(1)

Minħabba d-dimensjoni transfruntiera tat-trattament tad-data tas-suq, il-kwalità tad-data u l-ħtieġa li jinkisbu ekonomiji ta’ skala, u biex jiġi evitat l-impatt negattiv tad-diverġenzi potenzjali kemm fuq il-kwalità tad-data kif ukoll fuq il-kompitu tal-fornituri ta’ rapportar tad-data, ir-Regolament (UE) 2019/2175 tal-Parlament Ewropew u tal-Kunsill (2) ittrasferixxa s-setgħat ta’ awtorizzazzjoni u ta’ superviżjoni fir-rigward tal-attivitajiet tal-fornituri ta’ servizzi ta’ rapportar tad-data (data reporting services providers, “DRSPs”) fl-Unjoni lill-Awtorità Ewropea tat-Titoli u s-Swieq (European Securities and Markets Authority, “ESMA”).

(2)

Huwa xieraq li jiġu speċifikati r-regoli ta’ proċedura għall-eżerċitar tas-setgħa li jiġu imposti multi u pagamenti perjodiċi ta’ penali mill-ESMA fir-rigward tad-DRSPs fil-kamp ta’ applikazzjoni tas-superviżjoni tagħha. B’mod partikolari, ir-Regolament (UE) Nru 600/2014 jistabbilixxi li dawk ir-regoli ta’ proċedura jenħtieġ li jinkludu dispożizzjonijiet dwar id-drittijiet tad-difiża, il-ġbir ta’ multi jew pagamenti perjodiċi ta’ penali u l-perjodi ta’ preskrizzjoni għall-impożizzjoni u l-infurzar ta’ multi u pagamenti perjodiċi ta’ penali.

(3)

Meta l-ESMA ssib li hemm indikazzjonijiet serji ta’ eżistenza possibbli ta’ fatti li jistgħu jikkostitwixxu ksur wieħed jew aktar tar-rekwiżiti għall-fornituri ta’ servizzi ta’ rapportar tad-data, l-ESMA għandha taħtar uffiċjal tal-investigazzjoni indipendenti fl-ESMA biex jinvestiga l-kwistjoni. Malli titlesta l-investigazzjoni, l-uffiċjal tal-investigazzjoni għandu jagħti lill-persuna soġġetta għall-investigazzjoni l-opportunità li tinstema’. Dan ifisser li l-persuna jenħtieġ li jkollha d-dritt li tagħmel kummenti bil-miktub f’limitu ta’ żmien raġonevoli ta’ mhux inqas minn erba’ ġimgħat qabel l-uffiċjal tal-investigazzjoni jippreżenta s-sejbiet tiegħu quddiem l-ESMA. Il-persuna soġġetta għall-investigazzjoni jenħtieġ li titħalla tiġi assistita minn konsulent tal-għażla tagħha. L-uffiċjal tal-investigazzjoni jenħtieġ li jqis, jekk, bħala riżultat tas-sottomissjonijiet li jkunu saru mill-persuna soġġetta għall-investigazzjoni, ikunx meħtieġ li tiġi emendata d-dikjarazzjoni tas-sejbiet qabel jippreżentaha quddiem l-ESMA.

(4)

L-ESMA jenħtieġ li tivvaluta l-kompletezza tal-fajl ippreżentat mill-uffiċjal tal-investigazzjoni fuq il-bażi ta’ lista ta’ dokumenti. Biex jiġi żgurat li l-persuna soġġetta għall-investigazzjoni tkun tista’ tħejji d-difiża tagħha b’mod adegwat, qabel tadotta deċiżjoni finali fir-rigward ta’ multi jew miżuri superviżorji, l-ESMA jenħtieġ li tagħtihom id-dritt li jipprovdu aktar kummenti bil-miktub.

(5)

Sabiex jiġi żgurat li l-persuni jikkooperaw ma’ investigazzjoni, l-ESMA jenħtieġ li tkun tista’ tieħu ċerti miżuri koerċittivi. Meta l-ESMA tkun ħadet deċiżjoni li tirrikjedi lil persuna ttemm każ ta’ ksur, jew tkun talbet li tipprovdi informazzjoni kompluta jew li tippreżenta rekords, data jew xi materjal ieħor kompluti, jew tkun ħadet deċiżjoni li tagħmel spezzjoni fil-post, din tista’ timponi pagamenti perjodiċi ta’ penali biex il-persuna soġġetta għall-investigazzjoni tiġi mġiegħla tikkonforma mad-deċiżjoni meħuda. Qabel timponi l-pagamenti perjodiċi ta’ penali, l-ESMA jenħtieġ li tagħti lill-persuna l-opportunità li tipprovdi sottomissjonijiet bil-miktub.

(6)

Id-dritt tad-difiża jenħtieġ li jitqies skont il-ħtieġa, f’ċirkostanzi speċifiċi, għal azzjoni urġenti mill-ESMA. Meta azzjoni urġenti skont l-Artikolu 38 l tar-Regolament (UE) Nru 600/2014 tkun iġġustifikata, id-dritt ta’ difiża tal-persuna soġġetta għall-investigazzjoni jenħtieġ li ma jkunx ta’ impediment għall-ESMA milli tieħu miżuri urġenti. F’każ bħal dan, biex tiġi evitata ħsara sinifikanti u imminenti fis-sistema finanzjarja, l-ESMA tista’ tadotta deċiżjoni interim mingħajr ma tagħti lill-persuna soġġetta għall-investigazzjoni l-opportunità li tagħmel sottomissjonijiet. L-ESMA jenħtieġ li tagħti lill-persuna l-opportunità li tinstema’ mill-aktar fis possibbli wara li tadotta d-deċiżjoni interim u qabel ma tiġi adottata deċiżjoni ta’ konferma. Madankollu, il-proċedura jenħtieġ li tagħti d-dritt tal-persuna soġġetta għall-investigazzjoni li tinstema’ minn qabel mill-uffiċjal tal-investigazzjoni.

(7)

Il-fajls imħejjija mill-ESMA u mill-uffiċjal tal-investigazzjoni fihom informazzjoni li hija indispensabbli għall-persuna kkonċernata fit-tħejjija għal proċedimenti ġudizzjarji jew amministrattivi. Wara li persuna soġġetta għal investigazzjoni tkun irċeviet in-notifika ta’ dikjarazzjoni ta’ sejba jew mill-uffiċjal tal-investigazzjoni jew mill-ESMA, il-persuna jenħtieġ li għalhekk tkun intitolata li jkollha aċċess għall-fajl soġġett għall-interess leġittimu ta’ persuni oħrajn fil-protezzjoni tas-sigrieti kummerċjali tagħhom. L-użu tad-dokumenti tal-fajl aċċessati jenħtieġ li jkun permess biss għal proċedimenti ġudizzjarji jew amministrattivi fir-rigward ta’ ksur tar-Regolament (UE) Nru 600/2014.

(8)

Kemm is-setgħa li jiġu imposti multi kif ukoll pagamenti perjodiċi ta’ penali u s-setgħa li jiġu infurzati multi u pagamenti perjodiċi ta’ penali jenħtieġ li jkunu soġġetti għal perjodu ta’ preskrizzjoni. Għal raġunijiet ta’ konsistenza, il-perjodi ta’ preskrizzjoni għall-impożizzjoni u għall-infurzar ta’ multi jew pagamenti perjodiċi ta’ penali jenħtieġ li jqisu l-leġiżlazzjoni eżistenti tal-Unjoni applikabbli għall-impożizzjoni u għall-infurzar ta’ penali fuq l-entitajiet taħt superviżjoni u l-esperjenza tal-ESMA fl-applikazzjoni ta’ din il-leġiżlazzjoni.

(9)

Biex l-ESMA tiżgura s-salvagwardjar tal-multi u tal-penali perjodiċi miġbura, l-ESMA jenħtieġ li tiddepożitahom f’kontijiet bl-imgħax li jinfetħu esklużivament għall-fini ta’ multa waħda jew fuq pagamenti perjodiċi ta’ penali mmirati lejn it-tmiem ta’ ksur wieħed. Bħala kwistjoni ta’ prudenza baġitarja, l-ESMA jenħtieġ li tittrasferixxi biss l-ammonti lill-Kummissjoni ladarba d-deċiżjonijiet ikunu finali minħabba li d-drittijiet ta’ appell ikunu ġew eżawriti jew skadew.

(10)

Biex jiġi żgurat il-funzjonament bla xkiel tal-qafas superviżorju l-ġdid għad-DRSPs, kif introdott fl-Artikolu 4 tar-Regolament (UE) 2019/2175, dan ir-Regolament jenħtieġ li jidħol fis-seħħ b’mod urġenti,

(1)

F’konformità mal-Artikolu 48f u 48 g tar-Regolament (UE) 2016/1011 l-Awtorità Ewropea tat-Titoli u s-Swieq (“ESMA”) għandha s-setgħa li timponi multi u pagamenti perjodiċi ta’ penali taħt ċerti kundizzjonijiet fuq l-amministraturi ta’ parametri referenzjarji taħt is-superviżjoni tagħha. L-Artikolu 48i(10) tar-Regolament (UE) 2016/1011 jirrikjedi li l-Kummissjoni tispeċifika r-regoli ta’ proċedura għall-eżerċitar tas-setgħa li timponi dawn il-multi jew il-pagamenti perjodiċi ta’ penali, inkluż id-drittijiet tad-difiża, il-ġbir ta’ multi jew ta’ pagamenti perjodiċi ta’ penali u l-perjodi ta’ limitazzjoni għall-impożizzjoni u l-infurzar ta’ penali.

(2)

Meta l-ESMA ssib li hemm indikazzjonijiet serji ta’ eżistenza possibbli ta’ fatti li jistgħu jikkostitwixxu ksur wieħed jew aktar tar-rekwiżiti stabbiliti fl-Artikolu 42 tar-Regolament (UE) 2016/1011 għall-amministraturi ta’ parametri referenzjarji taħt is-superviżjoni tagħha, l-ESMA taħtar uffiċjal tal-investigazzjoni indipendenti fl-ESMA biex jinvestiga l-kwistjoni. Mat-tlestija tal-ħidma tiegħu, l-uffiċjal tal-investigazzjoni jenħtieġ li jibgħat fajl komplut lill-ESMA. Li wieħed ikun infurmat b’dawn is-sejbiet u li jkollu l-opportunità li jwieġeb għalihom huwa integrali għad-dritt tad-difiża. Għalhekk, il-persuna li tkun qed tiġi investigata jenħtieġ li tiġi infurmata bis-sejbiet tal-uffiċjal tal-investigazzjoni, u jenħtieġ li jkollha l-opportunità li twieġeb għal dawn is-sejbiet f’limitu ta’ żmien raġonevoli. Il-persuni soġġetti għall-investigazzjoni jenħtieġ li jitħallew jiġu megħjuna minn avukat tal-għażla tagħhom. L-uffiċjal tal-investigazzjoni jenħtieġ li jqis, jekk, bħala riżultat tas-sottomissjonijiet magħmula mill-persuna soġġetta għall-investigazzjoni, huwiex meħtieġ li tiġi emendata d-dikjarazzjoni tas-sejbiet qabel ma jissottomettiha lill-ESMA.

(3)

L-ESMA jenħtieġ li tivvaluta l-kompletezza tal-fajl sottomess mill-uffiċjal tal-investigazzjoni abbażi ta’ lista ta’ dokumenti. Sabiex jiġi żgurat li l-persuna soġġetta għall-investigazzjoni tkun tista’ tħejji d-difiża tagħha b’mod adegwat, qabel ma tiġi adottata deċiżjoni finali fir-rigward ta’ multi jew ta’ miżuri superviżorji, l-ESMA jenħtieġ li tiżgura li tingħata l-opportunità li tipprovdi aktar kummenti bil-miktub ulterjuri.

(4)

Sabiex jiġi żgurat li l-persuna soġġetta għall-investigazzjoni tikkoopera ma’ investigazzjoni, l-ESMA jenħtieġ li tkun tista’ tieħu ċerti miżuri koerċittivi. Meta l-ESMA tkun ħadet deċiżjoni li tirrikjedi li persuna ttemm ksur, jew tkun talbet li tipprovdi informazzjoni kompleta jew li tissottometti rekords, data jew kwalunkwe materjal ieħor b’mod komplet, jew tkun ħadet deċiżjoni biex twettaq spezzjoni fuq il-post, hija tista’ timponi pagamenti perjodiċi ta’ penali sabiex il-persuna soġġetta għall-investigazzjoni tiġi mġiegħla tikkonforma mad-deċiżjoni meħuda. Qabel ma timponi pagamenti perjodiċi ta’ penali, l-ESMA jenħtieġ li tipprovdi lill-persuna l-opportunità li tipprovdi sottomissjonijiet bil-miktub.

(5)

Peress li l-uffiċjal tal-investigazzjoni jwettaq il-ħidma tiegħu b’mod indipendenti, l-ESMA jenħtieġ li ma tkunx marbuta bil-fajl li jkun ħejja. Madankollu, biex jiġi żgurat li l-persuna soġġetta għall-investigazzjoni tkun tista’ tħejji d-difiża tagħha b’mod adegwat, fejn l-ESMA ma taqbilx, jenħtieġ li l-persuna tiġi infurmata u jenħtieġ li tingħata l-opportunità li twieġeb.

(6)

Sabiex jiġi żgurat li l-persuna soġġetta għall-investigazzjoni tkun tista’ tħejji d-difiża tagħha b’mod adegwat, jenħtieġ li din tiġi infurmata u jenħtieġ li jkollha l-opportunità li twieġeb fejn l-ESMA taqbel mas-sejbiet kollha tal-uffiċjal tal-investigazzjoni jew ma’ parti minnhom,

(7)

Id-dritt li wieħed jinstema’ jenħtieġ li jiġi ppeżat kontra l-ħtieġa, f’ċirkostanzi speċifiċi, għal azzjoni urġenti mill-ESMA. Meta azzjoni urġenti skont l-Artikolu 48e tar-Regolament (UE) 2016/1011 tkun iġġustifikata, id-dritt li wieħed jinstema’ tal-persuna soġġetta għall-investigazzjoni jenħtieġ li ma jkunx impediment għall-ESMA biex tieħu miżuri urġenti. F’tali każijiet, id-dritt li wieħed jinstema’ tal-persuna soġġetta għall-investigazzjoni jenħtieġ li jiġi żgurat mill-aktar fis possibbli wara li tittieħed id-deċiżjoni. Madankollu, jenħtieġ li l-proċedura tagħti d-dritt tal-persuna soġġetta għall-investigazzjoni li tinstema’ mill-uffiċjal tal-investigazzjoni.

(8)

Is-setgħa tal-ESMA li timponi pagament perjodiku ta’ penali jenħtieġ li tiġi eżerċitata b’kunsiderazzjoni xierqa għad-dritt għad-difiża u jenħtieġ li ma tinżammx lil hinn mill-perjodu meħtieġ. Meta l-ESMA tieħu deċiżjoni li timponi pagament perjodiku ta’ penali, il-persuna kkonċernata jenħtieġ għalhekk li jkollha l-opportunità li tinstema’ u kwalunkwe pagament ta’ penali jenħtieġ li ma jibqax dovut mill-mument li l-persuna kkonċernata tikkonforma mal-ordni tal-ESMA li jkun relatat magħha.

(9)

Il-fajls ippreparati mill-ESMA u mill-uffiċjal tal-investigazzjoni fihom informazzjoni li hija indispensabbli għall-persuna kkonċernata fit-tħejjija għal proċedimenti ġudizzjarji jew amministrattivi. Wara li persuna soġġetta għal investigazzjoni tkun irċeviet in-notifika ta’ dikjarazzjoni tas-sejba jew mill-uffiċjal tal-investigazzjoni jew mill-ESMA, il-persuna jenħtieġ li tkun intitolata li jkollha aċċess għall-fajl soġġett għall-interess leġittimu ta’ persuni oħrajn fil-protezzjoni tas-sigrieti kummerċjali tagħhom. L-użu ta’ dokumenti tal-fajl aċċessati jenħtieġ li jkun permess biss għal proċeduri ġudizzjarji jew amministrattivi fir-rigward ta’ ksur tal-Artikolu 42 tar-Regolament (UE) 2016/1011.

(10)

Kemm is-setgħa li jiġu imposti multi kif ukoll il-pagamenti perjodiċi ta’ penali u s-setgħa li jiġu infurzati multi u penali perjodiċi jenħtieġ li jiġu eżerċitati fi ħdan żmien raġonevoli, u għalhekk jenħtieġ li jkunu soġġetti għal perjodu ta’ preskrizzjoni. Għal raġunijiet ta’ konsistenza, il-perjodi ta’ preskrizzjoni għall-impożizzjoni u l-infurzar ta’ multi jew pagamenti perjodiċi ta’ penali jenħtieġ li jqisu l-leġiżlazzjoni eżistenti tal-Unjoni applikabbli għall-impożizzjoni u l-infurzar ta’ penali fuq entitajiet taħt superviżjoni u l-esperjenza tal-ESMA fl-applikazzjoni ta’ tali leġiżlazzjoni. Sabiex l-ESMA tiżgura s-salvagwardja tal-multi u tal-penali perjodiċi miġbura, jenħtieġ li l-ESMA tiddepożitahom f’kontijiet li jġorru l-imgħax li jinfetħu esklussivament għall-fini ta’ multa unika jew pagamenti perjodiċi ta’ penali li jkollhom l-għan li jtemmu ksur wieħed. Bħala kwistjoni ta’ prudenza baġitarja, l-ESMA jenħtieġ li tittrasferixxi biss l-ammonti lill-Kummissjoni ladarba d-deċiżjonijiet ikunu finali minħabba li d-drittijiet ta’ appell ikunu ġew eżawriti jew skaduti.

(11)

F’konformità mar-Regolament (UE) 2021/168 tal-Parlament Ewropew u tal-Kunsill (2), il-parametri referenzjarji ta’ pajjiżi terzi jistgħu jintużaw fl-Unjoni mingħajr il-ħtieġa li l-amministraturi rilevanti jfittxu ekwivalenza, rikonoxximent jew approvazzjoni f’perjodu tranżitorju estiż sal-2023. Matul dan il-perjodu tranżitorju, ir-rikonoxximent fl-Unjoni huwa reġim ta’ inklużjoni fakultattiva għall-amministraturi ta’ parametri referenzjarji li jinsabu f’pajjiżi terzi, li jindika li l-parametri referenzjarji tagħhom se jibqgħu disponibbli għall-użu fl-Unjoni wara li jintemm il-perjodu tranżitorju. B’konsegwenza ta’ dan, matul tali perjodu, id-dispożizzjonijiet dwar il-multi jenħtieġ li japplikaw biss għall-amministraturi li jinsabu f’pajjiżi terzi li jkunu applikaw b’mod volontarju għal rikonoxximent qabel l-iskadenza tal-perjodu tranżitorju introdott mir-Regolament (UE) 2021/168 u fejn l-awtorità nazzjonali kompetenti rilevanti jew l-ESMA tkun tat rikonoxximent.

(12)

Dan ir-Regolament jenħtieġ li jidħol fis-seħħ b’urġenza biex tiġi żgurata l-applikazzjoni bla xkiel tas-setgħat superviżorji l-ġodda attribwiti lill-ESMA,

(1)

L-Artikolu 48 l tar-Regolament (UE) 2016/1011 jirrikjedi li l-ESMA titlob lill-amministraturi ta’ parametri referenzjarji kritiċi u lill-amministraturi ta’ parametri referenzjarji ta’ pajjiżi terzi tariffi assoċjati mal-applikazzjonijiet għal awtorizzazzjoni skont l-Artikolu 34 u għal rikonoxximent skont l-Artikolu 32 ta’ dak ir-Regolament u t-tariffi annwali assoċjati mat-twettiq tal-kompiti tagħha f’konformità ma’ dak ir-Regolament fir-rigward ta’ parametri referenzjarji kritiċi u amministraturi ta’ parametri referenzjarji rikonoxxuti ta’ pajjiżi terzi. L-Artikolu 48 l(2) tar-Regolament (UE) 2016/1011 jirrikjedi li tali tariffi jkunu proporzjonati għall-fatturat tal-amministratur tal-parametru referenzjarju kkonċernat u jkopru l-kostijiet kollha mġarrba mill-ESMA għall-awtorizzazzjoni jew għar-rikonoxximent u għat-twettiq tal-kompiti tagħha fir-rigward tal-amministraturi ta’ parametri referenzjarji kritiċi u tal-amministraturi ta’ parametri referenzjarji ta’ pajjiżi terzi f’konformità ma’ dak ir-Regolament.

(2)

It-tariffi imposti għall-attivitajiet tal-ESMA relatati mal-amministraturi ta’ parametri referenzjarji kritiċi u ta’ parametri referenzjarji ta’ pajjiżi terzi jenħtieġ li jiġu stabbiliti f’livell sabiex tiġi evitata akkumulazzjoni sinifikanti ta’ defiċit jew surplus. Fejn ikun hemm surplus jew defiċit sinifikanti rikorrenti, il-livell tat-tariffi jenħtieġ li jiġi rivedut.

(3)

It-tariffi assoċjati mal-applikazzjonijiet għal awtorizzazzjoni (“tariffi ta’ awtorizzazzjoni”) u rikonoxximent (“tariffi ta’ rikonoxximent”) jenħtieġ li jiġu imposti fuq l-amministraturi ta’ parametri referenzjarji kritiċi u ta’ pajjiżi terzi biex ikopru l-kostijiet tal-ESMA għall-ipproċessar tal-applikazzjonijiet għal awtorizzazzjoni u rikonoxximent, inkluż il-kostijiet għall-verifika li l-applikazzjonijiet huma kompluti, għat-talba għal informazzjoni addizzjonali, għall-abbozzar ta’ deċiżjonijiet u kostijiet relatati mal-valutazzjoni tal-importanza sistemika ta’ parametri referenzjarji kritiċi kif ukoll il-konformità ta’ amministraturi ta’ parametri referenzjarji ta’ pajjiżi terzi.

(4)

Meta wieħed iqis li l-valutazzjoni tal-applikazzjonijiet hija ugwalment intensiva fir-riżorsi kemm jekk tiġi sottomessa minn amministraturi kbar kif ukoll żgħar, it-tariffa ta’ rikonoxximent jenħtieġ li tkun tariffa ta’ rikonoxximent ta’ somma f’daqqa identika għall-amministraturi kollha ta’ pajjiżi terzi.

(5)

Abbażi tal-ammont ta’ xogħol mistenni u l-kost li dan jirrappreżenta għall-ESMA, li għandu jkun kopert bis-sħiħ mit-tariffa ta’ rikonoxximent ta’ darba, il-kost tal-valutazzjoni ta’ applikazzjoni għal rikonoxximent jenħtieġ li jiġi stabbilit għal EUR 40 000.

(6)

Il-parametri referenzjarji kritiċi huma soġġetti għal skrutinju aktar intens skont ir-Regolament (UE) 2016/1011, u l-amministraturi tagħhom iridu jikkonformaw ma’ rekwiżiti organizzazzjonali aktar stretti. B’riżultat ta’ dan, il-proċess ta’ awtorizzazzjoni jirrappreżenta ammont ta’ xogħol ogħla għall-ESMA. Għalhekk, it-tariffa ta’ awtorizzazzjoni għall-amministratur ta’ parametru referenzjarju kritiku jenħtieġ li tkun ogħla b’mod sinifikanti mit-tariffa għall-valutazzjoni ta’ applikazzjoni għal rikonoxximent.

(7)

Sabiex jiġu promossi l-kwalità u l-kompletezza tal-applikazzjonijiet riċevuti u f’konformità mal-approċċ tal-ESMA lejn ir-reġistrazzjoni tal-entitajiet li tissorvelja, it-tariffa ta’ rikonoxximent jenħtieġ li tkun dovuta fiż-żmien tas-sottomissjoni tal-applikazzjoni.

(8)

It-tariffi annwali għandhom jiġu imposti wkoll fuq l-amministraturi ta’ parametri referenzjarji kritiċi u ta’ parametru referenzjarju rikonoxxut ta’ pajjiż terz biex ikopru l-kostijiet tal-ESMA għat-twettiq tal-kompiti tagħha skont ir-Regolament (UE) 2016/1011 fir-rigward tas-superviżjoni kontinwa ta’ tali amministraturi. Għal parametri referenzjarji ta’ pajjiżi terzi, tali tariffi jenħtieġ li jkopru l-implimentazzjoni u ż-żamma ta’ arranġamenti ta’ kooperazzjoni ma’ awtoritajiet ta’ pajjiżi terzi u l-monitoraġġ ta’ żviluppi regolatorji u superviżorji f’pajjiżi terzi. Għal parametri referenzjarji kritiċi, it-tariffi jenħtieġ li jkopru wkoll l-ispejjeż sostnuti mill-ESMA fir-rigward tas-superviżjoni fuq bażi kontinwa tal-konformità minn dawk l-amministraturi mar-rekwiżiti stabbiliti fl-Artikolu 48 l u fit-Titoli VI tar-Regolament (UE) 2016/1011, inkluż permezz ta’ konformità komparabbli, fejn tingħata.

(9)

Il-kost tas-superviżjoni kontinwa ta’ parametru referenzjarju kritiku jiddependi fuq jekk dan jirrikjedix li l-ESMA tikkostitwixxi u tippresjedi kulleġġ ta’ superviżuri għal dak il-parametru referenzjarju, li jirrappreżenta ammont ta’ xogħol addizzjonali konsiderevoli. B’riżultat ta’ dan, huwa xieraq li ssir distinzjoni bejn iż-żewġ każijiet fl-istabbiliment ta’ tariffi ta’ superviżjoni. B’kuntrast ma’ dan, jenħtieġ li fil-kategorija ta’ parametri referenzjarji kritiċi ma jkunx meħtieġ li ssir distinzjoni bejn it-tariffi ta’ superviżjoni f’konformità mal-fatturat annwali tal-amministratur, peress li l-parametri referenzjarji kritiċi minnhom infushom għandhom impatt sistemiku fl-Unjoni.

(10)

L-applikazzjoni għal rikonoxximent fl-Unjoni hija deċiżjoni li tittieħed mill-amministraturi ta’ parametri referenzjarji ta’ pajjiżi terzi għal raġunijiet kummerċjali, peress li l-offerta tal-parametri referenzjarji tagħhom fl-Unjoni hija mistennija li tiġġenera dħul. Għalhekk, għall-amministraturi ta’ parametri referenzjarji rikonoxxuti ta’ pajjiżi terzi, it-tariffi superviżorji jenħtieġ li jiġu modulati bħala funzjoni tad-dħul li jirriżultaw mill-użu ta’ dawn il-parametri referenzjarji fl-Unjoni. F’każijiet fejn ma jiġi ġġenerat l-ebda dħul, jenħtieġ li tiġi stabbilita tariffa superviżorja minima għal EUR 20 000.

(11)

Sabiex jiġu skoraġġuti applikazzjonijiet ripetuti jew bla bażi, jenħtieġ li t-tariffi ta’ rikonoxximent u ta’ awtorizzazzjoni ma jiġux rimborżati f’każ fejn applikant jirtira l-applikazzjoni tiegħu. Peress li l-ħidma amministrattiva meħtieġa fil-każ ta’ applikazzjoni għal rikonoxximent jew għal awtorizzazzjoni li tiġi rrifjutata hija l-istess bħal dik meħtieġa fil-każ ta’ applikazzjoni li tiġi aċċettata, it-tariffi ta’ rikonoxximent u t-tariffi ta’ awtorizzazzjoni jenħtieġ li ma jiġux rimborżati jekk l-awtorizzazzjoni jew ir-rikonoxximent jiġi rifjutat.

(12)

F’konformità mar-Regolament (UE) 2021/168 tal-Parlament Ewropew u tal-Kunsill (2), il-parametri referenzjarji ta’ pajjiżi terzi jistgħu jintużaw fl-Unjoni mingħajr il-ħtieġa li l-amministraturi rilevanti jfittxu ekwivalenza, rikonoxximent jew approvazzjoni f’perjodu tranżitorju estiż sal-2023. Matul dan il-perjodu tranżitorju, ir-rikonoxximent fl-Unjoni huwa reġim ta’ inklużjoni fakultattiva għall-amministraturi ta’ parametri referenzjarji li jinsabu f’pajjiżi terzi, li jindika li l-parametri referenzjarji tagħhom se jibqgħu disponibbli għall-użu fl-Unjoni wara li jintemm il-perjodu tranżitorju. B’konsegwenza, matul tali perjodu, id-dispożizzjonijiet dwar it-tariffi ta’ rikonoxximent u superviżorji jenħtieġ li japplikaw biss għall-amministraturi li jinsabu f’pajjiżi terzi li jkunu applikaw b’mod volontarju għal rikonoxximent qabel l-iskadenza tal-perjodu tranżitorju introdott mir-Regolament (UE) 2021/168 u fejn l-awtorità nazzjonali kompetenti rilevanti jew l-ESMA tkun tat rikonoxximent.

(13)

Dan ir-Regolament jenħtieġ li jidħol fis-seħħ b’urġenza biex tiġi żgurata l-applikazzjoni bla xkiel tas-setgħat superviżorji l-ġodda attribwiti lill-ESMA,

(1)

Fis-16 ta’ Ġunju 2020, il-Kummissjoni Ewropea (“il-Kummissjoni”) imponiet dazji anti-dumping definittivi u dazji kumpensatorji definittiv fuq l-importazzjonijiet ta’ ċerti materjali tal-fibra tal-ħġieġ minsuġa u/jew meħjuta (Glass Fibre Fabrics, “GFF”) li joriġinaw mir-Repubblika tal-Poplu taċ-Ċina (ir-“RPĊ”) u mill-Eġittu permezz tar-Regolament ta’ Implimentazzjoni tal-Kummissjoni (UE) 2020/492 (ir-“Regolament GFF AD”) (3) u tar-Regolament ta’ Implimentazzjoni tal-Kummissjoni (UE) 2020/776 (ir-“Regolament GFF AS”) (4) (“il-miżuri eżistenti”), rispettivament.

(2)

Ir-Regolament (UE) 2018/825 tal-Parlament Ewropew u tal-Kunsill (5), li daħal fis-seħħ fit-8 ta’ Ġunju 2018 (“Il-pakkett tal-Modernizzazzjoni tat-TDI”), introduċa l-Artikoli l-ġodda 14a u 24a fir-Regolament anti-dumping bażiku u fir-Regolament antisussidji bażiku, rispettivament.

(3)

Skont dawn l-Artikoli, dazju anti-dumping jew kumpensatorju jista’ jiġi impost ukoll fuq kwalunkwe prodott oġġett ta’ dumping jew sussidjat miġjub fi kwantitajiet sinifikanti lejn gżira artifiċjali, installazzjoni fissa jew li żżomm f’wiċċ l-ilma jew kwalunkwe struttura oħra fil-blata kontinentali ta’ Stat Membru jew fiż-żona ekonomika esklużiva ddikjarata minn Stat Membru skont l-UNCLOS (“BK/ŻEE”) (6), fejn dan jikkawża dannu lill-industrija tal-Unjoni.

(4)

L-istess Artikoli jipprovdu li l-Kummissjoni jenħtieġ li tadotta atti ta’ implimentazzjoni li jistabbilixxu l-kundizzjonijiet għat-tiġrib ta’ tali dazji, kif ukoll il-proċeduri relatati man-notifika u d-dikjarazzjoni ta’ tali prodotti u l-ħlas ta’ tali dazji, inkluż l-irkupru, il-ħlas lura u r-remissjoni (“għodda doganali”), u li l-Kummissjoni jenħtieġ li timponi dazji bħal dawn biss mid-data li fiha l-għodda doganali tkun operazzjonali. L-għodda doganali (7) saret applikabbli fit-2 ta’ Novembru 2019.

(5)

Fis-27 ta’ Mejju 2021, il-Kummissjoni ppubblikat Avviż (8) li jiftaħ mill-ġdid l-investigazzjonijiet li jwasslu għall-miżuri anti-dumping u dawk kumpensatorji fuq l-importazzjonijiet ta’ ċerti materjali tal-fibra tal-ħġieġ minsuġa u/jew meħjuta li joriġinaw mir-RPĊ u mill-Eġittu.

(6)

Il-ftuħ mill-ġdid kien limitat fl-ambitu tal-eżami ta’ jekk il-miżuri għandhomx jiġu applikati għal ċerti materjali tal-fibra tal-ħġieġ minsuġa u/jew meħjuta li joriġinaw mir-RPĊ u mill-Eġittu (“il-pajjiżi kkonċernati”) miġjuba fi kwantitajiet sinifikanti fil-BK/ŻEE peress li l-għodda doganali ma kinitx applikabbli meta nbdew l-investigazzjonijiet li wasslu għall-miżuri eżistenti u, għalhekk, il-Kummissjoni ma setgħetx tikkonkludi dwar jekk l-estensjoni tad-dazji għall-BK/ŻEE kinitx xierqa.

(7)

Il-Kummissjoni kellha għad-dispożizzjoni tagħha biżżejjed evidenza li GFF li joriġinaw mir-RPĊ u mill-Eġittu kienu qed jinġiebu fi kwantitajiet sinifikanti taħt ir-reġim tal-ipproċessar attiv sabiex jiġu pproċessati fi xfafar eoliċi li mbagħad kienu esportati lejn parks eoliċi lil hinn mill-kosta fil-BK/ŻEE, u li dan jikkawża dannu lill-industrija tal-Unjoni. Parti minn din l-evidenza kienet ipprovduta mill-industrija tal-UE. Nota għall-fajl li jkun fih l-evidenza disponibbli għall-Kummissjoni kienet disponibbli għall-partijiet interessati.

(8)

Il-Kummissjoni nnotifikat lill-partijiet interessati li kkooperaw fl-investigazzjonijiet li wasslu għall-miżuri eżistenti, jiġifieri l-Missjoni tar-Repubblika tal-Poplu taċ-Ċina, il-Missjoni tal-Eġittu, il-produtturi esportaturi u l-kumpaniji relatati tagħhom fir-RPĊ u fl-Eġittu, il-produtturi tal-Unjoni, l-importaturi mhux relatati fl-Unjoni, u l-utenti fl-Unjoni dwar il-ftuħ mill-ġdid tal-investigazzjonijiet.

(9)

Il-partijiet interessati ngħataw l-opportunità li jippreżentaw l-opinjonijiet tagħhom bil-miktub u jitolbu smigħ mal-Kummissjoni u/jew mal-Uffiċjal tas-Seduta fi proċedimenti kummerċjali skont iż-żmien stipulat fir-Regolament dwar l-avviż. Ħadd mill-partijiet interessati ma talab seduta ta’ smigħ la mal-Kummissjoni u lanqas mal-uffiċjal tas-seduta fil-proċedimenti kummerċjali.

(10)

Il-Kummissjoni bagħtet kwestjonarju lill-partijiet interessati li kkooperaw fl-investigazzjonijiet li wasslu għall-miżuri eżistenti.

(11)

Il-Kummissjoni rċeviet tweġibiet għall-kwestjonarju mingħand erba’ produtturi tal-Unjoni, l-assoċjazzjoni tal-industrija tal-Unjoni u utent wieħed.

(12)

Ma waslet l-ebda tweġiba għall-kwestjonarju mill-produtturi esportaturi. Il-Kummissjoni nnotifikat lill-Missjonijiet tar-RPĊ u lill-Eġittu li minħabba l-kooperazzjoni insuffiċjenti mill-produtturi esportaturi fir-RPĊ u fl-Eġittu, kien beħsiebha tapplika l-Artikolu 18 tar-Regolament bażiku anti-dumping u l-Artikolu 28 tar-Regolament bażiku antisussidji rispettivament u għalhekk tibbaża s-sejbiet tagħha fuq il-fatti disponibbli. Ma wasal l-ebda kumment b’risposta għal din in-notifika.

(13)

Il-perjodu tal-investigazzjoni kien l-istess bħal matul l-investigazzjonijiet oriġinali, jiġifieri mill-1 ta’ Jannar 2018 sal-31 ta’ Diċembru 2018 (“il-perjodu oriġinali tal-investigazzjoni”).

(14)

Il-prodott li qed jiġi investigat huwa l-istess bħal fl-investigazzjonijiet li waslu għall-impożizzjoni tal-miżuri eżistenti jiġifieri materjali tal-fibra tal-ħġieġ bil-filament kontinwu minsuġa u/jew meħjuta u/jew ħjut b’elementi oħra jew mingħajrhom, minbarra prodotti li huma mimlijin jew mimlijin minn qabel (pre-preg), u bl-esklużjoni ta’ drappijiet b’malja miftuħa b’ċelloli ta’ aktar minn 1,8 mm kemm fit-tul kif ukoll fil-wisa’ u li jiżen iktar minn 35 g/m2, li bħalissa jaqgħu taħt il-kodiċijiet NM ex 7019 61 00, ex 7019 62 00, ex 7019 63 00, ex 7019 64 00, ex 7019 65 00, ex 7019 66 00, ex 7019 69 10, ex 7019 69 90, u ex 7019 90 00 (il-kodiċijiet TARIC 7019610081, 7019610083, 7019610084, 7019620081, 7019620083, 7019620084, 7019630081, 7019630083, 7019630084, 7019640081, 7019640083, 7019640084, 7019650081, 7019650083, 7019650084, 7019660081, 7019660083, 7019660084, 7019691081, 7019691083, 7019691084, 7019699081, 7019699083, 7019699084, 7019900081, 7019900083 u 7019900084), u li joriġinaw mir-Repubblika tal-Poplu taċ-Ċina u l-Eġittu (“il-prodott li qed jiġi investigat”).

(15)

Il-Missjoni tal-Eġittu qajmet dubji dwar il-legalità tad-dispożizzjonijiet il-ġodda tar-Regolamenti bażiċi anti-dumping u antisussidji (l-Artikoli 14a u 24a tar-Regolamenti bażiċi rispettivi) skont il-Konvenzjoni tan-Nazzjonijiet Uniti dwar il-Liġi tal-Baħar (“UNCLOS”) u r-Regoli Doganali tal-Unjoni.

(16)

Il-Kummissjoni ċaħdet l-affermazzjoni. L-Artikolu 1(2) tar-Regolament (UE) Nru 952/2013 tal-Parlament Ewropew u tal-Kunsill (9) jipprevedi b’mod espliċitu li ċerti dispożizzjonijiet tal-leġiżlazzjoni doganali jistgħu japplikaw barra mit-territorju doganali tal-Unjoni fil-qafas tal-leġiżlazzjoni li tirregola oqsma speċifiċi jew ta’ konvenzjoni internazzjonali UNCLOS hija parti mid-dritt tal-Unjoni. Iż-Żona Ekonomika Esklużiva hija rregolata mill-Parti V tal-UNCLOS, waqt li l-blata kontinentali tinsab fil-Parti VI tal-UNCLOS. L-Artikolu 56 tal-UNCLOS jiddefinixxi “Drittijiet, ġurisdizzjoni u d-doveri ta’ Stat kostali fiż-żona ekonomika esklużiva”, li jinkludu “l-istabbiliment u l-użu ta’ gżejjer artifiċjali, installazzjonijet u strutturi”. L-Artikolu 60(2) tal-UNCLOS jipprovdi li “l-Istat kostali għandu jkollu ġurisdizzjoni esklużiva fuq tali gżejjer artifiċjali, installazzjonijiet u strutturi, inkluża l-ġurisdizzjoni fir-rigward tal-liġijiet u r-regolamenti doganali, fiskali, tas-saħħa, tas-sikurezza u tal-immigrazzjoni”. L-elenku ta’ kwistjonijiet enumerati f’din id-dispożizzjoni mhux eżawrjenti. L-Artikolu 80 tal-UNCLOS jagħmel applikabbli l-Artikolu 60 ukoll għall-Blata Kontinentali. It-Tribunal Internazzjonali għal-Liġi tal-Baħar ipprovda gwida ulterjuri dwar id-dispożizzjoni tal-UNCLOS. Fis-sentenza M/V tagħha “Saiga” huwa sostna li “fiż-żona ekonomika esklużiva, l-Istat kostali għandu ġurisdizzjoni sabiex japplika liġijiet u regolamenti doganali fir-rigward ta’ gżejjer artifiċjali, installazzjonijiet u strutturi (l-Artikolu 60, il-paragrafu 2). Fid-dawl tat-Tribunal, il-Konvenzjoni ma tagħtix is-setgħa lil Stat kostali li japplika l-liġijiet doganali tiegħu fir-rigward ta’ kwalunkwe parti oħra taż-żona ekonomika esklussiva mhux imsemmija hawn fuq” (10). Abbażi ta’ dan, skont UNCLOS, l-Unjoni għandha l-kompetenza li timponi dazji anti-dumping u kumpensatorji, li huma parti mil-“liġijiet u r-regolamenti doganali, fiskali”. Fil-fatt, l-awtorità tal-Unjoni li tagħmel ir-regoli testendi wkoll għall-oqsma li fuqhom l-Istati Membri għandhom drittijiet sovrani skont id-dritt internazzjonali pubbliku (11). Fit-total, il-Kummissjoni kkonkludiet li ma hemm l-ebda raġuni biex tilqa’ t-talba mill-Missjoni tal-Eġittu biex ma jiġux applikati l-Artikoli 14a u 24a tar-Regolamenti rispettivi.

(17)

Il-Kummissjoni investigat, fost l-oħrajn, l-operazzjonijiet li ġejjin matul il-perjodu ta’ investigazzjoni oriġinali:

(18)

Żewġ utenti oriġinarjament ikkooperaw fl-investigazzjoni: Siemens Gamesa Renewable Energy, S.A (“SGRE”) u Vestas Wind Systems A/S (“Vestas”). Madankollu, wara l-ftuħ mill-ġdid tal-investigazzjonijiet, SGRE biss issottomettiet tweġiba għall-kwestjonarju.

(19)

Kif iddikjarat fil-premessa (469) tar-Regolament dwar il-GFF AD u l-premessa (1079) tar-Regolament GFF AS, dawn iż-żewġ utenti huma fost l-akbar produtturi tat-turbini eoliċi fl-Unjoni, li flimkien jikkunsmaw aktar minn 20 % tad-domanda kollha tal-Unjoni tal-GFF. Flimkien jimportaw aktar minn 30 % tal-importazzjonijiet kollha mill-pajjiżi kkonċernati.

(20)

Kif iddikjarat fil-premessa (464) tar-Regolament AD tal-GFF u fil-premessa (1075) tar-Regolament GFF AS, il-produtturi tat-turbini eoliċi huma l-akbar utenti tal-GFF li jammontaw għal madwar 60-70 % tad-domanda għall-GFF fl-Unjoni. L-utenti l-oħra jinkludu l-produtturi ta’ dgħajjes (madwar 11 %), trakkijiet (madwar 8 %) u tagħmir sportiv (madwar 2 %), kif ukoll il-fornituri tas-sistemi ta’ tiswija tal-pajpijiet (madwar 8 %).

(21)

Il-produtturi tat-turbini eoliċi jużaw il-GFF għall-manifattura ta’ xfafar għall-installazzjonijiet tat-torrijiet eoliċi fil-kontinent li mbagħad jiġu ttrasportati u installati fuq l-art jew lil hinn mill-kosta fil-BK/ŻEE.

(22)

Skont it-Tabella 2 tar-Regolament AD tal-GFF u r-Regolament AS tal-GFF, il-konsum totali tal-GFF ammonta għal 168 270 tunnellata fil-perjodu ta’ investigazzjoni.

(23)

Matul il-perjodu ta’ investigazzjoni tal-investigazzjoni oriġinali, fl-UE żdiedu madwar 2 600 MW ta’ kapaċitajiet ġodda tat-teknoloġija eolika lil hinn mill-kosta. Turbina eolika lil hinn mill-kosta ta’ 8 MW tuża 60 tunnellata ta’ GFF għat-tliet xfafar eoloċi. Għaldaqstant, l-installazzjonijiet offshore tal-EU28 fl-2018 kienu jeħtieġu madwar 19 958 tunnellata ta’ GFF, u installazzjonijiet offshore tal-EU27 madwar 10 118 tunnellata.

(24)

Fl-2018 ma kien hemm l-ebda importazzjoni taħt ir-reġim ta’ proċessar attiv mill-Eġittu. Bħala Parti għall-konvenzjoni pan-Ewro-Mediterranja, l-Eġittu jibbenefika minn trattament tariffarju preferenzjali. Għalhekk, l-importazzjonijiet tal-GFF mill-Eġittu huma soġġetti għal tariffi preferenzjali ta’ 0 % għall-kuntrarju tat-tariffi tal-pajjiż l-aktar favorit ta’ 5-7 %. Minn dan isegwi li fl-2018 ma kien hemm l-ebda ġustifikazzjoni ekonomika għall-partijiet biex jimportaw il-GFF taħt ir-reġim ta’ proċessar attiv mill-Eġittu.

(25)

Fit-tweġiba għall-kwestjonarju, SGRE indikat li ma importat l-ebda GFF mill-Eġittu maħsub għall-użu fil-BK/ŻEE matul il-perjodu ta’ investigazzjoni. Vestas ma pprovdiet l-ebda tweġiba għall-kwestjonarju li titfa’ dawl fuq din il-kwistjoni. F’dan ir-rigward, il-Kummissjoni nnotat li diġà matul l-investigazzjoni oriġinali, Vestas naqset milli tidentifika separatament l-importazzjonijiet li joriġinaw mill-Eġittu. Madankollu, abbażi tal-informazzjoni sottomessa fl-investigazzjoni, u b’mod partikolari d-data pprovduta direttament mill-esportaturi Eġizzjani, Vestas importat kwantitajiet sinifikanti ta’ GFF mill-Eġittu bir-reġim normali, li jammontaw għal bejn 5 % u 8 % tal-importazzjonijiet tal-EU28 u bejn 2 % u 5 % tal-konsum tal-EU28 (13). Dawn l-ishma jkunu ogħla b’mod sinifikanti bħala proporzjon taċ-ċifri tal-EU27.

(26)

Fl-istess ħin, Vestas kellu installazzjonijiet offshore ġodda sinifikanti tal-UE fl-2018, li jammontaw għal 30-50 % tal-installazzjonijiet ġodda kollha bħal dawn fl-EU28 u fl-EU27. Dan jindika li kwantitajiet sinifikanti ta’ GFF Eġizzjan iddaħħlu fil-BK/ŻEE matul il-perjodu ta’ investigazzjoni tal-investigazzjoni oriġinali. Ma hemm l-ebda informazzjoni fil-fajl li tikkontradixxi din il-konklużjoni.

(27)

Din il-konklużjoni hija sostnuta wkoll mill-fatt li l-importazzjonijiet tal-GFF li joriġinaw mill-Eġittu seħħew immedjatament wara l-impożizzjoni ta’ miżuri taħt ir-reġim ta’ proċessar attiv (aktar minn 230 tunnellata fit-tieni nofs tal-2020).

(28)

Għalhekk, abbażi tal-evidenza disponibbli, il-Kummissjoni kkonkludiet li ddaħħlu kwantitajiet sinifikanti fil-BK/ŻEE mill-Eġittu, u dan ikkontribwixxa għad-dannu diġà stabbilit fl-investigazzjoni oriġinali.

(29)

Fl-2018 il-volum tal-importazzjonijiet tal-GFF skont il-proċedura ta’ proċessar attiv miċ-Ċina ammonta għal 5 343 tunnellata. Minn dan, l-importazzjonijiet tal-Istati Membri b’installazzjonijiet offshore ammontaw għal 4 835 tunnellata li 15 % minnhom kienu jikkorrispondu għar-Renju Unit.

(30)

Bi tweġiba għall-kwestjonarju, SGRE rrapportat importazzjonijiet tal-GFF mir-RPĊ kemm taħt reġim ta’ proċessar attiv kif ukoll taħt reġim normali għall-BK/ŻEE fl-Unjoni. Il-volumi ta’ proċessar attiv għall-EU27 biss irrappreżentaw bejn 1 % u 3 % tal-konsum totali tal-GFF tal-EU28 u bejn 4 % u 7 % tal-importazzjonijiet totali tal-GFF tal-EU28 matul il-perjodu ta’ investigazzjoni (14). Dan jimplika li s-sehem fl-importazzjonijiet tal-EU27 u l-konsum tal-EU27 ikun saħansitra akbar. Minħabba li dawn il-kwantitajiet huma ogħla mil-livelli de minimis, weħedhom huma sinifikanti biżżejjed biex jikkawżaw ħsara - u b’hekk biex jikkontribwixxu għad-dannu diġà stabbilit fl-investigazzjoni oriġinali. Barra minn hekk, il-Kummissjoni fakkret li l-analiżi tad-dannu fl-investigazzjoni oriġinali saret billi ġew akkumulati l-importazzjonijiet mill-Eġittu u mir-RPĊ. Għalhekk, kwalunkwe żieda fl-importazzjonijiet diretti lejn il-BK/ŻEE tista’ tikkontribwixxi biss aktar għad-dannu kif instab fl-investigazzjoni oriġinali.

(31)

Il-partijiet ġew infurmati bil-fatti u l-kunsiderazzjonijiet essenzjali li fuq il-bażi tagħhom kien maħsub li l-miżuri jiġu estiżi għal ċerti materjali tal-fibra tal-ħġieġ minsuġa u/jew meħjuta li joriġinaw mir-RPĊ u mill-Eġittu għall-BK/ŻEE. Ingħatalhom ukoll perjodu li fih setgħu jippreżentaw osservazzjonijiet sussegwenti għal din id-divulgazzjoni.

(32)

Fil-kummenti tagħhom dwar id-divulgazzjoni finali, SGRE affermat li l-Kummissjoni kienet marbuta li twettaq analiżi sħiħa tad-dannu skont ir-Regolamenti bażiċi qabel ma setgħet tikkonkludi kwalunkwe estensjoni tal-miżuri għal territorju ġdid, jiġifieri l-BK/ŻEE. Hija argumenta wkoll li l-Kummissjoni llimitat l-analiżi tad-dannu tagħha għall-volum tal-importazzjonijiet tal-GFF miċ-Ċina lejn il-BK/ŻEE fl-2018 u naqset milli teżamina x-xejra tal-importazzjonijiet fil-BK/ŻEE matul il-perjodu kkonċernat jiġifieri mill-2015 sal-2018.

(33)

Barra minn hekk, SGRE argumentat li l-Kummissjoni missha vvalutat jekk kienx fl-interess tal-Unjoni li timponi miżuri fir-rigward ta’ dawn l-importazzjonijiet. Kien argumentat li l-fatt li l-interess tal-Unjoni ma preveniex l-impożizzjoni tal-miżuri inizjali ma jfissirx neċessarjament li l-interess tal-Unjoni ma jipprevenix l-estensjoni tal-miżuri għall-BK/ŻEE. SGRE affermat li l-estensjoni tal-miżuri anti-dumping u kumpensatorji fuq l-importazzjonijiet tal-GFF miċ-Ċina u mill-Eġittu għall-importazzjonijiet tal-GFF miċ-Ċina u mill-Eġittu għall-BK/ŻEE ma tkunx fl-interess tal-Unjoni peress li tikkontradixxi l-politika tal-UE dwar l-enerġija rinnovabbli li tappoġġa l-attraenza u l-kompetittività tal-enerġija eolika tal-UE li kienet iffaċċjata bi pressjoni fuq il-prezzijiet u kwistjonijiet ġenerali ta’ profittabbiltà minħabba l-kundizzjonijiet kurrenti tas-suq. Argumenta wkoll li l-produtturi tal-Unjoni ma għandhomx biżżejjed kapaċità ta’ produzzjoni biex jissodisfaw id-domanda li qiegħda tikber. Kien mistqarr li mill-impożizzjoni ta’ miżuri anti-dumping u kumpensatorji fl-2020, l-industrija tal-GFF tal-UE ma żiditx biżżejjed il-produzzjoni u l-kapaċità tal-produzzjoni tagħha tal-GFF biex tkopri d-domanda li qiegħda tikber. Il-Kummissjoni nnutat li ma tressqet l-ebda evidenza f’dan ir-rigward, għajr ċart li tindika l-previżjoni tal-installazzjonijiet ta’ teknoloġija eolika lil hinn mill-kosta fl-Ewropa matul il-perjodu 2020 u 2030.

(34)

SGRE affermat ukoll li l-estensjoni tal-miżuri anti-dumping u kumpensatorji fuq l-importazzjonijiet tal-GFF miċ-Ċina u mill-Eġittu għall-importazzjonijiet tal-GFF miċ-Ċina u mill-Eġittu għall-BK/ŻEE iġiegħel utenti bħal SGRE jespandu jew jittrasferixxu l-produzzjoni tax-xfafar tat-turbini eoliċi lil hinn mill-kosta mill-pajjiżi tal-UE lejn pajjiżi mhux tal-UE, u b’hekk jaffettwaw l-impjiegi u l-fornituri tal-Unjoni.

(35)

SGRE affermat ukoll li l-estensjoni tal-miżuri anti-dumping u kumpensatorji fuq l-importazzjonijiet tal-GFF miċ-Ċina u mill-Eġittu għall-importazzjonijiet tal-GFF miċ-Ċina u mill-Eġittu għall-BK/ŻEE twassal għal żieda fil-kostijiet fuq l-utenti tal-prodott ikkonċernat.

(36)

Il-Kummissjoni nnutat li l-avviż tal-ftuħ mill-ġdid iddikjara b’mod ċar li l-ftuħ mill-ġdid tal-investigazzjonijiet oriġinali kien limitat fl-ambitu għall-eżaminazzjoni ta’ jekk il-miżuri għandhomx japplikaw għall-GFF li joriġina mir-RPĊ u l-Eġittu miġjuba fi kwantitajiet sinifikanti lejn il-BK/ŻEE. L-informazzjoni li tinsab fin-nota għall-fajl li wasslet għall-ftuħ mill-ġdid ikkonfermat dan l-ambitu limitat. L-ambitu ta’ din l-investigazzjoni jsegwi direttament mill-kliem tal-Artikolu 14a tar-Regolament anti-dumping bażiku u tal-Artikolu 24a tar-Regolament antisussidji bażiku u huwa wkoll kompletament konformi mal-Premessa (24) tal-Pakkett tal-Modernizzazzjoni tat-TDI (15). L-istandard legali meħtieġ f’dawn id-dispożizzjonijiet huwa li l-prodott oġġett ta’ dumping u/jew issussidjat miġjub fi kwantitajiet sinifikanti fil-BK/ŻEE “jikkawża dannu lill-industrija tal-Unjoni”.

(37)

Kif spjegat b’mod ċar fl-Avviż ta’ ftuħ mill-ġdid, il-partikolarità tas-sitwazzjoni li wasslet għal din l-investigazzjoni kienet il-fatt li l-għodda doganali prevista fl-Artikoli 14a u 24a ma kinitx applikabbli fiż-żmien tal-bidu tal-investigazzjoni inizjali. Skont l-Artikoli 14a(2) u 24a(2), l-għodda doganali mbagħad saret disponibbli u wasslet għall-ftuħ mill-ġdid tal-investigazzjoni. Madankollu, kif speċifikat ukoll fl-Avviż ta’ ftuħ mill-ġdid, fl-investigazzjonijiet oriġinali li wasslu għall-impożizzjoni ta’ dazji anti-dumping u kumpensatorji l-Kummissjoni diġà inkludiet fl-eżaminazzjoni tagħha importazzjonijiet tal-prodott ikkonċernat taħt ipproċessar attiv u konkludiet li l-industrija tal-Unjoni ġarbet dannu materjali matul il-perjodu kkonċernat. L-analiżi tad-dannu fl-investigazzjonijiet oriġinali kopriet mhux biss l-2018, iżda l-perjodu kollu kkonċernat jiġifieri bejn l-2015 u l-2018. L-investigazzjoni preżenti serrħet fuq dawk is-sejbiet u kellha l-għan li taċċerta jekk l-estensjoni tad-dazji għall-BK/ŻEE kinitx adegwata. Għaldaqstant, fir-Regolament li jimponi d-dazji kien diġà ġie kkonfermat jekk il-prodott oġġett ta’ dumping/sussidjat miġjub fi kwantitajiet sinifikanti fil-BK/ŻEE jikkawżax dannu lill-Unjoni. Il-ftuħ mill-ġdid tal-investigazzjoni kkonferma l-eżistenza ta’ dawk il-kwantitajiet u l-adegwatezza tal-estensjoni tal-miżuri kurrenti biex jipproteġu l-industrija tal-Unjoni.

(38)

Fid-dawl tas-sitwazzjoni u l-istandard legali rilevanti, il-Kummissjoni qagħdet fuq id-data, l-evidenza u s-sejbiet dwar id-dannu fl-investigazzjonijiet oriġinali. L-investigazzjoni kurrenti sabet li kien hemm importazzjonijiet oġġett ta’ dumping u ssusidjati miġjuba fil-BK/ŻEE fi kwantitajiet sinifikanti, u dawn jikkawżaw aktar dannu lill-industrija tal-Unjoni, għaliex dawn jistgħu biss jaggravaw is-sitwazzjoni dannuża tagħha, Għaldaqstant, dawn l-affermazzjonijiet ġew rifjutati.

(39)

Fir-rigward tal-affermazzjoni li l-interess tal-Unjoni ma kienx inkluż fl-ambitu tal-investigazzjonijiet miftuħa mill-ġdid, l-Artikoli 14a u 24a tar-Regolamenti bażiċi rispettivi ma fihom l-ebda referenza għall-ħtieġa li jiġi vvalutat l-interess tal-Unjoni. Fi kwalunkwe każ, SGRE ma ppreżentatx kummenti dwar dan il-punt fir-rigward tal-bidu tal-investigazzjoni. Il-Kummissjoni nnutat li l-kummenti dwar l-interess tal-Unjoni ta’ SGRE huma jew simili għall-kummenti diġà indirizzati u kkonfutati fir-Regolamenti li jimponu l-miżuri oriġinali, jew mhumiex sostanzjati. Għalhekk, il-valutazzjoni tal-Kummissjoni dwar jekk huwiex xieraq li l-miżuri kurrenti jkunu estiżi għall-BK/ŻEE hija kkonfermata u dawn l-affermazzjonijiet kienu rrifjutati.

(40)

Abbażi ta’ dak li ntqal hawn fuq, id-dazji definittivi anti-dumping u kumpensatorji eżistenti fuq materjali tal-fibra tal-ħġieġ bil-filament kontinwu minsuġa u/jew meħjuta u/jew ħjut b’elementi oħra jew mingħajrhom, minbarra prodotti li huma mimlijin jew mimlijin minn qabel (pre-preg), u bl-esklużjoni ta’ drappijiet b’malja miftuħa b’ċelloli ta’ aktar minn 1,8 mm kemm fit-tul kif ukoll fil-wisa’ u li jiżen iktar minn 35 g/m2 li joriġinaw mir-Repubblika tal-Poplu taċ-Ċina u l-Eġittu jenħtieġ li jkunu imposti wkoll fuq materjali tal-fibra tal-ħġieġ bil-filament kontinwu minsuġa u/jew meħjuta u/jew ħjut b’elementi oħra jew mingħajrhom, minbarra prodotti li huma mimlijin jew mimlijin minn qabel (pre-preg), u bl-esklużjoni ta’ drappijiet b’malja miftuħa b’ċelloli ta’ aktar minn 1,8 mm kemm fit-tul kif ukoll fil-wisa’ u li jiżen iktar minn 35 g/m2 li joriġinaw mir-Repubblika tal-Poplu taċ-Ċina u l-Eġittu miġjuba miġjuba lejn gżira artifiċjali, installazzjoni fissa jew li żżomm f’wiċċ l-ilma jew kwalunkwe struttura oħra fil-blata kontinentali ta’ Stat Membru jew taż-żona ekonomika esklużiva ddikjarata minn Stat Membru skont l-UNCLOS

(41)

Il-miżuri previsti f’dan ir-Regolament huwa f’konformità mal-opinjoni tal-Kumitat stabbilit mill-Artikolu 15(1) tar-Regolament (UE) 2016/1036.

(1)

Bir-Regolament ta’ Implimentazzjoni tal-Kummissjoni (UE) 2022/191 (2), il-Kummissjoni imponiet dazju anti-dumping definittiv fuq l-importazzjonijiet ta’ ċerti elementi tal-irbit tal-ħadid jew tal-azzar li joriġinaw mir-Repubblika tal-Poplu taċ-Ċina

(2)

Il-premessa (347) u l-Anness għar-Regolament ta’ Implimentazzjoni (UE) 2022/191 inkludew żball fir-rigward tal-isem ta’ produttur esportatur li kkopera u li ma kienx inkluż fil-kampjun Liaocheng BSC Metal Products Co., Ltd. Jiġifieri, l-isem ta’ din il-kumpanija fil-premessa (347) u fl-Anness għar-Regolament ta’ Implimentazzjoni (UE) 2022/191 bi żball ma kienx komplut, jiġifieri l-aħħar tliet kelmiet tal-isem tal-kumpanija (“Products Co., Ltd”) tħallew barra.

(3)

B’riżultat ta’ dan, il-premessa (347) u l-Anness għar-Regolament ta’ Implimentazzjoni (UE) 2022/191 ma jirriflettux l-isem sħiħ korrett tal-produttur esportatur li kkopera, Liaocheng BSC Metal Products Co., Ltd. Għalhekk, il-Kummissjoni ddeċidiet li tikkoreġi l-premessa (347) u l-Anness għar-Regolament ta’ Implimentazzjoni (UE) 2022/191 skont dan. Din ir-rettifika jenħtieġ li tidħol fis-seħħ mid-dħul fis-seħħ tar-Regolament ta’ Implimentazzjoni (UE) 2022/191, jiġifieri it-18 ta’ Frar 2022.

(4)

Il-miżuri previsti f’dan ir-Regolament huma f’konformità mal-opinjoni tal-Kumitat stabbilit bl-Artikolu 15(1) tar-Regolament (UE) 2016/1036.

(1)

Il-Parti B tal-Anness tar-Regolament ta’ Implimentazzjoni tal-Kummissjoni (UE) Nru 540/2011 (2) tistabbilixxi s-sustanzi attivi approvati skont ir-Regolament (KE) Nru 1107/2009.

(2)

Fit-30 ta’ Lulju 2018 ġiet sottomessa applikazzjoni għat-tiġdid tal-approvazzjoni tas-sustanza bisiribak, f’konformità mal-Artikolu 1 tar-Regolament ta’ Implimentazzjoni tal-Kummissjoni (UE) Nru 844/2012 (3).

(3)

Il-perjodu ta’ approvazzjoni għas-sustanza attiva bispiribak ġie estiż mill-31 ta’ Lulju 2021 sal-31 ta’ Lulju 2023 permezz tar-Regolament ta’ Implimentazzjoni tal-Kummissjoni (UE) 2018/1916 (4).

(4)

Madankollu, fit-22 ta’ Ottubru 2020, l-applikant ikkonferma li ma għadux jappoġġa l-applikazzjoni għat-tiġdid tal-approvazzjoni.

(5)

Billi l-applikazzjoni għat-tiġdid ġiet irtirata, l-estensjoni tal-perjodu ta’ approvazzjoni ta’ din is-sustanza attiva, kif previst fir-Regolament ta’ Implimentazzjoni (UE) 2018/1916, ma għadhiex ġustifikata. Għalhekk, jenħtieġ li tiġi stabbilita data ta’ skadenza ġdida fl-eqreb data possibbli, filwaqt li l-Istati Membri jingħataw biżżejjed żmien biex jirtiraw l-awtorizzazzjonijiet għall-prodotti għall-protezzjoni tal-pjanti li fihom dik is-sustanza.

(6)

Għalhekk jenħtieġ li r-Regolament ta’ Implimentazzjoni (UE) Nru 540/2011 jiġi emendat skont dan.

(7)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fit-28 ta’ Frar 2022, il-Kunsill adotta d-Deċiżjoni (PESK) 2022/338 (1), li stabbiliet miżura ta’ assistenza b’ammont ta’ referenza finanzjarja ta’ EUR 450 000 000 maħsuba biex tkopri l-provvista lill-Forzi Armati Ukreni ta’ tagħmir u pjattaformi militari, imfassla biex iwasslu forza letali.

(2)

Fit-23 ta’ Marzu 2022, il-Kunsill adotta d-Deċiżjoni (PESK) 2022/471 (2) li temenda d-Deċiżjoni (PESK) 2022/338, li żiedet l-ammont ta’ referenza finanzjarja għal EUR 900 000 000.

(3)

Fit-13 ta’ April 2022, il-Kunsill adotta d-Deċiżjoni (PESK) 2022/636 (3) li temenda d-Deċiżjoni (PESK) 2022/338, li żiedet aktar l-ammont ta’ referenza finanzjarja għal EUR 1 350 000 000.

(4)

Fid-dawl tal-aggressjoni armata li għaddejja mill-Federazzjoni Russa kontra l-Ukrajna, jenħtieġ li l-ammont ta’ referenza finanzjarja jiżdied b’EUR 490 000 000 addizzjonali.

(5)

Id-Deċiżjoni (PESK) 2022/338 jenħtieġ li tiġi emendata skont dan,

(1)

Fit-28 ta’ Frar 2022, il-Kunsill adotta d-Deċiżjoni (PESK) 2022/339 (1), li stabbiliet miżura ta’ assistenza b’ammont ta’ referenza finanzjarja ta’ EUR 50 000 000 maħsuba biex tkopri l-finanzjament tal-forniment ta’ tagħmir u provvisti mhux imfassla biex iwasslu forza letali, bħal tagħmir ta’ protezzjoni personali, kaxex għall-ewwel għajnuna u fjuwil, lill-Forzi Armati Ukreni.

(2)

Fit-23 ta’ Marzu 2022, il-Kunsill adotta d-Deċiżjoni (PESK) 2022/472 (2) li temenda d-Deċiżjoni (PESK) 2022/339, li żiedet l-ammont ta’ referenza finanzjarja għal EUR 100 000 000.

(3)

Fit-13 ta’ April 2022, il-Kunsill adotta d-Deċiżjoni (PESK) 2022/637 (3) li temenda d-Deċiżjoni (PESK) 2022/339, li żiedet aktar l-ammont ta’ referenza finanzjarja għal EUR 150 000 000.

(4)

Fid-dawl tal-aggressjoni armata li għaddejja mill-Federazzjoni Russa kontra l-Ukrajna, jenħtieġ li l-ammont ta’ referenza finanzjarja jiżdied b’EUR 10 000 000 addizzjonali maħsub biex ikopri l-finanzjament tal-forniment ta’ tagħmir u provvisti mhux imfassla biex iwasslu forza letali, bħal tagħmir ta’ protezzjoni personali, kaxex għall-ewwel għajnuna u fjuwil, lill-Forzi Armati Ukreni.

(5)

Id-Deċiżjoni (PESK) 2022/339 jenħtieġ li tiġi emendata skont dan,