Artikolu 1

L-Artikolu 58 tar-Regolament (UE) 2016/1628 huwa emendat kif ġej:

(1)

fil-paragrafu 5, jiżdied is-subparagrafu li ġej: “Għal magni tas-subkategoriji kollha li għalihom id-data stipulata fl-Anness III għat-tqegħid fis-suq tal-magni ta’ Stadju V hija l-1 ta’ Jannar 2020, minbarra l-magni msemmija fit-tieni u fit-tielet subparagrafu, il-perjodu ta’ tranżizzjoni għandu jiġi estiż b’disà xhur u l-perjodu ta’ 18-il xahar imsemmi fl-ewwel subparagrafu għandu jiġi estiż b’sitt xhur.”;

(2)	fil-paragrafu 7, jiżdied il-punt li ġej: “(e) 33 xahar mid-data applikabbli għat-tqegħid fis-suq tal-magni stabbilita fl-Anness III, fil-każ previst fis-sitt subparagrafu tal-paragrafu 5.”.

Artikolu 2

Dan ir-Regolament għandu jidħol fis-seħħ fil-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Artikolu 1

Emenda tar-Regolament (UE) 2020/1579

Ir-Regolament (UE) 2020/1579 huwa emendat kif stabbilit fil-Parti A tal-Anness għal dan ir-Regolament.

Artikolu 2

Emenda tar-Regolament (UE) 2021/92

Ir-Regolament (UE) 2021/92 huwa emendat kif stabbilit fil-Partijiet B u C tal-Anness għal dan ir-Regolament.

Artikolu 3

Dħul fis-seħħ u applikazzjoni

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

L-Artikolu 1 għandu japplika mill-1 ta’ Jannar 2021.

L-Artikolu 2 għandu jibda japplika mill-1 ta’ Lulju 2021.

ANNESS

PARTI A

Fl-Anness għar-Regolament (UE) 2020/1579, it-tabella tal-opportunitajiet tas-sajd għall-aringa fis-subdiviżjonijiet 30-31 tal-ICES hija sostitwita b’dan li ġej:

PARTI B

L-Anness IA tar-Regolament (UE) 2021/92 huwa emendat kif ġej:

(1)

it-tabella tal-opportunitajiet tas-sajd għal-laċċa kaħla u għall-qabdiet inċidentali marbutin magħha fl-ilmijiet tal-Unjoni tad-diviżjoni 3a tal-ICES hija sostitwita b’dan li ġej: “Speċi: Laċċa kaħla u l-qabdiet inċidentali marbutin magħha Sprattus sprattus Żona: 3a (SPR/03 A.) Danimarka 13 086  (1)  (2) TAC analitika Ġermanja 27  (1)  (2) Żvezja 4 951  (1)  (2) Unjoni 18 064  (1)  (2)   TAC 19 529  (2)

(2)

it-tabella tal-opportunitajiet tas-sajd għal-laċċa kaħla u għall-qabdiet inċidentali marbutin magħha fl-ilmijiet tar-Renju Unit u tal-Unjoni tas-subżona 4 tal-ICES u fl-ilmijiet tar-Renju Unit fid-diviżjoni 2a tal-ICES hija sostitwita b’dan li ġej: “Speċi: Laċċa kaħla u l-qabdiet inċidentali marbutin magħha Sprattus sprattus Żona: L-ilmijiet tar-Renju Unit u tal-Unjoni tas-subżona 4; L-ilmijiet tar-Renju Unit tad-diviżjoni 2a (SPR/2AC4-C) Belġju 993  (3)  (4) TAC analitika Danimarka 78 553  (3)  (4) Ġermanja 993  (3)  (4) Franza 993  (3)  (4) Netherlands 993  (3)  (4) Żvezja 1 330  (3)  (4)  (5) Unjoni 83 855  (3)  (4) Norveġja 0  (3) Gżejjer Faeroe 0  (3)  (6) Renju Unit 3 331  (3)   TAC 87 186  (3)

(3)

it-tabella tal-opportunitajiet tas-sajd għall-inċova fis-subżoni 9 u 10 tal-ICES u fl-ilmijiet tal-Unjoni tad-diviżjoni 34.1.1 tas-CECAF hija sostitwita b’dan li ġej: “ Speċi: Inċova Engraulis encrasicolus Żona: 9 u 10; Ilmijiet tal-Unjoni tas-ECAF 34.1.1 (ANE/9/3411) Spanja 2 747  (7) TAC prekawzjonarja Portugall 2 997  (7) Unjoni 5 744  (7)   TAC 5 744  (7)

PARTI C

Fl-Anness VI għar-Regolament (UE) 2021/92, il-punt 6 huwa sostitwit b’dan li ġej:

“6.

Il-kapaċità massima tat-trobbija u tat-tismin tat-tonn għal kull Stat Membru u l-ammont massimu ta’ tonn maqbud fis-selvaġġ li kull Stat Membru jista’ jalloka lill-farms tiegħu fil-Lvant tal-Atlantiku u fil-Mediterran. Tabella A Kapaċità massima tat-trobbija u tismin tat-tonn   Għadd ta’ farms Kapaċità (f’tunnellati) Spanja 10 11 852 Italja 13 9 564 Greċja 2 2 100 Ċipru 3 3 000 Kroazja 7 7 880 Malta 6 14 511 Tabella B (8) Ammont massimu ta’ tonn maqbud fis-selvaġġ (f’tunnellati) Spanja 6 850 Italja 1 739,5 Greċja 785 Ċipru 2 195 Kroazja 2 947 Malta 10 260,5 Portugall 350

---

(1)  Sa 5 % tal-kwota tista’ tkun qabdiet inċidentali tal-merlangu u tal-merluzz tal-linja sewda (OTH/*03 A.). Flimkien, il-qabdiet inċidentali tal-merlangu u tal-merluzz tal linja sewda li jingħaddu mal-kwota skont din id-dispożizzjoni u l-qabdiet inċidentali ta’ dawk l-ispeċijiet li jingħaddu mal-kwota skont l-Artikolu 15(8) tar-Regolament (UE) Nru 1380/2013 ma għandhomx jaqbżu d-9 % tal-kwota.

(2)  Din il-kwota tista’ tinqabad biss mill-1 ta’ Lulju 2021 sat-30 ta’ Ġunju 2022. Jistgħu jsiru trasferimenti ta’ din il-kwota lejn ir-Renju Unit u l-ilmijiet tal-Unjoni taż-żoni 2a u 4. Madankollu, il-Kummissjoni u r-Renju Unit għandhom ikun mgħarrfa minn qabel bit-tali trasferimenti.”

(3)  Il-kwota tista’ tinqabad biss mill-1 ta’ Lulju 2021 sat-30 ta’ Ġunju 2022.

(4)  Sa 2 % tal-kwota tista’ tkun qabdiet inċidentali tal-merlangu (OTH/*2AC4C). Flimkien, il-qabdiet inċidentali tal-merlangu li jingħaddu mal-kwota skont din id-dispożizzjoni u l-qabdiet inċidentali ta’ dawk l-ispeċijiet li jingħaddu mal-kwota skont l-Artikolu 15(8) tar-Regolament (UE) Nru 1380/2013 ma għandhomx jaqbżu d-9 % tal-kwota.

(5)  Inkluż iċ-ċiċċirell.

(6)  Din il-kwota jista’ jkun fiha sa 4 % ta’ qabdiet inċidentali tal-aringi.”

(7)  Il-kwota tista’ tinqabad biss mill-1 ta’ Lulju 2021 sat-30 ta’ Settembru 2021.”

(8)  Il-kapaċità tat-trobbija fil-Portugall ta’ 500 tunnellata hija koperta mill-kapaċità mhux użata tal-Unjoni mniżżla fit-Tabella A.”.

Artikolu 1

Suġġett u kamp ta’ applikazzjoni

Dan ir-Regolament jistabbilixxi miżuri ta’ kontroll speċjali tal-mard kontra l-infezzjoni bil-virus tal-marda tal-infafet fil-ġilda (LSDV) li għandhom jiġu applikati għal perjodu ta’ żmien limitat mill-Istati Membri f’żoni tat-territorju tagħhom fejn:

(a)	tkun ġiet ikkonfermata tifqigħa ta’ dik il-marda;

(b)	ma tkunx ġiet ikkonfermata tifqigħa ta’ dik il-marda, iżda huma jiddeċiedu li jwettqu tilqim kontra dik il-marda f’konformità mar-regoli stabbiliti f’dan ir-Regolament.

Il-miżuri ta’ kontroll speċjali tal-mard stabbiliti f’dan ir-Regolament japplikaw għall-annimali bovini u għall-prodotti sekondarji u għall-prodotti ġerminali miksuba minn tali annimali bovini, u japplikaw flimkien mal-miżuri ta’ kontroll tal-mard applikabbli għall-protezzjoni, għas-sorveljanza u għal żoni ristretti oħra stabbiliti mill-awtorità kompetenti ta’ Stat Membru wara tifqigħa tal-infezzjoni bl-LSDV, f’konformità mal-Artikolu 21(1) tar-Regolament Delegat (UE) 2020/687.

Artikolu 2

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet stabbiliti fir-Regolament Delegat (UE) 2020/687.

Barra minn hekk, id-definizzjonijiet li ġejjin għandhom japplikaw ukoll:

1.	“annimal bovin” tfisser annimal tal-ispeċi tal-ungulati li jappartjeni għall-ġeneri Bison, Bos (inkluż is-subġeneri Bos, Bibos, Novibos, Poephagus) u Bubalus (inkluż is-subġeneru Anoa) u l-frieħ tal-inkroċjar tar-razez ta’ dawn l-ispeċijiet;

2.

“żona ristretta I” tfisser parti mit-territorju ta’ Stat Membru b’delimitazzjoni ġeografika preċiża: (a) li tkun tinsab barra minn żona fejn tkun ġiet ikkonfermata tifqigħa tal-infezzjoni bl-LSDV; (b) fejn isir tilqim kontra l-infezzjoni bl-LSDV f’konformità mal-Artikolu 3(2); (c) elenkata jew le fil-Parti I tal-Anness I; (d) soġġetta għal regoli ta’ kontroll speċjali tal-mard previsti fl-Artikoli 3 sa 6.

3.

“żona ristretta II” tfisser parti mit-territorju ta’ Stat Membru b’delimitazzjoni ġeografika preċiża: (a) li tinkludi żona fejn tkun ġiet ikkonfermata tifqigħa tal-infezzjoni bl-LSDV; (b) fejn isir tilqim kontra l-infezzjoni bl-LSDV f’konformità mal-Artikolu 3(1); (c) elenkata jew le fil-Parti II tal-Anness I; (d) soġġetta għal regoli ta’ kontroll speċjali tal-mard previsti fl-Artikoli 3 sa 6.

Artikolu 3

Stabbiliment taż-żoni ristretti I u II

Artikolu 4

Projbizzjonijiet ta’ movimenti fiż-żoni ristretti I u II

Artikolu 5

Inklużjoni taż-żona ristretta II fl-Anness I, Parti II

Meta, għal raġunijiet epidemjoloġiċi, żona ta’ Stat Membru koperta totalment jew parzjalment minn żona ristretta II stabbilita f’konformità mal-Artikolu 3(1) tkun inkluża fil-Parti II tal-Anness I, l-awtorità kompetenti għandha minnufih:

(a)	tadatta l-konfini taż-żona ristretta II inizjali biex tiżgura li tikkorrispondi għaż-żona ristretta II deskritta f’dak l-Anness;

(b)	testendi t-tilqim previst fl-Artikolu 3(1), il-punt (b), u l-projbizzjonijiet previsti fl-Artikolu 4(1) għaż-żona ristretta II deskritta f’dak l-Anness.

Artikolu 6

Inklużjoni taż-żona ristretta I fl-Anness I, il-Parti I

Artikolu 7

Derogi mill-projbizzjoni fuq il-movimenti ta’ kunsinni ta’ annimali bovini miż-żona ristretta I

B’derogI mill-projbizzjoni prevista fil-punt (a) tal-Artikolu 4(2), l-awtorità kompetenti tista’ tawtorizza movimenti ta’ kunsinni ta’ annimali bovini minn stabbilimenti li jinsabu fiż-żona ristretta I:

(a)

għal żoni ristretti I jew II tal-istess Stat Membru jew ta’ Stat Membru ieħor dment li jiġu ssodisfati l-kundizzjonijiet kollha li ġejjin: (i) l-annimali bovini fil-kunsinna jridu jkunu tlaqqmu kontra l-infezzjoni bl-LSDV mill-inqas 28 jum qabel id-data tad-dispaċċ u jridu jibqgħu fil-perjodu ta’ immunità f’konformità mal-istruzzjonijiet tal-manifattur tal-vaċċin f’dik id-data; (ii) l-annimali bovini l-oħra kollha miżmuma fl-istess stabbiliment tal-oriġini bħall-annimali bovini fil-kunsinna jridu jkunu tlaqqmu kontra l-infezzjoni bl-LSDV mill-inqas 28 jum qabel id-data tad-dispaċċ u jridu jibqgħu fil-perjodu ta’ immunità f’konformità mal-istruzzjonijiet tal-manifattur tal-vaċċin f’dik id-data jew jibqgħu fil-perjodu ta’ immunità indott minn tilqim preċedenti jew minn immunità materna fid-data tad-dispaċċ; (iii) l-annimali bovini fil-kunsinna jridu jkunu nżammu fl-istabbiliment tal-oriġini tagħhom mit-twelid jew għal perjodu kontinwu ta’ mill-inqas 28 jum qabel id-data tad-dispaċċ; u (iv) l-awtorità kompetenti għandha twettaq: — eżami kliniku, b’riżultati favorevoli, tal-annimali bovini kollha miżmuma fl-istabbiliment tal-oriġini ta’ kunsinni bħal dawn, inklużi l-annimali bovini f’kunsinni bħal dawn; — jekk ikun meħtieġ, eżami fil-laboratorju, b’riżultati favorevoli, ta’ annimali bovini miżmuma fl-istabbiliment tal-oriġini ta’ kunsinni bħal dawn, inklużi l-annimali bovini f’kunsinni bħal dawn;

(b)

kwalunkwe destinazzjoni — inklużi żoni barra miż-żoni ristretti, żoni ristretti I oħra jew żoni ristretti II — fl-istess Stat Membru jew fi Stati Membri oħra, jekk, minbarra l-kundizzjonijiet stabbiliti fil-punt (a)(ii), (iii) u (iv) ta’ dan l-Artikolu, jiġu ssodisfati l-kundizzjonijiet kollha li ġejjin: (i) l-annimali bovini fil-kunsinna jridu jkunu tlaqqmu kontra l-infezzjoni bl-LSDV mill-inqas 60 jum qabel id-data tad-dispaċċ u jibqgħu fil-perjodu ta’ immunità f’konformità mal-istruzzjonijiet tal-manifattur tal-vaċċin fid-data tad-dispaċċ; (ii) f’raġġ ta’ mill-inqas 20 km madwar l-istabbiliment tal-oriġini ta’ kunsinni bħal dawn, ma kien hemm l-ebda tifqigħa tal-infezzjoni bl-LSDV matul perjodu ta’ mill-inqas tliet xhur qabel id-data tad-dispaċċ; u (iii) l-annimali bovini kollha miżmuma fil-50 kilometru madwar l-istabbiliment tal-oriġini tal-kunsinna jridu jkunu tlaqqmu jew tlaqqmu mill-ġdid kontra l-infezzjoni bl-LSDV mill-inqas 60 jum qabel id-data tad-dispaċċ u jibqgħu fil-perjodu ta’ immunità f’konformità mal-istruzzjonijiet tal-manifattur tal-vaċċin f’dik id-data jew fi ħdan l-immunità materna tagħhom;

(c)

kwalunkwe destinazzjoni — inklużi żoni barra miż-żoni ristretti, żoni ristretti I oħra, żoni ristretti II — fi Stati Membri oħra jew f’territorji f’pajjiżi terzi, jekk, minbarra l-kundizzjonijiet stabbiliti fil-punt (a) ta’ dan l-Artikolu, jiġu ssodisfati l-kundizzjonijiet li ġejjin: (i) l-annimali jridu jikkonformaw ma’ kwalunkwe garanzija tas-saħħa tal-annimali, abbażi tal-eżitu favorevoli ta’ valutazzjoni tar-riskju ta’ miżuri kontra t-tixrid tal-infezzjoni bl-LSDV meħtieġa mill-awtorità kompetenti tal-Istat Membru tal-oriġini u approvata mill-awtorità kompetenti tal-Istati Membri tad-destinazzjoni u tal-passaġġ, qabel id-data tad-dispaċċ; (ii) ma jrid ikun hemm l-ebda tifqigħa kkonfermata tal-infezzjoni bl-LSDV f’raġġ ta’ mill-inqas 20 km madwar l-istabbiliment tal-oriġini ta’ kunsinni bħal dawn għal perjodu ta’ mill-inqas tliet xhur qabel id-data tad-dispaċċ; u (iii) l-annimali bovini kollha miżmuma fil-50 kilometru madwar l-istabbiliment tal-oriġini tal-kunsinna jridu jkunu tlaqqmu jew tlaqqmu mill-ġdid kontra l-infezzjoni bl-LSDV mill-inqas 60 jum qabel id-data tad-dispaċċ u jibqgħu fil-perjodu ta’ immunità f’konformità mal-istruzzjonijiet tal-manifattur tal-vaċċin f’dik id-data jew fi ħdan l-immunità materna tagħhom.

Artikolu 8

Derogi mill-projbizzjonijiet tal-movimenti ta’ kunsinni ta’ annimali bovini miż-żona ristretta II

B’derogi mill-projbizzjoni prevista fl-Artikolu 4(1), il-punt (a), l-awtorità kompetenti tista’ tawtorizza movimenti ta’ kunsinni ta’ annimali bovini minn stabbilimenti li jinsabu fiż-żona ristretta II għal:

(a)

kwalunkwe destinazzjoni, inklużi żoni barra miż-żoni ristretti, żoni ristretti I, żoni ristretti II oħra fl-istess Stat Membru u fi Stati Membri oħra, dment li jiġu ssodisfati l-kundizzjonijiet kollha li ġejjin: (i) l-annimali bovini fil-kunsinna jridu jikkonformaw ma’ kwalunkwe garanzija tas-saħħa tal-annimali, abbażi tal-eżitu favorevoli ta’ valutazzjoni tar-riskju ta’ miżuri kontra t-tixrid tal-infezzjoni bl-LSDV meħtieġa mill-awtorità kompetenti tal-Istat Membru tal-oriġini u maqbula mal-awtorità kompetenti tal-Istati Membri tad-destinazzjoni jew tal-passaġġ, qabel id-data tad-dispaċċ; (ii) l-annimali bovini fil-kunsinna jridu jkunu tlaqqmu kontra l-infezzjoni bl-LSDV mill-inqas 28 jum qabel id-data tad-dispaċċ u jridu jibqgħu fil-perjodu ta’ immunità f’konformità mal-istruzzjonijiet tal-manifattur tal-vaċċin f’dik id-data; (iii) l-annimali bovini l-oħra kollha miżmuma fl-istess stabbiliment tal-oriġini bħall-annimali bovini fil-kunsinna jridu jkunu tlaqqmu kontra l-infezzjoni bl-LSDV mill-inqas 28 jum qabel id-data tad-dispaċċ u jridu jibqgħu fil-perjodu ta’ immunità f’konformità mal-istruzzjonijiet tal-manifattur tal-vaċċin f’dik id-data jew iridu jibqgħu fil-perjodu ta’ immunità indott minn tilqim preċedenti jew minn immunità materna f’dik id-data; (iv) l-awtorità kompetenti għandha twettaq: — eżami kliniku, b’riżultati favorevoli, tal-annimali bovini kollha miżmuma fl-istabbiliment tal-oriġini ta’ kunsinni bħal dawn, inklużi l-annimali bovini f’kunsinni bħal dawn; — jekk ikun meħtieġ, eżami fil-laboratorju, b’riżultati favorevoli, ta’ annimali bovini miżmuma fl-istabbiliment tal-oriġini ta’ kunsinni bħal dawn, inklużi l-annimali bovini f’kunsinni bħal dawn; (v) l-annimali bovini jridu jkunu ilhom residenti mit-twelid, jew għal perjodu ta’ mill-inqas 28 jum qabel id-data tad-dispaċċ, fi stabbiliment fejn, f’raġġ ta’ mill-inqas 20 km, ma tkun ġiet ikkonfermata l-ebda tifqigħa tal-infezzjoni bl-LSDV matul it-tliet xhur qabel id-data tad-dispaċċ; (vi) l-annimali bovini kollha fil-50 kilometru madwar l-istabbiliment tal-oriġini tal-kunsinna jridu jkunu tlaqqmu jew tlaqqmu mill-ġdid kontra l-infezzjoni bl-LSDV, f’konformità mar-regoli għall-pjanijiet ta’ tilqim stabbiliti fl-Anness II, mill-inqas 60 jum qabel id-data tad-dispaċċ u jridu jibqgħu fil-perjodu ta’ immunità f’konformità mal-istruzzjonijiet tal-vaċċin mill-manifattur jew fi ħdan l-immunità materna tagħhom;

(b)

kwalunkwe destinazzjoni li tinsab f’żona ristretta II oħra tal-istess Stat Membru, dment li jiġu ssodisfati l-kundizzjonijiet kollha li ġejjin: (i) l-annimali bovini l-oħra kollha miżmuma fl-istabbiliment tal-oriġini ta’ kunsinni bħal dawn iridu jkunu tlaqqmu kontra l-infezzjoni bl-LSDV mill-inqas 28 jum qabel id-data tad-dispaċċ u jridu jibqgħu fil-perjodu ta’ immunità f’konformità mal-istruzzjonijiet tal-manifattur tal-vaċċin f’dik id-data jew iridu jibqgħu fil-perjodu ta’ immunità indott minn tilqim preċedenti jew minn immunità materna f’dik id-data; u (ii) l-annimali bovini jridu jkunu tlaqqmu kontra l-infezzjoni bl-LSDV mill-inqas 28 jum qabel id-data tad-dispaċċ u jridu jibqgħu fil-perjodu ta’ immunità f’konformità mal-istruzzjonijiet tal-manifattur tal-vaċċin f’dik id-data jew ikunu frieħ mhux imlaqqmin ta’ inqas minn erba’ xhur, imwielda minn ommijiet imlaqqma, mill-inqas 28 jum qabel it-twelid, li baqgħu fil-perjodu ta’ immunità skont il-manifattur tal-vaċċin fid-data tat-twelid, u jistgħu jiġu mċaqalqa lejn stabbiliment ieħor.

Artikolu 9

Kundizzjonijiet speċifiċi għall-awtorizzazzjoni ta’ movimenti ta’ kunsinni ta’ annimali bovini miż-żoni ristretti I u II lejn biċċerija barra minn dawk iż-żoni, li tkun tinsab fit-territorju tal-istess Stat Membru għall-fini ta’ tbiċċir immedjat

B’derogi mill-projbizzjonijiet previsti fl-Artikolu 4(2), il-punt (a), u fl-Artikolu 4(1), il-punt (a), ta’ dan ir-Regolament, l-awtorità kompetenti tal-Istat Membru tista’ tawtorizza movimenti ta’ kunsinni ta’ annimali bovini miż-żoni ristretti I u II lejn biċċerija barra minn dawk iż-żoni, li tkun tinsab fit-territorju tal-istess Stat Membru, dment li l-annimali bovini jiġu mċaqalqa għall-fini ta’ tbiċċir immedjat f’konformità mal-kundizzjonijiet ġenerali stabbiliti fl-Artikolu 28(2) sa (5) u fl-Artikolu 28(7) tar-Regolament Delegat (UE) 2020/687.

Artikolu 10

Derogi mill-projbizzjoni fuq il-movimenti ta’ kunsinni ta’ semen, ta’ ova u ta’ embrijuni ta’ annimali bovini miż-żoni ristretti I u II

Artikolu 11

Derogi mill-projbizzjoni fuq il-movimenti ta’ prodotti sekondarji ta’ annimali mhux ipproċessati minn annimali bovini miż-żoni ristretti I

B’deroga mill-projbizzjoni prevista fl-Artikolu 4(2), il-punt (c), l-awtorità kompetenti ta’ Stat Membru tista’ tawtorizza movimenti ta’ kunsinni ta’ prodotti sekondarji tal-annimali mhux ipproċessati minn annimali bovini minn stabbilimenti li jinsabu fiż-żona ristretta I lejn:

(a)	kwalunkwe destinazzjoni li tinsab fl-istess Stat Membru jew lejn kwalunkwe destinazzjoni li tinsab fiż-żoni ristretti I jew II fi Stat Membru ieħor;

(b)

fil-każ ta’ kunsinni ta’ ġlud, kwalunkwe destinazzjoni li tinsab fi kwalunkwe żona tal-istess Stat Membru jew ta’ Stat Membru ieħor jew ta’ pajjiż terz dment li tiġi ssodisfata waħda mill-kundizzjonijiet li ġejjin: (i) il-ġlud ittrattati jkunu ġew soġġetti għal wieħed mit-trattamenti msemmija fil-punt 28(b) sa (e) tal-Anness I tar-Regolament tal-Kummissjoni (UE) Nru 142/2011 (10); jew (ii) il-ġlud ittrattati jkunu ġew soġġetti għal wieħed mit-trattamenti stabbiliti fit-Taqsima XIV, il-Kapitolu I, il-punt (4)(b)(ii) tal-Anness III tar-Regolament (KE) Nru 853/2004 tal-Parlament Ewropew u tal-Kunsill (11), u jkunu għaddew mill-prekawzjonijiet kollha biex tiġi evitata l-kontaminazzjoni mill-ġdid b’aġenti patoġeniċi wara t-trattament.

Artikolu 12

Deroga mill-projbizzjoni fuq il-movimenti ta’ kunsinni ta’ prodotti sekondarji tal-annimali mhux ipproċessati minn annimali bovini miż-żoni ristretti II

B’deroga mill-projbizzjoni prevista fl-Artikolu 4(1), il-punt (c), l-awtorità kompetenti ta’ Stat Membru tista’ tawtorizza movimenti ta’ kunsinni ta’ prodotti sekondarji mhux ipproċessati tal-annimali minn annimali bovini minn stabbilimenti li jinsabu fiż-żona ristretta II lejn:

(a)

fil-każ ta’ prodotti sekondarji mhux ipproċessati tal-annimali għajr il-ġlud, kwalunkwe destinazzjoni li tinsab fl-istess Stat Membru jew kwalunkwe destinazzjoni li tinsab fiż-żoni ristretti I jew II ta’ Stat Membru ieħor dment li l-prodotti sekondarji mhux ipproċessati tal-annimali jintbagħtu taħt is-superviżjoni uffiċjali tal-awtoritajiet kompetenti għall-ipproċessar jew għar-rimi f’impjant approvat f’konformità mal-Artikolu 24 tar-Regolament (KE) Nru 1069/2009 tal-Parlament Ewropew u tal-Kunsill (12);

(b)

fil-każ ta’ ġlud ta’ annimali bovini: (i) kwalunkwe destinazzjoni li tinsab fiż-żona ristretta II tal-istess Stat Membru jew ta’ Stat Membru ieħor dment li jkunu ġlud mhux maħduma u mhux ittrattati maħsuba għall-konsum mill-bniedem jew ġlud mhux ittrattati mibgħuta taħt is-superviżjoni uffiċjali tal-awtoritajiet kompetenti għall-ipproċessar jew għar-rimi f’impjant approvat; (ii) kwalunkwe destinazzjoni li tinsab fl-istess Stat Membru jew ta’ Stat Membru ieħor dment li jiġu ssodisfati l-kundizzjonijiet stabbiliti fl-Artikolu 11, il-punt (b);

(c)

fil-każ tal-kolostru, tal-ħalib u tal-prodotti tal-ħalib, kwalunkwe destinazzjoni li tinsab fi kwalunkwe żona tal-istess Stat Membru jew ta’ Stat Membru ieħor dment li jkunu ġew soġġetti għal trattament ta’ mitigazzjoni tar-riskju għall-infezzjoni bl-LSDV, kif stabbilit fl-Anness VII tar-Regolament Delegat (UE) 2020/687.

Artikolu 13

Obbligi tal-operaturi fir-rigward taċ-ċertifikati tas-saħħa tal-annimali għall-movimenti ta’ kunsinni ta’ annimali bovini miż-żoni ristretti I u II barra minn dawk iż-żoni

L-operaturi għandhom iċaqilqu biss kunsinni ta’ annimali bovini miż-żoni ristretti I u II barra minn dawk iż-żoni fi ħdan l-istess Stat Membru jew lejn Stat Membru ieħor fil-każijiet koperti mill-Artikoli 7, 8 u 9 ta’ dan ir-Regolament jekk l-annimali li għandhom jiġu mċaqalqa jkunu akkumpanjati biċ-ċertifikat tas-saħħa tal-annimali kif previst fl-Artikolu 73 tar-Regolament Delegat tal-Kummissjoni (UE) 2020/688 (13) li jkun fih mill-inqas waħda mill-attestazzjonijiet ta’ konformità li ġejjin mar-rekwiżiti previsti f’dan ir-Regolament:

(a)	“Annimali bovini miż-żona ristretta f’konformità mal-miżuri ta’ kontroll speċjali kontra l-infezzjoni bl-LSDV stabbiliti fl-Artikolu 7 tar-Regolament ta’ Implimentazzjoni tal-Kummissjoni (UE) 2021/1070.”;

(b)	“Annimali bovini miż-żona ristretta II f’konformità mal-miżuri ta’ kontroll speċjali kontra l-infezzjoni bl-LSDV stabbiliti fl-Artikolu 8 tar-Regolament ta’ Implimentazzjoni tal-Kummissjoni (UE) 2021/1070.”;

(c)	“Annimali bovini minn żona ristretta I jew II f’konformità mal-miżuri ta’ kontroll speċjali kontra l-infezzjoni bl-LSDV stabbiliti fl-Artikolu 9 tar-Regolament ta’ Implimentazzjoni tal-Kummissjoni (UE) 2021/1070.”;

Madankollu, fil-każ ta’ movimenti ta’ kunsinni msemmija fl-ewwel paragrafu ta’ dan l-Artikolu fl-istess Stat Membru kkonċernat, l-awtorità kompetenti tista’ tiddeċiedi li ċertifikat tas-saħħa tal-annimali ma għandux għalfejn jinħareġ kif imsemmi fl-Artikolu 143(2), it-tieni subparagrafu tar-Regolament (UE) 2016/429.

Artikolu 14

Obbligi tal-operaturi fir-rigward taċ-ċertifikati tas-saħħa tal-annimali għall-movimenti ta’ kunsinni ta’ prodotti ġerminali miksuba minn annimali bovini minn stabbilimenti li jinsabu fiż-żoni ristretti I u II barra minn dawk iż-żoni

L-operaturi għandhom iċaqilqu biss kunsinni ta’ prodotti ġerminali miksuba minn annimali bovini miż-żoni ristretti I u II barra minn dawk iż-żoni fl-istess Stat Membru jew lejn Stat Membru ieħor f’konformità mal-Artikolu 10 ta’ dan ir-Regolament, jekk dawk il-kunsinni jkunu akkumpanjati b’ċertifikat tas-saħħa tal-annimali kif previst fl-Artikolu 161(4) tar-Regolament (UE) 2016/429 li jkun fih mill-inqas waħda mill-attestazzjonijiet ta’ konformità li ġejjin mar-rekwiżiti previsti f’dan ir-Regolament:

(a)	“Prodotti ġerminali … (semen, ova u/jew embrijuni, indika kif xieraq) miksuba minn annimali bovini fiż-żona ristretta I f’konformità ma’ miżuri speċjali ta’ kontroll kontra l-infezzjoni bl-LSDV kif stabbilit fl-Artikolu 10 tar-Regolament ta’ Implimentazzjoni tal-Kummissjoni (UE) 2021/1070.”;

(b)

“Prodotti ġerminali … (semen, ova u/jew embrijuni, indika kif xieraq) miksuba minn annimali bovini miżmuma fiż-żona ristretta II f’konformità ma’ miżuri speċjali ta’ kontroll kontra l-infezzjoni bl-LSDV kif stabbilit fl-Artikolu 10 tar-Regolament ta’ Implimentazzjoni tal-Kummissjoni (UE) 2021/1070.”.

Madankollu, fil-każ ta’ movimenti ta’ kunsinni msemmija fl-ewwel paragrafu ta’ dan l-Artikolu fl-istess Stat Membru, l-awtorità kompetenti tista’ tiddeċiedi li ċertifikat tas-saħħa tal-annimali ma għandux għalfejn jinħareġ kif imsemmi fl-Artikolu 161(2), it-tieni subparagrafu tar-Regolament (UE) 2016/429.

Artikolu 15

Obbligi tal-operaturi fir-rigward taċ-ċertifikati tas-saħħa tal-annimali għall-movimenti ta’ kunsinni ta’ prodotti sekondarji mhux ipproċessati tal-annimali minn annimali bovini miż-żoni ristretti I u II barra minn dawk iż-żoni

L-operaturi għandhom iċaqilqu biss kunsinni ta’ prodotti sekondarji mhux ipproċessati tal-annimali minn annimali bovini miż-żoni ristretti I u II barra minn dawk iż-żoni fl-istess Stat Membru jew lejn Stat Membru ieħor fil-każijiet koperti mill-Artikoli 12, jekk dawk il-kunsinni jkunu akkumpanjati minn:

(a)	dokument kummerċjali msemmi fl-Anness VIII, il-Kapitolu III tar-Regolament (UE) Nru 142/2011; u

(b)	ċertifikat tas-saħħa tal-annimali msemmi fl-Artikolu 22(5) tar-Regolament Delegat (UE) 2020/687;

Madankollu, fil-każ ta’ movimenti tal-kunsinni msemmija fl-ewwel paragrafu ta’ dan l-Artikolu fl-istess Stat Membru, l-awtorità kompetenti tista’ tiddeċiedi li ċertifikat tas-saħħa tal-annimali ma għandux jinħareġ kif imsemmi fl-Artikolu 22(6) tar-Regolament Delegat (UE) 2020/687.

Artikolu 16

Kundizzjonijiet ġenerali addizzjonali relatati mal-mezzi tat-trasport użati għall-moviment ta’ kunsinni ta’ annimali bovini u prodotti sekondarji mhux ipproċessati tal-annimali miż-żoni ristretti I u II barra minn dawk iż-żoni

L-awtorità kompetenti tal-Istat Membru kkonċernat għandha tawtorizza biss movimenti ta’ kunsinni ta’ annimali bovini u ta’ prodotti sekondarji mhux ipproċessati tal-annimali miż-żoni ristretti I u II barra minn dawk iż-żoni jekk il-mezzi tat-trasport użati għall-moviment ta’ dawk il-kunsinni:

(a)

fil-każ tat-trasport ta’ annimali bovini, il-mezz tat-trasport: (i) jikkonforma mar-rekwiżiti stabbiliti fl-Artikolu 24(1) tar-Regolament Delegat (UE) 2020/687; u (ii) jitnaddaf u jiġi ddiżinfettat f’konformità mal-Artikolu 24(2) tar-Regolament Delegat (UE) 2020/687 taħt il-kontroll jew is-superviżjoni tal-awtoritajiet kompetenti tal-Istat Membru;

(b)	tinkludi biss annimali jew prodotti sekondarji mhux ipproċessati tal-annimali jew ġlud mhux ittrattati tal-istess status tas-saħħa.

Artikolu 17

Obbligi tal-awtorità kompetenti tal-istabbiliment tal-oriġini li jikkonċernaw proċeduri ta’ indirizzar

Artikolu 18

Obbligi tal-awtorità kompetenti tal-post tad-destinazzjoni dwar il-proċeduri ta’ indirizzar

L-awtorità kompetenti tal-post tad-destinazzjoni, wara proċedura ta’ indirizzar, għandha:

(a)	tikkonferma kull wasla lill-awtorità kompetenti tal-post tal-oriġini;

(b)	tiżgura li l-annimali bovini jibqgħu fl-istabbiliment tad-destinazzjoni għal mill-inqas it-tul tal-perjodu ta’ monitoraġġ għall-infezzjoni bl-LSDV stabbilit fl-Anness II tar-Regolament Delegat (UE) 2020/687, ħlief meta l-istabbiliment tad-destinazzjoni jkun biċċerija;

(c)

tiżgura li wara l-ħatt tal-annimali bovini, jew tal-prodotti sekondarji mhux ipproċessati tal-annimali, il-mezz tat-trasport u kwalunkwe tagħmir ieħor li jkun intuża fit-trasport tal-annimali bovini jew tal-prodotti sekondarji mhux ipproċessati tal-annimali jitnaddfu, jiġu diżinfettati u ttrattati b’insettiċidi awtorizzati li jkunu effettivi kontra vetturi magħrufa tal-infezzjoni bl-LSDV fl-intier tagħhom f’żona magħluqa tal-post tad-destinazzjoni taħt is-superviżjoni ta’ veterinarju uffiċjali.

Artikolu 19

Obbligi tal-Istat Membru tal-post tal-oriġini tal-kunsinni ta’ annimali bovini, ta’ prodotti ġerminali jew ta’ prodotti sekondarji mhux ipproċessati tal-annimali dwar informazzjoni lill-Kummissjoni u lill-Istati Membri għal derogi mogħtija abbażi ta’ valutazzjonijiet tar-riskju

Meta l-awtorità kompetenti tawtorizza movimenti ta’ kunsinni ta’ annimali bovini jew ta’ prodotti ġerminali abbażi tal-eżitu favorevoli ta’ valutazzjoni tar-riskju ta’ miżuri kontra t-tixrid tal-infezzjoni bl-LSDV, kif imsemmi fl-Artikoli 7, 8 jew 10, l-Istat Membru tal-post tal-oriġini għandu jinforma minnufih lill-Kummissjoni u lill-Istati Membri l-oħra dwar il-garanziji tas-saħħa tal-annimali, u dwar l-approvazzjoni mill-awtoritajiet kompetenti tal-post tal-istabbiliment tad-destinazzjoni.

Artikolu 20

Dħul fis-seħħ u data ta’ applikazzjoni

Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika sal-21 ta’ April 2023.

ANNESS I

ŻONI RISTRETTI I U II

(kif stipulati fl-Artikolu 3)

PARTI I

Żona ristretta I

1.   Il-Bulgarija:

It-territorju sħiħ tal-Bulgarija

2.   Il-Greċja:

A.

Ir-reġjuni li ġejjin fil-Greċja: — Ir-reġjun ta’ Attica — Ir-reġjun tal-Greċja Ċentrali — Ir-reġjun tal-Maċedonja Ċentrali — Ir-reġjun ta’ Kreta — Ir-reġjun tal-Maċedonja tal-Lvant u ta’ Thrace — Ir-reġjun ta’ Epirus — Ir-reġjun tal-Gżejjer Jonji, għajr l-unità reġjonali ta’ Kerkyra — Ir-reġjun tal-Eġew tat-Tramuntana, għajr l-unità reġjonali ta’ Limnos — Ir-reġjun ta’ Peloponnese — Ir-reġjun tal-Eġew tan-Nofsinhar — Ir-reġjun ta’ Thessaly — Ir-reġjun tal-Greċja tal-Lvant — Ir-reġjun tal-Maċedonja tal-Lvant

B.	L-unitajiet reġjonali fil-Greċja li ġejjin: — L-unità reġjonali ta’ Limnos — L-unità reġjonali ta’ Kerkyra

PARTI II

Żona ristretta II

L-ebda

ANNESS II

REGOLI GĦALL-PJANIJIET TAT-TILQIM LI JIKKONĊERNAW L-INFEZZJONI BIL-VIRUS TAL-MARDA TAL-INFAFET FIL-ĠILDA

(kif stipulati fl-Artikolu 3)

PARTI I

Informazzjoni li trid tiġi inkluża fil-pjan tat-tilqim kif stipulat fl-Artikolu 3

Meta Stat Membru jwettaq it-tilqim kontra l-infezzjoni bl-LSDV, tali tilqim għandu jitwettaq f’konformità ma’ pjan tat-tilqim li jkun fih mill-inqas l-informazzjoni li ġejja:

(a)	id-deskrizzjoni u r-riżultati tal-valutazzjoni mwettqa f’konformità mal-kriterji stipulati fl-Artikolu 46(2) tar-Regolament (UE) 2016/429, inkluż is-sitwazzjoni epidemjoloġika u informazzjoni rilevanti oħra użata bħala bażi għall-valutazzjoni;

(b)	l-objettivi u l-miri ewlenin bl-istrateġija magħżula tat-tilqim u l-pjan tat-tilqim;

(c)	id-deskrizzjoni ġeografika dettaljata taż-żona tat-tilqim fejn jitwettaq it-tilqim u l-post tal-istabbilimenti li jżommu l-annimali bovini li jridu jitlaqqmu, inkluż il-mapep;

(d)	l-awtoritajiet responsabbli li jagħtu t-tilqima lill-annimali bovini;

(e)	is-sistema ta’ superviżjoni tal-amministrazzjoni tat-tilqima;

(f)	l-għadd ta’ stabbilimenti li għandhom annimali bovini li jinsabu fiż-żona ristretta u l-għadd ta’ stabbilimenti li jridu jitlaqqmu, jekk differenti;

(g)	l-għadd stmat tal-annimali bovini li jridu jitlaqqmu, il-kategoriji u l-etajiet tagħhom;

(h)	id-durata maħsuba tat-tilqim, mill-bidu tat-tilqim sa tmiem is-sorveljanza mwettqa wara t-tilqim;

(i)	it-taqsira tal-karatteristiċi tat-tilqim, inkluż isem il-prodott u isem il-manifattur u r-rotot tal-amministrazzjoni;

(j)	indika jekk it-tilqima hijiex tintuża f’konformità mal-Artikolu 110(2) u (3) tar-Regolament (UE) Nru 2019/6 tal-Parlament Ewropew u tal-Kunsill (1);

(k)	il-metodi biex tiġi vvalutata l-effettività tat-tilqim;

(l)	ir-regoli dwar l-iġjene u l-bijosigurtà li jridu jiġu applikati;

(m)	is-sistema taż-żamma tar-rekords dwar it-tilqim;

(n)	aspetti oħra ta’ rilevanza għas-sitwazzjoni speċifika.

PARTI II

Rekwiżiti minimi għall-pjanijiet tat-tilqim tal-infezzjoni bl-LSDV kif stipulat fl-Artikolu 3

Il-pjanijiet tat-tilqim kontra l-infezzjoni bl-LSDV għandhom ikunu f’konformità mar-rekwiżiti tekniċi li ġejjin:

(a)	it-tilqim tal-annimali bovini kollha indipendentement mis-sess, mill-età, mill-istatus produttiv jew ta’ ġestazzjoni fi ħdan iż-żoni ristretti I u II fejn it-tilqim jrid jiġi implimentat;

(b)	it-tilqim tal-frieħ tal-annimali bovini mlaqqma li għandhom aktar minn erba’ xhur f’konformità mal-istruzzjonijiet tal-manifattur tat-tilqima użata;

(c)	it-tilqim mill-ġdid tal-annimali bovini kollha f’konformità mal-istruzzjonijiet tal-manifattur;

(d)	id-dħul tad-dettalji mill-awtorità kompetenti għal kull annimal bovin imlaqqam fil-bażi tad-data online apposta li hija konnessa mal-bażi tad-data ċentrali stabbilita f’konformità mal-Artikolu 42 tar-Regolament (UE) Nru 2019/2035 tal-Parlament Ewropew u tal-Kunsill (2);

(e)	l-istabbiliment ta’ żona ta’ sorveljanza usa’ ta’ mill-anqas 20 km madwar iż-żoni ristretti I u II fejn isir it-tilqim, li fiha għandha ssir sorveljanza intensifikata u fejn il-moviment tal-annimali bovini għandu jkun soġġett għal kontrolli mill-awtorità kompetenti;

(f)	il-kopertura tat-tilqim ta’ mill-inqas 95 % tal-merħliet li jirrappreżentaw mill-inqas 75 % tal-popolazzjoni tal-annimali bovini.

PARTI III

Informazzjoni preliminarja li trid tiġi pprovduta lill-Kummissjoni u lill-Istati Membri l-oħra qabel ma jibda t-tilqim kif stipulat fl-Artikolu 3, il-punt 3

L-Istati Membri li japplikaw it-tilqim kontra l-marda tal-infafet fil-ġilda għandhom jipprovdu l-informazzjoni li ġejja lill-Kummissjoni u lill-Istati Membri l-oħra qabel jibda t-tilqim:

(a)	ġustifikazzjoni qasira biex jinbeda t-tilqim;

(b)	l-ispeċijiet tal-annimali bovini li jridu jitlaqqmu;

(c)	l-għadd stmat tal-annimali bovini li jridu jitlaqqmu;

(d)	id-durata stmata tat-tilqim;

(e)	it-tip u l-isem kummerċjali tat-tilqima applikata li jindikaw jekk it-tilqima tridx tintuża f’konformità mal-Artikolu 110(2) u (3) tar-Regolament (UE) 2019/6;

(f)	deskrizzjoni taż-żona stmata tat-tilqim.

---

(1)  Ir-Regolament (UE) 2019/6 tal-Parlament Ewropew u tal-Kunsill tal-11 ta’ Diċembru 2018 dwar prodotti mediċinali veterinarji u li jħassar id-Direttiva 2001/82/KE (ĠU L 4, 7.1.2019, p. 43).

(2)  Ir-Regolament Delegat tal-Kummissjoni (UE) 2019/2035 tat-28 ta’ Ġunju 2019 li jissupplimenta r-Regolament (UE) 2016/429 tal-Parlament Ewropew u tal-Kunsill rigward ir-regoli għall-istabbilimenti li jżommu l-annimali terrestri u l-imfaqas, u t-traċċabbiltà ta’ ċerti annimali terrestri miżmuma u tal-bajd għat-tifqis (ĠU L 314, 5.12.2019, p. 115).

Artikolu 1

Fl-Artikolu 4 tar-Regolament ta’ Implimentazzjoni (UE) 2021/442, it-tieni paragrafu jinbidel b’dan li ġej:

Artikolu 2

Fl-Artikolu 3 tar-Regolament ta’ Implimentazzjoni (UE) 2021/521, it-tieni paragrafu jinbidel b’dan li ġej:

Artikolu 3

Dan ir-Regolament għandu jidħol fis-seħħ fl-1 ta’ Lulju 2021.

Artikolu 1

B’deroga mill-Artikoli 2, 3 u 4 tad-Deċiżjoni 2013/471/UE, fejn miżuri restrittivi relatati mal-COVID-19 jikkompromettu l-possibbiltà li tiġi organizzata jew li jkun hemm attendenza b’mod fiżiku għal laqgħa, il-benefiċjarji li jattendu l-laqgħa mill-bogħod b’mezzi elettroniċi għandhom ikunu intitolati biss għal allowance ta’ kuljum stabbilit għal EUR 145.

Artikolu 2

Il-Kumitat għandu jadotta dispożizzjonijiet dettaljati li jimplimentaw l-Artikolu 1 sat-2 ta’ Settembru 2021.

Artikolu 3

Sat-2 ta’ Jannar 2022 u kull sitt xhur wara, il-Kumitat għandu jippreżenta lill-Kunsill rapport ta’ evalwazzjoni dwar l-applikazzjoni ta’ din id-Deċiżjoni, u partikolarment dwar l-impatt baġitarju tagħha kif ukoll dwar l-eżistenza li tippersisti ta’ diffikultajiet tal-ivvjaġġar b’rabta mal-COVID-19 jew ma’ miżuri restrittivi relatati li jikkompromettu l-possibbiltà li jiġu organizzati jew li jkun hemm attendenza b’mod fiżiku għal-laqgħat.

Artikolu 4

Din id-Deċiżjoni għandha tidħol fis-seħħ fil-jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.

Artikolu 1

L-ispeċifikazzjonijiet tekniċi taċ-Ċertifikat COVID Diġitali tal-UE li jistabbilixxu l-istruttura ġenerika tad-data, il-mekkaniżmi tal-ikkowdjar, u l-mekkaniżmu tal-ikkowdjar tat-trasport b’format ottiku li jinqara minn magna huma stabbiliti fl-Anness I.

Artikolu 2

Ir-regoli għall-mili taċ-ċertifikati kif jissemma fl-Artikolu 3(1) tar-Regolament (UE) 2021/953 huma stabbiliti fl-Anness II ta’ din id-Deċiżjoni.

Artikolu 3

Ir-rekwiżiti li jistabbilixxu l-istruttura komuni tal-identifikatur uniku taċ-ċertifikat huma stabbiliti fl-Anness III.

Artikolu 4

Ir-regoli ta’ governanza applikabbli għaċ-ċertifikat tal-kjavi pubbliċi fir-rigward tal-gateway taċ-Ċertifikat COVID Diġitali tal-UE, li jappoġġa l-aspetti tal-interoperabbiltà tal-qafas ta’ fiduċja, huma stabbiliti fl-Anness IV.

ANNESS I

IL-FORMAT U L-ĠESTJONI TAL-FIDUĊJA

Struttura ġenerika tad-data, mekkaniżmi tal-ikkowdjar u mekkaniżmu tal-ikkowdjar tat-trasport b’format ottiku li jinqara mill-magni (minn hawn ’il quddiem imsejjaħ “QR”)

1.   Introduzzjoni

L-ispeċifikazzjonijiet tekniċi stabbiliti f’dan l-Anness fihom struttura ġenerika tad-data u mekkaniżmi tal-ikkowdjar għaċ-Ċertifikat COVID Diġitali tal-UE (“DCC”). Dawn jispeċifikaw ukoll mekkaniżmu tal-ikkowdjar tat-trasport b’format ottiku (“QR”) li jinqara mill-magni u li jista’ jintwera fuq l-iskrin ta’ apparat mobbli jew jiġi stampat. Il-formati elettroniċi tal-kontenitur taċ-ċertifikat tas-saħħa b’dawn l-ispeċifikazzjonijiet huma ġeneriċi, iżda f’dan il-kuntest jintużaw biex iġorru d-DCC.

2.   Terminoloġija

Għall-finijiet ta’ dan l-Anness, “emittenti” tfisser organizzazzjonijiet li jużaw dawn l-ispeċifikazzjonijiet għall-ħruġ ta’ ċertifikati tas-saħħa u “verifikaturi” tfisser organizzazzjonijiet li jaċċettaw iċ-ċertifikati tas-saħħa bħala prova tal-istatus tas-saħħa. “Parteċipanti” tfisser emittenti u verifikaturi. Xi aspetti stabbiliti f’dan l-Anness iridu jiġu kkoordinati bejn il-parteċipanti, bħall-ġestjoni tal-ispazju tal-isem u d-distribuzzjoni tal-kjavi kriptografiċi. Hu preżunt li parti, imsejħa s-“Segretarjat”, twettaq dawn il-kompiti.

3.   Il-Format Elettroniku tal-Kontenitur taċ-Ċertifikat tas-Saħħa

Il-Format Elettroniku tal-Kontenitur taċ-Ċertifikat tas-Saħħa (“HCERT”) tfassal biex jipprovdi mezz uniformi u standardizzat għaċ-ċertifikati tas-saħħa mill-emittenti differenti tagħhom (“emittenti”). L-għan ta’ dawn l-ispeċifikazzjonijiet hu l-armonizzazzjoni ta’ dawk iċ-ċertifikati tas-saħħa fejn jidħlu r-rappreżentazzjoni, l-ikkowdjar u l-firem biex tiġi ffaċilitata l-interoperabbiltà.

Il-kapaċità li DCC maħruġ minn emittent ikun jinqara u jiġi interpretat tenħtieġ struttura komuni tad-data u ftehim dwar is-sinifikat ta’ kull entrata tad-data tal-payload. Biex tiġi ffaċilitata din l-interoperabbiltà, struttura komuni kkordinata tad-data hi definita bl-użu tal-iskema “JSON” li tikkostitwixxi t-tfassil tad-DCC.

3.1.   L-Istruttura tal-payload

Il-payload hija strutturata u kkodifikata bħala CBOR b’firma diġitali COSE. Dan hu magħruf b’mod komuni bħala “CBOR Web Token” (CWT), u huwa definit f’RFC 8392 (1). Il-payload, kif definita fit-taqsimiet li ġejjin, tiġi ttrasportata fi claim hcert.

L-integrità u l-awtentiċità tal-oriġini tad-data dwar il-payload iridu jkunu verifikabbli mill-verifikatur. Biex jipprovdi dan il-mekkaniżmu, l-emittent irid jiffirma s-CWT billi juża skema ta’ firma elettronika asimmetrika kif definit fl-ispeċifikazzjoni COSE (RFC 8152 (2)).

3.2.   Claims CWT

3.2.1.   Ħarsa ġenerali lejn l-istruttura tas-CWT

Header Protett

—	Algoritmu tal-Firma (alg, tikketta 1)

—	Identifikatur tal-Kjavi (kid, tikketta 4)

Payload

—	Emittent (iss, kjavi tal-claim 1, fakultattiva, ISO 3166-1 alfa-2 tal-emittent)

—	Maħruġ Fi (iat, kjavi tal-claim 6)

—	Ħin tal-Iskadenza (exp, kjavi tal-claim 4)

—	Ċertifikat tas-Saħħa (hcert, kjavi tal-claim -260)

—	Ċertifikat COVID Diġitali tal-UE v1 (eu_DCC_v1, kjavi tal-claim 1)

Firma

3.2.2.   Algoritmu tal-Firma

Il-parametru tal-Algoritmu tal-Firma (alg) jindika liema algoritmu jintuża għall-ħolqien tal-firma. Irid jissodisfa jew imur oltre mil-linji gwida attwali SOG-IS kif miġbura fil-qosor fil-paragrafi li ġejjin.

Hu definit algoritmu primarju wieħed u algoritmu sekondarju wieħed. L-algoritmu sekondarju jenħtieġ jintuża biss meta l-algoritmu primarju ma jkunx aċċettabbli skont ir-regoli u r-regolamenti imposti mill-emittent.

Biex tiġi żgurata s-sigurtà tas-sistema, l-implimentazzjonijiet kollha jridu jinkorporaw l-algoritmu sekondarju. Għal din ir-raġuni, kemm l-algoritmu primarju kif ukoll dak sekondarju jridu jiġu implimentati.

Il-livelli stabbiliti mis-SOG-IS għall-algoritmi primarji u sekondarji huma:

—

L-Algoritmu Primarju: L-algoritmu primarju hu Algoritmu tal-Firma Diġitali b’Kurva Ellittika (ECDSA) kif definit fit-taqsima 2.3 (ISO/IEC 14888–3:2006), bl-użu tal-parametri P–256 kif definit fl-appendiċi D (D.1.2.3) ta’ (FIPS PUB 186–4) flimkien mal-algoritmu SHA–256 hash kif definit fil-funzjoni 4 (ISO/IEC 10118–3:2004).

Dan jikkorrispondi għall-parametru tal-algoritmu COSE ES256.

—	Algoritmu Sekondarju: L-algoritmu sekondarju hu RSASSA-PSS kif definit f’(RFC 8230 (3)) b’modulus ta’ 2048 bits flimkien mal-algoritmu SHA-256 hash kif definit fil-funzjoni 4 (ISO/IEC 10118-3:2004).

Dan jikkorrispondi għall-parametru tal-algoritmu COSE: PS256.

3.2.3.   L-Identifikatur tal-Kjavi

Il-claim tal-Identifikatur tal-Kjavi (kid) tindika ċ-Ċertifikat tal-Firem tad-Dokumenti (DSC) li jkun fih il-kjavi pubblika li trid tintuża mill-verifikatur biex jivverifika l-korrettezza tal-firma diġitali. Il-governanza taċ-ċertifikat tal-kjavi pubblika, inkluż ir-rekwiżiti għad-DSCs, hi deskritta fl-Anness IV.

Il-clain tal-Identifikatur tal-Kjavi (kid) jużawha l-verifikaturi biex jagħżlu l-kjavi pubblika t-tajba minn lista ta’ kjavi li jappartjenu għall-emittent indikat fil-claim (iss) tal-emittent. Jistgħu jintużaw diversi kjavi b’mod paralleli minn emittent għal raġunijiet amministrattivi u meta jsiru rollovers ta’ kjavi. L-Identifikatur tal-Kjavi mhux entrata kritika għas-sigurtà. Għal din ir-raġuni, jista’ jitqiegħed ukoll f’header mhux protett jekk ikun meħtieġ. Il-verifikaturi jridu jaċċettaw iż-żewġ alternattivi. Jekk iż-żewġ alternattivi jkunu preżenti, irid jintuża l-Identifikatur tal-Kjavi fl-intestatura protetta.

Minħabba tqassir tal-identifikatur (minħabba raġunijiet ta’ limitazzjoni ta’ daqs), hemm ċans żgħir ħafna, iżda mhux żero, li l-lista ġenerali tad-DSCs aċċettata minn verifikatur jaf ikun fiha DSCs b’kids duplikati. Għal din ir-raġuni, verifikatur irid jivverifika d-DSCs kollha ma’ dak il-kid.

3.2.4.   Emittent

Il-claim tal-Emittent (iss) hi valur ta’ string li jista’ jkollu b’mod fakultattiv il-Kodiċi tal-Pajjiż ISO 3166-1 alfa-2 tal-entità li toħroġ iċ-ċertifikat tas-saħħa. Din il-claim tista’ tintuża minn verifikatur biex jidentifika liema sett ta’ DSCs irid juża għall-verifika. Il-Kjavi tal-Claim 1 tintuża biex tidentifika din il-claim.

3.2.5.   Ħin tal-Iskadenza

Il-claim tal-Ħin tal-Iskadenza (exp) għandu jkollha kronogramma bil-format ta’ NumericDate (kif speċifikat f’RFC 8392 (4), taqsima 2) li tindika għal kemm żmien din il-firma partikolari fuq il-payload għandha tiġi kkunsidrata valida u, wara, verifikatur irid jirrifjuta l-payload bħala skaduta. L-għan tal-parametru tal-iskadenza hu li jisforza limitu tal-perjodu ta’ validità taċ-ċertifikat tas-saħħa. Il-kjavi tal-claim 4 tintuża biex tidentifika din il-claim.

Il-Ħin tal-Iskadenza ma jridx jaqbeż il-perjodu ta’ validità tad-DSC.

3.2.6.   Maħruġ Fi

Il-claim tal-Maħruġa Fi (iat) għandu jkun fiha timbru tal-ħin b’format ta’ intiġer NumericDate (kif speċifikat fi RFC 8392 (5), it-Taqsima 2) li jindika l-ħin meta nħoloq iċ-ċertifikat tas-saħħa.

L-entrata Maħruġ Fi ma tridx tkun datata qabel il-perjodu ta’ validità tad-DSC.

Il-verifikaturi jistgħu japplikaw politiki addizzjonali biex jillimitaw il-validità taċ-ċertifikat tas-saħħa abbażi tal-ħin tal-ħruġ. Il-kjavi tal-claim 6 tintuża biex tidentifika din il-claim.

3.2.7.   Il-Claim taċ-Ċertifikat tas-Saħħa

Il-claim taċ-Ċertifikat tas-Saħħa (hcert) hi oġġett JSON (RFC 7159 (6)) li fih l-informazzjoni dwar l-istatus tas-saħħa. Jistgħu jeżistu diversi tipi differenti ta’ ċertifikati tas-saħħa fl-istess claim, id-DCC hu wieħed minnhom.

Il-JSON hu purament għal skopijiet ta’ skema. Il-format tar-rappreżentazzjoni hu CBOR, kif definit fi (RFC 7049 (7)). L-iżviluppaturi tal-applikazzjonijiet ma jistgħux fil-fatt jiddekowdjaw, jew jikkowdjaw lil u mill-format JSON, iżda jużaw l-istruttura ta’ memorja fih.

Il-kjavi tal-claim li għandha tintuża biex tiġi identifikata din il-claim hija -260.

L-istrings fl-oġġett JSON jenħtieġ jiġu normalizzati skont il-Kompożizzjoni Kanonika tal-Forma tan-Normalizzazzjoni (NFC) definita fl-istandard tal-Unicode. Madankollu, id-dekowdjar tal-applikazzjonijiet jenħtieġ ikun permissiv u robust f’dawn l-aspetti, u l-aċċettazzjoni ta’ kwalunkwe tip ta’ konverżjoni raġonevoli hija mħeġġa ħafna. Jekk tinstab data mhux normalizzata waqt id-dekowdjar, jew f’funzjonijiet ta’ tqabbil sussegwenti, l-implimentazzjonijiet jenħtieġ iġibu ruħhom daqslikieku l-input hu normalizzat skont l-NFC.

4.   Is-serjalizzazzjoni u l-ħolqien tal-payload tad-DCC

Bħala mudell ta’ serjalizzazzjoni, tintuża l-iskema li ġejja:

Il-proċess jibda bl-estrazzjoni tad-data, pereżempju minn Repożitorju tad-Data dwar is-Saħħa (jew minn xi sors tad-data estern), li jistruttura d-data estratta skont l-Iskemi tad-DCC definiti. F’dan il-proċess, il-konverżjoni għall-format definit tad-data u t-trasformazzjoni għal-leġġibbiltà mill-bniedem tista’ ssir qabel tibda s-serjalizzazzjoni għal CBOR. L-akronimi tal-claims għandhom jiġu mmappjati f’kull każ għall-ismijiet murija qabel is-serjalizzazzjoni u wara d-deserjalizzazzjoni.

Il-kontenut tad-data nazzjonali fakultattiv mhux permess f’ċertifikati maħruġin skont ir-Regolament (UE) 2021/953 (8). Il-kontenut tad-data hu limitat għall-elementi tad-data definiti fis-sett tad-data minimu speċifikat fl-Anness tar-Regolament 2021/953.

5.   Ikkowdjar tat-Trasport

5.1.   Raw

Għal interfaċċi tad-data arbitrarja, il-kontenitur tal-HCERT u l-payload tiegħu jistgħu jiġu ttrasferiti kif inhuma, bl-użu ta’ xi trasport tad-data sottostanti, affidabbli u sikur, b’8 bits. Dawn l-interfaċċi jistgħu jinkludu komunikazzjoni b’kamp fil-qrib (NFC), Bluetooth jew trasferiment bi protokoll ta’ saff ta’ applikazzjoni, pereżempju trasferiment ta’ HCERT mill-Emittent lejn apparat mobbli tad-detentur.

Jekk it-trasferiment tal-HCERT mill-Emittent għad-detentur ikun ibbażat fuq interfaċċa ta’ preżentazzjoni biss (pereżempju, SMS, email), l-ikkowdjar tat-trasport raw ovvjament ma jkunx applikabbli.

5.2.   Barcode

5.2.1.   Kompressjoni tal-payload (CWT)

Biex jitnaqqas id-daqs u jittejbu l-veloċità u l-affidabbiltà fil-proċess tal-qari tal-HCERT, is-CWT għandu jiġi kkompressat biż-ZLIB (RFC 1950 (9)) u bil-mekkaniżmu ta’ kompressjoni Deflate bil-format definit f’RFC 1951 (10).

5.2.2.   Barcode QR 2D

Biex jiġi mmaniġġat aħjar it-tagħmir legat disinjat biex jopera fuq payloads tal-ASCII, is-CWT ikkompressat jiġi kkowdjat bħala ASCII bl-użu ta’ Base45 qabel ma jiġi kkowdjat f’barcode 2D.

Il-format QR kif definit f’(ISO/IEC 18004:2015) għandu jintuża għall-ġenerazzjoni tal-barcode 2D. Hi rakkomandata rata ta’ korrezzjoni tal-erruri ta’ “Q” (madwar 25 %). Peress li jintuża Base45, il-kodiċi QR trid tuża kodifikazzjoni alfanumerika (il-Modalità 2, indikata bis-simboli 0010).

Biex il-verifikaturi jkunu jistgħu jidentifikaw it-tip ta’ data kkowdjata u jagħżlu l-iskema xierqa tad-dekowdjar u tal-ipproċessar, id-data kkowdjata Base45 (skont din l-ispeċifikazzjoni) għandu jkollha l-istring tal-Identifikatur tal-Kuntest “HC1:” bħala prefiss. Verżjonijiet futuri ta’ din l-ispeċifikazzjoni li jħallu impatt fuq il-kompatibbiltà b’lura għandhom jiddefinixxu Identifikatur ta’ Kuntest ġdid, filwaqt li l-karattru li jsegwi “HC” għandu jitneħħa mis-sett ta’ karattri [1-9 A-Z]. L-ordni taż-żidiet hi definita f’dik l-ordni, jiġifieri, l-ewwel [1-9] u mbagħad [A-Z].

Hu rakkomandat li l-kodiċi ottiku jiġi pprovdut fuq il-midja tal-preżentazzjoni b’daqs djagonali ta’ bejn 35 mm u 60 mm biex jakkomoda qarrejja b’ottika fissa, meta jkun meħtieġ li l-midja tal-preżentazzjoni titqiegħed fuq wiċċ il-qarrej.

Jekk il-kodiċi ottiku jiġi stampat fuq karta bl-użu ta’ stampaturi b’riżoluzzjoni baxxa (< 300 dpi), trid tingħata attenzjoni biex kull simbolu (tikka) tal-kodiċi QR ikun eżattament kwadru. Skalar mhux proporzjonali se jwassal biex jinħolqu ringieli jew kolonni fil-QR b’simboli rettangolari, li se jfixklu l-leġibbiltà f’ħafna każijiet.

6.   Format tal-Lista ta’ Fiduċja (lista tas-CSCA u tad-DSC)

Kull Stat Membru jeħtieġ jipprovdi lista ta’ Awtorità taċ-Ċertifikazzjoni tal-Iffirmar taċ-Ċertifikat (CSCA) waħda jew aktar u lista taċ-Ċertifikati tal-Iffirmar tad-Dokumenti (DSCs) validi kollha, u jżommhom aġġornati.

6.1.   CSCA/DSC Issimplifikat

Minn din il-verżjoni tal-ispeċifikazzjonijiet, l-Istati Membri ma għandhomx jassumu li tista’ tintuża kwalunkwe informazzjoni tal-Lista ta’ Revoka taċ-Ċertifikati (CRL); jew li l-Perjodu ta’ Użu tal-Kjavi Privata jkun ivverifikat mill-implimentaturi.

Minflok, il-mekkaniżmu ta’ validità primarju hu l-preżenza taċ-ċertifikat fl-aktar verżjoni riċenti ta’ dik il-lista ta’ ċertifikati.

6.2.   Il-PKI tal-eMRTD tal-ICAO u ċ-Ċentri ta’ Fiduċja

L-Istati Membri jistgħu jużaw CSCA separata – iżda jistgħu jissottomettu wkoll iċ-ċertifikati eżistenti tagħhom tas-CSCA u/jew tad-DSC tal-eMRTD; u jistgħu wkoll jagħżlu li jakkwistaw dawn mingħand ċentri ta’ fiduċja (kummerċjali) – u jissottomettuhom. Madankollu, kull DSC irid dejjem jiġi ffirmat mis-CSCA sottomessa minn dak l-Istat Membru.

7.   Kunsiderazzjonijiet ta’ Sigurtà

Meta jfasslu skema bl-użu ta’ din l-ispeċifikazzjoni, l-Istati Membri għandhom jidentifikaw, janalizzaw u jimmonitorjaw ċerti aspetti tas-sigurtà.

Jenħtieġ li l-aspetti li ġejjin jiġu kkunsidrati bħala minimu:

7.1.   Ħin ta’ validità tal-firma tal-HCERT

L-emittent tal-HCERTs jeħtieġ jillimita l-perjodu ta’ validità tal-firma billi jispeċifika ħin tal-iskadenza tal-firma. Dan jirrikjedi li d-detentur ta’ ċertifikat tas-saħħa jġeddidha f’intervalli perjodiċi.

Il-perjodu ta’ validità aċċettabbli jista’ jiġi determinat minn restrizzjonijiet prattiċi. Pereżempju, vjaġġatur jista’ ma jkollux il-possibbiltà li jġedded iċ-ċertifikat tas-saħħa waqt vjaġġ barra mill-pajjiż. Madankollu, jista’ jkun ukoll il-każ li emittent ikun qed jikkunsidra l-possibbiltà ta’ kompromess ta’ sigurtà ta’ xi tip, li jirrikjedi li l-emittent jirtira DSC (li jinvalida ċ-ċertifikati kollha tas-saħħa maħruġa billi juża dik il-kjavi li tkun għadha fil-perjodu ta’ validità tagħhom). Il-konsegwenzi ta’ avveniment bħal dan jistgħu jkunu limitati billi l-kjavi tal-Emittent jiġu rreġistrati b’mod regolari u jkun jenħtieġ it-tiġdid taċ-ċertifikati tas-saħħa kollha, fuq xi intervall raġonevoli.

7.2.   Il-ġestjoni tal-kjavi

Din l-ispeċifikazzjoni tiddependi ħafna fuq mekkaniżmi kriptografiċi sodi biex jiġu żgurati l-integrità tad-data u l-awtentikazzjoni tal-oriġini tad-data. Għalhekk jeħtieġ tinżamm il-kunfidenzjalità tal-kjavi privati.

Il-kunfidenzjalità tal-kjavi kriptografiċi tista’ tiġi kompromessa b’għadd ta’ modi differenti, pereżempju:

—	Il-proċess tal-ġenerazzjoni tal-kjavi jista’ jkun difettuż, u jirriżulta fi kjavi dgħajfa.

—	Il-kjavi jistgħu jiġu esposti għal żball uman.

—	Il-kjavi jistgħu jinsterqu minn awturi esterni jew interni.

—	Il-kjavi jistgħu jiġu kkalkolati bl-użu tal-kriptanaliżi.

Biex ittaffi r-riskji li l-algoritmu tal-iffirmar jinstab dgħajjef, u b’hekk il-kjavi privati jkunu jistgħu jiġu kompromessi bi kriptanaliżi, din l-ispeċifikazzjoni tirrakkomanda lill-parteċipanti kollha jimplimentaw algoritmu tal-firma ta’ riżerva sekondarju abbażi ta’ parametri differenti jew abbażi ta’ problema matematika differenti minn dik primarja.

Fir-rigward tar-riskji msemmija relatati mal-ambjenti operatorji tal-emittenti, iridu jiġu implimentati miżuri ta’ mitigazzjoni biex ikun żgurat kontroll effettiv, bħal eżempju biex jiġu ġġenerati, maħżuna u użati l-kjavi privati fil-Moduli tas-Sigurtà tal-Hardware (HSMs). L-użu tal-HSMs għall-iffirmar taċ-ċertifikati tas-saħħa hu mħeġġeġ ħafna.

Irrispettivament minn jekk emittent jiddeċidix li juża l-HSMs jew le, jenħtieġ tiġi stabbilita skeda tat-tibdil tal-kjavi fejn il-frekwenza tat-tibdil tal-kjavi tkun proporzjonata mal-esponiment tal-kjavi għal networks esterni, sistemi oħra u persunal. Skeda tat-tibdil magħżula sew tillimita wkoll ir-riskji assoċjati ma’ ċertifikati tas-saħħa maħruġin b’erruri, billi tippermetti lil emittent jirrevoka dawn iċ-ċertifikati tas-saħħa f’lottijiet, billi jirtira kjavi, jekk ikun meħtieġ.

7.3.   Validazzjoni tad-data tal-input

Dawn l-ispeċifikazzjonijiet jistgħu jintużaw b’mod li jimplika li tiġi riċevuta data minn sorsi mhux fdati f’sistemi li jista’ jkollhom natura kritika għall-missjoni. Biex jitnaqqsu kemm jista’ jkun ir-riskji assoċjati ma’ dan il-mezz ta’ attakk, l-entrati kollha tal-input iridu jiġu vvalidati kif xieraq skont it-tipi tad-data, it-tulijiet u l-kontenut. Il-firma tal-emittent għandha tiġi vverifikata wkoll qabel ma jsir xi pproċessar tal-kontenut tal-HCERT. Madankollu, il-validazzjoni tal-Firma tal-emittent timplika li l-ewwel jiġi analizzat il-Header Protett tal-Emittent, li fih attakkant potenzjali jista’ jipprova jdaħħal informazzjoni mfassla bir-reqqa ddisinjata biex tikkomprometti s-sigurtà tas-sistema.

8.   Ġestjoni tal-Fiduċja

Il-firma tal-HCERT teħtieġ kjavi pubblika għall-verifika. L-Istati Membri għandhom jagħmlu dawn il-kjavi pubbliċi disponibbli. Fl-aħħar mill-aħħar, kull verifikatur irid ikollu lista tal-kjavi pubbliċi kollha li jkun lest li jafda (għax il-kjavi pubblika mhix parti mill-HCERT).

Is-sistema tikkonsisti (biss) f’żewġ saffi; għal kull Stat Membru, ċertifikat wieħed jew aktar li jiffirmwaw fil-livell tal-pajjiż, li kull wieħed jiffirma Ċertifikat tal-Iffirmar tad-Dokumenti wieħed jew aktar li jintużaw f’operazzjonijiet ta’ kuljum.

Iċ-ċertifikati tal-Istati Membri jissejħu ċertifikati tal-Awtoritajiet taċ-Ċertifikazzjoni tal-Firem taċ-Ċertifikat (CSCA) u (tipikament) ikunu ċertifikati awtoffirmati. L-Istati Membri jista’ jkollhom aktar minn wieħed (pereżempju, fil-każ ta’ devoluzzjonijiet reġjonali). Dawn iċ-ċertifikati tas-CSCA jiffirmaw b’mod regolari ċ-Ċertifikati tal-Iffirmar tad-Dokumenti (DSCs) użati għall-iffirmar tal-HCERTs.

Is-“Segretarjat” jaqdi rwol funzjonali. Għandu jiġbor flimkien u jippubblika regolarment id-DSCs tal-Istati Membri, wara li jkun ivverifikahom mal-lista taċ-ċertifikati tas-CSCA (li jkunu ntbagħtu u li jkunu ġew ivverifikati b’mezzi oħra).

Il-lista riżultanti tad-DSCs għandha mbagħad tipprovdi s-sett aggregat ta’ kjavi pubbliċi aċċettabbli (u l-kids korrispondenti) li l-verifikaturi jistgħu jużaw biex jivvalidaw il-firem fuq l-HCERTs. Il-verifikaturi jridu jġibu u jaġġornaw din il-lista regolarment.

Tali listi speċifiċi għall-Istati Membri jistgħu jiġu adattati fil-format għall-konfigurazzjoni nazzjonali tagħhom stess. Għaldaqstant, il-format tal-fajl ta’ din il-lista ta’ fiduċja jista’ jvarja, pereżempju, jista’ jkollu format iffirmat JWKS (format issettjat JWK skont RFC 7517 (11), it-Taqsima 5) jew xi format speċifiku ieħor għat-teknoloġija użata f’dak l-Istat Membru.

Biex tiġi żgurata s-sempliċità, l-Istati Membri jistgħu t-tnejn jippreżentaw iċ-ċertifikati tas-CSCA eżistenti tagħhom mis-sistemi tal-ICAO eMRTD tagħhom jew, kif rakkomandat mid-WHO, joħolqu wieħed speċifikament għal dan il-qasam tas-saħħa.

8.1.   L-Identifikatur tal-Kjavi (kids)

L-identifikatur tal-kjavi (kid) jiġi kkalkolat meta tiġi stabbilita l-lista ta’ kjavi pubbliċi ta’ fiduċja mid-DSCs u jikkonsisti f’impronta SHA-256 maqtugħa (l-ewwel 8 bytes) tad-DSC ikkowdjat b’format DER (mhux ipproċessat).

Il-verifikaturi m’għandhomx għalfejn jikkalkulaw il-kid abbażi tad-DSC u jistgħu jqabblu direttament l-identifikatur tal-kjavi fiċ-ċertifikat tas-saħħa maħruġ mal-kid fuq il-lista ta’ fiduċja.

8.2.   Differenzi għall-mudell ta’ fiduċja tal-eMRTD tal-ICAO

Filwaqt li dan jitfassal skont l-aqwa prattiki tal-mudell ta’ fiduċja tal-eMRTD PKI tal-ICAO, għandhom isiru għadd ta’ simplifikazzjonijiet fl-interess tal-ħeffa:

—	Stat Membru jista’ jissottometti diversi ċertifikati tas-CSCA.

—	Il-perjodu ta’ validità tad-DSC (użu tal-kjavi) jista’ jiġi ssettjat għal kwalunkwe tul li ma jaqbiżx dak taċ-ċertifikat tas-CSCA u jista’ jkun assenti.

—	Id-DSC jista’ jkun fih identifikaturi ta’ politika (Użu Estiż tal-Kjavi) li huma speċifiċi għaċ-ċertifikati tas-saħħa.

—	L-Istati Membri jistgħu jagħżlu li qatt ma jagħmlu verifika tar-revoki ppubblikati; iżda minflok jiddependu biss fuq il-listi tad-DSC li jiksbu kuljum mis-Segretarjat jew li jikkumpilaw huma stess.

---

(1)  rfc8392 (ietf.org)

(2)  rfc8152 (ietf.org)

(3)  rfc8230 (ietf.org)

(4)  rfc8392 (ietf.org)

(5)  rfc8392 (ietf.org)

(6)  rfc7159 (ietf.org)

(7)  rfc7049 (ietf.org)

(8)  Ir-Regolament (UE) 2021/953 tal-Parlament Ewropew u tal-Kunsill tal-14 ta’ Ġunju 2021 dwar qafas għall-ħruġ, għall-verifika u għall-aċċettazzjoni ta’ ċertifikati COVID-19 interoperabbli tat-tilqim, tat-testijiet u tal-fejqan (Ċertifikat COVID Diġitali tal-UE) għall-faċilitazzjoni tal-moviment liberu waqt il-pandemija tal-COVID-19, ĠU L 211, 15.6.2021, p. 1.

(9)  rfc1950 (ietf.org)

(10)  rfc1951 (ietf.org)

(11)  rfc7517 (ietf.org)

ANNESS II

REGOLI GĦALL-FINI TAL-MILI TAĊ-ĊERTIFIKAT COVID DIĠITALI TAL-UE

Ir-regoli ġenerali li jikkonċernaw is-settijiet ta’ valur stabbiliti f’dan l-Anness għandhom l-għan li jiżguraw l-interoperabbiltà fil-livell semantiku u għandhom jippermettu implimentazzjonijiet tekniċi uniformi għad-DCC. L-elementi li jinsabu f’dan l-Anness jistgħu jintużaw għat-tliet xenarji differenti (tilqim/ittestjar/fejqan), kif previst fir-Regolament (UE) 2021/953. F’dan l-Anness jiġu elenkati biss l-elementi bil-ħtieġa ta’ standardizzazzjoni semantika b’settijiet ta’ valur kodifikati.

It-traduzzjoni tal-elementi kodifikati bil-lingwa nazzjonali hi fir-responsabbiltà tal-Istati Membri.

Għall-entrati kollha tad-data mhux imsemmija fid-deskrizzjonijiet tas-sett ta’ valuri li ġejjin, hu rakkomandat ikkowdjar bil-UTF-8 (isem, ċentru tal-ittestjar, emittent taċ-ċertifikat). Hu rakkomandat li l-entrati tad-data li fihom dati kalendarji (data tat-twelid, data tat-tilqim, data tal-ġbir tal-kampjun tat-test, data tal-ewwel riżultat pożittiv tat-test, dati tal-validità taċ-ċertifikat) jiġu kkodifikati skont l-ISO 8601.

Jekk għal xi raġuni ma jkunux jistgħu jintużaw is-sistemi tal-kodiċi preferuti elenkati hawn taħt, jistgħu jintużaw sistemi tal-kodiċi internazzjonali oħra u jenħtieġ jiġi stabbilit parir dwar kif iridu jiġu mmappjati l-kodiċijiet mis-sistema tal-kodiċi l-oħra għas-sistema tal-kodiċi preferuta. It-test (turija ta’ ismijiet) jista’ jintuża f’każijiet eċċezzjonali bħala mekkaniżmu ta’ riżerva meta kodiċi xieraq ma jkunx disponibbli fis-settijiet ta’ valur definit.

L-Istati Membri li jużaw ikkowdjar ieħor fis-sistemi tagħhom, jenħtieġ jimmappjaw dawn il-kodiċijiet mas-settijiet ta’ valur deskritti. L-Istati Membri huma responsabbli għal kull mmappjar bħal dan.

Is-settijiet ta’ valur għandhom jiġu aġġornati regolarment mill-Kummissjoni bl-appoġġ tan-Network tas-Saħħa elettronika u tal-Kumitat għas-Sigurtà tas-Saħħa. Is-settijiet ta’ valur aġġornati għandhom jiġu ppubblikati fuq is-sit web rilevanti tal-Kummissjoni u fuq il-paġna web tan-Network tas-Saħħa elettronika. Jenħtieġ tingħata l-istorja tal-bidliet.

1.   Marda jew aġent fil-mira/Marda jew aġent li d-detentur fieq minnha/u: COVID-19 (SARS-CoV-2 jew wieħed mill-varjanti tiegħu)

Sistema tal-Kodiċi Preferuta: SNOMED CT.

Għall-użu fiċ-ċertifikati 1, 2 u 3.

Il-kodiċijiet magħżula għandhom jirreferu għall-COVID-19 jew, jekk tkun meħtieġa informazzjoni aktar dettaljata dwar il-varjant ġenetiku tas-SARS-CoV-2, għal dawn il-varjanti jekk din l-informazzjoni dettaljata tkun meħtieġa minħabba raġunijiet epidemjoloġiċi.

Eżempju ta’ kodiċi li jenħtieġ jintuża hu l-kodiċi SNOMED CT 840539006 (COVID-19).

2.   Vaċċin jew profilassi tal-COVID-19

Sistema tal-Kodiċi Preferuta: SNOMED CT jew Klassifikazzjoni ATC.

Għall-użu fiċ-ċertifikat 1.

Eżempji ta’ kodiċijiet li jenħtieġ jintużaw mis-sistemi tal-kodiċi ppreferuti huma l-kodiċi SNOMED CT 1119305005 (vaċċin antiġene SARS-CoV-2), 1119349007 (vaċċin SARS-CoV-2 mRNA) jew J07BX03 (vaċċini COVID-19). Is-sett ta’ valur jenħtieġ jiġi estiż meta jiġu żviluppati tipi ġodda ta’ vaċċini u jibdew jintużaw.

3.   Prodott mediċinali tal-vaċċin kontra l-COVID-19

Sistemi tal-Kodiċi Preferuti (fl-ordni ta’ preferenza):

—	Reġistru tal-Unjoni tal-prodotti mediċinali għall-vaċċini b’awtorizzazzjoni madwar l-UE (numri ta’ awtorizzazzjoni)

—	Reġistru dinji tal-vaċċini bħal dak li jista’ jiġi stabbilit mill-Organizzazzjoni Dinjija tas-Saħħa

—	L-isem tal-prodott mediċinali tal-vaċċin f’każijiet oħra. Jekk l-isem jinkludi spazji bojod, dawn jenħtieġ jiġu sostitwiti b’sing (-).

Isem is-Sett ta’ Valur: Vaċċin.

Għall-użu fiċ-ċertifikat 1.

Eżempju ta’ kodiċi li jenħtieġ li jintuża mis-sistemi tal-kodiċi preferuti hu EU/1/20/1528 (Comirnaty). Eżempju tal-isem tal-vaċċin li għandu jintuża bħala kodiċi: Sputnik-V (li jfisser Sputnik V).

4.   Detentur jew manifattur tal-awtorizzazzjoni għat-tqegħid fis-suq tal-vaċċin tal-COVID-19

Sistema ta’ Kodiċi Preferuta:

—	Kodiċi tal-organizzazzjoni mill-EMA (sistema SPOR għall-ISO IDMP)

—	Detentur tal-awtorizzazzjoni għat-tqegħid fis-suq ta’ vaċċin jew reġistru tal-manifattur fil-livell dinji, bħal dak li jista’ jiġi stabbilit mill-Organizzazzjoni Dinjija tas-Saħħa

—	L-isem tal-organizzazzjoni f’każijiet oħra. Jekk l-isem jinkludi spazji bojod, dawn jenħtieġ jiġu sostitwiti b’sing (-).

Għall-użu fiċ-ċertifikat 1.

Eżempju ta’ kodiċi li jenħtieġ jintuża mis-sistema tal-kodiċi preferuta hu ORG-100001699 (AstraZeneca AB). Eżempju tal-isem tal-organizzazzjoni li għandu jintuża bħala kodiċi: Sinovac-Biotech (li jfisser Sinovac Biotech).

5.   Numru f’serje ta’ dożi u n-numru dinji ta’ dożi fis-serje

Għall-użu fiċ-ċertifikat 1.

Żewġ entrati:

(1)	In-numru ta’ doża mogħtija f’ċiklu

(2)	In-numru ta’ dożi mistennija għal ċiklu sħiħ (speċifiku għal persuna fil-ħin tal-għoti tat-tilqima)

Pereżempju, 1/1, 2/2 se jiġu ppreżentati bħala lesti; inkluż l-għażla 1/1 għall-vaċċini li jinkludu żewġ dożi, iżda li l-protokoll applikat għalihom mill-Istat Membru hu li tingħata doża waħda liċ-ċittadini li jkunu ġew dijanjostikati bil-COVID-19 qabel it-tilqima. In-numru dinji ta’ dożi fis-serje jenħtieġ jiġi indikat skont l-informazzjoni disponibbli fil-ħin meta tingħata d-doża. Pereżempju, jekk vaċċin speċifiku jkun jenħtieġ it-tielet doża (booster) waqt il-ħin tal-aħħar tilqima mogħtija, it-tieni numru tal-entrata għandu jirrifletti dan (pereżempju 2/3, 3/3 eċċ.).

6.   Stat Membru jew pajjiż terz fejn ingħata l-vaċċin/sar it-test

Sistema tal-Kodiċi Preferuta: Kodiċijiet tal-Pajjiżi ISO 3166.

Għall-użu fiċ-ċertifikati 1, 2 u 3.

Kontenut tas-sett ta’ valur: il-lista sħiħa ta’ kodiċijiet b’2 ittri, disponibbli bħala sett ta’ valur definit fl-FHIR (http://hl7.org/fhir/ValueSet/iso3166-1-2)

7.   It-tip ta’ test

Sistema tal-Kodiċi Preferuta: LOINC.

Għall-użu fiċ-ċertifikat 2, u fiċ-ċertifikat 3 jekk b’att delegat jiġi introdott appoġġ għall-ħruġ ta’ ċertifikati tal-fejqan abbażi tat-tipi ta’ test, għajr l-NAAT.

Il-kodiċijiet f’dan is-sett ta’ valuri għandhom jirreferu għall-metodu tat-test u għandhom jintgħażlu tal-anqas biex jiġu sseparati t-testijiet tal-NAAT mit-testijiet tar-RAT kif espress fir-Regolament (UE) 2021/953.

Eżempju ta’ kodiċi li jenħtieġ jintuża mis-sistema tal-kodiċi preferuta hu LP217198-3 (Immunoassaġġ rapidu).

8.   Manifattur u isem kummerċjali tat-test użat (fakultattiv għat-test tal-NAAT)

Sistema tal-Kodiċi Preferuta: Lista mill-HSC tat-Testijiet Rapidi tal-Antiġeni kif miżmuma mill-JRC (Bażi tad-Data ta’ Tagħmir Dijanjostiku in vitro u tal-Metodi ta’ Ttestjar għall-COVID-19).

Għall-użu fiċ-ċertifikat 2.

Il-kontenut tas-Sett ta’ Valuri għandu jinkludi l-għażla tat-test rapidu tal-antiġeni kif elenkat fil-lista komuni u aġġornata tat-testijiet rapidi tal-antiġeni tal-COVID-19, stabbilita abbażi tar-Rakkomandazzjoni tal-Kunsill 2021/C 24/01 u maqbula mill-Kumitat għas-Sigurtà tas-Saħħa. Il-lista tinżamm mill-JRC fil-Bażi tad-Data ta’ Tagħmir Dijanjostiku in vitro u tal-Metodi ta’ Ttestjar tal-COVID-19 fuq: https://covid-19-diagnostics.jrc.ec.europa.eu/devices/hsc-common-recognition-rat

Għal din is-sistema tal-kodiċi, għandhom jintużaw entrati rilevanti bħall-identifikatur tal-apparat tat-test, l-isem tat-test u tal-manifattur, bil-format strutturat tal-JRC disponibbli fuq https://covid-19-diagnostics.jrc.ec.europa.eu/devices

9.   Riżultat tat-test

Sistema tal-Kodiċi Preferuta: SNOMED CT.

Għall-użu fiċ-ċertifikat 2.

Il-kodiċijiet magħżula għandhom jippermettu li ssir distinzjoni bejn ir-riżultati pożittivi u negattivi tat-test (identifikati jew mhux identifikati). Jistgħu jiżdiedu valuri addizzjonali (bħal dawk mhux determinati) jekk il-każijiet tal-użu jkunu jeħtieġu dan.

Eżempji ta’ kodiċijiet li jenħtieġ jintużaw mis-sistema tal-kodiċi preferuta huma 260415000 (Mhux identifikat) u 260373001 (Identifikat).

ANNESS III

STRUTTURA KOMUNI TAL-IDENTIFIKATUR UNIKU TAĊ-ĊERTIFIKAT

1.   Introduzzjoni

Kull ċertifikat COVID Diġitali tal-UE (DCC) għandu jinkludi identifikatur uniku taċ-ċertifikat (UCI) li jappoġġa l-interoperabbiltà tad-DCCs. Il-UCI jista’ jintuża biex jiġi vverifikat iċ-ċertifikat. L-Istati Membri għandhom ikunu responsabbli għall-implimentazzjoni tal-UCI. Il-UCI hu mezz biex tiġi vverifikata l-veraċità taċ-ċertifikat u, meta applikabbli, biex ikun hemm rabta ma’ sistema ta’ reġistrazzjoni (pereżempju, IIS). Dawn l-identifikaturi għandhom jippermettu wkoll affermazzjonijiet (stampati u diġitali) mill-Istati Membri li l-individwi jkunu tlaqqmu jew ġew ittestjati.

2.   Il-kompożizzjoni tal-identifikatur uniku taċ-ċertifikat

Il-UCI għandu jsegwi struttura u format komuni li jiffaċilita l-interpretazzjoni tal-informazzjoni mill-bniedem u/jew mill-magni u tista’ tkun relatata ma’ elementi bħall-Istat Membru tat-tilqim, il-vaċċin innifsu u identifikatur speċifiku ta’ Stat Membru. Dan jiżgura l-flessibbiltà lill-Istati Membri biex jifformattjawh, b’rispett sħiħ tal-leġiżlazzjoni dwar il-protezzjoni tad-data. L-ordni tal-elementi separati ssegwi ġerarkija definita li tista’ tippermetti modifiki futuri tal-elementi filwaqt li żżomm l-integrità strutturali tiegħu.

Is-soluzzjonijiet possibbli għall-kompożizzjoni tal-UCI jiffurmaw spettru fejn il-modularità u l-interpretazzjoni mill-bniedem huma ż-żewġ parametri ewlenin diversifikanti u karatteristika fundamentali waħda:

—	Modularità: il-grad sa fejn il-kodiċi hu magħmul minn elementi fundamentali distinti li fihom informazzjoni semantikament differenti

—	Interpretazzjoni mill-bniedem: il-grad sa fejn il-kodiċi hu sinifikanti jew jista’ jiġi interpretat mill-qarrej uman

—

Globalment uniku; l-identifikatur tal-Pajjiż jew tal-Awtorità hu ġestit tajjeb; u kull pajjiż (awtorità) mistenni jimmaniġġa s-segment tiegħu tal-ispazju tal-isem tajjeb billi qatt ma jirriċiklaw identifikaturi jew jerġgħu joħorġuhom. Il-kombinament ta’ dan tiżgura li kull identifikatur ikun globalment uniku.

3.   Rekwiżiti ġenerali

Ir-rekwiżiti ġenerali li ġejjin jenħtieġ jiġu ssodisfati fir-rigward tal-UCI:

(1)	Charset: Huma permessi biss karattri alfanumeriċi kapitali US-ASCII alfa (“A” sa “Z”, “0” sa “9”); b’karattri speċjali addizzjonali għas-separazzjoni mill-RFC3986 (1) (2), jiġifieri {’/’,’#’,’:’};

(2)	Tul massimu: id-disinjaturi jenħtieġ jipprovaw jimmiraw għal tul ta’ 27-30 karattru (3);

(3)	Prefiss tal-verżjoni: dan jirreferi għall-verżjoni tal-iskema tal-UCI. Il-prefiss tal-verżjoni hu “01” għal din il-verżjoni tad-dokument; il-prefiss tal-verżjoni hu magħmul minn żewġ ċifri;

(4)	Prefiss tal-pajjiż: il-kodiċi tal-pajjiż hu speċifikat mill-ISO 3166-1. Kodiċijiet itwal (eż... 3 karattri u aktar (pereżempju, “UNHCR”) huma riżervati għall-użu futur;

(5)

Suffiss tal-kodiċi/Checksum: 5.1. L-Istati Membri jenħtieġ jużaw checksum meta aktarx isseħħ trażmissjoni, traskrizzjoni (umana) jew korruzzjoni oħra (jiġifieri meta tintuża fl-istampar). 5.2. Wieħed ma jridx jibbaża fuq iċ-checksum għall-validazzjoni taċ-ċertifikat u ċ-checksum mhix teknikament parti mill-identifikatur iżda tintuża biex tiġi vverifikata l-integrità tal-kodiċi. Din iċ-checksum jenħtieġ tkun is-sommarju ISO-7812-1 (LUHN-10) (4) tal-UCI kollu b’format ta’ trasport diġitali/bil-wire. Iċ-checksum hi separata mill-bqija tal-UCI bil-karattru “#”.

Jenħtieġ tiġi żgurata kompatibbiltà b’lura: L-Istati Membri li maż-żmien jibdlu l-istruttura tal-identifikaturi tagħhom (fil-verżjoni ewlenija, attwalment stabbilita għal v1) iridu jiżguraw li kwalunkwe żewġ identifikaturi li jkunu identiċi jirrappreżentaw l-istess ċertifikat/dikjarazzjoni ta’ tilqim. Jew, fi kliem ieħor, l-Istati Membri ma jistgħux jirriċiklaw l-identifikaturi.

4.   Alternattivi għal identifikaturi uniċi taċ-ċertifikat, għaċ-ċertifikati tat-tilqim

Il-linji gwida tan-Network tas-Saħħa elettronika għaċ-ċertifikati ta’ tilqim verifikabbli u l-elementi bażiċi tal-interoperabbiltà (5) jipprevedu għażliet differenti disponibbli għall-Istati Membri u partijiet oħra li jistgħu jeżistu flimkien fost Stati Membri differenti. L-Istati Membri jistgħu jużaw dawn l-għażliet differenti f’verżjoni differenti tal-iskema tal-UCI.

---

(1)  rfc3986 (ietf.org)

(2)  Entrati bħal Ġeneru, Lott/numru tal-lott, Ċentru ta’ Amministrazzjoni, identifikazzjoni tal-Professjonista tas-Saħħa, data tat-tilqim li jmiss jistgħu ma jkunux meħtieġa għal skopijiet oħra għajr għall-użu mediku.

(3)  Għall-implimentazzjoni tal-kodiċijiet QR, l-Istati Membri jistgħu jikkunsidraw li jintuża sett addizzjonali ta’ karattri b’tul totali sa 72 karattru (inkluż is-27-30 tal-identifikatur innifsu) biex iwassal informazzjoni oħra. L-ispeċifikazzjoni ta’ din l-informazzjoni hi f’idejn l-Istati Membri biex jiddefinixxuha.

(4)  L-algoritmu Luhn mod N hu estensjoni għall-algoritmu Luhn (magħruf ukoll bħala algoritmu mod 10) li jaħdem għal kodiċijiet numeriċi u jintuża pereżempju għall-kalkolu taċ-checksums tal-karti ta’ kreditu. L-estensjoni tippermetti lill-algoritmu jaħdem b’sekwenzi ta’ valuri fi kwalunkwe bażi (karattri alfa fil-każ tagħna).

(5)  https://ec.europa.eu/health/sites/default/files/ehealth/docs/vaccination-proof_interoperability-guidelines_en.pdf

ANNESS IV

GOVERNANZA TAĊ-ĊERTIFIKATI TAL-KJAVI PUBBLIĊI

1.   Introduzzjoni

L-iskambju sigur u fdat tal-kjavi tal-firma għaċ-ċertifikati COVID diġitali tal-UE (DCCs) bejn l-Istati Membri jitwettaq mill-Gateway taċ-Ċertifikat COVID Diġitali tal-UE (DCCG), li jaġixxi bħala repożitorju ċentrali għall-kjavi pubbliċi. Bid-DCCG, l-Istati Membri għandhom is-setgħa li jippubblikaw il-kjavi pubbliċi li jikkorrespondu għall-kjavi privati li huma jużaw biex jiffirmaw iċ-Ċertifikati COVID Diġitali. L-Istati Membri dipendenti jistgħu jużaw id-DCCG biex jiksbu materjal aġġornat u fil-ħin dwar kjavi pubbliċi. Imbaghad id-DCCG jista’ jiġi estiż għall-iskambju tal-informazzjoni supplimentari affidabbli li l-Istati Membri jipprovdu, bħar-regoli ta’ validazzjoni għad-DCCs. Il-mudell ta’ fiduċja tal-qafas tad-DCC hu Infrastruttura tal-Kjavi Pubblika (PKI). Kull Stat Membru jżomm Awtorità Nazzjonali taċ-Ċertifikazzjoni tal-Firem (CSCA) waħda jew aktar, li ċ-ċertifikati tagħha għandhom ħajja relattivament twila. Wara d-deċiżjoni tal-Istat Membru, is-CSCA tista’ tkun l-istess jew differenti mis-CSCA użata għal dokumenti tal-ivvjaġġar li jinqraw mill-magni. Is-CSCA toħroġ ċertifikati tal-kjavi pubblika għall-Firmatarji tad-Dokumenti nazzjonali, b’ħajja qasira (jiġifieri l-firmatarji għad-DCCs), li jissejħu Ċertifikati tal-Firem tad-Dokumenti (DSCs). Is-CSCA taġixxi bħala ankra ta’ fiduċja b’tali mod li l-Istati Membri dipendenti jkunu jistgħu jużaw iċ-ċertifikat tas-CSCA biex jivvalidaw l-awtentiċità u l-integrità tad-DSCs li jinbidlu b’mod regolari. Ladarba jiġu vvalidati, l-Istati Membri jistgħu jipprovdu dawn iċ-ċertifikati (jew sempliċiment il-kjavi pubbliċi li jinsabu fihom) għall-applikazzjonijiet ta’ validazzjoni tad-DCC tagħhom. Minbarra s-CSAs u d-DSCs, id-DCCG jiddependi wkoll fuq il-PKI biex jawtentika t-tranżazzjonijiet, jiffirma d-data, bħala l-bażi għall-awtentikazzjoni u bħala mezz biex tiġi żgurata l-integrità tal-mezzi tal-komunikazzjoni bejn l-Istati Membri u d-DCCG.

Il-firem diġitali jistgħu jintużaw biex jinkisbu l-integrità u l-awtentiċità tad-data. L-infrastrutturi tal-Kjavi Pubbliċi jistabbilixxu l-fiduċja bi kjavi pubbliċi vinkolanti għal identitajiet verifikati (jew emittenti). Dan hu meħtieġ biex parteċipanti oħra jitħallew jivverifikaw l-oriġini tad-data u l-identità tas-sieħeb tal-komunikazzjoni u biex jiddeċiedu dwar il-fiduċja. Fid-DCCG, jintużaw diversi ċertifikati tal-kjavi pubbliċi għall-awtentiċità. Dan l-Anness jiddefinixxi liema ċertifikati tal-kjavi pubbliċi jintużaw u kif għandhom jitfasslu biex jippermettu interoperabbiltà wiesgħa fost l-Istati Membri. Dan jipprovdi aktar dettalji dwar iċ-ċertifikati tal-kjavi pubbliċi meħtieġa u jagħti gwida dwar mudelli taċ-ċertifikati u l-perjodi ta’ validità għall-Istati Membri li jridu joperaw is-CSCA tagħhom stess. Peress li d-DCCs għandhom ikunu verifikabbli għal perjodu ta’ żmien definit (li jibda mill-ħruġ u jiskadi wara żmien partikolari), jeħtieġ jiġi definit mudell ta’ verifika għall-firem kollha applikati fuq iċ-ċertifikati tal-kjavi pubbliċi u d-DCCs.

2.   Terminoloġija

It-tabella li ġejja fiha l-abbrevjazzjonijiet u t-terminoloġija użati f’dan l-Anness kollu.

Terminu	Definizzjoni
Ċertifikat	Jew ċertifikat tal-kjavi pubblika. Ċertifikat X. 509 v3 li fih il-kjavi pubblika ta’ entità
CSCA	Awtorità Nazzjonali taċ-Ċertifikazzjoni tal-Firem
DCC	Ċertifikat COVID Diġitali tal-UE. Dokument diġitali ffirmat li jkun fih informazzjoni dwar it-tilqim, it-test jew il-fejqan
DCCG	Gateway taċ-Ċertifikat COVID Diġitali tal-UE. Din is-sistema tintuża għall-iskambju tad-DSCs bejn l-Istati Membri
DCCGTA	Iċ-ċertifikat ta’ Ankra ta’ Fiduċja tad-DCCG. Il-kjavi privata korrispondenti tintuża biex tiġi ffirmata l-lista taċ-ċertifikati kollha tas-CSCA offline
DCCGTLS	Iċ-ċertifikat tas-server TLS tad-DCCG
DSC	Ċertifikat tal-Firem tad-Dokumenti. Iċ-Ċertifikat tal-Kjavi Pubblika ta’ awtorità għall-iffirmar tad-dokumenti ta’ Stat Membru (pereżempju, sistema li titħalla tiffirma DCCs). Dan iċ-ċertifikat jinħareġ mis-CSCA tal-Istat Membru
EC-DSA	Algoritmu tal-Firma Diġitali b’Kurvi Ellittiċi. Algoritmu tal-firma kriptografika bbażat fuq kurvi ellittiċi
Stat Membru	Stat Membru tal-Unjoni Ewropea
mTLS	TLS reċiproku. Il-Protokoll għas-Sigurtà tas-Saff tat-Trasport b’awtentikazzjoni reċiproka
NB	Backend Nazzjonali ta’ Stat Membru
NBCSCA	Iċ-ċertifikat tas-CSCA ta’ Stat Membru (jista’ jkun aktar minn wieħed)
NBTLS	Iċ-ċertifikat ta’ awtentikazzjoni tat-TLS tal-klijent ta’ backend nazzjonali
NBUP	Iċ-ċertifikat li juża backend nazzjonali biex jiffirma pakketti ta’ data li jittellgħu fid-DCCG
PKI	Infrastruttura tal-Kjavi Pubblika. Mudell ta’ fiduċja bbażat fuq iċ-ċertifikati tal-kjavi pubbliċi u fuq l-awtoritajiet taċ-ċertifikazzjoni
RSA	Algoritmu kriptografiku asimmetriku bbażat fuq fattorizzazzjoni integer użata għall-firem diġitali jew għall-kriptaġġ asimmetriku

3.   Flussi tal-komunikazzjoni u servizzi tas-sigurtà tad-DCCG

Din it-taqsima tagħti ħarsa ġenerali lejn il-flussi tal-komunikazzjoni u s-servizzi tas-sigurtà fis-sistema tad-DCCG. Tiddefinixxi wkoll liema kjavi u ċertifikati jintużaw biex tiġi protetta l-komunikazzjoni, l-informazzjoni mtellgħa, id-DCCs, u lista ta’ fiduċja ffirmata li fiha ċ-ċertifikati tas-CSCA mtellgħin kollha. Id-DCCG jaħdem bħala ċentru tad-data li jippermetti l-iskambju ta’ pakketti tad-data ffirmati għall-Istati Membri.

Pakketti tad-data mtellgħin huma pprovduti mid-DCCG “kif inhuma”, li jfisser li d-DCCG ma jżidx jew ma jħassarx id-DSCs mill-pakketti li jirċievi. Il-backend nazzjonali (NB) tal-Istati Membri għandu jkun jista’ jivverifika l-integrità u l-awtentiċità minn tarf sa tarf tad-data mtellgħa. Minbarra dan, il-backends nazzjonali u d-DCCG se jużaw awtentikazzjoni reċiproka tat-TLS biex jistabbilixxu konnessjoni sigura. Dan minbarra l-firem fid-data skambjata.

3.1.   Awtentikazzjoni u stabbiliment tal-konnessjoni

Id-DCCG juża Saff ta’ Sigurtà tat-Trasport (TLS) b’awtentikazzjoni reċiproka biex jistabbilixxi mezz kriptat awtentikat bejn il-backend nazzjonali (NB) tal-Istat Membru u l-ambjent tal-Gateway. Għalhekk, id-DCCG għandu ċertifikat tas-server tat-TLS, DCCGTLS fil-qosor; u l-backends nazzjonali għandhom ċertifikat tat-TLS tal-klijent, fil-qosor NBTLS. Mudelli ta’ ċertifikati huma pprovduti fit-Taqsima 5. Kull backend nazzjonali jista’ jipprovdi ċ-ċertifikat tat-TLS tiegħu stess. Dan iċ-ċertifikat se jsirlu whitelisting b’mod espliċitu u għalhekk jista’ jinħareġ minn awtorità taċ-ċertifikazzjoni fdata pubblikament (pereżempju, awtorità taċ-ċertifikazzjoni li ssegwi r-rekwiżiti bażi tal-Forum tal-Browser CA), minn awtorità nazzjonali taċ-ċertifikazzjoni jew jista’ jiġi ffirmat minnha stess. Kull Stat Membru hu responsabbli għad-data nazzjonali tiegħu u għall-protezzjoni tal-kjavi privata użata biex tiġi stabbilita l-konnessjoni mad-DCCG. L-approċċ ta’ “ġib iċ-ċertifikat tiegħek stess” jeħtieġ proċess definit sew ta’ reġistrazzjoni u identifikazzjoni, u proċeduri ta’ revoka u tiġdid kif deskritt fit-Taqsimiet 4.1 , 4.2 and 4.3. Id-DCCG juża whitelist fejn jiżdiedu ċ-ċertifikati tat-TLS tan-NBs wara li r-reġistrazzjoni tagħhom tkun irnexxiet. NBs biss li jawtentikaw lilhom infushom bi kjavi privata li tikkorrispondi għal ċertifikat fil-whitelist jistgħu jistabbilixxu konnessjoni sigura mad-DCCG. Id-DCCG se juża wkoll ċertifikat tat-TLS li jippermetti lin-NBs jivverifikaw li tabilħaqq qed jistabbilixxu konnessjoni mad-DCCG “reali” u mhux ma’ xi entità malizzjuża li tagħmilha ta’ DCCG. Iċ-ċertifikat tad-DCCG se jingħata lin-NBs wara reġistrazzjoni b’suċċess. Iċ-ċertifikat tad-DCCGTLS se jinħareġ minn CA fdata pubblikament (inkluż fil-browsers ewlenin kollha). Hi r-responsabbiltà tal-Istati Membri li jivverifikaw li l-konnessjoni tagħhom mad-DCCG hi sigura (pereżempju, billi jivverifikaw il-marka tas-swaba’ taċ-ċertifikat DCCGTLS tas-server imqabbad magħha għal dik ipprovduta wara r-reġistrazzjoni).

3.2.   Awtoritajiet Nazzjonali taċ-Ċertifikazzjoni tal-Firem u l-Mudell ta’ Validazzjoni

L-Istati Membri li jieħdu sehem fil-qafas tad-DCCG iridu jużaw CSCA biex joħorġu d-DSCs. L-Istati Membri jista’ jkollhom aktar minn CSCA waħda, pereżempju, fil-każ ta’ devoluzzjoni reġjonali. Kull Stat Membru jista’ juża l-awtoritajiet taċ-ċertifikazzjoni eżistenti jew inkella jista’ jistabbilixxi awtorità taċ-ċertifikazzjoni ddedikata (possibbilment awtoffirmata) għas-sistema tad-DCC.

L-Istati Membri jridu jippreżentaw iċ-ċertifikat(i) tas-CSCA tagħhom lill-operatur tad-DCCG waqt il-proċedura uffiċjali ta’ onboarding. Wara r-reġistrazzjoni b’suċċess tal-Istat Membru (ara t-Taqsima 4.1 għal aktar dettalji), l-operatur tad-DCCG se jaġġorna lista ta’ fiduċja ffirmata li jkun fiha ċ-ċertifikati kollha tas-CSCA li huma attivi fil-qafas tad-DCC. L-operatur tad-DCCG se juża par kjavi asimmetriku ddedikat biex jiffirma l-lista ta’ fiduċja u ċ-ċertifikati f’ambjent offline. Il-kjavi privata ma tinħażinx fuq is-sistema tad-DCCG online, b’tali mod li kompromess tas-sistema online ma jippermettix li attakkant jikkomprometti l-lista ta’ fiduċja. Iċ-ċertifikat ta’ ankra ta’ fiduċja DCCGTA korrispondenti, se jingħata lin-national backends waqt il-proċess ta’ onboarding.

L-Istati Membri jistgħu jirkupraw il-lista ta’ fiduċja mid-DCCG għall-proċeduri ta’ verifika tagħhom. Is-CSCA hi definita bħala l-awtorità taċ-ċertifikazzjoni li toħroġ id-DSCs, għaldaqstant l-Istati Membri li jużaw ġerarkija tal-CA f’diversi livelli (pereżempju, Root CA -> CSCA -> DSCs) iridu jipprovdu l-awtorità taċ-ċertifikazzjoni subordinarja li toħroġ id-DSCs. F’dan il-każ, jekk Stat Membru juża awtorità taċ-ċertifikazzjoni eżistenti, allura s-sistema tad-DCC se tinjora kwalunkwe ħaġa ’l fuq mis-CSCA u tqis biss bħala whitelist is-CSCA bħala l-ankra ta’ fiduċja (anki jekk din tkun CA subordinat). Dan hu bħall-mudell tal-ICAO, li jippermetti biss eżattament 2 livelli – “root” CSCA u “leaf” DSC – iffirmati minn dik is-CSCA biss.

Jekk Stat Membru jkun jopera s-CSCA tiegħu stess, l-Istat Membru jkun responsabbli għall-operazzjoni sigura u għall-ġestjoni tal-kjavi ta’ din is-CA. Is-CSCA taġixxi bħala l-ankra ta’ fiduċja għad-DSCs, u għalhekk il-protezzjoni tal-kjavi privata tas-CSCA hi essenzjali għall-integrità tal-ambjent tad-DCC. Il-mudell ta’ verifika fid-DCC PKI hu l-mudell primarju, li jiddikjara li ċ-ċertifikati kollha fil-validazzjoni tal-mogħdija taċ-ċertifikat iridu jkunu validi fi żmien partikolari (jiġifieri l-ħin tal-validazzjoni tal-firma). Għalhekk, japplikaw ir-restrizzjonijiet li ġejjin:

—	Is-CSCA m’għandhiex toħroġ ċertifikati li huma validi għal aktar żmien miċ-ċertifikat CA nnifsu;

—	Il-firmatur tad-dokument m’għandux jiffirma dokumenti li jkunu validi għal aktar tul mid-DSC innifsu;

—	L-Istati Membri li joperaw is-CSCA tagħhom stess iridu jiddefinixxu l-perjodi ta’ validità għas-CSCA tagħhom u għaċ-ċertifikati kollha maħruġa u jridu jieħdu ħsieb it-tiġdid taċ-ċertifikati.

It-Taqsima 4.2 fiha rakkomandazzjonijiet għall-perjodi ta’ validità.

3.3.   Integrità u awtentiċità tad-data mtellgħa

Il-backends nazzjonali jistgħu jużaw id-DCCG biex itellgħu u jniżżlu pakketti ta’ data ffirmati b’mod diġitali wara awtentikazzjoni reċiproka b’suċċess. Fil-bidu, dawn il-pakketti ta’ data jkollhom id-DSCs tal-Istati Membri. Il-par kjavi li jintuża mill-backend nazzjonali għall-firma diġitali ta’ pakketti tad-data mtellgħin fis-sistema tad-DCCG jissejjaħ il-par kjavi tal-firma tal-upload tal-backend nazzjonali u ċ-ċertifikat tal-kjavi pubblika korrispondenti huwa mqassar bħala ċertifikat NBUP. Kull Stat Membru jġib iċ-ċertifikat NBUP tiegħu stess, li jista’ jiġi ffirmat minnu stess, jew jinħareġ minn awtorità taċ-ċertifikazzjoni eżistenti, bħal awtorità taċ-ċertifikazzjoni pubblika (jiġifieri awtorità taċ-ċertifikazzjoni li toħroġ ċertifikat f’konformità mar-rekwiżiti bażiċi tal-Forum CAB). Iċ-ċertifikat NBUP għandu jkun differenti minn kwalunkwe ċertifikat ieħor użat mill-Istat Membru (jiġifieri CSCA, klijent tat-TLS jew DSCs).

L-Istati Membri jridu jipprovdu ċ-ċertifikat għall-upload lill-operatur tad-DCCG waqt il-proċedura ta’ reġistrazzjoni inizjali (ara t-Taqsima 4.1 għal aktar dettalji). Kull Stat Membru hu responsabbli għad-data nazzjonali tiegħu u jrid jipproteġi l-kjavi privata li tintuża għall-iffirmar tal-uploads.

Stati Membri oħra jistgħu jivverifikaw il-pakketti tad-data ffirmati billi jużaw iċ-ċertifikati mtellgħin li huma pprovduti mid-DCCG. Id-DCCG jivverifika l-awtentiċità u l-integrità tad-data mtellgħa maċ-ċertifikat imtella’ tan-NB qabel ma tiġi pprovduta lil Stati Membri oħra.

3.4.   Rekwiżiti dwar l-arkitettura teknika tad-DCCG

Ir-rekwiżiti dwar l-arkitettura teknika tad-DCCG huma kif ġej:

—	Id-DCCG juża l-awtentikazzjoni ta’ TLS reċiproka biex jistabbilixxi konnessjoni kriptata awtentikata mal-NBs. Għalhekk, id-DCCG iżomm whitelist taċ-ċertifikati tal-klijenti reġistrati NBTLS;

—	Id-DCCG juża żewġ ċertifikati diġitali (DCCGTLS u DCCGTA) b’żewġ pari kjavi distinti. Il-kjavi privata tal-par kjavi tad-DCCGTA tinżamm offline (mhux fuq il-komponenti online tad-DCCG);

—	Id-DCCG iżomm lista ta’ fiduċja taċ-ċertifikati NBCSCA li hija ffirmata bil-kjavi privata tad-DCCGTA;

—	Iċ-ċifri li jintużaw iridu jissodisfaw ir-rekwiżiti mit-Taqsima 5.1.

4.   Ġestjoni taċ-Ċiklu tal-ħajja taċ-Ċertifikat

4.1.   Ir-reġistrazzjoni tal-Backends Nazzjonali

L-Istati Membri jridu jirreġistraw mal-operatur tad-DCCG biex jieħdu sehem fis-sistema tad-DCCG. Din it-taqsima tiddeskrivi l-proċedura teknika u operazzjonali li trid tiġi segwita għar-reġistrazzjoni ta’ backend nazzjonali.

L-operatur tad-DCCG u l-Istat Membru jridu jiskambjaw informazzjoni dwar persuni tekniċi ta’ kuntatt għall-proċess ta’ onboarding. Hu preżunt li l-persuni tekniċi ta’ kuntatt ikunu leġittimati mill-Istati Membri tagħhom u l-identifikazzjoni/l-awtentikazzjoni titwettaq b’mezzi oħra. Pereżempju, l-awtentikazzjoni tista’ tinkiseb meta l-kuntatt tekniku tal-Istati Membri jipprovdi ċ-ċertifikati bħala fajls kriptati b’password permezz tal-email u jikkondividi l-password korrispondenti mal-operatur tad-DCCG permezz tat-telefown. Jistgħu jintużaw ukoll mezzi siguri oħra definiti mill-operatur tad-DCCG.

L-Istat Membru jrid jipprovdi tliet ċertifikati diġitali waqt il-proċess ta’ reġistrazzjoni u identifikazzjoni:

—	Iċ-ċertifikat tat-TLS tal-Istat Membru NBTLS

—	Iċ-ċertifikat imtella’ tal-Istat Membru NBUP

—	Iċ-ċertifikat(i) tas-CSCA tal-Istat Membru NBCSCA

Iċ-ċertifikati kollha pprovduti jridu jaderixxu mar-rekwiżiti definiti fit-Taqsima 5. L-operatur tad-DCCG jivverifika li ċ-ċertifikat ipprovdut jaderixxi mar-rekwiżiti tat-Taqsima 5. Wara l-identifikazzjoni u r-reġistrazzjoni, l-operatur tad-DCCG:

—	iżid iċ-ċertifikat(i) tan-NBCSCA fil-lista ta’ fiduċja ffirmata bil-kjavi privata li tikkorrispondi għall-kjavi pubblika tad-DCCGTA;

—	iżid iċ-ċertifikat tan-NBTLS fil-whitelist tal-punt ta’ tmiem tat-TLS tad-DCCG;

—	iżid iċ-ċertifikat tan-NBUP fis-sistema tad-DCCG;

—	jipprovdi ċ-ċertifikat tal-kjavi pubblika tad-DCCGTA u tad-DCCGTLS lill-Istat Membru.

4.2.   L-awtoritajiet taċ-ċertifikazzjoni, il-perjodi ta’ validità u t-tiġdid

F’każ li Stat Membru jkun irid jopera s-CSCA tiegħu stess, iċ-ċertifikati tas-CSCA jistgħu jkunu ċertifikati awtoffirmati. Huma jaġixxu bħala l-ankra ta’ fiduċja tal-Istat Membru u għalhekk l-Istat Membru jrid jipproteġi bil-qawwa l-kjavi privata li tikkorrispondi għall-kjavi pubblika taċ-ċertifikat tas-CSCA. Hu rakkomandat li l-Istati Membri jużaw sistema offline għas-CSCA tagħhom, jiġifieri sistema tal-kompjuter li mhix konnessa ma’ xi network. Kontroll ta’ aktar minn persuna waħda għandu jintuża għall-aċċess tas-sistema (pereżempju, il-prinċipju ta’ erba’ għajnejn). Wara l-iffirmar tad-DSCs, għandhom jiġu applikati kontrolli operazzjonali, u s-sistema bil-kjavi privata tas-CSCA għandha tinħażen b’mod sikur b’kontrolli tal-aċċess sodi. Moduli tas-Sigurtà tal-Hardware jew Smart Cards jistgħu jintużaw biex jipproteġu ulterjorment il-kjavi privata tas-CSCA. Iċ-ċertifikati diġitali fihom perjodu ta’ validità li jinforza t-tiġdid taċ-ċertifikat. It-tiġdid huwa meħtieġ biex jintużaw kjavi kriptografiċi ġodda u biex jiġu adattati d-daqsijiet tal-kjavi meta titjib ġdid fil-komputazzjoni jew attakki ġodda jheddu s-sigurtà tal-algoritmu kriptografiku użat. Japplika l-mudell primarju (ara t-Taqsima 3.2 ).

Il-perjodi ta’ validità li ġejjin huma rakkomandati, meta wieħed iqis il-validità ta’ sena għaċ-ċertifikati COVID diġitali:

—	CSCA: 4 snin

—	DSC: sentejn

—	Upload: sena-sentejn

—	Awtentikazzjoni tal-klijent tat-TLS: sena-sentejn

Għal tiġdid fil-ħin, huma rakkomandati l-perjodi ta’ użu li ġejjin għall-kjavi privati:

—	CSCA: sena

—	DSC: sitt xhur

L-Istati Membri jridu joħolqu ċertifikati ġodda għall-upload u ċertifikati tat-TLS f’ħin regolari, pereżempju, xahar qabel l-iskadenza biex tkun tista’ ssir operazzjoni bla xkiel. Jenħtieġ li ċ-ċertifikati tas-CSCA u d-DSCs jiġġeddu mill-inqas xahar qabel ma jintemm l-użu tal-kjavi privata (b’kunsiderazzjoni tal-proċeduri operazzjonali meħtieġa). L-Istati Membri jridu jipprovdu ċertifikati tas-CSCA, ċertifikati tal-upload u ċertifikati tat-TLS aġġornati lill-operatur tad-DCCG. Ċertifikati skaduti għandhom jitneħħew mill-whitelist u mil-lista ta’ fiduċja.

L-Istati Membri u l-operatur tad-DCCG iridu jżommu rendikont tal-validità taċ-ċertifikati tagħhom stess. Mhemm l-ebda entità ċentrali li żżomm rekord tal-validità taċ-ċertifikati u li tinforma lill-parteċipanti.

4.3.   Revoka taċ-ċertifikati

B’mod ġenerali, iċ-ċertifikati diġitali jistgħu jiġu revokati mill-CA tal-ħruġ tagħhom bl-użu ta’ listi ta’ revoka taċ-ċertifikati jew permezz ta’ Risponder tal-Protokoll tal-Istatus taċ-Ċertifikat Online (OCSP). Is-CSCAs għas-sistema tad-DCC jenħtieġ jipprovdu listi ta’ revoka taċ-ċertifikati (CRLs). Anke jekk dawn is-CRLs bħalissa mhumiex użati minn Stati Membri oħra, dawn jenħtieġ jiġu integrati għal applikazzjonijiet futuri. Jekk CSCA tiddeċiedi li ma tipprovdix CRLs, id-DSCs ta’ din is-CSCA iridu jiġġeddu meta s-CRLs isiru obbligatorji. Il-verifikaturi jenħtieġ ma jużawx l-OCSP għall-validazzjoni tad-DSCs u jenħtieġ jużaw is-CRLs. Hu rakkomandat li l-backend nazzjonali jwettaq il-validazzjoni meħtieġa tad-DCCs li jitniżżlu mill-Gateway tad-DCC u jibgħat biss sett ta’ DSC fdati u validati lill-validaturi nazzjonali tad-DCC. Jenħtieġ li l-validaturi tad-DCC ma jwettqu l-ebda verifika ta’ revoka fuq id-DSC fil-proċess ta’ validazzjoni tagħhom. Waħda mir-raġunijiet għal dan hi biex titħares il-privatezza tad-detenturi tad-DCC billi tiġi evitata kull possibbiltà li l-użu ta’ xi DSC partikolari jiġi monitorjat mir-rispondent assoċjat tiegħu tal-OCSP.

L-Istati Membri jistgħu jneħħu d-DSCs tagħhom mid-DCCG waħedhom bl-użu ta’ ċertifikati validi tal-upload u tat-TLS. It-tneħħija ta’ DSC tfisser li d-DCCs kollha maħruġa b’dan id-DSC se jsiru invalidi meta l-Istati Membri jfittxu l-listi aġġornati tad-DSCs. Il-protezzjoni tal-materjal ta’ kjavi privata li jikkorrispondi għad-DSCs hi kruċjali. L-Istati Membri jridu jinfurmaw lill-operatur tad-DCCG meta huma jkunu jridu jirrevokaw iċ-ċertifikati tal-upload jew tat-TLS, pereżempju minħabba kompromess fil-backend nazzjonali. L-operatur tad-DCCG imbagħad jista’ jneħħi l-fiduċja għaċ-ċertifikat affettwat, pereżempju billi jneħħi dan mill-whitelist tat-TLS. L-operatur tad-DCCG jista’ jneħħi ċ-ċertifikati mtellgħin mill-bażi tad-data tad-DCCG. Il-pakketti ffirmati bil-kjavi privata li jikkorrispondu għal dan iċ-ċertifikat imtella’ se jsiru invalidi meta l-backends nazzjonali jneħħu l-fiduċja taċ-ċertifikat revokat imtella’. F’każ li ċ-ċertifikat tas-CSCA irid jiġi revokat, l-Istati Membri għandhom jinformaw lill-operatur tad-DCCG kif ukoll lil Stati Membri oħra li jkollhom relazzjonijiet ta’ fiduċja magħhom. L-operatur tad-DCCG joħroġ lista ta’ fiduċja ġdida fejn iċ-ċertifikat affettwat ma jibqax fiha. Id-DSCs kollha maħruġa minn din is-CSCA isiru invalidi meta l-Istati Membri jaġġornaw il-maħżen ta’ fiduċja tal-backend nazzjonali tagħhom. F’każ li ċ-ċertifikat tad-DCCGTLS jew iċ-ċertifikat tad-DCCGTA iridu jiġu revokati, l-operatur tad-DCCG u l-Istati Membri jridu jaħdmu flimkien biex jistabbilixxu konnessjoni ta’ TLS affidabbli ġdida u lista ta’ fiduċja.

5.   Mudelli taċ-Ċertifikati

Din it-taqsima tistabbilixxi rekwiżiti kriptografiċi u gwida kif ukoll rekwiżiti dwar il-mudelli taċ-ċertifikati. Għaċ-ċertifikati tad-DCCG, din it-taqsima tiddefinixxi l-mudelli taċ-ċertifikati.

5.1.   Rekwiżiti kriptografiċi

L-algoritmi kriptografiċi u s-settijiet ta’ ċifraturi tat-TLS għandhom jintgħażlu abbażi tar-rakkomandazzjoni attwali mill-Uffiċċju Federali Ġermaniż għas-Sigurtà tal-informazzjoni (BSI) jew is-SOG-IS. Dawn ir-rakkomandazzjonijiet u r-rakkomandazzjonijiet ta’ istituzzjonijiet oħrajn u ta’ organizzazzjoni tal-istandardizzazzjoni huma simili. Ir-rakkomandazzjonijiet jistgħu jinstabu fil-linji gwida tekniċi TR 02102-1 u TR 02102-2 (1) jew fil-Mekkaniżmi Kriptografiċi Miftiehma mal-SOG-IS (2).

5.1.1.   Rekwiżiti dwar id-DSC

Għandhom japplikaw ir-rekwiżiti previsti fit-Taqsima 3.2.2 tal-Anness I. Għalhekk, hu rakkomandat ħafna li l-Firmatarji tad-Dokumenti jużaw l-Algoritmu tal-Firma Diġitali b’Kurvi Ellittiċi (ECDSA) bl-NIST-p-256 (kif definit fl-appendiċi D tal-FIPS PUB 186-4). Kurvi ellittiċi oħrajn ma humiex appoġġati. Minħabba r-restrizzjonijiet ta’ spazju tad-DCC, jenħtieġ li l-Istati Membri ma jużawx l-RSA-PSS, anki jekk dan ikun permess bħala algoritmu li jintuża f’każ ta’ bżonn. F’każ li l-Istati Membri jużaw RSA-PSS, jenħtieġ li jużaw daqs ta’ modulus ta’ 2048 jew ta’ massimu ta’ 3072 bit. SHA-2 b’tul tal-output ta’ ≥ 256 bits għandu jintuża bħala funzjoni ta’ hash kriptografika (ara ISO/IEC 10118-3:2004) għall-firma tad-WLTP.

5.1.2.   Rekwiżiti dwar iċ-ċertifikati tat-TLS, tal-Upload u tas-CSCA

Għaċ-ċertifikati diġitali u l-firem kriptografiċi fil-kuntest tad-DCCG, ir-rekwiżiti ewlenin dwar l-algoritmi kriptografiċi u t-tul tal-kjavi huma miġbura fil-qosor fit-tabella li ġejja (mill-2021):

Algoritmu tal-Firma	Tul tal-Kjavi	Funzjoni hash
EC-DSA	Min. 250 bit	SHA-2 b’tul tal-output ≥ 256 Bit
RSA-PSS (padding rakkomandat) RSA-PKCS#1 v1.5 (padding legat)	Min. 3000 bit RSA Modulus (N) b’esponent pubbliku e > 2^16	SHA-2 b’tul tal-output ≥ 256 Bit
DSA	Min. 3000 Bit prime p, 250 Bit key q	SHA-2 b’tul tal-output ≥ 256 Bit

Il-kurva ellittika rakkomandata għall-EC-DSA hija NIST-p-256 minħabba l-implimentazzjoni mifruxa tagħha.

5.2.   ĊERTIFIKAT TAS-CSCA (NBCSCA)

It-tabella li ġejja tagħti gwida dwar il-mudell taċ-ċertifikat tan-NBCSCA jekk Stat Membru jiddeċiedi li jopera s-CSCA tiegħu stess għas-sistema tad-DCC.

Huma meħtieġa entrati b’tipa grassa (iridu jiġu inklużi fiċ-ċertifikat), huma rakkomandati entrati bil-korsiv (jenħtieġ li jiġu inklużi). Għall-entrati neqsin, mhi definita l-ebda rakkomandazzjoni.

Entrata	Valur
Suġġett	cn=<mhux vojt u isem komuni uniku> , o=<Fornitur>, c=<Stat Membru li jopera s-CSCA>
Użu tal-kjavi	iffirmar taċ-ċertifikat, iffirmar tal-CRL (bħala minimu)
Restrizzjonijet bażiċi	CA = limitazzjonijiet fit-tul tal-mogħdija, veri = 0

L-isem tas-suġġett irid ikun mhux vojt u uniku fl-Istat Membru speċifikat. Il-kodiċi tal-pajjiż (c) irid jaqbel mal-Istat Membru li se juża dan iċ-ċertifikat tas-CSCA. Iċ-ċertifikat irid ikun fih identifikatur tal-kjavi tas-suġġett uniku (SKI) skont l-RFC 5280 (3).

5.3.   Ċertifikat tal-Firmatarju tad-Dokument (DSC)

It-tabella li ġejja tipprovdi gwida dwar id-DSC. Huma meħtieġa entrati b’tipa grassa (iridu jiġu inklużi fiċ-ċertifikat), huma rakkomandati entrati bil-korsiv (jenħtieġ li jiġu inklużi). Għall-entrati neqsin, mhi definita l-ebda rakkomandazzjoni.

Entrata	Valur
Numru tas-serje	numru tas-serje uniku
Suġġett	cn=<mhux vojt u isem komuni uniku>, o=<Fornitur>, c=<Stat Membru li juża dan id-DSC>
Użu tal-kjavi	firma diġitali (bħala minimu)

Id-DSC irid jiġi ffirmat bil-kjavi privata li tikkorrispondi għal ċertifikat tas-CSCA li jintuża mill-Istat Membru.

Għandhom jintużaw l-estensjonijiet li ġejjin:

—	Iċ-ċertifikat irid ikun fih Identifikatur tal-Kjavi tal-Awtorità (AKI) li jaqbel mal-Identifikatur tal-Kjavi tas-Suġġett (SKI) taċ-ċertifikat tas-CSCA tal-ħruġ

—	Iċ-ċertifikat jenħtieġ li jkun fih Identifikatur tal-Kjavi tas-Suġġett uniku (skont l-RFC 5280 (4))

Barra minn hekk, iċ-ċertifikat jenħtieġ li jkun fih l-estensjoni tal-punt ta’ distribuzzjoni tas-CRL li tipponta lejn il-lista ta’ revoka taċ-ċertifikati (CRL) li hija pprovduta mis-CSCA li tkun ħarġet id-DSC.

Id-DSC jista’ jkun fih estensjoni estiża tal-użu tal-kjavi b’żero jew aktar identifikaturi tal-politika dwar l-użu tal-kjavi li jillimitaw it-tipi ta’ HCERTs li dan iċ-ċertifikat huwa permess jivverifika. Jekk ikun hemm preżenti wieħed jew aktar, il-verifikaturi għandhom jivverifikaw l-użu tal-kjavi kontra l-HCERT maħżun. Għal dan, huma definiti l-valuri extendedKeyUsage li ġejjin:

Entrata	Valur
extendedKeyUsage	1.3.6.1.4.1.1847.2021.1.1 għall-Emittenti tat-Test
extendedKeyUsage	1.3.6.1.4.1.1847.2021.1.2 għall-Emittenti tat-Tilqim
extendedKeyUsage	1.3.6.1.4.1.1847.2021.1.3 għall-Emittenti tal-Fejqan

Fin-nuqqas ta’ kwalunkwe estensjoni tal-użu tal-kjavi (jiġifieri ebda estensjoni jew żero estensjonijiet), dan iċ-ċertifikat jista’ jintuża biex jivvalida kwalunkwe tip ta’ HCERT. Dokumenti oħrajn jistgħu jiddefinixxu identifikaturi addizzjonali tal-politika dwar l-użu estiż tal-kjavi rilevanti użati mal-validazzjoni tal-HCERTs.

5.4.   Ċertifikati Mtellgħin (NBUP)

It-tabella li ġejja tipprovdi gwida għall-upload taċ-ċertifikat fil-backend nazzjonali. Huma meħtieġa entrati b’tipa grassa (iridu jiġu inklużi fiċ-ċertifikat), huma rakkomandati entrati bil-korsiv (jenħtieġ li jiġu inklużi). Għall-entrati neqsin, mhi definita l-ebda rakkomandazzjoni.

Entrata	Valur
Suġġett	cn=<mhux vojt u isem komuni uniku>, o=<Fornitur>, c=<Stat Membru li juża din l-upload taċ-ċertifikat>
Użu tal-kjavi	firma diġitali (bħala minimu)

5.5.   Awtentikazzjoni tal-klijent tat-TLS għall-backend nazzjonali (NBTLS)

It-tabella li ġejja tipprovdi gwida għaċ-ċertifikat ta’ awtentikazzjoni tal-klijent tat-TLS għall-backend nazzjonali. Huma meħtieġa entrati b’tipa grassa (iridu jiġu inklużi fiċ-ċertifikat), huma rakkomandati entrati bil-korsiv (jenħtieġ li jiġu inklużi). Għall-entrati neqsin, mhi definita l-ebda rakkomandazzjoni.

Entrata	Valur
Suġġett	cn=<mhux vojt u isem komuni uniku>, o=<Fornitur>, c=<Stat Membru fuq in-NB>
Użu tal-kjavi	firma diġitali (bħala minimu)
Użu estiż tal-Kjavi	awtentikazzjoni tal-klijent ( 1.3.6.1.5.5.7.3.2)

Iċ-ċertifikat jista’ jkun fih ukoll l-awtentikazzjoni tas-server (1.3.6.1.5.5.7.3.1) tal-użu tal-kjavi estiż, iżda dan ma huwiex obbligatorju.

5.6.   Ċertifikat tal-firma tal-lista ta’ fiduċja (DCCGTA)

It-tabella li ġejja tiddefinixxi ċ-ċertifikat ta’ Ankra ta’ Fiduċja tad-DCCG.

Entrata	Valur
Suġġett	cn = Gateway taċ-Ċertifikat Ekoloġiku Diġitali  (5) , o=<Fornitur>, c=<pajjiż>
Użu tal-kjavi	firma diġitali (bħala minimu)

5.7.   Ċertifikati tat-TLS Server tad-DCCG (DCCGTLS)

It-tabella li ġejja tiddefinixxi ċ-ċertifikat TLS tad-DCCG.

Entrata	Valur
Suġġett	cn=<FQDN jew l-indirizz IP tad-DCCG>, o=<Fornitur>, c=<pajjiż>
SubjectAltName	dNSName: <DCCG DNS isem> jew indirizzIP: <Indirizz IP ta’ DCCG>
Użu tal-kjavi	firma diġitali (bħala minimu)
Użu Estiż tal-Kjavi	awtentikazzjoni tas-server ( 1.3.6.1.5.5.7.3.1)

Iċ-ċertifikat jista’ jkun fih ukoll l-awtentikazzjoni tal-klijent ( 1.3.6.1.5.5.7.3.2) għall-użu tal-kjavi estiż, iżda dan ma huwiex obbligatorju.

Iċ-ċertifikat tat-TLS tad-DCCG għandu jinħareġ minn awtorità taċ-ċertifikazzjoni fdata pubblikament (inkluż fil-browsers ewlenin kollha u fis-sistemi operattivi, skont ir-rekwiżiti tal-linja bażi tal-Forum CAB).

---

(1)  BSI - Technical Guidelines TR-02102 (bund.de)

(2)  SOG-IS - Supporting documents (sogis.eu)

(3)  rfc5280 (ietf.org)

(4)  rfc5280 (ietf.org)

(5)  It-terminoloġija taċ-“Ċertifikat Ekoloġiku Diġitali” minflok iċ-“Ċertifikat COVID Diġitali tal-UE” inżammet f’dan il-kuntest minħabba li din hija t-terminoloġija li ġiet hardcoded u użata fiċ-ċertifikat qabel ma l-koleġiżlaturi ddeċidew fuq terminoloġija ġdida.