It-testi oriġinali tan-NU/KEE biss għandhom effett ġuridiku skont id-dritt internazzjonali pubbliku. L-istatus u d-data tad-dħul fis-seħħ ta’ dan ir-Regolament jenħtieġ li jiġu vverifikati fl-aħħar verżjoni tad-dokument tal-istatus tan-NU/KEE TRANS/WP.29/343, disponibbli fuq:

https://unece.org/status-1958-agreement-and-annexed-regulations

Regolament tan-NU Nru 161 — Dispożizzjonijiet uniformi li jikkonċernaw il-protezzjoni tal-vetturi bil-mutur mill-użu mhux awtorizzat u l-approvazzjoni tal-apparat kontra l-użu mhux awtorizzat (permezz ta’ sistema tal-illokkjar) [2021/2274]

Data tad-dħul fis-seħħ: 30 ta’ Settembru 2021

Dan id-dokument huwa intiż purament bħala għodda ta’ dokumentazzjoni. It-test awtentiku u legalment vinkolanti huwa: ECE/TRANS/WP.29/2021/48.

WERREJ

Regolament

1.

Kamp ta’ applikazzjoni

2.

Definizzjonijiet

3.

Applikazzjoni għall-approvazzjoni

4.

Approvazzjoni

5.

Approvazzjoni ta’ vettura tal-Kategorija M1 u N1 fir-rigward tal-apparati tagħha li jipprevjenu l-użu mhux awtorizzat

6.

Modifika tat-tip u estensjoni tal-approvazzjoni

7.

Proċeduri tal-konformità tal-produzzjoni

8.

Penali għan-nuqqas ta’ konformità tal-produzzjoni

9.

Produzzjoni mwaqqfa għalkollox

10.

Ismijiet u indirizzi ta’ Servizzi Tekniċi responsabbli mit-twettiq tat-testijiet tal-approvazzjoni, u tal-Awtoritajiet tal-Approvazzjoni tat-Tip

Annessi

1

Dokument ta’ informazzjoni

2

Komunikazzjoni

3

Arranġamenti tal-marki tal-approvazzjoni

4

Parti 1 — Proċedura tat-test tat-tkagħbir bl-użu għal apparati li jipprevjenu l-użu mhux awtorizzat u li jaġixxu fuq l-istering

4

Parti 2 — Proċedura tat-test għal apparati li jipprevjenu l-użu mhux awtorizzat u li jaġixxu fuq l-istering permezz ta’ apparat li jillimita t-torque

5

(riżervat)

6

Il-parametri tat-tħaddim u l-kundizzjonijiet tat-test għall-apparati li jipprevjenu l-użu mhux awtorizzat (permezz ta’ sistema tal-illokkjar)

7

Kompatibbiltà elettromanjetika

1.   Kamp ta’ applikazzjoni

Dan ir-Regolament japplika għal:

1.1.

Approvazzjoni ta’ vettura tal-Kategorija M1 u N1 (1) fir-rigward tal-apparati tagħha li jipprevjenu l-użu mhux awtorizzat.

1.2.

It-twaħħil tal-apparati f’vetturi ta’ kategoriji oħrajn huwa fakultattiv iżda kwalunkwe tali apparat imwaħħal jeħtieġ li jikkonforma mad-dispożizzjonijiet rilevanti kollha ta’ dan ir-Regolament.

1.3.

Fuq talba tal-manifattur, il-Partijiet Kontraenti jistgħu jagħtu approvazzjonijiet skont dan ir-Regolament lill-vetturi ta’ kategoriji oħra u lill-apparati għat-twaħħil fuq dawn il-vetturi.

1.4.

Dan ir-Regolament ma japplikax għall-frekwenzi tat-trażmissjoni bir-radju, kemm jekk relatati mal-protezzjoni tal-vetturi minn użu mhux awtorizzat kif ukoll jekk le.

2.   Definizzjonijiet

2.1.

“Komponent” tfisser apparat soġġett għar-rekwiżiti ta’ dan ir-Regolament u maħsub biex ikun parti minn vettura, li jista’ jkun ta’ tip approvat indipendentement minn vettura fejn dan ir-Regolament jispeċifika espressament dispożizzjonijiet għal dan.

2.2.

“Unità teknika separata” tfisser apparat soġġett għar-rekwiżiti ta’ dan ir-Regolament u maħsub biex ikun parti minn vettura, li jista’ jkun tip approvat separatament, iżda biss f’rabta ma’ tip wieħed speċifiku jew aktar ta’ vettura fejn dan ir-Regolament jispeċifika espressament dispożizzjonijiet għal dan.

2.3.

“Manifattur” tfisser il-persuna jew il-korp responsabbli fil-konfront tal-awtorità tal-approvazzjoni għall-aspetti kollha tal-proċess tal-approvazzjoni tat-tip u biex tiġi żgurata l-konformità tal-produzzjoni. Ma huwiex essenzjali li l-persuna jew il-korp ikunu direttament involuti fl-istadji kollha tal-kostruzzjoni tal-vettura, tas-sistema, tal-komponent jew tal-unità teknika separata li tkun is-suġġett tal-proċess tal-approvazzjoni.

2.4.

“Tip ta’ vettura” tfisser kategorija ta’ vetturi bil-mutur li ma jvarjawx bejniethom f’aspetti essenzjali bħal: 2.4.1. L-isem tat-tip tal-manifattur, 2.4.2. L-arranġament u d-disinn tal-komponent jew komponenti tal-vettura li fuqhom jaġixxi l-apparat li jipprevjeni l-użu mhux awtorizzat, 2.4.3. It-tip ta’ apparat li jipprevjeni l-użu mhux awtorizzat.

2.5.

“Apparat li jipprevjeni l-użu mhux awtorizzat” tfisser sistema tal-illokkjar maħsuba biex tipprevjeni l-attivazzjoni normali mhux awtorizzata tal-magna jew sors ieħor tal-enerġija tal-magna ewlenija tal-vettura b’kombinazzjoni ma’ tal-inqas sistema waħda li: (a) tillokkja l-istering; jew (b) tillokkja t-trażmissjoni; jew (c) tillokkja l-kontroll tat-tibdil tal-ger; jew (d) tillokkja l-brejkijiet. Fil-każ ta’ sistema li tillokkja l-brejkijiet, id-diżattivazzjoni tal-apparat ma għandhiex tirrilaxxa awtomatikament il-brejkijiet għall-kuntrarju tal-intenzjoni tas-sewwieq.

2.6.

“Stering” tfisser il-kontroll tal-istering, il-kolonna tal-istering u l-aċċessorji ta’ kisi tiegħu, ix-xaft tal-istering, il-gearbox tal-istering u l-komponenti l-oħra kollha li direttament jaffettwaw l-effettività tal-apparat li jipprevjeni l-użu mhux awtorizzat.

2.7.

“Kombinazzjoni” tfisser waħda mill-varjazzjonijiet speċifikament żviluppati u mibnija ta’ sistema tal-illokkjar li, meta attivata kif xieraq, tippermetti t-tħaddim tas-sistema tal-illokkjar.

2.8.

“Ċavetta” tfisser kull apparat iddisinjat u mibni biex jipprovdi metodu ta’ tħaddim ta’ sistema tal-illokkjar, li hija ddisinjata u mibnija biex titħaddem biss b’dak l-apparat.

2.9.

“Rolling code” tfisser kodiċi elettroniku li jikkonsisti minn diversi elementi li l-kombinazzjoni tagħhom tinbidel b’mod każwali wara kull tħaddim tal-unità tat-trażmissjoni.

3.   Applikazzjoni għall-approvazzjoni

3.1.

L-applikazzjoni għall-approvazzjoni ta’ vettura jew ta’ tip ta’ komponent fir-rigward ta’ dan ir-Regolament għandha tiġi ppreżentata mill-manifattur.

3.2.

Din għandha tkun akkumpanjata b’dokument ta’ informazzjoni stabbilit f’konformità mal-mudell muri fl-Anness 1, u li jagħti deskrizzjoni tal-karatteristiċi tekniċi tal-apparat li jipprevjeni l-użu mhux awtorizzat u l-metodu/metodi tal-installazzjoni għal kull marka u tip ta’ vettura li fuqha jkun intenzjonat li jiġi installat l-apparat protettiv.

3.3.

Vettura(vetturi)/komponent(komponenti) li jirrappreżenta(jirrappreżentaw) it-tip(i) li għandu/għandhom jiġi/jiġu approvat(i) għandu/għandhom jiġi/jiġu sottomess(i) lid-dipartiment tekniku responsabbli mit-twettiq ta’ testijiet tal-approvazzjoni.

4.   Approvazzjoni

4.1.

Jekk it-tip sottomess għall-approvazzjoni skont dan ir-Regolament jissodisfa r-rekwiżiti ta’ dan ir-Regolament, l-approvazzjoni ta’ dak it-tip għandha tingħata.

4.2.

Għandu jiġi assenjat numru tal-approvazzjoni lil kull tip approvat. L-ewwel żewġ ċifri tiegħu (attwalment 00, li jikkorrispondu għar-Regolament fil-forma oriġinali tiegħu) għandhom jindikaw is-sensiela ta’ emendi li jinkorporaw l-aktar emendi tekniċi ewlenin reċenti li saru fir-Regolament fiż-żmien tal-ħruġ tal-approvazzjoni. L-istess Parti Kontraenti ma għandhiex tassenja l-istess numru lil tip ieħor ta’ vettura jew ta’ komponent, kif definit f’dan ir-Regolament.

4.3.

Avviż dwar l-approvazzjoni jew l-estensjoni tal-approvazzjoni ta’ tip skont dan ir-Regolament għandu jiġi kkomunikat lill-Partijiet Kontraenti għall-Ftehim li japplikaw dan ir-Regolament, permezz ta’ formola li tkun tikkonforma mal-mudell fl-Anness 2 ta’ dan ir-Regolament.

4.4.

Għandha titwaħħal, b’mod ċar u f’post faċilment aċċessibbli speċifikat fil-formola tal-approvazzjoni, fuq kull vettura jew komponent li jikkonforma ma’ tip approvat skont dan ir-Regolament, marka tal-approvazzjoni internazzjonali li tikkonsisti minn: 4.4.1. ċirku madwar l-ittra “E” segwit min-numru distintiv tal-pajjiż li jkun ta l-approvazzjoni (2), u 4.4.2. in-numru ta’ dan ir-Regolament, segwit mill-ittra “R”, sing u n-numru tal-approvazzjoni fuq il-lemin taċ-ċirku preskritt fil-paragrafu 4.4.1.

4.5.

Jekk it-tip ikun konformi ma’ tip approvat skont Regolament tan-NU wieħed jew aktar anness mal-Ftehim, fil-pajjiż li jkun ta l-approvazzjoni skont dan ir-Regolament, is-simbolu preskritt fil-paragrafu 4.4.1 ma hemmx għalfejn jiġi ripetut; f’dak il-każ, ir-Regolament li skontu tkun ingħatat l-approvazzjoni fil-pajjiż li jkun ta l-approvazzjoni skont dan ir-Regolament għandu jitqiegħed f’kolonni weqfin fuq in-naħa tal-lemin tas-simbolu preskritt fil-paragrafu 4.4.1.

4.6.

Il-marka tal-approvazzjoni għandha tkun tista’ tinqara b’mod ċar u ma tkunx tista’ titħassar.

4.7.

Fil-każ ta’ vettura, il-marka tal-approvazzjoni għandha titqiegħed viċin tal-pjanċa tad-data tal-vettura mwaħħla mill-manifattur jew fuqha.

4.8.

L-Anness 3 ta’ dan ir-Regolament jagħti eżempji ta’ arranġamenti tal-marki tal-approvazzjoni.

5.   Approvazzjoni ta’ vettura tal-Kategorija M1 u N1 fir-rigward tal-apparati tagħha li jipprevjenu l-użu mhux awtorizzat

5.1.   Speċifikazzjonijiet ġenerali

5.1.1.

L-apparat li jipprevjeni l-użu mhux awtorizzat għandu jkun iddisinjat b’tali mod li jkun meħtieġ li jitwaqqaf milli jitħaddem sabiex jippermetti li:

5.1.1.1.

il-magna tiġi startjata permezz tal-kontroll normali, u

5.1.1.2.

il-vettura timxi, tinsaq jew tiċċaqlaq ’il quddiem bil-forza tagħha stess.

5.1.1.3.

Ir-rekwiżit tal-paragrafu 5.1.1 jista’ jintlaħaq fl-istess ħin jew qabel l-azzjonijiet deskritti fil-paragrafi 5.1.1.1 u 5.1.1.2.

5.1.2.

Ir-rekwiżiti tal-paragrafu 5.1.1 għandhom jintlaħqu permezz tal-applikazzjoni ta’ ċavetta waħda.

5.1.3.

Minbarra fil-każ previst fil-paragrafu 5.2.1.5, sistema mħaddma b’ċavetta mdaħħla f’serratura ma għandhiex tippermetti t-tneħħija taċ-ċavetta qabel ma l-apparat imsemmi fil-paragrafu 5.1.1. ikun tħaddem jew tħejja biex jaħdem.

5.1.4.

L-apparat li jipprevjeni l-użu mhux awtorizzat imsemmi fil-paragrafu 5.1.1 ta’ hawn fuq, u l-komponenti tal-vettura li jaħdem fuqhom, għandu jkun iddisinjati b’tali mod li ma jkunx jista’ jinfetaħ, isir ineffettiv jew jiġi distrutt b’mod rapidu u mingħajr ma jiġbed l-attenzjoni permezz ta’, pereżempju, l-użu ta’ għodod, tagħmir jew prodotti rħas u li jistgħu jinħbew faċilment, disponibbli faċilment għall-pubbliku ġenerali.

5.1.5.

L-apparat li jipprevjeni l-użu mhux awtorizzat għandu jitwaħħal mal-vettura bħala parti mit-tagħmir oriġinali (jiġifieri, tagħmir installat mill-manifattur tal-vettura qabel l-ewwel bejgħ tagħha bl-imnut). Għandu jitwaħħal b’tali mod li anke wara li jitneħħa mill-kompartiment tiegħu ma jkunx jista’ meta jkun fil-kundizzjoni mblukkata, jiżżarma ħlief b’għodda speċjali. Jekk ikun possibbli li l-apparat li jipprevjeni l-użu mhux awtorizzat isir ineffettiv permezz tat-tneħħija ta’ viti, dawk il-viti għandhom, sakemm ma jkunux tat-tip li ma jitneħħewx, jitgħattew minn partijiet tal-apparat protettiv imblukkat.

5.1.6.

Is-sistemi mekkaniċi tal-illokkjar għandhom jipprovdu tal-inqas 1 000 kombinazzjoni differenti taċ-ċavetta jew numru ugwali għan-numru totali ta’ vetturi mmanifatturati kull sena jekk dan ikun inqas minn 1 000. F’vetturi ta’ tip wieħed il-frekwenza tal-okkorrenza ta’ kull kombinazzjoni għandha bejn wieħed u ieħor tkun ta’ waħda kull 1 000.

5.1.7.

Is-sistemi tal-illokkjar elettriċi/elettroniċi, eż. kontroll mill-bogħod, għandu jkollhom mill-inqas 50 000 varjant u għandhom jinkorporaw rolling code u/jew ikollhom żmien minimu tal-iskennjar ta’ għaxart ijiem, eż. massimu ta’ 5 000 varjant għal kull 24 siegħa għal minimu ta’ 50 000 varjant.

5.1.8.

Rigward in-natura tal-apparat li jipprevjeni l-użu mhux awtorizzat, għandu jiġi applikat il-paragrafu 5.1.6 jew il-paragrafu 5.1.7.

5.1.9.

Iċ-ċavetta u s-serratura ma għandhomx ikunu kkodifikati viżibbilment.

5.1.10.

Is-serratura għandha tkun iddisinjata, mibnija u mwaħħla b’tali mod li t-tidwir taċ-ċilindru tas-serratura, meta tkun fil-pożizzjoni llokkjata, b’torque ta’ inqas minn 2,45 Nm ma jkunx possibbli bl-ebda ċavetta għajr iċ-ċavetta ta’ pariġġha, u

5.1.10.1.

Għal ċilindri tas-serratura b’pin tumblers mhux aktar minn żewġ tumblers identiċi li jaħdmu fl-istess direzzjoni għandhom jitqiegħdu ħdejn xulxin, u f’serratura ma għandux ikun hemm aktar minn 60 fil-mija ta’ tumblers identiċi;

5.1.10.2.

Għal ċilindri tas-serratura b’pin tumblers mhux aktar minn żewġ tumblers identiċi li jaħdmu fl-istess direzzjoni ma għandhom jitqiegħdu ħdejn xulxin, u f’serratura ma għandux ikun hemm aktar minn 50 fil-mija ta’ tumblers identiċi.

5.1.11.

L-apparati li jipprevjenu l-użu mhux awtorizzat għandhom ikunu tali li jeskludu kull riskju ta’ falliment aċċidentali ta’ tħaddim waqt li l-magna tkun taħdem, b’mod partikolari fil-każ ta’ mblukkar li x’aktarx jikkomprometti s-sikurezza.

5.1.11.1.

Ma għandux ikun possibbli li jiġu attivati apparati li jipprevjenu l-użu mhux awtorizzat mingħajr ma l-ewwel ikunu ssettjati l-kontrolli tal-magna għal kundizzjoni ta’ twaqqif u mbagħad titwettaq azzjoni li ma tkunx kontinwazzjoni mhux interrotta tat-twaqqif tal-magna, jew mingħajr ma l-ewwel ikunu ssettjati l-kontrolli tal-magna għal kundizzjoni ta’ twaqqif u meta l-vettura tkun wieqfa bl-applikazzjoni tal-brejk tal-ipparkjar, jew il-veloċità tal-vettura ma taqbiżx l-4 km/siegħa.

5.1.11.2.

Fil-każ ta’ apparati li jipprevjenu l-użu mhux awtorizzat, jekk l-azzjoni tal-irtirar taċ-ċavetta tattiva l-apparat din għandha jew tenħtieġ ċaqliq minimu ta’ 2 mm qabel l-attivazzjoni tal-apparat jew tinkorpora faċilità li tipprevali li tipprevjeni t-tneħħija aċċidentali jew l-irtirar parzjali taċ-ċavetta.

5.1.11.3.

Il-paragrafi 5.1.10, 5.1.10.1 jew 5.1.10.2, u 5.1.11.2 huma applikabbli biss għal apparati li jinkludu ċwievet mekkaniċi.

5.1.12.

Assistenza bl-enerġija tista’ tintuża biss biex tattiva l-azzjoni tal-illokkjar jew tal-ftuħ tal-apparat li jipprevjeni l-użu mhux awtorizzat. L-apparat għandu jinżamm fil-pożizzjoni tiegħu ta’ tħaddim b’kull mezz adatt li ma jeħtieġx provvista ta’ enerġija.

5.1.13.

Ma għandux ikun possibbli li tiġi attivata l-enerġija mekkanika tal-vettura b’mezzi normali sakemm l-apparat li jipprevjeni l-użu mhux awtorizzat ma jkunx ġie diżattivat.

5.1.14.

L-apparati li jipprevjenu l-użu mhux awtorizzat billi jipprevjenu r-rilaxx tal-brejkijiet tal-vettura għandhom jiġu awtorizzati biss meta l-partijiet operattivi tal-brejkijiet jinżammu f’pożizzjoni llokkjata permezz ta’ apparat purament mekkaniku. F’dan il-każ il-preskrizzjonijiet tal-paragrafu 5.1.13 ma japplikawx.

5.1.15.

Jekk l-apparat li jipprevjeni l-użu mhux awtorizzat ikun mgħammar b’karatteristika ta’ twissija lis-sewwieq, dan għandu jiġi attivat meta l-operatur jiftaħ il-bieba tan-naħa tas-sewwieq, sakemm l-apparat ma jkunx ġie attivat u ċ-ċavetta mneħħija mill-operatur.

5.2.   Speċifikazzjonijiet partikolari

Minbarra l-ispeċifikazzjonijiet ġenerali preskritti fil-paragrafu 5.1, l-apparat li jipprevjeni l-użu mhux awtorizzat għandu jilħaq il-kundizzjonijiet partikolari preskritti hawn taħt:

5.2.1.

Apparati li jipprevjenu l-użu mhux awtorizzat li jaġixxu fuq l-istering

5.2.1.1.

Apparat li jipprevjeni l-użu mhux awtorizzat li jaġixxi fuq l-istering għandu jagħmel l-istering inoperattiv. Qabel ma l-magna tiġi startjata, it-tħaddim normali tal-istering għandu jiġi restawrat.

5.2.1.2.

Meta l-apparat li jipprevjeni l-użu mhux awtorizzat ikun issettjat biex jaġixxi, ma għandux ikun possibbli li l-apparat jiġi mfixkel milli jiffunzjona.

5.2.1.3.

L-apparat li jipprevjeni l-użu mhux awtorizzat għandu jkompli jilħaq ir-rekwiżiti tal-paragrafi 5.1.11, 5.2.1.1, 5.2.1.2 u 5.2.1.4 wara li jkun għamel 2 500 ċiklu ta’ llokkjar f’kull direzzjoni tat-test tat-tkagħbir bl-użu speċifikat fil-Parti 1 tal-Anness 4 ta’ dan ir-Regolament.

5.2.1.4.

L-apparat li jipprevjeni l-użu mhux awtorizzat għandu, fil-pożizzjoni attivata tiegħu, jissodisfa wieħed mill-kriterji li ġejjin: 5.2.1.4.1. Għandu jkun b’saħħtu biżżejjed biex ikun jiflaħ, mingħajr ħsara għall-mekkaniżmu tal-istering li x’aktarx tikkomprometti s-sikurezza, għall-applikazzjoni ta’ torque ta’ 300 Nm mal-assi tal-fus tal-istering fiż-żewġ direzzjonijiet f’kundizzjonijiet statiċi. 5.2.1.4.2. Għandu jinkorpora mekkaniżmu ddisinjat biex jagħti jew iċedi, b’tali mod li s-sistema tkun tiflaħ, jew kontinwament jew inkella b’mod intermittenti, għall-applikazzjoni ta’ torque ta’ mill-inqas 100 Nm. Is-sistema tal-illokkjar għandha xorta tiflaħ għall-applikazzjoni ta’ dan it-torque wara t-test speċifikat fil-Parti 2 tal-Anness 4 ta’ dan ir-Regolament. 5.2.1.4.3. Għandu jinkorpora mekkaniżmu maħsub biex jippermetti li r-rota tal-istering iddur b’mod ħieles fuq il-fus imblokkat tal-istering. Il-mekkaniżmu ta’ mblukkar għandu jkun b’saħħtu biżżejjed biex ikun jiflaħ għall-applikazzjoni ta’ torque ta’ 200 Nm fuq l-assi tal-fus tal-istering fiż-żewġ direzzjonijiet f’kundizzjonijiet statiċi.

5.2.1.5.

Jekk l-apparat li jipprevjeni l-użu mhux awtorizzat ikun tali li ċ-ċavetta tista’ titneħħa f’pożizzjoni li ma tkunx il-pożizzjoni li fiha l-istering ikun inoperattiv, dan għandu jkun iddisinjat b’tali mod li l-manuvra meħtieġa biex tintlaħaq dik il-pożizzjoni u titneħħa ċ-ċavetta ma tistax issir involontarjament.

5.2.1.6.

Jekk komponent ma jaħdimx b’tali mod li r-rekwiżiti tat-torque speċifikati fil-paragrafi 5.2.1.4.1, 5.2.1.4.2 u 5.2.1.4.3 ma jkunux jistgħu jiġu applikati faċilment, iżda s-sistema tal-istering tibqa’ mblukkata, is-sistema għandha tissodisfa r-rekwiżiti.

5.2.2.

Apparati li jipprevjenu l-użu mhux awtorizzat billi jaġixxu fuq it-trażmissjoni jew fuq il-brejkijiet

5.2.2.1.

Apparat li jipprevjeni l-użu mhux awtorizzat li jaġixxi fuq it-trażmissjoni għandu jipprevjeni r-rotazzjoni tar-roti tas-sewqan tal-vettura.

5.2.2.2.

Apparat li jipprevjeni l-użu mhux awtorizzat billi jaġixxi fuq il-brejkijiet għandu jibbrejkja mill-inqas rota waħda fuq kull naħa ta’ mill-inqas fus wieħed.

5.2.2.3.

Meta l-apparat li jipprevjeni l-użu mhux awtorizzat ikun issettjat biex jaġixxi, ma għandux ikun possibbli li l-apparat jiġi mfixkel milli jiffunzjona.

5.2.2.4.

Ma għandux ikun possibbli għat-trażmissjoni jew għall-brejkijiet li jiġu mblukkati involontarjament meta ċ-ċavetta tkun fis-serratura tal-apparat li jipprevjeni l-użu mhux awtorizzat, anke meta l-apparat li jipprevjeni l-istartjar tal-magna jkun beda jiffunzjona jew ikun issettjat biex jaġixxi. Dan ma japplikax kull meta r-rekwiżiti tal-paragrafu 5.2.2 ta’ dan ir-Regolament jintlaħqu minn apparati użati għal skop ieħor apparti dan u s-serratura fil-kundizzjonijiet imsemmija hawn fuq tkun meħtieġa għal din il-funzjoni addizzjonali (eż. brejk elettriku tal-ipparkjar).

5.2.2.5.

L-apparat li jipprevjeni l-użu mhux awtorizzat għandu jkun iddisinjat u mibni b’tali mod li jibqa’ effettiv għalkollox anke wara xi tkagħbir bl-użu bħala riżultat ta’ 2 500 ċiklu ta’ llokkjar f’kull direzzjoni. Fil-każ ta’ apparat protettiv li jaġixxi fuq il-brejkijiet, kull parti sekondarja mekkanika jew elettrika tal-apparat tkun ikkonċernata.

5.2.2.6.

Jekk l-apparat li jipprevjeni l-użu mhux awtorizzat ikun tali li ċ-ċavetta tkun tista’ titneħħa f’pożizzjoni minbarra l-pożizzjoni li fiha t-trażmissjoni jew il-brejkijiet ikunu llokkjati, dan għandu jkun iddisinjat b’tali mod li l-manuvra meħtieġa biex tintlaħaq dik il-pożizzjoni u titneħħa ċ-ċavetta ma tkunx tista’ titwettaq involontarjament.

5.2.2.7.

Fil-każ fejn jintuża l-apparat protettiv li jaġixxi fuq it-trażmissjoni, dan għandu jkun b’saħħtu biżżejjed biex jiflaħ, mingħajr ħsara li x’aktarx tikkomprometti s-sikurezza, għall-applikazzjoni fiż-żewġ direzzjonijiet u f’kundizzjonijiet statiċi ta’ torque 50 fil-mija akbar mit-torque massimu li jista’ jiġi applikat normalment lit-trażmissjoni. Fl-istabbiliment tal-livell ta’ dan l-ittestjar tat-torque ma għandux jitqies it-torque massimu tal-magna, iżda tat-torque massimu li jista’ jiġi trażmess mill-klaċċ jew bit-trażmissjoni awtomatika.

5.2.2.8.

Fil-każ ta’ vettura mgħammra b’apparat protettiv li jaġixxi fuq il-brejkijiet, l-apparat għandu jkun kapaċi jżomm il-vettura mgħobbija wieqfa fuq gradjent ta’ 20 fil-mija ’l fuq jew ’l isfel.

5.2.2.9.

Fil-każ ta’ vettura mgħammra b’apparat protettiv li jaġixxi fuq il-brejkijiet, ir-rekwiżiti ta’ dan ir-Regolament ma għandhomx jiġu interpretati bħala nuqqas devjazzjoni mir-rekwiżiti tar-Regolament tan-NU Nru 13 jew 13-H anke fil-każ ta’ falliment.

5.2.3.

Apparati li jipprevjenu l-użu mhux awtorizzat li jaġixxu fuq il-kontroll tat-tibdil tal-ger

5.2.3.1.

Apparat li jipprevjeni l-użu mhux awtorizzat li jaġixxi fuq il-kontroll tat-tibdil tal-ger għandu jkun kapaċi li jipprevjeni kwalunkwe tibdil tal-gerijiet.

5.2.3.2.

Fil-każ ta’ gearboxes manwali għandu jkun possibbli li l-kontroll tat-tibdil tal-ger jiġi llokkjat fil-pożizzjoni tar-rivers biss; barra minn hekk, għandu jkun permess l-illokkjar f’pożizzjoni newtrali.

5.2.3.3.

Fil-każ ta’ gearboxes awtomatiċi pprovduti b’pożizzjoni għall-“ipparkjar” għandu jkun possibbli li l-mekkaniżmu jiġi llokkjat fil-pożizzjoni tal-ipparkjar biss; barra minn hekk, għandu jkun permess l-illokkjar f’pożizzjoni newtrali u/jew ta’ rivers.

5.2.3.4.

Fil-każ ta’ gearboxes awtomatiċi mhux ipprovduti b’pożizzjoni għall-“ipparkjar” għandu jkun possibbli li l-mekkaniżmu jiġi llokkjat fil-pożizzjonijiet tal-ipparkjar li ġejjin biss: newtrali u/jew rivers.

5.2.3.5.

L-apparat li jipprevjeni l-użu mhux awtorizzat għandu jkun iddisinjat u mibni b’tali mod li jibqa’ effettiv għalkollox anke wara xi tkagħbir bl-użu bħala riżultat ta’ 2 500 ċiklu ta’ llokkjar f’kull direzzjoni.

5.3.   L-apparati elettromekkaniċi u elettroniċi għall-prevenzjoni tal-użu mhux awtorizzat għandhom jiġu sottomessi għat-testijiet deskritti fl-Anness 6.

6.   Modifika tat-tip u estensjoni tal-approvazzjoni

6.1.   Kull modifika tat-tip ta’ vettura jew ta’ tip ta’ komponent għandha tiġi nnotifikata lill-Awtorità tal-Approvazzjoni tat-Tip li tkun approvat it-tip ta’ vettura jew it-tip ta’ komponent. L-Awtorità tal-Approvazzjoni tat-Tip imbagħad għandha jew:

(a)	Tiddeċiedi, f’konsultazzjoni mal-manifattur, li għandha tingħata approvazzjoni tat-tip ġdida; jew

(b)	Tapplika l-proċedura li tinsab fil-paragrafu 6.1.1. (Reviżjoni) ta’ hawn taħt u, jekk applikabbli, il-proċedura li tinsab fil-paragrafu 6.1.2 (Estensjoni) ta’ hawn taħt.

6.1.1.   Reviżjoni

Meta d-dettalji rreġistrati fid-dokumenti ta’ informazzjoni jkunu nbidlu u l-Awtorità tal-Approvazzjoni tat-Tip tqis li l-modifiki li saru mhux probabbli li se jkollhom effetti negattivi apprezzabbli u li fi kwalunkwe każ il-pedali għadhom jissodisfaw ir-rekwiżiti, il-modifika għandha tiġi ddeżinjata bħala “reviżjoni”.

F’dan il-każ, l-Awtorità tal-Approvazzjoni tat-Tip għandha toħroġ il-paġni riveduti tad-dokumenti ta’ informazzjoni kif meħtieġ, u timmarka kull paġna riveduta biex turi b’mod ċar in-natura tal-modifika u d-data tal-ħruġ mill-ġdid. Verżjoni konsolidata u aġġornata tad-dokumenti ta’ informazzjoni, flimkien ma’ deskrizzjoni dettaljata tal-modifika, għandha titqies li tissodisfa dan ir-rekwiżit.

6.1.2.   Il-modifika għandha tiġi ddeżinjata bħala “estensjoni” jekk, minbarra l-bidla fid-data rreġistrata fid-dokumenti ta’ informazzjoni:

(a)	Ikunu meħtieġa aktar spezzjonijiet jew testijiet; jew

(b)	Tkun inbidlet xi informazzjoni fid-dokument ta’ komunikazzjoni (bl-eċċezzjoni ta’ partijiet mehmuża miegħu); jew

(c)	Tintalab l-approvazzjoni għal serje ta’ emendi aktar tard wara d-dħul fis-seħħ tiegħu.

6.2.   Konferma jew ċaħda tal-approvazzjoni, fejn tiġi speċifikata l-alterazzjoni, għandha tiġi kkomunikata permezz tal-proċedura speċifikata fil-paragrafu 4.3 ta’ hawn fuq lill-Partijiet Kontraenti għall-Ftehim li japplikaw dan ir-Regolament.

6.3.   L-Awtorità tal-Approvazzjoni tat-Tip li toħroġ l-estensjoni tal-approvazzjoni għandha tassenja numru tas-serje lil kull formola ta’ komunikazzjoni li ssir għal estensjoni bħal din.

7.   Proċeduri tal-konformità tal-produzzjoni

Il-proċeduri tal-konformità tal-produzzjoni għandhom ikunu konformi ma’ dawk stabbiliti fil-Ftehim, Skeda 1 (E/ECE/TRANS/505/Rev.3), b’dawn ir-rekwiżiti:

7.1.

Vetturi/komponenti skont dan ir-Regolament għandhom jiġu manifatturati b’tali mod li jikkonformaw mat-tip approvat billi jissodisfaw ir-rekwiżiti tal-parti(jiet) rilevanti ta’ dan ir-Regolament.

7.2.

Għal kull tip ta’ vettura jew komponent it-testijiet preskritti fil-parti(jiet) rilevanti ta’ dan ir-Regolament għandhom jitwettqu fuq bażi statistikament ikkontrollata u każwali, f’konformità ma’ waħda mill-proċeduri regolari tal-assigurazzjoni tal-kwalità.

7.3.

L-Awtorità li tkun tat l-approvazzjoni tat-tip tista’, fi kwalunkwe ħin, tivverifika l-metodi tal-kontroll tal-konformità applikati f’kull faċilità ta’ produzzjoni. Il-frekwenza normali ta’ dawn il-verifiki għandha tkun ta’ darba kull sentejn.

8.   Penali għan-nuqqas ta’ konformità tal-produzzjoni

8.1.

L-approvazzjoni mogħtija fir-rigward ta’ tip ta’ vettura/komponent skont dan ir-Regolament tista’ tiġi rtirata jekk ir-rekwiżiti stabbiliti fil-paragrafu 7 ta’ hawn fuq ma jintlaħqux.

8.2.

Jekk Parti Kontraenti għall-Ftehim li tapplika dan ir-Regolament tirtira approvazzjoni li tkun tat qabel, din għandha minnufih tavża lill-Partijiet Kontraenti l-oħra li japplikaw dan ir-Regolament, permezz ta’ formola li tikkonforma mal-mudell fl-Anness 2.

9.   Produzzjoni mwaqqfa għalkollox

9.1.

Jekk id-detentur tal-approvazzjoni jwaqqaf għalkollox il-manifattura ta’ tip ta’ vettura/komponent approvat f’konformità ma’ dan ir-Regolament, huwa għandu jinforma b’dan lill-awtorità li tkun tat l-approvazzjoni. Malli tirċievi l-komunikazzjoni rilevanti, dik l-awtorità għandha tinforma b’dan lill-Partijiet Kontraenti l-oħra tal-Ftehim li japplikaw dan ir-Regolament permezz ta’ formola li tikkonforma mal-mudell fl-Anness 2.

10.   Ismijiet u indirizzi ta’ Servizzi Tekniċi responsabbli mit-twettiq tat-testijiet tal-approvazzjoni, u tal-Awtoritajiet tal-Approvazzjoni tat-Tip

10.1.

Il-Partijiet Kontraenti għall-Ftehim li japplikaw dan ir-Regolament għandhom jikkomunikaw lis-segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli mit-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip li jagħtu l-approvazzjoni, u lil min għandhom jintbagħtu l-formoli li jiċċertifikaw l-approvazzjoni jew l-estensjoni, jew ir-rifjut jew l-irtirar tal-approvazzjoni, maħruġa f’pajjiżi oħra.

---

(1)  Kif definit fir-Riżoluzzjoni Konsolidata dwar il-Kostruzzjoni tal-Vetturi (R.E.3), id-dokument ECE/TRANS/WP.29/78/Rev.6. https://unece.org/transport/standards/transport/vehicle-regulations-wp29/resolutions

(2)  In-numri distintivi tal-Partijiet Kontraenti tal-Ftehim tal-1958 huma riprodotti fl-Anness 3 għar-Riżoluzzjoni Konsolidata dwar il-Kostruzzjoni tal-Vetturi (R.E.3), id-dokument ECE/TRANS/WP.29/78/Rev.6 — https://unece.org/transport/standards/transport/vehicle-regulations-wp29/resolutions.

It-testi oriġinali tan-NU/KEE biss għandhom effett ġuridiku skont id-dritt internazzjonali pubbliku. L-istatus u d-data tad-dħul fis-seħħ ta’ dan ir-Regolament jenħtieġ li jiġu vverifikati fl-aħħar verżjoni tad-dokument tal-istatus tan-NU/KEE TRANS/WP.29/343, disponibbli fuq:

https://unece.org/status-1958-agreement-and-annexed-regulations

Ir-Regolament tan-NU Nru 162 — Preskrizzjonijiet tekniċi uniformi dwar l-approvazzjoni tal-immobilizzaturi u l-approvazzjoni ta’ vettura fir-rigward tal-immobilizzatur tagħha [2021/2275]

Data tad-dħul fis-seħħ: 30 ta’ Settembru 2021

Dan id-dokument huwa intiż purament bħala għodda ta’ dokumentazzjoni. It-test awtentiku u legalment vinkolanti huwa: ECE/TRANS/WP.29/2021/49.

WERREJ

Regolament

1.

Kamp ta’ applikazzjoni

2.

Definizzjonijiet

3.

Applikazzjoni għall-approvazzjoni

4.

Approvazzjoni

5.

Speċifikazzjonijiet

6.

Modifika tat-tip u estensjoni tal-approvazzjoni

7.

Konformità tal-produzzjoni

8.

Penali għal nuqqas ta’ konformità tal-produzzjoni

9.

Produzzjoni mwaqqfa għalkollox

10.

Ismijiet u indirizzi tas-Servizzi Tekniċi responsabbli għat-twettiq tat-testijiet tal-approvazzjoni, u tal-Awtoritajiet tal-Approvazzjoni tat-Tip

Annessi

1

Dokument ta’ informazzjoni

2

Komunikazzjoni

3

Arranġamenti tal-marki tal-approvazzjoni

4

Mudell taċ-ċertifikat ta’ konformità

5

Mudell taċ-ċertifikat tal-installazzjoni

6

Il-parametri tat-tħaddim u l-kundizzjonijiet tat-test għal immobilizzatur

7

Kompatibbiltà elettromanjetika

1.   Kamp ta’ applikazzjoni

Dan ir-Regolament tan-NU japplika għal:

1.1.

Approvazzjoni ta’ (a) Immobilizzaturi “jekk ikunu mwaħħla” primarjament dedikati għal vetturi tal-Kategoriji M1 u N1 b’massa massima ta’ mhux aktar minn żewġ tunnellati; u (b) Vetturi tal-Kategorija M1 u vetturi tal-Kategorija N1 b’massa massima ta’ mhux aktar minn żewġ tunnellati fir-rigward tal-immobilizzaturi mwaħħla (1) (2).

1.2.

Fuq talba tal-manifattur, il-Partijiet Kontraenti jistgħu jagħtu approvazzjonijiet lill-vetturi ta’ kategoriji oħra u lill-immobilizzaturi għat-twaħħil fuq dawn il-vetturi.

1.3.

Dan ir-Regolament ma japplikax għall-frekwenzi tat-trażmissjoni bir-radju, kemm jekk relatati mal-protezzjoni tal-vetturi minn użu mhux awtorizzat kif ukoll jekk le.

2.   Definizzjonijiet

2.1.

“Komponent” tfisser apparat soġġett għar-rekwiżiti ta’ dan ir-Regolament u maħsub biex ikun parti minn vettura, li jista’ jkun ta’ tip approvat indipendentement minn vettura fejn dan ir-Regolament jispeċifika espressament dispożizzjonijiet għal dan;

2.2.

“Unità teknika separata” tfisser apparat soġġett għar-rekwiżiti ta’ dan ir-Regolament u maħsub biex ikun parti minn vettura, li jista’ jkun tip approvat separatament, iżda biss f’rabta ma’ tip wieħed speċifiku jew aktar ta’ vettura fejn dan ir-Regolament jispeċifika espressament dispożizzjonijiet għal dan;

2.3.

“Manifattur” tfisser il-persuna jew il-korp responsabbli fil-konfront tal-awtorità tal-approvazzjoni għall-aspetti kollha tal-proċess tal-approvazzjoni u biex tiġi żgurata l-konformità tal-produzzjoni. Ma huwiex essenzjali li l-persuna jew il-korp ikunu direttament involuti fl-istadji kollha tal-kostruzzjoni tal-vettura, tas-sistema, tal-komponent jew tal-unità teknika separata li tkun is-suġġett tal-proċess tal-approvazzjoni.

2.4.

“Immobilizzatur” tfisser apparat li huwa maħsub biex jipprevjeni s-sewqan normali ta’ vettura bl-enerġija tagħha stess (prevenzjoni tal-użu mhux awtorizzat).

2.5.

“Tagħmir ta’ kontroll” tfisser tagħmir meħtieġ għall-issettjar u/jew it-tneħħija tal-issettjar ta’ immobilizzatur.

2.6.

“Displej tal-istatus” tfisser kull apparat maħsub li jindika l-istatus tal-immobilizzatur (issettjat/mhux issettjat, bidla ta’ ssettjar għat-tneħħija tal-issettjar u viċe versa).

2.7.

“Stat issettjat” tfisser l-istat li fih il-vettura ma tistax tinstaq b’mod normali bl-enerġija tagħha stess.

2.8.

“Stat mhux issettjat” tfisser l-istat li fih il-vettura tista’ tinstaq b’mod normali.

2.9.

“Ċavetta” tfisser kull apparat iddisinjat u mibni biex jipprovdi metodu ta’ tħaddim ta’ sistema tal-illokkjar, li hija ddisinjata u mibnija biex titħaddem biss b’dak l-apparat

2.10.

“Override” tfisser karatteristika ta’ disinn li ssakkar l-immobilizzatur fil-kundizzjoni mhux issettjata.

2.11.

“Rolling code” tfisser kodiċi elettroniku li jikkonsisti minn diversi elementi li l-kombinazzjoni tagħhom tinbidel b’mod każwali wara kull tħaddim tal-unità tat-trażmissjoni.

2.12.

“Tip ta’ immobilizzatur” tfisser sistemi li ma jvarjawx b’mod sinifikanti f’tali aspetti essenzjali bħal: (a) L-isem kummerċjali jew il-marka tal-manifattur; (b) It-tip ta’ tagħmir ta’ kontroll; (c) Id-disinn tat-tħaddim tagħhom fuq is-sistema/sistemi ta’ vetturi rilevanti (kif imsemmi fil-paragrafu 5.2.1 ta’ hawn taħt).

2.13.

“Tip ta’ vettura fir-rigward tal-immobilizzatur tagħha” tfisser vetturi li ma jvarjawx b’mod sinifikanti minn xulxin f’tali aspetti importanti bħal: (a) L-isem kummerċjali jew il-marka tal-manifattur; (b) Il-karatteristiċi tal-vettura li jinfluwenzaw b’mod sinifikanti l-prestazzjoni tal-immobilizzatur; (c) It-tip u d-disinn tal-immobilizzatur.

3.   Applikazzjoni għall-approvazzjoni

3.1.

L-applikazzjoni għall-approvazzjoni ta’ vettura jew ta’ tip ta’ komponent fir-rigward ta’ dan ir-Regolament għandha tiġi ppreżentata mill-manifattur.

3.2.

Din għandha tkun akkumpanjata b’dokument ta’ informazzjoni stabbilit f’konformità mal-mudell muri fl-Anness 1, u li jagħti deskrizzjoni tal-karatteristiċi tekniċi tal-immobilizzatur, il-metodu/metodi tal-installazzjoni għal kull għamla u tip ta’ vettura li fuqha jkun intenzjonat li jiġi installat l-immobilizzatur.

3.3.

Vettura(vetturi) / komponent(komponenti) li jirrappreżenta(jirrappreżentaw) it-tip(i) li għandu/għandhom jiġi/jiġu approvat(i) għandu/għandhom jiġi/jiġu sottomess(i) lid-dipartiment tekniku responsabbli għat-twettiq ta’ testijiet tal-approvazzjoni.

4.   Approvazzjoni

4.1.

Jekk it-tip sottomess għall-approvazzjoni skont dan ir-Regolament jissodisfa r-rekwiżiti ta’ dan ir-Regolament, l-approvazzjoni ta’ dak it-tip għandha tingħata.

4.2.

Għandu jingħata numru tal-approvazzjoni lil kull tip approvat. L-ewwel żewġ ċifri tiegħu (attwalment 00, li jikkorrispondu għar-Regolament fil-forma oriġinali tiegħu) għandhom jindikaw is-sensiela ta’ emendi li jinkorporaw l-aktar emendi tekniċi ewlenin reċenti li saru fir-Regolament fiż-żmien tal-ħruġ tal-approvazzjoni. L-istess Parti Kontraenti ma għandhiex tassenja l-istess numru lil tip ieħor ta’ vettura jew ta’ komponent, kif iddefinit f’dan ir-Regolament.

4.3.

Avviż dwar l-approvazzjoni jew l-estensjoni tal-approvazzjoni ta’ tip skont dan ir-Regolament għandu jiġi kkomunikat lill-Partijiet Kontraenti għall-Ftehim li japplikaw dan ir-Regolament, permezz ta’ formola li tkun tikkonforma mal-mudell fl-Anness 2 ta’ dan ir-Regolament.

4.4.

Għandha titwaħħal, b’mod ċar u f’post faċilment aċċessibbli speċifikat fil-formola tal-approvazzjoni, fuq kull vettura jew komponent li jikkonforma ma’ tip approvat skont dan ir-Regolament, marka tal-approvazzjoni internazzjonali li tikkonsisti minn: 4.4.1. Ċirku madwar l-ittra “E” segwit min-numru distintiv tal-pajjiż li jkun ta l-approvazzjoni (3), u 4.4.2. In-numru ta’ dan ir-Regolament, segwit mill-ittra “R”, minn sing u min-numru ta’ approvazzjoni fuq il-lemin taċ-ċirku preskritt fil-paragrafu 4.4.1.

4.5.

Jekk it-tip ikun konformi ma’ approvazzjoni tat-tip skont Regolament tan-NU wieħed jew aktar anness mal-Ftehim, fil-pajjiż li jkun ta l-approvazzjoni skont dan ir-Regolament, is-simbolu preskritt fil-paragrafu 4.4.1 ma hemmx għalfejn jiġi ripetut; f’dak il-każ, ir-Regolament li skontu tkun ingħatat l-approvazzjoni fil-pajjiż li jkun ta l-approvazzjoni skont dan ir-Regolament għandu jitqiegħed f’kolonni weqfin fuq in-naħa tal-lemin tas-simbolu preskritt fil-paragrafu 4.4.1.

4.6.

Il-marka tal-approvazzjoni għandha tkun tista’ tinqara b’mod ċar u ma tkunx tista’ titħassar.

4.7.

Fil-każ ta’ vettura, il-marka tal-approvazzjoni għandha titqiegħed viċin tal-pjanċa tad-data tal-vettura mwaħħla mill-manifattur jew fuqha.

4.8.

Fil-każ ta’ komponent approvat separatament bħala immobilizzatur, il-marka tal-approvazzjoni għandha titwaħħal mill-manifattur mal-element(i) ewlieni/ewlenin tal-apparat. Fil-każ ta’ komponent approvat bħala immobilizzatur skont dan ir-regolament u sistema ta’ allarm skont ir-Regolament tan-NU Nru 163 jew ir-Regolament tan-NU Nru 116, is-Suppliment 7 tal-verżjoni oriġinali, jew ir-Regolament tan-NU Nru 97, is-Suppliment 8 tas-serje ta’ emendi 01, iż-żewġ marki tal-approvazzjoni għandhom jitwaħħlu mill-manifattur mal-element(i) ewlieni/ewlenin tal-apparat.

4.9.

L-Anness 3 ta’ dan ir-Regolament jagħti eżempji ta’ arranġamenti tal-marki tal-approvazzjoni.

4.10.

Bħala alternattiva għall-marka ta’ approvazzjoni deskritta fil-paragrafu 4.4. ta’ hawn fuq, għandu jinħareġ ċertifikat tal-konformità għal kull immobilizzatur offrut għall-bejgħ. Meta manifattur ta’ immobilizzatur iforni immobilizzatur mingħajr marka approvat skont dan ir-Regolament lil manifattur ta’ vettura, sabiex jitwaħħal minn dak il-manifattur bħala tagħmir oriġinali għal mudell ta’ vettura jew firxa ta’ mudelli ta’ vettura, il-manifattur tal-immobilizzatur għandu jforni numru ta’ kopji taċ-ċertifikat tal-konformità lill-manifattur tal-vettura, suffiċjenti għal dak il-manifattur biex jikseb l-approvazzjoni tal-vettura ta’ dan ir-Regolament. Jekk l-immobilizzatur ikun magħmul minn komponenti separati, il-komponent(i) ewlieni/ewlenin tiegħu għandu jkollhom marka ta’ referenza u ċ-ċertifikat tal-konformità għandu jipprovdi lista ta’ dawn il-marki ta’ referenza. Mudell taċ-ċertifikat tal-konformità huwa mogħti fl-Anness 4 ta’ dan ir-Regolament.

4.11.

Meta immobilizzatur, approvat skont dan ir-Regolament jew ir-Regolament tan-NU Nru 116, is-Suppliment 7 tal-verżjoni oriġinali, jew ir-Regolament tan-NU Nru 97, is-Suppliment 8 tas-serje ta’ emendi 01 bħala unità teknika separata, jiġi installat f’vettura sottomessa għall-approvazzjoni skont dan ir-Regolament, it-testijiet li immobilizzatur jeħtieġ li jgħaddi minnhom sabiex jikseb l-approvazzjoni skont dan ir-Regolament ma għandhomx jiġu ripetuti.

5.   Speċifikazzjonijiet

5.1.   Speċifikazzjonijiet Ġenerali

5.1.1.

Irid ikun possibbli li l-immobilizzatur jiġi ssettjat u li jitneħħielu l-issettjar f’konformità ma’ dawn ir-rekwiżiti.

5.1.2.

Immobilizzatur u l-installazzjoni tiegħu għandhom ikunu ddisinjati b’tali mod li kull vettura mgħammra tibqa’ tikkonforma mar-rekwiżiti tekniċi.

5.1.3.

Ma għandux ikun possibbli għal immobilizzatur li jidħol fl-istat issettjat meta ċ-ċavetta tal-ignixin tkun fil-pożizzjoni li tqabbad il-magna, ħlief meta: (a) Il-vettura tkun mgħammra jew maħsuba biex tiġi mgħammra għal skopijiet ta’ ambulanza, vettura għat-tifi tan-nar jew pulizija; jew (b) Il-magna tkun meħtieġa biex: (i) Tħaddem makkinarju li jkun jagħmel parti mill-vettura għal skopijiet differenti milli biex tinstaq il-vettura, jew immuntat fuqha; jew (ii) Iżżomm l-enerġija elettrika tal-batteriji tal-vettura f’livell meħtieġ sabiex jinstaq dak il-makkinarju jew l-apparat; u l-vettura tkun wieqfa bil-brejk tal-ipparkjar applikat. Meta tintuża din l-eċċezzjoni, dan il-fatt għandu jiġi indikat taħt l-entrata 2 tal-addendum għad-dokument ta’ komunikazzjoni (l-Anness 2 ta’ dan ir-Regolament).

5.1.4.

Ma għandux ikun possibbli tagħmel override permanenti ta’ immobilizzatur.

5.1.5.

L-immobilizzatur għandu jkun iddisinjat u mibni b’tali mod li meta jkun installat ma jaffettwax ħażin il-funzjoni prevista u t-tħaddim sikur tal-vettura, anke fil-każ ta’ funzjonament ħażin.

5.1.6.

L-immobilizzatur għandu jkun iddisinjat u mibni b’tali mod, li meta jkun installat fuq vettura, skont l-istruzzjonijiet tal-manifattur, ma jistax isir ineffettiv jew jinqered malajr jew mingħajr ma jiġbed l-attenzjoni, pereżempju, bl-użu ta’ għodda rħisa li tista’ tinħeba faċilment u tagħmir jew fabbrikazzjonijiet faċilment disponibbli għall-pubbliku ġenerali. Is-sostituzzjoni jew ta’ komponent ewlieni jew ta’ assemblaġġ sabiex jiġi newtralizzat l-immobilizzatur għandha tkun diffiċli u tieħu ħafna ħin.

5.1.7.

Immobilizzatur għandu jkun iddisinjat u mibni b’tali mod li meta jiġi installat kif speċifikat mill-manifattur ikun kapaċi li jiflaħ għall-ambjent ġewwa l-vettura għal tul ta’ ħajja raġonevoli (għall-ittestjar ara l-paragrafu 5.3). B’mod aktar partikolari, il-proprjetajiet elettriċi tas-sistema taċ-ċirkwiti abbord ma għandhomx jiġu affettwati b’mod negattiv miż-żieda tal-immobilizzatur (cross-sections tal-wajers, sikurezza tal-kuntatti, eċċ.)

5.1.8.

Immobilizzatur jista’ jiġi kkombinat ma’ sistemi oħrajn tal-vettura jew jista’ jiġi integrat fihom (eż. ġestjoni tal-magna u sistemi ta’ allarm).

5.1.9.

Ma għandux ikun possibbli għal immobilizzatur li jipprevjeni r-rilaxx tal-brejkijiet tal-vettura, ħlief fil-każ ta’ immobilizzatur li jipprevjeni r-rilaxx ta’ brejkijiet bil-molla rilaxxati b’mod pnewmatiku (4) u jiffunzjona b’mod li fi tħaddim normali, jew f’kundizzjonijiet ta’ falliment, ir-rekwiżiti tekniċi tar-Regolament tan-NU Nru 13 fis-seħħ meta ssir l-applikazzjoni għall-approvazzjoni tat-tip skont dan ir-Regolament jiġu ssodisfati. Il-konformità ma’ dan il-paragrafu ma teżentax lil immobilizzatur li jipprevjeni r-rilaxx ta’ brejkijiet bil-molla rilaxxati b’mod pnewmatiku mir-rekwiżiti tekniċi stipulati f’dan ir-Regolament.

5.1.10.

Ma għandux ikun possibbli għal immobilizzatur li jaħdem b’tali mod li japplika l-brejkijiet tal-vettura.

5.2.   Speċifikazzjonijiet Partikolari

5.2.1.   Livell ta’ diżattivazzjoni

5.2.1.1.

Immobilizzatur għandu jkun iddisinjat b’tali mod li jipprevjeni t-tħaddim tal-vettura bil-forza tagħha stess b’tal-inqas wieħed mill-mezzi li ġejjin: 5.2.1.1.1. jiddiżattiva, fil-każ ta’ twaħħil wara l-bejgħ, jew vettura mgħammra b’magna diżil, tal-inqas żewġ ċirkwiti tal-vetturi separati li jkunu meħtieġa għat-tħaddim tal-vettura bil-forza tagħha stess (eż. mutur biex tistartja, ignixin, provvista tal-fjuwil, brejkijiet bil-molla rilaxxati b’mod pnewmatiku, eċċ.); 5.2.1.1.2. interferenza minn kodiċi ta’ mill-inqas unità tal-kontroll waħda meħtieġa għat-tħaddim tal-vettura.

5.2.1.2.

Immobilizzatur għat-twaħħil fuq vettura mgħammra b’konvertitur katalitiku ma għandux iwassal biex fjuwil mhux maħruq jidħol fl-egżost.

5.2.2.   Affidabbiltà tat-tħaddim

L-affidabbiltà tat-tħaddim għandha tinkiseb permezz ta’ disinn adatt tal-immobilizzatur, wara li jkunu tqiesu l-kundizzjonijiet ambjentali speċifiċi fil-vettura (ara l-paragrafi 5.1.8 u 5.3).

5.2.3.   Sikurezza tat-tħaddim

Għandu jiġi żgurat li l-immobilizzatur ma jbiddilx l-istat tiegħu (issettjat/mhux issettjat) bħala riżultat ta’ xi wieħed mit-testijiet tal-paragrafu 5.3.

5.2.4.   Issettjar tal-immobilizzatur

5.2.4.1.

L-immobilizzatur irid jiġi ssettjat mingħajr azzjoni supplimentari mis-sewwieq b’tal-inqas wieħed mill-mezzi li ġejjin: (a) Mad-dawran taċ-ċavetta tal-ignixin fil-pożizzjoni “0” fis-serratura tal-ignixin u l-attivazzjoni ta’ bieba; flimkien ma’ dan, l-immobilizzaturi li jintfew minnufih qabel jew matul il-proċedura tal-istartjar normali tal-vettura jistgħu jinxtegħlu malli jintefa l-ignixin; (b) Massimu ta’ minuta wara t-tneħħija taċ-ċavetta mis-serratura tal-ignixin.

5.2.4.2.

Jekk l-immobilizzatur jista’ jidħol fl-istat issettjat meta ċ-ċavetta tal-ignixin tkun fil-pożizzjoni li tqabbad il-magna kif previst fil-paragrafu 5.1.3, l-immobilizzatur jista’ jiġi ssettjat ukoll billi tinfetaħ il-bieba tas-sewwieq u/jew billi l-utent awtorizzat iwettaq azzjoni apposta.

5.2.5.   Tneħħija tal-issettjar

5.2.5.1.

It-tneħħija tal-issettjar għandu jinkiseb bl-użu ta’ xi wieħed mill-mezzi li ġejjin jew b’kombinazzjoni tagħhom. Huma permessi apparati oħra b’livell ekwivalenti ta’ sigurtà li jagħtu riżultati ekwivalenti.

5.2.5.1.1.

Tastiera biex jiddaħħal kodiċi li jista’ jintgħażel individwalment li tal-inqas ikollha 10 000 varjant.

5.2.5.1.2.

Apparat elettriku/elettroniku, eż. kontroll remot, b’mill-inqas 50 000 varjant u li għandu jinkorpora rolling codes u/jew ikollu żmien minimu ta’ skennjar ta’ għaxart ijiem, eż. massimu ta’ 5 000 varjant kull 24 siegħa għal minimu ta’ 50 000 varjant.

5.2.5.1.3.

Jekk it-tneħħija tal-issettjar tista’ tinkiseb permezz ta’ kontroll mill-bogħod, l-immobilizzatur irid jerġa’ lura għall-kundizzjoni ta’ ssettjat fi żmien 5 minuti mit-tneħħija tal-issettjar jekk ma tkun ittieħdet ebda azzjoni supplimentari fuq iċ-ċirkwit tat-tqabbid.

5.2.6.   Displej tal-istatus

5.2.6.1.

Biex tiġi pprovduta informazzjoni dwar l-istatus tal-immobilizzatur (issettjat/mhux issettjat, bidla minn issettjat għal mhux issettjat u viċi-versa), displejs ottiċi ġewwa u sinjali ottiċi barra l-kompartimenti tal-passiġġieri huma permessi. Kwalunkwe sinjal ottiku jew kwalunkwe użu ta’ apparati tad-dawl u tas-sinjalar bid-dawl barra mill-kompartiment tal-passiġġieri għandu jissodisfa r-rekwiżiti tar-Regolament tan-NU Nru 48.

5.2.6.2.

Jekk tiġi pprovduta indikazzjoni ta’ proċessi “dinamiċi” qosra bħal tibdil minn “issettjat” għal “mhux issettjat” u viċi versa, din għandha tkun ottika, skont il-paragrafu 5.2.6.1. Dik l-indikazzjoni ottika tista’ tiġi prodotta wkoll bit-tħaddim simultanju tal-indikaturi ta’ direzzjoni u/jew il-lampa/i tal-kompartiment tal-passiġġieri, dment li t-tul ta’ żmien tal-indikazzjoni ottika bl-indikaturi tad-direzzjoni ma jaqbiżx it-3 sekondi.

5.3.   Parametri tat-tħaddim u kundizzjonijiet tat-test

Il-komponenti kollha tal-immobilizzatur għandhom jiġu sottomessi għat-testijiet deskritti fl-Anness 6.

5.4.   Struzzjonijiet

(Il-paragrafi 5.4.1 sa 5.4.3 għall-iskopijiet ta’ installazzjoni wara l-bejgħ biss).

Kull immobilizzatur għandu jkun akkumpanjat bi:

5.4.1.

Struzzjonijiet għall-installazzjoni. 5.4.1.1. Il-lista ta’ vetturi u mudelli ta’ vetturi li għalihom huwa maħsub l-apparat. Din il-lista tista’ tkun speċifika jew ġenerika, eż. “il-karozzi kollha b’magna petrol u batteriji negative earth ta’ 12 V”. 5.4.1.2. Il-metodu tal-installazzjoni għandu jintwera permezz ta’ ritratti u/jew disinji ċari ħafna. 5.4.1.3. L-istruzzjonijiet dettaljati tal-istallazzjoni pprovduti mill-fornitur għandhom ikunu b’tali mod li meta jiġu segwiti korrettament minn installatur kompetenti, is-sikurezza u l-affidabbiltà tal-vettura ma jiġux affettwati. 5.4.1.4. L-istruzzjonijiet forniti għall-installazzjoni għandhom jidentifikaw ir-rekwiżiti tal-enerġija elettrika tal-immobilizzatur u, fejn rilevanti, għandhom jipproponu li jitkabbar id-daqs tal-batterija. 5.4.1.5. Il-fornitur għandu jipprovdi proċeduri għal wara l-installazzjoni għall-verifikar tal-vettura. Għandha tingħata attenzjoni partikolari għall-fatturi relatati mas-sikurezza.

5.4.2.

Ċertifikat vojt tal-installazzjoni, li eżempju tiegħu huwa mogħti fl-Anness 5.

5.4.3.

Dikjarazzjoni ġenerali lix-xerrej tal-immobilizzatur li tiġbed l-attenzjoni tiegħu għall-punti li ġejjin: 5.4.3.1. L-immobilizzatur jenħtieġ li jiġi installat f’konformità mal-istruzzjonijiet tal-manifattur; 5.4.3.2. L-għażla ta’ installatur tajjeb hija rakkomandata (il-manifattur tal-immobilizzatur jista’ jiġi kkuntattjat biex jindika installaturi xierqa); 5.4.3.3. Iċ-ċertifikat tal-installazzjoni pprovdut mal-immobilizzatur jenħtieġ li jimtela mill-installatur.

5.4.4.

Struzzjonijiet għall-użu.

5.4.5.

Struzzjonijiet għall-manutenzjoni.

5.4.6.

Twissija ġenerali fir-rigward tal-perikli li jsiru xi alterazzjonijiet jew żidiet fuq l-immobilizzatur; dawk l-alterazzjonijiet u żidiet għandhom awtomatikament jinvalidaw iċ-ċertifikat tal-installazzjoni msemmi fil-paragrafu 5.4.2. ta’ hawn fuq.

6.   Modifika tat-tip u estensjoni tal-approvazzjoni

6.1.

Kull modifika ta’ vettura jew ta’ tip ta’ komponent fir-rigward ta’ dan ir-Regolament għandha tiġi nnotifikata lill-Awtorità tal-Approvazzjoni tat-Tip li tkun approvat il-vettura jew it-tip ta’ komponent. L-Awtorità tal-Approvazzjoni tat-Tip imbagħad tista’ jew: 6.1.1. Tqis li l-modifiki mwettqa mhux probabbli li jkollhom effett negattiv apprezzabbli u li fi kwalunkwe każ il-komponent jew il-vettura xorta jkunu konformi mar-rekwiżiti, jew 6.1.2. Tesiġi rapport ieħor mis-servizz tekniku responsabbli għat-twettiq tat-testijiet.

6.2.

Konferma jew ċaħda tal-approvazzjoni, fejn tiġi speċifikata l-alterazzjoni, għandha tiġi kkomunikata permezz tal-proċedura speċifikata fil-paragrafu 4.3 ta’ hawn fuq lill-Partijiet Kontraenti għall-Ftehim li japplikaw dan ir-Regolament.

6.3.

L-awtorità kompetenti li toħroġ l-estensjoni tal-approvazzjoni għandha tassenja numru tas-serje għal kull formola ta’ komunikazzjoni mfassla għal estensjoni bħal din.

7.   Konformità tal-produzzjoni

7.1.

Il-proċeduri li jikkonċernaw il-konformità tal-produzzjoni għandhom ikunu konformi ma’ dawk stabbiliti fl-Iskeda 1 tal-Ftehim tal-1958 (E/ECE/TRANS/505/Rev.3), u għandhom jissodisfaw ir-rekwiżiti li ġejjin:

7.2.

Għal kull tip ta’ vettura jew komponent it-testijiet preskritti fil-parti(jiet) rilevanti ta’ dan ir-Regolament għandhom jitwettqu fuq bażi statistikament ikkontrollata u każwali, f’konformità ma’ waħda mill-proċeduri regolari tal-assigurazzjoni tal-kwalità;

7.3.

L-Awtorità tal-Approvazzjoni tat-Tip li tkun tat l-approvazzjoni tista’ fi kwalunkwe ħin tivverifika l-konformità tal-metodi ta’ kontroll applikabbli għal kull unità tal-produzzjoni. Il-frekwenza normali ta’ tali spezzjonijiet għandha tkun ta’ darba kull sentejn.

8.   Penali għal nuqqas ta’ konformità tal-produzzjoni

8.1.

L-approvazzjoni mogħtija fir-rigward ta’ tip ta’ vettura/komponent skont dan ir-Regolament tista’ tiġi rtirata jekk ir-rekwiżiti stabbiliti fil-paragrafu 7 ta’ hawn fuq ma jintlaħqux.

8.2.

Jekk Parti Kontraenti għall-Ftehim li tapplika dan ir-Regolament tirtira approvazzjoni li tkun tat qabel, din għandha minnufih tavża lill-Partijiet Kontraenti l-oħrajn li japplikaw dan ir-Regolament, permezz ta’ formola li tikkonforma mal-mudell fl-Anness 2.

9.   Produzzjoni mwaqqfa għalkollox

Jekk id-detentur tal-approvazzjoni jwaqqaf għalkollox il-manifattura ta’ tip ta’ vettura/komponent approvat f’konformità ma’ dan ir-Regolament, huwa għandu jinforma b’dan lill-awtorità li tkun tat l-approvazzjoni. Malli tirċievi l-komunikazzjoni rilevanti, dik l-awtorità għandha tinforma b’dan lill-Partijiet Kontraenti l-oħrajn tal-Ftehim li japplikaw dan ir-Regolament permezz ta’ formola li tikkonforma mal-mudell fl-Anness 2.

10.   Ismijiet u indirizzi tas-Servizzi Tekniċi responsabbli għat-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip

Il-Partijiet Kontraenti għall-Ftehim li japplikaw dan ir-Regolament għandhom jikkomunikaw lis-segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi responsabbli għat-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip li jagħtu l-approvazzjoni, u lil min għandhom jintbagħtu l-formoli li jiċċertifikaw l-approvazzjoni jew l-estensjoni, jew ir-rifjut jew l-irtirar tal-approvazzjoni, maħruġa f’pajjiżi oħra.

---

(1)  Kif definiti fir-Riżoluzzjoni Konsolidata dwar il-Kostruzzjoni tal-Vetturi (R.E.3.), id-dokument ECE/TRANS/WP.29/78/Rev.6, il-para. 2 — https://unece.org/transport/standards/transport/vehicle-regulations-wp29/resolutions

(2)  Huma kkunsidrati biss vetturi b’sistemi elettriċi ta’ 12 volts.

(3)  In-numri distintivi tal-Partijiet Kontraenti tal-Ftehim tal-1958 huma riprodotti fl-Anness 3 għar-Riżoluzzjoni Konsolidata dwar il-Kostruzzjoni tal-Vetturi (R.E.3), id-dokument ECE/TRANS/WP.29/78/Rev.6 - https://unece.org/transport/standards/transport/vehicle-regulations-wp29/resolutions.

(4)  Kif definit fl-Anness 8 tar-Regolament tan-NU Nru 13, kif emendat.

It-testi oriġinali tan-NU/KEE biss għandhom effett ġuridiku skont id-dritt internazzjonali pubbliku. L-istatus u d-data tad-dħul fis-seħħ ta’ dan ir-Regolament jenħtieġ li jiġu vverifikati fl-aħħar verżjoni tad-dokument tal-istatus tan-NU/KEE TRANS/WP.29/343, disponibbli fuq:

https://unece.org/status-1958-agreement-and-annexed-regulations

Ir-Regolament tan-NU Nru 163 — Dispożizzjonijiet uniformi dwar l-approvazzjoni ta’ sistema ta’ allarm tal-vetturi u l-approvazzjoni ta’ vettura fir-rigward tas-sistema ta’ allarm tal-vetturi tagħha [2021/2276]

Data tad-dħul fis-seħħ: 30 ta’ Settembru 2021

Dan id-dokument huwa intiż purament bħala għodda ta’ dokumentazzjoni. It-test awtentiku u legalment vinkolanti huwa: ECE/TRANS/WP.29/2021/50.

WERREJ

Regolament

1.

Kamp ta’ applikazzjoni

2.

Definizzjonijiet

3.

Applikazzjoni għall-approvazzjoni

4.

Approvazzjoni

Parti I - Approvazzjoni ta’ sistemi ta’ allarm tal-vetturi

5.

Speċifikazzjonijiet ġenerali

6.

Speċifikazzjonijiet partikolari

7.

Parametri ta’ tħaddim u kundizzjonijiet tat-test

8.

Struzzjonijiet

Parti II - Approvazzjoni ta’ vettura fir-rigward tas-sistema ta’ allarm tagħha

9.

Definizzjonijiet

10.

Speċifikazzjonijiet ġenerali

11.

Speċifikazzjonijiet partikolari

12.

Kundizzjonijiet tat-test

13.

Struzzjonijiet

14.

Modifika tat-tip ta’ vettura u estensjoni tal-approvazzjoni

15.

Konformità tal-proċeduri ta’ produzzjoni

16.

Penali għal nonkonformità tal-produzzjoni

17.

Produzzjoni mwaqqfa għalkollox

18.

L-ismijiet u l-indirizzi tas-Servizzi Tekniċi responsabbli għat-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip

Annessi

1

Dokument ta’ informazzjoni

2

Komunikazzjoni

3

Arranġamenti tal-marki tal-approvazzjoni

4

Mudell taċ-ċertifikat ta’ konformità

5

Mudell taċ-ċertifikat tal-installazzjoni

6

Speċifikazzjonijiet għal swiċċijiet mekkaniċi biċ-ċavetta

7

Kompatibbiltà elettromanjetika

8

Test tas-sistemi għall-protezzjoni tal-kompartiment tal-passiġġieri

1.   Kamp ta’ applikazzjoni

Dan ir-Regolament japplika għal:

1.1.

Approvazzjoni ta’ (a) Sistemi ta’ allarm tal-vetturi “jekk ikunu mwaħħla” primarjament dedikati għal vetturi tal-kategorija M1 u vetturi tal-kategorija N1 (1) b’massa massima ta’ mhux aktar minn żewġ tunnellati, u (b) Vetturi tal-kategorija M1 u vetturi tal-kategorija N1 b’massa massima ta’ mhux aktar minn żewġ tunnellati fir-rigward tas-sistema ta’ allarm tal-vetturi mwaħħla. (2)

1.2.

Fuq talba tal-manifattur, il-Partijiet Kontraenti jistgħu jagħtu approvazzjonijiet lill-vetturi ta’ kategoriji oħra u lis-Sistemi ta’ Allarm tal-Vetturi għat-twaħħil fuq dawn il-vetturi.

1.3.

Dan ir-Regolament ma japplikax għall-frekwenzi tat-trażmissjoni bir-radju, kemm jekk relatati mal-protezzjoni tal-vetturi minn użu mhux awtorizzat kif ukoll jekk le.

2.   Definizzjonijiet

2.1.

“Komponent” tfisser apparat soġġett għar-rekwiżiti ta’ dan ir-Regolament u maħsub biex ikun parti minn vettura, li jista’ jkun ta’ tip approvat indipendentement minn vettura fejn dan ir-Regolament jispeċifika espressament dispożizzjonijiet għal dan.

2.2.

“Unità teknika separata” tfisser apparat soġġett għar-rekwiżiti ta’ dan ir-Regolament u maħsub biex ikun parti minn vettura, li jista’ jkun tip approvat separatament, iżda biss f’rabta ma’ tip wieħed speċifiku jew aktar ta’ vettura fejn dan ir-Regolament jispeċifika espressament dispożizzjonijiet għal dan.

2.3.

“Manifattur” tfisser il-persuna jew il-korp li huwa responsabbli għall-awtorità tal-approvazzjoni għall-aspetti kollha tal-proċess tal-approvazzjoni tat-tip u biex tiġi żgurata l-konformità tal-produzzjoni. Ma huwiex essenzjali li l-persuna jew il-korp ikunu direttament involuti fl-istadji kollha tal-kostruzzjoni tal-vettura, tas-sistema, tal-komponent jew tal-unità teknika separata li tkun is-suġġett tal-proċess tal-approvazzjoni.

2.4.

“Sistema ta’ allarm tal-vetturi (VAS)” tfisser sistema maħsuba għall-installazzjoni fuq tip(i) ta’ vettura/i, iddisinjata biex tindika d-dħul mhux awtorizzat f’vettura jew l-interferenza magħha; dawn is-sistemi jistgħu jipprovdu protezzjoni addizzjonali mill-użu mhux awtorizzat tal-vettura.

2.5.

“Sensur” tfisser apparat li jħoss bidla li tista’ tkun ikkawżata minn dħul mhux awtorizzat f’vettura jew l-interferenza magħha.

2.6.

“Apparat ta’ twissija” tfisser apparat li jindika li kien hemm dħul mhux awtorizzat jew interferenza.

2.7.

“Tagħmir ta’ kontroll” tfisser it-tagħmir meħtieġ għall-issettjar, għat-tneħħija tal-issettjar jew għall-ittestjar ta’ VAS u għall-bgħit ta’ kundizzjoni ta’ allarm lill-apparati ta’ twissija.

2.8.

“Stat issettjat” tfisser l-istat ta’ VAS li fih tista’ tintbagħat kundizzjoni ta’ allarm lill-apparati ta’ twissija.

2.9.

“Stat mhux issettjat” tfisser l-istat ta’ VAS li fih kundizzjoni ta’ allarm ma tistax tiġi trażmessa lill-apparati ta’ twissija.

2.10.

“Ċavetta” tfisser kull apparat iddisinjat u mibni biex jipprovdi metodu ta’ tħaddim ta’ sistema tal-illokkjar, li hija ddisinjata u mibnija biex titħaddem biss b’dak l-apparat.

2.11.

“Tip ta’ sistema ta’ allarm tal-vetturi” tfisser sistemi li ma jvarjawx b’mod sinifikanti f’aspetti importanti bħal: (a) L-isem kummerċjali jew il-marka tal-manifattur; (b) It-tip ta’ sensur; (c) It-tip ta’ apparat ta’ twissija; (d) It-tip ta’ tagħmir ta’ kontroll.

2.12.

“Approvazzjoni ta’ sistema ta’ allarm tal-vetturi” tfisser l-approvazzjoni ta’ tip ta’ VAS fir-rigward tar-rekwiżiti stipulati fil-paragrafi 5., 6., u 7. ta’ hawn taħt.

2.13.

“Immobilizzatur” tfisser apparat li huwa maħsub biex jipprevjeni lill-vettura milli tinstaq bl-enerġija tagħha stess.

2.14.

“Allarm ta’ paniku” tfisser apparat li jippermetti lil persuna tuża allarm, installat fuq il-vettura, biex tintalab għajnuna f’każ ta’ emerġenza.

3.   Applikazzjoni għall-approvazzjoni

3.1.

L-applikazzjoni għall-approvazzjoni ta’ vettura jew ta’ tip ta’ komponent fir-rigward ta’ dan ir-Regolament għandha tiġi ppreżentata mill-manifattur.

3.2.

Din għandha tkun akkumpanjata b’dokument ta’ informazzjoni f’konformità mal-mudell muri fl-Anness 1, u li jagħti deskrizzjoni tal-karatteristiċi tekniċi tal-VAS u l-metodu/metodi tal-installazzjoni għal kull marka u tip ta’ vettura li fuqha jkun intenzjonat li tiġi installata l-VAS.

3.3.

Vettura(vetturi)/komponent(komponenti) li jirrappreżenta(jirrappreżentaw) it-tip(i) li għandu/għandhom jiġi/jiġu approvat(i) għandu/għandhom jiġi/jiġu sottomess(i) lid-dipartiment tekniku responsabbli għat-twettiq ta’ testijiet tal-approvazzjoni.

4.   Approvazzjoni

4.1.

Jekk it-tip sottomess għall-approvazzjoni skont dan ir-Regolament jissodisfa r-rekwiżiti tal-parti(jiet) rilevanti ta’ dan ir-Regolament, għandha tingħata l-approvazzjoni ta’ dak it-tip.

4.2.

Għandu jingħata numru tal-approvazzjoni lil kull tip approvat. L-ewwel żewġ ċifri tiegħu (attwalment 00, li jikkorrispondu għar-Regolament fil-forma oriġinali tiegħu) għandhom jindikaw is-sensiela ta’ emendi li jinkorporaw l-aktar emendi tekniċi ewlenin reċenti li saru fir-Regolament fiż-żmien tal-ħruġ tal-approvazzjoni. L-istess Parti Kontraenti ma għandhiex tassenja l-istess numru lil tip ieħor ta’ vettura jew ta’ komponent, kif iddefinit f’dan ir-Regolament.

4.3.

Avviż dwar l-approvazzjoni jew l-estensjoni tal-approvazzjoni ta’ tip skont dan ir-Regolament għandu jiġi kkomunikat lill-Partijiet Kontraenti għall-Ftehim li japplikaw dan ir-Regolament, permezz ta’ formola li tkun tikkonforma mal-mudell fl-Anness 2 ta’ dan ir-Regolament.

4.4.

Għandha titwaħħal marka tal-approvazzjoni internazzjonali, b’mod ċar u f’post aċċessibbli faċilment speċifikat fil-formola tal-approvazzjoni, fuq kull vettura jew komponent li jikkonforma ma’ tip approvat skont dan ir-Regolament, li tikkonsisti minn:

4.4.1.

Ċirku madwar l-ittra “E” segwit min-numru distintiv tal-pajjiż li jkun ta l-approvazzjoni, (3) u

4.4.2.

In-numru ta’ dan ir-Regolament, segwit mill-ittra “R”, minn sing u min-numru ta’ approvazzjoni fuq il-lemin taċ-ċirku preskritt fil-paragrafu 4.4.1.

4.5.

Jekk it-tip ikun konformi ma’ approvazzjoni tat-tip skont Regolament tan-NU wieħed jew aktar anness mal-Ftehim, fil-pajjiż li jkun ta l-approvazzjoni skont dan ir-Regolament, is-simbolu preskritt fil-paragrafu 4.4.1. ma hemmx għalfejn li jiġi ripetut; f’dak il-każ, ir-Regolament li skontu tkun ingħatat l-approvazzjoni fil-pajjiż li jkun ta l-approvazzjoni skont dan ir-Regolament għandu jitqiegħed f’kolonni weqfin fuq in-naħa tal-lemin tas-simbolu preskritt fil-paragrafu 4.4.1.

4.6.

Il-marka tal-approvazzjoni għandha tkun tista’ tinqara b’mod ċar u ma tkunx tista’ titħassar.

4.7.

Fil-każ ta’ vettura, il-marka tal-approvazzjoni għandha titqiegħed viċin tal-pjanċa tad-data tal-vettura mwaħħla mill-manifattur jew fuqha.

4.8.

Fil-każ ta’ komponent approvat separatament bħala sistema ta’ allarm, il-marka tal-approvazzjoni għandha titwaħħal mill-manifattur mal-element(i) ewlieni/ewlenin tal-apparat.

4.9.

L-Anness 3 ta’ dan ir-Regolament jagħti eżempji ta’ arranġamenti tal-marki tal-approvazzjoni.

4.10.

Bħala alternattiva għall-marka ta’ approvazzjoni deskritta fil-paragrafu 4.4. ta’ hawn fuq, għandu jinħareġ ċertifikat ta’ konformità għal kull VAS offruta għall-bejgħ.

4.10.1.

Meta manifattur ta’ VAS iforni VAS mingħajr marka approvata skont dan ir-Regolament lil manifattur ta’ vettura, sabiex titwaħħal minn dak il-manifattur bħala tagħmir oriġinali għal mudell ta’ vettura jew firxa ta’ mudelli ta’ vettura, il-manifattur tal-VAS għandu jforni numru ta’ kopji taċ-ċertifikat ta’ konformità lill-manifattur tal-vettura, suffiċjenti għal dak il-manifattur biex jikseb l-approvazzjoni tal-vettura ta’ dan ir-Regolament.

4.10.2.

Jekk il-VAS tkun magħmula minn komponenti separati, il-komponent(i) ewlieni/ewlenin tagħha għandu jkollhom marka ta’ referenza u ċ-ċertifikat ta’ konformità għandu jipprovdi lista ta’ tali marki ta’ referenza.

4.10.3.

Mudell taċ-ċertifikat ta’ konformità huwa mogħti fl-Anness 4 ta’ dan ir-Regolament.

Parti I - Approvazzjoni ta’ sistemi ta’ allarm tal-vetturi

5.   Speċifikazzjonijiet ġenerali

5.1.

Il-VAS għandha, fil-każ ta’ dħul mhux awtorizzat f’vettura jew interferenza magħha, tipprovdi sinjal ta’ allarm. Is-sinjal ta’ twissija għandu jkun jista’ jinstema’ u barra minn hekk jista’ jinkludi apparati ta’ twissija ottika, jew ikun allarm bir-radju jew kwalunkwe kombinazzjoni ta’ dawn.

5.2.

Il-VASs għandhom ikunu ddisinjati, mibnija u installati b’tali mod li meta l-vettura tkun mgħammra bihom, din tibqa’ tikkonforma mar-rekwiżiti tekniċi rilevanti, speċjalment fir-rigward tal-kompatibbiltà elettromanjetika (EMC).

5.3.

L-installazzjoni ta’ VAS f’vettura ma għandhiex tkun kapaċi tinfluwenza l-prestazzjoni tal-vettura fl-istat mhux issettjat), jew is-sikurezza tat-tħaddim tagħha.

5.4.

Il-VAS u l-komponenti tagħha ma għandhomx jattivaw bi żball, b’mod partikolari waqt li l-vettura tkun fil-modalità tagħha ta’ tħaddim.

5.5.

Falliment tal-VAS, jew falliment fil-provvista elettrika tagħha ma għandux jaffettwa s-sikurezza tat-tħaddim tal-vettura.

5.6.

Il-VAS, il-komponenti tagħha u l-partijiet ikkontrollati minnhom għandhom ikunu ddisinjati, mibnija u installati b’tali mod li jimminimizzaw ir-riskju li xi ħadd jagħmilhom inoperabbli jew li jeqridhom malajr u mingħajr ma jiġbed l-attenzjoni, eż. bl-użu ta’ għodod, tagħmir jew fabbrikazzjonijiet irħas u li jinħbew malajr, faċilment disponibbli għall-pubbliku ġenerali.

5.7.

Il-mezzi tal-issettjar u t-tneħħija tal-issettjar tal-VAS għandhom ikunu iddisinjati b’tali mod li ma jinvalidax ir-rekwiżiti ta’ dan ir-Regolament. Il-konnessjonijiet elettriċi ma’ komponenti koperti mill-Parti II ta’ dan ir-Regolament huma permessi.

5.8.

Is-sistema għandha tkun irranġata b’mod li l-ixxortjar ta’ kwalunkwe ċirkwit tas-sinjal ta’ twissija ma jirrendi inoperattiv l-ebda aspett tas-sistema ta’ allarm, ħlief iċ-ċirkwit li jkun ixxortjat.

5.9.

VAS tista’ tinkludi immobilizzatur li għandu jikkonforma mar-rekwiżiti tar-Regolament tan-NU Nru 162 (Immobilizzaturi) jew tar-Regolament tan-NU Nru 116, is-Suppliment 7 tal-verżjoni oriġinali, jew ir-Regolament tan-NU Nru 97, is-Suppliment 8 tas-serje ta’ emendi 01.

6.   Speċifikazzjonijiet partikolari

6.1.   Medda ta’ protezzjoni

6.1.1.   Rekwiżiti speċifiċi

Il-VAS għandha tal-inqas tidentifika u tissenjala l-ftuħ ta’ xi bieba tal-vettura, il-bieba tal-magna u l-kompartiment tal-bagoll. Il-falliment jew it-tifi ta’ sorsi tad-dawl, eż. id-dawl fil-kompartiment tal-passiġġieri, ma għandux idgħajjef l-operazzjoni ta’ kontroll.

Sensuri effiċjenti oħrajn għall-informazzjoni/wiri, eż.:

(a)	Ta’ dħul mhux awtorizzat fil-vettura, eż. kontroll tal-kompartiment tal-passiġġieri, kontroll tal-ħġieġ tat-twieqi, tkissir ta’ kwalunkwe parti bil-ħġieġ; jew

(b)	Ta’ attentat ta’ serq tal-vettura, eż. sensur tal-inklinazzjoni

huma permessi, filwaqt li jitqiesu l-miżuri biex jiġi pprevenut kwalunkwe daqq bla bżonn tal-allarm (= allarm falz, ara l-paragrafu 6.1.2. ta’ hawn taħt).

Sakemm dawn is-sensuri addizzjonali jiġġeneraw sinjal ta’ allarm anke wara li jseħħ dħul mhux awtorizzat (eż. permezz ta’ tkissir ta’ parti bil-ħġieġ) jew taħt influwenzi esterni (eż. riħ), is-sinjal tal-allarm, attivat minn wieħed mis-sensuri msemmija hawn fuq, għandu jiġi attivat mhux aktar minn 10 darbiet fl-istess perjodu ta’ attivazzjoni tal-VAS.

F’dan il-każ, il-perjodu tal-attivazzjoni għandu jiġi limitat bit-tneħħija tal-issettjar awtorizzat tas-sistema b’riżultat tal-azzjoni tal-utent tal-vettura.

Xi tipi ta’ sensuri addizzjonali, eż. il-kontroll tal-kompartiment tal-passiġġieri (ultrasoniċi, infraħomor) jew is-sensur tal-inklinazzjoni, eċċ., jistgħu jiġu diżattivati b’mod intenzjonali. F’dan il-każ, għandha tittieħed azzjoni separata deliberata kull darba qabel ma l-VAS tiġi ssettjata. Ma għandux ikun possibbli li s-sensuri jiġu diżattivati waqt li s-sistema ta’ allarm tkun fl-istat issettjat tagħha.

6.1.2.   Sikurezza kontra allarm falz

6.1.2.1.

Permezz ta’ miżuri adegwati, eż. (a) Id-diżinn mekkaniku u d-diżinn taċ-ċirkwit elettriku skont kundizzjonijiet speċifiċi għall-vetturi bil-mutur; (b) L-għażla u l-applikazzjoni ta’ prinċipji ta’ tħaddim u ta’ kontroll għas-sistema ta’ allarm u l-komponenti tagħha; Għandu jiġi assigurat li l-VAS kemm fil-kundizzjonijiet tagħha bħala ssettjata u mhux issettjata, ma tistax tikkawża li s-sinjal ta’ allarm idoqq bla bżonn, fil-każ ta’: (a) Impatt fuq il-vettura: test speċifikat fil-paragrafu 7.2.13.; (b) Kompatibbiltà elettromanjetika: it-testijiet speċifikati fil-paragrafu 7.2.12.; (c) Tnaqqis fil-vultaġġ tal-batterija permezz ta’ skariku kontinwu: test speċifikat fil-paragrafu 7.2.14.; (d) Allarm falz tal-kontroll tal-kompartiment tal-passiġġieri: test speċifikat fil-paragrafu 7.2.15.

6.1.2.2.

Jekk l-applikant għall-approvazzjoni jkun jista’ juri, eż. permezz ta’ data teknika, li s-sikurezza kontra allarm falz ġiet żgurata b’mod sodisfaċenti, id-dipartiment tekniku responsabbli għat-twettiq ta’ testijiet tal-approvazzjoni jista’ ma jirrikjedix uħud mit-testijiet imsemmija hawn fuq.

6.2.   Allarm akustiku

6.2.1.   Ġenerali

Is-sinjal ta’ twissija għandu jkun jinstema’ b’mod ċar u jintgħaraf u għandu jkun differenti b’mod sinifikanti minn sinjali akustiċi oħra li jintużaw fit-traffiku tat-toroq.

Minbarra l-istrument ta’ twissija akustika tal-apparat oriġinali, jista’ jitwaħħal ukoll strument ta’ twissija akustika separat fil-parti tal-vettura li tkun ikkontrollata mill-VAS, fejn dan għandu jkun protett mill-aċċess faċli u malajr mill-persuni.

Jekk jintuża apparat ta’ twissija akustika separat skont il-paragrafu 6.2.3.1. ta’ hawn taħt, l-apparat ta’ twissija akustika standard tat-tagħmir oriġinali jista’ jiġi attivat ukoll mill-VAS, dment li kwalunkwe tbagħbis mal-apparat ta’ twissija akustika standard (ġeneralment aċċessibbli iżjed faċilment) ma jaffettwax it-tħaddim tal-apparat ta’ twissija akustika addizzjonali.

6.2.2.   Durata tas-sinjal akustiku

Minimu: 25 s

Massimu: 30 s

Is-sinjal akustiku jista’ jerġa’ jindaqq biss wara l-interferenza li jmiss mal-vettura, jiġifieri wara t-tul ta’ żmien imsemmi hawn fuq (Restrizzjonijiet: ara l-paragrafi 6.1.1. u 6.1.2. ta’ hawn fuq).

It-tneħħija tal-issettjar tas-sistema ta’ allarm għandha taqta’ s-sinjal immedjatament.

6.2.3.   Speċifikazzjonijiet dwar is-sinjal akustiku

6.2.3.1.

Apparat li jipproduċi sinjal b’ton kostanti (spettru ta’ frekwenza kostanti), eż. ħornijiet: akustiku, eċċ., data skont ir-Regolament tan-NU Nru 28, il-Parti I. Sinjal intermittenti (mixgħul/mitfi): Frekwenza tal-attivazzjoni (2 ± 1) Hz Ħin mixgħul = ħin mitfi ± 10 fil-mija

6.2.3.2.

Apparat li jipproduċi sinjal akustiku b’modulazzjoni tal-frekwenza: akustiku, eċċ., data skont ir-Regolament tan-NU Nru 28, il-Parti I iżda passaġġ ugwali ta’ medda ta’ frekwenzi sinifikanti fil-medda msemmija hawn fuq (minn 1 800 sa 3 550 Hz) fiż-żewġ direzzjonijiet. Frekwenza tal-passaġġ (2 ± 1) Hz

6.2.3.3.

Livell tal-ħoss Is-sors tal-ħoss għandu jkun: (a) Apparat ta’ twissija akustiku approvat skont ir-Regolament tan-NU Nru 28, il-Parti I; (b) Jew strument li jissodisfa r-rekwiżiti tar-Regolament tan-NU Nru 28, il-Parti I, il-paragrafi 6.1. u 6.2. Madankollu, fil-każ ta’ sors tal-ħoss differenti mill-apparat ta’ twissija akustika tat-tagħmir oriġinali, il-livell minimu tal-ħoss jista’ jitnaqqas għal 100 dB(A), imkejjel bil-kundizzjonijiet tar-Regolament tan-NU Nru 28, il-Parti I.

6.3.   Allarm ottiku - jekk imwaħħal

6.3.1.   Ġenerali

F’każ ta’ dħul mhux awtorizzat fil-vettura jew interferenza magħha, l-apparat għandu jattiva sinjal ottiku kif speċifikat fil-paragrafi 6.3.2. u 6.3.3. ta’ hawn taħt.

6.3.2.   Durata tas-sinjal ottiku

Id-durata ta-sinjal ottiku għandha tkun bejn 25 s u 5 minuti wara li l-allarm ikun ġie attivat. It-tneħħija tal-issettjar tas-sistema ta’ allarm għandha twaqqaf is-sinjal immedjatament.

6.3.3.   Tip ta’ sinjal ottiku

Dwal jixegħlu u jitfu tal-indikaturi kollha tad-direzzjoni u/jew id-dawl tal-kompartiment tal-passiġġieri tal-vettura, inklużi l-lampi kollha fl-istess ċirkwit elettriku.

Frekwenza tal-attivazzjoni: (2 ± 1) Hz

Fir-rigward tas-sinjal akustiku, huma permessi sinjali asinkroniċi wkoll.

Ħin mixgħul = ħin mitfi ± 10 fil-mija

6.4.   Allarm bir-radju (pager) - jekk imwaħħal

Il-VAS tista’ tinkludi faċilità li tiġġenera sinjal ta’ allarm bi trażmissjoni tar-radju.

6.5.   Illokkjar bl-issettjar tas-sistema ta’ allarm

6.5.1.

Meta l-magna tkun fil-modalità tagħha ta’ tħaddim, l-issettjar apposta jew bi żball tas-sistema ta’ allarm għandu jkun impossibbli.

6.6.   Issettjar u tneħħija tal-issettjar tal-VAS

6.6.1.   Issettjar

Kull mezz adatt ta’ ssettjar tal-VAS huwa permess, dment li dak il-mezz ma jikkawżax allarmi foloz bi żball.

6.6.2.   Tneħħija tal-issettjar

It-tneħħija tal-issettjar tal-VAS għandu jinkiseb b’apparat wieħed jew b’kombinazzjoni tal-apparati li ġejjin. Huma permessi apparati oħra li jagħtu prestazzjoni ekwivalenti.

6.6.2.1.

Ċavetta mekkanika (li tikkonforma mar-rekwiżiti tal-Anness 6 ta’ dan ir-Regolament) li tista’ tiġi akkoppjata ma’ sistema ċentralizzata għall-illokkjar tal-vettura li tinkludi mill-inqas 1 000 varjant, imħaddma minn barra.

6.6.2.2.

Apparat elettriku/elettroniku, eż. remot, b’mill-inqas 50 000 varjant u li għandu jinkorpora rolling codes u/jew ikollu żmien minimu ta’ skannjar ta’ għaxart ijiem, eż. massimu ta’ 5 000 varjant għal 24 siegħa għal minimu ta’ 50 000 varjant.

6.6.2.3.

Ċavetta mekkanika jew apparat elettriku/elettroniku fil-kompartiment protett tal-passiġġieri, b’dewmien imkejjel għall-ħruġ/dħul.

6.7.   Dewmien għall-ħruġ

Jekk l-apparat li jixgħel għall-issettjar tal-VAS ikun imwaħħal f’żona protetta, għandu jiġi pprovdut dewmien għall-ħruġ. Għandu jkun possibbli li d-dewmien għall-ħruġ jiġi ssettjat bejn 15-il sekonda u 45 sekonda wara li jkun tħaddem is-swiċċ. Il-perjodu ta’ dewmien jista’ jiġi aġġustat biex jadatta għaċ-ċirkostanzi individwali tal-operatur.

6.8.   Dewmien għad-dħul

Jekk l-apparat għat-tneħħija tal-issettjar tal-VAS ikun imwaħħal fil-parti protetta, għandu jkun hemm dewmien minimu ta’ 5 sekondi u massimu ta’ 15-il sekonda qabel ma jiġu attivati s-sinjali akustiċi u ottiċi. Il-perjodu ta’ dewmien jista’ jiġi aġġustat biex jadatta għaċ-ċirkostanzi individwali tal-operatur.

6.9.   Wiri tal-istatus

6.9.1.

Biex jipprovdu informazzjoni dwar l-istatus tal-VAS (issettjat, mhux issettjat, perjodu ta’ ssettjar tal-allarm, modalità attivata tal-allarm), wirjiet ottiċi ġewwa u barra l-kompartiment tal-passiġġieri huma permessi. Kwalunkwe sinjal ottiku jew kwalunkwe użu ta’ apparati tad-dawl u tas-sinjalar bid-dawl barra mill-kompartiment tal-passiġġieri għandu jissodisfa r-rekwiżiti tar-Regolament tan-NU Nru 48.

6.9.2.

Jekk tkun ipprovduta indikazzjoni ta’ proċessi “dinamiċi” għal żmien qasir bħal bidliet minn “issettjat” għal “mhux issettjat” u viċe versa, din għandha tkun ottika skont il-paragrafu 6.9.1. Dik l-indikazzjoni ottika tista’ tiġi prodotta wkoll bit-tħaddim simultanju tal-indikaturi ta’ direzzjoni u/jew il-lamp(i) tal-kompartiment tal-passiġġieri, dment li d-durata tal-indikazzjoni ottika bl-indikaturi tad-direzzjoni ma taqbiżx it-3 sekondi.

6.10.   Provvista tal-enerġija

Is-sors tal-elettriku għall-VAS għandu jkun jew il-batterija tal-vettura jew batterija rikarikabbli. Fejn ipprovdut, tista’ tintuża batterija rikarikabbli jew mhux rikarikabbli addizzjonali. Dawn il-batteriji bl-ebda mod ma għandhom ifornu elettriku għal partijiet oħra tas-sistema elettrika tal-vettura.

6.11.   Speċifikazzjonijiet għal funzjonijiet fakultattivi

6.11.1.   Indikazzjoni awtomatika ta’ falliment b’awtokontroll

Malli tiġi ssettjata l-VAS, sitwazzjonijiet irregolari, eż. ftuħ tal-bibien, eċċ., jistgħu jiġu identifikati minn funzjoni ta’ awtokontroll (kontroll tal-plawżibbiltà), u din is-sitwazzjoni tiġi indikata.

6.11.2.   Allarm ta’ paniku

Allarm ottiku u/jew akustiku u/jew tar-radju huwa permess indipendentement mill-istat (issettjat jew mhux issettjat) u/jew il-funzjoni tal-VAS. Dak l-allarm għandu jiġi attivat minn ġewwa l-vettura u ma għandux jaffettwa l-istat (issettjat jew mhux issettjat) tal-VAS. Għandu jkun possibbli wkoll li l-utent tal-vettura jitfi l-allarm ta’ paniku. Fil-każ ta’ allarm akustiku,id-durata tiegħu tal-ħoss għal kull attivazzjoni ma għandiex tkun ristretta. Allarm ta’ paniku ma għandux jimmobilizza l-magna jew iwaqqafha jekk tkun qed taħdem.

7.   Parametri ta’ tħaddim u kundizzjonijiet tat-test

7.1.   Parametri ta’ tħaddim

Il-komponenti kollha tal-VAS għandhom joperaw mingħajr falliment fil-kundizzjonijiet li ġejjin.

7.1.1.   Il-kundizzjonijiet klimatiċi

Żewġ klassijiet ta’ temperaturi ambjentali huma definiti kif ġej:

(a)	– 40 °C sa + 85 °C għall-partijiet li għandhom jitwaħħlu fil-kompartiment tal-passiġġier jew tal-bagoll;

(b)	– 40 °C sa + 125 °C għall-partijiet li għandhom jitwaħħlu fil-kompartiment tal-magna sakemm ma jkunx speċifikat mod ieħor.

7.1.2.   Grad ta’ protezzjoni għall-installazzjoni

Għandhom jiġu pprovduti l-livelli segwenti ta’ protezzjoni f’konformità mal-pubblikazzjoni tal-IEC 60529:1989:

(a)	IP 40 għall-partijiet li għandhom jitwaħħlu fil-kompartiment tal-passiġġieri;

(b)	IP 42 għall-partijiet li għandhom jitwaħħlu fil-kompartiment tal-passiġġieri ta’ roadsters/konvertibbli u karozzi b’panewijiet tas-saqaf li jistgħu jinqalgħu jekk il-post tal-installazzjoni tirrikjedi grad ogħla ta’ protezzjoni mill-IP 40;

(c)	IP 54 għall-partijiet l-oħra kollha.

Il-manifattur tal-VAS għandu jispeċifika fl-istruzzjonijiet tal-installazzjoni kull restrizzjoni fuq l-ippożizzjonar ta’ xi parti tal-installazzjoni fir-rigward ta’ trab, ilma u temperatura.

7.1.3.   Resistenza għat-temp

7 ijiem skont il-pubblikazzjoni tal-IEC 60068-2-30:1980.

7.1.4.   Kundizzjonijiet elettriċi

Stima tal-forniment ta’ vultaġġ: 12 V

Medda tal-vultaġġ tal-provvista tat-tħaddim: minn 9 V sa 15 V fil-medda ta’ temperaturi skont il-paragrafu 7.1.1.

Limiti ta’ żmien għal eċċessi ta’ vultaġġ fi 23 °C:

U = 18 V, mass. siegħa

U = 24 V, mass. minuta

7.2.   Kundizzjonijiet tat-test

7.2.1.   Testijiet ta’ tħaddim

Għat-testijiet tat-tħaddim meħtieġa skont il-paragrafi 7.2.3., 7.2.4., 7.2.5., 7.2.6. u 7.2.8.4., jekk uħud mit-testijiet mitluba f’kull wieħed minn dawn il-paragrafi qabel it-testijiet ta’ tħaddim jitwettqu f’serje fuq VAS waħda, it-test ta’ tħaddim jista’ jsir biss darba wara li t-testijiet magħżula jkunu tlestew minflok ma jsiru t-testijiet ta’ tħaddim mitluba f’dawn il-paragrafi wara kull wieħed mit-testijiet magħżula. Il-manifatturi tal-vettura u l-fornituri għandhom jiggarantixxu riżultati sodisfaċenti biss fuq proċeduri mhux akkumulati.

7.2.1.1.

Il-konformità tal-VAS mal-ispeċifikazzjonijiet li ġejjin għandha tiġi vverifikata: Id-durata tal-allarm skont il-paragrafi 6.2.2. u 6.3.2.; Il-frekwenza u r-relazzjoni mixgħul/mitfi skont il-paragrafi 6.3.3. u 6.2.3.1. jew 6.2.3.2. rispettivament; In-numru ta’ ċikli ta’ allarm skont il-paragrafu 6.1.1., jekk applikabbli; Kontroll tal-illokkjar bl-issettjar tas-sistema ta’ allarm skont il-paragrafu 6.5.

7.2.1.2.

Kundizzjonijiet normali tat-test Vultaġġ: U = (12 ± 0,2) V Temperatura: T = (23 ± 5) °C

7.2.2.   Resistenza għat-temperatura u bidliet fil-vultaġġ

Għandha tiġi vverifikata wkoll il-konformità mal-ispeċifikazzjonijiet definiti fil-paragrafu 7.2.1.1. fil-kundizzjonijiet li ġejjin:

7.2.2.1.

It-temperatura tat-test : T (– 40 ± 2) °C Vultaġġ tat-test : U = (9 ± 0,2) V Durata tal-ħżin : 4 sigħat

7.2.2.2.

Għall-partijiet li jridu jitwaħħlu fil-kompartiment tal-passiġġieri jew tal-bagalji: It-temperatura tat-test : T = (+ 85 ± 2) °C Vultaġġ tat-test : U = (15 ± 0,2) V Durata tal-ħżin : 4 sigħat

7.2.2.3.

Għall-partijiet li għandhom jitwaħħlu fil-kompartiment tal-passiġġieri sakemm ma jkunx speċifikat mod ieħor: It-temperatura tat-test : T = (+ 125 ± 2) °C Vultaġġ tat-test : U = (15 ± 0,2) V Durata tal-ħżin : 4 sigħat

7.2.2.4.

Il-VAS, kemm fl-istat issettjat kif ukoll mhux issettjat, għandha tiġi sottomessa għal vultaġġ żejjed ekwivalenti għal (18 ± 0,2) V għal siegħa.

7.2.2.5.

Il-VAS, kemm fl-istat issettjat kif ukoll fl-istat mhux issettjat, għandha tiġi sottomessa għal vultaġġ żejjed ekwivalenti għal (24 ± 0,2) V għal minuta.

7.2.3.   Tħaddim sikur wara l-ittestjar tal-impermeabbiltà għall-korpi estranei u għall-ilma

Wara t-test tal-impermeabbiltà għall-korpi estranei u għall-ilma skont il-pubblikazzjoni tal-IEC 60529:1989, għal-livelli ta’ protezzjoni bħal fil-paragrafu 7.1.2., għandhom jiġu ripetuti t-testijiet tat-tħaddim skont il-paragrafu 7.2.1.

Bi ftehim mas-Servizz Tekniku dan ir-rekwiżit ma għandux għalfejn japplika fiċ-ċirkostanzi li ġejjin:

(a)

L-Approvazzjoni tat-Tip ta’ VAS li t-tip tagħha jrid jiġi approvat bħala unità teknika separata. F’dan il-każ, il-manifattur tal-VAS għandu: (i) Jispeċifika fil-punt 4.5. tad-dokument ta’ informazzjoni (l-Anness 1b), li r-rekwiżit ta’ dan il-paragrafu ma kienx applikat għall-VAS (f’konformità mal-paragrafu 7. ta’ dan ir-Regolament); u (ii) Jispeċifika fil-punt 4.1. tad-dokument ta’ informazzjoni, il-lista ta’ vetturi li fuqhom il-VAS hija maħsuba li titwaħħal u l-kundizzjonijiet rilevanti ta’ installazzjoni fil-punt 4.2.

(b)

Approvazzjoni tat-tip ta’ vettura fir-rigward ta’ AS F’dan il-każ, il-manifattur tal-vettura għandu jispeċifika fil-punt 4.5. tad-dokument ta’ informazzjoni (l-Anness 1), li r-rekwiżit ta’ dan il-paragrafu ma japplikax għall-AS minħabba n-natura tal-kundizzjonijiet tal-installazzjoni u l-manifattur tal-vettura għandu jagħti prova ta’ dan billi jippreżenta dokumenti relatati;

(c)

L-approvazzjoni tat-tip ta’ vettura fir-rigward tal-installazzjoni ta’ VAS li t-tip tagħha huwa approvat bħala unita teknika separata. F’dan il-każ, il-manifattur tal-vettura għandu jispeċifika fil-punt 4.5. tad-dokument ta’ informazzjoni (l-Anness 1), li r-rekwiżit ta’ dan il-paragrafu ma japplikax għall-installazzjoni tal-VAS fejn il-kundizzjonijiet ta’ installazzjoni rilevanti huma ssodisfati. Dan ir-rekwiżit ma japplikax f’każijiet fejn l-informazzjoni meħtieġa fil-punt 4.5. tal-Anness 2 diġà tressqet għall-approvazzjoni tal-unità teknika separata.

7.2.4.   Tħaddim sikur wara t-test għal ilma kondensat

Wara test tar-reżistenza għall-umdità li għandu jitwettaq skont il-pubblikazzjoni tal-IEC 60068-2-30:1980, għandhom jiġu ripetuti t-testijiet tat-tħaddim skont il-paragrafu 7.2.1.

7.2.5.   Test għas-sikurezza kontra polarità maqluba

Il-VAS u l-komponenti tagħha ma għandhomx jinqerdu minn polarità maqluba sa 13 V matul żewġ minuti. Wara dan it-test, it-testijiet tat-tħaddim skont il-paragrafu 7.2.1. għandhom jiġu ripetuti bil-fjusis mibdula, jekk meħtieġ.

7.2.6.   Test għas-sikurezza kontra ċirkwiti korti

Il-konnessjonijiet elettriċi kollha tal-VAS għandhom ikunu protetti minn xort fiċ-ċirkwit mal-ert, massimu 13 V u/jew bil-fjus. Wara dan it-test, għandhom jiġu ripetuti t-testijiet tat-tħaddim skont il-paragrafu 7.2.1., bil-fjusis mibdula jekk ikun meħtieġ.

7.2.7.   Konsum ta’ enerġija fil-kundizzjoni ssettjata

Il-konsum tal-elettriku fil-kundizzjoni ssettjata mogħtija fil-paragrafu 7.2.1.2. ma għandux jaqbeż medja ta’ 20 mA għas-sistema kompluta tal-allarm inkluż il-wiri tal-istat.

Bi ftehim mas-Servizz Tekniku dan ir-rekwiżit ma għandux għalfejn japplika fiċ-ċirkostanzi li ġejjin:

(a)

L-Approvazzjoni tat-Tip ta’ VAS li t-tip tagħha għandu jiġi approvat bħala unità teknika separata; F’dan il-każ, il-manifattur tal-VAS għandu: (i) Jispeċifika fil-punt 4.5. tad-dokument ta’ informazzjoni (l-Anness 1b), li r-rekwiżit ta’ dan il-paragrafu ma kienx applikat għall-VAS (f’konformità mal-paragrafu 7. ta’ dan ir-Regolament); (ii) Jispeċifika fil-punt 4.1. tad-dokument ta’ informazzjoni, il-lista ta’ vetturi li fuqhom il-VAS hija maħsuba li titwaħħal u l-kundizzjonijiet rilevanti ta’ installazzjoni fil-punt 4.2; u (iii) Jagħti prova li r-rekwiżiti tal-konsum tal-enerġija ma nqabżux billi jippreżenta dokumenti relatati.

(b)

Approvazzjoni tat-tip ta’ vettura fir-rigward ta’ AS F’dan il-każ, il-manifattur għandu jispeċifika fil-punt 4.3.1.1. tad-dokument ta’ informazzjoni (l-Anness 2), li r-rekwiżit ta’ dan il-paragrafu ma japplikax għall-AS minħabba n-natura tal-kundizzjonijiet tal-installazzjoni u l-manifattur tal-vettura għandu jagħti prova ta’ dan billi jippreżenta dokumenti relatati;

(c)

L-approvazzjoni tat-tip ta’ vettura fir-rigward tal-installazzjoni ta’ VAS li t-tip tagħha huwa approvat bħala unita teknika separata. F’dan il-każ, il-manifattur tal-vettura għandu jispeċifika fil-punt 4.3.1.1. tad-dokument ta’ informazzjoni (l-Anness 2), li r-rekwiżit ta’ dan il-paragrafu ma japplikax għall-installazzjoni tal-VAS fejn il-kundizzjonijiet ta’ installazzjoni rilevanti huma ssodisfati. Dan ir-rekwiżit ma japplikax f’każijiet fejn l-informazzjoni meħtieġa fil-punt 4.3.1.1. tal-Anness 2 diġà tkun tressqet għall-approvazzjoni ta’ unità teknika separata.

7.2.8.   Tħaddim sikur wara test ta’ vibrazzjoni

7.2.8.1.

Għal dan it-test, il-komponenti huma suddiviżi f’żewġ tipi: Tip 1 : komponenti normalment immuntati fuq il-vettura, Tip 2 : komponenti maħsuba sabiex jitqabbdu mal-magna.

7.2.8.2.

Il-komponenti/il-VAS għandhom jiġu sottomessi għal mod ta’ vibrazzjoni sinusodali li l-karatteristiċi tiegħu huma kif ġej: 7.2.8.2.1. Għat-tip 1 Il-frekwenza għandha tkun varjabbli minn 10 Hz sa 500 Hz b’amplitudini massima ta’ ± 5 mm u aċċellerazzjoni massima ta’ 3 g (0-peak). 7.2.8.2.2. Għat-tip 2 Il-frekwenza għandha tkun varjabbli minn 20 Hz sa 300 Hz b’amplitudini massima ta’ ± 2 mm u aċċellerazzjoni massima ta’ 15 g (0-peak). 7.2.8.2.3. Kemm għat-tip 1 kif ukoll għat-tip 2 Il-varjazzjoni tal-frekwenza hija ta’ ottava/minuta. In-numru ta’ ċikli huwa 10, it-test għandu jitwettaq tul kull wieħed mit-3 assi. Il-vibrazzjonijiet jiġu applikati fi frekwenzi baxxi f’amplitudni kostanti massima u f’aċċellerazzjoni kostanti massima fuq frekwenzi għolja.

7.2.8.3.

Matul it-test, il-VAS għandha tkun imqabbda elettrikament u l-kejbil għandu jkollu appoġġ wara 200 mm.

7.2.8.4.

Wara t-test tal-vibrazzjoni, għandhom jiġu ripetuti t-testijiet tat-tħaddim skont il-paragrafu 7.2.1.

7.2.9.   Test tad-durabbiltà

Fil-kundizzjonijiet tat-test speċifikati fil-paragrafu 7.2.1.2., jingħata bidu għal 300 ċiklu sħiħ ta’ allarm (akustiċi u/jew ottiċi) b’ħin ta’ mistrieħ tal-apparat akustiku ta’ 5 minuti.

7.2.10.   Testijiet għal swiċċ biċ-ċavetta esterna (installat fuq barra tal-vettura)

Dawn it-testijiet għandhom jitwettqu biss jekk iċ-ċilindru tal-illokkjar tas-serratura tal-bieba tat-tagħmir oriġinali ma jkunx intuża.

7.2.10.1.

Is-swiċċ biċ-ċavetta għandu jkun iddisinjat u mibni b’tali mod li jibqa’ kompletament effettiv anke wara 2 500 ċiklu ssettjat/mhux issettjat f’kull direzzjoni, segwiti minn minimu ta’ 96 siegħa esponiment għal test bi sprej tal-melħ skont l-IEC 68-2-11-1981, test tar-reżistenza għall-korrużjoni.

7.2.11.   Test tas-sistemi għall-protezzjoni tal-kompartiment tal-passiġġieri

L-allarm għandu jiġi attivat, meta pannell vertikali ta’ 0,2 × 0,15 m jiddaħħal għal 0,3 m (imkejjel miċ-ċentru tal-pjan vertikali) minn tieqa miftuħa tal-bieba ta’ quddiem fil-kompartiment tal-passiġġieri, lejn il-parti ta’ quddiem u b’mod parallel mat-triq b’veloċità ta’ 0,4 m/s u f’angolu ta’ 45o mal-pjan medjan lonġitudinali tal-vettura. (Ara d-disinji fl-Anness 8 ta’ dan ir-Regolament).

7.2.12.   Kompatibbiltà elettromanjetika

Il-VAS għandha tiġi sottomessa għat-testijiet deskritti fl-Anness 7.

F’dan il-każ, VAS li tissodisfa l-istatus funzjonali kollu tat-testijiet fl-Anness 7 titqies li ma twassalx biex is-sinjal ta’ allarm idoqq bla bżonn flimkien mar-rekwiżiti fil-paragrafu 6.1.2.1.

Fir-rigward tal-konformità mal-istatus funzjonali f’kull test, il-VAS, li tkun iddisinjata biex iddoqq l-allarm fl-istat issettjat f’uħud mill-kundizzjonijiet tat-test mogħtija fl-Anness 7 u ddoqq is-sinjal tal-allarm fit-testijiet, titqies li qed tiffunzjona kif kienet iddisinjata fit-testijiet u għalhekk titqies li tissodisfa l-istatus funzjonali tat-testijiet. F’dan il-każ, il-manifattur tal-VAS għandu jagħti prova ta’ dan billi jippreżenta dokumenti relatati.

7.2.13.   Sikurezza kontra allarm falz fil-każ ta’ impatt fuq il-vettura

Għandu jiġi vverifikat li impatt sa 4,5 Joules ta’ korp emisferiku b’dijametru ta’ 165 mm u 70 ± 10 Shore A applikat fi kwalunkwe post fuq il-karrozzerija jew fuq il-ħġieġ tal-vettura, bis-superfiċe kkurvat tiegħu, ma jikkawżax allarmi foloz.

7.2.14.   Sikurezza kontra allarm falz fil-każ ta’ tnaqqis fil-vultaġġ

Għandu jiġi vverifikat li t-tnaqqis bil-mod fil-vultaġġ tal-batterija ewlenija bil-ħruġ kontinwu ta’ 0,5 V fis-siegħa għal 3 V ma jikkawżax allarmi foloz.

Kundizzjonijiet tat-test: ara l-paragrafu 7.2.1.2. ta’ hawn fuq.

7.2.15.   Test għas-sikurezza kontra allarmi foloz tal-kontroll tal-kompartiment tal-passiġġieri

Is-sistemi maħsuba għall-protezzjoni tal-kompartiment tal-passiġġieri skont il-paragrafu 6.1.1. ta’ hawn fuq għandhom jiġu ttestjati flimkien mal-vettura f’kundizzjonijiet normali (paragrafu 7.2.1.2.).

Is-sistema, installata skont l-istruzzjonijiet tal-manifattur, ma għandhiex tiġi attivata meta tkun soġġetta ħames darbiet għat-test deskritt fil-paragrafu 7.2.13. ta’ hawn fuq f’intervalli ta’ 0,5 s.

Il-preżenza ta’ persuna tmiss jew iddur ma’ barra tal-vettura (bit-twieqi magħluqa) ma għandha tikkawża l-ebda allarm falz.

8.   Struzzjonijiet

Kull VAS għandha tkun akkumpanjata bi:

8.1.

Struzzjonijiet għall-installazzjoni: 8.1.1. Il-lista ta’ vetturi u mudelli ta’ vetturi li għalihom huwa maħsub l-apparat. Din il-lista tista’ tkun speċifika jew ġenerika, eż. “il-karozzi kollha b’magna petrol u batteriji negative earth ta’ 12 V”. 8.1.2. Il-metodu tal-installazzjoni għandu jintwera permezz ta’ ritratti u/jew disinji ċari ħafna. 8.1.3. Fil-każ ta’ VAS li tinkludi immobilizzatur, struzzjonijiet addizzjonali rigward il-konformità mar-rekwiżiti tar-Regolament tan-NU Nru 162 (immobilizzatur) jew tar-Regolament tan-NU Nru 116, is-Suppliment 7 tal-verżjoni oriġinali, jew ir-Regolament tan-NU Nru 97, is-Suppliment 8 tas-serje ta’ emendi 01.

8.2.

Ċertifikat vojt tal-installazzjoni, li eżempju tiegħu huwa mogħti fl-Anness 5.

8.3.

Dikjarazzjoni ġenerali lix-xerrej tal-VAS li tiġbed l-attenzjoni tiegħu għall-punti li ġejjin: (a) Il-VAS jenħtieġ li tkun installata f’konformità mal-istruzzjonijiet tal-manifattur; (b) L-għażla ta’ installatur tajjeb hija rakkomandata (il-manifattur tal-VAS jista’ jiġi kkuntattjat biex jindika installaturi xierqa); (c) Iċ-ċertifikat tal-installazzjoni pprovdut mal-VAS jenħtieġ li jimtela mill-installatur.

8.4.

Struzzjonijiet għall-użu

8.5.

Struzzjoni għall-manutenzjoni

8.6.

Twissija ġenerali fir-rigward ta’ periklu li jsiru xi alterazzjonijiet jew żidiet mas-sistema; dawk l-alterazzjonijiet jew żidiet għandhom awtomatikament jinvalidaw iċ-ċertifikat tal-installazzjoni msemmi fil-paragrafu 8.2 ta’ hawn fuq.

8.7.

Indikazzjoni tal-post(ijiet) tal-marka tal-approvazzjoni internazzjonali msemmija fil-paragrafu 4.4. ta’ dan ir-Regolament u/jew iċ-ċertifikat internazzjonali ta’ konformità msemmi fil-paragrafu 4.10. ta’ dan ir-Regolament.

Parti II - Approvazzjoni ta’ vettura fir-rigward tas-sistema ta’ allarm tagħha

Meta VAS approvata skont il-Parti I ta’ dan ir-Regolament jew ir-Regolament tan-NU Nru 116, is-Suppliment 7 tal-verżjoni oriġinali, jew ir-Regolament tan-NU Nru 97, is-Suppliment 8 għas-serje ta’ emendi 01 tiġi installata f’vettura sottomessa għall-approvazzjoni tal-Parti II ta’ dan ir-Regolament, it-testijiet li VAS jeħtieġ li tgħaddi minnhom sabiex tikseb l-approvazzjoni għall-Parti I ta’ dan ir-Regolament ma għandhomx jiġu ripetuti.

9.   Definizzjonijiet

Għall-fini tal-Parti II ta’ dan ir-Regolament,

9.1.

“Sistema/sistemi ta’ allarm” (AS) tfisser arranġament ta’ komponenti mwaħħla bħala tagħmir oriġinali f’tip ta’ vettura, maħsub biex jindika d-dħul mhux awtorizzat fil-vettura jew l-interferenza magħha; dawn is-sistemi jistgħu jipprovdu protezzjoni addizzjonali mill-użu mhux awtorizzat tal-vettura.

9.2.

“Tip ta’ vettura fir-rigward tas-sistema ta’ allarm tagħha” tfisser vetturi li ma jvarjawx b’mod sinifikanti f’dawk l-aspetti essenzjali bħal: (a) L-isem kummerċjali jew il-marka tal-manifattur; (b) Il-karatteristiċi tal-vettura li jinfluwenzaw b’mod sinifikanti l-prestazzjonijiet tal-AS; (c) It-tip u d-disinn tal-AS jew tal-VAS.

9.3.

“Approvazzjoni ta’ vettura” tfisser l-approvazzjoni ta’ tip ta’ vettura fir-rigward tar-rekwiżiti stipulati fil-paragrafi 10., 11. u 12. ta’ hawn taħt.

9.4.

Definizzjonijiet oħrajn applikabbli għall-Parti II jinsabu fil-paragrafu 2 ta’ dan ir-Regolament.

10.   Speċifikazzjonijiet ġenerali

10.1.

L-ASs għandhom ikunu ddisinjati u mibnija b’tali mod li, f’każ ta’ dħul mhux awtorizzat f’vettura jew l-interferenza magħha, huma jipprovdu sinjal ta’ twissija, u jistgħu jinkludu immobilizzatur. Is-sinjal ta’ twissija għandu jkun jinstema’ u barra minn hekk jista’ jinkludi apparati ottiċi ta’ twissija, jew ikun allarm bir-radju, jew kwalunkwe kombinazzjoni ta’ dawk imsemmija hawn fuq.

10.2.

Il-vetturi li jkunu mgħammra b’sistemi ta’ allarm għandhom jikkonformaw mar-rekwiżiti rilevanti tekniċi, speċjalment fir-rigward tal-kompatibbiltà elettromanjetika (EMC).

10.3.

L-AS u l-komponenti tagħha ma għandhomx jattivaw bi żball, b’mod partikolari waqt li l-vettura tkun fil-modalità tagħha ta’ tħaddim.

10.4.

Falliment fil-AS, jew falliment fil-provvista elettrika tagħha ma għandux jaffettwa s-sikurezza tat-tħaddim tal-vettura.

10.5.

Is-sistema ta’ allarm, il-komponenti tagħha u l-partijiet ikkontrollati minnhom għandhom ikunu installati b’tali mod li jimminimizzaw ir-riskju li xi ħadd jagħmilhom inoperabbli jew li jeqridhom malajr u mingħajr ma jiġbed l-attenzjoni, eż. billi juża għodod, tagħmir jew fabbrikazzjonijiet irħas u li jinħbew malajr, faċilment disponibbli għall-pubbliku ġenerali.

10.6.

Is-sistema għandha tkun irranġata b’mod li l-ixxortjar ta’ kwalunkwe ċirkwit tas-sinjal ta’ twissija ma jirrendi inoperattiv l-ebda aspett tas-sistema ta’ allarm, ħlief iċ-ċirkwit li jkun ixxortjat.

11.   Speċifikazzjonijiet partikolari

11.1.   Medda ta’ protezzjoni

11.1.1.   Rekwiżiti speċifiċi

L-AS għandha tal-inqas tidentifika u tissenjala l-ftuħ ta’ xi bieba tal-vettura, il-bieba tal-magna u l-kompartiment tal-bagoll. Il-falliment jew it-tifi ta’ sorsi tad-dawl, eż. id-dawl fil-kompartiment tal-passiġġieri, ma għandux idgħajjef l-operazzjoni ta’ kontroll.

L-installazzjoni ta’ sensuri effiċjenti addizzjonali għall-informazzjoni/wiri, eż.:

(a)	Ta’ dħul mhux awtorizzat fil-vettura, eż. kontroll tal-kompartiment tal-passiġġieri, kontroll tal-ħġieġ tat-twieqi, tkissir ta’ kwalunkwe parti bil-ħġieġ; jew

(b)	Ta’ attentat ta’ serq tal-vettura, eż. sensur tal-inklinazzjoni;

huma permessi, filwaqt li jitqiesu l-miżuri biex jiġi pprevenut kwalunkwe daqq bla bżonn tal-allarm (=allarm falz, ara l-paragrafu 11.1.2. ta’ hawn taħt).

Sakemm dawn is-sensuri addizzjonali jiġġeneraw sinjal ta’ allarm anke wara li jseħħ dħul mhux awtorizzat (eż. permezz ta’ tkissir ta’ parti bil-ħġieġ) jew taħt influwenzi esterni (eż. riħ), is-sinjal tal-allarm, attivat minn wieħed mis-sensuri msemmija hawn fuq, għandu jiġi attivat mhux aktar minn 10 darbiet fl-istess perjodu ta’ attivazzjoni tal-AS.

F’dan il-każ, il-perjodu tal-attivazzjoni għandu jiġi limitat bit-tneħħija tal-issettjar awtorizzat tas-sistema b’riżultat tal-azzjoni tal-utent tal-vettura.

Xi tipi ta’ sensuri addizzjonali, eż. il-kontroll tal-kompartiment tal-passiġġieri (ultrasoniċi, infraħomor) jew is-sensur tal-inklinazzjoni, eċċ., jistgħu jiġu diżattivati b’mod intenzjonali. F’dan il-każ, għandha tittieħed azzjoni separata deliberata kull darba qabel ma l-AS tiġi ssettjata. Ma għandux ikun possibbli li s-sensuri jiġu diżattivati waqt li s-sistema ta’ allarm tkun fl-istat issettjat tagħha.

11.1.2.   Sikurezza kontra allarm falz

11.1.2.1.

Għandu jiġi assigurat li l-AS kemm fil-kundizzjonijiet tagħha bħala ssettjata u mhux issettjata, ma tistax tikkawża li s-sinjal ta’ allarm idoqq bla bżonn, fil-każ ta’: (a) Impatt fuq il-vettura: test speċifikat fil-paragrafu 7.2.13.; (b) Kompatibbiltà elettromanjetika: it-testijiet speċifikati fil-paragrafu 7.2.12.; (c) Tnaqqis fil-vultaġġ tal-batterija permezz ta’ skariku kontinwu: test speċifikat fil-paragrafu 7.2.14.; (d) Allarm falz tal-kontroll tal-kompartiment tal-passiġġieri: test speċifikat fil-paragrafu 7.2.15.

11.1.2.2.

Jekk l-applikant għall-approvazzjoni jkun jista’ juri, eż. permezz ta’ data teknika, li s-sikurezza kontra allarm falz ġiet żgurata b’mod sodisfaċenti, id-dipartiment tekniku responsabbli għat-twettiq ta’ testijiet tal-approvazzjoni jista’ ma jirrikjedix uħud mit-testijiet imsemmija hawn fuq.

11.2.   Allarm akustiku

11.2.1.   Ġenerali

Is-sinjal ta’ twissija għandu jkun jinstema’ b’mod ċar u jintgħaraf u għandu jkun differenti b’mod sinifikanti minn sinjali akustiċi oħra li jintużaw fit-traffiku tat-toroq.

Minbarra l-istrument ta’ twissija akustika tal-apparat oriġinali, jista’ jitwaħħal ukoll strument ta’ twissija akustika separat fil-parti tal-vettura li tkun ikkontrollata mill-AS, fejn dan għandu jkun protett mill-aċċess faċli u malajr mill-persuni.

Jekk jintuża apparat ta’ twissija akustika separat skont il-paragrafu 11.2.3.1. ta’ hawn taħt, l-apparat ta’ twissija akustika standard tat-tagħmir oriġinali jista’ jiġi attivat ukoll mill-AS, dment li kwalunkwe tbagħbis mal-apparat ta’ twissija akustika standard (ġeneralment iżjed aċċessibbli) ma jaffettwax it-tħaddim tal-apparat ta’ twissija akustika addizzjonali.

11.2.2.   Durata tas-sinjal akustiku

Minimu: 25 s

Massimu: 30 s

Is-sinjal akustiku jista’ jerġa’ jindaqq biss wara l-interferenza li jmiss mal-vettura, jiġifieri wara t-tul ta’ żmien imsemmi hawn fuq. (Restrizzjonijiet: ara l-paragrafi 11.1.1. u 11.1.2. ta’ hawn fuq).

It-tneħħija tal-issettjar tas-sistema ta’ allarm għandha taqta’ s-sinjal immedjatament.

11.2.3.   Speċifikazzjonijiet dwar is-sinjal akustiku

11.2.3.1.

Apparat li jipproduċi sinjal b’ton kostanti (spettru ta’ frekwenza kostanti), eż. ħornijiet: akustiku, eċċ., data skont ir-Regolament tan-NU Nru 28, il-Parti I. Sinjal intermittenti (mixgħul/mitfi): Frekwenza tal-attivazzjoni: (2 ± 1) Hz Ħin mixgħul = ħin mitfi ± 10 fil-mija

11.2.3.2.

Apparat li jipproduċi sinjal akustiku b’modulazzjoni tal-frekwenza: akustiku, eċċ., data skont ir-Regolament tan-NU Nru 28, il-Parti I iżda passaġġ ugwali ta’ medda ta’ frekwenzi sinifikanti fil-medda msemmija hawn fuq (minn 1 800 sa 3 550 Hz) fiż-żewġ direzzjonijiet. Frekwenza tal-passaġġ: (2 ± 1) Hz

11.2.3.3.

Livell tal-ħoss Is-sors tal-ħoss għandu jkun: (a) Apparat ta’ twissija akustiku approvat skont ir-Regolament tan-NU Nru 28, Parti I; (b) Jew apparat li jissodisfa r-rekwiżiti tar-Regolament tan-NU Nru 28, il-Parti I, paragrafi 6.1. u 6.2. Madankollu, fil-każ ta’ sors tal-ħoss differenti mill-apparat ta’ twissija akustika tat-tagħmir oriġinali, il-livell minimu tal-ħoss jista’ jitnaqqas għal 100 dB(A), imkejjel bil-kundizzjonijiet tar-Regolament tan-NU Nru 28, il-Parti I.

11.3.   Allarm ottiku - jekk imwaħħal

11.3.1.   Ġenerali

F’każ ta’ dħul mhux awtorizzat fil-vettura jew interferenza magħha, l-apparat għandu jattiva sinjal ottiku kif speċifikat fil-paragrafi 11.3.2. u 11.3.3. ta’ hawn taħt.

11.3.2.   Durata tas-sinjal ottiku

Id-durata ta-sinjal ottiku għandha tkun bejn 25 s u 5 minuti wara li l-allarm ikun ġie attivat. It-tneħħija tal-issettjar tas-sistema ta’ allarm għandha twaqqaf is-sinjal immedjatament.

11.3.3.   Tip ta’ sinjal ottiku

Dwal jixegħlu u jitfu tal-indikaturi kollha tad-direzzjoni u/jew id-dawl tal-kompartiment tal-passiġġieri tal-vettura, inklużi l-lampi kollha fl-istess ċirkwit elettriku.

Frekwenza tal-attivazzjoni: (2 ± 1) Hz

Fir-rigward tas-sinjal akustiku, huma permessi sinjali asinkroniċi wkoll.

Ħin mixgħul = ħin mitfi ± 10 fil-mija

11.4.   Allarm bir-radju (pager) - jekk imwaħħal

L-AS tista’ tinkludi faċilità li tiġġenera sinjal ta’ allarm bi trażmissjoni bir-radju.

11.5.   Illokkjar bl-issettjar tas-sistema ta’ allarm

11.5.1.

Meta l-magna tkun fil-modalità tagħha ta’ tħaddim, l-issettjar apposta jew bi żball tas-sistema ta’ allarm għandu jkun impossibbli.

11.6.   Issettjar u tneħħija tal-issettjar tal-AS

11.6.1.

Issettjar Kull mezz adatt ta’ ssettjar tal-AS huwa permess, dment li dak il-mezz ma jikkawżax allarmi foloz bi żball.

11.6.2.

Tneħħija tal-issettjar It-tneħħija tal-issettjar tal-AS għandu jinkiseb b’apparat wieħed jew b’kombinazzjoni tal-apparati li ġejjin. Apparati oħrajn li jagħtu tħaddim ekwivalenti huma permessi.

11.6.2.1.

Ċavetta mekkanika (li tikkonforma mar-rekwiżiti tal-Anness 6 ta’ dan ir-Regolament) li tista’ tiġi akkoppjata ma’ sistema ċentralizzata għall-illokkjar tal-vettura li tinkludi mill-inqas 1 000 varjant, imħaddma minn barra.

11.6.2.2.

Apparat elettriku/elettroniku, eż. remot, b’mill-inqas 50 000 varjant u li għandu jinkorpora rolling codes u/jew ikollu żmien minimu ta’ skannjar ta’ għaxart ijiem, eż. massimu ta’ 5 000 varjant għal 24 siegħa għal minimu ta’ 50 000 varjant.

11.6.2.3.

Ċavetta mekkanika jew apparat elettriku/elettroniku fil-kompartiment protett tal-passiġġieri, b’dewmien imkejjel għall-ħruġ/dħul.

11.7.   Dewmien għall-ħruġ

Jekk l-apparat li jixgħel għall-issettjar tal-AS ikun imwaħħal f’żona protetta, għandu jiġi pprovdut dewmien għall-ħruġ. Għandu jkun possibbli li d-dewmien għall-ħruġ jiġi ssettjat bejn 15-il sekonda u 45 sekonda wara li jkun tħaddem is-swiċċ. Il-perjodu ta’ dewmien jista’ jiġi aġġustat biex jadatta għaċ-ċirkostanzi individwali tal-operatur.

11.8.   Dewmien għad-dħul

Jekk l-apparat għat-tneħħija tal-issettjar tal-AS ikun imwaħħal fil-parti protetta, għandu jkun hemm dewmien minimu ta’ 5 sekondi u massimu ta’ 15-il sekonda qabel ma jiġu attivati s-sinjali akustiċi u ottiċi. Il-perjodu ta’ dewmien jista’ jiġi aġġustat biex jadatta għaċ-ċirkostanzi individwali tal-operatur.

11.9.   Wiri tal-istatus

11.9.1.

Biex jipprovdu informazzjoni dwar l-istatus tal-AS (issettjat, mhux issettjat, perjodu ta’ ssettjar tal-allarm, modalità attivata tal-allarm), wirjiet ottiċi ġewwa u barra l-kompartiment tal-passiġġieri huma permessi. Kwalunkwe sinjal ottiku jew kwalunkwe użu ta’ apparati tad-dawl u tas-sinjalar bid-dawl barra mill-kompartiment tal-passiġġieri għandu jissodisfa r-rekwiżiti tar-Regolament tan-NU Nru 48.

11.9.2.

Jekk tkun ipprovduta indikazzjoni ta’ proċessi “dinamiċi” għal żmien qasir bħal bidliet minn “issettjat” għal “mhux issettjat” u viċe versa għandha tkun ottika skont il-paragrafu 11.9.1. Dik l-indikazzjoni ottika tista’ tiġi prodotta wkoll bit-tħaddim simultanju tal-indikaturi ta’ direzzjoni u/jew il-lamp(i) tal-kompartiment tal-passiġġieri, dment li d-durata tal-indikazzjoni ottika bl-indikaturi tad-direzzjoni ma taqbiżx it-3 sekondi.

11.10.   Provvista tal-enerġija

Is-sors tal-elettriku għall-AS għandu jkun jew il-batterija tal-vettura jew batterija rikarikabbli. Fejn ipprovdut, tista’ tintuża batterija rikarikabbli jew mhux rikarikabbli addizzjonali. Dawn il-batteriji bl-ebda mod ma għandhom ifornu elettriku għal partijiet oħra tas-sistema elettrika tal-vettura.

11.11.   Speċifikazzjonijiet għal funzjonijiet fakultattivi

11.11.1.   Indikazzjoni awtomatika ta’ falliment b’awtokontroll

Malli tiġi ssettjata l-AS, sitwazzjonijiet irregolari, eż. ftuħ tal-bibien, eċċ., jistgħu jiġu identifikati minn funzjoni ta’ awtokontroll (kontroll tal-plawżibbiltà), u din is-sitwazzjoni tiġi indikata.

11.11.2.   Allarm ta’ paniku

Allarm ottiku u/jew akustiku u/jew tar-radju huwa permess indipendentement mill-istat (issettjat jew mhux issettjat) u/jew il-funzjoni tal-AS. Dak l-allarm għandu jiġi attivat minn ġewwa l-vettura u ma għandux jaffettwa l-istat (issettjat jew mhux issettjat) tal-AS. Għandu jkun possibbli wkoll li l-utent tal-vettura jitfi l-allarm ta’ paniku. Fil-każ ta’ allarm akustiku,id-durata tiegħu tal-ħoss għal kull attivazzjoni ma għandiex tkun ristretta. Allarm ta’ paniku ma għandux jimmobilizza l-magna jew iwaqqafha jekk tkun qed taħdem.

12.   Kundizzjonijiet tat-test

Il-komponenti kollha tal-VAS jew tal-AS għandhom jiġu ttestjati f’konformità mal-proċeduri deskritti fil-paragrafu 7.

Dan ir-rekwiżit ma japplikax għal:

12.1.

Dawk il-komponenti li jkunu mwaħħla u jiġu ttestjati bħala parti mill-vettura, kemm jekk il-VAS/l-AS tkunx imwaħħla jew le (eż. lampi); jew,

12.2.

Dawk il-komponenti li jkunu ġew ittestjati qabel bħala parti mill-vettura u tkun ġiet ipprovduta evidenza dokumentarja.

12.3.

Komponenti li ma humiex inkorporati fil-vettura, eż. ċwievet.

13.   Struzzjonijiet

Kull vettura għandha tkun akkumpanjata bi:

13.1.

Struzzjonijiet għall-użu.

13.2.

Struzzjonijiet għall-manutenzjoni.

13.3.

Twissija ġenerali fir-rigward ta’ periklu li jsiru xi alterazzjonijiet jew żidiet mas-sistema.

14.   Modifika tat-tip ta’ vettura u estensjoni tal-approvazzjoni

14.1.

Kull modifika tat-tip ta’ vettura jew ta’ tip ta’ komponent għandha tiġi nnotifikata lill-Awtorità tal-Approvazzjoni tat-Tip li tkun approvat it-tip ta’ vettura jew it-tip ta’ komponent. L-Awtorità tal-Approvazzjoni tat-Tip imbagħad għandha jew: (a) Tiddeċiedi, f’konsultazzjoni mal-manifattur, li għandha tingħata approvazzjoni tat-tip ġdida, jew (b) Tapplika l-proċedura li tinsab fil-paragrafu 14.1.1. (Reviżjoni) ta’ hawn taħt u, jekk applikabbli, il-proċedura li tinsab fil-paragrafu 14.1.2. (Estensjoni) ta’ hawn taħt.

14.1.1.

Reviżjoni Meta d-dettalji rreġistrati fid-dokumenti ta’ informazzjoni jkunu nbidlu u l-Awtorità tal-Approvazzjoni tat-Tip tqis li l-modifiki li saru ma humiex probabbli li se jkollhom effetti negattivi apprezzabbli u li fi kwalunkwe każ is-sistema ta’ allarm tal-vettura xorta tissodisfa r-rekwiżiti, il-modifika għandha tiġi ddeżinjata bħala “reviżjoni”. F’dan il-każ, l-Awtorità tal-Approvazzjoni tat-Tip għandha toħroġ il-paġni riveduti tad-dokumenti ta’ informazzjoni kif meħtieġ, u timmarka kull paġna riveduta biex turi b’mod ċar in-natura tal-modifika u d-data tal-ħruġ mill-ġdid. Verżjoni konsolidata u aġġornata tad-dokumenti ta’ informazzjoni, flimkien ma’ deskrizzjoni dettaljata tal-modifika, għandha titqies li tissodisfa dan ir-rekwiżit.

14.1.2.

Il-modifika għandha tiġi ddeżinjata bħala “estensjoni” jekk, minbarra l-bidla fid-data rreġistrata fid-dokumenti ta’ informazzjoni: (a) Ikunu meħtieġa aktar spezzjonijiet jew testijiet; jew (b) Tkun inbidlet xi informazzjoni fid-dokument ta’ komunikazzjoni (bl-eċċezzjoni ta’ partijiet mehmuża miegħu); jew (c) Tintalab l-approvazzjoni għal serje ta’ emendi aktar tard wara d-dħul fis-seħħ tiegħu.

14.2.

Konferma jew ċaħda tal-approvazzjoni, fejn tiġi speċifikata l-alterazzjoni, għandha tiġi kkomunikata permezz tal-proċedura speċifikata fil-paragrafu 4.3. ta’ hawn fuq lill-Partijiet Kontraenti għall-Ftehim li japplikaw dan ir-Regolament. Barra minn hekk, l-indiċi għad-dokumenti ta’ informazzjoni u għar-rapporti tat-test, mehmuż mad-dokument ta’ komunikazzjoni, għandu jiġi emendat kif xieraq biex tintwera d-data tal-aktar reviżjoni jew estensjoni reċenti.

14.3.

L-Awtorità tal-Approvazzjoni tat-Tip li tagħti l-estensjoni tal-approvazzjoni għandha tagħti numru tas-serje lil kull formola ta’ komunikazzjoni li ssir għal estensjoni bħal din.

15.   Konformità tal-proċeduri ta’ produzzjoni

Il-proċeduri tal-konformità tal-produzzjoni għandhom ikunu konformi ma’ dawk stabbiliti fil-Ftehim, Skeda 1 (E/ECE/TRANS/505/Rev.3), b’dawn ir-rekwiżiti:

15.1.

Vetturi/komponenti skont dan ir-Regolament għandhom jiġu manifatturati b’tali mod li jikkonformaw mat-tip approvat billi jissodisfaw ir-rekwiżiti tal-parti(jiet) rilevanti ta’ dan ir-Regolament.

15.2.

Għal kull tip ta’ vettura jew komponent it-testijiet preskritti fil-parti(jiet) rilevanti ta’ dan ir-Regolament għandhom jitwettqu fuq bażi ikkontrollata statistikament u każwali, f’konformità ma’ waħda mill-proċeduri regolari tal-assigurazzjoni tal-kwalità.

15.3.

L-Awtorità li tkun tat l-approvazzjoni tat-tip tista’, fi kwalunkwe ħin, tivverifika l-metodi tal-kontroll tal-konformità applikati f’kull faċilità ta’ produzzjoni. Il-frekwenza normali ta’ dawn il-verifiki għandha tkun ta’ darba kull sentejn.

16.   Penali għal nonkonformità tal-produzzjoni

16.1.

L-approvazzjoni mogħtija fir-rigward ta’ tip ta’ vettura/komponent skont dan ir-Regolament tista’ tiġi rtirata jekk ir-rekwiżiti stabbiliti fil-paragrafu 15. ta’ hawn fuq ma jintlaħqux.

16.2.

Jekk Parti Kontraenti għall-Ftehim li tapplika dan ir-Regolament tirtira approvazzjoni li tkun tat qabel, din għandha minnufih tavża lill-Partijiet Kontraenti l-oħrajn li japplikaw dan ir-Regolament, permezz ta’ formola li tikkonforma mal-mudell fl-Anness 2.

17.   Produzzjoni mwaqqfa għalkollox

Jekk id-detentur tal-approvazzjoni jwaqqaf għalkollox il-manifattura ta’ tip ta’ vettura/komponent approvat f’konformità ma’ dan ir-Regolament, huwa għandu jinforma b’dan lill-awtorità li tkun tat l-approvazzjoni. Malli tirċievi l-komunikazzjoni rilevanti, dik l-awtorità għandha tinforma b’dan lill-Partijiet Kontraenti l-oħrajn tal-Ftehim li japplikaw dan ir-Regolament permezz ta’ formola li tikkonforma mal-mudell fl-Anness 2.

18.   L-ismijiet u l-indirizzi tas-Servizzi Tekniċi responsabbli għat-twettiq tat-testijiet tal-approvazzjoni u tal-Awtoritajiet tal-Approvazzjoni tat-Tip

Il-Partijiet Kontraenti għall-Ftehim, li japplikaw dan ir-Regolament, għandhom jikkomunikaw lis-Segretarjat tan-Nazzjonijiet Uniti l-ismijiet u l-indirizzi tas-Servizzi Tekniċi risponsabbli mit-twettiq tat-testijiet tal-approvazzjoni, u tad-Dipartimenti Amministrattivi li jagħtu l-approvazzjoni u fejn għandhom jintbagħtu l-formoli li jiċċertifikaw l-approvazzjoni jew l-estensjoni jew ir-rifjut jew l-irtirar tal-approvazzjoni.

---

(1)  Kif definiti fir-Riżoluzzjoni Konsolidata dwar il-Kostruzzjoni tal-Vetturi (R.E.3), id-dokument ECE/TRANS/WP.29/78/Rev.6. https://unece.org/transport/standards/transport/vehicle-regulations-wp29/resolutions.

(2)  Huma kkunsidrati biss vetturi b’sistemi li jaħdmu bl-elettriku ta’ 12 volts.

(3)  In-numri distintivi tal-Partijiet Kontraenti tal-Ftehim tal-1958 huma riprodotti fl-Anness 3 tar-Riżoluzzjoni Konsolidata dwar il-Kostruzzjoni tal-Vetturi (R.E.3), id-dokument ECE/TRANS/WP.29/78/Rev.6 - https://unece.org/transport/standards/transport/vehicle-regulations-wp29/resolutions.