(1)

Mhux biss l-attivitajiet professjonali tal-membri tal-persunal imsemmija fl-Artikolu 92(3), il-punti (a), (b) u (c) tad-Direttiva 2013/36/UE jista’ jkollhom impatt materjali fuq il-profil tar-riskju ta’ istituzzjoni, iżda wkoll l-attivitajiet professjonali ta’ membri tal-persunal oħrajn. Dan ikun b’mod partikolari l-każ fejn tali membri tal-persunal ikollhom responsabbiltajiet maniġerjali għall-unitajiet tan-negozju materjali jew għall-funzjonijiet ta’ kontroll minħabba li jistgħu jagħmlu deċiżjonijiet strateġiċi jew deċiżjonijiet oħrajn fundamentali li għandhom impatt fuq l-attivitajiet tan-negozju jew fuq il-qafas ta’ kontroll applikat. Tali funzjonijiet ta’ kontroll jinkludu, tipikament, il-ġestjoni tar-riskju, il-verifika tal-konformità u l-awditjar intern. Ir-riskji meħuda mill-unitajiet tan-negozju materjali u l-mod li bih dawn l-unitajiet jiġu ġestiti huma l-aktar fatturi importanti għall-profil tar-riskju ta’ istituzzjoni.

(2)

Għaldaqstant huwa meħtieġ li jiġu stabbiliti kriterji biex jiġu identifikati l-membri tal-persunal, apparti l-membri tal-persunal imsemmija fl-Artikolu 92(3), il-punti (a), (b) u (c) tad-Direttiva 2013/36/UE, li l-attivitajiet professjonali tagħhom għandhom impatt materjali fuq il-profil tar-riskju tal-istituzzjoni. Dawn il-kriterji għandhom iqisu l-awtorità u r-responsabbiltajiet ta’ tali membri tal-persunal, l-indikaturi tal-prestazzjoni u l-profil tar-riskju tal-istituzzjoni, l-organizzazzjoni interna tal-istituzzjoni, u n-natura, l-ambitu u l-kumplessità tal-istituzzjoni kkonċernata. Dawk il-kriterji għandhom ukoll jippermettu lill-istituzzjonijiet jistabbilixxu inċentivi kif suppost fil-politiki ta’ rimunerazzjoni tagħhom biex jiżguraw li l-membri tal-persunal ikkonċernati jaġixxu b’mod prudenti fit-twettiq tal-kompiti tagħhom. Fl-aħħar nett, dawk il-kriterji għandhom jirriflettu l-livell tar-riskju tal-attivitajiet differenti fl-ambitu tal-istituzzjonijiet.

(3)

Xi membri tal-persunal huma responsabbli mill-għoti ta’ appoġġ intern li huwa kruċjali għall-operat tal-attivitajiet ta’ negozju ta’ istituzzjoni. L-attivitajiet u d-deċiżjonijiet tagħhom jista’ jkollhom ukoll impatt materjal fuq il-profil tar-riskju ta’ istituzzjoni, għaliex l-attivitajiet u d-deċiżjonijiet tagħhom jaf jesponu lill-istituzzjoni għal riskji operazzjonali materjali u għal riskji oħra.

(4)

Tipikament, wieħed jidħol f’riskju tal-kreditu u riskju tas-suq sabiex jiġi ġġenerat operat. Skont l-ammonti u r-riskji involuti, tali attivitajiet ta’ negozju jista’ jkollhom impatt materjali fuq il-profil tar-riskju ta’ istituzzjoni. Għaldaqstant huwa xieraq li jintużaw kriterji bbażati fuq limiti ta’ awtorità biex jiġu identifikati l-membri tal-persunal li l-attivitajiet tagħhom jista’ jkollhom impatt materjali fuq il-profil tar-riskju ta’ istituzzjoni. Dawk il-kriterji għandhom jiġu kkalkulati minn tal-anqas kull sena abbażi ta’ ċifri ta’ kapital u approċċi użati għal skopijiet regolatorji. Madankollu, għandu jiġi applikat livell limitu de minimis għal riskji ta’ kreditu sabiex tiġi żgurata l-applikazzjoni proporzjonata tal-kriterji f’istituzzjonijiet żgħar.

(5)

Il-kriterji biex jiġu identifikati l-membri tal-persunal li l-attivitajiet professjonali tagħhom għandhom impatt materjali fuq il-profil tar-riskju tal-istituzzjoni jenħtieġ ukoll iqisu li għal xi istituzzjonijiet, ir-rekwiżiti relatati mal-portafoll tan-negozjar jistgħu jiġu rinunzjati skont ir-Regolament (UE) Nru 575/2013 tal-Parlament Ewropew u tal-Kunsill (2) u li f’dak ir-Regolament il-limiti huma stabbiliti b’modi differenti fil-każ ta’ istituzzjonijiet li jużaw approċċi differenti biex jikkalkolaw ir-rekwiżiti tal-kapital.

(6)

Kriterji kwalitattivi xierqa jenħtieġ li jiżguraw li l-membri tal-persunal jiġu identifikati bħala li għandhom impatt materjali fuq il-profil tar-riskju ta’ istituzzjoni fil-każijiet li fihom ikunu responsabbli għal gruppi tal-persunal li l-attivitajiet tagħhom jistgħu jkollhom impatt materjali fuq il-profil tar-riskju tal-istituzzjoni. Dan jinkludi sitwazzjonijiet li fihom l-attivitajiet tal-membri individwali tal-persunal taħt il-ġestjoni tagħhom ma jkollhomx b’mod individwali impatt materjali fuq il-profil tar-riskju tal-istituzzjoni iżda l-iskala globali tal-attivitajiet tagħhom jista’ jkollha tali impatt.

(7)

Ir-rimunerazzjoni totali tal-membri tal-persunal tipikament tiddependi fuq il-kontribut li l-persunal jagħti għall-kisba b’suċċess tal-objettivi tal-operat tal-istituzzjoni. Għaldaqstant dik ir-rimunerazzjoni tiddependi fuq ir-responsabbiltajiet, il-kompiti, l-abbiltajiet u l-ħiliet tal-membri tal-persunal, kif ukoll fuq il-prestazzjoni tal-membri tal-persunal u tal-istituzzjoni. Fil-każijiet li fihom membru tal-persunal jingħata rimunerazzjoni totali li taqbeż ċertu livell limitu, huwa raġonevoli li wieħed jissoponi li tali rimunerazzjoni hija marbuta mal-kontribut tal-membru tal-persunal għall-objettivi tal-operat tal-istituzzjoni u għalhekk, għall-impatt tal-attivitajiet professjonali tal-membru tal-persunal fuq il-profil tar-riskju tal-istituzzjoni. Għalhekk huwa xieraq li jintużaw il-kriterji kwantitattivi relatati mar-rimunerazzjoni totali ta’ membru tal-persunal, kemm f’termini assoluti kif ukoll b’rabta ma’ membri oħra tal-persunal fl-istess istituzzjoni, biex jiġi determinat jekk l-attivitajiet professjonali ta’ tali membru tal-persunal jistax ikollu impatt materjali fuq il-profil tar-riskju tal-istituzzjoni.

(8)

Jenħtieġ li jiġu stabbiliti livelli limitu ċari u xierqa biex jiġi identifikat il-persunal li l-attivitajiet professjonali tiegħu għandhom impatt materjali fuq il-profil tar-riskju tal-istituzzjoni. Għandu jkun mistenni li l-istituzzjonijiet japplikaw il-kriterji kwantitattivi f’waqthom. Il-kriterji kwantitattivi jenħtieġ li jimxu skont l-iżviluppi fir-rimunerazzjoni biex ikunu realistiċi. Metodu wieħed biex tali żviluppi jiġu segwiti huwa li dawk il-kriterji jkunu bbażati fuq ir-rimunerazzjoni totali mogħtija fis-sena ta’ prestazzjoni preċedenti, li tinkludi r-rimunerazzjoni fissa mħallsa għal dik is-sena ta’ prestazzjoni, u r-rimunerazzjoni varjabbli mogħtija f’dik is-sena ta’ prestazzjoni. It-tieni metodu biex tali żviluppi jiġu segwiti huwa li dawk il-kriterji jkunu bbażati fuq ir-rimunerazzjoni totali mogħtija għas-sena ta’ prestazzjoni preċedenti, li tinkludi r-rimunerazzjoni fissa mħallsa għal dik is-sena ta’ prestazzjoni u r-rimunerazzjoni varjabbli mogħtija fis-sena ta’ prestazzjoni attwali għas-sena finanzjarja preċedenti. It-tieni metodu jipprevedi allinjament aħjar tal-proċess ta’ identifikazzjoni mar-rimunerazzjoni effettiva mogħtija għal perjodu ta’ prestazzjoni, iżda jista’ jiġi applikat biss meta jkun għadu possibbli li jsir kalkolu f’waqtu għall-applikazzjoni tal-kriterji kwantitattivi. Fil-każijiet li fihom tali kalkolu ma jkunx aktar possibbli, jenħtieġ li jintuża l-ewwel metodu. Kemm skont l-ewwel metodu kif ukoll skont it-tieni, ir-rimunerazzjoni varjabbli tista’ tinkludi ammonti li jingħataw abbażi ta’ perjodi ta’ prestazzjoni li jkunu itwal minn sena, skont il-kriterji tal-prestazzjoni użati mill-istituzzjoni.

(9)

L-Artikolu 92(3) tad-Direttiva 2013/36/UE jistabbilixxi livell limitu kwantitattiv ta’ EUR 500 000 flimkien mar-rimunerazzjoni medja mogħtija lill-membri tal-korp ta’ ġestjoni tal-istituzzjoni u l-maniġment superjuri għall-identifikazzjoni tal-persunal li l-attivitajiet tagħhom għandhom impatt materjali fuq il-profil tar-riskju ta’ unità tan-negozju materjali. Ir-rimunerazzjoni li tkun aktar minn dak il-livell limitu kwantitattiv jew li tammonta għal waħda mill-ogħla remunerazzjonijiet fl-istituzzjoni tistabbilixxi għalhekk preżunzjoni qawwija li l-attivitajiet tal-persunal li jirċievu tali rimunerazzjoni għandhom impatt materjali fuq il-profil tar-riskju tal-istituzzjoni, u li f’dak il-każ, jenħtieġ li jiġi applikat aktar skrutinju superviżorju biex jiġi stabbilit jekk l-attivitajiet professjonali ta’ tali membri tal-persunal għandhomx impatt materjali fuq il-profil tar-riskju tal-istituzzjoni.

(10)

Jenħtieġ li l-membri tal-persunal ma jkunux soġġetti għall-Artikolu 94 tad-Direttiva 2013/36/UE li permezz tiegħu l-istituzzjonijiet jistabbilixxu fuq il-bażi ta’ kriterji oġġettivi addizzjonali li l-attivitajiet ta’ tali membri tal-persunal fil-fatt ma jkollhomx impatt materjali fuq il-profil tar-riskju tal-istituzzjoni, filwaqt li jqisu r-riskji kollha li l-istituzzjoni hija jew tista’ tkun esposta għalihom. Biex tiġi żgurata applikazzjoni effettiva u konsistenti ta’ dawk il-kriterji oġġettivi, jenħtieġ li l-awtoritajiet kompetenti japprovaw l-esklużjoni tal-membri tal-persunal li jaqilgħu l-aktar, li jiġu identifikati skont il-kriterji kwantitattivi. Għall-membri tal-persunal li jingħataw aktar minn EUR 1 000 000 (persuni li jaqilgħu pagi għoljin), jenħtieġ li l-awtoritajiet kompetenti jinfurmaw lill-Awtorità Bankarja Ewropea (“EBA”) qabel japprovaw l-esklużjonijiet, sabiex l-EBA tkun tista’ tivvaluta l-applikazzjoni konsistenti ta’ dawk il-kriterji.

(11)

Sabiex l-awtoritajiet kompetenti u l-awdituri jkunu jistgħu jwettqu rieżami tal-valutazzjonijiet imwettqa mill-istituzzjonijiet biex jidentifikaw lill-persunal tagħhom li l-attivitajiet professjonali tagħhom għandhom impatt materjali fuq il-profili tar-riskju tagħhom, huwa essenzjali li l-istituzzjonijiet iżommu rekord tal-valutazzjonijiet li jkunu saru u tar-riżultati tagħhom, inklużi tal-persunal li jkun ġie identifikat skont kriterji bbażati fuq ir-rimunerazzjoni totali tiegħu iżda li l-attivitajiet professjonali tiegħu jiġu vvalutati bħala li ma għandhomx impatt materjali fuq il-profil tar-riskju tal-istituzzjoni.

(12)

Jenħtieġ li r-Regolament ta’ Delega tal-Kummissjoni (UE) Nru 604/2014 (3) jitħassar. Jenħtieġ li madankollu d-ditti tal-investiment kif definiti fl-Artikolu 4(1), il-punt (2) tar-Regolament (UE) Nru 575/2013 ma jġarrbux kostijiet mhux ġustifikati meta jikkonformaw ma’ dan ir-Regolament. Jenħtieġ għalhekk li r-Regolament ta’ Delega (UE) Nru 604/2014 jibqa’ japplika għal tali ditti sas-26 ta’ Ġunju 2021, data sa meta l-Istati Membri jridu jadottaw u jippubblikaw il-miżuri biex jikkonformaw mad-Direttiva (UE) 2019/2034 tal-Parlament Ewropew u tal-Kunsill (4).

(13)

Dan ir-Regolament huwa bbażat fuq l-abbozz tal-istandards tekniċi regolatorji ppreżentat mill-EBA lill-Kummissjoni.

(14)

L-EBA wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li fuqu huwa bbażat dan ir-Regolament, analizzat il-kostijiet u l-benefiċċji potenzjali relatati u talbet il-parir tal-Grupp tal-Partijiet Bankarji Interessati stabbilit f’konformità mal-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (5),

(1)

“responsabbiltà maniġerjali” tfisser sitwazzjoni, li fiha membru tal-persunal:

(2)

“funzjoni ta’ kontroll” tfisser funzjoni li hija indipendenti mill-unitajiet tan-negozju li tikkontrolla u li hija responsabbli li tipprovdi valutazzjoni oġġettiva tar-riskji tal-istituzzjoni, twettaq rieżami tagħhom jew tirrapporta dwarhom, inklużi l-funzjoni tal-ġestjoni tar-riskju, il-funzjoni tal-verifika tal-konformità u l-funzjoni tal-awditjar intern, iżda mhux limitata għalihom biss.

(3)

“unità tan-negozju materjali” tfisser unità operatorja kif definita fl-Artikolu 142(1), il-punt (3) tar-Regolament (UE) Nru 575/2013 li tissodisfa kwalunkwe wieħed mill-kriterji segwenti:

(a)

il-profil tar-riskju tal-unità tan-negozju materjali;

(b)

id-distribuzzjoni tal-kapital intern biex ikopri n-natura u l-livell tar-riskji, kif imsemmi fl-Artikolu 73 tad-Direttiva 2013/36/UE;

(c)

il-limiti tar-riskju tal-unità tan-negozju materjali;

(d)

l-indikaturi tar-riskju u tal-prestazzjoni użati mill-istituzzjoni biex tidentifika r-riskji tal-unità tan-negozju materjali u twettaq ġestjoni u monitoraġġ tagħhom f’konformità mal-Artikolu 74 tad-Direttiva 2013/36/UE;

(e)

il-kriterji tal-prestazzjoni rilevanti stabbiliti mill-istituzzjoni f’konformità mal-Artikolu 94(1), il-punti (a) u (b) tad-Direttiva 2013/36/UE;

(f)

il-kompiti u l-awtoritajiet tal-membri tal-persunal jew il-kategoriji tal-persunal fl-unità tan-negozju materjali kkonċernata.

(a)

il-membru tal-persunal ikollu responsabbiltà maniġerjali għal:

(b)

il-membru tal-persunal ikollu responsabbiltajiet maniġerjali għal kwalunkwe waħda mill-kategoriji ta’ riskju stabbiliti fl-Artikoli 79 sa 87 tad-Direttiva 2013/36/UE, jew ikun membru li jivvota ta’ kumitat responsabbli għall-ġestjoni ta’ kwalunkwe waħda mill-kategoriji ta’ riskju stabbiliti f’dawn l-Artikoli;

(c)

fir-rigward tal-iskoperturi għar-riskju ta’ kreditu ta’ ammont nominali għal kull tranżazzjoni, li tirrappreżenta 0,5 % tal-kapital tal-Grad 1 ta’ Ekwità Komuni tal-istituzzjoni u li tkun mill-inqas EUR 5 miljun, il-membru tal-persunal ikun jissodisfa wieħed mill-kriterji li ġejjin:

(d)

b’rabta ma’ istituzzjoni li għaliha ma tapplikax id-deroga għal negozji żgħar fil-portafoll tan-negozjar stipulata fl-Artikolu 94 tar-Regolament (UE) Nru 575/2013, il-membru tal-persunal ikun jissodisfa wieħed mill-kriterji li ġejjin:

(e)

il-membru tal-persunal ikun imexxi grupp ta’ membri tal-persunal li jkollhom awtoritajiet individwali li jinvolvu lill-istituzzjoni fi tranżazzjonijiet, u tiġi ssodisfata waħda miż-żewġ kundizzjonijiet li ġejjin:

(f)

il-membru tal-persunal ikun jissodisfa wieħed mill-kriterji li ġejjin fir-rigward tad-deċiżjoni dwar l-approvazzjoni tal-introduzzjoni ta’ prodotti ġodda, jew it-tqegħid ta’ veto fuqha:

(1)

Il-Ftehim Internazzjonali dwar il-Kawkaw tal-2010 (il-“Ftehim”) ġie konkluż mill-Unjoni bid-Deċiżjoni tal-Kunsill 2012/189/UE (1) u daħal fis-seħħ fl-1 ta’ Ottubru 2012.

(2)

Skont l-Artikolu 62(1) tal-Ftehim, il-Ftehim jibqa’ fis-seħħ sat-30 ta’ Settembru 2022, sakemm ma jiġix estiż.

(3)

Skont l-Artikolu 7(1) tal-Ftehim, il-Kunsill Internazzjonali tal-Kawkaw tal-Organizzazzjoni Internazzjonali tal-Kawkaw (il-“Kunsill tal-ICCO”) jeżerċita dawn is-setgħat kollha u jwettaq jew jirranġa għat-twettiq ta’ dawk il-funzjonijiet kollha li huma meħtieġa biex jitwettqu d-dispożizzjonijiet espliċiti tal-Ftehim. Skont l-Artikolu 62(4) tal-Ftehim, il-Kunsill tal-ICCO jista’ jadotta deċiżjoni li testendi l-Ftehim lil hinn mid-data ta’ skadenza attwali tiegħu għal żewġ perjodi li ma jaqbżux is-sentejn tal-kawkaw kull wieħed, jiġifieri sat-30 ta’ Settembru 2024 għall-ewwel perjodu u sat-30 ta’ Settembru 2026 għat-tieni perjodu.

(4)

Il-Kunsill tal-ICCO irid jadotta deċiżjoni dwar l-estensjoni tal-Ftehim wara l-103 sessjoni tiegħu fit-22 u t-23 ta’ April 2021.

(5)

Huwa xieraq li tiġi stabbilita l-pożizzjoni li għandha tiġi adottata f’isem l-Unjoni fil-Kunsill tal-ICCO, minħabba li d-deċiżjoni tal-Kunsill tal-ICCO fir-rigward tal-estensjoni tal-Ftehim ser tkun vinkolanti fuq l-Unjoni.

(6)

Huwa fl-interess tal-Unjoni li l-Ftehim jiġi estiż u li l-Unjoni tibqa’ parti għalih, meta titqies l-importanza tas-settur tal-kawkaw għal għadd ta’ Stati Membri u għall-ekonomija tal-Unjoni.

(7)

L-estensjoni tal-Ftehim għal massimu ta’ erba’ snin jenħtieġ li tagħti lill-membri tal-Kunsill ICCO ż-żmien xieraq biex iwettqu reviżjoni sostanzjali tal-Ftehim li tiffoka fuq il-modernizzazzjoni u s-simplifikazzjoni tiegħu,

(1)

Bid-Deċiżjoni tal-Kunsill 97/836/KE (1), l-Unjoni aderiet mal-Ftehim tal-Kummissjoni Ekonomika tan-Nazzjonijiet Uniti għall-Ewropa (NU/KEE) li jikkonċerna l-adozzjoni tal-preskrizzjonijiet tekniċi uniformi għall-vetturi bir-roti, tagħmir u partijiet li jistgħu jitwaħħlu u/jew jintużaw f’vetturi bir-roti u l-kondizzjonijiet għar-rikonoxximent reċiproku tal-approvazzjonijiet mogħtija fuq il-bażi ta’ dawn il-preskrizzjonijiet (il-“Ftehim Rivedut tal-1958”). Il-Ftehim Rivedut tal-1958 daħal fis-seħħ fl-24 ta’ Marzu 1998.

(2)

Bid-Deċiżjoni tal-Kunsill 2000/125/KE (2), l-Unjoni aderiet mal-Ftehim li jistabbilixxi regolamenti tekniċi globali għall-vetturi bir-roti, apparat u partijiet li jistgħu jitwaħħlu u/jew jintużaw f’vetturi bir-roti (il-“Ftehim Parallel”). Il-Ftehim Parallel daħal fis-seħħ fil-15 ta’ Frar 2000.

(3)

Ir-Regolament (UE) 2018/858 tal-Parlament Ewropew u tal-Kunsill (3) jistabbilixxi dispożizzjonijiet amministrattivi u rekwiżiti tekniċi għall-approvazzjoni tat-tip u t-tqegħid fis-suq tal-vetturi, sistemi, komponenti u unitajiet tekniċi separati ġodda kollha. Dak ir-Regolament jinkorpora r-regolamenti li ġew adottati skont il-Ftehim Rivedut tal-1958 (“Regolamenti tan-NU”) fis-sistema tal-approvazzjoni tat-tip tal-UE, bħala rekwiżiti għall-approvazzjoni tat-tip jew bħala alternattivi għal-leġiżlazzjoni tal-Unjoni.

(4)

Skont l-Artikolu 1 tal-Ftehim Rivedut tal-1958 u l-Artikolu 6 tal-Ftehim Parallel, il-Forum Dinji għall-Armonizzazzjoni tar-Regolamenti tal-Vetturi tan-NU/KEE (id-WP.29 tan-NU/KEE) jista’ jadotta proposti għal modifiki tar-Regolamenti tan-NU, tar-Regolamenti Tekniċi Globali tan-NU (GTRs tan-NU) u tar-Riżoluzzjonijiet tan-NU, kif ukoll proposti għal Regolamenti tan-NU, għal Regolamenti Tekniċi Globali tan-NU u għal Riżoluzzjonijiet tan-NU li jikkonċernaw l-approvazzjoni tal-vetturi. Barra minn hekk, skont dawk id-dispożizzjonijiet, id-WP.29 tan-NU/KEE jista’ jadotta proposti għal awtorizzazzjonijiet biex jiġu żviluppati emendi għall-GTRs tan-NU jew biex jiġu żviluppati GTRs ġodda tan-NU, u jista’ jadotta proposti għall-estensjoni tal-mandati għall-GTRs tan-NU.

(5)

Id-WP.29 tan-NU/KEE, matul il-184 sessjoni tal-Forum Dinji li ser issir bejn it-22 u l-24 ta’ Ġunju 2021, jista’ jadotta l-proposti għal modifiki tar-Regolamenti tan-NU Nri 13, 13-H, 24, 30, 41, 49, 79, 83, 95, 101, 124, 129, 134, 137 u 157, u l-proposti għal modifiki tar-Regolamenti Tekniċi Globali Nri 4 u 9.

(6)

Huwa xieraq li tiġi stabbilita l-pożizzjoni li għandha tittieħed f’isem l-Unjoni fid-WP.29 tan-NU/KEE fir-rigward tal-adozzjoni ta’ dawk il-proposti, billi r-Regolamenti tan-NU ser ikunu vinkolanti għall-Unjoni u, flimkien mal-GTRs tan-NU, jistgħu jinfluwenzaw b’mod deċiżiv il-kontenut tal-liġi tal-Unjoni fil-qasam tal-approvazzjoni tat-tip tal-vetturi.

(7)

Fid-dawl tal-esperjenza u tal-iżviluppi tekniċi, jeħtieġ li jiġu adattati r-rekwiżiti relatati ma’ ċerti elementi jew karatteristiċi koperti bir-Regolamenti tan-NU Nri 13, 13-H, 24, 30, 41, 49, 79, 83, 95, 101, 124, 129, 134, 137 u 157, jeħtieġ li jiġu emendati, kkoreġuti jew issupplimentati.

(8)

Barra minn hekk, ċerti dispożizzjonijiet fil-GTRs Nri 4 u 9 tan-NU jeħtieġ li jiġu emendati,

(1)

Il-linji gwida li jinsabu fl-Arranġament dwar il-Krediti ta’ Esportazzjoni Uffiċjalment Appoġġati (l-“Arranġament”) żviluppati fil-qafas tal-Organizzazzjoni għall-Kooperazzjoni u l-Iżvilupp Ekonomiċi (OECD, Organisation for Economic Co-operation and Development) japplikaw fl-Unjoni permezz tar-Regolament (UE) Nru 1233/2011 tal-Parlament Ewropew u tal-Kunsill (1).

(2)

Il-Parteċipanti fl-Arranġament huma: l-Awstralja, il-Kanada, l-Unjoni Ewropea, il-Ġappun, il-Korea, in-New Zealand, in-Norveġja, l-Iżvizzera, it-Turkija u l-Istati Uniti.

(3)

Il-Ftehim Settorjali dwar il-Krediti ta’ Esportazzjoni għall-Inġenji tal-Ajru Ċivili (il-“FSIA”) jinsab fl-Anness III tal-Arranġament u jifforma parti integrali mill-Arranġament. Għalhekk, il-FSIA japplika wkoll fl-Unjoni permezz tar-Regolament (UE) Nru 1233/2011.

(4)

Il-Parteċipanti fil-FSIA huma l-Awstralja, il-Brażil, il-Kanada, l-Unjoni Ewropea, il-Ġappun, il-Korea, in-New Zealand, in-Norveġja, l-Iżvizzera u l-Istati Uniti.

(5)

L-Arranġament, inkluż il-FSIA, jipprovdi qafas għall-użu ordnat u trasparenti ta’ krediti ta’ esportazzjoni uffiċjalment appoġġati fl-oqsma ta’ applikazzjoni rispettivi tagħhom. Huwa mmirat li jikkultiva kundizzjonijiet ekwi għal krediti ta’ esportazzjoni uffiċjalment appoġġati, sabiex jinkoraġġixxi l-kompetizzjoni fost l-esportaturi fuq il-bażi tal-kwalità u l-prezz tal-prodotti u s-servizzi esportati pjuttost milli fuq dik ta’ termini u kundizzjonijiet finanzjarji uffiċjalment appoġġati li jkunu l-aktar favorevoli.

(6)

Ir-Renju Unit tal-Gran Brittanja u l-Irlanda ta’ Fuq (ir-“Renju Unit”) ħareġ mill-Unjoni b’effett mill-1 ta’ Frar 2020 (2).

(7)

F’konformità mal-Artikolu 3 tal-Arranġament, Membri tal-OECD li mhumiex Parteċipanti fl-Arranġament kif ukoll dawk li mhumiex membri tal-OECD jistgħu jiġu mistiedna mill-Parteċipanti attwali biex isiru Parteċipanti. Min mhuwiex Parteċipant fil-FSIA jista’ jsir Parteċipant fih skont il-proċeduri stabbiliti fl-Appendiċi I tal-FSIA.

(8)

F’ittra tat-28 ta’ Jannar 2021, ir-Renju Unit talab li l-Parteċipanti fl-Arranġament u l-Parteċipanti fil-FSIA jaqblu li huwa jsir Parteċipant fl-Arranġament u Parteċipant fil-FSIA, rispettivament. Il-Parteċipanti fl-Arranġament u l-Parteċipanti fil-FSIA għandhom jiddeċiedu permezz ta’ proċedura bil-miktub dwar dawk it-talbiet.

(9)

Huwa xieraq li tiġi stabbilita l-pożizzjoni li għandha tittieħed f’isem l-Unjoni dwar id-deċiżjoni li trid tiġi adottata mill-Parteċipanti fl-Arranġament, kif ukoll il-pożizzjoni li għandha tittieħed f’isem l-Unjoni dwar id-deċiżjoni li trid tiġi adottata mill-Parteċipanti fil-FSIA, peress li ż-żewġ deċiżjonijiet previsti se jkunu vinkolanti għall-Unjoni bis-saħħa tal-Artikolu 2 tar-Regolament (UE) Nru 1233/2011,

(1)

L-Artikoli 10a(5), 10a(5a) u 10a(8) tad-Direttiva 2003/87/KE tal-Parlament Ewropew u tal-Kunsill (2) jipprevedu ammont annwali massimu ta’ kwoti li jikkostitwixxu l-bażi għall-kalkolu tal-kwoti allokati bla ħlas għall-installazzjonijiet li mhumiex koperti mill-Artikolu 10a(3) ta’ din id-Direttiva.

(2)

L-ammont massimu ta’ allokazzjoni bla ħlas ta’ kwoti previst fl-Artikolu 10a(5) tad-Direttiva 2003/87/KE nieqes l-ammont imsemmi fl-Artikolu 10a(8) u filwaqt li jittieħed inkonsiderazzjoni l-ammont addizzjonali disponibbli, fejn meħtieġ, stabbilit bl-Artikolu 10a(5a) ta’ din id-Direttiva, jenħtieġ li ma jinqabiżx sabiex jiġi rispettat is-sehem tal-irkantar stabbilit fl-Artikolu 10 tad-Direttiva 2003/87/KE. Sabiex ikun żgurat li l-ammont annwali massimu ta’ kwoti ma jinqabiżx, jenħtieġ li jiġi applikat fattur ta’ korrezzjoni transsettorjali, jekk ikun meħtieġ, u dan inaqqas b’mod uniformi l-għadd ta’ kwoti bla ħlas għal kull installazzjoni eliġibbli għall-allokazzjoni bla ħlas.

(3)

Skont l-Artikolu 14(6) tar-Regolament Delegat (UE) 2019/331, il-Kummissjoni għandha tiddetermina l-fattur ta’ korrezzjoni transettorjali għal kull sena matul il-perjodu ta’ allokazzjoni rilevanti ladarba l-ammonti annwali preliminari ta’ allokazzjonijiet bla ħlas għal dak il-perjodu jiġu nnotifikati.

(4)

Jenħtieġ li l-fattur ta’ korrezzjoni transettorjali applikabbli kull sena tal-perjodu ta’ allokazzjoni mill-2021 sal-2025 għall-installazzjonijiet li mhumiex identifikati bħala ġeneraturi tal-elettriku u li ma daħlux ġodda fis-suq ikunu determinati abbażi tal-ammont annwali preliminari tal-kwoti tal-emissjonijiet allokati bla ħlas matul il-perjodu ta’ allokazzjoni, mingħajr ma jiġu inklużi il-kwoti bla ħlas allokati għall-installazzjonijiet li huma esklużi mill-Istati Membri mis-sistema għall-iskambju ta’ kwoti tal-emissjonijiet fi ħdan l-Unjoni (UE ETS), f’konformità mal-Artikolu 27 jew 27a tad-Direttiva 2003/87/KE u inklużi l-kwoti bla ħlas allokati għall-installazzjonijiet li huma inklużi mill-Istati Membri f’konformità mal-Artikolu 24 ta’ dik id-Direttiva.

(5)

Għall-2021, il-kwantità ta’ kwoti madwar l-Unjoni msemmija fl-Artikolu 9 tad-Direttiva 2003/87/KE tammonta għal 1 571 583 007, kif stabbilita fl-Artikolu 1 tad-Deċiżjoni tal-Kummissjoni (UE) 2020/1722 (3). F’konformità mal-Artikolu 10(1), l-ewwel u t-tieni subparagrafi tad-Direttiva 2003/87/KE, l-ammont (annwali) massimu previst fl-Artikolu 10a(5) ġie kkalkulat bħala 43 % ta’ 1 571 583 007, li huwa 675 780 693. Minn dan l-ammont ta’ 675 780 693, jenħtieġ li jitnaqqsu 32 500 000 kwota kull sena f’konformità mal-Artikolu 10a(8) tad-Direttiva 2003/87/KE, li jwasslu għal ammont massimu ta’ 643 280 693 għall-2021. Skont l-Artikolu 10a(5a) tad-Direttiva 2003/87/KE, ammont addizzjonali sa 3 % tal-kwantità totali ta’ kwoti li jammontaw għal 413 420 157 fuq il-perjodu ta’ għaxar snin mill-2021 sal-2030, se jintuża biex jiżdied l-ammont massimu disponibbli jekk l-ammonti annwali preliminari ta’ kwoti bla ħlas għal kull installazzjoni kif ppreżentata mill-Istati Membri u l-Istati taż-ŻEE–EFTA, bl-applikazzjoni tal-fattur rilevanti ddeterminat fl-Anness V tar-Regolament Delegat (UE) 2019/331, qabeż il-kwantità massima msemmija fl-Artikolu 10a(5) tad-Direttiva. Madankollu, dan tal-aħħar ma kienx il-każ. Għaldaqstant jenħtieġ li l-fattur ta’ korrezzjoni transettorjali annwali jkun ta’ 100 %.

(6)

Jenħtieġ li kwalunkwe kwota mhux użata mill-ammonti massimi fis-sena 2021 jkunu disponibbli fis-sena ta’ wara, jiġifieri fl-2022. Jenħtieġ li dik il-loġika tkompli tapplika għas-snin ta’ wara matul il-perjodu ta’ allokazzjoni mill-2021 sal-2025 imsemmija fl-Artikolu 2, il-punt 15 tar-Regolament Delegat (UE) 2019/331.

(7)

L-ammonti massimi previsti fl-Artikolu 10a(5), 10a(5a) u 10a(8) tad-Direttiva 2003/87/KE, ir-regoli tal-allokazzjoni armonizzata u l-fattur ta’ korrezzjoni transettorjali għandhom japplikaw fl-Istati taż-ŻEE–EFTA (4). Għalhekk jeħtieġ li jitqiesu l-ammonti annwali preliminari tal-kwoti tal-emissjonijiet li għandhom jiġu allokati bla ħlas fil-perjodu mill-2021 sal-2025, abbażi tad-data aċċettata mill-Awtorità ta’ Sorveljanza tal-EFTA fir-rigward tal-Iżlanda, tal-Liechtenstein u tan-Norveġja. Il-kalkoli msemmija fil-premessa (5) jirriflettu din il-ħtieġa,

(1)

Il-mandati ta’ tlieta u għoxrin Imħallef tal-Qorti Ġenerali skadew fil-31 ta’ Awwissu 2019.

(2)

F’dan il-kuntest, is-Sinjura Maja BRKAN ġiet proposta għall-kariga ta’ Mħallef tal-Qorti Ġenerali.

(3)

Il-kumitat stabbilit permezz tal-Artikolu 255 tat-Trattat dwar il-Funzjonament tal-Unjoni Ewropea ta opinjoni favorevoli dwar l-idoneità ta’ din il-kandidata għall-qadi tal-funzjonijiet ta’ Mħallef tal-Qorti Ġenerali.

(4)

Jenħtieġ li s-Sinjura Maja BRKAN tinħatar għall-perijodu mid-data tad-dħul fis-seħħ ta’ din id-Deċiżjoni sal-31 ta’ Awwissu 2025,