(1)

Fl-10 ta’ Marzu 2014, il-Kunsill adotta r-Regolament (UE) Nru 224/2014 (2), sabiex jagħti effett lil ċerti miżuri previsti fid-Deċiżjoni 2013/798/PESK.

(2)

Fid-29 ta’ Lulju 2021, il-Kunsill tas-Sigurtà tan-Nazzjonijiet Uniti (KSNU) adotta r-Riżoluzzjoni 2588 (2021). Dik ir-riżoluzzjoni testendi l-eżenzjonijiet għall-embargo fuq l-armi u twessa’ l-kamp ta’ applikazzjoni tal-miżuri restrittivi.

(3)

Fit-18 ta’ Ottubru 2021, il-Kunsill adotta d-Deċiżjoni (PESK) 2021/1823 (3), li temenda d-Deċiżjoni 2013/798/PESK f’konformità mar-Riżoluzzjoni tal-KSNU 2588 (2021).

(4)

Xi wħud minn dawk l-emendi jaqgħu fil-kamp ta’ applikazzjoni tat-Trattat u għalhekk hija meħtieġa azzjoni regolatorja fil-livell tal-Unjoni biex jiġu implimentati flimkien mal-aġġustamenti tekniċi fid-dawl tar-Riżoluzzjonijiet tal-KSNU preċedenti, b’mod partikolari bil-ħsieb li tiġi żgurata l-applikazzjoni uniformi tagħhom mill-operaturi ekonomiċi fl-Istati Membri kollha.

(5)

Għalhekk jenħtieġ li r-Regolament (UE) Nru 224/2014 jiġi emendat skont dan,

(1)

L-importazzjonijiet fl-Unjoni ta’ ħjut b’saħħithom ħafna (high tenacity) ta’ poliesteri li joriġinaw mir-Repubblika tal-Poplu taċ-Ċina huma soġġetti għall-miżuri antidumping minn 5,1 % sa 9,8 % għall-produtturi esportaturi mir-RPĊ inklużi fil-kampjun. Għall-produtturi esportaturi li kkooperaw u li ma kinux inklużi fil-kampjun ġiet imposta rata ta’ dazju ta’ 5,3 %. Barra minn hekk, ġiet imposta rata ta’ dazju għall-pajjiż kollu ta’ 9,8 % fuq l-importazzjonijiet ta’ ħjut tal-poliesteri b’saħħithom ħafna permezz tar-Regolament ta’ Implimentazzjoni tal-Kunsill (UE) Nru 1105/2010 (2) ..

(2)

Wara rieżami ta’ skadenza, il-miżuri oriġinali ġew estiżi għal ħames snin oħra permezz tar-Regolament ta’ Implimentazzjoni tal-Kummissjoni (UE) 2017/325 (3).

(3)

Ir-Regolament ta’ Implimentazzjoni tal-Kummissjoni (UE) 2019/1706 (4) ikkonkluda li l-kumpanija Wuxi Solead Technology Development Co., Ltd (Wuxi Solead) issodisfat il-kriterji biex titqies bħala produttur esportatur ġdid u żiedet isimha mal-lista ta’ kumpaniji li kkooperaw mhux inklużi fil-kampjun.

(4)

Fis-16 ta’ Jannar 2020, il-kumpanija, wara bidla f’isimha (5) talbet lill-Kummissjoni fis-26 ta’ Mejju 2020 biex tikkonferma li l-bidla f’isimha ma taffettwax id-dritt tal-kumpanija li tibbenefika mir-rata tad-dazju kompensatorju individwali applikata għaliha taħt l-isem li kellha qabel.

(5)

Il-Kummissjoni eżaminat l-informazzjoni pprovduta u kkonkludiet li l-bidla fl-isem ma affettwatx is-sejbiet tar-Regolament ta’ Implimentazzjoni (UE) 2019/1706 u b’mod partikolari r-rata tad-dazju antidumping applikabbli għal Wuxi Solead.

(6)

Fit-8 ta’ Lulju 2021, il-Kummissjoni infurmat lill-partijiet interessati dwar is-sejbiet tagħha ta’ hawn fuq u stednithom jikkummentaw sa data speċifika. Ma wasal l-ebda kumment.

(7)

Il-miżuri previsti f’dan ir-Regolament huma f’konformità mal-opinjoni tal-Kumitat stabbilit permezz tal-Artikolu 15(1) tar-Regolament (UE) 2016/1036.

(1)

Fit-13 ta’ Mejju 2013 il-Kunsill impona dazju anti-dumping definittiv fuq l-importazzjonijiet ta’ oġġetti taċ-ċeramika li jintużaw fuq il-mejda u fil-kċina (“oġġetti li jintużaw fuq il-mejda”) li joriġinaw mir-Repubblika tal-Poplu taċ-Ċina (“RPĊ”) permezz tar-Regolament ta’ Implimentazzjoni tal-Kunsill (UE) Nru 412/2013 (“ir-Regolament oriġinali”) (3).

(2)

Fit-12 ta’ Lulju 2019, wara rieżami ta’ skadenza skont l-Artikolu 11(2) tar-Regolament bażiku, il-Kummissjoni estendiet il-miżuri tar-regolament oriġinali għal ħames snin oħra permezz tar-Regolament ta’ Implimentazzjoni tal-Kummissjoni (UE) 2019/1198.

(3)

Fit-28 ta’ Novembru 2019, wara investigazzjoni antiċirkomvenzjoni skont l-Artikolu 13(3) tar-Regolament (UE) 2016/1036, il-Kummissjoni emendat ir-Regolament (UE) 2019/1198 bir-Regolament ta’ Implimentazzjoni tal-Kummissjoni (UE) 2019/2131 (4).

(4)

Fl-investigazzjoni oriġinali, il-kampjunar ġie applikat għall-investigazzjoni tal-produtturi esportaturi fir-RPĊ f’konformità mal-Artikolu 17 tar-Regolament bażiku.

(5)

Il-Kummissjoni impona rati individwali ta’ dazju anti-dumping li jvarjaw minn 13,1 % sa 23,4 % (5) fuq l-importazzjonijiet tal-prodott ikkonċernat għall-produtturi esportaturi mir-RPĊ inklużi fil-kampjun. Għall-produtturi esportaturi li kkooperaw u li ma kinux inklużi fil-kampjun ġiet imposta rata ta’ dazju ta’ 17,9 %. Il-produtturi esportaturi li kkooperaw mhux inklużi fil-kampjun huma elenkati fl-Anness I tar-Regolament (UE) 2019/1198 kif emendat mir-Regolament (UE) 2019/2131. Barra minn hekk, ġiet imposta wkoll rata ta’ dazju mal-pajjiż kollu ta’ 36,1 % fuq il-prodott ikkonċernat minn kumpaniji fir-RPĊ li jew ma ddikjarawx ruħhom jew inkella ma kkooperawx fl-investigazzjoni.

(6)

Skont l-Artikolu 2 tar-Regolament (UE) 2019/1198, il-Kummissjoni tista’ temenda l-Anness I ta’ dak ir-Regolament billi tagħti lil produttur esportatur ġdid ir-rata tad-dazju applikabbli għall-kumpaniji li kkooperaw u li mhumiex inklużi fil-kampjun, jiġifieri r-rata tad-dazju medja ponderata ta’ 17,9 %, meta kwalunkwe produttur esportatur ġdid fir-RPĊ jipprovdi evidenza suffiċjenti lill-Kummissjoni li:

(7)

Il-kumpanija Liling Taichang Ceramics Co., Ltd. (“Taichang” jew “l-applikant”), ressqet talba lill-Kummissjoni biex tingħata trattament ta’ produttur esportatur ġdid (new exporting producer treatment — “NEPT”) u għalhekk hija soġġetta għar-rata ta’ dazju applikabbli għall-kumpaniji li kkooperaw fir-RPĊ mhux inklużi fil-kampjun, li hija ta’ 17,9 %. L-applikant qal li kien jissodisfa t-tliet kundizzjonijiet stipulati fl-Artikolu 2 tar-Regolament (UE) 2019/1198.

(8)

Biex jiġi ddeterminat jekk l-applikant jissodisfax il-kundizzjonijiet biex jingħata n-NEPT kif stipulat fl-Artikolu 2 tar-Regolament (UE) 2019/1198 (“il-kriterji NEPT”), il-Kummissjoni l-ewwel bagħtet kwestjonarju lill-applikant fejn talbet għal evidenza li turi li hu kien qed jissodisfa l-kriterji NEPT.

(9)

Wara l-analiżi tat-tweġiba għall-kwestjonarju, il-Kummissjoni talbet aktar informazzjoni u evidenza ta’ sostenn, li l-applikant ippreżenta.

(10)

Il-Kummissjoni fittxet li tivverifika l-informazzjoni kollha li qieset meħtieġa biex tiddetermina jekk l-applikant kienx jissodisfa l-kundizzjonijiet tan-NEPT. Għal dan il-għan, il-Kummissjoni analizzat l-evidenza ppreżentata mill-applikant fit-tweġiba tiegħu għall-kwestjonarju, billi kkonsultat diversi bażijiet ta’ data online inkluża Qichacha (6) u billi kkontroverifikat l-informazzjoni tal-kumpanija mal-informazzjoni disponibbli pubblikament fuq l-Internet. Fl-istess ħin, il-Kummissjoni infurmat ukoll lill-industrija tal-Unjoni dwar it-talba tal-applikant u stednitu jipprovdi kwalunkwe kumment jekk ikun hemm bżonn. L-industrija tal-Unjoni pprovdiet kummenti li ġew ikkunsidrati.

(11)

Fir-rigward tal-kundizzjoni stabbilita fl-Artikolu 2(a) tar-Regolament (UE) 2019/1198 li l-applikant ma esportax il-prodott ikkonċernat lejn l-Unjoni matul il-perjodu ta’ investigazzjoni li l-miżuri huma bbażati fuqu, waqt l-investigazzjoni l-Kummissjoni stabbiliet li l-applikant dak iż-żmien tassew ma kienx jeżisti bħala kumpanija. L-Artikoli ta ‘Assoċjazzjoni ta’ Taichang u l-liċenzja tan-negozju tagħha jibdew minn Marzu 2016. Għaldaqstant, l-applikant ma setax jesporta l-prodott ikkonċernat lejn l-Unjoni matul il-perjodu ta’ investigazzjoni u għalhekk jissodisfa din il-kundizzjoni.

(12)

Fir-rigward tal-kundizzjoni stabbilita fl-Artikolu 2(b) tar-Regolament (UE) 2019/1198 li l-applikant mhu relatat mal-ebda esportatur jew produttur li huwa soġġett għall-miżuri anti-dumping imposti mir-Regolament 2019/1198, matul l-investigazzjoni l-Kummissjoni stabbiliet li Taichang mhi relatata mal-ebda wieħed mill-produtturi esportaturi Ċiniżi li huma soġġetti għall-miżuri anti-dumping. Skond Qichacha, l-azzjonist ewlieni ta’ Taichang, is-Sur Zhou Jianxiang, m’għandux ishma fl-ebda kumpanija li tittratta l-produzzjoni, l-ipproċessar, il-bejgħ jew ix-xiri tal-prodott ikkonċernat għajr Taichang innifisha. Il-bqija tal-ishma tal-kumpannija huma proprjetà tal-kumpannija relatata Liling Taichang Carton Factory (iktar’ il quddiem “Taichang Carton”), li l-uniku azzjonist tagħha huwa wkoll is-Sur Zhou Jianxiang.

(13)

Taichang Carton, stabbilita f’Jannar 2014, jiġifieri wara l-perjodu ta’ investigazzjoni oriġinali, kienet involuta fl-ipproċessar tal-prodott ikkonċernat għal kumpaniji terzi sa Marzu 2017. F’Marzu 2017, Taichang Carton ittrasferixxiet il-faċilitajiet ta’ produzzjoni rilevanti lir-rikorrenti bħala l-injezzjoni ta’ kapital tagħha bħala azzjonista. Wara dan, Taichang Carton waqqfet l-operat tagħha stess. Il-Kummissjoni ma identifikat l-ebda relazzjoni skont id-definizzjoni tar-Regolament ta’ Implimentazzjoni tal-Kummissjoni (UE) 2015/2447 (7). Għalhekk, l-applikant jissodisfa din il-kundizzjoni.

(14)

Fir-rigward tal-kundizzjoni stabbilita fl-Artikolu 2(c) tar-Regolament (UE) 2019/1198, li l-applikant fil-fatt esporta l-prodott ikkonċernat lejn l-Unjoni jew daħal f’obbligu kuntrattwali irrevokabbli li jesporta kwantità sinifikanti lejn l-Unjoni wara l-perjodu ta’ investigazzjoni oriġinali, matul l-investigazzjoni l-Kummissjoni stabbiliet li l-applikant esporta lejn l-Unjoni fl-2019 u l-2020, għalhekk wara l-perjodu ta’ investigazzjoni oriġinali. L-applikant issottometta fatturi, poloz tal-kargu u rċevuti tal-ħlas għal tliet ordnijiet magħmula minn kumpanija fi Franza. Għalhekk, l-applikant jissodisfa din il-kundizzjoni.

(15)

Għaldaqstant, l-applikant jissodisfa t-tliet kundizzjonijiet li biex jingħata n-NEPT, kif stipulat fl-Artikolu 2 tar-Regolament (UE) 2019/1198 u jenħtieġ għalhekk li t-talba tiġi milqugħa. Konsegwentement, l-applikant għandu jkun soġġett għal dazju anti-dumping ta’ 17,9 % għall-kumpaniji li jikkooperaw mhux inklużi fil-kampjun tal-investigazzjoni oriġinali.

(16)

L-applikant u l-industrija tal-Unjoni kienu infurmati bil-fatti essenzjali u l-kunsiderazzjonijiet skont liema tqies xieraq li tingħata r-rata tad-dazju anti-dumping applikabbli lill-kumpaniji li kkooperaw mhux inklużi fil-kampjun tal-investigazzjoni oriġinali lil Liling Taichang Ceramics Co., Ltd.

(17)

Il-partijiet ingħataw il-possibbiltà li jippreżentaw kummenti. Ma wasal l-ebda kumment.

(18)

Dan ir-Regolament huwa skont l-opinjoni tal-Kumitat stabbilit mill-Artikolu 15(1) tar-Regolament (UE) 2016/1036.

(1)

F’konformità mal-Artikolu 48(2) tar-Regolament (UE) Nru 1095/2010, li ġie emendat bir-Regolament (UE) 2019/2175 tal-Parlament Ewropew u tal-Kunsill (2), abbażi ta’ lista mqassra ta’ kandidati kwalifikati mfassla mill-Bord tas-Superviżuri tal-ESMA, il-Kunsill għandu jadotta deċiżjoni biex jaħtar il-President, wara konferma mill-Parlament Ewropew.

(2)

Fis-26 ta’ Novembru 2020, il-Kunsill irċieva l-lista mqassra ta’ tliet kandidati magħżula mill-Bord tas-Superviżuri tal-ESMA għall-pożizzjoni ta’ President tal-ESMA.

(3)

Fil-11 ta’ Diċembru 2020, it-tliet kandidati ġew intervistati mill-Presidenza f’isem l-Istati Membri.

(4)

Fit-22 ta’ Settembru 2021, il-Kumitat tar-Rappreżentanti Permanenti qabel dwar wieħed mill-kandidati fil-lista mqassra għall-pożizzjoni ta’ President tal-ESMA: is-Sa Verena ROSS.

(5)

Fid-29 ta’ Settembru 2021, il-Kunsill bagħat ittra lill-Parlament Ewropew li tiddikjara li, jekk il-Parlament Ewropew jikkonferma l-ħatra tas-Sa Verena ROSS għall-pożizzjoni ta’ President tal-ESMA, il-Kunsill jadotta deċiżjoni biex jaħtarha bħala l-President tal-ESMA.

(6)

Fil-5 ta’ Ottubru 2021, il-Parlament Ewropew ikkonferma lis-Sa Verena ROSS għall-pożizzjoni ta’ President tal-ESMA.

(1)

Fit-23 ta’ Diċembru 2013, il-Kunsill adotta d-Deċiżjoni 2013/798/PESK (1), dwar miżuri restrittivi kontra r-Repubblika Ċentru-Afrikana.

(2)

Fid-29 ta’ Lulju 2021, il-Kunsill tas-Sigurtà tan-Nazzjonijiet Uniti adotta r-Riżoluzzjoni 2588 (2021), li testendi l-eżenzjonijiet għall-embargo fuq l-armi u twessa’ l-kamp ta’ applikazzjoni tal-miżuri restrittivi.

(3)

Hija meħtieġa aktar azzjoni mill-Unjoni biex ċerti miżuri jiġu implimentati.

(4)

Għalhekk jenħtieġ li d-Deċiżjoni 2013/798/PESK tiġi emendata skont dan,

(1)

Fid-19 ta’ Ottubru 2020, il-Kunsill adotta d-Deċiżjoni (PESK) 2020/1515 (1), li tistabbilixxi Kulleġġ Ewropew ta’ Sigurtà u ta’ Difiża (KESD).

(2)

Jenħtieġ li jiġi stabbilit ammont ta’ referenza finanzjarja ġdid għall-perijodu mill-1 ta’ Jannar 2022 sal-31 ta’ Diċembru 2022.

(3)

Għalhekk, jenħtieġ li d-Deċiżjoni (PESK) 2020/1515 tiġi emendata skont dan,

(1)

Fl-20 ta' Settembru 2016, il-Kunsill adotta d-Deċiżjoni (PESK) 2016/1693 (1).

(2)

Il-miżuri restrittivi stipulati fl-Artikolu 2(2) u l-Artikolu 3(3) u (4) tad-Deċiżjoni (PESK) 2016/1693 japplikaw sal-31 ta' Ottubru 2021. Abbażi ta' rieżami ta' dik id-Deċiżjoni, jenħtieġ li l-miżuri restrittivi jiġu estiżi sal-31 ta' Ottubru 2022.

(3)

Għaldaqstant, jenħtieġ li d-Deċiżjoni (PESK) 2016/1693 tiġi emendata skont dan,

(1)

Fl-1 ta’ Ottubru 2015, il-Kunsill adotta d-Deċiżjoni (PESK) 2015/1763 (1), dwar miżuri restrittivi fid-dawl tas-sitwazzjoni fil-Burundi.

(2)

Abbażi ta' rieżami tad-Deċiżjoni (PESK) 2015/1763, jenħtieġ li l-miżuri restrittivi jiġġeddu sal-31 ta' Ottubru 2022.

(3)

Għalhekk jenħtieġ li d-Deċiżjoni (PESK) 2015/1763 tiġi emendata skont dan,

(1)

F’konformità mal-Artikolu 20 tad-Direttiva 97/67/KE tal-Parlament Ewropew u tal-Kunsill (2) l-Istati Membri jridu jiżguraw li l-fornituri ta’ servizz universali jirreferu għall-istandards ippubblikati f’Il-Ġurnal Uffiċjali tal-Unjoni Ewropea fejn meħtieġ fl-interessi tal-utenti u b’mod partikolari meta jipprovdu l-informazzjoni msemmija fl-Artikolu 6 ta’ dik id-Direttiva.

(2)

Il-Kummissjoni ħarġet mandat ta’ standardizzazzjoni, M/428, fil-qasam tas-servizzi postali fid-9 ta’ Ottubru 2008. Bid-Deċiżjoni ta’ Implimentazzjoni tal-Kummissjoni C(2016) 4876 (3), il-Kummissjoni għamlet talba lill-Kumitat Ewropew għall-Istandardizzazzjoni (CEN) għall-abbozzar u r-reviżjoni tal-istandards Ewropej jew tar-riżultati tal-istandardizzazzjoni Ewropea b’appoġġ għall-implimentazzjoni tal-Artikolu 20 tad-Direttiva 97/67/KE u b’appoġġ għall-Azzjoni 5 tal-Komunikazzjoni tal-Kummissjoni bit-titolu “Pjan direzzjonali dwar l-ikkompletar tas-suq uniku għall-konsenja tal-pakketti It-tiswir tal-fiduċja fis-servizzi ta’ konsenja u l-għoti ta’ spinta lill-bejgħ online” (4).

(3)

Abbażi tat-talba stabbilita fid-Deċiżjoni ta’ Implimentazzjoni C(2016) 4876, is-CEN irriveda l-istandard EN 13850:2012 dwar il-kejl tal-ħin ta’ tranżitu tas-servizzi minn tarf sa tarf għal posta prijoritarja f’biċċa waħda u għall-posta tal-ewwel klassi u ssostitwih b’EN 13850:2020; irriveda EN 14012:2008 dwar il-prinċipji tat-trattament tal-ilmenti u ssostitwih b’EN 14012:2019; irriveda EN 14615:2005 dwar il-marki tal-posta diġitali biex jadattah għar-rekwiżiti l-ġodda tal-istampar tad-data sikura u ssostitwih b’EN 14615:2017; irriveda EN 14142-1:2011 u CEN/TR 14142-2:2011 biex jadattahom għall-istandard internazzjonali l-ġdid ISO 19160-4:2017 dwar l-indirizzar (Komponenti internazzjonali tal-indirizz postali u l-lingwaġġ tal-mudell) u ssostitwihom b’EN ISO 19160-4:2017.

(4)

Abbażi tat-talba stabbilita fil-mandat ta’ standardizzazzjoni M/428 tad-9 ta’ Ottubru 2008, is-CEN irriveda l-istandard EN 14508:2003+A1:2007 dwar il-ħin ta’ tranżitu għall-posta mhux ta’ prijorità u ssostitwih b’EN 14508:2016; irriveda EN 14534:2003+A1:2007 dwar il-ħin ta’ tranżitu għall-posta bil-kwantità u ssostitwih b’EN 14534:2016 kif ikkoreġut minn EN 14534:2016/AC:2017, u kkoreġa EN 13724:2013 dwar aperturi ta’ kaxxi tal-ittri privati u pjanċi tal-ittri billi ppubblika l-korriġendum EN 13724:2013/AC:2016.

(5)

Ir-referenzi tal-istandards EN 13850:2012, EN 14012:2008, EN 14142:2011, EN 14508:2003+A1:2007, EN 14534:2003+A1:2007, EN 14615:2005 u EN 13724:2013 ġew ippubblikati permezz tal-Komunikazzjoni tal-Kummissjoni 2015/C 159/01 (5).

(6)

Il-Kummissjoni, flimkien mas-CEN, ivvalutat jekk l-istandards EN 13850:2020, EN 14012:2019, EN 14615:2017, u EN ISO 19160-4:2017 humiex konformi mat-talba stabbilita fid-Deċiżjoni ta’ Implimentazzjoni C(2016) 4876.

(7)

Il-Kummissjoni, flimkien mas-CEN, ivvalutat jekk l-istandards EN 14508:2016 and EN 14534:2016 kif ikkoreġuti minn EN 14534:2016/AC:2017 humiex konformi mat-talba stabbilita fil-mandat ta’ standardizzazzjoni M/428 tad-9 ta’ Ottubru 2008.

(8)

L-istandards EN 13850:2020, EN 14012:2019, EN 14615:2017, EN ISO 19160-4:2017, EN 14508:2016 u EN 14534:2016 kif ikkoreġuti minn EN 14534:2016/AC:2017 jissodisfaw ir-rekwiżit ta’ armonizzazzjoni kontinwa tal-istandards tekniċi kif imsemmi fid-Direttiva 97/67/KE. Għalhekk huwa xieraq li r-referenzi ta’ dawk l-istandards u r-rettifika EN 13724:2013/AC:2016 għal EN 13724:2013 jiġu ppubblikati f’Il-Ġurnal Uffiċjali tal-Unjoni Ewropea.

(9)

L-istandards EN 13850:2020, EN 14012:2019, EN 14615:2017, EN ISO 19160-4:2017, EN 14508:2016 u EN 14534:2016 kif ikkoreġuti minn EN 14534:2016/AC:2017 jissostitwixxu l-istandards EN 13850:2012, EN 14012:2008, EN 14615:2005, EN 14142-1:2011, EN 14508:2003+A1:2007 u EN 14534:2003+A1:2007. Għalhekk jeħtieġ li jiġu rtirati r-referenzi tal-istandards EN 13850:2012, EN 14012:2008, EN 14615:2005, EN 14142-1:2011, EN 14508:2003+A1:2007 u EN 14534:2003+A1:2007 minn Il-Ġurnal Uffiċjali tal-Unjoni Ewropea.

(10)

Fl-interessi taċ-ċarezza u ċ-ċertezza ġuridika, lista sħiħa ta’ referenzi ta’ standards tekniċi abbozzati b’appoġġ għad-Direttiva 97/67/KE jeħtieġ li tiġi ppubblikata f’att wieħed. Għaldaqstant jenħtieġ li r-referenzi l-oħra tal-istandards tekniċi ppubblikati permezz tal-Komunikazzjoni 2015/C 159/01 jiġu inklużi wkoll f’din id-Deċiżjoni. Għaldaqstant, jixraq li dik il-Komunikazzjoni titħassar.