ISSN 1977-074X
Il-Ġurnal Uffiċjali
tal-Unjoni Ewropea
L 311
Edizzjoni bil-Malti
Leġiżlazzjoni
Volum 64
3 ta' Settembru 2021
|
ISSN 1977-074X |
||
|
Il-Ġurnal Uffiċjali tal-Unjoni Ewropea |
L 311 |
|
|
|
||
|
Edizzjoni bil-Malti |
Leġiżlazzjoni |
Volum 64 |
|
Werrej |
|
II Atti mhux leġiżlattivi |
Paġna |
|
|
|
REGOLAMENTI |
|
|
|
* |
|
MT |
L-Atti li t-titoli tagħhom huma stampati b'tipa ċara huma dawk li għandhom x'jaqsmu mal-maniġment ta' kuljum ta' materji agrikoli, u li ġeneralment huma validi għal perijodu limitat. It-titoli ta'l-atti l-oħra kollha huma stampati b'tipa skura u mmarkati b'asterisk quddiemhom. |
II Atti mhux leġiżlattivi
REGOLAMENTI
|
3.9.2021 |
MT |
Il-Ġurnal Uffiċjali tal-Unjoni Ewropea |
L 311/1 |
REGOLAMENT TA’ IMPLIMENTAZZJONI TAL-KUMMISSJONI (UE) 2021/1434
tat-2 ta’ Settembru 2021
li jtemm rieżami tar-Regolamenti ta’ Implimentazzjoni tal-Kunsill (UE) Nru 443/2011 u (UE) Nru 444/2011 li jestendu d-dazju kompensatorju u anti-dumping fuq l-importazzjonijiet tal-bijodiżil ikkunsinnati mill-Kanada
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/1036 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Unjoni Ewropea (1), u b’mod partikolari l-Artikolu 9(1) tiegħu, u r-Regolament (UE) 2016/1037 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni kontra importazzjonijiet sussidjati minn pajjiżi li mhumiex membri tal-Unjoni Ewropea (2), u b’mod partikolari l-Artikolu 14(1) tiegħu,
Wara li kkunsidrat ir-Regolament ta’ Implimentazzjoni tal-Kummissjoni (UE) 2021/1266 (3) li jimponi dazju anti-dumping definittiv fuq l-importazzjonijiet tal-bijodiżil li joriġinaw mill-Istati Uniti tal-Amerka wara rieżami ta’ skadenza skont l-Artikolu 11(2) tar-Regolament (UE) 2016/1036 u r-Regolament ta' Implimentazzjoni tal-Kummissjoni (UE) 2021/1267 (4) li jimponi dazji kumpensatorji definittivi fuq l-importazzjonijiet ta’ bijodiżil li joriġinaw mill-Istati Uniti tal-Amerka wara rieżami ta’ skadenza skont l-Artikolu 18 tar-Regolament (UE) 2016/1037,
Billi:
1. PROĊEDURA
|
(1) |
Il-Kummissjoni Ewropea rċeviet talba għal eżenzjoni mill-miżuri anti-dumping u kumpensatorji applikabbli għall-importazzjonijiet tal-bijodiżil ikkunsinnati mill-Kanada, kemm jekk iddikjarati li joriġinaw mill-Kanada kif ukoll jekk le, sa fejn hija kkonċernata l-kumpanija Verbio Diesel Canada Corporation (“l-applikant”). It-talba saret skont l-Artikolu 13(4) tar-Regolament (UE) 2016/1036 u l-Artikolu 23(6) tar-Regolament (UE) 2016/1037 u tressqet fit-13 ta’ Lulju 2020. |
|
(2) |
Il-Kummissjoni eżaminat l-evidenza disponibbli fit-talba, u kkonkludiet li hemm biżżejjed evidenza biex tiġġustifika l-bidu ta’ investigazzjoni skont l-Artikolu 13(4) tar-Regolament (UE) 2016/1036 u l-Artikolu 23(6) tar-Regolament (UE) 2016/1037 għall-għan li tiġi ddeterminata l-possibbiltà li l-applikant jingħata eżenzjoni mill-miżuri estiżi. |
|
(3) |
Fis-16 ta’ Diċembru 2020, permezz tar-Regolament ta’ Implimentazzjoni tal-Kummissjoni (UE) Nru 2020/2098 (5), il-Kummissjoni tat bidu għar-rieżami tar-Regolamenti ta’ Implimentazzjoni tal-Kunsill (UE) Nru 443/2011 (6) u (UE) Nru 444/2011 (7). Ir-Regolament ta’ Implimentazzjoni tal-Kummissjoni (UE) 2020/2098 ħassar id-dazji anti-dumping imposti mir-Regolament ta’ Implimentazzjoni tal-Kummissjoni (UE) Nru 2015/1518 (8) fir-rigward tal-importazzjonijiet tal-bijodiżil mill-applikant u ordna lill-awtoritajiet doganali jieħdu l-passi xierqa biex jirreġistraw dawn l-importazzjonijiet. Il-Kummissjoni stiednet lill-partijiet interessati jikkuntattjawha sabiex jipparteċipaw fl-investigazzjoni. |
|
(4) |
Il-partijiet interessati kollha kellhom l-opportunità li jikkummentaw dwar il-bidu tal-investigazzjoni u li jitolbu smigħ mal-Kummissjoni, mal-Uffiċjal tas-Seduta fi proċedimenti kummerċjali jew it-tnejn li huma sal-limitu ta’ żmien stipulat fir-Regolament ta’ Implimentazzjoni tal-Kummissjoni (UE) 2020/2098. Ma wasal l-ebda kumment jew talba għal seduta ta’ smigħ. |
2. IRTIRAR TAT-TALBA U TERMINAZZJONI TAL-PROĊEDIMENT
|
(5) |
Permezz ta’ ittra tat-2 ta’ Lulju 2021, l-applikant irtira formalment it-talba li daħħal fit-13 ta’ Lulju 2020. |
|
(6) |
F’konformità l-Artikolu 9(1) tar-Regolament (UE) 2016/1036 u l-Artikolu 14(1) tar-Regolament (UE) 2016/1037, il-proċedimenti jistgħu jintemmu meta t-talba tiġi rtirata, sakemm tali terminazzjoni ma tkunx kontra l-interess tal-Unjoni. L-investigazzjoni ma kienet żvelat ebda konsiderazzjoni li turi li huwa fl-interess tal-Unjoni li jitkompla l-każ. |
|
(7) |
Il-Kummissjoni għalhekk tikkonkludi li l-investigazzjoni ta’ rieżami għandha tintemm. Konsegwentement, ir-reġistrazzjoni tal-importazzjonijiet tal-applikant jenħtieġ li tieqaf u jenħtieġ li d-dazju anti-dumping applikabbli għall-“kumpaniji l-oħra kollha” fl-Artikolu 1(2) tar-Regolament ta’ Implimentazzjoni tal-Kummissjoni (UE) 2015/1518 u fir-Regolament ta’ Implimentazzjoni tal-Kummissjoni (UE) Nru 2021/1266 (EUR 172,2/tunnellata) jiġi impost retroattivament fuq dawn l-importazzjonijiet mid-data tal-bidu tal-investigazzjoni ta’ rieżami. |
|
(8) |
Il-partijiet interessati ġew mgħarrfa b’dan u ngħataw opportunità li jikkummentaw. Ma wasal l-ebda kumment. |
|
(9) |
Il-miżuri stipulati f’dan ir-Regolament huma f’konformità mal-opinjoni stabbilita bl-Artikolu 15(1) tar-Regolament (UE) 2016/1036, li għaliha jirreferi wkoll l-Artikolu 25(1) tar-Regolament (UE) 2016/1037. |
ADOTTAT DAN IR-REGOLAMENT:
Artikolu 1
Ir-rieżami mibdi bir-Regolament ta’ Implimentazzjoni tal-Kummissjoni (UE) 2020/2098 jintemm.
Artikolu 2
Id-dazju anti-dumping applikabbli għall-“kumpaniji l-oħra kollha” stipulat fl-Artikoli 1(2) u 2 tar-Regolament ta’ Implimentazzjoni tal-Kummissjoni (UE) 2015/1518 u r-Regolament ta’ Implimentazzjoni tal-Kummissjoni (UE) 2021/1266 jerġa’ jibda japplika mis-16 ta’ Diċembru 2020 fir-rigward tal-importazzjonijiet tal-kumpanija Verbio Diesel Canada Corporation.
Id-dazju anti-dumping imsemmi fil-paragrafu 1 għandu jiġi impost b’effett mis-16 ta’ Diċembru 2020 fuq l-importazzjonijiet irreġistrati skont l-Artikolu 3 tar-Regolament ta’ Implimentazzjoni tal-Kummissjoni (UE) 2020/2098.
Artikolu 3
L-awtoritajiet doganali huma ordnati li ma jkomplux bir-reġistrazzjoni tal-importazzjonijiet stabbilita f’konformità mal-Artikolu 3 tar-Regolament ta’ Implimentazzjoni tal-Kummissjoni (UE) Nru 2020/2098.
Sakemm ma jkunx speċifikat mod ieħor, għandhom japplikaw id-dispożizzjonijiet fis-seħħ dwar id-dazji doganali.
Artikolu 4
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Settembru 2021.
Għall-Kummissjoni
Il-President
Ursula VON DER LEYEN
(1) ĠU L 176, 30.6.2016, p. 21.
(2) ĠU L 176, 30.6.2016, p. 55.
(3) Ir-Regolament ta’ Implimentazzjoni tal-Kummissjoni (UE) 2021/1266 tad-29 ta’ Lulju 2021 li jimponi dazju anti-dumping definittiv fuq l-importazzjonijiet tal-bijodiżil li joriġinaw mill-Istati Uniti tal-Amerka wara rieżami ta’ skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill (ĠU L 277, 2.8.2021, p. 34).
(4) Ir-Regolament ta’ Implimentazzjoni tal-Kummissjoni (UE) 2021/1267 tad-29 ta’ Lulju 2021 li jimponi dazji kumpensatorji definittivi fuq l-importazzjonijiet ta’ bijodiżil li joriġinaw mill-Istati Uniti tal-Amerka wara rieżami ta’ skadenza skont l-Artikolu 18 tar-Regolament (UE) 2016/1037 tal-Parlament Ewropew u tal-Kunsill (ĠU L 277, 2.8.2021, p. 62).
(5) Ir-Regolament ta’ Implimentazzjoni tal-Kummissjoni (UE) 2020/2098 tal-15 ta’ Diċembru 2020 li jniedi rieżami tar-Regolamenti ta’ Implimentazzjoni tal-Kunsill (UE) Nru 443/2011 u (UE) Nru 444/2011 b’mod li jiġi estiż, rispettivament, id-dazju anti-dumping u kumpensatorju definittiv fuq l-importazzjonijiet tal-bijodiżil ikkunsinnati mill-Kanada, kemm jekk iddikjarati bħala li joriġinaw mill-Kanada kif ukoll jekk le, għall-finijiet tad-determinazzjoni tal-possibbiltà li tingħata eżenzjoni minn dawk il-miżuri lil produttur esportatur Kanadiż wieħed, li jħassar id-dazju anti-dumping fir-rigward tal-importazzjonijiet minn dak il-produttur esportatur u li jagħmel l-importazzjonijiet minn dak il-produttur esportatur soġġetti għar-reġistrazzjoni (ĠU L 425, 16.12.2020, p. 13).
(6) Ir-Regolament ta’ Implimentazzjoni tal-Kunsill (UE) Nru 443/2011 tal-5 ta’ Mejju 2011 li jestendi d-dazju kompensatorju definittiv impost mir-Regolament (KE) Nru 598/2009 fuq l-importazzjonijiet tal-bijodiżil li joriġinaw mill-Istati Uniti tal-Amerika għall-importazzjonijiet tal-bijodiżil ikkunsinnati mill-Kanada, kemm jekk iddikjarati li joriġinaw mill-Kanada, kif ukoll jekk le, u li jestendi d-dazju kompensatorju definittiv impost mir-Regolament (KE) Nru 598/2009 fuq l-importazzjonijiet tal-bijodiżil f'taħlita li fiha bil-piż 20 % jew inqas ta’ bijodiżil li joriġinaw mill-Istati Uniti tal-Amerika, u li jwaqqaf l-investigazzjoni fir-rigward tal-importazzjonijiet ikkunsinnati minn Singapor (ĠU L 122, 11.5.2011, p. 1).
(7) Ir-Regolament ta’ Implimentazzjoni tal-Kunsill (UE) Nru 444/2011 tal-5 ta’ Mejju 2011 li jestendi d-dazju anti-dumping definittiv impost mir-Regolament (KE) Nru 599/2009 fuq l-importazzjonijiet tal-bijodiżil li joriġinaw mill-Istati Uniti tal-Amerika għall-importazzjonijiet tal-bijodiżil ikkunsinnati mill-Kanada, kemm jekk iddikjarat li joriġinaw mill-Kanada, kif ukoll jekk le, u li jestendi d-dazju anti-dumping definittiv impost mir-Regolament (KE) Nru 599/2009 fuq l- importazzjonijiet tal-bijodiżil f’taħlita li fiha bil-piż 20 % jew inqas ta’ bijodiżil li joriġina mill-Istati Uniti tal-Amerika, u li jtemm l-investigazzjoni fir-rigward tal-importazzjonijiet ikkunsinnati minn Singapor (ĠU L 122, 11.5.2011, p. 12).
(8) Ir-Regolament ta’ Implimentazzjoni tal-Kummissjoni (UE) 2015/1518 tal-14 ta' Settembru 2015 li jimponi dazju anti-dumping definittiv fuq l-importazzjonijiet ta' bijodiżil li joriġinaw mill-Istati Uniti tal-Amerka wara rieżami ta' skadenza skont l-Artikolu 11(2) tar-Regolament tal-Kunsill (KE) Nru 1225/2009 (ĠU L 239, 15.9.2015, p. 69).