(1)

Fil-5 ta’ Marzu 2014, il-Kunsill adotta r-Regolament (UE) Nru 208/2014.

(2)

Abbażi ta’ rieżami mill-Kunsill, l-entrati għal erba’ persuni li kontrihom l-applikazzjoni ta’ miżuri restrittivi skadiet fis-6 ta’ Settembru 2022, u l-informazzjoni dwar id-drittijiet tad-difiża tagħhom u d-dritt tagħhom għal protezzjoni ġudizzjarja effettiva, jenħtieġ li jitħassru mill-Anness I għar-Regolament (UE) Nru 208/2014.

(3)

Għalhekk jenħtieġ li r-Regolament (UE) Nru 208/2014 jiġi emendat skont dan,

(1)

Fit-18 ta’ Jannar 2016, il-Kunsill adotta r-Regolament (UE) 2016/44.

(2)

Fit-18 ta’ Lulju 2022, il-Kumitat tal-Kunsill tas-Sigurtà tan-Nazzjonijiet Uniti (‘KSNU’) stabbilit skont ir-Riżoluzzjoni tal-KSNU 1970 (2011) aġġorna l-informazzjoni relattiva għal persuna waħda soġġetta għal miżuri restrittivi.

(3)

Jenħtieġ għalhekk li l-Anness II għar-Regolament (UE) 2016/44 jiġi emendat skont dan,

(1)

Fit-30 ta’ Awwissu 2017, il-Kunsill adotta r-Regolament (UE) 2017/1509.

(2)

Fis-26 ta’ Lulju 2022, il-Kumitat tal-Kunsill tas-Sigurtà tan-Nazzjonijiet Uniti (“KSNU”), stabbilit skont ir-Riżoluzzjoni 1718 (2006) tal-KSNU, aġġorna l-informazzjoni marbuta ma’ 20 persuna u 24 entità soġġetti għal miżuri restrittivi.

(3)

Għalhekk jenħtieġ li l-Anness XIII għar-Regolament (UE) 2017/1509 jiġi emendat skont dan,

(1)

Id-Direttiva tal-Kunsill 2006/112/KE (2) , kif emendata bid-Direttiva (UE) 2020/284 (3), tintroduċi obbligi ta’ rapportar għall-fornituri ta’ servizzi ta’ pagament mill-1 ta’ Jannar 2024. Minn dakinhar ’il quddiem, il-fornituri ta’ servizzi ta’ pagament li huma stabbiliti jew li jipprovdu servizzi ta’ pagament fl-Unjoni Ewropea għandhom iżommu ċerti rekords ta’ pagamenti transfruntiera li joriġinaw minn pagaturi fi ħdan l-Istati Membri u ċerta informazzjoni tal-benefiċjarji, u jittrażmettu dawk ir-rekords lill-Istati Membri għall-ġlieda kontra l-frodi tat-taxxa fuq il-valur miżjud (VAT).

(2)

Skont ir-Regolament (UE) Nru 904/2010, kif emendat bir-Regolament (UE) 2020/283 (4), l-Istati Membri għandhom jittrażmettu dawk ir-rekords lil sistema elettronika ċentrali ta’ informazzjoni dwar il-pagamenti (“CESOP”), li għandha tiġi żviluppata, mantnuta, ospitata u teknikament ġestita mill-Kummissjoni.

(3)

Sabiex jiġi żgurat il-funzjonament tajjeb tas-CESOP, u skont il-punt (a) tal-Artikolu 24e tar-Regolament (UE) Nru 904/2010, huwa meħtieġ li jiġu adottati l-miżuri tekniċi għall-istabbiliment tas-CESOP. Jenħtieġ li dawk il-miżuri jipprevedu l-funzjonalitajiet meħtieġa tas-CESOP għall-iżvilupp tal-kapaċitajiet tas-CESOP kif deskritt fl-Artikolu 24c tar-Regolament (UE) Nru 904/2010. Jenħtieġ li l-miżuri jiżguraw ukoll livell għoli ta’ faċilità għall-utent billi jipprovdu għodod ta’ tiftix u viżwalizzazzjoni fis-CESOP. Barra minn hekk, jenħtieġ li s-CESOP tiffaċilita l-iskambji ta’ informazzjoni bejn l-uffiċjali ta’ kollegament tal-Eurofisc billi tippermettilhom jiskambjaw informazzjoni dwar il-frodi tal-VAT direttament fis-CESOP b’mod rapidu u sigur. Jenħtieġ li l-miżuri li l-Kummissjoni teħtieġ li tieħu biex tmantni s-CESOP wara li din issir operazzjonali, jiġu stabbiliti wkoll sabiex jiġu żgurati l-istandards operazzjonali tal-kwalità tal-infrastruttura tal-IT tas-CESOP u l-funzjonalitajiet tagħha, u sabiex l-aġġornamenti meħtieġa jsiru meta jkun meħtieġ biex jiġu ttrattati l-inċidenti tas-sistema bejn il-Kummissjoni u l-Istati Membri.

(4)

Filwaqt li bħala kontrolluri tas-CESOP, l-Istati Membri huma responsabbli għall-ġestjoni tagħha, il-Kummissjoni bħala l-ospitant u l-proċessur tagħha, għandha serje ta’ responsabbiltajiet limitati għall-ġestjoni teknika tas-CESOP skont il-punt (b) tal-Artikolu 24e tar-Regolament (UE) Nru 904/2010. Jenħtieġ li dawn jinkludu l-kompiti tekniċi meħtieġa għall-amministrazzjoni ta’ kuljum tas-CESOP, bħaż-żamma ta’ rekords tal-uffiċjal ta’ kollegament tal-Eurofisc li jaċċessa s-CESOP, iż-żamma tar-rekords tal-fornituri ta’ servizzi ta’ pagament li ttrażmettew id-data lill-Istati Membri, l-istabbiliment ta’ miżuri ta’ sigurtà organizzazzjonali xierqa għas-CESOP, kif ukoll il-provvediment tat-taħriġ u l-appoġġ meħtieġ għall-uffiċjali ta’ kollegament tal-Eurofisc biex jużaw is-CESOP b’mod effettiv.

(5)

Skont il-punt (b) tal-Artikolu 24b(1) tar-Regolament (UE) Nru 904/2010, l-Istati Membri għandhom jibagħtu d-data lis-CESOP f’format komuni. Jenħtieġ li jiġu stabbiliti l-elementi tad-data li għandhom jiġu rrapportati mill-fornituri ta’ servizzi ta’ pagament fil-format ta’ dokument XML. Sabiex tiġi żgurata l-operabbiltà kumplessiva bejn is-sistemi elettroniċi nazzjonali u s-CESOP skont l-Artikolu 24b(3) tar-Regolament (UE) Nru 904/2010, jenħtieġ li l-Istati Membri jivverifikaw li d-data trażmessa mill-fornituri ta’ servizzi ta’ pagament tinkludi l-elementi tad-data obbligatorji u sintattikament korretti skont l-Artikolu 243d tad-Direttiva 2006/112/KE, peress li s-CESOP tista’ topera biss jekk id-data obbligatorja tiġi rreġistrata korrettement fis-CESOP.

(6)

Jenħtieġ li l-Istati Membri jaħtru l-uffiċjali ta’ kollegament tal-Eurofisc li jkollhom aċċess għas-CESOP u jinfurmaw lill-Kummissjoni bid-deċiżjoni tagħhom. F’dak ir-rigward, jenħtieġ li l-Kummissjoni tipprovdi lil dawk l-uffiċjali b’identifikatur uniku biex jaċċessaw is-CESOP u jżommu lista tal-uffiċjali ta’ kollegament kollha tal-Eurofisc li jkollhom aċċess għas-CESOP abbażi tal-informazzjoni riċevuta mill-Istati Membri.

(7)

Skont il-punt (g) tal-Artikolu 24e tar-Regolament (UE) Nru 904/2010, il-Kummissjoni għandha tistabbilixxi proċeduri biex tiżgura li jkun hemm fis-seħħ miżuri tekniċi u organizzazzjonali xierqa ta’ sigurtà għall-iżvilupp u l-operat tas-CESOP. Diversi aspetti ta’ sigurtà tal-komponenti ċentrali tas-CESOP jiddependu wkoll fuq l-implimentazzjoni ta’ miżuri ta’ sigurtà nazzjonali, bħal miżuri għall-kontroll tas-sikurezza tad-data trażmessa u miżuri biex jiġi żgurat li l-uffiċjal ta’ kollegament tal-Eurofisc b’identifikatur uniku validu biss jista’ jaċċessa s-CESOP. Għalhekk, jenħtieġ li l-Istati Membri jipprovdu lill-Kummissjoni b’informazzjoni dwar il-miżuri ta’ sigurtà tagħhom stess. Jenħtieġ li l-Istati Membri u l-Kummissjoni jżommu lil xulxin infurmati dwar il-miżuri ta’ sigurtà meħuda u dwar il-ħtieġa ta’ kwalunkwe ammeljorament għal dawk il-miżuri.

(8)

L-ipproċessar ta’ data personali skont dan ir-Regolament kif ukoll ir-responsabbiltajiet tal-Istati Membri u tal-Kummissjoni huma soġġetti għar-regoli stabbiliti fir-Regolament (UE) 2016/679 tal-Parlament Ewropew u tal-Kunsill (5) u fir-Regolament (UE) 2018/1725 tal-Parlament Ewropew u tal-Kunsill (6). Skont il-punt (h) tal-Artikolu 24e tar-Regolament (UE) Nru 904/2010, jenħtieġ li jiġu stabbiliti r-rwoli u r-responsabbiltajiet tal-Istati Membri u tal-Kummissjoni fir-rigward tal-kontroll tas-CESOP. Jenħtieġ li l-Istati Membri jitqiesu b’mod konġunt bħala kontrolluri tas-CESOP peress li huma jiddeċiedu dwar il-mezzi tal-ipproċessar u l-użu tad-data fis-CESOP. Jenħtieġ li l-Kummissjoni titqies bħala proċessur peress li taġixxi f’isem l-Istati Membri fit-twettiq tal-kompiti kollha tagħha.

(9)

Jenħtieġ li dan ir-Regolament japplika biss mill-1 ta’ Jannar 2024 sabiex jiġi allinjat mal-applikazzjoni tar-Regolament (UE) 2020/283 u d-Direttiva (UE) 2020/284.

(10)

Il-Kontrollur Ewropew għall-Protezzjoni tad-Data ġie kkonsultat f’konformità mal-Artikolu 42(1) tar-Regolament (UE) 2018/1725 u ta l-opinjoni tiegħu fit-2 ta’ Frar 2022.

(11)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Kooperazzjoni Amministrattiva,

(1)

Fis-16 ta’ Lulju 2012, il-Kunsill adotta d-Deċiżjoni 2012/392/PESK (1) li stabbiliet missjoni tal-PSDK tal-Unjoni Ewropea fin-Niġer sabiex tappoġġa t-tisħiħ tal-kapaċità tal-atturi tas-sigurtà tan-Niġer biex jikkumbattu t-terroriżmu u l-kriminalità organizzata (EUCAP Sahel Niger).

(2)

Fis-7 ta’ Settembru 2020, il-Kunsill adotta d-Deċiżjoni (PESK) 2020/1254 (2) u estenda l-Missjoni sat-30 ta’ Settembru 2022.

(3)

Fil-15 ta’ Ġunju 2022, il-Kumitat Politiku u ta’ Sigurtà (KPS) eżamina r-Rieżami Strateġiku tal-Missjoni u qabel li jestendi l-EUCAP Sahel Niger sat-30 ta’ Settembru 2024. Fit-28 ta’ Ġunju 2022, meta għalaq ir-Rieżami Strateġiku tal-Missjoni, il-KPS qabel ukoll fost l-oħrajn li l-Missjoni jenħtieġ li tkun tista’ tiskambja informazzjoni klassifikata tal-UE mal-aġenziji tal-Ġustizzja u l-Affarijiet Interni tal-Unjoni, fil-qafas tal-mandat tagħha.

(4)

Jenħtieġ li d-Deċiżjoni 2012/392/PESK tiġi emendata skont dan.

(5)

L-EUCAP Sahel Niger ser titwettaq fil-kuntest ta’ sitwazzjoni li tista’ tiddeterjora u li tista’ timpedixxi l-kisba tal-objettivi tal-azzjoni esterna tal-Unjoni kif stabbiliti fl-Artikolu 21 tat-Trattat dwar l-Unjoni Ewropea,

(1)

Il-miżuri restrittivi adottati mill-Kunsill abbażi tal-Artikolu 29 tat-Trattat dwar l-Unjoni Ewropea kif ukoll tal-Artikolu 215 tat-Trattat dwar il-Funzjonament tal-Unjoni Ewropea huma għodda essenzjali tal-politika barranija għall-azzjoni esterna tal-Unjoni.

(2)

It-tixrid wiesa’ tal-informazzjoni dwar miżuri restrittivi fis-seħħ fl-Unjoni u l-aċċess faċli għaliha kif ukoll l-iskambju ta’ informazzjoni bejn l-Istati Membri, il-partijiet ikkonċernati u l-Kummissjoni huma kundizzjoni essenzjali tal-effikaċja tagħhom.

(3)

Il-gwerra ta’ aggressjoni tar-Russja kontra l-Ukrajna wriet il-ħtieġa urġenti li titnieda azzjoni biex l-Istati Membri u l-operaturi jkunu jistgħu jimplimentaw aħjar il-miżuri restrittivi adottati mill-24 ta’ Frar 2022. Iż-żieda fit-talbiet għal implimentazzjoni effettiva ta’ miżuri restrittivi, rekwiżiti ġodda stabbiliti mill-kamp ta’ applikazzjoni u n-natura mingħajr preċedent tal-miżuri restrittivi, u l-ħtieġa għal komunikazzjonijiet siguri u kooperazzjoni mill-qrib bejn l-Istati Membri, il-partijiet ikkonċernati u l-Kummissjoni għall-implimentazzjoni tagħhom jeħtieġu għodda tat-teknoloġija tal-informazzjoni ġodda jew imtejba u aktar siguri.

(4)

Azzjoni operazzjonali taħt il-politika estera u ta’ sigurtà komuni jenħtieġ li tappoġġa l-iżvilupp tal-applikazzjonijiet u l-bażijiet ta’ data meħtieġa, bħala kwistjoni ta’ urġenza,

(1)

Fil-5 ta’ Marzu 2014, il-Kunsill adotta d-Deċiżjoni 2014/119/PESK (1).

(2)

Abbażi ta’ rieżami mill-Kunsill, l-entrati għal erba’ persuni li kontrihom l-applikazzjoni ta’ miżuri restrittivi skadiet fis-6 ta’ Settembru 2022, u l-informazzjoni dwar id-drittijiet tad-difiża tagħhom u d-dritt tagħhom għal protezzjoni ġudizzjarja effettiva, jenħtieġ li jitħassru mill-Anness għad-Deċiżjoni 2014/119/PESK.

(3)

Għaldaqstant, jenħtieġ li d-Deċiżjoni 2014/119/PESK tiġi emendata skont dan,

(1)

Fl-4 ta’ Mejju 2020, il-Kunsill adotta d-Deċiżjoni (PESK) 2020/610 (1), li pprevediet estensjoni tal-validità tal-permessi nazzjonali ta’ ċerti Palestinjani għad-dħul u s-soġġorn fit-territorju tal-Istati Membri msemmijin fil-Pożizzjoni Komuni tal-Kunsill 2002/400/PESK (2) għal perjodu ulterjuri ta’ 24 xahar.

(2)

Fuq il-bażi ta’ evalwazzjoni tal-applikazzjoni tal-Pożizzjoni Komuni 2002/400/PESK, il-Kunsill iqis li jkun xieraq li l-validità ta’ dawk il-permessi tiġi estiża għal perjodu ulterjuri ta’ 24 xahar,

(1)

Fil-31 ta’ Lulju 2015, il-Kunsill adotta d-Deċiżjoni (PESK) 2015/1333.

(2)

Fit-18 ta’ Lulju 2022, il-Kumitat tal-Kunsill tas-Sigurtà tan-Nazzjonijiet Uniti (‘KSNU’) stabbilit skont ir-Riżoluzzjoni tal-KSNU 1970 (2011) aġġorna l-informazzjoni relattiva għal persuna waħda soġġetta għal miżuri restrittivi.

(3)

Jenħtieġ għalhekk li l-Annessi I u III għad-Deċiżjoni (PESK) 2015/1333 jiġu emendati skont dan,

(1)

Fis-27 ta’ Mejju 2016, il-Kunsill adotta d-Deċiżjoni (PESK) 2016/849.

(2)

Fis-26 ta’ Lulju 2022, il-Kumitat tal-Kunsill tas-Sigurtà tan-Nazzjonijiet Uniti (“KSNU”), stabbilit skont ir-Riżoluzzjoni 1718 (2006) tal-KSNU, aġġorna l-informazzjoni marbuta ma’ 20 persuna u 24 entità soġġetti għal miżuri restrittivi.

(3)

Għalhekk, jenħtieġ li l-Anness I għad-Deċiżjoni (PESK) 2016/849 jiġi emendat skont dan,

(1)

Id-Deċiżjoni tal-Kummissjoni (UE) 2021/2313 (3) tagħti, wara għal ċerti Stati Membri, eżenzjoni mid-dazji fuq l-importazzjoni u l-eżenzjoni mit-taxxa fuq il-valur miżjud (“il-VAT”) fuq l-importazzjoni tal-merkanzija meħtieġa biex jiġu miġġielda l-effetti tat-tifqigħa tal-COVID-19 mill-1 ta’ Jannar 2022 sat-30 ta’ Ġunju 2022.

(2)

Fil-15 ta’ Ġunju 2022, il-Kummissjoni kkonsultat lill-Istati Membri dwar jekk kinitx meħtieġa estensjoni tal-validità tal-miżuri stabbiliti f’dik id-Deċiżjoni. Il-Belġju, il-Latvja, l-Awstrija, il-Portugall u s-Slovenja (“l-Istati Membri li għamlu t-talba”) ressqu talbiet f’dan is-sens fil-21 ta’ Ġunju 2022.

(3)

L-importazzjonijiet lejn l-Istati Membri li għamlu t-talba skont id-Deċiżjoni (UE) 2021/2313 kienu ta’ benefiċċju biex l-organizzazzjonijiet tal-Istat jew l-organizzazzjonijiet oħrajn li ġew approvati mill-awtoritajiet nazzjonali kompetenti ngħataw aċċess għall-mediċini, għall-apparat mediku u għat-tagħmir ta’ sikurezza personali meħtieġa li kien hemm nuqqas tagħhom. L-istatistika kummerċjali għal tali merkanzija tindika li l-importazzjonijiet relatati qabdu xejra ’l isfel, iżda jistgħu jvarjaw wara d-domandi l-ġodda għall-merkanzija meħtieġa biex tiġi miġġielda l-pandemija tal-COVID-19. Minkejja t-tilqim li għaddej bħalissa fl-Unjoni u l-għadd ta’ miżuri li ttieħdu biex il-virus ma jinfirixx, l-għadd ta’ infezzjonijiet tal-COVID-19 fl-Istati Membri li għamlu t-talba għadu ta’ riskju għas-saħħa pubblika. Minħabba li f’dawk l-Istati Membri għadhom qed jirrapportaw nuqqas ta’ merkanzija meħtieġa biex tiġi miġġielda l-pandemija tal-COVID-19, jixraq li tingħata eżenzjoni mid-dazji fuq l-importazzjoni imponibbli fuq il-merkanzija importata għall-finijiet speċifikati fl-Artikolu 74 tar-Regolament (KE) Nru 1186/2009 u eżenzjoni mill-VAT imponibbli fuq il-merkanzija importata għall-finijiet speċifikati fl-Artikolu 51 tad-Direttiva 2009/132/KE.

(4)

Jenħtieġ li l-Istati Membri li għamlu t-talba jinfurmaw lill-Kummissjoni dwar in-natura u l-kwantitajiet tal-oġġetti diversi ta’ merkanzija li ddaħħlu mingħajr dazju fuq l-importazzjoni u mingħajr VAT bil-għan li jiġu miġġielda l-effetti tat-tifqigħa tal-COVID-19, dwar l-organizzazzjonijiet li awtorizzaw biex jiddistribwixxu jew ifornu dik il-merkanzija, u dwar il-miżuri li ħadu biex il-merkanzija ma tkunx tista’ tintuża għal finijiet oħra għajr biex jiġu miġġielda l-effetti ta’ dik it-tifqigħa.

(5)

Filwaqt li jitqiesu l-isfidi li jipprevedu li se jiffaċċjaw l-Istati Membri li għamlu t-talba, jenħtieġ li jingħataw l-eżenzjoni mid-dazji fuq l-importazzjoni u l-eżenzjoni mill-VAT għall-importazzjonijiet li jsiru mill-1 ta’ Lulju 2022. Jenħtieġ li l-eżenzjoni tibqa’ fis-seħħ sal-31 ta’ Diċembru 2022.

(6)

Fit-22 ta’ Lulju 2022, l-Istati Membri ġew ikkonsultati f’konformità mal-ewwel paragrafu tal-Artikolu 76 tar-Regolament (KE) Nru 1186/2009 u mal-ewwel paragrafu tal-Artikolu 53 tad-Direttiva 2009/132/KE,

(1)

Talba għar-reġistrazzjoni ta’ inizjattiva taċ-ċittadini Ewropej intitolata “Kull dar Ewropea mgħammra b’1 kW ta’ fotovoltajka u 0,6 kW ta’ turbini eoliċi bl-użu ta’ finanzjament tal-UE u l-amministrazzjoni tal-muniċipalitajiet biss” ġiet ippreżentata lill-Kummissjoni fit-11 ta’ Lulju 2022.

(2)

L-għanijiet tal-inizjattiva kif ġew spjegati mill-organizzaturi huma: “(1) it-tnaqqis tal-impronta tal-karbonju ta’ kull unità domestika; (2) ir-responsabbiltà tal-muniċipalitajiet, tad-distributuri u tal-fornituri tal-enerġija, ir-restrizzjoni tal-migrazzjoni bejn il-fornituri fiż-żona l-ħadra b’taħriġ professjonali għal mill-inqas impjegat wieħed tal-muniċipalità fi kwistjonijiet ambjentali, bl-użu ta’ tagħmir tal-UE biss; (3) l-iżvilupp ta’ sorsi ta’ enerġija ekoloġika fl-aktar villaġġi iżolati u fi tmiem in-networks li nkella jkunu jeħtieġu investimenti ta’ konsolidazzjoni ffinanzjati minn distributuri, fornituri tal-enerġija jew unitajiet amministrattivi territorjali; (4) il-bidla tal-perċezzjoni pubblika li l-enerġija ekoloġika hija għalja u l-edukazzjoni tal-pubbliku biex jikkonsma mill-inqas 1 kW ta’ enerġija solari matul il-jum sabiex jitnaqqsu l-kontijiet. Aħna rridu ntemmu l-gwerra tal-enerġija, inħejju sistemi ta’ pompi tat-turbini lokali sa 400 kW, sistemi ta’ tisqija bil-qatra u ġeneraturi tal-idroġenu għal żoni tal-enerġija kompatti. Pass ewlieni għall-kompetittività fl-UE.”

(3)

Anness tal-inizjattiva jipprovdi aktar dettalji dwar is-suġġett, l-objettivi u l-isfond tal-inizjattiva, u jistabbilixxi u jagħti dettalji dwar ir-raġunijiet għall-appoġġ għal din l-inizjattiva. L-organizzaturi jsostnu li l-flus li ma jintużawx għar-reżiljenza, il-koeżjoni u l-iżvilupp reġjonali jistgħu jservu biex jiffinanzjaw, permezz ta’ unitajiet amministrattivi territorjali, 600 miljun panel fotovoltajku u 197 000 megawatt enerġija ekoloġika f’madwar 197 miljun unità domestika fl-Unjoni kollha għal spiża stmata ta’ EUR 750 biljun, u b’hekk jiġu stabbiliti l-pedamenti tal-“unjoni Ewropea tal-enerġija ekoloġika”.

(4)

Fir-rigward tas-sejħa għal azzjoni biex jiġu installati pannelli fotovoltajċi u turbini eoliċi biex jipprovdu lill-unitajiet domestiċi b’enerġija ekoloġika bil-ħsieb li titnaqqas l-impronta tal-karbonju tagħhom, il-Kummissjoni għandha s-setgħa li tippreżenta proposti għal atti legali li joħolqu obbligi li bini ġdid jew eżistenti jiġi armat b’installazzjonijiet tal-enerġija rinnovabbli u li jitħaffu l-proċeduri għall-għoti ta’ permessi għal proġetti tal-enerġija rinnovabbli abbażi tal-Artikolu 194(2) tat-Trattat.

(5)

Sa fejn l-inizjattiva titlob li l-objettivi tagħha jinkisbu bil-kontribuzzjoni tal-fondi tal-Unjoni, il-Faċilità għall-Irkupru u r-Reżiljenza kif ukoll il-Fond għal Tranżizzjoni Ġusta, InvestEU, abbażi tal-Artikolu 173/jew l-Artikolu 175 tat-Trattat, u l-Fond Soċjali għall-Klima l-ġdid propost, abbażi tal-Artikolu 91(1), il-punt (d), l-Artikolu 192(1) u l-Artikolu 194(1), il-punt (c), kollha jipprevedu investimenti sinifikanti fit-tranżizzjoni ekoloġika.

(6)

Għal dawn ir-raġunijiet, l-ebda parti mill-inizjattiva ma taqa’ manifestament barra mill-qafas tas-setgħat tal-Kummissjoni li tippreżenta proposta għal att legali tal-Unjoni għall-fini tal-implimentazzjoni tat-Trattati.

(7)

Din il-konklużjoni hija mingħajr preġudizzju għall-valutazzjoni ta’ jekk il-kundizzjonijiet sostantivi konkreti meħtieġa biex il-Kummissjoni taġixxi, inklużi l-konformità mal-prinċipji tal-proporzjonalità u tas-sussidjarjetà u l-kompatibilità mad-drittijiet fundamentali, ikunux issodisfati f’dan il-każ.

(8)

Il-grupp ta’ organizzaturi pprovda evidenza xierqa li huwa jissodisfa r-rekwiżiti stipulati fl-Artikolu 5(1) u (2) tar-Regolament (UE) 2019/788 u ħatar il-persuni ta’ kuntatt f’konformità mal-ewwel subparagrafu tal-Artikolu 5(3) ta’ dak ir-Regolament.

(9)

L-inizjattiva la hija manifestament abbużiva, frivola jew vessatorja u lanqas ma tmur manifestament kontra l-valuri tal-Unjoni kif stabbiliti fl-Artikolu 2 tat-Trattat dwar l-Unjoni Ewropea u d-drittijiet stabbiliti fil-Karta tad-Drittijiet Fundamentali tal-Unjoni Ewropea.

(10)

Għalhekk, jenħtieġ li l-inizjattiva intitolata “Kull dar Ewropea mgħammra b’1 kW ta’ fotovoltajka u 0,6 kW ta’ turbini eoliċi bl-użu ta’ finanzjament tal-UE u l-amministrazzjoni tal-muniċipalitajiet biss” tiġi rreġistrata.

(11)

Il-konklużjoni li l-kundizzjonijiet għar-reġistrazzjoni skont l-Artikolu 6(3) tar-Regolament (UE) 2019/788 huma ssodisfati bl-ebda mod ma timplika li l-Kummissjoni tikkonferma l-korrettezza fattwali tal-kontenut tal-inizjattiva, li hija r-responsabbiltà unika tal-grupp ta’ organizzaturi tal-inizjattiva. Il-kontenut tal-inizjattiva jesprimi biss il-fehmiet tal-grupp ta’ organizzaturi, u bl-ebda mod ma jista’ jitqies li jirrifletti l-fehmiet tal-Kummissjoni,

(1)

Fit-13 ta’ Lulju 2022 ġiet ippreżentata talba lill-Kummissjoni għar-reġistrazzjoni ta’ inizjattiva taċ-ċittadini Ewropej intitolata “Nipproteġu l-Wirt Rurali, is-Sigurtà u l-Provvista tal-Ikel fl-UE”.

(2)

L-għanijiet tal-inizjattiva huma spjegati mill-organizzaturi kif ġej: “Ir-reġjuni rurali tal-Ewropa qed jitilfu l-wirt, l-industriji, il-popolazzjonijiet u l-valuri tagħhom – u dan qed jhedded is-sigurtà u l-provvista tal-ikel fl-UE kollha. Biex nippreservaw dak li jagħmel lil dawn ir-reġjuni uniċi għall-ġenerazzjonijiet futuri u niżguraw il-lonġevità tal-komunitajiet tal-UE li jipproduċu l-ikel, neħtieġu impenn imġedded tal-UE għall-promozzjoni tal-wirt reġjonali, tkabbir rurali sostenibbli u żieda fl-istandards tal-għajxien. Din l-Inizjattiva taċ-Ċittadini Ewropej titlob lill-UE timmodernizza l-impenji rurali tagħha biex tqis il-ħtieġa għal aktar sigurtà tal-ikel, provvista ta’ materjali agrikoli u protezzjoni għall-istil ta’ ħajja rurali – in-nies tagħha, il-valuri u l-għajxien tagħhom.”

(3)

Aktar dettalji dwar is-suġġett, l-objettivi u l-isfond tal-inizjattiva jinstabu f’anness ta’ din l-inizjattiva, li fih jiġu stabbiliti u mogħtija dettalji dwar ir-raġunijiet għall-appoġġ għal din l-inizjattiva. L-organizzaturi jsostnu li “s-setturi rurali u dawk li jaħdmuhom jiffaċċjaw pressjoni dejjem akbar u inċentivi dejjem jonqsu biex ikomplu, li jekk dawn ma jiġux indirizzati, se jwasslu għall-estinzjoni ta’ wħud mill-aktar komunitajiet u valuri fundamentali tal-Ewropa”. Huma jitolbu lill-Kummissjoni tippreżenta proposta, fl-ambitu tal-kompetenzi mogħtija lill-Unjoni mit-Trattati, biex jissaħħu u jiġu ppreservati l-wirt u l-industriji reġjonali fl-Unjoni kollha sabiex tingħata spinta lit-tkabbir rurali u jiġu promossi l-prattiki u l-attivitajiet tal-impjiegi rurali. Huma jitolbu wkoll ir-rikonoxximent tas-sigurtà u l-provvista tal-ikel, bħall-materjali tal-fertilizzanti u tal-bijogass, biex tinżamm provvista tal-ikel reġjonali robusta fl-Unjoni. Huma jistiednu lill-Kummissjoni tinkludi l-promozzjoni tal-wirt rurali u r-rikonoxximent tas-sigurtà u l-provvista tal-ikel fil-Fond Agrikolu Ewropew għall-Iżvilupp Rurali u jsemmu l-ħtieġa li l-kamp ta’ applikazzjoni tal-viżjoni fit-tul għaż-żoni rurali tal-Unjoni sal-2040, il-Patt Rurali kif ukoll il-Pjan ta’ Azzjoni Rurali tal-UE jiġu estiżi (2).

(4)

F’konformità mal-objettivi tal-politika agrikola komuni (PAK) stabbilita bl-Artikolu 39 tat-Trattat, ir-Regolament dwar il-pjanijiet strateġiċi tal-PAK (3) isegwi l-objettivi ġenerali tat-trawwim ta’ settur agrikolu intelliġenti, kompetittiv, reżiljenti u diversifikat li jiżgura s-sigurtà tal-ikel fit-tul, jappoġġa u jsaħħaħ il-protezzjoni ambjentali u jsaħħaħ in-nisġa soċjoekonomika taż-żoni rurali (4). Sa fejn l-objettiv tal-inizjattiva tal-protezzjoni tal-wirt rurali, is-sigurtà tal-ikel u l-provvista tal-Unjoni ma jkunx kopert mir-Regolament (UE) 2021/2115, il-Kummissjoni għandha s-setgħa li tippreżenta proposta għal att legali abbażi tal-Artikolu 42 l-Artikolu 43(2) tat-Trattat.

(5)

Għal dawn ir-raġunijiet, l-ebda parti mill-inizjattiva ma taqa’ manifestament barra mill-qafas tas-setgħat tal-Kummissjoni li tippreżenta proposta għal att legali tal-Unjoni għall-fini tal-implimentazzjoni tat-Trattati.

(6)

Din il-konklużjoni hija mingħajr preġudizzju għall-valutazzjoni ta’ jekk il-kundizzjonijiet sostantivi konkreti meħtieġa biex il-Kummissjoni taġixxi, inklużi l-konformità mal-prinċipji tal-proporzjonalità u tas-sussidjarjetà u l-kompatibilità mad-drittijiet fundamentali, ikunux issodisfati f’dan il-każ.

(7)

Il-grupp ta’ organizzaturi pprovda evidenza xierqa li huwa jissodisfa r-rekwiżiti stipulati fl-Artikolu 5(1) u (2) tar-Regolament (UE) 2019/788 u ħatar il-persuni ta’ kuntatt f’konformità mal-Artikolu 5(3), l-ewwel subparagrafu, ta’ dak ir-Regolament.

(8)

L-inizjattiva la hija manifestament abbużiva, frivola jew vessatorja u lanqas ma tmur manifestament kontra l-valuri tal-Unjoni kif stabbiliti fl-Artikolu 2 tat-Trattat dwar l-Unjoni Ewropea u d-drittijiet stabbiliti fil-Karta tad-Drittijiet Fundamentali tal-Unjoni Ewropea.

(9)

Għalhekk, jenħtieġ li l-inizjattiva intitolata “Nipproteġu l-Wirt Rurali, is-Sigurtà u l-Provvista tal-Ikel tal-UE” tiġi rreġistrata.

(10)

Il-konklużjoni li l-kundizzjonijiet għar-reġistrazzjoni skont l-Artikolu 6(3) tar-Regolament (UE) 2019/788 huma ssodisfati bl-ebda mod ma timplika li l-Kummissjoni tikkonferma l-korrettezza fattwali tal-kontenut tal-inizjattiva, li hija r-responsabbiltà unika tal-grupp ta’ organizzaturi tal-inizjattiva. Il-kontenut tal-inizjattiva jesprimi biss il-fehmiet tal-grupp ta’ organizzaturi, u bl-ebda mod ma jista’ jitqies li jirrifletti l-fehmiet tal-Kummissjoni,

(1)

L-Anness I tar-Regolament (UE) Nru 528/2012 fih sustanzi attivi li għandhom profil tas-saħħa ambjentali jew tas-saħħa tal-bniedem jew tal-annimali aktar favorevoli. Għalhekk, il-prodotti li fihom dawn is-sustanzi attivi jistgħu jiġu awtorizzati bi proċedura simplifikata. In-nitroġenu huwa inkluż fl-Anness I tar-Regolament (UE) Nru 528/2012, soġġett għar-restrizzjoni li jintuża fi kwantitajiet limitati f’kontenituri pronti għall-użu.

(2)

Skont l-Artikolu 86 tar-Regolament (UE) Nru 528/2012, in-nitroġenu hu approvat bħala sustanza attiva għall-użu fil-prodotti bijoċidali tat-tip ta’ prodott 18, insettiċidi (2). Il-prodotti bijoċidali li jikkonsistu min-nitroġenu kif approvat, huma awtorizzati f’diversi Stati Membri u huma fornuti f’ċilindri tal-gass (3).

(3)

In-nitroġenu jista’ wkoll jiġi ġġenerat in situ mill-arja ambjentali. In-nitroġenu ġġenerat in situ bħalissa mhuwiex approvat għall-użu fl-Unjoni u la hu elenkat fl-Anness I tar-Regolament (UE) Nru 528/2012, u lanqas ma hu mdaħħal fil-lista ta’ sustanzi attivi inklużi fil-programm ta’ rieżami tas-sustanzi attivi eżistenti fil-prodotti bijoċidali fl-Anness II tar-Regolament ta’ Delega tal-Kummissjoni (UE) Nru 1062/2014 (4).

(4)

Skont l-Artikolu 55(3) tar-Regolament (UE) Nru 528/2012, fil-5 ta’ April 2022 il-Finlandja ressqet applikazzjoni lill-Kummissjoni għal deroga mill-Artikolu 19(1)(a) ta’ dak ir-Regolament li fiha titlob li titħalla tawtorizza l-prodotti bijoċidali li jikkonsistu min-nitroġenu ġġenerat in situ mill-arja ambjentali għall-protezzjoni tal-wirt kulturali (“l-applikazzjoni”).

(5)

Il-wirt kulturali jista’ jsofri ħsarat minn firxa wiesgħa ta’ organiżmi ta’ ħsara, minn insetti sa mikroorganiżmi. Il-preżenza ta’ dawk l-organiżmi mhux biss tista’ twassal għat-telf tal-oġġett kulturali nnifsu, iżda toħloq ukoll ir-riskju li dawk l-organiżmi ta’ ħsara jinfirxu għal oġġetti oħra fil-qrib. Mingħajr trattament xieraq, l-oġġetti jistgħu jsofru ħsara b’mod irrimedjabbli, u b’hekk il-wirt kulturali jitpoġġa f’riskju serju.

(6)

In-nitroġenu ġġenerat in situ jintuża biex tinħoloq atmosfera kkontrollata b’konċentrazzjoni baxxa ħafna ta’ ossiġenu (anossija) f’tined jew fi kmamar għat-trattament issiġillati b’mod permanenti jew temporanju għall-kontroll tal-organiżmi ta’ ħsara fuq oġġetti ta’ wirt kulturali. In-nitroġenu jinfired mill-arja ambjentali u jiġi ppumpjat fit-tinda jew fil-kamra għat-trattament, fejn il-kontenut tan-nitroġenu fl-atmosfera jiżdied għal bejn wieħed u ieħor 99 % u b’hekk l-ossiġenu jiġi eżawrit kważi kompletament. L-umdità tan-nitroġenu li jiġi ppumpjat fiż-żona għat-trattament tiġi ffissata skont x’jirrikjedi l-oġġett li jrid jiġi ttrattat. L-organiżmi ta’ ħsara ma jistgħux jibqgħu ħajjin fil-kundizzjonijiet maħluqa fit-tinda jew fil-kamra għat-trattament.

(7)

Skont l-informazzjoni li tressqet mill-Finlandja, l-użu tan-nitroġenu ġġenerat in situ jidher li huwa l-unika teknika effettiva għall-kontroll tal-organiżmi ta’ ħsara li tista’ tintuża għat-tipi u l-kombinamenti kollha ta’ materjali preżenti fl-istituzzjonijiet kulturali mingħajr ma ssirilhom ħsara u hi effettiva kontra l-istadji kollha tal-iżvilupp tal-pesti fil-wirt kulturali.

(8)

Il-metodu tal-anossija jew ta’ atmosfera mmodifikata jew ikkontrollata huwa elenkat fl-istandard EN 16790:2016 “Konservazzjoni tal-wirt kulturali – Ġestjoni integrata tal-pesti (IPM) għall-protezzjoni tal-wirt kulturali” u f’dan l-istandard in-nitroġenu huwa deskritt bħala “l-aktar użat” biex tinħoloq l-anossija.

(9)

Tekniki oħra huma disponibbli għall-kontroll tal-organiżmi ta’ ħsara, bħat-tekniki ta’ xokk termali (b’temperaturi għoljin jew baxxi). Barra minn hekk, il-prodotti bijocidali li fihom sustanzi attivi oħra jistgħu jintużaw għal dak l-iskop. Madankollu, fil-fehma tal-Finlandja, kull waħda minn dawn it-tekniki għandha limitazzjonijiet fir-rigward tal-ħsara li tista’ ssir lil ċerti materjali matul it-trattament.

(10)

Kif iddikjarat fl-applikazzjoni, rari li jintużaw sustanzi attivi oħra fl-istituzzjonijiet kulturali minħabba l-profil ta’ periklu tagħhom. Wara t-trattament b’dawn is-sustanzi, ir-residwi fuq l-oġġetti ttrattati jistgħu jiġu rilaxxati progressivament fl-ambjent, u dan joħloq riskju għas-saħħa tal-bniedem. Barra minn hekk, dawn is-sustanzi jistgħu jirreaġixxu mal-materjali tal-oġġetti tal-wirt u jikkawżaw bidliet irriversibbli, speċjalment tal-uċuħ tagħhom.

(11)

Skont l-informazzjoni fl-applikazzjoni, l-użu tan-nitroġenu fiċ-ċilindri mhuwiex alternattiva xierqa għall-istituzzjonijiet kulturali, billi għandu żvantaġġi prattiċi. Il-kwantitajiet limitati fiċ-ċilindri jirrikjedu trasport frekwenti u faċilità ta’ ħżin separata. It-trattament bin-nitroġenu fiċ-ċilindri jiġġenera kostijiet għoljin għall-istituzzjonijiet kulturali.

(12)

Jekk l-istituzzjonijiet kulturali jintalbu jużaw diversi tekniki biex jikkontrollaw l-organiżmi ta’ ħsara – kull waħda minnhom adattata għal materjali u oġġetti speċifiċi – minflok jużaw teknika waħda li tkun diġà ntużat u li tkun adattata għall-materjali kollha, l-istituzzjonijiet kulturali jkollhom iġarrbu kostijiet addizzjonali u tkun aktar ikkumplikata għalihom biex jilħqu l-objettiv li jitbiegħdu mill-użu ta’ sustanzi attivi aktar perikolużi fl-IPM tagħhom. Barra minn hekk, l-abbandun tal-faċilitajiet u tat-tagħmir miksuba għall-anossija tan-nitroġenu ġġenerata in situ jirrappreżenta telf ta’ investimenti preċedenti.

(13)

Fl-2019, f’bosta laqgħat (5) tal-grupp ta’ esperti tal-Kummissjoni tal-Awtoritajiet Kompetenti għall-Prodotti Bijoċidali, saru diskussjonijiet dwar il-possibbiltà ta’ deroga skont l-Artikolu 55(3) tar-Regolament (UE) Nru 528/2012 għan-nitroġenu ġġenerat in situ.

(14)

Barra minn hekk, mat-talba tal-Kummissjoni, wara l-ewwel applikazzjoni simili għal deroga għall-prodotti li jikkonsistu min-nitroġenu ġġenerat in situ mill-Awstrija, l-Aġenzija Ewropea għas-Sustanzi Kimiċi wettqet konsultazzjoni pubblika dwar dik l-applikazzjoni, u ppermettiet lill-partijiet interessati kollha jipprovdu l-fehmiet tagħhom. Il-maġġoranza l-kbira tal-1487 kumment li waslu kienu favur id-deroga. Bosta kontributuri ddeskrivew l-iżvantaġġi tat-tekniki alternattivi disponibbli: it-trattamenti termali jistgħu jagħmlu ħsara lil ċerti materjali; l-użu ta’ sustanzi attivi oħra jħallu residwi tossiċi fuq l-artefatti li progressivament jiġu rilaxxati fl-ambjent; l-użu tan-nitroġenu fiċ-ċilindri ma jippermettix li tiġi kkontrollata l-umdità relattiva fiż-żona għat-trattament, u dan huwa meħtieġ għat-trattament ta’ wħud mill-materjali.

(15)

L-inklużjoni tan-nitroġenu ġġenerat in situ fl-Anness I tar-Regolament (UE) Nru 528/2012 għandha tippermetti lill-Istati Membri jawtorizzaw il-prodotti li jikkonsistu min-nitroġenu ġġenerat in situ mingħajr il-ħtieġa ta’ deroga skont l-Artikolu 55(3) ta’ dak ir-Regolament. Tali applikazzjoni ġiet ippreżentata f’Marzu 2022. Madankollu, it-twettiq tal-evalwazzjoni ta’ din l-applikazzjoni, l-inklużjoni tas-sustanza fl-Anness I tar-Regolament (UE) Nru 528/2012 u l-ksib tal-awtorizzazzjonijiet tal-prodott, jeħtieġu ż-żmien.

(16)

L-applikazzjoni turi li ma hemm l-ebda alternattiva xierqa disponibbli fil-Finlandja, peress li t-tekniki alternattivi kollha disponibbli attwalment għandhom xi żvantaġġi minħabba li mhumiex adattati għat-trattament tal-materjali kollha jew minħabba li għandhom xi żvantaġġi prattiċi.

(17)

Abbażi ta’ dawk l-argumenti kollha jixraq li wieħed jikkonkludi li n-nitroġenu ġġenerat in situ huwa essenzjali għall-protezzjoni tal-wirt kulturali fil-Finlandja u li ma hemm l-ebda alternattiva xierqa disponibbli. Għalhekk jenħtieġ li l-Finlandja titħalla tawtorizza t-tqegħid fis-suq u l-użu tal-prodotti bijoċidali li jikkonsistu min-nitroġenu ġġenerat in situ għall-protezzjoni tal-wirt kulturali.

(18)

L-inklużjoni possibbli tan-nitroġenu ġġenerat in situ fl-Anness I tar-Regolament (UE) Nru 528/2012 u l-awtorizzazzjoni sussegwenti mill-Istati Membri tal-prodotti li jikkonsistu min-nitroġenu ġġenerat in situ jeħtieġu ż-żmien. Għalhekk jixraq li tkun permessa deroga għal perjodu ta’ żmien li jkun jippermetti t-tlestija tal-proċeduri sottostanti,

(1)

Fid-19 ta’ Ottubru 2015, il-kumpanija Laboratoria Qualiphar N.V./S.A. (“l-applikant”) issottomettiet applikazzjoni għal rikonoxximent reċiproku b’mod parallel lill-awtoritajiet kompetenti ta’ diversi Stati Membri, inkluż Franza, f’konformità mal-Artikolu 34 tar-Regolament (UE) Nru 528/2012, tal-prodott bijoċidali Mouskito Junior Lotion (“il-prodott bijoċidali”). Il-prodott bijoċidali huwa prodott lest għall-użu maħsub biex jipproteġi l-ġilda tal-bniedem mill-gdim tal-insetti u fih l-etil butilaċetilamminopropjonat (IR 3535) bħala sustanza attiva. Il-Belġju huwa l-Istat Membru ta’ referenza responsabbli għall-evalwazzjoni tal-applikazzjoni kif imsemmi fl-Artikolu 34(1) tar-Regolament (UE) Nru 528/2012.

(2)

L-indikazzjonijet tal-applikant għall-prodott kienu: il-protezzjoni f’żoni bi klima tropikali kontra n-nemus (Aedes aegypti, Culex quinquefasciatus, Anopheles gambiae) u f’żoni bi klima temperata kontra n-nemus (Aedes aegypti, Culex quinquefasciatus), id-dubbien (Stomoxys calcitrans), in-naħal (Apis mellifera), iż-żunżan (Apis mellifera) u l-qurdien (Ixodes ricinus).

(3)

Fid-19 ta’ Ġunju 2019, skont l-Artikolu 35(2) tar-Regolament (UE) Nru 528/2012, Franza ressqet l-oġġezzjonijiet lill-grupp ta’ koordinazzjoni li jindikaw li l-prodott bijoċidali ma jissodisfax il-kundizzjonijiet stabbiliti fl-Artikolu 19(1), il-punt (b)(i), ta’ dak ir-Regolament għall-użu kontra n-naħal u ż-żunżan. Ir-riferiment ġie diskuss fil-grupp ta’ koordinazzjoni fis-16 ta’ Settembru 2019.

(4)

Billi fil-grupp ta’ koordinazzjoni ma ntlaħaqx ftehim, fis-7 ta’ Novembru 2019, il-Belġju ressaq l-oġġezzjoni mhux riżolta lill-Kummissjoni skont l-Artikolu 36(1) tar-Regolament (UE) Nru 528/2012. Il-Belġju pprovda dikjarazzjoni lill-Kummissjoni li tispjega fid-dettall il-kwistjoni li l-Istati Membri ma setgħux jaqblu dwarha u r-raġunijiet għal dak in-nuqqas ta’ qbil. Id-dikjarazzjoni ntbagħtet lill-Istati Membri kkonċernati u lill-applikant.

(5)

Franza ma taqbilx mar-rakkomandazzjoni tal-Istat Membru ta’ referenza għall-awtorizzazzjoni tal-użu kontra ż-żunżan u n-naħal. B’mod aktar speċifiku, Franza jidhrilha li l-effikaċja għall-użu speċifiku ma ntwerietx fit-test b’użu simulat ipprovdut mill-applikant, minħabba li d-disinn ta’ dak it-test ma ppermettiex li jiġi ddeterminat il-ħin sħiħ tal-protezzjoni (2) u minħabba li l-prodott ma ġiex applikat fuq wiċċ li jixbah il-ġilda tal-bniedem.

(6)

Il-Belġju jargumenta li l-applikant wettaq it-testijiet meħtieġa skont il-gwida eżistenti fiż-żmien li fih issottometta l-applikazzjoni u nnota li ma jeżisti l-ebda protokoll stabbilit fir-rigward taż-żunżan u tan-naħal. Il-Belġju jidhirlu li indikazzjoni speċifika ma tistax tiġi miċħuda sempliċiment minħabba li ma jkunx jeżisti protokoll tal-ittestjar stabbilit u li għalhekk jeħtieġ jintuża ġudizzju espert. Filwaqt li jirrikonoxxi li ma ġie ddeterminat l-ebda ħin sħiħ tal-protezzjoni mit-test ipprovdut mill-applikant, il-Belġju kkonkluda, abbażi tal-ġudizzju espert, li l-indikazzjoni tar-repellenza tan-naħal u taż-żunżan kienet sostnuta biżżejjed.

(7)

Fis-17 ta’ Diċembru 2021, il-Kummissjoni talbet opinjoni dwar dik il-kwistjoni mingħand l-Aġenzija Ewropea għas-Sustanzi Kimiċi (“l-Aġenzija”) f’konformità mal-Artikolu 36(2) tar-Regolament (UE) Nru 528/2012. L-Aġenzija ntalbet tindika (i) jekk huwiex meħtieġ li jiġi ddeterminat il-ħin sħiħ tal-protezzjoni għall-valutazzjoni tal-effikaċja kontra n-naħal u ż-żunżan u jekk it-test b’użu simulat imwettaq mill-applikant jippermettix li jiġi ddeterminat il-ħin sħiħ tal-protezzjoni, (ii) jekk huwiex meħtieġ li jitwettqu testijiet b’użu simulat fuq wiċċ li jixbah il-ġilda tal-bniedem u (iii) jekk it-test b’użu simulat imwettaq iġġenerax data li turi li bid-doża rakkomandata, il-prodott bijoċidali jikkontrolla ż-żunżan u n-naħal billi jirripella dawk l-organiżmi u b’hekk jappoġġa d-dikjarazzjoni “jirripella ż-żunżan u n-naħal”.

(8)

Fit-2 ta’ Marzu 2022, il-Kumitat dwar il-Prodotti Bijoċidali tal-Aġenzija adotta l-opinjoni tiegħu (3).

(9)

Skont l-Aġenzija, id-data dwar l-effikaċja rilevanti għall-kundizzjonijiet tal-użu reali hija meħtieġa biex tissostanzja l-indikazzjonijiet dwar il-prodott. Il-ħin tal-protezzjoni huwa parametru importanti ħafna, speċjalment għall-prodotti maħsuba biex jintużaw kontra insetti perikolużi, filwaqt li jitqies ukoll li t-tingiż min-naħal u miż-żunżan huwa tħassib reali għall-individwi vulnerabbli minħabba reazzjonijiet allerġiċi għall-velenu.

(10)

L-Aġenzija tirrikonoxxi li ma hemm l-ebda protokoll jew kriterju miftiehem għall-ittestjar tal-effikaċja fir-rigward tar-repellenti topiċi kontra ż-żunżan u n-naħal u jidhrilha li hija r-responsabbiltà tal-applikant li jipprovdi d-data dwar l-effikaċja minn studji mfassla biex jimitaw is-sitwazzjoni tal-użu prattiku sabiex jissostanzja l-indikazzjoni.

(11)

It-testijiet imwettqa mill-applikant kienu provi fuq il-post imwettqa fl-imsaġar. L-effikaċja tar-repellent ġiet investigata bl-użu ta’ nases fil-forma ta’ fliexken tal-plastik, mimlija b’soluzzjoni ta’ zokkor u deterġent biex jinqabdu l-organiżmi fil-mira. Il-wiċċ tan-nases ġie ttrattat bil-prodott tat-test darbtejn kuljum jew ma ġiex ittrattat. Skont l-Aġenzija, fil-każ tar-repellenti kontra n-naħal u ż-żunżan, l-ittestjar permezz ta’ nases b’sustanza li tattira l-insetti bħala s-suġġett tat-test minflok il-bniedem jista’ jkun aċċettabbli, b’mod partikolari minħabba kwistjonijiet etiċi mqajma mill-esponiment tal-bnedmin għat-tingiż min-naħal u miż-żunżan li hu inevitabbli u li jikkawża l-uġigħ. Madankollu, id-data miġbura waqt il-prova fuq il-post imwettqa mill-applikant ma tippermettix li jiġi stabbilit il-ħin sħiħ tal-protezzjoni.

(12)

L-Aġenzija tindika wkoll li l-wiċċ tal-fliexken użati bħala nases, li huwa materjal mhux poruż, huwa ferm differenti minn kwalunkwe materjal li jissimula l-proprjetajiet tal-ġilda tal-bniedem, speċjalment f’termini ta’ assorbenza u riħa, u dan jista’ jaffettwa l-effikaċja tar-repellent. Jenħtieġ li d-disinn tat-test jimita kemm jista’ jkun is-sitwazzjoni prattika waqt l-użu – pereżempju, ikun aħjar li jintuża wiċċ jew konsistenza assorbenti li jixbhu l-ġilda tal-bniedem, bħall-ġilda tal-annimali, jew kwalunkwe materjal poruż artifiċjali modifikat b’tali mod li jissimula l-ġilda tal-bniedem.

(13)

Skont l-Aġenzija, id-data sottomessa mill-applikant mill-provi fuq il-post hija valida fil-prinċipju u tista’ turi l-effikaċja tal-prodotti maħsuba biex jintużaw bħala repellenti tal-ispazji jew li jintużaw fuq il-wiċċ tal-ġilda u tista’ tissostanzja d-dikjarazzjoni “jirripella ż-żunżan u n-naħal”. Madankollu, it-test ipprovdut mhuwiex rilevanti għall-użu maħsub, jiġifieri bħala repellent topiku kontra ż-żunżan u n-naħal li għandu jiġi applikat fuq il-ġilda tal-bniedem u b’hekk jintuża biex jipproteġi lill-individwi kontra l-gdim/it-tingiż tal-insetti. Jenħtieġ li d-data ġġenerata tkun rilevanti għal dan l-użu maħsub. Il-wiċċ ittrattat tan-nases fit-test imwettaq ma jimitax biżżejjed is-sitwazzjoni tal-użu prattiku, u għalhekk, id-disinn tat-test ma jistax jitqies xieraq biex juri l-effikaċja tal-prodott għall-użu ddikjarat.

(14)

Filwaqt li tqis l-opinjoni tal-Aġenzija, il-Kummissjoni jidhrilha li l-prodott bijoċidali ma jissodisfax il-kundizzjoni stabbilita fl-Artikolu 19(1), il-punt (b)(i), tar-Regolament (UE) Nru 528/2012 għall-użu tal-prodott bħala repellent kontra ż-żunżan u n-naħal.

(15)

Il-miżuri previsti f’din id-Deċiżjoni huma skont l-opinjoni tal-Kumitat Permanenti dwar il-Prodotti Bijoċidali,

(1)

Ir-Regolament (UE) 2021/953 jistabbilixxi ċ-Ċertifikat COVID Diġitali tal-UE, li l-iskop tiegħu huwa li jservi ta’ prova li persuna tkun irċeviet tilqima kontra l-COVID-19, riżultat tat-test negattiv, jew li tkun fieqet minn infezzjoni għall-fini tal-faċilitazzjoni tal-eżerċizzju tad-detenturi tad-dritt tagħhom għall-moviment liberu matul il-pandemija tal-COVID-19.

(2)

Sabiex iċ-Ċertifikat COVID Diġitali tal-UE jkun jista’ jintuża madwar l-Unjoni, il-Kummissjoni adottat id-Deċiżjoni ta’ Implimentazzjoni (UE) 2021/1073 (2) li tistabbilixxi speċifikazzjonijiet tekniċi u regoli biex iċ-Ċertifikati COVID Diġitali tal-UE jimtlew, jinħarġu u jiġu verifikati b’mod sigur, biex tkun żgurata l-protezzjoni tad-data personali, biex tiġi stabbilita l-istruttura komuni tal-identifikatur uniku taċ-ċertifikat, u biex jinħareġ barcode validu, sigur u interoperabbli.

(3)

Fid-29 ta’ Ġunju 2022, il-Parlament Ewropew u l-Kunsill adottaw ir-Regolament (UE) 2022/1034 (3), li jestendi l-perjodu ta’ applikazzjoni tar-Regolament (UE) 2021/953 dwar iċ-Ċertifikat COVID Diġitali tal-UE sat-30 ta’ Ġunju 2023. Din l-estensjoni tiżgura li ċ-Ċertifikat COVID Diġitali tal-UE jkun jista’ jkompli jiffaċilita l-moviment liberu matul il-pandemija tal-COVID-19, filwaqt li timmira lejn livell għoli ta’ protezzjoni tas-saħħa pubblika. Dan huwa partikolarment rilevanti f’każ li jinżammu jew jiġu introdotti (mill-ġdid) ċerti restrizzjonijiet għall-moviment liberu għal raġunijiet ta’ saħħa pubblika, pereżempju b’rispons għall-emerġenza u t-tixrid ta’ varjanti ġodda tas-SARS-CoV-2 ta’ tħassib.

(4)

Biex jitwessa’ l-kamp ta’ applikazzjoni tat-testijiet dijanjostiċi tal-COVID-19 li jistgħu jintużaw għall-ħruġ ta’ Ċertifikat COVID Diġitali tal-UE, id-definizzjoni ta’ testijiet rapidi tal-antiġeni stabbilita fl-Artikolu 2, il-punt 5 tar-Regolament (UE) 2021/953 ġiet emendata bir-Regolament (UE) 2022/1034 biex tinkludi analiżijiet antiġeniċi bbażati fil-laboratorju. Issa huwa possibbli li l-Istati Membri joħorġu ċertifikati tat-testijiet u, wara l-adozzjoni tar-Regolament Delegat tal-Kummissjoni (UE) 2022/256 (4), ċertifikati tal-fejqan abbażi tat-testijiet tal-antiġeni inklużi fil-lista komuni tal-UE ta’ testijiet tal-antiġeni tal-COVID-19 li ġiet miftiehma, u li jiġu aġġornati regolarment, mill-Kumitat għas-Sigurtà tas-Saħħa, bħala li jissodisfaw il-kriterji ta’ kwalità stabbiliti.

(5)

L-Artikolu 5(5) tar-Regolament (UE) 2021/953 ġie emendat ukoll bir-Regolament (UE) 2022/1034 sabiex jippermetti lill-Istati Membri joħorġu ċertifikati tat-tilqim lill-parteċipanti fi provi kliniċi li jkunu ġew approvati mill-kumitati etiċi u mill-awtoritajiet kompetenti tal-Istati Membri, irrispettivament minn jekk il-parteċipant ikunx irċieva l-kandidat tat-tilqima kontra l-COVID-19 jew, biex jiġi evitat li l-istudji jiġu kompromessi, id-doża mogħtija lill-grupp ta’ kontroll. Skont l-Artikolu 3(11) tar-Regolament (UE) 2021/953, fejn meħtieġ, il-Kummissjoni għandha titlob lill-Kumitat għas-Sigurtà tas-Saħħa, lill-ECDC jew lill-EMA biex joħorġu gwida dwar l-aċċettazzjoni tat-tilqim kontra l-COVID-19 li jkunu għaddejjin minn provi kliniċi fl-Istati Membri.

(6)

Fid-dawl ta’ dawn l-emendi tar-Regolament (UE) 2021/953, u sabiex tiġi żgurata l-interoperabbiltà taċ-Ċertifikat COVID Diġitali tal-UE, ir-regoli għall-mili taċ-Ċertifikat COVID Diġitali tal-UE jenħtieġ li jiġu aġġornati biex jirriflettu l-possibbiltà li jintużaw analiżijiet antiġeniċi bbażati fil-laboratorju għaċ-ċertifikati tat-testijiet u tal-fejqan u biex jinħarġu ċertifikati tat-tilqim għall-parteċipanti fil-provi kliniċi.

(7)

Għalhekk, jenħtieġ li d-Deċiżjoni ta’ Implimentazzjoni (UE) 2021/1073 tiġi emendata skont dan.

(8)

Fid-dawl tal-ħtieġa tal-implimentazzjoni rapida tal-ispeċifikazzjonijiet tekniċi emendati fiċ-Ċertifikat COVID Diġitali tal-UE, jenħtieġ li din id-Deċiżjoni tidħol fis-seħħ fit-tielet jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

(9)

Il-miżuri previsti f’din id-Deċiżjoni huma f’konformità mal-opinjoni tal-Kumitat stabbilit bl-Artikolu 14 tar-Regolament (UE) 2021/953,

(1)

F’konformità mar-Regolament (UE) Nru 305/2011, il-Korpi tal-Valutazzjoni Teknika huma obbligati jużaw il-metodi u l-kriterji provduti fid-Dokumenti Ewropej ta’ Valutazzjoni, li r-referenzi tagħhom ġew ippubblikati f’Il-Ġurnal Uffiċjali tal-Unjoni Ewropea, għall-valutazzjoni tal-prestazzjoni tal-prodotti għall-bini koperti minn dawk id-dokumenti b’rabta mal-karatteristiċi essenzjali tagħhom.

(2)

F’konformità mal-Artikolu 19 tar-Regolament (UE) Nru 305/2011, wara diversi talbiet mill-manifatturi għal Valutazzjonijiet Tekniċi Ewropej, l-organizzazzjoni tal-Korpi tal-Valutazzjoni Teknika fasslet u adottat 10 Dokumenti Ewropej ta’ Valutazzjoni u korrezzjoni waħda.

(3)

Id-Dokumenti Ewropej ta’ Valutazzjoni li ġew imfassla u adottati mill-organizzazzjoni tal-Korpi tal-Valutazzjoni Teknika huma relatati mal-prodotti għall-bini li ġejjin:

(4)

Id-Dokument Ewropew ta’ Valutazzjoni bin-numru ta’ referenza 360001-01-0803 relatat mas-sistema ta’ ventilazzjoni magħmula minn suf minerali b’kisi fuq barra u fuq ġewwa, li r-referenza tiegħu hija ppubblikata bid-Deċiżjoni ta’ Implimentazzjoni tal-Kummissjoni (UE) 2019/450 (2) fih żball. Huwa għalhekk meħtieġ li tiżdied kjarifika li d-Dokument Ewropew ta’ Valutazzjoni bin-numru ta’ referenza 360001-01-0803 jissostitwixxi l-verżjoni preċedenti tad-Dokument Ewropew ta’ Valutazzjoni bin-numru ta’ referenza 360001-00-0803.

(5)

Id-Dokumenti Ewropej ta’ Valutazzjoni mfassla u adottati mill-organizzazzjoni tal-Korpi tal-Valutazzjoni Teknika jissodisfaw l-esiġenzi fir-rigward tar-rekwiżiti bażiċi għax-xogħlijiet ta’ bini stabbiliti fl-Anness I tar-Regolament (UE) Nru 305/2011. Għalhekk jixraq li r-referenzi ta’ dawk id-Dokumenti Ewropej ta’ Valutazzjoni jiġu ppubblikati f’Il-Ġurnal Uffiċjali tal-Unjoni Ewropea.

(6)

Il-lista tar-referenzi tad-Dokumenti Ewropej ta’ Valutazzjoni ġiet ippubblikata bid-Deċiżjoni ta’ Implimentazzjoni (UE) 2019/450. Għal raġunijiet ta’ ċarezza, jenħtieġ li r-referenzi tad-Dokumenti Ewropej ta’ Valutazzjoni l-ġodda jiżdiedu ma’ dik il-lista.

(7)

Għalhekk, jenħtieġ li d-Deċiżjoni ta’ Implimentazzjoni (UE) 2019/450 tiġi emendata skont dan.

(8)

Sabiex jiġi ffaċilitat l-użu tad-Dokumenti Ewropej ta’ Valutazzjoni minn kmieni kemm jista’ jkun, jenħtieġ li din id-Deċiżjoni tidħol fis-seħħ fil-jum tal-pubblikazzjoni tagħha,