(1)

Bid-Deċiżjoni ta’ Implimentazzjoni tal-Kunsill (UE) 2018/593 (2), l-Italja kienet awtorizzata tintroduċi miżura ta’ deroga mill-Artikoli 218 u 232 tad-Direttiva 2006/112/KE (il-“miżura speċjali”) sabiex timplimenta fatturazzjoni elettronika obbligatorja għall-persuni taxxabbli kollha stabbiliti fit-territorju tal-Italja, għajr għall-persuni taxxabbli li jibbenefikaw mill-eżenzjoni għall-intrapriżi ż-żgħar imsemmija fl-Artikolu 282 ta’ dik id-Direttiva.

(2)

B’ittra rreġistrata mal-Kummissjoni fil-31 ta’ Marzu 2021, l-Italja talbet awtorizzazzjoni biex tkompli tidderoga mill-Artikoli 218 u 232 tad-Direttiva 2006/112/KE biex tibqa’ tapplika l-fatturazzjoni elettronika obbligatorja. Barra minn hekk, l-Italja talbet l-awtorizzazzjoni biex testendi l-kamp ta’ applikazzjoni tal-miżura speċjali biex ikun ikopri wkoll lill-persuni taxxabbli li jibbenefikaw mill-eżenzjoni għall-intrapriżi ż-żgħar imsemmija fl-Artikolu 282 ta’ dik id-Direttiva.

(3)

B’ittri datati l-10 ta’ Settembru 2021, il-Kummissjoni informat lill-Istati Membri l-oħra bit-talba tal-Italja. B’ittra datata t-13 ta’ Settembru 2021, il-Kummissjoni għarrfet lill-Italja li kellha l-informazzjoni meħtieġa kollha biex tikkunsidra t-talba.

(4)

L-Italja tissottometti li s-sistema tal-fatturazzjoni elettronika obbligatorja implimentata, li tgħaddi l-fatturi kollha maħruġin permezz tas-sistema “Sistema di Interscambio” ġestita mill-Aġenzija Taljana għad-Dħul, laħqet l-objettivi tagħha bis-sħiħ, jiġifieri l-ġlieda kontra l-frodi u l-evażjoni tat-taxxa, is-simplifikazzjoni tal-konformità mar-regoli tat-taxxa, u t-titjib tal-effiċjenza fil-ġbir tat-taxxa, u b’hekk naqsu l-kostijiet amministrattivi għan-negozji.

(5)

L-Italja tqis li l-estensjoni tal-kamp ta’ applikazzjoni tal-miżura speċjali biex ikun ikopri wkoll lill-persuni taxxabbli li jibbenefikaw mill-eżenzjoni għall-intrapriżi ż-żgħar imsemmija fl-Artikolu 282 tad-Direttiva 2006/112/KE, tkun qed ittejjeb il-possibbiltajiet għall-Aġenzija Taljana għad-Dħul fil-ġlieda kontra l-frodi u l-evażjoni tat-taxxa fuq il-valur miżjud (VAT), billi tagħti stampa sħiħa tal-fatturi maħruġin mill-persuni taxxabbli kollha. Barra minn hekk, l-Aġenzija Taljana għad-Dħul tkun tista’ tara li dawk il-persuni taxxabbli huma konformi mar-rekwiżiti u mal-kundizzjonijiet biex ikunu jistgħu jibbenefikaw minn dik l-eżenzjoni.

(6)

L-Italja targumenta li l-estensjoni mitluba tal-kamp ta’ applikazzjoni tal-miżura speċjali mhix se tkun tfisser kostijiet sostanzjali għall-persuni taxxabbli li jibbenefikaw mill-eżenzjoni għall-intrapriżi ż-żgħar imsemmija fl-Artikolu 282 tad-Direttiva 2006/112/KE. Biex ittaffi tali kostijiet, l-Italja għamlet disponibbli, mingħajr ħlas, soluzzjonijiet differenti għat-tħejjija u t-trasferiment tal-fatturi elettroniċi, bħal pakkett ta’ software li jiġi installat fuq il-kompjuter u applikazzjoni għall-apparati mobbli. Barra minn hekk, mal-implimentazzjoni tal-fatturazzjoni elettronika hemm ukoll it-tneħħija ta’ rekwiżiti oħra, bħar-rapportar tad-data tal-fatturi dwar it-tranżazzjonijiet domestiċi, il-preżentazzjoni tad-dikjarazzjoni statistika dwar ix-xiri intra-UE u l-għoti tad-dettalji tal-kuntratti konklużi minn kumpaniji ta’ lokazzjoni u kiri. Ippermettiet ukoll li l-persuni taxxabbli jingħataw servizzi addizzjonali, bħal rekords tax-xiri u tal-bejgħ mimlijin minn qabel, skedar tas-saldu perjodiku tal-VAT, dikjarazzjonijiet annwali mimlijin minn qabel tal-VAT u formoli tal-ħlas mimlijin minn qabel inklużi t-taxxi li jridu jitħallsu, jitpaċew jew jintalbu għal rifużjoni, b’mod li tingħata prijorità lil dawk il-persuni taxxabli li jużaw il-fatturazzjoni elettronika. Jenħtieġ li dawk il-miżuri jiżguraw il-proporzjonalità tal-miżura speċjali.

(7)

Jenħtieġ li l-miżura speċjali tkun limitata fiż-żmien biex jiġi monitorjat l-impatt tagħha fuq il-ġlieda kontra l-frodi u l-evażjoni tal-VAT u fuq il-persuni taxxabbli, b’mod partikolari dawk li jibbenefikaw mill-eżenzjoni għall-intrapriżi ż-żgħar imsemmija fl-Artikolu 282 tad-Direttiva 2006/112/KE.

(8)

Jekk l-Italja tqis li l-estensjoni tal-miżura speċjali hija meħtieġa, flimkien mat-talba għal estensjoni, din jenħtieġ tippreżenta rapport lill-Kummissjoni li jkun jinkludi l-valutazzjoni tal-miżura speċjali fejn tidħol l-effettività tagħha fil-ġlieda kontra l-frodi u l-evażjoni tal-VAT u fis-simplifikazzjoni tal-ġbir tat-taxxa. Dak ir-rapport jenħtieġ li jevalwa wkoll l-impatt tal-miżura fuq il-persuni taxxabbli, b’mod partikolari dawk li jibbenefikaw mill-eżenzjoni għall-intrapriżi ż-żgħar imsemmija fl-Artikolu 282 tad-Direttiva 2006/112/KE.

(9)

Jenħtieġ li l-miżura speċjali ma taffettwax id-dritt tal-konsumaturi li jirċievu fatturi stampati fil-każ ta’ tranżazzjonijiet intra-Komunitarji.

(10)

Il-miżura speċjali mhu se jkollha l-ebda impatt negattiv fuq ir-riżorsi proprji tal-Unjoni miksuba mill-VAT.

(11)

Għalhekk, id-Deċiżjoni ta’ Implimentazzjoni (UE) 2018/593 jenħtieġ li tiġi emendata skont dan,

(1)

l-Artikolu 1 huwa ssostitwit b’dan li ġej:

(2)

l-Artikolu 2 huwa ssostitwit b’dan li ġej:

(3)

l-Artikolu 4 huwa ssostitwit b’dan li ġej:

(1)

Id-Deċiżjoni tal-Kummissjoni 94/741/KE (2) tistabbilixxi l-kwestjonarju għar-rapport tal-Istati Membri dwar it-traspożizzjoni u l-implimentazzjoni tad-Direttiva 86/278/KEE.

(2)

Jenħtieġ li l-format għal dak ir-rapport tal-Istati Membri jiġi rivedut sabiex jirrifletti r-rekwiżiti l-ġodda ta’ rapportar fir-rigward tar-rapportar ta’ data spazjali inkluża fl-informazzjoni rreġistrata fir-rekords imsemmija fl-Artikolu 10(1) tad-Direttiva 86/278/KEE kif emendata bir-Regolament (UE) 2019/1010 tal-Parlament Ewropew u tal-Kunsill (3) ..

(3)

Jenħtieġ li d-data spazjali rapportata tkun limitata għal data li hija meħtieġa biex tħaffef l-implimentazzjoni tad-Direttiva 86/278/KEE u għalhekk jenħtieġ illi tikkonċerna biss il-ġeometrija jew il-lok fejn għandu jintuża l-ħama.

(4)

Sabiex jitnaqqas il-piż amministrattiv marbut mal-ġbir u r-rapportar tad-data, id-data eżistenti miġbura għal skopijiet oħra, bħal data katastali jew data miġbura fil-kuntest tas-Sistema Integrata ta’ Amministrazzjoni u Kontroll għall-ġestjoni tal-Politika Agrikola Komuni u r-Regolament (UE) Nru 1306/2013 tal-Parlament Ewropew u tal-Kunsill (4), tista’ terġa’ tintuża biex tirrapporta dwar data spazjali li tidentifika l-lok fejn ikun se jintuża l-ħama tad-dranaġġ fuq art agrikola.

(5)

Għaldaqstant, jenħtieġ li d-Deċiżjoni 94/741/KE tiġi emendata skont dan.

(6)

Jenħtieġ li d-data tal-applikazzjoni ta’ din id-Deċiżjoni tkun l-istess data bħad-data tal-applikazzjoni tal-emenda tal-Artikolu 10(1) u (2) tad-Direttiva 86/278/KEE kif stabbilit fl-Artikolu 11 tar-Regolament (UE) 2019/1010.

(7)

Il-miżuri previsti f’din id-Deċiżjoni huma f’konformità mal-opinjoni tal-Kumitat stabbilit bl-Artikolu 39 tad-Direttiva 2008/98/KE tal-Parlament Ewropew u tal-Kunsill (5)„

(1)

Għandhom isiru numru ta’ emendi għal-Linja Gwida (UE) 2015/855 tal-Bank Ċentrali Ewropew (BĊE/2015/11) (1). Fl-interessi taċ-ċarezza, jenħtieġ li l-Linja Gwida (UE) 2015/855 (BĊE/2015/11) tiġi riformulata.

(2)

Sabiex twettaq il-kompiti fdati lill-Bank Ċentrali Ewropew (BĊE) u lill-banek ċentrali nazzjonali (BĊNi) ta’ dawk l-Istati Membri li l-munita tagħhom hija l-euro (minn hawn ’il quddiem l- “Eurosistema”) skont it-Trattat dwar il-Funzjonament tal-Unjoni Ewropea, l-Eurosistema taderixxi mal-prinċipji ta’ indipendenza, akkontabilità, trasparenza u żżomm l-ogħla standards ta’ etika u integrità professjonali inkluż l-ebda tolleranza lejn imġiba mhux xierqa u l-fastidju. Qafas ta’ governanza li jissalvagwardja dawn il-prinċipji u l-istandards huwa element ewlieni fl-iżgurar tal-kredibbiltà tal-Eurosistema u huwa essenzjali biex tiġi żgurata l-fiduċja tal-entitajiet taħt superviżjoni, tal-kontropartijiet tal-politika monetarja u taċ-ċittadini tal-Unjoni.

(3)

B’dan il-ħsieb, u bħala titjib għal-Linja Gwida BĊE/2002/6 tal-Bank Ċentrali Ewropew (2) li kienet applikabbli qabel, fl-2015 il-Kunsill Governattiv adotta l-Linja Gwida (UE) 2015/855 (BĊE/2015/11), li stabbiliet il-prinċipji ta’ qafas tal-etika komuni għall-Eurosistema (minn hawn’ il quddiem il-“Qafas tal-Etika tal-Eurosistema”) li jissalvagwardja l-kredibbiltà u r-reputazzjoni tal-Eurosistema kif ukoll il-fiduċja tal-pubbliku fl-integrità u l-imparzjalità tal-membri tal-korpi u tal-membri tal-persunal tal-BĊE u tal-BĊNi tal-Eurosistema.

(4)

Il-Kunsill Governattiv huwa tal-fehma li sabiex jinżammu l-ogħla standards ta’ etika professjonali u integrità, l-istandards minimi komuni eżistenti u r-regoli mmirati lejn il-prevenzjoni ta’ abbuż minn informazzjoni privileġġata u l-użu ħażin ta’ informazzjoni mhux pubblika tal-Eurosistema, kif ukoll il-prevenzjoni u l-ġestjoni tal-kunflitti ta’ interess, jenħtieġ li jiġu żviluppati aktar. Għal dan il-għan, il-Kunsill Governattiv iqis li huwa importanti li l-BĊE u l-BĊNi jadottaw miżuri mmirati biex jevitaw anki kwalunkwe apparenza ta’ abbuż minn informazzjoni privileġġata, l-użu ħażin ta’ informazzjoni mhux pubblika jew ta’ kunflitti ta’ interess possibbli. Għalkemm il-BĊE u l-BĊNi jenħtieġ li jkollhom ċerta latitudni fid-definizzjoni tal-aktar qafas xieraq għal tali miżuri, huwa importanti fl-istess ħin li, bħala minimu jiġi applikat sett ta’ miżuri allinjati, b’mod partikolari fir-rigward tar-regoli dwar tranżazzjonijiet finanzjarji privati kritiċi għall-membri tal-persunal tal-BĊE u l-BĊNi meta jwettqu kompiti tal-Eurosistema, sabiex tiġi protetta b’mod adegwat ir-reputazzjoni tal-Eurosistema. Dawk il-miżuri allinjati jenħtieġ li japplikaw ukoll għall-membri ta’ korp intern li għandu funzjonijiet amministrattivi u/jew konsultattivi relatati direttament jew indirettament mal-implimentazzjoni tal-kompiti tal-Eurosistema mwettqa mill-BĊNi.

(5)

Sabiex tiġi salvagwardjata aktar il-fiduċja tal-entitajiet taħt superviżjoni, tal-kontropartijiet tal-politika monetarja u taċ-ċittadini tal-Unjoni li l-membri tal-persunal tal-BĊE u tal-BĊNi, kif ukoll il-membri tal-korpi tagħhom, iservu b’imparzjalità professjonali sħiħa, jenħtieġ li jiġu evitati l-perċezzjonijiet ta’ kunflitti ta’ interess. Għal dan il-għan, jenħtieġ li dawk il-membri tal-persunal u l-membri tal-korpi li għandhom aċċess għal informazzjoni sensittiva għas-suq ikunu meħtieġa jikkonformaw ma’ regoli u standards speċifiċi meta jwettqu tranżazzjonijiet finanzjarji privati, b’mod partikolari meta dawk it-tranżazzjonijiet jinvolvu entitajiet regolati.

(6)

Filwaqt li l-Qafas tal-Etika tal-Eurosistema japplika biss għat-twettiq tal-kompiti tal-Eurosistema, biex jiġu żgurati integrità u standards ta’ governanza tajba koerenti kemm jista’ jkun fost il-BĊNi u l-awtoritajiet nazzjonali kompetenti (ANK), il-Kunsill Governattiv adotta l-Linja Gwida (UE) 2015/856 tal-Bank Ċentrali Ewropew (BĊE/2015/12) (3) li tistabbilixxi l-prinċipji tal-Qafas tal-Etika għall-Mekkaniżmu Superviżorju Uniku (minn hawn ’il quddiem il-“Qafas tal-Etika tal-MSU”) applikabbli għat-twettiq ta’ kompiti superviżorji mill-BĊE u l-ANK.

(7)

Il-prinċipji stabbiliti mil-Linja Gwida (UE) 2015/855 (BĊE/2015/11) ġew issupplimentati mill-prattiki ta’ Implimentazzjoni tal-Qafas tal-Etika tal-Eurosistema (EEFI) (4) approvati mill-Kunsill Governattiv u trasposti f’regoli u prattiki interni adottati minn kull bank ċentrali tal-Eurosistema. Dawn il-prattiki tal-EEFI, inkluż b’mod partikolari l-prattika ta’ Implimentazzjoni Nru 4 dwar il-funzjoni ta’ konformità, jenħtieġ li jiġu inkorporati fil-Qafas tal-Etika tal-Eurosistema rivedut, b’mod li jissalvagwardja l-prinċipju tal-awtonomija organizzattiva ta’ kull bank ċentrali tal-Eurosistema.

(8)

Sabiex jiġi żgurat li l-Qafas tal-Etika tal-Eurosistema jkompli jirrifletti standards xierqa u l-aħjar prattiki li jqisu l-aħħar żviluppi fil-komunità bankarja ċentrali u fost l-istituzzjonijiet tal-Unjoni, il-Linja Gwida (UE) 2015/855 (BĊE/2015/11) tipprevedi rieżami regolari mill-Kunsill Governattiv. Id-dħul fis-seħħ tal-Kodiċi ta’ Kondotta għall-uffiċjali ta’ livell għoli tal-BĊE (5) (minn hawn ’il quddiem il-“Kodiċi Uniku”), kompla jsaħħaħ l-istandards uniformi tal-etika professjonali għall-membri kollha tal-korpi ta’ livell għoli tal-BĊE u s-sostituti tagħhom. F’dan l-isfond, il-Kunsill Governattiv iqis li huwa meħtieġ li l-istandards eżistenti jiġu adattati kif previst fil-Qafas tal-Etika tal-Eurosistema.

(9)

Bil-ħsieb li jiġi pprovdut forum interistituzzjonali għall-iskambju dwar kwistjonijiet etiċi u ta’ konformità u dwar kwistjonijiet relatati mal-implimentazzjoni tal-Linja Gwida (UE) 2015/855 (BĊE/2015/11) u l-Linja Gwida (UE) 2015/856 (BĊE/2015/12), il-Kunsill Governattiv stabbilixxa Task Force tal-Uffiċjali tal-Etika u l-Konformità (ECTF). Fid-dawl tas-sinifikanza dejjem tikber ta’ dawn il-kwistjonijiet u l-ħtieġa riżultanti li jsir sforz għal standards aktar ambizzjużi fil-livell tal-Eurosistema kif ukoll biex tiġi appoġġata l-implimentazzjoni koerenti tal-Qafas tal-Etika tal-Eurosistema, il-Kunsill Governattiv qies li huwa xieraq li jiġu assenjati responsabbiltajiet imsaħħa lill-ECTF u li dan jiġi ttrasformat f’Konferenza permanenti dwar l-Etika u l-Konformità (ECC). Dawn ir-responsabbiltajiet imsaħħa jenħtieġ li jippermettu lill-Eurosistema tindirizza b’mod adegwat l-isfidi inerenti fin-natura dinamika tal-integrità u l-istandards ta’ governanza tajba.

(10)

Sabiex tiġi żgurata l-koerenza ġenerali ta’ dawn l-oqfsa etiċi, il-kunċetti ewlenin li jikkonċernaw il-kunflitti ta’ interess, l-aċċettazzjoni ta’ rigali u ospitalità u l-projbizzjoni tal-użu ħażin ta’ informazzjoni mhux pubblika kif stabbilit fil-Linji Gwida (UE) 2015/855 (BĊE/2015/11) u (UE) 2015/856 (BĊE/2015/12) jenħtieġ li jiġu żviluppati aktar u allinjati mal-Kodiċi Uniku. B’mod partikolari, l-iskrutinju qabel l-impjieg u r-restrizzjonijiet ta’ wara l-impjieg jenħtieġ li jiġu estiżi lil hinn mill-membri għolja tal-persunal tal-Eurosistema li jirrapportaw direttament lil-livell eżekuttiv sabiex jindirizzaw b’mod effettiv it-tħassib dwar ir-“revolving doors” bejn il-banek ċentrali u s-settur privat, b’mod partikolari l-parteċipanti fis-swieq finanzjarji.

(11)

Għalkemm il-Qafas tal-Etika tal-Eurosistema japplika biss għat-twettiq tal-kompiti tal-Eurosistema, huwa madankollu mixtieq li l-banek ċentrali tal-Eurosistema japplikaw standards ekwivalenti għall-membri tal-korpi tagħhom, il-persunal tagħhom u oħrajn li jwettqu kompiti mhux tal-Eurosistema.

(12)

Id-dispożizzjonijiet ta’ din il-Linja Gwida huma mingħajr preġudizzju għal-leġiżlazzjoni nazzjonali applikabbli, b’mod partikolari l-leġiżlazzjoni dwar ix-xogħol.

(13)

Id-dispożizzjonijiet ta’ din il-Linja Gwida jenħtieġ li jkunu mingħajr preġudizzju għall-Kodiċi Uniku u għal kwalunkwe rekwiżit ta’ kondotta etika stabbilit f’oqsma speċifiċi li jissodisfaw, bħala minimu, il-prinċipji tal-Qafas tal-Etika tal-Eurosistema,

(1)

Il-Bank Ċentrali Ewropew (BĊE) għandu d-dritt esklussiv mill-1 ta’ Jannar 1999 biex japprova l-volum ta’ muniti maħruġin mill-Istati Membri li l-munita tagħhom hija l-euro.

(2)

Skont l-estimi tad-domanda għall-muniti tal-euro fl-2021 li l-Istati Membri li l-munita tagħhom hija l-euro ppreżentaw lill-BĊE, il-BĊE approva l-volum totali tal-muniti tal-euro intiżi għaċ-ċirkolazzjoni u l-muniti tal-euro għall-kolletturi mhux intiżi għaċ-ċirkolazzjoni fl-2021 fid-Deċiżjoni (UE) 2020/1997 tal-Bank Ċentrali Ewropew (BĊE/2020/57) (2).

(3)

Skont l-Artikolu 3 tad-Deċiżjoni (UE) 2015/2332 tal-Bank Ċentrali Ewropew (BĊE/2015/43), Stat Membru taż-żona tal-euro għandu jinnotifika lill-BĊE jekk id-domanda reali għall-muniti tal-euro aktarx li taqbeż il-volum approvat ta’ ħruġ ta’ muniti f’sena kalendarja u għandu jitlob approvazzjoni ad hoc għal volum addizzjonali ta’ ħruġ ta’ muniti f’dik is-sena kalendarja jekk iż-żieda fid-domanda għall-muniti tkompli.

(4)

Fit-22 ta’ Novembru, il-BĊE irċieva talba mis-Central Bank of Ireland f’isem l-Irlanda biex jiżdied il-volum ta' muniti tal-euro li l-Irlanda tista’ toħroġ fl-2021, b’volum addizzjonali ta’ EUR10 miljun minn EUR 16.3 miljun għal EUR 26.3 miljun biex ikun jista’ jwieġeb għal żieda sinifikanti fid-domanda għall-muniti b’rabta ma’ tnaqqis fid-depożiti tal-muniti fl-2021 meta mqabbel mal-2020 u ma’ domanda ikbar milli stmata prevista għall-perjodu ta’ qabel il-Milied fl-2021.

(5)

Skont l-Artikolu 3(7) tad-Deċiżjoni (UE) 2015/2332 (BĊE/2015/43) il-Bord Eżekuttiv għandu jadotta deċiżjoni individwali dwar it-talba ad hoc għal approvazzjoni, meta ebda modifika għat-talba ad hoc tkun meħtieġa.

(6)

Għalhekk, jenħtieġ li d-Deċiżjoni (UE) 2020/1997 (BĊE/2020/57) għandha tiġi emendata kif meħtieġ,

(1)

Il-Bank Ċentrali Ewropew (BĊE) għandu d-dritt esklussiv sa mill-1 ta’ Jannar 1999 biex japprova l-volum ta’ muniti maħruġin mill-Istati Membri li l-munita tagħhom hija l-euro (minn hawn ’il quddiem “Stati Membri taż-żona tal-euro”).

(2)

Id-19-il Stat Membru taż-żona tal-euro bagħtu lill-BĊE it-talbiet tagħhom għall-approvazzjoni tal-volum ta’ muniti li għandhom jinħarġu fl-2022, supplimentati minn noti ta’ spjegazzjoni dwar il-metodoloġija tat-tbassir. Uħud minn dawn l-Istati Membri pprovdew ukoll informazzjoni addizzjonali dwar muniti fiċ-ċirkolazzjoni, fejn din l-informazzjoni hija disponibbli u kkunsidrata importanti mill-Istati Membri kkonċernati biex tiġi ssostanzjata t-talba għall-approvazzjoni.

(3)

Peress li d-dritt tal-Istati Membri taż-żona tal-euro li joħorġu muniti tal-euro huwa soġġett għall-approvazzjoni mill-BĊE tal-volum tal-ħruġ, skont l-Artikolu 3 tad-Deċiżjoni (UE) 2015/2332 (BĊE/2015/43), il-volumi approvati mill-BĊE ma jistgħux jinqabżu mill-Istati Membri taż-żona tal-euro mingħajr l-approvazzjoni minn qabel tal-BĊE. Skont l-Artikolu 2(9) tad-Deċiżjoni (UE) 2015/2332 (BĊE/2015/43), minħabba li ma hi meħtieġa l-ebda modifika tal-volum mitlub ta’ ħruġ ta’ muniti, il-Bord Eżekuttiv għandu s-setgħa li jadotta din id-deċiżjoni dwar it-talbiet għall-approvazzjoni annwali għall-volum ta’ ħruġ ta’ muniti fl-2022, ippreżentati mill-Istati Membri taż-żona tal-euro,

(1)

Għandhom isiru numru ta’ emendi għal-Linja Gwida (UE) 2015/856 tal-Bank Ċentrali Ewropew (BĊE/2015/12) (2). Fl-interessi taċ-ċarezza, jenħtieġ li l-Linja Gwida (UE) 2015/856 (BĊE/2015/12) tiġi riformulata.

(2)

Sabiex iwettqu l-kompiti fdati lill-Bank Ċentrali Ewropew (BĊE) u lill-awtoritajiet nazzjonali kompetenti (ANK) ta’ dawk l-Istati Membri li jipparteċipaw fil-Mekkaniżmu Superviżorju Uniku (minn hawn ’il quddiem l-“MSU”) skont ir-Regolament (UE) Nru 1024/2013, il-BĊE u l-ANK jaderixxu mal-prinċipji ta’ indipendenza, akkontabilità, trasparenza u jżommu l-ogħla standards ta’ etika u integrità professjonali, inkluż l-ebda tolleranza lejn imġiba mhux xierqa u l-fastidju. Qafas ta’ governanza li jissalvagwardja dawn il-prinċipji u l-istandards huwa element ewlieni fl-iżgurar tal-kredibbiltà tal-MSU u huwa essenzjali biex tiġi żgurata l-fiduċja ta’ entitajiet taħt superviżjoni u taċ-ċittadini tal-Unjoni.

(3)

B’dan il-ħsieb, fl-2015 il-Kunsill Governattiv adotta l-Linja Gwida (UE) 2015/856 (BĊE/2015/12), li stabbiliet il-prinċipji ta’ qafas tal-etika komuni għall-MSU (minn hawn ’il quddiem il-“Qafas tal-Etika għall-MSU”) li jissalvagwardja l-kredibbiltà u r-reputazzjoni tal-MSU kif ukoll il-fiduċja tal-pubbliku fl-integrità u l-imparzjalità tal-membri tal-korpi u tal-membri tal-persunal tal-BĊE u tal-ANK tal-Istati Membri li jipparteċipaw fl-MSU.

(4)

Il-Kunsill Governattiv huwa tal-fehma li sabiex jinżammu l-ogħla standards ta’ etika professjonali u integrità, l-istandards minimi komuni eżistenti u r-regoli mmirati lejn il-prevenzjoni ta’ abbuż minn informazzjoni privileġġata u l-użu ħażin ta’ informazzjoni mhux pubblika tal-MSU, kif ukoll il-prevenzjoni u l-ġestjoni tal-kunflitti ta’ interess, jenħtieġ li jiġu żviluppati aktar. Għal dan il-għan, il-Kunsill Governattiv iqis li huwa importanti li l-BĊE u l-ANK jadottaw miżuri mmirati biex jevitaw anki kwalunkwe apparenza ta’ abbuż minn informazzjoni privileġġata, l-użu ħażin ta’ informazzjoni mhux pubblika jew ta’ kunflitti ta’ interess possibbli. Għalkemm il-BĊE u l-ANK jenħtieġ li jkollhom ċerta latitudni fid-definizzjoni tal-aktar qafas xieraq għal tali miżuri, huwa importanti fl-istess ħin li, bħala minimu jiġi applikat sett ta’ miżuri allinjati, b’mod partikolari fir-rigward tar-regoli dwar tranżazzjonijiet finanzjarji privati kritiċi għall-membri tal-persunal tal-BĊE u għall-ANK meta jwettqu kompiti tal-MSU – sabiex tiġi protetta b’mod adegwat ir-reputazzjoni tal-MSU. Dawk il-miżuri allinjati jenħtieġ li japplikaw ukoll għall-membri ta’ korp intern li għandu funzjonijiet amministrattivi u/jew konsultattivi relatati direttament jew indirettament mal-implimentazzjoni tal-kompiti tal-MSU mwettqa mill-ANK.

(5)

Sabiex tiġi salvagwardjata aktar il-fiduċja tal-entitajiet taħt superviżjoni u taċ-ċittadini tal-Unjoni li l-membri tal-persunal tal-BĊE u tal-ANK, kif ukoll il-membri tal-korpi tagħhom, iservu b’imparzjalità professjonali sħiħa, jenħtieġ li jiġu evitati perċezzjonijiet ta’ kunflitti ta’ interess. Għal dan il-għan, dawk il-membri tal-persunal u l-membri tal-korpi li għandhom aċċess għal informazzjoni sensittiva għas-suq jenħtieġ li jkunu meħtieġa jikkonformaw ma’ regoli u standards speċifiċi meta jwettqu tranżazzjonijiet finanzjarji privati, b’mod partikolari meta dawk it-tranżazzjonijiet jinvolvu entitajiet regolati.

(6)

Filwaqt li l-Qafas tal-Etika għall-MSU japplika biss għat-twettiq ta’ kompiti superviżorji, biex jiġu żgurati integrità u standards ta’ governanza tajba koerenti kemm jista’ jkun fost il-banek ċentrali nazzjonali (BĊNi) u l-ANK, il-Kunsill Governattiv adotta l-Linja Gwida (UE) 2015/855 tal-Bank Ċentrali Ewropew (BĊE/2015/11) (3) li tistabbilixxi l-prinċipji ta’ Qafas tal-Etika tal-Eurosistema (minn hawn ’il quddiem il-“Qafas tal-Etika tal-Eurosistema”) applikabbli għat-twettiq ta’ kompiti tal-Eurosistema mill-BĊNi.

(7)

Il-prinċipji stabbiliti mil-Linja Gwida (UE) 2015/856 (BĊE/2015/12) ġew issupplimentati mill-prattiki ta’ Implimentazzjoni tal-Qafas tal-Etika għall-MSU (EFSI) (4) approvati mill-Kunsill Governattiv u trasposti f’regoli u prattiki interni adottati mill-BĊE u mill-ANK. Dawn il-prattiki tal-EFSI, inkluż b’mod partikolari l-prattika ta’ Implimentazzjoni Nru 4 dwar il-funzjoni ta’ konformità, jenħtieġ li jiġu inkorporati fil-Qafas tal-Etika għall-MSU rivedut, b’mod li jissalvagwardja l-prinċipju tal-awtonomija organizzattiva ta’ kull ANK.

(8)

Sabiex jiġi żgurat li l-Qafas tal-Etika għall-MSU jkompli jirrifletti standards xierqa u l-aħjar prattiki li jqisu l-aħħar żviluppi fil-komunità superviżorja u fost l-istituzzjonijiet tal-Unjoni, il-Linja Gwida (UE) 2015/856 (BĊE/2015/12) tipprevedi rieżami regolari mill-Kunsill Governattiv. Id-dħul fis-seħħ tal-Kodiċi ta’ Kondotta għall-uffiċjali ta’ livell għoli tal-BĊE (5) (minn hawn ’il quddiem il-“Kodiċi Uniku”), kompla jsaħħaħ l-istandards uniformi tal-etika professjonali għall-membri kollha tal-korpi ta’ livell għoli tal-BĊE u s-sostituti tagħhom. F’dan l-isfond, il-Kunsill Governattiv iqis li huwa meħtieġ li l-istandards eżistenti jiġu adattati kif previst fil-Qafas tal-Etika għall-MSU.

(9)

Bil-ħsieb li jiġi pprovdut forum interistituzzjonali għall-iskambju dwar kwistjonijiet etiċi u ta’ konformità u dwar kwistjonijiet relatati mal-implimentazzjoni tal-Linja Gwida (UE) 2015/855 (BĊE/2015/11) u l-Linja Gwida (UE) 2015/856 (BĊE/2015/12), il-Kunsill Governattiv stabbilixxa Task Force tal-Uffiċjali tal-Etika u l-Konformità (ECTF). Fid-dawl tas-sinifikanza dejjem tikber ta’ dawn il-kwistjonijiet u l-ħtieġa li tirriżulta li jsir sforz għal standards aktar ambizzjużi fil-livell tal-MSU kif ukoll biex tiġi appoġġata l-implimentazzjoni koerenti tal-Qafas tal-Etika għall-MSU, il-Kunsill Governattiv qies li huwa xieraq li jiġu assenjati responsabbiltajiet imsaħħa lill-ECTF u li dan jiġi ttrasformat f’Konferenza permanenti dwar l-Etika u l-Konformità (ECC). Dawn ir-responsabbiltajiet imsaħħa jenħtieġ li jippermettu lill-MSU jindirizza b’mod adegwat l-isfidi inerenti fin-natura dinamika tal-integrità u l-istandards ta’ governanza tajba.

(10)

Sabiex tiġi żgurata l-koerenza ġenerali ta’ dawn l-oqfsa etiċi, il-kunċetti ewlenin li jikkonċernaw il-kunflitti ta’ interess, l-aċċettazzjoni ta’ rigali u ospitalità u l-projbizzjoni tal-użu ħażin ta’ informazzjoni mhux pubblika kif stabbilit fil-Linji Gwida (UE) 2015/855 (BĊE/2015/11) u (UE) 2015/856 (BĊE/2015/12) jenħtieġ li jiġu żviluppati aktar u allinjati mal-Kodiċi Uniku. B’mod partikolari, l-iskrutinju qabel l-impjieg u r-restrizzjonijiet ta’ wara l-impjieg jenħtieġ li jiġu estiżi lil hinn mill-membri għolja tal-persunal tal-MSU li jirrapportaw direttament lil-livell eżekuttiv sabiex jindirizzaw b’mod effettiv it-tħassib dwar ir-“revolving doors” bejn is-superviżuri bankarji u s-settur privat, b’mod partikolari l-parteċipanti fis-swieq finanzjarji.

(11)

Għalkemm il-Qafas tal-Etika għall-MSU japplika biss għat-twettiq ta’ kompiti superviżorji, huwa madankollu mixtieq li l-BĊE u l-ANK japplikaw standards ekwivalenti għall-membri tal-korpi tagħhom, il-persunal tagħhom u oħrajn li jwettqu kompiti mhux relatati mal-MSU.

(12)

Id-dispożizzjonijiet ta’ din il-Linja Gwida huma mingħajr preġudizzju għal-leġiżlazzjoni nazzjonali applikabbli, b’mod partikolari l-leġiżlazzjoni dwar ix-xogħol.

(13)

Id-dispożizzjonijiet ta’ din il-Linja Gwida jenħtieġ li jkunu mingħajr preġudizzju għall-Kodiċi Uniku u għal kwalunkwe rekwiżit ta’ kondotta etika stabbilit f’oqsma speċifiċi li jissodisfaw, bħala minimu, il-prinċipji tal-Qafas tal-Etika għall-MSU,