Artikolu 1

L-emenda tal-Ispeċifikazzjoni tal-Prodott ippubblikata f’Il-Ġurnal Uffiċjali tal-Unjoni Ewropea li tikkonċerna l-isem “Piadina Romagnola/Piada Romagnola” (IGP) hija approvata.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Artikolu 1

L-isem “Κατσικάκι Λήμνου / Katsikaki Limnou” (IĠP) huwa rreġistrat.

L-isem imsemmi fl-ewwel paragrafu huwa prodott tal-Klassi 1.1. Laħam frisk (u l-ġewwieni) kif speċifikat fl-Anness XI tar-Regolament ta’ Implimentazzjoni tal-Kummissjoni (UE) Nru 668/2014 (3).

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Artikolu 1

L-isem “Samoborska češnjovka/Samoborska češnofka” (IĠP) huwa rreġistrat.

L-isem imsemmi fl-ewwel paragrafu huwa prodott tal-Klassi 1.2. Prodotti tal-laħam (imsajra, immellħa, affumikati, eċċ.) kif speċifikat fl-Anness XI tar-Regolament ta’ Implimentazzjoni tal-Kummissjoni (UE) Nru 668/2014 (3).

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Artikolu 1

L-isem “Meso istarskog goveda - boškarina/Meso istrskega goveda - boškarina” (DOP) huwa rreġistrat.

L-isem imsemmi fl-ewwel paragrafu huwa prodott tal-Klassi 1.1. Laħam frisk (u l-ġewwieni) kif speċifikat fl-Anness XI tar-Regolament ta’ Implimentazzjoni tal-Kummissjoni (UE) Nru 668/2014 (3).

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Artikolu 1

Artikolu 2

Artikolu 3

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Artikolu 1

Artikolu 2

Artikolu 3

Artikolu 4

Artikolu 5

Din id-Deċiżjoni għandha tidħol fis-seħħ fid-data tal-adozzjoni tagħha.

Hija għandha tiskadi 36 xahar wara l-konklużjoni tal-ftehim ta’ kontribuzzjoni msemmi fl-Artikolu 3(3). Madankollu, din id-Deċiżjoni għandha tiskadi sitt xhur wara d-data tad-dħul fis-seħħ tagħha jekk ma jkunx ġie konkluż tali ftehim f’dak il-perjodu.

ANNESS

DOKUMENT TA' PROĠETT

Promozzjoni tal-Innovazzjoni Responsabbli fl-IA għall-Paċi u s-Sigurtà

1.   INFORMAZZJONI ĠENERALI

Avvanzi reċenti fl-intelliġenza artifiċjali (IA) fetħu l-bibien għal possibbiltajiet ġodda ta' appoġġ u sostenn tal-paċi u s-sigurtà, pereżempju, permezz ta' titjib teknoloġiku f'oqsma bħat-twissija bikrija għall-konflitti, u l-verifika tal-kontroll tal-armi u tal-esportazzjoni tagħhom. Min-naħa l-oħra, dawn l-avvanzi ppermettew mezzi ġodda ta' ġenerazzjoni ta' tensjonijiet, konflitti u nuqqas ta' sigurtà — jew aggravawhom — fl-istati u bejn stat u ieħor. Ir-riskji li ġabu magħhom ċerti applikazzjonijiet ta' IA, bħas-sistemi ta' armi letali awtonomi, żviluppaw fi kwistjoni ewlenija ta' tħassib għall-komunità tal-kontroll tal-armi. Riskju li jista' jfiġġ u li jistħoqqlu aktar attenzjoni, u li l-isforzi tal-kontroll tal-armi u dawk diplomatiċi ta' bħalissa jistgħu ma jkunux biżżejjed biex jirrispondu għalih, huwa d-devjazzjoni u l-użu ħażin tar-riċerka u l-innovazzjoni fl-IA ċivili minn atturi irresponsabbli, fosthom atturi malizzjużi mhux statali, bħall-użu ħażin tan-networks avversarjali ġenerattivi (GAN) biex jipproduċu "deepfakes" għal kampanji ta' diżinformazzjoni.

L-IA hija teknoloġija abilitanti b'potenzjal qawwi ta' użu ġenerali. Ċerti atturi jistgħu jaċċessaw (b'mod relattivament faċli) ir-riċerka u l-innovazzjoni fl-IA żviluppata għal applikazzjonijiet ċivili u jibdlulha l-iskop għal użu ta' ħsara jew tfixkil li jista' jkollu implikazzjonijiet għall-paċi u għas-sigurtà internazzjonali. Id-devjazzjoni u l-użu ħażin tat-teknoloġija ċivili mhumiex fenomeni ġodda u lanqas ma huma uniċi għall-IA. Kien hemm eżempju reċenti ta' dan fil-qasam relatat tar-robotika fejn Da'esh/ISIS fis-Sirja użaw droni rikreattivi bħala arma. Madankollu fil-każ tal-IA, il-problema hija kkumplikata minn diversi fatturi: in-natura intanġibbli u li tinbidel malajr tal-algoritmi u d-data tal-IA, li trendi l-kontroll tat-trasferiment jew il-proliferazzjoni tagħhom diffiċli; ir-rwol ewlieni tas-settur privat fl-ekosistema tar-riċerka, l-iżvilupp u l-innovazzjoni, u l-ħtieġa konsegwenti tiegħu li jipproteġi l-algoritmi proprjetarji; u d-disponibbiltà globali tal-għarfien espert uman u tar-riżorsi materjali li kapaċi jagħtu skop ġdid lit-teknoloġiji tal-IA. Sadanittant, il-ħaddiema tal-IA fis-settur ċivili għadhom ta' spiss mhux konxji tal-implikazzjonijiet potenzjali li d-devjazzjoni u l-użu ħażin ta' xogħolhom jista' jkollhom fuq il-paċi u s-sigurtà internazzjonali jew huma indeċiżi dwar jekk jiħdux sehem fid-diskussjonijiet eżistenti dwar ir-riskji tal-IA fi ċrieki tal-kontroll tal-armi u n-nonproliferazzjoni tagħhom.

Hemm il-ħtieġa ta' appoġġ għal involviment akbar tal-komunità tal-IA ċivili biex din tifhem u ttaffi r-riskji għall-paċi u s-sigurtà assoċjati mad-devjazzjoni u l-użu ħażin tat-teknoloġija tal-IA minn atturi irresponsabbli. Għall-Istitut Internazzjonali ta' Riċerka dwar il-Paċi ta' Stokkolma (SIPRI) u l-Uffiċċju tan-Nazzjonijiet Uniti għall-Affarijiet ta' Diżarm (UNODA), dan jista' jitwettaq permezz ta' aktar promozzjoni ta' innovazzjoni responsabbli fil-komunità globali tal-IA ċivili. Ħidma li saret mis-SIPRI u l-UNODA wriet li l-innovazzjoni responsabbli, bħala mekkaniżmu ta' awtogovernanza, tista' tagħti l-għodod u l-metodi prattiċi lill-komunità globali tal-IA ċivili sabiex tidentifika kif ukoll tgħin tipprevjeni u ttaffi r-riskji li d-devjazzjoni u l-użu ħażin tar-riċerka u l-innovazzjoni fl-IA ċivili jistgħu joħolqu għall-paċi u s-sigurtà. Il-ħidma tas-SIPRI u tal-UNODA identifikat ukoll metodoloġiji, u bosta inizjattivi b'fokus ċivili li għaddejjin bħalissa, dwar IA responsabbli li jistgħu jservu ta' pedament biex jissensibilizzaw il-komunità tal-IA ċivili għall-kwistjonijiet ta' kontroll u ta' nonproliferazzjoni tal-armi, għal dibattiti ta' esperti u għall-pożizzjonijiet tal-istati dwar l-iżvilupp, id-diffużjoni u l-użu responsabbli tal-IA, kif ukoll għat-tagħlimiet li għandhom jittieħdu mill-ħidma li għaliha huwa responsabbli s-settur tad-difiża. (1) Kruċjalment, din il-ħidma preċedenti identifikat b'mod ċar li l-involviment ta' studenti tax-xjenza, teknoloġija, inġinerija u matematika (STEM), li l-involviment tagħhom mal-IA jkun għadu f'format edukattiv, huwa ċentrali għal kwalunkwe sforz effettiv ta' innovazzjoni responsabbli.

2.   OBJETTIVI

L-għan ta' dawn il-proġetti huwa li jappoġġaw involviment akbar tal-komunità tal-IA ċivili fit-tnaqqis tar-riskji li d-devjazzjoni u l-użu ħażin tar-riċerka u l-innovazzjoni tal-IA ċivili minn atturi irresponsabbli jista' jkollhom fuq il-paċi u s-sigurtà internazzjonali. Il-mira tagħhom hija li dan jagħmluh, l-ewwel nett, billi jiġġeneraw aktar fehim ta' kif id-deċiżjonijiet fl-iżvilupp u d-diffużjoni tar-riċerka u l-innovazzjoni tal-IA jistgħu jħallu impatt fuq id-devjazzjoni u l-użu ħażin, li mbagħad jiġġeneraw riskji jew opportunitajiet għall-paċi u s-sigurtà, u t-tieni nett, billi jippromwovu proċessi, metodi u għodod ta' innovazzjoni responsabbli li jistgħu jgħinu jiżguraw l-applikazzjoni paċifika tal-innovazzjonijiet ċivili u t-tixrid responsabbli tal-għarfien dwar l-IA. Għal dan il-għan, jappoġġaw attivitajiet ta' tisħiħ tal-kapaċitajiet, riċerka u involviment li i) permezz ta' proċessi ta' involviment responsabbli jżidu l-kapaċità fil-komunità globali tal-IA ċivili li jinkludu, u jindirizzaw, ir-riskji għall-paċi u s-sigurtà maħluqa mid-devjazzjoni u mill-użu ħażin tal-IA ċivili minn atturi irresponsabbli; u ii) isaħħu r-rabta bejn l-isforzi biex jittaffa r-riskju fl-IA responsabbli fl-isfera ċivili ma' dawk li diġà qed isiru f'livell intergovernattiv fil-komunità tad-diżarm, il-kontroll tal-armi u nonproliferazzjoni. Kruċjalment, mhuma maħsuba li jistabbilixxu ebda standard, prinċipju, jew regolament ġdid, jew jinterferixxu b'mod ieħor f'oqsma fil-kompetenza tal-Istati. Minflok, għandhom l-għan jiżviluppaw sforzi ta' innovazzjoni ċivili responsabbli biex jinkludu r-riskji għall-paċi u s-sigurtà maħluqa mid-devjazzjoni u l-użu ħażin tal-IA ċivili minn atturi irresponsabbli, u jedukaw dwar l-isforzi intergovernattivi rilevanti eżistenti.

Sabiex effettivament jilħqu lill-komunità tal-IA ċivili, u jħallu impatt fuqha, il-proġetti jimplimentaw approċċ fuq tliet livelli, u jfittxu li

(a)

jinvolvu lill-edukaturi – ħidma ma' edukaturi u ma' żviluppaturi ta' kurrikuli akkademiċi magħżula dwar l-iżvilupp u l-promozzjoni ta' materjal edukattiv li jista' jintuża biex jintegra l-kunsiderazzjoni tar-riskji għall-paċi u s-sigurtà li jirriżultaw mid-devjazzjoni u l-użu ħażin tar-riċerka u l-innovazzjoni tal-IA ċivili minn atturi irresponsabbli fit-taħriġ ta' prattikanti futuri tal-IA (pereżempju f'korsijiet dwar l-etika u l-innovazzjoni responsabbli tal-IA);

(b)

jinvolvu lill-istudenti – introduzzjoni ta' studenti magħżula minn madwar id-dinja fix-xjenza, teknoloġija, inġinerija u matematika (STEM) għal kif ir-riskji għall-paċi u s-sigurtà maħluqa mid-devjazzjoni u l-użu ħażin tal-iżvilupp tal-IA ċivili minn atturi irresponsabbli jistgħu jiġu identifikati, prevenuti jew imtaffija fil-proċess ta' riċerka u innovazzjoni jew permezz ta' proċessi oħra ta' governanza; u

(c)

jinvolvu lill-industrija tal-IA – ħidma ma' assoċjazzjonijiet ta' professjonisti u ma' korpi tal-istandards bħall-Istitut tal-Inġinieri Elettriċi u Elettroniċi (IEEE) i) għat-tixrid ta' materjal edukattiv imfassal apposta u għal attivitajiet ta' involviment ma' professjonisti tekniċi; ii) għall-appoġġ ta' użi pożittivi tal-IA għall-paċi u s-sigurtà; u iii) għall-iffaċilitar ta' djalogu u skambju ta' informazzjoni bejn esperti mid-dinja akkademika, is-settur privat u l-gvernijiet dwar kif jista' jittaffa r-riskju tad-devjazzjoni u l-użu ħażin tar-riċerka u l-innovazzjoni tal-IA minn atturi irresponsabbli.

B'approċċ bħal dan, il-proġetti jistgħu jilħqu lill-komunità tal-IA fil-livelli kollha, mhux biss lill-prattikanti attwali iżda wkoll lill-ġenerazzjonijiet futuri. Jippermetti wkoll l-involviment bejn il-kategoriji mifruda tad-dinja akkademika, l-industrija u oħrajn, u jappoġġa s-sostenibbiltà ta' sforzi futuri billi jistabbilixxi networks li jaqsmu din is-separazzjoni.

Il-proġetti jfittxu wkoll li jisfruttaw is-setgħa ta' għaqda u l-esperjenza tas-SIPRI u tal-UNODA biex iħallu impatt fuq il-komunità dinjija tal-IA, mhux biss fuq il-partijiet ikkonċernati fl-UE. Is-SIPRI u l-UNODA jinsabu f'pożizzjoni unika biex jilħqu u jiffaċilitaw l-involviment bejn l-atturi tal-IA minn madwar l-Afrika, l-Asja u l-Paċifiku, l-Ewropa, u l-Amerka ta' Fuq u t'Isfel. Iż-żewġ entitajiet għandhom ukoll esperjenza ta' ħidma f'oqsma oħra tax-xjenza u tat-teknoloġija fejn iħabbtu wiċċhom ma' sfidi ta' użu doppju u ta' proliferazzjoni, fosthom il-bijoteknoloġija. Il-proġetti jfittxu wkoll li jieħdu vantaġġ mill-kundizzjonijiet preżenti fl-Unjoni Ewropea, bħal a) l-eżistenza ta' proċessi avvanzati ta' diversi partijiet ikkonċernati dwar IA responsabbli; b) il-livell għoli ta' involviment fi kwistjonijiet ta' diżarm, kontroll tal-armi u nonproliferazzjoni fl-UE, u għarfien espert f'dawn il-kwistjonijiet; c) id-diversità tal-konnessjonijiet li l-organizzazzjonijiet akkademiċi, tar-riċerka u tas-settur privat fl-UE għandhom ma' reġjuni oħra, b'mod partikolari fin-Nofsinhar Globali, li ser ikun ukoll mira ewlenija għall-involviment; u d) id-diversità tan-nazzjonalitajiet tal-istudenti, tal-edukaturi u tal-inġiniera fl-universitajiet, fl-istituzzjonijiet tar-riċerka u fis-settur privat.

L-inklużjoni ser titqies fil-qalba tat-tmexxija tal-attivitajiet tal-proġetti. Sabiex jagħtu appoġġ effettiv lill-komunità tal-IA, il-proġetti jirrikonoxxu li l-komunità tal-IA tikkonsisti minn firxa ta' atturi varjati, u partikolarment li

(a)

l-ġeneru huwa fattur rilevanti ħafna. Għal din ir-raġuni, il-kwistjonijiet tal-ġeneru ser jiġu integrati f'konformità mal-istrateġiji tan-NU għall-integrazzjoni tal-perspettiva tal-ġeneri u l-parità fis-sistemi kollha. Il-parteċipazzjoni tan-nisa fl-attivitajiet kollha tal-proġett ser tkun imħeġġa u meħtieġa; u

(b)

l-persuni b'diżabbiltà ser jiġu inklużi dejjem u kullimkien bil-bżonnijiet tagħhom moqdija kull fejn dan ikun raġonevolment possibbli. Fost l-oħrajn, dan ser jindirizza l-ostakli għall-parteċipazzjoni tal-persuni b'diżabbiltà kif ukoll jiżgura li jittieħdu passi għall-involviment tal-persuni b'diżabbiltà u jiffaċilita r-rappreżentazzjoni tal-fehmiet u l-esperjenzi sostantivi tagħhom.

3.   PROĠETTI

It-tliet proġetti deskritti hawn taħt huma maħsuba biex ikunu komplementari u jappoġġaw lil xulxin reċiprokament, b'elementi li jibqgħu għaddejjin matul is-36 xahar.

3.1.   Proġett 1 – Il-produzzjoni ta' materjal edukattiv u ta' tisħiħ tal-kapaċità għall-komunità tal-IA ċivili

3.1.1.   Għan tal-proġett

Il-Proġett 1 jiffoka fuq il-provvista tal-għarfien u l-mezzi lill-atturi tal-IA ċivili biex jivvalutaw u jtaffu r-riskji li d-devjazzjoni u l-użu ħażin tar-riċerka u l-innovazzjoni tal-IA ċivili minn atturi irresponsabbli jista' jkollhom fuq il-paċi u s-sigurtà internazzjonali. Għandu l-għan li jipproduċi materjal edukattiv u ta' tisħiħ tal-kapaċità li ser jgħin lill-prattikanti tal-IA mir-reġjuni, livelli u setturi kollha (inkluż l-edukaturi ffukati fuq l-IA, l-iżviluppaturi tal-kurrikuli, l-istudenti tal-iSTEM u l-inġiniera u r-riċerkaturi fl-IA fid-dinja akkademika u s-settur privat) bl-informazzjoni u bl-għodod meħtieġa biex

(a)	jifhmu kif ir-riċerka u l-innovazzjoni tal-IA ċivili tista' tiġi ddevjata u użata ħażin b'tali mod li toħloq riskji għall-paċi u s-sigurtà internazzjonali u kif id-deċiżjonijiet fl-iżvilupp u t-tixrid tar-riċerka u l-innovazzjoni jistgħu jżidu jew inaqqsu r-riskju tad-devjazzjoni u tal-użu ħażin;

(b)	jifhmu l-isforzi li diġà hija involuta fihom il-komunità tad-diżarm, il-kontroll tal-armi u n-nonproliferazzjoni sabiex ittaffi r-riskji tad-devjazzjoni u l-użu ħażin tar-riċerka u tal-innovazzjoni ċivili; u

(c)	jipprattikaw innovazzjoni responsabbli b'mod li jtaffu r-riskju ta' devjazzjoni u użu ħażin fl-iżvilupp u t-tixrid tar-riċerka u l-innovazzjoni.

3.1.2.   Deskrizzjoni tal-proġett

Dan il-proġett ser jipproduċi tliet settijiet separati ta' materjal edukattiv u ta' tisħiħ tal-kapaċità.

(a)

Manwal (1) – Il-manwal ser ikun ġabra tal-għarfien bażiku u l-mezzi għall-atturi fl-IA biex waqt il-proċessi ta' riċerka u ta' innovazzjoni jivvalutaw u jtaffu r-riskji tad-devjazzjoni u l-użu ħażin tat-teknoloġija tal-IA ċivili minn atturi irresponsabbli. Ser jiddiskuti kif u għaliex id-deċiżjonijiet dwar l-iżvilupp u t-tixrid tar-riċerka u l-innovazzjoni jistgħu jħallu impatt fuq ir-riskji tad-devjazzjoni u l-użu ħażin, li mbagħad jiġġeneraw riskji u opportunitajiet għall-paċi u s-sigurtà. Ser jintroduċi wkoll id-dritt internazzjonali rilevanti u obbligi tal-kontroll tal-esportazzjoni minbarra kunsiderazzjonijiet dwar is-sikurezza u s-sigurtà li qed jiġu diskussi fiċ-ċrieki militari u dawk tad-diżarm, il-kontroll tal-armi u n-nonproliferazzjoni; u jippreżenta eżempji ta' proċessi u għodod għall-prattika ta' innovazzjoni responsabbli, bħall-metodoloġiji tal-valutazzjoni tal-impatt tat-teknoloġija u mudelli għall-valutazzjoni tar-riskju.

(b)

Sensiela ta' podcasts (~10) – Dawn il-podcasts ser jaġixxu bħala mezz aċċessibbli u ta' involviment għall-atturi tal-IA biex jitgħallmu dwar kif u għaliex proċessi ta' innovazzjoni tal-IA responsabbli jistgħu jappoġġaw il-paċi u s-sigurtà internazzjonali permezz tal-mitigazzjoni tar-riskji ppreżentati mid-devjazzjoni u l-użu ħażin minn atturi irresponsabbli. Is-sensiela ser tirrevedi temi importanti (eż., ix-xejra tad-devjazzjoni u l-użu ħażin tar-riċerka u l-innovazzjoni b'użu doppju/ġenerali; l-isfidi umanitarji, strateġiċi u politiċi assoċjati mal-użu ħażin potenzjali tal-innovazzjoni fir-riċerka tal-IA ċivili; l-isfidi li jiffaċċjaw iċ-ċrieki tad-diżarm, tal-kontroll tal-armi u tan-nonproliferazzjoni fl-isforzi ta' mitigazzjoni tar-riskju; kif issir innovazzjoni responsabbli permezz ta' valutazzjoni tar-riskju; il-konformità mal-kontroll tal-esportazzjoni; it-tnaqqis tar-riskju skont id-disinn; pubblikazzjoni responsabbli; kun af lill-klijenti tiegħek; u esperjenza ta' eżerċizzji ta' simulazzjoni) u ser tkun strutturata fuq intervisti li t-tim tal-proġett ser iwettaq ma' rappreżentanti minn komunitajiet rilevanti.

(c)

Sensiela ta' blogs (9-10) – It-tim ser jiżviluppa sensiela ta' blog posts magħżula bl-għan li jgħollu l-profil tal-isforzi li jippruvaw jaqsmu l-fruntieri bejn "IA responsabbli" b'fokus ċivili u l-komunitajiet tal-kontroll tal-armi u tan-nonproliferazzjoni. Is-sensiela ta' blogs ser tipprovdi pjattaforma għat-tixrid ta' għarfien, ideat u soluzzjonijiet rigward l-identifikazzjoni u l-indirizzar tar-riskji assoċjati mad-devjazzjoni, u l-użu ħażin tal-IA ċivili fil-proċess ta' riċerka u innovazzjoni. Il-blog ser ikollu l-għan li jirrappreżenta d-diversità tal-ħsibijiet u l-perspettivi preżenti fis-settur tal-IA.

Dawn il-materjali ser jinxterdu pubblikament permezz tas-siti web tal-atturi responsabbli mill-implimentazzjoni, il-preżenza tagħhom fil-media soċjali, u permezz ta' komunikazzjoni diretta mal-entitajiet akkademiċi rilevanti, l-assoċjazzjonijiet professjonali tal-IA ċivili u gruppi xierqa oħra.

3.1.3.   Riżultati mistennija tal-proġett

Dan il-proġett huwa mistenni li jistabbilixxi sett ġdid ta' materjali li permezz tagħhom il-prattikanti tal-IA ċivili jistgħu jsiru sensitizzati għal a) kif ir-riċerka u l-innovazzjoni tal-IA ċivili jistgħu jiġu ddevjati u użati ħażin b'modi li jistgħu jippreżentaw riskji għall-paċi u s-sigurtà internazzjonali, b) kif tali riskji qed jiġu indirizzati mill-komunità tad-diżarm, il-kontroll tal-armi, u n-nonproliferazzjoni, u c) kif il-prattikanti tal-IA jistgħu jikkontribwixxu aktar għall-mitigazzjoni ta' tali riskji permezz ta' proċessi ta' innovazzjoni responsabbli.

Dan mistenni jsaħħaħ l-involviment tas-settur tal-IA ċivili fil-mitigazzjoni tar-riskji li d-devjazzjoni u l-użu ħażin tal-IA ċivili jista' jkollhom fuq il-paċi u s-sigurtà internazzjonali; itejjeb il-kapaċità tal-prattikanti tekniċi li jinvolvu ruħhom fi proċessi rilevanti fil-komunità tad-diżarm, il-kontroll tal-armi, u n-nonproliferazzjoni kif ukoll jappoġġa l-involviment ta' udjenzi ġodda li mhumiex tradizzjonalment inklużi fl-isforzi edukattivi dwar id-diżarm u n-nonproliferazzjoni.

Il-materjal mistenni wkoll li jappoġġa l-implimentazzjoni tal-proġetti l-oħra u ser iservi bħala bażi għall-attivitajiet edukattivi u ta' tisħiħ tal-kapaċitajiet fil-Proġett 2 kif ukoll għall-attivitajiet ta' djalogu u involviment fil-Proġett 3. Dawn l-attivitajiet mistennija li mbagħad jikkontribwixxu għall-produzzjoni u l-irfinar tal-materjal. Approċċ iterattiv bħal dan huwa mistenni li jgħin biex jiġu indirizzati l-ostakli potenzjali għall-promozzjoni, it-tixrid u l-użu tagħhom fil-komunità tal-IA, inkluż kwistjonijiet relatati mal-lingwaġġ, il-kontenut, il-kuntest u d-disponibbiltà, li jistgħu jipprekludu l-impatt tagħhom fil-livell globali, b'mod partikolari fin-Nofsinhar Globali.

3.2.   Proġett 2 – Edukazzjoni u attivitajiet ta' tisħiħ tal-kapaċitajiet għall-prattikanti futuri tal-IA

3.2.1.   Għan tal-proġett

L-għan tal-Proġett 2 huwa li jappoġġa l-integrazzjoni tal-problema tad-devjazzjoni u l-użu ħażin tar-riċerka dwar l-IA ċivili minn atturi irresponsabbli fl-edukazzjoni ta' ġenerazzjonijiet futuri ta' prattikanti tal-IA. Fit-tul, dan ser jiżgura li l-istudenti tax-Xjenza, Teknoloġija, Inġinerija u Matematika (STEM) li jsawru l-futur tal-IA jkunu konxji tal-impatti negattivi li d-devjazzjoni u l-użu ħażin ta' xogħolhom minn atturi irresponsabbli jista' jkollhom fuq il-paċi u s-sigurtà internazzjonali u li jkollhom l-għodod bażiċi meħtieġa biex jidentifikaw u jtaffutali riskju fil-proċess ta' riċerka u innovazzjoni.

Dan il-proġett ser iwettaq sensiela ta' sessjonijiet ta' ħidma edukattivi u ta' tisħiħ tal-kapaċitajiet ma' edukaturi u studenti f'kollaborazzjoni ma' universitajiet u atturi tal-industrija internazzjonali magħżula. B'hekk il-proġett ifittex li jiżviluppa attivitajiet ta' tisħiħ tal-kapaċitajiet li l-edukaturi u l-iżviluppaturi tal-kurrikuli akkademiċi jistgħu jużaw biex jinkludu fit-taħriġ tal-prattikanti futuri tal-IA (eż. korsijiet dwar l-etika u l-innovazzjoni responsabbli fil-qasam tal-IA) u kunsiderazzjonijiet għar-riskji ta' devjazzjoni u użu ħażin tar-riċerka u l-innovazzjoni tal-IA ċivili minn atturi irresponsabbli u jorbtu dawk l-attivitajiet mal-kuntest akbar ta' paċi u sigurtà. Permezz ta' dawn is-sessjonijiet ta' ħidma, il-proġett ser ifittex ukoll li jidentifika network ta' edukaturi, żviluppaturi tal-kurrikuli u studenti interessati li jappoġġaw it-tixrid u l-promozzjoni tal-materjal edukattiv tal-proġett u l-attivitajiet ta' tisħiħ tal-kapaċitajiet fil-komunità tal-edukazzjoni tal-IA u fil-komunità tal-prattikanti tal-IA. Dan il-komponent ta' networking ifittex li jiżgura s-sostenibbiltà tal-proġetti lil hinn mid-durata immedjata tagħhom u li jippermetti l-bini ta' rabtiet aktar b'saħħithom b'appoġġ għall-impenn tekniku ċivili lejn miri akbar ta' paċi, sigurtà, diżarm u kontroll tal-armi.

3.2.2.   Deskrizzjoni tal-proġett

Dan il-proġett ser iwettaq sensiela ta' sessjonijiet ta' ħidma edukattivi u ta' tisħiħ tal-kapaċitajiet ma' edukaturi u studenti minn universitajiet magħżula minn madwar id-dinja. Dawn ikunu jikkonsistu f'taħlita ta' lekċers u attivitajiet interattivi li ser jipprovdu lill-edukaturi u lill-istudenti b'opportunitajiet biex jirriflettu dwar kif ir-riċerka u l-innovazzjoni tal-IA ċivili jistgħu jiġu ddevjati u użati ħażin b'modi li jistgħu jippreżentaw riskji għall-paċi u s-sigurtà internazzjonali u kif dawn ir-riskji jistgħu jiġu identifikati, evitati jew imtaffa fil-proċess ta' riċerka u innovazzjoni, jew permezz ta' proċessi oħra ta' governanza. Dawn l-attivitajiet ser jibnu fuq ħidma pilota preċedenti fuq skala iżgħar imwettqa mill-UNODA li esperimentat b'metodi biex tinvolvi lill-istudenti tal-iSTEM u tissensibilizzahom dwar l-importanza li jitqies l-impatt usa' tal-ħidma tagħhom kif ukoll jinvolvu ruħhom ma' għarfien espert barra mill-oqsma ta' oriġini tagħhom. B'mod konkret, dawn ikunu jikkonsistu minn

(a)

sessjonijiet ta' ħidma reġjonali ta' tisħiħ tal-kapaċitajiet għall-edukaturi u l-istudenti (4) – is-sessjonijiet ta' ħidma reġjonali ser iwettqu u jippromwovu attivitajiet li l-edukaturi jistgħu jużaw biex isaħħu l-kapaċitajiet tal-istudenti tal-iSTEM fl-innovazzjoni responsabbli tal-IA b'enfasi partikolari dwar kif għandhom jiġu evalwati u mtaffija r-riskji tad-devjazzjoni u l-użu ħażin tat-teknoloġija tal-IA ċivili minn atturi irresponsabbli. Kull sessjoni ta' ħidma ser tiġi organizzata ma' università bbażata fl-UE u università ta' profil għoli minn reġjun globali differenti, biex b'hekk dejjem jingħaqad sett varjat ta' parteċipanti bbażati fl-UE ma' sett varjat ibbażat barra mill-UE. Is-sessjonijiet ta' ħidma mbagħad ser ikopru l-Amerka Latina u l-Karibew, l-Amerka ta' Fuq, l-Afrika u l-Asja u l-Paċifiku. Dan ser jippermetti l-parteċipazzjoni ta' studenti (fil-livelli ta' masters u PhD) minn madwar id-dinja, inkluż min-Nofsinhar Globali. Is-sessjonijiet ta' ħidma jsiru primarjament bl-Ingliż, iżda fejn fattibbli l-parteċipanti jingħataw l-opportunità li jinvolvu ruħhom f'attivitajiet ibbażati fuq raggruppamenti lingwistiċi alternattivi; u

(b)

sessjoni ta' ħidma internazzjonali dwar it-tisħiħ tal-kapaċitajiet sostenibbli (1) – is-sessjoni ta' ħidma ser tibbaża fuq it-tagħlimiet meħuda mis-sessjonijiet ta' ħidma reġjonali u tiffaċilita l-iskambju ta' informazzjoni u esperjenzi bejn l-edukaturi u l-istudenti magħżula mill-universitajiet involuti fil-proġett. Is-sessjoni ta' ħidma tiddiskuti kif jistgħu jiġu rfinati l-attivitajiet u l-għodod elaborati matul il-proġett, u xxerridhom lil hinn mill-grupp ta' universitajiet parteċipanti. Ser tiddiskuti wkoll kif għandu jiġi appoġġat l-involviment tal-istudenti f'IA responsabbli li jindirizza r-riskji ta' devjazzjoni u użu ħażin għall-paċi u s-sigurtà internazzjonali ladarba dawn ikunu daħlu fil-forza tax-xogħol.

In-networks u l-preżenza tas-SIPRI u l-UNODA fl-Afrika, l-Asja-Paċifiku, l-Ewropa, l-Amerka ta' Fuq u t'Isfel ser jintużaw biex jiffaċilitaw u jappoġġaw aspetti tal-attivitajiet, skont kif ikun xieraq.

3.2.3.   Riżultati mistennija tal-proġett

Il-proġett huwa mistenni li joħloq mudelli ta' attivitajiet tisħiħ tal-kapaċitajiet u ta' involviment li l-edukaturi u l-iżviluppaturi tal-kurrikuli akkademiċi jistgħu jirreplikaw biex jissensibilizzaw lill-prattikanti futuri tal-IA għall-problemi tad-devjazzjoni u l-użu ħażin tal-IA ċivili minn atturi irresponsabbli u kif dawn jistgħu jgħinu biex jittaffew dawn il-problemi permezz ta' proċessi ta' innovazzjoni responsabbli. Wara li jitlestew l-attivitajiet tal-proġett, il-parteċipanti (l-edukaturi, iżda wkoll l-istudenti tal-iSTEM) ser ikunu mistennija jużaw u jippromwovu għodod, metodi u kunċetti ta' innovazzjoni responsabbli biex jidentifikaw u jtaffu r-riskji ta' devjazzjoni u użu ħażin fl-iżvilupp u t-tixrid tar-riċerka u l-innovazzjoni tal-IA ċivili.

L-attivitajiet tal-proġett mistennija wkoll li jiġġeneraw network ta' edukaturi, żviluppaturi tal-kurrikuli u studenti li mhux biss jippromwovu l-attivitajiet tal-proġett fi ħdan il-komunitajiet edukattivi u professjonali tal-IA (eż. matul konferenzi tas-Soċjetà tal-Intelligence Komputazzjonali tal-IEEE) iżda jkunu disponibbli wkoll biex jikkontribwixxu b'kapaċità teknika għal proċessi ta' governanza internazzjonali mmexxija mill-istat (eż. il-proċess tal-Konvenzjoni dwar Ċerti Armi Konvenzjonali dwar teknoloġiji emerġenti fil-qasam tas-Sistema ta' Armi Awtonomi Letali).

Il-valur fuq perjodu qasir u twil ta' dawn l-attivitajiet ser jintwera permezz ta' stħarriġ qabel u wara l-attivitajiet.

3.3.   Proġett 3 – Iffaċilitar tal-iżvilupp sostenibbli, it-tixrid u l-impatt fit-tul tal-innovazzjoni responsabbli fl-IA għall-paċi u s-sigurtà

3.3.1.   Għan tal-proġett

L-għan tal-Proġett 3 huwa li jiffaċilita l-iżvilupp sostenibbli, it-tixrid u l-impatt fit-tul tal-innovazzjoni responsabbli fl-IA bħala mezz biex jittaffew ir-riskji li d-devjazzjoni u l-użu ħażin tar-riċerka u l-innovazzjoni tal-IA ċivili jistgħu joħolqu għall-paċi u s-sigurtà. Għandu l-għan li jagħmel dan permezz ta' diskussjonijiet madwar mejda mal-industrija tal-IA, djalogi bejn diversi partijiet ikkonċernati, il-ħolqien ta' rapport pubbliku, u attivitajiet ta' disseminazzjoni immirati. Il-proġett għandu l-għan li jiżgura li x-xogħol iġġenerat, b'mod partikolari l-attivitajiet ta' edukazzjoni, ta' tisħiħ tal-kapaċitajiet u ta' involviment, jilħqu u jkollhom impatt fuq il-komunità tal-IA b'mod ġenerali, fil-livelli kollha (minn studenti sa inġiniera u professjonisti oħra tal-IA) u lil hinn mill-konfini ġeografiċi, settorjali, u konfini oħra. Biex tiżdied il-possibbiltà li jsir impatt wiesa' u profond, huwa essenzjali li jkun hemm kooperazzjoni mal-organizzazzjonijiet professjonali f'dan l-ispazju, bħall-IEEE, u li jkun hemm involviment multidimensjonali bejn il-kategoriji mifruda tad-dinja akkademika, l-industrija u oħrajn. Dawn l-isforzi ser jagħtu l-opportunità lir-rappreżentanti interessati minn komunitajiet differenti tal-IA biex jieħdu f'idejhom il-problema u jesprimew il-fehmiet tagħhom stess dwar kif l-isforzi ta' mitigazzjoni tar-riskju jistgħu jitwettqu u jiġu promossi b'mod sostenibbli fi ħdan u madwar il-komunità globali tal-IA. Huwa importanti wkoll għall-valur fit-tul tal-proġett għall-istati, l-organizzazzjonijiet intergovernattivi u atturi oħrajn li l-prattikanti tal-IA jistgħu jitgħallmu minnhom u jinvolvu ruħhom ma' esperti governattivi involuti fil-mitigazzjoni tar-riskju fil-kuntest tad-diżarm, il-kontroll tal-armi u n-nonproliferazzjoni. Huwa kruċjali wkoll għas-sostenibbiltà li jiġi żgurat li l-għarfien iġġenerat permezz tal-attivitajiet ta' involviment jiġi analizzat, ikkonsolidat u mxerred b'mod xieraq.

3.3.2.   Deskrizzjoni tal-proġett

Dan il-proġett jikkonsisti f'dawn il-fergħat ewlenin:

(a)

djalogi bejn diversi partijiet ikkonċernati dwar "innovazzjoni tal-IA responsabbli għall-paċi u s-sigurtà" (Sa 9) – din is-sensiela ta' laqgħat ta' djalogu virtwali tlaqqa' flimkien esperti mid-dinja akkademika, ir-riċerka, is-settur privat, u l-kontroll tradizzjonali tal-armi mill-UE u lil hinn minnha biex jiddiskutu i. xejriet teknoloġiċi li jistgħu jiġġeneraw riskji ta' tixrid, devjazzjoni u użu ħażin b'impatti għall-paċi u s-sigurtà internazzjonali; ii. kif jinvolvi ruħhom fil-mitigazzjoni tar-riskju permezz ta' proċessi, metodi u mezzi ta' innovazzjoni responsabbli, u opportunitajiet u sfidi għad-djalogu u l-kondiviżjoni tal-għarfien bejn il-komunitajiet tal-partijiet ikkonċernati, inkluż dawk li joperaw f'setturi oħra bħall-industriji bijoloġiċi u kimiċi; u iii. il-valur, l-iskop u l-format potenzjali ta' network awtosuffiċjenti ta' esperti u attivitajiet ta' djalogu. Il-grupp ta' esperti ser jiltaqa' diversi drabi fis-sena u jaħdem lejn l-organizzazzjoni ta' żewġ avvenimenti pubbliċi għall-komunità usa'.

Mid-disa' laqgħat virtwali, tnejn huma maħsuba li jkunu miftuħa għall-pubbliku, sabiex tiġi ffaċilitata konsultazzjoni usa'.

(b)

diskussjonijiet madwar mejda mas-settur privat (Sa 6) – din is-sensiela ta' diskussjonijiet virtwali madwar mejda ser tagħti bidu għal djalogu mal-atturi li jaħdmu bi proċessi ta' innovazzjoni tal-IA responsabbli fis-settur privat (eż. Sħubija dwar l-IA) dwar kif jistgħu jikkontribwixxu għall-minimizzazzjoni tar-riskji tad-devjazzjoni u l-użu ħażin tat-teknoloġiji tal-IA ċivili minn atturi irresponsabbli, kif ukoll tesplora inċentivi possibbli fl-iżvilupp tas-settur privat biex isir dan. Is-suġġetti ser jinkludu: i. ir-rilevanza tal-kuntest internazzjonali fir-rigward tas-sigurtà u d-diżarm għas-settur privat; ii. l-ambjent(i) legali li fih(om) jeżistu l-iżvilupp, il-varar u l-operat tal-IA madwar id-dinja; iii. kif wieħed jibni fuq mekkaniżmi ta' valutazzjoni tar-riskju u miżuri oħra li huma parti minn, jew li jistgħu jiġu integrati fi, proċessi ta' innovazzjoni responsabbli u programmi ta' konformità korporattiva; u iv. tagħlimiet li għandhom jittieħdu minn industriji, proċessi u oqfsa oħra relatati mal-kontroll tal-armi (eż. industriji bijoloġiċi u kimiċi).

(c)

rapport dwar il-perspettivi tal-komunità tal-IA dwar il-kontroll tal-armi u l-mitigazzjoni tar-riskju fl-IA, immirat lejn il-komunitajiet tal-IA u tal-kontroll tal-armi (1) – l-iżvilupp ta' dan ir-rapport ser jiġbor u jikkonsolida s-sejbiet u r-rakkomandazzjonijiet tal-proġett f'dokument ta' referenza uniku mmirat kemm lejn il-komunità tal-IA ċivili responsabbli kif ukoll lejn il-komunità tal-kontroll tal-armi. Ir-rapport jiddiskuti kif ir-riskji għall-paċi u s-sigurtà internazzjonali assoċjati mad-devjazzjoni u l-użu ħażin tar-riċerka u l-innovazzjoni tal-IA ċivili jistgħu jiġu identifikati, evalwati u indirizzati.

(d)

avvenimenti ta' disseminazzjoni mmirati lejn il-konsultazzjoni u l-involviment mal-komunitajiet tal-IA u tal-kontroll tal-armi (għad iridu jiġu deċiżi) – it-tim ser ifittex opportunitajiet biex jikkomunika l-ħidma u s-sejbiet u r-rakkomandazzjonijiet tiegħu tul il-proġett kollu. Il-format tal-avvenimenti u l-kontenut tal-preżentazzjonijiet ikunu mfassla skont il-ħtiġijiet tal-gruppi fil-mira. Dawn jistgħu jinkludu laqgħat tal-CONOP, l-Assemblea tal-Alleanza Ewropea dwar l-IA; il-Grupp ta' Esperti Governattivi dwar it-teknoloġiji emerġenti fil-qasam ta' Sistemi ta' Armi Awtonomi Letali; il-Grupp ta' Ħidma Interaġenzjali dwar l-IA (IAWG-AI); l-inizjattiva tal-UIT IA għall-Ġid; id-Djalogu Annwali dwar l-Innovazzjoni tal-UNIDIR; u l-Istitut tal-Inġiniera Elettriċi u Elettroniċi. It-tim ifittex ukoll li jinvolvi ruħu b'mod bilaterali mal-partijiet ikkonċernati rilevanti mill-gvern, id-dinja akkademika u s-settur privat.

3.3.3.   Riżultati mistennija tal-proġett

Dan il-proġett huwa mistenni li jistabbilixxi l-pedamenti għall-iżvilupp sostenibbli, it-tixrid u l-impatt tal-innovazzjoni responsabbli tal-proċessi tal-IA li jindirizzaw ir-riskji ta' tixrid, devjazzjoni u użu ħażin u l-implikazzjonijiet tagħhom għall-paċi u s-sigurtà lil hinn mid-durata immedjata tad-deċiżjoni tal-Kunsill.

Id-djalogu bejn diversi partijiet ikkonċernati huwa mistenni li jipprovdi mudell għall-kondiviżjoni tal-informazzjoni u l-kollaborazzjoni dwar il-mitigazzjoni tar-riskju mhux biss fi ħdan il-komunità globali tal-IA iżda wkoll bejn il-komunità tal-IA ċivili responsabbli u l-komunitajiet tad-diżarm, tal-kontroll tal-armi u tan-nonproliferazzjoni. Mudell bħal dan jista' jintuża biex dawk li jfasslu l-politika jiffamiljarizzaw ruħhom ma' avvanzi teknoloġiċi u xjentifiċi ewlenin rilevanti għall-innovazzjoni responsabbli tal-IA u jiffamiljarizzaw ukoll lil udjenzi tekniċi mal-ambjent li dawk li jfasslu l-politika bħalissa qed jinvolvu ruħhom fih. Il-proġett huwa mistenni li jiffaċilita relazzjonijiet u involviment sostenibbli bejn l-atturi interessati fi ħdan dawn il-komunitajiet differenti u bejniethom. Dawn l-effetti eteroġenji tan-network huma mistennija li jippermettu żvilupp akbar u promozzjoni aktar mifruxa tal-innovazzjoni responsabbli tal-IA għall-paċi u s-sigurtà lil hinn mill-perjodu ta' żmien tal-proġett.

Id-djalogu mas-settur privat huwa mistenni li jippermetti involviment akbar u aktar profond tas-settur privat tal-IA fl-identifikazzjoni, il-prevenzjoni u l-mitigazzjoni tar-riskji għall-paċi u s-sigurtà li jirriżultaw mid-devjazzjoni u l-użu ħażin tar-riċerka u l-innovazzjoni tal-IA ċivili. Il-proġett huwa mistenni li jagħti lill-atturi ewlenin fil-proċessi tas-settur privat fehim u sjieda akbar tal-problemi li jfittex li jindirizza. Barra minn hekk, għandu l-għan li jiffaċilita l-adozzjoni u l-implimentazzjoni (usa') ta' proċessi, metodi u mezzi ta' innovazzjoni responsabbli fil-mekkaniżmi u l-proċeduri eżistenti għall-ġestjoni tar-riskju korporattiv.

Id-djalogu bejn diversi partijiet ikkonċernati u d-diskussjoni madwar mejda mas-settur privat huma mistennija wkoll li jiġġeneraw għarfien dwar għadd ta' kwistjonijiet sostanzjali, inkluż a) kif metodi u mezzi ta' innovazzjoni responsabbli jistgħu jiġu rfinuti u varati aktar biex jidentifikaw, jipprevjenu u jtaffu r-riskji maħluqa mid-devjazzjoni u l-użu ħażin tar-riċerka u l-innovazzjoni tal-IA ċivili; b) kif ir-riċerka u l-innovazzjoni tal-IA jistgħu jintużaw b'mod pożittiv biex jappoġġaw l-objettivi tal-paċi u s-sigurtà (eż. applikazzjonijiet għal twissija bikrija ta' kunflitti u assistenza umanitarja); u c) kif jistgħu jiġu ffaċilitati djalogu u kondiviżjoni ta' informazzjoni akbar bejn l-isforzi ta' mitigazzjoni tar-riskju mwettqa fil-komunità tal-IA ċivili responsabbli (jiġifieri diversi inizjattivi mmexxija mill-IEEE) ma' dawk li diġà huma għaddejjin fil-komunità tad-diżarm, il-kontroll tal-armi u n-nonproliferazzjoni f'livell intergovernattiv.

Ir-rapport u l-attivitajiet ta' disseminazzjoni ser janalizzaw, jikkonsolidaw u jxerrdu l-għarfien iġġenerat permezz tal-Proġetti 1, 2 u 3, u b'hekk jappoġġaw il-promozzjoni tas-sejbiet u r-rakkomandazzjonijiet tal-attivitajiet tal-proġett fi ħdan il-komunità globali tal-IA, kif ukoll fi ħdan il-komunità tal-politika. Huma mistennija wkoll li jgħinu biex tiġi żgurata s-sostenibbiltà tal-impatt lil hinn mill-perjodu ta' żmien tal-proġetti.

4.   TUL TA' ŻMIEN

It-tul ta' żmien totali tal-implimentazzjoni tal-proġetti hu stmat li jkun ta' 36 xahar.

---

(1)  Il-metodoloġiji jinkludu, pereżempju, il-prattiki rrakkomandati mill-Istitut tal-Inġiniera Elettriċi u Elettroniċi (IEEE) għall-valutazzjoni tal-impatt ta' sistemi awtonomi u intelliġenti fuq il-benesseri tal-bniedem (IEEE Std 7010-2020), il-Lista ta' Valutazzjoni għal Intelliġenza Artifiċjali Affidabbli (ALTAI) tal-Grupp ta' Esperti ta' Livelli Għoli dwar l-Intelliġenza Artifiċjali. L-inizjattivi jinkludu: l-inizjattiva globali dwar l-etika għal sistemi awtonomi u intelliġenti tal-IEEE; is-Sħubija dwar l-IA; is-Sħubija Globali dwar l-IA.

Artikolu 1

L-Artikolu 5(2) tad-Deċiżjoni (PESK) 2019/2108 huwa sostitwit b’dan li ġej:

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Artikolu 1

Il-Kummissjoni hija b’dan awtorizzata tiftaħ negozjati, f’isem l-Unjoni, għal ftehim dwar l-istatus bejn l-Unjoni Ewropea u r-Repubblika tal-Albanija dwar attivitajiet operazzjonali mwettqa mill-Aġenzija Ewropea għall-Gwardja tal-Fruntiera u tal-Kosta fit-territorju tar-Repubblika tal-Albanija.

Artikolu 2

In-negozjati għandhom jitmexxew fuq il-bażi tad-direttivi ta’ negozjati tal-Kunsill stabbiliti fl-addendum ta’ din id-Deċiżjoni, u f’konsultazzjoni mal-Grupp ta’ Ħidma adatt tal-Kunsill.

Artikolu 3

Din id-Deċiżjoni hija indirizzata lill-Kummissjoni.

Artikolu 1

Il-Kummissjoni hija b’dan awtorizzata tiftaħ negozjati, f’isem l-Unjoni, għal ftehim dwar l-istatus bejn l-Unjoni Ewropea u l-Bożnija Ħerzegovina dwar attivitajiet operazzjonali mwettqa mill-Aġenzija Ewropea għall-Gwardja tal-Fruntiera u tal-Kosta fit-territorju tal-Bożnija Ħerzegovina.

Artikolu 2

In-negozjati għandhom jitmexxew fuq il-bażi tad-direttivi ta’ negozjati tal-Kunsill stabbiliti fl-addendum ta’ din id-Deċiżjoni, u f’konsultazzjoni mal-Grupp ta’ Ħidma adatt tal-Kunsill.

Artikolu 3

Din id-Deċiżjoni hija indirizzata lill-Kummissjoni.

Artikolu 1

Il-Kummissjoni hija b’dan awtorizzata tiftaħ negozjati, f’isem l-Unjoni, għal ftehim dwar l-istatus bejn l-Unjoni Ewropea u l-Montenegro dwar attivitajiet operazzjonali mwettqa mill-Aġenzija Ewropea għall-Gwardja tal-Fruntiera u tal-Kosta fit-territorju tal-Montenegro.

Artikolu 2

In-negozjati għandhom jitmexxew fuq il-bażi tad-direttivi ta’ negozjati tal-Kunsill stabbiliti fl-addendum ta’ din id-Deċiżjoni, u f’konsultazzjoni mal-Grupp ta’ Ħidma adatt tal-Kunsill.

Artikolu 3

Din id-Deċiżjoni hija indirizzata lill-Kummissjoni.

Artikolu 1

Il-Kummissjoni hija b’dan awtorizzata tiftaħ negozjati, f’isem l-Unjoni, għal ftehim dwar l-istatus bejn l-Unjoni Ewropea u r-Repubblika tas-Serbja dwar attivitajiet operazzjonali mwettqa mill-Aġenzija Ewropea għall-Gwardja tal-Fruntiera u tal-Kosta fit-territorju tar-Repubblika tas-Serbja.

Artikolu 2

In-negozjati għandhom jitmexxew fuq il-bażi tad-direttivi ta’ negozjati tal-Kunsill stabbiliti fl-addendum ta’ din id-Deċiżjoni, u f’konsultazzjoni mal-Grupp ta’ Ħidma adatt tal-Kunsill.

Artikolu 3

Din id-Deċiżjoni hija indirizzata lill-Kummissjoni.

Artikolu 1

Artikolu 2

Artikolu 3

Artikolu 4

Artikolu 5

ANNESS

DOKUMENT TA' PROĠETT

L-IŻVILUPP TA' SISTEMA RIKONOXXUTA INTERNAZZJONALMENT GĦALL-VALIDAZZJONI TAL-ĠESTJONI TAL-ARMI U L-MUNIZZJON (AAMVS) GĦALL-PREVENZJONI TAL-PROLIFERAZZJONI ILLEĊITA

1.   Informazzjoni ġenerali

Hemm kunsens dejjem akbar, fost il-komunità tal-kontroll tal-armi, dwar ir-rwol ċentrali li għandha ġestjoni tal-ħażniet effikaċi fit-tisħiħ tal-miżuri ta' kontroll tal-esportazzjoni li jipprevjenu d-devjazzjoni. Fid-dokument ta' ħidma mħejji għas-seba' Konferenza tal-Istati Parti (CSP7) għat-Trattat dwar il-Kummerċ tal-Armi (TKA), il-presidenza tas-CSP7 appellat lill-Istati Parti biex "iqisu l-aspetti kollha tal-ġestjoni tal-ħażniet kemm qabel l-awtorizzazzjoni tal-esportazzjoni kif ukoll il-ħżin sikur u sigur wara t-twassil." Barra minn hekk, ħeġġet "lill-istati importaturi u esportaturi biex, flimkien mal-kondiviżjoni ta' informazzjoni dwar l-attivitajiet illeċiti (Artikoli 11(5) u 15(4) TKA), jaqblu dwar il-kondizzjonijiet u l-assigurazzjonijiet speċifiċi dwar il-faċilitajiet tal-ħżin, l-immarkar tal-oġġetti jew il-kontrolli tal-utenti aħħarin, qabel l-esportazzjoni." Fl-aħħar nett, u bħala mezz ta' konformità mal-Artikolu 13(2), il-presidenza tas-CSP7 ipproponiet li l-Istati Parti jistgħu jirrappurtaw dwar il-miżuri meħuda għat-tisħiħ tas-sigurtà fiżika u l-ġestjoni tal-ħażniet (PSSM) bħala indikazzjoni tal-azzjonijiet meħuda għall-prevenzjoni u l-indirizzar tad-devjazzjoni. (1)

Kif deskritt fid-Dokument ta' Ħidma tas-CSP7, għadu diffiċli li jingħataw garanziji relatati mal-prattiki tal-ġestjoni tal-ħażniet ta' pajjiż terz. Il-qasam huwa tekniku, u l-informazzjoni hija ttrattata bħala sensittiva ħafna. Dan jikkomplika l-isforzi għall-kondiviżjoni tal-informazzjoni. F'bosta setturi – privati u pubbliċi – il-valutazzjonijiet tal-konformità jintużaw biex jagħtu garanziji tal-effikaċja, is-sikurezza, u s-sigurtà tal-prodotti u s-servizzi. Il-valutazzjonijiet tal-konformità jipprovdu metodi rikonoxxuti internazzjonalment biex jiġi ddeterminat jekk il-prodott jew is-servizz jikkonformax ma' normi u standards aċċettati. Filwaqt li jeżistu diversi standards, linji gwida u prattiki tajba internazzjonali għall-ġestjoni tal-ħażniet u għas-sigurtà, bħalissa ma hemm ebda metodoloġija rikonoxxuta internazzjonalment li tagħti garanziji dwar il-kapaċitajiet ta' pajjiż terz jew ta' utent aħħari li jipprevjenu d-devjazzjoni (Artikolu 11(1) TKA) tal-ħażniet ta' armi u munizzjon tagħhom.

F'dan il-kuntest, l-Unjoni Ewropea (UE) ilha mill-2020 tesplora l-possibbiltà tal-istabbiliment ta' sistema rikonoxxuta internazzjonalment biex tivvalida l-politika u l-prattika tal-armi u l-munizzjon fil-livell ta' stat u ta' utent aħħari. Permezz tal-adozzjoni tad-Deċiżjoni tal-Kunsill (PESK) 2020/979 kif emendata bid-Deċiżjoni tal-Kunsill (PESK) 2021/2075, l-UE inkarigat lit-Tim ta' Konsulenza għall-Ġestjoni tal-Munizzjon (AMAT) taċ-Ċentru Internazzjonali ta' Ġinevra għat-Tneħħija ta' Mini għal Skopijiet Umanitarji (GICHD) bil-proġett tal-"Iżvilupp ta' Sistema ta' Validazzjoni tal-Ġestjoni tal-Armi u l-Munizzjon (AAMVS) rikonoxxuta internazzjonalment biex tipprevjeni l-proliferazzjoni illeċita u l-isplużjonijiet aċċidentali". Dak kien sforz pluriennali, maqsum f'fażijiet konkreti b'objettivi u eżiti dedikati.

L-ewwel fażi (PESK 2020/979) kellha l-għan li teżamina l-fattibbiltà tal-ħolqien ta' sistema ta' validazzjoni rikonoxxuta internazzjonalment għall-prattiki tal-ġestjoni ta' armi ħfief u ta' kalibru żgħir (SALW). Il-fattibbiltà tas-sistema ġiet ivvalutata fir-rigward ta' seba' kategoriji: dik teknika, politika, legali, ekonomika, ta' sigurtà militari, ta' sikurezza u ta' sigurtà tal-komunità, u taż-żmien opportun għaliha. L-istudju sab li filwaqt li ma kien hemm ebda sinjal ta' periklu li jipprevjeni l-iżvilupp ta' sistema bħal din, ir-rieda politika tal-partijiet ikkonċernati li jipparteċipaw f'sistema bħal din tistrieħ fl-aħħar mill-aħħar fuq id-disinn finali tagħha. Għaldaqstant, il-partijiet ikkonċernati ma setgħux jidħlu f'impenji qabel ma jiġu ċċarati l-kwistjonijiet dwar id-disinn finali tas-sistema.

It-tieni fażi (PESK 2021/2075) kellha l-għan li tiżviluppa l-għodda ta' valutazzjoni li sservi ta' pedament għas-sistema u biex tiddefinixxi l-għażliet xierqa għall-AAMVS. Inħolqot għodda ta' awtovalutazzjoni u ġew esplorati opzjonijiet potenzjali għal sistema ta' validazzjoni. Il-proġett intemm b'approċċ rakkomandat għall-iżvilupp ta' AAMVS operazzjonali.

X'inhi l-AAMVS?

L-informazzjoni dwar l-istat ġenerali tal-prattiki tal-ġestjoni ta' armi u l-munizzjon hija ta' interess għal aktar minn parti kkonċernata waħda, kemm domestika kif ukoll barranija. Pereżempju, l-awtoritajiet għall-kontroll tal-esportazzjoni jistgħu jsaħħu l-valutazzjonijiet tagħhom tar-riskju ta' devjazzjoni li jsiru qabel l-awtorizzazzjoni ta' liċenzja tal-esportazzjoni billi jtejbu l-analiżi tagħhom tal-fażi tal-ħżin wara t-twassil, filwaqt li l-kooperazzjoni internazzjonali u l-għoti ta' assistenza jistgħu jkunu mmirati aħjar mill-analiżi tal-kapaċitajiet attwali.

L-AAMVS hija mfassla biex tiffaċilita l-iskambju ta' informazzjoni dwar il-kapaċità tal-utenti aħħarin li jżommu ħażniet sikuri u siguri. Dan tagħmlu billi tivvaluta l-kapaċitajiet ta' struttura ta' sistema tal-ġestjoni tal-utenti aħħarin skont l-aħjar prattiki rikonoxxuti internazzjonalment li jinsabu fil-Linji Gwida Tekniċi Internazzjonali dwar il-Munizzjon (IATG) fil-Kompendju ta' Moduli dwar l-Implimentazzjoni tal-Kontroll tal-Armi ta' Kalibru Żgħir (MOSAIC).

Fil-qalba tal-AAMVS hemm l-għodod żviluppati matul l-implimentazzjoni tad-Deċiżjoni tal-Kunsill (PESK) 2021/2075. Awtovalutazzjoni standardizzata, waħda mill-eżiti ewlenin żviluppati waqt l-implimentazzjoni ta' PESK 2021/2075, tagħti metodoloġija li tanalizza s-sofistikazzjoni tal-qafas tas-sistema ta' ġestjoni kif definit fil-linji li jiżguraw it-twettiq ta' kapaċità kif deskritti f'IATG 01:35. Din l-awtovalutazzjoni hija akkumpanjata minn dokument li jiggwida l-interpretazzjoni tar-riżultati. L-għodda waħedha tista' sservi ta' għodda ta' skambju ta' informazzjoni bilaterali dwar l-istat ġenerali tal-prattiki tal-ġestjoni tal-armi u tal-munizzjon mill-forzi armati.

L-AAMVS issir "sistema" meta l-għodda tidħol fl-użu ordinarju f'kull parti ta' organizzazzjoni sabiex tappoġġa l-ħtiġijiet komuni. Organizzazzjonijiet magħmula minn Stati Membri li jkollhom rekwiżiti ta' kontroll tal-esportazzjoni, regolamenti tal-importazzjoni, miri għat-tisħiħ tal-kapaċitajiet jew ħtiġijiet ta' monitoraġġ ta' implimentazzjoni ta' strument li jkunu l-istess huma l-aqwa kandidati biex jibbenefikaw mill-ħolqien ta' sistema. F'kull każ, pjattaforma komuni tiffaċilita aktar l-iskambju ta' informazzjoni. Il-valutazzjoni standardizzata tista' tintuża biex tissodisfa l-ħtiġijiet ta' diversi partijiet ikkonċernati. Awtovalutazzjoni tista' tkun valida għal diversi snin, u b'hekk tippermetti l-iskambju ta' analiżi diġà awtorizzata ma' partijiet ikkonċernati approvati. Din tista' tnaqqas il-piż tar-rappurtar fuq l-utent aħħari, filwaqt li żżid l-effiċjenza fil-kapaċità tal-uffiċjali tal-kontroll tal-esportazzjoni li jaċċessaw informazzjoni dwar il-kondizzjonijiet tal-ħżin ta' wara t-twassil ta' utent aħħari li jkun importatur potenzjali, matul il-fażi ta' qabel l-awtorizzazzjonijiet.

Hemm diversi opzjonijiet għall-ħolqien ta' sistema AAMVS. B'hekk organizzazzjoni tkun tista' tfassal is-sistema għall-ħtiġijiet partikulari tagħha. Ċerti organizzazzjonijiet jistgħu jibbenefikaw mill-ħolqien ta' sistema ta' validazzjoni, fejn analiżi standardizzata waħda tista' tkun kondiviża bejn utenti awtorizzati. Għal organizzazzjonijiet oħra, validazzjoni tista' tkun problematika u għalhekk jistgħu jagħżlu opzjonijiet ta' kondiviżjoni ta' informazzjoni anqas speċifiċi. Id-determinazzjoni ta' liema elementi huma aċċettabbli għal kull organizzazzjoni ser tkun importanti ħafna għall-iżvilupp tas-sistemi AAMVS.

Filwaqt li tibni fuq l-eżiti u s-sejbiet imsemmija hawn fuq, il-Fażi III tal-proġett ser tiffoka fuq l-iżvilupp ulterjuri tal-AAMVS. Ser jiġi adottat approċċ reġjonali għall-iżvilupp ta' sistemi ta' validazzjoni – iffukat biex jidentifika u jkompli jibni fuq strutturi u mekkaniżmi organizzazzjonali reġjonali eżistenti għall-kondiviżjoni tal-informazzjoni u l-iżvilupp ta' metodoloġiji u għodod imfassla għall-validazzjoni tas-sistemi nazzjonali tal-ġestjoni tal-armi u l-munizzjon (inkluż permezz tal-iżvilupp ta' għodda ta' awtovalutazzjoni u l-gwida korrispondenti għat-twettiq tal-valutazzjoni u għall-interpretazzjoni tar-riżultati tal-valutazzjoni).

2.   Approċċ tekniku

Dan il-proġett għandu l-għan li jiżviluppa Sistemi ta' Validazzjoni tal-Ġestjoni tal-Armi u l-Munizzjon (AAMVS) fl-istrutturi organizzazzjonali reġjonali eżistenti. Kull Sistema ser tiffunzjona b'mod indipendenti u ser tibni fuq l-għodod u l-gwida metodoloġika żviluppati matul l-implimentazzjoni tad-Deċiżjoni tal-Kunsill (PESK) 2021/2075. L-għodda tinkludi metodoloġija standardizzata ta' awtovalutazzjoni mfassla għall-kuntest u l-istandards tar-reġjun, proċess maqbul ta' validazzjoni jew ta' punteġġ li jista' juża l-għarfien espert mir-reġjun biex janalizza r-riżultati tal-awtovalutazzjoni, pjattaforma ta' kondiviżjoni tal-informazzjoni sabiex tiffaċilita t-trasferiment ta' ċerta informazzjoni lil awtoritajiet rikjedenti awtorizzati, u qafas żgħir ta' governanza sabiex iżomm is-sostenibbiltà tas-sistema.

Bl-implimentazzjoni ta' dan il-proġett, l-UE tfassal, tiżviluppa, tittestja, u timplimenta l-ewwel sistema AAMVS reġjonali. L-AAMVS tal-UE sservi ta' pjattaforma għall-Istati Membri biex jikkondividu u jaċċessaw, f'format standardizzat, l-informazzjoni dwar il-prattiki tal-ġestjoni tal-armi u l-munizzjon abbażi tal-awtovalutazzjonijiet imwettqa minn utenti aħħarin f'pajjiżi terzi. L-UE tikkontribwixxi b'mod attiv għat-tfassil tal-elementi kollha tas-sistema, billi tuża network ta' esperti fl-UE u fl-Istati Membri tal-UE sabiex jagħtu pariri dwar l-oqsma kollha tad-disinn. Il-GICHD ser ikun responsabbli li jiffaċilita d-diskussjonijiet man-network u l-implimentazzjoni tad-disinn.

L-AAMVS tal-UE ssaħħaħ il-kapaċità tal-Grupp ta' Ħidma dwar in-Nonproliferazzjoni u l-Esportazzjoni tal-Armi (sottogrupp COARM), l-awtoritajiet għall-kontroll tal-esportazzjoni tal-Istati Membri u l-Faċilità Ewropea għall-Paċi (EPF) li janalizzaw ir-riskji ta' devjazzjoni wara t-twassil u ta' splużjoni aċċidentali assoċjati mas-sistemi tal-ġestjoni tal-armi u tal-munizzjon ta' utent aħħari. Din l-informazzjoni tappoġġa l-valutazzjonijiet tagħhom tar-riskju ta' devjazzjoni mwettqa qabel l-awtorizzazzjoni tal-liċenzja. L-awtovalutazzjoni tal-AAMVS tista' wkoll tappoġġa l-Grupp ta' Ħidma dwar in-Nonproliferazzjoni u l-Esportazzjoni tal-Armi (sottogrupp CONOP) u l-proċessi ta' assistenza internazzjonali u ta' tisħiħ tal-kapaċitajiet implimentati mill-Istati Membri tal-UE billi tagħti valutazzjoni standardizzata tal-aderenza tal-qafas għall-ġestjoni tal-armi u l-munizzjon ma' prattiki tajba internazzjonali. Dan jappoġġa l-identifikazzjoni tad-dgħufijiet u l-ħtiġijiet, u b'hekk jidderieġi l-isforzi tat-tisħiħ tal-kapaċitajiet lejn fejn ir-riżorsi huma l-aktar meħtieġa.

Dan il-proġett ser jissensibilizza wkoll sottoreġjuni oħra għall-AAMVS u għall-benefiċċji tal-iżvilupp ta' approċċ standardizzat għall-valutazzjoni u l-kondiviżjoni ta' informazzjoni dwar prattiki ta' ġestjoni tal-armi u l-munizzjon. Din is-sensibilizzazzjoni għandha l-għan li tħeġġeġ organizzazzjonijiet reġjonali oħra jiżviluppaw sistemi AAMVS imfassla apposta u li tappoġġa l-użu tal-għodda ta' awtovalutazzjoni. Dan l-isforz ser jibni fuq l-isforzi mwettqa matul l-implimentazzjoni tad-Deċiżjonijiet tal-Kunsill (PESK) 2020/979 u (PESK) 2021/2075. Jekk, matul is-sensibilizzazzjoni, organizzazzjoni reġjonali titlob appoġġ fl-iżvilupp ta' AAMVS, il-proġett jista' jdawwar riżorsi lejn dak l-isforz biex jappoġġah.

3.   Objettivi ġenerali

L-għan ewlieni ta' dan il-proġett huwa li jiġu appoġġati l-isforzi sabiex tiġi żgurata l-ġestjoni sikura u sigura tas-SALW u l-munizzjon billi jitjiebu l-proċessi għat-teħid tad-deċiżjonijiet tal-partijiet ikkonċernati li jaħdmu fil-kontroll tal-esportazzjoni u fil-kooperazzjoni u l-assistenza internazzjonali.

Dan l-għan ser jintlaħaq billi tiżdied it-trasparenza tal-prattiki tal-ġestjoni tas-SALW u l-munizzjon implimentati mill-utenti aħħarin f'pajjiż terz. B'aktar għarfien ta' dawn il-prattiki, il-partijiet ikkonċernati ser ikunu jistgħu jieħdu deċiżjonijiet aħjar rigward l-awtorizzazzjoni tat-trasferimenti u l-inizjattivi għat-tisħiħ tal-kapaċitajiet.

Sabiex jintlaħaq dan l-għan, il-ħidma tal-proġett ser issir b'żewġ objettivi ewlenin:

1)	Il-ħolqien ta' Sistema AAMVS operazzjonali.

2)	L-inkoraġġiment tal-isforzi tal-organizzazzjonijiet reġjonali u tal-Istati Membri tagħhom biex jiżviluppaw l-AAMVS tagħhom stess.

4.   Deskrizzjoni tal-attivitajiet

Objettiv 1: Il-ħolqien ta' Sistema AAMVS operazzjonali

Sena 1: Konsolidazzjoni tal-qafas tas-Sistema AAMVS

ATTIVITAJIET		EŻITI
Jiġi stabbilit network konsultattiv tal-UE magħmul minn partijiet ikkonċernati interessati li jistgħu jagħtu parir espert għal gwida sostantiva u operazzjonali dwar kwistjonijiet ta' politika u attivitajiet tal-UE. Dawn il-konsulenti ser jintalbu jikkontribwixxu fl-istadju tal-iżvilupp tal-AAMVS tal-UE sabiex jiġi żgurat li s-sistema hija tajba għall-finijiet tal-UE. It-Tim tal-Proġett tal-GICHD ser ikun responsabbli li jimplimenta l-pariri tagħhom. Ser isiru sforzi biex isiru arranġamenti għal diversi laqgħat wiċċ imb wiċċ matul is-sena. L-iskop tan-network konsultattiv huwa li jiżgura li l-partijiet ikkonċernati tal-UE jmexxu t-tfassil ta' sistema li tissodisfa l-ħtiġijiet u l-proċessi tal-ħidma tagħhom. Il-konsulenti ser jikkontribwixxu għad-definizzjoni tal-elementi tas-sistema li ġejjin: — l-abbozz ta' politika għall-operazzjonijiet tal-AAMVS u għas-sorveljanza u l-manutenzjoni tas-sistema; — l-eżami ta' kemm l-għodda ta' awtovalutazzjoni huma xierqa u adatti għall-ħtiġijiet; — id-determinazzjoni tal-entitajiet ix-xierqa biex iwettqu validazzjoni u sorveljanza tal-implimentazzjoni tal-AAMVS; — id-determinazzjoni ta' liema tip ta' kondiviżjoni ta' informazzjoni tista' titħalla issir fuq il-pjattaforma elettronika u bilateralment.		L-implimentazzjoni tal-għodod tal-UE mfassla apposta għall-kriterji tal-UE u vvalidati mill-UE.
		L-abbozzar ta' dokument qafas għas-sistema AAMVS tal-UE flimkien ma' strateġija ta' żvilupp.
Tiġi vvalidata l-awtovalutazzjoni u analiżi tal-validazzjoni. L-għodod ġeneriċi tal-awtovalutazzjoni żviluppati waqt l-implimentazzjoni tad-Deċiżjoni tal-Kunsill (PESK) 2021/2075 jeħtieġ li jiġu rieżaminati, imfassla, u vvalidati mill-esperti tekniċi tal-UE sabiex jiżguraw li huma tajbin għar-rekwiżiti tal-partijiet ikkonċernati tal-UE. Titwettaq validazzjoni teknika tal-għodod tal-awtovalutazzjoni approvati mill-esperti tematiċi (il-ġestjoni u l-kontroll tal-esportazzjoni tal-armi u l-munizzjon). Jiġu vvalutati r-rekwiżiti tad-disinn tal-web għall-ħolqien ta' pjattaforma għall-kondiviżjoni tal-informazzjoni. Abbażi tar-rakkomandazzjonijiet mill-konsulenti tal-UE, il-valutazzjoni ser tiddetermina r-rekwiżiti tal-ipprogrammar biex tinħoloq il-pjattaforma web mixtieqa.		Inklużjoni tan-noti u korrispondenza meħuda mill-komunikazzjonijiet man-network konsultattiv tal-UE.
		L-istabbiliment ta' pjan ta' żvilupp tal-pjattaforma web li jinkludi t-tfassil, l-iżvilupp, l-ittestjar u l-finalizzazzjoni.

Sena 2: Ittestjar ta' għodod u s-sistemi

ATTIVITAJIET		EŻITI
Jiġu ttestjati l-għodod ta' awtovalutazzjoni f'pajjiżi terzi. It-testijiet ser jikkonsistu fi tliet elementi: — appoġġ lill-pajjiżi terzi u kwalunkwe attur (intermedjarji, eċċ.) involut fl-isforzi tagħhom biex ilestu awtovalutazzjoni sodisfaċenti; — Valutazzjoni tal-isfidi tal-implimentazzjoni li jgħaddu minnhom l-atturi kollha involuti fit-tlestija tal-valutazzjoni u t-tħassib tagħhom dwar il-kondiviżjoni tal-informazzjoni; — abbozz ta' rapport ta' valutazzjoni li jenfasizza l-isfidi u t-tagħlimiet meħuda.		Rapport ta' valutazzjoni tal-prova ta' awtovalutazzjoni.
Titfassal, tiġi ttestjata u vvalidata pjattaforma web fuq l-ispeċifikazzjonijiet deskritti min-network konsultattiv tal-UE.		Materjali ta' taħriġ separati għat-twettiq tal-awtovalutazzjoni u l-validazzjoni.
Isir abbozz ta' materjal ta' taħriġ u ta' proċeduri operattivi biex jappoġġaw l-isforzi għat-tlestija tal-awtovalutazzjoni, jistandardizzaw il-proċess ta' valutazzjoni u jiggwidaw il-mekkaniżmu ta' sorveljanza tas-sistema.		Politiki u proċeduri operattivi abbozzati għat-twettiq tal-validazzjoni u għall-mekkaniżmu ta' sorveljanza tas-sistema.
Isir abbozz ta' dokumenti ta' politika għall-operazzjoni u s-sorveljanza tal-AAMVS.		Pjattaforma web għall-kondiviżjoni tal-informazzjoni tal-AAMVS.
In-network konsultattiv tal-UE jiġi aġġornat dwar l-istatus tal-implimentazzjoni u jiddiskuti l-isfidi u l-kwistjonijiet li jinqalgħu.		Noti għall-konsulenti tal-UE.

Objettiv 2: L-inkoraġġiment ta' organizzazzjonijiet oħra biex jiżviluppaw l-AAMVS reġjonali tagħhom stess.

Sena 1: Introduzzjoni tal-AAMVS għal żewġ organizzazzjonijiet reġjonali; ikompli l-eżami tar-rabtiet ma' strumenti internazzjonali

ATTIVITAJIET		EŻITI
Isiru kuntatti ma' żewġ organizzazzjonijiet reġjonali u l-Istati Membri tagħhom sabiex jiġi promoss il-kunċett ta' AAMVS reġjonali. Dawn ser jikkonsistu minn massimu ta' tliet żjarat fir-reġjun. L-ewwel laqgħa mal-organizzazzjoni reġjonali ser tintuża biex tħeġġeġ l-iżvilupp ta' AAMVS reġjonali u, jekk mixtieq, tagħti bidu għall-ippjanar tal-passi li jmiss. It-tieni laqgħa tkun tinkludi l-Istati Membri kollha u sservi bħala introduzzjoni għas-sistema u l-benefiċċji. Il-laqgħat ta' segwitu huma mistennija jkomplu jħeġġu u jippjanaw il-ħolqien ta' AAMVS reġjonali.		Sensibilizzazzjoni tal-organizzazzjonijiet reġjonali u tal-Istati Membri tagħhom dwar is-sistema AAMVS tal-UE u l-benefiċċji li joħolqu waħda għalihom stess.
Parteċipazzjoni f'laqgħat ta' strumenti reġjonali u internazzjonali dwar il-kontroll tal-armi. Dan jista' jinkludi avvenimenti li jsiru fil-marġini jew avvenimenti oħra għall-promozzjoni tal-AAMVS u l-iżvilupp tal-AAMVS tal-UE.

Sena 2 u 3: L-AAMVS tiġi introdotta għal żewġ organizzazzjonijiet reġjonali fis-sena, tkompli l-promozzjoni internazzjonali

Nota: fis-Sena 2 u 3, il-pjan tal-proġett għandu varjazzjoni waħda li tiddependi mill-eżitu tal-isforzi tas-sena ta' qabel għall-promozzjoni tal-AAMVS reġjonali. Il-pjan oriġinali huwa li jsiru żewġ attivitajiet ta' kuntatti reġjonali fis-sena skont il-format deskritt fis-Sena 1. Madankollu, jekk organizzazzjoni reġjonali tikkonferma x-xewqa li timplimenta l-AAMVS, allura l-AMAT ser jitlob il-permess mill-UE biex jgħaddi parti mir-riżorsi lejn l-iżvilupp tal-AAMVS fir-reġjun li jkun qed jitlob is-sistema. Dan jirriżulta fi tnaqqis fl-għadd ta' organizzazzjonijiet reġjonali involuti kull sena, iżda potenzjalment żieda fl-għadd ta' stati li jużaw u jibbenefikaw mill-qafas tal-AAMVS.

5.   Aġenzija tal-implimentazzjoni teknika

Iċ-Ċentru Internazzjonali ta' Ġinevra għat-Tneħħija ta' Mini għal Skopijiet Umanitarji (GICHD), permezz tal-aġenzija speċjalizzata tiegħu AMAT, ser imexxi l-implimentazzjoni tal-proġett. Speċifikament, l-AMAT ser ikun fuq quddiem fit-tmexxija u l-implimentazzjoni tal-attivitajiet kollha ta' dan il-proġett u ser ikun responsabbli għall-baġit u għar-rappurtar. Bl-istess mod, l-AMAT ser ikun responsabbli għall-ġestjoni u l-implimentazzjoni tal-azzjonijiet skont id-Deċiżjonijiet tal-Kunsill (PESK) 2020/979 u (PESK) 2021/2075.

L-AMAT beħsiebu jinvolvi konsulenti esperti biex jappoġġaw aspetti differenti ta' dan il-proġett. B'mod partikolari, ser jinħatru esperti fl-oqsma tal-iżvilupp tal-web, fil-valutazzjoni tal-konformità u fil-ġestjoni tas-SALW biex jappoġġaw l-implimentazzjoni ta' aspetti mill-proġett. Dawn il-konsulenti ser jintgħażlu permezz ta' proċess ta' reklutaġġ awtorizzat.

6.   Rilevanza

Dan il-proġett, inkluż il-objettivi, l-attivitajiet u l-eżiti tiegħu, huwa allinjat ma' bosta strateġiji u ftehimiet politiċi tal-Unjoni Ewropea.

L-Istrateġija tal-2018 tal-UE kontra l-Armi tan-Nar, Armi Ħfief u ta' Kalibru Żgħir Illeċiti u l-Munizzjon Tagħhom (l-Istrateġija dwar is-SALW)

L-għan tal-Istrateġija dwar is-SALW tal-2018 huwa "li tiggwida azzjoni Ewropea integrata, kollettiva u kkoordinata biex tipprevjeni u trażżan l-akkwist ta' SALW illeċiti u l-munizzjon tagħhom…, u li tippromwovi l-obbligu ta' rendikont u r-responsabbiltà fir-rigward tal-kummerċ fl-armi legali". (2) L-Istrateġija dwar is-SALW tal-2018 tipprevedi azzjonijiet speċifiċi dwar il-ġestjoni tal-ħażniet u timpenja lill-UE biex tappoġġa l-kooperazzjoni u l-assistenza għall-implimentazzjoni tal-Programm ta' Azzjoni (PtA) tan-NU, inkluż il-ġestjoni tal-ħażniet; biex tippromwovi u timplimenta standards u prattiki tajba għall-immaniġġar tal-armi ħfief (ISACS [issa MOSAIC]) u tal-munizzjon (IATG).

AAMVS tal-UE tikkontribwixxi għall-isforzi tal-UE biex timplimenta l-Istrateġija dwar is-SALW tal-2018:

—	Il-prevenzjoni tad-devjazzjoni u l-promozzjoni tal-irfigħ tar-responsabbiltà fil-kummerċ legali tas-SALW huma objettiv iddikjarat tal-AAMVS. L-AAMVS tal-UE tista' tappoġġa l-valutazzjonijiet tar-riskju ta' devjazzjoni mwettqa qabel l-awtorizzazzjonijiet tal-liċenzji tal-esportazzjoni.

—	L-AAMVS tal-UE tista' tappoġġa l-kooperazzjoni u l-assistenza fil-qasam tal-ġestjoni tal-ħażniet billi tidentifika d-dgħufijiet fis-sistema tal-ġestjoni u billi sservi ta' għodda ta' monitoraġġ għall-intraċċar ta' tibdil jew titjib fil-prattika.

—	Il-metodoloġija ta' awtovalutazzjoni tippromwovi l-implimentazzjoni tal-MOSAIC u l-IATG bħala l-istandards użati għall-valutazzjoni tal-konformità.

Il-Pjan ta' Azzjoni tal-UE għall-2020-2025 dwar it-Traffikar tal-Armi tan-Nar

Il-pjan ta' azzjoni tal-UE għall-2020-2025 dwar it-traffikar tal-armi tan-nar sabiex jindirizza t-traffikar illeċitu fl-UE u fis-sħab tax-Xlokk tal-Ewropa (il-Balkani tal-Punent, il-Moldova u l-Ukrajna) jirrikonoxxi l-ħtieġa li tiżdied is-sigurtà tal-ħażniet fix-Xlokk tal-Ewropa u jappoġġa lir-reġjun tal-Balkani tal-Punent. (3) Il-pjan direzzjonali jipprevedi wkoll żieda fis-sigurtà tal-ġestjoni tal-ħażniet, il-progress fir-regolamenti u l-monitoraġġ tal-konformità dovuta. (4) Barra minn hekk, l-Azzjoni 4.2 teżiġi l-inkoraġġiment ta' ġestjoni aħjar tal-ħażniet fir-reġjun tas-Saħel.

Għalkemm l-AAMVS tal-UE ma tiffukax fuq l-aspett reġjonali, tista' tappoġġa sforzi biex jiġu identifikati dgħufijiet strutturali fil-prattiki tal-ġestjoni tal-ħażniet minn utent aħħari. Il-metodoloġija tal-awtovalutazzjoni hija partikolarment adattata biex jiġu identifikati n-nuqqasijiet fir-regolamenti tas-sigurtà.

Il-Pożizzjoni Komuni tal-UE tal-2008 dwar l-Esportazzjoni tal-Armi (Pożizzjoni Komuni tal-UE) u l-Gwida fakultattiva għall-Utent għall-Pożizzjoni Komuni (5)

Il-Pożizzjoni Komuni tal-UE fiha tmien kriterji li jiddeskrivu erba' settijiet ta' riskji li l-Istati Membri huma meħtieġa jittrattaw bħala raġunijiet għaċ-ċaħda ta' liċenzja tal-esportazzjoni u erba' settijiet ta' fatturi li l-istati huma meħtieġa "jikkunsidraw" meta jivvalutaw applikazzjoni għal liċenzja tal-esportazzjoni. Is-Seba' Kriterju jirreferi għall-"eżistenza ta' riskju li t-teknoloġija jew it-tagħmir militari jiġi ddevjat fl-istess pajjiż xerrej jew jiġi esportat mill-ġdid taħt kondizzjonijiet mhux mixtieqa" bħala fattur wieħed li l-esportatur għandu jqis. Il-Pożizzjoni Komuni żżid li l-esportatur, meta jivvaluta r-riskju ta' devjazzjoni, għandu jqis "il-kapaċità tal-pajjiż destinatarju li japplika kontrolli effettivi fuq l-esportazzjoni".

Il-Gwida għall-Utenti tal-Pożizzjoni Komuni tal-UE—li tipprevedi aktar struzzjonijiet, li madankollu mhumiex vinkolanti, dwar kif għandhom jiġu implimentati d-dispożizzjonijiet ta' dan id-dokument—tistieden lill-esportaturi jqisu jekk fil-pajjiż destinatarju (a) "il-ġestjoni u s-sigurtà tal-ħażniet" tkunx "ta' standard suffiċjenti" (inkluż MOSAIC u IATG); u (b) jekk kienx hemm "każijiet magħrufa ta' problemi ta' ħażniet li jonqsu". (6)

Il-Gwida għall-Utent tirreferi għall-importanza ta' ġestjoni effikaċi tas-sigurtà u tal-ħażniet mhux biss fir-rigward tal-implimentazzjoni tal-kriterju 7 u tal-valutazzjoni tar-riskju ta' devjazzjoni, iżda wkoll fir-rigward tal-applikazzjoni tal-kriterji 1 u 2 tal-Pożizzjoni Komuni tal-UE li, rispettivament, jkopru l-issodisfar ta' obbligi internazzjonali u r-rispett tad-drittijiet tal-bniedem u tad-dritt umanitarju internazzjonali. B'mod partikolari, il-Gwida tqis li l-aderenza għall-istandards previsti mill-PtA tan-NU, inkluż dawk li jkopru l-ġestjoni tal-ħażniet, rilevanti għall-valutazzjoni tar-rispett tad-destinatarji għall-obbligi internazzjonali skont il-kriterju 1. (7) Barra minn hekk, il-Gwida tirreferi għall-preżenza ta' "proċeduri adegwati għall-ġestjoni u s-sigurtà ta' ħażna, inkluż għal eċċess ta' armi u munizzjon" u għall-preżenza ta' problema f'termini ta' "serq u t-telf mill-ħażna" fil-pajjiż iddikjarat tal-utent aħħari, bħala elementi li għandhom jitqiesu għall-valutazzjoni tal-preżenza ta' riskju li l-armi esportati jistgħu jintużaw bi ksur tad-drittijiet tal-bniedem jew tad-dritt umanitarju internazzjonali skont il-kriterju 2. (8)

Il-Pożizzjoni Komuni tal-UE u l-Gwida għall-Utent jipprevedu wkoll gwida rilevanti għall-kondiviżjoni tal-informazzjoni, li hija komponent importanti tal-AAMVS. L-Artikolu 4 tal-Pożizzjoni Komuni tal-UE jirrikjedi li l-Istati Membri jiskambjaw l-informazzjoni dwar iċ-ċaħdiet ta' liċenzji tal-esportazzjoni u li jikkonsultaw bejniethom meta jqisu l-approvazzjoni ta' liċenzja li kienet "essenzjalment identika" għal waħda miċħuda qabel minn Stat Membru ieħor. Din id-dispożizzjoni hija msaħħa aktar bl-Artikolu 7 tal-Pożizzjoni Komuni tal-UE li jirrikjedi li l-Istati Membri "jirrinfurzaw il-kooperazzjoni tagħhom u ... jippromwovu l-konverġenza tagħhom" fil-qasam tal-kontrolli tal-esportazzjoni tal-armi billi "jiskambjaw informazzjoni rilevanti" mhux biss dwar iċ-ċaħdiet iżda wkoll dwar il-politiki tal-esportazzjoni tal-armi. Il-Gwida għall-Utent tħeġġeġ lill-Istati Membri biex jiskambjaw informazzjoni fil-Grupp ta' Ħidma dwar in-Nonproliferazzjoni u l-Esportazzjoni tal-Armi (COARM) u anke permezz "tas-sistema online [tal-]COARM jew, jekk il-klassifikazzjoni 'Ristretta' titqies xierqa, permezz ta' messaġġi tal-COREU". L-iskambju ta' informazzjoni għandu jkopri wkoll informazzjoni li tista' tkun utli għal Stati Membri oħra sabiex jipprevjenu r-riskju tad-devjazzjoni. (9)

Il-Pożizzjoni Komuni tal-UE tipprevedi rabtiet ċari bejn politika stabbilita u l-AAMVS. Ir-rabta ġiet stabbilita fid-Deċiżjoni tal-Kunsill (PESK) 2020/979 u l-AAMVS tal-UE tfasslet speċifikament biex tappoġġa lill-awtoritajiet tal-kontroll tal-esportazzjoni meta japplikaw il-kriterju 7 tal-Pożizzjoni Komuni tal-UE billi sservi ta' għodda teknika li tista' tagħti analiżi tal-miżuri ta' sikurezza u ta' sigurtà implimentati minn stat importatur potenzjali. Il-metodoloġija użata hija konsistenti mal-gwida mogħtija fil-Gwida għall-Utent biex l-istandard jiġi vvalutat skont prattika tajba eżistenti aċċettata internazzjonalment. L-Artikolu 4 tal-Pożizzjoni Komuni jistabbilixxi wkoll ġustifikazzjoni politika għall-komponent tal-kondiviżjoni tal-informazzjoni tal-AAMVS tal-UE.

Deċiżjoni tal-Kunsill (PESK) 2021/38 tal-15 ta' Jannar 2021 li tistabbilixxi approċċ komuni dwar l-elementi taċ-ċertifikati tal-utenti aħħarin fil-kuntest tal-esportazzjoni ta' armi ħfief u ta' kalibru żgħir u l-munizzjon tagħhom

Id-Deċiżjoni tal-Kunsill 2021/38/PESK tistabbilixxi approċċ komuni dwar l-elementi taċ-ċertifikati tal-utenti aħħarin (EUC) fil-kuntest tal-esportazzjoni ta' armi ħfief u ta' kalibru żgħir u l-munizzjon tagħhom. (10) Id-Deċiżjoni tinkludi żewġ "elementi fakultattivi" għall-kunsiderazzjoni tal-istati li huma direttament rilevanti għall-AAMVS: (c) tkun permessa verifika fuq il-post mill-istat esportatur wara l-konsenja; (d) jingħataw assigurazzjonijiet li juru l-kapaċità tal-utent aħħari "għall-ġestjoni sikura u sigura tal-armi u l-munizzjon, inkluż il-kapaċità tiegħu għall-ġestjoni sikura u sigura tal-ħażniet" fejn ser jinħażnu l-oġġetti.

L-AAMVS tista' tinkludi metodoloġija ta' verifika wara t-twassil sabiex tappoġġa l-verifika fuq il-post tal-asserzjonijiet magħmula fl-awtovalutazzjoni. Din għandha tagħti livell saħansitra ogħla ta' assigurazzjoni.

7.   Strateġija ta' komunikazzjoni u viżibbiltà

L-AMAT ser ikun meħtieġ jieħu l-miżuri xierqa kollha biex jippubbliċizza li dan il-proġett ġie ffinanzjat mill-UE f'konformità mar-Rekwiżiti ta' Komunikazzjoni u ta' Viżibbiltà għall-Azzjoni Esterna tal-UE tal-2018, ippubblikati mill-Kummissjoni Ewropea. L-appoġġ tal-Unjoni Ewropea ser jiġi rikonoxxut ukoll fl-istediniet u f'dokumenti oħra li jiġu kondiviżi mal-parteċipanti fid-diversi avvenimenti. L-AMAT ser jiżgura li l-UE tkun rappreżentata f'avvenimenti, fejn ikun possibbli, li huma appoġġati skont din id-Deċiżjoni.

B'mod speċifiku, l-UE ser tkun rikonoxxuta bħala l-mexxej tal-proġett fl-avvenimenti reġjonali u internazzjonali kollha fejn l-AAMVS tkun ippreżentata. L-AAMVS tal-UE tista' sservi ta' motivazzjoni eċċellenti għal organizzazzjonijiet reġjonali oħra, u għalhekk l-AMAT ser iħeġġeġ u jappoġġa l-isforzi tal-UE għall-promozzjoni ta' din l-għodda f'kuntesti differenti ta' kontroll tal-armi. Ir-rappreżentanti tal-UE ser jiġu mistiedna jwasslu l-kummenti tagħhom u l-logo tal-UE għandu jidher fil-preżentazzjonijiet u r-reklami.

---

(1)  Abbozz ta' Dokument ta' Ħidma tal-Presidenza tas-CSP7: Strengthening efforts to eradicate the illicit trade in small arms and light weapons and ensure efficient stockpile management.

(2)  Kunsill tal-Unjoni Ewropea, Konklużjonijiet tal-Kunsill dwar l-Adozzjoni ta' Strateġija tal-UE kontra l-Armi tan-Nar, Armi Ħfief u ta' Kalibru Żgħir Illeċiti u l-Munizzjon Tagħhom, Brussell, 19 ta' Novembru 2018, 13581/18, <https://data.consilium.europa.eu/doc/document/ST-13581-2018-INIT/mt/pdf>.

(3)  Kummissjoni Ewropea, Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni: Pjan ta' Azzjoni 2020-2025 tal-UE dwar it-traffikar tal-armi tan-nar, (nota 30).

(4)  Ara l-Għan 7 tar-"Roadmap for a sustainable solution to the illegal possession, misuse and trafficking of Small Arms and Light Weapons (SALW)/firearms and their ammunition in the Western Balkans by 2024", Londra, 10 ta' Lulju 2018, <https://www.seesac.org/f/docs/publications-salw-control-roadmap/Regional-Roadmap-for-a-sustainable-solution-to-the.pdf>.

(5)  Pożizzjoni Komuni tal-Kunsill 2008/944/PESK tat-8 ta' Diċembru 2008 li tiddefinixxi regoli komuni li jirregolaw il-kontroll ta' esportazzjonijiet ta' teknoloġija u tagħmir militari, (nota 7).

(6)  Kunsill tal-Unjoni Ewropea, "Gwida għall-Utent għall-Pożizzjoni Komuni tal-Kunsill 2008/944/PESK (kif emendata bid-Deċiżjoni tal-Kunsill (PESK) 2019/1560), p. 129.

(7)  Kunsill tal-Unjoni Ewropea, "Gwida għall-Utent għall-Pożizzjoni Komuni tal-Kunsill 2008/944/PESK (kif emendata bid-Deċiżjoni tal-Kunsill (PESK) 2019/1560), p. 24.

(8)  Kunsill tal-Unjoni Ewropea, "Gwida għall-Utent għall-Pożizzjoni Komuni tal-Kunsill 2008/944/PESK (kif emendata bid-Deċiżjoni tal-Kunsill (PESK) 2019/1560), p. 58.

(9)  Kunsill tal-Unjoni Ewropea, "Gwida għall-Utent għall-Pożizzjoni Komuni tal-Kunsill 2008/944/PESK (kif emendata bid-Deċiżjoni tal-Kunsill (PESK) 2019/1560), p. 159.

(10)  Deċiżjoni tal-Kunsill (PESK) 2021/38 tal-15 ta' Jannar 2021 li tistabbilixxi approċċ komuni dwar l-elementi taċ-ċertifikati tal-utenti aħħarin fil-kuntest tal-esportazzjoni ta' armi ħfief u ta' kalibru żgħir u l-munizzjon tagħhom, Ġurnal Uffiċjali tal-Unjoni Ewropea, L14, 18.1.2021, p. 4, <https://eur-lex.europa.eu/legal-content/MT/TXT/PDF/?uri=CELEX:32021D0038&from=MT>.

Artikolu 1

Fid-Deċiżjoni (PESK) 2019/2009,l-Artikolu 5, il-paragrafu 2 huwa sostitwit b’dan li ġej:

Artikolu 2

Din id-Deċiżjoni għandha tidħol fis-seħħ fid-data tal-adozzjoni tagħha.

Artikolu 1

It-talba tar-Repubblika Taljana biex ma tapplikax il-punt 4.2.1.5.2, (b)(1) tal-Anness tar-Regolament (UE) Nru 1303/2014 għall-mina ta’ Miglionico hija aċċettata sakemm isir l-aġġornament jew it-tiġdid li jmiss tal-mina bil-kundizzjoni li tiġi applikata l-miżura alternattiva proposta mir-Repubblika Taljana.

Ir-Repubblika Taljana għandha tgħarraf minnufih lill-Kummissjoni f’każ li jkollha informazzjoni li tista’ tqajjem dubju b’mod raġonevoli dwar is-sejba li n-nuqqas ta’ applikazzjoni tal-punt 4.2.1.5.2, (b)(1) tal-Anness tar-Regolament (UE) Nru 1303/2014 ma jikkompromettix is-sikurezza tal-mina ta’ Miglionico.

Artikolu 2

Din id-Deċiżjoni hija indirizzata lir-Repubblika Taljana.

Artikolu 1

Definizzjonijiet

Għall-finijiet ta’ din id-Deċiżjoni, għandhom japplikaw id-definizzjonijiet fl-Artikolu 1 tad-Deċiżjoni (UE) 2015/2332 (BĊE/2015/43).

Artikolu 2

Approvazzjoni tal-volum ta’ muniti tal-euro li għandhom jinħarġu fl-2023

Il-BĊE b’dan japprova l-volum ta’ muniti tal-euro li għandhom jinħarġu mill-Istati Membri taż-żona tal-euro fl-2023 kif stabbilit fit-tabella li ġejja:

(EUR miljuni)
	Volum ta’ muniti tal-euro approvati għall-ħruġ fl-2023
	Muniti għaċ-ċirkolazzjoni	Muniti għall-kollezzjonisti (mhux intiżi għaċ-ċirkolazzjoni)	Volum ta’ ħruġ ta’ muniti
Il-Belġju	38,00	0,40	38,40
Il-Ġermanja	427,00	206,00	633,00
L-Estonja	15,30	0,29	15,59
L-Irlanda	32,60	0,50	33,10
Il-Greċja	125,50	0,62	126,12
Spanja	303,00	40,00	343,00
Franza	284,00	55,00	339,00
Il-Kroazja	316,34	0,43	316,77
L-Italja	257,00	4,55	261,55
Ċipru	6,00	0,01	6,01
Il-Latvja	10,00	0,20	10,20
Il-Litwanja	12,00	0,41	12,41
Il-Lussemburgu	13,20	0,26	13,46
Malta	8,00	0,50	8,50
In-Netherlands	49,00	1,00	50,00
L-Awstrija	81,00	175,51	256,51
Il-Portugall	71,50	2,00	73,50
Is-Slovenja	25,50	1,50	27,00
Is-Slovakkja	16,00	2,00	18,00
Il-Finlandja	10,00	5,00	15,00
Total	2 100,94	496,18	2 597,12

Artikolu 3

Dħul fis-seħħ

Din id-Deċiżjoni għandha tidħol fis-seħħ fil-jum meta tiġi nnotifikata lid-destinatarji.

Artikolu 4

Destinatarji

Din id-Deċiżjoni hija indirizzata lill-Istati Membri li l-munita tagħhom hija l-euro u l-Kroazja.