġi nazzjonali tiegħu biex jistabbilixxi jekk hemmx sussidju barrani li joħloq distorsjoni fis-suq intern.

1.   Il-Kummissjoni tista’ tieħu deċiżjoni skont l-Artikolu 10, l-Artikolu 11, l-Artikolu 25(3), il-punt (c) jew l-Artikolu 31(2), abbażi tal-fatti disponibbli, fejn impriża taħt investigazzjoni jew pajjiż terz li jkun ta s-sussidju barrani:

2.   Meta impriża jew assoċjazzjoni ta’ impriżi, Stat Membru jew il-pajjiż terz ikunu pprovdew informazzjoni mhux korretta jew qarrieqa lill-Kummissjoni, dik l-informazzjoni għandha tiġi injorata.

3.   Meta impriża, inkluż impriża pubblika li hija direttament jew indirettament ikkontrollata mill-Istat, tonqos milli tipprovdi l-informazzjoni meħtieġa biex tiddetermina jekk kontribuzzjoni finanzjarja tikkonferixxilhiex benefiċċju, dik l-impriża tista’ titqies li rċeviet tali benefiċċju.

4.   Meta jiġu applikati l-fatti disponibbli, ir-riżultat tal-proċedura jista’ jkun inqas favorevoli għall-impriża milli kieku kkooperat.

1.   Il-Kummissjoni tista’, b’deċiżjoni, timponi multi jew ħlasijiet perjodiċi ta’ penali meta impriża jew assoċjazzjoni ta’ impriżi, intenzjonalment jew b’negliġenza:

2.   Il-multi imposti skont il-paragrafu 1 ma għandhomx jaqbżu l-1 % tal-fatturat aggregat tal-impriża jew tal-assoċjazzjoni tal-impriżi kkonċernati fis-sena finanzjarja preċedenti.

3.   Ħlasijiet perjodiċi ta’ penali imposti skont il-paragrafu 1 ma għandhomx jaqbżu l-5 % tal-fatturat aggregat medju ta’ kuljum tal-impriża jew tal-assoċjazzjoni ta’ impriżi kkonċernati fis-sena finanzjarja preċedenti għal kull jum tax-xogħol ta’ dewmien, ikkalkulati mid-data stabbilita fid-deċiżjoni, sakemm tippreżenta informazzjoni kompluta u korretta kif rikjest mill-Kummissjoni, jew sakemm tissottometti ruħha għall-ispezzjoni.

4.   Qabel ma tadotta kwalunkwe deċiżjoni f’konformità mal-paragrafu 1, il-punt (a) il-Kummissjoni għandha tistabbilixxi limitu ta’ żmien finali ta’ ġimagħtejn biex tirċievi l-informazzjoni nieqsa mill-impriża jew mill-assoċjazzjoni ta’ impriżi.

5.   Fejn impriża ma tikkonformax ma’ deċiżjoni b’impenji skont l-Artikolu 11(3), deċiżjoni li tordna miżuri interim skont l-Artikolu 12 jew deċiżjoni b’miżuri ta’ rimedju skont l-Artikolu 11(2), il-Kummissjoni tista’, b’deċiżjoni, timponi:

Il-Kummissjoni tista’ timponi wkoll tali multi jew ħlasijiet perjodiċi ta’ penali fejn l-impriża ma tikkonformax ma’ deċiżjoni adottata skont l-Artikolu 11, 25 jew 31, li obbligat lill-impriża tinforma lill-Kummissjoni dwar il-parteċipazzjoni futura tagħha f’konċentrazzjonijiet jew fi proċeduri ta’ akkwist pubbliku skont l-Artikolu 8.

6.   Meta tiffissa l-ammont tal-multa jew tal-ħlas perjodiku ta’ penali, il-Kummissjoni għandha tqis in-natura, il-gravità u t-tul tal-ksur, filwaqt li jitqiesu kif xieraq il-prinċipji tal-proporzjonalità u l-adegwatezza.

7.   Fejn l-impriża jew l-assoċjazzjoni ta’ impriżi jkunu ssodisfaw l-obbligu li l-ħlas perjodiku ta ’ penali kien maħsub li jinforza, il-Kummissjoni tista’ tnaqqas l-ammont definittiv tal-ħlas perjodiku ta ’ penali meta mqabbel ma’ dak skont id-deċiżjoni oriġinali li tkun imponiet il-ħlasijiet perjodiċi ta’ penali.

1.   Il-Kummissjoni tista’ tirrevoka deċiżjoni meħuda skont l-Artikolu 11(2), (3) jew (4), l-Artikolu 25(3), u l-Artikolu 31(1), (2) jew (3), u tadotta att ta’ implimentazzjoni ġdid fil-forma ta’ deċiżjoni fi kwalunkwe wieħed mill-każijiet li ġejjin:

Dak l-att ta’ implimentazzjoni għandu jiġi adottat f’konformità mal-proċedura konsultattiva msemmija fl-Artikolu 48(2).

2.   Ir-revoka u l-adozzjoni ta’ deċiżjoni ġdida mill-Kummissjoni skont il-paragrafu 1 ma għandhomx jaffettwaw id-deċiżjoni tal-awtorità kontraenti jew l-entità kontraenti li tagħti kuntratt. Ukoll dawn ma għandhomx jaffettwaw kuntratt diġà konklużi wara tali deċiżjoni ta’ għoti.

1.   Għall-finijiet ta’ dan ir-Regolament, konċentrazzjoni għandha titqies li tirriżulta meta bidla fil-kontroll fuq bażi dejjiema tirriżulta minn kwalunkwe waħda minn dawn li ġejjin:

2.   Il-ħolqien ta’ impriża konġunta li twettaq fuq bażi dejjiema l-funzjonijiet kollha ta’ entità ekonomika awtonoma għandu jikkostitwixxi konċentrazzjoni skont it-tifsira tal-paragrafu 1.

3.   Għall-finijiet ta’ dan ir-Regolament, konċentrazzjoni notifikabbli għandha titqies li tinħoloq meta, f’konċentrazzjoni;

4.   Għandu jitqies li ma hemmx konċentrazzjoni meta:

Il-perjodu ta’ sena msemmi fl-ewwel subparagrafu, il-punt (a) jista’ jiġi estiż mill-Kummissjoni fuq talba fejn l-istituzzjonijiet jew il-kumpanniji kkonċernati jkunu jistgħu juru li d-disponiment ma kienx raġonevolment possibbli fil-perjodu stabbilit.

5.   Il-kontroll għandu jkun magħmul minn drittijiet, kuntratti jew kwalunkwe mezz ieħor li, jew separatament jew flimkien u b’kont meħud tal-konsiderazzjonijiet ta’ fatt jew liġi involuti, jagħtu l-possibbiltà li tiġi eżerċitata influwenza deċiżiva fuq impriża, b’mod partikolari permezz:

6.   Kontroll jinkiseb minn persuni jew impriżi li:

1.   Konċentrazzjonijiet notifikabbli għandhom jiġu nnotifikati lill-Kummissjoni qabel l-implimentazzjoni tagħhom u wara l-konklużjoni tal-ftehim, it-tħabbir tal-offerta pubblika, jew l-akkwist ta’ interess ta’ kontroll.

2.   L-impriżi kkonċernati jistgħu jinnotifikaw ukoll il-konċentrazzjoni proposta meta juru lill-Kummissjoni intenzjoni bona fide li jikkonkludu ftehim jew, fil-każ ta’ offerta pubblika, fejn ikunu ħabbru pubblikament l-intenzjoni tagħhom li jagħmlu tali offerta, sakemm il-ftehim jew l-offerta maħsuba jirriżultaw f’konċentrazzjoni notifikabbli skont il-paragrafu 1.

3.   Konċentrazzjoni magħmula minn fużjoni skont it-tifsira tal-Artikolu 20(1), il-punt (a) jew minn akkwist ta’ kontroll flimkien skont it-tifsira tal-Artikolu 20(1), il-punt (b) għandha tiġi notifikata mill-partijiet flimkien li jiffurmaw il-fużjoni jew minn dawk li jakkwistaw il-kontroll flimkien skont il-każ. Fil-każijiet l-oħra kollha, in-notifika għandha ssir mill-persuna jew l-impriża li takkwista l-kontroll ta’ impriża waħda jew aktar, kollha jew partijiet minnhom.

4.   Jekk l-impriżi kkonċernati jonqsu milli jissodisfaw l-obbligu tagħhom li jinnotifikaw, il-Kummissjoni tista’ tirrieżamina konċentrazzjoni notifikabbli f’konformità ma’ dan ir-Regolament billi titlob in-notifika ta’ dik il-konċentrazzjoni. F’dak il-każ, il-Kummissjoni ma għandhiex tkun marbuta bil-limiti ta’ żmien imsemmija fl-Artikolu 24(1) u (4).

5.   Il-Kummissjoni tista’ titlob in-notifika minn qabel ta’ kwalunkwe konċentrazzjoni li mhijiex konċentrazzjoni notifikabbli skont it-tifsira tal-Artikolu 20 fi kwalunkwe ħin qabel l-implimentazzjoni tagħha meta l-Kummissjoni tissuspetta li l-impriżi kkonċernati setgħu ngħataw sussidji barranin fit-tliet snin qabel il-konċentrazzjoni. Tali konċentrazzjoni għandha titqies bħala konċentrazzjoni notifikabbli għall-finijiet ta’ dan ir-Regolament.

1.   Il-fatturat aggregat għandu jinkludi l-ammonti derivati mill-impriżi kkonċernati fis-sena finanzjarja preċedenti mill-bejgħ ta’ prodotti u mill-provvista ta’ servizzi li jaqgħu taħt l-attivitajiet ordinarji tal-impriżi wara t-tnaqqis tar-rifużjonijiet fuq il-bejgħ u tat-taxxa fuq il-valur miżjud u taxxi oħra direttament relatati mal-fatturat. Il-fatturat aggregat ta’ impriża kkonċernata ma għandux jinkludi l-bejgħ ta’ prodotti jew il-provvista ta’ servizzi bejn kwalunkwe impriża msemmija fil-paragrafu 4.

Il-fatturat fl-Unjoni għandu jinkludi prodotti mibjugħa u servizzi pprovduti lill-impriżi jew lill-konsumaturi fl-Unjoni.

2.   B’deroga mill-paragrafu 1, fejn il-konċentrazzjoni tikkonsisti fl-akkwist ta’ partijiet, kemm jekk kostitwiti bħala entitajiet ġuridiċi kif ukoll jekk le, ta’ impriża waħda jew aktar, għandu jitqies biss il-fatturat relatat mal-partijiet li huma l-oġġett tal-konċentrazzjoni fir-rigward tal-bejjiegħ jew bejjiegħa.

Madankollu, żewġ tranżazzjonijiet jew aktar fit-tifsira tal-ewwel subparagrafu ta’ dan il-paragrafu li jseħħu f’perjodu ta’ sentejn bejn l-istess persuni jew impriżi għandhom jiġu ttrattati bħala l-istess konċentrazzjoni li tirriżulta fid-data tal-aħħar tranżazzjoni.

3.   Dan li ġej għandu jintuża minflok il-fatturat:

Għall-finijiet tal-punt (a), għal istituzzjoni ta’ kreditu jew istituzzjoni finanzjarja, il-fatturat fl-Unjoni għandu jinkludi l-elementi tal-introjtu, kif definiti f’dak il-punt, li huma riċevuti mill-fergħa jew id-diviżjoni ta’ dik l-istituzzjoni stabbilita fl-Unjoni.

Għall-finijiet tal-punt (b), għal impriża tal-assigurazzjoni, il-fatturat fl-Unjoni għandu jinkludi primjums grossi rċevuti minn residenti tal-Unjoni.

4.   Mingħajr preġudizzju għall-paragrafu 2, il-fatturat aggregat ta’ impriża kkonċernata għandu jiġi kkalkulat billi jingħaddu flimkien il-fatturati rispettivi ta’:

5.   Meta l-impriżi kkonċernati b’mod konġunt ikollhom id-drittijiet jew setgħat elenkati fil-paragrafu 4, il-punt (b), fil-kalkolu tal-fatturat aggregat tal-impriżi kkonċernati:

1.   Konċentrazzjoni notifikabbli ma għandhiex tiġi implimentata qabel in-notifika tagħha.

Barra minn hekk:

Il-perjodu ta’ żmien imsemmi fil-punti (a) u (b) għandu jibda fil-jum tax-xogħol wara dak tal-wasla tan-notifika kompluta jew tal-adozzjoni tad-deċiżjoni rilevanti tal-Kummissjoni.

2.   Il-paragrafu 1 ma għandux jipprevjeni l-implimentazzjoni ta’ offerta pubblika jew ta’ serje ta’ tranżazzjonijiet f’titoli inklużi dawk konvertibbli f’titoli oħra ammessi għall-kummerċ f’suq bħal ma hi borża, li permezz tagħha jinkiseb il-kontroll minn diversi bejjiegħa, dment li:

3.   Il-Kummissjoni tista’, fuq talba, tagħti deroga mill-obbligi stabbiliti fil-paragrafi 1 jew 2. Talba biex tingħata deroga għandha tiddikjara r-raġunijiet għal tali talba. Meta tiddeċiedi dwar it-talba, il-Kummissjoni għandha tqis b’mod partikolari l-effetti tas-sospensjoni fuq impriża waħda jew aktar ikkonċernati mill-konċentrazzjoni jew fuq parti terza u r-riskju ta’ distorsjoni fis-suq intern maħluq mill-konċentrazzjoni. Tali deroga tista’ tkun soġġetta għal ċerti kundizzjonijiet u obbligi sabiex jiġi żgurat li ma jkun hemm l-ebda distorsjoni fis-suq intern. Tista’ ssir applikazzjoni għal deroga u tingħata fi kwalunkwe ħin, jew qabel in-notifika jew wara t-tranżazzjoni.

4.   Il-limiti ta’ żmien previsti fil-paragrafu 1, il-punt (b), ta’ dan l-Artikolu għandhom jiġu estiżi jekk l-impriżi kkonċernati jagħmlu talba għal dak il-għan mhux aktar tard minn 15-il jum tax-xogħol wara l-ftuħ tal-investigazzjoni fil-fond skont l-Artikolu 10. L-impriżi kkonċernati jistgħu jagħmlu biss talba waħda bħal din.

Il-limiti ta’ żmien previsti fil-paragrafu 1, il-punt (b), ta’ dan l-Artikolu jistgħu jiġu estiżi fi kwalunkwe żmien wara l-ftuħ tal-investigazzjoni fil-fond, mill-Kummissjoni bil-qbil tal-impriżi kkonċernati.

It-tul ta’ żmien totali ta’ kwalunkwe estensjoni skont dan il-paragrafu ma għandux jaqbeż l-20 jum tax-xogħol.

5.   Il-Kummissjoni tista’, b’mod eċċezzjonali, tissospendi l-limiti ta’ żmien previsti fil-paragrafu 1 fejn l-impriżi ma jkunux fornew l-informazzjoni kompluta li hija tkun irrikjediet skont l-Artikolu 13 jew ikunu rrifjutaw li jissottomettu ruħhom għal spezzjoni ordnata b’deċiżjoni skont l-Artikolu 14.

6.   Il-Kummissjoni tista’ tadotta deċiżjoni skont l-Artikolu 25(3) mingħajr ma tkun marbuta bil-limiti ta’ żmien imsemmija fil-paragrafi 1 u 4 ta’ dan l-Artikolu, fejn:

7.   Kwalunkwe tranżazzjoni mwettqa bi ksur tal-paragrafu 1 għandha titqies valida biss wara li tkun ġiet adottata deċiżjoni skont l-Artikolu 25(3).

8.   Dan l-Artikolu ma għandu jkollu l-ebda effett fuq il-validità ta’ tranżazzjonijiet f’titoli inklużi dawk konvertibbli f’titoli oħra ammessi għall-kummerċ f’suq bħal borża, sakemm ix-xerrej u l-bejjiegħ ma kinux konxji jew kellhom ikunu konxji li t-tranżazzjoni twettqet bi ksur tal-paragrafu 1.

1.   L-Artikoli 10, 11(1), (3) u (4), l-Artikoli 12 sa 16 u 18 għandhom japplikaw għall-konċentrazzjonijiet notifikati.

2.   Il-Kummissjoni tista’ tibda investigazzjoni fil-fond skont l-Artikolu 10(3) mhux aktar tard minn 25 jum tax-xogħol wara li tirċievi n-notifika kompluta.

3.   Wara l-investigazzjoni fil-fond, il-Kummissjoni għandha tadotta att ta’ implimentazzjoni fil-forma ta’ waħda mid-deċiżjonijiet li ġejjin:

Dawk l-atti ta’ implimentazzjoni għandhom jiġu adottati f’konformità mal-proċedura konsultattiva msemmija fl-Artikolu 48(2).

4.   Id-deċiżjonijiet skont il-paragrafu 3 għandhom jiġu adottati fi żmien 90 jum tax-xogħol wara l-ftuħ tal-investigazzjoni fil-fond, estiżi skont il-każ skont l-Artikolu 24(1), il-punt (b), u l-paragrafi (4) u (5). Jekk il-Kummissjoni ma tadottax deċiżjoni f’dak il-limitu ta’ żmien, l-impriżi kkonċernati għandhom jitħallew jimplimentaw il-konċentrazzjoni.

5.   Fi kwalunkwe talba għal informazzjoni lil impriża, il-Kummissjoni għandha tispeċifika jekk il-limiti ta’ żmien humiex ser jiġu sospiżi skont l-Artikolu 24(5), fil-każ li l-impriża tonqos milli tipprovdi informazzjoni kompluta fil-limitu ta’ żmien preskritt.

6.   Fejn issib li konċentrazzjoni notifikabbli skont l-Artikolu 21(1) jew notifikata fuq talba tal-Kummissjoni skont l-Artikolu 21(5) tkun diġà ġiet implimentata u li sussidji barranin f’dik il-konċentrazzjoni joħolqu distorsjoni fis-suq intern skont l-Artikoli 4, 5 u 6, il-Kummissjoni tista’ tadotta waħda mill-miżuri li ġejjin:

Il-Kummissjoni tista’ timponi l-miżuri msemmija fil-punti (a) u (b) ta dan il-paragrafu jew f’deċiżjoni skont il-paragrafu 3, il-punt (c) ta’ dan l-Artikolu jew permezz ta’ deċiżjoni separata.

Il-Kummissjoni tista’ tadotta, permezz ta’ att ta’ implimentazzjoni fil-forma ta’ deċiżjoni, kwalunkwe waħda mill-miżuri msemmija fil-punti (a) jew (b) ta’ dan il-paragrafu fejn issib li konċentrazzjoni ġiet implimentata bi ksur ta’ deċiżjoni meħuda skont il-paragrafu (3), il-punt (a) ta’ dan l-Artikolu li sabet li, fin-nuqqas tal-impenji, il-konċentrazzjoni tissodisfa l-kriterju stabbilit fil-paragrafu 3, il-punt (c) ta’ dan l-Artikolu.

Dawk l-atti ta’ implimentazzjoni għandhom jiġu adottati f’konformità mal-proċedura konsultattiva msemmija fl-Artikolu 48(2).

7.   Il-Kummissjoni tista’ wkoll tadotta att ta’ implimentazzjoni fil-forma ta’ deċiżjoni li tordna miżuri interim imsemmija fl-Artikolu 12 meta:

Dawk l-atti ta’ implimentazzjoni għandhom jiġu adottati f’konformità mal-proċedura konsultattiva msemmija fl-Artikolu 48(2).

1.   Il-Kummissjoni tista’ timponi multi jew ħlasijiet perjodiċi ta’ penali kif stabbilit fl-Artikolu 17.

2.   Il-Kummissjoni tista’, b’deċiżjoni, timponi wkoll multi fuq l-impriżi kkonċernati li ma jaqbżux il-1 % tal-fatturat aggregat tagħhom fis-sena finanzjarja preċedenti fejn dawk l-impriżi, intenzjonalment jew b’negliġenza, jipprovdu informazzjoni mhux korretta jew qarrieqa f’notifika skont l-Artikolu 21 jew suppliment għaliha.

3.   Il-Kummissjoni tista’, b’deċiżjoni, timponi wkoll multi fuq l-impriżi kkonċernati li ma jaqbżux l-10 % tal-fatturat aggregat tagħhom fis-sena finanzjarja preċedenti fejn dawk l-impriżi, intenzjonalment jew b’negliġenza:

1.   Għall-finijiet ta’ dan ir-Regolament, kontribuzzjoni finanzjarja barranija notifikabbli fi proċedura ta’ akkwist pubbliku għandha titqies li tirriżulta meta:

2.   Fejn l-awtorità kontraenti jew l-entità kontraenti tiddeċiedi li taqsam l-akkwist f’lottijiet, għandha titqies li tirriżulta kontribuzzjoni finanzjarja barranija notifikabbli fi proċedura ta’ akkwist pubbliku meta l-valur stmat tal-akkwist nett mill-VAT jaqbeż il-limitu stabbilit fil-paragrafu 1, il-punt (a) u l-valur tal-lott jew il-valur aggregat tal-lottijiet kollha li għalihom japplika l-offerent ikun ta’ EUR 125 miljun jew aktar u l-kontribuzzjoni finanzjarja barranija tkun daqs il-limitu stabbilit fil-paragrafu 1, il-punt (b) jew aktar minnu.

3.   Il-proċeduri għall-għoti ta’ kuntratti li jaqgħu fil-kamp ta’ applikazzjoni tad-Direttiva 2009/81/KE ma għandhomx jaqgħu taħt dan il-Kapitolu.

4.   Il-proċeduri għall-għoti ta’ kuntratti previsti fl-Artikolu 32(2), il-punt (c), tad-Direttiva 2014/24/UE, u l-Artikolu 50, il-punt (d), tad-Direttiva 2014/25/UE għandhom ikunu koperti mid-dispożizzjonijiet tal-Kapitolu 2 ta’ dan ir-Regolament u għandhom jiġu esklużi mill-applikazzjoni tal-Kapitolu 4 ta’ dan ir-Regolament.

5.   B’deroga mill-Artikolu 29(1), fejn ix-xogħlijiet, il-provvisti jew is-servizzi jistgħu jiġu fornuti biss minn operatur ekonomiku partikolari, f’konformità mal-Artikolu 31(4), tad-Direttiva 2014/23/UE, l-Artikolu 32(2), il-punt (b), tad-Direttiva 2014/24/UE u l-Artikolu 50, il-punt (c), tad-Direttiva 2014/25/UE u l-valur stmat tal-kuntratt ikun daqs jew aktar mill-valur stabbilit fil-paragrafu 1, il-punt (a), ta’ dan l-Artikolu l-operaturi ekonomiċi li jissottomettu offerta jew talba għal parteċipazzjoni għandhom jinformaw lill-Kummissjoni bil-kontribuzzjonijiet finanzjarji barranin kollha jekk il-kondizzjoni stabbilita fil-paragrafu 1, il-punt (b) ta’ dan l-Artikolu hija ssodisfata. Mingħajr preġudizzju għall-possibbiltà li jinbeda rieżami skont il-Kapitolu 2 ta’ dan ir-Regolament, is-sottomissjoni ta’ tali informazzjoni ma għandhiex titqies bħala notifika u ma għandhiex tkun soġġetta għal investigazzjonijiet skont dan il-Kapitolu.

6.   L-awtorità kontraenti jew l-entità kontraenti għandha tiddikjara fl-avviż ta’ kuntratt jew, fejn titwettaq proċedura mingħajr pubblikazzjoni minn qabel, fid-dokumenti tal-akkwist, li l-operaturi ekonomiċi huma soġġetti għall-obbligu ta’ notifika kif stabbilit fl-Artikolu 29. Madankollu, in-nuqqas ta’ tali dikjarazzjoni huwa mingħajr preġudizzju għall-applikazzjoni ta’ dan ir-Regolament għal kuntratti li jaqgħu fil-kamp ta’ applikazzjoni tiegħu.

1.   Fejn il-kundizzjonijiet għan-notifika ta’ kontribuzzjonijiet finanzjarji f’konformità mal-Artikolu 28(1) u (2) jiġu ssodisfati, l-operaturi ekonomiċi li jkunu qed jipparteċipaw fi proċedura ta’akkwist pubbliku, għandhom jinnotifikaw lill-awtorità kontraenti jew lill-entità kontraenti dwar il-kontribuzzjonijiet finanzjarji barranin kollha kif definiti fl-Artikolu 28(1), il-punt (b). Fil-każijiet l-oħrajn kollha, l-operaturi ekonomiċi għandhom jelenkaw f’dikjarazzjoni, il-kontribuzzjonijiet finanzjarji barranin kollha riċevuti u jikkonfermaw li l-kontribuzzjonijiet finanzjarji barranin riċevuti mhumiex notifikabbli f’konformità mal-Artikolu 28(1), il-punt (b). Fi proċedura miftuħa, in-notifika jew id-dikjarazzjoni għandha tiġi sottomessa darba biss, flimkien mal-offerta. Fi proċedura b’diversi stadji, in-notifika jew id-dikjarazzjoni għandha tiġi sottomessa darbtejn, l-ewwel bit-talba għall-parteċipazzjoni u mbagħad bħala notifika aġġornata jew dikjarazzjoni aġġornata mal-offerta sottomessa jew mal-offerta finali.

2.   Ladarba tiġi sottomessa n-notifika jew id-dikjarazzjoni, l-awtorità kontraenti jew l-entità kontraenti għandha tittrasferixxi n-notifika jew id-dikjarazzjoni lill-Kummissjoni mingħajr dewmien.

3.   Fejn notifika jew dikjarazzjoni tkun nieqsa mit-talba għall-parteċipazzjoni jew mill-offerta, l-awtorità kontraenti jew l-entità kontraenti tista’ titlob lill-operaturi ekonomiċi kkonċernati jissottomettu d-dokument rilevanti fi żmien 10 ijiem ta’ xogħol. Offerti jew talbiet għal parteċipazzjoni minn operaturi ekonomiċi soġġetti għall-obbligi speċifikati skont dan l-Artikolu għandhom jiġu ddikjarati irregolari u rrifjutati mill-awtorità kontraenti jew l-entità kontraenti fejn minkejja talba magħmula mill-awtorità kontraenti jew mill-entità kontraenti f’konformità ma’ dan il-paragrafu fl-aħħar mill-aħħar ma jkunux akkumpanjati min-notifika jew mid-dikjarazzjoni sottomessa skont il-paragrafu 1. L-awtorità kontraenti jew l-entità kontraenti għandha tinforma lill-Kummissjoni b’dak ir-rifjut.

4.   Il-Kummissjoni għandha teżamina l-kontenut tan-notifika li rċeviet mingħajr dewmien żejjed. Fejn il-Kummissjoni ssib li n-notifika mhijiex kompluta, hija għandha tikkomunika s-sejbiet tagħha lill-awtorità kontraenti jew lill-entità kontraenti u lill-operatur ekonomiku kkonċernat, u titlob li l-operatur ekonomiku jlesti l-kontenut tiegħu fi żmien 10 ijiem ta’ xogħol. Fejn notifika li takkumpanja offerta jew talba għall-parteċipazzjoni tibqa’ mhux kompluta minkejja talba magħmula mill-Kummissjoni f’konformità ma’ dan il-paragrafu, il-Kummissjoni għandha tadotta deċiżjoni li tiddikjara dik l-offerta irregolari. F’dik id-deċiżjoni, il-Kummissjoni għandha titlob ukoll lill-awtorità kontraenti jew lill-entità kontraenti biex tadotta deċiżjoni illi tirrifjuta tali offerta jew talba għall-parteċipazzjoni irregolari.

5.   L-obbligu ta’ notifika tal-kontribuzzjonijiet finanzjarji barranin skont dan l-Artikolu għandu japplika għall-operaturi ekonomiċi, il-gruppi ta’ operaturi ekonomiċi msemmija fl-Artikolu 26(2) tad-Direttiva 2014/23/UE, l-Artikolu 19(2) tad-Direttiva 2014/24/UE u l-Artikolu 37(2) tad-Direttiva 2014/25/UE, kif ukoll għas-subkuntratturi ewlenin u l-fornituri ewlenin magħrufa fil-ħin tas-sottomissjoni tan-notifika jew tad-dikjarazzjoni kompluta jew tan-notifika jew tad-dikjarazzjoni aġġornata kompluta. Għall-finijiet ta’ dan ir-Regolament, subkuntrattur jew fornitur għandhom jitqiesu bħala ewlenin fejn il-parteċipazzjoni tagħhom tiżgura elementi ewlenin tal-prestazzjoni tal-kuntratt u fi kwalunkwe każ fejn is-sehem ekonomiku tal-kontribuzzjoni tagħhom jaqbeż l-20 % tal-valur stmat tal-offerta sottomessa.

6.   F’isem gruppi ta’ operaturi ekonomiċi, subkuntratturi ewlenin u fornituri ewlenin, il-kuntrattur ewlieni skont it-tifsira tad-Direttivi 2014/24/UE u 2014/25/UE jew il-konċessjonarju ewlieni skont it-tifsira tad-Direttiva 2014/23/UE għandu jiżgura s-sottomissjoni tan-notifika jew tad-dikjarazzjoni. Għall-finijiet tal-Artikolu 33, il-kuntrattur ewlieni jew il-konċessjonarju ewlieni huwa responsabbli biss għall-veraċità tad-data marbuta mal-kontribuzzjonijiet finanzjarji barranin tiegħu stess.

7.   Fejn l-awtorità kontraenti jew l-entità kontraenti waqt li tkun qed teżamina l-offerti tissuspetta l-preżenza ta’ sussidji barranin, għalkemm tkun ġiet sottomessa dikjarazzjoni, din għandha tikkomunika tali suspetti lill-Kummissjoni mingħajr dewmien. Mingħajr preġudizzju għas-setgħat tal-awtoritajiet kontraenti jew l-entitajiet kontraenti, stabbiliti fid-Direttivi 2014/24/UE u 2014/25/UE, biex jeżaminaw jekk offerta hijiex anormalment baxxa, l-awtorità kontraenti jew l-entità kontraenti ma għandhiex twettaq valutazzjoni dwar jekk offerta hijiex baxxa anormalment fejn tali valutazzjoni tinbeda fuq is-suspetti li jindikaw preżenza possibbli ta’ sussidji barranin biss. Fejn il-Kummissjoni tikkonkludi li ma hemm l-ebda offerta indebitament vantaġġuża fit-tifsira ta’ dan ir-Regolament, hija għandha tinforma lill-awtorità kontraenti jew l-entità kontraenti rilevanti dwar dan. Persuni ġuridiċi jew fiżiċi oħra jistgħu jirrapportaw lill-Kummissjoni kwalunkwe informazzjoni relatata ma’ sussidji barranin li joħolqu distorsjoni fis-suq intern u jistgħu jikkomunikaw kwalunkwe suspett li possibbilment tkun saret dikjarazzjoni falza.

8.   Mingħajr preġudizzju għall-possibbiltà li l-Kummissjoni tibda proċedura ex-officio, fejn il-Kummissjoni tissuspetta li operatur ekonomiku seta’ bbenefika minn sussidji barranin fit-tliet snin qabel is-sottomissjoni tal-offerta jew tat-talba biex jipparteċipa fil-proċedura tal-akkwist pubbliku, il-Kummissjoni tista’, qabel l-għoti tal-kuntratt, titlob in-notifika tal-kontribuzzjonijiet finanzjarji barranin provduti minn pajjiżi terzi lil dak l-operatur ekonomiku fi kwalunkwe proċedura tal-akkwist pubbliku li ma humiex notifikabbli skont l-Artikolu 28(1) jew li ma jaqgħux fil-kamp ta’ applikazzjoni tal-Artikolu 30(4). Jekk il-Kummissjoni tkun irrikjediet in-notifika ta’ tali kontribuzzjoni finanzjarja, il-kontribuzzjoni finanzjarja għandha titqies bħala kontribuzzjoni finanzjarja barranija notifikabbli fi proċedura ta’ akkwist pubbliku u tkun soġġetta għad-dispożizzjonijiet stabbiliti fil-Kapitolu 4.

1.   L-Artikoli 10, 11 (1), (3) u (4), 13, 14, 15, 16, 18 u 23 għandhom japplikaw għall-kontribuzzjonijiet finanzjarji notifikati fil-proċeduri ta’ akkwist pubbliku.

2.   Il-Kummissjoni għandha twettaq rieżami preliminari mhux aktar tard minn 20 jum tax-xogħol wara li tkun irċeviet in-notifika kompluta. F’każijiet debitament ġustifikati, il-Kummissjoni tista’ testendi dan il-limitu ta’ żmien darba b’10 ijiem tax-xogħol.

3.   Il-Kummissjoni għandha tiddeċiedi jekk tibdiex investigazzjoni fil-fond fil-limitu ta’ żmien għat-tlestija tar-rieżami preliminari u tinforma lill-operatur ekonomiku kkonċernat u lill-awtorità kontraenti jew lill-entità kontraenti mingħajr dewmien.

4.   Meta l-Kummissjoni tkun għalqet rieżami preliminari mingħajr ma tkun adottat deċiżjoni u tirċievi informazzjoni ġdida li twassalha biex tissuspetta li notifika jew dikjarazzjoni sottomessa ma kinitx kompluta, jew fejn tali notifika jew dikjarazzjoni ma tiġix trasferita lill-Kummissjoni, hija tista’ titlob informazzjoni addizzjonali f’konformità mal-Artikolu 29(4). Il-Kummissjoni tista’ terġa’ tiftaħ rieżami preliminari abbażi ta’ din l-informazzjoni ġdida. Meta r-rieżami preliminari jinbeda skont dan il-Kapitolu, u mingħajr preġudizzju għall-possibbiltà li jinbeda rieżami preliminari skont il-Kapitolu 2, skont il-ħtieġa, il-punt tat-tluq għad-determinazzjoni tat-tul ta’ żmien tar-rieżami preliminari huwa l-wasla tan-notifika jew tad-dikjarazzjoni l-ġdida mill-Kummissjoni.

5.   Il-Kummissjoni tista’ tadotta deċiżjoni li tagħlaq l-investigazzjoni fil-fond mhux aktar tard minn 110 ijiem tax-xogħol wara li tkun irċeviet in-notifika kompluta. Dan il-perjodu jista’ jiġi estiż darba b’20 jum tax-xogħol, wara konsultazzjoni mal-awtorità kontraenti jew l-entità kontraenti, f’każijiet eċċezzjonali debitament ġustifikati inkluż l-investigazzjonijiet imsemmija fil-paragrafu 6 jew fil-każijiet imsemmija fl-Artikolu 16(1), il-punti (a) u (b).

6.   B’deroga mill-paragrafu 2, fejn il-proċedura ta’ akkwist pubbliku tkun proċedura b’diversi stadji, il-Kummissjoni għandha teżamina n-notifika kompluta sottomessa mat-talba għall-parteċipazzjoni fi żmien 20 jum tax-xogħol mill-wasla ta’ dik in-notifika, mingħajr ma tagħlaq ir-rieżami preliminari jew mingħajr ma tasal għal deċiżjoni dwar il-ftuħ ta’ investigazzjoni fil-fond. Wara l-iskadenza ta’ 20 jum tax-xogħol, ir-rieżami preliminari għandu jiġi sospiż sas-sottomissjoni ta’ offerta finali jew offerta fil-każ ta’ proċedura ristretta. Ladarba tiġi sottomessa l-offerta jew l-offerta finali li jkun fiha notifika aġġornata kompluta, ir-rieżami preliminari għandu jitkompla u l-Kummissjoni għandha 20 jum tax-xogħol sabiex tiffinalizzah, filwaqt li tqis kwalunkwe informazzjoni addizzjonali. Il-Kummissjoni għandha tadotta deċiżjoni li tagħlaq kwalunkwe investigazzjoni fil-fond sussegwenti fi żmien 90 jum tax-xogħol mis-sottomissjoni tan-notifika aġġornata kompluta.

1.   Meta, wara investigazzjoni fil-fond, il-Kummissjoni ssib li operatur ekonomiku jibbenefika minn sussidju barrani li joħloq distorsjoni fis-suq intern skont l-Artikoli 4, 5 u 6, u fejn l-operatur ekonomiku kkonċernat joffri impenji li jirrimedjaw kompletament u effettivament id-distorsjoni fis-suq intern, hija għandha tadotta att ta’ implimentazzjoni fil-forma ta’ deċiżjoni b’impenji skont l-Artikolu 11(3). Dak l-att ta’ implimentazzjoni għandu jiġi adottat f’konformità mal-proċedura konsultattiva msemmija fl-Artikolu 48(2).

2.   Fejn l-operatur ekonomiku kkonċernat ma joffrix impenji jew fejn il-Kummissjoni tikkunsidra li l-impenji msemmija fil-paragrafu 1 la huma xierqa u lanqas suffiċjenti biex jirrimedjaw kompletament u effettivament id-distorsjoni, il-Kummissjoni għandha tadotta att ta’ implimentazzjoni fil-forma ta’ deċiżjoni li tipprojbixxi l-għoti tal-kuntratt lill-operatur ekonomiku kkonċernat (“deċiżjoni li tipprojbixxi l-għoti tal-kuntratt”). Dak l-att ta’ implimentazzjoni għandu jiġi adottat f’konformità mal-proċedura konsultattiva msemmija fl-Artikolu 48(2). Wara dik id-deċiżjoni, l-awtorità kontraenti jew l-entità kontraenti għandha tirrifjuta l-offerta.

3.   Fejn, wara investigazzjoni fil-fond, il-Kummissjoni ma ssibx li operatur ekonomiku jibbenefika minn sussidju barrani li joħloq distorsjoni fis-suq intern, hija għandha tadotta att ta’ implimentazzjoni fil-forma ta’ deċiżjoni skont l-Artikolu 11(4). Dak l-att ta’ implimentazzjoni għandu jiġi adottat f’konformità mal-proċedura konsultattiva msemmija fl-Artikolu 48(2).

4.   Il-valutazzjoni skont l-Artikolu 6 ma għandux jirriżulta f’modifika tal-offerta jew tal-offerta finali sottomessa mill-operatur ekonomiku li hija inkompatibbli mal-liġi tal-Unjoni.

1.   Matul ir-rieżami preliminari u l-investigazzjoni fil-fond, il-passi proċedurali kollha fil-proċedura tal-akkwist pubbliku jistgħu jkomplu, ħlief għall-għoti tal-kuntratt.

2.   Jekk il-Kummissjoni tiddeċiedi li tiftaħ investigazzjoni fil-fond skont l-Artikolu 30(3), il-kuntratt ma għandux jingħata lil operatur ekonomiku li jissottometti notifika skont l-Artikolu 29 sakemm il-Kummissjoni tieħu deċiżjoni skont l-Artikolu 31(3) jew qabel ma jiskadu l-limiti ta’ żmien stabbiliti fl-Artikolu 30(5) jew (6). Jekk il-Kummissjoni ma tkunx adottat deċiżjoni sa dan il-limitu ta’ żmien applikabbli, il-kuntratt jista’ jingħata lil kwalunkwe operatur ekonomiku, inkluż l-operatur ekonomiku li jissottometti n-notifika.

3.   Fejn l-awtorità kontraenti jew l-entità kontraenti ssib li l-offerta l-aktar vantaġġuża ekonomikament ġiet sottomessa minn operatur ekonomiku, li ssottometta dikjarazzjoni skont it-tifsira tal-Artikolu 29 u meta l-Kummissjoni ma tkunx fetħet rieżami f’konformità mal-Artikoli 29(8), 30(3) jew 30(4), il-kuntratt jista’ jingħata lill-operatur ekonomiku li jissottometti tali offerta qabel ma l-Kummissjoni tagħmel kwalunkwe waħda mid-deċiżjonijiet imsemmija fl-Artikolu 31 jew qabel ma jiskadu l-limiti ta’ żmien stabbiliti fl-Artikoli 30(2), 30(5) jew 30(6) jew qabel ma l-Kummissjoni tieħu kwalunkwe waħda mid-deċiżjonijiet imsemmija fl-Artikolu 31 fir-rigward ta’ offerti oħrajn taħt investigazzjoni.

4.   Fejn il-Kummissjoni tadotta deċiżjoni f’konformità mal-Artikolu 31(2) rigward offerta li l-awtorità kontraenti jew l-entità kontraenti sabu li hija l-aktar offerta ekonomikament vantaġġuża, il-kuntratt jista’ jingħata lill-operatur ekonomiku li ma jkunx soġġett għal deċiżjoni skont l-Artikolu 31(2) li jkun issottometta t-tieni l-aħjar offerta.

5.   Fejn il-Kummissjoni tadotta deċiżjoni skont l-Artikolu 31(1) jew (3), il-kuntratt jista’ jingħata lil kwalunkwe operatur ekonomiku li jkun issottometta l-aktar offerta ekonomikament vantaġġuża, inkluż, lill-operatur ekonomiku li ssottometta n-notifika skont l-Artikolu 29.

6.   L-awtorità kontraenti jew l-entità kontraenti għandha tinforma lill-Kummissjoni mingħajr dewmien żejjed dwar kwalunkwe deċiżjoni relatata mal-kanċellazzjoni tal- proċedura ta’ akkwist pubbliku, iċ-ċaħda tal-offerta jew it-talba għal parteċipazzjoni mill-operatur ekonomiku kkonċernat, is-sottomissjoni ta’ offerta ġdida mill-operatur ekonomiku kkonċernat jew l-għoti tal-kuntratt.

7.   Il-prinċipji li jirregolaw il-proċeduri ta’ akkwist pubbliku, inklużi l-prinċipji ta’ proporzjonalità, nondiskriminazzjoni, trattament ugwali, trasparenza u kompetizzjoni, għandhom jiġu osservati fir-rigward tal-operaturi ekonomiċi kollha involuti fil-proċedura ta’ akkwist pubbliku. L-investigazzjoni ta’ sussidji barranin skont dan ir-Regolament ma għandhiex twassal li l-awtorità kontraenti jew l-entità kontraenti tittratta lill-operaturi ekonomiċi kkonċernati b’mod li jmur kontra dawk il-prinċipji. Ir-rekwiżiti ambjentali, soċjali u tax-xogħol għandhom japplikaw għall-operaturi ekonomiċi f’konformità mad-Direttivi 2014/23/UE, 2014/24/UE u 2014/25/UE, jew liġi oħra tal-Unjoni.

8.   Il-limiti ta’ żmien imsemmija f’dan il-Kapitolu għandhom jibdew fil-jum tax-xogħol wara dak tal-wasla tan-notifika jew tal-adozzjoni tad-deċiżjoni rilevanti tal-Kummissjoni.

1.   Il-Kummissjoni tista’ timponi multi jew ħlasijiet perjodiċi ta’ penali kif stabbilit fl-Artikolu 17.

2.   Il-Kummissjoni tista’, b’deċiżjoni, timponi wkoll multi fuq l-operaturi ekonomiċi kkonċernati li ma jeċċedux il-1 % tal-fatturat aggregat tagħhom fis-sena finanzjarja preċedenti, fejn dawk l-operaturi ekonomiċi intenzjonalment jew b’negliġenza jipprovdu informazzjoni mhux korretta jew qarrieqa f’notifika jew f’dikjarazzjoni skont l-Artikolu 29 jew f’suppliment għaliha.

3.   Il-Kummissjoni tista’, b’deċiżjoni, timponi multi fuq l-operaturi ekonomiċi kkonċernati li ma jeċċedux l-10 % tal-fatturat aggregat tagħhom fis-sena finanzjarja preċedenti fejn dawk l-operaturi ekonomiċi, intenzjonalment jew b’negliġenza:

1.   Kontribuzzjoni finanzjarja notifikata fil-kuntest ta’ konċentrazzjoni skont l-Artikolu 21 jew fil-kuntest ta’ akkwist pubbliku skont l-Artikolu 29 tista’ tkun rilevanti u vvalutata skont dan ir-Regolament fir-rigward ta’ attività ekonomika oħra.

2.   Kontribuzzjoni finanzjarja vvalutata fil-kuntest ta’ proċedura ex officio fir-rigward ta’ attività ekonomika speċifika skont l-Artikolu 10 jew l-Artikolu 11 tista’ tkun rilevanti u vvalutata skont dan ir-Regolament fir-rigward ta’ attività ekonomika oħra.

1.   Meta Stat Membru jqis li tista’ teżisti sussidju barrani u jista’ joħloq distorsjoni fis-suq intern, huwa għandu jittrasferixxi l-informazzjoni dwar dan lill-Kummissjoni. Abbażi ta’ dik l-informazzjoni, il-Kummissjoni tista’ tiddeċiedi li tibda rieżami preliminari skont l-Artikolu 10, jew titlob notifika skont l-Artikolu 21(5) jew l-Artikolu 29(8).

2.   Persuna fiżika jew ġuridika jew assoċjazzjoni tista’ tikkomunika lill-Kummissjoni kwalunkwe informazzjoni li jista’ jkollha dwar sussidji barranin li jistgħu joħolqu distorsjoni fis-suq intern. Abbażi ta’ dik l-informazzjoni, il-Kummissjoni tista’ tiddeċiedi li tibda rieżami preliminari skont l-Artikolu 10, jew titlob notifika skont l-Artikolu 21(5) jew l-Artikolu 29(8).

3.   Il-Kummissjoni għandha tagħmel aċċessibbli għall-Istati Membri u l-awtoritajiet kontraenti jew l-entitajiet kontraenti kkonċernati, fuq bażi ta’ data elettronika mfassla apposta, il-verżjonijiet mhux kunfidenzjali tad-deċiżjonijiet kollha adottati skont dan ir-Regolament.

1.   Fejn l-informazzjoni disponibbli lill-Kummissjoni tissostanzja suspett raġonevoli li s-sussidji barranin f’settur partikolari, għal tip partikolari ta’ attività ekonomika jew abbażi ta’ strument ta’ sussidju partikolari jistgħu joħolqu distorsjoni fis-suq intern, il-Kummissjoni tista’ twettaq investigazzjoni tas-suq fis-settur partikolari, it-tip ta’ attività ekonomika partikolari jew l-użu tal-istrument ta’ sussidju kkonċernat. Matul dik l-investigazzjoni tas-suq, il-Kummissjoni tista’ tirrikjedi lill-impriżi jew lill-assoċjazzjonijiet ta’ impriżi kkonċernati biex jipprovdu l-informazzjoni meħtieġa u tista’ twettaq l-ispezzjonijiet meħtieġa. Il-Kummissjoni tista’ titlob ukoll lill-Istati Membri jew lill-pajjiż terz ikkonċernat biex jipprovdu informazzjoni.

2.   Il-Kummissjoni għandha, fejn rilevanti, tippubblika rapport dwar ir-riżultati tal-investigazzjoni tas-suq tagħha f’setturi partikolari, tipi partikolari ta’ attività ekonomika jew strumenti partikolari ta’ sussidju u tiġbor il-kummenti.

3.   Il-Kummissjoni tista’ tuża l-informazzjoni miksuba minn tali investigazzjonijiet tas-suq fil-qafas tal-proċeduri skont dan ir-Regolament.

4.   L-Artikoli 13, 14, 15 u 17 għandhom japplikaw għal investigazzjonijiet tas-suq.

1.   Fejn, wara investigazzjoni tas-suq skont l-Artikolu 36, il-Kummissjoni tissuspetta l-eżistenza ta’ sussidji barranin li joħolqu distorsjoni fis-suq intern ripetuti, jew fejn diversi azzjonijiet ta’ infurzar skont dan ir-Regolament jidentifikaw l-għoti ta’ sussidji barranin li joħolqu distorsjoni fis-suq intern mill-istess pajjiż terz, il-Kummissjoni tista’ tidħol fi djalogu mal-pajjiż terz ikkonċernat biex tesplora għażliet immirati lejn il-kisba tal-waqfien jew il-modifika ta’ tali sussidji bil-ħsieb li telimina l-effetti distorsivi tagħhom fuq is-suq intern. Il-Kummissjoni għandha tinforma lill-Parlament Ewropew u lill-Kunsill bl-iżviluppi rilevanti.

2.   Dak id-djalogu ma’ pajjiżi terzi ma għandux jipprevjeni lill-Kummissjoni milli tieħu azzjoni skont dan ir-Regolament. Il-miżuri individwali adottati skont dan ir-Regolament ma għandhomx jiġu indirizzati f’dak id-djalogu.

1.   Is-setgħat tal-Kummissjoni skont l-Artikoli 10 u 11 għandhom ikunu soġġetti għal perjodu ta’ limitazzjoni ta’ 10 snin, li jibda mill-jum li fih jingħata sussidju barrani lil impriża. Kwalunkwe azzjoni meħuda mill-Kummissjoni skont l-Artikoli 10, 13, 14 jew 15 fir-rigward ta’ sussidju barrani għandha tinterrompi l-perjodu ta’ limitazzjoni. Wara kull interruzzjoni, il-perjodu ta’ limitazzjoni ta’ 10 snin għandu jerġa’ jibda jiddekorri mill-ġdid.

2.   Is-setgħat tal-Kummissjoni li timponi multi jew ħlasijiet perjodiċi ta’ penali skont l-Artikoli 17, 26 u 33 għandhom ikunu soġġetti għal perjodu ta’ limitazzjoni ta’ tliet snin, li jibda mill-jum li fih ikun seħħ il-ksur imsemmi fl-Artikolu 17, 26 jew 33. Fil-każ ta’ ksur kontinwu jew ripetut, il-perjodu ta’ limitazzjoni għandu jibda mill-jum li fih jieqaf il-ksur. Kwalunkwe azzjoni meħuda mill-Kummissjoni fir-rigward ta’ ksur imsemmi fl-Artikoli 17, 26 jew 33 għandha tinterrompi l-perjodu ta’ limitazzjoni għall-impożizzjoni ta’ multi jew ħlasijiet perjodiċi ta’ penali. Wara kull interruzzjoni, il-perjodu ta’ limitazzjoni ta’ tliet snin għandu jerġa’ jibda jiddekorri mill-ġdid.

3.   Is-setgħat tal-Kummissjoni li tinforza deċiżjonijiet li jimponu multi jew ħlasijiet perjodiċi ta’ penali skont l-Artikoli 17, 26 u 33 għandhom ikunu soġġetti għal perjodu ta’ limitazzjoni ta’ ħames snin, li jibda mill-jum li fih tkun ittieħdet id-deċiżjoni tal-Kummissjoni li timponi multi jew ħlasijiet perjodiċi ta’ penali. Kwalunkwe azzjoni meħuda mill-Kummissjoni, jew minn Stat Membru li jaġixxi fuq talba tal-Kummissjoni, maħsuba biex tinforza l-ħlas tal-multa jew tal-pagament perjodiku ta’ penali għandha tinterrompi dak il-perjodu ta’ limitazzjoni. Wara kull interruzzjoni, il-perjodu ta’ limitazzjoni ta’ ħames snin għandu jerġa’ jibda jiddekorri mill-ġdid.

4.   Il-perjodu ta’ limitazzjoni għandu jiskadi mhux aktar tard mill-jum li fih ikun għadda darbtejn l-ammont ta’ żmien ta’ dak il-perjodu ta’ limitazzjoni, dment li l-Kummissjoni ma tkunx:

5.   Il-perjodu ta’ limitazzjoni għandu jiġi sospiż sakemm id-deċiżjoni tal-Kummissjoni tkun is-suġġett ta ’ proċeduri pendenti quddiem il-Qorti tal-Ġustizzja tal-Unjoni Ewropea.

1.   Impriża ma għandhiex torganizza operazzjonijiet jew kuntratti finanzjarji biex tevita r-rekwiżiti ta’ notifika stabbiliti fl-Artikolu 21(1) u (5) u l-Artikolu 29(1), (5) u (8).

2.   Fejn il-Kummissjoni tissuspetta li impriża kienet involuta jew qiegħda tkun involuta fi prattika msemmija fil-paragrafu 1, hija tista’ titlob lil dik l-impriża li tipprovdi kwalunkwe informazzjoni li l-Kummissjoni tqis neċessarja biex tiddetermina jekk l-impriża kinitx involuta jew qiegħda tkun involuta fil-prattiki msemmija fil-paragrafu 1, u tista’ tibda rieżami skont l-Artikolu 21(4), jew l-Artikolu 30(4).

1.   Il-Kummissjoni għandha tagħmel pubblikament disponibbli avviż sommarju tad-deċiżjonijiet adottati skont l-Artikolu 10(3), il-punt (a), li jippermetti lil kwalunkwe persuna fiżika jew ġuridika, Stat Membru jew pajjiż terz li jkun ta s-sussidju barrani, jesprimi l-fehmiet tiegħu.

2.   Il-Kummissjoni għandha tippubblika d-deċiżjonijiet adottati skont l-Artikolu 11(2), (3) u (4), l-Artikolu 25(3) u (6), u l-Artikolu 31(1), (2) u (3) f’Il-Ġurnal Uffiċjali tal-Unjoni Ewropea.

3.   Meta tagħmel pubblikament disponibbli notifiki u deċiżjonijiet sommarji, il-Kummissjoni għandha tieħu kont debitu tal-interessi leġittimi tal-impriżi fil-protezzjoni tas-sigrieti tan-negozju tagħhom u informazzjoni kunfidenzjali oħra.

1.   Il-Kummissjoni għandha tinnotifika d-deċiżjoni indirizzata lil impriża jew lil assoċjazzjoni ta’ impriżi mingħajr dewmien u għandha tagħti lil dik l-impriża jew lil dik l-assoċjazzjoni ta’ impriżi l-opportunità li tindika lill-Kummissjoni liema informazzjoni fid-deċiżjoni tqis bħala kunfidenzjali.

2.   Il-Kummissjoni għandha tinforma lill-awtorità kontraenti jew lill-entità kontraenti kkonċernata dwar deċiżjoni adottata skont l-Artikolu 31(1) u (3) indirizzata lill-operatur ekonomiku li jipparteċipa fi proċedura ta’ akkwist pubbliku.

3.   Id-deċiżjonijiet adottati skont l-Artikolu 29(4) u l-Artikolu 31(2) għandhom ikunu indirizzati lill-awtorità kontraenti jew lill-entità kontraenti kkonċernata. Il-Kummissjoni għandha tipprovdi lill-operatur ekonomiku li lilu huwa pprojbit l-għoti tal-kuntratt b’kopja ta’ dik id-deċiżjoni.

1.   Il-Kummissjoni għandha, qabel ma tadotta deċiżjoni skont l-Artikoli 11, 12, 17, 18, 25(3), 26, 31 jew 33 tagħti lill-impriża taħt investigazzjoni l-opportunità li tissottometti osservazzjonijiet dwar ir-raġunijiet li fuqhom il-Kummissjoni biħsiebha tadotta d-deċiżjoni tagħha.

2.   B’deroga mill-paragrafu 1, deċiżjoni skont l-Artikolu 12 tista’ tittieħed proviżorjament, mingħajr ma l-impriża taħt investigazzjoni tingħata l-opportunità li tissottometti l-osservazzjonijiet tagħha minn qabel, sakemm il-Kummissjoni tagħtiha dik l-opportunità malajr kemm jista’ jkun wara li tkun ħadet id-deċiżjoni tagħha.

3.   Il-Kummissjoni għandha tibbaża d-deċiżjoni tagħha biss fuq raġunijiet li fuqhom l-impriżi kkonċernati ngħataw l-opportunità li jippreżentaw l-osservazzjonijiet tagħhom.

4.   Sabiex tkun tista’ teżerċita d-dritt tagħha skont il-paragrafu 1, l-impriża li tkun qed tiġi investigata għandha tkun intitolata li jkollha aċċess għall-fajl tal-Kummissjoni. Id-dritt ta’ aċċess għall-fajl ma għandux jiġi estiż għal informazzjoni kunfidenzjali jew għad-dokumenti interni tal-Kummissjoni jew tal-Istati Membri jew, b’mod partikolari, għal korrispondenza bejn il-Kummissjoni u l-Istati Membri.

Id-dritt ta’ aċċess għall-fajl għandu jkun soġġett għall-interess leġittimu ta’ impriżi jew assoċjazzjonijiet ta’ impriżi fil-protezzjoni tas-sigrieti tan-negozju tagħhom u informazzjoni kunfidenzjali oħra. Il-Kummissjoni tista’ titlob lill-impriża taħt investigazzjoni u lill-impriżi jew assoċjazzjonijiet ta’ impriżi li pprovdew informazzjoni lill-Kummissjoni biex jaqblu dwar termini biex jiżvelaw dik l-informazzjoni. Jekk l-impriżi jew l-assoċjazzjonijiet ta’ impriżi ma jaqblux ma dawk it-termini, il-Kummissjoni għandu jkollha s-setgħa li timponi dawk it-termini li skonthom l-informazzjoni għandha tiġi żvelata.

Xejn f’dan il-paragrafu ma għandu jipprevjeni lill-Kummissjoni milli tuża u tiżvela, sa fejn neċessarju, l-informazzjoni li turi l-eżistenza ta’ sussidju barrani li joħloq distorsjoni fis-suq intern.

1.   L-informazzjoni miksuba skont dan ir-Regolament għandha tintuża biss għall-finijiet li għalihom tkun inkisbet, sakemm il-fornitur tal-informazzjoni ma jaqbilx mod ieħor.

2.   L-Istati Membri u l-Kummissjoni, l-uffiċjali tagħhom u persuni oħra li jaħdmu taħt is-superviżjoni tagħhom għandhom jiżguraw il-protezzjoni tal-informazzjoni kunfidenzjali miksuba fl-applikazzjoni ta’ dan ir-Regolament f’konformità mar-regoli applikabbli rilevanti. Għal dak il-għan, huma ma għandhomx jiżvelaw informazzjoni koperta mill-obbligu tas-segretezza professjonali li jkunu kisbu skont dan ir-Regolament.

3.   Il-paragrafi 1 u 2 ma għandhomx jipprevjenu l-pubblikazzjoni ta’ statistika u rapporti li ma jkunx fihom informazzjoni li tippermetti l-identifikazzjoni ta’ impriżi jew assoċjazzjonijiet ta’ impriżi speċifiċi.

4.   L-iżvelar ta’ kwalunkwe informazzjoni kkomunikata skont dan ir-Regolament ma għandux jippreġudika l-interessi essenzjali tas-sigurtà tal-Istati Membri.

1.   Dan ir-Regolament huwa mingħajr preġudizzju għall-applikazzjoni tal-Artikoli 101, 102, 106, 107 u 108 TFUE, ir-Regolament tal-Kunsill (KE) Nru 1/2003 (23) u r-Regolament tal-Kunsill (KE) Nru 139/2004.

2.   Dan ir-Regolament huwa mingħajr preġudizzju għall-applikazzjoni tar-Regolament (UE) 2016/1037 tal-Parlament Ewropew u tal-Kunsill (24).

3.   Dan ir-Regolament huwa mingħajr preġudizzju għall-applikazzjoni tar-Regolament (UE) 2019/452.

4.   Dan ir-Regolament huwa mingħajr preġudizzju għall-applikazzjoni tar-Regolament (UE) 2022/1031 tal-Parlament Ewropew u tal-Kunsill (25).

5.   Dan ir-Regolament jieħu preċedenza fuq ir-Regolament (UE) 2016/1035 sakemm dak ir-Regolament isir applikabbli skont l-Artikolu 18 tiegħu. Fejn, wara dik id-data, sussidju barrani jaqa’ fil-kamp ta’ applikazzjoni kemm tar-Regolament (UE) 2016/1035 kif ukoll ta’ dan ir-Regolament, ir-Regolament (UE) 2016/1035 jieħu preċedenza. Madankollu, id-dispożizzjonijiet applikabbli għall-akkwist pubbliku u l-konċentrazzjonijiet ta’ dan ir-Regolament jieħdu preċedenza fuq ir-Regolament (UE) 2016/1035.

6.   Dan ir-Regolament jieħu preċedenza fuq ir-Regolament (KEE) Nru 4057/86.

7.   Dan ir-Regolament huwa mingħajr preġudizzju għall-applikazzjoni tar-Regolament (UE) 2019/712. Konċentrazzjonijiet, kif definiti fl-Artikolu 20 ta’ dan ir-Regolament, li jinvolvu trasportaturi bl-ajru għandhom ikunu soġġetti għad-dispożizzjonijiet tal-Kapitolu 3 ta’ dan ir-Regolament. Il-proċeduri ta’ akkwist pubbliku li jinvolvu t-trasportaturi bl-ajru għandhom ikunu soġġetti għad-dispożizzjonijiet tal-Kapitolu 4 ta’ dan ir-Regolament.

8.   Dan ir-Regolament għandu jiġi interpretat b’mod konsistenti mad-Direttivi 2009/81/KE, 2014/23/UE, 2014/24/UE u 2014/25/UE, u d-Direttivi tal-Kunsill 89/665/KEE (26) u 92/13/KEE (27).

9.   Dan ir-Regolament ma għandux jimpedixxi lill-Unjoni milli teżerċita d-drittijiet tagħha jew milli tissodisfa l-obbligi tagħha skont ftehimiet internazzjonali. Ma għandhiex titwettaq investigazzjoni skont dan ir-Regolament u ma għandhomx jiġu imposti jew jinżammu miżuri fejn tali investigazzjoni jew miżuri jkunu jmorru kontra l-obbligi tal-Unjoni li jirriżultaw minn kwalunkwe ftehim internazzjonali rilevanti li tkun ikkonkludiet. B’mod partikolari, ma għandha tittieħed l-ebda azzjoni skont dan ir-Regolament li tkun tammonta għal azzjoni speċifika kontra sussidju skont it-tifsira tal-Artikolu 32.1 tal-Ftehim dwar is-Sussidji u l-Miżuri Kumpensatorji u mogħti minn pajjiż terz li jkun membru tal-Organizzazzjoni Dinjija tal-Kummerċ.

1.   Il-Kummissjoni għandha tippubblika, sa mhux aktar tard mit-12 ta’ Jannar 2026, u għandha taġġorna regolarment minn hemm ’il quddiem, linji gwida dwar:

2.   Qabel ma toħroġ il-linji gwida msemmija fil-paragrafu 1, il-Kummissjoni għandha twettaq konsultazzjonijiet xierqa mal-partijiet ikkonċernati u mal-Istati Membri. Il-linji gwida għandhom jinbnew fuq l-esperjenza miksuba matul l-implimentazzjoni u l-infurzar ta’ dan ir-Regolament.

1.   Il-Kummissjoni għandha s-setgħa li tadotta atti ta’ implimentazzjoni dwar:

2.   L-atti ta’ implimentazzjoni msemmija fil-paragrafu 1 għandhom jiġu adottati skont il-proċedura konsultattiva msemmija fl-Artikolu 48(2).

3.   Qabel l-adozzjoni ta’ kwalunkwe miżura skont il-paragrafu 1, il-Kummissjoni għandha tippubblika abbozz tagħha u titlob kummenti fil-limitu ta’ żmien. Dak il-limitu ta’ żmien għandu jiġi stabbilit mill-Kummissjoni u, ma jkunx ta’ inqas minn erba’ ġimgħat.

4.   L-ewwel atti ta’ implimentazzjoni msemmija fil-paragrafu 1 għandhom jiġu adottati sat-12 ta’ Lulju 2023.

1.   Il-Kummissjoni għandha tkun megħjuna minn kumitat. Dak il-kumitat għandu jkun kumitat skont it-tifsira ta’ dan ir-Regolament (UE) Nru 182/2011.

2.   Meta ssir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.

1.   Il-Kummissjoni għandha s-setgħa li tadotta att delegat f’konformità mal-Artikolu 50 għall-finijiet li temenda, fejn neċessarju, il-livell limitu tan-notifiki tal-konċentrazzjonijiet kif stabbilit fl-Artikolu 20(3), il-punt (a), billi żżid il-livell limitu b’sa 20 % jew tnaqqas il-livell limitu b’sa 20 %, wara li tkun:

2.   Għall-finijiet tal-evalwazzjoni tal-ħtieġa li jiġi emendat il-livell limitu tan-notifiki, skont il-paragrafu 1, il-Kummissjoni għandha twettaq il-valutazzjoni tagħha, li tkopri perjodu ta’ żmien definit li ma jistax ikun iqsar minn sentejn, b’mod partikolari abbażi tal-kriterji oġġettivi li ġejjin:

3.   Sabiex jogħlew il-livelli limiti fl-Artikolu 20(3), il-punt (a), il-valutazzjoni msemmija fil-paragrafu 2 ta’ dan l-Artikolu għandha turi li:

4.   Sabiex jitnaqqsu l-livelli limiti fl-Artikolu 20(3), il-punt (a), il-valutazzjoni msemmija fil-paragrafu 2 ta’ dan l-Artikolu għandha turi li:

5.   Il-Kummissjoni għandha s-setgħa li tadotta att delegat f’konformità mal-Artikolu 50 bil-fini li temenda, fejn neċessarju, il-livelli limiti tan-notifiki kif stabbilit fl-Artikoli 28(1), il-punt (a), u 28(2) għall-akkwist pubbliku billi żżidhom b’sa 20 % jew tnaqqashom b’sa 20 %, wara li tkun:

6.   Għall-finijiet tal-evalwazzjoni tal-ħtieġa li jiġi emendat il-livell limitu għan-notifiki, skont il-paragrafu 5, il-Kummissjoni għandha twettaq il-valutazzjoni tagħha, li tkopri perjodu ta’ żmien definit li ma jistax ikun iqsar minn sentejn, b’mod partikolari abbażi tal-kriterji oġġettivi li ġejjin:

7.   Sabiex jiżdiedu l-livelli limiti minimi għan-notifiki, il-valutazzjoni msemmija fil-paragrafu 6 għandha turi li:

8.   Sabiex jitnaqqsu l-livelli limiti, il-valutazzjoni msemmija fil-paragrafu 6 għandha turi li:

9.   Il-Kummissjoni għandha s-setgħa li tadotta atti delegati f’konformità mal-Artikolu 50 għall-finijiet li tnaqqas l-iskedi ta’ żmien għal rieżami preliminari u investigazzjonijiet fil-fond kif stabbilit fl-Artikolu 25(2) u (4) għal konċentrazzjonijiet notifikati u fl-Artikolu 30(2), (5) u (6) għal kontribuzzjonijiet finanzjarji notifikati fi proċeduri ta’ akkwist pubbliku. Il-Kummissjoni tista’ tadotta tali atti delegati biex jitnaqqsu l-iskedi ta’ żmien fl-Artikolu 25(2) u (4) u l-Artikolu 30(2), (5) u (6) fejn il-prattika tagħha fl-applikazzjoni ta’ dan ir-Regolament turi li l-valutazzjoni tal-Kummissjoni tista’ titwettaq fi żmien iqsar.

1.   Is-setgħa tal-adozzjoni ta’ atti delegati hija mogħtija lill-Kummissjoni soġġett għall-kondizzjonijiet stabbiliti f’dan l-Artikolu.

2.   Is-setgħa tal-adozzjoni ta’ atti delegati msemmija fl-Artikoli 49(1) u (5) għandha tingħata lill-Kummissjoni għal perjodu ta’ ħames snin mit-12 ta’ Jannar 2025.

3.   Is-setgħa tal-adozzjoni ta’ atti delegati msemmija fl-Artikolu 49(9) għandha tingħata lill-Kummissjoni għal perjodu ta’ ħames snin mit-12 ta’ Jannar 2025. Il-Kummissjoni għandha tfassal rapport fir-rigward tad-delega ta’ setgħa mhux aktar tard minn disa’ xhur qabel it-tmiem tal-perjodu ta’ ħames snin. Id-delega ta’ setgħa għandha tiġi estiża awtomatikament għal perjodi ta’ żmien identiċi, ħlief jekk il-Parlament Ewropew jew il-Kunsill joġġezzjonaw għal tali estensjoni mhux aktar tard minn tliet xhur qabel it-tmiem ta’ kull perjodu.

4.   Id-delega ta’ setgħa msemmija fl-Artikolu 49(1), (5) u (9) tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega ta’ setgħa speċifikata f’dik id-deċiżjoni. Għandha ssir effettiva fil-jum ta’ wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandha taffettwa l-validità tal-ebda att delegat li jkun diġà fis-seħħ.

5.   Qabel ma tadotta att delegat, il-Kummissjoni għandha tikkonsulta esperti nominati minn kull Stat Membru skont il-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet.

6.   Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

7.   Att delegat adottat skont l-Artikolu 49(1), (5) u (9) għandu jidħol fis-seħħ biss jekk ma tiġi espressa l-ebda oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn informaw lill-Kummissjoni li mhumiex ser joġġezzjonaw. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

1.   Il-Kummissjoni għandha tippreżenta rapport annwali dwar l-applikazzjoni u l-implimentazzjoni ta’ dan ir-Regolament lill-Parlament Ewropew u lill-Kunsill.

2.   Sat-13 ta’ Lulju 2026 u kull tliet snin minn hemm ’il quddiem, il-Kummissjoni għandha tirrieżamina l-prattika tagħha ta’ implimentazzjoni u infurzar ta’ dan ir-Regolament, b’mod partikolari fir-rigward tal-applikazzjoni tal-Artikoli 4, 5, 6 u 9, u l-livelli limiti tan-notifika stabbiliti fl-Artikolu 20(3), l-Artikolu 28(1) u (2), u tippreżenta rapport lill-Parlament Ewropew u lill-Kunsill, akkumpanjat minn proposti leġiżlattivi rilevanti, fejn il-Kummissjoni tqis xieraq. Fil-kuntest tar-rieżami tagħha, il-Kummissjoni għandha tirrapporta dwar l-iżviluppi fir-relazzjonijiet internazzjonali rigward is-sistemi ta’ kontroll tas-sussidji ta’ pajjiżi terzi.

3.   Fejn il-Kummissjoni tqis xieraq li r-rapport jiġi kkombinat ma’ proposti leġiżlattivi rilevanti, tali proposti jistgħu jinkludu:

1.   Dan ir-Regolament għandu japplika għal sussidji barranin mogħtija fil-ħames snin qabel it-12 ta’ Lulju 2023 fejn tali sussidji barranin ifixklu s-suq intern wara t-12 ta’ Lulju 2023.

2.   B’deroga mill-paragrafu 1, dan ir-Regolament għandu japplika għal kontribuzzjonijiet finanzjarji barranin mogħtija fit-tliet snin qabel it-12 ta’ Lulju 2023 fejn tali kontribuzzjonijiet finanzjarji barranin ikunu ngħataw lil impriża li tinnotifika konċentrazzjoni jew tinnotifika kontribuzzjonijiet finanzjarji fil-kuntest ta’ proċedura ta’ akkwist pubbliku skont dan ir-Regolament.

3.   Dan ir-Regolament ma għandux japplika għal konċentrazzjonijiet li għalihom ġie konkluż il-ftehim, tħabbret l-offerta pubblika, jew inkiseb interess ta’ kontroll qabel it-12 ta’ Lulju 2023.

4.   Dan ir-Regolament ma għandux japplika għal kuntratti ta’ akkwist pubbliku li ngħataw jew proċeduri li nbdew qabel it-12 ta’ Lulju 2023.

1.   Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

2.   Huwa għandu japplika mit-12 ta’ Lulju 2023.

3.   B’deroga mill-paragrafu 2 ta’ dan l-Artikolu, l-Artikoli 47 u 48 għandhom japplikaw mill-11 ta’ Jannar 2023 u l-Artikoli 14(5), (6) u (7) għandhom japplikaw mit-12 ta’ Jannar 2024.

4.   B’deroga mill-paragrafu 2 ta’ dan l-Artikolu, l-Artikoli 21 u 29 għandhom japplikaw mit-12 ta’ Ottubru 2023.

1.   Din id-Direttiva m’għandhiex tapplika għal sewwieqa ta’ vetturi:

Fir-rigward tal-ewwel subparagrafu, il-punt (f), din id-Direttiva ma tapplika għall-ebda persuna li tkun tixtieq tikseb liċenzja tas-sewqan jew CPC, f’konformità mal-Artikolu 6 u l-Artikolu 8(1), meta dik il-persuna tkun qed tirċievi taħriġ addizzjonali fis-sewqan waqt tagħlim ibbażat fuq il-post tax-xogħol, dment li dik il-persuna tkun akkumpanjata minn persuna oħra li hija ċċertifikata b’CPC, jew minn għalliem tas-sewqan, għall-kategorija tal-vettura użata għall-iskop stabbilit f’dak il-punt.

2.   Din id-Direttiva ma għandhiex tapplika meta jiġu ssodisfati l-kondizzjonijiet kollha li ġejjin:

3.   Din id-Direttiva ma għandhiex tapplika għas-sewwieqa ta’ vetturi jintużaw, jew jiġu mikrija mingħajr sewwieq, minn impriżi agrikoli, ortikulturali, tal-forestrija, tal-biedja jew tas-sajd għall-ġarr ta’ merkanzija bħala parti mill-attività intraprenditorjali proprja tagħhom, ħlief jekk is-sewqan ikun parti mill-attività prinċipali tas-sewwieq jew id-distanza tas-sewqan tkun iktar mid-distanza stabbilita fil-liġi nazzjonali mill-bażi tal-impriża li hija proprejtarja tal-vettura jew li tikrijha jew tillokha.

1.   Is-sewqan, kif imfisser fl-Artikolu 1, għandu jkun soġġett għal kwalifika inizjali obbligatorja u taħriġ perjodiku obbligatorju. Għal dak il-għan, l-Istati Membri għandu jkollhom:

2.   L-Istati Membri jistgħu jipprovdu wkoll sistema ta’ kwalifika inizjali aċċellerata li permezz tagħha sewwieq ikun jista’ jsuq fil-każijiet imsemmija fl-Artikolu 5(2), il-punti (a)(ii) u l-punt (b), u l-Artikolu 5(3), il-punt (a)(i) u l-punt (b).

Skont it-Taqsima 3 tal-Anness I, il-kwalifika inizali aċċellerata għandha tkun marbuta ma’ attendenza obbligatorja għall-kors. Fi tmiem il-kors għandu jkun hemm eżami. Wara li jkun sar l-eżami b’suċċess, il-kwalifika għandha tiġi konfermata permezz ta’ CPC kif imsemmi fl-Artikolu 6(2).

3.   L-Istati Membri jistgħu jeżentaw sewwieqa li jkunu kisbu ċ-ċertifikat ta’ kompetenza professjonali imsemmi fir-Regolament (KE) Nru 1071/2009 tal-Parlament Ewropew u tal-Kunsill (8) milli jagħmlu l-eżamijiet li jissemmew fil-paragrafu 1, il-punt (a)(i) u (ii), u fil-paragrafu 2 ta’ dan l-Artikolu fis-suġġetti li jkun hemm għall-eżami msemmi f’dik id-Regolament u, fejn ikun xieraq, milli jattendu għal parti mill-kors relattiva għal dawk is-suġġetti.

1.   Sabiex jingħata aċċess għal kwalifika inizjali ma għandux ikun meħtieġ li tinkiseb minn qabel liċenzja tas-sewqan relattiva.

2.   Sewwieqa ta’ vettura li ġġorr merkanzija jistgħu jsuqu:

3.   Sewwieqa ta’ vettura li ġġorr il-passiġġieri jistgħu jsuqu:

4.   Mingħajr ħsara għal-limiti t’età imsemmija fil-paragrafu 2 ta’ dan l-Artikolu, sewwieqa li jġorru merkanzija u li jkollhom CPC, kif imsemmi fl-Artikolu 6, għal waħda mill-kategoriji msemmija fil-paragrafu 2 ta’ dan l-Artikolu, għandhom ikunu eżenti milli jiskbu dak is-CPC għal kwalunkwe waħda mill-kategoriji l-oħra ta’ vetturi msemmija f’dak il-paragrafu.

Dawn id-dispożizzjonijiet għandhom japplikaw bl-istess kondizzjonijiet għal sewwieqa li jġorru passiġġieri fil-kategoriji msemmija fil-paragrafu 3.

5.   Sewwieqa li jġorru merkanzija li jwessgħu jew ibiddlu l-ambitu ta’ xogħolhom biex iġorru passiġġieri, jew bil-kontra, u li għandhom CPC, kif imsemmi fl-Artikolu 6, ma jkunx jeħtiġilhom jerġgħu jagħmlu t-taqsimiet komuni tal-kwalifika inizjali, iżda jagħmlu dawk it-taqsimiet biss li jkollhom x’jaqsmu mal-kwalifika l-ġdida.

1.   CPC jista’ jingħata biex jikkonferma kwalifika inizjali fiċ-ċirkostanzi li ġejjin:

2.   CPC jista’ jingħata biex jikkonferma kwalifika inizjali aċċellerata

Skont l-Artikolu 3(2), l-Istati Membri għandhom jeħtieġu li sewwieqa li jkunu qed jitħarrġu jattendu korsijiet f’ċentru ta’ taħriġ approvat. Dawk il-korsijiet għandhom ikopru s-suġġetti kollha msemmija fit-Taqsima 1 tal-Anness I.

Dak it-taħriġ għandu jintemm bl-eżami msemmi fit-Taqsima 3 tal-Anness I. Dak l-eżami għandu jkun organizzat mill-awtoritajiet kompetenti tal-Istati Membri jew minn entità maħtura minnhom u għandu jkollu l-għan li jiġi verifikat jekk, għas-suġġetti msemmija fit-Taqsima 1tal-Anness I, is-sewwieqa li jkunu qed jitħarrġu jkollhomx il-livell ta’ tagħrif meħtieġ skont dik it-Taqsima. L-imsemmija awtoritajiet jew entitajiet għandhom jissorveljaw l-eżami, u wara li jkun sar b’suċċess, jagħtu lis-sewwieqa CPC li jikkonferma l-kwalifika inizjali aċċellerata.

1.   Meta sewwieq itemm it-taħriġ perjodiku msemmi fl-Artikolu 7, l-awtoritajiet kompetenti tal-Istati Membri jew iċ-ċentru ta’ taħriġ approvat għandhom jagħtuh CPC li jikkonferma li t-taħriġ perjodiku ġie komplut.

2.   Id-detenturi ta’ CPC kif imsemmi fl-Artikolu 6, għandhom jagħmlu l-ewwel kors ta’ taħriġ perjodiku fi żmien ħames snin minn meta jkun inħareġ dak is-CPC.

L-Istati Membri jistgħu inaqqsu jew jestendu l-perijodu ta’ żmien imsemmi fl-ewwel subparagrafu, fost oħrajn, sabiex ikun jaqbel mad-data ta’ skadenza tal-liċenzja tas-sewqan. Madankollu, dak il-perijodu ma jistax ikun iqsar minn tliet snin jew itwal minn seba’ snin.

3.   Sewwieq li jkun temm l-ewwel kors ta’ taħriġ perjodiku kif imsemmi fil-paragrafu 2 jew f’konformità mal-Artikolu 8(2), l-ewwel subparagrafu, il-punt (b), tad-Direttica 2003/59/KE, għandu jattendi għal taħriġ perjodiku kull ħames snin, qabel it-tmiem tal-perijodu ta’ validità tas-CPC li jikkonferma li t-taħriġ perjodiku ġie komplut.

4.   Id-detenturi ta’ CPC kif imsemmi fl-Artikolu 6 jew is-CPC imsemmi fil-paragrafu 1 ta’ dan l-Artikolu, u s-sewwieqa msemmija fl-Artikolu 4 li waqfu l-eżerċizzju tax-xogħol tagħhom u li ma jissodisfawx il-ħtiġijiet tal-paragrafi 1, 2 u 3 ta’ dan l-Artikolu, għandhom jagħmlu kors ta’ taħriġ perjodiku qabel jerġgħu jibdew l-eżerċizzju ta’ dak ix-xogħol.

5.   Sewwieqa li jġorru merkanzija jew passiġġieri fit-triq u li jkunu temmew korsijiet ta’ taħriġ perjodiku għal waħda mill-kategoriji ta’ liċenzji tas-sewqan msemmija fl-Artikolu 5(2) u (3) għandhom ikunu eżenti mill-obbligu li jagħmlu aktar taħriġ perjodiku għal kwalunkwe waħda mill-kategoriji oħra msemmija f’dawk il-paragrafi.

1.   Fuq il-bażi tas-CPC li jiċċertifika kwalifika inizjali u s-CPC li jiċċertifika taħriġ perjodiku, l-awtoritajiet kompetenti tal-Istati Membri għandhom, filwaqt li jqisu l-Artikolu 5(2) u (3) u l-Artikolu 8 ta’ din id-Direttiva, jimmarkaw il-kodiċi armonizzat tal-Unjoni, “95”, previst fl-Anness I tad-Direttiva 2006/126/KE, flimkien mal-kategoriji korrispondenti ta’ liċenzja tas-sewqan:

Jekk l-awtoritajiet kompetenti tal-Istat Membru fejn ikun inkiseb is-CPC ma jkunux jistgħu jimmarkaw il-kodiċi armonizzat tal-Unjoni fuq il-liċenzja tas-sewqan, huma għandhom joħorġu karta ta’ kwalifika tas-sewqan lis-sewwieq.

Il-karta ta’ kwalifika ta’ sewwieq maħruġa minn Stat Membru għandha tkun rikonoxxuta reċiprokament. Meta tinħareġ il-karta ta’ kwalifika ta’ sewwieq, l-awtoritajiet kompetenti għandhom jivverifikaw il-validità tal-liċenzja tas-sewqan għall-kategorija tal-vettura kkonċernata.

2.   Sewwieq imsemmi fl-Artikolu 1, il-punt (b), ta’ din id-Direttiva li jsuq vetturi użati għall-ġarr ta’ merkanzija fit-triq għandu wkoll jitħalla jipprovdi evidenza li turi li għandu l-kwalifika u t-taħriġ previsti f’din id-Direttiva permezz tal-attestazzjoni tas-sewqan prevista fir-Regolament (KE) Nru 1072/2009 tal-Parlament Ewropew u tal-Kunsill (9), sakemm fuqha jkun hemm il-kodiċi tal-Unjoni, “95”. Għall-finijiet ta’ din id-Direttiva, l-Istat Membru emittenti għandu jindika l-kodiċi tal-Unjoni, “95”, fit-taqsima tar-rimarki tal-attestazzjoni jekk is-sewwieq ikkonċernat ikun issodisfa r-rekwiżiti tal-kwalifika u r-rekwiżiti għat-taħriġ previsti f’din id-Direttiva.

3.   L-attestazzjonijiet tas-sewqan li ma jkollhomx il-kodiċi tal-Unjoni, “95”, u maħruġa qabel it-23 ta’ Mejju 2020, f’konformità mal-Artikolu 5 tar-Regolament (KE) Nru 1072/2009, u b’mod partikolari mal-paragrafu 7 tiegħu, għandhom jiġu aċċettati bħala evidenza tal-kwalifika sad-data tal-iskadenza tagħhom, bil-għan li tiġi ċċertifikata l-konformità mar-rekwiżiti tat-taħriġ skont din id-Direttiva.

1.   Għal skopijiet ta’ infurzar, l-Istati Membri għandhom jiskambjaw l-informazzjoni dwar CPCs li jkunu nħarġu jew irtirati. Għal dak il-għan, l-Istati Membri għandhom, f’koperazzjoni mal-Kummissjoni, jiżviluppaw netwerk elettroniku jew jaħdmu fuq estensjoni ta’ netwerk eżistenti, filwaqt li jqisu l-valutazzjoni tal-Kummissjoni dwar l-aktar għażla kosteffikaċi.

2.   In-netwerk jista’ jkun fih l-informazzjoni inkluża fis-CPCs kif ukoll informazzjoni dwar il-proċeduri amministrattivi relatati mas-CPCs.

3.   L-Istati Membri għandhom jiżguraw li l-ipproċessar tad-data personali jitwettaq biss għall-finijiet ta’ verifika ta’ konformità ma’ din id-Direttiva, b’mod partikolari fir-rigward tar-rekwiżiti tat-taħriġ stabbiliti f’din id-Direttiva, f’konformità mar-Regolament (UE) 2016/679 tal-Parlament Ewropew u tal-Kunsill (10).

4.   L-aċċess għan-netwerk għandu jkun sigur. L-Istati Membri jistgħu jagħtu aċċess biss lill-awtoritajiet kompetenti responsabbli għall-implimentazzjoni ta’ din id-Direttiva, u għall-kontroll tal-konformità magħha.

1.   Is-setgħa ta’ adozzjoni ta’ atti delegati hija mogħtija lill-Kummissjoni suġġett għall-kondizzjonijiet stabbiliti f’dan l-Artikolu.

2.   Is-setgħa ta’ adozzjoni ta’atti delegati msemmija fl-Artikolu 12 għandha tiġi mogħtija lill-Kummissjoni għal perijodu ta’ ħames snin mis-26 ta’ Lulju 2019. Il-Kummissjoni għandha tfassal rapport fir-rigward tad-delega ta’ setgħa mhux iktar tard minn disa’ xhur qabel ma jintemm il-perijodu ta’ ħames snin. Id-delega ta’ setgħa għandha tiġi estiża awtomatikament għal perijodi ta’ żmien identiċi, ħlief jekk il-Parlament Ewropew jew il-Kunsill joġġezzjonaw għal tali estensjoni mhux iktar tard minn tliet xhur qabel it-tmiem ta’ kull perijodu.

3.   Id-delega tas-setgħa msemmija fl-Artikolu 12 tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega tas-setgħa speċifikata f’dik id-deċiżjoni. Din għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. M’għandha taffettwa l-validità tal-ebda att delegat li jkun diġà fis-seħħ.

4.   Qabel ma tadotta att delegat, il-Kummissjoni għandha tikkonsulta esperti nominati minn kull Stat Membru skont il-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet.

5.   Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.   Att delegat adottat skont l-Artikolu 12 għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perijodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perijodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

1.   Ir-rispett għall-prinċipji demokratiċi, u għad-drittijiet tal-bniedem u l-libertajiet fundamentali, kif stipulat fid-Dikjarazzjoni Universali tad-Drittijiet tal-Bniedem u fi strumenti internazzjonali rilevanti oħrajn dwar id-drittijiet tal-bniedem, kif ukoll għall-prinċipju tal-istat tad-dritt, jirfed il-politiki domestiċi u internazzjonali tal-Partijiet u jikkostitwixxi element essenzjali ta’ dan il-Ftehim.

2.   Il-Partijiet jikkonfermaw l-impenn tagħhom li jippromwovu l-iżvilupp sostenibbli fid-dimensjonijiet kollha tiegħu, li jikkooperaw biex jindirizzaw l-isfidi tat-tibdil fil-klima u l-globalizzazzjoni, u li jikkontribwixxu għall-Aġenda 2030 għall-Iżvilupp Sostenibbli.

3.   Il-Partijiet jaffermaw mill-ġdid l-impenn tagħhom lejn id-Dikjarazzjoni ta’ Pariġi dwar l-Effikaċja tal-Għajnuna, li ġiet adottata fl-2005, u jaqblu li jsaħħu l-kooperazzjoni bil-għan li jtejbu aktar l-andament tal-iżvilupp.

4.   Il-Partijiet jaffermaw mill-ġdid ir-rabta tagħhom mal-prinċipji ta’ governanza tajba u l-ġlieda kontra l-korruzzjoni fil-livelli kollha, b’mod partikolari billi jqisu l-obbligi internazzjonali tagħhom.

5.   Il-Partijiet jaqblu li l-attivitajiet ta’ kooperazzjoni fl-ambitu ta’ dan il-Ftehim għandhom iqisu l-bżonnijiet u l-kapaċitajiet rispettivi tagħhom.

1.   Il-Partijiet jikkunsidraw li l-proliferazzjoni tal-AQM u tal-mezzi tat-twassil tagħhom, kemm lil atturi statali kif ukoll lil oħrajn li ma humiex, tirrappreżenta waħda mill-aktar theddidiet serji għall-istabbiltà u għas-sigurtà internazzjonali. Għalhekk, il-Partijiet jaqblu li jikkooperaw u jikkontribwixxu għall-ġlieda kontra l-proliferazzjoni tal-AQM u tal-mezzi tat-twassil tagħhom permezz ta’ konformità sħiħa mal-obbligi eżistenti tagħhom skont it-trattati u l-ftehimiet dwar id-diżarm internazzjonali u n-nonproliferazzjoni, u obbligi internazzjonali oħrajn li huma rilevanti, u permezz tal-implimentazzjoni nazzjonali ta’ dawn, fi ħdan il-qafas tan-NU, inklużi r-riżoluzzjonijiet tal-KSNU. Il-Partijiet jaqblu li din id-dispożizzjoni tikkostitwixxi element essenzjali ta’ dan il-Ftehim.

2.   Barra minn hekk, il-Partijiet jaqblu li jikkooperaw u jikkontribwixxu għall-ġlieda kontra l-proliferazzjoni tal-AQM u l-mezzi ta’ twassil tagħhom u għall-promozzjoni tal-implimentazzjoni ta’ strumenti internazzjonali dwar id-diżarm billi:

3.   Il-Partijiet jaqblu li jistabbilixxu djalogu regolari li se jakkumpanja u jikkonsolida dawn l-elementi msemmijin fil-punti (a) sa (c) tal-paragrafu 2. Dan id-djalogu jista’ jsir fuq bażi reġjonali.

1.   Il-Partijiet jirrikonoxxu li l-manifattura, it-trasferiment u ċ-ċirkolazzjoni illeċiti ta’ armi ħfief u ta’ kalibru żgħir, inkluż il-munizzjon tagħhom, kif ukoll l-akkumulazzjoni eċċessiva, il-ġestjoni insuffiċjenti tal-ħażniet u s-sigurtà u t-tixrid mhux ikkontrollat tal-armi ħfief u ta’ kalibru żgħir, li għandhom firxa wiesgħa ta’ konsegwenzi umanitarji u soċjoekonomiċi, ikomplu joħolqu theddida serja għall-paċi u s-sigurtà internazzjonali, kif ukoll għall-iżvilupp sostenibbli fil-livelli individwali, lokali, nazzjonali, reġjonali u internazzjonali.

2.   Il-Partijiet jaqblu li josservaw u jimplimentaw kompletament l-obbligi rispettivi tagħhom sabiex jindirizzaw il-kummerċ illeċitu ta’ armi ħfief u ta’ kalibru żgħir, inkluż il-munizzjon tagħhom, skont ftehimiet internazzjonali eżistenti u r-riżoluzzjonijiet tal-KSNU, kif ukoll l-impenji tagħhom fil-qafas ta’ strumenti internazzjonali oħrajn applikabbli f’dan il-qasam, bħall-Programm ta’ Azzjoni tan-NU għall-Prevenzjoni, il-Ġlieda kontra u l-Qerda tal-Kummerċ Illeċitu tal-Armi Ħfief u ta’ Kalibru Żgħir fl-Aspetti Kollha Tiegħu, adottat mill-AĠNU fl-20 ta’ Lulju 2001.

3.   Il-Partijiet jirrikonoxxu l-importanza ta’ sistemi ta’ kontroll domestiċi għat-trasferiment ta’ armi konvenzjonali f’konformità mal-obbligi internazzjonali tagħhom, u l-għan u l-iskop tat-Trattat dwar il-Kummerċ tal-Armi, adottat mir-Riżoluzzjoni tal-AĠNU Nru 67/234B tat-2 ta’ April 2013. Il-Partijiet jirrikonoxxu l-importanza li japplikaw dawn il-kontrolli b’mod responsabbli, bħala kontribut għall-paċi, għas-sigurtà u għall-istabbiltà internazzjonali u reġjonali, u għat-tnaqqis tat-tbatija tal-bnedmin, kif ukoll għall-prevenzjoni tad-diverżjoni ta’ armi konvenzjonali. Il-Partijiet jaqblu li jsaħħu d-djalogu u l-kooperazzjoni tagħhom fil-qasam tal-kontroll tal-esportazzjoni.

4.   Il-Partijiet jaqblu li jsaħħu l-kooperazzjoni tagħhom u jfittxu koordinazzjoni, komplementarjetà u sinerġija fl-isforzi tagħhom relatati mal-prevenzjoni u l-eradikazzjoni tal-kummerċ illeċitu ta’ armi ħfief u ta’ kalibru żgħir, u mat-trasferimenti ta’ armi konvenzjonali u sistemi nazzjonali ta’ kontroll tal-importazzjoni u l-esportazzjoni ta’ armi konvenzjonali.

1.   Il-Partijiet jaffermaw mill-ġdid l-importanza tal-ġlieda kontra t-terroriżmu b’rispett sħiħ għall-istat tad-dritt, id-dritt internazzjonali, b’mod partikolari l-Karta tan-Nazzjonijiet Uniti, iffirmata f’San Francisco fis-26 ta’ Ġunju 1945, u r-riżoluzzjonijiet rilevanti tal-KSNU, id-dritt dwar id-drittijiet tal-bniedem, u d-dritt umanitarju internazzjonali. F’dan il-qafas u filwaqt li titqies l-Istrateġija Globali tan-NU kontra t-Terroriżmu inkluża fir-Riżoluzzjoni tal-AĠNU Nru 60/288 tat-8 ta’ Settembru 2006, kif riveduta aktar tard, kif ukoll id-Dikjarazzjoni Konġunta tal-ASEAN-UE dwar il-Kooperazzjoni għall-Ġlieda kontra t-Terroriżmu, adottata fit-28 ta’ Jannar 2003, il-Partijiet jaqblu li jikkooperaw fil-prevenzjoni u s-soppressjoni tat-terroriżmu fil-forom u l-manifestazzjonijiet kollha tiegħu.

2.   Il-Partijiet għandhom jagħmlu dan b’mod partikolari:

1.   Il-Partijiet jimpenjaw ruħhom li jikkooperaw u jiskambjaw fehmiet f’fora u f’organizzazzjonijiet reġjonali u internazzjonali, b’mod partikolari fi ħdan in-NU u l-organizzazzjonijiet u l-aġenziji speċjalizzati tagħha, inkluż, iżda mhux limitat għall-Organizzazzjoni Internazzjonali tax-Xogħol (ILO), ir-Relazzjonijiet ta’ Djalogu bejn l-ASEAN u l-UE, b’mod partikolari fil-kuntest tas-Sħubija Strateġika bejn l-ASEAN u l-UE, il-Forum Reġjonali tal-ASEAN (ARF), u l-Laqgħa Asja-Ewropa (ASEM).

2.   Il-Partijiet jimpenjaw ruħhom li jikkooperaw u jiskambjaw fehmiet dwar kwistjonijiet ekonomiċi u kwistjonijiet relatati oħrajn f’fora u organizzazzjonijiet reġjonali u internazzjonali inkluż, inter alia, l-ASEM, il-Konferenza tan-NU dwar il-Kummerċ u l-Iżvilupp, id-WTO u l-Organizzazzjoni Dinjija tal-Proprjetà Intellettwali.

1.   Għal kull settur ta’ djalogu u ta’ kooperazzjoni fl-ambitu ta’ dan il-Ftehim, u filwaqt li jagħtu l-importanza dovuta lill-materji li jaqgħu taħt kooperazzjoni bilaterali, il-Partijiet se jaqblu li jwettqu attivitajiet relatati fuq livell bilaterali jew reġjonali jew permezz ta’ kombinazzjoni ta’ dawn iż-żewġ oqfsa. Meta jagħżlu l-qafas xieraq, il-Partijiet se jfittxu li jimmassimizzaw l-impatt fuq il-partijiet kollha interessati u jsaħħu l-involviment tagħhom, filwaqt li jagħmlu l-aħjar użu mir-riżorsi disponibbli u jqisu l-fattibilità politika u istituzzjonali, u jiżguraw il-koerenza ma’ attivitajiet oħra li jinvolvu lill-Istati Membri tal-UE u dawk tal-ASEAN.

2.   Il-Partijiet jistgħu, skont kif ikun xieraq, jiddeċiedu li jestendu l-appoġġ finanzjarju lejn attivitajiet ta’ kooperazzjoni fl-oqsma koperti minn dan il-Ftehim jew f’dawk relatati miegħu, f’konformità mal-proċeduri u r-riżorsi finanzjarji rispettivi tagħhom. Din il-kooperazzjoni tista’, b’mod partikolari, tinkludi l-organizzazzjoni ta’ skemi ta’ taħriġ, workshops u seminars, skambji ta’ esperti, studji, u azzjonijiet oħrajn miftiehma mill-Partijiet.

1.   Il-Partijiet għandhom jinvolvu ruħhom fi djalogu dwar kwistjonijiet bilaterali u multilaterali kummerċjali u dawk relatati mal-kummerċ bil-għan li jsaħħu r-relazzjonijiet kummerċjali bilaterali u javvanzaw is-sistema kummerċjali multilaterali, b’mod li jappoġġa l-objettiv ta’ żvilupp sostenibbli.

2.   Il-Partijiet jimpenjaw ruħhom li jippromwovu l-iżvilupp u d-diversifikazzjoni tal-iskambji kummerċjali reċiproċi tagħhom sal-ogħla livell possibbli u għall-benefiċċju reċiproku tagħhom, f’konformità mal-prinċipji u r-regoli tad-WTO. Il-Partijiet jimpenjaw ruħhom li jiksbu kundizzjonijiet imtejba ta’ aċċess għas-suq billi jieħdu miżuri biex itejbu t-trasparenza, filwaqt li jqisu l-ħidma mwettqa minn organizzazzjonijiet internazzjonali f’dak il-qasam.

3.   Il-Partijiet għandhom iżommu lil xulxin infurmati dwar l-iżvilupp ta’ politiki kummerċjali u dawk relatati mal-kummerċ jew kwistjonijiet relatati oħra, bħall-politika agrikola, is-sikurezza alimentari, miżuri mhux tariffarji, il-politika tal-konsumatur u l-politika ambjentali, inkluż l-immaniġġjar tal-iskart.

4.   Il-Partijiet għandhom jinkoraġġixxu d-djalogu u l-kooperazzjoni sabiex jiżviluppaw ir-relazzjonijiet tagħhom dwar il-kummerċ u l-investiment, inkluż, fost kwistjonijiet oħra, is-soluzzjoni tal-problemi kummerċjali fl-oqsma msemmija fl-Artikoli 10 sa 19 ta’ dan il-Ftehim.

1.   Il-Partijiet għandhom jikkooperaw dwar is-sikurezza alimentari u l-kwistjonijiet Sanitarji u Fitosanitarji (SPS) sabiex jipproteġu l-ħajja jew is-saħħa tal-bniedem, tal-annimali u tal-pjanti fit-territorju tal-Partijiet.

2.   Il-Partijiet għandhom jiddiskutu u jiskambjaw informazzjoni dwar il-miżuri rispettivi tagħhom kif definiti fil-Ftehim tad-WTO dwar l-Applikazzjoni ta’ Miżuri Sanitarji u Fitosanitarji, li daħal fis-seħħ bl-istabbiliment tad-WTO fl-1 ta’ Jannar 1995, inklużi l-istandards tal-Konvenzjoni Internazzjonali għall-Protezzjoni tal-Pjanti, iffirmata f’Ruma fis-6 ta’ Diċembru 1951, l-Organizzazzjoni Dinjija għas-Saħħa tal-Annimali u l-Kummissjoni Codex Alimentarius.

3.   Il-Partijiet jaqblu li jimpenjaw ruħhom għall-kooperazzjoni fil-bini tal-kapaċitajiet dwar il-kwistjonijiet SPS. Dan il-bini tal-kapaċitajiet għandu jkun speċifiku għall-ħtiġijiet ta’ kull Parti u jsir bil-għan li jassisti lil tali Parti biex tikkonforma mal-qafas legali tal-Parti l-oħra.

4.   Il-Partijiet għandhom jistabbilixxu djalogu f’waqtu dwar il-kwistjonijiet tal-SPS fuq talba ta’ xi waħda mill-Partijiet sabiex jiġu kkunsidrati kwistjonijiet relatati mal-SPS u kwistjonijiet urġenti oħrajn relatati mal-SPS.

5.   Il-Partijiet għandhom jinnominaw punti ta’ kuntatt għall-komunikazzjoni dwar kwistjonijiet skont dan l-Artikolu.

6.   Il-Partijiet jagħtu livell għoli ta’ importanza lill-kooperazzjoni fil-qasam tal-SPS.

1.   Il-partijiet għandhom jikkooperaw fil-promozzjoni tat-tranżizzjoni globali lejn sistemi tal-ikel sostenibbli.

2.   Il-Partijiet għandhom jippromwovu d-djalogu, l-attivitajiet ta’ bini tal-kapaċitajiet u l-kooperazzjoni mill-qrib dwar kwistjonijiet ta’ interess reċiproku għall-promozzjoni ta’ sistemi tal-ikel sostenibbli f’konformità mal-SDGs tan-NU. Dawn il-kwistjonijiet jinkludu, inter alia:

3.   Il-Partijiet għandhom jinnominaw punti ta’ kuntatt għall-komunikazzjoni dwar kwistjonijiet skont dan l-Artikolu.

4.   Il-Partijiet jagħtu livell għoli ta’ importanza lill-kooperazzjoni fil-qasam tas-sistemi sostenibbli tal-ikel.

1.   Il-Partijiet għandhom jippromwovu l-użu ta’ standards internazzjonali u ta’ skemi ta’ akkreditazzjoni internazzjonali, u għandhom jiskambjaw informazzjoni dwar l-istandards, ir-regolamenti tekniċi u l-proċeduri ta’ valutazzjoni tal-konformità, inkluż fil-qafas tal-Ftehim tad-WTO dwar l-Ostakli Tekniċi għall-Kummerċ (TBT), li daħal fis-seħħ bl-istabbiliment tad-WTO fl-1 ta’ Jannar 1995.

2.   Il-Partijiet għandhom isaħħu l-kooperazzjoni tagħhom fil-qasam tal-istandards, tar-regolamenti tekniċi u tal-proċeduri ta’ valutazzjoni tal-konformità, inklużi l-bini tal-kapaċitajiet tekniċi u l-kooperazzjoni bil-għan li jikkonformaw mal-miżuri dwar it-TBT.

3.   Il-Partijiet għandhom jinnominaw punt ta’ kuntatt biex jikkoordina l-iskambju ta’ informazzjoni u kooperazzjoni f’konformità ma’ dan l-Artikolu kif ukoll biex jiffaċilita l-isforzi fil-kooperazzjoni regolatorja bejn il-Partijiet.

1.   Il-Partijiet għandhom jikkondividu l-esperjenzi u jeżaminaw il-possibbiltajiet biex jissimplifikaw il-proċeduri tal-importazzjoni, tal-esportazzjoni u ta’ proċeduri doganali oħra, iżidu t-trasparenza tar-regolamenti kummerċjali u jiżviluppaw il-kooperazzjoni doganali, inklużi mekkaniżmi effettivi ta’ assistenza amministrattiva reċiproka. Il-Partijiet għandhom jikkooperaw bil-għan li jiffaċilitaw l-implimentazzjoni tal-Ftehim tad-WTO dwar il-Faċilitazzjoni tal-Kummerċ, li daħal fis-seħħ fit-22 ta’ Frar 2017. Il-Partijiet għandhom jagħtu attenzjoni partikolari sabiex iżidu d-dimensjoni tas-sigurtà tal-kummerċ internazzjonali, inklużi s-servizzi tat-trasport, u sabiex jiżguraw li jkun hemm approċċ bilanċjat bejn il-faċilitazzjoni tal-kummerċ, il-kontrolli effiċjenti u l-ġlieda kontra l-frodi u l-irregolaritajiet relatati mad-dwana.

2.   Mingħajr preġudizzju għal forom oħra ta’ kooperazzjoni previsti f’dan il-Ftehim, il-Partijiet jiddikjaraw l-interess tagħhom billi fil-futur jikkunsidraw il-konklużjoni ta’ protokoll dwar il-kooperazzjoni doganali, inkluża l-assistenza reċiproka, fil-qafas istituzzjonali stipulat f’dan il-Ftehim.

1.   Il-Partijiet jaffermaw mill-ġdid id-drittijiet u l-obbligi tagħhom skont l-Artikolu VI tal-Ftehim Ġenerali dwar it-Tariffi u l-Kummerċ (GATT) tal-1994 u l-Ftehim tad-WTO dwar l-Implimentazzjoni tal-Artikolu VI tal-GATT tal-1994, b’mod partikolari l-Artikolu 15 tiegħu.

2.   Il-Partijiet jagħtu livell għoli ta’ importanza lill-kooperazzjoni fil-qasam tal-antidumping.

1.   Il-Partijiet għandhom jippromwovu l-istabbiliment u l-applikazzjoni effettivi tar-regoli tal-kompetizzjoni kif ukoll it-tixrid ta’ informazzjoni sabiex jitrawmu t-trasparenza u ċ-ċertezza legali għall-intrapriżi li joperaw fis-swieq ta’ xulxin, f’konformità mal-liġijiet u r-regolamenti rispettivi tagħhom.

2.   Iż-żewġ Partijiet jagħmlu ħilithom biex jikkooperaw f’oqsma miftiehma b’mod reċiproku biex itejbu l-fehim reċiproku tal-liġijiet u l-politiki tal-kompetizzjoni ta’ xulxin.

1.   Il-Partijiet għandhom jiskambjaw l-informazzjoni u jikkondividu l-esperjenza dwar kwistjonijiet bħall-prattika, il-promozzjoni, it-tixrid, is-simplifikazzjoni, il-ġestjoni, il-protezzjoni u l-applikazzjoni effettiva tad-drittijiet tal-proprjetà intellettwali (DPI), il-prevenzjoni tal-abbużi ta’ tali drittijiet u l-ġlieda kontra l-falsifikazzjoni u l-piraterija, b’mod partikolari permezz tal-kooperazzjoni doganali u forom xierqa oħra ta’ kooperazzjoni u t-tisħiħ tal-protezzjoni ta’ dawn id-drittijiet kif miftiehem mill-Partijiet. F’konformità mal-liġijiet u r-regolamenti rispettivi tagħhom u f’konformità mal-ftehimiet internazzjonali rilevanti li l-Partijiet huma parti għalihom, il-Partijiet se jikkooperaw, b’mod partikolari, dwar l-infurzar tad-DPI u l-protezzjoni tal-privattivi, l-indikazzjonijiet ġeografiċi, it-trademarks, id-drittijiet tal-awtur u d-disinn industrijali, kif ukoll il-protezzjoni tal-varjetajiet tal-pjanti.

2.   Il-Partijiet għandhom jipprovdu assistenza teknika lil xulxin fil-qasam tad-DPI, u jassistu lil xulxin biex itejbu l-protezzjoni tal-proprjetà intellettwali, l-infurzar, l-użu u l-kummerċjalizzazzjoni abbażi tal-esperjenza Ewropea, u biex isaħħu t-tixrid tal-għarfien tagħha.

3.   Il-Partijiet jirrikonoxxu l-importanza u jaffermaw mill-ġdid l-impenn tagħhom għad-Dikjarazzjoni ta’ Doha dwar il-Ftehim dwar l-Aspetti tad-Drittijiet tal-Proprjetà Intellettwali relatati mal-Kummerċ (TRIPS) u s-Saħħa Pubblika, adottata f’Doha fl-14 ta’ Novembru 2001. Il-Partijiet għandhom jirrispettaw u jikkontribwixxu għall-implimentazzjoni tad-Deċiżjoni tal-Kunsill Ġenerali tad-WTO tat-30 ta’ Awwissu 2003, dwar il-Paragrafu 6 tad-Dikjarazzjoni ta’ Doha dwar il-Ftehim TRIPS u s-Saħħa Pubblika, kif ukoll il-Protokoll li jemenda l-Ftehim TRIPS, adottat f’Ginevra fis-6 ta’ Diċembru 2005.

1.   Il-Partijiet għandhom jiskambjaw informazzjoni dwar kwistjonijiet regolatorji fil-kuntest tal-kummerċ diġitali f’konformità mal-liġijiet u r-regolamenti rispettivi tagħhom, li għandhom jindirizzaw dan li ġej:

2.   Filwaqt li jirrikonoxxu n-natura globali tal-kummerċ diġitali, il-Partijiet jaffermaw l-importanza li jipparteċipaw b’mod attiv f’fora multilaterali biex jippromwovu l-iżvilupp tal-kummerċ diġitali.

1.   Fil-kooperazzjoni tagħhom skont dan it-Titolu, il-Partijiet għandhom jagħtu importanza partikolari lill-promozzjoni tal-istat tad-dritt u jiżguraw aċċess ugwali għall-ġustizzja għal kulħadd. Għall-benefiċċju reċiproku tagħhom, il-Partijiet jikkooperaw bis-sħiħ dwar il-funzjonament effettiv tal-istituzzjonijiet fl-oqsma tal-infurzar tal-liġi u l-amministrazzjoni tal-ġustizzja.

2.   Il-kooperazzjoni bejn il-Partijiet se tinkludi wkoll skambju ta’ informazzjoni rigward is-sistemi legali u l-leġiżlazzjoni.

1.   Il-Partijiet jirrikonoxxu l-ħtieġa tal-ugwaljanza bejn il-ġeneri u t-tisħiħ tal-pożizzjoni tan-nisa u tal-bniet kollha bħala għan fih innifsu, kif ukoll bħala xprunatur għad-demokrazija, għall-iżvilupp sostenibbli u inklużiv, għall-paċi u għas-sigurtà.

2.   Il-Partijiet għandhom jikkooperaw biex jippromwovu l-ugwaljanza bejn il-ġeneri, it-tgawdija sħiħa tad-drittijiet tal-bniedem kollha min-nisa u l-bniet u t-tisħiħ tal-pożizzjoni tagħhom, kif ukoll jiżguraw l-integrazzjoni tal-perspettivi tal-ġeneru fl-implimentazzjoni ta’ dan il-Ftehim.

3.   Il-Partijiet għandhom jiskambjaw prattiki tajbin u jesploraw skemi ulterjuri ta’ kooperazzjoni u sinerġiji potenzjali bejn il-politiki u l-programmi rispettivi tal-Partijiet relatati mal-ġeneru, f’konformità mal-istandards u l-impenji internazzjonali applikabbli għall-Partijiet, bħall-Konvenzjoni dwar l-Eliminazzjoni ta’ Kull Forma ta’ Diskriminazzjoni kontra n-Nisa, adottata mill-AĠNU fit-18 ta’ Diċembru 1979, id-Dikjarazzjoni u l-Pjattaforma ta’ Azzjoni ta’ Beijing, adottati fir-Raba’ Konferenza Dinjija dwar in-Nisa f’Beijing fil-15 ta’ Settembru 1995, il-Programm ta’ Azzjoni tal-Konferenza Internazzjonali dwar il-Popolazzjoni u l-Iżvilupp u l-eżitu tal-konferenzi ta’ rieżami tagħha, l-Aġenda 2030 għall-Iżvilupp Sostenibbli u r-Riżoluzzjoni 1325 (2000) tal-KSNU, u r-riżoluzzjonijiet sussegwenti tagħha dwar in-nisa, il-paċi u s-sigurtà.

1.   Il-Partijiet jaqblu li jikkooperaw sabiex jiksbu livell għoli ta’ protezzjoni tad-data personali u l-privatezza u l-infurzar effettiv tagħha, f’konformità mal-obbligi tagħhom skont id-dritt internazzjonali dwar id-drittijiet tal-bniedem u strumenti legali internazzjonali oħrajn f’dan il-qasam, u b’hekk issir ħidma biex jiġi ffaċilitat il-fluss ta’ data personali bejn il-Partijiet bħala element ewlieni għall-iżvilupp ulterjuri ta’ skambji kummerċjali u kooperazzjoni dwar l-infurzar tal-liġi f’konformità mal-liġijiet u r-regolamenti rispettivi tal-Partijiet.

2.   Il-kooperazzjoni dwar il-protezzjoni tad-data personali u l-privatezza tinkludi, inter alia, l-assistenza teknika u legali fil-forma ta’ skambju ta’ informazzjoni u tal-aħjar prattiki, taħriġ u għarfien espert, kif ukoll il-promozzjoni tal-kooperazzjoni fl-infurzar mill-awtoritajiet superviżorji rispettivi tal-Partijiet, inkluż f’fora multilaterali.

1.   Il-Partijiet għandhom itejbu l-kooperazzjoni eżistenti dwar l-assistenza legali reċiproka u l-estradizzjoni fuq il-bażi tal-ftehimiet internazzjonali rilevanti li huma vinkolanti għalihom. Il-Partijiet għandhom, kif xieraq, isaħħu l-mekkaniżmi eżistenti u jikkunsidraw l-iżvilupp ta’ mekkaniżmi ġodda biex jiffaċilitaw il-kooperazzjoni internazzjonali f’dan il-qasam, b’mod partikolari permezz ta’ involviment aktar mill-qrib ma’ networks internazzjonali rilevanti oħra ta’ kooperazzjoni legali.

2.   Il-Partijiet jimpenjaw ruħhom li jiżviluppaw kooperazzjoni ġudizzjarja fi kwistjonijiet ċivili u kummerċjali, b’mod partikolari, fir-rigward tal-implimentazzjoni tal-obbligi tagħhom skont konvenzjonijiet multilaterali dwar il-kooperazzjoni ġudizzjarja ċivili, inklużi l-Konvenzjonijiet tal-Konferenza ta’ the Hague dwar id-Dritt Internazzjonali Privat.

3.   Il-Partijiet għandhom jikkooperaw biex jippromwovu t-trażmissjoni sigura u effiċjenti tad-dokumenti ġudizzjarji rilevanti, biex jippromwovu t-teħid ta’ evidenza u seduti permezz tal-vidjo, kif xieraq, kif ukoll biex jippromwovu l-protezzjoni tad-data personali, għall-fini ta’ kooperazzjoni ġudizzjarja internazzjonali.

1.   Il-Partijiet jaffermaw mill-ġdid l-importanza ta’ impenn komprensiv dwar il-kwistjonijiet kollha relatati mal-migrazzjoni, inkluża l-migrazzjoni legali f’konformità mal-kompetenzi tal-UE u dawk nazzjonali, il-ġestjoni tal-flussi migratorji fir-rigward tal-migrazzjoni illegali, il-kawżi ewlenin tal-migrazzjoni illegali, il-protezzjoni internazzjonali u l-prevenzjoni tal-migrazzjoni illegali u l-ġlieda kontriha, il-kuntrabandu u t-traffikar tal-bnedmin.

2.   Il-Partijiet għandhom jikkooperaw, fuq bażi reċiprokament aċċettabbli u b’mod olistiku, f’konformità mal-obbligi internazzjonali rispettivi tagħhom kif ukoll mal-liġijiet u r-regolamenti rispettivi tagħhom fis-seħħ. Il-kooperazzjoni se tagħmel enfasi, inter alia, fuq:

3.   Fil-qafas tal-kooperazzjoni għall-prevenzjoni u l-kontroll tal-immigrazzjoni illegali u mingħajr preġudizzju għall-bżonn ta’ protezzjoni tal-vittmi tat-traffikar tal-bnedmin, il-Partijiet jaqblu wkoll li:

4.   Bħala parti mill-konsultazzjonijiet dwar kwistjonijiet ta’ migrazzjoni, il-Partijiet jaqblu li jibdew djalogu dwar ir-riammissjoni, li, fuq talba ta’ waħda mill-Partijiet, jista’ jwassal, jekk il-kundizzjonijiet jippermettu, għall-konklużjoni ta’ ftehim dwar ir-riammissjoni, inkluż l-użu tad-dokument tal-ivvjaġġar tal-UE (1). Il-Partijiet jistgħu jikkunsidraw ukoll li jibdew djalogu dwar l-iffaċilitar tal-moviment ta’ persuni, li, fuq talba ta’ waħda mill-Partijiet, jista’ jwassal, jekk il-kundizzjonijiet jippermettu, għall-konklużjoni ta’ ftehim dwar il-faċilitazzjoni tal-viża għaċ-ċittadini tal-Istati Membri u tat-Tajlandja.

1.   Il-Partijiet jaqblu dwar il-ħtieġa li jaħdmu lejn, u li jikkooperaw, f’konformità mal-liġijiet u r-regolamenti rispettivi tagħhom, filwaqt li jipprevjenu u jiġġieldu b’mod effettiv l-abbuż tas-sistemi finanzjarji tagħhom għall-finijiet tal-ħasil tal-flus u l-finanzjament tat-terroriżmu.

2.   Il-Partijiet jaqblu li jikkooperaw fl-iżvilupp u l-implimentazzjoni tal-liġijiet, ir-regoli u r-regolamenti biex jiġġieldu l-ħasil tal-flus u l-finanzjament tat-terroriżmu, f’konformità mal-istandards żviluppati minn korpi internazzjonali attivi f’dak il-qasam, bħat-Task Force ta’ Azzjoni Finanzjarja.

3.   Il-kooperazzjoni skont dan l-Artikolu għandu jkollha wkoll l-għan li tippromwovi skambji ta’ informazzjoni rilevanti f’konformità mal-liġijiet u r-regolamenti rispettivi tagħhom.

1.   Il-Partijiet għandhom jikkooperaw, f’konformità mal-liġijiet u r-regolamenti rispettivi tagħhom, biex jiżguraw approċċ komprensiv, ibbażat fuq l-evidenza, ibbilanċjat u integrat permezz ta’ kooperazzjoni u koordinazzjoni effettivi bejn l-awtoritajiet kompetenti, inklużi dawk fis-setturi tas-saħħa, tal-ġustizzja u tal-intern u setturi rilevanti oħra, bil-għan li jitnaqqsu l-provvista u t-traffikar tad-drogi illeċiti u d-domanda għalihom, kif ukoll l-impatt ta’ tali drogi fuq il-persuni li jieħdu d-droga u fuq is-soċjetà inġenerali, u biex tinkiseb politika ta’ prevenzjoni aktar effettiva dwar id-drogi u biex tiġi evitata d-devjazzjoni tal-prekursuri, inklużi l-“prekursuri disinjaturi”, użati għall-manifattura illeċita ta’ drogi narkotiċi u sustanzi psikotropiċi u sustanzi psikoattivi ġodda.

2.   Il-Partijiet għandhom jaqblu fuq mezzi ta’ kooperazzjoni biex jilħqu l-għanijiet imsemmija fil-paragrafu 1. L-azzjonijiet għandhom ikunu bbażati fuq prinċipji miftiehma b’mod komuni stabbiliti fil-konvenzjonijiet tan-NU dwar il-kontroll tad-droga u l-impenji internazzjonali kollha dwar il-kontroll tad-droga tal-Partijiet rispettivi.

3.   Il-kooperazzjoni fil-qasam tal-politika dwar id-drogi bejn il-Partijiet għandha tinkludi, inter alia, l-assistenza teknika u amministrattiva, it-taħriġ tal-persunal, ir-riċerka relatata mad-droga, l-iskambju tal-informazzjoni u l-kondiviżjoni tal-esperjenzi dwar l-użu tat-teknoloġija tal-informazzjoni fl-oqsma tal-kontroll tad-droga, kif ukoll dwar approċċi innovattivi għall-politika dwar id-drogi, il-kooperazzjoni ġudizzjarja u tal-infurzar tal-liġi, u l-prevenzjoni tad-devjazzjoni tal-prekursuri, inklużi l-“prekursuri disinjaturi”, użati għall-manifattura illeċita ta’ drogi narkotiċi u sustanzi psikotropiċi u sustanzi psikoattivi ġodda. Il-Partijiet jistgħu jaqblu li jinkludu oqsma oħra, bħall-iskambju tal-aħjar prattiki jew informazzjoni dwar il-prevenzjoni, it-trattament, ir-riabilitazzjoni, it-tnaqqis tal-ħsara u l-monitoraġġ tal-vizzju tad-droga, mediċini għas-sostituzzjoni tad-droga, kif ukoll miżuri addizzjonali biex tissaħħaħ il-kooperazzjoni fil-kontroll tal-prekursuri tad-droga, ix-xjenza forensika, investigazzjoni finanzjarja relatata mad-droga u żvilupp alternattiv.

1.   Il-Partijiet jaqblu li jikkooperaw fil-promozzjoni u l-protezzjoni tad-drittijiet tal-bniedem, abbażi tal-prinċipju ta’ kunsens u rispett reċiproċi. Il-Partijiet għandhom irawmu djalogu regolari, sinifikanti u bbażat fuq firxa wiesgħa dwar id-drittijiet tal-bniedem.

2.   Il-kooperazzjoni fil-qasam tad-drittijiet tal-bniedem tista’ tinkludi, inter alia:

3.   Il-Partijiet għandhom jikkooperaw dwar it-tisħiħ tal-prinċipji demokratiċi, l-istat tad-dritt u l-governanza tajba. Tali kooperazzjoni tista’ tinkludi:

1.   Waqt li jirrikonoxxu li t-teknoloġiji tal-informazzjoni u tal-komunikazzjoni (ICT) huma elementi ewlenija tal-ħajja moderna u ta’ importanza vitali għall-iżvilupp ekonomiku u soċjali, il-Partijiet jaqblu li jiskambjaw opinjonijiet dwar il-politiki rispettivi tagħhom f’dan il-qasam bil-ħsieb li jippromwovu l-iżvilupp ekonomiku u soċjali u d-drittijiet tal-bniedem u l-libertajiet fundamentali.

2.   Il-kooperazzjoni f’dan il-qasam għandha tagħmel enfasi, inter alia, fuq:

3.   Soġġetta għal-liġijiet u r-regolamenti rispettivi tal-Partijiet, għandha tiġi mħeġġa l-kooperazzjoni bejn in-negozji.

4.   Il-Partijiet għandhom jikkooperaw dwar iċ-ċibersigurtà permezz tal-iskambju ta’ informazzjoni dwar strateġiji, politiki u l-aħjar prattiki f’konformità mal-liġijiet u r-regolamenti u l-obbligi internazzjonali tagħhom.

5.   Il-Partijiet għandhom jippromwovu l-iskambju ta’ informazzjoni dwar iċ-ċibersigurtà fl-oqsma tal-edukazzjoni u t-taħriġ, l-inizjattivi ta’ sensibilizzazzjoni, l-użu tal-istandards u l-ispeċifikazzjonijiet tekniċi rispettivi tagħhom għall-finijiet tal-ġestjoni tar-riskju taċ-ċibersigurtà u ċ-ċibersigurtà tal-prodotti u tas-servizzi tal-ICT, inkluża ċ-ċertifikazzjoni taċ-ċibersigurtà, kif ukoll politiki relatati dwar ir-riċerka u l-iżvilupp.

1.   Il-Partijiet jaqblu li jikkoperaw fl-oqsma kollha tax-xjenza, tat-teknoloġija u tal-innovazzjoni f’oqsma ta’ interess reċiproku, filwaqt li jqisu l-politiki rispettivi tagħhom. Dik il-kooperazzjoni se ssaħħaħ l-appoġġ għal inizjattivi multilaterali u reġjonali ta’ riċerka u innovazzjoni biex jinkisbu soluzzjonijiet ġodda għall-isfidi ekoloġiċi, diġitali, tas-saħħa, soċjali u tal-innovazzjoni. Se jkunu meħtieġa azzjonijiet konġunti b’mod partikolari biex jiġu evitati kriżijiet futuri tas-saħħa globali, speċjalment mard infettiv emerġenti, u għal impenn konġunt biex tinbena dinja aktar sana, sikura, ġusta u sostenibbli. L-oqsma ta’ kooperazzjoni jistgħu jkopru, inter alia, is-sejba ta’ soluzzjonijiet għall-isfidi globali bħat-tibdil fil-klima, il-kriżi tal-bijodiversità, it-tniġġis, it-tnaqqis tar-riżorsi, jew il-mard infettiv, inkluż f’sitwazzjonijiet ta’ kriżi, u soluzzjonijiet li jippermettu t-tranżizzjonijiet ekoloġiċi u diġitali. L-inizjattivi għandhom juru tmexxija globali fuq l-ambizzjonijiet klimatiċi u ambjentali.

2.   L-għanijiet tal-kooperazzjoni fil-qasam tax-xjenza, it-teknoloġija u l-innovazzjoni għandhom ikunu biex:

3.   Il-kooperazzjoni fil-qasam tax-xjenza, it-teknoloġija u l-innovazzjoni għandha tieħu l-forma ta’ proġetti ta’ riċerka konġunta u skambji, laqgħat u taħriġ għax-xjenzati permezz ta’ skemi ta’ mobbiltà internazzjonali, li jipprevedu l-akbar tixrid possibbli tar-riżultati tar-riċerka. Kwalunkwe proprjetà intellettwali li tirriżulta minn riċerka u attivitajiet konġunti għandha tiġi kondiviża fuq termini miftiehma b’mod reċiproku.

4.   Fil-kooperazzjoni fil-qasam tax-xjenza, it-teknoloġija u l-innovazzjoni, il-Partijiet għandhom jiffavorixxu l-parteċipazzjoni tal-aġenziji governattivi, tal-istituzzjonijiet ta’ edukazzjoni għolja, taċ-ċentri ta’ riċerka u tas-setturi produttivi rispettivi tagħhom, b’mod partikolari l-MSMEs.

5.   Il-Partijiet jaqblu li jagħmlu l-isforzi kollha biex iżidu s-sensibilizzazzjoni tal-pubbliku dwar il-possibbiltajiet offruti mill-programmi ta’ kooperazzjoni tagħhom fix-xjenza, it-teknoloġija u l-innovazzjoni.

1.   Il-Partijiet iqisu li t-tibdil fil-klima jirrappreżenta theddida eżistenzjali għall-umanità u jaffermaw mill-ġdid l-impenn tagħhom li jsaħħu r-rispons globali għal dik it-theddida. Il-Partijiet jaffermaw mill-ġdid l-impenn tagħhom li jilħqu l-objettivi u l-għanijiet tal-UNFCCC u tal-Ftehim ta’ Pariġi. Għaldaqstant, kull Parti għandha timplimenta b’mod effettiv il-UNFCCC u l-Ftehim ta’ Pariġi.

2.   Il-Partijiet għandhom l-għan li jsaħħu r-rispons globali għat-tibdil fil-klima u l-impatt tiegħu. Il-Partijiet għandhom itejbu wkoll il-kooperazzjoni dwar politiki li jgħinu jimmitigaw it-tibdil fil-klima u biex jadattaw għall-impatti negattivi tat-tibdil fil-klima, inkluża ż-żieda fil-livell tal-baħar, u biex jistabbilixxu l-ekonomiji tagħhom, inklużi l-flussi finanzjarji, lejn emissjonijiet baxxi tal-gassijiet serra u żvilupp reżiljenti għat-tibdil fil-klima, f’konformità mal-Ftehim ta’ Pariġi.

3.   L-għanijiet tal-kooperazzjoni fil-qasam tat-tibdil fil-klima għandhom ikunu biex:

1.   Il-Partijiet jimpenjaw ruħhom li jtejbu l-kooperazzjoni fis-settur tal-enerġija bil-ħsieb li:

2.   Għal dawn il-finijiet, il-Partijiet jaqblu li jippromwovu kuntatti u riċerka konġunta għall-benefiċċju reċiproku tagħhom, inkluż permezz ta’ kooperazzjoni reġjonali fl-enerġija. Bl-Aġenda 2030 għall-Iżvilupp Sostenibbli u l-Ftehim ta’ Pariġi bħala l-qafas ġenerali li jiggwida s-sħubija, il-Partijiet jinnotaw il-ħtieġa li jiġu indirizzati r-rabtiet bejn l-aċċess affordabbli għal servizzi ta’ enerġija nadifa u l-iżvilupp sostenibbli. Dawn l-attivitajiet jistgħu jiġu promossi, inter alia, f’kooperazzjoni mal-Inizjattiva tal-UE dwar l-Enerġija.

1.   Il-Partijiet jagħmlu ħilithom li jikkooperaw fl-oqsma rilevanti tal-politika tat-trasport bil-għan li jippromwovu t-trasport sostenibbli, kif ukoll infrastruttura ta’ kwalità, affidabbli, sostenibbli u reżiljenti, inkluża l-infrastruttura reġjonali u transfruntiera, f’konformità mal-istandards u l-prinċipji internazzjonali rilevanti li huma applikabbli għaż-żewġ Partijiet, itejbu l-moviment tal-merkanzija u tal-passiġġieri, jappoġġaw l-iżvilupp ekonomiku u l-benesseri tal-bniedem, b’enfasi fuq aċċess għall-but ta’ kulħadd u ekwu għal kulħadd, filwaqt li jippromwovu s-sikurezza u s-sigurtà marittimi u tal-avjazzjoni, jippromwovu l-protezzjoni ambjentali, u jżidu l-effiċjenza tas-sistemi tat-trasport tagħhom.

2.   Il-kooperazzjoni bejn il-Partijiet fil-qasam tat-trasport għandu jkollha l-għan li tippromwovi:

1.   Iggwidati mil-linji gwida internazzjonali rilevanti għat-turiżmu sostenibbli, il-Partijiet għandu jkollhom l-għan li jtejbu l-iskambju ta’ informazzjoni u jistabbilixxu l-aħjar prattika sabiex jiżguraw żvilupp ibbilanċjat ta’ turiżmu sostenibbli li joħloq l-impjiegi u jippromwovi l-kultura u l-prodotti lokali, u jippromwovu l-iżvilupp ta’ għodod għall-monitoraġġ tal-impatti tal-iżvilupp sostenibbli fuq it-turiżmu sostenibbli.

2.   Il-Partijiet jaqblu li jiżviluppaw kooperazzjoni dwar is-salvagwardja u l-massimizzazzjoni tal-potenzjal tal-wirt naturali u kulturali, billi jimmitigaw l-impatti negattivi tat-turiżmu, b’mod partikolari l-isfruttament tal-bnedmin, speċjalment tat-tfal, fi kwalunkwe forma, billi jirrispettaw l-organiżmi selvaġġi, il-flora, il-bijodiversità u l-ekosistemi, u billi jsaħħu l-kontribut pożittiv tan-negozju tat-turiżmu għall-iżvilupp sostenibbli tal-komunitajiet lokali, inter alia, billi jiżviluppaw turiżmu sostenibbli, filwaqt li jirrispettaw l-integrità u l-interessi tal-komunitajiet lokali u tradizzjonali, u jtejbu t-taħriġ fl-industrija tat-turiżmu.

1.   Il-Partijiet jaqblu li jippromwovu l-kooperazzjoni fil-qasam tal-edukazzjoni u tal-kultura, li tkun tirrispetta kif xieraq id-diversità tagħhom, bil-għan li jiżdied il-fehim reċiproku u l-għarfien tal-kulturi rispettivi tagħhom.

2.   Il-Partijiet jimpenjaw ruħhom li jieħdu miżuri xierqa biex jippromwovu l-kontribut tal-edukazzjoni u l-kultura għat-taħriġ fl-iżvilupp sostenibbli u l-iskambji kulturali u biex iwettqu inizjattivi konġunti f’dawn l-oqsma, inkluża l-organizzazzjoni konġunta ta’ avvenimenti kulturali. F’dak ir-rigward, il-Partijiet jaqblu wkoll li jkomplu jappoġġaw l-attivitajiet tal-Fondazzjoni Asja-Ewropa.

3.   Il-Partijiet jaqblu li jikkooperaw mill-qrib f’fora internazzjonali rilevanti, bħall-Organizzazzjoni tan-Nazzjonijiet Uniti għall-Edukazzjoni, ix-Xjenza u l-Kultura (Unesco), sabiex itejbu l-preservazzjoni tal-wirt kulturali tanġibbli u intanġibbli, b’mod partikolari fil-kuntest tal-Konvenzjoni dwar il-Protezzjoni tal-Patrimonju Dinji Kulturali u Naturali, adottata mill-Konferenza Ġenerali tal-Unesco fis-16 ta’ Novembru 1972 u mill-Konvenzjoni għall-Ħarsien tal-Patrimonju Kulturali Intanġibbli, adottata mill-Konferenza Ġenerali tal-Unesco fis-17 ta’ Ottubru 2003, filwaqt li jagħtu importanza lill-promozzjoni tad-diversità kulturali għall-iżvilupp tal-arti u tal-ekonomija kreattiva bbażata fuq l-għarfien.

4.   Barra minn hekk, il-Partijiet għandhom jinkoraġġixxu miżuri mfassla biex joħolqu rabtiet bejn l-aġenziji speċjalizzati rispettivi tagħhom u biex jinkoraġġixxu skambji ta’ informazzjoni, għarfien espert, studenti, persunal akkademiku, esperti, u jippromwovu aktar ir-rabtiet bejn il-gruppi ta’ riflessjoni. Fil-kooperazzjoni tagħhom u fl-użu ta’ riżorsi tekniċi, għandu jittieħed vantaġġ mill-faċilitajiet offruti mill-programmi tal-UE fl-Asja tax-Xlokk fil-qasam tal-edukazzjoni u l-kultura kif ukoll mill-esperjenza li l-Partijiet kisbu f’dak il-qasam. Il-Partijiet jaqblu wkoll li jintensifikaw il-kooperazzjoni fl-edukazzjoni għolja u jippromwovu l-implimentazzjoni tal-programm Erasmus+, kif ukoll li jiskambjaw l-aħjar prattiki fil-qasam tal-politiki dwar iż-żgħażagħ u l-ħidma fost iż-żgħażagħ.

1.   Il-Partijiet jaqblu dwar il-ħtieġa li jikkooperaw dwar il-protezzjoni tal-ambjent u lejn ekonomiji b’livell baxx ta’ emissjonijiet tal-karbonju, reżiljenti, effiċjenti fir-riżorsi u ċirkolari, inkluża l-bijoekonomija, id-diżakkoppjar tat-tkabbir ekonomiku mid-degradazzjoni ambjentali, u li jikkonservaw u jimmaniġġjaw, b’mod sostenibbli, ir-riżorsi naturali u jrawmu d-diversità bijoloġika bħala bażi għall-iżvilupp tal-ġenerazzjonijiet attwali u dawk futuri.

2.   Il-Partijiet jaqblu li l-kooperazzjoni dwar ir-riżorsi ambjentali u naturali għandha tippromwovi l-użu effiċjenti tar-riżorsi, il-konservazzjoni u t-titjib tal-ambjent sabiex jintlaħaq żvilupp sostenibbli. Fit-twettiq tal-kooperazzjoni tagħhom, il-Partijiet se jaħdmu lejn l-implimentazzjoni tal-Aġenda 2030 għall-Iżvilupp Sostenibbli u l-implimentazzjoni effettiva tal-ftehimiet ambjentali multilaterali rilevanti, inkluż il-Ftehim ta’ Pariġi.

3.   Il-Partijiet jimpenjaw ruħhom li jaħdmu sabiex ikomplu u jsaħħu l-kooperazzjoni tagħhom fil-programmi reġjonali dwar l-ambjent, b’mod speċifiku fir-rigward ta’:

1.   Il-Partijiet għandhom isaħħu d-djalogu u l-kooperazzjoni dwar kwistjonijiet ta’ governanza tal-oċeani bil-għan li jippromwovu l-konservazzjoni fit-tul u l-ġestjoni sostenibbli tar-riżorsi ħajjin tal-baħar u tal-ekosistemi tal-baħar.

2.   Il-Partijiet għandhom itejbu l-kooperazzjoni dwar il-konservazzjoni, il-ġestjoni u l-isfruttament sostenibbli tar-riżorsi ħajjin tal-baħar kif definiti fil-Konvenzjoni tan-NU dwar il-Liġi tal-Baħar (UNCLOS), adottata mit-Tielet Konferenza dwar il-Liġi tal-Baħar fl-10 ta’ Diċembru 1982, u l-Kodiċi ta’ Kondotta għal Sajd Responsabbli tal-Organizzazzjoni tal-Ikel u l-Agrikoltura (FAO), adottat mir-Riżoluzzjoni tal-Konferenza tal-FAO Nru 4/95 tal-31 ta’ Ottubru 1995. Il-Partijiet jimpenjaw ruħhom li jikkooperaw fil-promozzjoni tal-implimentazzjoni tal-objettivi tal-Ftehim FAO biex jippromwovi l-osservanza tal-Miżuri Internazzjonali ta’ Konservazzjoni u ta’ Ġestjoni minn Bastimenti tas-Sajd f’Ibħra Internazzjonali, adottat f’Ruma fl-24 ta’ Novembru 1993, u l-Ftehim tan-NU għall-Implimentazzjoni tad-Dispożizzjonijiet tal-Konvenzjoni tan-Nazzjonijiet Uniti dwar il-Liġi tal-Baħar tal-10 ta’ Diċembru 1982 relatati mal-Konservazzjoni u l-Ġestjoni tal-Istokkijiet tal-Ħut Transżonali u Stokkijiet ta’ Ħut li Jpassi Ħafna, adottat fi New York fl-4 ta’ Awwissu 1995.

3.   Il-Partijiet jaqblu wkoll li jikkooperaw:

1.   Il-Partijiet jaqblu li jippromwovu d-djalogu fir-rigward tal-agrikoltura, tal-bhejjem, tas-sajd u tal-iżvilupp rurali. Il-Partijiet se jiskambjaw informazzjoni u jiżviluppaw kooperazzjoni fir-rigward:

2.   Il-Partijiet jaqblu li jippromwovu l-kooperazzjoni teknoloġika, il-bini tal-kapaċitajiet jew kwalunkwe forma oħra ta’ kooperazzjoni li żżid il-produttività, il-produzzjoni sikura u sostenibbli u l-prattiki reżiljenti fl-agrikoltura, fil-bhejjem, fis-sajd u fiż-żoni tal-iżvilupp rurali, u li ttejjeb it-tħejjija, il-prevenzjoni, l-identifikazzjoni, ir-rispons u l-kontroll tal-mard tal-pjanti, tal-annimali u żoonotiku f’konformità mal-approċċ Saħħa Waħda u mal-istandards internazzjonali.

3.   Il-Partijiet jaqblu li jħeġġu lis-setturi pubbliċi u privati jiddiskutu u jiskambjaw informazzjoni dwar in-negozju, inklużi avvenimenti ta’ tqabbil tan-negozju u ta’ promozzjoni tal-kummerċ għall-prodotti agrikoli.

1.   Il-Partijiet jaqblu li jikkooperaw u jikkondividu l-esperjenza u l-aħjar prattiki fis-settur tas-saħħa bil-għan li jsaħħu l-attivitajiet fil-qasam tar-riċerka, jindirizzaw it-theddid minn mard ewlieni mhux komunikabbli u minn mard komunikabbli, inkluża l-pandemija tal-COVID-19, u t-tisħiħ tal-kopertura universali tas-saħħa, kif ukoll tas-servizzi tas-saħħa, inklużi s-servizzi tal-kura tas-saħħa sesswali u riproduttiva. Il-Partijiet jaqblu wkoll li jiskambjaw fehmiet u l-aħjar prattiki dwar kwistjonijiet regolatorji rilevanti għall-farmaċewtiċi u l-apparat mediku.

2.   Il-kooperazzjoni fil-qasam tas-saħħa għandha sseħħ prinċipalment permezz ta’ fora internazzjonali, inkluża l-Organizzazzjoni Dinjija tas-Saħħa, u inizjattivi multilaterali, f’oqsma:

1.   Il-Partijiet jaqblu li jsaħħu l-kooperazzjoni u jippromwovu l-assistenza teknika fil-qasam tal-impjiegi u l-affarijiet soċjali, inkluża l-kooperazzjoni dwar il-koeżjoni reġjonali u soċjali, is-saħħa u s-sikurezza fuq il-post tax-xogħol, l-ugwaljanza bejn il-ġeneri u l-paga ugwali għax-xogħol ta’ valur ugwali, l-apprendiment tul il-ħajja u l-iżvilupp tal-ħiliet, il-protezzjoni soċjali u x-xogħol deċenti, bil-għan li tissaħħaħ id-dimensjoni soċjali tal-globalizzazzjoni.

2.   Il-Partijiet jaffermaw mill-ġdid il-ħtieġa li jappoġġaw il-proċess tal-globalizzazzjoni li huwa ta’ benefiċċju għal kulħadd u li jippromwovu impjieg sħiħ u produttiv u xogħol deċenti bħala element ewlieni tal-iżvilupp sostenibbli u t-tnaqqis tal-faqar, kif approvat mill-Aġenda 2030 għall-Iżvilupp Sostenibbli, id-Dikjarazzjoni tal-ILO dwar il-Ġustizzja Soċjali għal Globalizzazzjoni Ġusta, adottata f’Ġinevra fl-10 ta’ Ġunju 2008, u d-Dikjarazzjoni taċ-Ċentenarju tal-ILO għall-Futur tax-Xogħol, adottata f’Ġinevra fil-21 ta’ Ġunju 2019. Il-Partijiet għandhom iqisu l-karatteristiċi rispettivi u n-natura differenti tas-sitwazzjonijiet ekonomiċi u soċjali tagħhom.

3.   Il-Partijiet jaffermaw mill-ġdid l-impenji rispettivi tagħhom li jippromwovu u jimplimentaw b’mod effettiv l-istandards soċjali u tax-xogħol rikonoxxuti internazzjonalment, u li jirrispettaw, jippromwovu u jwettqu fil-prattika l-prinċipji u d-drittijiet fundamentali fuq il-post tax-xogħol kif stabbiliti fid-Dikjarazzjoni tal-ILO dwar il-Prinċipji u d-Drittijiet Fundamentali fuq ix-Xogħol, adottata f’Ġinevra fit-18 ta’ Ġunju 1998 u emendata fl-10 ta’ Ġunju 2022. Il-Partijiet jaqblu li jikkooperaw u li jipprovdu assistenza teknika bil-għan li jaħdmu lejn ir-ratifika u l-implimentazzjoni tal-Konvenzjonijiet fundamentali tal-ILO kif ukoll li jikkooperaw dwar il-promozzjoni tar-ratifika u l-implimentazzjoni ta’ Konvenzjonijiet aġġornati oħra tal-ILO kif xieraq, inkluż fir-rigward tal-vjolenza u l-fastidju fid-dinja tax-xogħol.

4.   Il-Partijiet jaqblu li jippromwovu l-kooperazzjoni bejn il-gvern u s-sħab soċjali fl-oqsma tal-impjiegi u l-affarijiet soċjali kif ukoll l-iskambji ta’ informazzjoni dwar l-impjiegi, is-saħħa u s-sikurezza fuq il-post tax-xogħol, l-ispezzjonijiet tax-xogħol u d-djalogu soċjali dwar il-protezzjoni soċjali u tax-xogħol.

5.   Il-kooperazzjoni fil-qasam tal-impjiegi u l-affarijiet soċjali tista’ tinkludi, inter alia, programmi u proġetti speċifiċi, kif miftiehem b’mod reċiproku, kif ukoll djalogu, kooperazzjoni u inizjattivi dwar suġġetti ta’ interess komuni fil-livell bilaterali jew multilaterali, bħal fil-livell ta’ ASEM, ta’ UE-ASEAN u tal-ILO.

1.   Il-Partijiet jaqblu li jagħmlu disponibbli r-riżorsi xierqa, inklużi l-mezzi finanzjarji, sa fejn ir-riżorsi u r-regolamenti rispettivi tagħhom jippermettu, sabiex jiksbu l-għanijiet tal-kooperazzjoni stabbiliti f’dan il-Ftehim.

2.   Il-Partijiet għandhom jinkoraġġixxu lill-Bank Ewropew tal-Investiment biex ikompli bl-operazzjonijiet tiegħu fit-Tajlandja, f’konformità mal-proċeduri u l-kriterji tal-finanzjament tagħha.

1.   Il-Partijiet jaqblu li jistabbilixxu djalogu regolari dwar il-programmi ta’ żvilupp rispettivi tagħhom f’pajjiżi terzi.

2.   Il-Partijiet jaqblu li jikkooperaw f’azzjonijiet konġunti mmirati biex jipprovdu assistenza għall-iżvilupp sostenibbli lil pajjiżi ġirien tat-Tajlandja u lil hinn minnha, f’setturi rilevanti għall-kooperazzjoni trilaterali. L-oqsma ta’ kooperazzjoni għandhom jiġu ddeterminati mis-sħab kollha involuti, abbażi tal-ħtiġijiet tal-pajjiżi benefiċjarji, il-kapaċità u l-għarfien espert tal-UE u tat-Tajlandja, u għandhom jiġu deċiżi fuq bażi ad hoc.

1.   Huwa b’dan stabbilit Kumitat Konġunt, li huwa magħmul minn rappreżentanti taż-żewġ Partijiet fuq l-ogħla livell possibbli, li l-kompiti tiegħu għandhom ikunu li:

2.   Il-Kumitat Konġunt għandu normalment jiltaqa’ mhux inqas minn kull sentejn f’Bangkok u fi Brussell alternattivament, f’data li tiġi deċiża bi ftehim reċiproku. Jistgħu jsiru wkoll laqgħat straordinarji tal-Kumitat Konġunt bi ftehim bejn il-Partijiet. Il-Kumitat Konġunt għandu jitmexxa b’mod alternattiv minn kull waħda mill-Partijiet. L-aġenda għal-laqgħat tal-Kumitat Konġunt għandha tiġi stabbilita bi ftehim bejn il-Partijiet.

3.   Il-Kumitat Konġunt jista’ jistabbilixxi gruppi ta’ ħidma speċjalizzati sabiex jgħinuh fil-prestazzjoni tal-kompiti tiegħu. Dawn il-gruppi ta’ ħidma għandhom jagħmlu rapporti dettaljati dwar l-attivitajiet tagħhom li jiġu sottomessi lill-Kumitat Konġunt f’kull waħda mil-laqgħat tiegħu.

4.   Il-Partijiet jaqblu li għandu jkun ukoll ix-xogħol tal-Kumitat Konġunt li jiżgura l-funzjonament xieraq ta’ kwalunkwe ftehim settorjali jew protokoll konkluż jew li jkun se jiġi konkluż bejn il-Partijiet.

5.   Il-Kumitat Konġunt għandu jadotta r-regoli tiegħu ta’ proċedura.

1.   Il-Partijiet jistgħu, b’kunsens reċiproku, jespandu dan il-Ftehim bil-ħsieb li jkabbru l-livell ta’ kooperazzjoni, anke billi jissupplimentawh permezz ta’ ftehimiet jew protokolli dwar oqsma, setturi jew attivitajiet speċifiċi. Dawn il-ftehimiet jew protokolli speċifiċi għandhom ikunu parti integrali mir-relazzjonijiet bilaterali ġenerali bejn il-Partijiet u għandhom ikunu soġġetti għal qafas istituzzjonali komuni.

2.   Fir-rigward tal-implimentazzjoni ta’ dan il-Ftehim, kwalunkwe waħda mill-Partijiet tista’ tressaq suġġerimenti għat-tkabbir tal-ambitu tal-kooperazzjoni, filwaqt li tittieħed inkunsiderazzjoni l-esperjenza li tkun inkisbet mill-applikazzjoni ta’ dan il-Ftehim.

1.   Mingħajr preġudizzju għad-dispożizzjonijiet rilevanti tat-Trattat dwar l-Unjoni Ewropea u tat-Trattat dwar il-Funzjonament tal-Unjoni Ewropea, la dan il-Ftehim u l-ebda azzjoni li tittieħed bis-saħħa tiegħu ma għandhom b’xi mod jaffettwaw is-setgħat tal-Istati Membri biex iwettqu attivitajiet ta’ kooperazzjoni bilaterali mat-Tajlandja jew biex jikkonkludu, fejn xieraq, ftehimiet ġodda ta’ kooperazzjoni mat-Tajlandja.

2.   Dan il-Ftehim ma għandux jaffettwa l-applikazzjoni jew l-implimentazzjoni ta’ impenji meħuda minn kwalunkwe waħda mill-Partijiet f’relazzjoni ma’ partijiet terzi.

3.   Xejn f’dan il-Ftehim ma għandu jipprekludi lil Parti milli tieħu kwalunkwe azzjoni, inkluża azzjoni għas-soluzzjoni tat-tilwim, fl-ambitu ta’ kwalunkwe ftehim internazzjonali ieħor li għalih iż-żewġ Partijiet ikunu parti.