(1)

Sabiex tiġi żgurata provvista suffiċjenti u mingħajr interruzzjoni ta’ ċerti prodotti agrikoli u industrijali li mhumiex magħmula fl-Unjoni u b’hekk jiġi evitat kwalunkwe tfixkil fis-suq għal dawk il-prodotti, id-dazji tat-Tariffa Doganali Komuni tat-tip imsemmi fl-Artikolu 56(2), punt (c), tar-Regolament (UE) Nru 952/2013 tal-Parlament Ewropew u tal-Kunsill (1) (“dazji tat-TDK”) fuq dawk il-prodotti ġew sospiżi permezz tar-Regolament tal-Kunsill (UE) 2021/2278 (2). B’riżultat ta’ dan, il-prodotti elenkati fl-Anness għar-Regolament (UE) 2021/2278 jistgħu jiġu importati fl-Unjoni b’rati ta’ dazju mnaqqsa jew żero.

(2)

Il-produzzjoni tal-Unjoni ta’ ċerti prodotti li mhumiex elenkati fl-Anness għar-Regolament (UE) 2021/2278 mhijiex adegwata biex tissodisfa r-rekwiżiti speċifiċi tal-industriji utenti fl-Unjoni. Billi huwa fl-interess tal-Unjoni li tiżgura provvista adegwata ta’ ċerti prodotti, u filwaqt li jitqies il-fatt li dawk il-prodotti identiċi, ekwivalenti jew ta’ sostituzzjoni ma jiġux prodotti fi kwantitajiet suffiċjenti fl-Unjoni, huwa neċessarju li tingħata sospensjoni sħiħa tad-dazji tat-TDK fuq dawk il-prodotti.

(3)

Bil-ħsieb li tiġi promossa l-produzzjoni integrata tal-batteriji fl-Unjoni f’konformità mal-komunikazzjoni tal-Kummissjoni tas-17 ta’ Mejju 2018 intitolata “L-Ewropa Attiva – Mobbiltà Sostenibbli għall-Ewropa: sikura, konnessa u nadifa”, jenħtieġ li tingħata sospensjoni parzjali tad-dazju TDK għal ċerti prodotti relatati mal-produzzjoni tal-batteriji li mhumiex elenkati fl-Anness għar-Regolament (UE) 2021/2278. Id-data għar-rieżami obbligatorju ta’ dawk is-sospensjonijiet jenħtieġ li tkun il-31 ta’ Diċembru 2022, sabiex dak ir-rieżami jqis l-evoluzzjoni fuq terminu qasir tas-settur tal-batteriji fl-Unjoni.

(4)

Huwa neċessarju li jiġu emendati d-deskrizzjoni tal-prodott u l-klassifikazzjoni ta’ ċertu sospensjonijiet tad-dazji tat-TDK elenkati fl-Anness għar-Regolament (UE) 2021/2278 sabiex jitqiesu l-iżviluppi tekniċi tal-prodott u tax-xejriet ekonomiċi fis-suq.

(5)

Ma għadux fl-interess tal-Unjoni li jinżammu s-sospensjonijiet tad-dazji tat-TDK għal ċerti prodotti elenkati fl-Anness għar-Regolament (UE) 2021/2278. Għalhekk jenħtieġ li s-sospensjonijiet għal dawk il-prodotti jitħassru b’effett mill-1 ta’ Lulju 2022.

(6)

Għaldaqstant, jenħtieġ li r-Regolament (UE) 2021/2278 jiġi emendat skont dan.

(7)

Sabiex tiġi evitata kwalunkwe interruzzjoni fl-applikazzjoni tal-iskema tas-sospensjonijiet awtonomi tat-tariffi u biex ikun hemm konformità mal-linji gwida stabbiliti fil-komunikazzjoni tal-Kummissjoni tat-13 ta’ Diċembru 2011 rigward is-sospensjonijiet u l-kwoti tariffarji awtonomi, il-bidliet previsti f’dan ir-Regolament dwar is-sospensjonijiet tariffarji għall-prodotti kkonċernati jenħtieġ li japplikaw mill-1 ta’ Lulju 2022. Għaldaqstant jenħtieġ li dan ir-Regolament jidħol fis-seħħ b’urġenza,

(1)

Fit-18 ta’ Lulju 2005, il-Kunsill adotta r-Regolament (KE) Nru 1183/2005.

(2)

Wara s-sentenza tal-Qorti Ġenerali fil-kawża T-108/21 (2), jenħtieġ li titħassar entrata waħda mil-lista ta’ persuni, entitajiet u korpi li tinsab fl-Anness Ia għar-Regolament (KE) Nru 1183/2005.

(3)

L-Anness Ia għar-Regolament (KE) Nru 1183/2005 għaldaqstant jenħtieġ li jiġi emendat skont dan,

(1)

Fit-23 ta' Marzu 2012, il-Kunsill adotta r-Regolament (UE) Nru 267/2012.

(2)

Abbażi ta' rieżami tal-Anness II għad-Deċiżjoni tal-Kunsill 2010/413/PESK (2), il-miżuri restrittivi kontra l-persuni u l-entitajiet kollha fil-lista li tinsab fih jenħtieġ li jinżammu, sakemm isimhom ma jissemmiex fl-Anness VI għal dik id-Deċiżjoni, u jenħtieġ li jiġu aġġornati 17-il entrata inklużi fl-Anness IX għar-Regolament (UE) Nru 267/2012 .

(3)

Għaldaqstant, jenħtieġ li r-Regolament (UE) Nru 267/2012 jiġi emendat skont dan,

(1)

Id-determinazzjoni tal-valuri tal-iskopertura indiretta għal klijent li jirriżultaw minn kuntratti tad-derivattivi u tad-derivattivi tal-kreditu għal finijiet ta’ skoperturi kbar jenħtieġ li tkun differenti mill-metodu ta’ kalkolu tal-valur tal-iskopertura użat għar-rekwiżiti kapitali bbażati fuq ir-riskju stabbiliti fir-Regolament (UE) Nru 575/2013 minħabba li inadempjenza tal-istrument sottostanti tista’ twassal għal profitt minflok telf. Il-valur tal-iskopertura indiretta għandu għalhekk ikun dipendenti fuq it-telf (jiġifieri l-valur tal-iskopertura pożittiv) jew il-qligħ (jiġifieri l-valur tal-iskopertura negattiv) li jirriżulta minn inadempjenza potenzjali tal-istrument sottostanti tagħha. Skont ir-reġim tal-iskoperturi l-kbar stabbilit fil-Parti Erbgħa tar-Regolament (UE) Nru 575/2013, fil-każ ta’ skoperturi fil-portafoll tan-negozjar, l-istituzzjonijiet jistgħu jpaċu pożizzjonijiet pożittivi u negattivi fl-istess strumenti finanzjarji, jew, taħt ċerti kundizzjonijiet, fi strumenti finanzjarji differenti, maħruġa minn klijent partikolari. L-iskopertura netta kumplessiva għal klijent individwali titqies biss jekk tkun pożittiva. Bl-istess mod, l-iskopertura netta kumplessiva għal klijent partikolari, wara l-inklużjoni tal-iskoperturi indiretti għal dak il-klijent li jirriżultaw minn kuntratti ta’ derivattivi jew derivattivi ta’ kreditu allokati lill-portafoll tan-negozjar, għandha titqies biss jekk tkun pożittiva. Sabiex jiġi evitat kwalunkwe tpaċija ta’ kwalunkwe skopertura indiretta li tirriżulta minn kuntratti derivattivi jew derivattivi ta’ kreditu allokati lill-portafoll mhux tan-negozjar, kwalunkwe valur ta’ skopertura indiretta negattiv li jirriżulta minn dawk il-pożizzjonijiet għandu jiġi stabbilit għal żero.

(2)

Sabiex jiġi żgurat li r-riskju ta’ inadempjenza jinqabad b’mod xieraq, il-valur tal-iskopertura indiretta tal-opzjonijiet, irrispettivament minn jekk jiġix allokat lill-portafoll tan-negozjar jew lill-portafoll mhux tan-negozjar, għandu għalhekk jiddependi fuq il-bidliet fil-prezzijiet tal-opzjonijiet li jirriżultaw minn inadempjenza tal-istrument sottostanti rispettiv, eż. il-valur tas-suq tal-opzjoni għal opzjonijiet “eżerċitabbli” u l-valur tas-suq tal-opzjoni nieqes il-prezz tal-eżerċitar tagħha għall-opzjonijiet “put”.

(3)

L-għan tad-derivattivi ta’ kreditu huwa li jittrasferixxu r-riskju tal-kreditu fir-rigward tal-mutwatarji mingħajr ma jittrasferixxu l-assi nfushom. Ir-rwol li għandhom l-istituzzjonijiet bħala bejjiegħ tal-protezzjoni jew xerrej tal-protezzjoni u t-tip ta’ derivattiv tal-kreditu li jidħlu fih għandhom jitqiesu għad-determinazzjoni tal-valur tal-iskopertura indiretta tal-istrument sottostanti. L-iskopertura indiretta għandha għalhekk tkun ugwali għall-valur tas-suq tal-kuntratt tad-derivattivi ta’ kreditu, li għandu jiġi aġġustat bl-ammont dovut jew mistenni li jiġi riċevut mill-kontroparti fil-każ ta’ inadempjenza tal-emittent tal-istrument ta’ dejn sottostanti.

(4)

Għal tipi oħra ta’ kuntratti tad-derivattivi li jikkostitwixxu taħlita ta’ pożizzjonijiet twal u qosra, sabiex jiġi żgurat li r-riskju ta’ inadempjenza preċiż jinqabad, l-istituzzjonijiet għandhom jiddekomponu dawk il-kuntratti tad-derivattivi f’komponenti individwali tat-tranżazzjonijiet. Huma biss il-komponenti b’riskju ta’ inadempjenza, fejn l-istituzzjonijiet għandhom riskju ta’ telf fil-każ ta’ inadempjenza, li għandhom ikunu rilevanti għall-kalkolu tal-valur tal-iskopertura indiretta li jirriżulta minn dawk il-kuntratti tad-derivattivi. Madankollu, meta l-istituzzjonijiet ma jkunux jistgħu japplikaw dik il-metodoloġija, u jiżguraw trattament konservattiv, jenħtieġ li jitħallew jiddeterminaw il-valur tal-iskopertura indiretta tal-istrumenti sottostanti bħala t-telf massimu li jistgħu jġarrbu wara l-inadempjenza tal-emittent tas-sottostanti li għalih jirreferi d-derivattiv.

(5)

Id-derivattivi jistgħu jinkitbu fuq strumenti li għandhom ismijiet ta’ referenza sottostanti multipli. Għal dawk id-derivattivi multisottostanti, fejn istituzzjoni tista’ tħares lejn l-ismijiet ta’ referenza sottostanti, u biex tiżgura li jintuża l-aktar metodu preċiż, il-valur tal-iskopertura indiretta għandu jiġi kkalkulat billi titqies il-varjazzjoni fil-prezz tad-derivattiv f’każ ta’ inadempjenza ta’ kull wieħed mill-ismijiet ta’ referenza sottostanti fl-istrument multisottostanti. Sabiex tiġi żgurata l-konsistenza mal-qafas ta’ skoperturi kbar applikabbli għal tranżazzjonijiet fejn ikun hemm skopertura għal assi sottostanti, l-Artikolu 6(1) u (2) tar-Regolament Delegat tal-Kummissjoni (UE) Nru 1187/2014 (2) jenħtieġ li japplika biex jassenja l-iskoperturi lill-klijent identifikat, klijent separat jew klijent mhux magħruf. F’każijiet fejn l-istituzzjonijiet ma jkunux jistgħu japplikaw approċċ ta’ trasparenza jew fejn approċċ ta’ trasparenza għal derivattiv b’ismijiet ta’ referenza multipli jkun ta’ piż żejjed għalihom, u biex jiżguraw trattament konservattiv, l-istituzzjonijiet għandhom jikkalkulaw il-valur tal-iskopertura indiretta billi jħarsu lejn il-varjazzjoni tal-prezz tad-derivattiv fil-każ ta’ inadempjenza ta’ dawk l-ismijiet ta’ referenza sottostanti kollha. Bl-istess mod, sabiex tiġi żgurata l-konsistenza mal-qafas tal-iskoperturi l-kbar applikabbli għal tranżazzjonijiet fejn ikun hemm skopertura għal assi sottostanti, jenħtieġ li l-Artikolu 6(3) tar-Regolament Delegat (UE) Nru 1187/2014 japplika biex jassenja l-iskopertura lil klijent separat jew klijent mhux magħruf. Fil-każijiet kollha fejn l-istrumenti sottostanti jiġu assenjati lill-klijent mhux magħruf, sabiex jiġi evitat ir-riskju li l-valuri negattivi ta’ skopertura indiretta jiġu paċuti b’valuri ta’ skopertura indiretta pożittivi, l-istituzzjonijiet għandhom jistabbilixxu għal żero kwalunkwe valur negattiv ta’ skopertura indiretta.

(6)

Dan ir-Regolament huwa bbażat fuq l-abbozz tal-istandards tekniċi regolatorji ppreżentat lill-Kummissjoni mill-Awtorità Bankarja Ewropea.

(7)

L-Awtorità Bankarja Ewropea wettqet konsultazzjonijiet pubbliċi miftuħin dwar l-abbozz tal-istandards tekniċi regolatorji li dan ir-Regolament huwa bbażat fuqhom, analizzat l-ispejjeż u l-benefiċċji potenzjali relatati u talbet il-parir tal-Grupp tal-Partijiet Bankarji Interessati stabbilit f’konformità mal-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (3),

(1)

F’konformità mal-Artikolu 8 tar-Regolament (KE) Nru 561/2006, is-sewwieqa tat-trasport bit-triq iridu jieħdu perjodi ta’ mistrieħ ta’ kuljum u ta’ kull ġimgħa. Xi wħud minn dawn il-perjodi ta’ mistrieħ spiss jitqattgħu fit-triq, b’mod partikolari f’każijiet fejn is-sewwieqa jkunu involuti f’operazzjonijiet ta’ trasport internazzjonali fuq distanzi twal. Għalhekk huwa ta’ importanza kbira li s-sewwieqa jkollhom aċċess għal żoni ta’ parkeġġ fejn ikunu jistgħu jistrieħu b’mod sikur, b’faċilitajiet xierqa għalihom sabiex ikunu jistgħu jaċċessaw is-servizzi li jkollhom bżonn.

(2)

L-Artikolu 8a(1) tar-Regolament (KE) Nru 561/2006 jistabbilixxi lista ta’ rekwiżiti li ż-żoni ta’ parkeġġ aċċessibbli għas-sewwieqa involuti fit-trasport ta’ merkanzija u passiġġieri bit-triq iridu jissodisfaw sabiex jiġu ċċertifikati bħala żoni ta’ parkeġġ sikuri u siguri, fir-rigward tal-livelli ta’ servizz u sigurtà ta’ tali żoni ta’ parkeġġ.

(3)

Studju tal-2019 tal-Kummissjoni dwar żoni ta’ parkeġġ sikuri u siguri fl-Unjoni (2), irrikonoxxa n-nuqqas sinifikanti ta’ tali faċilitajiet. Huwa ppreżenta wkoll xi proposti, inkluż fir-rigward ta’ standards għal żoni ta’ parkeġġ sikuri u siguri u proċeduri ta’ ċertifikazzjoni.

(4)

Minħabba n-nuqqas attwali ta’ żoni ta’ parkeġġ sikuri u siguri fl-Unjoni, jenħtieġ li l-iżvilupp ta’ tali faċilitajiet jiġi mħeġġeġ fil-livell tal-Unjoni sabiex jiġi żgurat li s-sewwieqa tat-trasport bit-triq ikollhom aċċess għalihom kull meta jieqfu tul it-toroq tal-Unjoni.

(5)

Sabiex jiġi stimulat l-iżvilupp ta’ żoni ta’ parkeġġ sikuri u siguri, huwa meħtieġ li jiġi żviluppat qafas komuni fil-livell tal-Unjoni sabiex jiġi żgurat li s-settur ikollu aċċess għal informazzjoni ċara u armonizzata dwar żoni ta’ parkeġġ sikuri u siguri madwar l-Unjoni.

(6)

Sabiex jittejbu l-kundizzjonijiet tax-xogħol tas-sewwieqa tat-trasport bit-triq f’konformità mar-Regolament (KE) Nru 561/2006, jenħtieġ li jkun hemm disponibbli livell minimu komuni ta’ servizzi fiż-żoni ta’ parkeġġ sikuri u siguri kollha, irrispettivament mil-livell ta’ sigurtà tagħhom.

(7)

Fid-dawl tan-numru dejjem akbar ta’ inċidenti ta’ kriminalità relatata mal-merkanzija li jaffettwaw lis-sewwieqa tat-trasport bit-triq, is-sigurtà tas-sewwieqa tat-trasport bit-triq jenħtieġ li tissaħħaħ sabiex jiġi żgurat li jistrieħu mingħajr stress u li ma jakkumulawx l-għeja. L-għoti ta’ kundizzjonijiet tajbin ta’ mistrieħ lis-sewwieqa f’żoni ta’ parkeġġ sikuri u siguri huwa kruċjali sabiex tiġi żgurata s-sikurezza fit-toroq u jitnaqqas ir-riskju ta’ aċċidenti minħabba l-għeja.

(8)

Żoni ta’ parkeġġ sikuri u siguri huma essenzjali għas-sewwieqa u għall-impriżi tat-trasport sabiex jipproteġu t-tagħbijiet tagħhom kontra l-kriminalità relatata mal-merkanzija. Minħabba d-diversità tan-negozji u tal-merkanzija ttrasportata, l-operaturi tat-trasport u s-sewwieqa jista’ jkollhom bżonn ta’ żoni ta’ parkeġġ b’livelli differenti ta’ sigurtà, skont il-merkanzija li jkunu qed iġorru. Għalhekk, l-istandards tal-Unjoni jenħtieġ li jipprovdu għat-tipi differenti ta’ negozji, u ż-żoni ta’ parkeġġ jenħtieġ li jipprovdu livelli minimi differenti ta’ sigurtà.

(9)

Is-sigurtà taż-żoni tal-parkeġġ jenħtieġ li tinkiseb billi jiġi żgurat li t-tagħmir u l-proċeduri xierqa ta’ sigurtà jkunu fis-seħħ madwar il-perimetru tiegħu, fiż-żona tal-parkeġġ innifisha u fil-punti tad-dħul u tal-ħruġ. Il-proċeduri tal-persunal jenħtieġ li jkunu fis-seħħ ukoll sabiex jiġi żgurat li jiġu adottati miżuri ta’ prevenzjoni tar-riskju, u sabiex jittaffew il-konsegwenzi tal-inċidenti meta jseħħu.

(10)

Sabiex jiġu pprovduti t-trasparenza u ċ-ċertezza għall-utenti ta’ żoni ta’ parkeġġ sikuri u siguri, jenħtieġ li ż-żoni ta’ parkeġġ jiġu ċċertifikati minn korp ta’ ċertifikazzjoni indipendenti, f’konformità mal-proċeduri definiti fil-livell tal-Unjoni. Il-proċeduri ta’ ċertifikazzjoni dwar l-awditi, l-awditi mill-ġdid u l-awditi mhux imħabbra għal żoni ta’ parkeġġ sikuri u siguri jenħtieġ li jiġu speċifikati b’mod ċar sabiex jiġi żgurat li l-operaturi taż-żoni tal-parkeġġ ikunu jafu kif japplikaw għaċ-ċertifikazzjoni jew għaċ-ċertifikazzjoni mill-ġdid. Jenħtieġ li jiġi żgurat ukoll li jintużaw proċeduri adegwati meta jinstab li żona tal-parkeġġ sikura u sigura ma tibqax konformi mal-livell ta’ servizz jew ta’ sigurtà li tkun ġiet iċċertifikata għalih.

(11)

Jenħtieġ li jkun hemm disponibbli mekkaniżmi tal-ilmenti għall-utenti ta’ żoni tal-parkeġġ sikuri u siguri sabiex jirrapportaw dwar in-nuqqas ta’ konformità.

(12)

Il-korpi ta’ ċertifikazzjoni jenħtieġ li jkunu jistgħu joħorġu ċertifikati tal-awditjar lill-operaturi u li jikkomunikaw dik l-informazzjoni lill-Kummissjoni, sabiex il-lista ta’ żoni ta’ parkeġġ sikuri u siguri fuq is-sit web uffiċjali rilevanti tkun tista’ tinżamm aġġornata.

(13)

Sabiex jitqies l-iżvilupp rapidu tat-teknoloġiji diġitali u sabiex il-kundizzjonijiet tax-xogħol tas-sewwieqa jkunu jistgħu jittejbu kontinwament, il-Kummissjoni jenħtieġ li tivvaluta r-rilevanza tar-rieżami tal-istandards armonizzati u tal-proċeduri ta’ ċertifikazzjoni mhux aktar tard minn erba’ snin wara l-adozzjoni ta’ dan l-att,

(1)

Bir-Regolament (KE) Nru 119/97 (2), il-Kunsill impona dazju anti-dumping definittiv li varja minn 32,5 % għal 39,4 % fuq importazzjonijiet ta’ ċerti mekkaniżmi tal-illegar bl-anelli (“RBM”) li joriġinaw mir-Repubblika tal-Poplu taċ-Ċina (“ir-RPĊ” jew “il-pajjiż konċernat”) u dazju anti-dumping definittiv ta’ 10,5 % fuq l-importazzjonijiet li joriġinaw mill-Malażja. Dawn ir-rati ta’ dazju kienu applikabbli fuq l-RBMs għajr dawk bi 17 jew 23 anell, waqt li l-RBMs bi 17 u 23 anell kienu soġġetti għal dazju ugwali għad-differenza bejn il-prezz minimu tal-importazzjoni (MIP ta’ EUR 325 għal kull 1 000 biċċa) u l-prezz ħieles fil-fruntiera tal-Komunità li ma għaddiex mid-dwana kull meta dan tal-aħħar kien ikun anqas mill-MIP.

(2)

Bir-Regolament (KE) Nru 2100/2000 (3), il-Kunsill żied id-dazji msemmija hawn fuq għall-RBM Ċiniżi għajr dawk bi 17 jew 23 anell, wara investigazzjoni ta’ kontra l-assorbiment skont l-Artikolu 12 tar-Regolament bażiku. Id-dazji emendati applikabbli għal tali importazzjonijiet mir-RPĊ varjaw minn 51,2 % sa 78,8 %.

(3)

Wara investigazzjoni kontra l-evażjoni skont l-Artikolu 13 tar-Regolament bażiku, bir-Regolament (KE) Nru 1208/2004 (4), il-Kunsill estenda l-miżuri anti-dumping definittivi għal importazzjonijiet ta’ ċerti RBM ikkonsenjati mill-Vjetnam, kemm jekk kinux iddikjarati li ġejjin mill-Vjetnam kif ukoll jekk le.

(4)

Permezz tar-Regolament (KE) Nru 2074/2004 (5) il-Kunsill estenda l-miżuri anti-dumping definittivi fuq l-importazzjonijiet ta’ RMB li joriġinaw mir-RPĊ wara rieżami ta’ skadenza. Ma waslet l-ebda talba għal rieżami ta’ skadenza li tirrigwarda l-miżuri applikabbli għall-Malażja, li b’konsegwenza skadew f’Jannar 2002.

(5)

Wara investigazzjoni kontra l-evażjoni skont l-Artikolu 13 tar-Regolament bażiku, bir-Regolament (KE) Nru 33/2006 (6), il-Kunsill estenda l-miżuri anti-dumping definittivi għal importazzjonijiet ta’ ċerti RBM ikkonsenjati mir-Repubblika Demokratika tal-Poplu tal-Laos (“Laos”), kemm jekk kienu ddikjarati li joriġinaw mil-Laos kif ukoll jekk le.

(6)

Permezz tar-Regolament (KE) Nru 818/2008 (7) u b’riżultat ta’ investigazzjoni kontra l-evażjoni, il-Kunsill estenda l-ambitu tal-miżuri għal ċerti RMB kemxejn modifikati.

(7)

Wara rieżami ta’ skadenza, id-dazji anti-dumping fuq l-importazzjonijiet ta’ ċerti RMB ġew estiżi għal ħames snin fi Frar 2010 bir-Regolament ta’ Implimentazzjoni tal-Kunsill (UE) Nru 157/2010 (8), u wara rieżami ta’ skadenza ieħor, għal ħames snin oħra f’Mejju 2016 bir-Regolament ta’ Implimentazzjoni tal-Kunsill (UE) 2016/703 (9) (il-“miżuri fis-seħħ”).

(8)

Id-dazji anti-dumping attwalment fis-seħħ huma ta’ 51,2 % għal produttur esportatur wieħed u 78,8 % għall-produtturi esportaturi l-oħrajn kollha.

(9)

Wara l-pubblikazzjoni ta’ Avviż dwar l-iskadenza imminenti tal-miżuri fis-seħħ (10), il-Kummissjoni rċeviet talba biex tibda rieżami ta’ skadenza skont l-Artikolu 11(2) tar-Regolament bażiku.

(10)

It-talba għal rieżami ġiet ippreżentata fit-12 ta’ Frar 2021 mill-produttur tal-Unjoni Ring Alliance Ringbuchtechnik GmbH (“l-applikant”) li jirrappreżenta iktar minn 25 % tal-produzzjoni totali ta’ RBM tal-Unjoni. It-talba għal rieżami kienet ibbażata fuq ir-raġunijiet li l-iskadenza tal-miżuri probabbli tirriżulta f’kontinwazzjoni jew f’rikorrenza ta’ dumping u dannu lill-industrija tal-Unjoni.

(11)

Wara li ddeterminat, wara konsultazzjoni mal-Kumitat stabbilit bl-Artikolu 15(1) tar-Regolament bażiku, li kienet teżisti biżżejjed evidenza għall-bidu ta’ rieżami ta’ skadenza, il-Kummissjoni, fil-11 ta’ Mejju 2021, bdiet rieżami ta’ skadenza fir-rigward tal-importazzjonijiet ta’ RBM li joriġinaw mir-Repubblika tal-Poplu taċ-Ċina u estiżi għall-Vjetnam u r-Repubblika Demokratika tal-Poplu tal-Laos abbażi tal-Artikolu 11(2) tar-Regolament bażiku. Din ippubblikat Notifika ta’ Bidu f’Il-Ġurnal Uffiċjali tal-Unjoni Ewropea (11) (“in-Notifika ta’ Bidu”).

(12)

L-investigazzjoni ta’ kontinwazzjoni jew ta’ rikorrenza ta’ dumping kienet tkopri l-perjodu mill-1 ta’ Jannar 2020 sal-31 ta’ Diċembru 2020 (“il-perjodu ta’ investigazzjoni tar-rieżami” jew “RIP”). L-eżami tax-xejriet rilevanti għall-valutazzjoni tal-probabbiltà ta’ kontinwazzjoni jew ta’ rikorrenza ta’ dannu kopra l-perjodu mill-1 ta’ Jannar 2017 sal-aħħar tal-perjodu ta’ investigazzjoni tar-rieżami (“il-perjodu ta’ analiżi”).

(13)

Fin-Notifika ta’ Bidu, il-partijiet interessati ġew mistiedna sabiex jikkuntattjaw lill-Kummissjoni sabiex jieħdu sehem fl-investigazzjoni. Barra minn hekk, il-Kummissjoni speċifikament infurmat lill-applikant, lil produtturi tal-Unjoni magħrufin oħrajn, lill-produtturi esportaturi magħrufin u lill-awtoritajiet tar-RPĊ, lill-importaturi, l-utenti, in-negozjanti magħrufin kif ukoll l-assoċjazzjonijiet magħrufin li huma kkonċernati dwar il-bidu tar-rieżami ta’ skadenza u stednithom jipparteċipaw.

(14)

Il-partijiet interessati kellhom l-opportunità li jikkummentaw fuq il-bidu tar-rieżami ta’ skadenza u li jitolbu seduta ta’ smigħ mal-Kummissjoni u/jew mal-Uffiċjal tas-Seduta fil-proċedimenti kummerċjali. L-ebda waħda mill-partijiet interessati ma talbet seduta ta’ smigħ.

(15)

Fin-Notifika ta’ Bidu, il-Kummissjoni ddikjarat li kien hemm il-possibbiltà li tagħżel kampjun minn fost il-partijiet interessati f’konformità mal-Artikolu 17 tar-Regolament bażiku.

(16)

Fin-Notifika ta’ Bidu, il-Kummissjoni ddikjarat li t-tliet produtturi magħrufa tal-Unjoni, IML Industria Meccanica Lombarda SRL, Koloman Handler Fémárugyár Magyarország Kft u Ring Alliance Ringbuchtechnik GmbH., kellhom jissottomettu l-kwestjonarju mimli fi żmien 37 jum mid-data tal-pubblikazzjoni tan-Notifika ta’ Bidu. Il-Kummissjoni stiednet ukoll lil produtturi oħra tal-Unjoni u lil assoċjazzjonijiet rappreżentattivi, jekk kien hemm, jippreżentaw ruħhom u jitolbu kwestjonarju. L-ebda produttur ieħor tal-Unjoni jew assoċjazzjoni rappreżentattiva ma ppreżentaw ruħhom.

(17)

Sabiex tiddeċiedi jekk il-kampjunar kienx neċessarju u, jekk iva, sabiex tagħżel kampjun, il-Kummissjoni talbet lil importaturi li ma humiex relatati jipprovdu l-informazzjoni speċifikata fin-Notifika ta’ Bidu. Ma kien hemm l-ebda importatur mhux relatat li ppreżenta l-informazzjoni mitluba. Konsegwentement, il-Kummissjoni ddeċidiet li l-kampjunar ma kienx meħtieġ.

(18)

Sabiex tiddeċiedi jekk il-kampjunar kienx meħtieġ u, jekk iva, sabiex tagħżel kampjun, il-Kummissjoni talbet lill-produtturi esportaturi kollha fir-RPĊ jipprovdu l-informazzjoni speċifikata fin-Notifika ta’ Bidu. Barra minn hekk, il-Kummissjoni talbet lill-Missjoni tar-Repubblika tal-Poplu taċ-Ċina tidentifika u/jew tikkuntattja lil produtturi esportaturi oħrajn, jekk hemm, li jistgħu jkunu interessati jipparteċipaw fl-investigazzjoni.

(19)

L-ebda produttur mir-RPĊ ma pprovda l-informazzjoni mitluba u/jew qabel li jkun inkluż fil-kampjun. Għalhekk, ma kien hemm l-ebda kooperazzjoni mill-produtturi Ċiniżi u s-sejbiet fir-rigward tal-importazzjonijiet mir-RPĊ isiru abbażi tal-fatti disponibbli skont l-Artikolu 18 tar-Regolament bażiku.

(20)

Il-Kummissjoni bagħtet kwestjonarju dwar l-eżistenza ta’ distorsjonijiet sinifikanti fir-RPĊ skont it-tifsira tal-Artikolu 2(6a)(b) tar-Regolament bażiku lill-Gvern tar-Repubblika tal-Poplu taċ-Ċina (“GOC”).

(21)

Il-Kummissjoni bagħtet il-kwestjonarju lill-produtturi tal-Unjoni, lill-importaturi mhux relatati u lill-produtturi esportaturi. L-istess kwestjonarji kienu disponibbli fuq is-sit web tad-DĠ Kummerċ (12) fil-jum tal-bidu.

(22)

Waslu tweġibiet għall-kwestjonarju mingħand il-produtturi tal-Unjoni Ring Alliance Ringbuchtechnik GmbH u Koloman Handler Kft., żewġ partijiet li jappartjenu għall-istess grupp b’faċilità ta’ produzzjoni waħda u minn hawn ’il quddiem imsejħa b’mod konġunt “Ring Alliance Ringbuchtechnik GmbH”, u M.L. Industria Meccanica Lombarda S.r.l.

(23)

Il-Kummissjoni fittxet u vverifikat l-informazzjoni kollha meqjusa bħala meħtieġa għad-determinazzjoni tal-probabbiltà ta’ kontinwazzjoni jew ta’ rikorrenza ta’ dumping u dannu u tal-interess tal-Unjoni. Iż-żjarat ta’ verifika skont l-Artikolu 16 tar-Regolament bażiku twettqu fil-bini tal-kumpaniji li ġejjin:

—

Ring Alliance Ringbuchtechnik GmbH, Oroszlany, l-Ungerija,

—

I.M.L. Industria Meccanica Lombarda S.r.l., Offanengo, l-Italja.

(24)

Il-prodott taħt rieżami huwa l-istess bħal fir-rieżami ta’ skadenza preċedenti, jiġifieri, ċerti mekkaniżmi tal-illegar bl-anelli li joriġinaw mir-RPĊ, magħmula minn żewġ folji jew wajers tal-azzar b’mill-anqas erba’ nofs anelli magħmula minn wajer tal-azzar imwaħħal fuqhom u li jinżammu flimkien b’għata tal-azzar. Dawn jistgħu jinfetħu jew billi jinġibdu n-nofs anelli jew b’mekkaniżmu ta’ skattar żgħir tal-azzar imwaħħal mal-mekkaniżmu tal-illegar bl-anelli (il-prodott taħt rieżami). Mad-dħul fis-seħħ tar-Regolament (UE) 2016/703 l-RMB jaqgħu taħt il-kodiċi NM ex 8305 10 00 (il-kodiċijiet TARIC 8305100011, 8305100013, 8305100019, 8305100021, 8305100023, 8305100029, 8305100034 u 8305100035).

(25)

L-RMB jintużaw f’firxa wiesgħa ta’ applikazzjonijiet, pereżempju, fil-produzzjoni ta’ manwali tas-software, katalogi u fuljetti, manwali tekniċi, fajls tal-uffiċċji, kif ukoll fajls tal-preżentazzjoni u fajls oħra bl-anelli u albums tar-ritratti u tal-bolli.

(26)

Matul il-perjodu ta’ investigazzjoni tar-rieżami inbiegħu għadd kbir ta’ tipi differenti ta’ RBM fl-Unjoni. Id-differenzi bejn dawn it-tipi ġew determinati mill-wisa’ tal-bażi, it-tip tal-mekkaniżmu, in-numru ta’ anelli, is-sistema ta’ ftuħ, il-kapaċità nominali ta’ kemm jieħdu karti, id-dijametru tal-anelli, il-forma tal-anelli, it-tul u l-ispazju bejn l-anelli. Minħabba l-fatt li t-tipi kollha għandhom l-istess karatteristiċi fiżiċi u tekniċi bażiċi u, f’ċerti limiti, huma interkambjabbli, ġie stabbilit li l-RBM kollha jikkonsistu fi prodott uniku wieħed għall-finijiet tal-proċediment attwali. F’dan ir-rigward ma daħal ebda kumment.

(27)

Kif intwera fl-investigazzjoni li wasslet għall-impożizzjoni tal-miżuri fis-seħħ (13), il-prodotti li ġejjin għandhom l-istess karatteristiċi fiżiċi u tekniċi bażiċi, kif ukoll l-istess użi bażiċi:

Għalhekk, dawn il-prodotti huma kkunsidrati bħala prodotti simili skont it-tifsira tal-Artikolu 1(4) tar-Regolament bażiku.

(28)

Matul il-perjodu ta’ investigazzjoni tar-rieżami, l-importazzjonijiet tal-prodott taħt rieżami mir-RPĊ komplew, għalkemm f’livell ferm aktar baxx milli fir-rieżami ta’ skadenza preċedenti (jiġifieri minn Jannar 2014 sa Diċembru 2014). Skont Comext (Eurostat), l-importazzjonijiet ta’ mekkaniżmi tal-illegar bl-anelli mir-RPĊ kienu jammontaw għal 0,7 % tas-suq tal-Unjoni fil-perjodu ta’ investigazzjoni tar-rieżami, meta mqabbla ma’ sehem mis-suq ta’ 2,3 % matul ir-rieżami ta’ skadenza preċedenti.

(29)

Kif imsemmi fil-premessa (19), l-ebda wieħed mill-esportaturi/produtturi mir-RPĊ ma kkoopera fl-investigazzjoni. Għalhekk, il-Kummissjoni informat lill-GOC li minħabba n-nuqqas ta’ kooperazzjoni, il-Kummissjoni tista’ tapplika l-Artikolu 18 tar-Regolament bażiku dwar is-sejbiet fir-rigward tar-Poplu tar-Repubblika taċ-Ċina. Il-Kummissjoni ma rċeviet l-ebda kumment jew talba għal intervent tal-Uffiċjal tas-Seduta f’dan ir-rigward.

(30)

Konsegwentement, f’konformità mal-Artikolu 18 tar-Regolament bażiku, is-sejbiet fir-rigward tal-probabbiltà ta’ kontinwazzjoni jew rikorrenza ta’ dumping kienu bbażati fuq il-fatti disponibbli, b’mod partikolari l-informazzjoni li tinsab fit-talba għar-rieżami ta’ skadenza, data disponibbli għall-pubbliku għaż-żewġ kumpaniji Torok li joperaw taħt il-kodiċi 2599 tan-NACE Rev2, informazzjoni pprovduta mill-applikant, informazzjoni mill-uffiċċju tal-istatistika nazzjonali Tork, il-bażi tad-data COMEXT tal-Eurostat, l-Atlas Kummerċjali Globali, is-sit web tal-OECD dwar il-Kostijiet Internazzjonali tat-Trasport u l-Assigurazzjoni tal-Kummerċ tal-Merkanzija (ITIC), is-sit web tal-Bank Dinji Doing Business.

(31)

Minħabba li l-evidenza suffiċjenti disponibbli fil-bidu tal-investigazzjoni kellha t-tendenza li turi, fir-rigward tar-RPĊ, l-eżistenza ta’ distorsjonijiet sinifikanti skont it-tifsira tal-Artikolu 2(6a)(b) tar-Regolament bażiku, il-Kummissjoni bdiet l-investigazzjoni abbażi tal-Artikolu 2(6a) tar-Regolament bażiku.

(32)

Sabiex tikseb l-informazzjoni li qieset meħtieġa għall-investigazzjoni tagħha fir-rigward tal-allegati distorsjonijiet sinifikanti, il-Kummissjoni bagħtet kwestjonarju lill-Gvern taċ-Ċina. Barra minn hekk, fil-punt 5.3.2 tan-Notifika ta’ Bidu, il-Kummissjoni stiednet lill-partijiet interessati kollha jesprimu l-fehmiet tagħhom, iressqu informazzjoni u jipprovdu evidenza ta’ sostenn fir-rigward tal-applikazzjoni tal-Artikolu 2(6a) tar-Regolament bażiku, fi żmien 37 jum mid-data tal-pubblikazzjoni tan-Notifika ta’ Bidu f’Il-Ġurnal Uffiċjali tal-Unjoni Ewropea. Ma waslet l-ebda tweġiba għall-kwestjonarju mill-GOC u ma waslet l-ebda preżentazzjoni dwar l-applikazzjoni tal-Artikolu 2(6a) tar-Regolament bażiku qabel l-iskadenza. Sussegwentement, il-Kummissjoni infurmat lill-GOC li hija kienet se tuża l-fatti disponibbli skont it-tifsira tal-Artikolu 18 tar-Regolament bażiku biex tiddetermina l-eżistenza tad-distorsjonijiet sinifikanti fir-RPĊ.

(33)

Fil-punt 5.3.2 tan-Notifika ta’ Bidu, il-Kummissjoni speċifikat ukoll li, fid-dawl tal-evidenza disponibbli, din jista’ jkollha bżonn tagħżel pajjiż rappreżentattiv xieraq skont l-Artikolu 2(6a)(a) tar-Regolament bażiku bil-għan li tiddetermina l-valur normali abbażi ta’ prezzijiet jew ta’ parametri referenzjarji mingħajr distorsjoni. Il-Kummissjoni sostniet ukoll li kienet se teżamina pajjiżi xierqa possibbli f’konformità mal-kriterji stabbiliti fl-ewwel inċiż tal-Artikolu 2(6a) tar-Regolament bażiku.

(34)

Fl-20 ta’ Ottubru 2021, il-Kummissjoni infurmat b’nota (“l-Ewwel Nota”) lill-partijiet interessati dwar is-sorsi rilevanti li kienet beħsiebha tuża biex tiddetermina l-valur normali. F’dik in-nota, il-Kummissjoni pprovdiet lista tal-fatturi kollha tal-produzzjoni (“FOPs”), bħall-materja prima, l-ammont ta’ ħaddiema u l-enerġija użati fil-produzzjoni tal-prodott taħt rieżami. Barra minn hekk, abbażi tal-kriterji li jiggwidaw l-għażla ta’ prezzijiet jew parametri referenzjarji mingħajr distorsjoni, il-Kummissjoni identifikat pajjiżi rappreżentattivi possibbli, jiġifieri t-Turkija bħala pajjiż rappreżentattiv xieraq. Il-Kummissjoni rċeviet kumment wieħed mill-applikant dwar l-Ewwel Nota.

(35)

Fis-7 ta’ Frar 2022, il-Kummissjoni infurmat permezz tat-tieni nota (“it-Tieni Nota”) lill-partijiet interessati dwar is-sorsi rilevanti li kien beħsiebha tuża biex tiddetermina l-valur normali, bit-Turkija bħala l-pajjiż rappreżentattiv. Din informat ukoll lill-partijiet interessati bl-intenzjoni tagħha li tuża ż-żewġ kumpaniji Torok, (D S C Otomotiv u Samet Kalip ve Madeni) li joperaw taħt il-kodiċi 2599 tan-NACE Rev. 2 u jipproduċu prodotti fl-istess kategorija ġenerali bħall-mekkaniżmi tal-illegar bl-anelli bħala bażi biex jistabbilixxu l-SG&A u l-profitt u biex jinbena l-valur normali.

(36)

Skont l-Artikolu 2(1) tar-Regolament bażiku, “il-valur normali għandu normalment ikun ibbażat fuq il-prezzijiet imħallsa jew pagabbli, fit-tmexxija ordinarja tal-kummerċ, minn klijenti indipendenti mill-pajjiż esportatur”.

(37)

Madankollu, skont l-Artikolu 2(6a)(a) tar-Regolament bażiku, “fil-każ li jiġi determinat […] li mhuwiex xieraq li jintużaw prezzijiet u kostijiet domestiċi fil-pajjiż esportatur minħabba l-eżistenza f’dak il-pajjiż ta’ distorsjonijiet sinifikanti fis-sens tal-punt (b), il-valur normali għandu jiġi kkalkolat esklużivament abbażi tal-kostijiet tal-produzzjoni u tal-bejgħ li jirriflettu prezzijiet jew valuri ta’ riferiment mingħajr distorsjoni”, u “għandu jinkludi ammont raġonevoli u mingħajr distorsjoni għal kostijiet amministrattivi, tal-bejgħ u ġenerali u għal profitti” (“kostijiet amministrattivi, tal-bejgħ u ġenerali” minn hawn ’il quddiem “SG&A”).

(38)

Kif spjegat aktar fid-dettall hawn taħt, fl-investigazzjoni preżenti l-Kummissjoni kkonkludiet li, abbażi tal-evidenza disponibbli, u fid-dawl tan-nuqqas ta’ kooperazzjoni tal-GOC u tal-produtturi esportaturi, l-applikazzjoni tal-Artikolu 2(6a) tar-Regolament bażiku kienet xierqa.

(39)

F’investigazzjonijiet reċenti dwar is-settur tal-azzar fir-RPĊ (14) - bl-azzar li huwa l-fattur ewlieni tal-produzzjoni għall-mekkaniżmi tal-illegar bl-anelli- il-Kummissjoni sabet li kien hemm distorsjonijiet sinifikanti fis-sens tal-Artikolu 2(6a)(b) tar-Regolament bażiku. F’din l-investigazzjoni l-Kummissjoni kkonkludiet li, abbażi tal-evidenza disponibbli, l-applikazzjoni tal-Artikolu 2(6a) tar-Regolament bażiku kienet xierqa wkoll.

(40)

F’dawn l-investigazzjonijiet, il-Kummissjoni sabet li hemm intervent sostanzjali mill-gvern fir-RPĊ li jirriżulta f’distorsjoni tal-allokazzjoni effettiva tar-riżorsi skont il-prinċipji tas-suq (15). B’mod partikolari, il-Kummissjoni kkonkludiet li fis-settur tal-azzar, li huwa l-materja prima ewlenija għall-produzzjoni tal-prodott taħt rieżami, mhux biss għad hemm grad sostanzjali ta’ sjieda mill-GOC fis-sens tal-ewwel inċiż tal-Artikolu 2(6a)(b) tar-Regolament bażiku (16), iżda l-GOC huwa wkoll f’pożizzjoni li jinterferixxi mal-prezzijiet u mal-kostijiet permezz tal-preżenza tal-Istat fid-ditti fis-sens tat-tieni inċiż tal-Artikolu 2(6a)(b) tar-Regolament bażiku (17). Il-Kummissjoni sabet ukoll li l-preżenza u l-intervent tal-Istat fis-swieq finanzjarji, kif ukoll fil-provvista tal-materja prima u tal-inputs, iħallu effett ta’ distorsjoni addizzjonali fuq is-suq. Tabilħaqq, b’mod ġenerali, is-sistema tal-ippjanar fir-RPĊ tirriżulta fil-konċentrazzjoni tar-riżorsi f’setturi ddeżinjati bħala strateġiċi jew inkella bħala politikament importanti mill-GOC, aktar milli fl-allokazzjoni tagħhom f’konformità mal-forzi tas-suq (18). Barra minn hekk, il-Kummissjoni kkonkludiet li l-liġijiet Ċiniżi dwar il-falliment u l-proprjetà ma jaħdmux kif suppost fis-sens tar-raba’ inċiż tal-Artikolu 2(6a)(b) tar-Regolament bażiku, u b’hekk jiġu ġġenerati distorsjonijiet b’mod partikolari meta jiġu miżmuma ħajjin ditti insolventi u meta jiġu allokati d-drittijiet għall-użu tal-art fil-PRC (19). Bl-istess mod, il-Kummissjoni sabet distorsjonijiet tal-kostijiet tal-pagi fis-settur tal-azzar fis-sens tal-Artikolu 2(6a)(b), il-ħames inċiż, tar-Regolament bażiku (20), kif ukoll distorsjonijiet fis-swieq finanzjarji fis-sens tal-Artikolu 2(6a)(b), is-sitt inċiż, tar-Regolament bażiku, b’mod partikolari fir-rigward tal-aċċess għall-kapital għall-atturi korporattivi fir-RPĊ (21).

(41)

It-talba kien fiha informazzjoni dwar id-distorsjonijiet fis-settur tal-azzar, b’mod partikolari din irreferiet għas-sejbiet riċenti fl-investigazzjonijiet anti-dumping immexxija mill-Kummissjoni Ewropea li kkonfermaw l-eżistenza ta’ distorsjonijiet fis-settur tal-azzar. It-talba kien fiha wkoll informazzjoni dwar distorsjonijiet fis-settur tal-metall mhux ferruż, b’mod partikolari dwar in-nikil li huwa materja prima importanti għall-manifattura tal-prodott taħt rieżami. Barra minn hekk, it-talba rreferiet għar-rapport tal-Kummissjoni dwar distorsjonijiet sinifikanti fiċ-Ċina (22) (“Rapport”), filwaqt li enfasizzat b’mod partikolari d-distorsjonijiet fis-suq tax-xogħol u fl-aċċess għall-finanzi.

(42)

F’din l-investigazzjoni, il-Kummissjoni eżaminat jekk kienx xieraq jew le li jintużaw il-prezzijiet u l-kostijiet domestiċi fir-RPĊ, minħabba l-eżistenza ta’ distorsjonijiet sinifikanti skont it-tifsira tal-punt (b) tal-Artikolu 2(6a) tar-Regolament bażiku. Il-Kummissjoni għamlet dan abbażi tal-evidenza disponibbli fil-fajl, inkluża l-evidenza li tinsab fir-Rapport, li hija bbażata fuq sorsi disponibbli għall-pubbliku. Dik l-analiżi kopriet l-eżami tal-interventi sostanzjali tal-gvern fl-ekonomija tar-RPĊ b’mod ġenerali, iżda wkoll is-sitwazzjoni speċifika tas-suq fis-settur rilevanti inkluż il-prodott taħt rieżami. Il-Kummissjoni kompliet tissupplimenta dawn l-elementi evidenzjarji bir-riċerka tagħha stess dwar id-diversi kriterji rilevanti biex tikkonferma l-eżistenza ta’ distorsjonijiet sinifikanti fir-RPĊ.

(43)

Speċifikament fis-settur tal-azzar, li huwa l-materja prima ewlenija għall-produzzjoni tal-prodott taħt rieżami, għad hemm grad sostanzjali ta’ sjieda mill-GOC. Ħafna mill-akbar produtturi tal-azzar huma proprjetà tal-Istat. Xi wħud huma msemmija speċifikament fi “Steel Industry Adjustment and Upgrading Plan for 2016-2020”. Pereżempju, Shanxi Taiyuan Iron & Steel Co. Ltd. (“Tisco”), proprjetà tal-Istat Ċiniż, issemmi fuq is-sit web tagħha li hija “kumpanija kbira tal-ħadid u tal-azzar”, li “żviluppat f’kumpless straordinarju tal-ħadid u tal-azzar fuq skala kbira, li huwa integrat man-negozju tal-estrazzjoni tal-ħadid, il-produzzjoni, l-ipproċessar, il-forniment u n-negozjar tal-ħadid u tal-azzar” (23). Baosteel hija intrapriża ewlenija oħra Ċiniża tal-Istat li hija involuta fil-manifattura tal-azzar u hija parti minn China Baowu Steel Group Co. Ltd. (preċedentement Baosteel Group and Wuhan Iron & Steel) li ġiet ikkonsolidata reċentement (24) .. Filwaqt li l-qasma nominali bejn in-numru ta’ SOEs u kumpaniji bi sjieda privata hija stmata li hija kważi ugwali, erba’ mill-ħames produtturi tal-azzar Ċiniżi kklassifikati mal-ewwel għaxra bħala l-akbar produtturi tal-azzar fid-dinja huma SOEs (25). Fl-istess ħin, filwaqt li fl-2016, l-aqwa għaxar produtturi kienu jirrappreżentaw biss madwar 36 % tal-produzzjoni totali tal-industrija, il-gvern taċ-Ċina stabbilixxa l-mira fl-istess sena li jikkonsolida bejn 60 % u 70 % tal-produzzjoni tal-azzar f’madwar għaxar intrapriżi fuq skala kbira sal-2025 (26). Din l-intenzjoni ġiet ripetuta mill-GOC f’April 2019, meta ħabbar il-ħruġ ta’ linji gwida dwar il-konsolidazzjoni tal-industrija tal-azzar (27). Tali konsolidazzjoni tista’ tinvolvi fużjonijiet furzati ta’ kumpaniji privati profittabbli ma’ SOEs bi prestazzjoni baxxa (28).

(44)

Barra minn hekk, fis-settur tal-azzar, ħafna mill-akbar produtturi huma msemmija speċifikament fid-dokument “Steel Industry Adjustment and Upgrading Plan for 2016-2020”. Pereżempju, Tisco ssemmi fuq is-sit web tagħha li hija “kumpanija kbira tal-ħadid u tal-azzar”, li “żviluppat f’kumpless straordinarju tal-ħadid u tal-azzar fuq skala kbira, li huwa integrat man-negozju tal-estrazzjoni tal-ħadid, il-produzzjoni, l-ipproċessar, il-forniment u n-negozjar tal-ħadid u tal-azzar” (29).

(45)

Peress li s-settur tal-RMB huwa frammentat ħafna u l-biċċa l-kbira tal-produtturi huma SOEs, matul l-investigazzjoni, kien impossibbli li jiġi stabbilit il-proporzjon eżatt ta’ produtturi tal-RMB bi sjieda tal-Istat kontra dawk bi sjieda privata.

(46)

B’sehem għoli ta’ SOEs fis-settur tal-azzar, il-materja prima ewlenija għall-produzzjoni ta’ mekkaniżmi tal-illegar bl-anelli, anke l-produtturi privati ma jitħallewx joperaw skont il-kundizzjonijiet tas-suq. Tabilħaqq, kemm l-intrapriżi pubbliċi kif ukoll dawk privati fis-settur tal-RBM huma soġġetti wkoll għal superviżjoni u gwida politika kif stabbilit fil-premessi minn (47) sa (53) hawn taħt.

(47)

Fir-rigward tal-fatt li l-GOC jinsab f’pożizzjoni li jinterferixxi mal-prezzijiet u mal-kostijiet permezz tal-preżenza tal-Istat f’ditti fis-sens tat-tieni inċiż tal-Artikolu 2(6a)(b) tar-Regolament bażiku, l-investigazzjoni ma eżaminatx kumpaniji individwali, peress li s-setturi tal-RBM huwa frammentat ħafna u jikkonsisti l-aktar minn SMEs.

(48)

Barra minn hekk, fis-settur tal-RBM hemm stabbiliti politiki li jiddiskriminaw favur il-produtturi domestiċi jew li b’xi mod ieħor jinfluwenzaw is-suq fis-sens tal-Artikolu 2(6a)(b), it-tielet inċiż, tar-Regolament bażiku.

(49)

L-industrija tal-azzar, li hija l-komponent ewlieni għall-produzzjoni tal-RBMs, hija meqjusa bħala industrija ewlenija mill-Gvern taċ-Ċiniż (30). Dan huwa kkonfermat fil-bosta pjanijiet, direttivi u dokumenti oħra ffokati fuq l-azzar, li jinħarġu fil-livell nazzjonali, reġjonali u muniċipali, bħall-Pjan għall-Aġġustament u t-Titjib tal-Industrija tal-Azzar għas-snin 2016-2020 (Steel Industry Adjustment and Upgrading Plan for 2016-2020). Dan il-Pjan jiddikjara li l-industrija tal-azzar hija “settur importanti u fundamentali tal-ekonomija Ċiniża, pedament nazzjonali” (31). Il-kompiti u l-objettivi ewlenin stabbiliti f’dan il-Pjan ikopru l-aspetti kollha tal-iżvilupp tal-industrija (32).

(50)

It-13-il Pjan ta’ Ħames Snin dwar l-Iżvilupp Ekonomiku u Soċjali (33) jipprevedi appoġġ għall-intrapriżi li jipproduċu tipi ta’ prodotti tal-azzar ta’ livell għoli (34). Dan jiffoka wkoll fuq il-kisba ta’ kwalità, durabbiltà u affidabbiltà tal-prodotti permezz ta’ sostenn lill-kumpaniji li jużaw teknoloġiji relatati mal-produzzjoni tal-azzar pur, l-irrumblar bi preċiżjoni u t-titjib fil-kwalità (35).

(51)

Il-“Katalogu għall-Iggwidar tar-Ristrutturar tal-Industrija (Verżjoni tal-2011) (Emenda tal-2013)” (36) (“il-Katalogu”) jelenka l-azzar bħala industrija mħeġġa.

(52)

Il-gvern taċ-Ċina jiggwida ulterjorment l-iżvilupp tas-settur f’konformità ma’ firxa wiesgħa ta’ għodod ta’ politika u direttivi relatati, inter alia, mal-kompożizzjoni u r-ristrutturar tas-suq, il-materja prima, l-investiment, l-eliminazzjoni tal-kapaċità, il-firxa ta’ prodotti, ir-rilokazzjoni, l-aġġornament, eċċ. Permezz ta’ dawn il-mezzi u mezzi oħra, il-gvern taċ-Ċina jidderieġi u jikkontrolla prattikament kull aspett fl-iżvilupp u l-funzjonament tas-settur (37). Il-problema attwali tal-kapaċità żejda x’aktarx hija l-aktar eżempju ċar tal-implikazzjonijiet tal-politiki tal-GOC u tad-distorsjonijiet li jirriżultaw.

(53)

Fil-qosor, il-GOC għandu miżuri fis-seħħ biex iħeġġeġ lill-operaturi jikkonformaw mal-objettivi tal-politika pubblika li jappoġġaw lill-industriji mħeġġa, inkluża l-produzzjoni tal-azzar bħala l-materja prima ewlenija li tintuża fil-manifattura tal-mekkaniżmi tal-illegar bl-anelli. Tali miżuri jimpedixxu l-forzi tas-suq milli joperaw b’mod ħieles.

(54)

Din l-investigazzjoni ma żvelat l-ebda evidenza li l-applikazzjoni diskriminatorja jew l-infurzar inadegwat tal-liġijiet dwar il-falliment u l-proprjetà skont ir-raba’ inċiż tal-Artikolu 2(6a)(b) tar-Regolament bażiku fis-settur tal-azzar imsemmi hawn fuq fil-premessa (40) ma jaffettwawx lill-manifatturi tal-RBM.

(55)

Is-settur tal-RBM huwa affettwat ukoll mid-distorsjonijiet tal-kostijiet tal-pagi fis-sens tal-ħames inċiż tal-Artikolu 2(6a)(b) tar-Regolament bażiku, kif imsemmi wkoll hawn fuq fil-premessa (40). Dawk id-distorsjonijiet jaffettwaw lis-settur kemm direttament (waqt il-produzzjoni tal-RBM jew tal-inputs ewlenin), kif ukoll indirettament (meta jkun hemm aċċess għall-kapital jew għall-inputs minn kumpaniji soġġetti għall-istess sistema tax-xogħol fir-RPĊ) (38).

(56)

Barra minn hekk, ma tressqet l-ebda evidenza f’din l-investigazzjoni li turi li s-settur tal-RBM ma huwiex affettwat mill-intervent tal-gvern fis-sistema finanzjarja fis-sens tas-sitt inċiż tal-Artikolu 2(6a)(b) tar-Regolament bażiku, kif imsemmi wkoll hawn fuq fil-premessa (40). Għalhekk, l-intervent sostanzjali mill-gvern fis-sistema finanzjarja jwassal sabiex il-kundizzjonijiet tas-suq jiġu affettwati b’mod serju fil-livelli kollha.

(57)

Fl-aħħar nett, il-Kummissjoni tfakkar li sabiex jiġi prodott l-RBM, huma meħtieġa numru ta’ inputs. Barra minn hekk, ir-RPĊ hija wieħed mill-produtturi ewlenin tal-azzar - il-materja prima ewlenija fil-proċess tal-produzzjoni tal-RBM. Meta l-produtturi tal-RBM jixtru/jikkuntrattaw dawn l-inputs, il-prezzijiet li jħallsu (u li jiġu rreġistrati bħala l-kostijiet tagħhom) huma esposti b’mod ċar għall-istess distorsjonijiet sistemiċi msemmija qabel. Pereżempju, il-fornituri tal-inputs jużaw ħaddiema soġġetti għad-distorsjonijiet. Huma jistgħu jissellfu flus li huma soġġetti għad-distorsjonijiet fis-settur finanzjarju/l-allokazzjoni tal-kapital. Barra minn hekk, huma soġġetti għas-sistema ta’ ppjanar li tapplika fil-livelli kollha tal-gvern u tas-setturi.

(58)

B’konsegwenza ta’ dan, mhux biss il-prezzijiet tal-bejgħ domestiku tal-RBM ma humiex xierqa għall-użu fis-sens tal-Artikolu 2(6a)(a) tar-Regolament bażiku, iżda l-kostijiet tal-inputs kollha (inklużi l-materja prima, l-enerġija, l-art, il-finanzjament, l-ammont ta’ ħaddiema, eċċ.) huma wkoll affettwati minħabba li l-formazzjoni tal-prezzijiet tagħhom hija affettwata minn intervent sostanzjali min-naħa tal-gvern, kif deskritt fil-Partijiet I u II tar-Rapport. Tabilħaqq, l-interventi mill-gvern deskritti fir-rigward tal-allokazzjoni tal-kapital, tal-art, tal-ammont ta’ ħaddiema, tal-enerġija u tal-materja prima huma preżenti fis-CHN kollha. Dan ifisser, pereżempju, li input li minnu nnifsu kien prodott fir-RPĊ permezz tat-taħlita ta’ firxa ta’ fatturi tal-produzzjoni huwa espost għal distorsjonijiet sinifikanti. L-istess japplika għall-input, lejn l-input u l-bqija. F’din l-investigazzjoni, la l-GOC u lanqas il-produtturi esportaturi ma ppreżentaw xi evidenza jew argument li juru l-kuntrarju.

(59)

Kif indikat fil-premessa (29), il-gvern taċ-Ċina la kkummenta u lanqas ma pprovda evidenza li tappoġġa jew li tirribatti l-evidenza eżistenti dwar il-fajl tal-każ, inkluż ir-Rapport u l-evidenza addizzjonali li ġiet ipprovduta mill-ilmentatur, dwar l-eżistenza ta’ distorsjonijiet sinifikanti u/jew dwar l-adegwatezza tal-applikazzjoni tal-Artikolu 2(6a) tar-Regolament bażiku fil-każ inkwistjoni.

(60)

Fil-qosor, l-evidenza disponibbli wriet li l-prezzijiet jew il-kostijiet tal-prodott taħt rieżami, inklużi l-kostijiet tal-materja prima, tal-enerġija u tal-manodopera, ma humiex ir-riżultat tal-forzi tas-suq ħieles minħabba li dawn huma affettwati minn intervent sostanzjali min-naħa tal-gvern fis-sens tal-Artikolu 2(6a)(b) tar-Regolament bażiku kif muri mill-impatt attwali jew potenzjali ta’ wieħed jew aktar mill-elementi rilevanti elenkati fih. Abbażi ta’ dan, u fin-nuqqas ta’ kwalunkwe kooperazzjoni mill-GOC, il-Kummissjoni kkonkludiet li ma huwiex xieraq li jintużaw prezzijiet u kostijiet domestiċi sabiex jiġi stabbilit il-valur normali f’dan il-każ. Konsegwentement, il-Kummissjoni pproċediet sabiex tibni l-valur normali esklużivament abbażi tal-kostijiet tal-produzzjoni u l-bejgħ li jirriflettu prezzijiet jew valuri referenzjarji mingħajr distorsjoni, jiġifieri, f’dan il-każ, abbażi tal-kostijiet korrispondenti tal-produzzjoni u l-bejgħ f’pajjiż rappreżentattiv xieraq, f’konformità mal-Artikolu 2(6a)(a) tar-Regolament bażiku, kif diskuss fit-taqsima li ġejja.

(61)

L-għażla tal-pajjiż rappreżentattiv kienet ibbażata fuq il-kriterji li ġejjin, skont l-Artikolu 2(6a) tar-Regolament bażiku:

(62)

Kif spjegat fil-premessi (34) u (35), il-Kummissjoni ħarġet żewġ noti għall-fajl dwar is-sorsi għad-determinazzjoni tal-valur normali: l-ewwel nota dwar il-fatturi ta’ produzzjoni tal-20 ta’ Ottubru 2021 (l-“Ewwel Nota”) u t-tieni nota dwar il-fatturi ta’ produzzjoni tas-7 ta’ Frar 2022 (it-“Tieni Nota”). Dawn in-noti ddeskrivew il-fatti u l-evidenza li fuqhom huma bbażati l-kriterji rilevanti u indirizzaw il-kummenti li waslu mill-partijiet dwar dawk l-elementi u dwar is-sorsi rilevanti. Fit-Tieni Nota, il-Kummissjoni informat lill-partijiet interessati bl-intenzjoni tagħha li tqis lit-Turkija bħala pajjiż rappreżentattiv xieraq f’dan il-każ jekk l-eżistenza tad-distorsjonijiet sinifikanti skont l-Artikolu 2(6a) tar-Regolament bażiku tiġi kkonfermata.

(63)

Fl-Ewwel Nota dwar il-fatturi ta’ produzzjoni, il-Kummissjoni identifikat it-Turkija u t-Tajlandja bħala pajjiżi b’livell simili ta’ żvilupp ekonomiku bħar-RPĊ skont il-Bank Dinji, jiġifieri kollha huma kklassifikati mill-Bank Dinji bħala pajjiżi “b’introjtu medju superjuri” fuq bażi tal-introjtu nazzjonali gross fejn kien magħruf li jiġi manifatturat l-prodott taħt rieżami jew prodott fl-istess kategorija ġenerali u/jew fejn kien magħruf li jseħħ settur tal-prodott taħt rieżami.

(64)

Kien hemm kumment wieħed li wasal fuq in-nota mill-applikant. L-applikant qabel li ż-żewġ pajjiżi ġew ikklassifikati bħala pajjiżi bi dħul medju superjuri. Madankollu, l-applikant, fit-tweġiba tiegħu għall-ewwel Nota, iddikjara li abbażi ta’ għexieren ta’ snin ta’ manifattura u bejgħ tal-prodott taħt rieżami, ma kellu l-ebda għarfien tal-kumpaniji fit-Turkija u fit-Tajlandja li jipproduċu mekkaniżmi tal-illegar bl-anelli. Barra minn hekk, l-applikant sostna li kien hemm konfużjoni bejn il-produzzjoni tal-illegar bl-anelli, jiġifieri prodott downstream, u l-mekkaniżmi tal-illegar bl-anelli, jiġifieri l-parti tal-metall tal-legant. Fir-rigward tal-kumpaniji ppreżentati mill-Kummissjoni bħala produtturi fit-Turkija u fit-Tajlandja, l-applikant ikkummenta li l-kumpaniji kollha elenkati fin-Nota tal-20 ta’ Ottubru kienu kumpaniji tal-kartolerija li jipproduċu l-prodott downstream. L-applikant spjega li, fit-talba għal rieżami, huwa kien għażel lit-Turkija minħabba d-daqs u l-iżvilupp ekonomiku tagħha, konxju sew tan-nuqqas ta’ produzzjoni tal-RMB fit-Turkija. Għalhekk, kien ippropona kumpaniji b’metodi ta’ produzzjoni, FOP u elementi tal-manifattura simili bbażati fuq il-kodiċi 2599 tan-NACE Rev2.

(65)

Peress li l-pajjiżi kollha fejn hemm il-produzzjoni tal-prodott taħt rieżami għandhom livell differenti ta’ żvilupp ekonomiku mir-RPĊ, il-Kummissjoni indikat li se tuża l-produzzjoni ta’ prodott fl-istess kategorija ġenerali ta’ prodotti, il-kodiċi 2599 tan-NACE Rev2, għall-prodott taħt rieżami, biex tistabbilixxi pajjiż rappreżentattiv xieraq għall-applikazzjoni tal-Artikolu 2(6a) tar-Regolament bażiku.

(66)

Għall-pajjiżi meqjusa u msemmija hawn fuq, il-Kummissjoni vverifikat ukoll id-disponibbiltà tad-data pubblika, u b’mod partikolari d-data finanzjarja pubblika mill-produtturi fil-kategorija ġenerali tal-kodiċi NACE Rev 2 2599..

(67)

Il-Kummissjoni investigat ukoll id-data finanzjarja disponibbli għall-pubbliku tal-kumpaniji identifikati mill-applikant (il-kodiċi NACE Rev2 2599). Għalkemm ma hemm l-ebda prodott taħt rieżami prodott minn dawn il-kumpaniji, huma jużaw FOPS simili fil-proċessi tal-manifattura tagħhom. Il-Kummissjoni sabet li tnejn biss mis-sitt kumpaniji identifikati kienu joperaw taħt il-kodiċi 2599 tan-NACE Rev2, jiġifieri D S C Otomotiv u Samet Kalip ve Madeni, it-tnejn fit-Turkija. Il-Kummissjoni sabet li ż-żewġ kumpaniji identifikati kienu profittabbli fil-perjodu ta’ investigazzjoni tar-rieżami. Il-livelli komparattivament għoljin tal-SG&A u l-profitt meta tintuża l-medja ponderata taż-żewġ kumpaniji jistgħu jiġu spjegati mill-fatt li ż-żewġ kumpaniji huma produtturi ewlenin fis-setturi rispettivi tagħhom. D S C Otomotiv tipprovdi lis-settur tal-karozzi, filwaqt li Samet Kalip hija attur ewlieni fis-suq globali tal-industrija tal-aċċessorji tal-għamara. Fi kwalunkwe każ, il-Kummissjoni ma kisbet l-ebda informazzjoni li tissuġġerixxi li l-livelli tal-SG&A u l-profitt ta’ D S C Otomotiv u Samet Kalip ma jkunux raġonevoli għas-settur li joperaw fih.

(68)

Il-Kummissjoni analizzat ukoll l-importazzjonijiet tal-fatturi ewlenin tal-produzzjoni fit-Turkija. L-analiżi tad-data dwar l-importazzjoni wriet li l-importazzjonijiet fit-Turkija tal-fatturi ewlenin tal-produzzjoni ma kinux affettwati materjalment mill-importazzjonijiet mir-RPĊ jew minn kwalunkwe wieħed mill-pajjiżi elenkati fl-Anness I tar-Regolament (UE) 2015/755 tal-Parlament Ewropew u tal-Kunsill (41) u għalhekk mit-Turkija tista’ tintuża bħala pajjiż rappreżentattiv xieraq.

(69)

Fid-dawl tal-kunsiderazzjonijiet ta’ hawn fuq, il-Kummissjoni infurmat lill-partijiet interessati bit-Tieni Nota li kellha l-ħsieb li tuża lit-Turkija bħala pajjiż rappreżentattiv xieraq, f’konformità mal-Artikolu 2(6a)(a), l-ewwel inċiż, tar-Regolament bażiku sabiex tikseb prezzijiet jew valuri referenzjarji mingħajr distorsjoni għall-kalkolu tal-valur normali.

(70)

Il-partijiet interessati ġew mistiedna jikkummentaw dwar l-adegwatezza tat-Turkija bħala pajjiż rappreżentattiv. Ma wasal l-ebda kumment.

(71)

L-għażla inizjali ta’ pajjiżi rappreżentattivi potenzjali u ta’ kumpaniji adatti b’data disponibbli għall-pubbliku ma twaqqafx lill-Kummissjoni mill-possibbiltà li tissupplimenta jew tirfina l-għażla tagħha u r-riċerka tagħha fi stadju aktar tard, inkluż billi tressaq suġġerimenti ġodda f’termini ta’ pajjiżi rappreżentattivi potenzjali. Tabilħaqq, huwa l-iskop proprju tan-Noti dwar il-fatturi tal-produzzjoni li permezz tagħhom il-partijiet interessati jiġu mistiedna jikkummentaw dwar ir-riċerka preliminari tas-servizzi tal-Kummissjoni u, jekk ikun ġustifikat, jirċievu alternattivi għall-kunsiderazzjoni ulterjuri tas-servizzi tal-Kummissjoni. In-Noti fihom anness speċifiku biex jiggwida lill-partijiet fil-preżentazzjoni ta’ informazzjoni dwar pajjiżi u/jew kumpaniji rappreżentattivi addizzjonali possibbli għall-fini tal-Artikolu 2(6a)(a) tar-Regolament bażiku.

(72)

Wara li ġie stabbilit li t-Turkija kienet pajjiż rappreżentattiv xieraq, abbażi tal-elementi kollha msemmija hawn fuq, ma kienx hemm bżonn li titwettaq valutazzjoni tal-livell ta’ protezzjoni soċjali u ambjentali f’konformità mal-aħħar sentenza tal-Artikolu 2(6a)(a), l-ewwel inċiż, tar-Regolament bażiku.

(73)

Fid-dawl tal-analiżi ta’ hawn fuq, it-Turkija ssodisfat il-kriterji stipulati fl-Artikolu 2(6a)(a), l-ewwel inċiż, tar-Regolament bażiku sabiex titqies bħala pajjiż rappreżentattiv xieraq.

(74)

Fl-Ewwel Nota, il-Kummissjoni elenkat il-fatturi ta’ produzzjoni, bħall-materjali, l-enerġija u l-ammont ta’ ħaddiema użati fil-produzzjoni tal-prodott taħt rieżami mill-produttur esportatur u stiednet lill-partijiet interessati jikkummentaw u jipproponu informazzjoni disponibbli għall-pubbliku dwar il-valuri mingħajr distorsjoni għal kull wieħed mill-fatturi ta’ produzzjoni msemmija f’dik in-nota.

(75)

Sussegwentement, fit-Tieni Nota, il-Kummissjoni ddikjarat li, sabiex taħdem il-valur normali f’konformità mal-Artikolu 2(6a)(a) tar-Regolament bażiku, hija tuża l-Atlas Kummerċjali Globali (“GTA”) biex tistabbilixxi l-kost mingħajr distorsjoni tal-biċċa l-kbira tal-fatturi tal-produzzjoni, b’mod partikolari l-materja prima u l-prodotti sekondarji. Barra minn hekk, il-Kummissjoni ddikjarat li se tuża l-Uffiċċju tal-Istatistika Nazzjonali tat-Turkija (42) biex tistabbilixxi l-kostijiet mingħajr distorsjoni tal-ammont ta’ ħaddiema u tal-enerġija.

(76)

Fil-kalkolu, il-Kummissjoni inkludiet valur tal-ispejjeż ġenerali tal-manifattura sabiex tkopri l-kostijiet mhux inklużi fil-fatturi tal-produzzjoni msemmija hawn fuq. Sabiex tistabbilixxi dan l-ammont, din użat id-data finanzjarja ta’ wieħed mill-produtturi tal-Unjoni li kkoopera fl-investigazzjoni u li pprovda informazzjoni speċifika għal dak l-għan (43), Koloman Handler Kft (“KH”). Il-metodoloġija hija spjegata kif xieraq fit-Taqsima 3.3.5.

(77)

Fl-aħħar nett, kif iddikjarat fit-Tieni Nota, il-Kummissjoni użat id-data finanzjarja mill-kumpaniji Torok magħżulin, imsemmijin fil-premessa (67) biex tistabbilixxi l-kostijiet u l-profitti tal-SG&A.

(78)

Permezz taż-żewġ noti dwar il-fatturi ta’ produzzjoni, il-Kummissjoni fittxet li tistabbilixxi lista ta’ fatturi ta’ produzzjoni u ta’ sorsi maħsuba sabiex jintużaw għall-istabbiliment ta’ lista sħiħa tal-inputs bħal materjali, enerġija u l-ammont ta’ ħaddiema użati fil-produzzjoni tal-prodott taħt rieżami mill-produtturi fir-RPĊ. Il-Kummissjoni ma rċeviet l-ebda kumment dwar il-lista ta’ fatturi tal-produzzjoni.

(79)

Fin-nuqqas ta’ kooperazzjoni mill-produtturi esportaturi Ċiniżi fil-proċedura ta’ rieżami, il-Kummissjoni kellha tiddependi fuq il-produttur Ewropew KH sabiex tistabbilixxi l-fatturi ta’ produzzjoni użati fil-produzzjoni tal-RBM. Abbażi tad-data miġbura mill-kumpaniji Ċiniżi fl-investigazzjoni oriġinali u l-informazzjoni disponibbli fuq is-siti web tal-produtturi Ċiniżi tal-RBM, il-proċess tal-produzzjoni tagħhom u l-materjali użati jidhru li huma simili għal dawk ipprovduti mill-KH.

(80)

Fin-nuqqas ta’ kooperazzjoni, il-Kummissjoni ma kellhiex kodiċijiet tal-komoditajiet aktar dettaljati għal kull fattur ta’ produzzjoni mill-kodiċijiet tas-Sistema Armonizzata (“HS”) ta’ 6 ċifri.

(81)

Meta titqies l-informazzjoni kollha ppreżentata mill-KH u n-nuqqas ta’ kummenti fuq iż-żewġ noti dwar is-sorsi għad-determinazzjoni tal-valur normali rigward il-fatturi ta’ produzzjoni, ġew identifikati l-fatturi ta’ produzzjoni u l-kodiċijiet HS li ġejjin, fejn applikabbli:

Fatturi tal-produzzjoni tal-RBM

(82)

Sabiex tistabbilixxi l-prezzijiet mingħajr distorsjoni tal-materja prima kif waslet fil-fabbrika ta’ produttur tal-pajjiż rappreżentattiv, il-Kummissjoni użat bħala bażi, għal kull materja prima użata fil-produzzjoni ta’ RBM minn KH, il-prezz medju ponderat ta’ importazzjoni fil-pajjiż rappreżentattiv kif irrappurtat fil-GTA li miegħu żdiedu d-dazji fuq l-importazzjoni u l-kostijiet tat-trasport. Il-Kummissjoni vverifikat il-materja prima rrapportata użata u l-proporzjonijiet ta’ konsum rilevanti fil-manifattura tal-prodott taħt rieżami. Il-prezz tal-importazzjoni fil-pajjiż rappreżentattiv ġie ddeterminat bħala medja ponderata tal-prezzijiet ta’ unità tal-importazzjonijiet mill-pajjiżi terzi kollha bl-esklużjoni tar-RPĊ u l-pajjiżi li ma humiex membri tad-WTO, elenkati fl-Anness I tar-Regolament (UE) 2015/755 (44). Id-data dwar l-istatistika tal-importazzjonijiet baqgħet rappreżentattiva biżżejjed wara l-esklużjoni ta’ dawn l-importazzjonijiet. Il-Kummissjoni ddeċidiet li teskludi l-importazzjonijiet mir-RPĊ lejn il-pajjiż rappreżentattiv peress li fil-premessa (60) ikkonkludiet li mhuwiex xieraq li jintużaw il-prezzijiet u l-kostijiet domestiċi fir-RPĊ minħabba l-eżistenza ta’ distorsjonijiet sinifikanti f’konformità mal-Artikolu 2(6a)(b) tar-Regolament bażiku. Minħabba li ma hemm l-ebda evidenza li turi li l-istess distorsjonijiet ma jaffettwawx bl-istess mod il-prodotti maħsuba għall-esportazzjoni, il-Kummissjoni qieset li l-istess distorsjonijiet affettwaw il-prezzijiet tal-esportazzjoni.

(83)

Sabiex jiġi stabbilit il-prezz mingħajr distorsjoni tal-materja prima, kif waslet fil-fabbrika tal-produttur, il-Kummissjoni applikat id-dazju fuq l-importazzjoni tal-pajjiż rappreżentattiv, fil-livelli rispettivi, skont il-pajjiż ta’ oriġini tal-volumi importati (45). Il-Kummissjoni żiedet il-kost tat-trasport domestiku kkalkulat għal kull kg abbażi tal-kwotazzjonijiet għall-konsenji fil-fruntiera ta’ Istanbul-Kapikule, kif previst mir-Rapport tal-Bank Dinji “Doing Business” (46).

(84)

Fin-nuqqas ta’ kooperazzjoni mill-produtturi esportaturi Ċiniżi fil-proċedura ta’ rieżami, il-Kummissjoni kellha tiddependi mid-data pprovduta mill-KH sabiex tispeċifika l-prodotti sekondarji miksubin fil-produzzjoni tal-RBM. Il-kumpanija rrapportat prodott sekondarju wieħed biss: skart u ruttam ta’ ħadid jew azzar tal-landa.

(85)

Fin-nuqqas ta’ importazzjonijiet tal-oġġett ta’ hawn fuq fit-Turkija, il-Kummissjoni fittxet sors ta’ parametru referenzjarju alternattiv. Abbażi ta’ estrazzjoni mill-GTA, il-Kummissjoni identifikat l-akbar esportatur dinji tal-prodott inkwistjoni – l-Istati Uniti tal-Amerka (“l-Istati Uniti”). Il-parametru referenzjarju sussegwentement ġie kkalkolat bħala l-prezz medju ponderat tal-esportazzjoni ta’ unità li nħattet l-art (CIF + dazji fuq l-importazzjoni fil-pajjiżi b’importazzjonijiet mill-Istati Uniti) abbażi tal-esportazzjonijiet tal-Istati Uniti tal-Amerka lejn il-bqija tad-dinja fil-perjodu ta’ investigazzjoni tar-rieżami.

(86)

Sabiex tistabbilixxi l-valur referenzjarju għall-kostijiet lavorattivi, il-Kummissjoni użat l-istatistika nazzjonali Torka disponibbli għall-pubbliku, li tinkludi t-taxxi u l-imposti tal-impjegaturi (47).

(87)

Bħala bażi għall-kalkolu, il-Kummissjoni użat l-istatistika mill-Portal tad-Data Turkstat, li pprovda informazzjoni dettaljata dwar il-kost lavorattiv fis-siegħa f’setturi ekonomiċi differenti skont is-sena. Il-Kummissjoni użat bħala ċifra referenzjarja rrapportata għall-Kodiċi C.25 tan-NACE Rev2 “Manifattura ta’ prodotti tal-metall iffabbrikat, għajr magni u tagħmir”.

(88)

Sabiex tistabbilixxi l-valur referenzjarju għall-elettriku, il-Kummissjoni użat il-prezzijiet tal-elettriku tal-industrija skont il-livelli tal-konsum ippubblikati fuq is-sit web tal-Uffiċċju Nazzjonali tal-Istatistika tat-Turkija (“Turkstat”) (48).

(89)

Il-Kummissjoni użat il-kwotazzjoni tal-prezz tal-elettriku disponibbli fil-Portal tad-Data Turkstat, li jipprovdi medji ta’ nofs is-sena tal-prezzijiet tal-unità tal-elettriku. Bħala parametru referenzjarju, il-Kummissjoni użat medja tar-rati industrijali previsti għall-perjodu ta’ investigazzjoni tar-rieżami.

(90)

Skont l-Artikolu 2(6a)(a) tar-Regolament bażiku, “il-valur normali maħdum għandu jinkludi ammont raġonevoli u mingħajr distorsjoni għal kostijiet amministrattivi, tal-bejgħ u ġenerali u għal profitti”. Barra minn hekk, kien jeħtieġ li jiġi stabbilit valur għall-ispejjeż ġenerali tal-manifattura sabiex ikopri l-kostijiet mhux inklużi fil-fatturi tal-produzzjoni msemmija hawn fuq.

(91)

Minbarra l-fatturi tal-produzzjoni fil-premessa (81) hawn fuq, il-Kummissjoni kkalkolat l-ispejjeż ġenerali tal-manifattura. Fid-dawl tan-nuqqas ta’ kooperazzjoni mill-produtturi Ċiniżi, il-kalkolu ta’ dawn il-kostijiet ġenerali tal-manifattura kien ibbażat fuq il-proporzjon tal-ispejjeż ġenerali tal-manifattura diviżi bil-kost tal-manifattura rrapportat mill-KH. Dan il-perċentwal ġie applikat għall-kostijiet tal-manifattura mingħajr distorsjoni.

(92)

Għall-SG&A u l-profitt, il-Kummissjoni użat id-data finanzjarja taż-żewġ produtturi Torok elenkati fil-premessa (67). Il-Kummissjoni l-ewwel iddeterminat il-perċentwal tal-SG&A u l-profitt fuq il-kostijiet tal-oġġetti mibjugħa (“COGS”) għal kull produttur. Imbagħad, ġiet stabbilita medja tal-SG&A u l-profitt fil-pajjiż rappreżentattiv (ponderati mill-fatturat tal-kumpaniji). Il-kontijiet awditjati disponibbli għall-pubbliku ta’ dawn il-kumpaniji saru disponibbli għall-partijiet interessati bħala dokument mehmuż mat-Tieni Nota.

(93)

Abbażi tal-parametri referenzjarji ta’ hawn fuq, il-Kummissjoni bniet il-valur normali skont il-metodoloġija li ġejja.

(94)

L-ewwel, il-Kummissjoni stabbiliet il-kostijiet mingħajr distorsjoni tal-manifattura. Fin-nuqqas ta’ kooperazzjoni mill-produtturi esportaturi, il-Kummissjoni bbażat fuq l-informazzjoni pprovduta mill-KH dwar il-konsum ta’ kull fattur ta’ produzzjoni (materja prima, manodopera u enerġija) għall-produzzjoni tal-prodott taħt rieżami. Dawn il-volumi tal-konsum ġew immultiplikati bil-kostijiet mingħajr distorsjoni għal kull unità stabbiliti fit-Turkija, kif deskritt fit-Taqsima 3.3.4.

(95)

It-tieni, biex waslet għall-kostijiet mingħajr distorsjoni tal-produzzjoni, il-Kummissjoni żiedet il-perċentwal tal-ispejjeż ġenerali tal-manifattura ddeterminati kif deskritt fil-premessa (90) mal-kostijiet mingħajr distorsjoni tal-manifattura.

(96)

Fl-aħħar nett, minbarra l-kost tal-produzzjoni stabbilit kif deskritt fil-premessa (95), il-Kummissjoni applikat l-SG&A u l-profitt fil-pajjiż rappreżentattiv stabbilit kif spjegat fil-premessa (92). L-SG&A u l-profitt espressi bħala perċentwal tas-COGS u applikati għall-kostijiet tal-produzzjoni mingħajr distorsjoni ammontaw għal 31,3 % u 24,7 % rispettivament.

(97)

Il-valur normali, ikkalkulat kif deskritt fil-premessi minn (93) sa (96) tnaqqas bil-valur mingħajr distorsjoni tal-prodott sekondarju. Il-valuri mingħajr distorsjoni tal-prodott sekondarju ġew stabbiliti bil-multiplikazzjoni tal-kwantitajiet mibjugħa fil-perjodu ta’ investigazzjoni ta’ rieżami, kif irrapportat mill-KH, bil-prezz tiegħu mingħajr distorsjoni għal kull unità kif stabbilit fit-Turkija, kif deskritt fit-taqsima 3.3.4.2 hawn fuq.

(98)

Għal ċerti prodotti, ir-RPĊ tapplika politika ta’ rimborż tal-VAT parzjalment biss mal-esportazzjoni. Sabiex ikun żgurat li l-valur normali jiġi espress fl-istess livell ta’ tassazzjoni bħall-prezz tal-esportazzjoni, il-valur normali jiġi aġġustat ’il fuq b’dik il-parti tal-VAT imposta fuq l-esportazzjonijiet tal-prodott taħt rieżami li ma kinitx ġiet rimborżata lill-produtturi esportaturi Ċiniżi. Id-data mis-sit web tal-amministrazzjoni Ċiniża tat-taxxa u tad-dwana u d-data tat-Transdwana (49) indikaw li fil-perjodu ta’ investigazzjoni tar-rieżami, il-VAT imposta fuq l-esportazzjonijiet tal-RBM ma ġietx rimborżata bis-sħiħ. Għalhekk, il-valur normali finali ġie aġġustat ’il fuq b’3 % kif xieraq.

(99)

Abbażi ta’ dan, il-Kummissjoni bniet il-valur normali fuq bażi ta’ kif joħroġ mill-fabbrika f’konformità mal-Artikolu 2(6a)(a) tar-Regolament bażiku. Minħabba l-fatt li l-ebda produttur esportatur ma kkoopera, il-valur normali huwa applikabbli fuq bażi nazzjonali.

(100)

Fin-nuqqas ta’ kooperazzjoni mill-produtturi esportaturi Ċiniżi, il-prezz tal-esportazzjoni ġie ddeterminat fuq il-bażi tal-fatti disponibbli f’konformità mal-Artikolu 18 tar-Regolament bażiku.

(101)

Matul il-perjodu ta’ investigazzjoni tar-rieżami, skont Eurostat, ġew importati biss 356 elf biċċa ta’ RMB mir-RPĊ. Dan l-ammont huwa negliġibbli mhux biss fid-dawl tal-konsum totali tal-Unjoni, iżda wkoll billi, kif spjegat fil-premessa (26), matul il-perjodu ta’ investigazzjoni tar-rieżami nbiegħ għadd kbir ta’ tipi differenti ta’ RMB fl-Unjoni. Fin-nuqqas ta’ kooperazzjoni mill-produtturi esportaturi Ċiniżi, il-Kummissjoni ma għandha l-ebda indikazzjoni tat-taħlita tal-prodott f’tali volumi żgħar ta’ importazzjonijiet. Għal dawn ir-raġunijiet, il-Kummissjoni kkonkludiet li dawn il-volumi baxxi ma jipprovdux bażi suffiċjenti għal sejba dwar il-kontinwazzjoni ta’ dumping u eżaminat il-probabbiltà ta’ rikorrenza tad-dumping jekk il-miżuri jitħallew jiskadu.

(102)

Minbarra l-konklużjoni tal-premessa (101), il-Kummissjoni investigat, f’konformità mal-Artikolu 11(2) tar-Regolament bażiku, il-probabbiltà ta’ rikorrenza ta’ dumping, jekk il-miżuri jiġu revokati. Ġew analizzati l-elementi li ġejjin: l-eżistenza ta’ dumping abbażi ta’ esportazzjonijiet lejn pajjiżi terzi, il-kapaċità tal-produzzjoni u l-kapaċità ta’ riżerva fir-RPĊ u l-attraenza tas-suq tal-Unjoni.

(103)

Abbażi tal-istatistika dwar l-importazzjonijiet tal-GTA, il-Kummissjoni identifikat l-akbar erba’ importaturi tal-RBM mir-RPĊ matul il-perjodu ta’ investigazzjoni tar-rieżami: il-Messiku, l-Istati Uniti tal-Amerka, il-Malażja u l-Vjetnam (50). Dawn l-erba’ pajjiżi kienu jirrappreżentaw 61 % tal-importazzjonijiet “dinjija” totali tal-prodott taħt rieżami miċ-Ċina.

(104)

Fir-rigward tal-esportazzjonijiet Ċiniżi tal-RBM lejn l-erba’ swieq ewlenin, saru kalkoli tad-dumping skont il-metodoloġija deskritta hawn taħt.

(105)

Biex tivvaluta d-dumping mir-RPĊ lejn pajjiżi terzi, il-Kummissjoni użat il-valur normali maħdum kif deskritt fil-premessi (93) sa (99).

(106)

Peress li ma kien hemm l-ebda kooperazzjoni mill-produtturi Ċiniżi, il-prezz probabbli tal-esportazzjoni lejn l-Unjoni ġie stmat billi ġew analizzati l-prezzijiet tal-esportazzjoni Ċiniżi lejn pajjiżi terzi fil-perjodu ta’ investigazzjoni tar-rieżami, abbażi tal-istatistika rilevanti tal-importazzjoni tal-GTA speċifika għall-pajjiż.

(107)

Il-Malażja u l-Vjetnam irrapportaw il-valuri tal-importazzjoni tagħhom biss fil-livell CIF. Għalhekk, il-Kummissjoni aġġustat il-valuri rrapportati għal-livell FOB billi naqqset il-kost tal-merkanzija u tal-assigurazzjoni fuq il-baħar (51). Dan l-aġġustament ma kienx meħtieġ għall-Messiku u għall-Istati Uniti tal-Amerka peress li kienu disponibbli valuri tal-importazzjonijiet fil-livell FOB.

(108)

Fit-tieni pass, il-valuri tal-importazzjoni FOB tal-erba’ pajjiżi kollha ġew aġġustati għal-livell mill-fabbrika billi tnaqqas il-kost tat-trasport domestiku fiċ-Ċina (52).

(109)

Il-Kummissjoni qabblet il-valur normali maħdum u l-prezzijiet tal-esportazzjoni lejn pajjiżi terzi fuq bażi mill-fabbrika.

(110)

It-tqabbil ta’ hawn fuq wera marġni tad-dumping għall-pajjiż kollu għall-esportazzjonijiet Ċiniżi lejn l-erba’ pajjiżi, espress bħala perċentwal tal-valuri CIF (53) rispettivi tagħhom kif ġej:

(111)

Il-prezz medju tal-esportazzjoni li nstab matul il-perjodu ta’ investigazzjoni tar-rieżami għal kull wieħed mill-pajjiżi ta’ hawn fuq iwassal għal marġni tad-dumping ta’ aktar minn 20 % meta mqabbel mal-valur normali stabbilit fit-taqsima 3.3.6. Dan indika li, jekk l-importazzjonijiet mir-RPĊ jaslu fl-Unjoni f’dak il-livell, tali importazzjonijiet ikunu oġġett ta’ dumping.

(112)

Il-kapaċità ta’ riżerva fiċ-Ċina, stmata għal 375 miljun biċċa skont it-talba għal rieżami ta’ skadenza, taqbeż aktar minn seba’ darbiet il-konsum totali tal-Unjoni ta’ 40 miljun biċċa – 60 miljun biċċa matul il-perjodu ta’ investigazzjoni tar-rieżami. Il-kapaċità Ċiniża nbniet b’mod drammatiku matul l-aħħar għaxar snin, li bħalissa tammonta għal madwar 830 miljun biċċa, li hija ferm lil hinn mill-produzzjoni attwali tagħha ta’ 455 miljun biċċa.

(113)

Abbażi ta’ dan ta’ hawn fuq, il-Kummissjoni kkonkludiet li l-produtturi esportaturi Ċiniżi għandhom kapaċitajiet ta’ riżerva sinifikanti, li jistgħu jużawhom biex jipproduċu l-RBM għall-esportazzjoni lejn l-Unjoni jekk il-miżuri jitħallew jiskadu.

(114)

Skont id-data tal-GTA, il-produtturi esportaturi Ċiniżi esportaw lejn is-swieq terzi ewlenin tagħhom bi prezzijiet li kienu 1,2 % sa 32,5 % aktar baxxi meta mqabbla mal-prezzijiet medji tal-bejgħ tal-produtturi tal-Unjoni fis-suq tal-Unjoni. B’kunsiderazzjoni ta’ dan il-livell tal-prezz, l-esportazzjoni lejn l-Unjoni hija potenzjalment attraenti għall-esportaturi Ċiniżi, peress li l-iskadenza tal-miżuri tippermettilhom ibigħu bi prezzijiet ogħla minn dawk li bihom jesportaw lejn pajjiżi oħra iżda xorta taħt il-prezzijiet tal-industrija tal-UE.

(115)

Is-suq tal-Unjoni huwa attraenti wkoll għall-produtturi Ċiniżi fid-dawl tad-daqs tiegħu, peress li huwa l-akbar suq globalment għal xi tipi ta’ RMB skont it-talba għal rieżami ta’ skadenza.

(116)

Fid-dawl ta’ dan ta’ hawn fuq, il-Kummissjoni kkonkludiet li hemm probabbiltà qawwija li jerġa’ jseħħ dumping jekk il-miżuri attwali jitħallew jiskadu. B’mod partikolari, il-livell tal-valur normali stabbilit fir-RPĊ, il-livell tal-prezzijiet tal-esportazzjoni Ċiniżi lejn swieq ta’ pajjiżi terzi, l-attraenza tas-suq tal-Unjoni u d-disponibbiltà ta’ kapaċità ta’ produzzjoni sinifikanti fir-RPĊ juru probabbiltà kbira ta’ rikorrenza ta’ dumping fil-każ li l-miżuri attwali jitħallew jiskadu.

(117)

Il-prodott simili kien manifatturat minn żewġ produtturi fl-Unjoni matul il-perjodu ta’ investigazzjoni: Ring Alliance Ringbuchtechnik GmbH (Oroszlany, l-Ungerija) u I.M.L. Industria Meccanica Lombarda S.r.l. (Offanengo, l-Italja). Dawn jikkostitwixxu l-“industrija tal-Unjoni” skont it-tifsira tal-Artikolu 4(1) tar-Regolament bażiku.

(118)

Iż-żewġ produtturi (l-ewwel wieħed huwa l-applikant) ikkooperaw fl-investigazzjoni. Minħabba li ż-żewġ kumpaniji flimkien irrappreżentaw il-produzzjoni totali tal-Unjoni tal-RBM fil-perjodu ta’ investigazzjoni tar-rieżami, dawn huma meqjusin li jirrappreżentaw l-industrija tal-Unjoni skont it-tifsira tal-Artikolu 4(1) tar-Regolament bażiku.

(119)

Il-produzzjoni totali tal-Unjoni matul il-perjodu ta’ investigazzjoni ta’ rieżami ġiet stabbilita għal madwar [40 000 – 60 000] biċċa (54). Il-Kummissjoni stabbiliet iċ-ċifra abbażi tat-tweġibiet għall-kwestjonarju taż-żewġ produtturi. Minħabba li ċ-ċifri mikro u makroekonomiċi ġew stabbiliti abbażi tad-data ta’ żewġ produtturi tal-Unjoni, id-data ġiet ipprovduta f’meded sabiex tiġi żgurata l-kunfidenzjalità.

(120)

Il-Kummissjoni stabbiliet il-konsum tal-Unjoni abbażi ta’ (a) il-volumi tal-bejgħ ivverifikati tal-prodott simili mill-industrija tal-Unjoni fis-suq tal-Unjoni rrapportati fit-tweġibiet rispettivi għall-kwestjonarju tal-produtturi tal-Unjoni, u (b) il-volumi tal-importazzjoni tal-RMBs (livell TARIC) fis-suq tal-Unjoni rrapportati fil-Eurostat u kkonvertiti f’biċċiet. Fi ħdan in-nomenklatura tat-TARIC valida mad-dħul fis-seħħ tar-Regolament (UE) 2016/703, il-Kummissjoni identifikat żewġ gruppi ta’ RBM:

(121)

Fil-Eurostat, l-unità tal-kejl għall-RBM hija l-piż (KG). Il-Kummissjoni kkalkolat fattur ta’ konverżjoni għal kull wieħed mill-gruppi ta’ hawn fuq ta’ RBM, abbażi tad-data tal-produzzjoni vverifikata tal-industrija tal-Unjoni. Din użat il-fatturi ta’ konverżjoni kkalkolati b’dan il-mod biex tistabbilixxi l-volumi ta’ importazzjoni rilevanti f’biċċiet.

(122)

Il-kalkolu ta’ dawn il-fatturi ta’ konverżjoni ġie spjegat kif xieraq f’nota għall-fajl (55). F’dik in-nota, il-Kummissjoni pprovdiet is-sors tad-data li użat biex tikkalkula ż-żewġ fatturi ta’ konverżjoni (iċ-ċifri tal-bejgħ tal-industrija tal-Unjoni għall-perjodu ta’ investigazzjoni tar-rieżami sottomessi skont il-piż u l-unità) u l-metodoloġija applikata (il-piż totali tal-bejgħ tal-Unjoni ta’ kull grupp ta’ prodotti diviż bin-numru korrispondenti ta’ biċċiet). Ma wasal l-ebda kumment fir-rigward ta’ din in-nota għall-fajl.

(123)

Il-konsum tal-Unjoni żviluppa kif ġej:

Tabella 1

Il-konsum fis-suq tal-Unjoni

(124)

Ir-rieżami wera li l-konsum tal-Unjoni tal-RBM naqas b’31 % matul il-perjodu ta’ analiżi minn madwar 70 - 90 miljun biċċa fl-2017 għal 40 - 60 miljun biċċa fil-perjodu ta’ investigazzjoni tar-rieżami (56).

(125)

It-tnaqqis kontinwu fil-konsum tal-Unjoni huwa spjegat mid-diġitalizzazzjoni. Madankollu, l-industrija tal-Unjoni temmen li l-impatt tad-diġitalizzazzjoni jinsab fl-aħħar fażi tiegħu u li s-suq se jistabbilizza gradwalment, speċjalment għas-swieq ewlenin, jiġifieri s-suq tal-iskejjel u s-suq tal-kampjuni. Barra minn hekk, it-tifqigħa tal-COVID-19 fl-2020 irriżultat fi tnaqqis temporanju addizzjonali tad-domanda f’dik is-sena.

(126)

Il-Kummissjoni stabbiliet il-volum tal-importazzjonijiet abbażi tal-istatistika tal-Eurostat, kif spjegat kif xieraq fil-premessa (120) hawn fuq. Is-sehem mis-suq ġie stabbilit billi ġew imqabbla l-importazzjonijiet mal-konsum tal-Unjoni kif stabbilit fit-tabella 1.

(127)

L-importazzjonijiet mill-pajjiż ikkonċernat żviluppaw kif ġej:

Tabella 2

Volum u sehem mis-suq tal-importazzjonijiet

(128)

Il-volum tal-importazzjonijiet tal-RBM li joriġinaw mir-RPĊ baqa’ f’livell baxx ħafna matul il-perjodu kkunsidrat u varja madwar sehem mis-suq ta’ 1 %.

(129)

Peress li ma kien hemm l-ebda kooperazzjoni mill-produtturi esportaturi fir-RPĊ, u fid-dawl tal-kwantitajiet baxxi ħafna importati fl-Unjoni mir-RPĊ kif spjegat fil-premessa (101), ma seta’ jiġi stabbilit l-ebda prezz tal-importazzjoni affidabbli matul il-perjodu ta’ investigazzjoni tar-rieżami u, għalhekk, ma kienx possibbli li jsir kalkolu sinifikattiv tat-twaqqigħ tal-prezz.

(130)

F’dawn iċ-ċirkostanzi, il-Kummissjoni ddeterminat it-twaqqigħ tal-prezz mill-importazzjonijiet mir-RPĊ matul il-perjodu ta’ investigazzjoni tar-rieżami billi qabblet:

(131)

Ir-riżultat tat-tqabbil ġie espress bħala perċentwal tal-fatturat tal-produtturi tal-Unjoni matul il-perjodu ta’ investigazzjoni tar-rieżami. Dan wera twaqqigħ ta’ sa 32,5 % skont il-prezzijiet għas-swieq ewlenin tal-esportazzjoni użati. Jekk il-miżuri jitħallew jiskadu huwa mistenni l-istess livell ta’ twaqqigħ tal-prezzijiet fis-suq tal-Unjoni.

(132)

Il-Kummissjoni stabbiliet il-volumi u l-prezzijiet tal-importazzjonijiet li japplikaw l-istess metodoloġija bħal dik għar-RPĊ (ara l-premessa (126)).

(133)

Il-volum tal-importazzjonijiet minn pajjiżi terzi żviluppa kif ġej matul il-perjodu ta’ analiżi:

Tabella 3

Importazzjonijiet minn pajjiżi terzi

(134)

Waqt il-perjodu sħiħ ta’ analiżi, il-pajjiżi esportaturi ewlenin tal-RBM lejn l-Unjoni kienu l-Indja u l-Kambodja. L-importazzjonijiet minn dawn il-pajjiżi kellhom ishma sinifikanti mis-suq tal-Unjoni matul il-perjodu sħiħ ta’ analiżi, li varja bejn 10 % u 16 %. Madankollu, ta’ min jinnota wkoll li l-volumi u s-sehem mis-suq tal-importazzjonijiet mill-Indja u mill-Kambodja naqsu b’mod qawwi matul il-perjodu ta’ analiżi. Il-prezzijiet ta’ dawn l-importazzjonijiet naqsu wkoll, u l-industrija tal-Unjoni ma pprovdiet l-ebda evidenza li dawn l-importazzjonijiet huma l-oġġett ta’ dumping fis-suq tal-Unjoni.

(135)

L-importazzjonijiet mill-pajjiżi terzi l-oħra huma negliġibbli. It-Tajlandja, li darba kienet it-tieni l-akbar esportatur lejn l-Unjoni, kważi sparixxiet mis-suq.

(136)

F’konformità mal-Artikolu 3(5) tar-Regolament bażiku, l-eżaminazzjoni tal-impatt tal-importazzjonijiet oġġett ta’ dumping fuq l-industrija tal-Unjoni kien jinkludi evalwazzjoni tal-indikaturi ekonomiċi kollha li kellhom effett fuq l-istat tal-industrija tal-Unjoni matul il-perjodu ta’ analiżi.

(137)

Kif imsemmi fil-premessa (16), ma ntuża l-ebda kampjunar għad-determinazzjoni tad-dannu possibbli li ġarrbet l-industrija tal-Unjoni. Konsegwentement, għad-determinazzjoni tad-dannu, il-Kummissjoni ma għamlet l-ebda distinzjoni bejn indikaturi tad-dannu makroekonomiċi u mikroekonomiċi minħabba li l-produtturi kollha tal-Unjoni kkooperaw fir-rieżami.

(138)

Sabiex tiġi rrispettata l-informazzjoni kummerċjali riżervata, kien neċessarju li tkun ippreżentata l-informazzjoni li tikkonċerna ż-żewġ produtturi tal-Unjoni f’meded. Il-preżentazzjoni taċ-ċifri eżatti tippermetti lil kwalunkwe produttur tal-Unjoni jikkalkula ċ-ċifri eżatti tal-produzzjoni tal-produttur l-ieħor, u jkun hemm riskju li operaturi oħra tas-suq li jkollhom data dwar is-suq ikunu jistgħu jagħmlu dan bl-istess mod.

(139)

Il-produzzjoni totali tal-Unjoni, il-kapaċità tal-produzzjoni u l-użu tal-kapaċità żviluppaw kif ġej matul il-perjodu ta’ analiżi:

Tabella 4

Produzzjoni, kapaċità tal-produzzjoni u użu tal-kapaċità

(140)

Il-produzzjoni tal-industrija tal-Unjoni naqset bi 22 % matul il-perjodu ta’ analiżi. Din ix-xejra segwiet ix-xejra fil-konsum, minkejja li t-tnaqqis fl-output tal-produzzjoni tal-industrija tal-Unjoni xorta kien ftit ikbar mit-tnaqqis fil-konsum. Matul il-perjodu ta’ analiżi, l-industrija tal-Unjoni esperjenzat l-istess tnaqqis bi 22 % fir-rata ta’ użu tal-kapaċità, hekk kif il-kapaċità nnifisha baqgħet stabbli. Ir-rata ta’ użu tal-kapaċità laħqet livell rekord baxx ta’ 50 % sa 60 % f’termini assoluti fil-perjodu ta’ investigazzjoni tar-rieżami.