(1)

L-Anness III tar-Regolament (KE) Nru 853/2004 tal-Parlament Ewropew u tal-Kunsill jistabbilixxi ċerti regoli speċifiċi ta’ iġjene għall-ikel li joriġina mill-annimali għall-operaturi tan-negozju fl-ikel.

(2)

It-tames huwa kumpless ta’ enzimi li jintużaw għall-produzzjoni ta’ ċerti ġobnijiet. Dan jinġabar mill-istonkijiet tal-frieħ tar-ruminanti. Abbażi tal-esperjenza miksuba mill-operaturi tan-negozju fl-ikel, ir-rekwiżiti speċifiċi tal-iġjene fuq l-istonkijiet għall-produzzjoni tat-tames, stipulati fil-punt 18(a) tal-Kapitolu IV tas-Sezzjoni I tal-Anness III tar-Regolament (KE) Nru 853/2004, jenħtieġ li jiġu emendati sabiex isir l-aħjar użu mill-ġbir tat-tames minn nagħaġ u minn mogħoż ta’ età żgħira. B’mod partikolari, huwa xieraq li tali stonkijiet jitħallew jitilqu mill-biċċerija mingħajr ma jitbattlu jew jitnaddfu.

(3)

L-iżviluppi teknoloġiċi rriżultaw f’domanda biex l-irjus u s-saqajn tal-ungulati domestiċi jitħallew jinstelħu jew jinstamtu u jitneħħilhom ix-xagħar barra l-biċċerija fi stabbilimenti approvati speċjalizzati għall-ipproċessar ulterjuri tal-ikel. Għalhekk, bħala konsegwenza prattika, jenħtieġ li l-irjus u s-saqajn tal-ungulati domestiċi jitħallew jiġu ttrasportati lejn dawn l-istabbilimenti f’ċerti kundizzjonijiet li jiżguraw is-sikurezza alimentari. Għalhekk, jenħtieġ li l-punt 18(c) tal-Kapitolu IV tas-Sezzjoni I tal-Anness III tar-Regolament (KE) Nru 853/2004 jiġi emendat.

(4)

F’konformità mal-Artikolu 4 tar-Regolament Delegat tal-Kummissjoni (UE) 2019/624 (2), il-veterinarju uffiċjali jista’ jwettaq spezzjoni ante-mortem barra mill-biċċerija fil-każ ta’ qtil b’emerġenza ta’ ungulati domestiċi. Il-punt 2 tal-Kapitolu VI tas-Sezzjoni I tal-Anness III tar-Regolament (KE) Nru 853/2004 jirrikjedi li veterinarju jwettaq spezzjoni ante-mortem fil-każ ta’ qtil b’emerġenza. Jenħtieġ li dak ir-rekwiżit jiġi emendat sabiex ikun konsistenti ma’ dak l-Artikolu 4 tar-Regolament Delegat (UE) 2019/624 u minflok jirreferi għall-veterinarju uffiċjali.

(5)

It-titjib tat-trattament xieraq tal-annimali huwa waħda mill-azzjonijiet proposti fl-Istrateġija tal-Kummissjoni “Mill-Għalqa sal-Platt” (3) għal sistema tal-ikel ġusta, tajba għas-saħħa u favur l-ambjent, bħala parti mill-Patt Ekoloġiku Ewropew. B’mod partikolari, hemm bidla fix-xejriet tal-konsum tal-laħam b’domanda dejjem tikber mill-Parlament Ewropew, mill-bdiewa u mill-konsumaturi, li jiġi awtorizzat il-qtil ta’ ċerti ungulati domestiċi fl-azjenda li minnha jkunu ġejjin sabiex jiġi evitat tħassib possibbli dwar it-trattament xieraq tal-annimali waqt il-ġbir u t-trasport tagħhom.

(6)

Minbarra l-qtil b’emerġenza, l-ungulati domestiċi huma meħtieġa li jinqatlu f’biċċerija approvata skont l-Artikolu 4(2) tar-Regolament (KE) Nru 853/2004 biex tiġi żgurata l-konformità mar-rekwiżiti tal-iġjene stipulati fil-Kapitoli II u IV tas-Sezzjoni I tal-Anness III ta’ dak ir-Regolament. L-awtoritajiet kompetenti tal-Istati Membri jistgħu japprovaw biċċeriji mobbli skont dak l-Artikolu. Dawn il-faċilitajiet mobbli jistgħu jitqiegħdu fil-postijiet xierqa kollha, inklużi l-azjendi agrikoli, fejn jistgħu jinqatlu gruppi ta’ annimali b’saħħithom. F’ċirkostanzi oħrajn, it-trasport ta’ ċerti annimali jista’ joħloq riskju għal min jimmaniġġahom jew għat-trattament xieraq tal-annimali. Għalhekk, jenħtieġ li l-qtil u l-iżvinar ikunu permessi fl-azjenda li minnha jkunu ġejjin għal għadd limitat ta’ annimali bovini u porċini domestiċi u solipedi domestiċi. Tali prattika jenħtieġ li tkun soġġetta għal kundizzjonijiet stretti biex jinżamm livell għoli ta’ sikurezza alimentari tal-laħam derivat minn tali annimal.

(7)

Jenħtieġ li l-annimali bovini u porċini domestiċi u s-solipedi domestiċi maqtula fl-azjenda li minnha jkunu ġejjin jkunu akkumpanjati minn ċertifikat uffiċjali, li jiddikjara li r-rekwiżiti tal-iġjene għall-qtil jkunu ġew imħarsa. Tali ċertifikat uffiċjali huwa previst fir-Regolament ta’ Implimentazzjoni tal-Kummissjoni (UE) 2020/2235 (4).

(8)

Fis-27 ta’ Settembru 2018, l-Awtorità Ewropea dwar is-Sigurtà fl-Ikel (EFSA) adottat it-tieni opinjoni xjentifika dwar l-approċċi tal-analiżi tal-perikli għal ċerti stabbilimenti tal-bejgħ bl-imnut żgħar u donazzjonijiet tal-ikel (5). Dik l-Opinjoni tirrakkomanda l-iffriżar fil-livell tal-bejgħ bl-imnut bħala għodda addizzjonali biex tiġi ggarantita r-ridistribuzzjoni sikura tal-ikel lil dawk fil-bżonn. Il-faċilitazzjoni ta’ prattiki ta’ donazzjoni tal-ikel mingħajr periklu tipprevjeni l-ħela tal-ikel u tikkontribwixxi għas-sigurtà alimentari, skont l-objettivi stipulati fl-istrateġija tal-Kummissjoni “Mill-Għalqa sal-Platt” u l-għan ġenerali tagħha li tistabbilixxi sistema tal-ikel ġusta, tajba għas-saħħa u favur l-ambjent, bħala parti mill-Patt Ekoloġiku Ewropew. L-iffriżar tal-ikel jista’ jkun mezz importanti biex tiġi żgurata r-ridistribuzzjoni sikura tiegħu mill-banek tal-ikel u minn organizzazzjonijiet tal-karità oħrajn. L-iffriżar tal-laħam bħalissa mhuwiex permess fil-każ ta’ attività bejn il-bejjiegħa bl-imnut, minħabba li l-laħam maħsub għall-friża huwa meħtieġ li jiġi ffriżat mingħajr dewmien żejjed wara l-qtil jew it-tqattigħ f’konformità mal-punt 4 tal-Kapitolu VII tas-Sezzjoni I tal-Anness III tar-Regolament (KE) Nru 853/2004, fir-rigward tal-annimali domestiċi u mal-punt 5 tal-Kapitolu V tas-Sezzjoni II ta’ dak l-Anness fir-rigward tal-pollam u l-lagomorfi. Għalhekk, jenħtieġ li l-iffriżar tal-laħam ikun permess fil-każ ta’ attività bejn il-bejjiegħa bl-imnut f’ċerti kundizzjonijiet biex tkun żgurata d-distribuzzjoni sikura għad-donazzjonijiet tal-ikel.

(9)

Ir-Regolament (KE) Nru 854/2004 tal-Parlament Ewropew u tal-Kunsill (6) iddefinixxa “veterinarju approvat”. Ir-Regolament (UE) 2017/625 tal-Parlament Ewropew u tal-Kunsill (7) ħassar ir-Regolament (KE) Nru 854/2004 u ddefinixxa “veterinarju uffiċjali”. Billi d-definizzjoni ta’ “veterinarju uffiċjali” fir-Regolament (UE) 2017/625 tinkludi “veterinarju approvat”, jenħtieġ li r-referenzi għal “veterinarju approvat” fl-Anness III tar-Regolament (KE) Nru 853/2004 jiġu emendati biex jirreferu minflok għal “veterinarju uffiċjali”

(10)

Ir-rekwiżiti speċifiċi tal-iġjene għall-produzzjoni u t-tqegħid fis-suq ta’ laħam minn mammali tal-kaċċa taż-żewġ imrobbija stipulati fis-Sezzjoni III tal-Anness III tar-Regolament (KE) Nru 853/2004 japplikaw biss għal-laħam minn Cervidae jew Suidae. Jenħtieġ li japplikaw ukoll rekwiżiti simili għal-laħam minn mammali tal-kaċċa taż-żewġ imrobbija, bħal-lama, sabiex jiġi evitat riskju possibbli għas-sikurezza alimentari minn bidliet fix-xejriet tal-konsum minħabba żieda fil-konsum ta’ tali laħam.

(11)

L-iġsma u l-vixxri tal-kaċċa selvaġġa kkaċċjata jistgħu jiġu ttrasportati lejn ċentru tal-ġbir u maħżuna fih qabel ma jiġu ttrasportati lejn stabbiliment li jipproċessa l-kaċċa. Jenħtieġ li jiġu introdotti regoli speċifiċi tal-iġjene dwar l-immaniġġjar u l-ħażna ta’ dawn l-iġsma u l-vixxri f’tali ċentri tal-ġbir sabiex tiġi żgurata s-sikurezza alimentari ta’ dak il-laħam billi jiġu emendati r-rekwiżiti tal-iġjene għall-kaċċa selvaġġa stipulati fis-Sezzjoni IV tal-Anness III tar-Regolament (KE) Nru 853/2004.

(12)

Il-kaċċa selvaġġa jeħtieġ li tiġi ttrasportata mill-aktar fis possibbli lejn stabbiliment li jipproċessa l-kaċċa wara eżami minn persuna mħarrġa f’konformità mal-punt 3 tal-Kapitolu II tas-Sezzjoni IV tal-Anness III tar-Regolament (KE) Nru 853/2004 fir-rigward ta’ kaċċa selvaġġa kbira u mal-punt 3 tal-Kapitolu III ta’ dik is-Sezzjoni fir-rigward ta’ kaċċa selvaġġa żgħira sabiex it-tkessiħ ikun jista’ jsir fi żmien raġonevoli wara l-qtil. Jenħtieġ li dak ir-rekwiżit japplika wkoll għall-kaċċa selvaġġa fejn ma jkun sar l-ebda eżami.

(13)

Il-punt 3 tal-Kapitolu I tas-Sezzjoni VII tal-Anness III tar-Regolament (KE) Nru 853/2004 jistabbilixxi li kull meta operatur tan-negozju fl-ikel jittrasporta lott ta’ molluski bivalvi ħajjin minn stabbiliment għall-ieħor, il-lott jeħtieġ li jkun akkumpanjat minn dokument ta’ reġistrazzjoni. Sabiex tiġi armonizzata l-informazzjoni meħtieġa mill-punt 4 tal-Kapitolu I tas-Sezzjoni VII tal-Anness III tar-Regolament (KE) Nru 853/2004, jenħtieġ li jiġi stabbilit mudell komuni tad-dokument ta’ reġistrazzjoni għall-moviment tal-molluski bivalvi ħajjin minn stabbilimenti għall-ieħor. Barra minn hekk, hija prattika komuni li l-lottijiet tal-molluski bivalvi jistgħu jintbagħtu wkoll lill-operaturi intermedjarji, għalhekk, jenħtieġ li d-dokument ta’ reġistrazzjoni jinkludi wkoll din il-possibbiltà.

(14)

F’konformità mal-punt 1 tal-Parti A tal-Kapitolu IV tas-Sezzjoni VII tal-Anness III tar-Regolament (KE) Nru 853/2004, il-molluski bivalvi ħajjin għandhom jinħaslu b’ilma nadif, biex jitnaddfu mit-tajn u fdalijiet akkumulati qabel ma tibda t-tisfija. Madankollu, sabiex jiġi ffrankat l-ilma, jenħtieġ li l-ħasil ta’ molluski bivalvi nodfa ma jkunx obbligatorju. Jenħtieġ li l-punt 1 tal-Parti A tal-Kapitolu IV tas-Sezzjoni VII jiġi mmodifikat kif xieraq.

(15)

Molluski bivalvi ħajjin imqiegħda fis-suq ma jistax ikun fihom bijotossini marini li jeċċedu l-limiti stabbiliti fil-punt 2 tal-Kapitolu V tas-Sezzjoni VII tal-Anness III tar-Regolament (KE) Nru 853/2004. L-EFSA kkonkludiet fl-Opinjoni tagħha “Marine biotoxins in shellfish – Pectenotoxin group” (8) li ma hemmx rapporti ta’ effetti avversi fil-bnedmin assoċjati ma’ tossini tal-grupp ta’ Pektenotossini (PTX). Barra minn hekk, il-PTX fil-frott tal-baħar bil-qoxra dejjem ikunu akkumpanjati minn tossini mill-grupp tal-aċidu Okadajku. Għalhekk, huwa xieraq li titħassar ir-referenza għal PTX mill-punt 2(c) tal-Kapitolu V tas-Sezzjoni VII tal-Anness III tar-Regolament (KE) Nru 853/2004.

(16)

L-Artikolu 11 tar-Regolament Delegat 2019/624 jistabbilixxi li l-klassifikazzjoni taż-żoni ta’ produzzjoni u fejn jinżammu l-molluski mhix meħtieġa b’rabta mal-ġbir ta’ holothuroidea meta l-awtoritajiet kompetenti jwettqu kontrolli uffiċjali fuq tali annimali fi rkanti tal-ħut, ċentri ta’ spedizzjoni u stabbilimenti tal-ipproċessar. Jenħtieġ li l-Kapitolu IX tas-Sezzjoni VII tal-Anness III tar-Regolament (KE) Nru 853/2004 jiġi emendat sabiex jippermetti l-ġbir ta’ Holothuroidea barra l-arji ta’ produzzjoni u ta’ riposizzjoni kklassifikati.

(17)

Jenħtieġ li l-bastimenti jiġu ddisinjati u mibnija b’tali mod li ma jikkawżawx kontaminazzjoni tal-prodotti tas-sajd b’ilma tas-sentina, drenaġġ, duħħan, karburant, żejt, grass jew sustanzi oħrajn ta’ ħsara. Barra minn hekk, jenħtieġ li l-istivi, it-tankijiet jew il-kontenituri użati għall-ħażna, għat-tkessiħ jew għall-iffriżar tal-prodotti tas-sajd ma jintużawx għal skopijiet oħrajn għajr għall-ħażna tal-prodotti tas-sajd. Jenħtieġ li l-bastimenti friża u l-bastimenti reefer ikunu mgħammra b’tagħmir ta’ ffriżar b’kapaċità suffiċjenti biex jiffriżaw kemm jista’ jkun malajr fi proċess kontinwu u b’perjodu ta’ waqfien termali kemm jista’ jkun qasir, sabiex tinkiseb temperatura tal-qalba ta’ mhux aktar minn -18 °C. Jenħtieġ li l-istivi tal-ħażna ma jintużawx għall-iffriżar tal-prodotti. Jenħtieġ li l-istess rekwiżiti għat-tagħmir tal-iffriżar u tal-ħażna japplikaw ukoll għall-imħażen tal-friża fuq l-art. Għalhekk, jenħtieġ li l-parti I tal-Kapitolu I u l-parti B tal-Kapitolu III tas-Sezzjoni VIII tal-Anness III tar-Regolament (KE) Nru 853/2004 jiġu emendati kif xieraq.

(18)

Wara frodi reċenti fir-rigward ta’ tonn inizjalment iffriżat fis-salmura f’temperatura ta’ -9 °C u destinat għall-industrija tal-ikel ippreżervat fil-laned, iżda ddevjat biex jiġi kkonsmat bħala prodotti tas-sajd friski, huwa xieraq li jiġi ċċarat fil-punt 7 tal-Parti II tal-Kapitolu I tas-Sezzjoni VIII tal-Anness III tar-Regolament (KE) Nru 853/2004 li prodotti tas-sajd sħaħ inizjalment iffriżati fis-salmura f’temperatura ta’ -9 °C u destinati għall-industrija tal-ikel ippreżervat fil-laned, anki jekk iffriżati ulterjorment f’temperatura ta’ -18 °C, ma għandux ikollhom destinazzjoni differenti mill-industrija tal-ikel ippreżervat fil-laned.

(19)

Il-fwied u l-bajd ta’ prodotti tas-sajd maħsuba għall-konsum mill-bniedem iridu jiġu ppreservati fis-silġ, f’temperatura qrib dik tas-silġ li qed idub, jew jiġu ffriżati. Huwa xieraq li jkun permess li l-fwied u l-bajd jinżammu wkoll fil-friġġ f’kundizzjonijiet differenti minn dawk fis-silġ, f’temperatura qrib dik tas-silġ li qed idub. Għaldaqstant, jenħtieġ li l-punt 6 tal-Parti II tal-Kapitolu I tas-Sezzjoni VIII tal-Anness III tar-Regolament (KE) Nru 853/2004 jiġi emendat sabiex jippermetti li l-fwied u l-bajd tal-prodotti tas-sajd maħsuba għall-konsum mill-bniedem ikunu jistgħu jitkessħu wkoll mhux biss fis-silġ, iżda f’kundizzjonijiet differenti ta’ tkessiħ.

(20)

Huwa xieraq li f’kontenituri użati għall-ispedizzjoni jew għall-ħażna ta’ prodotti tas-sajd friski mħejjija u mhux ippakkjati maħżuna fis-silġ, jenħtieġ li l-ilma li jinħall ma jibqax f’kuntatt ma’ kwalunkwe prodott tas-sajd. Huwa importanti, għal raġunijiet ta’ iġjene, li jiġi ċċarat li l-ilma li jinħall mhux biss jenħtieġ li ma jibqax f’kuntatt ma’ prodotti tas-sajd, iżda jenħtieġ li jitbattal. Għaldaqstant, jenħtieġ li l-punt 4 tal-Parti A tal-Kapitolu III tas-Sezzjoni VIII tal-Anness III tar-Regolament (KE) Nru 853/2004 jiġi emendat sabiex jiġi ċċarat li l-ilma li jinħall mhux biss jenħtieġ li ma jibqax f’kuntatt ma’ prodotti tas-sajd, iżda jenħtieġ li jitbattal.

(21)

Ir-regoli speċifiċi tal-iġjene dwar il-koxox taż-żrinġijiet stipulati fis-Sezzjoni XI tal-Anness III tar-Regolament (KE) Nru 853/2004 japplikaw biss għall-koxox taż-żrinġijiet tal-ispeċi RNA (il-familja Ranidae) f’konformità mad-definizzjoni tal-koxox taż-żrinġijiet stipulata fil-punt 6.1 tal-Anness I ta’ dak ir-Regolament. Ir-regoli speċifiċi tal-iġjene għall-bebbux f’dik is-Sezzjoni japplikaw biss għall-gasteropodi terrestri tal-ispeċijiet Helix pomatia Linné, Helix aspersa Muller, Helix lucorum u tal-ispeċijiet tal-familja Achatinidae f’konformità mad-definizzjoni tal-bebbux stipulata fil-punt 6.2 tal-Anness I tar-Regolament (KE) Nru 853/2004. Minħabba l-bidliet fid-drawwiet tal-ikel, il-koxox taż-żrinġijiet u l-bebbux ta’ speċijiet oħrajn huma wkoll prodotti u mqiegħda fis-suq għall-konsum mill-bniedem. Għalhekk, jenħtieġ li r-regoli speċifiċi tal-iġjene jiġu estiżi biex ikopru dawk l-ispeċijiet biex tiġi żgurata s-sikurezza tal-ikel idderivat minn dawn l-ispeċijiet.

(22)

Is-Sezzjoni XII tal-Anness III tar-Regolament (KE) Nru 853/2004 tistabbilixxi r-rekwiżiti speċifiċi tat-temperatura għall-ħażna tal-qrieqeċ maħsuba għall-konsum mill-bniedem. L-iżviluppi teknoloġiċi ppermettew ċerti tekniki tal-imballaġġ, bħall-imballaġġ fil-vakwu, li għalihom, ir-rekwiżiti speċifiċi tat-temperatura mhumiex meħtieġa biex tiġi żgurata s-sikurezza tal-ikel idderivat mill-qrieqeċ. Għalhekk, jenħtieġ li dawk il-kundizzjonijiet tat-temperatura jitħassru, filwaqt li jenħtieġ li l-operatur tan-negozju fl-ikel jiżgura s-sikurezza tal-ikel idderivat mill-qrieqeċ permezz ta’ prattiki u proċeduri tal-iġjene tajba bbażati fuq il-prinċipji tal-Analiżi tal-Perikli u Punti Kritiċi ta’ Kontroll (HACCP) f’konformità mal-Artikolu 5 tar-Regolament (KE) Nru 852/2004 tal-Parlament Ewropew u tal-Kunsill (9).

(23)

Għalhekk, jenħtieġ li l-Anness III tar-Regolament (KE) Nru 853/2004 jiġi emendat kif xieraq,

(1)

Ir-Regolament Delegat tal-Kummissjoni (UE) 2019/33 (2), li ssostitwixxa u ħassar ir-Regolament tal-Kummissjoni (KE) Nru 607/2009 (3), jistabbilixxi regoli li jissupplimentaw ir-Regolament (UE) Nru 1308/2013 fir-rigward tal-protezzjoni, tat-tħassir u tal-modifika ta’ termini tradizzjonali.

(2)

L-Artikolu 34 tar-Regolament Delegat (UE) 2019/33 jistabbilixxi li l-modifika ta’ terminu tradizzjonali rreġistrat jista’ jikkonċerna biss l-elementi msemmija fil-punti (b), (c) u (d) tal-Artikolu 26(1) ta’ dak ir-Regolament, li jirreferu rispettivament għat-tip ta’ terminu tradizzjonali, għal-lingwa li fiha t-terminu tradizzjonali huwa espress u l-kategorija ta’ prodotti tad-dwieli kkonċernata mill-użu tiegħu.

(3)

Madankollu, l-Artikolu 42a tar-Regolament (KE) Nru 607/2009 ippreveda lista itwal ta’ modifiki possibbli. B’mod partikolari, inkluda l-possibilità li jiġi modifikat it-terminu tradizzjonali nnifsu, il-lingwa li biha t-terminu tradizzjonali huwa indikat, l-inbid jew l-inbejjed ikkonċernati u s-sommarju tad-definizzjoni jew il-kundizzjonijiet tal-użu tat-terminu tradizzjonali. Għaldaqstant, il-possibilitajiet tal-modifika skont ir-Regolament (KE) Nru 607/2009 kienu aktar wiesgħa u ppermettew lill-produtturi tal-inbid biex jestendu jew jillimitaw, pereżempju, il-lista tal-inbejjed b’denominazzjoni ta’ oriġini protetta jew indikazzjoni ġeografika protetta li kienu awtorizzati biex jużaw terminu tradizzjonali jew biex jemendaw il-kundizzjonijiet għall-użu ta’ terminu tradizzjonali, inklużi l-metodi ta’ produzzjoni tal-inbejjed ikkonċernati.

(4)

Id-dispożizzjonijiet tar-Regolament Delegat (UE) 2019/33 fir-rigward ta’ termini tradizzjonali ġew abbozzati bl-intenzjoni li tiġi żgurata l-kontinwità tal-qafas komuni relatata mat-termini tradizzjonali li ġew stabbiliti skont ir-Regolament (KE) Nru 607/2009, filwaqt li jkomplu u jiċċaraw il-proċeduri eżistenti kull meta jkun meħtieġ. L-Artikolu 34 tar-Regolament Delegat (UE) 2019/33 jagħmel referenzi diretti għall-elementi ta’ formola ta’ applikazzjoni kkompletati kif xieraq, kif stabbilit fl-Artikolu 26(1) ta’ dan ir-Regolament. Madankollu, minħabba ommissjoni involontarja, il-punt (a) tal-Artikolu 26(1), li jirreferi għall-isem tat-terminu tradizzjonali kkonċernat, il-punt (e) tal-Artikolu 26(1), li jirreferi għas-sommarju tad-definizzjoni u l-kundizzjonijiet tal-użu u l-punt (f) tal-Artikolu 26(1), li jirreferi għad-denominazzjonijiet ta’ oriġini protetti jew għall-indikazzjonijiet ġeografiċi protetti kkonċernati, ma kinux imsemmija fil-lista stabbilita fl-Artikolu 34, minkejja li dawn l-elementi kienu inklużi fl-Artikolu 42a tar-Regolament (KE) Nru 607/2009. Dan għandu l-konsegwenza mhux intenzjonata li l-possibilitajiet għall-modifika ta’ terminu tradizzjonali jkunu ristretti għall-modifika tat-tip ta’ terminu tradizzjonali, il-lingwa u l-kategorija ta’ prodotti ta’ dwieli kkonċernati.

(5)

F’termini prattiċi, il-formulazzjoni attwali tal-ewwel paragrafu tal-Artikolu 34 ixekkel il-possibilità li jiġi estiż l-użu ta’ terminu tradizzjonali għal denominazzjonijiet ta’ oriġini protetti jew ta’ indikazzjonijiet ġeografiċi protetti ġodda jew li jiġu esklużi mil-lista tal-inbejjed awtorizzati biex jużaw terminu tradizzjonali ta’ dawk li ma għadhomx konformi mal-kundizzjonijiet tal-użu tiegħu. Barra minn hekk, ma tippermettix, pereżempju, l-adattament tal-metodi ta’ produzzjoni msemmija fl-ispeċifikazzjonijiet ta’ terminu tradizzjonali f’każ li dawk il-metodi jevolvu minħabba l-kundizzjonijiet ambjentali jew klimatiċi li qed jinbidlu.

(6)

Sabiex tiġi kkoreġuta din l-ommissjoni mhux intenzjonata u biex tiġi rkuprata l-flessibilità mogħtija lid-detenturi ta’ termini tradizzjonali skont ir-Regolament (KE) Nru 607/2009, il-lista ta’ modifiki possibbli ta’ terminu tradizzjonali rreġistrat imsemmija fl-ewwel paragrafu tal-Artikolu 34 tar-Regolament Delegat (UE) 2019/33 jenħtieġ li jiġi estiż biex jinkludi l-elementi msemmija fil-punti (a), (e) u (f) tal-Artikolu 26(1) ta’ dan ir-Regolament.

(7)

Għalhekk, jenħtieġ li r-Regolament Delegat (UE) 2019/33 jiġi emendat skont dan.

(8)

Għal raġunijiet ta’ ċarezza legali u sabiex jiġi żgurat trattament indaqs tal-applikazzjonijiet kollha għall-modifika ta’ terminu tradizzjonali rreġistrat, jenħtieġ li dan ir-Regolament japplika b’mod retroattiv mill-14 ta’ Jannar 2019,

(1)

Ir-Regolament tal-Kunsill (UE) 2021/92 (2) jistabbilixxi l-kwoti għall-2021.

(2)

Skont l-informazzjoni li rċeviet il-Kummissjoni, il-qabdiet tal-istokk tar-redfish fiż-żona 3M tan-NAFO mill-bastimenti li jtajru l-bandiera ta’ Stat Membru tal-Unjoni Ewropea jew li huma rreġistrati fih, eżawrew il-kwota allokata għall-2021.

(3)

Għalhekk, jeħtieġ li jiġu pprojbiti l-attivitajiet tas-sajd għal dak l-istokk,

(1)

Ir-Regolament (UE) 2015/2283 jipprevedi li huwa biss ikel ġdid awtorizzat u inkluż fil-lista tal-Unjoni li jista’ jitqiegħed fis-suq fl-Unjoni

(2)

Skont l-Artikolu 8 tar-Regolament (UE) 2015/2283, ġie adottat ir-Regolament ta’ Implimentazzjoni tal-Kummissjoni (UE) 2017/2470 (2) li jistabbilixxi lista tal-Unjoni ta’ ikel ġdid awtorizzat.

(3)

Skont l-Artikolu 12 tar-Regolament (UE) 2015/2283, il-Kummissjoni trid tiddeċiedi dwar l-awtorizzazzjoni u t-tqegħid ta’ ikel ġdid fis-suq tal-Unjoni u dwar l-aġġornament tal-lista tal-Unjoni.

(4)

L-ikel ġdid “oleoreżina li fiha ħafna astaksantina mill-algi Haematococcus pluvialis” ġie awtorizzat skont l-Artikolu 5 tar-Regolament (KE) Nru 258/97 tal-Parlament Ewropew u tal-Kunsill (3) għall-użu f’supplimenti tal-ikel maħsuba għall-popolazzjoni ġenerali, kif definit fid-Direttiva 2002/46/KE tal-Parlament Ewropew u tal-Kunsill (4). Il-livelli massimi awtorizzati tal-oleoreżina li fiha ħafna astaksantina mill-algi Haematococcus pluvialis għall-popolazzjoni ġenerali, bħalissa qiegħda 40-80 mg kuljum ta’ oleoreżina, li tirriżulta f’ ≤ 8,0 mg ta’ astaksantina kuljum.

(5)

Fiż-żmien li ġiet stabbilita l-lista tal-Unjoni tal-ikel ġdid awtorizzat fl-2017, il-Kummissjoni kkunsidrat li abbażi taż-żewġ opinjonijiet (5) , (6)preċedenti tal-2014 tal-Awtorità Ewropea dwar is-Sigurtà fl-Ikel (“l-Awtorità’”), waħda dwar l-użu tal-astaksantina fl-addittivi fl-għalf kif iddefinit fir-Regolament (KE) Nru 1831/2003 tal-Parlament Ewropew u tal-Kunsill (7) dwar l-addittivi fl-għalf għan-nutrizzjoni tal-annimali, li stabbiliet Doża Aċċettabbli ta’ Kuljum (“ADI”) ta’ 0,034 mg/kg ta’ piż tal-ġisem kuljum għall-astaksantina, u waħda fuq is-sikurezza tal-astaksantina bħala ingredjent ġdid tal-ikel, id-doża tal-astaksantina mis-supplimenti tal-ikel li jkun fihom il-livelli tal-użu awtorizzat massimu sa 8,0 mg kuljum li jista’ jeċċedi l-ADI u ma jkunx f’konformità mal-kundizzjonijiet stabbiliti fl-Artikolu 7 tar-Regolament (UE) 2015/2283. Il-Kummissjoni kkunsidrat li l-lista tal-Unjoni jenħtieġ li tiġi emendata biex jiġu aġġustati l-livelli awtorizzati ta’ astaksantina fid-dawl tal-opinjonijiet tal-Awtorità tal-2014.

(6)

Il-Kummissjoni saret taf ukoll b’evidenza xjentifika ġdida fl-2017, li ġiet sottomessa minn operaturi tan-negozju waqt il-konsultazzjoni pubblika tal-abbozz tar-Regolament ta’ Implimentazzjoni li jistabbilixxi l-lista tal-Unjoni ta’ ikel ġdid awtorizzat, li tindika ADI konsiderevolment ogħla għall-astaksantina minn dik stabbilita preċedentement mill-Awtorità. Barra minn hekk, l-evidenza li ġiet sottomessa waqt l-istess konsultazzjoni pubblika wriet li mid-dieta normali diġà kienet teżisti doża konsiderevoli ta’ astaksantina peress li hija preżenti b’mod naturali f’ċerti ħut u krustaċji.

(7)

Fis-27 ta’ Frar 2018, il-Kummissjoni, f’konformità mal-Artikolu 29(1) tar-Regolament (KE) Nru 178/2002 tal-Parlament Ewropew u tal-Kunsill (8), talbet lill- Awtorità tagħti opinjoni dwar is-sikurezza tal-astaksantina meta użata bħala ikel ġdid fis-supplimenti tal-ikel f’livelli sa 8,0 mg/kuljum, filwaqt li titqies id-doża kumulattiva b’mod kumplessiv tal-astaksantina mis-sorsi kollha tal-ikel.

(8)

Fit-18 ta’ Diċembru 2019, l-Awtorità adottat l-opinjoni xjentifika tagħha dwar “Safety of astaxanthin for its use as a novel food in food supplements” (9).

(9)

Fl-opinjoni xjentifika tagħha, l-Awtorità kkonkludiet li abbażi tal-evidenza l-ġdida, l-ADI għall-astaksantina hija ta’ 0,2 mg/kg ta’ piż tal-ġisem kuljum. Meta jitqiesu l-ADI għall-astaksantina u d-doża ta’ astaksantina mid-dieta normali, l-Awtorità kkonkludiet li d-doża tal-livelli awtorizzati massimi bħalissa sa 8,0 mg/fil-ġurnata ta’ astaksantina mis-supplimenti tal-ikel li fihom l-oleoreżina li fiha ħafna astaksantina mill-algi Haematococcus pluvialis hija sikura għall-adulti u għall-adoloxxenti li għandhom aktar minn 14-il sena.

(10)

Jenħtieġ li jiġu stabbiliti denominazzjoni ċara u rekwiżit tat-tikettar għall-ikel ġdid għas-supplimenti tal-ikel li fihom l-oleoreżina li fiha ħafna astaksantina mill-algi Haematococcus pluvialis sabiex jiġi żgurat li dawk is-supplimenti tal-ikel ma jiġux ikkonsmati mit-tfal u l-adoloxxenti li għandhom inqas minn 14-il sena.

(11)

Għaldaqstant jenħtieġ li l-Anness tar-Regolament ta’ Implimentazzjoni (UE) 2017/2470 jiġi emendat skont dan.

(12)

Jidher li l-evidenza mis-suq tindika li għalkemm is-supplimenti tal-ikel li fihom ≤ 8,0 mg astaksantina bħalissa huma awtorizzati għall-popolazzjoni ġenerali, fil-prattika dawn ma jintużawx mit-tfal u mill-adoloxxenti iżda huma użati kważi esklussivament mill-popolazzjoni adulta. Sabiex jiġi limitat il-piż amministrattiv u sabiex l-operaturi tan-negozju jingħataw biżżejjed ħin biex jaġġustaw il-prattiki tagħhom biex jikkonformaw mar-rekwiżiti ta’ dan ir-Regolament, jenħtieġ li jiġu stabbiliti perjodi ta’ tranżizzjoni biex ikopru s-supplimenti tal-ikel li fihom ≤ 8,0 mg astaksantina li tqiegħdu fis-suq jew intbagħtu minn pajjiżi terzi fl-Unjoni u li huma maħsuba għall-popolazzjoni ġenerali, qabel id-data tad-dħul fis-seħħ ta’ dan ir-Regolament. Jenħtieġ li dawk il-miżuri ta’ tranżizzjoni jqisu s-sikurezza tal-konsumaturi billi jipprovdulhom l-informazzjoni dwar l-użu xieraq f’konformità mar-rekwiżiti ta’ dan ir-Regolament.

(13)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

F’konformità mal-Artikolu 45(1)(b)(i) tar-Regolament (UE) 2018/848, prodott jista’ jiġi importat minn pajjiż terz għall-finijiet tat-tqegħid fis-suq ta’ dak il-prodott fl-Unjoni, bħala prodott organiku jew bħala prodott fil-fażi ta’ konverżjoni, jekk l-operaturi u l-gruppi ta’ operaturi, inkluż l-esportaturi fil-pajjiż terz ikkonċernat, kienu soġġetti għal kontrolli mill-awtoritajiet ta’ kontroll jew il-korpi ta’ kontroll rikonoxxuti f’konformità mal-Artikolu 46 ta’ dak ir-Regolament, u dawk l-awtoritajiet jew korpi jkunu fornew lil dawn l-operaturi, il-gruppi ta’ operaturi u l-esportaturi kollha b’ċertifikat li jikkonferma li huma f’konformità mar-Regolament (UE) 2018/848.

(2)

Bil-għan li jingħata effett l-Artikolu 45(1)(b)(i) tar-Regolament (UE) 2018/848, jenħtieġ li l-kontenut taċ-ċertifikat imsemmi f’dik id-dispożizzjoni jiġi speċifikat, kif ukoll il-mezzi tekniċi li bihom għandu jinħareġ.

(3)

Barra minn hekk, għall-finijiet tal-Artikolu 45(1)(b)(i) tar-Regolament (UE) 2018/848, huwa xieraq li f’dan ir-Regolament tiġi stabbilita l-lista ta’ awtoritajiet ta’ kontroll u ta’ korpi ta’ kontroll rikonoxxuti li huma kompetenti jwettqu dawk il-kontrolli u joħorġu dak iċ-ċertifikat f’pajjiżi terzi.

(4)

Fl-interess taċ-ċarezza u taċ-ċertezza legali, jenħtieġ li dan ir-Regolament japplika mid-data tal-applikazzjoni tar-Regolament (UE) 2018/848.

(5)

Il-miżuri previsti f’dan ir-Regolament huma f’konformità mal-opinjoni tal-Kumitat għall-Produzzjoni Organika,

(1)

Id-Direttiva tal-Kummissjoni 2002/64/KE (2) inkludiet il-famoksadon bħala sustanza attiva fl-Anness I tad-Direttiva tal-Kunsill 91/414/KEE (3).

(2)

Is-sustanzi attivi inklużi fl-Anness I tad-Direttiva 91/414/KEE huma meqjusa bħala approvati taħt ir-Regolament (KE) Nru 1107/2009 u huma elenkati fil-Parti A tal-Anness tar-Regolament ta’ Implimentazzjoni tal-Kummissjoni (UE) Nru 540/2011 (4).

(3)

L-approvazzjoni tas-sustanza attiva famoksadon, kif stabbilita fil-Parti A tal-Anness tar-Regolament ta’ implimentazzjoni (UE) Nru 540/2011, tiskadi fit-30 ta’ Ġunju 2022.

(4)

L-applikazzjoni għat-tiġdid tal-approvazzjoni tal-famoksadon tressqet b’konformità mal-Artikolu 4 tar-Regolament ta’ Implimentazzjoni tal-Kummissjoni (UE) Nru 1141/2010 (5) fi żmien il-perjodu previst f’dak l-Artikolu.

(5)

L-applikant ressaq dossiers supplementari rikjesti b’konformità mal-Artikolu 9 tar-Regolament ta’ Implimentazzjoni (UE) Nru 1141/2010. L-Istat Membru relatur sab li l-applikazzjoni kienet kompluta.

(6)

Fil-15 ta’ Lulju 2014 l-Istat Membru relatur ħejja rapport ta’ valutazzjoni tat-tiġdid b’konsultazzjoni mal-Istat Membru korelatur u ressaqha lill-Awtorità Ewropea dwar is-Sigurtà fl-Ikel (“l-Awtorità”) u lill-Kummissjoni.

(7)

L-Awtorità kkomunikat ir-rapport ta’ valutazzjoni tat-tiġdid lill-applikant u lill-Istati Membri għall-kummenti u għaddiet il-kummenti li waslu lill-Kummissjoni. L-Awtorità għamlet ukoll is-sommarju tad-dossier supplementari disponibbli għall-pubbliku.

(8)

Fit-3 ta’ Lulju 2015, l-Awtorità kkomunikat lill-Kummissjoni l-konklużjoni tagħha (6) dwar jekk il-famoksadon hux mistenni li jissodisfa l-kriterji ta’ approvazzjoni previsti fl-Artikolu 4 tar-Regoalment (KE) Nru 1107/2009. L-Awtorità kkonkludiet li hemm potenzjal kbir għall-użi rappreżentattivi kollha vvalutati li jeċċedu l-livell aċċettabbli ta’ esponiment tal-operatur (“AOEL”) għall-ħaddiema matul il-ħsad bl-idejn tal-għelejjel anki bl-użu ta’ tagħmir protettiv personali (“PPE”). L-Awtorità kkonkludiet ukoll li hemm riskju għoli fit-tul għall-mammiferi u riskju għoli għall-organiżmi akkwatiċi mill-użu tal-famoksadon. Barra minn hekk, l-Awtorità ddikjarat li l-informazzjoni disponibbli mhix suffiċjenti biex tikkonkludi dwar il-valutazzjoni tar-riskju fit-tul fuq l-għasafar.

(9)

Il-Kummissjoni stiednet lill-applikant jissottometti l-kummenti tiegħu dwar il-konklużjoni tal-Awtorità u b’konformità mal-Artikolu 17(1) tar-Regolament ta’ Implimentazzjoni (UE) Nru 1141/2010, dwar l-abbozz tar-rapport ta’ rieżami. L-applikant issottometta l-kummenti tiegħu, li ġew eżaminati b’reqqa.

(10)

Madankollu, minkejja l-argumenti mressqa mill-applikant, it-tħassib relatat mas-sustanza ma setax jiġi eliminat.

(11)

B’konsegwenza ta’ dan, rigward l-użu rappreżentattiv wieħed jew aktar ta’ mill-inqas prodott wieħed tal-protezzjoni tal-pjanti, ma ġiex stabbilit li l-kriterji għall-approvazzjoni previsti fl-Artikolu 4 tar-Regolament (KE) Nru 1107/2009 huma ssodisfati. Għaldaqstant jixraq li l-approvazzjoni tas-sustanza attiva famoksadon ma tiġġeddidx f’konformità mal-Artikolu 20(1)(b) ta’ dak ir-Regolament.

(12)

Għaldaqstant, ir-Regolament ta’ Implimentazzjoni (UE) Nru 540/2011 jenħtieġ li jiġi emendat skont dan.

(13)

Jenħtieġ li l-Istati Membri jingħataw żmien biżżejjed biex jirtiraw l-awtorizzazzjonijiet tal-prodotti għall-protezzjoni tal-pjanti li fihom il-famoksadon.

(14)

Għall-prodotti għall-protezzjoni tal-pjanti li fihom il-famoksadon, meta jingħata xi perjodu ta’ grazzja mill-Istati Membri f’konformità mal-Artikolu 46 tar-Regolament (KE) Nru 1107/2009, jenħtieġ li dak il-perjodu jkun qasir kemm jista’ jkun u jiskadi sa mhux aktar tard minn 12-il xahar wara d-dħul fis-seħħ ta’ dan ir-Regolament.

(15)

Ir-Regolament ta’ Implimentazzjoni (UE) 2021/745 (7) estenda l-perjodu ta’ approvazzjoni tal-famoksadon għat-30 ta’ Ġunju 2022 sabiex jippermetti lill-proċess ta’ tiġdid li jintemm qabel ma jiskadi l-perjodu ta’ approvazzjoni ta’ dik is-sustanza attiva. Madankollu, b’kont meħud li d-deċiżjoni għat-tiġdid ittieħdet qabel id-data tal-iskadenza estiża, jenħtieġ li dan ir-Regolament jibda japplika qabel dik id-data.

(16)

Ir-Regolament ma jimpedixxix is-sottomissjoni ta’ applikazzjoni oħra għall-approvazzjoni tal-famoksadon skont l-Artikolu 7 tar-Regolament (KE) Nru 1107/2009.

(17)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

Ir-Regolament (UE) 2021/953 jistipula qafas għall-ħruġ, għall-verifika u għall-aċċettazzjoni ta’ ċertifikati COVID-19 interoperabbli tat-tilqim, tat-testijiet u tal-fejqan (“Ċertifikat COVID Diġitali tal-UE”) għall-fini tal-faċilitazzjoni tal-eżerċizzju mid-detenturi tad-dritt tagħhom għall-moviment liberu matul il-pandemija tal-COVID-19. Huwa għandu jikkontribwixxi wkoll għall-faċilitazzjoni tat-tneħħija gradwali tar-restrizzjonijiet għall-moviment liberu stabbiliti mill-Istati Membri, f’konformità mad-dritt tal-Unjoni, biex jiġi limitat it-tixrid tas-SARS-CoV-2, b’mod ikkoordinat.

(2)

Ir-Regolament (UE) 2021/953 jippermetti l-aċċettazzjoni taċ-ċertifikati COVID-19 maħruġa minn pajjiżi terzi liċ-ċittadini tal-Unjoni u lill-membri tal-familja tagħhom meta l-Kummissjoni ssib li dawn iċ-ċertifikati COVID-19 jinħarġu skont standards li jitqiesu bħala ekwivalenti għal dawk stabbiliti skont dak ir-Regolament. Barra minn hekk, f’konformità mar-Regolament (UE) 2021/954 tal-Parlament Ewropew u tal-Kunsill (2), l-Istati Membri jridu japplikaw ir-regoli stipulati fir-Regolament (UE) 2021/953 għal ċittadini ta’ pajjiżi terzi li ma jaqgħux fil-kamp ta’ applikazzjoni ta’ dak ir-Regolament, imma li jkunu qed joqogħdu jew jirresjedu legalment fit-territorju tagħhom u li huma intitolati jivvjaġġaw lejn Stati Membri oħra f’konformità mad-dritt tal-Unjoni. Għaldaqstant, kwalunkwe sejba ta’ ekwivalenza stabbilita f’din id-Deċiżjoni jenħtieġ li tapplika għaċ-ċertifikati tat-tilqim kontra l-COVID-19 maħruġa mill-Ukrajna liċ-ċittadini tal-Unjoni u lill-membri tal-familja tagħhom. B’mod simili, fuq il-bażi tar-Regolament (UE) 2021/954, tali sejbiet ta’ ekwivalenza japplikaw ukoll għaċ-ċertifikati tat-tilqim kontra l-COVID-19 maħruġa mill-Ukrajna għaċ-ċittadini ta’ pajjiżi terzi li jkunu qed joqogħdu jew jirrisjedu legalment fit-territorju tal-Istati Membri skont il-kundizzjonijiet stabbiliti f’dak ir-Regolament.

(3)

Fis-16 ta’ Lulju 2021, l-Ukrajna pprovdiet lill-Kummissjoni b’informazzjoni dettaljata dwar il-ħruġ ta’ ċertifikati interoperabbli tat-tilqim, tal-ittestjar u tal-irkupru tal-COVID-19 skont is-sistema bit-titolu “Portal Uniku tal-Istat tas-servizzi elettroniċi” (il-portal u l-applikazzjoni mobbli tad-Diia) l-Ukrajna infurmat lill-Kummissjoni li hija tqis li ċ-ċertifikati tagħha tal-COVID-19 qed jinħarġu f’konformità ma’ standard u sistema teknoloġika li huma interoperabbli mal-qafas ta’ fiduċja stabbilit bir-Regolament (UE) 2021/953 u li jippermettu l-verifika tal-awtentiċità, il-validità u l-integrità taċ-ċertifikati. F’dan ir-rigward, l-Ukrajna infurmat lill-Kummissjoni li ċ-ċertifikati tal-COVID-19 maħruġa mill-Ukrajna skont is-sistema tal-“Portal Uniku tal-Istat tas-servizzi elettroniċi” (il-portal u l-applikazzjoni mobbli tad-Diia) fihom id-data stabbilita fl-Anness tar-Regolament (UE) 2021/953.

(4)

Fl-4 ta’ Awwissu 2021, wara talba mill-Ukrajna, il-Kummissjoni wettqet testijiet tekniċi li wrew li ċ-ċertifikati tat-tilqim, tal-ittestjar u tal-irkupru tal-COVID-19 jinħarġu mill-Ukrajna skont sistema, il-“Portal Uniku tal-Istat tas-servizzi elettroniċi” (il-portal u l-applikazzjoni mobbli tad-Diia), li hija interoperabbli mal-qafas ta’ fiduċja stabbilit bir-Regolament (UE) 2021/953 u li tippermetti l-verifika tal-awtentiċità, il-validità u l-integrità tagħhom. Il-Kummissjoni kkonfermat ukoll li ċ-ċertifikati tat-tilqim, tal-ittestjar u tal-irkupru maħruġa mill-Ukrajna skont il-“Portal Uniku tal-Istat tas-servizzi elettroniċi (il-portal u l-applikazzjoni mobbli tad-Diia) fihom id-data meħtieġa.

(5)

Minbarra dan, l-Ukrajna infurmat lill-Kummissjoni li se toħroġ ċertifikati tat-tilqim interoperabbli għall-vaċċini kontra l-COVID-19. Bħalissa dawn jinkludu Vaxzevria, Comirnaty, Spikevax, COVID-19 Vaccine Janssen, CoronaVac-COVID-19 Vaccine (Vero Cell) Inactivated, Covishield, u NVX-CoV2373.

(6)

L-Ukrajna infurmat ukoll lill-Kummissjoni li se toħroġ ċertifikati tat-testijiet interoperabbli biss għat-testijiet tal-amplifikazzjoni tal-aċidu nuklejku jew għat-testijiet rapidi tal-antiġeni elenkati fil-lista komuni u aġġornata tat-testijiet rapidi tal-antiġeni tal-COVID-19 maqbula mill-Kumitat għas-Sigurtà tas-Saħħa, stabbilit bl-Artikolu 17 tad-Deċiżjoni Nru 1082/2013/UE tal-Parlament Ewropew u tal-Kunsill (3), abbażi tar-Rakkomandazzjoni tal-Kunsill tal-21 ta’ Jannar 2021 (4).

(7)

Barra minn hekk, l-Ukrajna infurmat lill-Kummissjoni li hija toħroġ ċertifikati interoperabbli ta’ fejqan mhux qabel 14-il jum wara test pożittiv. Dawk iċ-ċertifikati huma validi għal mhux aktar minn 180 jum wara d-data tal-ewwel test pożittiv.

(8)

L-Ukrajna infurmat ukoll lill-Kummissjoni li hija taċċetta ċertifikati ta’ tilqim, ittestjar u rkupru maħruġa mill-Istati Membri, il-pajjiżi taż-ŻEE, u pajjiżi oħra li fir-rigward tagħhom tiġi adottata deċiżjoni ta’ implimentazzjoni skont l-Artikolu 8(2) tar-Regolament (UE) 2021/953. L-Ukrajna infurmat ukoll lill-Kummissjoni li persuni b’Ċertifikat Diġitali tal-COVID tal-UE għal test tan-NAAT negattiv u Ċertifikat Diġitali tal-COVID tal-UE għal test RAT negattiv huma permessi jidħlu fl-Ukrajna, iżda bħal fil-każ taċ-ċittadini Ukreni, huwa meħtieġ li jagħmlu test NAAT\RAT addizzjonali fi żmien 72 siegħa.

(9)

Barra minn hekk, l-Ukrajna infurmat lill-Kummissjoni li meta l-verifikaturi fl-Ukrajna jivverifikaw iċ-ċertifikati, id-data personali inkluża fihom se tiġi pproċessata biss biex tivverifika u tikkonferma l-istatus tat-tilqim tar-riżultat tat-test jew ta’ rkupru tad-detentur u mhux se tinżamm wara.

(10)

Għalhekk, l-elementi meħtieġa biex jiġi stabbilit li ċ-ċertifikati tal-COVID-19 maħruġa mill-Ukrajna f’konformità mas-sistema tal-“Portal Uniku tal-Istat tas-servizzi elettroniċi” (il-portal u l-applikazzjoni mobbli tad-Diia) għandhom jitqiesu bħala ekwivalenti għal dawk maħruġa f’konformità mar-Regolament (UE) 2021/953 huma ssodisfati.

(11)

Għalhekk, iċ-ċertifikati tal-COVID-19 maħruġa mill-Ukrajna skont is-sistema tal-“Portal Uniku tal-Istat tas-servizzi elettroniċi” (il-portal u l-applikazzjoni mobbli tad-Diia) jenħtieġ li jiġu aċċettati skont il-kundizzjonijiet imsemmija fl-Artikolu 5(5), l-Artikolu 6(5) u l-Artikolu 7(8) tar-Regolament (UE) 2021/953.

(12)

Sabiex din id-Deċiżjoni tkun operattiva, jenħtieġ li l-Ukrajna tkun konnessa mal-qafas ta’ fiduċja taċ-Ċertifikat COVID Diġitali tal-UE stabbilit bir-Regolament (UE) 2021/953.

(13)

Sabiex tipproteġi l-interessi tal-Unjoni, b’mod partikolari fil-qasam tas-saħħa pubblika, il-Kummissjoni tista’ tuża s-setgħat tagħha biex tissospendi jew ittemm din id-Deċiżjoni jekk il-kundizzjonijiet tal-Artikolu 8(2) tar-Regolament (UE) 2021/953 ma jibqgħux jiġu ssodisfati.

(14)

Fid-dawl tal-ħtieġa li l-Ukrajna tiġi konnessa mal-qafas ta’ fiduċja taċ-Ċertifikat COVID Diġitali tal-UE stabbilit bir-Regolament (UE) 2021/953 malajr kemm jista’ jkun, jenħtieġ li din id-Deċiżjoni tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.

(15)

Il-miżuri previsti f’din id-Deċiżjoni huma f’konformità mal-opinjoni tal-Kumitat stabbilit bl-Artikolu 14 tar-Regolament (UE) 2021/953,

(1)

Ir-Regolament (UE) 2021/953 jistipula qafas għall-ħruġ, għall-verifika u għall-aċċettazzjoni ta’ ċertifikati COVID-19 interoperabbli tat-tilqim, tat-testijiet u tal-fejqan (Ċertifikat COVID Diġitali tal-UE) għall-fini tal-faċilitazzjoni tal-eżerċizzju tad-detenturi tad-dritt tagħhom għall-moviment liberu matul il-pandemija tal-COVID-19. Huwa għandu jikkontribwixxi wkoll għall-faċilitazzjoni tat-tneħħija gradwali tar-restrizzjonijiet għall-moviment liberu stabbiliti mill-Istati Membri, f’konformità mad-dritt tal-Unjoni, biex jiġi limitat it-tixrid tas-SARS-CoV-2, b’mod ikkoordinat.

(2)

Ir-Regolament (UE) 2021/953 jippermetti l-aċċettazzjoni taċ-ċertifikati COVID-19 maħruġa minn pajjiżi terzi liċ-ċittadini tal-Unjoni u lill-membri tal-familja tagħhom jekk il-Kummissjoni tikkonstata li dawk iċ-ċertifikati COVID-19 jinħarġu f’konformità ma’ standards li jitqiesu ekwivalenti għal dawk stabbiliti skont dak ir-Regolament. Barra minn hekk, f’konformità mar-Regolament (UE) 2021/954 tal-Parlament Ewropew u tal-Kunsill (2), l-Istati Membri għandhom japplikaw ir-regoli stipulati fir-Regolament (UE) 2021/953 għaċ-ċittadini ta’ pajjiżi terzi li ma jaqgħux fil-kamp ta’ applikazzjoni ta’ dak ir-Regolament, imma li jkunu qed joqogħdu jew jirrisjedu legalment fit-territorju tagħhom u li għandhom id-dritt li jivvjaġġaw lejn Stati Membri oħra f’konformità mad-dritt tal-Unjoni. Għaldaqstant, kwalunkwe sejba ta’ ekwivalenza stipulata f’din id-Deċiżjoni jenħtieġ li tapplika għaċ-ċertifikati COVID-19 tat-tilqim, tat-testijiet u tal-fejqan maħruġa mill-Maċedonja ta’ Fuq liċ-ċittadini tal-Unjoni u lill-membri tal-familja tagħhom. B’mod simili, abbażi tar-Regolament (UE) 2021/954, tali sejbiet ta’ ekwivalenza jenħtieġ li japplikaw ukoll għaċ-ċertifikati COVID-19 tat-tilqim, tat-testijiet u tal-fejqan maħruġa mill-Maċedonja ta’ Fuq liċ-ċittadini ta’ pajjiżi terzi li joqogħdu jew li jirrisjedu legalment fit-territorju tal-Istati Membri bil-kundizzjonijiet stabbiliti f’dak ir-Regolament.

(3)

Fit-8 ta’ Lulju 2021, il-Maċedonja ta’ Fuq ipprovdiet lill-Kummissjoni b’informazzjoni dettaljata dwar il-ħruġ ta’ ċertifikati COVID-19 interoperabbli tat-tilqim, tat-testijiet u tal-fejqan skont is-Sistema tas-Saħħa elettronika Nazzjonali. Il-Maċedonja ta’ Fuq infurmat lill-Kummissjoni li hija tqis li ċ-ċertifikati COVID-19 tat-tilqim, tat-testijiet u tal-fejqan tagħha qed jinħarġu f’konformità ma’ sistema standard u teknoloġika li huma interoperabbli mal-qafas ta’ fiduċja stabbilit bir-Regolament (UE) 2021/953 u jippermettu l-verifika tal-awtentiċità, tal-validità u tal-integrità taċ-ċertifikati. F’dan ir-rigward, il-Maċedonja ta’ Fuq infurmat lill-Kummissjoni li ċ-ċertifikati COVID-19 tat-tilqim, tat-testijiet u tal-fejqan maħruġa mill-Maċedonja ta’ Fuq f’konformità mas-Sistema tas-Saħħa elettronika Nazzjonali fihom id-data msemmija fl-Anness tar-Regolament (UE) 2021/953.

(4)

Fis-26 ta’ Lulju 2021, wara talba mill-Maċedonja ta’ Fuq, il-Kummissjoni wettqet testijiet tekniċi li wrew li ċ-ċertifikati COVID-19 tat-tilqim, tat-testijiet u tal-fejqan huma maħruġa mill-Maċedonja ta’ Fuq skont sistema, is-Sistema tas-Saħħa elettronika Nazzjonali, li hija interoperabbli mal-qafas ta’ fiduċja stabbilit bir-Regolament (UE) 2021/953 u tippermetti l-verifika tal-awtentiċità, tal-validità u tal-integrità taċ-ċertifikati. Il-Kummissjoni kkonfermat ukoll li ċ-ċertifikati COVID-19 tat-tilqim, tat-testijiet u tal-fejqan maħruġa mill-Maċedonja ta’ Fuq f’konformità mas-Sistema tas-Saħħa elettronika Nazzjonali, fihom id-data meħtieġa.

(5)

Minbarra dan, il-Maċedonja ta’ Fuq infurmat lill-Kummissjoni li se toħroġ ċertifikati interoperabbli tat-tilqim għall-vaċċini kontra l-COVID-19 Vaxzevria, Comirnaty, Sputnik V, Sinopharm u Sinovac.

(6)

Barra minn hekk, il-Maċedonja ta’ Fuq infurmat lill-Kummissjoni li se toħroġ ċertifikati tat-testijiet interoperabbli biss għat-testijiet tal-amplifikazzjoni tal-aċidu nuklejku jew għat-testijiet rapidi tal-antiġeni elenkati fil-lista komuni u aġġornata tat-testijiet rapidi tal-antiġeni tal-COVID-19 maqbula mill-Kumitat għas-Sigurtà tas-Saħħa, stabbilit bl-Artikolu 17 tad-Deċiżjoni Nru 1082/2013/UE tal-Parlament Ewropew u tal-Kunsill (3), abbażi tar-Rakkomandazzjoni tal-Kunsill tal-21 ta’ Jannar 2021 (4).

(7)

Il-Maċedonja ta’ Fuq infurmat ukoll lill-Kummissjoni li hija taċċetta ċertifikati tat-tilqim, tat-testijiet u tal-fejqan maħruġa mill-Istati Membri, mill-pajjiżi taż-ŻEE u minn pajjiżi oħra li fir-rigward tagħhom tiġi adottata deċiżjoni ta’ implimentazzjoni skont l-Artikolu 8(2) tar-Regolament (UE) 2021/953.

(8)

Minbarra dan, il-Maċedonja ta’ Fuq infurmat lill-Kummissjoni li meta l-verifikaturi fil-Maċedonja ta’ Fuq jivverifikaw iċ-ċertifikati, id-data personali inkluża fihom tiġi pproċessata biss biex jiġu vverifikati u kkonfermati t-tilqim, ir-riżultat tat-test jew l-istatus tal-fejqan tad-detentur u mhux se tinżamm wara.

(9)

L-elementi meħtieġa biex jiġi stabbilit li ċ-ċertifikati COVID-19 tat-tilqim, tat-testijiet u tal-fejqan maħruġa mill-Maċedonja ta’ Fuq f’konformità mas-Sistema tas-Saħħa elettronika Nazzjonali għandhom jitqiesu bħala ekwivalenti għal dawk maħruġa f’konformità mar-Regolament (UE) 2021/953 huma ssodisfati.

(10)

Għalhekk, iċ-ċertifikati COVID-19 tat-tilqim, tat-testijiet u tal-fejqan maħruġa mill-Maċedonja ta’ Fuq f’konformità mas-Sistema tas-Saħħa elettronika Nazzjonali jenħtieġ li jiġu aċċettati bil-kundizzjonijiet imsemmija fl-Artikolu 5(5), l-Artikolu 6(5) u l-Artikolu 7(8) tar-Regolament (UE) 2021/953.

(11)

Sabiex din id-Deċiżjoni tkun operattiva, jenħtieġ li l-Maċedonja ta’ Fuq tkun konnessa mal-qafas ta’ fiduċja taċ-Ċertifikat COVID Diġitali tal-UE stabbilit bir-Regolament (UE) 2021/953.

(12)

Sabiex tipproteġi l-interessi tal-Unjoni, b’mod partikolari fil-qasam tas-saħħa pubblika, il-Kummissjoni tista’ tuża s-setgħat tagħha biex tissospendi jew ittemm din id-Deċiżjoni jekk il-kundizzjonijiet tal-Artikolu 8(2) tar-Regolament (UE) 2021/953 ma jibqgħux jiġu ssodisfati.

(13)

Fid-dawl tal-ħtieġa li l-Maċedonja ta’ Fuq tiġi konnessa mal-qafas ta’ fiduċja taċ-Ċertifikat COVID Diġitali tal-UE stabbilit bir-Regolament (UE) 2021/953 malajr kemm jista’ jkun, jenħtieġ li din id-Deċiżjoni tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.

(14)

Il-miżuri previsti f’din id-Deċiżjoni huma f’konformità mal-opinjoni tal-Kumitat stabbilit bl-Artikolu 14 tar-Regolament (UE) 2021/953,

(1)

Ir-Regolament (UE) 2021/953 jistipula qafas għall-ħruġ, għall-verifika u għall-aċċettazzjoni ta’ ċertifikati COVID-19 interoperabbli tat-tilqim, tat-testijiet u tal-fejqan (Ċertifikat COVID Diġitali tal-UE) għall-fini tal-faċilitazzjoni tal-eżerċizzju tad-detenturi tad-dritt tagħhom għall-moviment liberu matul il-pandemija tal-COVID-19. Huwa għandu jikkontribwixxi wkoll għall-faċilitazzjoni tat-tneħħija gradwali tar-restrizzjonijiet għall-moviment liberu stabbiliti mill-Istati Membri, f’konformità mad-dritt tal-Unjoni, biex jiġi limitat it-tixrid tas-SARS-CoV-2, b’mod ikkoordinat.

(2)

Ir-Regolament (UE) 2021/953 jippermetti l-aċċettazzjoni taċ-ċertifikati COVID-19 maħruġa minn pajjiżi terzi liċ-ċittadini tal-Unjoni u lill-membri tal-familja tagħhom jekk il-Kummissjoni tikkonstata li dawk iċ-ċertifikati COVID-19 jinħarġu f’konformità ma’ standards li jitqiesu ekwivalenti għal dawk stabbiliti skont dak ir-Regolament. Barra minn hekk, f’konformità mar-Regolament (UE) 2021/954 tal-Parlament Ewropew u tal-Kunsill (2), l-Istati Membri għandhom japplikaw ir-regoli stipulati fir-Regolament (UE) 2021/953 għaċ-ċittadini ta’ pajjiżi terzi li ma jaqgħux fil-kamp ta’ applikazzjoni ta’ dak ir-Regolament, imma li jkunu qed joqogħdu jew jirrisjedu legalment fit-territorju tagħhom u li għandhom id-dritt li jivvjaġġaw lejn Stati Membri oħra f’konformità mad-dritt tal-Unjoni. Għaldaqstant, kwalunkwe sejba ta’ ekwivalenza stipulata f’din id-Deċiżjoni jenħtieġ li tapplika għaċ-ċertifikati tat-tilqim kontra l-COVID-19 maħruġa mir-Repubblika tat-Turkija liċ-ċittadini tal-Unjoni u lill-membri tal-familja tagħhom. B’mod simili, abbażi tar-Regolament (UE) 2021/954, jenħtieġ li tali sejbiet ta’ ekwivalenza japplikaw ukoll għaċ-ċertifikati tat-tilqim kontra l-COVID-19 maħruġa mir-Repubblika tat-Turkija liċ-ċittadini ta’ pajjiżi terzi li jkunu qed joqogħdu jew jirrisjedu legalment fit-territorju tal-Istati Membri bil-kundizzjonijiet stabbiliti f’dak ir-Regolament.

(3)

Fid-9 ta’ Lulju 2021, ir-Repubblika tat-Turkija pprovdiet lill-Kummissjoni b’informazzjoni dettaljata dwar il-ħruġ ta’ ċertifikati COVID-19 interoperabbli tat-tilqim, tat-testijiet u tal-fejqan skont is-sistema intitolata “Health Pass”. Ir-Repubblika tat-Turkija infurmat lill-Kummissjoni li hija tqis li ċ-ċertifikati COVID-19 tagħha qed jinħarġu f’konformità ma’ sistema standard u teknoloġika li jkunu interoperabbli mal-qafas ta’ fiduċja stabbilit bir-Regolament (UE) 2021/953 u jippermettu l-verifika tal-awtentiċità, tal-validità u tal-integrità taċ-ċertifikati. F’dan ir-rigward, ir-Repubblika tat-Turkija infurmat lill-Kummissjoni li ċ-ċertifikati COVID-19 maħruġa mir-Repubblika tat-Turkija f’konformità mas-sistema “Health Pass” fihom id-data stabbilita fl-Anness tar-Regolament (UE) 2021/953.

(4)

Fis-26 ta’ Lulju 2021, wara talba mir-Repubblika tat-Turkija, il-Kummissjoni wettqet testijiet tekniċi li wrew li ċ-ċertifikati COVID-19 tat-tilqim, tat-testijiet u tal-fejqan huma maħruġa mir-Repubblika tat-Turkija skont sistema, il-“Health Pass” li hija interoperabbli mal-qafas ta’ fiduċja stabbilit bir-Regolament (UE) 2021/953 u tippermetti l-verifika tal-awtentiċità, tal-validità u tal-integrità taċ-ċertifikati. Il-Kummissjoni kkonfermat ukoll li ċ-ċertifikati COVID-19 tat-tilqim, tat-testijiet u tal-fejqan maħruġa mir-Repubblika tat-Turkija f’konformità mas-sistema “Health Pass” fihom id-data meħtieġa.

(5)

Minbarra dan, ir-Repubblika tat-Turkija infurmat lill-Kummissjoni li se toħroġ ċertifikati interoperabbli tat-tilqim għall-vaċċini kontra l-COVID-19. Bħalissa dawn jinkludu Sinovac, Comirnaty u Sputnik V.

(6)

Ir-Repubblika tat-Turkija infurmat ukoll lill-Kummissjoni li se toħroġ ċertifikati tat-testijiet interoperabbli biss għat-testijiet tal-amplifikazzjoni tal-aċidu nuklejku jew għat-testijiet rapidi tal-antiġeni elenkati fil-lista komuni u aġġornata tat-testijiet rapidi tal-antiġeni tal-COVID-19 maqbula mill-Kumitat għas-Sigurtà tas-Saħħa, stabbilit bl-Artikolu 17 tad-Deċiżjoni Nru 1082/2013/UE tal-Parlament Ewropew u tal-Kunsill (3), abbażi tar-Rakkomandazzjoni tal-Kunsill tal-21 ta’ Jannar 2021 (4).

(7)

Barra minn hekk, ir-Repubblika tat-Turkija infurmat lill-Kummissjoni li hija toħroġ ċertifikati interoperabbli tal-fejqan mhux qabel 21 jum wara test pożittiv. Dawn iċ-ċertifikati huma validi għal mhux aktar minn 180 jum wara d-data tal-ewwel test pożittiv.

(8)

Ir-Repubblika tat-Turkija infurmat ukoll lill-Kummissjoni li hija taċċetta ċertifikati tat-tilqim, tat-testijiet u tal-fejqan maħruġa mill-Istati Membri, mill-pajjiżi taż-ŻEE u minn pajjiżi oħra li fir-rigward tagħhom tiġi adottata deċiżjoni ta’ implimentazzjoni skont l-Artikolu 8(2) tar-Regolament (UE) 2021/953.

(9)

Minbarra dan, ir-Repubblika tat-Turkija infurmat lill-Kummissjoni li meta l-verifikaturi fit-Turkija jivverifikaw iċ-ċertifikati, id-data personali inkluża fiċ-ċertifikati tiġi pproċessata biss biex jiġu vverifikati t-tilqim, ir-riżultat tat-test jew l-istatus tal-fejqan tad-detentur u mhux se tinżamm wara.

(10)

Għalhekk, l-elementi meħtieġa biex jiġi stabbilit li ċ-ċertifikati COVID-19 maħruġa mir-Repubblika tat-Turkija f’konformità mas-sistema “Health Pass” għandhom jitqiesu bħala ekwivalenti għal dawk maħruġa f’konformità mar-Regolament (UE) 2021/953 huma ssodisfati.

(11)

Għalhekk, iċ-ċertifikati COVID-19 maħruġa mir-Repubblika tat-Turkija f’konformità mas-sistema “Health Pass” jenħtieġ li jiġu aċċettati bil-kundizzjonijiet imsemmija fl-Artikolu 5(5), fl-Artikolu 6(5) u fl-Artikolu 7(8) tar-Regolament (UE) 2021/953.

(12)

Sabiex din id-Deċiżjoni tkun operattiva, jenħtieġ li r-Repubblika tat-Turkija tkun konnessa mal-qafas ta’ fiduċja taċ-Ċertifikat COVID Diġitali tal-UE stabbilit bir-Regolament (UE) 2021/953.

(13)

Sabiex tipproteġi l-interessi tal-Unjoni, b’mod partikolari fil-qasam tas-saħħa pubblika, il-Kummissjoni tista’ tuża s-setgħat tagħha biex tissospendi jew ittemm din id-Deċiżjoni jekk il-kundizzjonijiet tal-Artikolu 8(2) tar-Regolament (UE) 2021/953 ma jibqgħux jiġu ssodisfati.

(14)

Fid-dawl tal-ħtieġa li r-Repubblika tat-Turkija tiġi konnessa mal-qafas ta’ fiduċja taċ-Ċertifikat COVID Diġitali tal-UE stabbilit bir-Regolament (UE) 2021/953 malajr kemm jista’ jkun, jenħtieġ li din id-Deċiżjoni tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea.

(15)

Il-miżuri previsti f’din id-Deċiżjoni huma f’konformità mal-opinjoni tal-Kumitat stabbilit bl-Artikolu 14 tar-Regolament (UE) 2021/953,