(1)

L-Aġenzija tal-Unjoni Ewropea għall-Kooperazzjoni fl-Infurzar tal-Liġi (Europol) twaqqfet permezz tar-Regolament (UE) 2016/794 tal-Parlament Ewropew u tal-Kunsill (2) sabiex tappoġġa u ssaħħaħ l-azzjoni meħuda mill-awtoritajiet kompetenti tal-Istati Membri u l-kooperazzjoni reċiproka tagħhom fil-prevenzjoni u fil-ġlieda kontra l-kriminalità serja li taffettwa żewġ Stati Membri jew aktar, it-terroriżmu u forom oħra ta’ kriminalità li jaffettwaw interess komuni kopert minn politika tal-Unjoni.

(2)

L-Ewropa qed taffaċċja sitwazzjoni ta’ sigurtà li ma tiqafx tinbidel, b’theddidiet għas-sigurtà li jevolvu dejjem aktar u dejjem aktar kumplessi. It-terroristi u kriminali oħra jisfruttaw it-trasformazzjoni diġitali u t-teknoloġiji l-ġodda, b’mod partikolari kemm l-interkonnettività u ċ-ċajpir tal-konfini bejn id-dinja fiżika u diġitali, pereżempju billi jaħbu r-reati kriminaliu l-identitajiet tagħhom bl-użu ta’ tekniki dejjem aktar sofistikati. It-terroristi u kriminali oħra wrew li għandhom il-ħila jadattaw il-modi ta’ kif joperaw u li jiżviluppaw attivitajiet kriminali ġodda fi żminijiet ta’ kriżi, inkluż billi jisfruttaw għodod imħaddma bit-teknoloġija biex ikattru u jwessgħu il-firxa u l-iskala tal-attivitajiet kriminali tagħhom. It-terroriżmu jibqa’ theddida sinifikanti għal-libertà u l-mod tal-għajxien taċ-ċittadini tal-Unjoni.

(3)

Theddidiet kumplessi u li qed jevolvu jinfirxu lil hinn mill-fruntieri, ikopru varjetà ta’ reati kriminali li huma jiffaċilitaw, u jidhru fi gruppi tal-kriminalità organizzata polikriminali li jieħdu sehem f’firxa wiesgħa ta’ attivitajiet kriminali. Peress li l-azzjoni fil-livell nazzjonali u l-kooperazzjoni transkonfinali mhumiex biżżejjed biex jindirizzaw dawk it-theddid tranżnazzjonali tas-sigurtà, l-awtoritajiet kompetenti tal-Istati Membri qed jużaw dejjem aktar l-appoġġ u l-għarfien espert li toffri l-Europol għall-prevenzjoni u l-ġlieda kontra l-kriminalità serja u t-terroriżmu. Minn meta sar applikabbli r-Regolament (UE) 2016/794, l-importanza operazzjonali tal-kompiti tal-Europol żdiedet b’mod sostanzjali. Barra minn hekk, l-ambjent il-ġdid tat-theddidiet jibdel l-ambitu u t-tip ta’ appoġġ li l-Istati Membri jeħtieġu u jistennew mill-Europol sabiex iżommu liċ-ċittadini sikuri.

(4)

Għalhekk jenħtieġ li kompiti addizzjonali jingħataw lill-Europol minn dan ir-Regolament sabiex jippermettu lill-Europol tappoġġa aħjar lill-awtoritajiet kompetenti tal-Istati Membri filwaqt li jiġu ppreservati bis-sħiħ ir-responsabbiltajiet tal-Istati Membri fil-qasam tas-sigurtà nazzjonali stipulati fl-Artikolu 4(2) tat-Trattat dwar l-Unjoni Ewropea (TUE). Jenħtieġ li l-mandat rinfurzat tal-Europol ikun ibbilanċjat b’salvagwardji msaħħa fir-rigward tad-drittijiet fundamentali u aktar akkontabbiltà, responsabbiltà u sorveljanza, inkluż sorveljanza parlamentari u sorveljanza permezz tal-Bord ta’ Amministrazzjoni tal-Europol (“il-Bord ta’ Amministrazzjoni”). Sabiex il-Europol tkun tista’ twettaq il-mandat rinfurzat tagħha, jenħtieġ li hija tingħata riżorsi umani u finanzjarji adegwati sabiex tkun tista’ tappoġġa l-kompiti addizzjonali tagħha.

(5)

Hekk kif l-Unjoni qed taffaċċja theddidiet dejjem akbar minn gruppi ta’ kriminalità organizzata u minn attakki terroristiċi, rispons effettiv tal-infurzar tal-liġi jrid jinkludi d-disponibbiltà ta’ unitajiet ta’ intervent speċjali interoperabbli mħarrġa tajjeb speċjalizzati fil-kontroll ta’ sitwazzjonijiet ta’ kriżi maħluqin mill-bniedem. Fl-Unjoni, l-unitajiet ta’ intervent speċjali tal-Istati Membri jikkooperaw abbażi tad-Deċiżjoni tal-Kunsill 2008/617/ĠAI (3). Jenħtieġ li l-Europol tkun tista’ tappoġġa dawk l-unitajiet ta’ intervent speċjali billi tipprovdi appoġġ tekniku u finanzjarju, li jikkomplementa l-isforzi mwettqa mill-Istati Membri.

(6)

F’dawn l-aħħar snin, attakki ċibernetiċi fuq skala kbira, inkluż attakki li oriġinaw f’pajjiżi terzi, kellhom fil-mira tagħhom entitajiet kemm pubbliċi kif ukoll privati f’ħafna ġuriżdizzjonijiet fl-Unjoni u lil hinn minnha, u affettwaw diversi setturi inklużi s-servizzi tat-trasport, tas-saħħa u dawk finanzjarji. Il-prevenzjoni, is-sejbien, l-investigazzjoni u l-prosekuzzjoni ta’ tali attakki ċibernetiċi huma sostnuti mill-koordinazzjoni u mill-kooperazzjoni bejn l-atturi rilevanti, inkluż l-Aġenzija tal-Unjoni Ewropea għaċ-Ċibersigurtà (ENISA), stabbilita bir-Regolament (UE) 2019/881 tal-Parlament Ewropew u tal-Kunsill (4) l-awtoritajiet kompetenti dwar is-sigurtà tan-networks u tas-sistemi tal-informazzjoni (awtoritajiet tal-NIS) fi ħdan it-tifsira tad-Direttiva (UE) 2016/1148 tal-Parlament Ewropew u tal-Kunsill (5), l-awtoritajiet kompetenti tal-Istati Membri u partijiet privati. Sabiex tiġi żgurata kooperazzjoni effettiva bejn l-atturi rilevanti kollha fil-livell tal-Unjoni u dak nazzjonali dwar l-attakki ċibernetiċi u t-theddidiet ċibernetiċi, jenħtieġ li l-Europol tikkoopera mal-ENISA b’mod partikolari, permezz tal-iskambju ta’ informazzjoni u appoġġ analitiku fl-oqsma li jaqgħu fi ħdan il-kompetenzi rispettivi tagħhom.

(7)

Il-kriminali ta’ riskju għoli għandhom rwol ewlieni fin-networks kriminali u l-attivitajiet kriminali tagħhom jippreżentaw riskju għoli għas-sigurtà interna tal-Unjoni. Sabiex jiġu miġġielda gruppi ta’ kriminalità organizzata b’riskju għoli u l-membri ewlenin tagħhom, jenħtieġ li l-Europol tkun tista’ tappoġġa lill-Istati Membri fl-iffokar tar-rispons investigattiv tagħhom fuq l-identifikazzjoni tal-membri u tal-membri ewlenin ta’ dawk in-networks, l-attivitajiet kriminali u l-assi finanzjarji tagħhom.

(8)

It-theddidiet ikkawżati minn kriminalità serja jeħtieġu rispons koordinat, koerenti, multidixxiplinari u li jinvolvi diversi aġenziji. Jenħtieġ li l-Europol tkun tista’ tiffaċilita u tappoġġa inizjattivi ta’ sigurtà mmexxija mill-Istati Membri mmexxija mill-intelligence li għandhom l-għan li jidentifikaw, jipprijoritizzaw u jindirizzaw theddid serju ta’ kriminalità, bħalma hija l-Pjattaforma Multidixxiplinari Ewropea Kontra t-Theddid Kriminali (EMPACT). Jenħtieġ li l-Europol tkun tista’ tipprovdi appoġġ amministrattiv, loġistiku, finanzjarju u operazzjonali għal tali inizjattivi.

(9)

Is-Sistema ta’ Informazzjoni ta’ Schengen (SIS), stabbilita fil-qasam tal-kooperazzjoni tal-pulizija u tal-kooperazzjoni ġudizzjarja f’materji kriminali permezz tar-Regolament (UE) 2018/1862 tal-Parlament Ewropew u tal-Kunsill (6), hija għodda essenzjali biex jinżamm livell għoli ta’ sigurtà fl-ispazju ta’ libertà, sigurtà u ġustizzja. Il-Europol, bħala ċentru għall-iskambju ta’ informazzjoni fl-Unjoni, tirċievi u żżomm informazzjoni siewja mingħand pajjiżi terzi u organizzazzjonijiet internazzjonali dwar persuni ssuspettati li jkunu involuti f’reati kriminali li jaqgħu taħt l-objettivi tal-Europol. Fil-qafas tal-objettivi tagħha u l-kompitu tagħha li tappoġġa lill-Istati Membri fil-prevenzjoni u l-ġlieda kontra l-kriminalità serja u t-terroriżmu, jenħtieġ li l-Europol tappoġġa lill-Istati Membri fl-ipproċessar ta’ data fornita minn pajjiżi terzi jew organizzazzjonijiet internazzjonali lilha billi tipproponi d-dħul possibbli mill-Istati Membri ta’ allerti fis-SIS taħt kategorija ġdida ta’ allerti ta’ informazzjoni fl-interess tal-Unjoni (“allerti ta’ informazzjoni”), sabiex tagħmel dawk l-allerti ta’ informazzjoni disponibbli għall-utenti aħħarin tas-SIS. Għal dak il-għan, jenħtieġ li jiġi stabbilit mekkaniżmu ta’ rappurtar perjodiku sabiex jiġi żgurat li l-Istati Membri u l-Europol ikunu infurmati dwar ir-riżultat tal-verifika u tal-analiżi ta’ dik id-data u dwar jekk l-informazzjoni ġietx imdaħħla fis-SIS. Jenħtieġ li l-modalitajiet għall-kooperazzjoni tal-Istati Membri għall-ipproċessar ta’ tali data u d-dħul ta’ allerti fis-SIS, b’mod partikolari fir-rigward tal-ġlieda kontra t-terroriżmu, ikunu soġġetti għal koordinazzjoni kontinwa fost l-Istati Membri. Jenħtieġ li l-Bord tal-Amministrazzjoni jispeċifika l-kriterji li abbażi tagħhom jenħtieġ li jkun possibbli għall-Europol li toħroġ proposti għad-dħul ta’ tali allerti ta’ informazzjoni fis-SIS.

(10)

Il-Europol għandha rwol importanti fl-appoġġ tal-mekkaniżmu ta’ evalwazzjoni u ta’ monitoraġġ sabiex tivverifika l-applikazzjoni tal-acquis ta’ Schengen stabbilit mir-Regolament tal-Kunsill (UE) Nru 1053/2013 (7). Għalhekk, jenħtieġ li l-Europol, fuq talba tal-Istati Membri, tikkontribwixxi bl-għarfien espert, l-analiżi, ir-rapporti u informazzjoni rilevanti oħra tagħha għall-mekkaniżmu ta’ evalwazzjoni u monitoraġġ sabiex tivverifika l-applikazzjoni tal-acquis ta’ Schengen.

(11)

Il-valutazzjonijiet tar-riskju jgħinu sabiex jiġu antiċipati xejriet ġodda u sabiex jiġu indirizzati theddidiet ġodda li ġejjin mill-kriminalità serja u fit-terroriżmu. Sabiex tappoġġa lill-Kummissjoni u lill-Istati Membri fit-twettiq ta’ valutazzjonijiet effettivi tar-riskju, jenħtieġ li l-Europol tipprovdi lill-Kummissjoni u lill-Istati Membri analiżi tal-valutazzjoni tat-theddid bbażata fuq l-informazzjoni li jkollha dwar fenomeni u xejriet kriminali, mingħajr preġudizzju għal-liġi tal-Unjoni dwar il-ġestjoni tar-riskju doganali.

(12)

Sabiex il-finanzjament tal-Unjoni għar-riċerka dwar is-sigurtà ikun jista’ jikseb l-għan tiegħu li jiżgura li dik ir-riċerka tiżviluppa l-potenzjal sħiħ tagħha u tindirizza l-ħtiġijiet tal-infurzar tal-liġi, jenħtieġ li l-Europol tassisti lill-Kummissjoni fl-identifikazzjoni ta’ temi ewlenin ta’ riċerka u fit-tfassil u fl-implimentazzjoni tal-programmi qafas tal-Unjoni għar-riċerka u għall-innovazzjoni li huma rilevanti għall-objettivi tal-Europol. Fejn ikun rilevanti, jenħtieġ li jkun possibbli biex il-Europol ixxerred ir-riżultati tal-attivitajiet tagħha ta’ riċerka u innovazzjoni bħala parti mill-kontribut tagħha għall-ħolqien ta’ sinerġiji bejn l-attivitajiet ta’ riċerka u innovazzjoni tal-korpi rilevanti tal-Unjoni. Meta tfassal u tikkunċettwalizza l-attivitajiet ta’ riċerka u innovazzjoni li huma rilevanti għall-objettivi tal-Europol, jenħtieġ li l-Europol tkun tista’, fejn xieraq, tikkonsulta liċ-Ċentru Konġunt tar-Riċerka (JRC) tal-Kummissjoni. Jenħtieġ li l-Europol tieħu l-miżuri kollha meħtieġa biex tevita kunflitti ta’ interess. Jenħtieġ li l-Europol ma tirċevix finanzjament minn programm qafas tal-Unjoni partikolari fejn hija tassisti lill-Kummissjoni fl-identifikazzjoni ta’ temi ewlenin ta’ riċerka u fit-tfassil u l-implimentazzjoni ta’ dak il-programm. Huwa importanti li l-Europol tkun tista’ tiddependi fuq il-forniment ta’ finanzjament adegwat sabiex tkun tista’ tassisti lill-Istati Membri u lill-Kummissjoni fil-qasam ta’ riċerka u innovazzjoni.

(13)

Huwa possibbli li l-Unjoni u l-Istati Membri jadottaw miżuri restrittivi relatati mal-investiment dirett barrani għal raġunijiet ta’ sigurtà jew ta’ ordni pubbliku. Għal dak il-għan, ir-Regolament (UE) 2019/452 tal-Parlament Ewropew u tal-Kunsill (8) jistabbilixxi qafas għall-iskrinjar tal-investimenti diretti barranin fl-Unjoni. L-investimenti diretti barranin f’teknoloġiji emerġenti jistħoqqilhom attenzjoni partikolari għax jista’ jkollhom implikazzjonijiet sinifikanti għas-sigurtà u l-ordni pubbliku, b’mod partikolari meta tali teknoloġiji jiġu użati mill-awtoritajiet kompetenti tal-Istati Membri. Minħabba l-involviment tal-Europol fil-monitoraġġ ta’ teknoloġiji emerġenti u l-involviment tagħha fl-iżvilupp ta’ modi ġodda ta’ użu ta’ dawk it-teknoloġiji għall-finijiet ta’ infurzar tal-liġi, b’mod partikolari permezz tal-Laboratorju tal-Innovazzjoni tagħha u permezz taċ-Ċentru ta’ Innovazzjoni tal-UE għas-Sigurta’ Interna, il-Europol għandha għarfien estensiv dwar l-opportunitajiet offruti minn tali teknoloġiji kif ukoll ir-riskji assoċjati mal-użu tagħhom. Għalhekk jenħtieġ li l-Europol tkun tista’ tappoġġa lill-Istati Membri fl-iskrinjar ta’ investimenti diretti barranin fl-Unjoni u fir-riskji relatati mas-sigurta’ li jikkonċernaw impriżi li jipprovdu teknoloġiji, inkluż software, użat mill-Europol għall-prevenzjoni u l-investigazzjoni ta’ reati kriminali li jaqgħu fl-objettivi tal-Europol jew teknoloġiji kritiċi li jistgħu jintużaw biex jiffaċilitaw it-terroriżmu. F’dak il-kuntest, jenħtieġ li l-għarfien espert tal-Europol jappoġġa l-iskrinjar tal-investimenti diretti barranin u r-riskji għas-sigurtà relatati. Jenħtieġ li jitqies b’mod partikolari jekk l-investitur barrani kienx diġà involut f’attivitajiet li jaffettwaw is-sigurtà, jekk ikunx hemm riskju serju li l-investitur barrani jinvolvi ruħu f’attivitajiet illegali jew kriminali u jekk l-investitur barrani jkunx ikkontrollat direttament jew indirettament mill-gvern ta’ pajjiż terz, inkluż permezz ta’ sussidji.

(14)

Il-Europol tipprovdi għarfien espert speċjalizzat għall-ġlieda kontra l-kriminalità serja u t-terroriżmu. Jenħtieġ li, fuq talba ta’ Stat Membru, il-persunal tal-Europol ikun jista’ jipprovdi appoġġ operazzjonali lill-awtoritajiet kompetenti tal-Istati Membri f’operazzjonijiet u investigazzjonijiet, b’mod partikolari billi jiffaċilita l-iskambju transkonfinali ta’ informazzjoni u jipprovdi appoġġ forensiku u tekniku f’operazzjonijiet u investigazzjonijiet, inkluż fil-kuntest ta’ skwadri ta’ investigazzjoni konġunti. Jenħtieġ li, fuq talba ta’ Stat Membru, il-persunal tal-Europol ikollu d-dritt ikun preżenti matul l-eżekuzzjoni tal-miżuri investigattivi f’dak l-Istat Membru. Jenħtieġ li l-persunal tal-Europol ma jkollux is-setgħa li jeżegwixxi miżuri investigattivi.

(15)

Wieħed mill-objettivi tal-Europol huwa li tappoġġa u ssaħħaħ l-azzjoni mill-awtoritajiet kompetenti tal-Istati Membri u l-kooperazzjoni reċiproka tagħhom fil-prevenzjoni u fil-ġlieda kontra forom ta’ kriminalità li jaffettwaw interess komuni kopert minn politika tal-Unjoni. Biex jissaħħaħ dak l-appoġġ, jenħtieġ li d-Direttur Eżekuttiv tal-Europol (“id-Direttur Eżekuttiv”) ikun jista’ jipproponi lill-awtoritajiet kompetenti ta’ Stat Membru li huma jibdew, iwettqu jew jikkoordinaw l-investigazzjoni kriminali ta’ reat li jikkonċerna lil dak l-Istat Membru biss iżda jaffettwa interess komuni kopert minn politika tal-Unjoni. Jenħtieġ li l-Europol tinforma lill-Eurojust u, fejn ikun rilevanti, lill-Uffiċċju tal-Prosekutur Pubbliku Ewropew (“l-UPPE”) stabbilit bir-Regolament tal-Kunsill (UE) 2017/1939 (9), dwar kwalunkwe proposta bħal din.

(16)

Il-pubblikazzjoni tal-identità u ta’ ċerta data personali ta’ persuni suspettati jew misjuba ħatja li jkunu mfittxija fuq il-bażi ta’ deċiżjoni ġudizzjarja nazzjonali żżid il-possibbiltajiet li l-Istati Membri jillokalizzaw u jarrestaw dawn l-individwi. Sabiex l-Istati Membri jiġu appoġġati fil-lokalizzazzjoni u fl-arrest ta’ dawn l-individwi, jenħtieġ li l-Europol tkun tista’ tippubblika fuq is-sit web tagħha informazzjoni dwar l-aktar persuni maħruba mfittxija fl-Ewropa fir-rigward tar-reati kriminali li jaqgħu fl-objettivi tal-Europol. Għall-istess għan, il-Europol jeħtieġ tiffaċilita l-għoti mill-pubbliku ta’ informazzjoni lill-Istati Membri u l-Europol dwar dawk l-individwi.

(17)

Ladarba l-Europol taċċerta li data personali li hija tirċievi taqa’ fl-objettivi tagħha, jenħtieġ li hija tkun tista’ tipproċessa dik id-data personali fl-erba’ sitwazzjonijiet li ġejjin. Fl-ewwel sitwazzjoni, id-data personali riċevuta tirrigwarda kwalunkwe mill-kategoriji tas-suġġetti tad-data elenkati fl-Anness II tar-Regolament (UE) 2016/794 (“Anness II”). Fit-tieni sitwazzjoni, id-data personali riċevuta tikkonsisti f’data investigattiva li tinkludi data li ma tirrelatax ma’ kwalunkwe mill-kategoriji tas-suġġetti tad-data elenkati fl-Anness II iżda li ġew provvduti, wara talba għall-appoġġ tal-Europol għall-investigazzjoni speċifika ta’ reat kriminali, minn Stat Membru, l-UPPE, l-Eurojust jew pajjiż terz, dment li l-Istat Membru, l-UPPE, l-Eurojust jew dak il-pajjiż terz huma awtorizzati jipproċessaw tali data investigattiva f’konformità mar-rekwiżiti u s-salvagwardji proċedurali applikabbli skont il-liġi tal-Unjoni u nazzjonali tagħhom. F’dik is-sitwazzjoni, jenħtieġ li l-Europol tkun tista’ tipproċessa dik id-data investigattiva sakemm tibqa’ tappoġġa dik l-investigazzjoni speċifika ta’ reat kriminali. Fit-tielet sitwazzjoni, id-data personali riċevuta tista’ ma tkunx relatata mal-kategoriji tas-suġġetti tad-data elenkati fl-Anness II u ma tkunx ipprovduta wara talba għal appoġġ tal-Europol f’investigazzjoni speċifika ta’ reat kriminali. F’dik il-sitwazzjoni, jenħtieġ li jkun possibbli li l-Europol tivverifika jekk dik id-data personali tirrigwardax kwalunkwe waħda minn dawk il-kategoriji ta’ suġġetti tad-data. Fir-raba’ sitwazzjoni, id-data personali riċevuta ġiet ippreżentata għal finijiet ta’ proġetti ta’ riċerka u innovazzjoni u ma tirrigwardax il-kategoriji tas-suġġetti tad-data elenkati fl-Anness II.

(18)

F’konformità mal-Artikolu 73 tar-Regolament (UE) 2018/1725 tal-Parlament Ewropew u tal-Kunsill (10), fejn ikun japplika u sa fejn ikun possibbli, jenħtieġ li l-Europol tagħmel distinzjoni ċara bejn id-data personali li tirrigwarda l-kategoriji ta’ suġġetti tad-data elenkati fl-Anness II.

(19)

Fejn l-Istati Membri jużaw l-infrastruttura tal-Europol għall-iskambju ta’ data personali dwar reati kriminali li ma jaqgħux fl-objettivi tal-Europol, jenħtieġ li l-Europol ma jkollhiex aċċess għal dik id-data u li hija titqies bħala “proċessur” skont l-Artikolu 87 tar-Regolament (UE) 2018/1725. F’dawk il-każijiet, jenħtieġ li l-Europol tkun tista’ tipproċessa id-data li ma tirrigwardax il-kategoriji tas-suġġetti tad-data elenkati fl-Anness II. Fejn l-Istati Membri jużaw l-infrastruttura tal-Europol għall-iskambju ta’ data personali dwar reati kriminali li jaqgħu fl-objettivi tal-Europol u meta jagħtu aċċess lill-Europol għal dik id-data, jenħtieġ li r-rekwiżiti marbuta mal-kategoriji ta’ suġġetti tad-data elenkati fl-Anness II japplikaw għal kwalunkwe pproċessar ieħor ta’ dik id-data mill-Europol.

(20)

Jenħtieġ li, filwaqt li tirrispetta l-prinċipju ta’ minimizzazzjoni tad-data, il-Europol tkun tista’ tivverifika jekk id-data personali riċevuta fil-kuntest tal-prevenzjoni u l-ġlieda kontra reati kriminali li jaqgħu fl-objettivi tagħha tirrigwardax xi waħda mill-kategoriji ta’ suġġetti tad-data elenkati fl-Anness II. Għal dak il-għan, jenħtieġ li l-Europol tkun tista’ twettaq preanaliżi tad-data personali riċevuta bl-uniku skop li tiddetermina jekk tali data tirrigwardax kwalunkwe waħda mill-kategoriji ta’ suġġetti tad-data billi tivverifika dik id-data personali mad-data li diġà jkollha, mingħajr ma tanalizza d-data aktar dik id-data personali. Jenħtieġ li tali preanaliżi ssir qabel, u separatament minn, l-ipproċessar tad-data tal-Europol għall-kontroverifika, l-analiżi strateġika, l-analiżi operazzjonali jew l-iskambju ta’ informazzjoni, u wara li l-Europol tkun stabbiliet li d-data inkwistjoni hija rilevanti u meħtieġa għat-twettiq tal-kompiti tagħha. Ladarba l-Europol tikkonferma li dik id-data personali tirrigwarda il-kategoriji tas-suġġetti tad-data elenkati fl-Anness II, jenħtieġ li l-Europol tkun tista’ tipproċessa dik id-data personali għall-kontroverifika, l-analiżi strateġika, l-analiżi operazzjonali jew l-iskambju ta’ informazzjoni. Jekk il-Europol tikkonkludi li dik id-data personali ma tirrigwardax kategoriji tas-suġġetti tad-data elenkati fl-Anness II, jenħtieġ li hija tħassar dik id-data.

(21)

Il-kategorizzazzjoni tad-data personali f’sett ta’ data partikolari tista’ tinbidel maż-żmien b’riżultat ta’ informazzjoni ġdida li ssir disponibbli fil-kuntest ta’ investigazzjonijiet kriminali, pereżempju rigward suspettati addizzjonali. Għal dik ir-raġuni, jenħtieġ li l-Europol titħalla tipproċessa data personali fejn dan ikun strettament meħtieġ u proporzjonat għall-iskop li jiġu determinati l-kategoriji tas-suġġetti tad-data li magħhom tkun tirrelata d-data inkwistjoni għal perijodu ta’ mhux iktar minn tmintax-il xahar mill-mument li fih il-Europol taċċerta li dik id-data taqa’ taħt l-objettivi tagħha. Jenħtieġ li l-Europol tkun tista’ testendi dak il-perijodu sa tliet snin f’każijiet debitament ġustifikati u dment li tali estensjoni tkun meħtieġa u proporzjonata. Jenħtieġ li l-Kontrollur Ewropew għall-Protezzjoni tad-Data (KEPD) jiġi infurmat bl-estensjoni. Meta l-ipproċessar tad-data personali sabiex jiġu determinati l-kategoriji tas-suġġetti tad-data ma jibqax meħtieġ u ġustifikat u, fi kwalunkwe każ, wara tmiem il-perijodu massimu għall-ipproċessar, jenħtieġ li l-Europol tħassar id-data personali.

(22)

L-ammont tad-data miġbura f’investigazzjonijiet kriminali qed tiżdied fid-daqs u settijiet ta’ data saru aktar kumplessi. L-Istati Membri jippreżentaw settijiet ta’ data kbar u kumplessi lill-Europol, u jitolbu l-analiżi operazzjonali tal-Europol biex jiġu identifikati rabtiet ma’ reati kriminali għajr dak ir-reat kriminali soġġett tal-investigazzjoni li fil-kuntest tiegħu jkunu nġabru u ma’ persuni kriminali fi Stati Membri oħra u barra l-Unjoni. Peress li l-Europol tista’ tiskopri rabtiet transkonfinali bħal dawn b’mod aktar effettiv milli l-Istati Membri billi tanalizza d-data hija stess, jenħtieġ li l-Europol tkun tista’ tappoġġa l-investigazzjonijiet kriminali tal-Istati Membri billi tipproċessa settijiet ta’ data kbar u kumplessi sabiex tidentifika tali rabtiet transkonfinali, dment li, r-rekwiżiti stretti u s-salvagwardji stipulati f’dan ir-Regolament ikunu sodisfatti. Fejn ikun meħtieġ sabiex tiġi appoġġata investigazzjoni speċifika ta’ reat kriminali li tkun għaddejja fi Stat Membru b’mod effettiv, jenħtieġ li l-Europol tkun tista’ tipproċessa data investigattiva li l-awtoritajiet kompetenti tal-Istati Membri jkunu awtorizzati jipproċessaw f’dik l-investigazzjoni speċifika ta’ reat kriminali f’konformità mar-rekwiżiti u s-salvagwardji proċedurali applikabbli skont il-liġi nazzjonali tagħhom u sussegwentement mibgħuta lill-Europol. Dak jenħtieġ li jinkludi data personali f’każijiet fejn Stat Membru ma jkunx irnexxielu jaċċerta jekk dik id-data tirrigwardax il-kategoriji tas-suġġetti tad-data elenkati fl-Anness II. Meta Stat Membru, l-UPPE jew il-Eurojust jipprovdu lill-Europol b’data investigattiva u jitolbu l-appoġġ tal-Europol għal investigazzjoni speċifika ta’ reat kriminali li tkun għaddejja, jenħtieġ li l-Europol tkun tista’ tipproċessa dik id-data sakemm tibqa’ tappoġġa dik l-investigazzjoni speċifika ta’ reat kriminali, f’konformità mar-rekwiżiti u s-salvagwardji proċedurali applikabbli skont il-liġi tal-Unjoni jew nazzjonali.

(23)

Sabiex jiġi żgurat li kwalunkwe pproċessar ta’ data imwettqa fil-kuntest f’investigazzjoni kriminali jkun meħtieġ u proporzjonat, jenħtieġ li l-Istati Membri jiżguraw konformità mal-liġi tal-Unjoni u nazzjonali meta jressqu data investigattiva lill-Europol. Jenħtieġ li l-Istati Membri, meta jressqu data investigattiva lill-Europol biex jitolbu l-appoġġ tal-Europol għal investigazzjoni speċifika ta’ reat kriminali, jikkunsidraw l-iskala u l-kumplessità tal-ipproċessar tad-data involut u t-tip u l-importanza tal-investigazzjoni. Jenħtieġ li l-Istati Membri jinfurmaw lill-Europol meta, skont ir-rekwiżiti u s-salvagwardji proċedurali applikabbli skont il-liġi nazzjonali tagħhom, huma ma jibqgħux awtorizzati jipproċessaw data fl-investigazzjoni speċifika ta’ reat kriminali li tkun għaddejja inkwistjoni. Jenħtieġ li l-Europol tipproċessa biss data personali li ma tirrigwardax il-kategoriji tas-suġġetti tad-data elenkati fl-Anness II meta hija tivvaluta li mhuwhiex possibli li tappoġġa investigazzjoni speċifika ta’ reat kriminali li tkun għaddejja mingħajr ma tipproċessa dik id-data personali. Jenħtieġ li l-Europol tiddokumenta dik il-valutazzjoni. Jenħtieġ li l-Europol iżżomm tali data b’mod funzjonalment separata minn data oħra u jenħtieġ li tipproċessaha biss meta jkun hemm bżonn għall-appoġġ tagħha għall-investigazzjoni speċifika ta’ reat kriminali li tkun għaddejja inkwistjoni, bħal fil-każ ta’ spunt ġdid fl-investigazzjoni.

(24)

Jenħtieġ ukoll li l-Europol tkun tista’ tipproċessa data personali li tkun meħtieġa għall-appoġġ tagħha għal investigazzjoni speċifika ta’ reat kriminali fi Stat Membru wieħed jew aktar fejn dik id-data hija fornita minn pajjiż terz, dment li: il-pajjiż terz ikun is-suġġett ta’ deċiżjoni ta’ adegwatezza f’konformità mad-Direttiva (UE) 2016/680 tal-Parlament Ewropew u tal-Kunsill (11) (deċiżjoni ta’ adegwatezza); ftehim internazzjonali ma’ dak il-pajjiż terz ġie konkluż mill-Unjoni skont l-Artikolu 218 tat-Trattat dwar il-Funzjonament tal-Unjoni Ewropea (TFUE) li jinkludi t-trasferiment ta’ data personali għal finijiet ta’ infurzar tal-liġi (“ftehim internazzjonali”); ftehim ta’ kooperazzjoni li jippermetti l-iskambju ta’ data personali ġie konkluż bejn il-Europol u l-pajjiż terz qabel id-dħul fis-seħħ tar-Regolament (UE) 2016/794 (“ftehim ta’ kooperazzjoni”); jew huma previsti fi strument legalment vinkolanti salvagwardji adatti fir-rigward tal-protezzjoni tad-data personali jew l-Europol tikkonkludi, abbażi ta’ valutazzjoni taċ-ċirkustanzi kollha li jirrigwardaw it-trasferiment ta’ data personali, li dawk is-salvagwardji jeżistu f’dak il-pajjiż terz u dment li dak il-pajjiż terz ikun kiseb id-data fil-kuntest ta’ investigazzjoni kriminali f’konformità mar-rekwiżiti u mas-salvagwardji proċedurali applikabbli skont il-liġi kriminali nazzjonali tiegħu. Jenħtieġ li, meta pajjiż terz jagħti data investigattiva lill-Europol, il-Europol tivverifika li l-ammont ta’ data personali ma jkunx manifestament sproporzjonat fir-rigward tal-investigazzjoni speċifika ta’ reat kriminali li l-Europol tappoġġa fl-Istat Membru kkonċernat, u li, kemm jista’ jkun, ma jkun hemm ebda indikazzjoni oġġettiva li d-data investigattiva nġabret fil-pajjiż terz bi ksur ovvju tad-drittijiet fundamentali. Jenħtieġ li, meta l-Europol tikkonkludi li dawk il-kundizzjonijiet ma jkunux issodisfati, hija ma tipproċessax id-data u jenħtieġ li tħassarha. Meta pajjiż terz jipprovdi data investigattiva lill-Europol, jenħtieġ li l-Uffiċjal tal-Protezzjoni tad-Data tal-Europol ikun jista’ jinnotifika lill-KEPD, fejn ikun xieraq.

(25)

Sabiex jiġi żgurat li Stat Membru jkun jista’ juża r-rapporti analitiċi tal-Europol fil-kuntest tal-proċedimenti ġudizzjarji wara investigazzjoni kriminali, jenħtieġ li l-Europol tkun tista’ taħżen id-data investigattiva relatata fuq talba minn dak l-Istat Membru, tal-UPPE jew tal-Eurojust, bl-għan li tiżgura l-veraċità, l-affidabbiltà u t-traċċabbiltà tal-proċess tal-intelligence kriminali. Jenħtieġ li l-Europol iżżomm tali data b’mod funzjonalment separata minn data oħra u għal mhux aktar miż-żmien li l-proċedimenti ġudizzjarji relatati ma’ dik l-investigazzjoni kriminali jkunu għaddejjin fl-Istat Membru. Barra minn hekk, hemm il-ħtieġa li jiġi żgurat l-aċċess tal-awtoritajiet ġudizzjarji kompetenti kif ukoll id-drittijiet tad-difiża, b’mod partikolari d-dritt ta’ aċċess tal-persuni suspettati jew akkużati jew tal-avukati tagħhom għall-materjal tal-każ. Għal dak il-għan, jenħtieġ li l-Europol tirreġistra l-evidenza kollha u l-metodi li bihom dik l-evidenza tkun ġiet prodotta jew inkisbet mill-Europol biex ikun jista’ jsir skrutinju effettiv tal-evidenza mid-difiża.

(26)

Jenħtieġ li l-Europol tkun tista’ tipproċessa data personali li tkun irċeviet qabel id-dħul fis-seħħ ta’ dan ir-Regolament li ma tirrigwardax il-kategoriji tas-suġġetti tad-data elenkati fl-Anness II, f’konformità ma’ dan ir-Regolament, f’żewġ sitwazzjonijiet. Fl-ewwel sitwazzjoni, jenħtieġ li l-Europol tkun tista’ tipproċessa tali data personali b’appoġġ għal investigazzjoni kriminali jew biex tiżgura l-veraċità, l-affidabbiltà u t-traċċabbiltà tal-proċess ta’ intelligence kriminali, dment li r-rekwiżiti stabbiliti fl-arranġamenti tranżizzjonali dwar l-ipproċessar ta’ data personali riċevuta b’appoġġ għal investigazzjoni kriminali jiġu ssodisfatti. Fit-tieni sitwazzjoni, jenħtieġ li l-Europol tkun tista’ tivverifika wkoll jekk tali data personali tirrigwardax waħda mill-kategoriji tas-suġġetti tad-data elenkati fl-Anness II billi twettaq preanaliżi ta’ dik id-data personali f’perijodu ta’ mhux iktar minn 18-il xahar mid-data li fiha d-data kienet waslet għall-ewwel darba, jew f’każijiet ġustifikati u b’awtorizzazzjoni minn qabel tal-KEPD, għal perijodu itwal. Jenħtieġ li l-perijodu massimu ta’ pproċessar ta’ data personali għall-fini ta’ tali preanaliżi ma jaqbiżx tliet snin mid-data li fiha d-data tkun waslet għall-ewwel darba l-Europol.

(27)

Każijiet transkonfinali ta’ kriminalità serja jew ta’ terroriżmu jeħtieġu kooperazzjoni mill-qrib bejn l-awtoritajiet kompetenti tal-Istati Membri kkonċernati. Il-Europol tipprovdi għodod sabiex issostni din il-kooperazzjoni fl-investigazzjonijiet, b’mod partikolari permezz tal-iskambju ta’ informazzjoni. Sabiex tissaħħaħ aktar din il-kooperazzjoni f’investigazzjonijiet speċifiċi ta’ reat kriminali permezz ta’ analiżi operazzjonali konġunta, jenħtieġ li l-Istati Membri jkunu jistgħu jippermettu lil Stati Membri oħra jaċċessaw direttament l-informazzjoni li huma pprovdew lill-Europol, mingħajr preġudizzju għal kwalunkwe restrizzjoni ġenerali jew speċifika li huma indikaw fuq l-aċċess għal dik l-informazzjoni. Kwalunkwe pproċessar ta’ data personali mill-Istati Membri f’analiżi operazzjonali konġunta jenħtieġ li jsir f’konformità ma’ dan ir-Regolament u mad-Direttiva (UE) 2016/680.

(28)

Jenħtieġ li l-Europol u l-UPPE jikkonkludu arranġament ta’ ħidma li jiddefinixxi l-modalitajiet għall-kooperazzjoni tagħhom, b’kont debitu meħud tal-kompetenzi rispettivi tagħhom. Jenħtieġ li l-Europol taħdem mill-qrib mal-UPPE u tappoġġa b’mod attiv l-investigazzjonijiet tal-UPPE fuq talba tiegħu, inkluż billi tipprovdi appoġġ analitiku u informazzjoni rilevanti. Jentieġ li l-Europol tikkoopera wkoll mal-UPPE mill-mument meta reat suspettat jiġi rrappurtat lill-UPPE sal-mument meta l-UPPE jiddetermina jekk iwettaqx prosekuzzjoni jew inkella jwaqqax il-każ. Jenħtieġ li l-Europol, mingħajr dewmien żejjed, tirrapporta lill-UPPE kwalunkwe imġiba kriminali li fir-rigward tagħha l-UPPE jista’ jeżerċita l-kompetenza tiegħu. Sabiex tissaħħaħ il-kooperazzjoni operazzjonali bejn il-Europol u l-UPPE, jenħtieġ li l-Europol tippermetti lill-UPPE jkollu aċċess għad-data miżmuma mill-Europol, abbażi ta’ sistema ta’ hit/no hit li tinnotifika biss lill-Europol f’każ ta’ hit, f’konformità ma’ dan ir-Regolament, inkluż kwalunkwe restrizzjoni indikata mill-fornitur li pprovda l-informazzjoni lill-Europol. Jekk l-informazzjoni tkun koperta minn restrizzjoni indikata minn Stat Membru, jenħtieġ li l-Europol tirreferi l-kwistjoni lil dak l-Istat Membru, sabiex jikkonforma mal-obbligi tiegħu skont ir-Regolament (UE) 2017/1939. Jenħtieġ li l-Istat Membru kkonċernat sussegwentement jinforma lill-UPPE skont il-proċedura nazzjonali tiegħu. Jenħtieġ li r-regoli stipulati f’dan ir-Regolament li jirrigwardaw it-trażmissjoni tad-data personali lill-korpi tal-Unjoni japplikaw għall-kooperazzjoni tal-Europol mal-UPPE. Jenħtieġ ukoll li l-Europol tkun tista’ tappoġġa l-investigazzjonijiet tal-UPPE permezz ta’ analiżi ta’ settijiet ta’ data kbar u kumplessi f’konformità mas-salvagwardji u l-garanziji tal-protezzjoni tad-data previsti f’dan ir-Regolament.

(29)

Jenħtieġ li l-Europol tikkoopera mill-qrib mal-Uffiċċju Ewropew Kontra l-Frodi (OLAF) sabiex jiġu skoperti frodi, korruzzjoni u kwalunkwe attività illegali oħra li taffettwa l-interessi finanzjarji tal-Unjoni. Għal dak l-għan, jenħtieġ li l-Europol tittrażmetti mingħajr dewmien żejjed lill-OLAF kwalunkwe informazzjoni li fir-rigward tagħha l-OLAF jista’ jeżerċita l-kompetenza tiegħu. Jenħtieġ li r-regoli dwar it-trażmissjoni ta’ data personali lill-korpi tal-Unjoni, stabbiliti f’dan ir-Regolament, japplikaw għall-kooperazzjoni tal-Europol mal-OLAF.

(30)

Il-kriminalità serja u t-terroriżmu spiss ikollhom rabtiet ’il barra mill-Unjoni. Il-Europol tista’ tiskambja data personali ma’ pajjiżi terzi filwaqt li tissalvagwardja l-protezzjoni tal-privatezza u d-drittijiet u l-libertajiet fundamentali tas-suġġetti tad-data. Fejn ikun essenzjali għall-investigazzjoni dwar reat kriminali speċifiku li jaqa’ fl-objettivi tal-Europol, jenħtieġ li d-Direttur Eżekuttiv jitħalla, fuq bażi ta’ każ b’każ, jawtorizza kategorija ta’ trasferimenti ta’ data personali lil pajjiżi terzi meta dik il-kategorija ta’ trasferimenti tkun tirrigwarda l-istess sitwazzjoni speċifika, tikkonsisti mill-istess kategoriji ta’ data personali u l-istess kategoriji ta’ suġġetti tad-data, tkun meħtieġa u proporzjonata għall-finijiet ta’ investigazzjoni tar-reat kriminali speċifiku u tissodisfa r-rekwiżiti kollha ta’ dan ir-Regolament. Jenħtieġ li jkun possibbli għal trasferimenti individwali koperti minn kategorija ta’ trasferimenti biex jinkludu biss uħud mill-kategoriji ta’ data personali u kategoriji ta’ suġġetti tad-data li t-trasferiment tagħhom huwa awtorizzat mid-Direttur Eżekuttiv. Jenħtieġ li jkun possibbli wkoll li tiġi awtorizzata kategorija ta’ trasferimenti ta’ data personali fis-sitwazzjonijiet speċifiċi li ġejjin: fejn it-trasferiment ta’ data personali jkun meħtieġ għall-protezzjoni tal-interessi vitali tas-suġġett tad-data jew ta’ persuna oħra; fejn it-trasferiment ta’ data personali jkun essenzjali għall-prevenzjoni ta’ theddida immedjata u serja għas-sigurtà pubblika ta’ Stat Membru jew ta’ pajjiż terz; fejn il-fini tat-trasferiment ta’ data personali hija s-salvagwardja tal-interessi leġittimi tas-suġġett tad-data; jew, f’każijiet individwali, hija għall-finijiet tal-prevenzjoni, l-investigazzjoni, is-sejbien jew il-prosekuzzjoni ta’ reati kriminali jew l-eżekuzzjoni ta’ sanzjonijiet kriminali jew għall-istabbiliment, l-eżerċizzju jew id-difiża ta’ talbiet legali relatati mal-prevenzjoni, l-investigazzjoni, is-sejbien jew il-prosekuzzjoni ta’ reat kriminali speċifiku jew l-eżekuzzjoni ta’ sanzjoni kriminali speċifika.

(31)

Jenħtieġ li trasferimenti li mhumiex ibbażati fuq awtorizzazzjoni mid-Direttur Eżekuttiv, deċiżjoni ta’ adegwatezza, ftehim internazzjonali jew ftehim ta’ kooperazzjoni jkunu permessi biss fejn salvagwardji xierqa fir-rigward tal-protezzjoni ta’ data personali ġew previsti fi strument legalment vinkolanti jew fejn il-Europol tikkonkludi, abbażi ta’ valutazzjoni taċ-ċirkostanzi kollha rigward it-trasferiment tad-data personali, li dawk is-salvagwardji jeżistu. Għall-finijiet ta’ dik il-valutazzjoni, jenħtieġ li l-Europol tkun tista’ tieħu kont ta’ ftehimiet bilaterali konklużi bejn l-Istati Membri u pajjiżi terzi li jippermettu l-iskambju ta’ data personali, u jekk it-trasferiment ta’ data personali għandux ikun soġġett għal obbligi ta’ kunfidenzjalità u għall-prinċipju ta’ speċifiċità, filwaqt li jiġi żgurat li d-data ma tiġix ipproċessata għal skopijiet oħrajn għajr għat-trasferiment. Barra minn hekk, huwa importanti li l-Europol tqis jekk id-data personali tistax tintuża biex tintalab, tingħata jew tiġi eżegwita piena tal-mewt jew kwalunkwe għamla ta’ trattament krudili u inuman. Jenħtieġ li l-Europol tkun tista’ titlob salvagwardji addizzjonali.

(32)

Sabiex tappoġġa lill-Istati Membri fil-kooperazzjoni ma’ partijiet privati meta dawk il-partijiet privati jkollhom informazzjoni rilevanti għall-prevenzjoni tal-kriminalità serja u t-terroriżmu u l-ġlieda kontrihom, jenħtieġ li l-Europol tkun tista’ tirċievi data personali minn partijiet privati u, f’każijiet speċifiċi fejn meħtieġ u proporzjonat, tiskambja data personali ma’ partijiet privati.

(33)

Il-kriminali saru jużaw dejjem aktar is-servizzi offruti minn partijiet privati biex jikkomunikaw u jwettqu attivitajiet illegali. L-awturi ta’ reati sesswali jisfruttaw lit-tfal u jikkondividu stampi u filmati li jikkostitwixxu materjal ta’ abbuż sesswali tat-tfal madwar id-dinja fuq pjattaformi online jew ma’ pari permezz ta’ servizzi ta’ komunikazzjonijiet interpersonali indipendenti min-numri. It-terroristi jużaw is-servizzi offruti minn fornituri ta’ servizzi online biex jirreklutaw voluntiera, jippjanaw u jikkoordinaw attakki, u jxerrdu propaganda. Iċ-ċiberkriminali japprofittaw mid-diġitalizzazzjoni tas-soċjetajiet tagħna u min-nuqqas ta’ kompetenza diġitali u ħiliet diġitali oħra tal-pubbliku ġenerali billi jużaw il-phishing u l-inġinerija soċjali biex iwettqu tipi oħra ta’ ċiberkriminalità bħal pereżempju online scams, attakki bi programmi ta’ riskatt jew frodi fil-pagamenti. B’riżultat taż-żieda fl-użu tas-servizzi online minn kriminali, partijiet privati għandhom ammonti dejjem akbar ta’ data personali, inkluż data dwar abbonati, traffiku u kontenut, li hija potenzjalment rilevanti għal investigazzjonijiet kriminali.

(34)

Minħabba n-natura mingħajr fruntieri tal-Internet, huwa possibbli li l-fornitur ta’ servizzi online u l-infrastruttura diġitali fejn tinħażen id-data personali jkunu kull wieħed minnhom soġġetti għal ġuriżdizzjonijiet nazzjonali differenti, jew fl-Unjoni jew lil hinn minnha. Għaldaqstant, partijiet privati jista’ jkollhom settijiet ta’ data li huma rilevanti għall-infurzar tal-liġi u li jkun fihom data personali li jaqgħu taħt il-kompetenza ta’ ġuriżdizzjonijiet multipli kif ukoll data personali li ma tkunx tista’ tiġi attribwita faċilment lil kwalunkwe ġuriżdizzjoni speċifika. L-awtoritajiet kompetenti tal-Istati Membri jistgħu jsibuha diffiċli biex janalizzaw b’mod effettiv permezz ta’ soluzzjonijiet nazzjonali tali settijiet ta’ data multiġuriżdizzjonali jew mhux attribwibbli. Barra minn hekk, bħalissa ma hemm l-ebda punt uniku ta’ kuntatt għall-partijiet privati li jiddeċiedu li jikkondividu b’mod legali u volontarju settijiet ta’ data mal-awtoritajiet kompetenti tal-Istati Membri. Għaldaqstant, il-Europol jenħtieġ li jkollha miżuri fis-seħħ biex tiffaċilita l-kooperazzjoni ma’ partijiet privati, inkluż fir-rigward tal-iskambju ta’ informazzjoni.

(35)

Biex jiġi żgurat li partijiet privati jkollhom punt ta’ kuntatt fil-livell tal-Unjoni biex jipprovdu b’mod legali u volontarju settijiet ta’ data multiġuriżdizzjonali jew settijiet ta’ data li ma jistgħux jiġu attribwiti faċilment lil ġuriżdizzjoni speċifika waħda jew aktar, jenħtieġ li l-Europol tkun tista’ tirċievi data personali direttament minn partijiet privati għall-fini li tipprovdi lill-Istati Membri l-informazzjoni meħtieġa biex jistabbilixxu ġuriżdizzjoni u jinvestigaw ir-reati kriminali taħt il-ġuriżdizzjonijiet rispettivi tagħhom, f’konformità ma’ dan ir-Regolament. Dik l-informazzjoni tista’ tinkludi rapporti relatati ma’ kontenut moderat li jista’ raġonevolment ikun preżunt li huwa marbut mal-attivitajiet kriminali fi jaqgħu fi ħdan l-objettivi tal-Europol.

(36)

Biex ikun żgurat li l-Istati Membri jirċievu l-informazzjoni meħtieġa biex jibdew investigazzjonijiet għall-prevenzjoni tal-kriminalità serja u t-terroriżmu u għall-ġlieda kontrihom mingħajr dewmien żejjed, jenħtieġ li l-Europol tkun tista’ tipproċessa u tanalizza data personali sabiex tidentifika l-unitajiet nazzjonali kkonċernati u tgħaddi lil dawk l-unitajiet nazzjonali d-data personali u kwalunkwe riżultat tal-analiżi u l-verifika tagħha ta’ tali data li huwa rilevanti għall-finijiet li tiġi stabbilita l-ġuriżdizzjoni u li jiġu investigati r-reati kriminali kkonċernati skont il-ġuriżdizzjonijiet rispettivi tagħhom. Jenħtieġ li l-Europol tkun tista’ wkoll tgħaddi d-data personali u r-riżultati rilevanti tal-analiżi u tal-verifika tagħha ta’ tali data li huma rilevanti għall-finijiet li tiġi stabbilita l-ġuriżdizzjoni lill-punti ta’ kuntatt jew awtoritajiet tal-pajjiżi terzi kkonċernati li huma s-suġġett ta’ deċiżjoni ta’ adegwatezza, jew li magħhom ftehim internazzjonali jew ftehim ta’ kooperazzjoni ġie konkluż, jew fejn ikunu previsti salvagwardji xierqa fir-rigward tal-protezzjoni ta’ data personali fi strument legalment vinkolanti jew Europol tikkonkludi, abbażi ta’ valutazzjoni taċ-ċirkustanzi kollha rigward it-trasferiment tad-data personali, li dawk is-salvagwardji jeżistu f’dawk il-pajjiżi terzi. Fejn il-pajjiż terz ikkonċernat ma jkunx is-suġġett ta’ deċiżjoni ta’ adegwatezza jew mhux parti għal ftehim internazzjonali jew għal ftehim ta’ kooperazzjoni jew fin-nuqqas ta’ strument legalment vinkolanti, jew fejn il-Europol ma tikkonkludix li salvagwardji xierqa jeżistu, jenħtieġ li l-Europol tkun tista’ tittrasferixxi r-riżultat tal-analiżi u l-verifika tagħha ta’ tali data lill-pajjiż terz ikkonċernat f’konformità ma’ dan ir-Regolament.

(37)

F’konformità mar-Regolament (UE) 2016/794, f’ċerti każijiet u soġġett għal kundizzjonijiet, jista’ jkun meħtieġ u proporzjonat li l-Europol tittrasferixxi data personali lil partijiet privati li mhumiex stabbiliti fl-Unjoni jew f’pajjiż terz li huwa s-suġġett ta’ deċiżjoni ta’ adegwatezza jew li miegħu ġie konkluż ftehim internazzjonali jew ftehim ta’ kooperazzjoni, jew fejn ma humiex previsti salvagwardji xierqa fir-rigward tal-protezzjoni ta’ data personali fi strument legalment vinkolanti jew il-Europol ma kkonkludietx li jeżistu salvagwardji xierqa. F’każijiet bħal dawn, jenħtieġ li t-trasferiment ikun soġġett għal awtorizzazzjoni minn qabel mid-Direttur Eżekuttiv.

(38)

Sabiex jiġi żgurat li l-Europol tkun tista’ tidentifika l-unitajiet nazzjonali rilevanti kollha kkonċernati, jenħtieġ li hija tkun tista’ tinforma lil partijiet privati fil-każ li l-informazzjoni li huma jipprovdu ma tkunx biżżejjed sabiex tippermetti lill-Europol tidentifika l-unitajiet nazzjonali kkonċernati. Dan ikun jippermetti lil dawk il-partijiet privati jiddeċiedu jekk ikunx fl-interess tagħhom li jikkondividu informazzjoni addizzjonali mal-Europol u jekk jistgħux jagħmlu dan b’rispett tal-liġi. Għal dak il-għan, jenħtieġ li l-Europol tkun tista’ tinforma lil partijiet privati dwar informazzjoni nieqsa, sakemm din tkun strettament meħtieġa għall-iskop uniku tal-identifikazzjoni tal-unitajiet nazzjonali kkonċernati. Jenħtieġ li japplikaw salvagwardji speċjali għal trasferimenti tal-informazzjoni mill-Europol lill-partijiet privati fejn il-parti privata kkonċernata ma tkunx stabbilita fl-Unjoni jew f’pajjiż terz li huwa suġġett ta’ deċiżjoni ta’ adegwatezza jew li miegħu ġie konkluż ftehim internazzjonali jew ftehim ta’ kooperazzjoni, jew fejn ma humiex previsti salvagwardji xierqa fir-rigward tal-protezzjoni tad-data personali fi strument legalment vinkolanti jew il-Europol ma kkonkludietx li jeżistu salvagwardji xierqa.

(39)

Fejn l-Istati Membri, il-pajjiżi terzi, organizzazzjonijiet internazzjonali jew partijiet privati jikkondividu mal-Europol settijiet ta’ data multiġuriżdizzjonali jew settijiet ta’ data li ma jistgħux jiġu attribwiti lil ġuriżdizzjoni speċifika waħda jew aktar, huwa possibbli li dawk is-settijiet ta’ data jkunu marbuta ma’ data personali miżmuma minn partijiet privati. F’tali sitwazzjonijiet, jenħtieġ li jkun possibbli sabiex il-Europol tibgħat talba lill-Istati Membri, permezz tal-unitajiet nazzjonali tagħhom, biex tikseb id-data personali miżmuma minn partijiet privati li huma stabbiliti jew li għandhom rappreżentant legali fit-territorju ta’ dawk l-Istati Membri. Tali talba jenħtieġ li ssir biss fejn il-ksib ta’ informazzjoni addizzjonali minn tali partijiet privati huwa neċessarju biex jidentifikaw l-unitajiet nazzjonali kkonċernati. It-talba jenħtieġ li tkun motivata u preċiża kemm jista’ jkun. Id-data personali rilevanti, li jenħtieġ li tkun l-inqas sensittiva possibbli u strettament limitata għal dak li huwa meħtieġ u proporzjonat għall-finijiet li jiġu identifikati l-unitajiet nazzjonali kkonċernati, jenħtieġ li tiġi pprovduta lill-Europol f’konformità mal-liġi applikabbli tal-Istati Membri kkonċernati. L-awtoritajiet kompetenti tal-Istati Membri kkonċernati jenħtieġ li jivvalutaw it-talba tal-Europol u jiddeċiedu f’konformità mal-liġi nazzjonali tagħhom jekk jaderixxux magħha. Kwalunkwe pproċessar tad-data minn partijiet privati li jitwettaq meta jiġu pproċessati tali talbiet mill-awtoritajiet kompetenti tal-Istati Membri, jenħtieġ li jibqa’ soġġett għal-liġi applikabbli, b’mod partikolari fir-rigward tal-protezzjoni tad-data. Il-partijiet privati jenħtieġ li jipprovdu lill-awtoritajiet kompetenti tal-Istati Membri bid-data mitluba għat-trażmissjoni ulterjuri tagħha lill-Europol. F’ħafna każijiet, huwa possibbli li l-Istati Membri kkonċernati ma jkunux jistgħu jistabbilixxu rabta mal-ġuriżdizzjoni tagħhom ħlief il-fatt li l-parti privata li jkollha d-data rilevanti tkun stabbilita jew tkun irrappreżentata legalment fil-ġuriżdizzjoni tagħhom. Irrispettivament mill-ġuriżdizzjoni tagħhom fir-rigward tar-reat kriminali speċifiku, jenħtieġ li l-Istati Membri fi kwalunkwe każ jiżguraw li l-awtoritajiet kompetenti tagħhom ikunu jistgħu jiksbu data personali mingħand partijiet privati għall-fini li jipprovdu lill-Europol l-informazzjoni meħtieġa sabiex tikseb l-objettivi tagħha, f’konformità sħiħa mal-garanziji proċedurali skont il-liġi nazzjonali tagħhom.

(40)

Sabiex jiġi żgurat li l-Europol ma żżommx id-data personali rċevuta direttament minn partijiet privati aktar milli jkun meħtieġ sabiex tidentifika l-unitajiet nazzjonali kkonċernati, jenħtieġ li japplikaw limiti ta’ żmien għall-ħażna ta’ data personali mill-Europol. Ladarba l-Europol tkun eżawriet il-mezzi kollha għad-dispożizzjoni tagħha sabiex tidentifika l-unitajiet nazzjonali kkonċernati, u raġonevolment ma tkunx tista’ tistenna li tidentifika unitajiet nazzjonali oħra kkonċernati, il-ħżin ta’ dik id-data personali ma jibqax meħtieġ u proporzjonat għall-finijiet ta’ identifikazzjoni tal-unitajiet nazzjonali kkonċernati. Jenħtieġ li l-Europol tħassar id-data personali fi żmien erba’ xhur wara l-aħħar trażmissjoni tagħha, l-aħħar trasferiment tagħha lil unità nazzjonali jew l-aħħar trasferiment tagħha lill-punt ta’ kuntatt ta’ pajjiż terz jew awtorità ta’ pajjiż terz, sakemm, f’konformità mal-liġi tal-Unjoni u dik nazzjonali, unità nazzjonali, punt ta’ kuntatt jew awtorità kkonċernata ma jkunux issottomettew mill-ġdid id-data personali bħala d-data tagħhom lill-Europol f’dak il-perijodu. Jekk id-data personali ppreżentata mill-ġdid kienet parti minn sett akbar ta’ data personali, jenħtieġ li l-Europol iżżomm biss dik id-data personali li tkun ġiet ippreżentata mill-ġdid minn unità nazzjonali, punt ta’ kuntatt jew awtorità kkonċernata.

(41)

Kooperazzjoni tal-Europol ma’ partijiet privati jenħtieġ li la tiddupplika u lanqas tinterferixxi mal-attivitajiet tal-Unitajiet tal-Intelligence Finanzjarja (UIF) stabbiliti skont id-Direttiva (UE) 2015/849 tal-Parlament Ewropew u tal-Kunsill (12), u jenħtieġ li tikkonċerna biss informazzjoni li mhux diġà għandha tkun ipprovduta lill-UIFs f’konformità ma’ dik id-Direttiva. Jenħtieġ li l-Europol tkompli tikkoopera mal-UIF b’mod partikolari permezz tal-unitajiet nazzjonali.

(42)

Jenħtieġ li l-Europol tkun tista’ tipprovdi l-appoġġ meħtieġ lill-awtoritajiet kompetenti tal-Istati Membri sabiex jinteraġixxu ma’ partijiet privati, b’mod partikolari billi tipprovdi l-infrastruttura meħtieġa għal tali interazzjoni, pereżempju, meta l-awtoritajiet kompetenti tal-Istati Membri jirreferu kontenut terroristiku online, jibagħtu ordnijiet ta’ tneħħija dwar tali kontenut lil fornituri ta’ servizzi online skont ir-Regolament (UE) 2021/784 tal-Parlament Ewropew u tal-Kunsill (13) jew jiskambjaw informazzjoni ma’ partijiet privati fil-kuntest ta’ attakki ċibernetiċi. Meta l-Istati Membri jużaw l-infrastruttura tal-Europol għal skambji ta’ data personali dwar reati kriminali li ma jaqgħux taħt l-objettivi tal-Europol, jenħtieġ li l-Europol ma jkollhiex aċċess għal dik id-data. Jenħtieġ li l-Europol tiżgura b’mezzi tekniċi li l-infrastruttura tagħha tkun strettament limitata għall-provvista ta’ mezz għal tali interazzjonijiet bejn l-awtoritajiet kompetenti tal-Istati Membri u parti privata, u li l-Europol tipprevedi s-salvagwardji kollha meħtieġa kontra l-aċċess minn parti privata għal kwalunkwe informazzjoni oħra fis-sistemi tal-Europol, li mhijiex relatata mal-iskambju ma’ dik il-parti privata.

(43)

L-attakki terroristiċi jirriżultaw fid-disseminazzjonifuq skala kbira ta’ kontenut terroristiku permezz ta’ pjattaformi online li juri ħsara lill-ħajja jew lill-integrità fiżika, jew li jitolbu ħsara imminenti lill-ħajja jew lill-integrità fiżika, u b’hekk jippermettu l-glorifikazzjoni u l-għoti ta’ taħriġ għat-terroriżmu, u eventwalment ir-radikalizzazzjoni u r-reklutaġġ ta’ individwi oħra. Barra minn hekk, iż-żieda fl-użu tal-Internet biex jiġi rreġistrat jew kondiviż materjal ta’ abbuż sesswali tat-tfal tipperpetwa l-ħsara għall-vittmi, peress li l-materjal jista’ jiġi mmultiplikat u ċċirkolat faċilment. Sabiex tipprevjeni u tiġġieled ir-reati kriminali li jaqgħu taħt l-objettivi tal-Europol, jenħtieġ li l-Europol tkun tista’ tappoġġa l-azzjonijiet tal-Istati Membri fl-indirizzar effettiv tad-disseminazzjoni ta’ kontenut terroristiku fil-kuntest ta’ sitwazzjonijiet ta’ kriżi online li jirriżultaw minn avvenimenti attwali jew reċenti fid-dinja reali, u d-disseminazzjoni online ta’ materjal ta’ abbuż sesswali tat-tfal online, u tappoġġa l-azzjonijiet tal-fornituri ta’ servizzi online f’konformità mal-obbligi tagħhom skont il-liġi tal-Unjoni kif ukoll fl-azzjonijiet volontarji tagħhom. Għal dak il-għan, jenħtieġ li l-Europol tkun tista’ tiskambja data personali rilevanti, inkluż firem diġitali uniċi, mhux konvertibbli mill-ġdid (“hashes”), indirizzi IP jew URLs relatati ma’ tali kontenut, ma’ partijiet privati stabbiliti fl-Unjoni jew f’pajjiż terz li jkun is-soġġett ta’ deċiżjoni ta’ adegwatezza, jew, fin-nuqqas ta’ tali deċiżjoni, ma’ liema ftehim internazzjonali jew ftehim ta’ kooperazzjoni jkun ġie konkluż jew fejn salvagwardji xierqa fir-rigward tal-protezzjoni tad-data personali jkunu previsti fi strument legalment vinkolanti jew l-Europol tikkonkludi, abbażi ta’ valutazzjoni taċ-ċirkostanzi kollha madwar it-trasferiment tad-data personali, li dawk is-salvagwardji jeżistu f’dak il-pajjiż terz. Tali skambji ta’ data personali jenħtieġ li jseħħu biss sabiex jitneħħa kontenut terroristiku u materjal ta’ abbuż sesswali tat-tfal online, b’mod partikolari fejn il-multiplikazzjoni u viralità esponenzjali ta’ dak il-kontenut u materjal fost diversi fornituri ta’ servizzi online huma antiċipati. Jenħtieġ li xejn f’dan ir-Regolament ma jinftiehem li jipprekludi lil Stat Membru milli juża ordnijiet ta’ tneħħija previsti fir-Regolament (UE) 2021/784 bħala strument biex jiġi indirizzat il-kontenut terroristiku online.

(44)

Sabiex tiġi evitata duplikazzjoni tal-isforzi u l-interferenza possibbli fl-investigazzjonijiet u biex jiġi minimizzat il-piż fuq il-fornituri ta’ servizzi ta’ hosting affettwati, jenħtieġ li l-Europol tassisti, tiskambja informazzjoni u tikkoopera mal-awtoritajiet kompetenti tal-Istati Membri fir-rigward tat-trażmissjonijiet u t-trasferimenti ta’ data personali lil partijiet privati biex jiġu indirizzati sitwazzjonijiet ta’ kriżi online u d-disseminazzjoni online ta’ materjal ta’ abbuż sesswali tat-tfal online.

(45)

Ir-Regolament (UE) 2018/1725 jistabbilixxi regoli dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, mill-korpi, mill-uffiċċji u mill-aġenziji tal-Unjoni. Filwaqt li r-Regolament (UE) 2018/1725 japplika għall-ipproċessar ta’ data personali amministrattiva mill-Europol li mhijiex relatata ma’ investigazzjonijiet kriminali, bħal data tal-persunal, l-Artikolu 3, punt (2), u l-Kapitolu IX ta’ dak ir-Regolament, li jirregola l-ipproċessar ta’ data personali, attwalment ma japplikawx għall-Europol. Sabiex tiġi żgurata il-protezzjoni uniformi u konsistenti tal-persuni fiżiċi fir-rigward tal-ipproċessar ta’ data personali, jenħtieġ li l-Kapitolu IX tar-Regolament (UE) 2018/1725 japplika għall-Europol f’konformità mal-Artikolu 2(2) ta’ dak ir-Regolament, u jenħtieġ li jkun ikkomplementat minn dispożizzjonijiet speċifiċi għall-operazzjonijiet ta’ pproċessar speċifiċi li l-Europol jenħtieġ li twettaq sabiex teżegwixxi l-kompiti tagħha. Għalhekk, is-setgħat superviżorji tal-KEPD fuq l-operazzjonijiet ta’ pproċessar tal-Europol jenħtieġ li jissaħħu, f’konformità mas-setgħat rilevanti applikabbli għall-ipproċessar ta’ data personali amministrattiva li japplikaw għall-istituzzjonijiet, il-korpi, l-uffiċċji u l-aġenziji kollha tal-Unjoni skont il-Kapitolu VI tar-Regolament (UE) 2018/1725. Għal dak il-għan, fejn il-Europol tipproċessa data personali għal finijiet operazzjonali, il-KEPD jenħtieġ li jkun jista’ jordna lill-Europol biex iġġib l-operazzjonijiet ta’ pproċessar f’konformità ma’ dan ir-Regolament u jordna s-sospensjoni tal-flussi ta’ data lil riċevitur fi Stat Membru, f’pajjiż terz jew f’organizzazzjoni internazzjonali, u jenħtieġ li jkun jista’ jimponi multa amministrattiva f’każ ta’ nuqqas ta’ konformità tal-Europol.

(46)

L-ipproċessar tad-data għall-finijiet ta’ dan ir-Regolament jista’ jinvolvi l-ipproċessar ta’ kategoriji speċjali ta’ data personali kif stipulat fir-Regolament (UE) 2016/679 tal-Parlament Ewropew u tal-Kunsill (14). Jenħtieġ li l-ipproċessar ta’ ritratti ma jitqiesx sistematikament bħala pproċessar ta’ kategoriji speċjali ta’ data personali peress li r-ritratti huma koperti bid-definizzjoni ta’ data bijometrika taħt l-Artikolu 3, punt (18), tar-Regolament (UE) 2018/1725 biss meta jiġu pproċessati b’mezzi tekniċi speċifiċi li jippermettu l-identifikazzjoni jew l-awtentikazzjoni unika ta’ persuna fiżika.

(47)

Il-mekkaniżmu ta’ konsultazzjoni minn qabel li jinvolvi l-KEPD previst fir-Regolament (UE) 2018/1725 huwa salvagwardja importanti għal tipi ġodda ta’ operazzjonijiet ta’ pproċessar. Madankollu, dak il-mekkaniżmu jenħtieġ li ma japplikax għal attivitajiet operazzjonali individwali speċifiċi, bħall-proġetti ta’ analiżi operazzjonali, iżda għall-użu ta’ sistemi tat-teknoloġija tal-informazzjoni (IT) ġodda għall-ipproċessar ta’ data personali u kwalunkwe bidla sostanzjali ta’ dawk is-sistemi li jinvolvi riskju għoli għad-drittijiet u l-libertajiet tas-suġġetti tad-data. Il-perijodu li fih l-KEPD jenħtieġ li jipprovdi parir bil-miktub dwar tali konsultazzjonijiet jenħtieġ li ma jkunx jista’ jiġi sospiż. Fil-każ ta’ attivitajiet ta’ pproċessar ta’ sinifikat sostanzjali għat-twettiq tal-kompiti mill-Europol, li huma partikolarment urġenti, jenħtieġ li jkun possibbli għal-l-Europol, fuq bażi eċċezzjonali, li tibda diġa’ bl-ipproċessar wara li tkun tnediet il-konsultazzjoni minn qabel, anki jekk il-limitu ta’ żmien għall-għoti ta’ parir bil-miktub mill-KEPD ikun għadu ma skadiex. Tali urġenza tista’ tinħoloq f’sitwazzjonijiet ta’ sinifikat sostanzjali għat-twettiq tal-kompiti tal-Europol, meta l-ipproċessar ikun meħtieġ għall-prevenzjoni u l-ġlieda kontra theddida immedjata ta’ reat kriminali li jaqa’ fl-objettivi tal-Europol u sabiex jiġu protetti l-interessi vitali tas-suġġett tad-data jew ta’ persuna oħra. L-Uffiċjal tal-Protezzjoni tad-Data tal-Europol jenħtieġ li jkun involut fil-valutazzjoni tal-urġenza u l-ħtieġa ta’ tali pproċessar qabel jiskadi l-limitu ta’ żmien biex il-KEPD iwieġeb għal konsultazzjoni minn qabel. L-Uffiċjal tal-Protezzjoni tad-Data tal-Europol jenħtieġ li jissorvelja l-ipproċessar. Il-KEPD jenħtieġ li jkun jista’ jeżerċita s-setgħat tiegħu fir-rigward ta’ tali pproċessar.

(48)

Minħabba l-isfidi li jirriżultaw mill-iżvilupp teknoloġiku rapidu u l-isfruttament ta’ teknoloġiji ġodda minn terroristi u kriminali oħra għas-sigurtà tal-Unjoni, l-awtoritajiet kompetenti tal-Istati Membri jridu jsaħħu l-kapaċitajiet teknoloġiċi tagħhom biex jidentifikaw, jiżguraw u janalizzaw id-data meħtieġa biex jinvestigaw ir-reati kriminali. Il-Europol jenħtieġ li tkun tista’ tappoġġa lill-Istati Membri fl-użu tat-teknoloġiji emerġenti, fl-esplorazzjoni ta’ approċċi ġodda u fl-iżvilupp ta’ soluzzjonijiet teknoloġiċi komuni biex l-Istati Membri jkunu jistgħu jipprevjenu u jiġġieldu aħjar ir-reati kriminali li jaqgħu taħt l-objettivi tal-Europol. Fl-istess ħin, jenħtieġ li l-Europol tiżgura li l-iżvilupp, l-użu u l-introduzzjoni ta’ teknoloġiji ġodda jkunu ggwidati mill-prinċipji ta’ trasparenza, spjegabbiltà, ekwità u akkontabbiltà, ma jdgħajfux id-drittijiet u l-libertajiet fundamentali u huma konformi mal-liġi tal-Unjoni. Għal dak il-għan, jenħtieġ li l-Europol tkun tista’ twettaq proġetti ta’ riċerka u innovazzjoni fir-rigward ta’ kwistjonijiet koperti minn dan ir-Regolament fil-kamp ta’ applikazzjoni ġenerali tal-proġetti ta’ riċerka u innovazzjoni stabbiliti mill-Bord ta’ Amministrazzjoni f’dokument vinkolanti. Jenħtieġ li tali dokument jiġi aġġornat fejn xieraq u jsir disponibbli għall-KEPD. Jenħtieġ li jkun possibbli għal dawk il-proġetti biex jinkludu l-ipproċessar ta’ data personali biss meta jiġu sodisfatti ċerti kundizzjonijiet, jiġifieri li l-ipproċessar ta’ data personali jkun strettament meħtieġ, l-objettiv tal-proġett rilevanti ma jkunx jista’ jinkisbu permezz tal-użu ta’ data mhux personali, bħal data sintetika jew anonima, u li r-rispett sħiħ għad-drittijiet fundamentali, b’mod partikolari n-nondiskriminazzjoni, jiġi żgurat.

L-ipproċessar ta’ kategoriji speċjali ta’ data personali għal finijiet ta’ riċerka u innovazzjoni jenħtieġ li jkun permess biss fejn ikun strettament meħtieġ. Minħabba s-sensittività ta’ tali pproċessar, jenħtieġ li japplikaw salvagwardji addizzjonali xierqa, inkluż il-psewdonimizzazzjoni. Sabiex jiġi evitat preġudizzju fit-teħid ta’ deċiżjonijiet algoritmiċi, jenħtieġ li l-Europol titħalla tipproċessa data personali li ma tirrigwardax il-kategoriji tas-suġġetti tad-data elenkati fl-Anness II. Jenħtieġ li l-Europol iżżomm reġistri tal-ipproċessar tad-data personali kollu mwettaq fil-kuntest tal-proġetti ta’ riċerka u innovazzjoni tagħha biss għall-fini tal-verifika tal-preċiżjoni tal-eżitu tal-ipproċessar tad-data u biss sakemm ikun meħtieġ għal dik il-verifika. Jenħtieġ li d-dispożizzjonijiet dwar l-iżvilupp ta’ għodod ġodda mill-Europol ma jikkostitwixxux bażi ġuridika għall-varar tagħhom fil-livell tal-Unjoni jew nazzjonali. Biex tixpruna l-innovazzjoni u ssaħħaħ is-sinerġiji tal-proġetti fir-riċerka u l-innovazzjoni, huwa importanti li l-Europol iżżid il-kooperazzjoni tagħha man-networks rilevanti tal-prattikanti tal-Istati Membri u ma’ aġenziji oħra tal-Unjoni fi ħdan il-kompetenzi rispettivi tagħhom f’dak il-qasam, u tappoġġa forom ta’ kooperazzjoni relatati oħra bħall-appoġġ segretarjali għaċ-Ċentru ta’ Innovazzjoni tal-UE għas-Sigurtà Interna bħala network kollaborattiv ta’ laboratorji tal-innovazzjoni.

(49)

Jenħtieġ li l-Europol ikollha rwol ewlieni biex tassisti lill-Istati Membri biex jiżviluppaw soluzzjonijiet teknoloġiċi ġodda bbażati fuq l-intelliġenza artifiċjali li huma rilevanti biex jintlaħqu l-objettivi tal-Europol, li jibbenefikaw l-awtoritajiet kompetenti tal-Istati Membri madwar l-Unjoni. Dik l-assistenza jenħtieġ li tingħata filwaqt li jiġu rispettati bis-sħiħ id-drittijiet u l-libertajiet fundamentali, inkluż in-nondiskriminazzjoni. L-Europol jenħtieġ li jkollha rwol ewlieni fil-promozzjoni tal-iżvilupp u l-introduzzjoni ta’ intelliġenza artifiċjali etika, affidabbli u ċċentrata fuq il-bniedem li tkun soġġetta għal salvagwardji b’saħħithom f’termini ta’ sigurtà, sikurezza, trasparenza, spjegabbiltà u drittijiet fundamentali.

(50)

Jenħtieġ li l-Europol tinforma lill-KEPD qabel it-tnedija tal-proġetti ta’ riċerka u ta’ innovazzjoni tagħha li jinvolvu l-ipproċessar ta’ data personali. Jenħtieġ li l-Europol jew tinforma jew tikkonsulta lill-Bord ta’ Amministrazzjoni tagħha, skont kriterji speċifiċi li jenħtieġ li jiġu stabbiliti fil-linji gwida rilevanti. Jenħtieġ li l-Europol ma tipproċessax data għall-finijiet ta’ proġetti ta’ riċerka u innovazzjoni mingħajr il-kunsens tal-Istat Membru, tal-korp tal-Unjoni, tal-pajjiż terz jew tal-organizzazzjoni internazzjonali li tkun issottomettiet id-data lill-Europol, sakemm dak l-Istat Membru, il-korp tal-Unjoni, il-pajjiż terz jew l-organizzazzjoni internazzjonali ma jkunux taw l-awtorizzazzjoni tagħhom minn qabel għal tali pproċessar għal tali fini. Għal kull proġett, il-Europol jenħtieġ li twettaq, qabel l-ipproċessar, valutazzjoni tal-impatt fuq il-protezzjoni tad-data biex tiżgura rispett sħiħ għad-dritt għall-protezzjoni tad-data u d-drittijiet u l-libertajiet fundamentali l-oħra kollha tas-suġġetti tad-data. Il-valutazzjoni tal-impatt fuq il-protezzjoni tad-data jenħtieġ li tinkludi valutazzjoni tal-adegwatezza, in-neċessità u l-proporzjonalità tad-data personali li għandha tiġi pproċessata għall-fini speċifiku tal-proġett, inkluż ir-rekwiżit tal-minimizzazzjoni tad-data u valutazzjoni ta’ kwalunkwe preġudizzju potenzjali fl-eżitu u fid-data personali li għandha tiġi pproċessata għall-fini speċifiku tal-proġett kif ukoll il-miżuri previsti biex jiġu indirizzati dawk ir-riskji. Jenħtieġ li l-iżvilupp ta’ għodod ġodda mill-Europol ikun mingħajr preġudizzju għall-bażi ġuridika, li tinkludi r-raġunijiet għall-ipproċessar tad-data personali kkonċernata, li sussegwentement tkun meħtieġa għall-introduzzjoni tagħhom fil-livell tal-Unjoni jew f’dak nazzjonali.

(51)

L-għoti lill-Europol ta’ għodod u ta’ kapaċitajiet addizzjonali jeħtieġ it-tisħiħ tas-sorveljanza demokratika u tal-akkontabilità tal-Europol. L-iskrutinju parlamentari konġunt jikkostitwixxi element importanti ta’ monitoraġġ politiku tal-attivitajiet tal-Europol. Sabiex ikun jista’ jsir monitoraġġ politiku effettiv tal-mod kif il-Europol tuża għodod u kapaċitajiet addizzjonali pprovduti lilha skont dan ir-Regolament, jenħtieġ li l-Europol tipprovdi informazzjoni annwali ddettaljata lill-Grupp ta’ Skrutinju Parlamentari Konġunt (JPSG) u lill-Istati Membri dwar l-iżvilupp, l-użu u l-effettività ta’ dawk l-għodod u l-kapaċitajiet u r-riżultat mill-użu tagħhom, b’mod partikolari dwar proġetti ta’ riċerka u innovazzjoni kif ukoll dwar attivitajiet ġodda jew l-istabbiliment ta’ kwalunkwe ċentru speċjalizzat ġdid fi ħdan il-Europol. Barra minn hekk, jenħtieġ li żewġ rappreżentanti tal-JPSG, wieħed għall-Parlament Ewropew u wieħed għall-parlamenti nazzjonali, biex tiġi riflessa l-kostitwenza doppja tal-JPSG, jiġu mistiedna għal mill-inqas żewġ laqgħat ordinarji tal-Bord ta’ Amministrazzjoni fis-sena biex jindirizzaw lill-Bord ta’ Amministrazzjoni f’isem il-JPSG u biex jiddiskutu r-rapport konsolidat tal-attività annwali, id-dokument uniku ta’ programmazzjoni u l-baġit annwali, il-mistoqsijiet u t-tweġibiet bil-miktub tal-JPSG, kif ukoll ir-relazzjonijiet esterni u s-sħubijiet, filwaqt li jiġu rrispettati r-rwoli u r-responsabbiltajiet differenti tal-Bord ta’ Amministrazzjoni u tal-JPSG f’konformità ma’ dan ir-Regolament. Il-Bord ta’ Amministrazzjoni, flimkien mar-rappreżentanti tal-JPSG, jenħtieġ li jkunu jistgħu jiddeterminaw kwistjonijiet oħra ta’ interess politiku li għandhom jiġu diskussi. F’konformità mar-rwol ta’ sorveljanza tal-JPSG, jenħtieġ li ż-żewġ rappreżentanti tal-JPSG ma jkollhomx id-drittijiet tal-vot fil-Bord ta’ Amministrazzjoni. L-attivitajiet ippjanati ta’ riċerka u innovazzjoni jenħtieġ li jitniżżlu fid-dokument uniku ta’ programmazzjoni li jkun fih il-programmazzjoni pluriennali u l-programm ta’ ħidma annwali tal-Europol u jiġu trażmessi lill-JPSG.

(52)

Jenħtieġ li, wara proposta mid-Direttur Eżekuttiv, il-Bord ta’ Amministrazzjoni jaħtar Uffiċjal għad-Drittijiet Fundamentali li jenħtieġ li jkun responsabbli biex jappoġġa lill-Europol fis-salvagwardja tar-rispett għad-drittijiet fundamentali fl-attivitajiet u l-kompiti kollha tagħha, b’mod partikolari l-proġetti ta’ riċerka u innovazzjoni tal-Europol u l-iskambju tad-data personali ma’ partijiet privati. Jenħtieġ li jkun possibbli li jinħatar membru tal-persunal eżistenti tal-Europol li jkun irċieva taħriġ speċjali fil-liġi u l-prattika tad-drittijiet fundamentali bħala l-Uffiċjal għad-Drittijiet Fundamentali jista’ jkun. L-Uffiċjal għad-Drittijiet Fundamentali jenħtieġ li jikkoopera mill-qrib mal-Uffiċjal tal-Protezzjoni tad-Data fil-kamp ta’ applikazzjoni tal-kompetenzi rispettivi tagħhom. Jenħtieġ li, sa fejn huma kkonċernati l-kwistjonijiet tal-protezzjoni tad-data, ir-responsabbiltà sħiħa tkun tal-Uffiċjal tal-Protezzjoni tad-Data.

(53)

Minħabba li l-objettiv ta’ dan ir-Regolament, jiġifieri li jappoġġa u jsaħħaħ l-azzjoni mill-awtoritajiet kompetenti tal-Istati Membri u l-kooperazzjoni reċiproka tagħhom fil-prevenzjoni u fil-ġlieda kontra l-kriminalità serja li taffettwa żewġ Stati Membri jew aktar, it-terroriżmu u l-forom ta’ kriminalità li jaffettwaw interess komuni kopert minn politika tal-Unjoni, ma jistax jinkiseb b’mod suffiċjenti mill-Istati Membri iżda jista’ pjuttost, minħabba n-natura transkonfinali tal-kriminalità serja u tat-terroriżmu u l-ħtieġa għal rispons koordinat għal theddidiet relatati mas-sigurtà, jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 TUE. F’konformità mal-prinċipju ta’ proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkiseb dak l-objettiv.

(54)

F’konformità mal-Artikolu 3 tal-Protokoll Nru 21 dwar il-pożizzjoni tar-Renju Unit u l-Irlanda fir-rigward tal-ispazju ta’ libertà, sigurtà u ġustizzja, anness għat-TUE u t-TFUE, l-Irlanda nnotifikat ix-xewqa tagħha li tieħu sehem fl-adozzjoni u fl-applikazzjoni ta’ dan ir-Regolament.

(55)

F’konformità mal-Artikoli 1 u 2 tal-Protokoll Nru 22 dwar il-pożizzjoni tad-Danimarka, anness għat-TUE u t-TFUE, id-Danimarka mhijiex qed tieħu sehem fl-adozzjoni ta’ dan ir-Regolament u mhijiex marbuta bih jew soġġetta għall-applikazzjoni tiegħu.

(56)

Il-KEPD ġie kkonsultat, skont l-Artikolu 42(1) tar-Regolament (UE) 2018/1725, u ta l-opinjoni tiegħu fit-8 ta’ Marzu 2021 (15).

(57)

Dan ir-Regolament jirrispetta bis-sħiħ id-drittijiet fundamentali u s-salvagwardji u josserva l-prinċipji rikonoxxuti b’mod partikolari mill-Karta tad-Drittijiet Fundamentali tal-Unjoni Ewropea (“il-Karta”), b’mod partikolari d-dritt għar-rispett għall-ħajja privata u tal-familja u d-dritt għall-protezzjoni ta’ data personali kif previsti fl-Artikoli 7 u 8 tal-Karta, kif ukoll fl-Artikolu 16 TFUE. Minħabba l-importanza tal-ipproċessar ta’ data personali għall-ħidma tal-infurzar tal-liġi b’mod ġenerali, u għall-appoġġ ipprovdut mill-Europol b’mod partikolari, dan ir-Regolament jenħtieġ li jinkludi salvagwardji msaħħa, sorveljanza demokratika u mekkaniżmi ta’ akkontabbiltà, biex jiġi żgurat li l-attivitajiet u l-kompiti tal-Europol jitwettqu f’konformità sħiħa mad-drittijiet fundamentali kif minquxa fil-Karta, b’mod partikolari d-drittijiet għall-ugwaljanza quddiem il-liġi, għan-nondiskriminazzjoni, u għal rimedju effettiv quddiem il-qorti nazzjonali kompetenti kontra kwalunkwe waħda mill-miżuri meħuda skont dan ir-Regolament. Kwalunkwe pproċessar ta’ data personali skont dan ir-Regolament jenħtieġ li jkun limitat għal dak li huwa strettament meħtieġ u proporzjonat, u soġġett għal kundizzjonijiet ċari, għal rekwiżiti stretti u għal superviżjoni effettiva mill-KEPD.

(58)

Għaldaqstant, ir-Regolament (UE) 2016/794 jenħtieġ li jiġi emendat skont dan.

(59)

Biex tiġi żgurata l-applikazzjoni immedjata tal-miżuri previsti f’dan ir-Regolament, jenħtieġ li dan jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea,

(1)

L-Artikolu 2 huwa emendat kif ġej:

(2)

L-Artikolu 4 huwa emendat kif ġej:

(3)

L-Artikolu 6 huwa emendat kif ġej:

(4)

fl-Artikolu 7, il-paragrafu 8 huwa ssostitwit b’dan li ġej:

(5)

L-Artikolu 11(1) huwa emendat kif ġej:

(6)

L-Artikolu 12 huwa emendat kif ġej:

(7)

fl-Artikolu 14, il-paragrafu 4 huwa ssostitwit b’dan li ġej:

(8)

L-Artikolu 16 huwa emendat kif ġej:

(9)

L-Artikolu 18 huwa emendat kif ġej:

(10)

jiddaħħal l-Artikolu li ġej:

(11)

fl-Artikolu 19, il-paragrafi 1 u 2 jiġu ssostitwi b’dawn li ġejjin:

(12)

L-Artikolu 20 huwa emendat kif ġej:

(13)

jiddaħħal l-Artikolu li ġej:

(14)

fl-Artikolu 21, jiżdied il-paragrafu li ġej:

(15)

fl-Artikolu 23, il-paragrafu 7 huwa ssostitwit b’dan li ġej:

(16)

it-titolu tat-Taqsima 2 huwa ssostitwit b’dan li ġej:

“ Trażmissjoni, trasferiment u skambju ta’ data personali ”;

(17)

L-Artikolu 24 huwa ssostitwit b’dan li ġej:

(18)

L-Artikolu 25 huwa emendat kif ġej:

(19)

L-Artikolu 26 huwa emendat kif ġej:

(20)

l-Artikoli li ġejjin jiddaħħlu:

(21)

fl-Artikolu 27, il-paragrafi 1 u 2 huma ssostitwiti b’dan li ġej:

(22)

it-titolu tal-Kapitolu VI huwa sostitwit b’dan li ġej:

“PROTEZZJONI TAD-DATA”;

(23)

l-Artikolu li ġej jiddaħħal:

(24)

jitħassar l-Artikolu 28;

(25)

l-Artikolu 30 huwa emendat kif ġej:

(26)

L-Artikolu 32 huwa ssostitwit b’dan li ġej:

(27)

jitħassar l-Artikolu 33;

(28)

jiddaħħal l-Artikolu li ġej:

(29)

l-Artikolu 34 huwa emendat kif ġej:

(30)

l-Artikolu 35 huwa emendat kif ġej:

(31)

l-Artikolu 36 huwa emendat kif ġej:

(32)

l-Artikolu 37 huwa emendat kif ġej:

(33)

L-Artikolu 38 huwa emendat kif ġej:

(34)

L-Artikolu 39 huwa ssostitwit b’dan li ġej:

(35)

jiddaħħal l-Artikolu li ġej:

(36)

L-Artikolu 40 huwa ssostitwit b’dan li ġej:

(37)

L-Artikolu 41 huwa sostitwit b’dan li ġej:

(38)

jiddaħħlu l-Artikoli li ġejjin:

(*12)  Ir-Regolament tal-Kunsill (KE) Nru 168/2007 tal-15 ta’ Frar 2007 li jistabbilixxi Aġenzija tal-Unjoni Ewropea għad-Drittijiet Fundamentali (ĠU L 53, 22.2.2007, p. 1)."

(*13)  Ir-Regolament (UE) 2015/2219 tal-Parlament Ewropew u tal-Kunsill tal-25 ta’ Novembru 2015 dwar l-Aġenzija tal-Unjoni Ewropea għat-Taħriġ fl-Infurzar tal-Liġi (CEPOL) u li jissostitwixxi u jħassar id-Deċiżjoni tal-Kunsill 2005/681/ĠAI (ĠU L 319, 4.12.2015, p. 1).”;"

(39)

fl-Artikolu 42, il-paragrafi 1 u 2 huma ssostitwiti b’dawn li ġejjin:

(40)

l-Artikolu 43 huwa emendat kif ġej:

(41)

l-Artikolu 44 huwa emendat kif ġej:

(42)

Jitħassru l-Artikoli 45 u 46;

(43)

l-Artikolu 47 huwa emendat kif ġej:

(44)

l-Artikolu 50 huwa ssostitwit b’dan li ġej:

(45)

l-Artikolu 51 huwa emendat kif ġej:

(46)

l-Artikolu li ġej jiddaħħal:

(47)

fl-Artikolu 58, il-paragrafu 9 huwa ssostitwit b’dan li ġej:

(48)

l-Artikolu 60 huwa emendat kif ġej:

(49)

l-Artikolu 61 huwa ssostitwit b’dan li ġej:

(50)

L-Artikolu 68 huwa emendat kif ġej:

(51)

jiddaħħlu l-Artikoli li ġejjin:

(1)

Ir-Regolament (UE) 2016/1628 tal-Parlament Ewropew u tal-Kunsill (3) jistabbilixxi d-dispożizzjonijiet essenzjali dwar l-emissjoni ta’ inkwinanti gassużi u partikolati u l-approvazzjoni tat-tip għall-magni b’kombustjoni interna għal makkinarju mobbli mhux tat-triq, u jagħti s-setgħa lill-Kummissjoni sabiex tistabbilixxi ċertu speċifikazzjonijiet tekniċi dettaljati f’atti delegati. L-Artikolu 55(2) ta’ dak ir-Regolament ta dik is-setgħa lill-Kummissjoni għal perjodu limitat ta’ ħames snin. Dak il-perjodu skada fis-6 ta’ Ottubru 2021. Hemm il-ħtieġa li xi wħud minn dawk l-atti delegati jiġu aġġornati biex jitqies il-progress tekniku u biex jiġu introdotti emendi oħra f’konformità mal-għoti ta’ setgħa, inkluż fir-rigward ta’ att delegat li jistabbilixxi rekwiżiti dwar il-monitoraġġ fis-servizz għall-magni b’kombustjoni interna installati f’makkinarju mobbli mhux tat-triq. Jenħtieġ li jkun possibbli wkoll li jiġu adottati atti delegati ġodda skont l-għoti tas-setgħa. Għalhekk, is-setgħa tal-Kummissjoni li tadotta atti delegati jenħtieġ li tiġi estiża u jenħtieġ li ssir dispożizzjoni għall-possibbiltà ta’ estensjonijiet ulterjuri.

(2)

Għalhekk, jenħtieġ li r-Regolament (UE) 2016/1628 jiġi emendat skont dan.

(3)

Minħabba li l-objettiv ta’ dan ir-Regolament ma jistax jinkiseb b’mod suffiċjenti mill-Istati Membri iżda jista’ pjuttost, minħabba l-effetti tiegħu, jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju ta’ proporzjonalità kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jinkiseb dak l-objettiv,

(1)

Id-Direttiva 2008/106/KE tal-Parlamemt Ewropew u tal-Kunsill (3) ġiet emendata kemm-il darba b’mod sostanzjali (4). Fl-interess taċ-ċarezza u r-razzjonalità, jenħtieġ li dik id-Direttiva tiġi kkodifikata.

(2)

Sabiex jinżamm, u bl-għan li jittejjeb, il-livell għoli ta’ sikurezza marittima u l-prevenzjoni tat-tniġġis fil-baħar, huwa essenzjali li jinżamm u possibbilment li jittejjeb il-livell tal-għarfien u tal-ħiliet tal-baħħara tal-Unjoni bl-iżvilupp tat-taħriġ marittimu u taċ-ċertifikazzjoni f’konformità mar-regoli internazzjonali u l-progress teknoloġiku, kif ukoll li tittieħed azzjoni ulterjuri biex tissaħħaħ il-bażi tal-ħiliet marittimi Ewropej.

(3)

It-taħriġ u ċ-ċertifikazzjoni tal-baħħara huma regolati fuq livell internazzjonali mill-Konvenzjoni Internazzjonali dwar Standards ta’ Taħriġ, Ċertifikazzjoni u Għassa għall-Baħħara tal-Organizzazzjoni Marittima Internazzjonali (IMO) tal-1978 (il-Konvenzjoni STCW), li ġiet suġġetta għal reviżjoni kbira fil- Konferenza tal-Partijiet għall-Konvenzjoni STCW li saret f’Manila fl-2010 (l-emendi ta’ Manila). Fl-2015 u fl-2016 ġew adottati emendi ulterjuri għall-Konvenzjoni STCW.

(4)

Din id-Direttiva tinkorpora l-Konvenzjoni STCW fil-liġi tal-Unjoni. L-Istati Membri kollha huma firmatarji tal-Konvenzjoni STCW u għalhekk trid tinkiseb implimentazzjoni armonizzata tal-impenji internazzjonali tagħhom permezz tal-allinjament mal-Konvenzjoni STCW tar-regoli tal-Unjoni dwar it-taħriġ u ċ-ċertifikazzjoni tal-baħħara.

(5)

Is-settur marittimu tal-Unjoni għandu kompetenza esperta marittima ta’ kwalità għolja li tgħin biex tiżgura l-kompetittività tiegħu. Il-kwalità tat-taħriġ għall-baħħara hija importanti għall-kompetittività tas-settur u biex jiġu mħajjra ċ-ċittadini tal-Unjoni, b’mod partikolari ż-żgħażagħ, għall-professjonijiet marittimi.

(6)

L-Istati Membri jistgħu jistabbilixxu standards ogħla mill-istandards minimi stabbiliti fil-Konvenzjoni STCW u f’din id-Direttiva.

(7)

Ir-Regolamenti tal-Konvenzjoni STCW annessi ma’ din id-Direttiva jenħtieġ li jkunu ssupplimentati bid-dispożizzjonijiet mandatorji li jinsabu fil-Parti A tal-Kodiċi ta’ Taħriġ, Ċertifikazzjoni u Għassa għall-Baħħara (Kodiċi STCW). Il-Parti B tal-Kodiċi STCW fiha gwida rakkomandata maħsuba biex tassisti lill-Partijiet għall-Konvenzjoni STCW, u lil dawk involuti fl-implimentazzjoni, l-applikazzjoni jew l-infurzar tal-miżuri tagħha, biex jagħtu lill-Konvenzjoni effett sħiħ u komplet b’mod uniformi.

(8)

Wieħed mill-għanijiet tal-politika komuni tat-trasport fil-qasam tat-trasport marittimu huwa li jiġi ffaċilitat il-moviment tal-baħħara fi ħdan l-Unjoni. Dan il-moviment jikkontribwixxi, fost affarijiet oħra, sabiex is-settur tat-trasport marittimu tal-Unjoni jsir aktar attraenti għall-ġenerazzjonijiet futuri, biex b’hekk tiġi evitata sitwazzjoni fejn il-cluster marittimu Ewropew iħabbat wiċċu ma’ skarsezza ta’ persunal kompetenti bit-taħlita ġusta ta’ ħiliet u kompetenzi. Ir-rikonoxximent reċiproku taċ-ċertifikati tal-baħħara maħruġa mill-Istati Membri huwa essenzjali biex jiffaċilita l-moviment liberu tal-baħħara. Fid-dawl tad-dritt għal amministrazzjoni tajba, jenħtieġ li d-deċiżjonijiet tal-Istati Membri fir-rigward tal-aċċettazzjoni ta’ ċertifikati ta’ profiċjenza maħruġa lil baħħara minn Stati Membri oħra għall-finijiet tal-ħruġ ta’ ċertifikati nazzjonali ta’ kompetenza jkunu bbażati fuq raġunijiet li jistgħu jiġu aċċertati mill-baħħara kkonċernati.

(9)

It-taħriġ għall-baħħara jenħtieġ li jkopri taħriġ teoretiku u prattiku adatt sabiex jiġi żgurat li l-baħħara jkunu kwalifikati biex jissodisfaw standards ta’ sigurtà u ta’ sikurezza u jkunu kapaċi jirrispondu għal perikli u emerġenzi.

(10)

L-Istati Membri jenħtieġ li jieħdu u jinfurżaw miżuri speċifiċi sabiex jipprevjenu u jippenalizzaw prattiki qarrieqa marbuta ma’ ċertifikati ta’ kompetenza u ċertifikati ta’ profiċjenza kif ukoll li jsegwu l-isforzi tagħhom fi ħdan l-IMO sabiex jintlaħqu strumenti ta’ ftehim stretti u infurzabbli dwar il-ġlieda globali kontra dawk il-prattiki.

(11)

Jenħtieġ li jiġu żviluppati u implimentati standards tal-kwalità u sistemi ta’ standards tal-kwalità filwaqt li titqies, fejn applikabbli, ir-Rakkomandazzjoni tal-Parlament Ewropew u tal-Kunsill tat-18 ta’ Ġunju 2009 (5) u miżuri relatati adottati mill-Istati Membri.

(12)

Għat-titjib fis-sikurezza marittima u l-prevenzjoni tat-tniġġis fuq il-baħar, jenħtieġ li jiġu stabbiliti dispożizzjonijiet f’din id-Direttiva dwar perjodi minimi ta’ mistrieħ għall-persunal tal-għassa skont il-Konvenzjoni STCW. Dawk id-dispożizzjonijiet jenħtieġ li jiġu applikati mingħajr preġudizzju għad-dispożizzjonijiet tad-Direttiva tal-Kunsill 1999/63/KE (6).

(13)

Is-sħab soċjali Ewropej qablu dwar is-sigħat minimi ta’ mistrieħ applikabbli għall-baħħara u ġiet adottata d-Direttiva 1999/63/KE bil-ħsieb li jiġi implimentat dak il-ftehim. Dik id-Direttiva tippermetti wkoll il-possibilità li jiġu awtorizzati eċċezzjonijiet għas-sigħat minimi ta’ mistrieħ għall-baħħara. Madankollu, il-possibilità ta’ awtorizzazzjoni ta’ eċċezzjonijiet jenħtieġ li tiġi limitata f’termini tat- tul massimu, frekwenza u ambitu. L-emendi ta’ Manila kienu mmirati, fost affarijiet oħrajn, biex jistabbilixxu limiti oġġettivi għall-eċċezzjonijiet għas-sigħat minimi ta’ mistrieħ għall-persunal tal-għassa u l-baħħara b’kompiti magħżula relatati mas-sikurezza, is-sigurtà u l-prevenzjoni tat-tniġġis bil-ħsieb li tiġi evitata l-għeja. Għaldaqstant, din id-Direttiva jenħtieġ li tirrifletti l-emendi ta’ Manila b’mod li jiżgura koerenza mad-Direttiva 1999/63/KE.

(14)

Sabiex tiġi mtejba s-sikurezza marittima u sabiex ma jkunx hemm telf ta’ ħajjiet umani u tniġġis marittimu, jenħtieġ li tiġi żgurata l-komunikazzjoni fost membri tal-ekwipaġġ abbord vapuri li jbaħħru fl-ilmijiet tal-Unjoni.

(15)

Il-persunal abbord vapuri tal-passiġġieri maħtur sabiex jassisti lill-passiġġieri f’sitwazzjonijiet ta’ emerġenza jenħtieġ li jkun jista’ jikkomunika mal-passiġġieri.

(16)

L-ekwipaġġi fuq tankers li jġorru tagħbija li tagħmel ħsara għas-saħħa jew li tniġġes jenħtieġ li jkunu jistgħu jlaħqu b’mod effettiv mal-prevenzjoni ta’ inċidenti u sitwazzjonijiet ta’ emerġenza. Huwa tal-akbar importanza li tiġi stabbilita rabta ta’ komunikazzjoni tajba bejn il-kaptan, l-uffiċjali u l-baħrin, li tkopri r-rekwiżiti previsti f’din id-Direttiva.

(17)

Huwa essenzjali li jiġi żgurat li baħħara li jkollom ċertifikati maħruġa minn pajjiżi terzi u li jservu fuq vapuri fl-Unjoni jkollhom livell ta’ kompetenza ekwivalenti għal dak meħtieġ mill-Konvenzjoni STCW. Din id-Direttiva jenħtieġ li tistabbilixxi proċeduri u kriterji komuni għar-rikonoxximent mill-Istati Membri ta’ ċertifikati tal-baħħara maħruġa minn pajjiżi terzi, ibbażat fuq ir-rekwiżiti tat-taħriġ u taċ-ċertifikazzjoni kif sar qbil fuqhom fl-istruttura tal-Konvenzjoni STCW.

(18)

Fl-interessi tas-sikurezza fuq il-baħar, l-Istati Membri jenħtieġ li jirrikonoxxu kwalifiki li jagħtu prova tal-livell ta’ taħriġ meħtieġ biss fejn dawn ikunu maħruġa minn jew f’isem Partijiet għall-Konvenzjoni STCW li jkunu ġew identifikati mill-Kumitat tas-Sikurezza Marittima (MSC) tal-IMO bħala li jkunu jidhru li taw, u li għadhom jagħtu, effett sħiħ għall-istandards stabbiliti f’dik il-Konvenzjoni. Biex jimtela ż-żmien sakemm l-MSC ikun jista’ jagħmel din l-identifikazzjoni, hemm bżonn ta’ proċedura għar-rikonoxximent preliminari ta’ ċertifikati.

(19)

Din id-Direttiva fiha wkoll sistema ċentralizzata għar-rikonoxximent taċ-ċertifikati tal-baħħara maħruġa minn pajjiżi terzi. Sabiex jintużaw ir-riżorsi umani u finanzjarji disponibbli b’mod effiċjenti, il-proċedura għar-rikonoxximent ta’ pajjiżi terzi jenħtieġ li tkun ibbażata fuq analiżi tal-ħtieġa għal tali rikonoxximent, li tinkludi iżda mhux limitata biss għal indikazzjoni tan-numru stmat ta’ kaptani, uffiċjali u operaturi tar-radju li joriġinaw minn dak il-pajjiż terz li x’aktarx li jkunu jservu fuq bastimenti li jtajru l-bandiera tal-Istati Membri. Jenħtieġ li dik l-analiżi tintbagħat għall-eżami lill-Kumitat dwar l-Ibħra Protetti u l-Prevenzjoni ta’ Tniġġis minn Bastimenti (COSS).

(20)

Sabiex jiġi żgurat id-dritt tal-baħħara kollha għal impjieg deċenti u sabiex jiġu limitati d-distorsjonijiet tal-kompetizzjoni fis-suq intern, għar- rikonoxximent futur ta’ pajjiżi terzi jenħtieġ li jitqies jekk dawk il-pajjiżi terzi rratifikawx il-Konvenzjoni dwar ix-Xogħol Marittimu, 2006.

(21)

Sabiex tiġi żgurata l-effiċjenza tas-sistema ċentralizzata għar-rikonoxximent ta’ ċertifikati tal-baħħara maħruġa minn pajjiżi terzi, jenħtieġ li titwettaq rivalutazzjoni ta’ pajjiżi terzi li jipprovdu għadd baxx ta’ baħħara għal bastimenti li jtajru l-bandiera tal-Istati Membri, f’intervalli ta’ għaxar snin. Dan il-perijodu twil ta’ rivalutazzjoni tas-sistema ta’ dawn il-pajjiżi terzi jenħtieġ li jiġi kkombinat ma’ kriterji ta’ prijorità li jieħdu kont tat-tħassib dwar is-sikurezza, filwaqt li tiġi bbilanċjata l-ħtieġa ta’ effiċjenza b’mekkaniżmu effikaċi ta’ salvagwardja f’każ ta’ deterjorazzjoni tal-kwalità tat-taħriġ tal-baħħara pprovdut fil-pajjiżi terzi rilevanti.

(22)

Fejn ikun xieraq, jenħtieġ li jiġu spezzjonati l-istituti marittimi, il-programmi ta’ taħriġ u l-korsijiet marittimi. Jenħtieġ li għalhekk jiġu stabbiliti kriterji ta’ spezzjoni.

(23)

L-Aġenzija Ewropea għas-Sikurezza Marittima stabbilita bir-Regolament (KE) Nru 1406/2002 tal-Parlament Ewropew u tal-Kunsill (7) jenħtieġ li tassisti lill-Kummissjoni fil-verifika li l-Istati Membri jikkonformaw mar-rekwiżiti stabbiliti f’din id-Direttiva.

(24)

Fil-livell tal-Unjoni, l-informazzjoni dwar il-baħħara impjegati minn pajjiżi terzi saret disponibbli bil-komunikazzjoni mill-Istati Membri tal-informazzjoni rilevanti miżmuma fir-reġistri nazzjonali tagħhom marbuta maċ-ċertifikati u l-approvazzjonijiet maħruġa. Dik l-informazzjoni jenħtieġ li tintuża għal finijiet ta’ statistika u t-tfassil tal-politika, b’mod partikolari għall-fini ta’ titjib fl-effiċjenza tas-sistema ċentralizzata għar-rikonoxximent ta’ ċertifikati tal-baħħara maħruġa minn pajjiżi terzi. Abbażi tal-informazzjoni kkomunikata mill-Istati Membri, jenħtieġ li r-rikonoxximent ta’ pajjiżi terzi li ma pprovdewx baħħara għal bastimenti li jtajru l-bandiera tal-Istati Membri għal perijodu ta’ mill-inqas tmien snin jiġi rieżaminat. Jenħtieġ li l-proċess ta’ rieżami jkopri l-possibbiltà taż-żamma jew l-irtirar tar-rikonoxximent tal-pajjiż terz rilevanti. Barra minn hekk, jenħtieġ li l-informazzjoni kkomunikata mill-Istati Membri tintuża wkoll sabiex tagħti prijorità lill-valutazzjoni mil-ġdid tal-pajjiżi terzi rikonoxxuti.

(25)

L-Istati Membri, bħala awtoritajiet tal-port, huma meħtieġa li jtejjbu s-sikurezza u l-prevenzjoni tat-tniġġis fl-ilmijiet tal-Unjoni permezz ta’ spezzjonijiet ta’ prijorità ta’ bastimenti li jtajjru l-bandiera ta’ pajjiż terz li ma jkunx irratifika il-Konvenzjoni STCW, u b’hekk jiżguraw li bastimenti li jtajjru l-bandiera ta’ pajjiż terz ma jirċevux trattament aktar favorevoli.

(26)

Id-dispożizzjonijiet għar-rikonoxximent tal-kwalifiki professjonali stipulati fid-Direttiva 2005/36/KE tal-Parlament Ewropew u tal-Kunsill (8) ma kinux applikabbli fir-rigward tar-rikonoxximent taċ-ċertifikati tal-baħħara skont id-Direttiva 2008/106/KE. Id-Direttiva 2005/45/KE tal-Parlament Ewropew u tal-Kunsill (9) kienet tirregola r-rikonoxximent reċiproku ta’ ċertifikati tal-baħħara maħruġa mill-Istati Membri. Madankollu, id-definizzjonijiet taċ-ċertifikati tal-baħħara msemmija fid-Direttiva 2005/45/KE saru obsoleti wara l-emendi tal-2010 għall-Konvenzjoni STCW. Għalhekk, l-iskema ta’ rikonoxximent reċiproku taċ-ċertifikati tal-baħħara maħruġa mill-Istati Membri jenħtieġ li tiġi regolata sabiex tirrifletti emendi internazzjonali. Barra minn hekk, iċ-ċertifikati mediċi tal-baħħara maħruġa taħt l-awtorità tal-Istati Membri jenħtieġ li jiġu inklużi wkoll fl-iskema ta’ rikonoxximent reċiproku. Sabiex tiġi evitata kwalunkwe ambigwità u riskju ta’ inkonsistenza bejn id-Direttivi 2005/45/KE u din id-Direttiva, ir-rikonoxximent reċiproku ta’ ċertifikati tal-baħħara jenħtieġ li jiġi regolat b’din id- Direttiva biss. Barra minn hekk, sabiex jitnaqqas il-piż amministrattiv fuq l-Istati Membri, jenħtieġ li tiddaħħal sistema elettronika għall-preżentazzjoni tal-kwalifiki tal-baħħara ladarba jkunu ġew adottati l-emendi rilevanti għall-Konvenzjoni STCW.

(27)

Id-diġitalizzazzjoni tad-data hija parti integrali mill-progress teknoloġiku fil-qasam tal-ġbir u l-komunikazzjoni tad-data bil-ħsieb li tgħin biex l-ispejjeż jitnaqqsu u biex ir-riżorsi umani jintużaw b’ effiċjenza. Il-Kummissjoni jenħtieġ li tikkunsidra miżuri sabiex tissaħħaħ l-effettività tal-kontroll mill-Istat tal-port, inkluż, fost l-oħrajn, evalwazzjoni tal-fattibbiltà u l-valur miżjud tal-istabbiliment u l-ġestjoni ta’ bażi tad-data ċentrali taċ-ċertifikati tal-baħħara li tkun kollegata mal-bażi tad-data għall-ispezzjonijiet imsemmija fl-Artikolu 24 tad-Direttiva 2009/16/KE tal-Parlament Ewropew u tal-Kunsill (10), u li l-Istati Membri kollha jkunu konnessi magħha. Jenħtieġ li dik il-bażi tad-data ċentrali jkun fiha l-informazzjoni kollha, stabbilita fl-Anness III għal din id- Direttiva, dwar iċ-ċertifikati ta’ kompetenza u l-approvazzjonijiet li jaffermaw ir-rikonoxximent taċ-ċertifikati ta’ profiċjenza maħruġa skont ir-Regolamenti V/1-1 u V/1-2 tal-Konvenzjoni STCW.

(28)

Il-Kummissjoni jenħtieġ li tistabbilixxi djalogu mas-sħab soċjali u l-Istati Membri biex jiżviluppaw inizjattivi ta’ taħriġ addizzjonali għal-livell minimu ta’ taħriġ tal-baħħara maqbul fuq livell internazzjonali, u li jistgħu jiġu reċiprokament rikonoxxuti mill-Istati Membri bħala Diplomi Marittimi ta’ Eċċellenza Ewropej. Dawk l-inizjattivi jenħtieġ li jibnu fuq ir-rakkomandazzjonijiet tal-proġetti pilota attwali u l-istrateġiji stabbiliti fil-Pjan ta’ Azzjoni tal-Kummissjoni għal kooperazzjoni settorjali dwar il-ħiliet, u jiġu żviluppati f’konformità magħhom.

(29)

Sabiex jitqiesu l-iżviluppi fil-livell internazzjonali u biex jiġi żgurat l-adattament f’waqtu ta’ regoli tal-Unjoni għal dawk l-iżviluppi, is-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi delegata lill-Kummissjoni fir-rigward tal-inkorporazzjoni tal-emendi tal-Konvenzjoni STCW u l-Parti A tal-Kodiċi STCW bl-aġġornament tar-rekwiżiti tekniċi dwar it-taħriġ u ċ-ċertifikazzjoni tal-baħħara u bl-allinjament tad-dispożizzjonijiet kollha rilevanti ta’ din id-Direttiva fir-rigward taċ-ċertifikati diġitali għall-baħħara. B’mod partikolari hu importanti li waqt il-ħidma preparatorja tagħha, il-Kummissjoni twettaq konsultazzjonijiet xierqa, inkluż fil-livell ta’ esperti, u li dawk il-konsultazzjonijiet isiru f’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet (11). B’mod partikolari, biex tiġi żgurata parteċipazzjoni indaqs fit-tħejjija tal-atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess b’mod sistematiku għal-laqgħat tal-gruppi tal-esperti tal-Kummissjoni li jkunu qed jittrattaw it-tħejjija tal-atti delegati.

(30)

Sabiex ikunu żgurati kondizzjonijiet uniformi għall-implimentazzjoni tad-dispożizzjonijiet ta’ din id-Direttiva fir-rigward tar-rikonoxximent ta’ pajjiżi terzi, kif ukoll fir-rigward tad-data tal-istatistika dwar il-baħħara li tiġi provduta lill-Kummissjoni mill-Istati Membri, jenħtieġ li setgħat ta’ implimentazzjoni jiġu konferiti lill-Kummissjoni. Dawk is-setgħat jenħtieġ li jkunu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill (12).

(31)

Minħabba li l-għan ta’ din id-Direttiva, jiġifieri l-allinjament tar-regoli tal-Unjoni ma’ regoli internazzjonali dwar it-taħriġ u ċ-ċertifikazzjoni tal-baħħara, ma jistax jinkiseb b’mod suffiċjenti mill-Istati Membri iżda jista’ pjuttost, minħabba l-iskala u l-effetti tal-azzjoni, jinkiseb aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju ta’ proporzjonalità, kif stabbilit f’dak l-Artikolu, din id-Direttiva ma tmurx lil hinn minn dak li huwa meħtieġ sabiex jinkiseb dak l-għan.

(32)

Jenħtieġ li din id-Direttiva tkun mingħajr preġudizzju għall-obbligi tal-Istati Membri marbuta mal-limiti taż-żmien għat-traspożizzjoni fil-liġi nazzjonali tad-Direttivi mniżżla fl-Anness IV, Parti B,

(1)

“kaptan” tfisser il-persuna li għandha l-kmand ta’ vapur;

(2)

“uffiċjal” tfisser membru tal-ekwipaġġ, minbarra l-kaptan, nominat hekk bil-liġi jew b’regolamenti nazzjonali jew, fin-nuqqas ta’ din in-nomina, bi ftehim kollettiv jew drawwa;

(3)

“uffiċjal tal-gverta” tfisser uffiċjal ikkwalifikat skont id-dispożizzjonijiet tal-Kapitolu II tal-Anness I;

(4)

“chief mate” tfisser l-uffiċjal fil-grad ta’ wara l-kaptan u li fuqu jaqa’ l-kmand tal-vapur fil-każ tal-inkapaċità tal-kaptan;

(5)

“uffiċjal tal-inġinerija” tfisser uffiċjal ikkwalifikat skont id-dispożizzjonijiet tal-Kapitolu III tal-Anness I;

(6)

“uffiċjal kap tal-inġinerija” tfisser l-uffiċjal superjuri tal-inġinerija responsabbli mill-propulsjoni mekkanika u t-tħaddim u l-manutenzjoni tal-istallazzjonijiet mekkaniċi jew tal-elettriku tal-vapur;

(7)

“it-tieni uffiċjal tal-inġinerija” tfisser l-uffiċjal tal-inġinerija fil-grad ta’ wara l-uffiċjal kap tal-inġinerija u li fuqu taqa’ r-responsabbiltà għall-propulsjoni mekkanika u t-tħaddim u l-manutenzjoni tal-installazzjonijiet mekkaniċi jew tal-elettriku tal-vapur fil-każ tal-inkapaċità tal-uffiċjal kap tal-inġinerija;

(8)

“assistent uffiċjal tal-inġinerija” tfisser persuna li qed titħarreġ biex tilħaq uffiċjal tal-inġinerija u nominata hekk mil-liġi jew mir-regolamenti nazzjonali;

(9)

“operatur tar-radju” tfisser persuna li għandha ċertifikat xieraq maħruġ jew rikonoxxut mill-awtoritajiet kompetenti skont id-dispożizzjonijiet tar-Regolamenti tar-Radju;

(10)

“baħri” tfisser membru tal-ekwipaġġ ta’ vapur minbarra l-kaptan jew l-uffiċjali;

(11)

“vapur li jbaħħar” tfisser vapur għajr dawk li jbaħħru b’mod esklussiv f’ilmijiet interni jew f’ilmijiet ġewwa jew viċin ta’ ilmijiet jew żoni milqugħin fejn jgħoddu r-regolamenti tal-port;

(12)

“vapur li jtajjar il-bandiera ta’ Stat Membru” tfisser vapur irreġistrat fi u li jtajjar il-bandiera ta’ Stat Membru skont il-leġislazzjoni tiegħu; vapur li ma jikkorrispondix ma’ din id-definizzjoni għandu jiġi meqjus bħala vapur li jtajjar il-bandiera ta’ pajjiż terz;

(13)

“vjaġġi qrib ix-xatt” tfisser vjaġġi fil-viċinanza ta’ Stat Membru kif definit minn dak l-Istat Membru;

(14)

“qawwa ta’ propulsjoni” tfisser il-qawwa ta’ output b’rata kontinwa massima totali mfissra f’kilowatts tal-magni prinċipali ta’ propulsjoni kollha tal-vapur li jidhru fuq iċ-ċertifikat ta’ reġistrazzjoni tal-vapur jew fuq kwalunkwe dokument uffiċjali ieħor;

(15)

“tanker taż-żejt” tfisser vapur mibni u użat għat-trasport taż-żejt u prodotti taż-żejt fi kwantitajiet kbar;

(16)

“tanker ta’ sustanzi kimiċi” tfisser vapur mibni jew adattat u użat għat-trasport fi kwantità ta’ kwalunkwe prodott likwidu elenkat fil-Kapitolu 17 tal-Kodiċi Internazzjonali ta’ Kimika fi Kwantità, fil-verżjoni aġġornata tiegħu;

(17)

“tanker ta’ gass likwifikat” tfisser vapur mibni jew adattat u użat għat-trasport fi kwantità ta’ kwalunkwe gass likwifikat jew prodott ieħor elenkat fil-Kapitolu 19 tal-Kodiċi ta’ Trasport Internazzjonali tal-Gass, fil-verżjoni aġġornata tiegħu;

(18)

“Regolamenti dwar ir-Radju” tfisser ir-regolamenti dwar ir-radju annessi, jew meqjusin li huma annessi għall-Konvenzjoni dwar it-Telekomunikazzjoni Internazzjonali, kif emendata;

(19)

“bastiment tal-passiġġieri” tfisser bastiment kif definit fil-Konvenzjoni Internazzjonali għas-Salvagwardja tal-Ħajja Umana fuq il-Baħar, 1974 (SOLAS 74), kif emendata, tal-Organizzazzjoni Marittima Internazzjonali (IMO);

(20)

“bastiment tas-sajd” tfisser bastiment użat għall-qbid ta’ ħut jew ta’ riżorsi ħajjin oħra tal-baħar;

(21)

“Konvenzjoni STCW” tfisser il-Konvenzjoni Internazzjonali tal-IMO dwar Standards ta’ Taħriġ, Ċertifikazzjoni u Għassa għal Baħħara tal-1978, kif tapplika għal materji kkonċernati filwaqt li jitqiesu d-dispożizzjonijiet tranżitorji tal-Artikolu VII u r-Regolament 1/15 tal-Konvenzjoni u inklużi, fejn ikun xieraq, id-dispożizzjonijiet applikabbli tal-Kodiċi STCW, kollha applikabbli fil-verżjonijiet aġġornati tagħhom;

(22)

“xogħlijiet tar-radju” tinkludi, skont kif ikun xieraq, l-għassa u l-manutenzjoni teknika u t-tiswijiet imwettqa skont ir-Regolamenti tar-Radju, SOLAS 74 u, fid-diskrezzjoni ta’ kull Stat Membru, ir-rakkomandazzjonijiet rilevanti tal-IMO, fil-verżjonijiet aġġornati tagħhom;

(23)

“vapur tal-passiġġieri ro-ro” tfisser vapur tal-passiġġeri bi spazji ro-ro għall-merkanzija jew spazji ta’ kategorija speċjali kif definit fis-SOLAS 74, fil-verżjoni aġġornata tagħha;

(24)

“Kodiċi STCW” tfisser il-Kodiċi tat-Taħriġ, Ċertifikazzjoni u Għassa tal-Baħħara (STCW) kif adottat bir-riżoluzzjoni 2 tal-Konferenza tal-1995 tal-Partijiet tal-Konvenzjoni STCW, fil-verżjoni aġġornata tagħha;

(25)

“funzjoni” tfisser grupp ta’ xogħlijiet, dmirijiet u responsabbiltajiet, kif speċifikat fil-Kodiċi STCW, meħtieġa għat-tħaddim tal-vapur, is-sikurezza tal-ħajja fuq il-baħar jew il-protezzjoni tal-ambjent marittimu;

(26)

“kumpanija” tfisser is-sid ta’ vapur jew kwalunkwe organizzazzjoni jew persuna oħra bħall-amministratur jew il-kerrej tal-bastiment mingħajr ekwipaġġ li jkun ħa r-responsabbiltà għat-tħaddim tal-vapur mingħand is-sid tal-vapur u li, meta jkun ħa din ir-responsabbiltà, ikun qabel li jimxi mal-obbligi u r-responsabbiltajiet imposti fuq il-kumpanija b’din id-Direttiva;

(27)

“Servizz ta’ tbaħħir” tfisser servizz abbord bastiment rilevanti għall-ħruġ jew il-validazzjoni mill-ġdid ta’ ċertifikat ta’ kompetenza, ċertifikat ta’ profiċjenza jew kwalifiki oħra;

(28)

“approvat” tfisser approvat mill-Istat Membru skont din id-Direttiva;

(29)

“pajjiż terz” tfisser kwalunkwe pajjiż li ma jkunx Stat Membru;

(30)

“xahar” tfisser xahar tal-kalendarju jew 30 ġurnata magħmulin minn perijodi ta’ inqas minn xahar;

(31)

“operatur tar-radju GMDSS” tfisser persuna kkwalifikata skont il-Kapitolu IV tal-Anness I;

(32)

“Kodiċi ISPS” tfisser il-Kodiċi Internazzjonali ta’ Sigurtà għall-Bastimenti u Portijiet adottat fit-12 ta’ Diċembru 2002, permezz tar-riżoluzzjoni 2 tal-Konferenza tal-Gvernijiet Kontraenti għas-SOLAS 74, fil-verżjoni aġġornata tagħha;

(33)

“uffiċjal tas-sigurtà tal-bastiment” tfisser persuna abbord bastiment, li twieġeb għall-kaptan, maħtura mill-kumpannija bħala responsabbli għas-sigurtà tal-bastiment inklużi l-implimentazzjoni u ż-żamma tal-pjan ta’ sigurtà tal-bastiment u l-kollegament mal-uffiċjal tas-sigurtà tal-kumpannija u l-uffiċjali tas-sigurtà tal-faċilità tal-port;

(34)

“kompiti tas-sigurtà” jinkludu l-kompiti kollha ta’ sigurtà abbord il-bastimenti kif definit fil-Kapitolu XI/2 tas-SOLAS 74, kif emendata, u mill-Kodiċi ISPS;

(35)

“ċertifikat ta’ kompetenza” tfisser ċertifikat maħruġ u approvat għall-kaptani, l-uffiċjali u l-operaturi tar-radju GMDSS skont il-Kapitoli II, III, IV, V jew VII tal-Anness I u li jintitola d-detentur legali tiegħu iservi fil-kapaċità u jwettaq il-funzjonijiet involuti fil-livell ta’ responsabbiltà speċifikat fih;

(36)

“ċertifikat ta’ profiċjenza” tfisser ċertifikat minbarra ċertifikat ta’ kompetenza maħruġ lil baħħar li jiddikjara li r-rekwiżiti rilevanti dwar it-taħriġ, il-kompetenzi jew is-servizz tat-tbaħħir f’din id-Direttiva ġew sodisfatti;

(37)

“evidenza dokumentarja” tfisser dokumentazzjoni, minbarra ċertifikat ta’ kompetenza jew ċertifikat ta’ profiċjenza, użata biex tistabbilixxi li r-rekwiżiti rilevanti ta’ din id-Direttiva ġew sodisfatti;

(38)

“uffiċjal elettrotekniku” tfisser uffiċjal kwalifikat skont il-Kapitolu III tal-Anness I;

(39)

“baħħar awtorizzat tal-gverta” tfisser baħri kwalifikat skont il-Kapitolu II tal-Anness I;

(40)

“baħħar awtorizzat tal-magni” tfisser baħri kwalifikat skont il-Kapitolu III tal-Anness I;

(41)

“baħri elettrotekniku” tfisser baħri kwalifikat skont il-Kapitolu III tal-Anness I;

(42)

“Stat Membru ospitanti” tfisser l-Istat Membru li fih il-baħħara jfittxu aċċettazzjoni jew rikonoxximent taċ-ċertifikati ta’ kompetenza, iċ-ċertifikati ta’ profiċjenza jew il-prova dokumentata tagħhom;

(43)

“Kodiċi tal-IGF” tfisser il-Kodiċi Internazzjoni tas-Sikurezza għall-Vapuri li jużaw Gassijiet jew Karburanti b’Punt ta’ Fjammabilità Baxx, kif definit fir-Regolament II-1/2.29 tas-SOLAS 74;

(44)

“Kodiċi Polari” tfisser il-Kodiċi Internazzjonali għal Vapuri li Joperaw f’Ibħra Polari, kif definit fir-Regolament XIV/1.1 tas-SOLAS 74;

(45)

“Ibħra polari” tfisser l-ibħra Artiċi u/jew iż-żona tal-Antartiku, kif definit fir-Regolamenti XIV/1.2, XIV/1.3 u XIV/1.4 tas-SOLAS 74.

(a)

kull taħriġ mandatorju bbażat fuq simulatur;

(b)

kwalunkwe valutazzjoni tal-kompetenza meħtieġa mill-Parti A tal-Kodiċi STCW, li ssir permezz ta’ simulatur;

(c)

kwalunkwe wiri, permezz ta’ simulatur, ta’ profiċjenza kontinwa meħtieġa mill-Parti A tal-Kodiċi STCW.

(a)

mingħajr preġudizzju għall-punti (b) u (d), f’kull ħin ikun hemm, abbord il-vapuri kollha li jtajjru l-bandiera ta’ Stat Membru, mezzi għal komunikazzjoni orali effettiva relatata mas-sikurezza bejn il-membri kollha tal-ekwipaġġ tal-vapur, b’mod partikolari fir-rigward ta’ reċezzjoni tajba u fil-ħin u l-fehim ta’ messaġġi u istruzzjonijiet;

(b)

abbord il-vapuri kollha tal-passiġġieri li jtajjru l-bandiera ta’ Stat Membru u abbord il-vapuri tal-passiġġieri kollha li jibdew u/jew jispiċċaw il-vjaġġ f’port ta’ Stat Membru, sabiex jiżguraw rendiment effettiv tal-ekwipaġġ fi kwistjonijiet ta’ sikurezza, tiġi stabbilita lingwa tax-xogħol u tkun reġistrata fir-reġistru (log book) tal-vapur;

il-kumpanija jew il-kaptan, skont kif ikun jixraq, għandhom jistabbilixxu l-lingwa tax-xogħol addattata; kull baħħar għandu jkun meħtieġ li jifhem u, fejn ikun xieraq, jagħti ordnijiet u istruzzjonijiet u jirrapporta lura b’dik il-lingwa;

jekk il-lingwa tax-xogħol ma tkunx lingwa uffiċjali tal-Istat Membru, il-pjani u l-listi kollha li għandhom jitwaħħlu għandhom jinkludu traduzzjonijiet fil-lingwa tax-xogħol;

(c)

abbord vapuri tal-passiġġieri, il-persunal imsemmi fil-listi tal-ekwipaġġ biex jassisti passiġġieri f’sitwazzjonijiet ta’ emerġenza ikunu jistgħu jiġu identifikati immedjatament u jkollhom abbiltajiet ta’ komunikazzjoni li jkunu suffiċjenti għal dak il-għan, b’konsiderazzjoni ta’ kombinazzjoni xierqa u adegwata ta’ kwalunkwe mill-fatturi li ġejjin:

(d)

abbord tankers taż-żejt, tankers ta’ sustanzi kimiċi u tankers tal-gass likwifikat li jtajjru l-bandiera ta’ Stat Membru, il-kaptan, l-uffiċjali u l-baħrin jistgħu jikkomunikaw ma’ xulxin b’lingwa/i komuni tax-xogħol;

(e)

ikun hemm mezzi adegwati għall-komunikazzjoni bejn il-vapur u l-awtoritajiet fuq l-art; tali komunikazzjonijiet għandhom jitmexxew skont il-Kapitolu V, Regolament 14, paragrafu 4, tas-SOLAS 74;

(f)

meta jwettqu l-kontroll tal-Istat tal-port skont id-Direttiva 2009/16/KE, l-Istati Membri jikkontrollaw ukoll li l-vapuri li jtajjru l-bandiera ta’ Stat li ma jkunx Stat Membru jikkonformaw ma’ dan l-Artikolu.

(a)

il-baħħara ma jkollhomx ċertifikati, ma jkollhomx ċertifikati xierqa, ma jkollhomx dispensi validi jew ma jipprovdux evidenza dokumentata li tkun saret applikazzjoni għal approvazzjoni li turi li r-rikonoxximent għand l-awtoritajiet tal-Istat tal-bandiera;

(b)

in-nuqqas ta’ konformità mar-rekwiżiti applikabbli ta’ tgħammir sikur tal-Istat tal-bandiera;

(c)

in-nuqqas ta’ konformità mar-rekwiżiti tal-arranġamenti tal-għassa għan-navigazzjoni jew għall-inġinerija speċifikati għall-vapur mill-Istat tal-bandiera;

(d)

in-nuqqas waqt għassa ta’ persuna kkwalifikata sabiex tħaddem tagħmir essenzjali għas-sikurezza tan-navigazzjoni, is-sikurezza tal-komunikazzjonijiet bir-radju jew il-prevenzjoni tat-tniġġis tal-baħar;

(e)

in-nuqqas li tiġi ipprovduta prova ta’ profiċjenza professjonali għax-xogħlijiet mogħtija lill-baħħara għas-sikurezza tal-vapur u l-prevenzjoni tat-tniġġis;

(f)

l-inabilità li jiġu pprovduti persuni għall-ewwel għassa fil-bidu tal-vjaġġ, u għal għases sussegwenti li jidħlu minflokhom, li jkunu mistrieħa biżżejjed u għalhekk tajbin għax-xogħol.