(1)

Għall-finijiet tal-ispeċifikazzjoni tal-kalkolu tal-ammont tal- “marġni totali meħtieġ”, imsemmi fl-Artikolu 23(2) tar-Regolament (UE) 2019/2033, u sabiex tiżdied iċ-ċarezza u l-konsistenza fir-rigward tal-komponenti tiegħu, jenħtieġ li jiġi ċċarat li l-ammont tal-marġni totali meħtieġ jinkludi kwalunkwe kollateral meħtieġ mill-membru tal-ikklerjar skont il-mudell tal-marġni tiegħu.

(2)

Skont l-Artikolu 23(2) tar-Regolament (UE) 2019/2033, il-marġni totali meħtieġ fuq bażi ta’ kuljum jintuża għall-kalkolu ta’ K-CMG. Meta l-membri tal-ikklerjar jadattaw il-marġni meħtieġ tagħhom fi żmien ġurnata, dan jirriżulta f’aktar minn sejħa waħda għall-marġni fl-istess jum. Sabiex tiġi evitata l-inċertezza dwar liema minn dawk ir-rekwiżiti ta’ marġni għandu jintuża u meta jitqies li t-tielet l-ogħla ammont matul perijodu ta’ tliet xhur għandu jintuża għall-kalkolu ta’ K-CMG, huwa meħtieġ li jiġi speċifikat li l-ammont ta’ marġni ta’ kuljum meħtieġ għandu jkun l-ogħla minn fost dawk ir-rekwiżiti ta’ marġni ta’ jum partikolari.

(3)

Id-ditti tal-investiment jistgħu jużaw is-servizzi tal-ikklerjar ta’ membri tal-ikklerjar multipli. Għal pożizzjonijiet li għalihom huwa applikat K-CMG, id-determinazzjoni tal-ammont tal-marġni totali meħtieġ mid-ditta tal-investiment għandha tkun komprensiva u tinkludi l-marġni sħiħ meħtieġ mill-membri tal-ikklerjar kollha. Għalhekk, meta ditta tal-investiment tuża K-CMG għal pożizzjonijiet li huma soġġetti għall-ikklerjar minn membri tal-ikklerjar multipli, is-CMG jenħtieġ li jiġi kkalkulat bħala s-somma tal-marġnijiet meħtieġa fost il-membri tal-ikklerjar kollha. Ditta tal-investiment għandha, għaldaqstant, l-ewwel tikkalkula l-ammont totali ta’ kuljum tal-marġni meħtieġ bħala s-somma tal-marġni totali meħtieġ mill-membri tal-ikklirjar kollha, qabel ma tiddetermina t-tielet l-ogħla ammont tal-marġnijiet totali meħtieġa fuq bażi ta’ kuljum kif meħtieġ mill-Artikolu 23(2) tar-Regolament (UE) 2019/2033.

(4)

Għall-applikazzjoni ta’ K-CMG fuq bażi ta’ portafoll, fejn il-portafoll kollu huwa soġġett għal ikklerjar jew proviżjonament ta’ marġni, għandhom jiġu ssodisfati l-kundizzjonijiet stabbiliti fl-Artikolu 23(1) tar-Regolament (UE) 2019/2033. Għalhekk, portafoll ta’ pożizzjonijiet ikklerjati assenjat lil post tan-negozjar wieħed jista’ jagħmel użu minn K-CMG filwaqt li, fl-istess ħin, portafoll ta’ pożizzjonijiet ikklerjati assenjat lil post tan-negozjar ieħor jista’ jagħmel użu mill- “riskju ta’ pożizzjoni netta” tal-fattur-K (K-NPR). Sabiex jiġi evitat l-arbitraġġ, l-użu ta’ K-CMG u K-NPR fil-postijiet tan-negozjar għandu jkun konsistenti. Għalhekk, l-istess approċċ għandu jintuża għall-postijiet tan-negozjar li huma simili f’termini ta’ strateġija tan-negozju u pożizzjonijiet fil-portafoll tan-negozjar.

(5)

Għall-finijiet tal-valutazzjoni skont l-Artikolu 23(1), il-punt (e), tar-Regolament (UE) 2019/2033, l-awtorità kompetenti għandha tkun meħtieġa tivvaluta jekk l-approċċ K-CMG huwiex xieraq sa fejn dan jirrifletti l-profil tar-riskju tal-pożizzjonijiet tal-portafoll tan-negozjar tad-ditta tal-investiment. Ditta tal-investiment għandha tkun meħtieġa tqabbel regolarment il-valutazzjoni tar-riskju tagħha stess mal-marġini meħtieġa mill-membri tal-ikklerjar, għall-fini li tivvaluta jekk dawk il-marġnijiet għadhomx indikatur tajjeb tal-livell ta’ riskju għas-suq tad-ditta tal-investiment. Fil-punt tal-valutazzjoni mill-awtorità kompetenti, id-ditta tal-investiment jenħtieġ li tagħmel paragun bejn ir-rekwiżiti kapitali skont K-NPR u K-CMG u jenħtieġ li tkun tista’ tiġġustifika b’mod adegwat id-differenza bejn dawk ir-rekwiżiti kapitali lill-awtorità kompetenti. Valutazzjoni mill-awtorità kompetenti għandha tkun pożittiva biss meta jiġu ssodisfati dawn il-kundizzjonijiet kollha. B’mod partikolari, l-awtorità kompetenti għandha tiżgura li d-ditta ta’ investiment tkun kapaċi timmonitorja u tiġġustifika b’mod adegwat id-differenza bejn l-eżitu taż-żewġ metodoloġiji, K-NPR u K-CMG, speċjalment f’każijiet ta’ varjazzjonijiet kbar fil-marġni meħtieġa.

(6)

Frekwenza għolja ta’ qlib bejn l-użu ta’ K-NPR u K-CMG hija indikatur qawwi ta’ użu potenzjalment sproporzjonat jew mhux sod tar-rekwiżiti ta’ fondi proprji. Huwa possibbli li jiġi evitat l-arbitraġġ regolatorju billi tiġi ristretta l-frekwenza tal-bdil tal-pożizzjonijiet bejn l-użu ta’ K-NPR u K-CMG. Rekwiżit biex isir użu kontinwu minn wieħed miż-żewġ metodi għal post tan-negozjar għal mill-inqas sentejn ikun proporzjonat biex jiġi indirizzat ir-riskju ta’ arbitraġġ regolatorju. Madankollu, f’każijiet eċċezzjonali (eż. ristrutturar tan-negozju) fejn post tan-negozjar jinbidel b’tali mod li jista’ jitqies bħala post tan-negozjar differenti, jenħtieġ li l-awtorità kompetenti tippermetti lil ditta tal-investiment tibdel il-metodi f’dak il-perjodu ta’ sentejn.

(7)

Dan ir-Regolament huwa bbażat fuq l-abbozz tal-istandards tekniċi regolatorji ppreżentat lill-Kummissjoni mill-Awtorità Bankarja Ewropea (European Banking Authority, EBA).

(8)

L-EBA wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li fuqu huwa bbażat dan ir-Regolament, analizzat il-kostijiet u l-benefiċċji potenzjali relatati u talbet il-parir tal-Grupp tal-Partijiet Bankarji Interessati stabbilit f’konformità mal-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (2),

(1)

L-Artikolu 3 tar-Regolament Delegat tal-Kummissjoni (UE) 2017/40 (2) jistabbilixxi l-kundizzjonijiet għat-tfassil u għall-applikazzjoni tal-miżuri edukattivi ta’ akkumpanjament li l-Istati Membri għandhom jipprevedu skont l-Artikolu 23(10) tar-Regolament (UE) Nru 1308/2013. Fl-interess taċ-ċertezza ġuridika, huwa xieraq li tiġi stabbilita lista mhux eżawrjenti ta’ attivitajiet li jistgħu jitwettqu bħala parti mill-miżuri edukattivi ta’ akkumpanjament taħt l-iskema tal-iskejjel, inkluż fejn ma tintalab l-ebda għajnuna mill-Unjoni. Sabiex l-iskema għall-iskejjel tkun effettiva, jixraq ukoll li jiġi ċċarat li l-Istati Membri jenħtieġ li jiżguraw li l-miżuri edukattivi ta’ akkumpanjament previsti jappoġġjaw id-distribuzzjoni tal-frott u l-ħaxix għall-iskejjel u tal-ħalib għall-iskejjel li jaslu għand it-tfal kollha li jipparteċipaw fl-iskema tal-iskejjel. Tali rekwiżit huwa mingħajr preġudizzju għall-awtonomija mogħtija lill-istabbilimenti edukattivi fl-Istati Membri, skont it-tqassim tal-kompetenzi u l-istrateġija għall-implimentazzjoni tal-iskema tal-iskejjel fl-Istati Membri kkonċernati.

(2)

L-Artikolu 5(2) tar-Regolament Delegat (UE) 2017/40 jistabbilixxi l-kundizzjonijiet ġenerali għall-għażla tal-applikanti għall-għajnuna. Meta jagħżlu l-applikanti għall-għajnuna, l-Istati Membri, li jaġixxu fil-livell nazzjonali, reġjonali jew lokali, jistgħu jkunu soġġetti għar-regoli tal-akkwist pubbliku tal-Unjoni jew dawk nazzjonali. Fl-interess taċ-ċertezza ġuridika, jixraq li jiġi ċċarat li l-Istati Membri jenħtieġ li jiżguraw konformità mar-regoli applikabbli dwar l-akkwist pubbliku.

(3)

L-Artikolu 6 tar-Regolament Delegat (UE) 2017/40 jispeċifika l-kundizzjonijiet għall-approvazzjoni tal-applikanti għall-għajnuna, u jistabbilixxi l-impenji bil-miktub li l-applikanti għandhom jagħmlu. Il-paragrafu 2 ta’ dak l-Artikolu jistipula impenn addizzjonali bil-miktub li għandu jsir fil-każ ta’ applikazzjonijiet għall-għajnuna relatati mal-provvista u/jew mad-distribuzzjoni tal-prodotti biss. Madankollu, impenn bħal dan huwa pertinenti wkoll jekk l-applikazzjonijiet għall-għajnuna jgħaqqdu l-provvista u/jew id-distribuzzjoni tal-prodotti u l-forniment ta’ miżuri edukattivi. Il-paragrafu 3 ta’ dak l-Artikolu jirreferi għall-applikazzjonijiet għall-għajnuna relatati mal-miżuri edukattivi ta’ akkumpanjament biss. Dan jindika li l-awtoritajiet kompetenti jistgħu jispeċifikaw kwalunkwe impenn addizzjonali bil-miktub li għandu jittieħed mill-applikanti għall-għajnuna. Madankollu, dan jenħtieġ li jkun possibbli għall-applikanti kollha għall-għajnuna. Għaldaqstant, l-Artikolu 6 ta’ dak ir-Regolament jenħtieġ li jiġi emendat skont dan. Sabiex l-Istati Membri jkollhom biżżejjed żmien biex jadattaw il-proċeduri għall-approvazzjoni tal-applikanti għall-għajnuna, jixraq li jiġi previst li l-emenda għall-kundizzjonijiet għall-approvazzjoni tal-applikanti għall-għajnuna tapplika biss mis-sena skolastika 2022/2023.

(4)

Għaldaqstant, jenħtieġ li r-Regolament Delegat (UE) 2017/40 jiġi emendat skont dan,

(1)

L-Artikolu 4(6) tar-Regolament ta’ Implimentazzjoni tal-Kummissjoni (UE) 2017/39 (3) jistabbilixxi li l-ammonti mitluba fl-applikazzjonijiet għall-għajnuna għandhom ikunu sostnuti b’evidenza dokumentarja li turi l-prezz tal-prodotti, tal-materjal jew tas-servizzi mogħtija flimkien ma’ riċevuta jew prova ta’ pagament jew ekwivalenti. Il-prezz tal-prodott, tal-materjal jew tas-servizz mhuwiex pertinenti fejn tintuża għażla ta’ kostijiet simplifikati, u mhuwiex konsistenti mal-objettivi ta’ simplifikazzjoni u mat-tnaqqis tal-piż amministrattiv tal-għażliet tal-kostijiet simplifikati. Għalhekk, huwa xieraq li jiġu stabbiliti rekwiżiti differenti għal sistemi bbażati fuq il-kostijiet u għażliet ta’ kostijiet simplifikati.

(2)

L-Artikolu 5 tar-Regolament ta’ Implimentazzjoni (UE) 2017/39 jistabbilixxi l-kundizzjonijiet għall-ħlas tal-għajnuna. L-evidenza dokumentarja meħtieġa tinkludi, fil-każ ta’ għażliet ta’ kostijiet simplifikati, il-prova tal-pagament għall-prodotti fornuti u/jew distribwiti u għall-materjal jew għas-servizzi mogħtija taħt il-miżuri edukattivi ta’ akkumpanjament, il-monitoraġġ, u l-attivitajiet ta’ evalwazzjoni u reklamar. Madankollu, din l-evidenza dokumentarja mhijiex meħtieġa fil-każ ta’ sistemi bbażati fuq il-kostijiet. L-esperjenza miksuba turi li tali rekwiżit mhuwiex pertinenti għall-ħlas tal-għajnuna, irrispettivament minn jekk tintużax sistema bbażata fuq il-kostijiet jew għażla simplifikata tal-kostijiet, u mhuwiex konsistenti mal-objettivi ta’ simplifikazzjoni u tnaqqis tal-piż amministrattiv permezz ta’ għażliet ta’ kostijiet simplifikati. Għalhekk, dan ir-rekwiżit jenħtieġ li jitneħħa.

(3)

F’konformità mal-Artikolu 9(4) tar-Regolament ta’ Implimentazzjoni (UE) 2017/39, fil-każ li jkun hemm applikazzjoni għall-għajnuna marbuta mal-provvista u mad-distribuzzjoni tal-prodotti u mal-miżuri edukattivi ta’ akkumpanjament, il-verifiki amministrattivi għandhom jiġu ssupplimentati b’verifiki fuq il-post. L-Artikolu 10(1) ta’ dak ir-Regolament jistabbilixxi lista mhux eżawrjenti ta’ verifiki li l-verifiki fuq il-post għandhom jinkludu fil-każ ta’ għajnuna għall-provvista u għad-distribuzzjoni ta’ prodotti. Fid-dawl tal-esperjenza miksuba, u fl-interess taċ-ċarezza, din il-lista mhux eżawrjenti ta’ verifiki li għandhom jitwettqu għandha tiġi kkomplementata, kemm għall-verifiki fuq il-post f’każ ta’ għajnuna applikata għall-provvista u għad-distribuzzjoni ta’ prodotti kif ukoll għall-miżuri edukattivi ta’ akkumpanjament.

(4)

Għalhekk, jenħtieġ li r-Regolament ta’ Implimentazzjoni (UE) 2017/39 jiġi emendat skont dan.

(5)

Il-miżuri previsti f’dan ir-Regolament huma skont l-opinjoni tal-Kumitat għall-Organizzazzjoni Komuni tas-Swieq Agrikoli,

(1)

Il-Parti A tal-Anness I tar-Regolament (UE) 2018/956 tispeċifika d-data li għandha tiġi mmonitorjata u rrapportata mill-Istati Membri relatata mal-vetturi heavy-duty ġodda rreġistrati għall-ewwel darba fl-Unjoni.

(2)

Sabiex tiġi prevista analiżi bir-reqqa f’konformità mal-Artikolu 10 tar-Regolament (UE) 2018/956, l-Istati Membri għandhom jimmonitorjaw u jirrapportaw id-data li tippermetti li tiġi ddeterminata l-konfigurazzjoni tal-fus tal-vettura tal-vetturi rrapportati fuq il-bażi tal-għadd ta’ fusien motorizzati. Tali data hija rreġistrata fl-entrata 3 taċ-ċertifikat ta’ konformità ta’ vettura heavy-duty ġdida.

(3)

Dik l-informazzjoni tippermetti lill-Kummissjoni tidentifika l-vetturi li jaqgħu fi ħdan il-kamp ta’ applikazzjoni tad-data rrapportata mill-manifatturi skont l-Artikolu 5 tar-Regolament (UE) 2018/956, abbażi tal-informazzjoni rrapportata mill-Istati Membri mingħajr il-ħtieġa ta’ skambji addizzjonali mal-manifatturi.

(4)

Abbażi tal-esperjenza miksuba mit-tħejjija tar-rapport f’konformità mal-Artikolu 10 għall-perjodu ta’ rapportar tas-sena 2019 u sabiex tiġi pprovduta analiżi bir-reqqa tad-data rrapportata fis-snin li ġejjin, huwa neċessarju li l-manifatturi jirrapportaw data speċifika dwar l-imġiba ta’ komponenti individwali tal-vettura waqt il-prova tal-għodda ta’ simulazzjoni kif irreġistrat fil-“fajl tad-data sum exec”.

(5)

L-Anness II tar-Regolament (UE) 2018/956 jistabbilixxi l-proċedura ta’ monitoraġġ u ta’ rapportar.

(6)

Abbażi tal-esperjenza miksuba mill-applikazzjoni tar-Regolament (UE) 2018/956, jenħtieġ li l-Aġenzija Ewropea għall-Ambjent ikollha l-flessibbiltà li tadatta l-istruttura u l-karattru tal-bażijiet tad-data għall-progress tekniku u ma għandhiex tkun limitata minn determinazzjonijiet tekniċi speċifiċi. Għaldaqstant, jenħtieġ li l-ismijiet deskrittivi tal-bażijiet tad-data jitneħħew mill-Anness II.

(7)

Għalhekk, jenħtieġ li r-Regolament (UE) 2018/956 jiġi emendat skont dan,

(1)

F’konformità mal-Artikolu 17(5) tar-Regolament (KE) Nru 110/2008 tal-Parlament Ewropew u tal-Kunsill (2), il-Kummissjoni eżaminat it-talba tal-Awstrija tas-7 ta’ Ġunju 2019 għar-reġistrazzjoni tal-isem “Pregler”/“Osttiroler Pregler” bħala Indikazzjoni Ġeografika.

(2)

Ir-Regolament (UE) 2019/787 li jissostitwixxi r-Regolament (KE) Nru 110/2008 daħal fis-seħħ fil-25 ta’ Mejju 2019. F’konformità mal-Artikolu 49(1) tar-Regolament imsemmi, il-Kapitolu III tar-Regolament (KE) Nru 110/2008 dwar l-Indikazzjonijiet Ġeografiċi tħassar b’effett mit-8 ta’ Ġunju 2019.

(3)

Wara li ddeterminat li t-talba hija konformi mar-Regolament (KE) Nru 110/2008, il-Kummissjoni ppubblikat l-ispeċifikazzjonijiet ewlenin tal-iskeda informattiva f’Il-Ġurnal Uffiċjali tal-Unjoni Ewropea (3), f’konformità mal-Artikolu 17(6) ta’ dan ir-Regolament, u f’konformità mal-Artikolu 50(4), l-ewwel subparagrafu tar-Regolament (UE) 2019/787.

(4)

Il-Kummissjoni ma rċeviet l-ebda dikjarazzjoni ta’ oppożizzjoni skont l-Artikolu 27(1) tar-Regolament (UE) 2019/787.

(5)

Għalhekk, huwa xieraq li l-isem “Pregler”/“Osttiroler Pregler” jiġi rreġistrat bħala Indikazzjoni Ġeografika,

(1)

Ir-Regolament (UE) 2016/429 jirrikjedi li l-konsenji ta’ annimali, ta’ prodotti ġerminali u ta’ prodotti li joriġinaw mill-annimali, sabiex jidħlu fl-Unjoni, iridu jkunu ġejjin minn pajjiż terz jew minn territorju, jew żona jew kompartiment tiegħu, elenkati f’konformità mal-Artikolu 230(1) ta’ dak ir-Regolament.

(2)

Ir-Regolament Delegat tal-Kummissjoni (UE) 2020/692 (2) jistabbilixxi r-rekwiżiti tas-saħħa tal-annimali li trid tinżamm il-konformità magħhom għad-dħul fl-Unjoni ta’ konsenji ta’ ċerti speċijiet u kategoriji tal-annimali, tal-prodotti ġerminali u tal-prodotti li joriġinaw mill-annimali minn pajjiżi terzi jew territorji jew żoni tagħhom, jew minn kompartimenti tagħhom, fil-każ tal-annimali tal-akkwakultura.

(3)

Ir-Regolament ta’ Implimentazzjoni tal-Kummissjoni (UE) 2021/404 (3) jistabbilixxi l-listi ta’ pajjiżi terzi, jew territorji, jew żoni jew kompartimenti tagħhom, li minnhom hu permess id-dħul fl-Unjoni tal-ispeċijiet u l-kategoriji ta’ annimali, prodotti ġerminali u prodotti li joriġinaw mill-annimali li jaqgħu fil-kamp ta’ applikazzjoni tar-Regolament Delegat (UE) 2020/692.

(4)

B’mod aktar partikolari, l-Annessi V u XIV tar-Regolament ta’ Implimentazzjoni (UE) 2021/404 jistabbilixxu l-listi ta’ pajjiżi terzi, jew territorji, jew żoni tagħhom awtorizzati għad-dħul fl-Unjoni, rispettivament, ta’ konsenji tal-pollam, tal-prodotti ġerminali tal-pollam, u tal-laħam frisk mill-pollam u l-għasafar tal-kaċċa.

(5)

Ir-Renju Unit innotifika lill-Kummissjoni dwar tifqigħa ta’ influwenza tat-tjur b’patoġeniċità għolja fil-pollam. It-tifqigħa tinsab qrib Bishop’s Waltham, Winchester, Hampshire, fl-Ingilterra u ġiet ikkonfermata fl-4 ta’ Frar 2022 permezz ta’ analiżi tal-laboratorju (RT-PCR).

(6)

L-awtoritajiet veterinarji tar-Renju Unit stabbilixxew żona ta’ kontroll ta’ 10 km madwar l-istabbilimenti affettwati u implimentaw politika ta’ qerda sabiex jikkontrollaw il-preżenza tal-influwenza tat-tjur b’patoġeniċità għolja u jillimitaw it-tixrid ta’ dik il-marda.

(7)

Ir-Renju Unit bagħat informazzjoni lill-Kummissjoni dwar il-qagħda epidemjoloġika fit-territorju tiegħu u l-miżuri li ħa biex jiġi evitat li l-influwenza tat-tjur b’patoġeniċità għolja tkompli tixtered. Dik l-informazzjoni ġiet evalwata mill-Kummissjoni. Abbażi ta’ dik l-evalwazzjoni, id-dħul fl-Unjoni ta’ konsenji tal-pollam, tal-prodotti ġerminali tal-pollam, u ta’ laħam frisk mill-pollam u għasafar tal-kaċċa miż-żoni taħt ir-restrizzjonijiet stabbiliti mill-awtoritajiet veterinarji tar-Renju Unit minħabba t-tifqigħat reċenti tal-influwenza tat-tjur b’patoġeniċità għolja, jenħtieġ li ma jibqax jiġi awtorizzat.

(8)

Għalhekk, jenħtieġ li l-Annessi V u XIV tar-Regolament ta’ Implimentazzjoni (UE) 2021/404 jiġu emendati skont dan.

(9)

Filwaqt li titqies is-sitwazzjoni epidemjoloġika attwali fir-Renju Unit b’rabta mal-influwenza tat-tjur b’patoġeniċità għolja u r-riskju serju tal-introduzzjoni fl-Unjoni, l-emendi li għandhom isiru lir-Regolament ta’ Implimentazzjoni (UE) 2021/404 permezz ta’ dan ir-Regolament jenħtieġ li jsiru effettivi b’urġenza.

(10)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament ta’ Implimentazzjoni tal-Kummissjoni (UE) 2021/403 (3) jistabbilixxi r-regoli dwar iċ-ċertifikati tas-saħħa tal-annimali previsti fir-Regolament (UE) 2016/429 u ċ-ċertifikati tas-saħħa tal-annimali/uffiċjali bbażati fuq ir-Regolament (UE) 2016/429 u fuq ir-Regolament (UE) 2017/625, meħtieġa għad-dħul fl-Unjoni ta’ annimali terrestri. B’mod aktar speċifiku, l-Artikolu 14 ta’ dak ir-Regolament ta’ Implimentazzjoni jistipula li ċ-ċertifikati tas-saħħa tal-annimali u ċ-ċertifikat tas-saħħa tal-annimali/uffiċjali li jridu jintużaw għad-dħul fl-Unjoni ta’ ċerti kategoriji ta’ ungulati jridu jikkorrispondu għal ċerti mudelli stabbiliti fl-Anness II tiegħu. Dak l-Artikolu jirreferi, inter alia, għall-mudell “OV/CAP-X” stabbilit fil-Kapitolu 4 ta’ dak l-Anness, li jrid jintuża għad-dħul fl-Unjoni ta’ annimali ovini u kaprini.

(2)

Ir-Regolament ta’ Implimentazzjoni tal-Kummissjoni (UE) Nru 2021/404 (4) jistabbilixxi l-listi ta’ pajjiżi terzi, territorji jew żoni tagħhom, li minnhom huwa permess id-dħul fl-Unjoni ta’ speċijiet u kategoriji ta’ annimali li jaqgħu fil-kamp ta’ applikazzjoni tar-Regolament Delegat tal-Kummissjoni (UE) 2020/692 (5). B’mod partikolari, l-Artikolu 3 ta’ dak ir-Regolament ta’ Implimentazzjoni jirreferi għall-Parti 1 tal-Anness II tiegħu li tistabbilixxi l-lista ta’ pajjiżi terzi, territorji jew żoni tagħhom, li minnhom huwa permess id-dħul fl-Unjoni tal-ungulati.

(3)

Ir-Regolament (KE) Nru 999/2001 tal-Parlament Ewropew u tal-Kunsill (6) jistabbilixxi regoli għall-prevenzjoni, għall-kontroll u għall-eradikazzjoni ta’ ċertu enċefalopatiji sponġiformi li jinxterdu (TSEs) fl-annimali. B’mod aktar speċifiku, il-Kapitolu E tal-Anness IX ta’ dak ir-Regolament jistabbilixxi r-rekwiżiti għall-importazzjoni fl-Unjoni ta’ annimali ovini u kaprini.

(4)

F’konformità mal-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (Ftehim dwar il-Ħruġ), u b’mod partikolari l-Artikolu 5(4) tal-Protokoll dwar l-Irlanda/l-Irlanda ta’ Fuq flimkien mal-Anness 2 ta’ dak il-Protokoll, ir-Regolamenti (KE) Nru 999/2001, (UE) 2016/429 u (UE) 2017/625, kif ukoll l-atti tal-Kummissjoni bbażati fuqhom, japplikaw għar-Renju Unit u fih fir-rigward tal-Irlanda ta’ Fuq wara l-perjodu ta’ tranżizzjoni previst fil-Ftehim dwar il-ħruġ. Għaldaqstant, l-annimali ħajjin mibgħuta mill-Gran Brittanja lejn l-Irlanda ta’ Fuq issa huma soġġetti għar-reġim applikabbli għall-importazzjonijiet minn kwalunkwe pajjiż terz.

(5)

Ir-Regolament (UE) 2022/175 (7) emenda r-rekwiżiti stabbiliti fl-Anness IX tar-Regolament (KE) Nru 999/2001 għad-dħul fl-Unjoni ta’ annimali ovini u kaprini maħsuba għat-tnissil, li jippermettu, sal-31 ta’ Diċembru 2024, id-dħul mill-Gran Brittanja fl-Irlanda ta’ Fuq ta’ annimali bħal dawn meta joriġinaw minn azjendi fil-Gran Brittanja li huma involuti fil-proċess ta’ tliet snin biex jingħataw l-istatus ta’ azjenda b’riskju kkontrollat tal-iscrapie klassika. Dak ir-rekwiżit ġdid tal-importazzjoni jenħtieġ li jiġi rifless f’mudell speċifiku ġdid ta’ ċertifikat għal dawk l-annimali previsti fir-Regolament ta’ Implimentazzjoni (UE) 2021/403. Għaldaqstant, jeħtieġ li jiġu emendati l-Artikolu 14 l-Anness II ta’ dak ir-Regolament ta’ Implimentazzjoni.

(6)

Barra minn hekk, peress li r-rekwiżit il-ġdid tal-importazzjoni stabbilit fl-Anness IX tar-Regolament (KE) Nru 999/2001 japplika biss għall-annimali ovini u kaprini li joriġinaw minn azjendi fil-Gran Brittanja, jeħtieġ li l-użu tal-mudell il-ġdid taċ-ċertifikat stabbilit fl-Anness II tar-Regolament ta’ Implimentazzjoni (UE) 2021/403 jiġi limitat għall-Gran Brittanja fil-Parti 1 tal-Anness II tar-Regolament ta’ Implimentazzjoni (UE) 2021/404. Għalhekk jeħtieġ li jiġu emendati l-entrati għar-Renju Unit fl-Anness II tar-Regolament ta’ Implimentazzjoni (UE) 2021/404 skont dan.

(7)

Għalhekk, jenħtieġ li r-Regolamenti ta’ Implimentazzjoni (UE) 2021/403 u (UE) 2021/404 jiġu emendati skont dan.

(8)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Fis-7 ta’ Lulju 2003, il-Kunsill qabel li jaħtar Rappreżentant Speċjali tal-Unjoni Ewropea (RSUE) għall-Kawkasu tan-Nofsinhar.

(2)

Fit-13 ta’ Novembru 2017, il-Kunsill adotta d-Deċiżjoni (PESK) 2017/2071 (1) li taħtar lis-Sur Toivo KLAAR bħala r-RSUE għall-Kawkasu tan-Nofsinhar u l-kriżi fil-Georgia. Il-mandat tar-RSUE ġie estiż suċċessivament, l-aktar reċentement bid-Deċiżjoni tal-Kunsill (PESK) 2021/285 (2) , u wasal biex jiskadi fit-28 ta’ Frar 2022.

(3)

Il-mandat tar-RSUE jenħtieġ li jiġi estiż għal perijodu ulterjuri ta’ sitt xhur u jenħtieġ li jiġi stabbilit ammont ta’ referenza finanzjarja ġdid għall-perijodu mill-1 ta’ Marzu 2022 sal-31 ta’ Awwissu 2022.

(4)

Ir-RSUE ser jimplimenta l-mandat fil-kuntest ta’ sitwazzjoni li tista’ tiddeterjora u li tista’ timpedixxi l-ksib tal-objettivi tal-azzjoni esterna tal-Unjoni kif stabbiliti fl-Artikolu 21 tat-Trattat,

(1)

Fl-24 ta’ Mejju 2021, il-fornitur ZF Friedrichshafen AG (“l-Applikant”) ressaq applikazzjoni għall-approvazzjoni, bħala teknoloġija innovattiva, ta’ teknoloġija użata f’mutur ġeneratur effiċjenti ta’ 48 Volt b’konvertitur ta’ 48 Volt/12-il Volt DC/DC għall-użu f’ċerti karozzi tal-passiġġieri u vetturi ħfief b’sistema ibrida elettrika li ma jistgħux jiġu ċċarġjati esternament (NOVC-HEV).

(2)

It-teknoloġija użata f’muturi ġeneraturi effiċjenti ta’ 48 Volt b’konvertitur ta’ 48 Volt/12-il Volt DC/DC għall-użu fl-istess tip ta’ vetturi NOVC-HEV kif imsemmi mill-Applikant, ġiet approvata bħala teknoloġija innovattiva skont ir-Regolament (UE) 2019/631 bid-Deċiżjoni ta’ Implimentazzjoni tal-Kummissjoni (UE) 2020/1167 (2).

(3)

It-teknoloġija speċifikata mill-Applikant fl-applikazzjoni tiegħu hija mutur ġeneratur li huwa konness direttament max-xaft tal-input tat-trażmissjoni, jiġifieri “ġeneratur tal-istartjar integrat”, li jippermetti li jitnaqqas it-telf mekkaniku li jseħħ bejn is-sors tat-trażmissjoni u l-ġeneratur. Din topera biss fil-medda tal-veloċità tal-magna tal-magna b’kombustjoni interna.

(4)

Instab li t-teknoloġija speċifikata mill-Applikant tipprovdi livell għoli ta’ effiċjenza, u jenħtieġ li titqies li tipprovdi l-istess funzjonalità bħal dik approvata mid-Deċiżjoni ta’ Implimentazzjoni (UE) 2020/1167. Għalhekk, jenħtieġ li titqies bħala teknoloġija innovattiva li għaliha jista’ jiġi applikat il-kodiċi 32 tal-ekoinnovazzjoni.

(5)

Il-metodoloġija tal-ittestjar stabbilita fid-Deċiżjoni ta’ Implimentazzjoni (UE) 2020/1167 hija applikabbli, ħlief għall-frekwenzi rotazzjonali u għall-frekwenzi tal-punti ta’ tħaddim li għandhom jintużaw għall-kejl tal-effiċjenza tal-mutur ġeneratur, li jeħtieġ li jiġu adattati fid-dawl tal-karatteristiċi tekniċi speċifiċi tat-teknoloġija speċifikata mill-Applikant.

(6)

Għalhekk, jenħtieġ li l-metodoloġija tal-ittestjar stabbilita fl-Anness tad-Deċiżjoni ta’ Implimentazzjoni (UE) 2020/1167 tiġi modifikata skont dan,

(1)

Il-Ftehim ta’ Assoċjazzjoni Interim Ewro-Mediterranju dwar il-kummerċ u l-kooperazzjoni bejn il-Komunità Ewropea, minn naħa waħda, u l-Organizzazzjoni għal-Liberazzjoni tal-Palestina (PLO) għall-benefiċċju tal-Awtorità Palestinjana tax-Xatt tal-Punent u l-Medda ta’ Gaża, min-naħa l-oħra (il-“Ftehim Interim ta’ Assoċjazzjoni”) ġie ffirmat fl-24 ta’ Frar 1997 u daħal fis-seħħ fl-1 ta’ Lulju 1997.

(2)

Skont l-Artikolu 63 tal-Ftehim ta’ Assoċjazzjoni Interim, il-Kumitat Konġunt għandu s-setgħa li jieħu deċiżjonijiet u jagħmel rakkomandazzjonijiet xierqa.

(3)

L-Artikolu 10 tar-Regoli ta’ Proċedura tal-Kumitat Konġunt jistipula l-possibbiltà li jittieħdu deċiżjonijiet permezz tal-proċedura bil-miktub bejn is-sessjonijiet, jekk iż-żewġ Partijiet jaqblu li jsir dan.

(4)

L-estensjoni tal-Pjan ta’ Azzjoni UE-AP bi tliet snin ser tagħti l-opportunità lill-Partijiet biex jagħmlu progress fil-kooperazjoni tagħhom fis-snin li ġejjin, inkluż permezz tal-possibbiltà li jiġu negozjati prijoritajiet ta’ sħubija,