(1)

Il-Parti A tal-Anness tar-Regolament ta’ Implimentazzjoni tal-Kummissjoni (UE) Nru 540/2011 (2) tistabbilixxi s-sustanzi attivi meqjusa approvati skont ir-Regolament (KE) Nru 1107/2009, filwaqt li l-parti B ta’ dak l-Anness tistabbilixxi s-sustanzi attivi approvati skont ir-Regolament (KE) Nru 1107/2009.

(2)

Ir-Regolament ta’ Implimentazzjoni tal-Kummissjoni (UE) 2021/745 (3) estenda l-perjodu ta’ approvazzjoni tas-sustanza attiva flurochloridone sal-31 ta’ Mejju 2022. Dak ir-Regolament estenda wkoll il-perjodu ta’ approvazzjoni tas-sustanzi attivi beflubutamid, benthiavalicarb, boscalid, captan, dimethomorph, ethephon, fluoxastrobin, folpet, formetanate, metazachlor, metribuzin, milbemectin, fenmedifam, pirimiphos-methyl, propamocarb, prothioconazole u S-metolachlor sal-31 ta’ Lulju 2022, u tas-sustanzi attivi sulfat tal-aluminju u tal-ammonju, silikat tal-aluminju, cymoxanil, estratt mis-siġra tat-te, residwi mid-distillazzjoni tax-xaħam, aċidi grassi C7 sa C20, gibberellic acid, gibberellins, hydrolysed proteins, sulfat tal-ħadid, żjut tal-pjanti/żejt tal-kolza, ir-ramel tal-kwarz, żejt tal-ħuta, repellenti permezz ta’ riħa ta’ oriġini mill-annimali jew mill-pjanti/xaħam tan-nagħaġ, Feromoni tal-Lepidopteri ta’ Katina Dritta, tebuconazole u urea sal-31 ta’ Awwissu 2022. Ir-Regolament ta’ Implimentazzjoni tal-Kummissjoni (UE) 2017/195 (4) estenda l-perjodu ta’ approvazzjoni tas-sustanza attiva aclonifen sal-31 ta’ Lulju 2022 u tas-sustanzi attivi 2,5-dichlorobenzoic acid methylester, aċidu aċetiku, aluminium phosphide, calcium carbide, dodemorph, ethylene, magnesium phosphide, metamitron, żjut tal-pjanti/essenza tal-qronfol, żjut tal-pjanti/żejt tan-nagħniegħ, piretrini u sulcotrione sal-31 ta’ Awwissu 2022. Ir-Regolament ta’ Implimentazzjoni tal-Kummissjoni (UE) 2017/2069 (5) estenda l-perjodu ta’ approvazzjoni tas-sustanza attiva proquinazid sal-31 ta’ Lulju 2022.

(3)

L-approvazzjoni tas-sustanza attiva metam mistennija tiskadi fit-30 ta’ Ġunju 2022 f’konformità mar-Regolament ta’ Implimentazzjoni tal-Kummissjoni (UE) Nru 359/2012 (6).

(4)

L-applikazzjonijiet għat-tiġdid tal-approvazzjoni ta’ dawk is-sustanzi ġew ippreżentati f’konformità mar-Regolament ta’ Implimentazzjoni (UE) Nru 844/2012 (7). Għalkemm ir-Regolament ta’ Implimentazzjoni (UE) Nru 844/2012 ġie revokat bir-Regolament ta’ Implimentazzjoni (UE) 2020/1740 (8), id-dispożizzjonijiet dwar it-tiġdid tal-approvazzjoni ta’ dawk is-sustanzi attivi stabbiliti f’dak ir-Regolament jibqgħu japplikaw f’konformità mal-Artikolu 17 tar-Regolament ta’ Implimentazzjoni (UE) 2020/1740.

(5)

Minħabba l-fatt li l-valutazzjoni ta’ dawk is-sustanzi attivi ddewmet għal raġunijiet li ma kinux fil-kontroll tal-applikanti, aktarx li l-approvazzjonijiet ta’ dawk is-sustanzi attivi se jiskadu qabel ma tkun ittieħdet deċiżjoni dwar it-tiġdid tagħhom. Għalhekk, il-perjodi ta’ approvazzjoni tagħhom jeħtieġ jiġu estiżi biex jipprovdu ż-żmien meħtieġ ħalli titlesta l-valutazzjoni.

(6)

Barra minn hekk, estensjoni tal-perjodu ta’ approvazzjoni hija meħtieġa għas-sustanzi attivi u tal-ammonju, cymoxanil, dimethomorph, ethephon, fluoxastrobin, folpet, formetanate, gibberellic acid, gibberellins, metribuzin, milbemectin, fenmedifam, pirimiphos-methyl, propamocarb, prothioconazole u S metolachlorsulfat biex jingħata biżżejjed żmien għal valutazzjoni relatata mal-proprjetajiet li jfixklu s-sistema endokrinali ta’ dawk is-sustanzi attivi skont il-proċedura stabbilita fl-Artikoli 13 u 14 tar-Regolament ta’ Implimentazzjoni (UE) Nru 844/2012.

(7)

Meta l-Kummissjoni tkun se tadotta Regolament li jipprevedi li l-approvazzjoni ta’ sustanza attiva msemmija fl-Anness ta’ dan ir-Regolament ma tiġġeddidx għax ma jkunux ġew issodisfati l-kriterji għall-approvazzjoni, il-Kummissjoni trid tiffissa d-data ta’ skadenza li tkun l-istess data ta’ qabel dan ir-Regolament, jew id-data tad-dħul fis-seħħ tar-Regolament, dejjem jekk l-approvazzjoni tas-sustanza attiva ma tiġġeddidx, skont liema data tiġi l-aħħar. Meta l-Kummissjoni tkun se tadotta Regolament li jipprevedi t-tiġdid ta’ sustanza attiva msemmija fl-Anness ta’ dan ir-Regolament, il-Kummissjoni se tara li tistabbilixxi, skont iċ-ċirkostanzi, l-eqreb data ta’ applikazzjoni possibbli.

(8)

Għalhekk, r-Regolament ta’ Implimentazzjoni (UE) Nru 540/2011 jenħtieġ li jiġi emendat skont dan.

(9)

Il-miżuri previsti f’dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Skont ir-Regolament (KE) Nru 1924/2006, l-indikazzjonijiet dwar is-saħħa li jsiru fuq l-ikel huma pprojbiti sakemm ma jkunux awtorizzati mill-Kummissjoni f’konformità ma’ dak ir-Regolament u sakemm ma jkunux inklużi f’lista ta’ indikazzjonijiet permessi.

(2)

Ir-Regolament (KE) Nru 1924/2006 jipprevedi wkoll li l-applikazzjonijiet għall-awtorizzazzjonijiet tal-indikazzjonijiet dwar is-saħħa jistgħu jiġu ppreżentati mill-operaturi tan-negozju tal-ikel lill-awtorità kompetenti nazzjonali ta’ Stat Membru. L-awtorità kompetenti nazzjonali mbagħad tibgħat l-applikazzjonijiet validi lill-Awtorità Ewropea dwar is-Sigurtà fl-Ikel (“l-Awtorità”).

(3)

Meta tirċievi applikazzjoni, l-Awtorità tinforma mingħajr dewmien lill-Istati Membri l-oħra u lill-Kummissjoni dwar dan, u tagħti l-opinjoni tagħha rigward l-indikazzjoni dwar is-saħħa kkonċernata.

(4)

Il-Kummissjoni tiddeċiedi dwar l-awtorizzazzjoni tal-indikazzjonijiet dwar is-saħħa filwaqt li tikkunsidra l-opinjoni tal-Awtorità.

(5)

Wara applikazzjoni mingħand H.J. Heinz Supply Chain Europe BV, ippreżentata skont il-punt (b) tal-Artikolu 14(1) tar-Regolament (KE) Nru 1924/2006, l-Awtorità ntalbet tagħti opinjoni dwar indikazzjoni dwar is-saħħa marbuta ma’ Nutrimune u d-difiża immunitarja kontra patoġeni fil-passaġġi gastrointestinali u respiratorji ta’ fuq (Mistoqsija Nru EFSA-Q-2018-00727). L-indikazzjoni proposta mill-applikant tgħid dan li ġej: “Nutrimune jappoġġa s-sistema immunitarja bid-difiża kontra patoġeni fil-passaġġi gastrointestinali u respiratorji ta’ fuq tat-tfal żgħar”.

(6)

Fil-15 ta’ April 2019, il-Kummissjoni u l-Istati Membri rċevew l-opinjoni xjentifika tal-Awtorità (2) li kkonkludiet li, abbażi tad-data ppreżentata, l-evidenza xjentifika mhix biżżejjed biex tiġi stabbilita relazzjoni ta’ kawża u effett bejn il-konsum ta’ Nutrimune, ħalib tal-baqra xkumat, pasturizzat u ffermentat bil-Lactobacillus paracasei CBA L74, u d-difiża immunitarja kontra patoġeni fil-passaġġ gastrointestinali u respiratorji ta’ fuq tat-tfal żgħar. Għaldaqstant, billi l-indikazzjoni ma tikkonformax mar-rekwiżiti tar-Regolament (KE) Nru 1924/2006, jenħtieġ li din ma tiġix awtorizzata.

(7)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Skont ir-Regolament (KE) Nru 1924/2006, l-indikazzjonijiet dwar is-saħħa li jsiru fuq il-prodotti tal-ikel huma pprojbiti sakemm ma jkunux awtorizzati mill-Kummissjoni f’konformità ma’ dak ir-Regolament u inklużi f’lista tal-Unjoni ta’ indikazzjonijiet permessi.

(2)

Ir-Regolament (KE) Nru 1924/2006 jipprevedi wkoll li l-applikazzjonijiet għall-awtorizzazzjonijiet tal-indikazzjonijiet dwar is-saħħa jistgħu jintbagħtu mill-operaturi tan-negozji tal-ikel lill-awtorità kompetenti nazzjonali ta’ Stat Membru. L-awtorità kompetenti nazzjonali għandha tgħaddi l-applikazzjonijiet validi lill-Awtorità Ewropea dwar is-Sigurtà fl-Ikel (“l-Awtorità”).

(3)

Wara li tirċievi l-applikazzjoni, l-Awtorità għandha tinforma mingħajr dewmien lill-Istati Membri l-oħra u lill-Kummissjoni, u tagħti opinjoni fuq l-indikazzjoni dwar is-saħħa kkonċernata.

(4)

Il-Kummissjoni għandha tiddeċiedi dwar l-awtorizzazzjoni tal-indikazzjonijiet dwar is-saħħa filwaqt li tqis l-opinjoni li tat l-Awtorità.

(5)

Wara applikazzjoni mingħand Anxiofit Ltd., imressqa skont l-Artikolu 14(1)(a) tar-Regolament (KE) Nru 1924/2006, l-Awtorità kellha tagħti opinjoni dwar is-sostanzjar xjentifiku ta’ indikazzjoni dwar is-saħħa marbuta ma’ Anxiofit-1 u t-tnaqqis tal-ansjetà taħt il-limitu u tal-ansjetà ħafifa (il-Mistoqsija Nru EFSA-Q-2020-00032). L-indikazzjoni proposta mill-applikant kienet kif ġej: “Anxiofit-1 intwera li jtejjeb l-ansjetà taħt il-limitu u l-ansjetà ħafifa. L-ansjetà taħt il-limitu u l-ansjetà ħafifa huma fatturi ta’ riskju fl-iżvilupp tad-disturbi marbuta mal-ansjetà u d-depressjoni.”

(6)

Il-Kummissjoni, l-Istati Membri u l-applikant irċevew l-opinjoni xjentifika (2) dwar dik l-indikazzjoni mill-Awtorità, li kkonkludiet li, abbażi tad-data ppreżentata, l-evidenza xjentifika ma kinitx biżżejjed biex tiġi stabbilita relazzjoni ta’ kawża u effett bejn il-konsum tal-Anxiofit-1 u t-tnaqqis tal-ansjetà taħt il-limitu u tal-ansjetà ħafifa. Għaldaqstant, billi l-indikazzjoni dwar is-saħħa mhijiex konformi mar-rekwiżiti tar-Regolament (KE) Nru 1924/2006 għall-inklużjoni fil-lista tal-Unjoni ta’ indikazzjonijiet permessi, jenħtieġ li ma tiġix awtorizzata.

(7)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Skont ir-Regolament (KE) Nru 1924/2006, l-indikazzjonijiet dwar is-saħħa li jsiru fuq l-ikel huma pprojbiti sakemm ma jkunux awtorizzati mill-Kummissjoni f’konformità ma’ dak ir-Regolament u inklużi f’lista ta’ indikazzjonijiet permessi.

(2)

Ir-Regolament (KE) Nru 1924/2006 jipprevedi wkoll li l-applikazzjonijiet għall-awtorizzazzjonijiet tal-indikazzjonijiet dwar is-saħħa jistgħu jintbagħtu mill-operaturi tan-negozji tal-ikel lill-awtorità kompetenti nazzjonali ta’ Stat Membru. L-awtorità kompetenti nazzjonali għandha tgħaddi l-applikazzjonijiet validi lill-Awtorità Ewropea dwar is-Sigurtà fl-Ikel (“l-Awtorità”) għal valutazzjoni xjentifika, kif ukoll lill-Kummissjoni u lill-Istati Membri għall-informazzjoni.

(3)

L-Awtorità għandha tagħti opinjoni dwar l-indikazzjoni dwar is-saħħa kkonċernata.

(4)

Il-Kummissjoni għandha tiddeċiedi dwar l-awtorizzazzjoni tal-indikazzjonijiet dwar is-saħħa filwaqt li tqis l-opinjoni li tkun tat l-Awtorità.

(5)

Wara applikazzjoni mingħand analyze & realize GmbH, imressqa skont l-Artikolu 13(5) tar-Regolament (KE) Nru 1924/2006, l-Awtorità kellha tagħti opinjoni fuq indikazzjoni dwar is-saħħa marbuta ma’ GlycoLite™ u t-tnaqqis tal-piż tal-ġisem (il-Mistoqsija Nru EFSA-Q-2018-00611). L-indikazzjoni proposta mill-applikant kienet kif ġej: “GlycoLite™ jgħin biex tonqos fil-piż”.

(6)

Il-Kummissjoni, l-Istati Membri u l-applikant irċevew l-opinjoni xjentifika (2) dwar dik l-indikazzjoni mill-Awtorità, li kkonkludiet li, abbażi tad-data ppreżentata, l-evidenza xjentifika ma kinitx biżżejjed biex tiġi stabbilita relazzjoni ta’ kawża u effett bejn il-konsum ta’ estratt milwiem mill-fażola bajda (Phaseolus vulgaris L.) standardizzata fl-attività inibitorja tal-α-amylażi in vitro tagħha (GlycoLiteTM) u tnaqqis tal-piż tal-ġisem ‘restrizzjoni kalorika jew f’alimentazzjoni ad libitum. Għaldaqstant, billi l-indikazzjoni dwar is-saħħa mhijiex konformi mar-rekwiżiti tar-Regolament (KE) Nru 1924/2006 għall-inklużjoni fil-lista tal-Unjoni ta’ indikazzjonijiet permessi, jenħtieġ li ma tiġix awtorizzata.

(7)

Wara applikazzjoni mingħand BioGaia AB, imressqa skont l-Artikolu 13(5) tar-Regolament (KE) Nru 1924/2006, l-Awtorità kellha tagħti opinjoni fuq indikazzjoni dwar is-saħħa marbuta ma’ pastilji orodispersibbli li fihom taħlita ta’ Lactobacillus reuteri DSM 17938 u Lactobacillus reuteri ATCC PTA 5289 u l-funzjoni normali tal-ħanek (Mistoqsija Nru EFSA-Q-2019-00383). L-indikazzjoni proposta mill-applikant kienet kif ġej: “Il-pastilji li fihom il-Lactobacillus reuteri DSM 17938 u l-Lactobacillus reuteri ATCC PTA 5289 jappoġġaw il-funzjoni normali tal-ħanek”.

(8)

Il-Kummissjoni, l-Istati Membri u l-applikant irċevew l-opinjoni xjentifika (3) dwar dik l-indikazzjoni mill-Awtorità, li kkonkludiet li, abbażi tad-data ppreżentata, l-evidenza xjentifika ma kinitx biżżejjed biex tiġi stabbilita relazzjoni ta’ kawża u effett bejn il-konsum tal-pastilji orodispersibbli li fihom taħlita ta’ Lactobacillus reuteri DSM 17938 u Lactobacillus reuteri ATCC PTA 5289 u l-manteniment ta’ funzjoni normali tal-ħanek. Għaldaqstant, billi l-indikazzjoni dwar is-saħħa mhijiex konformi mar-rekwiżiti tar-Regolament (KE) Nru 1924/2006 għall-inklużjoni fil-lista tal-Unjoni ta’ indikazzjonijiet permessi, jenħtieġ li ma tiġix awtorizzata.

(9)

Il-kummenti mingħand analyze & realize GmbH li rċeviet il-Kummissjoni skont l-Artikolu 16(6) tar-Regolament (KE) Nru 1924/2006, tqiesu fl-adozzjoni ta’ dan ir-Regolament.

(10)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fit-3 ta’ Marzu 2022 il-Kummissjoni ġiet ippreżentata talba dwar ir-reġistrazzjoni ta’ inizjattiva taċ-ċittadini Ewropej intitolata “End The Slaughter Age”.

(2)

L-għanijiet tal-inizjattiva kif ġew spjegati mill-organizzaturi huma: “(a) l-esklużjoni tat-trobbija tal-bhejjem minn attivitajiet eliġibbli għal sussidji agrikoli u l-inklużjoni ta’ alternattivi etiċi u ekoloġiċi, bħall-biedja taċ-ċelloli u l-proteini tal-pjanti u; (b) l-introduzzjoni ta’ inċentivi għall-produzzjoni u l-bejgħ ta’ prodotti agrikoli ċellolari u dawk ibbażati fuq il-pjanti”.

(3)

Dokument addizzjonali jipprovdi aktar dettalji dwar is-suġġett, l-objettivi u l-isfond tal-inizjattiva, u jistabbilixxi u jagħti dettalji dwar ir-raġunijiet għall-appoġġ għal din l-inizjattiva. L-organizzaturi jsostnu li eluf ta’ persuni li jaħdmu fis-setturi tat-tbiċċir tal-annimali u tal-ipproċessar tal-laħam jiffaċċjaw kundizzjonijiet tax-xogħol ħżiena ħafna u ta’ spiss anki illegali. Peress li l-benessri tal-annimali huwa kwistjoni importanti għall-Unjoni, ma għadx hemm ġustifikazzjoni morali jew legali biex nissuktaw imbiċċru l-annimali. Jisħqu wkoll li l-intensifikazzjoni tal-agrikoltura mhux sostenibbli u ż-żieda fid-domanda għall-proteini tal-annimali huma żewġ fatturi li jikkontribwixxu għar-riskju ta’ mard żoonotiku. Fl-istess ħin, it-trobbija tradizzjonali tal-annimali tikkonsma ħafna enerġija u tuża ħafna art, filwaqt li hija sors ewlieni ta’ emissjonijiet ta’ gassijiet serra. Abbażi tal-prinċipji ta’ prekawzjoni u ta’ “min iniġġes iħallas”, l-organizzaturi jsostnu li huwa ġustifikat li minflok lis-settur tal-bhejjem, is-sussidji agrikoli jingħataw għal alternattivi ekoloġiċi, bħall-biedja taċ-ċelloli u l-biedja bbażata fuq il-proteini tal-pjanti. Fir-rigward tal-inċentivi possibbli għall-produzzjoni u l-bejgħ ta’ alternattivi sostenibbli, huma jsemmu bħala eżempju t-treġġigħ lura tat-tassazzjoni addizzjonali li bħalissa hija imposta fuq alternattivi tal-pjanti meta mqabbla ma’ prodotti bbażati fuq l-annimali.

(4)

Fir-rigward tal-ewwel objettiv tal-inizjattiva biex is-sussidji agrikoli jingħataw għal alternattivi ekoloġiċi u mhux għas-settur tal-bhejjem, sa fejn dawn is-sussidji jkopru prodotti elenkati fl-Anness I tat-TFUE, il-Kummissjoni għandha s-setgħa li tressaq proposti għal atti legali biex jintlaħqu l-objettivi tal-politika agrikola komuni abbażi tal-Artikolu 43(2) TFUE.

(5)

Fir-rigward tat-tieni objettiv tal-inizjattiva li titlob l-introduzzjoni ta’ inċentivi, f’termini ta’ sussidji jew simili, għall-produzzjoni u l-bejgħ ta’ prodotti agrikoli ċellolari u bbażati fuq il-pjanti, il-Kummissjoni għandha s-setgħa li tippreżenta proposti għal atti legali abbażi tal-Artikolu 43(2) TFUE sa fejn jikkonċerna l-prodotti elenkati fl-Anness I tat-TFUE. Barra minn hekk, billi l-inizjattiva għandha l-għan li tkopri wkoll tipi oħra ta’ inċentivi, li jmorru lil hinn mis-sussidji agrikoli, il-Kummissjoni għandha s-setgħa li tippreżenta proposti għal atti legali abbażi tal-Artikolu 114 TFUE, sa fejn dawn ikollhom l-għan li jtejbu l-funzjonament tas-suq intern.

(6)

Għal dawn ir-raġunijiet, l-ebda parti mill-inizjattiva ma taqa’ b’mod ċar barra mill-qafas tas-setgħat tal-Kummissjoni li tippreżenta proposta għal att legali tal-Unjoni għall-fini tal-implimentazzjoni tat-Trattati.

(7)

Din il-konklużjoni hija mingħajr preġudizzju għall-valutazzjoni ta’ jekk il-kundizzjonijiet fattwali u sostantivi konkreti meħtieġa biex il-Kummissjoni taġixxi, inklużi l-konformità mal-prinċipji tal-proporzjonalità u tas-sussidjarjetà u l-kompatibilità mad-drittijiet fundamentali, ikunux issodisfati f’dan il-każ.

(8)

Il-grupp ta’ organizzaturi pprovda evidenza xierqa li huwa jissodisfa r-rekwiżiti stipulati fl-Artikolu 5(1) u (2) tar-Regolament (UE) 2019/788 u ħatar il-persuni ta’ kuntatt f’konformità mal-ewwel subparagrafu tal-Artikolu 5(3) ta’ dak ir-Regolament.

(9)

L-inizjattiva la hija manifestament abbużiva, frivola jew vessatorja u lanqas ma tmur manifestament kontra l-valuri tal-Unjoni kif stabbiliti fl-Artikolu 2 tat-Trattat dwar l-Unjoni Ewropea u d-drittijiet stabbiliti fil-Karta tad-Drittijiet Fundamentali tal-Unjoni Ewropea.

(10)

Għaldaqstant jenħtieġ li l-inizjattiva intitolata “End The Slaughter Age” tiġi rreġistrata.

(11)

Il-konklużjoni li l-kundizzjonijiet għar-reġistrazzjoni skont l-Artikolu 6(3) tar-Regolament (UE) 2019/788 huma ssodisfati bl-ebda mod ma timplika li l-Kummissjoni tikkonferma l-korrettezza fattwali tal-kontenut tal-inizjattiva, li hija r-responsabbiltà unika tal-grupp ta’ organizzaturi tal-inizjattiva. Il-kontenut tal-inizjattiva jesprimi biss il-fehmiet tal-grupp ta’ organizzaturi, u bl-ebda mod ma jista’ jitqies li jirrifletti l-fehmiet tal-Kummissjoni,

(1)

F’konformità mal-Artikolu 12 tad-Direttiva 2014/35/UE tal-Parlament Ewropew u tal-Kunsill (2), it-tagħmir elettriku li jkun konformi ma’ standards armonizzati jew ma’ partijiet minnhom, li r-referenzi tagħhom ikunu ġew ippubblikati f’Il-Ġurnal Uffiċjali tal-Unjoni Ewropea, għandu jkun preżunt konformi mal-għanijiet tas-sikurezza msemmija fl-Artikolu 3 ta’ dik id-Direttiva u stabbiliti fl-Anness I ta’ dik id-Direttiva, koperti minn dawk l-istandards armonizzati jew minn partijiet minnhom.

(2)

Permezz tal-ittra M/511 tat-8 ta’ Novembru 2012, il-Kummissjoni għamlet talba lill-Kumitat Ewropew għall-Istandardizzazzjoni (CEN), lill-Kumitat Ewropew għall-Istandardizzazzjoni Elettroteknika (Cenelec) u lill-Istitut Ewropew tal-Istandards tat-Telekomunikazzjoni (ETSI) biex jipprovdu l-ewwel lista sħiħa tat-titli tal-istandards armonizzati u biex jabbozzaw, jirrevedu u jlestu l-istandards armonizzati, għat-tagħmir elettriku ddisinjat għall-użu fi ħdan ċerti limiti tal-voltaġġ b’appoġġ għad-Direttiva 2014/35/UE. L-għanijiet tas-sikurezza msemmija fl-Artikolu 3 tad-Direttiva 2014/35/UE u stabbiliti fl-Anness I ta’ dik id-Direttiva ma nbidlux minn mindu saret it-talba lis-CEN, lis-Cenelec u lill-ETSI.

(3)

Abbażi tat-talba M/511, is-CEN u s-Cenelec abbozzaw l-istandards armonizzati, u l-emendi għalihom, EN 50689:2021 għall-prodotti bil-lejżer għall-konsumaturi; EN IEC 61010-2-011:2021, u EN IEC 61010-2-011:2021/A11:2021 għall-apparati refriġeranti; EN IEC 61347-2-14:2018 u EN IEC 61347-2-14:2018/A11:2021 għal controlgear elettroniku DC u/jew AC għal lampi fluworexxenti tal-induzzjoni.

(4)

Abbażi tat-talba M/511, is-CEN u s-Cenelec irrevedew u emendaw dawn l-istandards armonizzati li ġejjin, li r-referenzi tagħhom huma ppubblikati fil-Komunikazzjoni tal-Kummissjoni (2016/C 249/03) (3): EN 60320-1:2001 kif emendat b’EN 60320-1:2001/A1:2007 għal konnetturi ta’ apparati li jintużaw fid-dar; EN 60335-2-25:2012 kif emendat b’EN 60335-2-25:2012/A1:2015, u EN 60335-2-25:2012/A2:2016 għal fran microwave; EN 60335-2-41:2003 kif emendat b’EN 60335-2-41:2003/A1:2004 u EN 60335-2-41:2003/A2:2010 għal pompi; EN 60335-2-96:2002 kif emendat b’EN 60335-2-96:2002/A1:2004 u EN 60335-2-96:2002/A2:2009 għal elementi tat-tisħin magħmulin minn pjanċi flessibbli għat-tisħin tal-kmamar; EN 60974-8:2009 għal panils tal-gass għal sistemi ta’ wweldjar u ta’ qtugħ ta’ plażma; EN 61010-2-032:2012 għal sensuri tal-kurrent tal-idejn u mħaddmin bl-idejn; EN 61010-2-033:2012 għal multimeters tal-idejn għal użu domestiku u professjonali; EN 61010-2-040:2005 għal sterilizzaturi u diżinfettanti tal-ħasil; EN 61914:2016 għal klamps tal-kejbils; EN 62031:2008 kif emendat b’EN 62031:2008/A1:2013 u EN 62031:2008/A2:2015 għal moduli LED għat-tidwil ġenerali. Dan irriżulta fl-adozzjoni tal-istandards armonizzati u l-emendi li ġejjin: EN IEC 60320-1:2021; EN IEC 60335-2-25:2021; EN IEC 60335-2-25:2021/A11:2021; EN IEC 60335-2-41:2021; EN IEC 60335-2-41:2021/A11:2021; EN IEC 60335-2-96:2021; EN IEC 60335-2-96:2021/A11:2021; EN IEC 60974-8:2021; EN IEC 61010-2-032:2021; EN IEC 61010-2-032:2021/A11:2021; EN IEC 61010-2-033:2021; EN IEC 61010-2-033:2021/A11:2021; EN IEC 61010-2-040:2021; EN IEC 61914:2021; EN IEC 62031:2020; u EN IEC 62031:2020/A11:2021.

(5)

Abbażi tat-talba M/511, is-CEN u s-Cenelec irrevedew u emendaw ukoll dawn l-istandards armonizzati li ġejjin, li r-referenzi tagħhom huma ppubblikati fid-Deċiżjoni ta’ Implimentazzjoni tal-Kummissjoni (UE) 2019/1956 (4): EN 61010-2-091:2012 kif ikkoreġut b’EN 61010-2-091:2012/AC:2013 għal sistemi ta’ kabini tar-raġġi-X; EN 60335-2-105:2005 kif emendat b’EN 60335-2-105:2005/A11:2010, EN 60335-2-105:2005/A1:2008, u EN 60335-2-105:2005/A2:2020 għal kabini għal doċoċ multifunzjonali; EN 60335-2-84:2003 kif emendat b’EN 60335-2-84:2003/A1:2008 u EN 60335-2-84:2003/A2:2019 għal apparati tat-tojlits; EN 60335-2-29:2004 kif emendat b’EN 60335-2-29:2004/A11:2018 u EN 60335-2-29:2004/A2:2010 għal ċarġers ta’ batteriji. Dan irriżulta fl-adozzjoni tal-istandards armonizzati u l-emendi li ġejjin: EN IEC 61010-2-091:2021; EN IEC 61010-2-091:2021/A11:2021; EN IEC 60335-2-105:2021; EN IEC 60335-2-105:2021/A11:2021; EN IEC 60335-2-105:2021/A1:2021; EN IEC 60335-2-84:2021; EN IEC 60335-2-84:2021/A11:2021; EN 60335-2-29:2021; EN 60335-2-29:2021/A1:2021.

(6)

Abbażi tat-talba M/511, is-CEN u s-Cenelec emendaw dawn l-istandards armonizzati li ġejjin, li r-referenzi tagħhom huma ppubblikati fil-Komunikazzjoni tal-Kummissjoni (2016/C 249/03): EN 60335-2-54:2008 kif emendat b’EN 60335-2-54:2008/A11:2012/AC:2015, EN 60335-2-54:2008/A11:2012, u EN 60335-2-54:2008/A1:2015 għal apparati tat-tindif tas-superfiċe; EN 61009-1:2012 kif emendat b’EN 61009-1:2012/A1:2014, EN 61009-1:2012/A11:2015, u EN 61009-1:2012/A2:2014 għal salvaviti mħaddma għal kurrent residwu. Dan irriżulta fl-adozzjoni tal-istandards armonizzati emendatorji li ġejjin: EN 60335-2-54:2008/A12:2021; EN 60335-2-54:2008/A2:2021; u EN 61009-1:2012/A13:2021.

(7)

Abbażi tat-talba M/511, is-CEN u s-Cenelec emendaw u kkoreġew ukoll dawn l-istandards armonizzati li ġejjin, li r-referenzi tagħhom huma ppubblikati fid-Deċiżjoni ta’ Implimentazzjoni (UE) 2019/1956: EN 60335-2-15:2016 kif emendat b’EN 60335-2-15:2016/A11:2018 għal apparati għat-tisħin tal-likwidi; EN 60335-2-35:2016 kif emendat b’EN 60335-2-35:2016/A1:2019 għal ħiters tal-ilma istantanji; EN 60335-2-61:2003 kif emendat b’EN 60335-2-61:2003/A1:2005, EN 60335-2-61:2003/A2:2008, u EN 60335-2-61:2003/A11:2019 għal ħiters tal-kmamar b’akkumulu termali; EN 60335-2-27:2013 kif emendat b’EN 60335-2-27:2013/A1:2020 u EN 60335-2-27:2013/A2:2020 għal apparati għall-esponiment tal-ġilda għar-radjazzjoni ultravjola u infraħamra; EN 60335-2-21:2021 għal ħiters tal-ilma b’akkumulu. Dan irriżulta fl-adozzjoni tal-istandards armonizzati ta’ korrezzjoni u emendatorji li ġejjin: EN 60335-2-15:2016/A12:2021; EN 60335-2-15:2016/A1:2021; EN 60335-2-15:2016/A2:2021; EN 60335-2-35:2016/A2:2021; EN 60335-2-61:2003/A12:2021; EN 60335-2-27:2013/AC:2021-11; u EN 60335-2-21:2021/A1:2021.

(8)

Il-Kummissjoni, flimkien mas-CEN u mas-Cenelec, ivvalutat jekk dawk l-istandards armonizzati u l-emendi u l-korrezzjonijiet għalihom jikkonformawx mat-talba M/511.

(9)

L-istandards armonizzati EN 50689:2021; EN IEC 61010-2-011:2021 kif emendat b’EN IEC 61010-2-011:2021/A11:2021; EN IEC 61347-2-14:2018 kif emendat b’EN IEC 61347-2-14:2018/A11:2021; EN IEC 60320-1:2021; EN IEC 60335-2-25:2021 kif emendat b’EN IEC 60335-2-25:2021/A11:2021; EN IEC 60335-2-41:2021 kif emendat b’EN IEC 60335-2-41:2021/A11:2021; EN IEC 60335-2-96:2021 kif emendat b’EN IEC 60335-2-96:2021/A11:2021; EN IEC 60974-8:2021; EN IEC 61010-2-032:2021 kif emendat b’EN IEC 61010-2-032:2021/A11:2021; EN IEC 61010-2-033:2021 kif emendat b’EN IEC 61010-2-033:2021/A11:2021; EN IEC 61010-2-040:2021; EN IEC 61010-2-091:2021 kif emendat b’EN IEC 61010-2-091:2021/A11:2021; EN IEC 61914:2021; EN IEC 62031:2020 kif emendat b’EN IEC 62031:2020/A11:2021; EN IEC 60335-2-105:2021 kif emendat b’EN IEC 60335-2-105:2021/A11:2021 u b’EN IEC 60335-2-105:2021/A1:2021; EN IEC 60335-2-84:2021 kif emendat b’EN IEC 60335-2-84:2021/A11:2021; EN 60335-2-29:2021 kif emendat b’EN 60335-2-29:2021/A1:2021; EN 60335-2-54:2008 kif emendat b’EN 60335-2-54:2008/A11:2012/AC:2015, EN 60335-2-54:2008/A11:2012, u EN 60335-2-54:2008/A1:2015, EN 60335-2-54:2008/A12:2021, u EN 60335-2-54:2008/A2:2021; EN 61009-1:2012 kif emendat b’EN 61009-1:2012/A1:2014, EN 61009-1:2012/A11:2015, EN 61009-1:2012/A2:2014, u EN 61009-1:2012/A13:2021; EN 60335-2-15:2016 kif emendat b’EN 60335-2-15:2016/A11:2018, EN 60335-2-15:2016/A12:2021, EN 60335-2-15:2016/A1:2021, u EN 60335-2-15:2016/A2:2021; EN 60335-2-35:2016 kif emendat b’EN 60335-2-35:2016/A1:2019, u EN 60335-2-35:2016/A2:2021; EN 60335-2-61:2003 kif emendat b’EN 60335-2-61:2003/A1:2005, EN 60335-2-61:2003/A2:2008, u EN 60335-2-61:2003/A11:2019, u EN 60335-2-61:2003/A12:2021; EN 60335-2-27:2013 kif emendat b’EN 60335-2-27:2013/A1:2020, EN 60335-2-27:2013/A2:2020, u kkoreġut b’EN 60335-2-27:2013/AC:2021-11; EN 60335-2-21:2021 kif emendat b’EN 60335-2-21:2021/A1:2021 jissodisfaw l-għanijiet tas-sikurezza li għandhom l-għan li jkopru u li huma stabbiliti fid-Direttiva 2014/35/UE. Għalhekk, jixraq li jiġu ppubblikati r-referenzi ta’ dawk l-istandards, kif ukoll ir-referenzi tal-emendi u tal-korrezzjonijiet għalihom f’Il-Ġurnal Uffiċjali tal-Unjoni Ewropea.

(10)

Id-Deċiżjoni ta’ Implimentazzjoni (UE) 2019/1956 tipprevedi fl-Anness I tagħha, ir-referenzi tal-istandards armonizzati li jikkonferixxu preżunzjoni ta’ konformità mad-Direttiva 2014/35/UE. Sabiex jiġi żgurat li r-referenzi tal-istandards armonizzati abbozzati b’appoġġ għad-Direttiva 2014/35/UE jkunu elenkati f’att wieħed, jenħtieġ li r-referenzi ta’ dawk l-istandards jiġu inklużi f’dak l-Anness.

(11)

Għalhekk jeħtieġ li jiġu rtirati r-referenzi tal-istandards armonizzati li ġejjin flimkien mar-referenzi ta’ kwalunkwe standard emendatorju jew ta’ korrezzjoni għalihom ippubblikat fis-serje C ta’ Il-Ġurnal Uffiċjali tal-Unjoni Ewropea: EN 60320-1:2001; EN 60335-2-25:2012; EN 60335-2-41:2003; EN 60335-2-96:2002; EN 60974-8:2009; EN 61010-2-032:2012; EN 61010-2-033:2012; EN 61010-2-040:2005; EN 61914:2016; EN 62031:2008; EN 60335-2-54:2008; EN 61009-1:2012.

(12)

Jeħtieġ ukoll li tiġi rtirata r-referenza tal-istandard armonizzat EN 61851-22:2002 ippubblikat fil-Komunikazzjoni tal-Kummissjoni (2016/C 249/03), peress li l-istandard rivedut EN IEC 61851-1:2019, li ġie miżjud mal-Anness I tad-Deċiżjoni ta’ Implimentazzjoni (UE) 2019/1956 jinkorpora b’mod integrali t-test tal-istandard EN 61851-22:2002.

(13)

L-Anness II tad-Deċiżjoni ta’ Implimentazzjoni (UE) 2019/1956 jelenka r-referenzi tal-istandards armonizzati abbozzati b’appoġġ għad-Direttiva 2014/35/UE li huma rtirati mis-serje C ta’ Il-Ġurnal Uffiċjali tal-Unjoni Ewropea. Għalhekk, jixraq li r-referenzi tal-istandards irtirati jiġu inklużi f’dak l-Anness.

(14)

Jeħtieġ ukoll li jiġu rtirati r-referenzi tal-istandards armonizzati li ġejjin: EN 61010-2-091:2012; EN 60335-2-105:2005; EN 60335-2-84:2003; EN 60335-2-29:2004; EN 60335-2-15:2016; EN 60335-2-35:2016; EN 60335-2-61:2003; EN 60335-2-27:2013; u EN 60335-2-21:2021, flimkien mar-referenzi ta’ kwalunkwe standard emendatorju jew ta’ korrezzjoni għalihom ippubblikat f’Il-Ġurnal Uffiċjali tal-Unjoni Ewropea, mis-serje L ta’ Il-Ġurnal Uffiċjali tal-Unjoni Ewropea, billi dawn ġew ikkoreġuti jew emendati. Għalhekk, jixraq li dawk ir-referenzi jitħassru mill-Anness I tad-Deċiżjoni ta’ Implimentazzjoni (UE) 2019/1956.

(15)

Madankollu, minħabba li r-referenza tal-istandard armonizzat EN 61010-2-091:2012 kif ikkoreġut b’EN 61010-2-091:2012/AC:2013 hija ppubblikata fl-Anness IB tad-Deċiżjoni ta’ Implimentazzjoni (UE) 2019/1956, jeħtieġ li dawk ir-referenzi jitħassru minn dak l-Anness.

(16)

Sabiex il-manifatturi jingħataw biżżejjed żmien biex jippreparaw għall-applikazzjoni tal-istandards armonizzati EN IEC 60320-1:2021; EN IEC 60335-2-25:2021 kif emendat b’EN IEC 60335-2-25:2021/A11:2021; EN IEC 60335-2-41:2021 kif emendat b’EN IEC 60335-2-41:2021/A11:2021; EN IEC 60335-2-96:2021 kif emendat b’EN IEC 60335-2-96:2021/A11:2021; EN IEC 60974-8:2021; EN IEC 61010-2-032:2021 kif emendat b’EN IEC 61010-2-032:2021/A11:2021; EN IEC 61010-2-033:2021 kif emendat b’EN IEC 61010-2-033:2021/A11:2021; EN IEC 61010-2-040:2021; EN IEC 61010-2-091:2021 kif emendat b’EN IEC 61010-2-091:2021/A11:2021; EN IEC 61914:2021; EN IEC 62031:2020 kif emendat b’EN IEC 62031:2020/A11:2021; EN IEC 60335-2-105:2021 kif emendat b’EN IEC 60335-2-105:2021/A11:2021 u b’EN IEC 60335-2-105:2021/A1:2021; EN IEC 60335-2-84:2021 kif emendat b’EN IEC 60335-2-84:2021/A11:2021; EN 60335-2-29:2021 kif emendat b’EN 60335-2-29:2021/A1:2021; EN 60335-2-54:2008 kif emendat b’EN 60335-2-54:2008/A11:2012/AC:2015, EN 60335-2-54:2008/A11:2012, EN 60335-2-54:2008/A1:2015, EN 60335-2-54:2008/A12:2021 u EN 60335-2-54:2008/A2:2021; EN 61009-1:2012 kif emendat b’EN 61009-1:2012/A1:2014, EN 61009-1:2012/A11:2015, EN 61009-1:2012/A2:2014 u EN 61009-1:2012/A13:2021; EN 60335-2-15:2016 kif emendat b’EN 60335-2-15:2016/A11:2018, EN 60335-2-15:2016/A12:2021, EN 60335-2-15:2016/A1:2021 u EN 60335-2-15:2016/A2:2021; EN 60335-2-35:2016 kif emendat b’EN 60335-2-35:2016/A1:2019 u EN 60335-2-35:2016/A2:2021; EN 60335-2-61:2003 kif emendat b’EN 60335-2-61:2003/A1:2005, EN 60335-2-61:2003/A2:2008, EN 60335-2-61:2003/A11:2019 u EN 60335-2-61:2003/A12:2021; EN 60335-2-27:2013 kif emendat b’EN 60335-2-27:2013/A1:2020, EN 60335-2-27:2013/A2:2020 u EN 60335-2-27:2013/AC:2021-11; u EN 60335-2-21:2021 kif emendat b’EN 60335-2-21:2021/A1:2021; jeħtieġ li l-irtirar tar-referenzi tal-istandards armonizzati li ġejjin jiġi differit flimkien mar-referenzi ta’ kwalunkwe standard emendatorju jew ta’ korrezzjoni: EN 60320-1:2001; EN 60335-2-25:2012; EN 60335-2-41:2003; EN 60335-2-96:2002; EN 60974-8:2009; EN 61010-2-032:2012; EN 61010-2-033:2012; EN 61010-2-040:2005; EN 61914:2016; EN 62031:2008; EN 60335-2-54:2008; EN 61009-1:2012; EN 61851-22:2002; EN 61010-2-091:2012; EN 60335-2-105:2005; EN 60335-2-84:2003; EN 60335-2-29:2004; EN 60335-2-15:2016; EN 60335-2-35:2016; EN 60335-2-61:2003; EN 60335-2-27:2013; u EN 60335-2-21:2021.

(17)

Għalhekk, jenħtieġ li d-Deċiżjoni ta’ Implimentazzjoni (UE) 2019/1956 tiġi emendata skont dan.

(18)

Il-konformità ma’ standard armonizzat tikkonferixxi preżunzjoni ta’ konformità mar-rekwiżiti essenzjali korrispondenti, inkluż l-għanijiet tas-sikurezza, stabbiliti fil-leġiżlazzjoni tal-Unjoni dwar l-armonizzazzjoni, mid-data tal-pubblikazzjoni tar-referenza ta’ tali standard f’Il-Ġurnal Uffiċjali tal-Unjoni Ewropea. Għalhekk, jenħtieġ li din id-Deċiżjoni tidħol fis-seħħ fil-jum tal-pubblikazzjoni tagħha,

(a)

l-Anness I huwa emendat f’konformità mal-Anness I ta’ din id-Deċiżjoni;

(b)

l-Anness IB huwa emendat f’konformità mal-Anness II ta’ din id-Deċiżjoni;

(c)

l-Anness II huwa emendat f’konformità mal-Anness III ta’ din id-Deċiżjoni.

(1)

L-Artikolu 6(1) tar-Regolament (UE) Nru 952/2013 jirrikjedi li l-iskambji kollha ta’ informazzjoni bejn l-awtoritajiet doganali u bejn l-operaturi ekonomiċi u l-awtoritajiet doganali u l-ħażna ta’ tali informazzjoni kif rikjest skont il-leġiżlazzjoni tad-dwana, bl-użu ta’ tekniki elettroniċi tal-ipproċessar tad-data.

(2)

L-Artikolu 6(4) tar-Regolament (UE) Nru 952/2013 jipprevedi l-adozzjoni ta’ deċiżjonijiet f’każijiet eċċezzjonali biex Stat Membru wieħed jew aktar ikunu jistgħu jidderogaw mill-użu ta’ tekniki tal-ipproċessar elettroniku tad-data għall-iskambju u l-ħażna ta’ informazzjoni jekk tali deroga tkun ġustifikata mis-sitwazzjoni speċifika tal-Istat Membru rikjedenti u tingħata għal perjodu speċifiku ta’ żmien.

(3)

Id-Deċiżjoni ta’ Implimentazzjoni tal-Kummissjoni (UE) 2019/2151 (2) tistabbilixxi l-programm ta’ ħidma relatat mal-iżvilupp u t-tnedija tas-sistemi elettroniċi previsti fil-Kodiċi Doganali tal-Unjoni (“il-programm ta’ ħidma”). Il-programm ta’ ħidma jelenka s-sistemi elettroniċi li għandhom jiġu żviluppati u d-dati li fihom dawk is-sistemi huma mistennija li jsiru operattivi. Il-programm ta’ ħidma jispeċifika l-implimentazzjoni u d-dati tat-tnedija tas-Sistema ta’ Kontroll tal-Importazzjoni 2 (“ICS2”) f’konformità mal-Artikoli 6(1), 16, 46, 47 u 127 sa 132 tar-Regolament (UE) Nru 952/2013.

(4)

F’konformità mal-programm ta’ ħidma, l-Istati Membri kellhom ikunu lesti mill-15 ta’ Marzu 2021 biex jużaw l-ICS2 sabiex jiġbru d-dikjarazzjonijiet fil-qosor tad-dħul mingħand l-operaturi postali u t-trasportaturi express għall-merkanzija trasportata bl-ajru, u kellhom jagħtu lill-operaturi ekonomiċi l-possibbiltà li jaqbdu mas-sistema u jdaħħlu dikjarazzjonijiet fil-qosor tad-dħul bl-użu ta’ dik is-sistema sal-1 ta’ Ottubru 2021.

(5)

F’konformità mal-Artikolu 127 tar-Regolament (UE) Nru 952/2013 u mal-punt (c) tal-Artikolu 183(1) tar-Regolament ta’ Implimentazzjoni tal-Kummissjoni (UE) 2015/2447 (3), l-operaturi postali stabbiliti fl-Unjoni jridu jdaħħlu dikjarazzjonijiet fil-qosor tad-dħul billi jużaw l-ICS2 mill-1 ta’ Ottubru 2021.

(6)

L-operaturi postali fl-Unjoni, li jirċievu posta mingħand operaturi postali mhux tal-Unjoni, jiddependu fuq dawk l-operaturi għall-ġbir u l-iskambju f’waqthom ta’ data elettronika bil-quddiem sabiex jissodisfaw l-obbligi skont ir-Regolament ta’ Implimentazzjoni (UE) 2015/2447. Madankollu, l-operaturi postali minn ċerti pajjiżi terzi għadhom mhumiex teknikament lesti biex jikkonformaw mar-rekwiżiti għall-ġbir u l-iskambju internazzjonali ta’ data elettronika bil-quddiem, li japplikaw għalihom skont il-Konvenzjoni tal-Unjoni Postali Universali. Għalhekk, dawn xorta għadhom qed jonqsu milli jaqbdu, kompletament jew parzjalment, data elettronika u għalhekk ma jikkomunikawhiex lill-operaturi postali stabbiliti fl-Unjoni. L-operaturi postali fl-Unjoni jistgħu minflok jużaw mill-ġdid id-data miġbura għall-finijiet tad-dikjarazzjoni doganali u jikkomunikaw dik id-data lill-ICS2 permezz ta’ proċess awtomatizzat. Madankollu, mhux l-operaturi postali kollha fl-Unjoni stabbilixxew tali proċess awtomatizzat ta’ użu mill-ġdid.

(7)

Minħabba n-nuqqas ta’ data elettronika bil-quddiem, li hija l-informazzjoni tad-dikjarazzjoni ta’ qabel il-wasla jew ta’ qabel it-tagħbija, li tipikament tinsab fil-formola doganali, minn ċerti operaturi postali stabbiliti f’pajjiżi terzi, l-operaturi postali stabbiliti fl-Unjoni huma meħtieġa li jimmarkaw manwalment id-data fl-ICS2 fil-ħin tal-wasla fiżika tal-kunsinni postali, meta ma jkunux stabbilixxew proċess awtomatizzat għall-użu mill-ġdid u għall-komunikazzjoni tad-data lill-ICS2 li tinġabar għall-finijiet tad-dikjarazzjoni doganali, f’konformità mal-Artikolu 139(5) tar-Regolament (UE) Nru 952/2013. Meta proċess manwali bħal dan jikkonċerna proporzjon għoli ta’ kunsinni postali, dan jista’ jikkawża tfixkil sinifikanti fil-katina tal-provvista postali internazzjonali.

(8)

Minkejja l-obbligu li tiġi ppreżentata d-data tad-dikjarazzjoni fil-qosor tad-dħul b’mod elettroniku għall-kunsinni postali kollha mill-1 ta’ Ottubru 2021, skont l-informazzjoni riċevuta mill-awtoritajiet doganali tal-Belġju, il-Bulgarija, Ċipru, il-Litwanja, in-Netherlands u l-Finlandja, il-volum tal-kunsinni postali li għalihom mhija disponibbli l-ebda data elettronika bil-quddiem sabiex jiddaħħlu dikjarazzjonijiet fil-qosor tad-dħul permezz tal-ICS2 f’dawn l-Istati Membri, kien ogħla minn 15 % tal-għadd totali ta’ kunsinni postali riċevuti fix-xahar ta’ qabel id-data tal-applikazzjoni ta’ din id-Deċiżjoni. Dan joħloq tfixkil u ostakli fil-fluss ta’ merkanzija li jaslu bil-posta f’dawk l-Istati Membri minkejja l-isforzi kontinwi ta’ dawn tal-aħħar biex jikkonformaw mal-obbligi legali fir-rigward tal-iskambju elettroniku ta’ data relatata mal-ICS2.

(9)

Dawn iċ-ċirkostanzi eċċezzjonali kkawżati min-nuqqas ta’ tħejjija teknika tas-sistemi tal-operaturi postali mhux tal-Unjoni jiġġustifikaw it-talbiet għal deroga f’konformità mar-Regolament (UE) Nru 952/2013, li tressqu mill-Bulgarija, minn Ċipru u mil-Litwanja fil-21 ta’ Diċembru 2021, min-Netherlands fit-23 ta’ Diċembru 2021, mill-Belġju fil-5 ta’ Jannar 2022 u mill-Finlandja fl-14 ta’ Jannar 2022. Jenħtieġ li dawn id-derogi jippermettu temporanjament lil dawk l-Istati Membri li jużaw mezzi oħra minbarra t-tekniki elettroniċi tal-ipproċessar tad-data għall-iskambju u l-ħażna ta’ informazzjoni b’rabta mal-merkanzija f’kunsinni postali li għalihom l-operaturi postali mhux tal-Unjoni ma jikkomunikawx data elettronika bil-quddiem lill-operaturi postali tal-Unjoni u li għalihom l-operaturi postali tal-Unjoni ma jistgħux jerġgħu jużaw id-data tad-dikjarazzjonijiet doganali għall-preżentazzjoni tad-dikjarazzjonijiet fil-qosor tad-dħul permezz tal-ICS2.

(10)

Fl-implimentazzjoni ta’ din id-Deċiżjoni, l-awtoritajiet doganali tal-Belġju, tal-Bulgarija, ta’ Ċipru, tal-Litwanja, tan-Netherlands u tal-Finlandja se jkollhom jinnotifikaw lill-Kummissjoni dwar il-progress li jkun sar mill-operaturi postali rispettivi tagħhom biex jipprovdu d-data tad-dikjarazzjonijiet fil-qosor tad-dħul għall-kunsinni postali permezz tal-ICS2 fi żmien xahar wara n-notifika tad-Deċiżjoni.

(11)

Peress li l-obbligu li d-data tad-dikjarazzjoni fil-qosor tad-dħul tiġi ppreżentata b’mod elettroniku għall-kunsinni postali kollha daħal fis-seħħ fl-1 ta’ Ottubru 2021, jenħtieġ li din id-Deċiżjoni tapplika b’mod retroattiv minn dik id-data u sat-30 ta’ Ġunju 2022,

(a)

ma ġiet ikkomunikata l-ebda data elettronika bil-quddiem għal dik il-merkanzija minn operatur postali li huwa stabbilit barra mit-territorju doganali tal-Unjoni u li jipprovdi servizzi internazzjonali rregolati mill-Konvenzjoni tal-Unjoni Postali Universali;

(b)

il-volum tal-kunsinni postali kkonċernati qabeż il-15 % tal-għadd totali ta’ kunsinni postali riċevuti matul ix-xahar ta’ qabel id-data tal-applikazzjoni ta’ din id-Deċiżjoni;

(c)

meta l-Istat Membru kkonċernat jippermetti l-użu ta’ mezzi oħra għajr tekniki elettroniċi għall-ipproċessar tad-data kif previst hawn fuq, l-operatur postali nazzjonali ma jkollux il-kapaċità teknika li juża mill-ġdid u jikkomunika lis-Sistema ta’ Kontroll tal-Importazzjoni (“ICS2”) id-data miġbura għall-fini tad-dikjarazzjoni doganali għar-rilaxx għaċ-ċirkolazzjoni libera.

(1)

L-Artikolu 6(1) tar-Regolament (UE) Nru 952/2013 jirrikjedi li l-iskambji kollha ta’ informazzjoni bejn l-awtoritajiet doganali u bejn l-operaturi ekonomiċi u l-awtoritajiet doganali, u l-ħażna ta’ tali informazzjoni, kif meħtieġ skont il-leġiżlazzjoni doganali, isiru bl-użu ta’ tekniki elettroniċi tal-ipproċessar tad-data.

(2)

L-Artikolu 6(4) tar-Regolament (UE) Nru 952/2013 jipprevedi l-adozzjoni ta’ deċiżjonijiet f’każijiet eċċezzjonali biex Stat Membru wieħed jew aktar ikunu jistgħu jidderogaw mill-użu ta’ tekniki elettroniċi tal-ipproċessar tad-data għall-iskambju u l-ħażna ta’ informazzjoni, jekk tali deroga tkun ġustifikata mis-sitwazzjoni speċifika tal-Istat Membru rikjedenti u tingħata għal perjodu speċifiku ta’ żmien.

(3)

Id-Deċiżjoni ta’ Implimentazzjoni tal-Kummissjoni (UE) 2019/2151 (2) tistabbilixxi l-programm ta’ ħidma relatat mal-iżvilupp u t-tnedija tas-sistemi elettroniċi previsti fil-Kodiċi Doganali tal-Unjoni (“il-programm ta’ ħidma”). Il-programm ta’ ħidma jelenka s-sistemi elettroniċi li għandhom jiġu żviluppati u d-dati li fihom dawk is-sistemi huma mistennija li jsiru operattivi. Il-programm ta’ ħidma jispeċifika l-implimentazzjoni u d-dati tat-tnedija tas-Sistema ta’ Kontroll tal-Importazzjoni 2 (“ICS2”) f’konformità mal-Artikoli 6(1), 16, 46, 47 u 127 sa 132 tar-Regolament (UE) Nru 952/2013.

(4)

F’konformità mal-programm ta’ ħidma, l-Istati Membri kellhom ikunu lesti sal-15 ta’ Marzu 2021 biex jużaw ir-rilaxx 1 tal-ICS2 sabiex jiġbru d-dikjarazzjonijiet fil-qosor tad-dħul mingħand l-operaturi postali u t-trasportaturi express għall-merkanzija ttrasportata bl-ajru, u kellhom jagħtu lill-operaturi ekonomiċi l-possibbiltà li jaqbdu mas-sistema u jdaħħlu dikjarazzjonijiet fil-qosor tad-dħul billi jużaw dik is-sistema sal-1 ta’ Ottubru 2021.

(5)

F’konformità mal-Artikolu 127 tar-Regolament (UE) Nru 952/2013 u l-punt (c) tal-Artikolu 183(1) tar-Regolament ta’ Implimentazzjoni tal-Kummissjoni (UE) 2015/2447 (3), mill-1 ta’ Ottubru 2021 l-operaturi postali stabbiliti fl-Unjoni jridu jdaħħlu dikjarazzjonijiet fil-qosor tad-dħul u jipprovdu d-data meħtieġa lill-awtoritajiet doganali tal-Istati Membri kkonċernati bl-użu tal-ICS2.

(6)

Madankollu, l-operatur postali fl-Ungerija għadu mhuwiex teknikament lest biex jikkonforma ma’ dawk ir-rekwiżiti. Minħabba ċirkostanza eċċezzjonali kkawżata min-nuqqas ta’ kapaċità tal-kuntrattur magħżul li jiżviluppa s-soluzzjoni elettronika meħtieġa, l-operatur postali Ungeriż ma setax jistabbilixxi konnessjoni mal-ICS2 sal-iskadenza tal-1 ta’ Ottubru 2021. L-operatur postali ddeċieda li juża kuntrattur ieħor biex jiżviluppa l-konnessjoni u x-xogħol tekniku għadu għaddej. Konsegwentement, l-operatur postali għadu ma jistax jikkomunika d-data tad-dikjarazzjoni fil-qosor tad-dħul lis-sistema bl-użu ta’ tekniki elettroniċi għall-ipproċessar tad-data.

(7)

Iċ-ċirkostanza eċċezzjonali li kkawżat in-nuqqas ta’ tħejjija teknika tal-operatur postali Ungeriż tiġġustifika t-talba biex tinkiseb deroga f’konformità mar-Regolament (UE) Nru 952/2013 mressqa mill-awtorità doganali tal-Ungerija fil-21 ta’ Diċembru 2021. Għalhekk, jenħtieġ li tali deroga tippermetti temporanjament lill-Ungerija li tuża mezzi oħra għajr għat-tekniki elettroniċi tal-ipproċessar tad-data għall-iskambju u l-ħażna tal-informazzjoni fir-rigward tal-merkanzija f’kunsinni postali li għalihom dak l-operatur postali huwa obbligat idaħħal dikjarazzjoni fil-qosor tad-dħul.

(8)

Fl-implimentazzjoni ta’ din id-Deċiżjoni, l-awtorità doganali tal-Ungerija għandha tinnotifika lill-Kummissjoni bil-konnessjoni tal-operatur postali deżinjat tagħha mal-ICS2.

(9)

Id-durata tad-deroga jenħtieġ li tkun ibbażata fuq l-istat ta’ żvilupp tas-sistema postali nazzjonali li tippermetti l-komunikazzjoni elettronika tad-data tal-ICS2 għall-kunsinni postali lill-amministrazzjoni doganali u l-iskeda ta’ żmien għat-tlestija tagħha.

(10)

Peress li l-obbligu li d-data tad-dikjarazzjoni fil-qosor tad-dħul tiġi ppreżentata elettronikament għall-kunsinni postali kollha daħal fis-seħħ fl-1 ta’ Ottubru 2021, jenħtieġ għalhekk li din id-Deċiżjoni tapplika minn dik id-data,

(1)

Fis-7 ta’ Lulju 2021, il-manifattur Stellantis ressaq applikazzjoni (“l-applikazzjoni”) għall-approvazzjoni bħala teknoloġija innovattiva, teknoloġija ta’ Tagħmir tat-Tisħin Intelliġenti tad-Diżil għall-użu fil-karozzi tal-passiġġieri (“vetturi M1”) u fil-vetturi kummerċjali ħfief (“vetturi N1”) b’magna konvenzjonali tal-kombustjoni interna (“ICE” – internal combustion engine) li jaħdmu bid-diżil u fil-vetturi M1 jew N1 elettriċi ibridi b’iċċarġjar fuq il-vettura (NOVC-HEVs) li jaħdmu bid-diżil u li għalihom jistgħu jintużaw valuri mkejla mhux ikkoreġuti tal-konsum tal-fjuwil u tal-emissjonijiet tas-CO2 f’konformità mal-paragrafu 1.1.4 tal-Appendiċi 2 tas-Subanness 8 tal-Anness XXI tar-Regolament tal-Kummissjoni (UE) 2017/1151 (2).

(2)

L-applikazzjoni ġiet ivvalutata f’konformità mal-Artikolu 11 tar-Regolament (UE) 2019/631, ir-Regolamenti ta’ Implimentazzjoni tal-Kummissjoni (UE) Nru 725/2011 (3) u (UE) Nru 427/2014 (4) u l-Linji Gwida Tekniċi għat-tħejjija tal-applikazzjonijiet għall-approvazzjoni ta’ teknoloġiji innovattivi skont ir-Regolament (KE) Nru 443/2009 u (UE) Nru 510/2011 (il-verżjoni ta’ Lulju 2018) (5). F’konformità mal-Artikolu 11(3) tar-Regolament (UE) 2019/631, l-applikazzjoni kienet akkumpanjata minn rapport ta’ verifika li twettaq minn korp indipendenti u ċċertifikat.

(3)

Għall-użu tiegħu fil-vetturi, id-diżil jeħtieġ li jiġi ffiltrat sabiex jiġu żgurati proċess ta’ kombustjoni ta’ kwalità għolja u l-operabbiltà kif suppost tal-vettura. Għat-tipi differenti ta’ diżil, hemm temperatura baxxa speċifika intrinsika li fiha l-itqal paraffini ta’ ġo fihom jibdew jippreċipitaw u jiffurmaw kristalli tax-xama’, li mbagħad isoddu l-elementi ta’ filtrazzjoni fis-sistema tal-fjuwil, u jwasslu biex il-magna ma tistartjax, timmissja jew ikun hemm telf ta’ potenza tal-magna waqt is-sewqan. Għalhekk, il-vetturi li jaħdmu bid-diżil ikunu mgħammra b’tagħmir tat-tisħin tal-fjuwil li jiġi attivat f’temperaturi baxxi u li jipprevjeni dan il-proċess ta’ tisdid.

(4)

L-applikant wera li l-penetrazzjoni fis-suq tat-teknoloġija ekoinnovattiva ma qabżitx it-3 % fl-2019, li hija data iktar tard mis-sena ta’ referenza prevista fl-Artikolu 2(2)(a) tar-Regolamenti ta’ Implimentazzjoni (UE) Nru 725/2011 u (UE) Nru 427/2014. B’hekk, il-kriterju ta’ innovazzjoni huwa issodisfat.

(5)

Ġie kkonfermat li l-benefiċċji tat-teknoloġija mhumiex koperti bit-test tat-Tip I tal-approvazzjoni tat-tip tas-CO2, peress li t-Tagħmir tat-Tisħin Intelliġenti tad-Diżil ma jiġix attivat fit-temperatura li fiha jsir dak it-test.

(6)

It-teknoloġija bażi li magħha għandu jitqabbel l-iffrankar tas-CO2 mit-Tagħmir tat-Tisħin Intelliġenti tad-Diżil, hija t-tagħmir tat-tisħin konvenzjonali tad-diżil integrat fl-assemblaġġ tal-filtru li jixgħel f’temperatura tal-fjuwil taħt + 5 °C u jerġa’ jintefa’ f’temperatura tal-fjuwil ogħla minn + 8 °C, abbażi tas-sinjal li jkun ġej mis-sensur tat-temperatura ġewwa l-assemblaġġ tal-filtru tad-diżil. L-attivazzjoni ta’ dak it-tagħmir tat-tisħin bażi tad-diżil hija kkontrollata biss minn livell limitu tat-temperatura. It-Tagħmir tat-Tisħin Intelliġenti tad-Diżil jiġi attivat abbażi tas-sitwazzjoni tat-tagħbija tal-paraffini tal-kompartiment tal-filtru, li tiġi mmonitorjata minn sensur tal-pressjoni tal-filtru flimkien mas-sensur tat-temperatura. Dan inaqqas il-ħin li matulu jiġi attivat it-tagħmir tat-tisħin tal-fjuwil, u b’hekk jipprovdi tnaqqis fl-użu tal-enerġija u fl-emissjonijiet tas-CO2.

(7)

L-applikant ipprovda metodoloġija għad-determinazzjoni tal-iffrankar tas-CO2 mit-Tagħmir tat-Tisħin Intelliġenti tad-Diżil. Sabiex jiġi ddeterminat il-konsum tal-enerġija tat-teknoloġiji bażi u ekoinnovattivi, vettura mgħammra bit-teknoloġija ekoinnovattiva għandha tiġi ttestjata skont il-kundizzjonijiet ta’ limitu taċ-Ċiklu ta’ Ttestjar għall-Vetturi Ħfief Armonizzat fuq Livell Dinji (WLTC) stabbiliti fir-Regolament (UE) 2017/1151, f’temperatura ta’ -20 °C u bl-użu ta’ diżil artiku. Il-vettura għandha tkun mgħammra b’unità ta’ kontroll elettroniku (ECU) miftuħa, li tippermetti l-qari tas-sinjali li jiddiżattivaw it-tagħmir tat-tisħin tal-fjuwil. Ġie ddeterminat fattur tal-użu, li jirrifletti s-sehem medju tal-użu tat-teknoloġija innovattiva f’kundizzjonijiet tad-dinja reali, filwaqt li tqiesu fost l-oħrajn il-kwalità tal-fjuwil, it-temperatura ambjentali, il-karatteristiċi tal-komponenti tekniċi, id-data dwar l-għadd tat-traffiku u l-ishma tal-bejgħ tal-vetturi fl-Istati Membri kollha.

(8)

Filwaqt li jitqiesu l-kunsiderazzjonijiet ta’ hawn fuq, il-metodoloġija tal-ittestjar għandha titqies xierqa biex jiġi ddeterminat l-iffrankar tas-CO2 mit-teknoloġija innovattiva inkwistjoni. Billi applika dik il-metodoloġija tal-ittestjar, l-applikant wera wkoll li ġie vverifikat li l-livell limitu minimu tal-iffrankar tas-CO2 ta’ 0,5 g ta’ CO2 għal kull km jinqabeż u huwa sinifikanti statistikament.

(9)

Il-manifatturi jenħtieġ li jkollhom il-possibbiltà li japplikaw għand awtorità tal-approvazzjoni tat-tip għaċ-ċertifikazzjoni tal-iffrankar tas-CO2 mill-użu tat-teknoloġija innovattiva meta jiġu ssodisfati l-kundizzjonijiet stabbiliti f’din id-Deċiżjoni. Għal dak l-iskop, il-manifatturi jenħtieġ li jiżguraw li l-applikazzjoni għaċ-ċertifikazzjoni tkun akkumpanjata minn rapport ta’ verifika minn korp indipendenti u ċċertifikat li jikkonferma li t-teknoloġija innovattiva tikkonforma mal-kundizzjonijiet stabbiliti f’din id-Deċiżjoni u li l-iffrankar ġie ddeterminat f’konformità mal-metodoloġija tal-ittestjar imsemmija f’din id-Deċiżjoni.

(10)

Hija r-responsabbiltà tal-awtorità tal-approvazzjoni tat-tip li tivverifika bir-reqqa li jiġu ssodisfati l-kundizzjonijiet għaċ-ċertifikazzjoni tal-iffrankar tas-CO2 mill-użu ta’ teknoloġija innovattiva kif speċifikat f’din id-Deċiżjoni. Meta tinħareġ iċ-ċertifikazzjoni, jenħtieġ li l-awtorità responsabbli tal-approvazzjoni tat-tip tiżgura li l-elementi kollha kkunsidrati għaċ-ċertifikazzjoni jiġu rreġistrati f’rapport tat-test u li dan jinżamm flimkien mar-rapport ta’ verifika u li din l-informazzjoni ssir disponibbli għall-Kummissjoni jekk titlobha.

(11)

Għall-iskop tad-determinazzjoni tal-kodiċi tal-ekoinnovazzjoni ġenerali li għandu jintuża fid-dokumenti tal-approvazzjoni tat-tip rilevanti f’konformità mal-Annessi I, VIII u IX tar-Regolament (UE) 2018/858 tal-Parlament Ewropew u tal-Kunsill (6), jeħtieġ li jiġi attribwit kodiċi individwali għat-teknoloġija innovattiva,

(a)

Jiġi installat fil-vetturi M1 jew N1 b’magna tal-kombustjoni interna li jaħdmu bid-diżil jew fil-vetturi elettriċi ibridi b’iċċarġjar fuq il-vettura, tal-kategorija M1 jew N1 li jaħdmu bid-diżil u li għalihom jistgħu jintużaw valuri mkejla mhux ikkoreġuti tal-konsum tal-fjuwil u tal-emissjonijiet tas-CO2 f’konformità mal-paragrafu 1.1.4 tal-Appendiċi 2, is-Subanness 8 tal-Anness XXI tar-Regolament (UE) 2017/1151;

(b)

Jattiva lilu nnifsu l-iktar kmieni fit-temperatura speċifika meta l-fjuwil ma jibqax trasparenti, meta jkun meħtieġ biex jiġi evitat li jinstaddu l-elementi ta’ filtrazzjoni fis-sistema tal-fjuwil, billi jitqiesu kemm il-livell limitu tat-temperatura kif ukoll it-tagħbija tal-paraffini tal-kompartiment tal-filtru.

(1)

Id-deni Afrikan tal-ħnieżer huwa marda virali infettiva li taffettwa l-annimali porċini miżmuma u selvaġġi u jista’ jkollu impatt qawwi fuq il-popolazzjoni tal-annimali kkonċernati u l-profittabbiltà tat-trobbija tal-annimali, u b’hekk jikkawża tfixkil għall-movimenti ta’ kunsinni ta’ dawk l-annimali u l-prodotti tagħhom fl-Unjoni u l-esportazzjonijiet lejn pajjiżi terzi.

(2)

Fil-każ ta’ tifqigħa tad-deni Afrikan tal-ħnieżer f’annimali porċini selvaġġi, jkun hemm riskju serju li dik il-marda tinxtered fuq annimali porċini selvaġġi oħra u f’azjendi li jżommu l-annimali porċini.

(3)

Ir-Regolament Delegat tal-Kummissjoni 2020/687 (2) jissupplimenta r-regoli għall-kontroll tal-mard elenkat imsemmi fl-Artikolu 9(1)(a), (b) u (c) tar-Regolament (UE) 2016/429, u definiti bħala l-mard tal-kategorija A, B u C fir-Regolament ta’ Implimentazzjoni tal-Kummissjoni (UE) 2018/1882 (3). B’mod partikolari l-Artikoli 63 sa 66 tar-Regolament Delegat (UE) 2020/687 jipprevedu ċerti miżuri li għandhom jittieħdu fil-każ ta’ konferma uffiċjali tat-tifqigħa ta’ marda tal-kategorija A f’annimali selvaġġi, inkluż id-deni Afrikan tal-ħnieżer f’annimali porċini selvaġġi. B’mod notevoli, dawk id-dispożizzjonijiet jipprevedu l-istabbiliment ta’ żona infettata u projbizzjonijiet fuq il-moviment tal-annimali selvaġġi tal-ispeċijiet elenkati u l-prodotti li joriġinaw minn dawk l-annimali.

(4)

Ir-Regolament ta’ Implimentazzjoni tal-Kummissjoni (UE) 2021/605 (4) jistabbilixxi miżuri ta’ kontroll speċjali tal-mard rigward id-deni Afrikan tal-ħnieżer. B’mod partikolari, fil-każ tat-tifqigħa ta’ dik il-marda f’annimali porċini selvaġġi f’żona ta’ Stat Membru, l-Artikolu 3(b) ta’ dak ir-Regolament ta’ Implimentazzjoni jipprevedi l-istabbiliment ta’ żona infettata f’konformità mal-Artikolu 63 tar-Regolament Delegat (UE) 2020/687. Minbarra dan, l-Artikolu 6 ta’ dak ir-Regolament ta’ Implimentazzjoni jipprevedi li dik iż-żona għandha tiġi elenkata bħala żona ristretta II fil-Parti II tal-Anness I tiegħu u li ż-żona infettata, stabbilita f’konformità mal-Artikolu 63 tar-Regolament Delegat (UE) 2020/687, għandha tiġi aġġustata mingħajr dewmien biex tinkludi mill-inqas iż-żona ristretta II. Il-miżuri ta’ kontroll speċjali għad-deni Afrikan tal-ħnieżer stabbiliti fir-Regolament ta’ Implimentazzjoni (UE) 2021/605 jinkludu, fost l-oħrajn, projbizzjonijiet fuq il-moviment tal-kunsinni ta’ annimali porċini miżmuma fiż-żoni ristretti II u l-prodotti minnhom barra dawk iż-żoni ristretti.

(5)

L-Italja infurmat lill-Kummissjoni bis-sitwazzjoni attwali tad-deni Afrikan tal-ħnieżer fit-territorju tagħha, wara tifqigħa ta’ dik il-marda fl-annimali porċini selvaġġi fil-muniċipalità ta’ Ruma kkonfermata fl-4 ta’ Mejju 2022. Għaldaqstant, l-awtorità kompetenti ta’ dak l-Istat Membru hija meħtieġa tistabbilixxi żona infettata f’konformità mar-Regolament Delegat (UE) 2020/687 u mar-Regolament ta’ Implimentazzjoni (UE) 2021/605.

(6)

Sabiex jiġi evitat kwalunkwe tfixkil bla bżonn fil-kummerċ fl-Unjoni u sabiex tiġi evitata l-impożizzjoni ta’ ostakli mhux ġustifikati għall-kummerċ minn pajjiżi terzi, jeħtieġ li fil-livell tal-Unjoni tiġi identifikata ż-żona infettata għad-deni Afrikan tal-ħnieżer fl-Italja b’kollaborazzjoni ma’ dak l-Istat Membru.

(7)

Biex jiġi evitat iktar tixrid tad-deni Afrikan tal-ħnieżer, waqt li ż-żona tal-Italja milquta mit-tifqigħa reċenti tkun elenkata bħala żona ristretta II fil-Parti II tal-Anness I tar-Regolament ta’ Implimentazzjoni (UE) 2021/605, il-miżuri ta’ kontroll speċjali għad-deni Afrikan tal-ħnieżer stabbiliti fih, li japplikaw għall-moviment tal-kunsinni ta’ annimali porċini miżmuma f’żoni ristretti II u l-prodotti minnhom barra dawn iż-żoni, jenħtieġ li japplikaw ukoll għall-movimenti ta’ dawk il-kunsinni miż-żona infettata stabbilita fl-Italja wara t-tifqigħa reċenti, minbarra l-miżuri stabbiliti fl-Artikoli 63 sa 66 tar-Regolament Delegat (UE) 2020/687.

(8)

Għalhekk, iż-żona infettata jenħtieġ li tkun elenkata fl-Anness ta’ dan id-Deċiżjoni u jenħtieġ li tkun soġġetta għall-miżuri ta’ kontroll speċjali għad-deni Afrikan tal-ħnieżer li japplikaw għaż-żoni ristretti II stabbiliti fir-Regolament (UE) 2021/605. Madankollu, minħabba din is-sitwazzjoni epidemjoloġika ġdida tad-deni Afrikan tal-ħnieżer u b’kont meħud taż-żieda fir-riskju immedjat li din il-marda tkompli tinxtered, il-movimenti tal-kunsinni ta’ annimali porċini miżmuma u l-prodotti minnhom lejn Stati Membri oħra u lejn pajjiżi terzi miż-żona infettata jenħtieġ li ma jkunux awtorizzati miż-żona infettata f’konformità ma’ dak ir-Regolament ta’ Implimentazzjoni. Din id-Deċiżjoni jenħtieġ li tistabbilixxi wkoll id-durata ta’ dak iż-żonar.

(9)

Għalhekk, sabiex jittaffew ir-riskji li jfeġġu mit-tifqigħa reċenti tad-deni Afrikan tal-ħnieżer fl-annimali porċini selvaġġi fl-Italja, din id-Deċiżjoni jenħtieġ li tipprevedi li l-movimenti lejn Stati Membri oħra u lejn pajjiżi terzi ta’ kunsinni ta’ annimali porċini fiż-żona infettata u l-prodotti minnhom jenħtieġ li ma jiġux awtorizzati mill-Italja sad-data tal-iskadenza ta’ din id-Deċiżjoni.

(10)

Minħabba l-urġenza tas-sitwazzjoni epidemjoloġika fl-Unjoni fir-rigward tat-tixrid tad-deni Afrikan tal-ħnieżer, huwa importanti li l-miżuri stabbiliti f’din id-Deċiżjoni japplikaw malajr kemm jista’ jkun.

(11)

Konsegwentement, sakemm il-Kumitat Permanenti dwar il-Pjanti, l-Annimali, l-Ikel u l-Għalf jagħti l-opinjoni tiegħu, iż-żona infettata fl-Italja jenħtieġ li tiġi stabbilita minnufih u tiġi elenkata fl-Anness ta’ din id-Deċiżjoni u tiġi ffissata d-durata ta’ dak iż-żonar.

(12)

Din id-Deċiżjoni għandha tiġi rieżaminata fil-laqgħa li jmiss tal-Kumitat Permanenti dwar il-Pjanti, l-Annimali, l-Ikel u l-Għalf,