ISSN 1977-074X
Il-Ġurnal Uffiċjali
tal-Unjoni Ewropea
L 99
Edizzjoni bil-Malti
Leġiżlazzjoni
Volum 65
25 ta' Marzu 2022
|
ISSN 1977-074X |
||
|
Il-Ġurnal Uffiċjali tal-Unjoni Ewropea |
L 99 |
|
|
|
||
|
Edizzjoni bil-Malti |
Leġiżlazzjoni |
Volum 65 |
|
Werrej |
|
II Atti mhux leġiżlattivi |
Paġna |
|
|
|
ATTI ADOTTATI MINN KORPI STABBILITI PERMEZZ TA' FTEHIMIET INTERNAZZJONALI |
|
|
|
* |
|
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
ATTI ADOTTATI MINN KORPI STABBILITI PERMEZZ TA' FTEHIMIET INTERNAZZJONALI
|
25.3.2022 |
MT |
Il-Ġurnal Uffiċjali tal-Unjoni Ewropea |
L 99/1 |
ID-DEĊIŻJONI Nru 1/2022 TAL-KUMITAT SPEĊJALIZZAT GĦAS-SAJD STABBILIT BL-ARTIKOLU 8(1)(Q) TAL-FTEHIM DWAR IL-KUMMERĊ U L-KOOPERAZZJONI BEJN L-UNJONI EWROPEA U L-KOMUNITÀ EWROPEA TAL-ENERĠIJA ATOMIKA, MINN NAĦA, U R-RENJU UNIT TAL-GRAN BRITTANJA U L-IRLANDA TA’ FUQ, MIN-NAĦA L-OĦRA,
tat-3 ta’ Marzu 2022
rigward l-istabbiliment ta’ Grupp ta’ Ħidma dwar is-Sajd [2022/473]
IL-KUMITAT SPEĊJALIZZAT GĦAS-SAJD
Wara li kkunsidra l-Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa, u r-Renju Unit tal-Gran Brittanja u l-Irlanda ta’ Fuq, min-naħa l-oħra (il-“Ftehim dwar il-Kummerċ u l-Kooperazzjoni”), u b’mod partikolari l-Artikolu 8(4)(f) tiegħu,
Billi:
|
(1) |
Il-Ftehim daħal fis-seħħ fl-1 ta’ Mejju 2021. |
|
(2) |
Il-Ħames Intestatura tat-Tieni Parti (l-Artikoli 493 sa 511) tal-Ftehim tipprevedi l-kooperazzjoni dwar is-sajd bejn l-Unjoni u l-Gran Brittanja, b’mod partikolari fl-Artikoli 494(1) u 508. |
|
(3) |
L-Artikolu 8(1)(q) tal-Ftehim jistabbilixxi Kumitat Speċjalizzat għas-Sajd, li jindirizza l-kwistjonijiet koperti mill-Ħames Intestatura tat-Tieni Parti tal-Ftehim. |
|
(4) |
L-Artikolu 508 tal-Ftehim jistabbilixxi, b’mod mhux eżawrjenti, il-funzjonijit u s-setgħat tal-Kumitat Speċjalizzat għas-Sajd. |
|
(5) |
Skont l-Artikolu 9(3) tal-Ftehim, Grupp ta’ Ħidma għandu jkunu magħmul minn rappreżentanti tal-Unjoni u tar-Renju Unit u għandu jkun kopresedut minn rappreżentant tal-Unjoni u minn rappreżentant tar-Renju Unit |
|
(6) |
Skont l-Artikolu 9(4) tal-Ftehim, Grupp ta’ Ħidma għandu jistabbilixxi r-regoli ta’ proċedura, l-iskeda u l-aġenda tal-laqgħat tiegħu b’kunsens reċiproku. |
|
(7) |
Sabiex tkun żgurata l-implimentazzjoni effettiva tal-Ftehim, b’mod partikolari tal-Ħames Intestatura tat-Tieni Parti, jeħtieġ li jsiru djalogi tal-esperti dwar is-sajd b’mod regolari tul is-sena, u li jissejħu anki fi żmien qasir. |
|
(8) |
Jixraq li l-Kumitat Speċjalizzat għas-Sajd jistabbilixxi Grupp ta’ Ħidma dwar is-Sajd (“il-Grupp ta’ Ħidma), li jkun taħt is-superviżjoni tiegħu. Jenħtieġ li dan il-Grupp ta’ Ħidma jistabbilixxi r-regoli ta’ proċedura tiegħu. Jenħtieġ li jirrapporta l-attivitajiet tiegħu lill-Kumitat Speċjalizzat għas-Sajd b’mod regolari, |
ADOTTA DIN ID-DEĊIŻJONI:
Artikolu 1
1. Il-Grupp ta’ Ħidma dwar is-Sajd huwa b’dan stabbilit.
Artikolu 2
1. Il-Grupp ta’ Ħidma għandu jiltaqa’ kull meta jiġi deċiż mill-kopresidenti, bi qbil reċiproku.
2. Għandu jirrapporta r-riżultati u l-konklużjonijiet tal-laqgħat tiegħu b’mod regolari lill-Kumitat Speċjalizzat għas-Sajd.
Artikolu 3
Din id-Deċiżjoni għandha tidħol fis-seħħ dakinhar tal-adozzjoni tagħha.
Magħmul fi Brussell u f’Londra, it-3 ta’ Marzu 2022.
Il-Kumitat Speċjalizzat għas-Sajd
Il-Kopresidenti
għar-Renju Unit, is-Sur Mike ROWE
għall-Unjoni Ewropea, is-Sur Joost PAARDEKOOPER