ISSN 1977-074X |
||
Il-Ġurnal Uffiċjali tal-Unjoni Ewropea |
L 15 |
|
![]() |
||
Edizzjoni bil-Malti |
Leġiżlazzjoni |
Volum 65 |
|
|
Rettifika |
|
|
* |
|
|
|
(1) Test b'rilevanza għaż-ŻEE. |
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
24.1.2022 |
MT |
Il-Ġurnal Uffiċjali tal-Unjoni Ewropea |
L 15/1 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/89
tal-21 ta’ Jannar 2022
li jistabbilixxi r-regoli għall-applikazzjoni tad-Direttiva (UE) 2019/883 tal-Parlament Ewropew u tal-Kunsill fir-rigward tal-metodu li għandu jintuża għall-kalkolu tal-kapaċità ta’ ħżin iddedikata suffiċjenti
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva (UE) 2019/883 tal-Parlament Ewropew u tal-Kunsill tas-17 ta’ April 2019 dwar il-faċilitajiet tal-akkoljenza fil-portijiet għall-konsenja ta’ skart minn bastimenti, li temenda d-Direttiva 2010/65/UE u li tħassar id-Direttiva 2000/59/KE (1), u b’mod partikolari l-Artikolu 7(4), it-tieni subparagrafu, tiegħu,
Billi:
(1) |
L-Artikolu 7(4), il-punti (a) u (b) tad-Direttiva (UE) 2019/883 jistabbilixxi eċċezzjoni mill-obbligu ġenerali li l-iskart kollu li jinġarr abbord jiġi kkonsenjat sal-port tal-waqfa għal vapuri li jkollhom kapaċità ta’ ħżin iddedikata suffiċjenti għall-iskart kollu li jkun ġie akkumulat u li se jiġi akkumulat matul il-vjaġġ maħsub tagħhom sal-port tal-waqfa li jmiss. |
(2) |
Bl-applikazzjoni tal-metodu ta’ kalkolu definit f’dan ir-Regolament, jenħtieġ li l-Istati Membri jkunu jistgħu jimplimentaw l-eċċezzjonijiet mill-obbligu ġenerali li jiġi kkonsenjat l-iskart kollu li jinġarr abbord fir-rigward tad-disponibbiltà ta’ biżżejjed spazju għall-ħżin b’mod armonizzat. |
(3) |
Il-metodu ta’ kalkolu jeħtieġ li ma jiġix applikat għar-rimi tal-iskart skont l-Anness II tal-Konvenzjoni Internazzjonali għall-Prevenzjoni tat-Tniġġis minn Vapuri (“il-Konvenzjoni MARPOL”). Kif stabbilit fl-Anness II tal-Konvenzjoni MARPOL, ir-rimi tal-iskart huwa rregolat mill-Konvenzjoni MARPOL u l-konsenja ta’ tali skart hija obbligatorja fil-port fejn tinħatt il-merkanzija qabel ma titgħabba merkanzija ġdida jew qabel ma tkun permessa r-rimi fuq il-baħar taħt ċerti kundizzjonijiet. Skont is-sustanza, il-kunsinna tal-fdalijiet tal-merkanzija rregolata mill-Anness II tal-Konvenzjoni MARPOL hija obbligatorja qabel it-tluq, soġġetta għall-proċeduri u l-kontroll stabbiliti skont ir-Regolamenti 13 u 16 ta’ dak l-Anness. Il-fdalijiet tal-merkanzija skont l-Anness II tal-Konvenzjoni MARPOL li fihom sustanzi tal-kategorija X, sustanzi Y persistenti b’viskożità għolja u sustanzi Y b’viskożità għolja jew solidifikanti, huma rregolati minn ħasil minn qabel obbligatorju u rekwiżiti għall-konsenja ta’ tali skart f’faċilità tal-akkoljenza fil-portijiet għall-iskart stabbiliti fir-Regolamenti 13 u 16 tal-Anness II tal-Konvenzjoni MARPOL. |
(4) |
Il-metodu tal-kalkolu jeħtieġ li ma jiġix applikat għal skart mistad b’mod passiv. Il-ħżin iddedikat għal dan it-tip ta’ skart abbord mhux dejjem jeżisti u l-konsenja tal-iskart kollu mistad b’mod passiv hija inċentivata mis-sistema ta’ rkupru tal-kostijiet stabbilita fl-Artikolu 8(2), il-punt (d), tad-Direttiva (UE) 2019/883. |
(5) |
Sabiex jiġu previsti kundizzjonijiet uniformi għall-applikazzjoni tal-eżenzjonijiet għall-obbligu tal-konsenja tal-iskart stabbiliti fl-Artikolu 7(4), il-punti (a) u (b), tad-Direttiva (UE) 2019/883, huwa indispensabbli li l-Istati Membri japplikaw metodoloġija armonizzata. L-atti ta’ implimentazzjoni adottati skont id-Direttiva (UE) 2019/883 jeħtieġ għalhekk jieħdu l-forma ta’ regolamenti ta’ implimentazzjoni. |
(6) |
Il-miżuri previsti f’dan ir-Regolament huma konformi mal-opinjoni tal-Kumitat dwar l-Ibħra Protetti u l-Prevenzjoni ta’ Tniġġis minn Bastimenti, |
ADOTTAT DAN IR-REGOLAMENT:
Artikolu 1
1. L-Istati Membri għandhom jikkalkulaw il-kapaċità ta’ ħżin iddedikata suffiċjenti għall-applikazzjoni tal-Artikolu 7(4), il-punti (a) u (b), u l-Artikolu 9 tad-Direttiva (UE) 2019/883 billi jużaw il-metodu stabbilit fl-Anness I ta’ dan ir-Regolament.
2. Għall-fini tal-verifika tal-informazzjoni pprovduta skont l-Anness 2 tad-Direttiva (UE) 2019/883, billi tiġi stmata l-ġenerazzjoni abbord ta’ tipi differenti ta’ skart, l-Istati Membri għandhom iqisu r-rati ta’ ġenerazzjoni tal-iskart stabbiliti fl-Anness II ta’ dan ir-Regolament.
3. Minbarra r-rati ta’ ġenerazzjoni tal-iskart stabbiliti fl-Anness II ta’ dan ir-Regolament, l-Istati Membri jistgħu jużaw wieħed mill-kriterji li ġejjin jew it-tnejn li huma biex jiddeterminaw l-istimi għall-ġenerazzjoni abbord ta’ tipi differenti ta’ skart:
(a) |
dokumentazzjoni storika għall-iskart iġġenerat, ibbażati fuq formoli ta’ notifika bil-quddiem dwar l-iskart u l-irċevuti tal-konsenja tal-iskart disponibbli għall-vapur inkwistjoni; |
(b) |
spezzjonijiet abbord li jiksbu informazzjoni dwar rati preċedenti ta’ ġenerazzjoni tal-iskart, dettalji dwar il-ġestjoni tal-iskart abbord u informazzjoni speċifika dwar it-tagħmir jew speċifika għaż-żona tan-negozjar li jaffettwaw ir-rata reali tal-ġenerazzjoni tal-iskart. |
Artikolu 2
Il-metodu għall-kalkolu tal-kapaċità ta’ ħżin iddedikata suffiċjenti, stabbilit fl-Anness I ta’ dan ir-Regolament, ma għandux ikun applikabbli għat-tipi ta’ skart li ġejjin:
(a) |
tipi ta’ skart skont l-Anness II tal-Konvenzjoni MARPOL; |
(b) |
skart mistad b’mod passiv. |
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-21 ta’ Jannar 2022.
Għall-Kummissjoni
Il-President
Ursula VON DER LEYEN
ANNESS I
Metodu tal-kalkolu għall-kapaċità ta’ ħżin suffiċjenti ddedikat għall-iskart
1. |
Il-metodu juża kalkolu aritmetiku bbażat fuq l-ammonti stmati ta’ skart miżmum abbord fir-rigward tal-kapaċità ta’ ħżin iddedikata massima. |
2. |
Il-Kapaċità ta’ Skart Użat (“UWC”), stmata fil-ħin li tintbagħat in-notifika bil-quddiem dwar l-iskart fil-port tal-waqfa u espressa bħala perċentwal tal-kapaċità ta’ ħżin iddedikata massima, ma għandhiex taqbeż limitu definit minn qabel. |
3. |
Il-UWC għandu jkun ikkalkolat b’din il-formula li ġejja: ![]() |
4. |
Il-UWC għandu iħares dawn il-kondizzjonijiet: |
UWC (%) < Threshold
Fejn:
A huwa l-ammont stmat ta’ skart li għandu jinżamm abbord fil-ħin tat-tluq mill-port tal-waqfa (espress f’m 3 );
M huwa l-kapaċità ta’ ħżin iddedikata massima (espress f’m 3 );
Il-livell limitu huwa l-valur stabbilit fit-Tabella 1, għat-tip ta’ skart korrispondenti u l-port tal-waqfa li jmiss.
Tabella 1
Limiti
Port tal-waqfa li jmiss |
Anness I tal-Konvenzjoni Marpol |
Anness IV tal-Konvenzjoni Marpol |
Anness V tal-Konvenzjoni Marpol |
Anness VI tal-Konvenzjoni Marpol |
Il-port tal-waqfa li jmiss huwa port tal-UE jew hu parti tal-“Grupp ta’ Portijiet Magħżula Addizzjonali” |
50 % |
50 % |
25 % |
75 % |
Il-port tal-waqfa li jmiss mhuwiex port tal-UE, u lanqas mhu parti tal-“Grupp ta’ Portijiet Magħżula Addizzjonali” |
25 % |
50 % |
20 % |
25 % |
5. |
Għall-fini tal-użu tal-metodu ta’ kalkolu għal kapaċità ta’ ħżin suffiċjenti ddedikat għall-iskart, għandu japplika dan li ġej:
|
6. |
Il-“Grupp ta’ Portijiet Magħżula Addizzjonali” jinkludi dawk il-portijiet li għandhom jitqiesu bħala portijiet tal-UE għall-fini tal-applikazzjoni tal-limiti stabbiliti fit-Tabella 1. Il-portijiet inklużi f’dan il-grupp huma kollha portijiet li jinsabu fi: l-Iżlanda, in-Norveġja, ir-Renju Unit (inklużi l-Isle of Man, iċ-Channel Islands u Ġibiltà) u l-portijiet Russi li jinsabu fil-Baħar Baltiku. |
7. |
Matul l-ewwel sentejn tal-applikazzjoni ta’ dan ir-Regolament, il-UWC kif ikkalkulata fit-tielet paragrafu ta’ dan l-Anness tista’ tiġi ttrattata bħala indikattiva għat-tipi ta’ skart ta’ residwi tal-merkanzija li ġejjin:
|
ANNESS II
Tabella 1
Rati tal-Ġenerazzjoni tal-Iskart għall-Annessi I, IV u V tal-Konvenzjoni MARPOL (1)
Tip ta’ skart |
Rata tal-ġenerazzjoni |
Sewwieq |
Trattament abbord |
Ilma żejtni tas-sentina |
0,01-13 m3 kuljum, vapuri akbar jiġġeneraw aktar kwantitajiet. |
Il-kondensazzjoni u t-tnixxijiet fil-kamra tal-magni; id-daqs tal-vapur. |
L-ammont jista’ jitnaqqas b’65-85 % bl-użu ta’ separatur tal-ilma taż-żejt u bl-iskarika tal-frazzjoni tal-ilma fil-baħar. |
Fdalijiet żejtnin (ħama) |
0,01 sa 0,03 m3 ta’ ħama għal kull tunnelata ta’ HFO. 0 u 0,01 m3 għal kull tunnelata ta’ MGO. |
Tip ta’ fjuwil; il-konsum tal-fjuwil. |
L-evaporazzjoni tista’ tnaqqas l-ammont ta’ ħama sa 75 % (2). L-inċinerazzjoni tista’ tnaqqas l-ammont ta’ ħama b’99 % jew aktar. |
Ħasil tat-tank (slops) |
20 sa mijiet ta’ m3 |
Numru ta’ tindif tat-tankijiet; Id-daqs tal-kapaċità tat-tagħbija. |
Wara li joqgħod, il-frazzjoni tal-ilma tista’ tintrema fil-baħar. |
Drenaġġ |
0,01 sa 0,06 m3 minn kull persuna kuljum. Id-drenaġġ xi drabi jitħallat ma’ ilma mormi ieħor. L-ammont totali għandu medda ta’ 0,04 sa 0,45 m3 minn kull persuna kuljum. |
L-għadd ta’ persuni abbord; it-tip ta’ latrini; it-tul tal-vjaġġ; it-tip ta’ trattament: it-tħaddim ta’ impjant tat-trattament tad-drenaġġ, jew sistema ta’ tifrik u diżinfezzjoni tipprovdi kwantitajiet differenti ta’ skart |
L-effluwent minn impjanti ta’ trattament spiss jintrema fil-baħar fejn ikun permess skont l-Anness IV tal-MARPOL. |
Plastik |
0,001 sa 0,008 m3 ta’ plastik minn kull persuna kuljum. |
L-għadd ta’ persuni abbord. |
Spiss ma jiġux inċinerati. Il-plastik maħmuġ (il-plastik li jkun ġie f’kuntatt mal-ikel) ta’ spiss jiġi ttrattat bħala fluss ta’ skart separat. |
Skart tal-ikel |
0,001 sa 0,003 m3 minn kull persuna kuljum. |
L-għadd ta’ persuni abbord; provedimenti. |
Fejn permess skont l-Anness V tal-MARPOL, l-iskart tal-ikel spiss jintrema fil-baħar. |
Skart domestiku |
0,001 sa 0,02 m3 minn kull persuna kuljum. |
L-għadd ta’ persuni abbord; tip ta’ prodotti użati. |
|
Żejt għat-tisjir. |
0,01 sa 0,08 litri minn kull persuna kuljum. |
L-għadd ta’ persuni abbord; tip ta’ ikel ippreparat. |
Għalkemm mhux permess, iż-żejt tat-tisjir xi kultant għadu jiżdied mat-tank tal-ħama. |
Irmied tal-inċinerazzjoni |
0,004 u 0,06 m3 kull xahar. |
L-użu tal-inċineratur; l-ispiża tal-użu tal-inċineratur. |
L-inċineratur ma jintużax għat-tipi kollha ta’ skart, l-aktar għall-karti u xi drabi għall-ħama żejtnija. |
Skart operattiv |
0,001 sa 0,1 m3 minn kull persuna kuljum. |
Id-daqs tal-vapur; it-tip ta’ merkanzija. |
|
Fdalijiet tal-merkanzija |
0,001–2 % tat-tagħbija tal-merkanzija. |
Tip ta’ merkanzija Id-daqs tal-vapur. |
|
Tabella 2
Rati ta’ Ġenerazzjoni tal-Iskart għall-Anness VI tal-Konvenzjoni MARPOL dwar l-iskart (sistemi ta’ tindif tal-gass tal-egżost, “EGCS”)
Tip ta’ EGCS |
Koeffiċjent |
Unità |
Eżempji (Magnamagna 10 MW or konsum ta’ HFO 40 t/jum) |
Manifattur 1 |
|||
Ammont ta’ ħama b’ċirkwit miftuħ |
0,1 |
kg/MWh |
0,1 x 10 MW x 24 = 24 kg/jum |
Ammont ta’ ħama f’ċirkwit magħluq (DAF- BOTU) |
3,5 –7,0 |
kg/MWh, skont l-SFOC, l-MCR u l-kwalità tal-fjuwil |
3,5 x 10 MW x 24 = 840 kg/jum |
Ammont ta’ ħama f’ċirkwit magħluq (BOTU-M) |
3,0 |
l/MWh/S%, skont l-SFOC, l-MCR u l-kwalità tal-fjuwil |
3,0 x 10 MW x 24 x S2,5 % = 1800 l/jum |
Manifattur 2 |
|||
Ammont ta’ ħama f’ċirkwit magħluq |
2,5 –3,0 |
Kg/kkunsmat HFO t |
2,5 x 40 t/jum = 100 kg/jum |
NB: L-ammont ta’ ħama tas-sistema tat-tindif tal-gass tal-egżost iġġenerat jiddependi fl-aħħar mill-aħħar ukoll mill-ispeċifiċitajiet tal-installazzjoni individwali: il-manwal tas-sistema tat-tindif tal-gass tal-egżost ipprovdut mill-manifattur għandu għalhekk jiġi kkonsultat. Informazzjoni fit-tabelli pprovduti mill-kumpaniji kkonċernati.
(1) Estratt mill-istudju tal-EMSA “The Management of Ship-Generated Waste On-board Ships”, Jannar 2017.
(2) L-evaporazzjoni tal-frazzjoni tal-ilma fil-ħama taż-żejt huwa proċess li jrid jiġi ġestit bir-reqqa u għandu jsir biss sal-punt li jippermetti l-kombustibbiltà tal-ħama maħsuba għall-inċinerazzjoni.
24.1.2022 |
MT |
Il-Ġurnal Uffiċjali tal-Unjoni Ewropea |
L 15/7 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/90
tal-21 ta’ Jannar 2022
li jistabbilixxi r-regoli għall-applikazzjoni tad-Direttiva (UE) 2019/883 tal-Parlament Ewropew u tal-Kunsill fir-rigward tal-elementi dettaljati tal-mekkaniżmu tal-Unjoni tal-immirar ibbażat fuq ir-riskju għall-għażla ta’ vapuri għall-ispezzjoni
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva (UE) 2019/883 tal-Parlament Ewropew u tal-Kunsill tas-17 ta’ April 2019 dwar il-faċilitajiet tal-akkoljenza fil-portijiet għall-konsenja ta’ skart minn vapuri, li temenda d-Direttiva 2010/65/UE u li tħassar id-Direttiva 2000/59/KE (1), u b’mod partikolari l-Artiklu 11(2), it-tieni subparagrafu, tiegħu,
Billi:
(1) |
L-infurzar effettiv tal-obbligu li l-iskart jitwassal fil-faċilitajiet tal-akkoljenza fil-portijiet għall-iskart huwa ta’ importanza kbira biex tiġi indirizzata b’mod effettiv il-problema taż-żibel fil-baħar u skart ieħor mit-trasport marittimu li jidħol fl-ambjent tal-baħar. |
(2) |
Mekkaniżmu uniku tal-Unjoni għall-immirar ibbażat fuq ir-riskju jeħtieġ jipprevedi kundizzjonijiet uniformi għall-għażla ta’ vapuri għall-ispezzjoni skont l-Artikolu 11(2) tad-Direttiva (UE) 2019/883. |
(3) |
Bl-istabbiliment ta’ mekkaniżmu tal-Unjoni ta’ mmirar ibbażat fuq ir-riskju, l-awtoritajiet rilevanti fl-Istati Membri għandu jkollhom għodda ta’ appoġġ biex jissodisfaw l-impenn ta’ spezzjoni skont l-Artikolu 11(1) tad-Direttiva (UE) 2019/883. |
(4) |
Sabiex jiġi vvalutat ir-riskju li vapur ma jikkonformax mal-obbligi stabbiliti fid-Direttiva (UE) 2019/883, jeħtieġ jitqiesu diversi parametri, li flimkien jipprovdu indikazzjoni ċara ta’ tali riskju. Dawk il-parametri għandhom ikunu: in-nuqqas ta’ konformità jew indikazzjonijiet ta’ nuqqas ta’ konformità mar-rekwiżiti għall-konsenja tal-iskart; il-perjodu ta’ żmien li jkun għadda mill-aħħar spezzjoni; l-eżistenza ta’ rapporti preċedenti ta’ nuqqas ta’ konformità mill-awtoritajiet tal-port rilevanti; il-port tal-waqfa ta’ qabel u dak li jmiss; l-eżistenza ta’ eżenzjoni għal dak il-vapur; u l-informazzjoni inkluża fuq SafeSeaNet u fit-THETIS-EU. |
(5) |
Sabiex jiġu previsti kundizzjonijiet uniformi għall-għażla tal-vapuri għall-ispezzjoni, huwa indispensabbli li l-Istati Membri japplikaw metodoloġija armonizzata. Għalhekk l-atti ta’ implimentazzjoni adottati skont id-Direttiva (UE) 2019/883 jeħtieġ jieħdu l-forma ta’ regolamenti ta’ implimentazzjoni. |
(6) |
Il-miżuri previsti f’dan ir-Regolament huma skont l-opinjoni tal-Kumitat dwar Ibħra Sikuri u l-Prevenzjoni ta’ Tniġġis minn Vapuri, |
ADOTTAT DAN IR-REGOLAMENT:
Artikolu 1
1. Għall-finijiet tal-ispezzjonijiet, l-Istati Membri għandhom jikklassifikaw il-vapuri msemmija fil-punt (a) tal-Artikolu 3(1) tad-Direttiva (UE) 2019/883, fil-kategoriji tal-livell tar-riskju li ġejjin:
(a) |
Livell tar-riskju 1 (riskju għoli); |
(b) |
Livell tar-riskju 2 (riskju medju); |
(c) |
Livell tar-riskju 3 (riskju baxx); |
(d) |
Livell tar-riskju 4 (riskju minimu); |
2. Il-kategorija tal-livell tar-riskju għal kull vapur għandha tiġi ddeterminata abbażi tal-parametri tar-riskju stabbiliti fit-Tabella 1 tal-Anness.
3. Il-parametri tal-livell tar-riskju stabbiliti fit-Tabella 1 tal-Anness għandhom jiġu applikati skont il-metodoloġija msemmija fil-punti 1 sa 4 tal-Anness.
Artikolu 2
Meta jikkonformaw mal-impenji ta’ spezzjoni stabbiliti fl-Artikolu 11 tad-Direttiva (UE) 2019/883, l-Istati Membri għandhom jikkonformaw mar-rekwiżiti li ġejjin:
(a) |
jagħtu prijorità lill-ispezzjoni ta’ vapuri b’kategorija ta’ livell ta’ riskju ogħla; |
(b) |
jagħżlu b’mod aleatorju għall-ispezzjoni mill-inqas 1 % tal-għadd ta’ vapuri li għandhom jiġu spezzjonati kull sena. |
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-21 ta’ Jannar 2022.
Għall-Kummissjoni
Il-President
Ursula VON DER LEYEN
ANNESS
Metodoloġija:
1.
Il-parametri tar-riskju stabbiliti fit-Tabella 1 għandhom jintużaw biex jiġi ddeterminat il-livell ta’ riskju tal-bastiment.
2.
Kull parametru tar-riskju stabbilit fit-Tabella 1 jiġi assenjat kodiċi tal-kulur differenti li jirrappreżenta l-livell ta’ riskju: Aħmar (għoli), oranġjo (medju) jew isfar (baxx).
3.
L-assenjazzjoni tal-livell tar-riskju lil vapur abbażi tal-allerti għall-parametri tar-riskji fit-Tabella 1 għandha tkun ibbażata fuq il-kriterji stabbiliti fit-Tabella 2.
4.
Sabiex ikunu applikati diversi allerti attivi fl-istess ħin għall-assenjazzjoni tal-livelli ta’ riskju stabbiliti fit-Tabella 2, jistgħu jiġu applikati l-fatturi ta’ konverżjoni stabbiliti fit-Tabella 3.Tabella 1
Parametri tar-riskju
Numru tal-parametru tar-riskju |
Livell ta’ riskju tal-allert (Kodiċi tal-kulur) |
Deskrizzjoni tal-parametru tar-riskju |
Kriterji għall-attivazzjoni ta’ allert għall-parametru tar-riskju |
Kriterji għad-diżattivazzjoni ta’ allert għall-parametru tar-riskju |
1 |
Oranġjo |
Nuqqas ta’ konformità mar-rekwiżiti avvanzati ta’ notifika tal-iskart stabbiliti fl-Artikolu 6 tad-Direttiva (UE) 2019/883. |
L-allert jiġi attivat jekk in-notifika bil-quddiem dwar l-iskart ma tkunx intbagħtet jew ma jkunx fiha informazzjoni obbligatorja. |
L-allert jintbagħat biex jiġi kkalkulat f’Port A abbażi tan-notifika bil-quddiem dwar l-iskart mibgħut lill-Port A. L-allert irid jerġa’ jiġi vvalutat f’kull Port. |
2 |
Oranġjo |
Informazzjoni pprovduta mill-operatur, l-aġent jew il-kaptan skont l-Artikolu 6 tad-Direttiva (UE) 2019/883. |
L-allert jiġi attivat jekk il-kontrolli tal-validità tal-kontenut ta’ notifika bil-quddiem dwar l-iskart jiżvelaw li l-vapur jista’ jkun li mhux konformi mad-Direttiva. |
L-allert jintbagħat biex jiġi kkalkulat f’Port A abbażi tan-notifika bil-quddiem dwar l-iskart mibgħut lill-Port A. L-allert irid jerġa’ jiġi vvalutat f’kull Port. |
3 |
Oranġjo |
Id-data tal-ispezzjonijiet preċedenti mwettqa skont l-Artikolu 10 tad-Direttiva (UE) 2019/883. |
L-allert jiġi attivat jekk il-bastiment ma jkunx ġie spezzjonat skont l-Artikolu 10 tad-Direttiva (UE) 2019/883 fit-12-il xahar ta’ qabel. Nota: Dan l-allert għandu jkun attiv biss wara t-28 ta’ Ġunju 2022. |
L-allert jiġi diżattivat wara li tkun ġiet irreġistrata spezzjoni skont il-punt (a) tal-Artikolu 14(2) tad-Direttiva (UE) 2019/883. |
4 |
Aħmar |
Rapport(i) eżistenti mill-awtoritajiet ta’ spezzjoni tal-Faċilitajiet tal-Akkoljenza fil-Portijiet, l-awtoritajiet tal-port jew korpi kompetenti oħra li jindikaw li l-vapur ma kkonformax mal-Artikolu 7 tad-Direttiva (UE) 2019/883. |
L-allert jiġi attivat manwalment f’THETIS-EU mill-ispetturi tal-Faċilitajiet tal-Akkoljenza fil-Portijiet. |
L-allert jiġi diżattivat wara li tiġi konkluża spezzjoni (status “Spezzjonat”) mingħajr nuqqasijiet ta’ konformità. |
5 |
Oranġjo |
Allert ta’ Nuqqas ta’ Konformità fil-Faċilitajiet tal-Akkoljenza fil-Portijiet |
Allert attivat jekk il-vapur ikun ġie identifikat b’nuqqasijiet ta’ konformità fil-Faċilitajiet tal-Akkoljenza fil-Portijiet fl-aħħar 6 xhur, b’rapport rilevanti f’THETIS-EU. |
L-allert jiġi diżattivat wara li tiġi konkluża spezzjoni (status “Spezzjonat”) mingħajr nuqqasijiet ta’ konformità. |
6 |
Oranġjo |
Ħażna Dedikata Suffiċjenti |
L-allert jiġi attivat jekk il-ħażna ddedikata abbord ma titqiesx suffiċjenti skont il-kriterji użati għall-applikazzjoni tal-Artikolu 8(4)(b) |
L-allert jintbagħat biex jiġi kkalkulat f’Port A abbażi tan-notifika bil-quddiem dwar l-iskart mibgħut lill-Port A. L-allert irid jerġa’ jiġi vvalutat f’kull Port. |
7 |
Isfar |
Port tal-Waqfa Li Jmiss |
Meqjusa li żżid il-livell tar-riskju jekk mhux tal-UE jew mhux magħruf. Għall-komputazzjoni ta’ dan l-allert, il-portijiet li jinsabu fl-Iżlanda, in-Norveġja, ir-Renju Unit (inkluż l-Isle of Man, iċ-Channel Islands u Ġibiltà) u l-portijiet Russi li jinsabu fil-Baħar Baltiku għandhom jiġu ttrattati bħala UE. |
L-allert jintbagħat biex jiġi kkalkulat f’Port A abbażi tan-notifika bil-quddiem dwar l-iskart mibgħut lill-Port A. L-allert irid jerġa’ jiġi vvalutat f’kull Port. |
8 |
Isfar |
Port taż-Żjara Preċedenti |
Meqjusa li żżid il-livell tar-riskju jekk mhux tal-UE. Għall-komputazzjoni ta’ dan l-allert, il-portijiet li jinsabu fl-Iżlanda, in-Norveġja, ir-Renju Unit (inkluż l-Isle of Man, iċ-Channel Islands u Ġibiltà) u l-portijiet Russi li jinsabu fil-Baħar Baltiku għandhom jiġu ttrattati bħala UE. |
L-allert jintbagħat biex jiġi kkalkulat f’Port A abbażi tan-notifika bil-quddiem dwar l-iskart mibgħut lill-Port A. L-allert irid jerġa’ jiġi vvalutat f’kull Port. |
9 |
Isfar |
Allert ta’ Eżenzjoni |
L-allert jiġi attivat jekk il-vapur ikollu eżenzjoni u ma jkunx ġie spezzjonat għal 12-il xahar, biex jiġi żgurat li dawn il-vapuri jiġu inklużi fl-ispezzjonijiet. |
L-allert irid jiġi vvalutat mill-ġdid f’kull port. |
10 |
Aħmar |
Tip ta’ Inċident Allert tal-Iskart |
L-allert jiġi attivat jekk ikun inħareġ Rapport ta’ Inċident tat-tip “skart” fis-SafeSeaNet għal dak il-bastiment f’port preċedenti. |
L-allert jiġi diżattivat wara li tiġi konkluża spezzjoni (status “Spezzjonat”) u tkun seħħet mingħajr nuqqasijiet ta’ konformità jew wara li l-inċident ma jkunx attiv fis-SafeSeaNet |
Tabella 2
Assenjazzjoni tal-livelli tar-riskju abbażi tal-għadd ta’ inputs attivi
Kriterji għal-livelli ta’ riskju |
|
Livell ta’ Riskju 1 |
Allert ħamra wieħed jew aktar |
Livell ta’ Riskju 2 |
Allert oranġjo (1) wieħed jew aktar |
Livell ta’ Riskju 3 |
Allert isfar (1) wieħed jew aktar |
Livell ta’ Riskju 4 |
L-ebda allert attiv |
Tabella 3
Fatturi ta’ konverżjoni biex jikkombinaw diversi parametri attivi konkorrenti għall-applikazzjoni tal-livelli ta’ riskju tat-Tabella 2
Fattur ta’ konverżjoni |
|
Tliet allerti sofor |
Allert oranġjo wieħed |
Tliet allerti oranġjo |
Allert aħmar wieħed |
(1) Sal-ammont li jiskatta l-applikazzjoni tal-fattur ta’ konverżjoni.
24.1.2022 |
MT |
Il-Ġurnal Uffiċjali tal-Unjoni Ewropea |
L 15/12 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/91
tal-21 ta’ Jannar 2022
li jiddefinixxi l-kriterji biex jiġi stabbilit li vapur jipproduċi kwantitajiet imnaqqsa ta’ skart u jimmaniġġja l-iskart tiegħu b’mod sostenibbli u li jirrispetta l-ambjent f’konformità mad-Direttiva (UE) 2019/883 tal-Parlament Ewropew u tal-Kunsill
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva (UE) 2019/883 tal-Parlament Ewropew u tal-Kunsill tas-17 ta’ April 2019 dwar il-faċilitajiet tal-akkoljenza fil-portijiet għall-konsenja ta’ skart minn bastimenti, li temenda d-Direttiva 2010/65/UE u li tħassar id-Direttiva 2000/59/KE (1), u b’mod partikolari l-Artikolu 8(5) tagħha,
Billi:
(1) |
Għall-finijiet tat-tnaqqis tat-tariffi previst fl-Artikolu 8(4) tad-Direttiva (UE) 2019/883, jeħtieġ jintużaw il-kriterji fl-Anness. |
(2) |
Il-kriterji stabbiliti fit-Taqsima 1 tal-Anness jirriflettu l-isforzi essenzjali fit-tnaqqis tal-iskart. Għalhekk jeħtieġ ikunu obbligatorji. |
(3) |
Il-kriterji addizzjonali stabbiliti fit-Taqsima 2 tal-Anness jistgħu jiġu applikati biex jinċentivaw prattiki u tagħmir speċifiċi, li jistgħu jkunu utli wkoll għat-tnaqqis tal-iskart. Għalhekk dawk il-kriterji jeħtieġ ikunu fakultattivi. |
(4) |
Sabiex jiġu previsti kundizzjonijiet uniformi għall-applikazzjoni tat-tnaqqis tat-tariffi stabbiliti fl-Artikolu 8(5) tad-Direttiva (UE) 2019/883, huwa indispensabbli li l-Istati Membri japplikaw metodoloġija armonizzata. L-atti ta’ implimentazzjoni adottati skont id-Direttiva (UE) 2019/883 jeħtieġ għalhekk jieħdu l-forma ta’ regolamenti ta’ implimentazzjoni. |
(5) |
Il-miżuri previsti f’dan ir-Regolament huma skont l-opinjoni tal-Kumitat dwar l-Ibħra Protetti u l-Prevenzjoni ta’ Tniġġis minn Bastimenti, |
ADOTTAT DAN IR-REGOLAMENT:
Artikolu 1
1. Il-kriterji stabbiliti fit-Taqsima 1 tal-Anness għandhom jitqiesu mill-faċilitajiet tal-akkoljenza fil-portijiet jew mill-awtoritajiet tal-port meta jiġi kkalkulat it-tnaqqis tat-tariffa skont l-Artikolu 8(5), l-ewwel subparagrafu, il-punt (b) tad-Direttiva (UE) 2019/883.
2. Il-kriterji stabbiliti fit-Taqsima 2 tal-Anness jistgħu jitqiesu mill-faċilitajiet tal-akkoljenza fil-portijiet jew mill-awtoritajiet tal-port meta jiġi kkalkulat it-tnaqqis tat-tariffa skont l-Artikolu 8(5), l-ewwel subparagrafu, il-punt (b) tad-Direttiva (UE) 2019/883.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-21 ta’ Jannar 2022.
Għall-Kummissjoni
Il-President
Ursula VON DER LEYEN
ANNESS
TAQSIMA 1
Lista tal-kriterji obbligatorji msemmija fl-Artikolu 1(1)
Kriterji |
Elementi relatati |
Anness relatat tal-Konvenzjoni MARPOL |
Mezzi possibbli ta’ verifika (1) |
Is-segregazzjoni abbord skont ir-Riżoluzzjoni MEPC.295(71) u l-konsenja żgurata lejn faċilitajiet adegwati tal-akkoljenza fil-portijiet li jikkonformaw mal-Artikolu 4(2)(d) tad-Direttiva (UE) 2019/883. |
Operazzjonijiet u ġestjoni |
Anness V |
Green Award, ISO 21070, Blue Angel, Green Marine, Waste Delivery Receipt, Pjan ta’ Ġestjoni taż-Żibel Speċifiku għall-Bastimenti approvat mis-soċjetà ta’ klassifikazzjoni tal-bastimenti, ISO 14001 Sistema tal-Ġestjoni Ambjentali. |
Politiki ta’ xiri ambjentalment sostenibbli (tnaqqis ta’ materjali tal-imballaġġ bħall-ippakkjar bl-ingrossa u l-evitar ta’ plastik li jintuża darba biss) |
Ġestjoni |
Anness V |
Green Award, ISO 21070, Blue Angel, Green Marine, Pjan ta’ Ġestjoni taż-Żibel Speċifiku għall-Bastimenti approvat mis-soċjetà ta’ klassifikazzjoni tal-bastimenti, ISO 14001 Sistema ta’ Ġestjoni Ambjentali. |
TAQSIMA 2
Lista tal-kriterji fakultattivi msemmija fl-Artikolu 1(2)
Kriterji |
Elementi relatati |
Anness relatat tal-Konvenzjoni MARPOL |
Mezzi possibbli ta’ verifika (2) |
L-użu ta’ fjuwils alternattivi (3) u sorsi oħra ta’ enerġija matul il-vjaġġ lejn il-port tal-waqfa jew fl-irmiġġ (eż. l-elettriku mix-xatt, mir-riħ, mix-xemx) |
Disinn, teknoloġija u operazzjoni tal-vapuri |
Anness I |
Il-Premju Ekoloġiku, in-noti tal-kunsinna tal-bunker, il-ktieb tar-rekords taż-żejt, iċ-ċertifikazzjoni tal-klassi jew statutorja, il-Pjan ta’ Ġestjoni tal-Effiċjenza Enerġetika tal-Bastimenti (SEEMP). |
L-użu ta’ Sistema Kaxxa Bajda < 5ppm (għall-kontroll u l-monitoraġġ tal-iskariku tal-ilma tas-sentina mill-bastiment) |
Teknoloġija u operazzjoni |
Anness I |
Ċertifikat tal-klassi, dokumentazzjoni tal-approvazzjoni tat-tip |
Separatur tal-ilma żejtni (OWS) < 5 ppm |
Teknoloġija u operazzjoni |
Anness I |
Ċertifikat tal-klassi, dokumentazzjoni tal-approvazzjoni tat-tip, Premju Ekoloġiku, Indiċi tat-Trasport Marittimu Nadif (CSI), Green Marine, Blue Angel |
OWS < 5 ppm + sistema tal-allert u waqfa awtomatika għall-vapuri < 10 000 GT |
Teknoloġija u operazzjoni |
Anness I |
Ċertifikat tal-klassi, dokumentazzjoni tal-approvazzjoni tat-tip, Premju Ekoloġiku, CSI, Green Marine, Blue Angel |
Il-vapur ma jużax tagħmir għall-iffiltrar taż-żejt għall-iskariki, iżda jissepara l-ilma tas-sentina u l-ħama kollha u sussegwentement jarmihom fil-faċilitajiet tal-akkoljenza fil-portijiet |
Funzjonament |
Anness I |
Ktieb tar-rekords taż-żejt, irċevuti tal-iskart |
Sistema ta’ trattament tad-drenaġġ f’konformità mar-Riżoluzzjoni MEPC.227(64) tal-Organizzazzjoni Marittima Internazzjonali għall-bastimenti kollha, ħlief għall-vapuri tal-passiġġieri meta joperaw f’Żoni Speċjali koperti mill-Anness IV tal-Konvenzjoni MARPOL |
Teknoloġija, operazzjoni u ġestjoni |
Anness IV |
Dikjarazzjoni ta’ konformità tal-UE f’konformità mad-Direttiva 2014/90/UE tal-Parlament Ewropew u tal-Kunsill (4) jew ċertifikat tal-klassi. Barra minn hekk, verifika regolari fl-użu minn verifikatur indipendenti. |
Il-bastiment ma jarmi l-ebda drenaġġ fil-baħar u jwassal id-drenaġġ kollu tiegħu mhux ittrattat u/jew trattat u/jew ħama tad-drenaġġ lill-faċilitajiet tal-akkoljenza fil-portijiet |
Funzjonament |
Anness IV |
Irċevuti tal-iskart |
Użu mill-ġdid u riċiklaġġ abbord |
Operazzjonijiet u ġestjoni |
Anness V |
ISO 21070, Green Marine, ISO 14001 Sistema tal-Ġestjoni Ambjentali. |
(1) Jistgħu jiġu aċċettati skemi addizzjonali li permezz tagħhom il-vapuri jistgħu juru li huma konformi mal-kriterji.
(2) Jistgħu jiġu aċċettati skemi addizzjonali li permezz tagħhom il-vapuri jistgħu juru li huma konformi mal-kriterji.
(3) Kif definit fid-Direttiva 2014/94/UE tal-Parlament Ewropew u tal-Kunsill tat-22 ta’ Ottubru 2014 dwar l-installazzjoni ta’ infrastruttura tal-karburanti alternattivi (ĠU L 307, 28.10.2014, p. 1)
(4) Id-Direttiva 2014/90/UE tal-Parlament Ewropew u tal-Kunsill tat-23 ta’ Lulju 2014 dwar tagħmir tal-baħar u li tħassar id-Direttiva tal-Kunsill 96/98/KE (ĠU L 257, 28.8.2014, p. 146).
24.1.2022 |
MT |
Il-Ġurnal Uffiċjali tal-Unjoni Ewropea |
L 15/16 |
REGOLAMENT TA’ IMPLIMENTAZZJONI TAL-KUMMISSJONI (UE) 2022/92
tal-21 ta’ Jannar 2022
li jistabbilixxi regoli għall-applikazzjoni tad-Direttiva (UE) 2019/883 tal-Parlament Ewropew u tal-Kunsill fir-rigward tal-metodoloġiji tad-data ta’ monitoraġġ u l-format għar-rapportar ta’ skart mistad b’mod passiv
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva (UE) 2019/883 tal-Parlament Ewropew u tal-Kunsill tas-17 ta’ April 2019 dwar il-faċilitajiet tal-akkoljenza fil-portijiet għall-konsenja ta’ skart minn bastimenti, li temenda d-Direttiva 2010/65/UE u li tħassar id-Direttiva 2000/59/KE (1), u b’mod partikolari l-Artikolu 8(7), it-tieni subparagrafu, tiegħu,
Billi:
(1) |
Skont l-Artikolu 8(7) tad-Direttiva (UE) 2019/883, l-Istati Membri għandhom jiżguraw li d-data ta’ monitoraġġ dwar il-volum u l-kwantità ta’ skart mistad b’mod passiv tinġabar u tiġi rrapportata lill-Kummissjoni. |
(2) |
Il-Manwal tal-Eurostat dwar l-Istatistika tal-Iskart (2) għandu jinforma statistika tal-iskart ta’ kwalità għolja, armonizzata u effiċjenti skont ir-Regolament (KE) Nru 2150/2002 tal-Parlament Ewropew u tal-Kunsill (3) u b’mod konsistenti mad-Direttiva 2008/98/KE tal-Parlament Ewropew u tal-Kunsill (4), li tippermetti t-tqabbil tad-data madwar l-Istati Membri. |
(3) |
Id-Direttiva 2002/59/KE tal-Parlament Ewropew u tal-Kunsill (5) tipprovdi r-rapportar elettroniku tan-notifika avvanzata dwar l-iskart li tinkludi informazzjoni dwar l-iskart mistad b’mod passiv u metodoloġija speċifika hija meħtieġa għall-ġbir ta’ informazzjoni dwar l-iskart mistad b’mod passiv minn bastimenti tas-sajd li huma soġġetti għad-Direttiva (UE) 2019/883 iżda li huma esklużi mill-kamp ta’ applikazzjoni tad-Direttiva 2002/59/KE. |
(4) |
Mhux dejjem ikun possibbli jew kosteffettiv li jitkejlu kemm il-massa kif ukoll il-volum ta’ skart mistad b’mod passiv. Għalhekk, jenħtieġ li l-Istati Membri jitħallew jistmaw il-massa bħala funzjoni tal-volum jew tal-volum bħala funzjoni tal-massa bl-użu ta’ stima tad-densità tal-iskart mistad b’mod passiv adegwata għaċ-ċirkostanzi tagħhom. |
(5) |
Sabiex jiġu żgurati l-omoġeneità, il-kwalità u l-komparabbiltà tad-data miġbura għall-monitoraġġ tal-volum u l-kwantità ta’ skart mistad b’mod passiv fl-Istati Membri kollha, l-atti ta’ implimentazzjoni adottati skont id-Direttiva (UE) 2019/883 jeħtieġ jieħdu l-forma ta’ regolamenti ta’ implimentazzjoni. |
(6) |
Il-miżuri previsti f’dan ir-Regolament huma skont l-opinjoni tal-Kumitat dwar l-Ibħra Protetti u l-Prevenzjoni ta’ Tniġġis minn Bastimenti, |
ADOTTAT DAN IR-REGOLAMENT:
Artikolu 1
1. Il-metodu għall-ġbir ta’ data dwar il-volum u l-massa ta’ skart mistad b’mod passiv mill-Istati Membri għandu jkun konsistenti mal-Manwal tal-Eurostat dwar l-Istatistika tal-Iskart.
2. Għall-bastimenti tas-sajd li jaqgħu fil-kamp ta’ applikazzjoni tad-Direttiva 2002/59/KE, il-ġbir tad-data dwar l-iskart mistad b’mod passiv għandu jkun ibbażat fuq l-informazzjoni pprovduta fin-notifika bil-quddiem dwar l-iskart skont l-Artikolu 6 tad-Direttiva (UE) 2019/883.
3. Għal bastimenti tas-sajd li jaqgħu barra mill-kamp ta’ applikazzjoni tad-Direttiva 2002/59/KE, il-ġbir ta’ data dwar skart mistad b’mod passiv għandu jkun ibbażat fuq wieħed mill-metodi li ġejjin deskritti fil-Manwal tal-Eurostat dwar l-Istatistika tal-Iskart:
(a) |
stħarriġ; |
(b) |
sorsi amministrattivi jew sorsi oħra; |
(c) |
proċeduri ta’ stima statistika; |
(d) |
kombinazzjoni tal-forom imsemmijin fil-punti (a), (b) u (c); |
Artikolu 2
1. L-iskart mistad b’mod passiv għandu jiġi rrapportat skont il-komponenti stabbiliti fit-Tabella 1 tal-Anness.
2. L-iskart mistad b’mod passiv jista’ jinkludi rkaptu tas-sajd abbandunat, mitluf jew mormi b’xi mod ieħor, li jista’ jiġi rrapportat separatament minn skart tal-baħar ieħor.
3. L-elementi obbligatorji u volontarji għar-rapportar ta’ skart mistad b’mod passiv huma stabbiliti fit-Tabella 2 tal-Anness.
4. Il-format tar-rapportar għall-iskart mistad b’mod passiv u l-metodu għall-aggregazzjoni huwa stabbilit fit-Tabella 3 tal-Anness.
Artikolu 3
1. L-ammont ta’ skart mistad b’mod passiv għandu jiġi rrapportat fil-volum u fil-massa.
2. Fejn xieraq, il-konverżjoni tal-volum (V) għal massa (m) għandha tiġi kkalkulata bil-formula li ġejja:
m = ρV
Fejn p hi d-densità stmata tal-materjal (kgm-3), hi l-massa (kg) u hi l-volum (m3).
Artikolu 4
Mill-1 ta’ Jannar 2022, l-Istati Membri għandhom jirrapportaw id-data u l-informazzjoni għall-perjodi annwali mill-1 ta’ Jannar sal-31 ta’ Diċembru. Ir-rapporti għandhom jiġu pprovduti elettronikament fi żmien 12-il xahar minn tmiem is-sena ta’ rapportar li għaliha jkunu nġabru.
L-Istati Membri għandhom jirrappurtaw id-data miġbura għas-sena 2021 sat-30 ta’ Ġunju 2022, sal-limitu massimu possibbli skont l-Anness.
Artikolu 5
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-21 ta’ Jannar 2022.
Għall-Kummissjoni
Il-President
Ursula VON DER LEYEN
(1) ĠU L 151, 7.6.2019, p. 116.
(2) “Manwal dwar l-istatistika tal-iskart — Manwal għall-ġbir tad-data dwar il-ġenerazzjoni u t-trattament tal-iskart” [2013 edition], Metodoloġiji tal-Eurostat u Dokumenti ta’ Ħidma, doi:10.2785/4198
(3) Ir-Regolament (KE) Nru 2150/2002 tal-Parlament Ewropew u l-Kunsill tal-25 ta’ Novembru 2002 dwar l-istatistika tal-iskart (ĠU L 332, 9.12.2002, p. 1).
(4) Id-Direttiva 2008/98/KE tal-Parlament Ewropew u tal-Kunsill tad-19 ta’ Novembru 2008 dwar l-iskart u li tħassar ċerti Direttivi (ĠU L 312, 22.11.2008, p. 3).
(5) Id-Direttiva 2002/59/KE tal-Parlament Ewropew u tal-Kunsill tas-27 ta’ Ġunju 2002 li tistabbilixxi sistema għall-monitoraġġ u l-informazzjoni dwar it-traffiku tal-bastimenti fil-Komunità u li tħassar id-Direttiva tal-Kunsill 93/75/KEE (ĠU L 208, 5.8.2002, p. 10).
ANNESS
Tabella 1
Komponenti ta’ skart mistad b’mod passiv
Livell 1 |
Plastik |
Metall |
Gomma |
Injam |
Tessuti |
Skart ieħor |
||||||||||||||||||||||||||||||||||||||||||||||||||||||||||||||||||
Livell 2 |
|
|
|
|
|
|
Tabella 2
Elementi obbligatorji u volontarji tar-rapportar
Obbligatorju jew volontarju |
Deskrizzjoni |
Ċelloli korrispondenti fit-Tabella 3 li għandhom jiġu rrapportati |
Obbligatorju |
Il-massa totali u l-volum totali tal-iskart kollu mistad b’mod passiv. |
Ċelloli fil-kolonni 1 u 4 tar-ringiela 1 (tipa grassa) |
Volontarja |
Massa u volum ta’ sajd passiv moħli aggregat skont l-oriġini tiegħu: ALDFG (*1) u skart ieħor fil-baħar. |
Iċ-ċelloli kollha fir-ringiela 1 |
Volontarja |
Massa u volum ta’ skart mistad b’mod passiv aggregat skont it-tip ta’ materjal (plastik, metalli, gomma u skart ieħor). |
Iċ-ċelloli kollha fil-kolonni 1 u 4 |
Volontarja |
Massa u volum ta’ sajd passiv moħli aggregat skont l-oriġini u t-tip ta’ materjal |
Iċ-ċelloli kollha fit-Tabella 3 |
Tabella 3
Format tar-rappurtar għal skart mistad b’mod passiv
|
1 |
2 |
3 |
4 |
5 |
6 |
|
Massa totali (tunnellati) |
ALDFG (*2) (tunnellati) |
Skart tal-baħar ieħor (tunnellati) |
Volum totali (μl) |
ALDFG (*2) (m3) |
Skart tal-baħar ieħor (m3) |
||
1 |
Totali |
A1+A2 |
A1 = B1+C1+D1+E1 |
A2 = B2+C2+D2+E2 |
F1+F2 |
F1 = G1+H1+I1+J1 |
F2 = G2+H2+I2+J2 |
2 |
Plastik |
B1+B2 |
B1 |
B2 |
G1+G2 |
G1 |
G2 |
3 |
Metalli |
C1+C2 |
C1 |
C2 |
H1+H2 |
H1 |
H2 |
4 |
Gomma |
D1+D2 |
D1 |
D2 |
I1+I2 |
I1 |
I2 |
5 |
Injam, tessuti u skart ieħor |
E1+E2 |
E1 |
E2 |
J1+J2 |
J1 |
J2 |
(*1) Irkaptu tas-sajd abbandunat, mitluf jew mormi b’xi mod ieħor.
(*2) Irkaptu tas-sajd abbandunat, mitluf jew mormi b’xi mod ieħor.
Rettifika
24.1.2022 |
MT |
Il-Ġurnal Uffiċjali tal-Unjoni Ewropea |
L 15/21 |
Rettifika tad-Direttiva tal-Kummissjoni (UE) 2019/1831 tal-24 ta’ Ottubru 2019 li tistabbilixxi l-ħames lista tal-valuri ta’ limitu indikattiv ta’ esponiment okkupazzjonali skont id-Direttiva tal-Kunsill 98/24/KE u li temenda d-Direttiva tal-Kummissjoni 2000/39/KE
( Il-Ġurnal Uffiċjali tal-Unjoni Ewropea L 279 tal-31 ta’ Ottubru 2019 )
Fil-paġna 34, l-Anness, fit-tabella, l-għaxar ringiela (Triklorur tal-fosforil):
minflok:
“233-046-7 |
10025-87-3 |
Triklorur tal-fosforil |
0,064 |
0,01 |
0,12 |
0,02 |
–” |
aqra:
“233-046-7 |
10025-87-3 |
Triklorur tal-fosforil |
0,064 |
0,01 |
0,13 |
0,02 |
–” |