ISSN 1977-074X
Il-Ġurnal Uffiċjali
tal-Unjoni Ewropea
L 288
Edizzjoni bil-Malti
Leġiżlazzjoni
Volum 65
9 ta' Novembru 2022
|
ISSN 1977-074X |
||
|
Il-Ġurnal Uffiċjali tal-Unjoni Ewropea |
L 288 |
|
|
|
||
|
Edizzjoni bil-Malti |
Leġiżlazzjoni |
Volum 65 |
|
|
|
|
|
(1) Test b'rilevanza għaż-ŻEE. |
|
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
|
9.11.2022 |
MT |
Il-Ġurnal Uffiċjali tal-Unjoni Ewropea |
L 288/1 |
REGOLAMENT TA’ IMPLIMENTAZZJONI TAL-KUNSILL (UE) 2022/2179
tat-8 ta’ Novembru 2022
li jimplimenta r-Regolament (UE) 2017/1770 dwar miżuri restrittivi fid-dawl tas-sitwazzjoni fil-Mali
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) 2017/1770 tat-28 ta’ Settembru 2017 dwar miżuri restrittivi fid-dawl tas-sitwazzjoni fil-Mali (1), u b’mod partikolari l-Artikolu 12(5) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fit-28 ta’ Settembru 2017, il-Kunsill adotta r-Regolament (UE) 2017/1770. |
|
(2) |
Fil-5 ta’ Ottubru 2022, il-Kumitat tal-Kunsill tas-Sigurtà tan-Nazzjonijiet Uniti (“KSNU”) stabbilit skont ir-Riżoluzzjoni 2374 (2017) tal-KSNU aġġorna l-informazzjoni marbuta ma’ tliet individwi soġġetti għal miżuri restrittivi. |
|
(3) |
Għalhekk l-Anness I tar-Regolament (UE) 2017/1770 jenħtieġ li jiġi emendat skont dan, |
ADOTTA DAN IR-REGOLAMENT:
Artikolu 1
L-Anness I tar-Regolament (UE) 2017/1770 huwa emendat kif jinsab fl-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ Novembru 2022.
Għall-Kunsill
Il-President
Z. STANJURA
ANNESS
Fl-Anness I għar-Regolament (UE) 2017/1770 taħt l-intestatura "Lista ta' persuni fiżiċi jew ġuridiċi, entitajiet u korpi msemmija fl-Artikolu 2a", l-entrati 3, 4 u 5 huma sostitwiti b'dan li ġej:
"3 MAHRI SIDI AMAR BEN DAHA (magħruf ukoll bħala: a) Yoro Ould Daha b) Yoro Ould Daya c) Sidi Amar Ould Daha d) Yoro)
Deżinjazzjoni: Viċi kap tal-persunal tal-koordinazzjoni reġjonali tal-Mécanisme opérationnel de coordination (MOC) f'Gao
Data tat-twelid: 1 ta' Jannar 1978
Post tat-twelid: Djebock, il-Mali
Nazzjonalità: Maljan
Nru ta' identifikazzjoni nazzjonali: 11262/1547
Indirizz: Golf Rue 708 Door 345, Gao, Mali
Data tad-deżinjazzjoni min-NU: 10 ta' Lulju 2019 (emendata fid-19 ta' Diċ. 2019, l-14 ta' Jan. 2020, il-5 ta' Ott. 2022)
Informazzjoni oħra: Mahri Sidi Amar Ben Daha huwa mexxej tal-komunità Għarbija ta' Lehmar ta' Gao u l-kap tal-persunal militari tal-fergħa favur il-gvern tal-Mouvement Arabe de l'Azawad (MAA), assoċjat mal-koalizzjoni tal-Plateforme des mouvements du 14 juin 2014 d'Alger (Plateforme). Elenkat skont il-paragrafi 1 sa 3 tar-Riżoluzzjoni 2374 (2017) tal-Kunsill tas-Sigurtà (Projbizzjoni fuq Vjaġġar, Iffriżar tal-Assi). Allegatament miet fi Frar 2020.
Ritratt huwa disponibbli biex jiddaħħal fl-Avviż Speċjali ta' bejn l-INTERPOL u l-Kunsill tas-Sigurtà tan-NU. Link għas-sit web tal-Avviż Speċjali ta' bejn l-INTERPOL u l-Kunsill tas-Sigurtà tan-NU:
https://www.interpol.int/en/How-we-work/Notices/View-UN-Notices-Individuals
Informazzjoni oħra
Mahri Sidi Amar Ben Daha qed jiġi elenkat skont il-paragrafu 8(b) tar-riżoluzzjoni 2374 (2017) għal azzjonijiet meħuda li jostakolaw, jew li jostakolaw permezz ta' dewmien fit-tul, jew li jheddu l-implimentazzjoni tal-Ftehim.
Ben Daha kien uffiċjal għoli tal-pulizija Iżlamika li topera f'Gao meta l-Mouvement pour l'unité et le jihad en Afrique de l'Ouest (MUJAO) (QD.134) ikkontrolla l-belt minn Ġunju 2012 sa Jannar 2013. Ben Daha bħalissa hu viċi kap tal-persunal tal-koordinazzjoni reġjonali tal-Mécanisme opérationnel de coordination (MOC) f'Gao.
Fit-12 ta' Novembru 2018, il-Plateforme f'Bamako ddikjarat li ma tipparteċipax fil-konsultazzjonijiet reġjonali li jmiss, skedati li jsiru mit-13 sas-17 ta' Novembru skont il-pjan direzzjonali ta' Marzu 2018 maqbul mill-partijiet kollha għall-Ftehim ta' Paċi u Rikonċiljazzjoni f'Marzu 2018. L-għada, f'Gao, saret laqgħa ta' koordinazzjoni mill-kap tal-persunal militari tal-komponent ta' Ganda Koy tal-Coordination des mouvements et fronts patriotiques de résistance (CMFPR)-Plateforme, ma' rappreżentanti tal-MAA-Plateforme, biex iwaqqfu l-konsultazzjonijiet milli jsiru. L-imblokk ġie kkoordinat mat-tmexxija tal-Plateforme f'Bamako, il-MAA-Plateforme, kif ukoll mal-Membru Parlamentari Mohamed Ould Mataly.
Mill-14 sat-18 ta' Novembru 2018, għexieren ta' ġellieda tal-MAA-Plateforme flimkien ma' dawk tal-fazzjonijiet tas-CMFPR ostakolaw il-konsultazzjonijiet reġjonali. Fuq struzzjoni u bil-parteċipazzjoni ta' Ben Daha, mill-inqas sitt trakkijiet pick-up mill-Mouvement Arabe de l'Azawad (MAA-Plateforme) tqiegħdu quddiem is-sede tal-gvernatur ta' Gao u fil-viċinanzi tagħha. Fil-post ġew osservati wkoll żewġ vetturi MOC attribwiti lill-MAA-Plateforme.
Fis-17 ta' Novembru 2018, seħħ inċident bejn elementi armati li mblukkaw l-aċċess għas-sede tal-gvernatur u pattulja FAMa li kienet għaddejja miż-żona, iżda li ġie diffuż qabel ma seta' jeskala u jikkostitwixxi ksur tal-waqfien mill-ġlied. Fit-18 ta' Novembru 2018, total ta' tnax-il vettura u elementi armati neħħew l-imblukkar tas-sede tal-gvernatur wara l-aħħar ċiklu ta' negozjati mal-gvernatur ta' Gao.
Fit-30 ta' Novembru 2018, Ben Daha organizza laqgħa bejn l-Għarab f'Tinfanda biex jiddiskutu s-sigurtà u r-ristrutturazzjoni amministrattiva. Il-laqgħa kienet tinkludi wkoll l-individwu ssanzjonat Ahmoudou Ag Asriw (MLi.001) li Ben Daha jappoġġa u jiddefendi.
Għalhekk, billi effettivament waqqaf id-diskussjonijiet dwar dispożizzjonijiet ewlenin tal-Ftehim ta' Paċi u Rikonċiljazzjoni relatati mar-riforma tal-istruttura territorjali tat-Tramuntana tal-Mali, Ben Daha ostakola l-implimentazzjoni tal-Ftehim ta' Paċi u Rikonċiljazzjoni. Barra minn hekk, Ben Daha jappoġġa individwu identifikat bħala li jhedded l-implimentazzjoni tal-Ftehim permezz tal-involviment tiegħu fil-ksur tal-waqfien mill-ġlied u f'attività kriminali organizzata.
4. MOHAMED BEN AHMED MAHRI (magħruf ukoll bħala: a) Mohammed Rougi b) Mohamed Ould Ahmed Deya c) Mohamed Ould Mahri Ahmed Daya d) Mohamed Rougie e) Mohamed Rouggy f) Mohamed Rouji)
Data tat-twelid: 1 ta' Jannar 1979
Post tat-twelid: Tabankort, il-Mali
Nazzjonalità: Maljan
Passport nru: a) AA00272627 b) AA0263957 c) AA0344148, maħruġ fil-21 ta' Marzu 2019 (data ta' skadenza: 20 ta' Marzu 2024)
Indirizz: Bamako, il-Mali
Data tad-deżinjazzjoni min-NU: 10 ta' Lulju 2019 (emendata fid-19 ta' Diċ. 2019, l-14 ta' Jan. 2020, il-5 ta' Ott. 2022)
Informazzjoni oħra: Mohamed Ben Ahmed Mahri huwa negozjant mill-komunità Għarbija ta' Lehmar fir-reġjun ta' Gao li qabel ikkollabora mal-Mouvement pour l'unicité et le Jihad en Afrique de l'Ouest (MUJAO) (QDe.134). Elenkat skont il-paragrafi 1 sa 3 tar-Riżoluzzjoni 2374 (2017) tal-Kunsill tas-Sigurtà (Projbizzjoni fuq Vjaġġar, Iffriżar tal-Assi).
Ritratt huwa disponibbli biex jiddaħħal fl-Avviż Speċjali ta' bejn l-INTERPOL u l-Kunsill tas-Sigurtà tan-NU. Link għas-sit web tal-Avviż Speċjali ta' bejn l-INTERPOL u l-Kunsill tas-Sigurtà tan-NU:
https://www.interpol.int/en/How-we-work/Notices/View-UN-Notices-Individuals
Informazzjoni oħra
Mohamed Ben Ahmed Mahri qed jiġi elenkat skont il-paragrafi 8(c) tar-riżoluzzjoni 2374 (2017) talli aġixxa għal, jew f'isem, jew taħt id-direzzjoni ta', jew talli b'mod ieħor appoġġa jew iffinanzja, individwi u entitajiet identifikati fil-paragrafi 8(a) u (b) tar-riżoluzzjoni 2374 (2017), inkluż permezz tar-rikavat mill-kriminalità organizzata, inkluż il-produzzjoni u t-traffikar ta' drogi narkotiċi u l-prekursuri tagħhom li joriġinaw jew jgħaddu mill-Mali, it-traffikar ta' bnedmin u l-faċilitazzjoni ta' immigrazzjoni illegali, il-kuntrabandu u t-traffikar ta' armi kif ukoll it-traffikar ta' proprjetà kulturali.
Bejn Diċembru 2017 u April 2018, Mohamed Ben Ahmed Mahri kkmanda operazzjoni ta' traffikar ta' aktar minn 10 tunnellati ta' kannabis Marokkina, li nġarru fi trakkijiet għat-tkessiħ u għaddew mill-Mauritania, il-Mali, Burkina Faso u n-Niġer. Fil-lejl ta' bejn it-13 u l-14 ta' Ġunju 2018 ġiet ikkonfiskata kwart tal-kunsinna f'Niamey, filwaqt li grupp rivali kien allegatament seraq it-tliet kwarti li kien fadal matul il-lejl ta' bejn it-12 u t-13 ta' April 2018.
F'Diċembru 2017, Mohamed Ben Ahmed Mahri kien f'Niamey ma' ċittadin Maljan biex jipprepara l-operazzjoni. Dan tal-aħħar ġie arrestat f'Niamey wara li wasal bl-ajru mill-Marokk ma' żewġ ċittadini Marokkini u żewġ ċittadini Alġerini fil-15 u s-16 ta' April 2018 biex jipprova jirkupra l-kannabis misruqa. Tlieta mill-assoċjati tiegħu ġew ukoll arrestati, inkluż ċittadin Marokkin li ġie kkundannat fil-Marokk fl-2014 għal ħames xhur ħabs għat-traffikar tad-drogi.
Mohamed Ben Ahmed Mahri jikkmanda t-traffikar tar-raża tal-kannabis lejn in-Niġer direttament mit-Tramuntana tal-Mali, bl-użu ta' konvojs immexxija minn membri tal-Groupe d'autodéfense des Touaregs Imgħad et leurs allies (GATIA), inkluż l-individwu ssanzjonat Ahmoudou Ag Asriw (MLi.001). Mohamed Ben Ahmed Mahri jikkumpensa lil Asriw għall-użu ta' dawn il-konvojs. Dawn il-konvojs spiss joħolqu kunflitti ma' kompetituri assoċjati mal-Coordinament des Mouvements de l'Azawaad (CMA).
Bl-użu tal-gwadanni finanzjarji tiegħu mit-traffikar tan-narkotiċi, Mohamed Ben Ahmed Mahri jagħti l-appoġġ tiegħu lil gruppi armati terroristiċi, b'mod partikolari l-entità ssanzjonata Al-Mourabitoun (QD.141), billi jipprova jxaħħam lill-uffiċjali biex jeħilsu lill-ġellieda arrestati u jiffaċilita lill-ġellieda jintegraw fil-Mouvement Arabe pour l'Azawad (MAA) Plateforme.
Għalhekk, permezz tad-dħul mill-kriminalità organizzata, Mohamed Ben Ahmed Mahri jappoġġa individwu identifikat skont il-paragrafu 8(b) tar-riżoluzzjoni 2374 (2017) bħala li jhedded l-implimentazzjoni tal-Ftehim dwar il-Paċi u r-Rikonċiljazzjoni fil-Mali, flimkien ma' grupp terroristiku ddeżinjat skont ir-riżoluzzjoni 1267.
5. MOHAMED OULD MATALY
Deżinjazzjoni: Membru Parlamentari
Data tat-twelid: 1958
Nazzjonalità: Maljan
Passaport nru: a) D9011156, b) AA0260156, maħruġ fit-3 ta' Awwissu 2018 (data ta' skadenza: 2 ta' Awwissu 2023)
Indirizz: a) Golf Rue 708 Door 345, Gao, Mali b) Almoustarat, Gao, Mali
Data tad-deżinjazzjoni min-NU: 10 ta' Lulju 2019 (emendata fid-19 ta' Diċ. 2019, l-14 ta' Jan. 2020, il-5 ta' Ott. 2022)
Informazzjoni oħra: Mohamed Ould Mataly huwa dak li qabel kien is-Sindku ta' Bourem u Membru Parlamentari attwali għall-kostitwenza ta' Bourem, parti mir-Rassamblement pour le Mali (RPM, il-partit politiku tal-President Ibrahim Boubacar Keita). Huwa ġej mill-komunità Għarbija ta' Lehmar u huwa membru influwenti tal-fergħa favur il-gvern tal-Mouvement Arabe de l'Azawaad (MAA), assoċjat mal-koalizzjoni tal-Plateforme des mouvements du 14 juin 2014 d'Alger (Plateforme). Elenkat skont il-paragrafi 1 sa 3 tar-Riżoluzzjoni 2374 (2017) tal-Kunsill tas-Sigurtà (Projbizzjoni fuq Vjaġġar, Iffriżar tal-Assi).
Ritratt huwa disponibbli biex jiddaħħal fl-Avviż Speċjali ta' bejn l-INTERPOL u l-Kunsill tas-Sigurtà tan-NU. Link għas-sit web tal-Avviż Speċjali ta' bejn l-INTERPOL u l-Kunsill tas-Sigurtà tan-NU:
https://www.interpol.int/en/How-we-work/Notices/View-UN-Notices-Individuals
Informazzjoni oħra
Ahmed Ag Albachar qed jiġi elenkat skont il-paragrafi 8(b) tar-riżoluzzjoni 2374 (2017) għal azzjonijiet meħuda li jostakolaw, jew li jostakolaw permezz ta' dewmien fit-tul, jew li jheddu l-implimentazzjoni tal-Ftehim.
Fit-12 ta' Novembru 2018, il-Plateforme f'Bamako ddikjarat li ma tipparteċipax fil-konsultazzjonijiet reġjonali li jmiss, skedati li jsiru mit-13 sas-17 ta' Novembru skont il-pjan direzzjonali ta' Marzu 2018 maqbul mill-partijiet kollha għall-Ftehim ta' Paċi u Rikonċiljazzjoni f'Marzu 2018. L-għada, f'Gao, saret laqgħa ta' koordinazzjoni mill-kap tal-persunal militari tal-komponent ta' Ganda Koy tal-Coordination des mouvements et fronts patriotiques de résistance (CMFPR)-Plateforme, ma' rappreżentanti tal-MAA-Plateforme, biex iwaqqfu l-konsultazzjonijiet milli jsiru. L-imblokk ġie kkoordinat mat-tmexxija tal-Plateforme f'Bamako, il-MAA-Plateforme, kif ukoll mal-Membru Parlamentari Mohamed Ould Mataly.
L-assoċjat qrib tiegħu Mahri Sidi Amar Ben Daha, magħruf ukoll bħala Yuro Ould Daha, li jgħix fil-proprjetà tiegħu f'Gao, ipparteċipa fl-imblukkar tal-post tal-konsultazzjoni fl-uffiċċju tal-Gvernatur matul dan il-perijodu.
Barra minn hekk, fit-12 ta' Lulju 2016 Ould Mataly kien ukoll wieħed mill-instigaturi ta' dimostrazzjonijiet ostili għall-implimentazzjoni tal-Ftehim.
Għalhekk, billi effettivament waqqaf id-diskussjonijiet dwar dispożizzjonijiet ewlenin tal-Ftehim ta' Paċi u Rikonċiljazzjoni relatati mar-riforma tal-istruttura territorjali tat-Tramuntana tal-Mali, Ould Mataly ostakola u dewwem l-implimentazzjoni tal-Ftehim ta' Paċi u Rikonċiljazzjoni.
Fl-aħħar nett, Ould Mataly talab il-ħelsien ta' membri tal-komunità tiegħu maqbuda f'operazzjonijiet ta' kontra t-terroriżmu. Permezz tal-involviment tiegħu fil-kriminalità organizzata u l-assoċjazzjoni ma' gruppi terroristiċi armati, Mohamed Ould Mataly jhedded ls-implimentazzjoni tal-Ftehim."
|
9.11.2022 |
MT |
Il-Ġurnal Uffiċjali tal-Unjoni Ewropea |
L 288/5 |
REGOLAMENT TA’ IMPLIMENTAZZJONI TAL-KUNSILL (UE) 2022/2180
tat-8 ta’ Novembru 2022
li jimplimenta r-Regolament (UE) 2017/1509 dwar miżuri restrittivi kontra r-Repubblika Demokratika tal-Poplu tal-Korea
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) 2017/1509 tat-30 ta’ Awwissu 2017 dwar miżuri restrittivi kontra r-Repubblika Demokratika tal-Poplu tal-Korea u li jħassar ir-Regolament (KE) Nru 329/2007 (1), u b’mod partikolari l-Artikolu 47(5) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fit-30 ta’ Awwissu 2017, il-Kunsill adotta r-Regolament (UE) 2017/1509. |
|
(2) |
Fl-14 ta’ Settembru 2022, il-Kumitat tal-Kunsill tas-Sigurtà tan-Nazzjonijiet Uniti (KSNU), stabbilit skont ir-Riżoluzzjoni 1718 (2006) tal-KSNU aġġorna l-informazzjoni relatata ma’ żewġ entitajiet soġġetti għal miżuri restrittivi. |
|
(3) |
Ir-Regolament (UE) 2017/1509 jenħtieġ għalhekk li jiġi emendat skont dan, |
ADOTTA DAN IR-REGOLAMENT:
Artikolu 1
L-Anness XIII għar-Regolament (UE) 2017/1509 huwa emendat f’konformità mal-Anness għal dan ir-Regolament.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ Novembru 2022.
Għall-Kunsill
Il-President
Z. STANJURA
ANNESS
Fl-Anness XIII għar-Regolament (UE) 2017/1509, taħt l-intestatura “(b). Persuni ġuridiċi, entitajiet u korpi”, l-entrati 36 u 74 huma ssostitwiti b’dan li ġej:
|
|
Isem |
Magħruf ukoll bħala |
Lokalità |
Data tad-deżinjazzjoni min-NU |
Informazzjoni oħra |
|
“36. |
Singwang Economics and Trading General Corporation |
|
Indirizz: DPRK |
30.11.2016 |
Hija intrapriża tar-RDPK għall-kummerċ tal-faħam. Ir-RDPK tiġġenera sehem sinifikanti tal-flus għall-programmi nukleari u ta’ missili ballistiċi tagħha bl-estrazzjoni ta’ riżorsi naturali u l-bejgħ tagħhom barra mill-pajjiż. |
|
74. |
Weihai World-Shipping Freight |
|
Indirizz: 419-201, Tongyi Lu, Huancui Qu, Weihai, Shandong 264200, China; Numru tal-OMI: 5905801 |
30.3.2018 |
Maniġer kummerċjali u tal-vapur ta’ XIN GUANG HAI, bastiment li għabba faħam f’Taean, ir-RDPK fis-27 ta’ Ottubru 2017 u kellu bħala ħin stmat tal-wasla l-14 ta’ Novembru 2017 f’Cam Pha, il-Vjetnam, iżda ma wasalx.”. |
|
9.11.2022 |
MT |
Il-Ġurnal Uffiċjali tal-Unjoni Ewropea |
L 288/7 |
REGOLAMENT DELEGAT TAL-KUMMISSJONI (UE) 2022/2181
tad-29 ta’ Ġunju 2022
li jissupplimenta r-Regolament (UE) 2021/1139 tal-Parlament Ewropew u tal-Kunsill dwar il-Fond Ewropew għall-Affarijiet Marittimi, is-Sajd u l-Akkwakultura fir-rigward tad-dati tal-bidu u tat-tul tal-perjodi ta’ inammissibbiltà tal-applikazzjonijiet għall-appoġġ
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2021/1139 tal-Parlament Ewropew u tal-Kunsill tas-7 ta’ Lulju 2021 li jistabbilixxi l-Fond Ewropew għall-Affarijiet Marittimi, is-Sajd u l-Akkwakultura u li jemenda r-Regolament (UE) 2017/1004 (1), u b’mod partikolari l-Artikolu 11(4) tiegħu,
Billi:
|
(1) |
Applikazzjoni għall-appoġġ mill-Fond Ewropew għall-Affarijiet Marittimi, is-Sajd u l-Akkwakultura (il-FEMSA) li jissottometti operatur tkun inammissibbli għal perjodu ta’ żmien identifikat jekk l-awtorità kompetenti tkun iddeterminat li seħħew is-sitwazzjonijiet imsemmijin fl-Artikolu 11(1) u (3) tar-Regolament (UE) 2021/1139. |
|
(2) |
Sabiex tiġi żgurata n-natura kondizzjonali tal-appoġġ tal-FEMSA, jixraq li jiġu stabbiliti d-dispożizzjonijiet neċessarji li jiżguraw li l-operaturi li japplikaw għall-appoġġ mill-FEMSA jikkonformaw mal-kundizzjonijiet ta’ ammissibbiltà għall-appoġġ tal-FEMSA fir-rigward tal-bastimenti kollha tas-sajd taħt il-kontroll effettiv tagħhom. |
|
(3) |
L-Artikolu 11(4) tar-Regolament (UE) 2021/1139 jagħti s-setgħa lill-Kummissjoni tadotta l-atti delegati li jidentifikaw il-livell limitu għall-iskattar tal-inammissibbiltà, u l-perjodu tal-inammissibbiltà, li jenħtieġ li jkun proporzjonat man-natura, mal-gravità, mat-tul ta’ żmien u mar-repetizzjoni tal-infrazzjonijiet, tar-reati jew tal-frodi li jkunu twettqu, u jenħtieġ li jdum mill-inqas sena. Jenħtieġ li l-Kummissjoni tissorvelja r-regoli dwar l-inammissibbiltà tal-applikazzjonijiet għall-appoġġ stabbiliti f’dan l-att biex tiżgura li jkunu koperti s-sitwazzjonijiet kollha msemmija fl-Artikolu 11(1) u (3) tar-Regolament (UE) 2021/1139. |
|
(4) |
Għalhekk jeħtieġ li jiġu stabbiliti r-regoli dwar kif jiġi kkalkulat dan il-perjodu dwar kif jiġu identifikati d-dati rilevanti tal-bidu u tat-tmiem tal-perjodu ta’ inammissibbiltà, kif ukoll il-kundizzjonijiet biex dak il-perjodu jiżdied jew jitnaqqas. Jixraq ukoll li jiġu stabbiliti r-regoli għar-rieżami tal-perjodu ta’ inammissibbiltà f’każijiet meta l-operatur iwettaq ksur serju waqt il-perjodu ta’ inammissibbiltà. |
|
(5) |
Jeħtieġ ukoll skattar awtomatiku tal-inammissibbiltà għall-finanzjament mill-FEMSA fil-każ ta’ ċerti każijiet ta’ ksur serju li jagħmlu ħsara partikolari minħabba n-natura u s-serjetà tagħhom. |
|
(6) |
Jixraq ukoll li jiġu stabbiliti r-regoli għall-iskattar tal-inammissibbiltà u għall-kalkolu tat-tul tal-perjodu tal-inammissibbiltà f’każijiet meta operatur wieħed ikun is-sid jew ikollu l-kontroll ta’ aktar minn bastiment tas-sajd wieħed. Jenħtieġ li dawn ir-regoli jiżguraw li l-appoġġ tal-FEMSA għall-bastimenti l-oħrajn tal-operatur ma jkunx ta’ benefiċċju indirett għall-bastimenti tas-sajd li jkunu ntużaw biex jitwettaq ksur serju. |
|
(7) |
F’konformità mal-Artikolu 92(4) tar-Regolament tal-Kunsill (KE) Nru 1224/2009 (2), jekk ma jitwettaqx ksur serju ieħor fi żmien tliet snin mid-data tal-aħħar ksur serju, jenħtieġ li jitħassru l-punti kollha. Għaldaqstant, il-punti għall-ksur jibqgħu fuq il-liċenzja tal-operatur għal mill-inqas tliet snin. Biex żgur ikun hemm kontinwità mas-sistema fis-seħħ kif ukoll proporzjonalità u ċertezza ġuridika, jenħtieġ li jitqies biss il-ksur serju li jkun twettaq mill-1 ta’ Jannar 2013 f’konformità mal-Artikolu 92 tar-Regolament (KE) Nru 1224/2009 u li l-punti assenjati minħabba fih ma jkunux tħassru mil-liċenzja tal-operatur meta jiġi kkalkulat il-perjodu ta’ inammissibbiltà. |
|
(8) |
F’konformità mal-Artikolu 47 tar-Regolament tal-Kunsill (KE) Nru 1005/2008 (3), meta jitwettaq ksur serju għall-benefiċċju ta’ persuna ġuridika minn xi persuna fiżika li taġixxi waħedha jew bħala parti minn korp tal-persuna ġuridika, dik il-persuna ġuridika għandha tinżamm responsabbli. |
|
(9) |
Jenħtieġ li jiġu stabbiliti regoli biex jiġi żgurat it-trattament ġust tal-operaturi li jsiru sidien ġodda ta’ bastimenti tas-sajd wara li jkun sar bejgħ jew kull tip ieħor ta’ trasferiment tas-sjieda, filwaqt li fl-istess ħin ma tiġix imminata s-sistema tal-Unjoni għall-kontroll, l-ispezzjoni u l-infurzar stabbilita fir-Regolament (KE) Nru 1224/2009 dwar il-kontroll tas-sajd, li hija neċessarja biex jintlaħqu l-objettivi tal-PKS. Jekk liċenzja tas-sajd ta’ operatur tiġi rtirata b’mod permanenti minħabba l-frekwenza u l-gravità ta’ ksur li jitwettaq, jenħtieġ li jkun irrifjutat l-aċċess għall-appoġġ tal-FEMSA sa tmiem il-perjodu ta’ eliġibbiltà tan-nefqa għal kontribuzzjoni tal-FEMSA stabbilit fl-Artikolu 63(2) tar-Regolament (UE) 2021/1060 tal-Parlament Ewropew u tal-Kunsill (4), biex jitħarsu l-interessi finanzjarji tal-Unjoni u tal-kontribwenti tagħha. Jenħtieġ li din l-inammissibbiltà tapplika, anki jekk, skont il-metodu tal-kalkolu stabbilit f’dan ir-Regolament, il-perjodu ta’ inammissibbiltà jintemm qabel jintemm il-perjodu ta’ eliġibbiltà. |
|
(10) |
L-Artikolu 11(4) tar-Regolament (UE) 2021/1139 jagħti s-setgħa lill-Kummissjoni li tadotta atti delegati dwar l-arranġamenti għall-irkupru tal-għajnuna mogħtija jekk ikun hemm ksur serju jew reati ambjentali matul il-perjodu msemmi fl-Artikolu 11(2) ta’ dak ir-Regolament. Għalhekk huwa meħtieġ li jiġu stabbiliti arranġamenti għall-irkupru tal-għajnuna mogħtija. |
|
(11) |
Sabiex tkun żgurata l-applikazzjoni immedjata tal-miżuri previsti f’dan ir-Regolament u minħabba l-importanza li jiġi żgurat it-trattament armonizzat u ugwali tal-operaturi fl-Istati Membri kollha mill-bidu tal-perjodu ta’ programmazzjoni, jenħtieġ li dan ir-Regolament jidħol fis-seħħ fil-jum wara dak tal-pubblikazzjoni tiegħu u li japplika mill-ewwel jum tal-perjodu ta’ eliġibbiltà tan-nefqa għal kontribuzzjoni tal-FEMSA, jiġifieri l-1 ta’ Jannar 2021, Tali applikazzjoni retroattiva ma taffettwax il-prinċipju taċ-ċertezza ġuridika u tal-protezzjoni tal-aspettattivi leġittimi, |
ADOTTAT DAN IR-REGOLAMENT:
KAPITOLU I
DISPOŻIZZJONIJIET ĠENERALI
Artikolu 1
Suġġett u kamp ta’ applikazzjoni
Dan ir-Regolament japplika għall-applikazzjonijiet għall-appoġġ mill-Fond Ewropew għall-Affarijiet Marittimi, is-Sajd u l-Akkwakultura (il-FEMSA) u jispeċifika l-perjodu ta’ żmien li matulu tali applikazzjonijiet sottomessi minn operaturi li jkunu wettqu xi waħda mill-azzjonijiet imsemmija fl-Artikolu 11(1) jew fl-Artikolu 11(3) tar-Regolament (UE) 2021/1139 għandhom ikunu inammissibbli.
Artikolu 2
Definizzjoni
Għall-finijiet ta’ dan ir-Regolament għandhom japplikaw id-definizzjonijiet imsemmija fl-Artikolu 4 tar-Regolament (UE) Nru 1380/2013 tal-Parlament Ewropew u tal-Kunsill (5). Barra minn hekk, għandha tapplika d-definizzjoni ta’ hawn taħt:
“punti għall-ksur” tfisser il-punti assenjati lil operatur għal bastiment tas-sajd tal-Unjoni fil-kuntest tas-sistema ta’ punti għal ksur serju stabbilit fl-Artikolu 92 tar-Regolament (KE) Nru 1224/2009.
KAPITOLU II
IL-LIVELL LIMITU GĦALL-INAMMISSIBBILTÀ U T-TUL FIŻ-ŻMIEN TAGĦHA
Artikolu 3
Inammissibbiltà ta’ applikazzjonijiet sottomessi minn operaturi li jkunu wettqu ksur serju jew li jinżammu responsabbli ta’ ksur serju skont l-Artikolu 42(1) tar-Regolament tal-Kunsill (KE) Nru 1005/2008, jew l-Artikolu 90(1) tar-Regolament (KE) Nru 1224/2009
1. Applikazzjoni għall-appoġġ sottomessa minn operatur għandha tkun inammissibbli għal perjodu stabbilit skont l-Anness I meta l-awtorità kompetenti tkun iddeterminat f’deċiżjoni li l-operatur li jissottometti l-applikazzjoni jkun wettaq ksur serju, jew qed jinżamm responsabbli ta’ ksur serju skont l-Artikolu 42(1) tar-Regolament (KE) Nru 1005/2008, jew l-Artikolu 90(1) tar-Regolament (KE) Nru 1224/2009.
2. Bil-għan li tiġi skattata l-inammissibbiltà u li jiġi kkalkulat it-tul tal-perjodu ta’ inammissibbiltà, għandu jitqies biss il-ksur serju li jkun twettaq mill-1 ta’ Jannar 2013 u li ttieħdet deċiżjoni dwaru fit-tifsira tal-paragrafu 1.
3. Minkejja l-paragrafu 2, għall-finijiet tal-paragrafu 1 għandu jitqies biss ksur serju li l-punti li ngħataw minħabba fih ma jkunux tħassru skont l-Artikolu 92(4) tar-Regolament (KE) Nru 1224/2009.
4. Id-data tal-bidu tal-perjodu ta’ inammissibbiltà għandha tkun id-data tad-deċiżjoni meħuda mill-awtorità kompetenti fit-tifsira tal-paragrafu 1.
Artikolu 4
Inammissibbiltà tal-applikazzjonijiet sottomessi mill-operaturi li l-bastimenti tagħhom ikunu fil-lista tal-bastimenti IUU tal-Unjoni, jew li l-bastiment tagħhom itajjar il-bandiera ta’ pajjiż terz li ma jikkooperax
1. Applikazzjoni għall-appoġġ sottomessa minn operatur għandha tkun inammissibbli għal żmien stabbilit skont l-Anness II jekk l-awtorità kompetenti tkun iddeterminat f’deċiżjoni li:
|
(a) |
dak l-operatur kien involut fit-tħaddim, fil-ġestjoni jew fis-sjieda ta’ bastiment tas-sajd elenkat fil-lista tal-bastimenti IUU tal-Unjoni kif stabbilit fl-Artikolu 27 tar-Regolament (KE) Nru 1005/2008; |
|
(b) |
dak l-operatur kien involut fit-tħaddim, fil-ġestjoni jew fis-sjieda ta’ bastiment li jtajjar il-bandiera ta’ pajjiż elenkat fil-lista tal-pajjiżi terzi li ma jikkooperawx prevista fl-Artikolu 33 tar-Regolament (KE) Nru 1005/2008. |
2. Id-data tal-bidu tal-perjodu ta’ inammissibbiltà għandha tkun id-data tad-deċiżjoni meħuda mill-awtorità kompetenti fit-tifsira tal-paragrafu 1.
Artikolu 5
Inammissibbiltà tal-applikazzjonijiet sottomessi minn operaturi fis-settur tal-akkwakultura li jkunu wettqu jew li jinżammu responsabbli ta’ reati ambjentali
1. Jekk awtorità kompetenti tkun iddeterminat f’deċiżjoni li operatur ikun wettaq, jew jinżamm responsabbli li wettaq wieħed mir-reati stabbiliti fl-Artikolu 3 u fl-Artikolu 4 tad-Direttiva 2008/99/KE tal-Parlament Ewropew u tal-Kunsill (6), l-applikazzjonijiet għall-appoġġ mill-FEMSA li jkun ressaq dak l-operatur skont ir-Regolament (UE) 2021/1139, l-Artikolu 27, għandhom ikunu inammissibbli skont l-Anness III.
2. Id-data tal-bidu tal-perjodu ta’ inammissibbiltà għandha tkun id-data tad-deċiżjoni minn awtorità kompetenti li tiddetermina li jkun sar reat previst fl-Artikolu 3 jew fl-Artikolu 4 tad-Direttiva 2008/99/KE.
3. Għall-finijiet tal-iskattar tal-inammissibbiltà u tal-kalkolu tat-tul tal-perjodu tal-inammissibbiltà, għandhom jitqiesu biss ir-reati li jkunu twettqu wara l-1 ta’ Jannar 2013 u li dwarhom tkun ġiet adottata deċiżjoni skont it-tifsira tal-paragrafu 1.
Artikolu 6
Inammissibbiltà tal-applikazzjonijiet sottomessi mill-operaturi li jkunu wettqu frodi jew li jinżammu responsabbli ta’ frodi fil-kuntest tal-FEMS jew tal-FEMSA
1. Jekk awtorità kompetenti tiddetermina li operatur ikun wettaq frodi jew li jinżamm responsabbli ta’ frodi fil-kuntest tal-Fond Ewropew għall-Affarijiet Marittimi u s-Sajd (il-FEMS) jew fil-kuntest tal-Fond Ewropew għall-Affarijiet Marittimi, is-Sajd u l-Akkwakultura (il-FEMSA), l-applikazzjonijiet kollha għall-appoġġ mill-FEMSA li jissottometti dak l-operatur għandhom ikunu inammissibbli skont l-Anness IV.
2. Il-perjodu tal-inammissibbiltà għandu jibda mid-data tad-deċiżjoni finali li tiddetermina li tkun twettqet frodi skont kif iddefinit fl-Artikolu 3 tad-Direttiva (UE) 2017/1371 tal-Parlament Ewropew u tal-Kunsill (7).
KAPITOLU III
DISPOŻIZZJONIJIET KOMUNI
Artikolu 7
Determinazzjoni tal-livell limitu li jiskatta l-inammissibbiltà u tat-tul tal-inammissibbiltà
1. Jekk operatur ikun wettaq xi azzjonijiet imsemmija fl-Artikoli 3, 4, 5 u 6, jew jinżamm responsabbli tagħhom, l-Istat Membru kkonċernat għandu jiddetermina jekk ikunx intlaħaq il-livell limitu li jiskatta l-inammissibbiltà. L-Istat Membru għandu jagħmel dan skont il-kolonna (a) tal-Annessi I, II, III jew IV ta’ dan ir-Regolament.
2. Jekk l-Istat Membru kkonċernat ikun iddetermina, skont il-paragrafu 1, li l-livell limitu li jiskatta l-inammissibbiltà jkun intlaħaq, imbagħad għandu jiddetermina t-tul taż-żmien li jikkorrispondi mal-inammissabbiltà skont:
|
(a) |
il-kolonna (b) tal-Annessi I, II, III jew IV ta’ dan ir-Regolament; u |
|
(b) |
fejn japplika, il-kolonni (c) u (d) tal-Annessi I jew III ta’ dan ir-Regolament. |
Artikolu 8
Determinazzjoni tal-perjodu ta’ inammissibbiltà jekk l-operatur ikun is-sid jew ikollu l-kontroll ta’ aktar minn bastiment wieħed tas-sajd
1. Jekk operatur ikun is-sid, jew jikkontrolla iktar minn bastiment wieħed tas-sajd, il-perjodu ta’ inammissibbiltà ta’ applikazzjoni għall-appoġġ sottomessa minn dak l-operatur għandu jiġi ddeterminat separatament għal kull wieħed minn dawk il-bastimenti tas-sajd, f’konformità mal-Artikolu 3 jew mal-Artikolu 4.
2. Barra minn hekk, l-applikazzjonijiet għall-appoġġ sottomessi minn dak l-operatur għandhom ikunu inammissibbli wkoll:
|
(a) |
jekk l-applikazzjonijiet għal aktar minn nofs il-bastimenti tas-sajd li huma l-proprjetà ta’ dak l-operatur jew li huma kkontrollati minnu jkunu inammissibbli għall-appoġġ skont l-Artikolu 3 jew l-Artikolu 4, jew |
|
(b) |
meta l-punti għall-ksur ikunu ġew assenjati għal ksur serju skont l-Artikolu 42(1)(a) tar-Regolament (KE) Nru 1005/2008, jew skont l-Artikolu 90(1)(a) u (c) tar-Regolament (KE) Nru 1224/2009, jekk l-għadd medju ta’ punti għall-ksur assenjat għal kull bastiment tas-sajd imħaddem mill-operatur jew proprjetà tiegħu, ikun ta’ seba’ punti jew iktar. |
Artikolu 9
Trasferiment tas-sjieda
1. Fil-każ ta’ bejgħ jew trasferiment ta’ sjieda, jekk operatur ikun suġġett għal perjodu ta’ inammissibbiltà skont l-Artikoli 3, 4 u 6 minħabba ksur serju li jkun wettaq qabel il-bidla fis-sjieda, dan il-perjodu ta’ inammissibbiltà ma għandux jiġi ttrasferit għall-operatur il-ġdid.
2. B’deroga mill-paragrafu 1, meta, f’konformità mas-sistema tal-punti stabbilita mill-Artikolu 92 tar-Regolament (KE) Nru 1224/2009, jiġu assenjati l-punti għall-ksur serju skont l-Artikolu 42(1)(a) tar-Regolament (KE) Nru 1005/2008 jew l-Artikolu 90(1)(a) u (c) tar-Regolament (KE) Nru 1224/2009 qabel il-bidla fis-sjieda tal-bastiment tas-sajd, dawk il-punti għall-ksur għandhom jitqiesu għall-finijiet tal-iskattar tal-inammissibbiltà u tal-kalkolu tat-tul tal-perjodu ta’ inammissibbiltà tal-operatur il-ġdid skont l-Artikolu 3 u l-Artikolu 8(2) f’dawk il-każijiet biss meta, wara li tinbidel is-sjieda għal fuqu, dak l-operatur iwettaq ksur serju skont l-Artikolu 42(1)(a) tar-Regolament (KE) Nru 1005/2008 jew skont l-Artikolu 90(1)(a) u (c) tar-Regolament (KE) Nru 1224/2009.
Artikolu 10
Irtirar permanenti tal-liċenzja tas-sajd
L-applikazzjonijiet għall-appoġġ sottomessi minn operatur li l-liċenzja tas-sajd tiegħu tkun ġiet irtirata b’mod permanenti għal xi wieħed mill-bastimenti tas-sajd li jħaddem jew li huwa s-sid tiegħu, għandhom ikunu inammissibbli mid-data tal-irtirar tal-liċenzja tas-sajd sa tmiem il-perjodu ta’ eliġibbiltà tan-nefqa għal kontribuzzjoni tal-FEMSA msemmija fl-Artikolu 63(2) tar-Regolament (UE) 2021/1060, jekk dik il-liċenzja tas-sajd tkun ġiet irtirata:
|
(a) |
f’konformità mal-Artikolu 92(3) tar-Regolament (KE) Nru 1224/2009 u mal-Artikolu 129(2) tar-Regolament ta’ Implimentazzjoni tal-Kummissjoni (UE) Nru 404/2011 (8); jew, jekk japplika, |
|
(b) |
b’riżultat ta’ sanzjonijiet għal ksur serju imposti mill-Istati Membri f’konformità mal-Artikolu 45 tar-Regolament (KE) Nru 1005/2008. |
Artikolu 11
Arranġamenti għall-irkupru tal-għajnuna
1. Jekk isseħħ xi waħda mis-sitwazzjonijiet imsemmija fl-Artikolu 11(1) tar-Regolament (UE) 2021/1139 bejn id-data ta’ meta l-operatur ikun issottometta l-applikazzjoni u ħames snin wara l-pagament finali, l-appoġġ li jkun tħallas mill-FEMSA relatat ma’ dik l-applikazzjoni għandu jkun soġġett għal korrezzjoni finanzjarja mill-Istat Membru kkonċernat f’konformità mal-Artikolu 44 tar-Regolament (UE) 2021/1139 u mal-Artikolu 103(1) tar-Regolament (UE) 2021/1060.
2. L-ammont li jrid jiġi rkuprat għandu jkun proporzjonat man-natura, mal-gravità, mat-tul ta’ żmien u mar-repetizzjoni tas-sitwazzjonijiet imsemmijin fl-Artikolu 11(1) tar-Regolament (UE) 2021/1139.
Artikolu 12
Dispożizzjonijiet tranżizzjonali
Dan ir-Regolament ma għandux jaffettwa l-kontinwazzjoni jew il-modifika tal-perjodi ta’ inammissibbiltà tal-applikazzjonijiet għall-appoġġ tal-FEMS skont ir-Regolament ta’ Delega tal-Kummissjoni (UE) 2015/288 (9).
Artikolu 13
Dħul fis-seħħ
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Huwa għandu japplika mill-1 ta’ Jannar 2021.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-29 ta’ Ġunju 2022.
Għall-Kummissjoni
Il-President
Ursula VON DER LEYEN
(1) ĠU L 247, 13.7.2021, p. 1.
(2) Ir-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema tal-Unjoni ta’ kontroll għall-iżgurar tal-konformità mar-regoli tal-Politika Komuni tas-Sajd, li jemenda r-Regolamenti (KE) Nru 847/96, (KE) Nru 2371/2002, (KE) Nru 811/2004, (KE) Nru 768/2005, (KE) Nru 2115/2005, (KE) Nru 2166/2005, (KE) Nru 388/2006, (KE) Nru 509/2007, (KE) Nru 676/2007, (KE) Nru 1098/2007, (KE) Nru 1300/2008, (KE) Nru 1342/2008 u li jħassar ir-Regolamenti (KEE) Nru 2847/93, (KE) Nru 1627/94 u (KE) Nru 1966/2006 (ĠU L 343, 22.12.2009, p. 1).
(3) Ir-Regolament tal-Kunsill (KE) Nru 1005/2008 tad-29 ta’ Settembru 2008 li jistabbilixxi sistema Komunitarja sabiex tipprevjeni, tiskoraġġixxi u telimina sajd illegali, mhux irrappurtat u mhux irregolat, li jemenda r-Regolamenti (KEE) Nru 2847/93, (KE) Nru 1936/2001 u (KE) Nru 601/2004 u li jħassar ir-Regolamenti (KE) Nru 1093/94 u (KE) Nru 1447/1999 (ĠU L 286, 29.10.2008, p. 1).
(4) Ir-Regolament (UE) 2021/1060 tal-Parlament Ewropew u tal-Kunsill tal-24 ta’ Ġunju 2021 li jistipula dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond ta’ Koeżjoni, il-Fond għal Tranżizzjoni Ġusta u l-Fond Ewropew għall-Affarijiet Marittimi, is-Sajd u l-Akkwakultura u r-regoli finanzjarji għalihom u għall-Fond għall-Ażil, il-Migrazzjoni u l-Integrazzjoni, il-Fond għas-Sigurtà Interna u l-Istrument għall-Appoġġ Finanzjarju għall-Ġestjoni tal-Fruntieri u l-Politika dwar il-Viżi (ĠU L 231, 30.6.2021, p. 159).
(5) Ir-Regolament (UE) Nru 1380/2013 tal-Parlament Ewropew u tal-Kunsill tal-11 ta’ Diċembru 2013 dwar il-Politika Komuni tas-Sajd, li jemenda r-Regolamenti tal-Kunsill (KE) Nru 1954/2003 u (KE) Nru 1224/2009 u li jħassar ir-Regolamenti tal-Kunsill (KE) Nru 2371/2002 u (KE) Nru 639/2004 u d-Deċiżjoni tal-Kunsill 2004/585/KE (ĠU L 354, 28.12.2013, p. 22).
(6) Id-Direttiva 2008/99/KE tal-Parlament Ewropew u tal-Kunsill tad-19 ta’ Novembru 2008 dwar il-protezzjoni ta’ l-ambjent permezz tal-liġi kriminali (ĠU L 328, 6.12.2008, p. 28).
(7) Id-Direttiva (UE) 2017/1371 tal-Parlament Ewropew u tal-Kunsill tal-5 ta’ Lulju 2017 dwar il-ġlieda kontra l-frodi tal-interessi finanzjarji tal-Unjoni permezz tal-liġi kriminali (ĠU L 198, 28.7.2017, p. 29).
(8) Ir-Regolament ta’ Implimentazzjoni tal-Kummissjoni (UE) Nru 404/2011 tat-8 ta’ April 2011 li jistabbilixxi regoli dettaljati għall-implimentazzjoni tar-Regolament tal-Kunsill (KE) Nru 1224/2009 li jistabbilixxi sistema Komunitarja ta’ kontroll għall-iżgurar tal-konformità mar-regoli tal-Politika Komuni tas-Sajd (ĠU L 112 30.4.2011, p. 1).
(9) Ir-Regolament ta’ Delega tal-Kummissjoni (UE) 2015/288 tas-17 ta’ Diċembru 2014 li jissupplimenta r-Regolament (UE) Nru 508/2014 tal-Parlament Ewropew u tal-Kunsill dwar il-Fond Ewropew għall-Affarijiet Marittimi u s-Sajd fir-rigward tal-perjodu ta’ żmien u d-dati għall-inammissibbiltà tal-applikazzjonijiet (ĠU L 51, 24.2.2015, p. 1).
ANNESS I
Livell limitu li jiskatta l-inammissibbiltà u t-tul tal-perjodu ta’ applikazzjoni għall-operaturi li jkunu wettqu ksur serju skont l-Artikolu 42 tar-Regolament (KE) Nru 1005/2008 jew skont l-Artikolu 90 tar-Regolament (KE) Nru 1224/2009
|
Kategoriji ta’ ksur serju |
(a) Livell limitu li jiskatta l-inammissibbiltà |
(b) Tul tal-perjodu tal-inammissibbiltà |
(c) Kundizzjonijiet biex jittawwal il-perjodu tal-inammissibbiltà |
(d) Kundizzjonijiet biex jitnaqqas il-perjodu tal-inammissibbiltà |
|
Ksur serju tal-kategoriji 1 u 2 kif imsemmi fl-Anness XXX tar-Regolament ta’ Implimentazzjoni (UE) Nru 404/2011 (*1) |
Total ta’ 9 punti għall-ksur, ikun xi jkun l-għadd ta’ okkorrenzi ta’ ksur serju |
12-il xahar |
xahar ta’ inammissibbiltà miżjud għal kull punt għall-ksur ’il fuq mil-livell limitu |
Jekk jitnaqqsu żewġ punti għall-ksur skont l-Artikolu 133(3) tar-Regolament ta’ Implimentazzjoni (UE) Nru 404/2011, il-perjodu tal-inammissibbiltà jitnaqqas b’erba’ xhur |
|
Il-każijiet kollha ta’ ksur serju kif iddefiniti fl-Artikolu 42 tar-Regolament (KE) Nru 1005/2008 u fl-Artikolu 90 tar-Regolament (KE) Nru 1224/2009, bl-eċċezzjoni tal-ksur serju tal-kategoriji 1 u 2 kif imsemmi fl-Anness XXX tar-Regolament ta’ Implimentazzjoni (UE) Nru 404/2011 |
Ksur serju wieħed |
12-il xahar għal kull ksur serju |
xahrejn ta’ inammissibbiltà miżjuda għal kull ksur serju tal-kategoriji 7, 9, 10, 11 jew 12 kif imsemmi fl-Anness XXX tar-Regolament ta’ Implimentazzjoni (UE) Nru 404/2011. Jekk l-operatur iwettaq ksur serju tal-kategoriji 1 jew 2 kif imsemmija fl-Anness XXX tar-Regolament ta’ Implimentazzjoni (UE) Nru 404/2011 waqt il-perjodu tal-inammissibbiltà, jew jinżamm responsabbli tiegħu, il-perjodu tal-inammissibbiltà jittawwal b’xahar għal kull punt għall-ksur assenjat għal dawk l-okkorrenzi ta’ ksur serju. |
(*1) Din ir-ringiela tapplika biss jekk ikun twettaq ksur serju tal-kategoriji 1 jew 2. Jekk ikun twettaq ksur serju qabel, fl-istess żmien, jew wara t-twettiq tal-ksur serju tal-kategoriji 1 jew 2, u waqt l-istess perjodu ta’ inammissibbiltà, il-każijiet ta’ ksur serju tal-kategoriji 1 jew 2 għandhom jitqiesu biss għall-fini tal-kolonni (c) u (d) tat-tieni ringiela.
ANNESS II
Livell limitu li jiskatta l-inammissibbiltà u t-tul tal-perjodu tal-inammissibbiltà tal-applikazzjonijiet sottomessi mill-operaturi li l-bastiment tagħhom ikun elenkat fil-lista tal-bastimenti IUU tal-Unjoni jew li l-bastiment tagħhom itajjar il-bandiera ta’ pajjiż terz li ma jikkooperax
|
Tip ta’ ksur |
(a) Livell limitu li jiskatta l-inammissibbiltà |
(b) Tul tal-perjodu tal-inammissibbiltà |
|
L-operatur kien involut fit-tħaddim, fil-ġestjoni jew fis-sjieda ta’ bastiment tas-sajd elenkat fil-lista tal-bastimenti IUU tal-Unjoni kif stabbilit fl-Artikolu 27 tar-Regolament (KE) Nru 1005/2008 |
ksur 1 |
Il-perjodu kollu li matulu l-bastiment tas-sajd ikun fil-lista ta’ bastimenti IUU tal-Unjoni u, fi kwalunkwe każ, mhux inqas minn 24 xahar. |
|
L-operatur kien involut fit-tħaddim fil-ġestjoni jew fis-sjieda ta’ bastiment li jtajjar il-bandiera ta’ pajjiż elenkat fil-lista tal-pajjiżi terzi li ma jikkooperawx prevista fl-Artikolu 33 tar-Regolament (KE) Nru 1005/2008 |
ksur 1 |
Il-perjodu kollu li matulu dak il-pajjiż ikun fil-lista ta’ pajjiżi terzi li ma jikkooperawx u, fi kwalunkwe każ, mhux inqas minn 12-il xahar. |
ANNESS III
Il-livell limitu li jiskatta l-inammissibbiltà u t-tul tal-perjodu tal-inammissibbiltà għall-operaturi li jkunu wettqu r-reati ambjentali stabbiliti fl-Artikoli 3 u 4 tad-Direttiva 2008/99/KE
|
Reat ambjentali |
(a) Livell limitu li jiskatta l-inammissibbiltà |
(b) Tul tal-perjodu tal-inammissibbiltà |
(c) Kundizzjonijiet biex jittawwal il-perjodu tal-inammissibbiltà |
(d) Kundizzjonijiet biex jitnaqqas il-perjodu tal-inammissibbiltà |
|
Ir-reati stabbiliti fl-Artikolu 3 tad-Direttiva 2008/99/KE li dwarhom l-awtorità kompetenti tkun iddeterminat li r-reat twettaq b’negliġenza serja |
reat 1 |
12-il xahar għal kull reat |
żieda ta’ 6 xhur jekk l-awtorità kompetenti tkun irreferiet espliċitament għall-preżenza ta’ ċirkostanzi aggravanti, jew tkun iddeterminat li l-operatur ikun wettaq reat tul perjodu ta’ aktar minn sena. |
Dment li l-perjodu ta’ inammissibbiltà idum tal-anqas 12-il xahar b’kollox, dan għandu jitnaqqas b’6 xhur jekk l-awtorità kompetenti tkun irreferiet espliċitament għall-preżenza ta’ ċirkostanzi mitiganti. |
|
Ir-reati stabbiliti fl-Artikolu 3 tad-Direttiva 2008/99/KE li dwarhom l-awtorità kompetenti tkun iddeterminat li r-reat twettaq b’intenzjoni |
reat 1 |
24 xahar għal kull reat |
||
|
Reati stabbiliti fl-Artikolu 4 tad-Direttiva 2008/99/KE |
reat 1 |
24 xahar għal kull reat |
ANNESS IV
Livell limitu li jiskatta l-inammissibbiltà u t-tul tal-perjodu tal-inammissibbiltà tal-applikazzjonijiet mill-operaturi li jkunu wettqu frodi fil-kuntest tal-FEMS jew tal-FEMSA
|
(a) Livell limitu li jiskatta l-inammissibbiltà |
(b) Tul tal-perjodu tal-inammissibbiltà |
|
Kull frodi li jkun wettaq l-operatur fil-kuntest tal-FEMS jew tal-FEMSA |
Mid-data tad-deċiżjoni finali li tiddetermina li jkun twettqet frodi, kif iddefinita fl-Artikolu 3 tad-Direttiva (UE) 2017/1371, sa tmiem il-perjodu tal-eliġibbiltà tan-nefqa għal kontribuzzjoni mill-FEMSA imsemmija fl-Artikolu 63(2) tar-Regolament (UE) 2021/1060. |
|
9.11.2022 |
MT |
Il-Ġurnal Uffiċjali tal-Unjoni Ewropea |
L 288/18 |
REGOLAMENT DELEGAT TAL-KUMMISSJONI (UE) 2022/2182
tat-30 ta’ Awwissu 2022
li jemenda r-Regolament Delegat (UE) 2017/1798 rigward ir-rekwiżiti għal-lipidi u għall-manjeżju għas-sostituti tad-dieta kollha għall-kontroll tal-piż
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 609/2013 tal-Parlament Ewropew u tal-Kunsill tat-12 ta’ Ġunju 2013 dwar ikel maħsub għat-trabi u t-tfal żgħar, ikel għal skopijiet mediċi speċjali u bħala sostitut tad-dieta kollha għall-kontroll tal-piż u li jħassar id-Direttiva tal-Kunsill 92/52/KEE, id-Direttivi tal-Kummissjoni 96/8/KE, 1999/21/KE, 2006/125/KE u 2006/141/KE, id-Direttiva 2009/39/KE tal-Parlament Ewropew u tal-Kunsill u r-Regolamenti tal-Kummissjoni (KE) Nru 41/2009 u (KE) Nru 953/2009 (1), u b’mod partikolari l-Artikolu 11(2) tiegħu,
Billi:
|
(1) |
Fost l-oħrajn, ir-Regolament Delegat tal-Kummissjoni (UE) 2017/1798 (2) jistabbilixxi rekwiżiti speċifiċi dwar il-kompożizzjoni tas-sostituti tad-dieta kollha għall-kontroll tal-piż, li huma bbażati fuq l-iżjed pariri xjentifiċi riċenti (3) tal-Awtorità Ewropea dwar is-Sigurtà fl-Ikel (“l-Awtorità”) dwar din il-kwistjoni. |
|
(2) |
Ir-Regolament Delegat (UE) 2017/1798 jipprevedi li s-sostituti tad-dieta kollha għall-kontroll tal-piż għandu jkun fihom mill-inqas 11-il gramma ta’ aċidu linolejku u 1,4 grammi ta’ aċidu alfa-linoleniku biex jipprovdu r-razzjon totali ta’ kuljum, u li ma għandux ikun fihom iżjed minn 250 mg ta’ manjeżju bħala razzjon totali ta’ kuljum, kif stabbilit fil-punti 4.1, 4.2 u 6 tal-Anness I ta’ dak ir-Regolament. |
|
(3) |
Fis-7 ta’ Novembru 2019, il-Kummissjoni rċeviet talba, flimkien ma’ lista ta’ provi xjentifiċi ġodda, mingħand Total Diet & Meal Replacements Europe, biex issir reviżjoni tar-rekwiżiti dwar il-kompożizzjoni tal-aċidu linolejku, tal-aċidu alfa-linoleniku, u tal-manjeżju fir-Regolament Delegat (UE) 2017/1798. Fl-10 ta’ Marzu 2020 il-Kummissjoni talbet lill-Awtorità tevalwa l-evidenza xjentifika u kull evidenza xjentifika ġdida oħra rilevanti disponibbli, u jekk ikun hemm bżonn, taġġorna l-konklużjonijiet tal-opinjoni xjentifika l-aktar riċenti tagħha (4) dwar il-livelli minimi tal-aċidu linolejku u tal-aċidu alfa-linoleniku, kif ukoll dwar il-livell massimu tal-manjeżju fis-sostituti tad-dieta kollha għall-kontroll tal-piż. |
|
(4) |
Fid-dikjarazzjoni tagħha tal-15 ta’ April 2021 dwar l-evidenza xjentifika addizzjonali għall-kompożizzjoni essenzjali tas-sostituti tad-dieta kollha għall-kontroll tal-piż (5), l-Awtorità kkonkludiet li ma hemmx għalfejn jinżied l-aċidu linolejku fis-sostituti tad-dieta kollha għall-kontroll tal-piż, peress li l-ammont li jiġi rrilaxxat mit-tessut adipuż waqt it-telf tal-piż meta wieħed ikun qed jikkonsma sostitut tad-dieta kollha għall-kontroll tal-piż huwa biżżejjed biex jagħmel tajjeb għall-konsum xieraq ta’ aċidu linolejku. Barra minn hekk, l-Awtorità kkonkludiet li filwaqt li madwar 40 % tal-konsum xieraq ta’ aċidu alfa-linoleniku jista’ jkun ipprovdut bir-rilaxx mit-tessut adipuż waqt it-telf tal-piż minn individwi li jkollhom piż żejjed jew li jkunu obeżi meta jkunu qed jikkunsmaw sostitut tad-dieta kollha għall-kontroll tal-piż, biex jintlaħaq il-konsum xieraq ta’ kuljum tal-aċidu alfa-linoleniku, ikun irid jingħata 0,8 g kuljum ta’ aċidu linolejku mis-sostitut tad-dieta kollha għall-kontroll tal-piż. L-Awtorità kkonkludiet ukoll li żieda sa 350 mg kuljum fit-total massimu tal-kontenut ta’ manjeżju fis-sostituti tad-dieta kollha għall-kontroll tal-piż ma tqajjimx tħassib. Filwaqt li l-manjeżju jista’ jikkawża d-dijarea, il-probabbiltà li l-manjeżju jikkawża dijarea severa li tkun ta’ tħassib għall-individwi obeżi jew li jkollhom piż żejjed li jikkunsmaw sostitut tad-dieta kollha għall-kontroll tal-piż minħabba dan il-konsum hija baxxa meta wieħed iqis li dawk l-individwi x’aktarx li jkunu jbatu iżjed mill-konstipazzjoni milli mid-dijarea. |
|
(5) |
Abbażi tal-konklużjonijiet tal-Awtorità filwaqt li jitqies il-progress xjentifiku, jixraq li jitneħħa r-rekwiżit dwar l-aċidu linolejku fir-Regolament Delegat (UE) 2017/1798, li jitnaqqas il-kontenut minimu ta’ aċidu alfa-linoleniku meħtieġ skont dak ir-Regolament Delegat, u li jiżdied il-massimu tal-kontenut ta’ manjeżju permess f’dawk il-prodotti. |
|
(6) |
Għaldaqstant jenħtieġ li l-Anness I tar-Regolament Delegat (UE) 2017/1798 jiġi emendat skont dan, |
ADOTTAT DAN IR-REGOLAMENT:
Artikolu 1
L-Anness I tar-Regolament Delegat (UE) 2017/1798 huwa emendat skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-30 ta’ Awwissu 2022.
Għall-Kummissjoni
Il-President
Ursula VON DER LEYEN
(1) ĠU L 181, 29.6.2013, p. 35.
(2) Ir-Regolament Delegat tal-Kummissjoni (UE) 2017/1798 tat-2 ta’ Ġunju 2017 li jissupplimenta r-Regolament (UE) Nru 609/2013 tal-Parlament Ewropew u tal-Kunsill fir-rigward tar-rekwiżiti speċifiċi dwar il-kompożizzjoni u l-informazzjoni għall-ikel għal sostitut tad-dieta kollha għall-kontroll tal-piż (ĠU L 259, 7.10.2017, p. 2).
(3) EFSA NDA Panel (EFSA Panel on Dietetic Products, Nutrition and Allergies), 2015. Scientific Opinion on the essential composition of total diet replacement for weight control, EFSA Journal 2015;13(1):3957, and EFSA NDA Panel (EFSA Panel on Dietetic Products, Nutrition and Allergies), 2016. Scientific Opinion on the Dietary Reference Values for choline, EFSA Journal 2016;14(8):4484.
(4) EFSA Journal 2016;14(8):4484.
(5) EFSA NDA Panel (EFSA Panel on Nutrition, Novel Foods and Food Allergens), 2021. Statement on additional scientific evidence in relation to the essential composition of total diet replacement for weight control. EFSA Journal 2021;19(4):6494.
ANNESS
L-Anness I tar-Regolament Delegat (UE) 2017/1798 hu emendat kif ġej:
|
(1) |
il-punt 4.1 jitħassar; |
|
(2) |
il-punt 4.2 huwa sostitwit b’dan li ġej: “L-aċidu alfa-linoleniku li hemm fis-sostituti tad-dieta kollha għall-kontroll tal-piż ma għandux ikun inqas minn 0,8 g għar-razzjon totali ta’ kuljum.”; |
|
(3) |
fil-punt 6, it-tieni paragrafu huwa sostitwit b’dan li ġej: “Is-sostituti tad-dieta kollha għall-kontroll tal-piż ma għandux ikun fihom aktar minn 350 mg manjeżju għar-razzjon totali ta’ kuljum.” |
|
9.11.2022 |
MT |
Il-Ġurnal Uffiċjali tal-Unjoni Ewropea |
L 288/21 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/2183
tat-8 ta’ Novembru 2022
li jemenda l-Annessi V u XIV tar-Regolament ta’ Implimentazzjoni (UE) 2021/404 fir-rigward tal-entrati għall-Kanada, għar-Renju Unit u għall-Istati Uniti fil-listi ta’ pajjiżi terzi awtorizzati għad-dħul fl-Unjoni ta’ konsenji ta’ pollam, ta’ prodotti ġerminali tal-pollam u ta’ laħam frisk tal-pollam u tal-għasafar tal-kaċċa
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/429 tal-Parlament Ewropew u tal-Kunsill tad-9 ta’ Marzu 2016 dwar il-mard trażmissibbli tal-annimali u li jemenda u jħassar ċerti atti fil-qasam tas-saħħa tal-annimali (Liġi dwar is-Saħħa tal-Annimali) (1), u b’mod partikolari l-Artikoli 230(1) u 232(1) u (3) tiegħu.
Billi:
|
(1) |
Ir-Regolament (UE) 2016/429 jeżiġi li biex jidħlu fl-Unjoni, il-konsenji tal-annimali, tal-prodotti ġerminali u tal-prodotti li joriġinaw mill-annimali jridu jkunu ġejjin minn pajjiż terz jew minn territorju, jew minn żona jew minn kompartiment tiegħu, elenkati f’konformità mal-Artikolu 230(1) ta’ dak ir-Regolament. |
|
(2) |
Ir-Regolament Delegat tal-Kummissjoni (UE) 2020/692 (2) jistabbilixxi r-rekwiżiti tas-saħħa tal-annimali li trid tinżamm il-konformità magħhom għad-dħul fl-Unjoni ta’ konsenji ta’ ċerti speċijiet u kategoriji tal-annimali, tal-prodotti ġerminali u tal-prodotti li joriġinaw mill-annimali minn pajjiżi terzi jew minn territorji, minn żoni jew minn kompartimenti tagħhom, fil-każ tal-annimali tal-akkwakultura. |
|
(3) |
Ir-Regolament ta’ Implimentazzjoni tal-Kummissjoni (UE) 2021/404 (3) jistabbilixxi l-listi ta’ pajjiżi terzi, jew ta’ territorji, jew żoni jew kompartimenti tagħhom, li minnhom hu permess id-dħul fl-Unjoni ta’ speċijiet u kategoriji tal-annimali, prodotti ġerminali u prodotti li joriġinaw mill-annimali li jaqgħu fil-kamp ta’ applikazzjoni tar-Regolament Delegat (UE) 2020/692. |
|
(4) |
B’mod aktar partikolari, l-Annessi V u XIV tar-Regolament ta’ Implimentazzjoni (UE) 2021/404 jistabbilixxu l-listi ta’ pajjiżi terzi, jew ta’ territorji jew żoni tagħhom awtorizzati għad-dħul fl-Unjoni, rispettivament, ta’ konsenji tal-pollam, tal-prodotti ġerminali tal-pollam, u tal-laħam frisk tal-pollam u tal-għasafar tal-kaċċa. |
|
(5) |
Il-Kanada nnotifikat lill-Kummissjoni dwar għaxar tifqigħat ta’ influwenza tat-tjur b’patoġeniċità għolja fil-pollam fil-provinċji ta’ Alberta (2), British Columbia (2), Manitoba (2), Ontario (1), Quebec (1) u Saskatchewan (2) fil-Kanada, ikkonfermati bejn is-26 ta’ Settembru 2022 u t-13 ta’ Ottubru 2022 permezz ta’ analiżi tal-laboratorju (RT-PCR). |
|
(6) |
Barra minn hekk, ir-Renju Unit innotifika lill-Kummissjoni dwar 41 tifqigħa ta’ influwenza tat-tjur b’patoġeniċità għolja fil-pollam fil-kontej ta’Anglesey (2), Cheshire (1), Devon (1), Essex (2), Lancashire (2), Lincolnshire (2), Norfolk (25), Suffolk (2), West Essex (1), u Yorkshire (2) fl-Ingilterra, ir-Renju Unit u fil-Gżejjer Orkney (1), fl-Iskozja, ir-Renju Unit, ikkonfermati bejn id-9 ta’ Ottubru 2022 u s-26 ta’ Ottubru 2022 permezz ta’ analiżi tal-laboratorju (RT-PCR). |
|
(7) |
Barra minn hekk, l-Istati Uniti nnotifikaw lill-Kummissjoni dwar 18-il tifqigħa ta’ influwenza tat-tjur b’patoġeniċità għolja fil-pollam li jinsabu fl-istati ta’ Alaska (1), California (1), Colorado (1), Florida (2), Kansas (3), Minnesota (1), Nebraska (1), Nevada (1), Pennsylvania (1) South Dakota (1) u Utah (5), l-Istati Uniti, ikkonfermati bejn is-7 ta’ Ottubru 2022 u l-25 ta’ Ottubru 2022 permezz ta’ analiżi tal-laboratorju (RT-PCR). |
|
(8) |
Wara dawn it-tifqigħat tal-influwenza tat-tjur b’patoġeniċità għolja, l-awtoritajiet veterinarji tal-Kanada, tar-Renju Unit u tal-Istati Uniti stabbilew żona ta’ kontroll ta’ mill-inqas 10 km madwar l-istabbilimenti affettwati u implimentaw politika ta’ qerda biex jikkontrollaw il-preżenza tal-influwenza tat-tjur b’patoġeniċità għolja u jillimitaw it-tixrid ta’ dik il-marda. |
|
(9) |
Il-Kanada, ir-Renju Unit u l-Istati Uniti ressqu l-informazzjoni lill-Kummissjoni dwar is-sitwazzjoni epidemjoloġika fit-territorju tagħhom u l-miżuri li ħadu biex jevitaw li l-influwenza tat-tjur b’patoġeniċità għolja tkompli tinxtered. Dik l-informazzjoni ġiet evalwata mill-Kummissjoni. Abbażi ta’ dik l-evalwazzjoni, u biex jitħares l-istatus tas-saħħa tal-annimali fl-Unjoni, jenħtieġ li ma jibqax jiġi awtorizzat id-dħul fl-Unjoni ta’ konsenji tal-pollam, tal-prodotti ġerminali tal-pollam, u tal-laħam frisk tal-pollam u tal-għasafar tal-kaċċa miż-żoni bir-restrizzjonijiet stabbiliti mill-awtoritajiet veterinarji tal-Kanada, tar-Renju Unit u tal-Istati Uniti minħabba t-tifqigħat riċenti tal-influwenza tat-tjur b’patoġeniċità għolja. |
|
(10) |
Barra minn hekk, il-Kanada ressqet informazzjoni aġġornata dwar is-sitwazzjoni epidemjoloġika fit-territorju tagħha b’rabta ma’ erba’ tifqigħat tal-influwenza tat-tjur b’patoġeniċità għolja fi stabbilimenti tal-pollam fil-provinċji ta’ British Columbia (1), Alberta (1), Ontario (1) u Quebec (1), il-Kanada, ikkonfermati rispettivament fit-8 ta’ Ġunju 2022, fit-12 ta’ April 2022, fis-26 ta’ April 2022 u fl-14 ta’ April 2022. |
|
(11) |
Il-Kanada ressqet ukoll informazzjoni dwar il-miżuri li ħadet biex tevita aktar tixrid ta’ dik il-marda. B’mod partikolari, wara dawn it-tifqigħat tal-influwenza tat-tjur b’patoġeniċità għolja, il-Kanada implimentat politika ta’ qerda biex tikkontrolla u tillimita t-tixrid ta’ dik il-marda, u lestiet ukoll ir-rekwiżit tat-tindif u tad-diżinfezzjoni wara l-implimentazzjoni tal-politika ta’ qerda fl-istabbilimenti tal-pollam infettati fit-territorji tagħha. |
|
(12) |
Il-Kummissjoni evalwat l-informazzjoni mressqa mill-Kanada u kkonkludiet li t-tifqigħat tal-influwenza tat-tjur b’patoġeniċità għolja fi stabbilimenti tal-pollam tneħħew u li ma għadx hemm xi riskju assoċjat mad-dħul fl-Unjoni ta’ komoditajiet tal-pollam miż-żoni tal-Kanada minn fejn id-dħul fl-Unjoni tal-komoditajiet tal-pollam kien ġie sospiż minħabba dawk it-tifqigħat. |
|
(13) |
Għalhekk, jenħtieġ li l-Annessi V u XIV tar-Regolament ta’ Implimentazzjoni (UE) 2021/404 jiġu emendati biex titqies is-sitwazzjoni epidemjoloġika attwali b’rabta mal-influwenza tat-tjur b’patoġeniċità għolja fil-Kanada, fir-Renju Unit u fl-Istati Uniti. |
|
(14) |
Filwaqt li titqies is-sitwazzjoni epidemjoloġika attwali fil-Kanada, fir-Renju Unit u fl-Istati Uniti fir-rigward tal-influwenza tat-tjur b’patoġeniċità għolja u r-riskju serju tal-introduzzjoni tagħha fl-Unjoni, jenħtieġ li l-emendi għar-Regolament ta’ Implimentazzjoni (UE) 2021/404 b’dan ir-Regolament isiru effettivi b’urġenza. |
|
(15) |
Ir-Regolament ta’ Implimentazzjoni tal-Kummissjoni (UE) 2022/2061 (4) emenda l-Parti 1 tal-Anness V u l-Parti 1 tal-Anness XIV tar-Regolament ta’ Implimentazzjoni (UE) 2021/404 billi żied ir-ringielaUS-2.296, li tiddefinixxi żona affettwata waħda fl-entrati għall-Istati Uniti fl-Anness V u fl-Anness XIV. Peress li nstab żball dwar id-data tal-konferma tat-tifqigħa relatata, jenħtieġ li r-ringieli għaż-żona US-2.296 f’dawn l-Annessi jiġu kkoreġuti skont dan. Jenħtieġ li din il-korrezzjoni tapplika mid-data tal-applikazzjoni tar-Regolament ta’ Implimentazzjoni (UE) 2022/2061. |
|
(16) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emendi għar-Regolament ta’ Implimentazzjoni (UE) 2021/404
L-Annessi V u XIV tar-Regolament ta’ Implimentazzjoni (UE) 2021/404 huma emendati f’konformità mal-Anness ta’ dan ir-Regolament.
Artikolu 2
Korrezzjoni fir-Regolament ta’ Implimentazzjoni (UE) 2021/404
1. Fl-Anness V, fil-Parti 1, fl-entrata għall-Istati Uniti, ir-ringieli għaż-żona US-2.296 huma sostitwiti b’dan li ġej:
|
“US l-Istati Uniti |
US-2.296 |
Pollam tat-tnissil għajr ir-ratiti u pollam produttiv għajr ir-ratiti |
BPP |
N, P1 |
|
7.10.2022 |
|
|
Ratiti tat-tnissil u ratiti produttivi |
BPR |
N, P1 |
|
7.10.2022 |
|
||
|
Pollam maħsub għall-iskarnar għajr ir-ratiti |
SP |
N, P1 |
|
7.10.2022 |
|
||
|
Ratiti maħsuba għall-iskarnar |
SR |
N, P1 |
|
7.10.2022 |
|
||
|
Flieles ta’ ġurnata għajr ir-ratiti |
DOC |
N, P1 |
|
7.10.2022 |
|
||
|
Flieles ta’ ġurnata tar-ratiti |
DOR |
N, P1 |
|
7.10.2022 |
|
||
|
Inqas minn 20 eżemplar tal-pollam għajr ir-ratiti |
POU-LT20 |
N, P1 |
|
7.10.2022 |
|
||
|
Bajd għat-tifqis tal-pollam għajr ir-ratiti |
HEP |
N, P1 |
|
7.10.2022 |
|
||
|
Bajd għat-tifqis tar-ratiti |
HER |
N, P1 |
|
7.10.2022 |
|
||
|
Inqas minn 20 bajda għat-tifqis tal-pollam għajr ir-ratiti |
HE-LT20 |
N, P1 |
|
7.10.2022” |
|
2. Fl-Anness XIV, fil-Parti 1, fl-entrata għall-Istati Uniti, ir-ringieli għaż-żona US-2.296 huma sostitwiti b’dan li ġej:
|
“US l-Istati Uniti |
US-2.296 |
Laħam frisk tal-pollam għajr ir-ratiti |
POU |
N, P1 |
|
7.10.2022 |
|
|
Laħam frisk tar-ratiti |
RAT |
N, P1 |
|
7.10.2022 |
|
||
|
Laħam frisk tal-għasafar tal-kaċċa |
GBM |
P1 |
|
7.10.2022” |
|
Artikolu 3
Dħul fis-seħħ u applikazzjoni
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Madankollu, l-Artikolu 2 għandu japplika mis-27 ta’ Ottubru 2022.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-8 ta’ Novembru 2022.
Għall-Kummissjoni
Il-President
Ursula VON DER LEYEN
(2) Ir-Regolament Delegat tal-Kummissjoni (UE) 2020/692 tat-30 ta’ Jannar 2020 li jissupplimenta r-Regolament (UE) 2016/429 tal-Parlament Ewropew u tal-Kunsill fir-rigward tar-regoli għad-dħul fl-Unjoni, u l-moviment u l-immaniġġjar wara d-dħul ta’ konsenji ta’ ċerti annimali, prodotti ġerminali u prodotti li joriġinaw mill-annimali (ĠU L 174, 3.6.2020, p. 379).
(3) Ir-Regolament ta’ Implimentazzjoni tal-Kummissjoni (UE) 2021/404 tal-24 ta’ Marzu 2021 li jistabbilixxi l-listi ta’ pajjiżi terzi, territorji jew żoni tagħhom li minnhom huwa permess id-dħul fl-Unjoni ta’ annimali, prodotti ġerminali u prodotti li joriġinaw mill-annimali f’konformità mar-Regolament (UE) 2016/429 tal-Parlament Ewropew u tal-Kunsill (ĠU L 114, 31.3.2021, p. 1).
(4) Ir-Regolament ta’ Implimentazzjoni tal-Kummissjoni (UE) 2022/2061 tal-24 ta’ Ottubru 2022 li jemenda l-Annessi V u XIV tar-Regolament ta’ Implimentazzjoni (UE) 2021/404 fir-rigward tal-entrati għall-Kanada, għar-Renju Unit u għall-Istati Uniti fil-listi ta’ pajjiżi terzi awtorizzati għad-dħul fl-Unjoni ta’ konsenji ta’ pollam, ta’ prodotti ġerminali tal-pollam u ta’ laħam frisk tal-pollam u tal-għasafar tal-kaċċa (ĠU L 276, 26.10.2022, p. 69).
ANNESS
L-Annessi V u XIV tar-Regolament ta’ Implimentazzjoni (UE) 2021/404 huma emendati kif ġej:
|
(1) |
L-Anness V huwa emendat kif ġej:
|
|
(2) |
fl-Anness XIV, il-Parti 1 hija emendata kif ġej:
|
DEĊIŻJONIJIET
|
9.11.2022 |
MT |
Il-Ġurnal Uffiċjali tal-Unjoni Ewropea |
L 288/78 |
DEĊIŻJONI TAL-KUNSILL (PESK) 2022/2184
tat-8 ta’ Novembru 2022
li temenda d-Deċiżjoni (PESK) 2019/1296 b’appoġġ għat-tisħiħ tas-sigurtà u s-sikurezza bijoloġiċi fl-Ukrajna f’konformità mal-implimentazzjoni tar-Riżoluzzjoni 1540 (2004) tal-Kunsill tas-Sigurtà tan-Nazzjonijiet Uniti dwar in-nonproliferazzjoni ta’ armi ta’ qerda massiva u l-mezzi ta’ twassil tagħhom
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikoli 28(1) u 31(1) tiegħu,
Wara li kkunsidra l-proposta tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fil-31 ta’ Lulju 2019, il-Kunsill adotta d-Deċiżjoni (PESK) 2019/1296 (1), li tipprevedi perjodu ta’ implimentazzjoni ta’ 36 xahar għall-proġetti msemmija fl-Artikolu 1(2) ta’ dik id-Deċiżjoni (il-’perjodu ta’ implimentazzjoni’), mill-konklużjoni tal-ftehim ta’ finanzjament imsemmi fl-Artikolu 3(3) tagħha. |
|
(2) |
Il-perjodu ta’ implimentazzjoni għandu jintemm fl-14 ta’ Diċembru 2022 mal-iskadenza tad-Deċiżjoni (PESK) 2019/1296. |
|
(3) |
Fit-12 ta’ Awwissu 2022, iċ-Ċentru għall-Prevenzjoni tal-Konflitti tas-Segretarjat tal-Organizzazzjoni għas-Sigurtà u l-Kooperazzjoni fl-Ewropa (OSKE), li huwa responsabbli mill-implimentazzjoni teknika tal-proġetti msemmija fl-Artikolu 1(2) tad-Deċiżjoni (PESK) 2019/1296, talab estensjoni mingħajr spejjeż ta’ 13-il xahar tal-perjodu ta’ implimentazzjoni. Dik l-estensjoni tippermetti lill-OSKE twettaq l-implimentazzjoni ta’ bosta minn dawk il-proġetti, li kienet ġiet interrotta mill-pandemija tal-COVID-19 u s-sitwazzjoni tas-sigurtà fl-Ukrajna. |
|
(4) |
L-estensjoni tal-perjodu ta’ implimentazzjoni sal-14 ta’ Jannar 2024 ma għandha ebda implikazzjoni fir-rigward ta’ riżorsi finanzjarji. |
|
(5) |
Għalhekk, jenħtieġ li d-Deċiżjoni (PESK) 2019/1296 tiġi emendata skont dan, |
ADOTTA DIN ID-DEĊIŻJONI:
Artikolu 1
L-Artikolu 5(2) tad-Deċiżjoni (PESK) 2019/1296 huwa sostitwit b’dan li ġej:
“2. Din id-Deċiżjoni għandha tiskadi fl-14 ta’ Jannar 2024.”.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-8 ta’ Novembru 2022.
Għall-Kunsill
Il-President
Z. STANJURA
(1) Id-Deċiżjoni tal-Kunsill (PESK) 2019/1296 tal-31 ta’ Lulju 2019 b’appoġġ għat-tisħiħ tas-sigurtà u s-sikurezza bijoloġiċi fl-Ukrajna f’konformità mal-implimentazzjoni tar-Riżoluzzjoni 1540 (2004) tal-Kunsill tas-Sigurtà tan-Nazzjonijiet Uniti dwar in-nonproliferazzjoni ta’ armi ta’ qerda massiva u l-mezzi ta’ twassil tagħhom (ĠU L 204, 2.8.2019, p. 29).
|
9.11.2022 |
MT |
Il-Ġurnal Uffiċjali tal-Unjoni Ewropea |
L 288/80 |
DEĊIŻJONI TAL-KUNSILL (PESK) 2022/2185
tat-8 ta’ Novembru 2022
li temenda d-Deċiżjoni (PESK) 2018/1939 dwar l-appoġġ tal-Unjoni għall-universalizzazzjoni u l-implimentazzjoni effettiva tal-Konvenzjoni Internazzjonali għat-Trażżin ta’ Atti ta’ Terroriżmu Nukleari
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikoli 28(1) u 31(1) tiegħu,
Wara li kkunsidra l-proposta tar-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fl-10 ta’ Diċembru 2018 l-Kunsill adotta d-Deċiżjoni (PESK) 2018/1939 (1). |
|
(2) |
Fis-7 ta’ Ġunju 2021 l-Kunsill adotta d-Deċiżjoni (PESK) 2021/919 (2), li temenda d-Deċiżjoni (PESK) 2018/1939 u li testendi l-perjodu ta’ implimentazzjoni għall-attivitajiet imsemmija fl-Artikolu 1 tagħha sat-30 ta’ Novembru 2022. |
|
(3) |
Fis-7 ta’ Ġunju 2022 u fis-6 ta’ Settembru 2022 l-Uffiċċju tan-Nazzjonijiet Uniti kontra d-Droga u l-Kriminalità u l-Uffiċċju tan-Nazzjonijiet Uniti għall-Ġlieda Kontra t-Terroriżmu, rispettivament, fil-kapaċità tagħhom bħala aġenziji ta’ implimentazzjoni, talbu estensjoni ta’ seba’ xhur tal-perjodu ta’ implimentazzjoni tad-Deċiżjoni (PESK) 2018/1939 sat-30 ta’ Ġunju 2023, fid-dawl tad-dewmien kontinwu fl-implimentazzjoni tal-attivitajiet tal-proġetti skont id-Deċiżjoni (PESK) 2018/1939 minħabba l-impatt tal-pandemija tal-COVID-19. |
|
(4) |
Il-kontinwazzjoni tal-attivitajiet imsemmija fl-Artikolu 1 tad-Deċiżjoni (PESK) 2018/1939 sat-30 ta’ Ġunju 2023 tista’ titwettaq mingħajr ebda konsegwenza fir-rigward tar-riżorsi finanzjarji. |
|
(5) |
Għaldaqstant, jenħtieġ li l-Artikolu 5 tad-Deċiżjoni (PESK) 2018/1939 jiġi emendat skont dan, |
ADOTTA DIN ID-DEĊIŻJONI:
Artikolu 1
Fl-Artikolu 5 tad-Deċiżjoni (PESK) 2018/1939, it-tieni subparagrafu huwa sostitwit b’dan li ġej:
“Hija għandha tiskadi fit-30 ta’ Ġunju 2023.”.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brusell, it-8 ta’ Novembru 2022.
Għall-Kunsill
Il-President
Z. STANJURA
(1) Id-Deċiżjoni tal-Kunsill (PESK) 2018/1939 tal-10 ta’ Diċembru 2018 dwar l-appoġġ tal-Unjoni għall-universalizzazzjoni u l-implimentazzjoni effettiva tal-Konvenzjoni Internazzjonali għat-Trażżin ta’ Atti ta’ Terroriżmu Nukleari (ĠU L 314, 11.12.2018, p. 41).
(2) Id-Deċiżjoni tal-Kunsill (PESK) 2021/919 tas-7 ta’ Ġunju 2021 li temenda d-Deċiżjoni (PESK) 2018/1939 dwar l-appoġġ tal-Unjoni għall-universalizzazzjoni u l-implimentazzjoni effettiva tal-Konvenzjoni Internazzjonali għat-Trażżin ta’ Atti ta’ Terroriżmu Nukleari (ĠU L 201, 8.6.2021, p. 27).
|
9.11.2022 |
MT |
Il-Ġurnal Uffiċjali tal-Unjoni Ewropea |
L 288/81 |
DEĊIŻJONI TAL-KUNSILL (PESK) 2022/2186
tat-8 ta’ Novembru 2022
li temenda d-Deċiżjoni (PESK) 2019/1894 dwar miżuri restrittivi fid-dawl tal-attivitajiet ta’ tħaffir mhux awtorizzat tat-Turkija fil-Lvant tal-Mediterran
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 29 tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fil-11 ta’ Novembru 2019, il-Kunsill adotta d-Deċiżjoni (PESK) 2019/1894 (1) dwar miżuri restrittivi fid-dawl tal-attivitajiet ta’ tħaffir mhux awtorizzat tat-Turkija fil-Lvant tal-Mediterran. |
|
(2) |
Il-Kunsill irrieżamina l-miżuri restrittivi li jinsabu fid-Deċiżjoni (PESK) 2019/1894. Abbażi ta’ dak ir-rieżami, jenħtieġ li dawk il-miżuri jiġu estiżi sat-12 ta’ Novembru 2023. |
|
(3) |
Għalhekk id-Deċiżjoni (PESK) 2019/1894 jenħtieġ li tiġi emendata skont dan, |
ADOTTA DIN ID-DEĊIŻJONI:
Artikolu 1
L-Artikolu 8 tad-Deċiżjoni (PESK) 2019/1894 huwa sostitwit b’dan li ġej:
“Artikolu 8
Din id-Deċiżjoni għandha tapplika sat-12 ta’ Novembru 2023 u għandha tinżamm taħt rieżami kostanti. Hija għandha tiġġedded jew tiġi emendata, kif xieraq, jekk il-Kunsill iqis li l-objettivi tagħha ma jkunux intlaħqu.”.
Artikolu 2
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, it-8 ta’ Novembru 2022.
Għall-Kunsill
Il-President
Z. STANJURA
(1) Id-Deċiżjoni tal-Kunsill (PESK) 2019/1894 tal-11 ta’ Novembru 2019 dwar miżuri restrittivi fid-dawl tal-attivitajiet ta’ tħaffir mhux awtorizzat tat-Turkija fil-Lvant tal-Mediterran (ĠU L 291, 12.11.2019, p. 47).
|
9.11.2022 |
MT |
Il-Ġurnal Uffiċjali tal-Unjoni Ewropea |
L 288/82 |
DEĊIŻJONI TA’ IMPLIMENTAZZJONI TAL-KUNSILL (PESK) 2022/2187
tat-8 ta’ Novembru 2022
li timplimenta d-Deċiżjoni (PESK) 2017/1775 dwar miżuri restrittivi fid-dawl tas-sitwazzjoni fil-Mali
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 31(2) tiegħu,
Wara li kkunsidra d-Deċiżjoni tal-Kunsill (PESK) 2017/1775 tat-28 ta’ Settembru 2017 dwar miżuri restrittivi fid-dawl tas-sitwazzjoni fil-Mali (1), u b’mod partikolari l-Artikolu 3(1) tagħha,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fit-28 ta’ Settembru 2017, il-Kunsill adotta d-Deċiżjoni (PESK) 2017/1775. |
|
(2) |
Fil-5 ta’ Ottubru 2022, il-Kumitat tal-Kunsill tas-Sigurtà tan-Nazzjonijiet Uniti (“KSNU”) stabbilit skont ir-Riżoluzzjoni 2374 (2017) tal-KSNU aġġorna l-informazzjoni marbuta ma’ tliet individwi soġġetti għal miżuri restrittivi. |
|
(3) |
Għalhekk l-Anness I tad-Deċiżjoni (PESK) 2017/1775 jenħtieġ li jiġi emendat skont dan, |
ADOTTA DIN ID-DEĊIŻJONI:
Artikolu 1
L-Anness I tad-Deċiżjoni (PESK) 2017/1775 huwa emendat kif jinsab fl-Anness għal din id-Deċiżjoni.
Artikolu 2
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, it-8 ta’ Novembru 2022.
Għall-Kunsill
Il-President
Z. STANJURA
ANNESS
Fl-Anness I tad-Deċiżjoni (PESK) 2017/1775, taħt l-intestatura "A. Lista ta' persuni msemmija fl-Artikolu 1(1)", l-entrati 6, 7 u 8 huma sostitwiti b'dan li ġej:
"6. MAHRI SIDI AMAR BEN DAHA (magħruf ukoll bħala: a) Yoro Ould Daha b) Yoro Ould Daya c) Sidi Amar Ould Daha d) Yoro)
Deżinjazzjoni: Viċi kap tal-persunal tal-koordinazzjoni reġjonali tal-Mécanisme opérationnel de coordination (MOC) f'Gao
Data tat-twelid: 1 ta' Jannar 1978
Post tat-twelid: Djebock, il-Mali
Nazzjonalità: Maljan
Nru ta' identifikazzjoni nazzjonali: 11262/1547
Indirizz: Golf Rue 708 Door 345, Gao, Mali
Data tad-deżinjazzjoni min-NU: 10 ta' Lulju 2019 (emendata fid-19 ta' Diċ. 2019, l-14 ta' Jan. 2020, il-5 ta' Ott. 2022)
Informazzjoni oħra: Mahri Sidi Amar Ben Daha huwa mexxej tal-komunità Għarbija ta' Lehmar ta' Gao u l-kap tal-persunal militari tal-fergħa favur il-gvern tal-Mouvement Arabe de l'Azawad (MAA), assoċjat mal-koalizzjoni tal-Plateforme des mouvements du 14 juin 2014 d'Alger (Plateforme). Elenkat skont il-paragrafi 1 sa 3 tar-Riżoluzzjoni 2374 (2017) tal-Kunsill tas-Sigurtà (Projbizzjoni fuq Vjaġġar, Iffriżar tal-Assi). Allegatament miet fi Frar 2020.
Ritratt huwa disponibbli biex jiddaħħal fl-Avviż Speċjali ta' bejn l-INTERPOL u l-Kunsill tas-Sigurtà tan-NU. Link għas-sit web tal-Avviż Speċjali ta' bejn l-INTERPOL u l-Kunsill tas-Sigurtà tan-NU:
https://www.interpol.int/en/How-we-work/Notices/View-UN-Notices-Individuals
Informazzjoni oħra
Mahri Sidi Amar Ben Daha qed jiġi elenkat skont il-paragrafu 8(b) tar-riżoluzzjoni 2374 (2017) għal azzjonijiet meħuda li jostakolaw, jew li jostakolaw permezz ta' dewmien fit-tul, jew li jheddu l-implimentazzjoni tal-Ftehim.
Ben Daha kien uffiċjal għoli tal-pulizija Iżlamika li topera f'Gao meta l-Mouvement pour l'unité et le jihad en Afrique de l'Ouest (MUJAO) (QD.134) ikkontrolla l-belt minn Ġunju 2012 sa Jannar 2013. Ben Daha bħalissa hu viċi kap tal-persunal tal-koordinazzjoni reġjonali tal-Mécanisme opérationnel de coordination (MOC) f'Gao.
Fit-12 ta' Novembru 2018, il-Plateforme f'Bamako ddikjarat li ma tipparteċipax fil-konsultazzjonijiet reġjonali li jmiss, skedati li jsiru mit-13 sas-17 ta' Novembru skont il-pjan direzzjonali ta' Marzu 2018 maqbul mill-partijiet kollha għall-Ftehim ta' Paċi u Rikonċiljazzjoni f'Marzu 2018. L-għada, f'Gao, saret laqgħa ta' koordinazzjoni mill-kap tal-persunal militari tal-komponent ta' Ganda Koy tal-Coordination des mouvements et fronts patriotiques de résistance (CMFPR)-Plateforme, ma' rappreżentanti tal-MAA-Plateforme, biex iwaqqfu l-konsultazzjonijiet milli jsiru. L-imblokk ġie kkoordinat mat-tmexxija tal-Plateforme f'Bamako, il-MAA-Plateforme, kif ukoll mal-Membru Parlamentari Mohamed Ould Mataly.
Mill-14 sat-18 ta' Novembru 2018, għexieren ta' ġellieda tal-MAA-Plateforme flimkien ma' dawk tal-fazzjonijiet tas-CMFPR ostakolaw il-konsultazzjonijiet reġjonali. Fuq struzzjoni u bil-parteċipazzjoni ta' Ben Daha, mill-inqas sitt trakkijiet pick-up mill-Mouvement Arabe de l'Azawad (MAA-Plateforme) tqiegħdu quddiem is-sede tal-gvernatur ta' Gao u fil-viċinanzi tagħha. Fil-post ġew osservati wkoll żewġ vetturi MOC attribwiti lill-MAA-Plateforme.
Fis-17 ta' Novembru 2018, seħħ inċident bejn elementi armati li mblukkaw l-aċċess għas-sede tal-gvernatur u pattulja FAMa li kienet għaddejja miż-żona, iżda li ġie diffuż qabel ma seta' jeskala u jikkostitwixxi ksur tal-waqfien mill-ġlied. Fit-18 ta' Novembru 2018, total ta' tnax-il vettura u elementi armati neħħew l-imblukkar tas-sede tal-gvernatur wara l-aħħar ċiklu ta' negozjati mal-gvernatur ta' Gao.
Fit-30 ta' Novembru 2018, Ben Daha organizza laqgħa bejn l-Għarab f'Tinfanda biex jiddiskutu s-sigurtà u r-ristrutturazzjoni amministrattiva. Il-laqgħa kienet tinkludi wkoll l-individwu ssanzjonat Ahmoudou Ag Asriw (MLi.001) li Ben Daha jappoġġa u jiddefendi.
Għalhekk, billi effettivament waqqaf id-diskussjonijiet dwar dispożizzjonijiet ewlenin tal-Ftehim ta' Paċi u Rikonċiljazzjoni relatati mar-riforma tal-istruttura territorjali tat-Tramuntana tal-Mali, Ben Daha ostakola l-implimentazzjoni tal-Ftehim ta' Paċi u Rikonċiljazzjoni. Barra minn hekk, Ben Daha jappoġġa individwu identifikat bħala li jhedded l-implimentazzjoni tal-Ftehim permezz tal-involviment tiegħu fil-ksur tal-waqfien mill-ġlied u f'attività kriminali organizzata.
7. MOHAMED BEN AHMED MAHRI (magħruf ukoll bħala: a) Mohammed Rougi b) Mohamed Ould Ahmed Deya c) Mohamed Ould Mahri Ahmed Daya d) Mohamed Rougie e) Mohamed Rouggy f) Mohamed Rouji)
Data tat-twelid: 1 ta' Jannar 1979
Post tat-twelid: Tabankort, il-Mali
Nazzjonalità: Maljan
Passport nru: a) AA00272627 b) AA0263957 c) AA0344148, maħruġ fil-21 ta' Marzu 2019 (data ta' skadenza: 20 ta' Marzu 2024)
Indirizz: Bamako, il-Mali
Data tad-deżinjazzjoni min-NU: 10 ta' Lulju 2019 (emendata fid-19 ta' Diċ. 2019, l-14 ta' Jan. 2020, il-5 ta' Ott. 2022)
Informazzjoni oħra: Mohamed Ben Ahmed Mahri huwa negozjant mill-komunità Għarbija ta' Lehmar fir-reġjun ta' Gao li qabel ikkollabora mal-Mouvement pour l'unicité et le Jihad en Afrique de l'Ouest (MUJAO) (QDe.134). Elenkat skont il-paragrafi 1 sa 3 tar-Riżoluzzjoni 2374 (2017) tal-Kunsill tas-Sigurtà (Projbizzjoni fuq Vjaġġar, Iffriżar tal-Assi).
Ritratt huwa disponibbli biex jiddaħħal fl-Avviż Speċjali ta' bejn l-INTERPOL u l-Kunsill tas-Sigurtà tan-NU. Link għas-sit web tal-Avviż Speċjali ta' bejn l-INTERPOL u l-Kunsill tas-Sigurtà tan-NU:
https://www.interpol.int/en/How-we-work/Notices/View-UN-Notices-Individuals
Informazzjoni oħra
Mohamed Ben Ahmed Mahri qed jiġi elenkat skont il-paragrafi 8(c) tar-riżoluzzjoni 2374 (2017) talli aġixxa għal, jew f'isem, jew taħt id-direzzjoni ta', jew talli b'mod ieħor appoġġa jew iffinanzja, individwi u entitajiet identifikati fil-paragrafi 8(a) u (b) tar-riżoluzzjoni 2374 (2017), inkluż permezz tar-rikavat mill-kriminalità organizzata, inkluż il-produzzjoni u t-traffikar ta' drogi narkotiċi u l-prekursuri tagħhom li joriġinaw jew jgħaddu mill-Mali, it-traffikar ta' bnedmin u l-faċilitazzjoni ta' immigrazzjoni illegali, il-kuntrabandu u t-traffikar ta' armi kif ukoll it-traffikar ta' proprjetà kulturali.
Bejn Diċembru 2017 u April 2018, Mohamed Ben Ahmed Mahri kkmanda operazzjoni ta' traffikar ta' aktar minn 10 tunnellati ta' kannabis Marokkina, li nġarru fi trakkijiet għat-tkessiħ u għaddew mill-Mauritania, il-Mali, Burkina Faso u n-Niġer. Fil-lejl ta' bejn it-13 u l-14 ta' Ġunju 2018 ġiet ikkonfiskata kwart tal-kunsinna f'Niamey, filwaqt li grupp rivali kien allegatament seraq it-tliet kwarti li kien fadal matul il-lejl ta' bejn it-12 u t-13 ta' April 2018.
F'Diċembru 2017, Mohamed Ben Ahmed Mahri kien f'Niamey ma' ċittadin Maljan biex jipprepara l-operazzjoni. Dan tal-aħħar ġie arrestat f'Niamey wara li wasal bl-ajru mill-Marokk ma' żewġ ċittadini Marokkini u żewġ ċittadini Alġerini fil-15 u s-16 ta' April 2018 biex jipprova jirkupra l-kannabis misruqa. Tlieta mill-assoċjati tiegħu ġew ukoll arrestati, inkluż ċittadin Marokkin li ġie kkundannat fil-Marokk fl-2014 għal ħames xhur ħabs għat-traffikar tad-drogi.
Mohamed Ben Ahmed Mahri jikkmanda t-traffikar tar-raża tal-kannabis lejn in-Niġer direttament mit-Tramuntana tal-Mali, bl-użu ta' konvojs immexxija minn membri tal-Groupe d'autodéfense des Touaregs Imgħad et leurs allies (GATIA), inkluż l-individwu ssanzjonat Ahmoudou Ag Asriw (MLi.001). Mohamed Ben Ahmed Mahri jikkumpensa lil Asriw għall-użu ta' dawn il-konvojs. Dawn il-konvojs spiss joħolqu kunflitti ma' kompetituri assoċjati mal-Coordinament des Mouvements de l'Azawaad (CMA).
Bl-użu tal-gwadanni finanzjarji tiegħu mit-traffikar tan-narkotiċi, Mohamed Ben Ahmed Mahri jagħti l-appoġġ tiegħu lil gruppi armati terroristiċi, b'mod partikolari l-entità ssanzjonata Al-Mourabitoun (QD.141), billi jipprova jxaħħam lill-uffiċjali biex jeħilsu lill-ġellieda arrestati u jiffaċilita lill-ġellieda jintegraw fil-Mouvement Arabe pour l'Azawad (MAA) Plateforme.
Għalhekk, permezz tad-dħul mill-kriminalità organizzata, Mohamed Ben Ahmed Mahri jappoġġa individwu identifikat skont il-paragrafu 8(b) tar-riżoluzzjoni 2374 (2017) bħala li jhedded l-implimentazzjoni tal-Ftehim dwar il-Paċi u r-Rikonċiljazzjoni fil-Mali, flimkien ma' grupp terroristiku ddeżinjat skont ir-riżoluzzjoni 1267.
8. MOHAMED OULD MATALY
Deżinjazzjoni: Membru Parlamentari
Data tat-twelid: 1958
Nazzjonalità: Maljan
Passaport nru: a) D9011156, b) AA0260156, maħruġ fit-3 ta' Awwissu 2018 (data ta' skadenza: 2 ta' Awwissu 2023)
Indirizz: a) Golf Rue 708 Door 345, Gao, Mali b) Almoustarat, Gao, Mali
Data tad-deżinjazzjoni min-NU: 10 ta' Lulju 2019 (emendata fid-19 ta' Diċ. 2019, l-14 ta' Jan. 2020, il-5 ta' Ott. 2022)
Informazzjoni oħra: Mohamed Ould Mataly huwa dak li qabel kien is-Sindku ta' Bourem u Membru Parlamentari attwali għall-kostitwenza ta' Bourem, parti mir-Rassamblement pour le Mali (RPM, il-partit politiku tal-President Ibrahim Boubacar Keita). Huwa ġej mill-komunità Għarbija ta' Lehmar u huwa membru influwenti tal-fergħa favur il-gvern tal-Mouvement Arabe de l'Azawaad (MAA), assoċjat mal-koalizzjoni tal-Plateforme des mouvements du 14 juin 2014 d'Alger (Plateforme). Elenkat skont il-paragrafi 1 sa 3 tar-Riżoluzzjoni 2374 (2017) tal-Kunsill tas-Sigurtà (Projbizzjoni fuq Vjaġġar, Iffriżar tal-Assi).
Ritratt huwa disponibbli biex jiddaħħal fl-Avviż Speċjali ta' bejn l-INTERPOL u l-Kunsill tas-Sigurtà tan-NU. Link għas-sit web tal-Avviż Speċjali ta' bejn l-INTERPOL u l-Kunsill tas-Sigurtà tan-NU:
https://www.interpol.int/en/How-we-work/Notices/View-UN-Notices-Individuals agħfas hawn
Informazzjoni oħra
Ahmed Ag Albachar qed jiġi elenkat skont il-paragrafi 8(b) tar-riżoluzzjoni 2374 (2017) għal azzjonijiet meħuda li jostakolaw, jew li jostakolaw permezz ta' dewmien fit-tul, jew li jheddu l-implimentazzjoni tal-Ftehim.
Fit-12 ta' Novembru 2018, il-Plateforme f'Bamako ddikjarat li ma tipparteċipax fil-konsultazzjonijiet reġjonali li jmiss, skedati li jsiru mit-13 sas-17 ta' Novembru skont il-pjan direzzjonali ta' Marzu 2018 maqbul mill-partijiet kollha għall-Ftehim ta' Paċi u Rikonċiljazzjoni f'Marzu 2018. L-għada, f'Gao, saret laqgħa ta' koordinazzjoni mill-kap tal-persunal militari tal-komponent ta' Ganda Koy tal-Coordination des mouvements et fronts patriotiques de résistance (CMFPR)-Plateforme, ma' rappreżentanti tal-MAA-Plateforme, biex iwaqqfu l-konsultazzjonijiet milli jsiru. L-imblokk ġie kkoordinat mat-tmexxija tal-Plateforme f'Bamako, il-MAA-Plateforme, kif ukoll mal-Membru Parlamentari Mohamed Ould Mataly.
L-assoċjat qrib tiegħu Mahri Sidi Amar Ben Daha, magħruf ukoll bħala Yuro Ould Daha, li jgħix fil-proprjetà tiegħu f'Gao, ipparteċipa fl-imblukkar tal-post tal-konsultazzjoni fl-uffiċċju tal-Gvernatur matul dan il-perjodu.
Barra minn hekk, fit-12 ta' Lulju 2016 Ould Mataly kien ukoll wieħed mill-instigaturi ta' dimostrazzjonijiet ostili għall-implimentazzjoni tal-Ftehim.
Għalhekk, billi effettivament waqqaf id-diskussjonijiet dwar dispożizzjonijiet ewlenin tal-Ftehim ta' Paċi u Rikonċiljazzjoni relatati mar-riforma tal-istruttura territorjali tat-Tramuntana tal-Mali, Ould Mataly ostakola u dewwem l-implimentazzjoni tal-Ftehim ta' Paċi u Rikonċiljazzjoni.
Fl-aħħar nett, Ould Mataly talab il-ħelsien ta' membri tal-komunità tiegħu maqbuda f'operazzjonijiet ta' kontra t-terroriżmu. Permezz tal-involviment tiegħu fil-kriminalità organizzata u l-assoċjazzjoni ma' gruppi terroristiċi armati, Mohamed Ould Mataly jhedded ls-implimentazzjoni tal-Ftehim."
|
9.11.2022 |
MT |
Il-Ġurnal Uffiċjali tal-Unjoni Ewropea |
L 288/86 |
DEĊIŻJONI TA’ IMPLIMENTAZZJONI TAL-KUNSILL (PESK) 2022/2188
tat-8 ta’ Novembru 2022
li timplimenta d-Deċiżjoni (PESK) 2016/849 dwar miżuri restrittivi kontra r-Repubblika Demokratika tal-Poplu tal-Korea
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea, u b’mod partikolari l-Artikolu 31(2) tiegħu,
Wara li kkunsidra d-Deċiżjoni tal-Kunsill (PESK) 2016/849 tas-27 ta’ Mejju 2016 dwar miżuri restrittivi kontra r-Repubblika Demokratika tal-Poplu tal-Korea u li tħassar id-Deċiżjoni 2013/183/PESK (1), u b’mod partikolari l-Artikolu 33(1) tagħha,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
|
(1) |
Fis-27 ta’ Mejju 2016, il-Kunsill adotta d-Deċiżjoni (PESK) 2016/849. |
|
(2) |
Fl-14 ta’ Settembru 2022, il-Kumitat tal-Kunsill tas-Sigurtà tan-Nazzjonijiet Uniti (“KSNU”), stabbilit skont ir-Riżoluzzjoni 1718 (2006) tal-KSNU aġġorna l-informazzjoni relatata ma’ żewġ entitajiet soġġetti għal miżuri restrittivi. |
|
(3) |
Id-Deċiżjoni (PESK) 2016/849 jenħtieġ għalhekk li tiġi emendata skont dan, |
ADOTTA DIN ID-DEĊIŻJONI:
Artikolu 1
L-Anness I għad-Deċiżjoni (PESK) 2016/849 huwa emendat f’konformità mal-Anness għal din id-Deċiżjoni.
Artikolu 2
Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Magħmul fi Brussell, it-8 ta’ Novembru 2022.
Għall-Kunsill
Il-President
Z. STANJURA
ANNESS
Fl-Anness I għad-Deċiżjoni (PESK) 2016/849, taħt l-intestatura “B. Entitajiet”, l-entrati 36 u 74 huma ssostitwiti b’dan li ġej:
|
|
Isem |
Magħruf ukoll bħala |
Lokalità |
Data tad-deżinjazzjoni min-NU |
Informazzjoni oħra |
|
“36. |
Singwang Economics and Trading General Corporation |
|
Indirizz: DPRK |
30.11.2016 |
Hija intrapriża tar-RDPK għall-kummerċ tal-faħam. Ir-RDPK tiġġenera sehem sinifikanti tal-flus għall-programmi nukleari u ta’ missili ballistiċi tagħha bl-estrazzjoni ta’ riżorsi naturali u l-bejgħ tagħhom barra mill-pajjiż. |
|
74. |
Weihai World-Shipping Freight |
|
Indirizz: 419-201, Tongyi Lu, Huancui Qu, Weihai, Shandong 264200, China; Numru tal-OMI: 5905801 |
30.3.2018 |
Maniġer kummerċjali u tal-vapur ta’ XIN GUANG HAI, bastiment li għabba faħam f’Taean, ir-RDPK fis-27 ta’ Ottubru 2017 u kellu bħala ħin stmat tal-wasla l-14 ta’ Novembru 2017 f’Cam Pha, il-Vjetnam, iżda ma wasalx.”. |